تابع
قال الشاعر عبدالكريم بن محمد الحوشاني الصقري العنزي هذه القصيدة
يسند على زميله عبدالله بن دهيمش بن عبار العنزي : 759

البـارحـة سهـران لـيـلي سـرامـيـد *** اجـرع الـعـبـرات والـهــم زايــــــد
ما غيـر أردد ماضي الحـزن ترديـد *** والفـكـر مـن سجات الأوهـام بايـد
نـوبـات اصـدرهـا ونـوب مـواريــد *** ونـوبـات اجـمـعـهـا بـلـيـا فـوايــد
لـقـيـت بـالـدنـيـا الـدنـيـه مـقـاريــد *** كـلـن معـه شيطـان وإبـليس قـايـد
امجـرد طبـعـه عـن الطيـب تجريـد *** حنضل طعـمهـا والمـواري شهايـد
شمـاتـةٍ يـرضـون لـك بالـمـنـاقـيـد *** تنشـر لـك اسـرارك عـلى كـل نايـد
نـاس طبـايعـهـم نحـوس ومناكـيـد *** يـرمـون للصاحب شبوك ومصايـد
وناس تواعـد ما تصون المواعيـد *** هـم والنفاق اخـوان ما مـن بعـايـد
ونـاس تـبسّـم كـنهـا نـاعـم الـغـيـد *** لا شـك تـفـتـل مـثـقـلات الـقـلايـــد
ونـاس تبسمهـا مثـل فرحـة العـيـد *** تـروغ لامـن الـطـلـب صـار كـايــد
وناس عليهـا من البلاوي تجاعيـد *** يـا مـا فـزعـت بالنـايبـات الشدايـد
صيـد الـرجـال مفـتليـن السواعـيـد *** ومتـمسكـيـن بـسلمهـم والـعـوايـد
يـوم الـرمـك ومطمسـات البـواريـد *** ذادوا عـلى هجن سـوات الشرايـد
ويـوم السواني والسنين المهـاويـد *** احـيـوا بذكـر الـلـه قـلـوبٍ سوايـد
ويـوم الرحايـل والدروب المباعيـد *** حاموا عـلى الرفقة اهلها السدايـد
ويـوم التجارة والمكاسب رواغـيـد *** ملجـأ لمن يشكي الـزمـان وسنايـد
أهل التقى واهل النفوس الزواهيـد *** عـسـاهـم بـجـنـات ربـي سـعـايـــد
وقـت مضى ياليت يرجع من جديـد *** لاشـك راح الـلـي رجـالـه صمـايـد
ما باقي الا اهـل الحكـا والهـرابـيـد *** بعـض الرخوم الـلي تـدور النكايـد
رفقـت رخا رفقـت مصالح وتجويد *** خـوت ردى مامـن وراهـم مجـايـد
عـن الـكـرم مـالـه فعـايـل وتمجيـد *** نـاسٍ عـن فـعـول المـراجـل رقايـد
الـلاش مالـه بـالمـجالس مقـاعـيـد *** ميـّت بـخـت عنـه الهقـاوي بعـايـد
دايـم عـن الجـزلـه عيونـه رواميـد *** ما عايـن القمراء وضوح الوقايـد
مـا لاعـه الـلايـع بسـود الـلـواهيـد *** واشعـل بـه الهاجـوس للهـم رايـد
ولا سـاق رجـلـه للمراقيب صنديـد *** ولا دوّج بـفـيـضـه وشـد الـوتـايـد
الا الـسـياحـة يـم لـنـدن ومـدريـــد *** مجـالـسـه بـيـن الـورق والجـرايـد
يا حيف يا بعض الرجـال الهلابـيـد *** أشـكـال وصـف وبالرجـولـه بلايـد
وآسف عـلى الطيّب وكـل الأجاويـد *** وآسـف على قلب جروحـه جدايـد
وآسف على شوفت من العيد للعيـد *** وطـول السنه كلـه صدود ووعايد
والـلي نحـل حـالي فعـول العـواتيـد *** خـلـوا لـهـم سـلـم القبـايـل نـقـايـد
تكفى يا أبو مشعـل عـريب التقاليد *** يـالـوايـلـي دنـيـاك مـا هـي مـدايـد
مـا دامـت الـدنـيـا بـلابـل وتـغـريـد *** ولا دامـت هـمـوم وحـزن ولهـايـد
افطن لوقتك صايده مثل ما اتصيـد *** وعـلـيـك بـزحـول الـرجال الولايـد
لا تـنـخـدع بـزوال مثـل العـوامـيـد *** للـطـيـب والجـزلات مـا مـن ودايـد
ولا أنت يا نسل الوفاء حظك سعيد *** جنسك قـلـيـل وبـالـمخـالـيـق نـايـد
مرتاح عن خطو الهدوس المعانيد *** شبحك مع شبـوك الحـرار الفرايـد
في سجة مع درب عسّاس وابعيـد *** والبـال يقطـف مـن جديـد القصايـد
مالـك خـوي يا كـود ربـش ملابيـد *** جـول الـيـا شـاف الحـرايـر شرايـد
فـي خـايع نشفـق عـلـيـه بتـواجيـد *** نسمـت ذعـاذيعـه هـبـوب وبـرايـد
خـص إذا وقـت الليـالي بـدأ ايـزيـد *** لا صـار بالـوسمي بروق ورعايـد
نـوار وخزامى كست جـرهـد البيـد *** شـفٍ وكـل الـنـاس لأجـلـه تـزايــد
مـن بـيـن خـلـفـاتٍ بـكـار ومـواليـد *** حـنـت مـقـاهـيـره لحـون ونشايـد
مـنـايـح غـنـج ولا هــي مـحــاريــد *** فهق سنايمهن على الورك عـايـد
وضـحٍ دعـايـج والفحـل والمفاريـد *** نجـل عـيـونـه والشعـايـف سوايـد
ارقـابـهـم اعـضـال طـوال مساريـد *** عـكـف اخشومـه والآذاني عـمايـد
مشطرٍ كـوعـه عـن الكتف وابعـيـد *** وافـخـوذهـن كـنـه حـنـيـة حـدايــد
لا صحت له بالصوت جنك معـاويـد *** بنحـورهـن يـومي سفيف القلايـد
اشفق على شوفـه بريف وسواهيد *** بأرض خـلا ريعـه سماح وحمـايـد
هـذا هـوى بـالي وغـيـره فلا اريـد *** ما قـال ابـن هـذال ومسلط وعـايـد
لو قلت أصد بتالي العمـر ما ايفيـد *** هيهـات مـا نفس الهـواوي تحـايـد
وعـلى الـنـبي مـني سـلام بـترديـد *** مـا لعـلع القمـري بخضر الجـرايـد

قال عبدالله بن دهيمش بن عبار العنزي هذه القصيدة رداً على الشاعر
عبدالكريم بن محمد الحوشاني الصقري العنزي يقول : 760

مبداي في محيي الجذوع الهواميـد *** محـيي العـظـام البـاليـات الرمـايـد
بأسمه بديـت اسجـل الشعـر بالقيـد *** منظوم من جوهـر ضميري خرايد
رداً عـلى الشغـموم نسـل الأماجيـد *** عبـدالكريـم اسنـد بـديـع القـصايـد
الشـاعـر الـلي مـا كـلامـه هـرابيـد *** يحـمـاه ربـه مـن جـمـيـع المكـايـد
خطه وصل واكـرر الرحـب تـرديـد *** يـا مـرحـبـابـه عـدد رمـل النـفـايـد
يا مرحبـا بنسل الـرجـال الصناديـد *** مـن مـارثـت حوشان نعـم البـدايـد
من راس لابـه يوم عصر المطاريد *** يـروون حـد المـرهـفـات الحـدايـد
لـهـم عـلى سـرد السبـايـا مـلاكـيـد *** يـوم العـرب كـلـن عـن حماه ذايـد
أولاد صـقـر تـكـبـد الخـصم تكـبـيـد *** نـطـيـحهـم يـروح جـمعـه هـبـايـد
اعـتـز بـالـويلان مـن دون تـفـريـد *** شـيـابـهـم وصـغـارهـم بـالـمهـايـد
الـلابـه الـلـي يكسبـون الـتحـامـيـد *** ويـلان شـاد بـفـعـلـهـم كـل شـايــد
هـل السمـوت مبـهـريـن البـغـاديـد *** رجـالـهـم لـو نـوشـح الـزاد جـايـد
في كل ديرة من ضنا سهيل وعبيد *** وبني وهب وجلاس من عقب زايد
بشـر وضنـا مسلم سقـام الأضاديـد *** معهم عـلى طيـب الفعايـل شهـايـد
أولاد وايـل لـلـعــدا بـالـمـراصـيـــد *** ذربـيـن مـاهـم خـامـلـيـن وبـلايــد
يـوم الجماجم مثـل حـذف الجلاميـد *** بالكـون واجسـاد الشفـايـا نضايـد
يـسـقـون لـلعـدوان سـم الـعـرابـيـد *** ومن ذودهم ما يقـفي الخصم فايد
وكم طرش قـومٍ روحوبـه عراجيـد *** ويحذون مـن ذود المعـادي رفايـد
قطعانهم بأرض الفلا تسيد واتميـد *** بالقـفـر مـا تخشى صباح وهجايـد
مـن قـبـلي الـحـرة لـدار الأكــاريــد *** تـرعـى بـضـل معـاقبـيـن الجنـايـد
عـن شفهـم مـا راعـهـم كـل تهديـد *** نـطـيحهـم بـالـكـون مـالـه شـرايـد
افـعـال مـاضيهـم عـلـيهـا شواهيـد *** الـمـجـد بـاقـي والـمـفـاخـر تـلايــد
واليـوم فـي ضل الشريعـة رواقيـد *** راح الـزمـان الـلي بـه الشر سايـد
من فضل ربـي زال عصر التناكيـد *** لا عــاد دورٍ فـيـه تـشـوا الـقـدايــد
قـلـتـه وكـل النـاس فـيهـم أجـاويـد *** لا شـك مقـصودي جـواب النشايـد
الطـيـب مـالـه بـالمخـاليـق تحـديـد *** والعـنـقـري قبـلي يـقـول الـوكـايـد
والمرجلـه والطـيـب دونـه لـواديـد *** مـا حـاشهـا يـا مسنـدي كـل مـايـد
ودنيـاك مالـت يافتى الجـود بـوديـد *** الشيخ ابن عـروج مفني الضدايـد
ولا دامـت الـدنـيا لعنتـر وابـو زيـد *** عـقـب الهـنـا والعـز شافوا نـكايـد
أوصيـك لا تسمـع كـلام الحـواسيـد *** يـبغـون تفـريـق القـلـوب الـودايـد
لا تعـاشـر اللي بعشرته له مقاصيد *** خـلـه يـولـي مـا بـقـربـه زوايـــــد
الصاحب اللي عـنـك ياخـذ تصاديـد *** لا شـاف زولـك عـن قبالـك يحايـد
قلبـه حقـود من الصدى فيه تسويد *** مـا أظـن ينضف لـو غسلتـه بتايـد
شـوقـتـني يـا مسنـدي بـالتـواجـيـد *** تبـدي عـلى قـطع الفيـافي وجـايـد
تشتاق للسجات مع صحصح الريـد *** فـي خـايـع مـابـه عـقـوم وحفـايـد
بالـروض تسمع لأم سالم زغـاريـد *** تـنشد لحنها فـوق خضـر الجرايـد
فيـه الوضيحي والظـبـا والقـرامـيـد *** وحــرٍ يشبـب بالـشبـب كـل صايـد
حـرٍ الـيــا شـاف الحبـاري مـلابـيـد *** مـن مخـلبـه خـلا الثـنـادي بجـايـد
جـاك الجـواب الـلي بديتـه بتجهيـد *** عسى يـفـداك الـلي احكاهـم ربايـد
وصلوا على اللي فنـّد الحق تفـنيـد *** وأهـدى العـصاة مخالفين العـقايـد
المصطفى عـنـد الولي لـه مجاويـد *** شفـيعـنـا عـن حـامـيـات الـوقـايـد

* وقال عبدالله بن دهيمش بن عبار في أوضاع الدنيا : 761

فكرت بـأعـمـال الزمـان وفـضايعـه *** الـله يـكافــيـنــا بـلاوي فـجــايـعـــه
دنـيـا الشـقـا ميلاتهـا تـرهـب المـلأ *** تاريـخ مـاضيـهـا قـر يـنـا وقـايعـه
والوقـت جـوره مـا تـرك مـودمـاني *** كـل الخـلايـق ساقـهـا مـن قـلايـعـه
ضام العباد وشتـت الشمـل وأنقـطع *** حبـل الرجاء باللي تـفـرق نزايعـه
بـالـنـاس مـن يـنعــم بـعـز وكـرامـة *** وبهم الذي من نكبة الوقت سايعـه
نـاس مـن التخـمـه تـزاقح بطونـهـا *** وناس لـك الله تطـوي الليـل جايعـه
عـز الـلـه أن الـمال يـعـتز صاحـبـه *** الـله يخـون المال مـا اكـثـر نفايعـه
وإلـى فـقـدت الـمـال لـو جـل قـدرك *** تـنـقـاد نفـسـك للـرذيـلات طـايـعــه
إلـى فـقـدت المـال بـانـت أعـيـوبـك *** وغاليك يـظهـر لـك بوادر قـطـايعـه
إن كـثـر مـالـك يـكـثـرون الأحـبــه *** وإن قــل مـا تـلـقـى خـليـل تـلايـعـه
ولا ظـنـتـي تـلقـى صديـق مصافـي *** يـرفى خمـالك وأيحفظ لـك ودايعـه
تلقى الصديق اللي أيعاملك بالدجـل *** مثـل الذي بـالحلـف يـنفـق بضايعـه
لاشـك لا تـعـمـل بـالأنـذال غـانـمـه *** حيث الجمايـل عنـد الأنـذال ضـايعـه
عـز الرفيـق وصـاحبـك لا تـخـونـه *** أبـعــد نـظـرك ولا تــدور هـزايـعــه
وأن جـارت الدنيـا عـليـك وتغـيـرت *** أصبـر لعــل الـعـز تـبـدي طلايـعـه
الصبــر هـو طـب القـلـوب الغـلايـل *** والـطيب عسـرات فـعايـل صنايـعـه
وإلـى ندبـت مـن الرجاجيـل منصى *** لا تـزبـن إلا الـلي بعـيـده رمـايـعـه
أختر من شخوص الحمائـل مجـرب *** عـنـد الـلـوازم مـا تغـيـر طـبـايـعـه
أشـوف عــادات الحـمـايـل تـغـيـرت *** قـل الوفـا وأحفـاد الأجـواد صايعـه
كـم واحـد يـنسـب لـقــوم حـمـايـــل *** وسلوم جـده بأرخص السوم بايعـه
كيف الفتى عقب الخشونه ملامحـه *** بالوصف مثل اللي مـن الدل مايعـه
يرفل بثوب الهون واللين والـتـرف *** تمضـي حيـاته مـا يفـارق ربـايـعـه
تـغـتـر فـي منظـر خيالـه وهـيـكـلـه *** ويصغـر بعينك يـوم تكشف قـنايعـه
ضاعــت تـقـالـيـد الرجـال الحميـده *** الـلي مـن أول بـالـمخـاليـق شايعـه

وقال الشاعر عبدالكريم الحوشاني الصقري العنزي هذه القصيدة مجارة
لقصيدة عبدا لله بن دهيمش بن عبار العنزي يقول : 762

قـيـل اعجـبـني زاهـيـات بـرايـعـه *** من شاعر صيته مع الناس ذايعه
من قول ابن عبـار ما هـو مكلـّف *** فاحت مع النسناس زهـرة ربايعه
عـن واقـع الـدنـيـا ودور تـغـيـّــر *** ناس لك الله مع هل الصيع صايعه
يا حيـف يا نسل الحمايل بعضهـم *** هـمـّه مع الموضات يتبع روايعـه
دنـيـاك كـثـرت يالسنـافي فـتـوقـه *** لـو يرقـع الـرقاع كثـرت رقـايعـه
من جـّرب الشدات والغبـن يصبـر *** لابـد مـا تـثـمـر بـذايـر زرايـعـــه
صدقـت بـمـا قـلـت يـا أبـو مشعـل *** قولـك صحيح ومثمـرات نـوايعـه
وأن عض بك ناب الزمان وتمكن *** تـرى مـراد النفس تكثر صرايعـه
الا بتقوى الله مع الصبر والدعاء *** ما ينفع المسلم حسايف جـزايعـه
من عـقـلـه براسه يميّـز خلاصـه *** يفهم نحـو عـوج الفعـال وسنايعه
والـلي تخلا عـن سلومه وعادتـه *** لـحـم الـهـلامـه مـا يفيـدك بلايعـه
أرض الصبح ما أظن يالقرم تثمر *** والروض الأخضر زاميات فقايعه
والـمـال مـا عـز البخـيـل أدخـاره *** عـنـد البخـيـل مقضبـات نـفـايـعـه
الـمـال سـتـر لـلمـعـايـب وحشمـه *** كم من هبيل المال يخفي شنايعـه
ومـن زل زلـه مـا نـعـده خـطـيــه *** نسمح لـه الـزلـه ولـو كـن دايعـه
نحمي جنابـه ما نـلومـه ونشجبه *** خـطـاه نـقطـه في بحـرنا ومايعـه
بقعا عـلى ما قيل هـّدت عـزومنـا *** هـذي فـعـايـلهـا وهـذي صنـايـعـه
والـعـمـر مهـمـا طـال لابـد فـانـي *** مثـل الـزهـر يذبل ويمحل خـايعـه
واللي تفكر كيف الأجيـال ترتحـل *** مـن فـّكـر بـدنـيـاه هـلـّت دمـايعـه
وصلاة ربي عـدد مـا هـل وأمطـر *** على الرسول اللي رجينا شفايعه

* وقال عبدالله بن دهيمش بن عبار العنزي هذه الأبيات يثني على الشيخ
علي السليمان الحوشاني أبو محمد لمواقفه الطيبه فيقول : 763

مبداي بسم اللي على الكون ماجود *** رب الملأ مهدي العصاة العنيديـن
ثم أبدي برد الثناء لصاحـب الجـود *** عـلي وجيه ومـن كبار الحواشين
عـلي بـن سليمان بالنـاس محـمـود *** المشتهـر باللطف والرفـق والليـن
صلف وشديد لراعي الكيـد والكـود *** وبه التواضع للضعوف المساكين
من طـلعتـه ما قيـل شّـري ومقـرود *** شهم وحليم وعادتـه يفعـل الزيـن
سهل وفهيم من أهل العرف معـدود *** زاكي جناب من الرجال العزيزين
طبعـه يجود بـدون غايـه ومقصـود *** حيثه عـفيـف ويتبّع منهج الـديـن
أبـو محمد ريـف من جـاه مضهـود *** يـجـل قـدر الـلي تـنصـوه عـانـيـن
وإلى لفاه الضيف لـه سلـم معـهـود *** أقـل ما يقلـط مـن الضـان كبشيـن
أشكر جنابـه عـدد ما يخضر العـود *** وأعـداد مـن طـافـوا بمكـة ملبيـن
أقولهـا ولا فضـل الأجـواد مجحـود *** شكـر الثـناء حثـوا عـليـه النبييـن
ترفع له البيضاء عـلى شمخ احيود *** وحـنـا لفضلـه بالجمـايـل مقـريـن
قـلته ومنظومي على القرم مسنـود *** الـوايـلي نسـل الرجـال العـريبيـن
الشيخ شجعـنـا عـلى بـذل مجـهـود *** بالنبـذة الـلي جمعت شمل الأدنين
والشاهد الـلـه كـل ما قـلـت مـاكـود *** وأثبت دالـول القصص بالبراهيـن
وحفظ النسب ما فيه بالناس منقـود *** لا شك بعض المجتمع عنه لاهين
وصلواعلى من سار في أمر معبـود *** الهـادي المختـار عـدل الموازيـن

*- وقال الشاعر محمد بن عبدالرحمن الحوشاني العنزي هذه القصيدة مجاراة
لقصيدة عبدالله بن دهيمش بن عبار العنزي الذي يثني بها على الشيخ علي
بن محمد الحوشاني أحد أعيان أسرة الحوشاني في القصيم : 764

قـال الـذي ولـف من القول مـردود *** ردٍ عـلى الـلي بالفخر لـه عناويـن
ردٍ عـلى الـلي يذكر الشيخ بالجـود *** رد الـثـنـاء واجـب ولـه مستعـدين
قصدي أبو مشعل به الخير معقـود *** عبدالـلـه الـلي مـا بطيبـه تخاميـن
ومدحه لبن عمي له اثبات وشهود *** تشهد لـه خيـار القرابـة والأدنيـن
الشيخ أبو محمد فتى الجـود بالـود *** بـه الكرم مع عزت النفس والدين
الـوايلي قصره عـلى العـز مشيـود *** لا حـل ذكـره قالـوا النـاس نعـمين
الـلـه يعـيـذه شـر حـاقـد وحـاسـود *** ويكفيـه ربـه سـؤ كـيـد الشياطيـن
اللي بذل جهده على المجد بصعود *** يـتعـب عـلى العـليـا بعـزم وتيقيـن
الطيب سلمه والردى عـنـه ملـدود *** عـز اللـه أنه ما مشى يوم بالشين
ولا أنت من لابه بها نمور وفهـود *** مـن روس قـوم بالملاقى عطيبيـن
فدعان ترسي بالوغى تشبه الطود *** لهاجت الهيجا على الحرب جسرين
يـوم أنهـا مابيـن ضاهـد ومضهـود *** افعالهـم تـعـرف بـوقـت الأكاويـن
ياما خـذوا من سبق الخيل والقـود *** وياما عـطـوا ممـا خـذو للضعيفين
واصحونهم تلقابها الكبش مرجود *** ماشاوروا بالضيف خطو البخيلين
منهـم مصوت بالعشا مفـني الـذود *** بالزاد صوّت فوق روس العـرانين
شيخ ولـد شيخ بالأفعــال محـمـود *** الشيخ أخو قطنه بـه الناس داريـن
وصلاة ربي عـدد مـا ذعذع النـود *** عـلى نـبي الخـلـق سـيـد الـنبـيـيـن

قال عبدالله بن دهيمش بن عبار العنزي هذه القصيدة رداً على الشاعر
محمد بن عبدالرحمن الحوشاني : 765

حي الـجواب الـلي لفاني بـه اردود *** مـن قـاف أبـو حاتم ربـيع المقلين
من محمد اللي بالفخر عنه منشود *** القـرم مـن صلب الرجال المسمين
مـن لابـةٍ كـان الليـالي غـدن سـود *** يلجأ لهـم مـن لاعـه الغبن والبيـن
يامـا بهـم من فارسٍ مثـل صاهـود *** أولاد صـقـر يـدحـرون المعــاديـن
اهل البويضا يـوم طـارد ومطـرود *** لذوادهم عن غـزو الأضداد حامين
كـم واحـدٍ حـطـوه بـذراع مسـعـود *** خـلي عـلـف لمهرفلات السراحيـن
وياما رموا جمهاه في حـد مزنـود *** عـاداتهـم بالكـون نطـح المغـيريـن
والحمد للـه عصرنا سهود ومهود *** مـن فضـل خـلاق المـلأ مستعـزين
مشكور يا محمد عسى فالك الفـود *** الطيب سنـدا والجمالـة كمـا الديـن
واليا مدحت الشيخ ما قلت به زود *** رد الـثـنـاء تـمـلـيـه كـل القـوانيـن
نسل الكرام اللي تسلسل من جـدود *** يستاهـل التمجيـد طلـق الحجاجين
الـلـي سمـاطـه للمسـايـيـر مـمـدود *** فرحت ضمير اللي تنصوه عانيـن
لا جـيـت بـيـتـه قـدم الهيـل والعـود *** ينسـر بالـك فـي وسـيع الديـاويـن
الطيب عـنده والصخى مالـه حـدود *** اطلب عسى ربـه يفكه مـن العيـن
عنه الردى بابه على الدوم مسدود *** الـزيـن يسعـالـه ولا يقـرب الشين
ولا الـردي كـفـه من البخل مجبـود *** مـا ينصي لـو كـان يملـك ملايـيـن
وصلوا عدد ما تنبت أزهار وورود *** على الذي يهدي العصاه المضلين

