قصائد جديدة :

في بداية السكن في بلدة البطين الواقعة في ضواحي بريدة بمنطقة القصيم تعرفت على رجال
أكارم من سكان تلك البلدة وكلهم من خيرة الرجال وكان لي شرف التعرف على حمولة
الدخيّل من البرازات من السهول ووجدت رجال يستحقون الثناء فقلت قصائد سبق وأن
نشرت بهذا المنتدى وقد زارهم الشاعر فياض بن زرم الشملاني وكتب أبيات بالرجل
الفاضل سعد بن دخيل السهلي ثم جاراه الشاعر عبدالله بن بداح بن عبلان السهلي
وأشاروا الشاعرين للقصائد التي كتبتها سابقاً وإليكم ما قيل في هذا المجال

قال الشاعر فياض بن زرم الشملاني العنزي هذه القصيدة يثني على سعد
الدخيّل السهلي يقول :

راكـب الـلي مـا شـروه المفلسين ** مركـب شيوخ تحـل المشكلي
منـوة الـلي للسفـر مستعـجـيـن ** رنج روفـر مـا ورد مثلـه حـلي
من ضواحي الخرج روّح للبطين ** مـرسليـنـه بالـتحـيـة لسهـلي
سعـد دخيل الله عشيـر الغـانميـن ** صامل الوقفات وأسمع مايلي
لا دخلـت مـع البلـد نـاظـر يـميـن ** وأفهق الجامع وخلك مشملي
تـلـفـي بـيـت مـدهـل لـلـطـيـبـيـن ** ودلـة مـن فـوق نـار تصطلي
بـيـت أبـن عبـلان ذبّـاح السميـن ** فاتـح بابـه يقـول أقـبـل عـلي
شوف عيني وأسمعوا ياسامعين ** يفـرح اليا شاف ضيف مقبلي
قبلي عبدالله راعي القول الثمين ** يمدحه وأنا معـه سقـت جـملي
يمـدحـه لأنـه كـفـو عـلـم يـقيـن ** أبـو مشعـل عـالـم مـا يـجـهـلي
وأنا والـلـه مـا مدحـت الخايبيـن ** ولا مدحت أرجي العطا وأنا ملي
مارأخو صيته سعد ذرب اليمين ** بمدحه واللـه عـلى عباده ولي
جاذبه عـودن وفـاء دنيـا وديـن ** مـن ربـوع سهمهـم مـا ينطلي
هـذا وأنـا لـي طلـب وقـل آميـن ** أنـك تـشّـرف محـلي يـا سهـلي

وقال عبدالله بن بداح بن عبلان السهلي هذه القصيدة مجاراة
لقصيدة فياض بن زرم العنزي :

