يالوايلي كفيت والله ووفيت = انشهد انك من صورايم الاحرار

ومن لا يعزك من سلاسلة سرابيت = لا لا يهمك كل مغرض وثرثار

اللي على مجدك يبي يبني الصيت = مثل اللذي في راسه يصادم جدار

ما همّنا يالوايلي هالعفااااريت = العرف مايشرى بدرهم ودينار

انت الاديب بعلم الانساب عديت = جدودنا من قبل كسرى وذي قار
لا شك ماقصرت يالقرم واقديت = من قبل ذلك انت بالشعر بيطار

كل عنزي يغليك ياااطيب الصيت = من فضل وال الكون في كل الاقطار

قلته المشاااعر يالصنافي بكم بيت = والا انت يكفي بالفخر ابن عبار

ومن لا يعزك من سلالة سرابيت
لا لا يهمك كل مغـرض وثرثـار

كل عنزي يغليك ياااطيب الصيـت
من فضل وال الكون في كل الاقطار
.
.
.
.
ودمت بخيــــــــــــــــــــر اخوك ثامر الدهمشي

كفيت وفيت يابن عبار والله اني احبك فالله ولا احد عطى عنزة حقها الا انت ويعطيك العافية ويجعلها في موازين حسناتك ولا يهمك اقوال الحاقدين حفظك الله....

مع الشكر الجزيل لجميع الأخوة الذين تفاعلوا مع أبيات أخينا النداوي ومع جزيل الشكر والعرفان له يسرني أن أرد في عجالة والمعذرة من القصور
هلا هلابك يالنداوي وحييت *** اعداد مـا تنبت عـلى القـاع الأزهـار
مشكور يامن للسرابيت سبيت *** عسى يجيهم يا أبـن الأجـواد دمـار
وأنا باللي شرواك دوم استعزيت *** ولا الردي كوبان مالـه استعبار
مـدحتني بالـلي لعنـاز سـويـت *** ربعي وأنا منهم هل الفعل والكار
والمنطق اللي يالنداوي له أوحيت *** أهل الحسد بقلوبهم شبّت النار
هذا يقول أني توهمت وأخطيت *** وهذا بـدأ يصنع هـذاريـم مكـار
وهذا عليه صار يالقرم عفـريـت ***دود وغداله يا أبن الأجواد منقار
وأن صاروا أصحاب الرذيله شواميت ***جميع منصف صار شرواك شكّار
واللي يولع شعلة النار بالزيت *** هذاك منطوقه على همش الأخبار

شكرا اخينا النداوي . بن عبار له حق على كل افراد قبائل عنزه وربيعه عامه

وجهود بن عبار . لاينكرها الاحرارالذين يبحثون عن الحقيقه ولاتحكمهم الاهواء

والمحاباه والسير في طريق الخرافات والاحجيات..

اولاً اشكر جميع الاخوان وكلن باسمه
وصحت ابدانكم

ثانياً : كل الشكر يابو مشعل على هذا الرد اللذي اعتز به وصح لسانك

والى الامام والله يرعاك ويحفظك برعايته وحفظه

والمعذره على الاخطاء الاملائيه لان المنتدى لا يسمح بالتعديل

على ماعتقد انه مايسمح لاني بحثت عن التعديل ولم اجده


وكرر شكري وتقديري للجميع

كل عنزي يغليك ياااطيب الصيـت
من فضل وال الكون في كل الاقطار

عزالله اننا نحب ابو مشعل ونعتز به

صح لسانك يالنداوي ولسان ابو مشعل على الرد الجميل.

اخوكم

ابوسامي (الغريب)