جبت اللذي غيرك لها ما حـداً جـاب *** وبـينت حـاجـه مثـلهـا مـابعـد جيـب
كـتبـت بالشـعـر وتـواريـخ الانـساب *** وصـارت كتابـاتـك عـلـيها مطـاليـب
ودقـيـت بفعـول الثـقيـلات الاطـنـاب *** وبنيـت لـك بـيتـا تـعـدا عـن العـيـب
ووفـقت مابـيـن الاجانـب والاقـراب *** كلن شهد لـك في زمانك على الطيب
امـا حسـودك يسكـت ويـاكـل تـراب *** كـانـه تـكلـم او كـتـب بـك مـكـاتـيـب
يبحـث عـن الشهـره منافـق وكـّذاب *** يبغى لعقلـه تـالي الـوقـت تصـويـب
فـعـلـه يـشيـن ولا تـجـمـل ولا طـاب *** مسـوي انـه عـنـدنـا صايـرن ذيـب
مـايـدري ان الـليـث لا كشـر انـيـاب *** بيشوف والـلـه في زمـانـه تعاجيب
يـخـيـّب ظـنـونـه اذا الـظـن مـاخـاب *** ويهـذب الـلي عندهـم نقص تهذيـب
وان كان والله صاحب الذنب مـاتـاب *** نحـرق يديهـم بيـن حـمـر اللواهيب
ندعس على الاشناب ونقص الارقاب *** مـاعـنـدنـا رحـمـه ولا فـيـه تـأنيـب
وقت الشتا يرجع إلـى جحـره الـداب *** وبالصيف يلدغ مثـل سود المحاريب
هذا اللذي يرجع بعـد طـولـة غـيـاب *** ينقـص راسه قـبـل يطلع بـه الشيب
دايـم ورى ظهـور الرجاجيل يغـتـاب *** عـزالـلـه انـه ماكسب من مكاسيب
وعـلاقـتـك فـيـهـم مـّدرس وطـّـلاب *** يبغـون مـن حضرتـك عـلم وتدريـب
راسك بوقفاتك عـلى المرجله شـاب *** ولا طـرا لـك تـجـمـع المـال بالجيـب
عـزالـلـه انك من طـويليـن الاشنـاب *** ولابـد مـاتخـطي ولابـد مـاتـصـيـب
والـلي أخطأ لابـد فـي يـوم مـاصـاب *** كـل شي تلقى لـه مع الوقت تخريب
مادام صرت لعـزوتك ستـر وحجـاب *** ورتـبـت مـايحتـاج لـلـربـع تـرتيـب
كـتـبـت تـاريـخ وشعـر داخـل كـتـاب *** محشوم والله عن جميع العـذاريـب
كـل من قـرا لك يبدي بكتبك اعجـاب *** ولا لحـق فـي مـاذكـر شك او ريـب
عـلـمتـني عـلـمـك وانـا تـوني شـاب *** احيـان بالترغـيب واحيـان تـرهيـب
يـابـوي والـلـه مـاتـوفـيـك الالـقــاب *** فعـلـك نـزيـه ولا حصل بـه معـاييب
ماجبت في صغري لنـا كثـر الالعـاب *** دايـم توجهنـا عـلى الجـود والطيـب
علمتني ماقفل عـلى المجلس الـبـاب *** ووشلون اخلي من ضيوفـي معازيب
ميلـت عـقـالي ماهييـب ميلـة الكـاب *** والضيـف لامـنـه لـفـا لـه تـراحيب
خـلـيـتـنـا نـبـذل ولانـحسـب حـسـاب *** مـادام نـعـرف وش عـلينا مواجيب
افـعـالـنـا دايـم عـلـى راس مـرقـــاب *** والطيـب فعـلـه في جميع الاساليب

صح السانك منصور على هذه القصيده الجزله وبيض الله وجه والدك وهو كفو ويستاهل كل ماقيل به من الثناء 0

