قصيدة مدح بالدكتور العميد خالد ركيان المطيري - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

03-19-2016, 10:24 PM

( قصيدة شكر وثناء مهداه لسعادة الدكتور العميد خالد بن ركيان العضيله المطيري )

قال عبدالله بن دهيمش بن عبار العنزي هذه القصيدة أثني على الرجل الفاضل العميد الدكتور خالد بن ركيان العضيله أبو راكان حيث له مواقف مشرفه وهو من الرجال الذين يعدون في هذا العصر فقلت :

قـال الـذي من خاطـره هـاض قـيـلـه *** يـنظـم جـزيـل القاف لا جـاء مجالـه
مـن يصنع المعـروف نذكـر جـميـلـه *** ولا خـيـر بالـلي مـا يـعـد الـجـمـالـه
أمـدح جـنـاب الـلـي خـلاقـه نـبـيـلـه *** خــالــد أبــو راكـان يـا حــي فــالــه
الـمـدح يـزهـى للعـمـيـد العـضـيـلـه *** الـقـرم أبـن ركـيـان مـدحـي زهـالـه
عـيّـن مـديـر ومنصبـه يستـوي لـه *** فـيـه الشهـامـه والـوفاء والجـزالـه
عـوايـده يـفـزع لـمـن يـلـتـجـي لــه *** يضفـر بفعـل الخـيـر والطيـب نـالـه
شهـم ونـزيـه ولا يـبـوق بـعـمـيـلـه *** بـعـيـد عـن درب الـردا والـرزالـــه
يـتعـب عـلى العـليـا نـهـاره ولـيـلـه *** قـلـبـه عـلى حـوش الجمالات والـه
مـا هـو عبوس بوجـه عـاني يجيله *** يفـرح ضميـر الـلي نصاه وعـنـالـه
ولاهـو من أصحاب العزوم الهزيله *** والـعـد بـالـمـدلا تـطـولـه حـبـالــــه
يـبـرك لصعـبـات الحـمـول الثقـيلـه *** بالمتـن مهـمـا يـثـقـل الحمـل شالـه
ولا يـرتـخي لا شـاف بالحـق ميـلـه *** وأن جاه مـن يحتاج جـاهـه سعالـه
ولا يـنـكـر الـمـنعـور خـوه زمـيـلـه *** منصف ويشكـر كـل فـرد اعـتـدالـه
جيت لسجين وقـال مـا أبغي كفيلـه *** مـن جـيـت لـه يطـلـع بـلـيـا كـفـالـه
ولي مـع أبـو راكـان قـصّه طـويلـه *** أطلب عسى الرحمن يصلح عـيالـه
والعـزوه الـلي مـنسبـه يـنـتـمي لـه *** عـبـادل المـطـران سـاس الأصـالـه
أنـا اشهـد أنـه يـنتـسب مـن قبـيـلـه *** حـمـر النواظر يـوم عصر الجهالـه
قـطعـانهـم تـرعى بـقـفـر الخـمـيلـه *** بـهـم الشجـاعـه والضفـر والبساله
مـن قاس طيب مطيـر ضيّـع دليـلـه *** ومن راد يحصى مجدهم من هبالـه
فـازوا بكسـب الطـايـلـه والـنـفـيـلـه *** وتـوشـحـوا بالمـرجـلـه والشكـالـه