من مدونات قطوف الأزهار

( قصائد لشعراء من ولد علي )

* وهذه القصيدة من شعر مهنا بن ضيف الله الخالدي من الوسامة من ولد علي ولها مناسبة قالها يثني على حمولة المطلق من اليديان رداً على أبيات قالها أحد الرجال في العصر الماضي وحصل بذلك موقعه كان ممن حضرها من الفرسان هايس الأيداء والخوة الربيلي ومسعد الخالدي :
كـان أنـت حالـم حلـوم الليل كـذابـه *** تشوف نجـوم السماء تبي تقـربهـا
عصيت بالحق وجـو للحـق طـلابـه *** ومن باق بالحق لا يأمن عـواقبهـا
من يعلن الحرب جو للحرب حرابـه *** وتبي تجرب الـلي غيـرك مجربهـا
من فوق قحصاً عليهن وأي ركابـه *** عـزوة ربـيعـة رفـيعـات مـنـاسبها
تشهد لها الفرس بذي قـار وترابـه *** يوم أن كسرى بنت النعمان يطلبها
حموا شرفهاعن الطاغوت وحزابه *** يـوم أبـن شيـبـان للميدان حـزبـهـا
يشهد لها السيف في حديه ونصابه *** والشلف تشهد لهاجرت مضاربها
وأن كان جينا لسوق الموت جلابـه *** أمـا ربـحنـا بـهـا ولا أنـت تكسبهـا
جينـا مـع الصبح بمغـيـره وهـذابـه *** عـج الرمك بالثرى يشبه سحايبهـا
وتـشابكـوا باللـقـاء شبـان وشيابـه *** والـلي خسـر ربحها يذكر سبايبهـا
لا قـاك حـضفٍ يكـض السم بنيـابـه *** وراحت بك اللي تزبن روح راكبها
وجبـنـا اذواداً تـتعـب يديـن حـلابـه *** يا زين في مرحهـا خـدمة محالبهـا
ما كـل مـن هـام للـدرب ايتهقـوابـه *** ولا كـل لحيه حماها طـول شاربهـا
ما اسبكم يالأجـواد بجـود وحـرابـه *** لاشك عـزوة ربيعـة مـن يحـاربهـا
* وهذه القصيدة قالها سعدون الخوه الربيلي الولدعي ينتخي عند جاره المليحي الجهني ويسند على سعود فيقول :
الشيخ كـانـه فـي جمـوعـه غـزانـا *** قدامـه اللي وأن رموا للهدف طاح
عنـده خبـر عـن فعـلـنـا في عـدانـا *** لا جـاء نـهـارٍ بــه نـذيـر وصـيّـاح
يـبـي يـجـرب مـرنــا مــن حــلانــا *** حلويـن للصاحـب ومـريـن للصـاح
يا سعود واللـه ما يجون اقصرانـا *** من دونهم يا سعـود نبـيع الأرواح
وش عـذرنـا يـوم المليحي نصانـا *** من دونهم غير اشهب الملح ينزاح
الـجـار والـلـه شـعـرةٍ مـن لـحـانـا *** يبقـا عـزيـز ودايـم الوقـت مـرتـاح
الا إلـيـا مـتـنــا ومـاتــت نـســانـــا *** سـوالـف يـهـرج بــهـا كـل سـراح
وله أيضاً من قصيدة :
المرجلـه يا سعـود عسـره مكـيـده *** مـا تستوي لـلي مهينيـن وعـفـون
الـمـرجـلـة تـبـغـي عـلـوم بـعـيــده *** تـبـي رجـال بـالـدرك مـا يـهـابـون
* ومن شعر معزي بن مسعود الخوه الربيلي الولدعي هذه القصيدة قالها يحث على العلوم الغانمة والمراجل فيقول :
يا الـلـه يـا خـلاق لـيـل ونـهــــاره *** الليل ظلماء وأبيض الصبح يقـفـاه
أنـك تـزهـي بـيـتـنـا بـعــتـمـــــاره *** حـتى نموت ويوصل العمـر منهـاه
عجزت من رقي الوعـر وانحـداره *** رجـم طويل وعـذب الرجـل مرقـاه
قالوا غديـت أرقبت لـك راس قـاره *** مثل الكذوب إلى ركب فوق زرقـاه
قـلـت التايـه اللي مـا تردد اخـبـاره *** حـي ومـيـّت بالـخـلا مـا احـدٍ جـاه
والـلـه عـليهـا مـا هرجـت القمـاره *** قلبي يحب الضيف وأطرب لطرياه
لا وجـهـت مـانـي بـحـال الخسـاره *** زودٍ على اللي حسب المال وأغلاه
مـا هـي حكايا الـلي يشطر اوجـاره *** يـفـرح إلـى شـاف المسيـّر تـعـداه
لا بــد مــا يــقـعــد مـقــيـم بــــداره *** مـن أخـر الـغـالـي حـري بـفـرقـاه