الاخ الكريم الاستاذ منصور عبد الله العبار
صح لسانك قلت واصبت في ذكر بعض من مناقب الشاعر والاديب والنسابه ابن عنزه البار ابو مشعل . ولاينكر جهوده الا حاقد وكذاب وحاسد او جاهل امعه يردد مايقال له . جميع قبائل عنزه مدانه الى ابو مشعل لانه سطر صفحات تاريخها تبقى مدى العصور وللاجيال القادمه . رغم انف كل حاقد او خبل

الأبن البار الملازم منصور حفظك الله بحفظه ورعاك الله برعايته وشكراً لك على هذه القصيدة الجزلة الداله على نبل أخلاقك ووفاءك ورغم أن شهادتك بوالدك مجروحة ألا أن القول الصادق يكون في محلّه ومن فضل الله سبحانه وتعالى فأنني في مشوار حياتي حصلت على أكثر من الفين قصيدة من شعراء عنزة وغيرهم وكلها ثناء من فضل الله ومن لا شكر الناس ما شكر الله وأن جميع رجال القبائل الذين خاويتهم أو جاورتهم يعرفوني ولم أسمع السّب والشّتم ألا من حاسد وفاسد وظالم
وأن الخطأ الذي يدعي به بعض السفهاء ماهو ألا في مخيلاتهم وقد يكونون هم المخطين لأن الحسد والحقد يعمي البصر والبصيرة وأنني عندما أفخر بشهادات الرجال فأني اعتبرها وسام شرف أما حثالة القوم فلا يشكلون علينا من فضل الله

الأخوين نهيّر بن رخيّص ومتعب الفققي الله يبيّض وجوهكم بياض لا يغشاه سواد على مشاعركم الطيّبة ومثلكم من يكره البغي والظلم وأخيكم لم يقترف أي جرم ولله الحمد وبعض ما يقال وما يكتب هو مجرد فيح صدور بعض الذين عشش في صدورهم الحسد لا غيره وشكراً لكم على حسن الثناء وأسأل الله الستر

1000 شكرلك الشاعر منصور \ وصح السااانك


تقبل مروري المتواضع

الملازم والشاعر

منصور بن عبدالله العبار

الف صح لسانك على هذه القصيده والتي يستحقها والدك حفظه الله ورعاه
ولا غرابه شبل من ذاك الأسد .. ويبقى ابو مشعل شاعر وأديب ومؤرخ قبائل ربيعه عامه
وقبيلة عنزه خاصه .. ومن يحاول تشويه سمعته وتهميش أعماله الجليله التي بذلها لأكثر من أربعين عام
فهو جاحد ومنكر للمعروف ........ أكرر صح لسانك أخ منصور




أنقى تحيه

الشاعر والملازم منصور العبار صح لسانك على هذه القصيدة الرائعة والتي يستاهلها مؤرخ واديب قبائل ربيعة عامة وقبائل عنزة خاصة
ومؤرخ قبائل عنزة الذي بذل جهودا جباره في البحث والتدوين وحفظ تاريخ ومجد وكل ما يخص قبيلة عنزة منذ أكثر من اربعين عاما بذل خلال هذه المدة الطويلة الجهد والمال والوقت وخدم قبيلة عنزة في تاريخها خدمة جليلة لم يقوم اي شخص قبله بمثل ما قام به من ينكر هذا العمل الجبار اومن يحاول أن يشهوه سمعته فهو مما لا شك فيه سلك طريقا خاطئا وهو يسئ الى نفسه وإلى قبيلته قبل أن يسئ الى هذا الجهد الجبارالذي خدم أبناء القبيلة جميعا ووفر عليهم عناء البحث والتعب في امهات الكتب والمراجع حيث أن ما قام به مؤرخ قبائل عنزة عبدالله العبار من جهد في جمع تاريخ وتراث وانساب ومجد قبائل عنزة هي بحق وحقيقة فخر واعتزاز وملك لكل عنزي لأنه يحمل تسلسل وإسم كل فرد من افراد هذه القبيلة

وألنعم يامنصور أبوك تشهد له ألقبائل جميعها وليس عنزه فقط ابو مشعل علم من أعلام ألجزيره ألعربيه ولا احد ينكر جهوده لخدمة قبيلته ودفاعه عنها ومجابهة الشعراء بالحق واظهار الحقيقه ولايستغرب ان نقراء لك هذه الابيات الجزله صح لسانك ونعم الأب والأبن

