السلام عليكم ورحمة الله وبركاته
الأستاذ الأديب : عبدالله بن عبار
عيدك مبارك
وجعل الله أعيادك مديده وسعيده
وبعد شكر الله نشكرك على ما بذلته من جهود في جميع النواحي
وحبيت أن أجمع قصائد والدي العزيز في موقع واحد
وهذا أقل ما أقدمه في حق والدي العزيز أمد الله في عمره

جمعه : معاذ ابن خليف ابن سعيد العطيعط العنزي.

يقول : خليف بن سعيد

بديت باسم الله هو ولي الأقـــــــدار ... ياعالم سر الليالي وغيبــــــــــــــــه

الواحد المعبود بيده الأعمـــــــــــار ... والرزق من عند الولي معتنيبــــــه

ياواقي إبراهيم من حامي النـــــــار ... بقدرتك يارحمن تطفي لهيبــــــــــه

يامغرق فرعون الطاغي وجبــــــار ... ومجري سفينة نوح به تعتليبــــــه

يامدمر عاد بريح وصـــــــــــرصار ... ويامطلع يوسف من قليبــــــــــــــه

ياغافر ذنوب صغيرات وكبــــــــــار ... ويامشفي أيوب مما أبتليبــــــــــــه

من بعد ذكر الله نبدي بالأسطـــــــار ... نكتب بيوت بالمعاني عجيبــــــــــه

يابو مرضي صابني البارح أفكــــار ... ياشبه سيل قام يلطم شعيبـــــــــــه

ابديت لك يالقرم يانسل الأحـــــــرار ... أهل المواقف بالأمور الصعيبــــــه

ياشيخنا مانبي غيرك ونختــــــــــار ... لك المحبه بالصدور الرحيبـــــــــه

يفداك اللي بين الرجاجيل نقـــــــــار ... هرج يقفيبه وهرج يجيبــــــــــــــه

تراك من ربع يدوسون الأخطـــــــار ... عدوهم تصبح حياته مخيبــــــــــه

من دور ساجر بالفعايل لكم كـــــــار ... أصحاب المعاني حقهم ماأغديبـــه

ياعل مسكانه بجنات وأنهـــــــــــــار ... بعفو رب كلنا نلتجيبـــــــــــــــــــه

أولاد حسن من قديم لك أنصــــــــار ... ليا جا نهار فيه يوخذ عزيبــــــــــه

أولاد حسن عز للضيف والجـــــــار ... والملتجي عندهم ينسى قريبــــــــه

أعمهم بالطيب وافين الأشبــــــــــار ... العزوه اللي دايم نعتزيبــــــــــــــــه