جـاه الكفن واللي بقش مـن اثمـاره *** العـمـل كانـه مـا كسر بأمـر دنيـاه
والـلـي هـداه الـلـه حـلـيـه أذكــاره *** كـلـن يقـول إلـى طـرى و حـلـولاه
وقال أيضاً معزي بن مسعود الخوه هذه القصيدة في معاني الرجال الطيبة
العـيـن تسهـر والخـلايـق ينـامـون *** عـمـال رمـشـي واقـف مـن بـلاهـا
لا عـاد لا غـلـه ولا هـزم بـالـنــون *** ما أدري عـلام العين تبكي شقاهـا
أكثـر شقـاهـا يـوم الأنـذال يقـفـون *** وأومـايـة لـلي أقـبـلـوا مـا حـلاهـا
قـلـط ثـلاث بوجههـم حيـن يلـفـون *** وأحمس ثـلاث ودون نجـرٍ زهاهـا
لـو تممـوا سقهـا لـزوم ايتقهـوون *** لا مـا تبـيـن وجيههم عـن صداهـا
سقها على اللي حول بيتك يحطون *** وأجـذه عن اللي يـوم حطوا تناهـا
قـام أيـتـلهـا وأهـل الكيـف يمشـون *** وقـاعـد إلـى من المقهوي ثـنـاهـا
يـا رازق الـلي بالعـلا مـا ايتـتـقـون *** وابـيـوتـهـم بـالـدرب لـلي بـغـاهـا
الصالحين اللي على الحق يمشـون *** مـا ايعاونون النفس عـلى طغـاهـا
وقـت اللـوازم عـنـدنـا مـا يغيـبـون *** جـمـيـع عـلـه سـاحـنـيـن ادواهــا
وقال معزي بن مسعود الخوه هذه القصيدة معتزاً بنفسه ويقول يجب أن يقدر الرجل ويحشم لطيب أفعاله وليس من أجل كثر ماله فيقول :
يـا عــم أفـيــدك بـالـذي زاد غــلـي *** شيمة كبير الراس من شان معزاه
قـلـط لـه الـمـركـا عـلى ركـن زلـي *** والشـور يقصر بينهـم ما سمعنـاه
وحـنـا لا قـالـوا تـالي الجيش خـلي *** نلحـق ردي الخال لـو مـا عرفنـاه
نـثـني وراء العـاقـة ونتـنـا المتـلي *** يـوم الـردي متـلاصـقـات شفـايـاه
لا جـيـت وسـط ربـاعـنـا مـا تمـلي *** سبحان من يأمرعلى النفس بهداه
الضيـف غـالي يـوم يـأتـي محـلـي *** لـو هـو قـليـل مـالـنـا مـا كـرهـنـاه
مـره بشمس ونـوب نـقعـد بضـلي *** والآدمـي يـمشي عـلـى قـد ممشـاه
الضيـف مـن عـاداتـنـا بـه انـهـلـي *** ولا يغتني راعي الحرا والمراجـاه
وأن راد ربـي هــم قـلـبـي أيــولـي *** والـلي بغـالي دبـر الـرزق وأجـراه
والـلـي طـلـبـنـا واحـدٍ مـا يـخـلـي *** هـو من هـو اللي يرزق العبد لولاه
* وهذه القصيدة قالها خلف الشطراوي من الشطران من الطريف من الوسامة من الجذالمة من المشطة من ضنا ذري من ولد علي :
أن كان تنشدني عن الربع واتسال *** ربـعي هـل المـلـحا رجـال مشاكيـل
ربعي هل الملحا اهـل كيف وادلال *** يدعـيك حس انجورهـم والمعـاميل
عـذروبهـم يزبنهـم الخايف الـذال *** وقصيرهم يحشم عن الظيـم والميل
قطعانهـم ترعى زماليـق الأسهـال *** يـرعـون نـبـت مـنـثـرات الهمـاليـل
ولا هم من اللي بدمنت الدار نزال *** مـنهـم هـل العـلـيـا بعـاد المحـاويـل
يتلـون أبـو نـواف يا طيّـب الـفـال *** ذبـاح لـلـخـطـار حــيــل مــواحـيــل
مقـدم هـل العـليـا صناديد الأبطـال *** مـروين حـد المـرهفـات المصاقيـل
ورشيد أخـو عـذرا للأحمال شيال *** شال الحمول اللي له الزمل مايشيل
يوطأعلى فرش الوزرزين الأزلال *** وعن أكبرالشيخان بالكون مايسيل
تهديد خصمه ما يحطه على البال *** ولا خـوفـه دق الـمـعـادي بتـطبـيـل
ورث مـن محمد تفاكـيـر واحـيـال *** والتـرك غشـاهـم مثـل دامس الليـل
زيزوم نمراء يـوم تقبل لها اظلال *** حـريبهـم يـرحـل إلـى جـو مقـابـيـل
خـيـالهـم يـسـوى ثـمـانيـن خـيّـال *** سقم الحريب إلى تلاقوا على الخيل

