قصائد من شعر المساجلات وبعض القصائد الجديده

سبق وأن نشرنا قصيدة الشاعر فهد السحيحير والرد عليه وقصيدة الشاعر فالح بن فويز ثم سننشر القصيدة الرابعة رد على الشاعر فالح بن فويز الشيباني القصيدة الأولى
من شعر الشاعر فهد بن صفاق السحيحير هذه القصيدة يسند على عبدالله بن دهيمش بن عبار :

أنـا يـا أبـن عـبـار شـفـت المصايـب *** شـفـت الـفـسـاد بـدار مـنـا قـريـبــه
عنهـا اللـعيـن إبليس مـا هـو بغايـب *** سيطـر عـليهـا وربـعـهـا بالغـليـبـه
يـا حيف يـا سلم العـرب صـار ذايـب *** ضاعـت سلوم أهـل الأصول العريبه
كيـف أرتـفع يـا مسنـدي كـل خايـب *** يـا عـبـرهـا يـا كبـرهـا مـن مصيبـه
الـلـه بـلاهـم بـالـقـشـر والحـرايــب *** بـيـن الفنـاء والمـوت حـالـه رهيبـه
وهـذي مـعـيـبه مـن كبـار المعـايـب *** لا شـك ويـن أهـل الـعـقـول اللبـيبـه
الـلي يـعـرفـون الـخـطـأ والصوايـب *** ولا يـجـون بـمـوطـن فـيـه ريـبــــه
العـار فـي فـعـل الخـزاء والعـوايــب *** وجرح الشرف يالقـرم عار ومعيبه
ومـن لا يحسب فـي وقـوع النوايـب *** لابـد مـا سـهـوم الـمـنـايـا تصيـبــه
يـعـيش مهـيـون عـلى غـيـر طـايـب *** مـا يشوف غـيـر الذل دايـم نصيبـه
مـا أخبـر بـعـلـوم المخـازي كسايـب *** ألا سـواد الـوجـه مـا بــه كـسـيـبـه
مـن خـالـف سلوم الرجـال الأطـايـب *** يجـني الخساره والنـدم وسط جيبه
ومن لا حفظ نفسه يشوف الغـلايـب *** والنـاس كـل النـاس مـا تعـتـني بـه
مـا يـنـفـقـد بـالنـاس لاقـيـل غـايــب *** وأن مـات مـا يـنعـا ولا يـندري بــه
لا صـار مـا يخـجـل ولا هـو بهـايـب *** رب الـعــبـاد وذم شخـص دري بـه
عـسـاه وسـط الـنـار ذات اللـهـايــب *** جـزأ أقـتـرافـه لـلـذنـوب الغـضيـبـه
هـذا وأنـا شافـت عـيـونـي غـرايــب *** فـي عـالـم مـا هـي عـليهـم غـريبـه
وكانـك يا أبـو مشعل تريـد السبايـب *** فـي روحـتي صـوب الديار المريبـه
أقـول لـي حـاجـه ولا لـي رغــايــب *** لا شـك شف البـال شـوف الحبـيبــه

* القصيدة الثانية شعر عبدالله بن دهيمش بن عبار رد على الشاعر فهد صفاق السحيحير :

