ان ضاق صدري انظم الشعر عبرت**واكتب في النت ماطرأ في ضميـري
كم ليلة ٍ اسهر مع الشعـر سامـرت**واليابغيت القـاف حضَـر يسيـري
فتحت صفحه في جهازي وحـررت**وبنـات فكـري يسعفنـي كثيـري
لنبض القوافي صوب قسمه تنحـرت**وأنا في الترتيـب شاعـر خبيـري
بأسمي كتبته مـا ستعرتـه وغيـرت**وكلٍ بكيفه ما اقصد النـاس غيـري
من فكر راسي بالقريحه له احضرت**ماني من الي غيـر فكـره ينيـري
شوري براسي ماستشرته وشـاورت**وفكري مقدينـي ولانـي ضريـري
مع موكب الشعار مشيـت وابحـرت**واسبـح فلكهـم مثلهـم واستديـري
واليا سلكو وادي هل العرف حـدرت**على النقاء معهم على كـل خيـري
وعن ناقـداً يقـول للشعـر كسـرت**يجي بحجـه مقصـده يستثيـري
وأحب اجاري كل فاهـم وعاشـرت**وكل طيب ٍ لي الفخر هـو عشيـري
وأنا مع اطـوال الاشابيـر شابـرت**وراع الردى لوهـو نقـد مايعيـري
مع مثل أبن عبـار للفكـر طـورت**أفخـر بشعـره بالجزالـه جديـري
كان الشعر له كوكب ٍ معه سافـرت**ومن القريحه بالشعر مـا أستعيـري
نظمت قافي مـن بيوتـي تخيَـرت**وشربت من صفوة قـراح الغديـري
وأفخر بربعي واعتـزي ماتنكـرت**أهل الجنق اسـم ٍ عزيـز وشهيـري
راسي يشوش لماضـي ٍ ان تذكـرت**عوق العديـم وينطحـون المغيـري
إن قيل ( مضيَه ) قمت طولي وكبرت**هذه لنا مـن يـوم خيبـر تصيـري
هي (عزوتي) ماقلتها سـر شفـرت**يعرف صداهـا بالنهـار الخطيـري
ذكرت ماضي مشرق ٍ يـوم فكـرت**يوم الدروع ويوم سيـف ٍ شطيـري

الزميل الشاعر نهيّر بن رخيّص صح لسانك وعظم شانك على هذه القصيدة التي تدل على الأعتزاز بالنفس والأعتزاز بالقبيلة وكفو ونعم بك وبقبيلتك أهل الصبحا وأهل الجنقان وألف نعم وبيّض الله وجهك

كم ليلة ٍ اسهر مع الشعـر سامـرت**واليابغيت القـاف حضَـر يسيـري

تسلم ،،،
والنعم والله ،،،
ويعطيك الله العافية ،،،

ونعم فيك وفي عزوتك وصح السانك

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

الزميل الشاعر نهيّر بن رخيّص صح لسانك وعظم شانك على هذه القصيدة التي تدل على الأعتزاز بالنفس والأعتزاز بالقبيلة وكفو ونعم بك وبقبيلتك أهل الصبحا وأهل الجنقان وألف نعم وبيّض الله وجهك

صح بدنك ولا عليك زود طال عمرك ومرورك اعتز به وافخر لهذا المرور الذي اعتبره وسام الف شكر لك

اقتباس : المشاركة الأصلية كتبت بواسطة عبدالله الموسى الخرشاوي [ مشاهدة المشاركة ]

كم ليلة ٍ اسهر مع الشعـر سامـرت**واليابغيت القـاف حضَـر يسيـري تسلم ،،، والنعم والله ،،، ويعطيك الله العافية ،،،

يسلم غاليك ولا عليك زود مرورك عطر متصفحي الف شكر لك 00

اقتباس : المشاركة الأصلية كتبت بواسطة محمد محل ارويم المهيدي [ مشاهدة المشاركة ]