بسمـك يالمعبـود رب العـالميـن ** اســم ربــي بــادي بــه أولـــي
قـبـل نظـم القـاف بالله مستعين ** شاقـني طـاروق قـاف الـوايـلي
يابو فهد مدحك بالممدوح زيـن ** شاش راسي يا رفيـع المنـزلي
مـرحـبـا مليـون تـدبـل مـرتـيـن ** عشت والـلـه هـات يـدك مـدلي
لا سمعت المدح بسكان البطيـن ** أرتـفـع زيــادة فــوق مـعــدلـي
مدحهم لي مدح وأنتـم عـارفين ** حـيـثهـم سكانـه ربـعي وأهـلي
وسعـد يا فيـاض ربعـه طايليـن ** لا تستغرب عندهم ذبـح الطـلي
الكـرم خسـارة قـول الفـاهميـن ** والخسـارة مثـل ذوق الحنظـلي
كـم واحـد قـد قـال ماهم مغتنين ** كان هـو يهبل كـرمهـم يهـبـلي
وكـم واحـد قـال ذولا مسـرفيـن ** خفت لضحك من كرمهم وابتلي
قـولـت نعـم مبـطي بهـا فايزيـن ** مـا نـزوّر والحـقـائـق تـنجـلـي
يا أبـو فهـد سلم أهـلنـا الأوليـن ** ما نجنب عنـه والمخـرج مـلي
ولا سمعت بسعد مدح المادحين ** انفعل طناخة تـقـل مـاني خـلي
حلوها من وايل شاهد شاعرين ** جـب دلـّة الكيف منها صب لـي
أبـو مشعل وأبـو فهـد شاهديـن ** وعقبهم أشوف مدحه طاب لي
دام شهوده أبن عـمي حاضرين ** أبـدلي بدلوي من ضمن الـدلي
أبو محمد شفتطيبه شوف عين ** ما هـو قول مـن كـلام يـرد لـي
حاضر الفـزعات وأنتم خابريـن ** الطنـاخـة تـغـلي بـراسـه غـلي
فزعته تزعل قـلـوب الحاقـديـن ** ماهي فـزعة كان اقطع لك شدلي
أشهد أن الفزعة اللي بوقت حين ** مـالـهـا لـو حـلـو الـعـالـم حـلي
قومته مثـل حـد السيف السنين ** ناضجـة شـوي ولا تـجـي قـلي
يدحم الصعبات بالجنـب المتيـن ** جـعـل بعـمـره الليـالـي تـمهـلي
شاكر المعبـود لـه ربـه عـويـن ** والقـناعـة منهـا فـكـره ممتـلي
والبـخـالـة دوم راعـيهـا ذهيـن ** مـاني قـايـل خـاف يحبط عملي
حـرّم الإسـلام ذم الـمـسـلـمـيـن ** بـالـمـذاهـب كـلـهـا والحـنـبـلي
ومدح سعد ما هـو ذم الآخرين ** والـلي وده يزعل خلـه يـزعـلي
وعـلمـوني بالخـطـأ يا معـلمين ** أسـدد قـبـل الـغـرامـة تـدبـلـــي
والسـلام خـتـام وأنـتـم سالمين ** والسمـوحـة كـان فيهـا مدخـلي

قال عبدالله بن دهيمش بن عبار هذه الأبيات مجاراة لقصائد الشاعرين فياض
بن زرم العنزي وعبدالله بن بداح السهلي وذلك في مدح سعد بن دخيل السهلي :
من روابع خاطـري بـاح الكنيـن ** والقـصائـد تـزدحـم بالمحـفـلي
قلت أجـاري شاعرين مبـدعيـن ** صاغوا المعناعلى قاف سهلي
أبن زرم شاعر وشعـره رصين ** وقاف أبن عبلان مفهوم وجلي
ماخلولي من مطيب القاف شين ** وأبي القـط ما بقي عـلى مهلي
عشت يامادح رجال من البطين ** عـسى يعـلـه مـن الهاشل ولـي
افتهم يا صاحـب العـقـل الفطين ** اعرف المظمون والهرج صملي
أمـدح المنعـور ريـف الـوافديـن ** أخـو صيته طيّـب وعلمه شلي
أمدح الشغموم بالقول الرصيـن ** مـا اتعـذر عـن ثـناه من جهلي
حيث لـه بالطيب برهـان ويقيـن ** واعتبر شرواه حيـدي وجبـلي
يلقـا ضيوفـه مسفهـل الحاجبين ** والجزل يشريه لو سعره غـلي
سعـد بـفعـل الكـرم عـلمـه يبيـن ** مـن بلـد يـبـريـن لا ديـرة بـلي
وله شقيق لو يشيل حمول ديـن ** مـن بذل كفـه تحسب أنـه مـلي
ذاك محمد ما رصد ماله خزيـن ** يرزقـه الـلي فـوق خلقه معتلي
لـو شويره قـال لـه ضم اليديـن ** قال دعني هـذا شغـلي واعملي
وكل ربعـه نسل صيد الأكرميـن ** من قـربهم دوم عنهـم ما سلي
الـبـرازي كـلهـم كـهـل وجـنيـن ** دمـهـم يـبـري الغـليث المبتـلي
خلفة العوام من ماضي السنين ** فارس الفرسان فـوق العـوبـلي
جـدهم الـلي سـاد بالبيت الأمين ** حكم مكـة عقـب عثمان وعـلي
بالجمـل تشهـد لـه أم المؤمنين ** يـوم قـالـت خـالتـه قـد بجـمـلي
وخالهـم صديّق سيـد المرسلين ** أبـو بـكـر كـل مـنـهـاجـه تـلــي
من صماصيم الهـداة المهتديـن ** من عبث بالدين يصلونه صلي
جاهـدوا ضد العصاة المشركين ** يـوم بالـميـدان للخـيـل اعـكـلي