أبـدي بـذكـر الـلـه مـديـر الـهـبـايـب *** حـلال عـسـرات الأمـور الصعـيـبـه
بأمـره يسوق الغيث مـزن السحايب *** ويجعـل بـه الـدار المحيلـه خصيبـه
منشي الملأ من بين صلب وتـرايـب *** رب الـبشـر عـلام فـي سـر غــيـبـه
ومـن بعـد ذكـر الـلـه نشـد النجايـب *** توصل فهـد راعـي العلـوم العجيبـه
فـهـد سـلايـل مـتـعـبـيـن الـركـايــب *** معــروفـهـم كـل الرجـال أتحـكي بـه
سـحـاحـرة مـن طـيـبـيـن الصلايــب *** مـن ساس عـزوة بالمناسب صليبه
ولا أنـت يـالـمنعـور ينـتبـك شـايــب *** عـينـه عـلى فعـل المـراجـل رقـيبـه
ما سرت بدروب الـردى والهـزايـب *** والـطـيـب كايـد والـمـراجـل تعـيـبـه
ولا خـاب مـن جـده يـقـود الكتـايـب *** كـانـه بـأثـر جـده يـحـث الـنـجـيـبــه
ومن شذ لو ساسه عريب النسايـب *** دمــر فـخــر جــده وربــه حـسـيـبـه
ما ينفـعه نبش الرمـوس الخـرايـب *** الـجـد عـظـمـه بـاد تحـت النـصيـبـه
وأن كـان شفت من الليالي عـقايـب *** مـا شفت شفته مـار نسكت غصيبـه
لا تـبتلـش في كـل هـامـل وسـايــب *** تـرك وضيـع الشـان لا تـبـتـلـي بــه
وأفطن لقـول الدسـم معنـاه صـايـب *** مـن عـال يـلـقـا مـن الـمقـرد لعـيبـه
خـل الـعـفـون السـافـليـن الـزلايــب *** والـلاش لا تقـرب جـوانـب شعـيـبـه
أبـعـد عـن الأنـذال لـو هـم قـرايــب *** تـرى الـزلايـب قـربـهـم لـه ضريـبـه
عـليـك بالشجعـان حصن الطـلايــب *** فـرحـت ضميـرك بالسنين العصيبـه
إلـى حـداك الضيم صـاروا جـلايــب *** فـيهـم طـنـا شـمـر ونـخـوة عـتـيبـه
هـذا جـوابـي يـا عطيـب الضرايــب *** ومـن طـاب تعـتـز الـرفـاقـه بـطيـبـه
نـعـوذ بالـلـه مـن عـقـود النشـايـب *** وصلـوا عـلى اللي سنتـه نقـتدي بـه

*- القصيدة الثالثة للشاعر فالح بن فويز بن فرهود الشيباني العتيبي
تفاعلاً مع شطر البيت القائل : فيهم طنا شمر ونخوة عتيبه يقول :

قـال الـذي مـن صافي القيـل جـايـب *** قول صحيح مـن الضمايـر يجي بـه
قـول عـلـى معـنـاه مـاهـوب عـايـب *** ولا أرضى على نفسي تكون الغليبه
يـشبـه لسيـل اليا انـتحا بـالشعـايـب *** يـجـي مـع الـوادي لسـيلـه حـطيـبـه
ولا قـلتـهـا فـي حـب زيـن الـذوايـب *** الـلي عـلى صـدره يـقض الـذويـبـه
القـاف شـاب ولا بــقي لـه صـرايـب *** كـل الكلام الـزيـن قـبـلـي غـدي بـه
مـا غيـر أدور مثـل راعي الـذهايـب *** أخشى يـجي بالقـاف شـيء يعـيـبـه
والـلي مهـيـضني بـيـوت عـجـايــب *** مـن شـاعـر بـالقـيـل يـنطـح كتيـبـه
شاعـر وشعـره مـا يجـي بـه تعايـب *** فـتـال نـقـاضـن سـهـومـه عـطيـبـه
يضيم خصمـه ما حسب لـه حسايـب *** والشـعـر عـنـده ما يـبـيـّن نـضيبـه
مثـل البحـر يجـي لـمـوجـه غـبـايـب *** ما هـو حضيبين قـريـبـن حـضيـبـه
يـفـداه مسكـيـن قـريـب الحـضـايــب *** خبلن ومجلاس المهـونه رضي بـه
لـكـن ابـن عــبــار ذيــب الــزرايـــب *** نفسه عـلى طرق المراجـل رغيبـه
مـدح عـتـيـبـه بـالبـيــوت الـرهـايـب *** والـلـه عـلى مضمون قـولـه يثيبـه
صادق وقـولـه مـا وجـد بـه شوايـب *** واللي مـا يصدق نـال كوبه وخيبـه
وأبـي أشكره وأنـا عـن الـربع نايـب *** وأقـول لـه شكـراً بـنـفـس رحـيـبـه
والطـيـب مـن ربـك يـقـسـم وهـايـب *** وأنتـم هـلـه يـوم السنيـن العصيبـه
لـكـم فـعـايـل يـومـهـا بـالـغـصـايــب *** عـلـى الـمـهـار مـلافـخـات السبيبـه
فـيـكـم رجـالـن يـوم دور الـنهـايــب *** مـا تـوخـذ الـبـل مـن حماهـم نهيبـه
وفيكـم كريمـن يـوم دور الصعـايـب *** عـبده يصوت بالعشاء فـي الجذيبـه
وفـيـكـم محـددت الجـمـل فالنشـايـب *** ولـكم بعـد شيمـه وقـيـمـه وهـيـبـه