ونعم فيك وفي عزوتك وصح السانك

ما عليك زود طال عمرك والنعم بحالك مرورك اسعدني الف شكر لك 0

قال الشاعر نهيّر بن رخيّص هذه القصيدة :
ان ضاق صدري انظم الشعر عبرت**وبالنت اكتب ماطرأ في ضميـري
كم ليلة ٍ اسهر مع الشعـر سامـرت**واليابغيت القـاف حضَـر يسيـري
فتحت صفحه في جهازي وحـررت**وبنـات فكـري يسعفنـي كثيـري
لنبض القوافي صوب قسمه تنحـرت**وأنا في الترتيـب شاعـر خبيـري
بأسمي كتبته مـا ستعرتـه وغيـرت**وكلٍ بكيفه ما اقصد النـاس غيـري
من فكر راسي بالقريحه له احضرت**ماني من الي غيـر فكـره ينيـري
شوري براسي ماستشرته وشـاورت**وفكري مقدينـي ولانـي ضريـري
مع موكب الشعار مشيـت وابحـرت**واسبـح فلكهـم مثلهـم واستديـري
واليا سلكو وادي هل العرف حـدرت**على النقاء معهم على كـل خيـري
وعن ناقـداً يقـول للشعـر كسـرت**يجي بحجـه مقصـده يستثيـري
وأحب اجاري كل فاهـم وعاشـرت**وكل طيب ٍ لي الفخر هـو عشيـري
وأنا مع اطـوال الاشابيـر شابـرت**وراع الردى لوهـو نقـد مايعيـري
مع مثل أبن عبـار للفكـر طـورت**أفخـر بشعـره بالجزالـه جديـري
كان الشعر له كوكب ٍ معه سافـرت**ومن القريحه بالشعر مـا أستعيـري
نظمت قافي مـن بيوتـي تخيَـرت**وشربت من صفوة قـراح الغديـري
وأفخر بربعي واعتـزي ماتنكـرت**أهل الجنق اسـم ٍ عزيـز وشهيـري
راسي يشوش لماضـي ٍ ان تذكـرت**عوق العديـم وينطحـون المغيـري
إن قيل ( مضيَه ) قمت طولي وكبرت**هذه لنا مـن يـوم خيبـر تصيـري
هي (عزوتي) ماقلتها سـر شفـرت**يعرف صداهـا بالنهـار الخطيـري
ذكرت ماضي مشرق ٍ يـوم فكـرت**يوم الدروع ويوم سيـف ٍ شطيـري



وهذا جوابي مع التحية والأجلال للأخ نهيّر بن رخيّص المضياني :
يـابـن رخيّص من كلامـك تشكّـرت *** اشكـر جـنـابـك يالفهيـم البـصيـري
حيـيـت يالـلي بالنظـر فـوق بحّرت *** تشبح عـلى العـليـا وقـدرك كبيـري
قـدمـت تـبي الطـايـلـه مـا تـأخّـرت *** ترغب مثل مـا نـال زبن الحريـري
عـادتـك تـفـرح بالمسّيـر وسـيـّرت *** صوب الرجال اللي تعـز القصيـري
وعـن رفقت اللي ما يجمّل تعـذرت *** حيث الردي في مسلكه ما تسيـري
عـسـاك دايـم مـبـتـهـج مـا تقشّرت *** وأنت الـذي مثلـك لـربـعـه سفيـري
يامن سهرت الليل للقـاف ساهـرت *** تسهر وعفت النوم فوق السريـري
مثلـك من هجـوس الروابع تكـدرت *** سمعـت حـولي للحيـايـا صـفـيـري
يا نـهـيـّر أنـا فـي زمـاني تحـيـرت *** أسبـاب الـلي ودّه يعـرقـل مسيـري
ماني من اللي لنسب عنّاز حورت *** تـبعـت أبـن خلدون هـو والجـزيري
من الّلابـه الـلي مابهم يوم قصّرت *** مـا عاملوني مـثـل زيـد المـطيـري
بنيـت وأسست القـواعـد وعـمّـرت *** القصـر الـلي قـبلي لـواه السديـري
يا ليـت من قـول السديري تحّذّرت *** مـابـه ذرى عـن لافحات الهجيـري
في مامضى يالقرم مجهد وغامرت *** وفـعـل المراجـل يالسنافي عسيري
لاشــك لا تـلـومـنـي لــو تــذمّــرت *** لـقـيـت فـي وكـر الصيـارم قـمـيـري
الـوضع لـه يا مسنـدي مـا تصوّرت *** شبـل الأسد ملبـد بـغـار الـغـريري
نـدمـت يـا نـسـل الـكـرام وتحسّرت *** وطلبت الـلي مالـه بملكـه خشيري
هو العليم بكل مـا أعلنت واسررت *** الـخـالـق الـرزّاق عـنـده مـصيـري
والضاهر أني يا أبن الأجواد قررّت *** أرتاح من طـرد الشقا واستخيري