حبيت أبين وأذكر بعض الأخيــــــار ... فعولهم بالمراجل طريبـــــــــــــــــه

منهم خشم أمير بطل ومغــــــــــوار ... والخيل من فعله تقفي مهيبــــــــــه

زايد طويل الفخذ ينخاه محتـــــــــار ... فك العجيه من غزاة غصيبـــــــــــه

شمران هو طير السعد حر الأوكــار ... كم شيخ قــــوم صار عنده قضيبــه

تريشات ليا ركبو قب الأمهــــــــــار ... فريس من فريس شب وشيبـــــــــه

ولا السهيكي ينطح الجيش ســـيــار ... زبن الدخيل ليا ارتختبه هليبــــــــه

فلاج هو فلاج بضيعات الأبصــــــار ... ساس الشجاعه والمجاني عريبـــه

صامل صمل بالمرجله سر وجهـــار ... يشهد له التاريخ مما احكيبـــــــــــه

سلطان سلطة كل عايل ومكــــــــــار ... شامت له الخفرات من فعل طيبــــه

عايد من فوق الخيل به تجمح الطار ...اليا درع بالقوم يكثر ذهيبــــــــــــــه

مريزيق بالأفعال تذكر له أذكــــــــار ...خيال سبلا والمضارب عطيبــــــــــه

مسهوج راع السيف نطاح الأشــرار ... ياويل خصمه طاح بأكبر مصيبــــه

حسيب الجماح يوم الدخن ثــــــــــار ... قلايعه عشرين ةلاهي غريبـــــــــه

ظويهر المقدام مايقبل أعــــــــــــذار ... اللي على العدوان عجل هذيبـــــــه

لباد يوم الوالده صاحت أنــــــــــــذار ... أرخص بروحه دون ذوده جليبـــه

قريبان وقت اللازمه للطلب غـــــــار ... رمحه طويل والمعادي يصيبـــــــه

ثويني على صم الرمك يفرح الجـــار ... دبجان فعله كل حي دريبـــــــــــــه

نقا على الفزعات مقدام وإن غــــــار ... من فوق خيل مكسرات سبيبــــــه

دانوق فعله عنه تنبيك الأخبـــــــــــار ... وكل الفحوله بالمواجه حريبــــــه

عايد ابن مسفر بالفعل جســـــــــــــار ... ومنزل رمى الخيال خطر صويبـه

لاشك ابن خضير يوم اللقا حــــــــــار ... يفزع مفزاع الأخيذ ويجيبــــــــــه

بردات أبو فرهود الخصم ينهـــــــــار ... غدير على القالات خايب طليبــــه

وقيت بالضيقات للقوم مذعــــــــــــار ... ليا صارت اللقوات ضيع لعيبــــــه

سعيد البحان يعجبك وإن ثـــــــــــــار ... سويد نهار فيه يرهب حريبــــــــه

عبيد الغوال بضيعات الأبصــــــــــــار ... فدا بروحه يوم شبت لهيبــــــــــه

منادي يخوض القوم بساعات الأمرار... وادي شجاعن ما يتشافى ضريبـه

ذيبان وهليل رخيصين الأعمــــــــــار ... باعو أرواحن يوم حلت شويبــــه

خلف ابن سحمان سديد الأشــــــــوار ... ليا لحق فزاع فك النهيبـــــــــــــه

ابن سبيل قدم الهجن مانــــــــــــــــار ... متقدم ربعه ولافيه ريبـــــــــــــــه

مطر ابن حماد للجمع كســــــــــــــار ... الجمع لوهو واقف ما يهيبـــــــــه

وجليل يعطي جزيلات الأبكــــــــــــار ... يبغى الأجر ياعل ربه يثيبـــــــــــه

يوم المعادي صال بالليل غــــــــــدار ... خلوه خسران يجر الغليبـــــــــــــه

وعذاب عذب بالكرم لكل مـــــــــــرار ... ذباح حيل بالسنين العصيبــــــــــه

أبو خليل اللي على الكود صبــــــــار ... البيت شامخ ولا يمله شريبـــــــــه

هذي فعايلهم ولابها انكـــــــــــــــــار ... قول بلا صدق سماج ومعيبـــــــــه

ياليت دور الصحابه لنـــــــــــــــا دار ... كل على حقه يبين طليبـــــــــــــــه

صلاة ربي عد ما طــــــــــــاف زوار ... على النبي المصطفى نقتديبــــــــه

الي انا اعرفه ان خليف بن سعيد له قصائد كثيره
وانت ياخ معاذ تقول انه ديوان يفترض انك انتظرت
حتى تجمع جميع انتاج والدك الشعري ووضعته في
ديوان واحـــــد بدل ان تظيف بين كل فتره واخرى
قصيده واثنتين ويكون بينهن فاصل لانه حسب
علمي التعديل غير متاح حتى تظيف ماتود اظافته
مستقبلا الا بموضوع مستقل
وحفظك الله

شكراً لنجل الشاعر خليف السعيّد الفاضل معاذ على حرصه على جمع وتدوين شعر والده وهذا من البر بالوالد والأعتزاز به ويستاهلون الثناء والمديح الرجال الذين أشاد بهم فهم من أعلام القبيلة

مجارات الشاعر الكبير عبدالله بن عبار ردآ على خليف بن سعيد

مع الشكر الجزيل للشاعر خليف بن سعيد الحسني على مشاعره نحوي من خلال هذه القصيدة

التي يثمّن جهدي بعد أن بلغه خبر الجحود والتنكّر من بعض الرجال

كما أشكر الأخ الفاضل فواز العطيعط على نشر هذه القصيدة :

يقول خليف بن سعيد :