قال محمد بن عبدالرحمن الحوشاني الصقري ابو حاتم هذه القصيدة يسند
على زميله عبدالله بن دهيمش بن عبار : 766

يـا نـديـبـي هـاك مـظـمـون الـكــلام *** وصّـل المكـتـوب للشّهـم الأديـب
لا لـفـيــتـه وصـلــه مــنـي ســــلام *** عـادتـه ينطحك بالصدر الـرحيب
خـابـريـنـه فـوق مـركـوز الـسنــام *** معـتـلي لـه مـوقع بـأعـلا جـذيـب
شاعـر ومـن روس قـوم مـا يظـام *** حـربـت الـويـلان باليـوم العصيب
لا حـصـل شـي يـثـيـر الاهـتـمـــام *** يـنظـم الأبـيـات والقـاف الصعـيب
لا ركب حبـل الرشاء فـوق المقـام *** لـو يشيب القـاف عنـده مـا يشيب
يا أبـو مشعل مـا عليك من الكـلام *** ولا عـلينـا من الردي واللي يجيب
الـردي والهـيس والـنـذل الخـمـام *** لا تحـرّى الطيـب والـلـه مـا يطيب
مـالـهـم بـالـمـجـد والـعـزّه مـــرام *** ولا لهـم بالطـايـلـه حـظ ونصـيـب
الـقـرابـه عـنـدهـم وصـلـه حــرام *** والبـعـيـد أصـبـح ولـد عـم قـريـب
يا عـبـدالـلـه مـا يـهـابـون الـمـلام *** ولا يخشون اللي على خلقه رقيب

قال عبدالله بن دهيمش بن عبار هذه الأبيات جواب لأبيات أبو حاتم محمد الحوشاني الصقري : 767

قـلـت أهـلي فـي وقـار وبـاحـتـرام *** بـالـبـنـاخـي يـوم لـي كـز الـنـديـب
أبـو حـاتـم نـعــم فـي ذاك الـغـــلام *** حـر مـن مصقـر صوارم ما يخيـب
جـاه طيـبـه مـن خـوالـه والـعـمـام *** مـن نسـل عـزوه مـدلّهـة الغـريـب
من سلايـل صقـر حاميـن الجهــام *** بالقـفـر قـطعـانـهـم تسرح عـزيـب
فـعـلهـم يـوم الـمـشـوّك والـحسـام *** والـجـيـاد الـلـي يـغـزّن الـسـبـيـب
مـن تـجـاوز عـن دبشهـم مـا يـلام *** مـا يطـيـق الـلي يضدون الحـريـب
بـالـعـلـوم الـغـانـمـه نـالـوا وســام *** الـرجـال الـلي يـعـزون الـطـنـيـب
يا أبـو حاتـم بالبشـر مـثـل النعــام *** الــردي دفــّان راسـه بـالــكـثـيــب
لـوهو نسل الـلي يخوضون الكتـام *** يـوم عـصر الخيل عجلات الهذيب
حـاسـد وفـاسـد وبالعـقـل انـفـصام *** يـفخـر بـجـده وهـو فـعـلـه معـيب
يـقـمـح الـظـالـم عـسـى داره هـدام *** نـاقـل النمّـه عسى شمسه تغـيـب

قال محمد بن عبدالرحمن الحوشاني الصقري أبو حاتم : 768

ياهيه قلي وش حصل لك اوش جـاك *** وش فيك يـوم أنـك تـثرثر مهـاجيك
لـولا كلامك يالـردي مـا اعـتـرضناك *** أحـفظ لـسانـك عـن مـسبّـة دوانيـك
ياشـيـن والـلـه مـا تسـوى سـوايـاك *** مـطـاوع لـبـلـيس وابـليس مـغـويـك
بالكذب أشوفك قمت تشعـب مطايـاك *** مـيـر النتيجـه خيّـب الـلـه مساعيـك
تـرى الـنـمـايـم لـلـبشـر ســم فـتـّـاك *** مـالـه عـلاج ولا تـجـد مـن يـداويـك
والشلّـه الـلـي تـتبعـك مـثـل شـرواك *** شـلــّة رخــوم بـالـنـذالــه تـبـاريــك
أهـل الـسـفـالـه دايــم الـدوم تـتــلاك *** مـريـاع ـضيـن وتتبعـك فـي مفـاليك
تـجـمـعـت شـلّـة صعـاليـك واحـكـاك *** يامن خـبـر يا ناس شيوخ الصعاليك
أنـتـم مــقـر الـعـيـب لـلـعـيـب مــّلاك *** مـعكم صكوك العـيب ورث وتمـليـك
أيـضـاً لكـم بالـقـيـل والـقـال مسـلاك *** ولا الـرجـوله مـالـكـم بـه مسـالـيـك
أفهـم تـرى الطيّب بخيـص بـدعـواك *** عارف مـرامك يـوم تلـقى حجاويـك
اسـمـع كـلام الـلـي كـلامـه تـنـصّـاك *** انصحك لا تـاقـع بـوسـط الشرابـيـك
جـنـب مجـال الـلـي بـطـيـبـه تـحـداك *** لا فـاعــل فـعـلـه ولا هــو حـوالـيـك

جواب عبدالله بن دهيمش بن عبار رداً على محمد بن عبدالرحمن الحوشاني أبو حاتم : 769

اشكـرك يـا مـن دوم تـشهـر حـميـاك *** حـيثـك يا أبـو حاتـم كثيـره حسانيك
عساك في حفظ الولي مجري الأفلاك *** ياللي عـلى عـلوم الفضيله مباديـك
فزعت لي بالحق من غير مـا انخـاك *** من حيث هرج الكذب والظلم يوذيك
الشيمـه الشمّـا مـن أصلـك ومـربـاك *** وأنـت الـذي يا مسندي دون عانيـك
نطـحـت الـلي لمعـوّج الـهـرج عـلاّك *** الجاهل الـلي ماعـرف تيك من تيـك
يـسـمـع كـلام مـروّج الـهـرج نـمّـاك *** اليـاهرج مـن يسمعـه يحسبـه بـيـك
يـزمـر ولـكـن مـا سوى قـطف تنباك *** هـرجه بـلـمـات المجـالـس تـماتيـك
كـوبـان بالمـجـلـس يسبـك ويـشنـاك *** لـو كـان يضحك لك ضميـره يعاديك
عـليـك بـالطيـب الـيـا عـمست اريـاك *** وقـت الـلـوازم مـا يخيّـب هـقـاويـك
الـلـي الـيـا جـيـتـه فـرح بـك وحيّـاك *** مالـه هـدف لاشـك من قـلـب يغـليك
من طاب عـزه وأدعس النذل بحـذاك *** اللاش لـو صفيـت لـه مـا يـصافيـك
والـلي تـقـول بشايـن الهـرج يلـغـاك *** هـذاك يـعـنـيـني كـلامـه ويـعـنـيـــك
والحـمـد لـلـه سـمـعـتـي عـنـد حلياك *** تـشـد راسـك مـا تـطـمّـن عـلابـيــك

الشاعر محمد بن عبدالرحمن الحوشاني من أهل بريدة دعاني وطلبت منه
عدم التكلفة ومع الحاحي الشديد في منعه فأنه تكلّف وكتبت هذه الأبيات :
يا ابـو حـاتـم حـنـا كـنـا محـرصينـك *** يـا طـويـل العـمـر مـا نـبي الكلافـه
لـكـن تـكـلـفـت عـسى الـلـه يعـيـنـك *** يشهـد الـلـه كـل مقصودي مـرافـه
انـت مـابـك شـك مبـطي خـابـريـنـك *** ما عـملتـه مـن حضر بالعين شافه
وقال محمد بن عبدالرحمن الحوشاني أبو حاتم هذه الأبيات جواب :
يا أبـو مشعـل مبـطي حنـا محترينك *** جيتك تجـلي عـن القـلـب الحسافـه
يالبـنـاخي مـتّـع الـلـه فـي سـنـيـنـك *** مـا سوينـا كـود مـاجـوب الضيافـه
قلت وأطلـب يا عسى الـلـه لا يهينك *** عـادتـك حـب التـواضـع واللّطـافـه
يتبع

تابع
*- هذه الأبيات قالها فايز بن فرحان بن سويلم الغضوري العنزي يسند على
عبدالله بن دهيمش بن عبار العنزي : 770

يـا أبـو مشعـل جيتـك مسيّـر ونشّـاد *** عـن مـا يـدور اليـوم بعـيـال وايـل
اشـوف كـتـب صـادره مالـهـا اعـداد *** يا فـزعـت الـلـه مابهـا قـول قـايـل
بعض العرب ينسب على كيف ماراد *** والبعض الآخـر راح مالـه مسايـل
تـوخـذ علوم الـلي من الناس حسّـاد *** ما خـاف رب الخـلق يـوم الهوايـل
يجمع ويطبـع بـيـن سـوري وبغـداد *** أخــذ مـكــافـاتـه وشــد الـرحــايــل
والصدق تـردع بـه مـؤلـف وقصّـاد *** الـلـي يـخـم الـقـول بـلـيـا دلايــــــل
وأنـت الأديب الـلي لـك العـلـم ينقـاد *** مـا قـيـل فـي كتبـك مزيّـف وعايـل
الـحـل عــنـدك وأنــت لـلـحــق ردّاد *** مـا ضـاع مـن حالـك ولـك الجمايـل

قال عبدالله بن دهيمش بن عبار هذه الأبيات رداً على فايز بن فرحان بن سويلم الغضوري : 771

يـا مـرحبـا حـيـيت يـا نـسـل الأجـواد *** يـا بـن سويـلم يا سلـيـل الحمـايـل
نشـدتـني يالقـرم عـن بعـض الأفـراد *** الـلي يـدورون الـطـمع بالـتحـايـل
يـبـون سـرق جـهودنـا ماروش عـاد *** النـاس تـدري بالعـلـوم الصمـايـل
لا تـكـتـرث يالـقـرم بأعـمال الأوغـاد *** الـكـذب والـتـزويـر كـالـظـل زايـل
وحـنـا لـهـم فـي كـل منفـذ ومرصـاد *** نكشف حقـايقهم خـبـاث الـدغـايـل
والـلي لكـتـبي يـا فـتى الـجـود نـقـّاد *** قصـده حسـد لاشك مـا نـال طـايـل
لـو بـه حـمـيـه عـن حـمى لابـتـه ذاد *** ما هو على ابـن العم يأتيه صايـل
الخايب اللي يجـمع السحت وش فـاد *** غيـر اقشر السمعة وشين الفوايل

* قال الشاعر فايز بن فرحان بن سويلم الغضوري العنزي هذه القصيدة
يسند على عبدالله بن دهيمش بن عبار العنزي : 772

أبـدي بسم خـلاق سـبـع السمـاوات *** الـواحـد الـلـي كـلـنـا نـرتـجـي لـه
يا واسع الرحـمة وجـزل العـطيـات *** وسريت بعبدك لين حـاز الفضيلـه
وخـلاف ذا نكـتـب بـيـوت جميـلات *** بالقـرم أبـو مشعل عريـب القبيلـه
ابن دهيمش لـه مواقـف وبصمـات *** وطبيعتـه مابـه عـلى النـاس ميلـه
جمع علوم أهل الفخـر والبطـولات *** نـوادر الـلابـه جـمـعـهـا بـقـيـلــــه
يستـاهـل التمـجـيـد والـنعـم مـّرات *** مـهـمـا نـقـول النعـم والـلـه قليـلـه
حيثه وقف واجتاز كـل الصعوبـات *** وأحصى عـدد عنـاز فخذ وفصيلـه
ولف كتابـه صدق ما هـي دعايـات *** جـمّـع بـني وايـل بصدق الوسيلـه
الـوايـلي مـبـطـي مـبـاديـه جـزلات *** شـواهـد الـتـاريـخ تـتـبـع مـسيـلـه
حـاز الفخـر وأدرك بفعله شهادات *** وفـعـايـلـه بالـطيـب كـلـن دري لـه
بذل جميع الجهـد راعـي المـروات *** وجـنـب كـلام الـثـرثـرة والـرذيـلـه
تستاهـل التمجيـد باعـلى الدرجـات *** ولـفـت لـلـويـلان شـجـرة طـويلـه
شاعـر ولـك وقـفـه بـكـل المهمـات *** ومـن حـرّف التاريخ تحرق فتيلـه
تاخـذ عـلـوم لـه بـراهـيـن واثـبـات *** مـا جبتـها بـدعـه ولا هـي هميلـه
واللي وقف بالحق صعب الملاقـات *** مـن عـانـده يـتـلـف وينهـد حيـلـه
تشكر عـلى فعلك بصدق الروايـات *** أنـت الأديـب وكـل حـمـل تـشـيـلـه
الصدق لأهـل الصدق مابه نقاشات *** والـرجـل فـي ممشاه عـقلـه دليلـه
جـمـيـع مـا قـلـتـه عـلـيـه الـدلالات *** ومن لا تبع للحق ما مـن حصيلـه
ولايسلم المخلوق من غير غلطات *** والـلي يـبـي يشـنـاك ربـه كـفـيـلـه
ما أوفيت في حقـك ولكن عـبـارات *** ولاني بشاعـر يـا زبـون الدخيـلـه
تمت واختم القاف بازكا الصلاوات *** عـلى النبي مهدي العقول الضليله

* قال عبدالله بن دهيمش بن عبار العنزي هذه القصيدة رداً على
فايز بن فرحان بن سويلم الغضوري العنزي : 773

ابدي باللي نزل على الرسل الآيات *** رب الخـلايـق مـا يـوصـف مثيـلـه
الـلي بسـط سبعـه وسبعـه رفيعـات *** مـولاي خـلاق الـمـلأ هـو وكـيـلـه
باسمه بديـت بـرد منظـوم الأبـيـات *** جـواب كـسـّاب الـثـنـا والـنـفـيـلـه
فايز سليل أهل الفخر سامي الـذات *** ابـن سويلـم مـن معـامـق أصيـلـه
الغـضـوري مـن لابـة بـالـحـرابـات *** عـاداتـهـم دحـر الـعـدا بـالـدبـيـلـه
كان اعتلوا فوق المهـار الأصيلات *** صارت على العدوان كدرا سحيلـه
لابة عيال العود بالعصر اللي فـات *** لـهـم بـمـيـدان الـمـعـارك فـعـيـلــه
وكان انتخوا بالعود وقت الملاقـات *** عـدوهـم تـمـرج ركـابـه وخـيـلـــه
مشكور يا راعي البيـوت العـذيـات *** هرجك صحيح وكلمتك ينصغي لـه
وأن كان سجلت الفخـر بالسجـلات *** أمجـاد ربـعي خـاطـري مهـتـويلـه
لي الشرف واعتز رغم اعتراضات *** بعض الرخوم اللي عملهم فشيلـه
مـا هـمـهـم لـكـود جـمـع الـريـالات *** ما ايشجعـون الـلي اهـدافـه نبيلـه
أقـولـهـا ولا هـمـنـي كـل شـمــــات *** الـحـاسـد الـحـاقـد يـمـوت بغـليلـه
بعض العفون اللي تـثير الحـزازات *** سود الضماير والخبـاث الـرزيـلـه
الـلاش يـبلش صاحبـه والـقـرابـات *** وأن جت من الأجناب مثل الحليله
مـاني بحـال الـلي عـلـومـه رديـات *** مـا دام معي أهـل الهداف الجليلـه
ما دام معي أهـل القـلوب النظيفـات *** مالي ومـال أهـل الدنس والدغيله
مـار الـعـرب بـهـم مقاريد وأبخـات *** ومن طـاب حظه مـا يجي للهزيلـه
بهـم الأشـم الـلـي اهـدافـه بعـيـدات *** عـنـد الـلـوازم مـا يـبـور بعـميـلـه
وبهم الخسيس اللي اهدافـه دنيـات *** ذيـخ عـلى البلعـه يلـوقص بذيـلـه
ثـم الصلاة على النبي كـل الأوقـات *** شـفـاعـتـه يـوم الـلـقـاء نحتـريلـه

*- قال فهد بن عبدالعزيز السبيعي يسند على عبدالله بن دهيمش بن عبار : 774

يا راكب من فوق حمرا من الجيش *** حمـرا حمـاره مـثـل ضـو المنـاره
حـمـرا هـميـم مجهـزة للمطـاريـش *** اليا مدت اسرع من جديد الغـماره
ما هي من اللي مرتعه بالقشاويش *** ولا كدنت تسنـا الـدلي مـن بـيـاره
مرباعهـا ما بين حلـوان والـريـش *** حـايـل ولا دورج بـأثـرهـا حـواره
مـا هـمهـا لـو دربـهـا بـه تعـاكيش *** وعـلـيهـا غـلام ضـاري بالجساره
قـم يا نـديـبي ود قـاف عـلـى أيـش *** ثـم أوصـلـه لـلي سـديـده اشـواره
يم ابو مشعل سترضافي العكاريش *** الـوايـلي بـالطـيـب بـانـت اخـبـاره
ملفـاك ابـن عـبـار نسـل الحناتيش *** الـلي اليا جـاه الضيف يلقـا وقـاره
الـلي يهبـش الـبـن بالنجـر تهبيش *** مـع دلـة يـعـجـبـك خـنـت بـهـــاره
فنجال يجـلي غـم روس المداويش *** شرابـه افضل مـن شراب الزقـاره
وعقب المهيّل حط حيل على عيش *** حيـث الكـرم طبعـه وسلمه وكـاره
مـن ساس لابـه بالملاقـا مـداغيش *** كـان اعتـلـوا بالكون قـب المهـاره
اولاد وايـل يـوم عصـر التحـاويش *** اركـوا عـلى كبـد المعـادي مـراره
يـوم اللقـا يـردون ورد المعـاطيش *** فـوق الـرمـك والجـو كتم اغـبـاره
عـدوهـم صـابـه رعـابٍ وتشـويش *** ربـعـه كعـام الضـد لا صـار غـاره
بالكـون يـروون الرمـاح المراييش *** وكم فارس مجدوع برض المعاره
مالـه عن الثنتين لـو طار بالـريـش *** امـا اخـتـيـار الـمـوت ولا فـــراره
هـذي فعـايلهـم بعـصـر التـنـاويش *** بـيـن الـقـبـائـل لابـتـي بـالـصـداره
قـلـت الصحـيح ولا عـلـيـه تباليش *** واللي جحـد ما اشكل عليه انكـاره
قـلتـه ولا ابـي انبش العـلـم تنبيش *** ويكفـيك عـن كثـر الكلام اختصاره
الطيب لأهـل الطيـب مابـه تغـابيش *** والمـرجـلـه تـرهـا للأجـواد شـاره
ولا الـردي يامسندي كـنـه اكديـش *** العـفـن عـفـن ولا ذكـر بـه نـمـاره
الـلـه يكـافـينـا شـرور المغـاشـيش *** لا بـد مـن بـعـد الصعـود انـحـداره
اليوم صار الحـر يخشى الخفافيش *** والذيب الأمعط قام يخشى الجفاره
يالقرم ليش الجار يا مسندي ليش *** يـزهـد بـجـاره مـا يـمــره زيــــاره
وأن كـان ما تدفع هدايا وبخاشيش *** لا صـار لـك لازم تشوف الحقـاره
الكذب كثر وعشش الحسد تعشيش *** ولاعاد عشب القاع ينبت خضاره
اشوف انا خطو الرجـل كنه حنيش *** يـلـدغ وهـو ملبـد بوسـط الخبـاره
تحسبه وليـده مـن وجيـه مباشيش *** لـو قـلـت لـه يمنـاك يعـطي يساره
توازنت لأهـل القـلـوب المخـاريش *** فـازوا عـلى صمع القلوب بجداره
تجهـد وجهدك عندهم صار تفنيش *** والكـل مـنهـم عـنـدك العـيـب داره
ناس تفتش عـن الخـمـلات تفـتيش *** وباقي جهودك يجحـدون اعتبـاره
كلامهم يجـرح مثـل لـذعـت الفيش *** كلـن عـلى مجادلـك يـبي اشتهـاره
مثـل الكلاب الـلي تدور العـراميش *** عـقـب الغلاث الكـلب زاد استعـاره
خبث وحسد واهبال الاومعه طيش *** مـا عنـدهـم غـيـر النكـد والقمـاره
أوصيك طنش دايـخ العقـل تطنيش *** والـذيـب مـا قـزاه نـبـح الـجـعـاره
ابعد عنهم لـو كـان تسكن خرابيش *** جـهـدك لعـفنيـن الطبـايـع خساره
والله مـا قصدي من القول تحريش *** مـار الـبـلا بالقـلب زاد اضطجـاره
يا ليت قلبي مثـل قلوب الدراويـش *** يـنسى مـا جـاه ولا بـقـلـبه حـراره
قـلتـه ولا ودي بـذكـر الـهـوامـيش *** عطيتك المضمون بـزيـن العـبـاره
وصـلاة ربـي عـد وبـل المراهيـش *** واعـداد مـنـبـوت الفياض وبـذاره
على النبي الهاشمي صفـوة قريش *** شفـيـع الأمـة عـن لـواهيـب نـاره

قال عبدالله بن دهيمش بن عبار العنزي هذه القصيدة رداً على الشاعر
فهد بن عبدالعزيز السبيعي العنزي يقول : 775

مبداي في منزل حقوق الجواهيش *** سحـب المزون الـلي تهـل بغـزاره
ديـم تصب سوات صب الخراطيش *** وتسقي جراهيـد الـوطـا والفـقـاره
مـولاي خـلاق المـلأ منبت الهيـش *** الـلي جميع الكـون يـعـلـم اسـراره
جالي بصر يعقوب عقب التعاميش *** فـي قـدرت المولى تجلـت ابصـاره
رب الـعـبـاد مـزيـل هـم المبـالـيش *** معـتـم دجـا لـيلـه ومـوضي نهـاره
وبعد ذكر اللـه ننقش الخط تنقيش *** سار القـلم والجاش هاضت افكـاره
حي الجواب الـلي لفـوبه مطاريش *** وحـي الـذي وجـه عـلـيـنـا مساره
مهديه قـرم مـا سلك مسلك الغـيش *** فهـد سليـل اللـيـث نـمـر الـنـمـاره
الـوايـلي مـا طبـش القـيـل تطبيش *** عـنـده عـلى بـدع المثايـل شطـاره
مـن لابـة يـوم الشـوارب مكـالـيش *** الـلـي يـنـاطـحـهـم جـداه الـنـيـاره
يـوم المـوازر صـوتها لـه لـواليش *** دلاق هـم عـوق الخـصيم ودمـاره
واسنادهم جـمع البطيني هـواويش *** سقـم الحريـب وبالحرايـب سعاره
اللابـه الـلي يـكـرمـون الهـواتـيش *** يـوم بـه الـمـسـعــر قـلـيـل دبــاره
عـاداتهـم مـا يـذبحـون الكـرافـيش *** كـود السمين الـلي عريض فـقـاره
ما يحضرون الكيل في قـلة الخيش *** يـوم الـردي كيسه يجّـود اصـراره
يا فهـد افيـدك كـان نشدتـني لـيـش *** تـقـول لـيش الجـار يـزهـد بجـاره
النـاس كلـن حـط روشـن وكرنيش *** كـمـا تـرى جـانـا زمـان الحضـاره
والجـيـل هـذا جـيـل نـيـدو ونـفيـش *** بعض الشباب اسلومهم مستعـاره
الشمغ عـافـوهـا ولبسوا طـرابيش *** كيـف الفتى كـاب الفـرنج اختيـاره
اليا شافوا الشيّاب قالـوا شـواكيش *** خـيـبـه وكـوبـه وانحطاط ودشاره
كثر العقوق وبـوش العـقـل تبويش *** عـصـرٍ بـه العـاقـل يضيع افتكاره
ان كان تذكربالعـرب من بهم طيش *** اهـل المفاسـد والحسـد والـقمـاره
الـلي يمطـط ملسنـه تـقـل بـربـيـش *** يجمع حكي ما بين مكـر وعـيـاره
سـود القـلـوب مقبقبين الفـرافـيش *** بـيـن القـرايـب يقـدحـون الشراره
لـو جمعـوا من زايـد الهيف حتيش *** مـا هـمني راعـي الحسد والنغـاره
مـا احب كثـر الطهبلـه والقروايش *** والجاهل المجهول ماابغي شجاره
مـن لاعب السنور صابه مخاميش *** يصبر على مضرب مخالب ضفاره
خطو الرجل ما يفتهم كود تجحيش *** تـاه الـطـريـق ورام درب القشـاره
هـذاك مـثـل الـلي مـنـاداه تـقـريش *** تـكـرم عـنـه يشبـه اتـان الحمـاره
ما اينظف المدنوس يالقرم ترويش *** مـا ظـني الصابون يجـلي سمـاره
وصلواعدد مارفرف الطير بالريش *** عـلى النبي عـد الـرمل والحجـاره

