اجلس الحالك واعتزل عند منزلك
بعض المجالس أتركه ﻻتجيله

خطوات دحش بالمجالس يمللك
غشيم عرف وﻻيتفاهم هبيله

ﻻهو فهيم بالسوالف يبادلك
اما يجي بالرأي واﻻ تجيله

خبل يحسب انه بزمره مذللك
ويبحث في الزﻻت عن كل عيله

لو قلت لك قصه نقضها وزللك
والهرج يعرف بالحن من دليله

الصبر ينفذ لو كبيرا تحملك
والبعد طب للقلوب الغليله

بعض البشر وده بورطه يدخلك
لو هو ضحكلك وابتسم من حليله

في عصرنا المذموم ناس تهولك
يخلون لك من القبيحه جميله

ناس تصنع لك وناس تضللك
وعند اللزم كلن يبور بعميله

اليابخنت الناس ناس تجفلك
المعرفه ودك معاهم قليله

سود القلوب اللي تخادع اتجاملك
السن يضحك والخفايا دغيله

إن جيتهم حيوك وإن غبت تأكلك
من قام منهم مايفكه شليله

نهير رخيص.

صح الله لسانك يا أخ نهيّر وصف بليغ وحاصل ما ذكرت حقيقي ولكن الأفضل كما قلت سابقاً من قصيدة لي :

أوصيك كانك للرجاجيل سجيّت *** جنب عن الأنذال وانص المناعير
الـطـيبـيـن لـدارهـم لا تـعـنـيـت *** تلـقى الوناسه والـدلال المباهيـر
ولا الزلايب مابهم قـول حييـت *** ما يسيـرون ولا تجيهـم مساييـر
يزهاهم المجلاس مع ربة البيت *** دايم تجدهم بين هنـف الغناديـر
لاجيت مجلسهم ملهته ومـيّـت *** مجلس دنس يالقرم مجلس محاقير

صح بدنك ابو مشعل شرفني مرورك واسعدني كثير .