يـا أولاد وايـل قـدروا ابـن عــبــار *** راع الـعـلـوم الطـايـلات الجـزيلـه

إن قيل شاعر قلت شاعـر وبيطـار *** مـن خـوفـه الشعـّار تـقـفي ذليلـه
لاهان ابو مشعل على الربع صبار *** شيـّال صعـبـات الحـمـول الثقيلـه
مواقفـه تـشـهـد بـهـا كـل الاقـطـار *** وتجهـل بهـا أهل العقول الجهيله
نفسه عزيزه ماركض يبي ديـنار *** ولا هـو وراء التجار يومي شليله
قـصـده مـعـزت لابـتـه ياهـل الكـار *** وحـروف شعـره مجمـلات القبيله
مـالـه حـلي الا كـمـا طـود سـنجـار *** تهبـــــه الارياح وصعبن تزيله
نجـزاك بالمعروف بأبيات الأشعـار *** وراع الحسـد والحقـد ربـه كفيله
لاشــك وايــل جــدنــا مـابـه إنـكـار *** مار افهموا يـأهل القلوب الهبيله
حنـا اهـل الفـزعـات حـمـايـة الـدار *** أيام أركوب الخيل وبنت الاصيله
يـامـا نـزلـنـا بـدو بـفجـوج الاقـفـار *** اولاد وايل مقــــحـــمين الدبيــلـه

قال عبدالله بن دهيمش بن عبار شاكراً زميله خليف بن سعيّد على أنصافه :

لك الشكر يا خليف يا نسل الأخيـار *** تعيش يا ساس الشرف والفضيله

لك الشكـر يا طيّـب الساس تـكـرار *** حيثك من الـلي يكسبـون النـفيـلـه
أولاد حسـن مـن صماصيـم عـمّـار *** حـمـايـل وشجـعـان يـوم الـدبـيلـه
أشكرك ثـم أشكرك يا حـر الأحـرار *** واشكـر القـرم الـلي اهـدافه نبيله
فـواز جعلـه من طويليـن الأعـمـار *** أطلـب لعـل سنين عـمـره طـويلـه
حيثه كتب عن لابته صدق الأخبار *** شبحه بعـيـد ولا أهـدافـه هـزيـلـه
وبعد الشكر نبدي لكم كـل الأسرار *** والـلي يـقـول الـقـول ربّـه وكيلـه
بالنـاس عميـان البصاير والأبصار *** مـالـه سـوى ذم القـرابـه وسيلـه
مجـهـودنـا مـا يجحـده كـود مـكـّار *** شين الضمير الـلي يـبور بعميلـه
نـعـوذ بالرحـمن مـن شـر الأشـرار *** أهـل العـلوم الناقصـه والـرزيـلـه
والنـاس مـا تسمع هـذاريـم ثـرثـار *** والهرج بـلا برهان ما ينصغيلـه

الأخ الشاعر : طالب الونيس
أنت كلامك صحيح
وكنت أنا جامع الديوان كامل
ويحتوي على كثير من القصائد للوالد
غير القصائد الغير منشوره التي رفض أن يضهرها
لكن لم يتاح لي المجال أن أنزلها دفعة واحده
حيث أن الموقع لم يقبل

مرثية بالأمير نايف غفر الله له

الله اكبر والعمار محسوبــــــــــــه .......... ..
.. ................ جانا الخبر الفاجعه موت نايف
ملجا الضعيف وزبن ناس لجوبـــه ........... ..
.. ................ عند الشدايد مزبن الكل خايف
على الوطن فقده اكبر عقوبـــــــه ............ ..
.. ............... يالله نطلبك العوض والخلايف
بطل شجاع وناجحات دروبــــــــه ...............
.. ................. عليه ياكثر الاسى والحسايف
يالله ياغفار تغفر ذنوبـــــــــــــــه .............. ..
................. نطاح كبر المعضلات الصلايف
يالله تجعل جنه الخلد صوبــــــــه ............... ..
.. .................. راع الخصال الوافيات الكلايف
مغلق ابواب الشر بحكمه اسلوبه .................
.. .................. على اختلاف الوانها والطوايف
انا احمد الله عندنا من ينوبــــــــه .................
.. ..................... عبدالله وسلمان وعيال نايف
اخوان نوره بالوطن واعتنوا بــه ................ ..
.. .................... اللي حموا الدار عن كل زايف
مال العدو فرحه سودن قلوبـــــه ................. ..
.. ................... أحمد بداله كاملن بالوصايف

قصيدة ( يا أبو متعب يازعيم العروبة )