يتبع

تابع
* وهذه الأبيات من شعر علي بن عطالله العطيّل الطويلعي العنزي قالها عندما جاء من عفيف إلى ابناءه عطالله وحسين ونواف في الدمام وكانوا في اعمالهم ولما وصل إلى بيت ابنه حسين وجد الباب مردود فأقسم أنه لا يدخل البيت الا إذا جاب عمال وخلع الباب فأمتثل حسين لأمر والده وخلع الباب ولا يزال بيته دون باب مفتوح على الدوام وهو من كرماء الرجال فقال علي هذه الأبيات يسندعلى سهـاج فيقول :
سـهـاج خــل الـبـاب لا تـقــفـلـونـه *** خلـه عـلى شـان المسايير مفتـوح
يـا بـركـهـا مـا زالـهــم يـدهــلـونـه *** البيت من شان المسايير له ضوح
حيث البـدو بيـت الشعـر يـرغبونـه *** وسوالف بيـن الرجاجيل وامـزوح
وأبـذل لهم يا حسين مـا تقدرونـه *** والرزق مكتوب على صفحة اللوح
وأبـو عـلي مـا يقصر العـلم دونـه *** الـلـه يجيره من سبب كـل سامـوح
أبـي العـلـوم الـغـانـمـه تـفـعـلـونـه *** من زين ولا الشين مامنه مصلوح
يا الـلـه يـا منشي حقـايـق مـزونـه *** يا مهـلـك فـرعـون يا منـجي نـوح
أكتـب لهـم مـن كـل مـا يشتهـونـه *** وأسترعليهم من سبب كل مشفوح
وصلاة ربــي عـدد مـا يـذكـرونـه *** عـلى النبي الهاشمي خـيـر ممدوح
* الشاعـر دخيل الله بن فهيد العنزي له مقاطع من الشعر وكان عند قبيلة الحريرات من الطوالعة من ولد علي وقد جاور الرجل الكريم جهاد الحريري من وجهاء وأعيان قبيلة الحريرات ومشهور بالكرم وعندما ارتحل الشاعر قال يتوجد على الجهاد كبار الحريرات من قصيدة يقول :
وونـتـي ونـيـتــهــا بــاثـــر ونــــه *** عـلى الجهـاد محـرقيـن المحاميس
الـنجـر تسمع لـه مـع الصبـح دنـه *** وأجـواد حـول النار عادة مجاليس
ومن شعر دخيل الله هذه الأبيات يثني على عيسى بن جهاد الحريري :
يا شيخ أنتـم منقع الفخـر والطيـب *** وأنـتـم هـل الزينات وأهل الكرامـه
كـم واحـدٍ يلجـالـكـم بالمصـاعـيـب *** وتـزول مـن عـقـب المشقـه آلامـه
مـن يـوم يقبـل تبذلـون التـراحيـب *** يقـلـط عـلى عـزٍ وطـيـب وشهامـه
جودك ياأخو هندي خلي من الريب *** كـم واحـدٍ يـذكـر افـعـولـك بـدامـه
أنـت الـذي تهواك روس المراقيب *** حيثـك اعـقـاب ولا تصيـد الهلامـه
جماعتـك بـذراك ما جـاهـم العيـب *** والـلي بجنبك ما شكا الظيـم ظـامـه