قال الشاعر فهد المسيكي السبيعي هذه الأبيات من ذات القافية الصعبة : 776

هـبـّيـت يـا وقـت بـه النـاس منـصنعـه
قامت تهافى وتاخذ المصل من مصله
راحت قيمهـم ساقـط الجنـع مـن جنعه
طبّـل لها السلتوح وابليس يرقص له
مـن مـثـلهـم مـاثـاب يـا بـاغـي منـعـه
مادام ماهـي مأصـلـه بقلبـه الخصلـه
يــا جـاهـد بالـمـنـع لا تـمـنـعـه انـعــه
حبـل الرجـا مقطـوع ماينفـعـك وصله
ختـم عليـه الـظـرف والجـرم ياشنعـه
مسلسل حكايه انتهى الوقت من فصله
خـل السَّنـع يالسنع يـم أهـلـه السنعـه
وخلك من اللي هايف الفكر مرخص له
إن ما ارتفع بالدين يبقى علـى الخنعـه
مهما تعلهص خايب العلـم علهـص لـه
وتـرى ردي السـاس مايخـلـي الدنـعـه
وألا الأصيـل مـن الـردى يمنعـه أصلـه

قال عبدالله بن دهيمش بن عبار هذخ الأبيات مجاراة لأبيات فهد : 777

فهـد نظـم قـافـه وهـو بـارع بصنعـه
ونـويـت أبكتب ثـمـان أبـيـات الخصله
ورد الشعر يقطفه يوم استوى ينعـه
ياخذ من السنبل ويعرض عن القصله
كما ذكرت الـزمن يا فهـد بـه كنعـه
هذا ايحفن له وذاك شوي يقبص له
روس تعـلا وبعـض الـروس منخنعه
ترجي لعل الأمل نوره يبصبص له
النجـم بـه مـرزم وبـه طـالـع الهنعـه
والكل له واجب الرحمن خصصله
يا فهد نفس الردي ما تطري القنعه
حيثك وصايف ردي الساس تبخصله
مـن كثـر مالـه كثر تفديعـه وفـنعـه
يا مكثر اللي لأجل ماله يلوقص له
من أنعوج يلزم على الخشم له رنعه
والغوج ودك بالرسن دوم تقرصله

وقال فهد المسيكي هذه الأبيات : 778

قـالـوا بابـن عـبـار هـايف وخـراط *** عقب المهابه صار قدره صغيري
كـم واحـد لـمـهـذلـف الـقـول قـراط *** عد إن قوله مار شي مصيـري
دام إن سوالفهم بها غلط واغـلاط *** مالي بها يا علها بألـف طيـري
شفت الهدف ماهو نبيل وبه افراط *** كل يبي هالمجد يمـه يحيـري
روس تشلـوط بالـرديـه تـشلـواط *** ما صيدها يـم الحقيقـه تسيـري
بعلوم ما تشرّف ولا حازت انواط *** بالهيلمه رغـوة فقاقيـع فيـري

وقال عبدالله بن عبار هذه الأبيات رداً على فهد المسيكي : 779

يـا فـهـد ما قـدروا يـقـولـون خـراّط *** الخـرط يـلقـا يا فـهـد عنـد غـيري
عـن الـدروب الـعـايـزة دوم محتـاط *** والحـمـد لـلـه مـا شنـاني قصيري
أنشد من الخفجي إلى شرقي رهـاط *** وأنشد من الحرة لغـرب الصفيري
وأنشد من الوادي إلـى قبـلي الغـاط *** وأنشد كـذلـك مـن تـبـوك لعسيري
عن سيرتي يخبرك بالعلم من حـاط *** مـن كـان عـني يالسنافي خـبـيـري
ولا الحسود الـلي للأصحاب غـبّـاط *** هـذاك ظـالـم مـا يـحـبّـه ضـمـيـري
الـلي لسانـه يـبـتـرم تـقـل مسـواط *** يقذف لهب من فوه مثل السعيـري
لا تكترث بـه لو لـه صياح وعيـاط *** مـن فضل ربي ما يعـرقـل مسيري
واللي يقول أنـه لقى بكتبنا اغـلاط *** أنـا أعـتبـر تصحيحها عمل خـيـري

وهذه الأبيات لشاعر مجاراة للقصائد السابقة يقول : 780

والا ابـو مشعـل لـو نعـّلق لـه انواط *** ما نلحـق افعـالـه وعـقـلـه بصيـري
حليم يصبـر دون ضعـفـاً ولا افـراط *** وبعـيـد بالشوفه وعـلمـه وشهيـري
وليا دعا داعي وجا ضرب الامشاط *** يقـلـط اليـا خـاف الذهيـن الحذيـري
يصبر على ربعه ولـو بعضهم شاط *** والعـاقـبـة بالصبـر خـيـرا كــثـيـري

من شعر التصدي للحمله المغرضه هذه الأبيات قالها عبدالله بن دهيمش العبار : 781

يالفكر سجل صافي القاف وأملـه *** وأبـدع من الخاطـر ترانيم حنـده
طلبت اللي موسى الكليم أنتقم له *** من ظالمه فرعون وأعوان جنده
يالله عسى الظالم يـعـفّـر بـرملـه *** وعساه يلزق بين شاصي وتـنـده
واللي على ظلمه بجاهه حشم له *** جعل الحدب يبتر من الكوع زنده
ويا عل من داروا بالأجواد خمله *** ينهـد سقف قصورهـم والبـرنـده
أهـل الظلايم جـورهم مـا نحـملـه *** والحق في عدل القضا نص بنده
الظلم ظـلما ومنطق الكـذب يملـه *** واللي تغطرس ضاع بنده وسنده
والـلي يبيعـون الضمايـر بعـملـه *** ما يسمعون الـلي يـنـادي ويـنـده
من لا رضي بالـلي وليـه قسم لـه *** مـا يقتنع لـو مـال قارون عـنـده
والـلي نـزل عناز يشظون شملـه *** بالنمنـمـه يسعـون مـع كـل فـنده
عـوذه تراهـم قـربهم قـرب نملـه *** لـو هـم قـرايب كنهم من أوغـنده
والـلي بـهـرج البلبله شن حـملـه *** عـن طاري الـويلان يجـوز بنـده
تاريخهم مذكـور فـي كـل جـمـلـه *** من عصر أبن تبّع وحمير وكنده
وين الذي يتعب من السير زملـه *** يـوم النخـاوي يحـتمي كـل ونـده
المـرجلـه تحتاج جـزمـه وصمله *** ماهي ملاهي رقص غاده ورنـده

قال عبدالله الموسى الخرشاوي هذه الأبيات مجاراة لزميله عبدالله بن دهيمش بن عبار:
سلمت يا فكر(ن) تصـــــدى لحمله *** فنـّــد بقولـــه من تطــــاول بعنـــده
يوم ان غيره ما قوى شيــل حملـه *** كــل القبيلـــه شالهـــا فـــوق زنــده
في(شجرة الويلان) كلن(ن) رسم له *** غصنن مورّق راقين) دوم سنده

قال الشاعر فهد المسيكي هذه القصيده مجاراة لقصيد عبدالله بن دهيمش بن عبار : 782

هيضني شعـر ٍ مابـدى فـيه خـمْـلـه *** مـن نظـم ابن عـبـار مـعنـاه عـنـده
الشاعر الـلي معوسرالقـاف تٓـمْ لـه *** جـاب المعاني من العسل مثـل قنده
صعب القوافي بـرْقٍ تشـوف رمْـله *** كردوبـها مصملـخ مـراقيـه سـنـده
وحنا نشاوح عـمله بصرف عـمله *** مـن عــوهـلـي ٍ زامـي ٍ زاد مـنــده
ابْكـار فكـري صـدّرن مـنـه جـمـله *** يـرعـن مــَرَا ولااوخـمـن بالعَلَـنْـده
ضمران وفرس معقّـلِـن فيه زملـه *** فـي قرشعن مابـه قـواطـي مَرَنــده
حـرايـر ٍ مـانـاشـهـن مـوط ثــمْـله *** مـاعـطّـل الـراعـي بـهـا كـم زنــده
يا مـاحـلا سِـحْـلٍ تـمثـنـن بطـمـلـه *** ويا مـاحـلا ذومـالـهـن يـوم نَـنْـده
منا معمقهن حَسْمَنـا مـن حَسَمْ لـه *** غـريـب لفـظـه يسبـقه ريـح رنـْـده
تمثيل شاعر صعب بدعه رَهَـمْ لـه *** لـه نوهـة ٍ ابـعــد مـن انْـيـوزِلَـنْـده
من دلّـتــه مكنـون شعـر ٍ نظـمْ لـه *** فـنجـالهـا يشـدا خضاب الخـــونـده
مِـدّه لابـن عـبّــار يـالـبـال قـمْ لــه *** مراد قـــولي هـاك مـضمون فنــده
رد ٍ على اللي ساس عِلمه هدم له *** منسوجـه بعنـّـــاز مفضـوح كـنـْـده
الـلـي نسبـنا يــوم جـاه وبـَـرَمْ لـه *** شلـفـاي راحـت بـيـن متنـه وثـنْـده
الجرح غـايـر عـازي ٍ مـنـه دمْلـه *** واقــفى بطمان القـاع عـدّه خـلنْـده

قال عبدالله بن دهيمش بن عبار هذه الأبيات يسند على فهد المسيكي : 783

يـا فـهـد يـسلـم جـنـابـك يـا فـهـد *** أنـت قـرم ومـن منـاعـيـر مسكا
الـرجـال الـلـي يحـفظـون العـهـد *** عـزوتـك زبـن الـدخيل اليا شكـا
الشليـمي فـي مـفـاخـرهـم شـهـد *** وضّح المقـصد وبالمجلس حكـا
خصمهـم مـا نـال حـقّـه لـو زهـد *** يـوم كـان الـحـل عـنـد أبـن ركـا
وفي زمان اليوم فاز اللي اجتهـد *** ولا يفيد اللي عـلى الماضي بكـا
يا فهد بعض العـرب هـرجه لهـد *** حطّوا اسمي مثـل علك المسطكا
السفيـه الـلي اسلـوبي لـه ضهـد *** ما رجع عقـلـه ولـو ترجع عـكـا

وقال الشاعر فهد المسيكي هذه الأبيات مجاراه لأبيات زميله عبدالله بن
دهيمش بن عبار : 784

راكب اللي ناض من عندي ونهد *** أقـمـر ٍ والساس مبطـي قـد زكـا
معــرب ٍ وان كان دربــه اجرهـد *** يرتهـب راعــيه كـان مــابـه ذكا
راح منـــا مــسهـم ٍ يومــه كهــد *** ما تكعكـر فـي طـريـقـه ولا لـكـا
من السنيّـف بالنبيــّه وان وهـــد *** مثل حــر ٍ بالفـريــسه لـيــا ركـا
يلفي لـلـي قاف شعره لــه مهــد *** يمـدح اللي خـصـمهم عنـهم نـكا
عبدالله الـلي مـاتــونى ولا قــهـد *** ذاد عن عنــاز مامــعــه اشــركا
من يـذمـه طـرف عيـنـه به سهد *** دام ابـــن عبار لــفـويـهــه وكــا

قال فهد المسيكي عندما وقع بعض الشيوخ على تزوير نسب عنزة ونقله :
وش عـاد يـا شيـوخ تـلـم التـواقيـع *** اسـم عنـزة مـا هـو حكـر تحملونـه
علـم انبنـى بـيـّن عـلى غيـر تشريع *** قـامـت تـهـاوى هـايـفـات ٍ ركـونـه
الـهـيـلـمــه والـطبطـبـه لازم تـضيع *** اصـبـر عـليـهـا ليـن يـاتي حتـونـه
وقال عبدالله بن عبار هذه الأبيات مجاراه لأبيات فهد المسيكي :
حـدّرت مـن زوّر نـسبنا مـع الـريـع كـاتـبـهـم المـفـلس تـزاود جـنـونـه
والـلي يـبي لمجـّمع الكـذب تشجـيع عـن الصحيـح مغـمضات عـيــونـه
والـلـي تـبـي عـنـاز يا فـهـد تسنيـع يكفيهـم الـلي حصلـوا مـن مهـونـه

يتبع

تابع
* قال الشاعر حوري بن مناور بن حركان المضياني هذه القصيدة
يسند على عبدالله بن دهيمش بن عبار : 785

راكـب الـلي صـانـعـه رجـل فـهـيـم *** نـاجـح بالـدرس وفـاهـم بالـنـظـام
لـيـا هـرج بـالـهـرج لـغـيـر بكـلـيـم *** مـا سـرح بالـذود ولا قـاد الجـهـام
الـوضـيـفـة يـشـتـغـل بـه فـارتـيــم *** بـاخـتـراعـه حـامـل أعـلـى وســام
ثـم شـغـل سـايـقـه بـامـر الـكـريــم *** أرتـفـع بـالـجـو مـن فـوق الغـمـام
سـايـقـه فـهـمـان مـن دار القصيـم *** يـمـنـع التـدخـيـن ويـأمـر بالحـزام
مـد مـن عـرعـر يـبي حـي النظـيـم *** يــم ريـاض الـعــز وديــار الـكـرام
نـزلـّه فـوق الـمـدرّج مـسـتـقـيــــم *** عـارف طـرق السـلامـة بـانـتـظـام
يـوصـل الـلي لابـتـه ضـد الخصيـم *** كـان صـار الجـو بــه عــج وكـتـام
لـبـو مشعـل وصـلـه وأحـذر تـقيـم *** مـن تـقـهـوى لا تـأخـر لـلـطـعــــام
خـل عـذرك مـقـنـٍع عـنـد الـحشيـم *** الـلي مثـلـه مـا يجـي درب الـمـلام
قـل عـلام الـشـعـر كـنـه مستـظـيـم *** الـحـداثـه غـيـّرت بــه يـا حـــــرام
شـعـرهـم لا هـو حـنيـن ولا رهـيـم *** خـايـفـيـن بـسـبـتـه يـذهـب عــدام
ونحمـد الله ما انتهى وضعه سليـم *** مـار اشوف اليـوم مـافيـه اهـتمـام
الـعـزب حـامـيـه عـنـده مـسـتـديـم *** هـويـا السحلـول فـي دور اسـتـلام
فـي ديـار كـويـتـنـا عـز الـيـتـيــــم *** دار ابـن صـبـاح وبــلاد الـســـــلام
ومـثـل أبـن عـبـار الـحــر الـعـديـم *** فـاهـم بـالـقـيـل مـن سـن الـفـطــام
لــه كــلام مــا تـلـفـظ بــه غـشـيــم *** ولا تـغـنـت بـه سـمـيـره أو هـيـام
ولا لـحـن بـه بـالـوتـر عـبـدالحليـم *** ولا غـنـي بـه بـالمسارح بالـغـرام
مـن ربـوع فـعـلـهـم مـاضـي قـديـم *** خصمهـم تـجـيـه رجـفـه بالعـظـام
حـنـاتـيـش بـالـلـقـا ضــد الـجــريـم *** الـيـا تـلاقـوا بـالشـلافي والحسـام
وعـزوتـه الـويـلان لاشـب الهشيـم جـارهـم محـروس دايـم مـا يـظـام
ونحمد الـلـه صافيـه مـا فـيـه ظيـم مـار لشعـر النبط ما نرضى الهدام
يـالـلـه الـنـجـاه مـن صلـو الجحيـم بـك نـلـوذ ولـك صـلاتـي والصيـام
وخـتمـهـا بسـم الـولـي رب رحـيـم والسـمـوحـة والـتـحـيـه والـسـلام

وقال عبدالله بن دهيمش بن عبار العنزي هذه القصيدة رداً على
الشاعر حوري بن مناور الحركان المضياني : 786

راكـب الـلـي مـا يـبـاريـه الـظـلـيـم *** صيعـري مـا يـلحـقــه ربـد الـنعـام
مـن هجاهيج النضا جـريـه هـميـم *** جـده وضيحـان مـن جـيش اهـمـام
يعـلـم الـلـه منظـره تـوصيـف ريـم *** مـسـتـهـيـف وقـافـلٍ مـالـه سـنــام
أشـقـح وخـالـط شقـاحه لـون أديـم *** بـه بـياض وبـه حمار وبـه سحـام
مـا رغى ولا يـوم تسمـع لـه رزيـم *** ولا تجـضـور لـو تـتـلـه بـالخـطـام
مـد فـي حـفـظ الـولي قـبـل العـتيـم *** يـسـتحـب الـهـوذلـه وقـت الـظـلام
يـا نــديــب الـنـوم خــلـه لـلـحـريـم *** أنـتـبــه لـلـدرب وأحــذر لا تــنــام
أمـش بالـبـرديـن مـع هـب النسيـم *** وأن اشـتـد الـحــر نـّوخ يــا غــلام
أتـجـه يـحـفـظـك مـولاي الـعـظـيـم *** الـف كيلـو دون قـصـدك بـالـتـمـام
سافـر المنـدوب مـن حـي النظـيـم *** مشـمـلٍ والـدرب بـاحسـن مـا يـرام
يـم عـرعـر دار مـكـديـن الـغــريـم *** لابـة الـويـلان زاكـيـن الـعــمــــــام
ود خـطـي صاحـب الـراي الحكـيـم *** أبـو فـايـز لـه حـشـيـمـه واحـتـرام
حـوري الـحـركـان نـقـّاض البـريـم *** ابـن مـنـاور مـن رجـاجـيـل فـهـام
مـا يـغـظـلـم خـاطـره مـثـل الكظيـم *** يـلتـقي ضـيـفـه برحـب وباحتشـام
دلـتـه تـجـلـي عـمـاس الـمستهـيـم *** تنعش الخـرمان مـن بعـد الـوخـام
يـذبـح الجـزلات والكبـش الضخيـم *** وأن لـفـاه الضيـف يـبشـر باللغـام
وصـلـه خـطي عسى خـيـره عميم *** وأعتـذر لـه حيـن مـا تلـفي اشمـام
بلغـه شكـري مـن عـمـاق الصميم *** والـسـلام اعـداد مـا نـاح الـحـمــام
قـل لفـاني قـافـكـم فـي حـرف ميـم *** قـيـلـكـم نـاقـيـه مـن عـذب الـكـلام
يـا أبـو فايـز عـسى يـفـداك اللئيـم *** تـرى بـطـو الـرد مـن كثـر الـزحـام
والـلـه الـلي بغايـة اسراري عليـم *** ممسـك الـلي فـي عـلـو الجـو حـام
ودي أرضـي كـل صـديـق حـمـيــم *** مـجــتـهـد يـا مـسـنـدي دايــم دوام
الفـكـر مشغـول يـا حـوري هـظيـم *** كـل وقـتـي صـار يـالـقـرم الـتــزام
يـدلـه الـلي بـالعـرب مـثـل البهيـم *** مـا تـعــرفـه كـود أمــه والــمــــدام
يـا راعـي الصبحـا ترانـا فـي نعيـم *** نصمـد اليـا صـار بالنـاس انـقسام
لا يغـرك صاحـب الصـوت الـرخيـم *** الـكــلام أنـواع بــه دسـم وهــــلام
والـقـضـايـا حـلـها عـنـد الـزعـيـم *** ومـن غـدالـه حـق للشـّرع احـتكـام
والخـتـام اعـوذ مـن كـيـد الـرجـيـم *** الـتـجي للـرب واعتـصم اعـتصـام

وهذه الأبيات ارسلها الشاعر حوري بن حركان المضياني عبر الجوال : 787

يابـو مشعل عسى وصلتك الرساله *** فـوق بـنـق مـن انـواع الطايراتـي
كـان فيهـا ملاحظـه واجـب إهمالـه *** احسبوهـا مـن حسـاب المهملاتي
فـيـه نـاس يـنشـدونـي عـن بـدالـه *** مـن أقـوالـك والقيفـان المحكماتي
وقال عبدالله بن عبار رداً على رسالة حوري بن حركان :
حـوري الحركان وجـه لـي رسالـه *** راع الصبحـا يطـلب العـلم الثبـاتي
اخبرك يالقـرم وصلـت فـي عجالـه *** مـار ظـروفي يالسنافي مـا تـواتي
الحـمـل مـرهـق ولا طيـق احتمالـه *** والـرسايـل بـالألـوف مـراكـمـاتـي
تـر زميلـك مـا تـفـّرغ مـن أشغـالـه *** كـل مـا خـلـصـت لازم ذاك يـاتــي
والختـام اشكـرك يـا راعي الجمالـه *** السمـوحـه يـا زبـون الـوانـيـاتـي
وقال حوري الحركان رد للمرّة الثانية يقول :
أبـو مشعـل مـرسـل يـمـي رسـالـه *** وافتهمت القـول والهـرج الثـبـاتي
فـز قـلـبي وانـتـبـه لـه وانـتـخـالـه *** ونطـلـب الـلـه جعـل أيامـه باقياتي
الـظـروف يـزيـلـهـا جـلا جـلالـــــه *** ربـنـا الـلي مـطـلـع بـالـخـافـيـاتـي
احتـزم بـي كـان بالموضـوع قـالـه *** كـان فـيـه مجـادلـة ومشـاحـنـاتـي
وقال حوري بن حركان :
نـبـي مـع الجـوال نـرسـل تـهـانـي *** بمناسبـات الخـيـر واطـلالـة العـيـد
يـزيـن فـيـه الـقـول والـجـو زانـي *** للـشـاعـر المعـروف قـرم الأوالـيـد
لعبـدالـلـه العـبـار أسـمـه دعـانـي *** لـه حـق أبـو مشعـل عـلينـا بتأكـيـد
عـيـدك مبـارك يـا ذريـف اليمـاني *** يالشهـم يالطـيـّب ويا أبن الأجاويـد

وقال أحد الشعراء هذه الأبيات عبر الجوال : 788

أن كانهـا تمشي وراء كـل غـلطـان *** لا يـا قبـيـلـه لآخـر الـصـف دوري
مـن وايـل القـاسـط لـوايـل بـهّـزان *** ما عـاد بـاقي غـيـر وايـل كـفـوري
ما للحكي داعي على غيـر بـرهـان *** وأنا خوي لك وأبي اعطيك شوري
ترى النسب مابـيـن ضلع وشعبـان *** عـلـيـه صلـفـات الـلـيـالـي تـدوري

وقال عبدالله بن دهيمش بن عبار هذه الأبيات من قصيدة جواب لقصيدة
الشاعر حوري مناور الحركان المضياني : 789

حـنـا عـنـزة مـا تـونـا نـخـلــق الآن *** والصدق واجـبنـا نـعـده ضروري
حـنـا عـنـزة تـاريـخـنـا ورث جـدان *** ما أصلنا يعـرف عـراقي وسوري
أولاد وايـل بـالـفـخـر عـلـمهـم بـان *** نعـلـن مفاخـرهم بصوت جهـوري
دونت هرج الصدق واعلنته اعلان *** واللي جهل نشرح له العـلم فـوري
ولا أظـن يطعـن بالنسب كود كوبان *** الخايب الـلي منهجه سلـم نـوري
الناس من خلقت لها أشكال والوان *** ولا ينحقر لـو كان هندي وكـوري
لاشـك لا تـسـمـع هـرابـيـد كـذبــان *** بعض السوالف ريح ينفخ أبـوري
خطو رجل من ضيم الأضداد ينهان *** وعلى أبن عمّه بالخطأ صار ثوري
يالقـرم ما قـلت القصايد على شان *** أجمع دراهـم في خـزيـن التجوري
القـاف نـمـدح بـه شغـاميـم ويـلان *** وأنشـد هل الصبحى سليّم وحوري
ولانـي بحـال الـلي تـنكّـر بجحـدان *** بالقـاف وصفهـم حسين الجبـوري
والـلي ظلمنـا بهـرج زور وبهتـان *** يـعـل يـدعس هـامتـه جـنـط لـوري

