بعض القصايد حشو بالقول = ماينعرف قصد معناها
تحصيل حاصل من المحصول= ماغير بالحشو يحشاها
الشعر نقض ويجي مفتول = عن الخلل صح مبناها
بالجاه يوجه وله احلول= وكم من قضيه تبناها
في الزمن سابق ٍ مرسول = من ادنى القبيله الى اقصاها
سفيرهم بينهم منقول = والي نقل مايتناساها
في الجزاله شعر مكفول = ماقام بالحشو يدحاها
والبيت مايندبل مدبول = عن الهزيلات ينقاها
الشعر الأول يهول هول = أبياته ترمى بـ مرماها
شعار الأول بالشعر زحول= فوري من الفكري سواها
من القريحه يفول فول = مثل القلم بري يبراها
يجيب من درها المعسول = وياسهلها يوم تقراها
ماجاب شعره من المنطول = بيوت غيره توطاها
كم شاعراً يكتبه منشول= بالمنتديات جراها
بين العرب اسمه المجهول= يال العجب كيف يرضاها

صح السانك على الابداع

جزيل الشكر

صحـــــــــــــــــــــــ لســـــــأنــــــــــــــــــــــــــــــــك