*- القصيدة الرابعة من شعر عبدالله بن دهيمش بن عبار جواب لقصيدة الشاعر فالح بن فويّز الشيباني أبو مقرن :

مـبـداي بـالـلي لكـل من تـاب تـايـب *** باسمـه نعـوذ من النفوس الغضيبه
سـاق المـزون الهـاشلات السكايـب *** تـودع محيـلات الصحـاري عشيبـه
ومـن بعـد ذكـر الـلـه عليـه وجايـب *** اكتب جواب الـلي وصـل لـي نديبـه
فـالـح بـن فـويـّز يـعــز الـطـنـايـــب *** ضيـفـه وجـاره عـادتـه يحتـفي بـه
فـي مجـلس المنعـور فـنجـال رايـب *** والكبش من شبـك الـربايـط يجيبـه
ربـه عـطـاه مـن المواهـب وهـايـب *** وأن عـايـن النيـشـان لازم يصيـبـه
شيـبـان جـدّه أخـو مشيـب وشـايـب *** الـكـل نـال مـن الـمـراجـل نـصيـبـه
مـن ساس عـزوة ما بهم قط خايـب *** بالطيـب ضربـت المثـل فـي عـتيبـه
يـا مكـثـر الـلي بالمـواجيـب طـايـب *** يـوم القضاء بـيـن الطليـب وطليبـه
كـان انتحى عـن مطـلبـه كـل هايـب *** بالدايـره محـتـار مـا أحـد يعـبي بـه
أدنـاهـم الـلـي حـيـن تـنـخـاه ثـايـب *** ذخـر المراجع كـان حقّـه غـدي بـه
لطّـامـت العـايـل بـعـصـر الحـرايـب *** والحـيـل يـردم بالصيـانـي عصيـبـه
مـن ضافهـم يلقـا الهـلا والـرحايـب *** رجـالـهـم اغـلا حـلالـه صـخـيـبـــه
عتبـان ستـر البيض سـود العصايب *** لا قـيـل هـيـلا عـز مـن ينتـخي بـه
زبـن الحـليـف الملـتجي والـربـايـب *** لـهـم يـردّون الـحـقـوق الـسـلـيـبـه
عـاداتـهـم يـثـنـون دون الـحـلايــب *** يـرتـع دبـشهـم فـي حمـايـة جـنيبـه
الـذود يـفـلا بـجـرهـد البـيـد سايـب *** بـاطـرافـهـا مـثـل الجـمـال المنـيـبـه
يـوم اللقـاء مـا يسرجـون الهـلايـب *** فـوق الجـيـاد الـلي سـريـع هـذيبـه
وأن جـار نهـار مثـل يـوم الذنـايـب *** كـم فـارس حـطـوه حـدر النصيـبـه
واليـوم كـل النـاس صـاروا حبايـب *** راح الزمان الـلي الركاب تغزي بـه


قال عبدالله بن دهيمش بن عبار هذه القصيدة يشيد بأفعال مؤسس هذا الكيان
الشامخ الملك عبدالعزيز آل سعود طيّب الله ثراه وتحتوي على بعض النصايح
للذين يبثون جذور الفتنة من خلال تسجيل مقاطع تطرّق لأحداث قديمة بججة
التفاخر بأفعال قبائلهم ومما يحز بالنفس التطّرق للقتل والسلب والنهب فقلت :