وقال حوري بن حركان لمضياني هذه الأبيات جواب للأبيات السابقة : 790

تـاريخـكـم مـاكـود يا عـالـي الشـان *** معـروف يـوم أن ارتباك الأموري
سجل لك بالتاريخ بصمـه وعنـوان *** يـوم المشاحن والمـعـارك تـدوري
حنا يا أبو مشعل جماعات واخوان *** والناس ماهي كـاشفـه للصـدوري
أنـت الجبل ما هـزهـزه كـل بركـان *** من ساس وايـل وافييـن الشبوري
من تابع الـزلات يتـعـب وخسـران *** مثـل الـذي ينبـش تـراب القـبـوري
عبداللـه الـعـبـار للشـّعـر عـنـوان *** لـلـقـاف حـزاتـن ولـلـعـلـم نــــوري
ولوا كان ما للطير ريش وجنحـان *** لـو ارتـفـع يـجـيـك راجـع حـدوري
وحنا لبعضنا حزام في كل الأحيان *** ماضاق صدرك والجماعة حضوري
وسـلام مـني عـد مـا بالسمـا بـان *** عـد الـرمـال وعـد نـبـت الـزهوري
الشعر امانـة عنـد وافين الأحسان *** ما غيـره طـول الـزمن والدهـوري
مثـل البحـر لا هـاج يلطـم بجيـلان *** وقـربه خطـر يمكن يطم القصوري
وقـول بـلا معنـاه عـيـب ونقـصان *** ومن يقذف الغـافـل وقع بالحفوري
هذا مثل مقيول في ماضي الأزمان *** ومن لا تـوقع يعـتـرض للشروري

وقال عبدالله بن دهيمش بن عبار هذه الأبيات جواب للشاعر حوري بن حركان المضياني : 791

مشكور يا قـرم العيال أبن حركـان *** قـريـت منظومك وهيـّض شعـوري
أشكـر جـنـابـك يا سـلايـل كحيـلان *** هـرج القدى يالقـرم زاود سروري
عـنـاز من خيبـر اليـا غـور بيسان *** أنـا بـهـم بـالـقـاف دايـم فـخــوري
لا فرق عندي بين سلقـا وفـدعـان *** هـم عصبتي يـوم الليـالي تـجـوري
والـلي ذكرتـه لـه دلايـل وبـرهـان *** ولوكنت مخطي أعتذرعن قصوري
لاشك بعض الناس بالهرج سردان *** دقـّوأ طبـيلـه تـقـل ناقوس خـوري
وحنا عنزة مبطي بيـارق وسلفـان *** قـبـل يـجـي دور الـمــزوّر ودوري
مـا نـنـتـحـل جـد الأراقـم وشيـبـان *** ننسب لجـدن مـن طـوال الشبوري

هذه القصيدة من شعر التصدي للحملة المغرضة قلتها أنوه عن الذين شهدوا زور وعاضدوا أصحاب المكايد والظلم وتضامنوا معهم بالفزعة وهم يطعنون بالكتاب الذي يتضمن تاريخ وأنساب قبائل ربيعة عامه وقبيلة عنزة حاصة والذي جمعت مادته بعد بذل جهد في سنين طويله من البحث وتكلت في طباعته وذلك لقصد تعريف أبناء القبيلة في الأسر والأفخاذ والبطون وهو يحتوي على تفرعاتها ومشاهيرها والقابها وعزاويها ووسومها وتراثها وكل ما يخص القبيلة وقد اكثروا من الطعن بشخصي واجتهدوا في تشويه سمعتي ولكنهم فشلوا وغلب الحق على الباطل ولله الحمد وقلت أوضح لمن يجهله واقع الأمر : 792

يامن فـزعـت لصاحب الكيـد والجـور *** تبحـث عـن عيـوب البشر والمثاليـم
الـلي فـزع مع صاحب الهيف والزور *** مـا خـاف خـلاّق المـلأ منشي الغيـم
عسى مـا هـو مفزاع مـن قاد صابور *** الليث الـلي صمم عـلى الثار تصميم
وعسى ماهومفزاع غزو أبن مشهور *** الفارس الـلي فزعتـه تجـلي الضيم
ولاهو مفزاع اللي تعنّى من أبا القور *** الشيخ مدباس الوغـى حضرة غنيم
الـحـمـد لـلـه صاحـب الكيـد مـدحـور *** والـلي تخـفّى بـان بالسيـن والجيـم
انـصفنـي الـلـي يـزبنـه كل مـضرور *** ضـد الـذي عـتّـم عـلى الحـق تعتيـم
الحـق بـان وقـايـد الشعـب مـشكـور *** أبـو فـهـد سـلـمـان يـصـدر تـعـاميـم
طبّـق نظـام الـلي لـه الشرع دستـور *** والـلي تـعـدي لـه عـقـوبـة وتغـريـم
ومحـمـد السلمـان نـمـرٍ ومـن نمـور *** بـلّـم افــواه الـلـي يـسـبّـون تـبـلـيـم
الـلي بسببهـم داعـي الشـر مطـمـور *** ولا احـد تجاوز بالخـطأ قـدر مـليـم
ما يربح الـلي صايبـه كبـر واغـرور *** مصقول أخو نـوره يقـص الزراديـم
من عال يعرض له من العوق عاثور *** والحق يصدر فـي تقاضي وتحكيـم
واليـوم مـن فضل الولي بـيّـن النـور *** رب الخلايـق حـرّم الـظـلـم تـحـريـم
لـو صار لـلي يجمع الهيـف جمهـور *** أقفـوا هـل الباطل غضاب ومكاضيم
مـن حيث حبل الكذب لـو طال مبتور *** ولا يستطيع النفـخ بالبـرطـم شـريـم
والـلي مهـمّـش بالقـبـيلـه ومغـمـور *** شـفّـه يحجّـم مـن كسب عـلم تحجيم
صابـه كمـد مـن طيّـب العلم مقهـور *** يا عـل يـخـطي ديرتـه هـاطـل الـديـم
يا رب تجعـلني مـن العـيـب مستـور *** أعـوذ بـك مـن شـر عـلـط الحـلاقيـم
ومـن كـل حـاقـد مقـولـه تقـل بابـور *** قـصـدّه يـشـوّه سمـعـتي بـالهـذاريـم
بالناس اللي في سب الأجواد مسعور *** وبـهـم الـذي عـن المسبّه مصاويـم
خـطـو الـرجـل بيتـه مقفّـل ومهجـور *** ولا هـو مـن الـلي ينصي بالملازيـم
خامل وفـي وقت اللـزم مالـه حضور *** ولا ينفع المنيوب عـن واجبـه نـيـم
مـن زايـد النـعـمـه مكيّـف ومسـرور *** وتـخـيّـل أنـه لـه فـخـامـه وتعـظـيـم
يفخـر برمس الـلي بالأجداث مقبـور *** مبطي فـنـا فـي داخـل البـرزخ مقيـم
الـجـد مـا يـرفـع مـن النـاس مـثبـور *** لـو بـه من أوصافه حلايا ومراسيم
من حـرّف الأنساب أهديـت لـه شـور *** قصر الفخـر شامخ ولا يريد ترميـم
قـلـت العبـث بأنساب عنـاز محضور *** مصـادر التـاريـخ فـيـهـا الـتعـالـيـم
نـسـب ربيـعـه داخـل الكتب بسطـور *** مـن معـد من عدنان خلفـة إبراهيـم
واسـم عـنـزة مبطي مثبّـت ومنشور *** من عامر الـلي حطّـم اعـداه تحطيم
الجـد الـلي طـعـن خـصيمـه ابـاكـور *** قـضى عـليـه وسلّـم الـروح تسليـم
وسـمي عـلى العكـاز والعـلم مخبـور *** عشرين قرن من الزمن آخره الميم
وأنجـب الـلي منـزالهـم شمّخ القـور *** يـذكـر ويقـدم مـن ربيعـة صواريـم
يـذكـر ويـقـدم خالهـم نسـل منصـور *** من قيس بن عيلان مبـطي مقاديـم
واسم أمهم في كتب الأنساب مذكور *** سلمّى وأخوها بالنسب يذكر سليـم
هـذا الوكـاد وجـاحـد الحـق مكسـور *** نـعّـم لعـنـزة سـيـد الخـلـق تـنعـيـم
اشبال عامـر ما بهـم نقص وقصور *** ثـمـان قـبايـل بـهـم جـلاّن وهـمـيـم
ومـنهـم بـنـي هـزّان لبلادهـم سـور *** وبـني الدوّل مثل الأسود المضاريم
وبني جسر خلفة صوارم من صقور *** وبـني سعـد تاريخهـم ليس تـوهيـم
وبني محـارب علمهـم كـان مشهور *** وبـني طـريـف الـلي عداهم مهاظيم
مع بكر بادوا جيش كسرى وشابور *** يوم العمر في أرخص السعر ماسيم
فيـل العجـم مـا جفّلـه صوت حنجور *** بسيوفهـم قـصّـوا طـوال الخـراطيـم ا
لنصر ما هـو فـي هجيني ومجـرور *** حصل لهـم برواح حصـن النواهيـم
ذي قـار سـجـل بالمصادر لـه دهـور *** مـا هـو بعـصـر مـروجـيـن النمانيـم
مصدر حقايـق لأهـل الزيف مذخـور *** يرد الـلي يبصم عـلى الـزور تبصيم
وعـزوة ضنا عنـاز من عـدة عصور *** تـاريخهـم مـاهــو لفـايـق وتـرهـيـم
بـشـر وضـنـا مسـلـم لتـاريخهـم دور *** أفعالهـم تـشهـد لـهـم دون تـفـخـيـم
باجـوا مـن الحـرة اليا حـاوي الـزور *** وداجوا بـدار الكـرد بأقصى لأقاليـم
مـن حد تـل أبيض اليا غـربي جفـور *** ومن غوطة الفيحاء اليا شرقي قديم
الـدار الـلـي فـيـهـا نـواويـر وزهـور *** لا ربعت تشبه عـلى روضـة خـريـم
سـاروا ويـتـلـي كـل خـيـال مـظهـور *** الـخـيـل تـلـكـد والجـهـامـه دواهـيـم
مـا راعهم مـن جيش الأتـراك طابور *** تـقـفي اعـداهـم مـن لقاهـم مهازيـم
يـوم القبـايـل بينهـم حـرب واشـرور *** كـل السبب وضح الدبش والمجاهيم
أن لاحـوا الشجعان بالسّرج والكـور *** من فوق الـلي بالمطرّد تسبق الريم
محاسهـم يشبـع بـه ضبـاع ونـسور *** يـرمـون مطعـوم الطيـور الحـواويـم
يـا مـا بـهـم مـن كـل صنديـد مـنعـور *** بـواسـلٍ مـن نـسـل وايـل شـغـاميـم
قـلـتـه ومن يبحث عـن العـلم مكبـور *** وفي منهجي نظّمت الأنساب تنظيـم
أصـدح بقول الحـق والصّدق مديـور *** ولا خيـر بالـلي يعـوّم الهرج تعويـم
مـن يفتكر يفهم مرامي عـلى الفـور *** يـدرك هـدف قصدي وحـل المباهيـم
كافـحـت لـو مـانـي مكلّـف ومـامـور *** ولا مقصدي شهرة ولا أريـد تكريـم
أسمع شكـر مـن بـه حميـه وممرور *** ولا همني اصحاب الخشوم المواريم
نـزه الضمير يشيد باحساس وشعور *** المنصـف الـلي يـقيّـم الهـرج تـقييـم
ولا يشمـت الا الـلي مماشيـه بحـدور *** خطو الـذي طعّم مـن الحقـد تطعيم
والـلي جحـد ما هو مسامح ومعـذور *** حسيبـه الـلـه والعـمـل بـالخـواتيـم

قال الشاعر حوري بن مناور بن حركان المضياني هذه القصيدة مجاراه
لقصيدة زميله عبدالله بن دهيمش بن عبار : 793

الـلي تعـرّض سجـل الأنساب مثبـور *** ظـالـم ولا عـنـده سلـوب ومفـاهيـم
والصّح مثـل الشمس ولا كما النـور *** والوضح تفرق عن الوان المجاهيم
سـجـل بـنـي وايـل مسّجـل ومـذكـور *** ومـوثـقٍ بالكـتـب مـا يلحـقـه ضيـم
قول السديري وضحه كتـب وسطور *** يـقـرونـه الكـتّـاب مـا يـبـي تفهـيـم
وصنته يا أبـن عـبار تسلم ومشكور *** وحطيت لـه مـن كـل جانـب ملازيم
لا تـستـمع قـولٍ مـع الـريـح منـثـور *** مـثـل الحديـد اليا انكسر دون تلحيم
يـوم أنـهـا بمجـادل الحكـي مشهـور *** دون اللّقـب صديـت نـاس مضاريـم
واليـوم كـلن صـار فارس ومسطور *** والحق صابـه يا أبن الأجـواد تكتيم
حـنـا بـنـي وايــل ولا نـقـبـل الــزور *** وكـلن عـطاه الـلـه من الفهم تقسيم
اخـذت لـك في زهـرة الشعر لك دور *** وشرواك يالمنعـور بالقـول مـالـيـم
انـت الخبـيـر بسيـرة الشعـر دكتـور *** واليوم بعض الشعر بالسوق ماسيم
انـت الـذي كافحت والوضع مخطور *** وفهمتهـم بمساجـل القـول تـفـهـيـم
قلت الصحيح وكـل قـولـك لـه جذور *** وأنـت الذي حطمت الأرقـام تحطيـم
مـا يجهـل التـاريـخ يـا كـود مغـرور *** ولا الـذي ياخـذ عـلى الهرج توهيم
عـسـاك دايـم فـي مـعـزه ومـسـرور *** فـي جاه من ينزل سحابه من الغيـم

قال حوري مناور الحركان المضياني هذه القصيدة يثني على
زميله عبدالله بن دهيمش بن عبار : 794

مـبـداي بـالـلـي لـلمـخـالـيـق خــلاّق *** الـواحـد الـلـي مـالـنـا رب غـيـــره
يـالـلـه تـقـديـنـا عـلى زيـن الأوفـاق *** ويالـلـه تجـنبـنـا الأمـور الـمثـيـره
أهـدي لأبـو مشعـل تحيـات واشواق *** راعـي العـلـوم الطيـبـه والشهيـره
نقيـت لـه مـن طـيّـب الشعـر مـالاق *** وهـو منبـع القيفـان وأيضـاً خبيـره
يشهد لـه الماضي وزينين الأخـلاق *** دافـع بــقــوة دون حــق الـعـشيـره
هـذا الصحيـح الـلي مـوثـق بميثـاق *** والـنـاس مـا يخـفـاه حبّـت شعيـره
سجّل لـه التاريخ في بيض الأوراق *** ويـشهـد بـحـقّـه طـيـبيـن السريـره
اقـول كـلـمـة حـق مـانـي بـهــــلاّق *** وقـريـت قـولـك بالبـيـوت الأخـيـره
الـلـه يـقـدي مـا نظـمت من أعمـاق *** والـلـه يحميك من الوجيه الشريره

قال عبدالله بن دهيمش بن عبار هذه القصيدة جواب لقصيدة الزميل
الشاعر حوري بن مناور الحركان المضياني : 795

حـي الزميـل الـلي بعلـم الفخـر فـاق *** حوري عـلى درب المراجل مسيره
حـيّـه عـدد مـاهـل مـن غيث بــرّاق *** يسكـب همـاليـل المـزون الـغـزيـره
حـوري نسل حركان عاقـل وصدّاق *** شرواه أثـق من حكمته واستشيـره
من طلعـت المنعـور للطّيـب عشّاق *** شاعـر وأديـب وبـه حميـه وغـيـره
صـريـح مـا قـالـوا منـافـق ومـلاّق *** ونـزيـه أصفـا مـن القـزازه ضميره
مـا يـنـهـزع مـع كـل غـادر وبـواّق *** ولاهـو مـن الـلي يولعـون السعيره
الناس ياحوري لها أصول وأعـراق *** وجـد القبـيـلـه مـا ذكـر بـه معـيـره
وضحت لـلي عن أصل عزوته مـاق *** أخـلـف نـسبهـا وجـدهـا يستعيـره
والهـرج الـلي مالـه براهين مـا لاق *** والعلـم يوخـذ مصـدره مـن خبيـره

وهذه القصيدة من نظم الشاب سعود بن حزوم المطرفي يسند على
عبدالله ابن دهيمش بن عبار العنزي يقول : 796

يا الـلـه يا منشي ثقـيلات واخـفـاف *** يـا عـالـم مـا بـالـبـحـور اوراهـــا
يا مقسم أرزاق المخاليـق بانـصاف *** يا معـيـد للقـاع الهـميـده حـيـاهـا
من عقب مهي جرهد صارت أرياف *** برحمتك يا رحمن ذعـذع هـواهـا
اليا رادها الـرواد يبحـل بالأوصـاف *** مثـل الهنوف اللي زهاها حـلاهـا
مـتـشـابـك نـوارهـا بـكـل الأطــراف *** والعشب من كـل الجوانب غشاها
يا فـارج لأيـوب من هـول مـا شـاف *** شاف البلاء والروح زايد عياهـا
صبر عـلى جـور الليالي والأجحـاف *** ورحمتـك يا رب الخلايق رجاهـا
مـا غـيـرك الـلي بالمخـالـيـق روّاف *** فـرحـت لـه والروح جاها شفاهـا
وذلنون وسط الحوت بلجوجها طاف *** كبّـر وصلى وقـدرتـك مـا نساهـا
يـا فـاهـم مقـصود ياسيـن مـع كـاف *** فـي محـكـم التـنـزيـل كـلٍ قـراهـا
يالـلي جعـلت الليل لنجـومها لحـاف *** والصبح نـور يكشف اللي غطاها
طـالبـك يالمعبـود يـوم الـقـدم حـاف *** يـوم بـه المـرضع تخـلي ضنـاهـا
طالبـك عفـوك يـوم الأريـاق نشـّاف *** النفس عـن نـار الجحيـم تحماهـا
وخـلاف ذلـك فـكـرنـا يـنظـم القـاف *** ما هـو غزل باللي شعرها كساهـا
الـفـكـر زايـم والـقـلـم صـار غـّراف *** يغـرف مـن بحـور غميـق مـداهـا
الـلـه حسيب اللي من الرب ما خاف *** حسيبه الـلـه كيف عقـله رضاهـا
الـلي بعـرض الناس قـادح وحـّذاف *** ونفسه عـلى درب الـرديه زواهـا
خطو الكذوب اللي مع الناس بـّلاف *** غادي البخـت كيف الحمايل فناها
أنكـر فخـر نـاس سلاطين واعـفاف *** أنـكـر فخـرهـم والـدلايـل شـنـاهـا
اللابـه اللي نجمهم بالسماء ايشاف *** وأفـعـالهـم جـيـلٍ لـجـيـلٍ حـكـاهــا
الـجـد وايـل مـابـهـا شـك واخــلاف *** عـمارات عـقب سهيل كـلٍ رواهـا
يا راكب اللي بالوطأ توجف اوجاف *** لـولا الـمـكـابـح لـلـثـريـا حـداهــا
نوع الشبح ما مشيها تزحف زحاف *** مثـل الشهاب اللي يدور بفضاهـا
صنع الخبير مدبل أنبيرهـا اضعـاف *** من سرعها يصعب بعـينك تراهـا
خـذ لـك قصيـده ناظـمينـه عـلى آف *** مثـايـل ابـن حـزوم فـكـره بـنـاهـا
ملـفـاك بـيت الـلي للأجـواد ميـلاف *** عـبـدالـلـه العـبـار هـو مـنـتهـاهـا
رجـل كـريـم وبالمـواجـيـب عـّراف *** ونفسه عـلى طاعـة ولـيـه هداهـا
الوايـلي يـفـرح بهـتـاش الأضيـاف *** وبمقـابـلـك نـفسك تضيّـع شقـاهـا
شاعـر بـني وايـل وبانسابهـا نـاف *** ذروة سـنـام المجـد شـام ورقـاهـا
سـلـّم عـلـيـه وسلـمـه مـني القـاف *** وقـلـه تـرى أبن دهـام بيّح خفاهـا
اشوف انابعض البشر طبعها جاف *** يابو مشعل وش علمها وش بلاها
الحـر اشوفه عن صعود العلا عاف *** ونفسه عن دروب المعالي نحاهـا
والجار عن جاره تقـل ربـط بكتـاف *** ورجله تثاقل عن وصوله اخطاها
هـذا كـلام سعـود والـقـلـب شـفـّاف *** وعـن الخطأ والظلم صدره نقـاهـا
وصلاة ربي عـد من بالنظر شـاف *** واعداد من خط الحـروف ومحاهـا
على شفيع الخلق محمود الوصاف *** صلـوا عـدد رمـل البلاد وحصاهـا

قال عبدالله بن دهيمش بن عبار هذه القصيدة رداً على الشاعر سعود بن
حزوم بن دهام المطرفي : 797

سميت بسم اللي خلق كل الأصناف *** الـواحـد الـلي كـل خـلـقـه حصاهـا
الـلي بطش في قوم عادٍ بالأحقـاف *** وثـمـود دمـرهـا بسبـايـب طغـاهـا
عـز أوليـاه و لأهـل البغـي قصّـاف *** واهـل الطغى والظـلم يقطع نماهـا
أرسل رسوله للملأ غوث واسعاف *** يرشـد عسى عـن الضلال يهـداهـا
سبحـان ربـي سّـور الـجـو بغـلاف *** لأجل لهوب الشمس يـبـرد سناهـا
يا منزل اللي بالفيافي لهـا ارجـاف *** سحـبٍ يـعـل اليابسه غـيـث مـاهـا
ينبت بهـا قـوت البهايـم والأعـلاف *** تـزهـر ونبـت القاع يصبغ ثـراهـا
تسمن بها انعامٍ مهازيل واضعـاف *** تبهج صـدر مـن باعها واشتـراهـا
بعـد السنين اللي محيلات وعجاف *** يرجع لهـا المولى ويذهـب جـفاهـا
يخضر منبوت الـروابي والأشعاف *** فيه أم السالم بس تـزعج اغـنـاهـا
وبعد ذكر اللـه خاطب الفكر هتـّاف *** قيـفـان يعجـب سبكها مـن هجـاهـا
رديـت قاف الـلي بعـث يمي القـاف *** قـافٍ لفـا مـن سعـود فكـره بـداهـا
الـقـرم قـيـفـانـه عـذيـات والـطـاف *** أعـتـز فـيـهـا وأفـتـخـر واتـبـاهـــا
أرسل لي المنظوم واتحفني اتحاف *** بابيات يصدح من ضميره صداهـا
حيث الزميل أبـوه للطيب مـزهـاف *** حـزوم جـزلات الـمـراجـل حـواهـا
ربـاه لعلوم الفخر ريـف الأضيـاف *** نـعـم الـرجـال الـلي تـربي ضنـاهـا
فـرخ القطامي ماكره فوق مشراف *** روس الجبـال الشم يصعـد قـراهـا
الـلـه يـفكـه مـن عـراقـيـل وخـلاف *** وأطلب عسى تـنـال نفسه مـنـاهـا
منسوب من لابه مشاكيل واشـراف *** لابة هل العشوى تخـوّف اعـداهـا
مطارفـه بالكـون يـروون الأسيـاف *** كـلـن خـبـر يـوم النـفيشي نخـاهـا
بالكون تلقا سيوفهم ترعف ارعاف *** وافعـالهـم بالطيـب نظهـر ثـنـاهـا
اليـا زمـى العايـل يعسفونه عساف *** عـدوانهم بالكون تقـصر اخطـاهـا
نعم بهـل العشوى بعيدين الأهـداف *** والنعـم فـي فـرسانهـا واعـقـداهـا
الضيف يقـرونه مهاجيـل واخـراف *** وقولت هـلا للضيف ملحة قـراهـا
كم قلطـوا عيـت المفاطيح بصحـاف *** يـوم المساعـر تـنعـدم من غلاهـا
ويوم الحرايب والمغـازي والأنكاف *** والهجن تشكي ضيمها من حفاها
يتـلـون شيخ لـه تـقـالـيـد واعـراف *** مضرب مثل في كل رمعه هقـاهـا
نسـل السحالي من مقاديم الأسلاف *** وحـمـود خـمـلات الـرفـاقه رفاهـا
حيص الزمن يشيل حمله بالأكتـاف *** ولـو غط ضلف بغاربه ما شكاهـا
والخايب اللي منطقه زيف واهياف *** الـلي تـقـول أن الحـمـايـل نـفـاهـا
هـذاك مـنـطـوقـه يـزتـه بـمـيـهــاف *** تـكـرم عـنـه شيخانها وازعماهـا
يا سعود خل اللي غدا طبعهم جاف *** ولا تـنشـد المخلـوق وشـو بـلاهـا
ما كل من يلبس دشاديش واغـداف *** نـط الـحـيـود الـطـايـلات ورقـاهـا
ابعد عن اللي فيه يا سعود خفخاف *** أيـام عـمـره بـالمـعـاصي قـضاهـا
من شذ يا بن دهـام جعلـه لـلأذلاف *** ما دام نـفسه غـارقـه فـي خـزاهـا
ونعوذ بالله من جحيمٍ بـهـا رضـاف *** مـن لا يخاف الـلـه يصالي لظاهـا

