قصيدة المطارفه.

مبداي بسم الله رب السموات
الي خلقنا من وجود العدامي

وعلم رسوله الزكاه وصلوات
والحج الى بيته وشهر الصيامي

ومن بعد ذكره ابتدي نظم الابيات
مشاركه مع القرايب إسهامي

حفل اهل العشواء ابعاد المناهات
تاريخهم يشهد ولابه كلامي

يوم النفيشي صاح والخيل غارات
ردوا هلا العشواء جميع الخصامي

عند النفيشي صار للسيف صرخات
وقت الضحى مثل الدجا بالضلامي

افعالهم شاهد لهم بالسجلات
تاريخهم بالمجد راس السنامي

اهل الكرم والراي عند المهمات
في ساعة بها الشهب الملح حامي

حموا اشاه الجار يوم العسيرات
ونالوا على رمز الشجاعه وسامي

تاريخهم ناصع بكسب البطولات
دخيلهم من بينهم ما يضامي

اسم السحالي يوم عصر القضاوات
الياهقا بالعرف صاب المرامي

شيخ وحلحيل يحل الصعيبات
واليا حكم للناس تمشي الزامي

الخيل تشهد والعذارى العفيفات
وكل القبايل تعرفه بالحكامي

تضربه الامثال في سابق فات
في القضا معروف شرق وشامي

يشهد على فعله بعيد المسافات
حلال صعب المبهمات العظامي

يحل بين الناس بالعرف قالات
لو مادرس ربه عطاه الهامي

له هقوة ما اخطت تصيب البعيدات
بالحرب والأ في نهار السلامي

ينصونه من الناس من يبي قضوات
بحكم القبايل مرجعن بالنظامي

العلم ثابت مادخل بالدعايات
واذا حكم ينفذ قراره الزامي

الناس تذكر سيرته فايت فات
وعقبه ارجال بالمواجب اكرامي

الله يجمل من يحب الجمالات
ويرفع مقام الطيبين الحشامي

الشعر له حزه وللطيب حزات
وكل القبايل لها جل احترامي

شيوخ عنزه هم ضلنا كل الاقوات
نفخر بطاريهم كبار المقامي

عيال وايل من عصور قديمات
هم درعنا في الرخاء والصدامي

اهل العلوم الطيبه والجزيلات
دايم على كسب المراجل همامي

ويلان من ويلان ساس المروات
من فعلهم تشبع طيور الحوامي

اهل الفخر والمجد يوم القوامات
دخيلهم يرقد بأمان وينامي

قلته وانا من لابة لها صولات
عوق الخصيم وللقرايب تحامي

مضيان تعرف يوم للغزو رايات
عدوهم عينه تعاف المنامي

وختامها مني كثير الصلوات
على النبي المبعوث سيد الأنامي.

نهير بن رخيص .

صح لسانك يا راعي الصبحا وأهل العشوى يستاهلون المدح والثناء احسنت وشكراّ على نشر هذه القصيدة التي تعبّر عن مآثر قبيلة المطارفة أهل الشويهات

صح بدنك ابو مشعل كل إشاده منك تشجعني الى الامام
الف شكر لك على المرور.