صح بدنكم واشكركم على كلامكم اللي يشجع
ويخلينا نتقدم ونبدع وطبعا ولله الحمد ان والدي
من طلعت على الدنيا ووين مارحت وجدت من
يرحب بي ويهلي ماهو مني من تقدير الرجال
لوالدي واللي شهادتي فيه مجروحه هذي ولا شي
عن ماقاله في الشعر لن نوصل مواصيله
الله يحفظه ويجعله ذخر لنا واشكركم اخواني
على كلامكم واسلوبكم الراقي صح بدنكم
وتقبلوا تحياتي

قصيدة منصور بن عبدالله العبار :
جبت اللذي غيرك لها ما حـداً جـاب *** وبـينت حـاجـه مثـلهـا مـابعـد جيـب
كـتبـت بالشـعـر وتـواريـخ الانـساب *** وصـارت كتابـاتـك عـلـيها مطـاليـب
ودقـيـت بفعـول الثـقيـلات الاطـنـاب *** وبنيـت لـك بـيتـا تـعـدا عـن العـيـب
ووفـقت مابـيـن الاجانـب والاقـراب *** كلن شهد لـك في زمانك على الطيب
امـا حسـودك يسكـت ويـاكـل تـراب *** كـانـه تـكلـم او كـتـب بـك مـكـاتـيـب
يبحـث عـن الشهـره منافـق وكـّذاب *** يبغى لعقلـه تـالي الـوقـت تصـويـب
فـعـلـه يـشيـن ولا تـجـمـل ولا طـاب *** مسـوي انـه عـنـدنـا صايـرن ذيـب
مـايـدري ان الـليـث لا كشـر انـيـاب *** بيشوف والـلـه في زمـانـه تعاجيب
يـخـيـّب ظـنـونـه اذا الـظـن مـاخـاب *** ويهـذب الـلي عندهـم نقص تهذيـب
وان كان والله صاحب الذنب مـاتـاب *** نحـرق يديهـم بيـن حـمـر اللواهيب
ندعس على الاشناب ونقص الارقاب *** مـاعـنـدنـا رحـمـه ولا فـيـه تـأنيـب
وقت الشتا يرجع إلـى جحـره الـداب *** وبالصيف يلدغ مثـل سود المحاريب
هذا اللذي يرجع بعـد طـولـة غـيـاب *** ينقـص راسه قـبـل يطلع بـه الشيب
دايـم ورى ظهـور الرجاجيل يغـتـاب *** عـزالـلـه انـه ماكسب من مكاسيب
وعـلاقـتـك فـيـهـم مـّدرس وطـّـلاب *** يبغـون مـن حضرتـك عـلم وتدريـب
راسك بوقفاتك عـلى المرجله شـاب *** ولا طـرا لـك تـجـمـع المـال بالجيـب
عـزالـلـه انك من طـويليـن الاشنـاب *** ولابـد مـاتخـطي ولابـد مـاتـصـيـب
والـلي أخطأ لابـد فـي يـوم مـاصـاب *** كـل شي تلقى لـه مع الوقت تخريب
مادام صرت لعـزوتك ستـر وحجـاب *** ورتـبـت مـايحتـاج لـلـربـع تـرتيـب
كـتـبـت تـاريـخ وشعـر داخـل كـتـاب *** محشوم والله عن جميع العـذاريـب
كـل من قـرا لك يبدي بكتبك اعجـاب *** ولا لحـق فـي مـاذكـر شك او ريـب
عـلـمتـني عـلـمـك وانـا تـوني شـاب *** احيـان بالترغـيب واحيـان تـرهيـب
يـابـوي والـلـه مـاتـوفـيـك الالـقــاب *** فعـلـك نـزيـه ولا حصل بـه معـاييب
ماجبت في صغري لنـا كثـر الالعـاب *** دايـم توجهنـا عـلى الجـود والطيـب
علمتني ماقفل عـلى المجلس الـبـاب *** ووشلون اخلي من ضيوفـي معازيب
ميلـت عـقـالي ماهييـب ميلـة الكـاب *** والضيـف لامـنـه لـفـا لـه تـراحيب
خـلـيـتـنـا نـبـذل ولانـحسـب حـسـاب *** مـادام نـعـرف وش عـلينا مواجيب
افـعـالـنـا دايـم عـلـى راس مـرقـــاب *** والطيـب فعـلـه في جميع الاساليب