الـلـه يـرحـم صاحـب القـدر والجـاه *** عـبـدالعـزيـز الـلي لشـعـبـه قـداوه
عسى الولي في جـنـة الخـلد يجـزاه *** فـي جـاه مـن نـزل عـلـيـه الـتـلاوه
الـعـاهـل الـلـي مـوقـفـه مـا نـسينـاه *** عـسـاه يـاجــد عـنـد ربّــه رضـاوه
الـلـي حـكـم كـل الـوطـن بـالمسـاوه *** وآلـف قبـايـل نـجـد عـقـب العـداوه
سـاد الجزيـره وانتصر بأمـر مـولاه *** فـيـه الشجاعه والذكـاء والصحاوه
رب المـلأ زاده من الخـيـر واعطـاه *** وفـرّ اسباب الرزق وأرهـا الغـذاوه
من قبـل حكمـه كـلنـا حـفـاه وعـراه *** فيما مضى كـان الـزمـن بـه قساوه
الـكل يشـكي مـن تـصـاريـف دنـيـاه *** فـيـهـا طـعـم حنـظـل وفيهـا حـلاوه
كـنـا نحفـظ النـوق والخيـل والـشـاه *** والـيـوم جـزنـا مـن حـيـاة الـبـداوه
صـرنـا نـتطـاول بالقـصـور المبّنـاه *** والحـمـد لـلـه زال عـصـر الشقـاوه
آخـر مـديـل مـن الـمـواتـر ركـبـنـاه *** نـطـوي سمـاهـيـد الـوطـا والنبـاوه
وجتنـا وسايـل توصل العـلـم ملـفـاه *** نـسـمـع كـلام الـلـي مـقـرّه بـجـاوه
قـريـبـك الـلـي تـفـتـرق أنـت وايــاه *** عـدّه معـك لـو هـو شمال السمـاوه
اليـوم مـا بـاقـي حـنـاشـل ولا غـزاه *** ولا عـاد تـفـرض للحـمايـه أخـاوه
عـصـر المنـازع والمنـاحـر تـركنـاه *** وعـن الخطـأ ياجـب عـلينـا بـراوه
المـاضـي الـلـي فـات مـات ودفـنـاه *** ذكـره يـغـث الـلي بصـدره فـضـاوه
الـكـل يـفـرح فـي صديقـه اليـا جـاه *** يـسعـد ويشعـر فـي حيـاتـه طـراوه
لــه بــه عـلاقــة ود رحّـب وحـيّـاه *** يلـقـا الحشيمـه والـهـلا والحـفـاوه
والـلي كـلامـه بـه للأصحـاب مـاذاه *** هـذا الـذي شـرواه بـإبـلـيس سـاوه
الهـرج شـوك الكـبـد للـشـر مـدعـاه *** والمحـتـرم ينطـق بلـطـف وهـداوه
والـلي زمـان الشّـر يـفـخـر بـطريـاه *** فـيـه الغـشامـه والجهـل والغـبـاوه
مـا هـو فـخـر يـا لـي تـلـوي حمّيـاه *** يبحـث عـن الفتـنـه حليـف الفـلاوه
داعـي مـجـال مهـايـطـه والمخـاقـاه *** يـبي عـن الخـافي يـزيـل الغـطـاوه
مـا يـدري أن الحـق بـان وعـرفـنـاه *** عـينه عـن الـواقع عـليهـا غـشاوه
يـتـوق لـلـشهـره ولا طـاب مـسـعـاه *** والأجـرب العيـطي يـبي لـه طـلاوه
يـسـتـاهـل الـعـجـرا تـلـطّـه بـعـلـبـاه *** ولا بـراسـه تـصـقـعـه فـي هـراوه

قال الشاعر عوده بن عطيش الحضري هذه القصيدة مجاراة لقصيدة عبدالله بن دهيمش بن عبار :