عسى الولي يبقيك يا طاهر الجيب *** بجـاه الـذي يعـلـم بـوقـت القـيـامـه
ومن شعر دخيل الله هذه الأبيات هجينية يتوجد على قرب عيسى بن جهاد الحريري فيقول :
يا لـيـتـني عـنـد أخـو هـنـدا *** كان انعـما الشور بجاسي
حـرٍ طــريـقـه مـع الـســنـدا *** علمه ضهر يرفع الـراسي
ريـف إلـى صـار بـالـمـنـــدا *** يعطي بـلا حدود واقياسي
** أما الشاعـر فالح الدبل من الوسامة من الحمامدة من ولدعلي فقد قال عندما ضاف عايض الدمجاني الولدعي وحمس القهوة فقال فالح مداعباً :
يـا مسـوي الفـنجـال لا يـا مضـنـي *** قـلط ثـلاث كلهن جـن مـن السوق
هـدف الـغـوارب مـا بـعـد قـلـطـنـي *** دلال مـا فيـهـن وسـاع ولا ضـوق
وإلـى عـلـيـّت الـثـالـثـة وأرتـكـنـي *** يـا زايـدٍ عـن كارهن بألف طاروق
مـع ذا وإلــى دنـيـت ولـيــفــهـنـي *** على نظرك الحمس والماء بالذوق
وأن جـاك كلـن مـن محـلـه مثـنـي *** من كل نيـه والردي جاك من فـوق
هـذاك لا تـقـهـويــه مـا رد عــنـي *** تـلقـا طواريقـه عـلى خاطر الشوق
أنـهـب مـن الـدنـيـا وكـب المـدنـي *** وخلك بخطو اللازمة تـقـل مطفوق
لا بـد مـا عـنـك الـلحـود اكـنـفـنـي *** تـلبس جديـد وتنطوي لك بصندوق
مـا تـحـصـل الا حسـنـاتـك يـجـنـي *** والـلي فعـلت لباقي الربـع مفهـوق
ثم بدأ عايض الدمجاني بالرد على فالح الدبل وعندما قال البيت الأول طلبه فالح أن لا يكمل القصيدة خشية أن يتفوق عليه حيث أن عايض شاعر وهذا البيت اليتيم الذي قاله عايض يقول :
يـا أبن دبل وش هالني وش محني *** المـقـدم الـلي يلحـقـه كـل ملحـوق
ومن شعر فالح الدبل هذه الأبيات بالقهوة يقول :
يا مسوي الطبخة عسى الله يعافيك *** اجهـد بحمستـهـا ولا تـزيـد مـاهـا
فـي دلـة مـربـوبــةٍ يـوم تــأتـــيــك *** من يـوم شريت والمشّرف قـنـاهـا
ولا تلتـفـت لـلي بـهـرجـه يحـاكيـك *** مـا دام تـدرج في يمينـك عصـاهـا
وأفطن ترى الساكت بقلبه يشانيـك *** مـا يعـلمك في حـرقهـا مـن نيـاهـا
وسقها على اللي كلهم شبحهم فيك *** وأثنـه على اللي شبها واعتـنـاهـا
وأن كـان عـنـدك مـال كلن يواليـك *** عن ساعة ما ينعـرف وش وراهـا