* قال محمد بن فالح بن رفيع الركابي هذه القصيدة يسند
على عبدالله بن دهيمش بن عبار : 798

سـلام يالـلي انظـار شـبحه بـعـيـده *** يا مؤلف التاريخ بأحـداث الأجـداد
وايـل تـاريـخـه كـلـنــا نـسـتـفـيــده *** ولا ينحصر تاريخ وايـل بالأمجـاد
تـقـبـلـوا بـالـمـجـد مـنـي قـصـيــده *** ربعـك لهـم ميقـاف عنـتـر وشـداد
مـن معـدن الفـولاذ صـافي حـديـده *** مـا ايطوعـه بالـنـار طارق وحـداد
الكـل بسوق المجـد تـظهـر حـميـده *** دونـتـهـم لـكـل قــاري ونــشـــــاد
مـن مـنـبـع بـالـجـود نـعـم البـديـده *** يوم أنها في وقـت صولـه وملكـاد
أن هاجت الهيجاء وجـالـه رعـيـده *** أفـعـالـكـم يـسوقـهـا صـوت رعـاد
حـمـيـتـك يـالـقـرم مـاهـي جـديــده *** أن حـل بشين اللغـا صوت وعـنـاد
لـو كـانـوا الأخصـام يكثـر وعـيـده *** مـا وقـفـك مـن جـاك صايل وهـداد
والعـيـد فـات وحـل بـالـيـوم عـيـده *** امواجهـك يالقـرم يا ضـد الأضداد

قال عبدالله بن دهيمش بن عبار رداً على محمد بن فالح بن رفيع الركابي : 799

حـيـيـت يـا قـرم الـرجـال الـولـيــده *** يا محمد المنعـور يا نسل الأجـواد
يـامـن جـزيـلات المعـانـي تـجـيـده *** القاف به عبره وبـه نصح وأرشاد
عـسى تـدوم أيـام عـمـرك سعـيـده *** وعساك تـنعـم دوم والخـيـر يـزداد
يابـن رفـيـع الـلي عـلومـك مجيـده *** شرواك يالشغموم في جهدنـا شـاد
الـيـوم كـثـرت بـالـعـبـاد الـمـكـيـده *** وحنـا انـتـدرى عـن لغـا كـل نـقـاد
لـي الفـخـر بـالـلي ارياهـم سـديـده *** ولانـي مـراعي كـل منكـر وجحّـاد
كـل الـعـلـوم الـلـي ذكـرتـه وكـيـده *** ولا اخط حـرف بلا دواليل واسنـاد
عـلم الفخـر من يدركه هـو رصيده *** ومن لا سعى للمجد يالقرم ما ساد
ومـفـاخـر الـويـلان مبـطي تـلـيـده *** ولو أبي اعـد افعالهم مالهـا اعـداد
برج العلا مبطي رقوا راس حـيـده *** وأصبح يشيـد بمجدهـم كـل حـمـاد

قال الشاعر محمد بن فالح بن رفيع الركابي هذه القصيدة يثني
على عبدالله بن دهيمش بن عبار : 800

سيـف الشرف يستاهـلـه أبـن عـبـار *** الـلي عـلى مجـد القبـيلـه يـحـامـي
يامـا ثـنـا مـن دونهـا ابـدع الأشعـار *** مـن خـوف يلحـق بالقبيلـة مـلامي
حيثـه مـن الـلي بالمواقـف لهم كـار *** أن حـل بالمـيـدان وقـت الـزحـامي
شـهـادةٍ نـقـولـهـا مـابـهـا انــكـــــار *** مـاقـفـه بـالـمـجـد راس الـسنـامـي
مثل البحـر لا هاج يلطم على الطـار *** أن اخـتـلـط غـبـارهـا والـعـسـامـي
مـن صـافـي الـبـالـود ياخـذ ويخـتار *** نيشانهـن يصعـب عـلى كـل رامـي
فـيـض كـمـا سيـل تـحـديـه الأوعـار *** نـداه يـسـقـي بـالـروى كـل ظـامـي
حــر يـومـس بـالـهـدد كـل صـقّـــار *** مـواقـفـه لـلـضـد مـثـل الـحـسـامي
لـه مـاقـف مـا يـاقـفـه كــل ســبّــار *** يـكـود مـن هـو مـعـذراً بـالسـلامـي
مـتـبـيّــنٍ لـلـضــد فـي كــل الأدوار *** ولا خاف من زود الهجاء والكلامي
شامخ شموخ وثابـت مثـل سنجـار *** ما اهتـز من صوت الرغد والغمامي
ولنا الشرف أن قلت نعتبره اشعار *** نــادر حــرار ونـعــتـبــره وســامــي
مـا عـدلـه فـي مـوقف قيل منهـار *** شـاعـر وأديـب ويـتسـم بـالـنـظـامـي
ونعم بأبو مشعل الياصار ما صار *** شـاعـر وأديـب ومـن قبيلـه حـشامي

قال عبدالله بن دهيمش بن عبار هذه القصيدة جواب لقصدة محمد بن فالح بن رفيع الركابي : 801

يا أبن رفيع الـلـه يجيـرك من الـنـار *** قـافـك وصل يالقـرم وأقبـل سلامي
يا محـمـد الـفـالـح لـك الشكـر تكـرار *** حيثك رفيع الشان عـالي المقـامي
شهم وكريم ومن هاك العـزوه خيـار *** والـطـيب تسعـالـه بـكـل اهـتمامي
فـي ديــرة الأجــداد حـطيـت لـك دار *** مسكنك في ذيـك الحيـود الـزوامي
دعـيتـنـي يـا طـيّـب السـاس مسيـار *** وتشريف الـلي مثلك عليه الـزامي
لاشك أنـا يا مسنـدي عـنـدي اعـذار *** والـلي ظـروفـه تـمـنعـه مـا يـلامي
تـثـني عـلي بموقـفي يا ذرى الجـار *** ولـي عـنـد كـل الغـانمين احتـرامي
ولانـي بحـال الـلي يمـانيهـم اقـصار *** بـذلـت جـهـد وحقـق الـلـه مـرامي
ربـي خـذل مـن قـابـل الجهـد بأنكـار *** والكـذب تـنـفـاه الـرجـال الكـرامي
الـلـه كـفاني شـر عـميـان الأبـصـار *** الـلي بـهـم عـن الحـقايـق تـعـامـي
لـو دوّر الحـاسـد نـقـيـصـه ومعـيـار *** يبحـث عـن الشينه وللـزيّن كـامي
مـا يـفــرح الــلـي لـلـمـثـالــيــم دوّار *** بـذلـت مجهودي ومعـنـاي سـامي
دونت مـا جـاء بالمصادر من أخـبـار *** والعـزم مـا يثـنيـه هـرج الخمامي
ولا كـل طـايـر لـه مـخـالـب ومـنـقـار *** يفعـل كما الصيرم وفرخ القطامي
يتبع

تابع
قال الشاعر صالح بن ضويحي العنزي هذه القصيدة بمناسبة تكريم زميله
عبدالله بن دهيمش بن عبار من قبل ماتقا مثقين قبيلة عنزة : 802

جل شان الخالق اللي على خلقه وكيل
واحـدٍ معبـود ندعوه خـوف ونرتجيه
كون الأنسان من طين ولهداه السبيـل
نوره الخالق على أرضه ومنهجنا عليه
سنـة محـمد ومـلـة إبراهـيم الخـلـيـل
ملتقى الدعوه لرسله وهـديه يرتضيه
باسمه أبدأ القيل وأختار معناه الجزيل
واعتـني به مثـل مالـه بفكري وأبتديـه
اعشقه وارتاح له واعشق البحر الطويل
راهي المعنا وانا الراهي الصعب أرتهيه
قالوا أن الشعر من فيض ولا غيض قيل
والـوكـاد أنـه الهـام بتـنـاقـض حـالتيـه
حقنا بالشعر حسنه وعـذب السلسبيل
وكـل مـابـه مـن جميل وقـبيحه مـا نبيـه
يحتفي به هاجسي وأدري أنه فيض نيل
أن حضر سافر بالأحساس وأن غاب احتريه
اقبلت خيله لهـا تحـت راياتـه صهيـل
بين عشر وعشر تختال وعنايه وجيه
لا تحـدث تـرجمانـه حـديثـه يستميـل
أنـتـبـاه أصحـاب الألباب بالـلي يحتـويـه
في زمان العولمه له سعة علم يهيـل
ويحفـظ الماضي وكنه معاصر سيبويـه
حطني مـابين قـدحة زنـاده والفـتيـل
يـوم ساق أعـذب معـانيـه للفكـر النبيـه
يا عزيز النفس مالك على الجاهل سبيل
راس مالـك عـز نـفسك ومبـداك النـزيـه
والحيـاه ومابها من شديد ومـن نـزيـل
عـبـرة للمعـتـبـر عـن مصيـر مقـتـفيـه
كـل ما يجمع بها العبد يصبح غثو سيل
غيـر دينـه والعمـل بـه وطـاعـة والـديـه
القـصـور العـامـره والمدايـن والنخيـل
زينـة الدنيـا ولا أغتـر فيهـا الا السفيـه
واللبـيب بكثـرة المـال مـا يغـبـط بخيـل
الـردي يـفـرح بـمـالـه وربـه مـبـتـلـيـه
خالق الأنسان في شئون تصريفه كفيل
لو سعى ماله سوى أمراً له الله مقتضيه
والرجال اصناف والساس يبقى له سليل
ولا يجود الا من الله على الجود ايهديـه
وبالـرجال معـّرب وقـفتـه تشفي الغـليل
قبـل يبذل جهـد تكفيك ضحكت حاجبيـه
وبالرجـال مجـّرب يبخص الكيل ويكيـل
أن وفاء قالوا نعم وأن هباء ما قيل ليـه
وبالرجـال مـّذرب لسان وقـليل حصيـل
مقضي الـلاّزم ومـن جالسه يغـتـر فيـه
وبالرجـال مـدّرب لا صحيح ولا هبـيـل
صنف ثالث بين الأثنين سموه الشبيـه
ولا يغث أهـل الوفاء غير جحّاد الجميل
وش تقول اليا اغتنى وأنكر الطيب ونسيه
معـك أمـانـه لا تجامـل بـراي ولا تميـل
واذكـر أن الحـر لا قـال قـول يحـتميـه
خـذ من أفعـال الرجـل لك براهين ودليـل
وأنـزلـه بالمنزل اللي لنفسه هـو رضيـه
ورافق الطيّب على ساس مبداه النبيل
وأترك الساس الردي وش تبي به لا تجيه
وفي يميني سقت باسم الوفاء فنجال هيل
لليمـيـن الـلي تـقـدر وفـاي وتحـتـفـيـه
ما نبيهـا مثل ما يقال من تحت الشليل
كلمـة الرجال لـه تحسب أو تحسب عليه
لا يغـرك من يحط برخاء الوقت ويشيل
لـو تشوفه بالرخاء كـل منبـر يعـتـليـه
لا تجلى الفجر الأبلج من بعد ساعات ليل
فارس أيام الرخاء طاح رمحه من يديـه
الشمالي لأعتـزاء قـام لـو حـملـه ثـقـيـل
وسع صدره حـلم والمجـد ثـوب يكتسيه
للخصيم أشد من صاطي الحـد النحيـل
وللصديق أحلى من الشهد وأصفى من الجنيه
والوفاء معهود من راعي المجد الأصيل
يكـفي أن العـز ساسه وتـاجـه يـرتـديـه
وعزوة نبراسها المجد جيل بعـد جيـل
تـفـتخـر بالـوافي الـلي كلامـه ينتصيـه
أبـو مشعل لا تبرى العـميل من العـميل
أعتزا لعـيون من هو بالمواقـف يحتريه
وقفته وقفت شجاع سمع صوت الدخيل
وأنتخى واسرج جواده وشمـر ساعديه
كل مدح يقال في حـق عبدالـلـه قـليـل
لـو كلام المـدح نـوفيه شرح وننتقيـه
الوفي راعي الوفاء لا أنكسر عزم الهزيل
الشيـم هـو تـاجـهـا والمـراجـل تهـتـويـه
أنشدوا معناه عن شذرة السيف الصقيل
وأنشدوا من يصنع السيف هو ليه ايحنيه
والحكيم الـلي معـانيه شهد وحنظليـل
لـه بياض الوجـه باسم القصيد وسامعيه
شاعـرٍ راعى ضميـره ولا يقبل يعـيـل
شـامخ معـنـاه فـيـه الـدليـل لمـن يـتـيـه
مثـل أبن عبـار ما اقول مثله مستحيل
نـادراً وأقـول مثـلـه قـليـل بـما رضيـه
أحتمى الماقف بيوم جرى مالـه مثيـل
مـا تـزعـزع مـن كـلام قـبيلـه يـفـتـريـه
عاش راس بالوفاء لـه براهين ودليـل
لا مدحتـه ما أفتريت المديح ولا أدعيه
كل مدح يقال في مدح عبداللـه قـليـل
الأديـب الشامخ الـوافي الشهم النـزيـه

قال عبدالله بن دهيمش بن عبار رداً على صالح بن ضويحي السلمي : 803

أبتدي بسم الكريم الواحد الـرب الجليل
مطـلع فـي سر عبده لـو يكنه ما خـفيه
الولي منشي السحايب تروي الروض المحيل
وأن تخالـف ديدحانـه كـل عين تشتهيه
من مراهيش الغـمامه بارقـه يشعـل شعيل
ساقه الريح وتحدر يابس البيدا غشيه
وبعد ذكر اللـه نشد الجيب فـي آخـر مديل
جيب من سيد المواتر ما يناله كود بيـه
من مصانع طوكيوا جابـوه للتاجـر جميل
منظره يغدي العماس وهيكله لونه زهيه
وبعد ذكر الله نـرد لشوق منسوع الجديل
صالح ضويحي يعله ما يرى يوم كريه
وقفته ماهي غـريبه هـو أبـن عـم وزميل
من زمان الجد الأول من يغزينا يغـزيه
كنه الحـر القطامي وأن عـثا بـأول رعيل
المشبب من قنص به كل جزل يشتويه
يالسنافي لا تهـون وعسى يفـداك الذليل
الصديق اللي نوده مـا نبيعه نشتريـه
الحمول أن كان ثقـلت شيلها يحتـاج حيل
الجمل يشيل حمله لو ثقـل حمله قـويـه
الحمـول تـريـد حيص مـا تحملها فـصيل
بس ما حصـل بليهي للمحامل نعـتبيـه
من يبي بالقيض يسفر يلزمه رحل وصميل
الوعـر دربه غثيث ما رتاح اللي مشيه
لو غلطت بحرف واحد قلت أزيله بالمزيل
ليت من هو شاف غلطه قال للغلطان هيه
مار بعض الناس طبعه دايـم مرح بجفيل
الحسود الله حسيبه دوم جهدي يزدريه
مجد وتراث القبيله صار أبين من سهيل
هو فخرنا اللي نصونه بالغوالي نفتديه
ياعجب كيف الصويتي بالسبق خلف العصيل
حصل الكاس الهليب وقام ينفض منكبيه
مدحك لي وسام عـز وعندنا قدرك جليل
كنه شعار العساكر حط من فوق البـريـه

قال الشاعر صالح الضويحي السلمي هذه القصيدة يسند على زميله عبدالله بن دهيمش بن عبار : 804

بالشعـر أبـيك وقـلت قال الشعـر قال *** آمـر وقـلـت بـخـاطـري شـي هـاتـه
قـال البيوت الـلي بهـا تضرب امثال *** لا اكتض ديـوان العـرب فـي رواتـه
سـبـق عـلـيـهـا مـن لـها جـر مـّوال *** الـلي بـهـا تـبـغي تـوصـف صـفـاتـه
قـلت أيـه هذي ما عـلى هذي جـدال *** أدري واعـرفـه وافتخـر في سماتـه
بـس أنـت قـل وافتح مغاليق الأقـفال *** جـزل المعاني هـن يجـن عـاشقاتـه
يجـن عـلى لانـي معـاطيش واجـزال *** فـرايـدن هــداّجـهــن وارداتـــــــــه
لا صـار مـا صـوتـك اليـا قـلت فعـّال *** صوتك وش الـلي ميـزه من سكاته
خـذ مـن صفاته وصف للشعر دخال *** لـو تـقـتـنص لـي شي من مفرداتـه
واكـتـب تـرى مخـبـيـة الفـكر تختال *** مـابـيـن وقــفه شـامخـه والـتـفـاتـه
جت والوفاء في عنقها عقد سلسال *** مـنهـا ولـهـا فـي كـل شـي طــراتــه
لـهـا هــنا مـدهـال وهــنـاك مـنـزال *** يـزهى وتزهى مـن زهـى موجبـاتـه
الشامخ الـلي صـال بالشعر واجـتال *** مـن نـهـر دجـلاه لـروافــد فــراتـــه
أن ســل أبـو حـدين وأن بـهـر دلال *** بـالحـالـتـيـن مـحـقـقـات امـنـيــاتــه
اخلص وأجاد وجاد في طيب الأفعال *** وقدم لـهـقـواتـه ثـمـن تـضـحـيـاتـه
وقف وشاف وعاف ما شاف وشتال *** أمـانـة الـتـاريخ بـأصــدق لـغــاتــه
تـاريـخ مـاهـو أي تـاريـخ واسـجــال *** تاريـخ غـطّى الكـون واربع جهاته
تاريـخ مـجـد ومـجـد تاريـخ وابـطال *** تـاريـخ لـلـتـاريـخ عـاشـت دهـاتـه
وللناس ما اهضم حق والمجد مدهال *** ماهـو حكر والسيف تـروي شباته
لـكـن الـيـا عـديـت فـي نـايـف الجـال *** وسولف لك المرقاب عـن ذكرياته
والـلـي يـبـي مـجـد مـسافـاتـه طـوال *** مـجـد مـا خـانـت تـربته في نـواته
مجـد عـنـزه مجـد عـنزه مجـد لا زال *** تـكـبـر مفـاهـيمـه ويـرسخ ثـبـاتـه
لـه الـتـفـت مـن يـوفـي الكـيــل لاكـال *** الـلي نـذر لـه مـن حـيـاتـه حياتـه
نطـح بصدره هـوج صلفات واهـوال *** واضفى على التاريخ ضافي عباته
تاريخ مجـد اجيـال مـوروث لأجـيـال *** نــقـل تـفـاصـيـلـه وجـمّـع شـتـاتـه
كافح وضحى وارخص الجهد والمال *** كـفّـى ووفـّى واعـجـزت منجـزاتـه
عبدالـله الـلي يـوم ثـني لـهـا عـقـال *** استـدرك الـلي طـاف غيـره وفـاتـه
هـذاك ابـن عـبـار يـوم الـمـدى طـال *** رمـى لـهـا حـبـل الـوفـاء باستماته
ذاد وتـمكـن وارتـكـى طـيـب الـخـال *** وابعد عن الضوضاء حراوي مباته
ابن الرجال مطوعت راس من عـال *** فـدعـان كـان الوقـت دارت رحـاتـه
جـم الأدب مـا شـال زلـه ولا مــــال *** تـنـدى يـمينـه من طـرف مكـرمـاتـه
يشرب لـهـا فنجـال ويسوق فنجـال *** ما اعطى الزمن فيها حسب معطياته
وحـنـا عـرب والوقت نقاض فـتـال *** مـن طيـبنـا الطـيـب نـزيـد احسنـاتـه
راع الـوفـا يشكـر ويذكـر بمـا نـال *** ويـذكـر ويشكـر مـن يسـوي سـواتـه
وش يطلبون اللي لهم حال واحوال *** لا بـارك الـلـه فـي عـيـون الشمـاتـه
والـلـه مـا يـنـكـر مسـاعـيـه رجـال *** الا أن يـنـكـر طـيـّـب الأصــل ذاتــــه

قال عبدالله بن دهيمش بن عبار مجاوباً الشاعر صالح الضويحي : 805

جـتـني قصيـده سبكهـا يشرح الـبال *** ورحبّـت فـي قــوّالـهـا مـن غــلاتـه
من نظـم الـلي يقـدى كلامه اليا قـال *** مـا سمعت أذنـي بالمجالس شـناتـه
حيث الـذي مـن صـبّـة الـنعـم يـكتال *** مـن العـيب نـشهـد كـلنا فـي بـراتـه
صالح بن ضويحي تربّى مـع رجـال *** ما رافـقوه أهـل الغـوى والـبـهـاتـه
صالح كسب كـل الفضايـل والأنـفال *** سرج المفاخـر يعـتـلي فـي صهـاتـه
الفـاظ مـنـطـوقـه سـمينات واجـلال *** نظـمه مثـل شهـد العسل مـن حلاتـه
الـوايـلي ثـمـن جـهـودي والأعـمال *** ولا خـيـر بالـلي مـا ينجّـض شواتـه
عـلـى الـقـرابـه بـه حـمـيه وزعّـال *** مـنصـف وقـول الحـق مـن واجباتـه
مـا يجـلـب الـشيـمـه بـدينار وريـال *** صـالـح مـن العـفـه بـنـفسه غـنـاتـه
مـوارث الـلي يلبس الجـوخ والشال *** فـوق العـريب الـلي تـبـارق حـذاتـه
مـن عـزوة فـي نـزلهـم يـامن الـذال *** ولا أحـد يـجـفّـل ذوهـم فـي فــلاتـه
عـزوة هـل الجـدعا صناديد واشبـال *** عـود الـقـنـا بالـكـون تدهـن قـناتـه
من دم الـلي من قـو باسه بـه اهـبال *** قـلبـه شجاع وزغـرتـن لـه خـواتـه
خـلـوا لراسه داخـل الطعس مـدحـال *** من طعنـة الـلي مـع عـلابيـه شاتـه
أولاد وايـل لا اعـتـلـوا كـل مـشـوال *** رجـالـهـم يـشـبـه لـفـارس زنـاتـــه
يـالـوايــلـي يـاعــل تـفــداك الأنــذال *** كـب الـردي عـسى يصيحن بـنـاتـه
الخـايـب الـلي لكـلـمـة الحـق يغـتال *** يغضي عن الحق الجـلي من طغاتـه
يا صالح أبـي اخبرك يا طيّـب الـفـال *** الـراي واضـح مـا يجـوز افـتخـاتـه
قــام يـتـعـبّـث بـالـنـسـب كــل دجّـال *** وربــوعــنـا كـلـن يـغــط بـسـبــاتـه
عندك خبـر يوم الظعـن سـار رحّـال *** من الديـره الـلي مـا يحصرم نبـاتـه
ونــزل بـديـره نـبـعــهـا دوم شـّـلال *** كـل عـنـزي فـيـهـا يـعـرف نخـلاتـه
بـلغـت بالمعـقـول مـن يـطـرد الـلاّل *** أن عنـزة صرح الجبـل هـم سـراتـه
تـوضـيـح لـلـي كـان غـرر بـجـهـال *** وايــل ضـنـا عــنـاز عــاث بـرفـاتـه
تـاريـخـنـا مـاهـو سـوالــف بـجـوال *** هـذا الخـبـر والـكـل عـيـنـه مـراتـه
من حـيـث ما نقبـل بتاريخنا اهـمـال *** ومن حرّف التاريخ نيـبـس لـهـاتـه
يا محـرّف التـاريخ وايـل لـه عـيـال *** مسلم وبشـر من غصون اشجراتـه
أولاد وايـل شـامـخـه كـنـهـا جـبـال *** هـوج العواصف مـا تحـرّك حصاتـه
مـا أحـد ذكـر حرّج عـلى الجـد دلال *** ولا يـستـوي بـيـعـه ولا مـشـتـراتـه
الـجـد مـاهـو ثـوب نـقـداه تـفـصـال *** ولا ننتسب لـه مـن أجـل مكـرماتـه
كـل الـبـشـر تـنسـب لـلأجـداد والآل *** والمصطفى الهـادي نطبـّق وصاتـه
وضـع استعـارت جـد تحـتـاج حـلال *** تحـتـاج مـن يـنـظـر لـهـا بالتـفـاتـه
عـقب المشايخ مـن مـواريـث هـذال *** مجـد عـنـزه وتـراثـهـا هـم حـماتـه
مـا منهم الـلي لسامج الهـرج نقـّال *** نسـل الـذي تعـطـب خصيمه هـواتـه
واللي يطيب من المشايخ لنا ضلال *** ومن خـاب ما تشكل عـلينا امضاتـه
العوشزه مابـه عـن الشوب مقيال *** والـرس نضـحـه مـا يغـطي صفـاتـه

