الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الشعر الشعبي المكتوب
الشعر الشعبي المكتوب خاص بالشعر الشعبي لقبائل ربيعه
 

إضافة رد
 
   
أدوات الموضوع انواع عرض الموضوع
 
قديم 10-01-2016, 01:26 AM   #1
عضو منتديات العبار
 
الصورة الرمزية ناجي الصقار العنزي
 
تاريخ التسجيل: Mar 2012
المشاركات: 46
افتراضي مساجلة الشاعر ناجي الصقار الشاعر عبدالله بن عبار

أسندت هذه القصيدة الى الشاعر الكبير عبدالله بن عبار ملتمساً منه العذر كوني أخطأت في
حقه وانجرفت خلف ثلة من المغرضين وشذاذ الأفق الذين يكنون له البغضاء والضغينة

وقال الشاعر ناجي الصقار

عـبـدالـلـه بن عـبار يـــا طيب الـفـال *** ما نـامت العين وخطابــك زجـرها
قـمـت اتقـلـب عن يمين وعـن شمال *** عـلّ وعسى عـيني تجافي سهرها
لكـن مقـامك عـالي وفـــوق الجـبـال *** حـرّم عـلـى عـيـني تـنـام وأمـرهـا
تسهـر ليـالي مـا تقـول السّهـر طـال *** وجسمي عـليـل اليوم لكن عـذرها
واجـب عليها لـو تدهـور بـي الحـال *** تـقـرا جـوابـك مـا يفـارق نـظـرهـا
من يوم شاعت بالخفا بعض الأقوال *** مـن زوّر الأنـسـاب والـي نـشرهـا
مـن زمـرةٍ سـارت بـدربٍ بـه وحـال *** وحـالي تـبـّدل يـوم سـرت بـأثرها
بــانت مـسـاويـهـا ولا بــــد يـنـقـال *** مـا لـوم ابـن عـبـار يـوم إحتقـرها
هــذا كــذوب وذا مـنـافـق ودجــــال *** وهذاك ساكت عن جريمه حضرها
فيهم أوايل وأشهــد ان فيهم رجـال *** ومنهـم كسب أمجـاد لكـن خسرهـا
ومنهم تـمـادى بـالـخـطـايا ولا زال *** ومنهـم وقـع بالحـفـره الي حفـرها
ماهُم بــلا ذمــه ولا فـيـهـم أنـــذال *** كـلٍ حـصـد مـن زرعـه الي بـذرهـا
ما جابهم أبليس في شـر الأعـمـال *** لـكـن غــواهُـم للـنـمـيـمه وذكـرهـا
معذور أبـن عـبار لا شـاف محتـال *** خـان الأمانـه والـحـقـيـقـه نـكـرهـا
يـهـدم قـصـورٍ شيّـدوها من رمـال *** ويفضح نوايا السوء والي ضمرها
من نـاجي الصقـار لا جـاك مرسال *** سـاعـة نـدم يزرع ويقطـف ثمرها
جيتك يابو مشعـل وبرقبتي عـقـال *** منك السموحه والقصص في عبرها
جيت أعتذر وابريك من سو الأفعال *** بعـض الفتن ما يـنـتـدارك خطرها

نقره لعرض الصورة في صفحة مستقلة
.

فيديو القصيدة




.

وقال عبدالله بن دهيمش بن عبار جواب لقصيدة الشاعر ناجي الصقار :

حي الجواب وحي من صاغ الأمثال *** حيـه عـدد رمـل الديار وشجـرهـا
مـن نـاجي الصقّـار كسّاب الأنـفـال *** يـا عـل بـقـعـا مـا يصيبه ضررهـا
لـك الـشكـر يا زاكـي الجـد والخـال *** حيثك عرفت الـلي القبيله غـدرهـا
لا تطيع الـلي هـرجه درابيك طبّـال *** شرواك تلفيـق العـلـوم ايخصرهـا
كانـه شمتني صاحب القيل والقـال *** وكـل العـلـوم الهابطـه مـا ذخرهـا
يشهد لي اللي من الـرجاجيل عقّـال *** الـلي مثـل نـدف القطاني شعـرها
قـلتـه ولا زال الحمايـل لـهـا أنجـال *** لكـن بعـضها أمجـاد جـدّه قـبـرهـا
الناس فيها عـفون وخـباث وأرزال *** وفيها حمايـل نفتخـر فـي فـخـرهـا
بالنـاس مـن يـدرك وبالنـاس جهّـال *** وأهـل الحسد ما تاجد اللي شكرهـا
النـاس يا ناجي بهـا أنـواع واشكال *** مـا عـاد نميّز شيخهـا من نـفـرهـا
وبالناس يا نـاجي سنـانيـر واثـعـال *** قـشر المبادي من عـرفها حـقـرهـا
والـلي بتحريف النسّب وهّم الضال *** وجحـد تواريخ الـرجـال اتخبـرهـا
أنساب عـنزه وضّحت عبر الأجيال *** والفعـل مـابـيـن القبـايـل شهـرهـا
عـيـال وايـل مـابـهـم شـك واجـدال *** ماهـو بخيـت الـلي يجـرّب قشرهـا
يـوم القبايـل بـيـنهـا حـرب واقـتـال *** تـشرا صداقتها ويخشى خـطـرهـا
رجالهـم هـوشه اليـا هـاش بهـبـال *** كن السكر صاب العقـول وخشرها
ياما بضنـا عـنـاز فـرسان وأبـطـال *** وأعـلام لـو عـديـتهـا مـا احصرها
أتعبت لهم الحال وأرخصت الأموال *** وانسابهم بالطرس نرسم شجرها

نقره لعرض الصورة في صفحة مستقلة
.
.