*أما الشاعـر سطام الشويوي من الوسامة من الحمامدة من ولدعلي فهو شاعر معروف ومن قصائده هذه القصيدة يمدح الشيخ مطلق بن ضيف الله الأيداء شيخ قبيلة ولد علي وأبنـه الشيخ بدر بن مطلق الأديداء :
يا راكـب من فـوق حيـل احشومي *** طلقات الأيدي ركبهن به فضى بال
حـمـرٍ سفايـفهـن مـع الـدو تـومي *** قطـم الفراسن مشيهـن بس زرفـال
يرعن زهـر نوار عشب الحزومي *** حـيـل يـقـطـفـن الـنـواويـر بـدحـال
تلقا على السيقان بيض الوسومي *** كلش وضيحا باصلها عشرة جمال
يلفـن عـلى مطلق زعيـم القرومي *** شيخ نتـف شارب عـدوه إلـى طـال
يـلـسـهـم بــدقـيـقــات الـزقــومـي *** عافو درير النوق من عقب الأبهال
سمـه عـلى كـبـده كثيـر الهمومـي *** مـا يمرحون الليـل مـن هـم صـّلال
يصلهـم صـل المحص بالجمـومي *** يمقس بهـا الجمـة ولا تصبخ الجال
يجيـب ذود القـوم عسم الخشومي *** بـدر اعتـزلهـن نـادر القـوم فصّـال
خـيّـال بـالـلـقـوات قـبى قـحـومـي *** صفرا طيوع الراس والذيل مشوال
وإليـا زعجوهـن للدرك كـل قومي *** لا كـنـعـــب الــدلال لـلــمـــوت دلال
شلفـاه مـا مضـرابـهـا بالهـدومـي *** تـقطع ونـيـت الـروح والـدم شـّلال
الشيـخ أخـو بقـشة يـعـلـه يـدومي *** الـلـه يفكـه مـن صواديف الأهـوال
يا مـا ذبـح مـن كـل حـايـل ردومي *** بـيتـه كبيـر وبـينـه فـيـه الأضـوال
حلحـيـل حيـلـي باللـوازم يـرومـي *** فـتـلـه عـسـيـر مـعـجـزٍ كــل فـتــّال
وقال سطام الشويوي ايضاً هذه القصيدة يمدح آل مطلق شيوخ ولد علي والعواجي شيخ ولد سليمان والمرتعد شيخ اليمنة من ولد سليمان فيقول :
صالوا مشايخ جمعهم يعمي الأبصار *** مشـايـخ تـمشي عـلـى مشتـورهـا
الشيخ الأيداء يقحـم الحـرب جـزار *** خلفـه جمـوع بالعـدد مـا اكـثـرهـا
هـو والعـواجي باللـقـا دوم حضـّار *** بالـرايـه الـلي يـوم ربـي نصـرهـا
والمرتعـد يـدحـم على لاهـب النـار *** بفعـولـه الـلي مـن قديـم انخبـرهـا
مـن حمـد ربي جابهـم والي الأقدار *** من اللابه اللي مكمنه في وعرهـا
جعـافـرة ربـع عـلى المـوت جسّـار *** ولا فيهم الـلي من المذلـة قهـرهـا
وحنـا هـل الملحا إلى صار ما صار *** عـاداتـنـا العـدوان نـنـثـر حمـرهـا
أولاد وايـل جـمـعـهـم ســار سـيّـار *** مثـل السحابـة يـوم هلـت مطـرهـا

