انتقل الى رحمة الله الشاعر / كليب بن صالح الهزيمي

رحمة الله واسكنه فسيح جناته اللهم اجعل قبره روضة من رياض الجنه وجازه بالاحسان احسانا
وبالسيئة عفواُ وغفرانا

وسامحوه وبايحوه وادعو له بالرحمه

رحم الله الشاعر كليب بن صالح الهزيمي وأسكنه فسيح جنّاته وإنا لله وإنا إليه راجعون 0
هذا الشاعر رحمه الله من أجزل الشعراء وإسرعهم بديهة فقد عرفته من خلال زياراته لي وكنت أسجّل منه أشرطة حيث أنه حافظ ومن ذكرياته قصيدة مساجله بيني وبينه ضمنتها كتابي ديوان الوائلي منها قولي :

يـا راكـب هـافٍ يبـوج العـبـاعـيـب *** هـاف عـليـه مـن الشغـاميم سـواق
عـابـيه للقاع الـدعـث والشناخيـب *** لـو لـه جـنـاح لخافـق الطيـر لحـاق
يا بعـد مشواره إلـى سابـق الجيـب *** للجيـب واللـوري إلـى سـار سبّـاق
يـمـد مـن وادي حـنـيـفـة تـغـاريـب *** بخـط القصيـم وثـم للشـرق ينساق
وإلى وطأ الباطـن توجـه مع البيـب *** يـمـر رفـحـا ويـنتـظـر قـدر دوراق
من طلعة أعيوج لأبا القور تصويب *** لطريف لازم يوصله بعـد الأشراق
مـنـدوب مـني يـوصـل الخـط لكليب *** وصـل لأبـو حامد تحيات وأشـواق

والقصيدة طويله

ومن قصيدة الشاعر كليب الجوابية ما يلي :

حي الجـواب الـلي لفـاني وترحيـب *** أعـداد ما داج البشر بين الأسـواق
مـن قـول ابـن عـبـار ملفـاه لكليـب *** وأنـا عـلى قـولـه مع الـود مشتـاق
ألـذ وأحـلا مـن لـبـن شمـخ الـنيـب *** لا جن من المرتع عريضات الأشداق
وضّـح بـيـان بـنـود كـل الأسالـيـب *** عرفت مضمونه وأنا أعطيه ميثاق
جانا مع اللي ما دخل شغل توضيب *** مثل الطلق لأقبل على خطو مفتاق
قـلـت أحـرفـه لا يـبـردن الـدواليـب *** غـيـر الـمهـّيـل مـا تـريّـق ولا ذاق
ركز مسيرك حروة سهيل تصويـب *** أسرع من اللي باشقرالريش خفاق
رده لعـبـدالـلـه وخـذ لـه مـكـاتـيـب *** ما عـندي الا اللي مسجل بالأوراق
مقبول عذرك يا عـريب المجاذيـب *** أرسل ونرسل لك من الشعـر مالاق
يفداك مـن يقـدم عـلى كلمة العيـب *** خـبـلٍ يكـيـّت لـو تـدوحـه بمرشـاق
من دور نوح ودورهارون وشعيب *** عـشنـا جميع وكـلـنـا خـلـق خـلاق
جانا الشريط اللي به العذر لي جيب *** قـرايضه تغلغـلن وسـط الأعـمـاق
مـن فـاهـم لـفـظـه يسمى مـواهيـب *** يطرب لهن قلب المولع إلى أشتاق
قاضي حكيم أملاه يبري الأصاويـب *** توفـرت بـه فايـق الفـهـم وأخـلاق
المدح بالأجواد هـو مسهـم الطيـب *** لو غرس قلبك مع دقيقات الأعناق
وجهـتهـا يـمي وأنـا خـالي الجـيـب *** أنشـد ويعـطيـك الخبـر كـل صّـداق
من شبتي حتى غشا وجهي الشيب *** ما خاوي اللي ما يتسنع ولا يساق