عايد سليمان الرشيد / يستقبــل هديه من تيماء ...

من تيماء لقريات

ياراكب اللي مادخل بالتواضيب = شبح على تصميم صنع الوكاله

وارد حفيز وجاهز للمناجيب = مادورله بالتشاليح داله

يدبله السواق من صافي البيب = شبح مسير البعد يقطع اسهاله

ممشاه من تيماء مايدور المعازيب = متنصيا راعي الثناء والجماله

يلفي لابومحمد موفي المواجيب = عسى الولي بالخير يسعد اقباله

يعطيه سلاامي كاملا بالتراحيب = اعداد ماهب الهوى من شماله

واعداد مايسرى القلم بالمكاتيب = واعداد ماهل المطر من خياله

الصاحب اللي من اعز الاصاحيب = ماحدن بالاصحاب يفعل افعاله

حر ولد حر عطيب المخاليب = صيده من اسمان الصيد ماهو اهزاله

ابن رشيد الي ناجحا بالتجارب = هو منوت المحتاج لانه شكاله

ومن عقبها عديت نابي المراقب = رجمن طويل ونايفات اجباله

القاف له عندي معاني وترتيب = ماني غشيما يوم يفتح مجاله

يامسندي ياريف عوص للمراكيب = الوقت من قام يدرج محاله

متغير مافيه شكا ولا ريب = اقفي جديد للوقت واقبله سماله

طلع علينا فيه مايذكر الغيب = وطرد المقفي والمعاظب عوااله

هذي سنينا دورها بالعواقيب = عجزت اميز ميلها من عداله

تصفقبنا مابين شرقا وتغريب = يوم تشين ويم تضحك اقباله

ان ادبرت تسقيك مر المشاريب = وان اقبلت للعبد تسعد لياله

دار الفلك بايام سمر المضاريب = خيرا عسى المعبود يحسب زواله

سلم العرب عطابه والوقت تجذيب = عقب العشم متبدل بالضلاله

ويالله يامنشي المزون المحاديب = يامطلع يعقوب من ماجراله

تجعل لنا من باب رزقك مكاتيب = حيثك رحوم ماشي بسهاله

وصلاة ربي عد ماذعذع الطيب = على نبيا مهتدي في مقاله

.................
الشاعر
ابو سلطان ، : ، موسى ابن صالح الايـــــــــداء

يستاهل عايد وصح الله لسان الشاعر موسى

بارك الله فيك

يستاهل من يحصل الثناء صح لسان الشاعر موسى بن صالح الايداء

الله يجزاك خير
ويرحم أموات المسلمين جميعاً
والشكر موصول لكم على المرور العطر..

الحمدلله والصلاة والسلام على رسول الله وعلى آله وصحبه أجمعين

اقتباس : المشاركة الأصلية كتبت بواسطة متعب الفققي [ مشاهدة المشاركة ]

يستاهل من يحصل الثناء صح لسان الشاعر موسى بن صالح الايداء