قال عبدالله بن دهيمش بن عبار هذه الأبيات نخوة لدفع دية عبدالله بن ندا السلمي : 806

بـسـم الـلـي مالـه شـبـيـه ولا سـمـي *** الـولـي دايـم عـلـى الـخـيـر يـهـدا
كــل فــدعــانــي نـســمـيـه ســلـمـي *** حـتى يـفـرج هـم عـبـدالـلـه نــــدا
اتـفـاخـر بـاسـمـهـم وأمـلأ فــمـــــي *** فـي كـلام ونـعـم اقــصــد واحـــدا
نـفـزع ولــو هـي مـعـارك بـه رمـي *** من قـديـم مع هـل الجدعا عـضـدا
عــزوتـي ربـعــي ودمـي ولـحــمـي *** وكــل مــنــا لأهــل الـجــدعـا فــدا

وقال صالح الضويحي هذه الأبيات مجاراه لأبيات زميله عبدالله بن دهيمش بن عبار : 807

يا قـصـيـدي مـا وراء رمـيـك رمـي *** غـيـر شاعـر مـا وراء رميـه مـدا
كلما المـاقـف عـلى الـواقـف حـمـي *** قـبـل صـوتـه تسمع لصوته صـدا
أبـو مشعـل وأبـو مشعـل مـحـزمـي *** بالخـبـر يـخـبـر مـضـيـعـت الـقـدا
حـي صـوتـك وارتـفـع فـيـه عـلمي *** يا عـسى الـلي مـا وقف لك لك فدا

قال عبدالله بن دهيمش بن عبار رد على صالح الضويحي : 808

صـالـح الـلـي لـلـحـمـايـل يــنـتـمـي *** بـالـعـجـل مـردود قـافـي بـه بـــدأ
هذا أبن ضويحي عن العيب محمي *** حيـص في شيـل المحامـل مـا كـدا
عـزوتـه ضـد الخـصيـم الـيـا عـمي *** عـاد مـنـهـم بالـكـسـيـره مـن عـدا
جـارهـم يـحـشـم وذوده مـا ظــمـي *** خـلـفــة سـلــيـمـان مـا فــيـهـم ردا

وقال عبدالله بن دهيمش بن عبار الفدعاني العنزي هذه الأبيات في حفل عبود ابو سيفين : 809

جـينـا نـبـارك باحتـفـال ابـو نايـف *** مبروك حفلـك ياحـفيـد أبو سيفيـن
مـن لابـة يـأمـن بـهـم كـل خـايــف *** والـنعـم حمـران النـواظـر فـداعين
تشهـد لهـم بالطيـب كـل الطوايـف *** فـرسان بالهيجـاء سطام المعاديـن
اهـل العـلوم المسملات الطـرايـف *** مضرب مثل بالطيب والناس دارين
تاريخهـم مـا ينحصي بالصحـايـف *** مبطي عـلى خمس الفضايل معيين
أولهـن الـلـي بالسنين الـعـجـايـف *** الصوت لبن مهيـد يوم الزمن شين
والثـانـيـة يـوم العـطـايـا عـذايـف *** جـزل العـطيـه سنهـا خـلـفـة غبيـن
والثـالثـة عـن عايـزات الحسايف *** صغيـرهـم شـرب المغـر بالـدياويـن
والـرابعـة يثـنـون دون العـطايـف *** الـروم مكـديـن الـعــدا بـالـمـيـاديـن
والخـامسة بـوج الديـار المهايـف *** فـي كـل ديـرة يدلجـون المضاعيـن
يـوم الغـزاه ويـوم عصر النكايـف *** نـالـوا فخـرهـم بالحسام أبو حـدين
فـوق النجايـب موميـات السفايـف *** فـي كـل يـوم لـدارالأضـداد غـازين
قـبـل المـرازق تنحصربالوضايـف *** داجوا بـدارالكرد وارض السلاطين
من بشر ابـن عـنـاز ماهـم لفايـف *** مـن نسل وايـل بالمناسب عـريبين
هـذا الوكـاد ولا نـبـي مجـد زايـف *** ما قـلـت تمجيـدي هـقاوي وتخمين
والمدح مايزها العـفـون الهـدايـف *** يستاهـل التمجيد من يفعـل الـزيـن

قال الشاعر عبدالمحسن بن نايف السيوف هذه القصيدة رداً على قصيدة عبدالله بن دهيمش العبار : 810

جيـتـم وسيـرتـم وحـنـا المضـايـف *** ونورتـم حفـل خابـره قبـل يوميـن
حييت باعـلى صوت عـد الشفايـف *** طـاريـك نسمع بـه قـديـم وهلحيـن
سـمـعـتـك بـيـرق للـثـريـا تـنـايـف *** وقدرك يابو مشعل على الراس والعين
صعب اتقوصد مع جزيل الوصايف *** يا قدوتي من بعد جدي ابو سيفين
نـاس اتـفرق بـيـن نشمي وجـايـف *** وناس اختلط بطباعها الزين والشين
وشفـنا رجـال تعـتـزي بـك تـكايـف *** لا جابو اسمك دبلوا النعـم سبعـين
لا هـي ريـا ولا مقصدي قول زايف *** أنـا اشهد أنـك كفـو والربع مقدين
ودي أجـي واجغـف شوية جغـايـف *** مـن عـلمـك الـلي ناقشه بالدياوين
تبحر وترسي وأنت عارف وشايف *** غـرفـت مـن بحـرٍ تـلاطم بشطيـن
شـط يـورد لـك جــزال الـتـرايــــف *** والشط الآخـر عـلـم نسل العريبين

وهذه الأبيات قالها الشاعر عبدالله المرزوق الجميعه يسند على
عبدالله بن دهيمش بن عبار العنزي : 811

يا راكـب مـن فـوق مـا يـنعـش الـروح *** مـنـوة غـريـب الـدار يالـعـارفـيـنـا
جمس عليه من اخضر الهيل شمشوح *** فـوقـه غـلام مـا يـعـرف الـونـيـنـا
لادق سلفـه واشعـل النـور لـه ضـوح *** وصوت المحـرك يطرب المحزنينـا
الـلـه يـجـيـره مـن بـلا كـل مـشـفـوح *** ومـن كـلـمـة الحـّساد والظـالمـينـا
قـم يا نديبي واشـرح العـلـم بوضـوح *** اليا جيت عـنـد الـلي يحط السمينـا
شهم وكـريـم وعــنـده البـاب مفتـوح *** عـبـدالـلـه الـعـبـار مـن غـانـمـيـنـا
قــلـه تـرى كاس الهنـا صار ذرنـوح *** وهــنـيـكـم بـديـاركـم عـايـشـيـنـــا
الـهـم فـي حـالـي لـه القـلب مشروح *** عجـزت اعـدل القلب والـلـه يمينـا

قال عبدالله بن دهيمش بن عبار هذه البيات رداً على الشاعر عبدالله المرزوق الجميعة : 812

جاني جـواب كنـه العـطـر منضوح *** مهـديـه ابـن مرزوق ذرب اليمينـا
عبدالله الـلي منطـقـه لـفـظ مملـوح *** كـز البيـوت الـلي عـليهـن بـنـيـنـا
يابن جميعه يا فتى الجـود مسموح *** مـا قـل دل وكـل قـولـك يـقـيـنــــــا
يا مرحبابك عـدد ما يخضر الـدوح *** حـيـّك وحـي الـلي بـعـثـتـه عـلـينـا
تقـول لي كاس الهنـا صار ذرنـوح *** وهــنـيـكـم بـديـاركـم عـايـشـيـنـــا
وتقول قلبك من غثـا الهم مشروح *** وعجزت تعـذل القلب والـلـه يعينـا
واقول لك وش داعي الهم والنوح *** وش السبـب فـي كـل تـلـك الحنينـا
الـدار يا مشكـاي لـلـطـايـره شـوح *** ولا البعـيـد الـلي وراء طـور سينـا
كانك بسيف الوجـد يالقرم مجروح *** يا مـا كـذلـك يـالـسنـافـي شـكـيـنـا
يتبع

تابع
* قال الشاعر فرج بن عوده الجعفري يسند على عبدالله بن عبار : 813

احـذر شواميـت البشـر يـزعلـونـك *** تـرى الكلام الشين للشخص ما ذاه
لا يا أبـو مشعـل لا تخيّـب اظنـونـك *** حـنـا معـك بالـلي طـلبـتـه وتـبـغـاه
أولاد وايــل بـالـلـقـاء يـحـتـمـونــك *** اطـلب ومنـا صـادق العـلـم تـلـقـاه
بـذلـت جـهـدك كيـف مـا يشكرونـك *** والـلي بذل جهده بالأحسان نجـزاه
ما اريـد أنـا بـأقـوالهـم يـشمـتـونـك *** ولا تنقبـل منهـم سوالـف ومـزراه
مـن شرهـم يـا مسنـدي يتـركـونـك *** ولا ينبدي هـرج عـلى غيـر معنـاه
بس بكثيـر الـهـرج لا يـجـرحـونـك *** والعــبـد رب الكـون يعـلـم خـفـايـاه
واصلك مسيرك جعل ربـي يصونـك *** ومن كان مثلك كيف تجهل مزايـاه
والـلي قصر ممشاه يا القـرم دونـك *** ما يوصل الـلي تبذله خاب مسعـاه
واعـرف تـرى لـك لابـة يمـدحـونـك *** اسـمـك لـنـا تـاج ورمـز حـمـلـنـاه

قال عبدالله بن عبار رداً على فرج بن عوده : 814

يا من كـلام النـاس هيض اشجونـك *** مقصد كلامك يا أبن عوده فهمنـاه
جـاني جـوابـك واعجـبـني لـحـونـك *** والجعفري ما هي غـريـبـه حميـاه
هـذا الـزمـان الـلي صديقـك يخونـك *** لـكـن صديـقـك كـان خـانـك بـليـاه
حـملـك تـشيلـه فـوق كـاهـل متـونك *** والـلاش ما يفـزع ولـو كان تنخاه
أهـل الحسد لـو مـا تجيهــم يجـونـك *** ومن بان علمه حاسده دوم يشناه
أهـل الحـسـد لازم تـدخـّل بـشـونــك *** ما كـف واحـدهـم ولـو كـان تنهـاه
أن غـبـت يا كـافي البـلا يطعـنـونـك *** وأن جيت هلـوبـك مـوده ومشهـاه
مـع الـهـلا عـن صحـتـك يـنشدونـك *** والـلـه عـلـم بقلوبهم وش نـوايـاه
تشكـر عـلى فـزعتـك لـيـه وعـونـك *** يامـن كـلام الحـق وضحت معناها

* قال الشاعر فرج بن عودة الجعفري هذه الأبيات يسند على عبدالله بن دهيمش العبار : 815

سر يا قـلـم وأكتـب جديـد المكاتيب *** مني لـبـو مشعـل كتبـت المـراسيل
واخترت انا الجوال دون المناديـب *** جهـاز لا سلكي وعجـل المواصيـل
قـلتـه وانـا والـلـه يا راعي الطيـب *** ودي بشوفـك يـا رفـيـع المنـازيـل
لاشـك لـلـدنـيـا عـلـيـنـا مـطـالـيـب *** وانـت اتعرف سود الليالي غرابيل
يالقـرم انـا في ديرة تضهر الشيب *** ديـرة فساد ضايـق الصـدر باللـيـل
في غـربـة عـايش بـدار الأجانـيب *** رحـت بـلـزوم وشفت كـل البهاديل
دارٍ خـلـيـه مـابـهـا لـي مـعـازيــب *** في غرفتي جالس مابيـن المعاميـل
تكـفى يابـو مشعـل تـرد المكاتـيـب *** ابـي اتـسـلا فـي جـديـد التـمـاثـيـل

وقال عبدالله بن دهيمش بن عبار هذه الأبيات رداً على فرج بن عودة : 816

يا فـرج غـربة الرجـل مابها عيـب *** العـيـب نـوم العـاطلـيـن المهـابـيـل
والرزق سعيه له شروط ومطاليب *** ولـولا السعي ما يغتـنون الـزناقيل
واليوم كل الناس تنظر على الجيب *** لا فضا جيبك يا فرج مانت بالحيل
اصبر وبأمر الله تهون المصاعيب *** حـتى تذلـل قـاسي الظـرف تـذلـيـل

وقال فرج بن عودة هذه الأبيات يسند على عبدالله بن عبار : 817

تكفى يا ابـو مشعل طلبناك قـل تـم *** نـبي الخميس الـلي يجـي بالربيعي
في خـوتـك يالـقـرم نـفـرح ونغـنـم *** حـيـث الـذي شرواك قـدره رفـيعي
عـساك مـن كـل الصواديـف تسلـم *** يالـلي لـربـعـك دوم حـصن منـيعي
لـولا المعـزة مـا دعـيـنـاك واعـلـم *** أن الجـواب أرجـيـه مـنـك سريـعي

قال عبدالله بن عبار هذه الأبيات رداً على فرج بن عودة : 818

لـك الشكر يا معـرب الخـال والعـم *** جـاني جـوابـك يالكـريـم الشجـيعـي
لي الشرف فـي خوتـك تبعـد الهـم *** يـفـداك يـا عـز الخـوي كـل صيـعي
لكن ظروفي ما اعـرف عـدهـا كم *** واصبحـت يالمنـعـور مـا استطيـعي
لـولا المشاغل قلت لك يا فرج سم *** نشفق على السجات مع كـل ريـعي

وقال فرج بن عوده هذه الأبيات رداً على عبدالله بن عبار : 819

حي الجواب اللي لفا بزين الأخبار *** مـن شاعـرٍ يـاعـل عـمـره مـديـدي
يا مرحبـابـه عـد ما تـنـبـت أزهـار *** واعـداد ما تـنشى مزون الرعيدي
من عند أبو مشعل للأشعار بيطـار *** نـعـم يا ابـن عـبـار طيبـك يـزيـدي
انا اشهـد أنـك طيـب مابـهـا انـكـار *** ودرب الـردى يالقـرم عنك بعيـدي
لـك عـنـدنـا والـلـه مـعـزه ومقـدار *** وشوفتـك عنـدي كنها يـوم عيـدي
معـذور جعلـك باقي يا بـن الأخيـار *** وابـغـاك تـبـقـا باللـوازم عضيـدي
وانـا بـمـثـلـك يابن الأجـواد فـخـّار *** واسمح خطايه جعل حظك سعيدي

قال عبدالله بن عبار رداً على فرج بن عوده الجعفري : 820

كانك يا أبن عوده نخيت ابن عـبـار *** لـك ينـتخي والحـل عـنـد المريـدي
أمـار تـسنـد بالـقـضـايـا عـلى أمـار *** والحـل كـلـه عنـدهـم والـرصيـدي
أسمح وسامح يـا ولـد مكـرم الجـار *** والله ما اذخر عنك لو هي للأيـدي
خـويـنـا نـبـذل لـه الجـهـد باصخـار *** والنفس ما يرهم عـليها الحميـدي
والله ما قصدي يا ابن عـوده أعـذار *** ولا خير باللي عن لزومـه يحيدي
والـرب يعـلـم فـي خـفيـات الأسرار *** والشـاهـد الـرحـمن قـولي وكيـدي
لاشك خـلـك يا أبـن الأجـواد صبّـار *** حتى يحصل لـك كـل مقصد تريـدي
رزق الخلايق عند ربـك والأعـمـار *** عند الولي محيي الجذوع الهميدي

قال فرج بن عوده الجعفري هذه الأبيات رسالة إلى زميله عبدالله بن عبار 821

يسعـد مساك الـلـه يمسيـك بالخـيـر *** شروى جنـابـك ننشده كيـف حالـه
يا الله عسى علومك تجيني تباشير *** وأطـلـب لعـل الشـر يـعـجـل زوالـه
يا الـلـه يا حلال صعـب المعـاسيـر *** نـدعـوك باسمك يا عـزيـز الجـلالـه
يا رب عـفـوك وانـت رب المقـادير *** والـعـبـد يـا مـولاي تـعـلـم حـوالــه
لـو اشغـلتـني دنـيـتي بـالـمشـاويـر *** أن الـذي شـرواك أرغـب وصـالــه
لكـن عساها يا أبـو مشعـل تياسيـر *** ويحفظك رب الكون منشي خيـالـه

جواب عبدالله بن عبار على فرج بن عوده الجعفري : 822

الـلـه يصونـك مـن جـميع العـواثيـر *** مشكور يـا مـن دوم يـبـدي سوالـه
حـنـا بـنعـمـه يا عـشيـر المنـاعـيـر *** بفضل الكريـم الـلي عـلينـا فضالـه
الخـالـق الـرازق عـلـيـه الـتـدابـيـر *** ولا خـيـر بالـلي عـيشتـه بالحيـالـه
الـلـه يجـيـر ولا لـنـا غـيـره مجـيـر *** مـا غـيـر خـلاق الـمـلأ يـنشـكـالـه
والصبـر للمسلم عن الـذنـب تكفيـر *** يصبر عسى الرحمن يقبل اعمالـه
والخاتـمه يالقـرم نـرجي المعـاذيـر *** من حيـث سجلـت البيـوت بعجـالـه

قال فرج بن عوده الجعفري هذه الأبيات يسند على عبدالله بن عبار : 823

أنـشـدك بـالـلـه قـل لـي وش تـقـول *** يا زعيـم الشعـر حـلـل لـي مقالي
من مشى بالنم هو شخص مهـبـول *** وأن نصحته قال ماشي بعتـدالي
كيف عقـله صار بـه زيـف وميـول *** وأن نظـرته قـلت ذا رجـل مثـالي
هـقـوتـك يـا مسنـدي نـلـقـا حـلـول *** لأهـل الـنمـات يـا قـرم الـرجـالـي
والمسائل شرحهـا صعـب ويـطـول *** بس أبعـرض شي منهـا بعتجـالي
لاجلسوا على الصحن مثـل الفيول *** ويـوم أسـمع هـرجهم ينسر بـالي
وبالشـدايـد مـا يشيـلـون الحـمـول *** ويجحـدونك لـو تـبي منهـم ريالي
يا أبو مشعل قدرهـم مـثـل النعـول *** لا تـحـسـب لـلـردي أول وتــالـــي
وأنت تكرم يا عسى عـمرك يطـول *** عـنـد ربعـك يا رفيع القـدر غـالي
لـك مـكـانـه بالضـمـايـر مـا تـزول *** لـو تـزول الـراسيـات من الجبـالي
تـم قـافـي وأنتـظـر مـنـك الحـلـول *** رد لـي بـالـحـال لا تـتـرك مـقـالـي

قال عبدالله بن دهيمش بن عبار هذه الأبيات جواب فرج بن عوده : 824

يا بن عوده ما أنت بالمعنـا جهـول *** تفهـم المقـصود ولا فيهـا جـدالي
كـب مـن ضـم الخـطـايـا بـالحثـول *** واسهج الـلي نـم فـوقه رب والـي
كـل سامـج مقصـده فـتـق الخـلـول *** لا يهـمك حيـث ما هـرجه صمالي
هـافـي الـذمـه لـه أهـداف ومـيـول *** بالمجالس يهتـرش صوتـه يـلالي
مـا يغـثـك غـيـر صاحـبـك العـيـول *** بـس يطعـن بـك اليا جـالك مجالي
السديـري مـن قـبـل سـتـيـن حـول *** قـبـلـنـا وش قـال بالـخـل المـوالي
وأحمد الـلـه صاحب الظلم مغـيـول *** والـردي كوبـان مـا طـال المعالي
الـوفـاء مـا تـاجـده عـنـد الـبـغـول *** والمـراوغ والحـيـلّ طبـع الثعـالي
والـثـعـالـي مــا تـشـبـّه لـلـشبــول *** والـرخم لو طار مـا صاد الجـزالي
والمصاعـب مـا يكـابـدهـا المـلـول *** ولا يـدنـّى لـلثـقـل كـود الجـمـالـي

وقال فرج بن عوده الجعفري هذه الأبيات يسند على عبدالله بن عبار : 825

يا أبو مشعل وش تقول وش تخلي *** كـل يـوم تسمع بدعـوى جـديـده
أنشـدك بالـلـه وأنـت اليـوم قـل لي *** وش يريد اللي يبي شب الوقيده
صاحبـك مـن مـا جـرالـه مستغـلي *** هايـم ومحتار من نصب المكيـده
ليـه بعض النـاس يـدرق ويختـلي *** فـي دعـاوي مابها والـلـه مفيـده
كان قصـده يا أبـن عـبـار يحـبـلي *** القصيـده مـنـه تلـقـفـهـا قـصيـده
بس أقول أبـي أتـركه خـلـه يـولي *** ما نبي لـلي النـار حطبها يـزيـده
ولا نطـاوع كـل مـن عـقلـه يظـلي *** وكـل ظـالـم يـا عسى ربـي يبيـده
وأنـت نجـم سهيـل بيّـن ومتـعـلي *** والشعـر فـي كـل طـاروق تجـيـده
ويش ريـك يا سنـد راسي وظـلي *** بالعـجـل مـردود قـافي لـي تـعيـده
أنـا أعطيتك من كلامه مـا وصلي *** ويـذكـر أنـه مـرسل يـمـك بـريـده
والخـتـام أطـلـبـك حـالاً لـي تـدلي *** في طـريـقـه تجعـل الفتنـه بعـيـده