قال عبدالله بن دهيمش بن عبار هذه القصيدة جواب لقصيدة الشاعر منصور بن عبدالله العبار يقول :

قـال الـذي من خاطره يعرب اعـراب == رد الجواب الـلي لفاني عـلى الويب
مـهـديـه قـرم يـفـتـهم كـل الأوجـاب == منصور قافـه يطـرب البـال تطـريـب
مـني لأخـو مشعـل تحـيـه وتـرحـاب == اعـداد مـا لاحـوا عـلى شمّـخ النيـب
واعداد مافوق البسيطة من اعشاب == واعـداد مـا تكتـب رقـوم الحـواسيب
عساك في حفظ الـولي رب الأرباب == يحـفـظـك خـلاّق المـلأ عـالـم الغـيـب
يـسـعـدنـي أنـك للـجـزيـلات كسّـاب == وتنجح اليـا مـرّت عـليـك التجـاريـب
باغيـك تستر غـيبتي عـنـد الأجنـاب == وتـرفع مقـامي بـيـن كـل الأصاحيب
والحمد لـلـه صايب الرأي ما أيعـاب == لـو عـذربـوه مـروجـيـن الأكـاذيـــب
مـا يـبـلـغ المقـصد مخـادع ونـصّاب == لابـد مـا تـكشـف جـمـيـع الألاعـيـب
حـنـا ضـنـا عـنّــاز والـعــرق جـّذاب == ولا يغـيّـر الـواقـع ختـوم المناصيب
الختم يصنع من مقاصيص الأخشاب == كانه صبغ حبره عـلى الظلم ماهيب
الختـم ختـم الـلي نـفـع كـل الأصحاب == الشيخ أخو بقشه مهدي الأصاعيب
والأمعط اللي لعـزوته سور وحجاب == وقـف لهـم يـوم السنين الشـلاهـيـب
وقـيران وقـت الملزمه جـر الأسباب == ختمه نفع عـنـاز من غـيـر تـثـريـب
وعلم الفخر والمرجله حازها شهاب الـلي حـمى زلـوم وصويـر وهـديـب
ونال الفخر برجس ومشعان وعقاب == وأبـن مهيـد مشبب الغـوش تشبيب
الـلي يـنـادي بالعـشا وقـت الأجـداب == تـنـصـاه حـولات الـبـداه المـراكـيـب
صيد الـرجـال الـلي يفكـون الأنشاب == أهـل الحجى بالمعضلات المصاعيب
يوم الفخر والمجد في شلف وحراب == فـوق السبـايـا يـاخـذون الأعـاريـب
والـيـوم لـلـي لـسـنـهـم تـقـل نـشّـاب == تـوازنـت لـمـدوريـن الـمـشـاعـيــب
سود القلوب مفرقـّت شمـل الأحبـاب == والـكـل منـهـم جـنّـب الحـق تجنيـب
مـا يـربـح الـلـي للمـغـريـن يـغـتـاب == ينشر عـلـوم الهيـف شرق وتغاريب
يـرسـل نـديـبـه بـالـهـرابـيـد نـجّــاب == دايــم يـدوّج بـالـديـاويـن وايـلـيـــب
اليوم حتى الـلي تحسّى من الأكـواب == يشمت وهـو عـيـبه لـحـد التـلابيـب
قـلتـه ولانـي مـن هـل البغي مـرتـاب == الظلم يوجد من عصر نوح وشعيب
الظالم الـلي ما عـرف نفض الأجياب == حسيبه الـلـه لـه من الـرب تعـذيـب
لـي يشهدون أهـل الضماير والألباب == لـهـم عـلى من يلفض الزور تعقيب
لاشك من يثبت عـلى الحق مـا هـاب == دامـه عـفيـف ولا ذكـر بـه شواذيب