سـار الـقـلـم يـكـتـب ابـيـات مـنـقـّاه *** مـن صـافي الأفـكـار تـنـقـى نـقـاوه
نـظـم الـقـوافي نـبـدعـه مـا شرينـاه *** نـبـع القـريحـه مـا شريتـه شـراوه
ارسـل لأبـو مشعـل لـقـافـه مـجـاراه *** عـبـدالـلـه الـلي لـه بـقـلبي غـلاوه
شاعـر بـني وايـل وراعـي مـحـامـاه *** شعـره غـزيـر ومنبعـه بـه رهـاوه
يصخـر بـيـوت القاف لـو كـاد ملّواه *** وصخّر عسيرات القوافي على آوه
تفـرح بـه اصحـابـه وتهـابـه اعـداه *** وبشعـره عـن وايـل يـذود بكـفـاوه
حـمـر النـواظـر عـزوتـه بالمـلاقـاه *** ومنـهـم مـصـوت بالعـشا بالقسـاوه
مـا قـلـتـهـا ريـا ولا هـي مـحـابـــاه *** والمـدح فـي مـثـلـه يـليـق بـزهـاوه
وكـل عـنـزة تفخـر بمثلـه وشـرواه *** وترفـع لـه البيضاء بـراس العـلاوه
يا ابن عبـار الوقت يا سرع ممشاه *** طـاوع لـه الـعـاصي بـلـيــا شـهـاوه
طـاع لـه رجـال شجيعين واعـصـاه *** طاعـوا ولانـوا عقب هـاك العصاوه
ولـولا الـكريـم وقايـد الشعـب لـولاه *** باقي جهـل بعض الشعوب بعـماوه
الـلي حكـم بالشـرع والخيـر شفنـاه *** وقـامـت مـسـاجـدهـا تـرتــل تـلاوه
وحـد شعـوب المملـكـة بـالـمسـاواه *** وخـلا تسـاوى اسـودهـا والقطـاوه
وكـلـن مـلأ بطـنـه وبنـكـه ومخـبـاه *** وهايطـوا نـاسٍ مـا ضـروا للعطاوه
وكلـن غمـد سيفـه ورمحـه وشلفـاه *** وتسالمـوا بالسّلـم عـقـب الـعـداوه
بيـوت الشعـر صارت قصور مبـنـاه *** ارتاحـوا من كثـر التعـب والشقاوه
لا جـاء مجال الشعـر شعري نظمناه *** الشعر اصوغه والفظه فـي هـداوه
واثـنـيه لمن يعشق زخاريـف دنيـاه *** ومن لا فهـم يـوجـد بفكـره فـهـاوه
العـمـر مهـمـا طـال لـه حـد مـنـهـاه *** ولابــد يــأتــي لـلــبــدايــه نـهــاوه
والـعـبـد مـا يـفـيـده تـذري ومــدراه *** ولا يـفيـده الـدكتـور لـو قـيـل داوه
ولا تمنـع الاطبـاب يـومـه اليـا جـاه *** ولا يـفيـد مـال ومنصبـه والحفـاوه
والـنـاس صـنـفـيـن رديـيـن ودهــاه *** وللكلـب جـراوه والـذيـابـه جـراوه
ولولا الردى ما شفنا فزعه ولا جـاه *** امــا يــكـــون بــطــيــب ولا رداوه
أمـا الـردي من نطـق قولـه عرفـناه *** بلـيـد غشيـم وفـي هـروجـه زراوه
حـيـث الـردي يـبـور لا مـن نخـينـاه *** لا نـافـع بـمـغــزا ولا مــن قـعــاوه

قال عبدالله بن دهيمش بن عبار هذه القصيدة يثني على الرجل الفاضل الكريم الشيخ
محمد بن عبدالله الحجاج محافظ عيون الجواء بالقصيم سابقاَ والمستشار لسمو أمير
منطقة القصيم حالياً حيث له مواقف مشرفه :

اثني على اللي قلبه ابيض من الخام *** من نسل ابـن حجاج مـا هـو نبيته
مـا يهـمـل المنعـور مـن دق الأرقـام *** ولا تـاجـد الـلي قـال رقمـه محيتـه
مـن يـوم كـان بمقتبل عـمـره غـلام *** قـالـت صعيبـات المـراجـل بـغـيتـه
سـاس الفـخـر مـا يشمتـه كـل لـوّام *** لاشـك كـنـك تـمـدحـه لو هجـيـتـــه
جـميـع مـن زاره يـجـد عـز واكـرام *** مـن طـلـعـتـه مـا صـك بيبـان بيتـه
من جاه عاني والضروره لها احكام *** يـرجـع يـقـول ونعـم بالـلي نصيتـه
عرفت انا الشغموم مـن عدّة اعوام *** لـه فضل لـو طـال الـزمن ما نسيته
يـامـا دعـانـي لـلـكـرامـات عـــــزّام *** دايـم يـكـرر دعـوتـه كـان جـيـتــــه
وياما ذبح من عيت جزلات الأغنـام *** المكـرم الـلي بالـكـرم شـاع صيـتـه
وكم اخلج محمد مـن النـوق مـرزام *** قـال اعـولي حاشيـك جـلـده فـريته
يـقـول زواري عـزيـزيـن واحـشـام *** وجـزل الحشو لو زاد سعره شريته
اعـني محمـد نـال عشـرات الأنـعـام *** الحـاتـمي يـشـوش كـانـك نـخـيـتـه
ابـي اشكـر الصنديد فـي كـل الأيـام *** وابـي امـدحـه فـي كـل قـافٍ بـنيتـه
أنـا اشهد أنك يـا ابـن حجاج جـزّام *** كـم معسـرٍ محتـاج جـاك وعـطيـتـه

صح لسانك قصايد جزلة

قال عبدالله بن دهيمش بن عبار هذه الأبيات يسند على الشاعر حميّد بن خلف الملفي العوادي وهي من قصائدي القديمة :