يتبع

تابع
* أما الشاعـر خلف بن تليعان العطيفي الولدعي من حمايل العطيفات من ضنا ذري من ولد علي فهو شاعـر وكريم وقد عاش في عصر شظف العيش وغلو المساعـر وكان ينفق من ميسورة حتى خشي عليه خالة من الإفلاس والفقر فنصحه عن كثرة الأنفاق حرصاً على حفظ أمواله ولكن الكرم غريزة جعلها الله في من يشاء من بني آدم ومن الطبيعي أن لكل رجل مشهور حسّاد وكما يقال كل ذات نعمة محسود وقد سمع خلف من يقول أن كرمه نفاق وسمع غير هذا الكلام من الحسّاد الذين يصعب عليهم مجاراة الطيّب وقد شعر بن تليعان بما يقال عنه من قبل بعض حسّاده فقال هذه القصيدة رداً على من يلومونه في الكرم :
بديت بذكـر الله عـلى كـل الأحـوال *** ذكـر الـلـه البـادي عـلى قـول قيلـه
الخـيـّر الـلي يـقسم الـرزق عـمّـال *** الـلي نـهـار الضيـق يـنجي دخيلـه
الرزق عند الله وهـو معطي المـال *** رب المـلأ مسقي الرياض المحيلـه
يا مـودع الـدنـيـا عـلينـا بالأقـبـال *** يا رب لا تـسعـى لـنــا بـالـفـشـيـلـه
أطـلبـك بـيـت مـروبع كـنـه الجـال *** أبـي الـنـشامـا يجـلسون بـمـقـيـلـه
مع منسف يـأتـيـك للضيف بعجـال *** وأزبــره مـن عـنــد ربـي مـكـيـلـه
وأطلب من المولى معاميـل وادلال *** يخلط بهـن حـب اليمن هـو وهيلـه
بوجودهن عن بالي العمس ينـزال *** ثـم التـهي بـيـن الحطـب والنـثيـلـه
يقـلط عـليـه الشغـدلي طيّـب الفـال *** وايـكـلـف الـفـنـجـال لـلي يـجـيـلـه
يشـدا لجمع الطـيـر رشـه بالأتـلال *** مـن ارقـاب النـوار نـعـم الـدبـيـلـه
مـع هـرج ربـعٍ كنـهـا در الأبـهـال *** يـدلـه بهـا الـلي نـازح عـن قبـيـلـه
هـذا مـنـاي ولا تــمـنـوه الأنــــذال *** والـرزق عند الـلي يسوق المخيله
ما هو زعم صيدي تشفي بالأفعـال *** والـلي يـديـر الـهـرج ربـه وكيـلـه
يا الغافلين اللي عـن الموت جهـال *** خـوذوا مـن الدنيـا ولا هي طويلـه
القـلـب عـيـا لـو عـذلـتـوه يـالخـال *** الـقـلب يـتـبـع بـالمـمـاشي دلـيـلـه
قالـوا يعيـل وقـلت خـلـوه لـو عـال *** العايـل الـلي مـا يحـوش الـنـفيـلـه
حط الصخى يسوى كثيراً من المال *** كـدوا عـلـيـهـا مـا لـقـوهـا قـليـلـه
تسوا حياة اللاش مذموم الأخصال *** مـتجـهـدٍ لحـريـمـتـه فـي حصيـلـه
عسى تـدور حـريمتـه فـيـه الأبـدال *** لا عـاد ما يـومي لهـن فـي شليلـه
لـمحـلا لاجـن مـن الـبـعـد نـحـّـــال *** مـن ثـوروا بـرقـابهـن تـقـل نـيـلـه
قـامـوا وخلـوا شلقة داخـل الصـال *** مـنـاثـراً حـب الـلـقـيـمـي عـكـيـلـه
دنـيـاك لـذتـهـا ونـاسـة وفـنـجــال *** والـرب مـداتـه عـلـيـنــا جــزيــلــه
* من شعر الشاعر عايض بن دغيم الدمجاني العنزي هذه القصيدة بالقهوة ومن تصب له :
قـم يا ظـريف اقـلـط ولالـك مهونـه *** استـدن بالمحماس وابعـد عن النـار
