مرثيه بأبن العم الشيخ / منوخ ابن حمود الشامان البجيدي العنزي الذي وافاه الأجل صبيحة الأحد
الموافق 20/8/1431هـ بمدينة الرياض غفر الله لهُ وأسكنهُ فسيح جنّاته ولا حول ولا قوّة إلا بالله ..

((( من اليرموك بدت صرخه صداها طاف باقصى حد )))

لاعادت فتحتي للمنتدى صُبح الأحد يــ ..*احمدْ= لقيت ابه الخبر ومن الخبر يــ ..*احمد عجزت اقوم
غشاني ليل وفترة حيل وكنّي من سنه مجهدْ= وعيّت عيني تصدق ماتقراء والخبر مشؤم
ومن *اليرموك بدت صرخه صداها طاف باقصى حدْ=وتبعها ماتبعها غصب بانت والخبر مسموم
لفراق الغالي اللي له بوسط الجوف قصر وسدْ= لفراق الشيخ ابو راكان منوخ والأجل محتوم
اعزي بك بني وايل اربوعي والقدر مايردْ= ورضانا بحكم مولانا لزوم(ن) والمنايا سهوم
عسى الله يجبر مصيبة هل البلها اليتاما عَدْ=وعسى الله يجبر مصيبة رفيق(ن) رافق المرحوم
تبيّن ودّهم لك يـوم شاع العِلم كلّن صَدْ=عن اللي حوله وقفى بنحيب ولا عليهم لـوم
نضافة قلبك الطاهر وصِفاتك كوّنت لك ودْ=عسى الله يجعل الفردوس لك دار ومقر(ن) دوم
تميّز شخصك بنظرة فطينن كان جت للجِـدْ=تحلّ المعضِله وان جت تجي في وجهها واتزوم
عسل للصاحب الوافي ومر(ن) علقم(ن) للنِدْ=غميق(ن) سدّك وتدفن تحاشا من العلوم علوم
صخيّ(ن) لبق تعطي والعطى طبعك وتعطي مَدْ=رفيق(ن) للجميع وسمح خاطر للرفيق بدوم
وعوضنا فيك يامنوخ حرار(ن) باللّوازم سَـدْ=ولا مات الذي عقّب نوادر والرسوم وسوم
نوادر من حرار معرّبه مابين جَد وجَدْ=مابين حمود والأسود شيوخ(ن) من كبار القوم
وعوضنا فيك يابن العم أخوانك لاعدمنا العِدْ=من اصغرهم إلى اكبرهم نشاما ولا لحقهم لوم
نبي لاكن مِهي بالكيف مَلك ياخذ بأمر(ن) حَدْ=طريق وكلنا بدربك نبي نمشيه للمقسوم
عسى الله فيك يجمعنا وسلفنا في جنان الخُلدْ=بجوار المصطفى محمد رسول الله خير القوم
عسانا بجيرته نظفر ولا منّا حَدِن ينّردْ=وعسانا ومن سمع نكسب شفاعة محمد المعصوم
ومعي صلوا على محمد عدد من سار فوق الخدْ=إذا قيل أسمه الفاضل ترى المسلم بها ملزوم

محبّكم / نواف فراج الشامـــــــــان

*المقصود بــ.. أحمد هو الشيخ أحمد حمود الشامان أحد أخوة المرحوم.
* أليرموك حيّ من أحياء الرياض يسكنهُ المرحوم وتوفى بهِ بعد عودتهِ من الشملي بأيام قليله .
دعواتكم لهُ ولوالدينا جميعآ وأموات المسلمين عامةً بالرحمةِ والمغفره
لا أراكم الله سوءً ولا مكروه " دمتم بحفظ الرحمن .

الاخ نواف العنزى

جزاك الله خير الجزاء على هذه القصيده

التى رثيت بها الشيخ منوخ رحمه الله واسكنه فسيح جناته


وجعل قبره روضه من رياض الجنه انه سميع مجيب


ونسال الله ان يغفرذنوبه


بارك الله بك اخى الكريم

الأخ شامان نسأل الله أن يجعل من أخوة الشيخ منوخ وأنجاله خير خلف لخير سلف ونسأل الله للفقيد الرحمة من الله وقد ذكرتني بقصيدة كنت قد رثيت والده الشيخ حمود بن شافي بن شامان وهو رحمه الله من الرجال الذين يتصفون بالفهم والذكاء وكان من الرجال الذين لنا عندهم التقدير والأحترام وعندما توفي رحمه الله رثوه عدة شعراء منهم الشاعر عبدالله بن مسيّب الجروان ورثاه أبو فايز الشيخ كريّم بن خضير بن شامان بقصيدة أرسل لي نسخة منها وهي لا تحضرني وقد جاريته بهذه القصيدة أقول :

يا كريّم ابن خضير قافـك امسويـه *** مـن صافي النقـروح مابـه احثالـه
تبغـي عن العبرة ضميرك اتسليـه *** محـزون والمحـزون عـزي لحالـه
ما الـوم قلبـك لـو يجـود بمـراثيـه *** مـن فجعـته ما هو عن الشيخ داله
شيـخ الـيـتـامـا مـا تعـدد حسانيـه *** أجهـد عـلى فعـل المـراجـل ونـالـه
مقـدم هـل البلهـا بعيـده مـرامـيـه *** يحـري بكسـب الغـانمـه والجمـالـه
أبـو مـنـوخ مـن بـعـاد الـمـدالـيـه *** مشكـل ويـزهـاه الـفخـر والشكالـه
ما كـان طيـب حمـود بس لدوانيـه *** مـن جـاه في لازم بجـاهـه مشالـه
للخيـر يسعى وحقـق الله مساعيـه *** حـتى قـضى نحـبـه وتـمـت ليـالـه
ويـوم أستمع داعي المنيه أيناديـه *** لـبى نـدا الخالـق وشـدت رحـالـه
قـدامـه الـكـوثـر تجـارى سـواقـيـه *** يجـزاه ربه عـن محاسن اعـمالـه
رديـت لـكـريّـم بـالأشـعـار أجـاريـه *** وأرثـا سليـل المرجـلـة والبسالـه
النـادر الـلي حصـل الفـعـل بأيـديـه *** واللـيـث مـا ظـني يعـقـب أثـعـالـه
مجده عريق وحاضره مثل ماضيه *** مـا حـاد عـن تعـليـم جـده وخـالـه
كـل المراجـل حاشهـا فـي مماشيـه *** وعلـّم على فعـل المراجـل عيالـه
أدناهـم الـلي يحـتمـي دون عـانيـه *** يحماهم الـلـه عـن دروب الرزالـه
يا كريّـم المكـنـون بانـت خـوافـيـه *** وسجلت من نظـم القصايـد مقالـه
وأبن مسيـّب ما بخـل فـي قـوافيـه *** قـرم العيال الـلي بهـرجـه جـزالـه
قـريـت قـافـه وأعجـبني مهـاجـيـه *** وضح عن اللي في زمانـه جرالـه
صبر على الشملي وباحت عزاويه *** يـوم الـرجـل يعـوز جيـبـه ريـالـه
وصلوا على اللي طاع ربه وباريه *** المصطفى زال الجـهـل والضلالـه

الله يرحمه واموات المسلمين
وصح لسانك ولسان ابو مشعل

تحيااااتي للجميع