قـال الـذي فـكـره بـالأشـعــار نـبـّـاغ *** لحـمـيّــد الـمـلـفــي أوجــه بـلاغـي
يالشاعراللي لأصعب القـاف صـوّاغ *** جـاك الـوكاد وزايـد الـهـرج لاغـي
أحـذر مـن الغـادر يليغــك ولا أيـلاغ *** أبـعـد عـنـه كان أنت للقول صاغـي
بالناس عاجـه لولبس بشت وشماغ *** يسير لـو ما هو على الدرب بـاغـي

وبالناس داب بشـوكـة النـاب لـداغ *** مـن يلدغـه بالسـم خـلاه ثـاغـي

وبالناس ثعلب عنـد وقـت اللزم راغ *** وبالناس حاشي دوم بالشيل راغـي
مـا تنفـع اللمعـه ولا تفيـد الأصبــاغ *** ولا يـنـفـع الـشنـه جـديـد الدبـاغـي
والبيت كان الساس بالقاع ما صـاغ *** يـنهـار سقـفـه لـو تضـبـه بـراغـي
لاشـك من يصمد على الحق مـا زاغ *** مـا ينـزلـق مع كـل ملحـد وطـاغـي
ومن زاغ عقلـه ما يجـد مخ وأدماغ *** تجـويـف رأسـه مـا يسـد الفـراغـي
دف الــمــرنــدي كــان دقــه بـكـلاغ *** تسـمـع رزيحـه للـهـبايـب أيـنـاغـي

وقد اعجب في سبك قافية هذه الأبيات الشاعر صالح بن سالم الهديرس الشمري
وكتب هذه القصيدة مجاراة لقصيدة عبدالله بن دهيمش بن عبار :

يا زيـن قـافٍ صيغ صوغـه عـلى آغ *** من شاعـرٍ شعـره يهيّض دماغـي
الوايـلي عـن جـزل الأشعـار مـا راغ *** قـصـايـده مـا قـالـهـا مـن فـراغـي
فـايـق سـنـام الـشـعـر حــدٍ ومـبـلاغ *** ومتعـممٍ بـه زي لـبـس الشمـاغـي
شمس الشعـر الـلي بالأشعـار بـزاّغ *** عـبـدالـلـه الـعـبـار قـولـه بـلاغــي
بحلـو المثـل لسانـه من الشهد نغـاغ *** ومن زيـن شعـره دايـم مستساغي
يفرق وقيق الصقر عن صوت الغاغ *** والـذيـب مـا يـقـارن قـنيبه بثاغـي
جاريتـه بشعـره عـلى نفس ما صاغ *** مثل الذهب صاغه خبير الصواغي
الهـديـرسـي راسـه بالأشعـار لـغـاغ *** الجـارف الـلي بالجبـل لـه لغـاغـي
أو كما الموج لضخمة السفن مضاغ *** مـن طـولـه الـلي للـثـريـا يـنـاغـي
قصايـدي تـأتـي عـلى كـل الأصـبـاغ *** ما تهمن العسرات لا صرت باغـي
جـزل المعـاني سابـكه سبـك صـّواغ *** عـلى الصّفى انقش فـريـد اللواغي
من خلقتي والشعـر منقوش بـدمـاغ *** متحـمسٍ للشعـر من يـوم اغـاغـي
القـاف اوزن كـفـتـه بـعـمـة الـسـاغ *** من ضبط وزنه ما يشاف متصاغي
سلم الجدود بنظـم الأشعـار مـا زاغ *** ولامن زعلت اطغي على كل طاغي
في نـاب شعـري بأخطـر السّم لـداغ *** نـابٍ يـخـلـي مـن يـعـاديـه لاغــــي
مـانـي بـقـافـي لـلـقـواصـيـد نـّــداغ *** الا لـمـن غـثـن خـطـات الـرواغــي
بـعـض البـشـر للـكـبـد لاهـد وفـداغ *** ولا احـدٍ مدح يا ناس ريح الدباغي
الـنـاس يـلـقـابـه خـبـولٍ ونـبـّـــــاغ *** ماهـم سـوى بطبـوعهـم والمـلاغي
مـانـي لـحـق الغـيـر آخـذ ومـضّـاغ *** الـلـه يـجـازي كـل ظـالـم وبـاغــــي
اخــاف يــومٍ يــودع الـذهــن زواغ *** مـن الـلي النـطـفـه يحيـله مضـاغـي
نـبـيـنـا جــاب الـرسـالـه بـالأبـــلاغ *** والـخـلـق لازم يـقـبـلـون الـبـلاغـي