قال عبدالله بن دهيمش بن عبار رداً على فرج بن عوده الجعفري : 826

مـرحبـا حيـيـت يالشغـمـوم يالـلي *** شاعـر وفهمان وأخلاقـك حميـده
يا أبن عـوده كـل قـولـك جـايـزلي *** قـلتهـا واشكـرك يالـقـرم الوليـده
أبي اعطيك الشور يا زبن المتلي *** عـذ بالـلـه من الشياطين المريـده
لا تـعـدى الحـق لـو مـقـدار مـلـي *** خابـر اهـدافك يا بن عـوده بعـيده
كـان ودك يـا زمـيـل الـعـون حلي *** أترك اللي مقصده شضي البديـده
الـقـرابـه يـالـسنـافـي كـان زلـــي *** أسمح وتلقـاه فـي ساعـه شديـده
لـو تـجي تـلـقـاه بـقـبـالـك يـهـلي *** تكسبـه بـالحـلـم والأريـا السديـده
يـا فـرج مـن عـز ربعـه مـا يـذلي *** وبالعـفـو والحلم وصتنـا العقيـده
تعـلـم أن الـقـلـب لا صـدى يحـلي *** لـو تجيب فلاش ما يمحى صديده
والـزرد يـحـتـاج لـه رمـّان بـلــي *** لـو كـربـتـه حـيـل تـفصّـم حـديـده
جـاك شوري وأنـت للـواقع تـدلي *** أحتسب وأصبر عسى أيامك سعيده

وقال فرج بن عوده الجعفري هذه الأبيات يعاتب زميله عبدالله بن عبار 827

قـال مـن عـبـر ضميـره ما طـرالـه *** يالـلـه أنـي طالبـك يا رب خيـره
يابو مشعل شف زميلك كيف حاله *** يالزميل اللي اليا حرت استشيره
نـار قـلبي يحرق الجوف اشتعالـه *** صار فكـري ياظنيني بالف حيـره
شـف زميلـك منشده يالقـرم بـالـه *** منتـظـر للـرد وعـيـونـه سهـيـره
يالـزميـل أرسلت لـك مـني رسالـه *** وأحتريـت الـرد في مـده قصيـره
مـا أنـت لـي يالوايـلي بالـرد زالـه *** تشتغـل ببحـوث وأعـمـال كثيـره
هـات ردك وأنـت كسّاب الجمـالـه *** يا عسى المرسول يأتيني بشيـره
قـالهـا الـلي طيّـب الـرد أحتـرالـه *** شعـركـم يـفـوح ورده مـع عبيـره

قال عبدالله بن عبار رداً على فرج بن عوده : 828

جت رساله من زميلي طاب فـالـه *** فـرج العـوده مـن قـروم العشيره
الـزميـل القـرم لـه حـق الـزمـالـه *** بالصداقه صادق وصافي ضميره
صافي النيـه وبـه طيـب وجـزالـه *** يـدرك الـطـولات نـقـي الـسـريـره
يا عسى يـفـداه مـن طبعـه نـذالـه *** ما سمع منطـوق عميان البصيره
أبي أقسم لـك بالولي جـلا جـلالـه *** ربـنـا الـلي مـالـنـا معبـود غـيـره
يشهـد الـلـه مـانـي لشرواك زالـه *** لكن ظروفي يا أبن عوده عسيره
مـن يقصـر عـادتـك تـرفـا خمالـه *** أسـمـح الـزلات يـا زبـن العـثيـره

وقال فرج بن عوده يسند على عبدالله بن عبارولم يتسنّى الرد عليه : 829

سـلام لـك يا طيّـب الساس نهـديـه *** يـا شاعـراً بالـقـاف اثـبـت وجـوده
مثلك يا أبو مشعل ترى نفتخر فيـه *** بالمملكـة وأيضـاً بـخـارج حـدوده
أمدحك والـزعـلان نـوطا عـلابـيـه *** يـغـار مـن فـعـلـك وتـقـصر زنـوده
الشعـر يفخـر بـك وتفخـر معـانيـه *** الـيـا كـتـبـتـه فـاح مسـكـه وعـوده
الشعـر تـأخـذ مـنـه زيـنه وغـاليـه *** ومثـلـك صعـيب القـافيـه ما تكـوده
ما حدٍ وصل منزلك والصدق نبديه *** لـو كـان يـبـذل بالقصايـد جـهـوده
قـلـتـه وأنـا مـانـي بشاعـر تسميـه *** وآخـر ختـام اقبل سلام ابن عـوده

وقال الشاعر الحميدي بن نبات بن صنعا الجعفري هذه الأبيات
يسند على زميله عبدالله بن عبار : 830

اسالـك بالـلـه يـا قـوي العـزيـمـه *** أي الـذي حاضر واي الـذي فـات
لـو كان نفخـر بالفعـول القـديـمه *** الحاضر المشهـود غـيـر علامـات
ولو يرجع الماضي لناس مقيمـه *** يمكن تغـاب بـيـوت قـوم محيـلات
تكفـا جـوابـك نحـتـريـه بصميمـه *** بـدون مجامـل ننـتـظـر للإجـابـات
ولا الخـطـأ وارد ولابـه هـزيـمــه *** ولا خـيـر باسـم يفتخـر بالقديمات
والحـق كتمـه مثـل قـول الظليمـه *** لـو كـان كـابـر راح دور الكبـارات
ومن لا استمر بالدرب هذي ثليمه *** تحسـب عـلى مثله ولـو زام بالذات
ولا الـرمـوز الـبـينـه والـحـكـيـمـه *** قـضّـوا جنايـد من تعـلا الطويـلات
يـحـكـم رجـال بـالـنـوايـا سـليـمـه *** والطيـب ماضي ما يبيلـه شهـادات
لـو كـل غـلطـه صـار فيهـا قسيمه *** ما بان هديب الشام تذبح له الشات
ولـو كـل زلـه شـب فيهـا جحيـمـه *** مـا أظـن تبقى بالخلايق جـمـاعـات
يابو مشعل ما عقت فاتـل بـريـمـه *** لاشـك سهـو والسهـو بـالصـلاوات
ولا العـطـيـه فـخـرنـا مـع زعيمـه *** ولا يـنهـضم حـقـه بكـل الـمـجـالات
ولا انـتـفـاخـر بالعـظـام الـرميمـه *** وهـذي سجـيـه مـا عـلينـا مـلامـات
لاشك الحاضر مثل غيث الوسيمه *** مشهـود فعـلـه مـا يـبي لـه حوالات
ولـو أبـي اعـدد كاسبيـن الغـنيمـه *** ما تنحصي لو كـل عمري حسابات
حيث الثقة ماهي على الفرد غيمه *** مثل الجبال اللي على القاع مرسات
والمجتهد شرواك حاور خصيمـه *** ومن ينثـني ما طـال راس الرفيعات

جواب عبدالله بن عبار رداً على الحميدي بن نبات : 831

يا أبو عمر ما صار ما هـو جـريمه *** الكـل يـدري ما أنـت دوار خملات
لاشـك كـل الـنـاس لـمـا لـمـيـمــــه *** تعـتـز بالحيـيـن مـن شان الأموات
عـنـدك خـبـر زيزوم بشر وزعيمه *** اهـل الـذبـيحه لهـم بالناس جاهات
ليتـك أضفـت البيـت قـدر وحشيمه *** تمجيد بالذيب العرج ضمن الأبيات
يا أبو عمر لشخوص الأجواد قيمه *** غـبنـان مضـراب المثتل بالعطيات
لاشـك بـقـعـا للحمـايـل هـضيـمـــه *** راحت سبايب ماضي المجد هيهات
وصارت كمـا قيـل السلامه غنيمـه *** كمـا تـشوف اليـوم سلم وسلامات
واليـوم ويـن الـلي يـحـث الهميمـه *** صوب العلا تجري مطاياه عجلات
ولالـي بـتـرديـد العـلـوم العـقـيـمـه *** اسمح وسامح كان بالقول غلطات

وقال الحميدي بن نبات هذه الأبيات : 832

بعض الأوادم يا أبو مشعل ولا شي *** ماتـوا قهـر ما قيـل لحقـت منـاهـا
ما ينحسب لو طولت بـه وهـو حي *** وحكيه مثل ما قيـل ليـل وضحاهـا
واللي يدور شهـرتـــــه بالنسب لي *** ما عـقــبكـم تـأليـف في محتـواهـا
بـينـتـهـا يـالـقـرم تـبـيـان مـشـفـي *** وحميتهـا من كـل مـن هـو بـغـاهـا
أعجزت من بعدك هـل شناب ولحي *** والـلي بحث من بعدكـم مـا لقـاهـا
وأنساب وايل يا ابن وايل كما هـي *** وأنت الذي وقفـت مـن هـو نـواهـا
وأنـت الحـميـا راسهـا للقسى عـي *** وأهل الدسايس ما حسبت لقساهـا
تكحل مدامعهـا وتقسي عـلى السي *** وعـنـد التحـدي مـا يهمـك عـداهـا
مواقفك تبـري غـثـاء الكبـد وكـوي *** لاعاش من هو يابو مشعل نساها
ومـحـرّف الأجـداد يـا لـي يـا طــي *** يا للعجب وش مقصده مـن وراهـا
بـني وايـل مـا هـي تـلافيـق وشـلي *** تاريخهـا والمجـد يقـضي قـضاهـا
أسم عـنـزة يعـمـهـا والـفـخـر ضي *** صفـوة ربـيعـة مـا يقـرب حمـاهـا
اسم شمخ مـا هـي بواريـد وعصي *** منهـم مـلـوك المملكـة وزعـمـاهـا
عنـزة بـني وايـل هـل العـز والـفي *** زبن الدخيل وعوق من هو قصاها
سقم المعادي لا تمـادى عـلى الـغي *** ودلـت خيـول القـوم تلـمع حـذاهـا

قال عبدالله بن دهيمش بن عبار رداً على الحميدي بن نبات الجعفري : 833

يا مـرحبـا بـمـسطـر القـاف يا حـي *** حـيـه عـدد رمـل البـلاد وحصاهـا
ابـن نـبـات الـوايـلـي فـزعـتـه لــي *** شـاف الحقيقـة يـوم كتـبي قـراهـا
مبطي ذكـرت الـدم مـا ينقـلـب مـي *** والقـوم مـا ترضى عـليـه خـطاهـا
يا أبـو عـمـر دونـت ما نالت أيـدي *** افخـر بمـاضي لابـتي مـن غـلاهـا
يوم الذهـان مقيلـه فـي ذرى الـفي *** تـذكـر زمـيـلـك كـل مـلـه صـلاهــا
والـلـي عـذاريـب الـمـلأ حطها بـي *** هـو الـذي شـمـل القبـيلـة شظـاهـا
الـلي خلـط يـا مسندي ذيـك مع ذي *** شـتـت بـني وايـل وقـلـّع مـداهــــا
والـلـه مـا خـلـيـت يا مسنـدي شي *** لـو دار كسـرت هـوبـرة مـا لقـاهـا
عـثيـت بالنـاضج وخليـت أنـا الـني *** نـتـرك حكـاك قدروهـا لمـن بغـاهـا
انهـل مـن الصافـي نـقـاريح بـدلـي *** وبـقي حثايـل من غـثـاريب مـاهـا
اشـوف نـاس بكـل محفـل لهـم زي *** حـتى رذال القـوم هـبهـب هـواهـا
نسل الكرام الـلي تشابـه كـرم طـي *** دمـدم مكـارمـهـا فـعـايـل ضـنـاهـا
أهـل العـفـوج الـزاقـحـه كنها نحي *** يا للأسـف تـسمع كـلام اسفـهـاهـا
والـيـوم سفيـه البشـر لبست عـبي *** وصـارت بـلمـات المجالس تـبـاهـا
مـن يـورد الحسيـان لا يرتجي ري *** صـدر وشولـه تجتلـد مـن ظمـاهـا

قال الحميدي بن نبات بن صنعا هذه الأبيات يسند على زميله عبدالله بن دهيمش بن عبار : 834

يا أبـو مشعـل خـلّـه تبيّـن خصوصه *** لا تخـلي المـوضـوع ياكـود ينخـص
الحـق دايـم منهـضه مـن خـصوصه *** الـلي مـثـل شـرواك بالحيـل يبخـص
حـث الـركـايـب لا يصيبـه حصوصه *** خص يخص الخـص لابـد لـه خـص
والـلي عنـده مقص يقص اقصوصه *** والبخص له بخيص بالعرف يبخص
مـا ودنـا يـالـقـرم نـشـرب مصوصه *** خـل المـوهـق يا فـتى حيـل يرخـص
راعي الـتبجـح مـا تـفيـده قصوصـه *** عـند الحقيقـه مـالـه ابـيـان يشخص
قـّلـه يـعـّود مـا تـفـيـده نـصـوصــه *** قـّله وخص وخص ثم ابخص وخص

وقال عبدالله بن دهيمش بن عبار جواب لأبيات الحميدي يقول : 835

يا أبـو عـمـر بحـر المعـاني نغـوصه *** نبحـث عـن المحـار والـدر والحص
والـلـي تـقـل قـلـبـه تـقـدّه بـخـوصـه *** من الحسد في تاريخنا يخلف النّص
حـاول يـمـد الـيـد عـشـريـن بـوصـه *** لكـن يـا أبـن جـبّـار قـصيتـهـا قـص
كـشفـت خـبصـه يالسنـافـي ولـوصه *** جبت الصمال وقلت كانك عما بـص
وصارت علومه بالقصاص مخبوصه *** والظـاهـر أنـه كبّـر اللقمـه وغـص
أن كـان جـدّه تـبـرح الـدرب عـوصـه *** اليوم في بطن الثّرى مسكنه جـص
ومـن لا لكـد عـلى المـراجل قـلـوصه *** مهـمـا تعـلّـت رتـبتـه ينحسب لـص

قال الحميدي بن نبات هذه القصيدة يثني على عبدالله بن عبار : 836

عـبـدالـلـه الـعـبـار لـه مـيـزةٍ غــيــــر ** اقـولـهـا والـلي فهـمهـا فـهـمهـا
مـاهــو هـيـاط ولا خــذابــه دنـانـيـــر *** خدمـة بـني وايل شقى واستلمها
الـلـه يـفـكـه مـن جـمـيـع الـعـواثـيــر *** كم قصة تكـذب وجـاهـا وحسمها
مـاهـو كـلام قـلـيـلـيـن الـمـخـاسـيــر *** الـلي عـلى الغيبات يـربي شحمها
شاعـر عـنـزة واهـتفي يا جـماهـيـر *** من مثل أبو مشعل تصدّى وخدمها
وانساب وايل فوق ما قـال وايصيـر *** وبعـض الأمـور فـلولها من عدمها
يـامـا تـعـب وايضاً عـليهـا مشاويـر *** ولا أنـت يـالـحـكـاي مـا تـغـتـنمهـا
جـذوع وفـروع الـقبـيلـه لهـا سـيـر *** ولا كـل دلـو طـيـبـهـا مـن وذمـهــا
يا نـاس مـا نـرضى بطـق المسامير *** والـلـي سـمـر لابـتـه مـا حـشمـهـا
وانساب وايـل ثـابـتـه دون تحـريـر *** لاشـك عـبـدالـلـه جـمعـهـا وخـتمها
عـبـدالـلـه الـعـبـار لـه منـهـج غـيـر *** يـرفـى القـبـيلـه مـا يـدور وهـمهـا
ولابـه قصور في جـميع الشواعـيـر *** الـكـل مـنـهـم ميـزتـهـا نـحـتـرمهـا
وصـلاة ربـي عـد مـا غـرد الـطـيـر *** عـلى الرسول اعـداد ضايح عـتمها

وهذه الأبيات نشرها الراسي في منتدى القريات ترحيب بالشاعر
عبدالله بن عبار عندما أخذ معه لقاء يقول : 837

يـا مرحبـا تـرحيب ينـشر بألأخـبـار *** ترحيب من شاعر تحّرك شعـوره
يا مرحبـا تـرحيـب يكـتـب بالأنـوار *** والنـور عـم المنتـدى مع حضوره
اسمـك مـثـل بـرق يبشر بالأمـطـار *** والقلـب بوجـودك تـزايـد سـروره
الطيب بـيـن النـاس يطلـب وينـدار *** والـلي يـزور الـنـاس لازم تـزوره
هـذا محلـك وأبـتـدي معـك مشـوار *** عـلى الوفا والطيب نكتب اسطوره
من خاطري رحبت بك نثر واشعار *** يا مـرحبـا بالـلي يشرف حضـوره

قال عبدالله بن عبار هذه الأبيات رداً على الراسي : 838

سـلام لـلـراسـي مـحـبـة ومـقـــدار *** من عاصمة دار الزعيم أخو نوره
بالمنتدى اللي به مواضيع واشعار *** لـيـه بـصـفحـاتـه تـحـيـه وصـوره
يهدي لكتم عجل الجواب ابن عبار *** مـني تـحـيـة لـلـرجـال الـنـمـــوره
وجميع من شارك وساهم بالأخبار *** والـلي يـوجـه لـلـرجـاجيـل شـوره
أهـدي سـلام الـود للـربـع الأخـيـار *** الـلابـة الشجـعـان عـنـد الضروره
جـيـنــا لـنـاديـكـم يـالأجـــواد زواّر *** ومن زار مـوقعكم تـزاود اسروره

يتبع

تابع
وهذه القصيدة من شعر الشاعر مدبغ بن فاضل الحسني العنزي يسند
على زميله عبدالله بن دهيمش بن عبار العنزي : 839

بـديـت بسـم الـلي بـحـالـي يـروفي *** منجي سفينة نوح من غب الأبحار
يا الـلـه يا رازق صغيـر الضعـوفي *** أنـت الـذي تنجي دخيلك مـن النـار
الـواحـد الـمـعـبـود ربـي يـشـوفـي *** عـلام مـا بالغـيـب كشّـاف الأسـرار
هـو الـذي بامـره يجيـب الخسوفي *** وفي قدرة الرحمن أخرج هل الغـار
أنت الـذي باحـوال خلقـك لطـوفـي *** عليه ندخل يـوم تشخيص الأبصـار
ومن بعـد ذكـره يالفهـيم الـعـروفي *** ارسـل جـوابـي للحكيـم ابـن عـبـار
وقله يا أبن وايل نشوف وتـشوفي *** شي يخـلي صاحـي الـفـكـر يحـتـار
تـلاشـوا الـلي يـكـرمون الضيـوفي *** وصارت سـوالفهـم معاليـم وأذكـار
كبـار البـيـوت مقـلـطيـن الخـروفي *** الـلي لهـم هيبـه كـما ضلع سنجـار
حمـايـة المضهـور سـتـر الهنـوفي *** الـلي فعـايـلهـم صعـيبـات واعـسار
وحـنـا بحكـم الـلي عـلينـا عطـوفي *** الـقـايـد الـمـامـون والـوالـد الـبــار
يا عـل عـمـره ما تجيـه الصـدوفي *** وأطلب لعـلـه مـن طويلين الأعمـار
ادعـوا معـي يا كـاتبـيـن الحـروفي *** وصلوا على الشفيع بالموقف لحار

قال عبدالله بن عبار رداً على الشاعر مدبغ بن فاضل الحسني العنزي: 840

مبـداي بالـلي لـه رجـايـه وخـوفي *** مـولاي رفـاع السمـاء سبعـة أدوار
الـلـي ابـيـتـه كـل مـسلـم يـطـوفـي *** الـواحـد الـلـي لأهـل البـغـي حشّـار
ومن بعد ذكره هاض ما كن جوفي *** أرسل جواب اللي نجبني بالأشعـار
مـدبـغ ابـن فـاضـل نـدي الكـفـوفي *** الـمـكـرم الـلـي للـمـهـاجـيـل جـّزار
مـن سـاس لابـه بـالملازيـم تـوفـي *** أولاد حـسـن مـرويـة كــل بــتــــار
عـنـد اللـقـا مـا يكرهـون الحتـوفي *** يوم الفخر يطلب على سرج وكوار
وأن كان يا مدبـغ تشوف ونشوفي *** شي يخـلي صـاحي الفـكـر يـحـتـار
دورك تـغـيـّر والزمـن لـه ظـروفي *** ولا تعـتجـب هـذي تقـاليـب الأدوار
الـيـوم كـلـن يـالـسنـافـي يـلـوفـــي *** والـشيـمـه الـشـمـا تـبـيـّع بـديـنـار
هرج المجالس مثل لدغ الحضوفي *** صـار المـجـال لكـل هـايـف ومـكـار
أن جـاهـم الهلباج ناضـوا وقـوفي *** والهيس الأرعن له حشيمه ومقدار
نبدي عـلى بعض الحمايل حسوفي *** احفـادهـم يا حـيـف جابـولهـم عـار
وصلوا على كامل جميع الوصوفي *** المصطـفى الـلي للمخاليـق مخـتـار

قال عبدالله بن خلف الرويلي يسند على عبدالله بن عبار العنزي : 841

الـبـال ضـاق وبالتـمـاثـيـل نـخـتـار *** وكـتبـت رسالـة بـصـافـي ذهـبـهـا
اكتب جـوابي وارسلـه لأبـن عـبـار *** الـلي علـوم الطيـب مبطي كسبهـا
الـيـا نـخـيـتـه مـا يـروّغ بـالأعـذار *** ولا يـنـفـع الأنــذال عـالـي رتـبهـا
الـحـر الأشـقـر نـافـل كـل الأطـيـار *** مجنـاه مـن عـالي المواكـر جـذبها
أبـو حـقـب مـا قـيـل راعيـه صقـار *** مـن مـاكـرٍ مـا هـو مـعـرب نسبها
ولا تـزرع الصبخـا الياصرت بـّذار *** ولـو تـجـوع الـهـازلـه لا اتـحلبهـا
ويـدٍ يقصـر شبـرهـا دون الأشبـار *** ودك تـقـطع بـالـمنـاجـل عـصـبـهـا

جواب عبدالله بن دهيمش بن عبار رداً على عبدالله الرويلي : 842

سـلام يـا مـرسـل عـذيـات الأشعـار *** أرق وأنـعـم مـن نـسانـيـس أبـهـا
أهلا عـدد رمل الجزيـرة والأحجـار *** وعـد المـزون الـلي وليّـك سكبهـا
لك الشكـر يا طـيّـب السلـم والـكـار *** عـلى البيـوت الـلي يراعـك كتبهـا
والـله ماني يا بـيض الـوجـه ذخـار *** مـا نـذخـر المجهود حـزت وجبها
أن يسـر الـلـه نبذل الجهد بصخـار *** لاشك بـقـعـا مـا قـدرنـا انغـصبهـا
واليـوم يـا مشكـاي بالوضع محتـار *** مـا ودنـا الأجـواد نكشف حسبها
الـلي لـنـا عـنـده حـشيـمـه وتعـبـار *** عـقـب التقـاعـد فـّرق الله شعبهـا

قال عبدالله بن عبار يثني على الشيخ متعب بن معبهل الشعلان : 843

يا متعـب الشعـلان مهـمـا مدحنـاك *** طيبك غلب يالمرعضي من يمجدك
اكـرمـتــنـا يـالـوايـلـي يـوم زرنـاك *** ما هي غريبه منك هـذي عـوايـدك
يلقا الكرامه ياأبن الأجواد من جاك *** سمعت في طاريك من قبل أشاهدك
تطـيـب وأشبـالـك بالأفعـال حـلـيـاك *** الـكـل مـنـهـم بـالـمـراجـل يـقـلـدك
ربـيـتـهـم لا خـيّـب الـلـه مـسـعــاك *** عسى الولي بصلاحهم دوم يسعدك
كسبت علم الطيب مـن فعـل يمنـاك *** وكـل العلوم الغانمـه حشتها بـيـدك
مشكور يا متعب عسى الله يرعـاك *** تبقى ذخر يا ريف من سار قاصدك
أنـت الـذي يالقـرم نفخـر بطـريـاك *** تتعب على كسب الفضيله سواعدك
يا طيب منطوقتك ويا طيـب ملقـاك *** لـو مـا مدحتـك فعـل يمنـاك حامدك

قال نايف بن متعب بن معبهل الشعلان رداً على عبدالله بن عبار : 845

يا راكب اللي مالها مراس واسلاك *** هـبـه شمالـيـه هـواهـا تـحـت يـدك
اسرع من الصاروخ قطاع الأفـلاك *** تسبق صدى النوماس من طيب مقصدك
سقـهـا لأبـن عـبـار يا زيـن ملفـاك *** من نايـف الشعـلان والـلـه يسعـدك
قـلـه بـيـوت الشعـر تزهى بطـرياك *** يا تاج راس المدح ما جيت أمجدك
الطيب يعـرف يـوم يمشي بممشاك *** تشهـد معي وايـل وهـذي عـوايـدك
جيت العزيز ورحت أعـز وفقدنـاك *** وصـار المـكـان بـكـل ركـن يـرددك
تـم الكلام وهاجسي يطـلب رضـاك *** عسى القصيده ترتـقي مع قصايدك

