لياجيت اسوي قصيد احس فيه اختـــلآل
,,,,,,,,,,,,,,مـآفيـه شــيِ عليـه إسند مدح إو هوأ

وإلذم عيب وحرآم وفيـه جيـم وســؤآل
,,,,,,,,,,,,,,وآلـنصح مآينسمع له مصحفٍ ونطوأ

وقــفت محتار ماليه شــبوح ومــجآل
,,,,,,,,,,,,,,متـخالطـات الـذيابه والثعـالب ســوإ

تمدح ارجالٍ على شان المناصب ومال
,,,,,,,,,,,,,,وتحذف ارجال المواقف مثل حذف النوا

والطيب والعرف والهيبه بخشم الريآل
,,,,,,,,,,,,,,واقـليل المال ذيـبن عـنـد شاوي عوا

نشوف ونسمع ولأندري حلومٍ او خيآل
,,,,,,,,,,,,,,السيل يجري وراع المضميه مارتوا




الشاعر/ مفضي بن ناصر بن حيلان البديوني العنزي < تاج راسي

صح لسانك وبارك الله فيك

( إذا كان الشيء بالشيء يذكر )

تفاعلاً مع قصيدة الشاعر الزميل مفضي بن حيلان هذا مقطع من قصيدة
قديمة تبلغ مائة وخمسة أبيات قلتها في الحث على الأتكال على الله وعـزة
النفس وهي تعبّر عن نفسها :
يا مستمع قولي عسى الـرب ياقـاك ** خذ من صمال الهرج صافي ذبيلـه
أسمع كلام اللي عـلى الخير وصاك ** قـولـه يحـثـك للشرف والفـضـيـلـه
يـرشـدك لـدروب المكـارم ويـنهـاك ** عـن الـدنس والـعـايـزة والـرذيـلـه
يالـلي حطـام المـال عـذبك واشقـاك ** تركض وراه وكل صوب اتعدي له
دايـم عـلى البـلغـة تـراقـل مطـايـاك ** تسـري وتجـري مـا يـوني ذميـلـه
تسعـا تبي تملأ من السحت مخبـاك ** ومن هان نفسه ما يحوش النفيلـه
المرزق اللي مصدره سحت مغـناك ** مثـل السراب الـلي بعـينك تخـيـلـه
وش الـذي يـا نسـل الأجـواد خـّلاك ** تجهـد عـلى غـربـال مكـرم نـزيلـه
يدفعك خطوالأجودي خوف من فاك ** ويغريك تبحث بالعـرب عـن مثيلـه
ارفع عن الهـزلات قصدك ومعـناك ** لا خـيـر فـي رجـلٍ تسّـول ابـقـيـلـه
لا تجعـل الحـيـلات منهـج ومسـلاك ** مقسوم رزقـك مـا تحوشه بحـيـلـه
احفظ شرفك وعزتك واقصراخطاك ** عـن العـلـوم الـلي تعـقـب خجـيـلـه
وكانه نضب قطر الندى من محيّاك ** مـن لا حفـظ كرامتـه وش بـقي لـه
أوصيك لا تـدعس كـرامتـك بحـذاك ** بـيع الشرف لأجل التكسب فشيـلـه
عـليـك بالعــفـه عسى المـال يفـداك ** لا تجعـل اسلوب الحرا لـك وسيلـه
لا تجلب الشيمه ترى الناس تشناك ** خـل العـواري مـا تـفـيـد الـنحـيـلـه
حـافـظ عـلى منهـاج جـدك ومبـداك ** ياللي مـن شخوص الحمايل سليله
أن خاب فعلـك زال مجدك وعـليـاك ** لو انت نسل اهل السيوف الصقيله
ما كل ملبس ياابيض الوجه يزهاك ** الـحـر ثـوب العـار مـا يستـوي لـه
الحيـف مـا يـرهـم لمثلـك وشـرواك ** أرفـع مـقـامـك للـهـداف الـنـبـيـلـه
يمنعـك عـن ذل الحرا طيب مجنـاك ** وترفعـك عـادات الجـدود الأصيـلـه
لا يـنحـني راسـك بتـدنـيـق عـلبـاك ** غـيـر الـولي مـولاك لا تـنحـني لـه
أكبح جماح النفس لا تخـلف اريـاك ** لـوكـان ما تمـلـك مـن المـد كـيـلـه
أقـنع وعـز النفس لـو عـن دنـايـاك ** والـرزق خـلاق الخـلائـق كـفـيـلـه
لا تـحـتـمـل مـعـروف هــذا ولا ذاك ** لـو قــل مـالـك والـمـوارد قـلـيــلـه
من قال هات لكـل مـن قـال له هـاك ** يـصبـر عـلى المنـة ونفسه ذلـيلـه
وأن التزمـت وجايـر الوقـت وازاك ** وجرت عـليك من السحايل سحيلـه
أصبـر ولـو جـار الـزمـان وتحـداك ** مـا يـقـنـط الـمسـلـم وربـه وكـيـلـه
اعنـزعلى اللي بالبحرقات الأسماك ** والطير قاتـه مـن خشاش الخميلـه
لا تشتحن والـرزق بـيـديـن مـولاك ** رزقـك عـلى مغيث البـلاد المحيلـة
الـرازق الـوهـاب مـن مده اعـطـاك ** رب الملأ معـطي العـطايا الجـزيلـه
مـا هـو لبـابـه دون ناصيـه صكـاك ** فضلـه عـمـيـم ولا يـديـنـه بـخيـلـه
أرفـع لربـك سامك العـرش شكواك ** مـا ينفـع المخـلـوق لـو تشتكي لـه
رب الـعـبـاد لـعـقـد الأبـلاش فـكـّاك ** مـاهـي عـليـه المعـضله مستحيلـه
ما دام ربـك سامك العـرش عـافـاك ** اسلك طريـق الرزق واسع بسبيلـه
وأن كـان مـا تقتـات من كـد يمنـاك ** النـاس مـالـك مـن وراهـم حصيلـه
مـا يشبع الجـايع لحاويس واحكـاك ** ولا يـروي الظـامي حثـال الثميـلـه
الـرس نـبـعـه مـا يــورد ظـمــايـاك ** مـن يـارده مـا اظـن يـمـلأ صميلـه
والحسو مهما جم بالقيـظ ما ارواك ** يـغــور جــمـه لا يـغــرك نـضـيـلـه
أوصيـك لا تـغـتـر بـسحـوت دنـيـاك ** قـارون زال وزال مـلـكـه وجـيـلـه

صح لسانك ابو مشعل قصيدة مشجعه على الشمم والعنفوان
والصبر وعزة النفس والاتكال على الله
شكرا على ايراد قصيدة الاخ الشاعر مفضي والتي حركت مشاعر ابومشعل واعادة القصيده الذهبيه التي تعتبر قاموس لمن يتكل على الله

صح ابدانكم


وصح السسسانك مليـــون ابو مشعل

قصيده في قمة الابداع وروع ـــه


ويعطيكم العافيه على توإجدكم جميعٍ على صفحاتي المتواضعه

ولأ حرمنا الله من توإجدكم بين صفحاتي


ولكم كل احترامي وتقديري

ممدوح مفضي البديوني

يعيك العافيه
على الموضوع
مع تحياتي
ابـــــن الـــــمرتعـــ

ـد

صح لسانك ونعم