ورد الشاعر ناجي الصقار على قصيدة الشاعر الكبير عبدالله بن عبار

قال الشاعر ناجي الصقار

أبــدي بــذكر الله عـلام الأحــوال .. رب السما والأرض والي فطرها
ناديت أبو مشعل جوابه ولا طال.. بـالطيب والمعروف حـالي أسرها
وأرسلت اله من داخل القلب مرسال .. يارد بواديها وياصل حضرها
قلت السموحه خط مخطوطه وقال .. يـا نـاجي الـصقار طيبك جبرها
وفي ذمتي غايب ويطري على البال .. يكفيه شـر اللآيذات وضررها
الجـود والأمجاد وسـلوم الأبــطــال .. عبدالله بــن عـبار بـيـده سـبـرها
ونار الفتن تخشاه في كل الأحوال.. عن دار أبو مشعل وتأخذ حذرها
ما يسمع القالات لو شاف الأهوال .. من جاتــه الـقـالـه بسيفه بترها
حاز الكرامه والكرم ما بها جدال .. وسند على روس الجبال وعبرها
ماشي على دروب الصناديد رحال .. تصعب على غيره ويمشي وعرها
لا ما بكت عيني على ذيك الأطلال .. وما لـوم عيني لــو تحـدّر مطرها
ون كنت ماشي مع منافـق وطبال .. أو عُـصبةٍ تـاهـت ومعمي بـصرها
الـمـعــذره للصاحب التايـه الضّال .. مثلك مِن ذنـــوب الـقـرايـب عـذرها
والي غـوى جاهل والأعـداء جُهّــال .. أيــران قــــادتـهـم الى مـؤتــمـرها
في سوريا اعتادوا على ذبح الأطفال .. وحتى اليمن بالسيف هدوا حجرها
فيهم خذوه الروس حذوه أو نعـال .. وفيهم ورى أمريـكا ويـاكـل بعـرها
وحالي مثل حال العرب دمها سال .. لـولا الملك سـلمان مـاحـدٍ نـصرها
أهـــدي تحياتي لـه إكبار وإجـلال .. ومني ل بن عـبــار بــاقــة زهــرها
.

فيديو القصيدة



.

نقره لعرض الصورة في صفحة مستقلة

.

لمشاهدة وسماع القصائد فيديو على الرابط التالي

http://www.bnabar.com/vb/showthread....1045#post51045


الشاعر ناجي الصقار

.


التعديل الأخير تم بواسطة ناجي الصقار العنزي ; 10-01-2016 الساعة 03:16 PM
ناجي الصقار العنزي متواجد حالياً   رد مع اقتباس
قديم 10-02-2016, 08:25 PM   #2
عضو منتديات العبار
 
الصورة الرمزية ناجي الصقار العنزي
 
تاريخ التسجيل: Mar 2012
المشاركات: 46
افتراضي




لمتابعة المستجدات والردود على هذا الموضوع في ديوان عبدالله بن عبار
أضغط على الرابط التالي

http://www.bnabar.com/vb/showthread.php?p=51019


.


.
ناجي الصقار العنزي متواجد حالياً   رد مع اقتباس
إضافة رد

 
الكلمات الدلالية (Tags)
مساجلة الصقار والعبار, الشاعر عبدالله بن عبار, الشاعر ناجي الصقار
 

 
المواضيع المتشابهه
الموضوع كاتب الموضوع المنتدى مشاركات آخر مشاركة
من الشاعرناجي الصقار الى الشاعر عبدالله بن عبار العنزي ناجي الصقار العنزي الشعر الشعبي المكتوب 4 09-30-2016 08:26 PM
مساجلة بين الشاعر صالح بن ضويحي وزميله عبدالله بن عبار عبدالله بن عبار الركن الخاص بقصائد الشاعر عبدالله بن عبار العنزي 1 11-01-2015 01:32 PM
الشاعر ناجي الصقار محـتـاج من وقـتـك حـوالي دقـيـقـة ناجي الصقار العنزي الشعر الشعبي المكتوب 5 10-28-2014 04:40 PM
الى الشاعر عبدالله بن عبار عبداللطيف العنزي الأنساب العام واستفسارات الأنساب 2 05-09-2010 06:36 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 08:03 AM.


Powered by vBulletin® Version 3.8.8 Beta 3
Copyright ©2000 - 2021, Jelsoft Enterprises Ltd 
vEhdaa 1.1 by NLP ©2009