يالجرهدي حالتي في حـال**وشرايـك نغـادر الديـره
كل دار لنـا بهـا منـزال**الـرأي ياطيـب السيـره
نأخذ يمين ٍ من أم عـوال**والنفـس متحيـره حيـره
يابو مشـاري أنـا مهتـال**القلـب كثـرة تفاكـيـره
ذكرت وقت ٍ مضى بالبـال**والوقـت بانـت مساميـره
العبد مقسـوم لـه مانـال**ماينفعـه حـرص تدبيـره
والبال عندي مشغول اشغال**ابدي لنـا الشـور تنويـره
ابعث لنا رأيـك بمرسـال**مـادار بالفكـر تصويـره
مـع البـدو ودنـا مهثـال**بالبـر بـآخـر نــواوره
تذكر لنـا ديـرة ٍ مدهـال**للغـرب وجهـة مسافيـره
ديرة بـدو طيبيـن الفـال**على النقاء مابهـم طيـره
بدو ٍعلـى سلمهـا رحـال**بيت الشعر مـع مظاهيـره
رجالهـم بالـزم رجــال**ماعبـس الوجـه تكشيـره
وعند الولي حلهـا حـلال**مشوارنـا قـدر تعمـيـره
من طريف ننزل يمين شمال**وتبـل نبـتـل محافـيـره
العشب بالعقـم يذكرطـال**كل يوم يزداد فـي خيـره
ديرة قفروالنفـل بـه مـال**يجذبك من بعـد تخضيـره
حضر لنا الدلـه ومنقـال**على الحطب زيـن تفويـره
والهيـل والبـن والمهيـال**مع تمرة الجوف تحضيـره
والرز والخبز فـي مثفـال**والصيـد قدامنـا طـيـره

صح لسانك وقل نقلتنا إلى العالم الأول ولكن يقول عبدالله السلوم العنقري رحمه الله :

باقي من الذكرى رسوم للأطلال *** هوج الرياح العاتية ما محتها
وأظنها تبقى عـلى م،ر الأجـيـال *** تخبرك عن قـدرت يدين بـنـته

كلمة البدو وضعت بالرّف والحل والترحال والتمشي بالديار صار أماني شكراً لك

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

صح لسانك وقل نقلتنا إلى العالم الأول ولكن يقول عبدالله السلوم العنقري رحمه الله : باقي من الذكرى رسوم للأطلال *** هوج الرياح العاتية ما محتها وأظنها تبقى عـلى م،ر الأجـيـال *** تخبرك عن قـدرت يدين بـنـته كلمة البدو وضعت بالرّف والحل والترحال والتمشي بالديار صار أماني شكراً لك

بكل فخر واعتزاز مرورك أبو مشعل شرفني وهو مثابة وسام اعتز به