( بعد صنعا عن طريف )

ياحيف يابعض،،الرجـاجـيل ياحـيـف = يا الاســف مبلي بجـين ،، الـرجـولـه
عـنـه المراجل بعد صنعا عن طريف = وسـلم العـرب لو مات ماهـوب حـولـه
رجـولـته خــدعـه وبـدعـه وتـزييف = ولا ينفرق عـن زول بـشـرى وخـولـه
لاحاشمً جاره ،،،،،،ولامكـرمً ضـيف = وعلى النقايص،،،،دوم نفـسه عجوله
لا شيمةً ، تذكـر،،،ولا يرفع الحـيف = ونفسه من اللي فيه،،،ماهي خجـولـه
كـذاب ومنافق ورافـق ،،،،،ملاقيـف = ودايم عـلى النمات يشعـب،،،،ذلـولـه
عـلى الحسد كل يوم خـيلـه مـراديف = وله في مجال الكذب صولـه وجـولـه
تعجز عن اوصافه جمـيع التواصيف = خاسـي ولايسوّى ،،، مواطي نعـولـه
كل شـي واضح دون شـرحً وتعريف = فـرق الرخـامه عـن محـيـط البطـولـه
ويا ليـت دنيـانـا تجـينـا عـلى الكـيف = كان الفـتى يخـتـار وزنــه,, وطـولــه
ياحيف يابعض،،الرجـاجـيل ياحـيـف = سـلم العـرب : لو مات ماهـوب حـوله

محمد بن سوعان الربيّع

صح لسانك يا أخ محمد هذا الوصف مع الأسف ينطبق على بعض الرجال حيث كان الأجيال القدامى عندما يتصف الرجل بصفات ذميمه يحتقرونه ويجهرون باحتقاره دون مجاملة حيث تجد من يطرده من المجلس وتجد من يدفق فنجاله ولا يجد من يهتم به أو يقدره أما الآن فأن هذه الأمور الرادعة انتهت وصار يطبّق قول رميح الخمشي حين قال :
عـساك يا دارٍ بـك الكـبـر والفـيـس *** يـجـيـك مـا جـاء ديـرة للجـبـاري
إلى قوله :
يفهق بها الطيّب ويقلط بها الهيس *** ويحشم بها النمام غادي القطاري
وهكذا كل زمان له رجال

لاهنت يابو مشعل يسعدني متابعتك
وهذا واقع للاسف معاش
تحياتي لك ووافر تقديري