1- زبن الحريري رجل عصامي من الحريرات من الطوالعة من ولد علي تجنس بريطاني وحصل على منصب عمدة كنك مدينة الملوك في بريطانيا حالياً ولا يزال في قصره بيت شعر ودلال ومعاميل أهل نجد وكل ما يسمع في عنزي يتعالج في بريطانيا يزوره ويكرمه ويخدمه

2- أما زيد المطيري هو الشاعر زيد العضيلة من شعراء المحاورة قاموا رجال قبيلة مطير وثمنوا جهده ومواقفه في المحافل حيث أن شاعر القبيلة إذا اشتهر شهر قبيلته وعملوا له تكريم واعطوه قدره

تسلم ابو مشعل وأنت الرجل الذي يفخر به كل عنزي بل جميع من يحب الشعر واهل الصدق والذين يشككون فيما جمعته من انساب بني وائل هم الذين لاعزو عشيره ولا حمو ديره وبعض وجهاء عنزه صاروا سوء على عنزه والحسد من خلقت الدنيا وهو موجود ولولا الحسد ما قابيل ذبح هابيل واخذ وزر كل من يقتل الى يوم القيامه وأنت فخرنا وانت المرجع في الانساب والأديب الكبير بدون منازع ولايضيرك حقد كل حاقد وحسد كل حاسد وبعدين لو سئل عتيبي او شمري او حربي او من اي قبيله أخرى من هو المرجع لانساب بني وائل لقيل أبن عبار والله انك مثل شمس الضحاء التي لاتغطيها الجبال ولاتوصل لها غبار الرمال

الناس مايرضالها كل مجهود
.................... أن شافو الناجح بدو حرب غيـَره
بالناس فطره بين حاسد ومحسود
.................ولاحد درى عن هرج عمي البصيره
وأهل الحسد تكره هل الطيب والجود
..................... في حربها ضد الرجال الشهيره
في كل مكمن تزرع الخبث والكود
..................... وهذه افعال المبغضين الحقيره
وغير الحسد ماجابو الزود والفود000
..................... جهودهم تفريق شمل العشيره
ولاهم سند إن حك عوداً على عود
.................... كل ٍ في بــيته مايتعدى حصيره
والناس بأرض الله على خلقه شهود
................ ومن طاب علمه يشتهر بالجزيره
واهل الحسد من حسدها ملح بارود
.................... يحاربون الي صعد في مسيره
ويحشدون أهل الردى معهم حشود
............. وراع الصحيح الله معه هو نصيره
ومن يشمت الاجواد بالقول مقرود
.................... يلقاء جزاه المحقريه مصيره
وأهل الحسد اعمالها سود في سود
.................... والله عليم ٍ بالنوايا وخبيره
لو جنـَدو كل البشر معهم جنود
................. الي حفر يوقع بوسط الحفيره
وراع الغلط يجبَر على الصح مردود
................... اذا تمادى بالغلط في مسيره
وترى العرب يوجد لها سلم وحدود000
............... وقانون تمشي به وعرف ٍ أديره
يحمون حق الجار ويوفون بعهود
.............. ويحاربون أهل الردى والكسيره
وترى الحسد من دور آدم وموجود
................... قابيل مع هابيل قربان طيره
اول رجل مقتول بالارض ممدود
............. ومشت على نهجه اجيال ٍ كثيره
ومافيه حي الا رعى جسمه الدود
.............. وأول خلق خلقه بنطفه صغيره
يالله يالفرد الصمد خير معبود
................ تجعل ضلام قبورنا فيه نيره
مد البصر بالشوف ما الشوف محشود
........... يوم الفزع والحال في حال حيره

الأخ نهيّر شاكراً ومقدراً مشاعرك الأخوية الصادقة نحو أخيك ونحمد الله أن كل رجل خالي ضميره من الغش يرى كما ترى والناس شهود الله في أرضه وجزاك الله خير وأحسنت قولاً في هذه القصيدة المسكته والذي توصف أهل الحسد الذين قدوتهم هابيل والعياذ بالله