يـــابـــو مــتــعــب يــازعــيـــم العروبه
***شـعــبــن يـقــتــل يسـتـغـيـثـك ويـنــخاك
فـيـك الشـهـامـه مـــن قـديــم الشـبـوبـه
***الله يــعـــزك يــابـــو مـتــعــب ويــرعــاك
ارواحـــنـا يــاســيــدي لــــك جــلــوبــه
*** غضـبـك يغضـبـنـا ويرضـيـنـا ارضـــاك
وانخى الصباح من الرجال المحسوبه
***اخـــوان مـريــم فعـلـهـم والـخـبـر جـــاك
ويـن الـخـلـيـفـه والـمـواقـيـف نـوبـه
***ويـــن اخـــو نــجــلا والـيـتـيـم يـتـرجــاك
ويـن ابـن ثـاني كـم نـاسـن لـجـو به
*** اخوان روضه ليصطفـق ذاك مـــــع ذاك
وانـخى خلـيـفه ليا أشـتـبـت لهـوبه
*** ابـــوك زايـــد لأأطـيــب الـطـيــب ربــاك
ولا رجاء بالـجـيـش قـال احضـبـوبه
*** اقــــــول تــســلم والــرديــيـــن تـــفــداك
بـيـن الاسـد وأيـران كـيف اجـرموبه
*** لا خـوف مـن الله ولا خــوف مـــــن ذاك
فـي بطـشهـم مـن حـقـدهــم نـكـلـوبـه
*** يـاقـاتـلـن شـعــبــه انـشــلــت اعــضــاك
كم حرة(ن) تذرف دمـــع مغـصـوبـه
*** حـتــى الـيـهــودي مـايـســوي ســوايـاك
يـالـحـاكـم يـالـظـالم بــانت عــيــوبه
*** اطـلـب مــن المـعـبـود يـعـجـل بـفـرقـاك
باسـقــاط حزبه يــاعـرب عـجـلـوبه
*** الـحـزب فـاسـد مربـكـن شـعـبـه اربــاك
ادعــو مـــعـي لــلأجــاويـــد حـــوبه
*** شهـر الصيـام ويقبلـه خـالـص دعــــاك

مجارات طالب الونيس على قصيده خليف بن سعيد
يا أبو متعب يازعيم العروبه


الـــشـــعـــر تــوه حــــان حـــــــــزة وجــــوبـــــه


وياهاجسي عطني من اللي الله اعطــــــــــــــــــــاك


ابــــي بـــــيــــــوت بــالـــمـــعـــان مــحـــســـوبـــه


عـــودتـــنـــي عـــــلـى الـــجـــزالــــه بــمــعـــنــاك


قـــافــــاً قــريــتـــه حـــرق الــــجــــاش شــــوبــــه


يـــابـــن ســعــيــد جـــعــــل الانـــــــذال تـــفــــداك


نـــخـــيـــت زيــزوم الـــــعـــــرب والـــعـــروبــــه


وانــــا بــعـــد مـثــلــه يــابـــو مـتــعــب انــخـــاك


نــنــخــاك فــــــي يـــومـــاً عـظـيــمــه خــطــوبــه


ولاظـــنــــتــــي يـــخــــيــــب منهو تـــــرجــــــاك


ارقــــابـــــنـــا وامــــوالـــــنـــا لــك جــــلـــــوبـــــه


وارواحـــــنــــا يـــاســـيّــد الـــــعـــرب تـــــفـــداك


حــلــلالــهــا ون صــــــــار فــيـــهـــا صــعـــوبـــه


ومـــــن حــدتـــه عـــوج زمـــانـــه تــنــصــــــاك


الـــشـــعــب يـــقـــتّـل والـــفـــتــــاه مــغـــصـــوبـــه


مـــــــن حــاكــمن ظــــالــــم ولــــلــــد م ســــفـــاك


بـعــثــي وحــــــزب الــبــعــث هــــــذي دروبــــــه


صـــــــدام وش ســـــــوّا بـحـلـبــجــا والاتــــــــراك


طـــــاغــــــي وحـــــولـه زمـــــــــــرةّ غـــــرروبــه


مـــايـــردعـــه يــــاكـــــود مـــثـــلــــك وشــــــرواك


شـــــــورك تـــــــرى كـــل الـــعــــرب يـقــتــدوبــه


الله عــــلـــــى حــــســـــن الــتــدابــيـــر يــــقـــــداك

قصيدة ( يعيش عبدالله ويعيش سلطان )
غفر الله لسلطان


الحمد للباري شكرٍوعرفـــــــــــــــــــــــــــــان......
...... الواحد اللي عالمٍ بالخفيـــــــــــــــــــــــــــــه


يعيش عبدالله ويعيش سلطـــــــــــــــــــــــــــان.....



...... أهل القلوب الصافيات النقـــــيـــــــــــــــــــــه



ليا إعتزى نايف قال أخو سلمــــــــــــــــــــــان.....

