يامكثرين الهرج لااسمـع ولااجيـب "
"تريحوا من فضلكـم واسمحـوا لـي
تريحـوا لاتلحـقـون المشاهـيـب "
"على الردى مانـي شفـوق عجولـي
بالعقل والصبر ادب النفـس تاديـب "
"والا لهـا مـده تصـول وتجـولـي
خلج ترازم فـي سيـاج المحاديـب "
"مافيهـن اللـي بالعقـال معقـولـي
اشد وطية زور مـن شمـخ النيـب "
"اليا ضاع مفعو ل الحيـل والحلولـي
انـا لاقلـت ارتـب القـول ترتيـب"
"حتى يجـي كـي علـى فـك قولـي
اليا ارسلت لافكار القريحـه مناديـب"
"ترايعن مـن عقـب ماهـن جفولـي
لكن مالـي مـن وراهـا مكاسيـب "
"لو كان عشاق القشـر صفقـوا لـي
مامستفيـد الا العـدو والاجانـيـب "
"ولانـي مطيـع مقرقعيـن الطبولـي
خليتهـا تعطـي فجـوج مجاديـب "
"جربا تجـود فـي رسنهـا مهبولـي
والله لااجنـب دام لـي درب تجنيـب "
"من شرهة حشام الرفاقـه خجولـي
لـو انهـا بيـن النحـر والتلابيـب "
"من الحيا وجهـي مهـوب مغسولـي
طبـع لنـا نشـب عليـه ونشيـب "
"وطبيـعـةٍ لعـلـهـا مـاتـزولـي
على الجماعه للجماعـه مواجيـب "
"الا جهلـوا قـدر الرفيـق الهتولـي
ماني على ربعي قريـب محاضيـب "
"ادنـاة مايخلينـي اسـرج خيـولـي
ان جات من طيب شقاها على الطيب "
"لو انها اعوج مـن رقبـة الذلولـي
وان جات من مسكين منطق واساليب "
"حطيتهـا بيـن الثـرى والنعـولـي
لاحركـت شعـره ولاطلعـت شيـب "
"ولاضيقت صـدري ولاطـق جولـي
وان كان في صبري على ميلهم عيب"
" العيب تفتيـش الصـرر والحثولـي
لاقمت تذكر فـي رفيقـك عذاريـب "
"وتبيـن عيوبـه لذولـي وذولــي
صبرك على ربعك عـلاج وتطابيـب "
"يقصـر حبـال السالفـه لاتطـولـي
حتى مايلقا فـي طرفهـا مقاضيـب "
"كـراه خيـر وللمشاكـل ميـولـي
واليا بليـت بتايـه شـره وصعيـب "
"يقول انا العـراف وانـت الجهولـي
قـل الله الله ياحصـان الاطالـيـب "
"يالفاهـم العالـم عطيـب الفعولـي
هذا الكلام اللي مافي صحتـه ريـب "
"لانيـب لاحولـك ولانتـاب حـولـي
حصان وبن حصان طيـب مجاذيـب "
"وبالمعرفـه رجـل محلـي ودولـي
خله يروح يخطي الـدرب ويصيـب "
"يقول مابالنـاس عرضـي وطولـي
والفرق ماهو باللحـى والاشانيـب "
"الفرق بين النـاس فـرق العقولـي
كم واحد تحسن بـه الظـن ويخيـب "
"السـن يضحـك والفـواد معلولـي
واللي غدت به كلمة مالهـا غيـب "
"ماهو من اطيب ربعي اللي غدولي
يالله عساها صيحة فـي قفـا ذيـب "
"وقلـع النيـا بينـي وبينـه يحولـي
الرجل مايغصب على الطيب تغصيـب "
"اليا صار ماهو دل ضمـن الدلولـي
ومن عادة اللي طيبه يحضر ويغيـب "
"لاطالـت الرفقـة زهـوق ملـولـي
واليا بلنـك غبـر الايـام بصحيـب "
"في مستوى طيبـه صعـود ونزولـي
اعرف ترى الدنيا دروس وتجاريـب "
"والكامـل الله والنـقـا للرسـولـي
لاتصير مشـذاب يقـص العراقيـب "
"خلـه وراع الاولــه وش يقـولـي
اخذت حكمه مـن كـلام اللواعيـب "
"للطيـب نـاس وللعـذارى فحولـي

وين الردود

ألاخ نــــايف الهبداني ألف ألف ألف شكر لك على القصيدة الجميلة تقبل مني كل المودة والحترام

قصيدة رائعة تكتب بماء الذهب مع الشكر للأخ نايف الهبداني

صح لسان الشاعرلافي الغيداني الحربي وشكرا للاخ نايف على الاختيار الجيد

الف شكر اخينا نايف الهبداني .. قصيده كما ذكر الشاعر الكبير ابو مشعل
صح لسانك وطاب مسعاك ايها الاخ الفاضل .

تحياتي للجميع منكم على تقديركم لي وهذا من فضلكم وجهودكم
وشكرا للاخ عبد الله بن عبار على الرد المميز

الهبداني صح لسانك ولسان شاعرها الغيداني الحربي عزالله انها قصيدة وتسلم على نقلها الله يعافيك بس المفروض تنوه عن الشاعر بارك الله فيك ...

شـكــ وبارك الله فيك ـــرا لك ... لك مني أجمل تحية .