قصائد جزلة من شعراء كبار ويستاهلون السهول في البطين وأهل البطين وصح لسانك يافياض بن زرم الشملاني العنزي وكذلك الشاعرعبدالله بن بداح بن عبلان السهلي والشكر موصول لوالدنا الشاعر النسابة المؤرخ الكبير أبامشعل : عبدالله بن عبار العنزي ...

شكرأ لك يا ابو مشعل

قصائد جزلة من شعراء كبار ويستاهلون السهول في المملكه العربيه السعوديه وأهل الخليج وصح لسانك يافياض بن زرم الشملاني العنزي وكذلك الشاعرعبدالله بن بداح بن عبلان السهلي والشكر موصول الشاعر النسابة المؤرخ الكبير أبامشعل : عبدالله بن عبار العنزي ...

قصائد جزلة من شعراء كبار

ومن كسب الطيب يستااااهل المديح..

ويعطيك العاااافيه .. شاعرنا الكبير ابو مشعل..

قصائد طيبه ومن رجال طيبين

وقال الشاعر : فراج بن عبدالله بن سعيد البرازي السهلي مجاراه للقصائد السابقه :
يامرحـبـا في قـاف مـروين السنيـن *** اعـداد هـمّـال الـمــزون الـهــمـلـي
جـاني قصايـد طـرقها طـرقٍ حسين *** مـن نـظـم شعّـار تـحـل المـعـضـلي
اثـنـيـن مـن وايـل يـزكـون اليـمـيـن *** والـكـل مـنـهـم قـال والمعـنـا مـلـي
تـرثـت رجال باللقاء تحـمي الظعين *** خـيـل مـكـامـيـنٍ وخــيــل تـرسـلـي
يحذون عـقب الكـون خالين اليديـن *** شـي صحيـح مـؤرخـن فـي سجـلي
والثـالـث أبن أخـيـه عـيـد المقبليـن *** عـبـدالـلـه بـن بـداح طيبـه عـد لـي
دايـم جـنـابـه لـيّـن وعـقـلـه رصيـن *** واحـجـاج يـضحـك دايـمـاً للمقـبلي
يا مبـارك النـاصـر زبـون الجايعيـن *** ادخـلـتـنـي مـابـيـن وافـيـن الـدلـي
جـبـت القصايـد وافـيـه مـن وفـييـن *** يا مـرحـبـا بالـقـيـل والـلي يـنـقـلي
وأنا باخذ معاهـم من طرف السمين *** واجـاري الشـعـار يالـقـرم الـشـلـي
سعـد مع الـوافيـن عـلـمه لـي يبيـن *** يطـمح عـلى الطولات ماهـو ينكلي
والـلي كـمـا سعـد لـه البيضا تـزيـن *** الـلـي كـمـا هـّداج تـيـمـاء مـنـهـلي
افـخـر بـمثـلـه وافتخـر بـه كل حين *** الـلي كسب عـلـم الـوفـاء ما هـملي
من روس قـوم للمـراجـل محتسين *** هـذا صحيح العلـم مـا عـنـه اسئـلي
ربـعـه بـرازات عـلى عـسر السنين *** افـعـالهـم بالطـيـب فـي عـال العـلي
وصلوا على المختار سيد المرسلين *** اعـداد مـا طـاف الـحـرم لـه قـبـلي