...... كل سعودي ثار من الغايريـــــــــــــــــــــــــه

بسلامة محمد سلايل كحيــــــــــــــــــــــــــــلان.....
...... عسى الولي ياقاه رب البريـــــــــــــــــــــــه
لك الشرف يا أمير والفعل برهــــــــــــــــــــــان......
...... بآل السعود والعزوه الوايليـــــــــــــــــــــــه
عزَ الله إنك للضعيفين مزبـــــــــــــــــــــــــــان......
...... فيك المروه والآيادي سخيــــــــــــــــــــــــه
يا تاجنا يا فخَرنا طوال الأيـمـــــــــــــــــــــــــان......
....... أنتم هل الردات وأهل الحميـــــــــــــــــــــه
المجرم الغادر بلا شك شيطــــــــــــــــــــــــــان.....
...... خفاش ليلٍ ملتوي بالزويـــــــــــــــــــــــــــــه
الفئه اللي فعلها بان خســـــــــــــــــــــــــــــران.....
...... وعقولها بالذات ماهي سويـــــــــــــــــــــــــه
أنا أحمد الله يوم هذا الغدر بـــــــــــــــــــــــــان.....
....... متفجرن مع كل قطعه شظيــــــــــــــــــــــــــــه
يبون جنه وهم طاحوا بنيـــــــــــــــــــــــــــران......
...... ومن الجهل كلن يلغم خويــــــــــــــــــــــــــــــه
أنتم نهجتم نهج عارن وخـــــــــــــــــــــــــذلان.....
...... أهبو هبيتم يا الوجيه الغبيـــــــــــــــــــــــــــــه
حنا لهم يا أمير ننزل أميــــــــــــــــــــــــــــدان.....
....... وأرواحنا للدين تهتدى ضحيــــــــــــــــــــــــــه
إن كان تبون الشهاده وشجعـــــــــــــــــــــــان....
..... المسجد الأقصى يوصي وصيــــــــــــــــــــــــه
فيه اليهودي حل بطشٍ وطغيـــــــــــــــــــــــان.....
..... على العرب والله فعلآ خزيــــــــــــــــــــــــــــــــه
ستين عامآ بين ياهو وديــــــــــــــــــــــــــــان.....
..... والبوش معهم لعبته مسرحيــــــــــــــــــــــــــــــه
يا الله يا معبود يا عالي الـشــــــــــــــــــــــان....

...... إنك تعود الحق بحل القضيـــــــــــــــــــــــــــــه

قصيدة ( من وقتك الحاضر لسن الطفوله )

تصريح سيدي نايف بن عبدالعزيز يحي القلوب الميته

عندما قال من كان يرضى ان تكون زوجته او ابنته

تعمل سكرتيره عند رجل اجنبي تنقصه الرجوله...


نايف شبيه أبوه فعل وملاميــــح***
عبدالعزيز اللي عداه شهدولـــــــه
الحاكم المامون مخلي المراويـــح***
مشين على الأقدام ويشعب ذلولـه
قضى على الفتنه حروب ومجاريح***
وأسس كيان وجمع الشمل دولـــه
زحزيح ما تاقف بوجه زحازيــح***
حكم كتاب الله وسنة رسولــــــــه
تصريحك ياسيدي حي تصريـــح***
تصريح سياسي حاكمه بالرجوله
انت اعتليت المجد ياهاب الريـــح***
من وقتك الحاضر لسن الطفولــــه
إن يبست الأرياق وقفو مدابيــــح***
انت الشجاع وفايزٍ بالبطولــــــــه
وافي الخصايل يابعيد المطاميــــح***
فعلٍ قديمٍ وارثه من زحولـــــــــــه
تصريح واضح لك من غير تلميح***
لعل تفهم منك ناسٍ جهولــــــــــه
ترفعلك البيضا كل المفاليــــــــــــح***
أهل الشهامه والرجال الفحولـــــه
ناسٍ تبي عقولها دوم تصحيــــــح***
قولٍ دليل مثبت بالمقولــــــــــــــه
أفكار علماني خبيث المناصيـــــــح***
يبون للمرأه صوله وجولـــــــــــه
يبونها تذهب وتلعب مراجيـــــــــح***
عن الكرامه خاضعه ومخذولـــــــه
ويبون للمرأه أهانه وتجريــــــــــح***
مثل بلاد الغرب مهي محفولـــــــــه
ولا الهدف واضح بانو مكاليــــــــح***
ومن الحول لادين تبقى معزولـــــــه
ياأخوان نوره ياذرنا عن الريــــــح ***
إنتم أسودٍ معقبين شبولــــــــــــــه