وقـلـط ثـلاث كـلـهـن صـفـر لـونـه *** صفـر غطاويهـن تـقـل وصف نـوار
سقها على اللي وأن ركب يتبعـونه *** أن بـدلـوا عـقـب العـواني بالأنـكـار
وسقها على الـلي باللقـا يمدحـونـه *** فـكـاك تـالي الجيش يـوم أولـه نـار
وسقها على الـلي عيالنا يحتـرونـه *** وحـنـا يـعـلـثـنـا الـيـا جـوه خـطـّـار
وأجـذه عـن الـلي مـا تعـدد افنـونـه *** مـا هـو عـلى كـل المواجيب صبّـار
دب الـلـيـالـي بـاطـل الـلـه يخـونـه *** يقرب من البارد وينـزح عـن الحـار
ودي خـفـا قـلـبي تـفـرق اشطـونـه *** أن جـهـزوا للبـيت بالعـصر مسيـار
مرحـوم شيخ حـالـت الأرض دونـه *** عساه يسكـن بـيـن جـنـات وانـهـار
تلقـا الضعـافي نـازلـه فـي ركـونـه *** والـبـيـت مشتـوح ومـكـفـاه لـلـجـار
الـمـوت يـجـيـكـم ولـو مـا تـجـونـه *** ما احدٍ يسوي له عن الموت معبـار
العـمـر مـا عـمـره تـعـدى احتـونـه *** من حان يومه جاه قصّاف الأعمـار
وهذه القصيدة للشاعر عواد بن سعد الطلوحي وهي مجاراة لقصيدة عايض الدغيّم الدمجاني :
قـم يا ظـريف اقـلط ولا لـك مهونـه *** استدن بالمحماس واقرب من النـار
واحمس الياما البن ينضح ادهـونـه *** لـن الـمـبـرد حـايـفـه تـقـل بـيـطـار
واستـدن نـجـرٍ عنـدهـم يمسحـونـه *** وأن لع بالمهوان يـدعي هـل الكـار
وقـلـط ثـلاث كـلـهـن بـيـض لـونــه *** مثـل الشراقـا مـرقبـات عـلى الغـار
والـزيـن فنجـال الـنـزل تحضرونـه *** لا بلشـوا بالمنـزل رديـيـن الأشـوار
وبهـارهـا مـن الهـيـل لا تـقـدرونـه *** يغدي عـماس اللي عن الكيف صبار
وكـلـن يـكـيـّف ربـعـة يـنـتـصـونـه *** وكلـن يجونـه مـن هـل الكيف زوّار
وخـروفـهـم لضيـوفـهـم يـذبحـونـه *** وانـقـدم الترحيـب بالضيف والجـار
ورزقـي عـلى الـلي كلكم ترتجونـه *** الـواحـد الـلي عالـم بغـيـب الأسـرار
وجيـوبهـم عـن الخـطتأ ينفضـونـه *** بالصـدق مـا مـنـهـم كـذوبٍ وقـمـّار
قـول الطـلـوحي بالـقـدا تـسمعـونـه *** مـا قـالـه الـلـي بـالـديـاويـن هـّــذار
وهذه القصيدة للشاعر منور بن مسعد الخالدي العنزي وهي مجاراة لقصائد عايض الدغيّم وعواد بن سعد :
قم يا ظـريف اقـلط ولا لـك مهـونـه *** استدن بالمحماس واذهن سنا النار
وقـلـط ثــلاث كـلـهـن سـود لــونــه *** من كثر ما يصلاهن الجمر باوجـار
واحمس اليا ما البن تدهن اركونـه *** وادهم لونه من عقب لون الأخضار
سقها على الـلي بالحمر يشتـرونـه *** الـلي يشريهـا يـوم لـوذات الأسعـار
هـذاك عـنـدي زايـدات افـنـونــــــه *** لـو فـاتـت الطبـخـه نـوقـد لـه الـنـار
رزقي على اللي تطلب الخلق عونه *** لـولا عطايا ربـنـا ضعـوف واحقـار
يـا رازق الـلي مـا يـضـفـي اردونـه *** يا منقـذ المحروج فـي مظلـم الغـار

وهذه القصيدة للشاعر عوض الشويوي الخالدي العنزي وهي مجاراة لقصائد عايض الدمجاني وعواد بن سعد الطلوحي ومنور بن مسعد :
بديـت ذكـر الـلـه عـلى كـل الأحـوال *** الـواحـد الـلـي كـل غـيـب دري بـه
يا شـمعـة الصبيـان قـم سـو فـنجـال *** حـيـث أن قـلبـي ضايـق يلتهي بـه
أكصم عليها من الحطب دق واجلال *** واسحب لها من الجمر عن اللهيبه
واستدن محماس على النـار مرسال *** واحمس وتالي حمسها تشتفي بـه
ستوه عـلى بالـك ولـيـه عـلى الـبـال *** يشـدا لـزهـم البيض أو ينغـوي به
عـرض ملاحه عسى تفـداك الأنـذال *** هـيـل ومـسـمـارٍ وجـوز ارمـي بـه
سقها على اللي صابرين على الـلال *** عـلى النجـأيـب يـبعـدون المغـيـبـه
الـلي يـجـلـون الـمـعـادي بـالأفـعـال *** ومحولـه يـوم الـفشق لـه حـطيـبـه
وخطو الولد لـوهـو يليّم مـن المـال *** يموت وهو حتى الكفن ما ضفي به
مـا ينـزل الا بالـوعـر دونـه اجـبـال *** يـلـز يــم الـضـلـع رصـه غـضـيـبـه

بسم الله الرحمن الرحيم...

مؤرخ ربيعة أبامشعل سلمه الله ورعاه من كل سوء...

قصص رائعة مرصعة بأبيات شعرية راقية تنم عن علم شخصكم الكريم الذي سخر جهده ووقته لرفعة شأن قبيلتنا العزيزة فله مني ومن جميع أفراد قبائل ربيعة كل التقدير والتبجيل والأحترام...

علم غزير وشرح وافي في جميع ميادين الشعر وفي جميع قبائل عنزة الكريمة...

وكما قال الشاعر على لسان اللغة العربية ...

أنا البحر في أحشائه الدر كامن؟؟؟؟فهل سائلو الغواص عن صدفاتي

أقول :

فهل سائلوا أبامشعل البحر عن كل قصيدة ومناسبتها تجده مفصل لها ومنقحها وساردها لك...

ونعم بالأجواد ولدعلى جميعهم فهم غصن مثمر من هذه الشجرة المعطاءه ذات الغصون والفروع المزهرة
بمكارم الأخلاق والشيم العربية الأصيلة ,

شكراً وبارك الله يابومشعل

بارك الله فيك شاعرنا الكبيرعلى مواضعيك القيمة والمفيدة عن تراثنا وامجادنا الابطال وشكرالله لك على مساعيك وجهودك الطيبة لحفظ هذه المفاخرمن الشجاعة والكرم والوفاء والصبروعزةالنفس والامانة والصدق والفزعة والحكم القيمة 00000وغيرهامن الصفات الحميدة التي اتصف بها امجادنا وابطالنا رحمهم الله وحفظك لتراثهم ياابومشعل يعتبروفاء منك لهؤلاء الابطال وفقك الله وسدد على الحق خطاك

موفق بإذن الله ... لك مني أجمل تحية . يا ابو مشعل