قال عبدالله بن عبار رداً على نايف بن متعب بن معبهل : 846

حييت يا نايـف عسى النـذل يـفـداك *** الـلـه يـفكـك مـن عـدوك وحاسـدك
نـادر حـرار بـعـالي الحـيـد مـربـاك *** تبهج ضميراللي على الصيدعودك
مخـلاب كـفـك لـلـجـزيـلات فـتـــاك *** والـلي جنـاك مـن الصواريم فـنـدك
جتـنـا البيـوت الطيـبـه لا عـدمنـاك *** قـريـتـهــا ومـلـزوم بـالــرد أزودك
ردك عـلي اعـتـز بـه طابـت أريـاك *** وأنـا تـراي بـكـل موضوع أساندك
سجل قصيدك فـي سجلات الأبـواك *** وأقـره على الـلي بالدياوين ينشدك
حيثك عرفت سنوع دربك ومسراك *** لا تطـاوع الـلي في مباديـك ينقـدك
أمض وتـحـد الـلي بقـولـه تـحـداك *** وخلك تضـد الـلي يحـاول يضـاددك

قال نايف بن متعب بن معبهل الشعلان رسالة جوال إلى عبدالله بن عبار : 847

السلام أصل المعزة وحبة الخشم احترام
والصديق الكفوا عده مثل جاهك واحشمه
وأرفعه بالقـدر مابيـن الثـريـا والغـمـام
حيث لامنك بغـيتـه ما يـبي لـك تـزهمـه
محزم يشد ضهرك لا التقوا وقت الزحام
لعن أبو من لا يعـدك يا خـويي محـزمـه

جواب عبدالله بن عبار رداً على أبيات نايف المعبهل : 848

يا هلا ويا مرحبابك لك يابن متعـب مقـام
حيث أنـك من حمايـل ما تعـرف الهيلمـه
فعلهم كلن يعـده يـوم مصقـول الحسام
من تجاوز أو تعدى على علمته ترشمه
وأنت لك جزل التحية قلتها قبل الختـام
يالفهيم الـلي كلامي والمعـاني تفهمـه

قال عبدالله بن متعب بن سودان الطويلعي يسند على عبدالله بن عبار : 849

أرسلـت لـي منـدوب مـن أول العـام *** يـم الفهيم الـلي عـلـومـه جـزيلـه
نعـم بـأبـو مشعـل مـن رجـال أكـرام *** عـز القـريـب وفـخـر كـل القبيلـه
يا الوايلي يالقـرم يـا مكيـد الأخصام *** أنشدك عن مندوبنا وش حصيلـه
من عرفتي لـه وهـو دليلـه ومقـدام *** ومقاصده مـا هـو عشاه ومقيـلـه
سافر عـلى اللي يطوي القاع بشمام *** صنـع الخبيـر الـلي جـديـد مديلـه
ولـو أنـنـا نـكـتـب دواويـن بـأقـــلام *** أنت المحيط الـلي ركونـه طويلـه
يـغـرق بـه السبـاح لـو بشنقـه عـام *** ويضيع لـو عـنده أعـوان ودليلـه

قال عبدالله بن عبار هذه الأبيات رداً على عبدالله بن متعب الطويلعي : 850

أول جـوابـي لـك تـحـيـات الإســـلام *** سلام مـني عـد مـا اخضر شتيلـه
مني لأبو متعـب عسى العـز لـه دام *** وعسى الـذي عـاداه ربـي يـزيلـه
منـدوبكـم جـاني وبـه عشـرة انعـام *** جـاب الـرسالـة والبيوت الجميلـه
وشاهـد منـاديـب لهـا عـرك وزحـام *** تـوصل زميلـك مرسلـه كـل ليـلـه
هـذا نشـد عـن فعـل جدعـان ودهـام *** وهـذا يـكـز الـلـغـز يـبي اتحليـلـه
اصبحت أنا يا مسندي مثـل الإعـلام *** ما عـاد لي يا نسل الأجواد حيلـه

وقال عبدالعزيز بن بخيّت الجراح العنزي هذه الأبيات يثني على عبدالله بن
دهيمش بن عبار بمناسبة اجتهاده في خدمة قبيلة عنزة : 851

هات الورق يا حمود هات القلم هات *** نـبـي لأبـن عـبـار نـكـتـب رسـالـه
عـنوانـهـا التقـديـر وأزكى التحـيـات *** مـع حبـت خشم وطيّـب الـلـه فالـه
لك جهد ولو طال الزمن حي ما مات *** والـلـي سـويـتـه للقـبـيلـه جمـالـه
مشكور يـا حـلال عـقـد الصعـيـبـات *** يـا مـعـرب الجـديـن عـمـه وخـالـه
جـمّـع فخـر ربـعـه بكتـب وسجـلات *** عـد الصحـيح ومـنهـجـه بـالـعـدالـه
مـا هـمـه الـدنـيـا وجـمـع الـريـالات *** ولا مقصده يوم اجتهـد كسب مالـه
وتـبـاع المقفي ما يشوف المسرات *** ولا اظـن فـي دنـيـاه يـرتـاح بـالـــه
كمل مسيرك لـك مـن الكـل دعـوات *** الـلـه يخـذل أهـل الـردى والـرزالـه
ما دام مجهـودك لـوصـل القـرابـات *** مـن لا فـزع لـك نطلب الـلـه زوالـه
عـسى معـك دايـم تـزيـن الـعـلاقـات *** حـيـثـك زميـل ومخـلص بالـزمـالـه
وخـتـامـهـا صلـوا فـي كـل الأوقـات *** على النبي المبعوث راعي الرساله

قال عبدالله بن عبار رداً على الشاعر عبدالعزيز بن بخيّت الجراح : 852

حيـيـت يا مـرسـل عـذيـات الأبـيـات *** يالمخـلص الـلي نفـتخـر في مقالـه
عـبـدالعـزيـز الـلي مـبـاديـه جـزلات *** عـسى فـداه أهـل الحسد والـنـذالـه
يا أبـن بخيّـت أنـت مـن لابـه بخـات *** رجـالهـم يـمـدح الـيـا جـاء مجـالـه
جـراح بـلسـم للجـروح الـعـطـيـبـات *** قصيرهـم مـا نـشـدوا عـن خمـالـه
وأن كنـت بالمجهود تبـدي أشادات *** مـن فضـل رب الكـون جـلا جـلالـه
عـنـدي من قـروم الحمايـل شهادات *** ولا الـردي كـوبـان مـانـي بـحـالـه
وش عـاد لـو حطـو بـدربي مطبـات *** ما عـرقـلـوا مسيـرتـي بـالـحـيـالـه
مـن حـمـد ربـي ينخـذل كـل شمّـات *** مـات بغـلـيـلـه والهـدف مـا هـيـالـه
الـلي هـدفهـم مثـل رمـح الجميـلات *** مـن حسـدهـم شنـوا عـليـه صيالـه
مـار انكشف تـزويـرهـم بالدعـايـات *** والـكـذب والـبـاطـل سـريـع زوالـه
مـن فـّرق اللابـة جـنـوب وشمـالات *** حـظـه ردي ما حال الأجـواد حالـه

قال الشاعر عبدالعزيز بن عواد بن بخيت الجراح يسند على زميله عبدالله بن
دهيمش بن عبار بعد أن سمع قصائد التصدي للحملة المغرضة : 853

الـلي يا أبـن عــبار مايــقـدرونــك *** وش عاد لو كانوا عصابات وشلل
لا تـنخدع بالـلي تـشوفـه عـيـونـك *** بعـض البشر حساد تـفـرح بمن زل
وأحـذر تـراهـم بالمجالس يجـونـك *** شـمـّات لا تـخـدعـك بقـفـايـة الظـل
لاتجعـل الهـايـف يخيـّب اضنـونـك *** هـذاك الـلي في علم الأنساب يجهل
شــلـت الثــقـيـل ولا تملـل امتـونك *** دربك صعيب وبه غـرازات وأوحـل
كمل مسيرك ياعسى الـلـه يصونك *** واصعـد سنـود المجـد هذا هو الحل
وابشر تراني يا البنـاخـي بعـونـك *** أومـر تـدلـل واطلب الـروح بس قـل

وقال عبدالله بن دهيمش بن عبّار على أبيات الشاعر عبدالعزيز بن عواد بن بخيت الجراح :
تشكر يا أبن عـواد جـتني الحـونـك *** الـلـه يجيرك مـن صواديف وأعلـل
تـقـول بعـض النـاس لا يزعجـونك *** وقول من بعض السوالف خذ وخل
أطلب عسى المولى بستره يصونك *** أخـوك مـن كـثـر الهـرابـيـد مـا ذل
اشكرك حيثك ما نلقلب صبغ لونك *** صـادق ولا عـنـدك تـلـكـات وأحيـل
وأهل الحسد لو تجتهد ما يـبـونـك *** يجيـك واحـدهـم يـلاسـن تـقـل صـل
أهـل القـلـوب الحـاقـده يـنقـدونـك *** والحـقـد بـقـلـوب الحواسد تقـل سل
لاشـك صـدقـانـك يـذودون دونــك *** والحـيـد شـامـخ مـا يشبّـه عـلى تـل

وقال عبدالعزيز عواد بن بخيت الجراح هذه القصيدة يسند على زميله عبدالله بن عبار : 854

يا الـلـه يا عالـم خـفيـات الاسـرار *** يالواحد الـلي معتـلي في سماهـا
انـت الوحـيـد الـلي لـلأثـام غـفـار *** وانـت الوحيـد الـلي عليم بخفاها
يامنشي من المزن همِال الامطار *** في قـدرتك ينساق غـربي هـواهـا
في قدرتك تحي ميابيس الاشجار *** عقب المحل تخضر ويذهب جفاها
من بعـدها سار القلم يكتب اشعار *** قيفان من فكـري محصن نـمـاهـا
مـهـداه لـلي مجـلسـه بـن وبـهـار *** وسوالفا يطرب لهـا مـن لـقـاهـا
يـفـرح لـيـا جـوه المسايـيـر لـّدار *** ريـف الضيوف وبالوازم حماهـا
بالكتب سطرلـه تواليـف واخـبـار *** وقوافيا يعجـب بـهـا مـن قـراهـا
في صفحه التاريخ بصمه وتذكار *** اسمـك تعـلى والطـويـلـه رقـاهـا
القرم ابومشعل كما طيـر غيمـار *** فرخا ليا شـاف الحـبـاري ثـنـاهـا
سيفا مجرب يوم حزات الاخطار *** بالضيق والشـدات سـتـر وذراهـا
من لابه بالحرب يفنون الاعمـار *** يرون حد السيف صافـي دمـاهـا
حناتيش لا من ثار عجا وبه نار *** خيل العـدو تقـفي وتـقـفي وراهـا
يتلون ابن ضبيب شيخا وجـبـار *** قرمـا صميدع والمـراجـل نـواهـا
وختامها يا الله يا النـافع الضـار *** رحمتك مطلوبي ولالبغي سواهـا

وقال آيضاً عبدالعزيز :

يالوالـي كفيـت والــــــــلـه ووفـيـت *** انشهد انك من صورايـم الاحـرار
ومـن لا يعـزك مـن سلالـة سرابيـت *** لا لا يهمك كـل مغـرض وثـرثـار
الـلي عـلى مجدك يبي يبني الصيت *** مثل اللذي في راسه يصادم جـدار
مـا هـمّـنـا يـالـوايـلـي هـالعفـاريـت *** العـرف مايشرى بـدرهـم ودينـار
انـت الاديـب بعـلم الانساب عـديـت *** جدودنا من قبل كسرى وذي قـار
لا شـك مـاقصرت يالـقـرم واقـديـت *** مـن قـبـل ذلك انت بالشعـر بيطـار
كـل عـنـزي يغـليك يا طيب الصيـت *** من فضل وال الكون في كل الاقطار

وقال الشاعر عبدالعزيز : 855

بنشدك ياللي تعرف أنساب وانساب *** عـل وعسى اسمع جواب لسؤالي
جـيتـك يا ابن عـبـار محتـاج لكتـاب *** عـن لابـتـن بالفعـل ماهـم هـزالي
عن بوشعبان المنهم طوال الاشناب *** بـوسبيع والـولده وصبخه وتـالي
قـوم الـعــفـادل لابـتـي عـز الاقـراب *** هم تاج راسي من عمام وخوالي
وانت يا ابن عبار من قومن صـلاب *** حـمـر النـواظـر ربـعـنـا للثقـالـي
نـعتـز بـك ونـقـدرك جـهـر وغـيـاب *** يـا راعـي الـقـاف العنيـد المثالي
يا مـرويـاً قـاع القصايـد بـالاسبـاب *** يـا حـكمتن تـنـفـع بسـود الليالي
جـاك القصيـد ورادفـه هـم وخطاب *** فـي ساحـة الديبان مـانـي لحالي
تعبت من كـثـرة خيانات الاصحـاب *** وتعـبت مـن غـدر الزمن لنتخالي
ياعين شحي بالعطا لجـل الاهـداب *** مـا فـادني دمعـاً عـلى الخـد سالي
ما عاد فيني كـود نيشان وصـواب *** يامـه اطمطم بـه وجرحي غـدالي
يا سـيـد الشعـار الـجـرح مـا طـاب *** دوك الجـواب وهـات رد ارتجالي
الربع الـلي مثلك عزيزين واحشام *** يـرفـون خـمـلاتـي بكـل الوسيلـه

يتبع

تابع
هذه القصيدة من شعر الشيخ الأطرق بن بدر المهلهل الهذال قالها لما سمع كلام من رجل
يعرض بقبيلة عنزه عندما لم يكون لهم أبل مزاين فأجابه الأطرق بهذه القصيده : 856

يـا صاحبـي كـنـا ونـبـقـى حـلاحـيـل *** للمـجـد نـرقـى فـوق قـمة جـبـلـهـا
أفـهـم عـدل لا تـأول الوضـع تأويـل *** والكلمه العـوجا مـن المـزح شلـهـا
يـوم أنهـا بالسيف والـرمح والخيـل *** نـملـك مـزايـيـن الأبـل مـع فـحلهـا
نغير في وسط الضحى ووسط الليـل *** ونجيبها غصب عـلى خشوم أهلها
ويــلان حـنـا فـعـلـنــا لــه دوالــيــل *** ونـردم عـلى كبـد المعادي اعـللهـا
وأن زعـردت أم العـيـون المضاليـل *** وقامت تنـاظـر كيـف ردت فـعـلـهـا
نشوش من زود السطـر كالمهابيـل *** والمـوت أحـلا عـنـدنـا مـن عسلهـا
مـتورثـيـن المجـد جـيـل بـثـر جـيـل *** فـتـخـان الأيـدي كـاسبـيـن نـفـلهــا
ويـلان حنـا أهـل الكـرم والمعاميـل *** عـاداتـنـا مـا غـيـرتـهـا افـلـلـهـــــا
لضيوفـنـا نـذبـح مـن القـرح الحيـل *** وقصيـرنـا مـا يـشتـكـي من ملـلهـا
والحـمـد لـلـه يـوم صارت تساهيـل *** جـاهـا الـزعيـم بـديـن ربـي شملهـا
يـكـفي يـمثلـنـا مـن النـفس حلحيـل *** مشعـل أخـو نـوره بـجـوده كفـلهــا
مـادام صارت بالـذهـب والتهـاويـل *** وأحيـت عـليـنـا عـنصـريـة جهـلهـا
ماعـاد نبـغـي مـن وراهـا محاصيل *** وقـلـوبـنـا لـلـخـيـر ربـي عـدلـهــــا
نعطي الفقيراليا شكى العوز والويل *** نـجـود والـرمـلا عـطـانـا وصـلهــا
وضعـيفنـا نـرفى خمالـه عن الميـل *** أخـيـر مـن دفـع الـفـلـوس بجمـلهـا
ونـذلـل ظـروف المساجـيـن تـذليـل *** ونـعـتـق ارقـاب دافـع الـلـه أجـلهـا
يـا صاحبي نـقـدر وفـينـا لهـا حيـل *** ونملـك ملايـيـن الـفـلـوس وهـلـلهـا
وإذا رغـبـنـا بـالليـالـي الـمـقـابـيـل *** تـشوف ويـلان السعـد وش عـملهـا
قـلـتـه وأنـا مـا ودي القـال والقـيـل *** حسبي عـلى الـلي حيل كبدي دبلها

وقال عبدالله بن دهيمش بن عبار هذه الأبيات مجاراة للقصايد السابقة : 857

يعـيش أخـو بتـلا من أحـفـاد منديـل *** نسـل الـذي روس المعالـي نـزلـهـا
الـقـرم أبـن بـدر عـريـب الأخــاويل *** عـوج الهـروج التايحـه مـا حملهـا
قـاس العـلوم وحلـل الـهـرج تحليـل *** ولا يكترث بالـلي السوالـف نـقـلهـا
كـلام الأطـرق صدق مابـه تجـاهيـل *** وبالحلـم نـفسه مـا تسارع زعـلهـا
الـطـيـر يالـمنـعــور مـا كـدّر الـنيـل *** والناس تـفخـر في محاسن عـملهـا
غـوش عـنزه ريف البداة الهواشيل *** كان اخـتفى محصول نـاتـج سبلهـا
عـاداتـهـم صـد العـصـاه المـغـالـيـل *** لا نـقضت هـنـف العـذارى اقـذلـهـا
مـضالـهـم يـوم المـراجـل مـفـاعيـل *** كـم مـن حليلـه فـجـعـوهـا بـرجلهـا
يـوم الجنـب عـنـد أمهـات المخاليـل *** أولاد وايـل فـعـلـهـا مـا فـشـلـهــــا
قـطعـانهم تـرتـع مـن سلـوك للهيـل *** وحتى حـمى الحويان تفـلا بدغلهـا
مـن غـربي الحـره اليـا ديـرة ثميـل *** باجوا جميع حـزومـهـا مـع سهلهـا
المـجـد يـدرك بالسيـوف المصاقيـل *** والطيب ما هـو فـي مـزاييـن بـلهـا
كسب المـراجـل بالـرمـاح المنابـيـل *** الـلـي منـاعـيـر الـرجـال أيـهـبـلهـا
مبـطـي فـخـرنـا بالسنيـن المساميل *** عـادات أهلـنـا مـا نـدوّر بــدلــهــــا
يـامـا بـوايـل مـن نـوادر مـشـاكيـل *** مـا زايـنـوا بـالـنوق فـي محـتـفـلهـا
منهـم عقاب الخيل من خلفت شعيل *** مـا يـنـطـح كـان الـشـوارب فـتـلهـا
ومشعـان أبـن هذال يـوم المصاويل *** يـامـا صـوابـيـر الـمعـادي عـزلـهـا
وأبـن بـكر مشعـان ذيـب الرجـاجيل *** الـغـافـلـه مـا يـوم قـالـوا عـقـلـهــا
بـرجس غديرالموت فوق المشاويل *** اليـا عـثـا بالـقـوم يـرمـي بـطـلـهـا
وجملت ضنا عـنـاز ماهـم مساهيـل *** مـن جـالهـم مـظيـوم يـدلـه ويـلـهـا

وقال حسن بن سماح النومسي هذه الأبيات مجاراة لصاحب القصيدة : 858

وش هـمنا من صاحب القال والقيل *** قـلهـا لـمـن وجـه لـك الـقـول قـلهـا
قـلـهـا وفـصلـهـا بـكـل الـتـفـاصيـل *** الـسـالــفــه لازم يــدوّر بـــدلــهــــا
تضرب بـنـا الأمثـال ما هي تماثيـل *** تـعـرف بـنـي وايـل ويـعـرف مثلهـا
جــمـعٍ يـخـلـي لـلـمـعــادي زلازيـل *** والـلـه يزيـد أهـل الجهل من جهلها

قال عبدالله بن دهيمش بن عبار اهذه الأبيات مسنده على الشاعر
حسن بن سماح النومسي : 859

يا أبـو فارس شد لي فوق الهمر *** مـا يفـوقـه بالمسيره كـل مـور
لـو أمامـه طعس من فوقه طمـر *** ولا يبطنج بالحراش وبالحفـور
وأن تـحـرّك مثـل شـرّاب الخمـر *** يرتقص طايش يسير بلا شعور
يـا حسـن شـدّه ولا عـلـيـك أمـر *** جـهـزه حـالاً نـبي نمشي نـدور
نـبي أنـا وأياك نبحـث عن عمـر *** حيث عنـا غاب له عـدّة شهور
ننتظر شوفـه عـلى مثـل الجمـر *** الولي يستـر عليه من الشـرور
كـم لـنـا عـنـده تعـالـيـل وسـمـر *** بالـوناسه والسعـاده والسـرور
يـحـضـر الـدلّـه وبـراد وتـمــــر *** جـاهـزه والكبش يطبخ بالقدور
نـبـي نبحـث كـل ديـره لـه نـمـر *** وين هو ساكن هدفنا لـه نزور
يمـكـن الجـوال مـا عـنـده قـمـر *** قـافـل الـجـوال والـرّد محضـور
خـابـر المنعـور يـبـني وايـعـمر *** بستراحه شاد قصر وشاد سور
وكـانـه بـدار العـماهيج الحـمـر *** يا حسافه حـال من دونه بحـور

قال الشاعر حسن بن سماح النومسي هذه القصيدة جواب لقصيدة
عبدالله بن دهيمش بن عبار : 860

مـرحـبـابـك عــد وبـل مـنـهـمـر *** مرحبا تنبع من حساس وشعور
مـن سمع قصايـدك يجـني ثـمـر *** بالشعر تخوض بأعماق البحور
مجـدكـم بالـعـز مبـطـي مستمـر *** نلتم الأمجاد من ماض العصور
الـنـمـر يـجـيـب يـالـوافـي نـمـر *** بـيـتكـم بالعـز والطيّـب معـمـور
يا أبو مشعل حضرتك يامر أمـر *** يا مـقـر العـز يـا وافـي الشبور
خـوتـك يا رمـزنـا فرصة عـمـر *** مـا توفيهـا المشاعـر والسطور
بالليال البيـض هـن ويا السّـمـر *** يشهد الله ما حصل منكم قصور
يا سيوف الهنـد قـدمـات النّـمـر *** يا وريـث المجـد يا نمـر النمور
والشّكـر مـقـرون فيها وانغـمـر *** مـن رفيـق في رفيقه مـا يـبـور
والصـلاة اعـداد حـاج ومعـتمـر *** للرسول الـلي عطاه الـرّب نـور

هذه الأبيات من قصيدة للشاعر حسن بن سماح العنزي يثني على
عبدالله بن دهيمش بن عبار : 861

ثـم أكـررهـا وأقـول أبـو مشعل يا هلابـه
يوم جانا بمحتفلنا صارت الحفله جميله
شاعـر وتاريخ ربـعـه ألـفـه ثـم اعتنـابـه
تفتخـر بـه لابـة الويلان والـلي تنتميلـه
بـه حـميّـا للقبيلـة مـن بـدأ مطلع شبابـه
والجهود الـلي بذلها لعزوته يندر مثيلـه

قال عبدالله بن دهيمش بن عبار هذه الأبيات جواب لأبيات الشاعر حسن بن سماح : 862

جني بيوت أبـو فارس ثـم بديـت بجوابـه
حسن الشهم الكريم عادتـه كسب النفيله
أخو فهد حي فاله نعـم في حضرة جنابه
طيّب وله علم غانم جزل وعلومه جزيله
الصدّيق اللي نوّده ماسلك درب المعابه
بالجواء بيتـه مشيّـد دوم يدعينا ونجيلـه

قال الشاعر عادل بن إبراهيم التويجري العنزي هذه الأبيات يسند
على عبدالله بن دهيمش بن عبار : 863

أهـلا هـلا بـالوايـلي نـسـل الأحـرار *** فرحت بك بريده وذا اليـوم عيـده
شفهـا تجـمـل في قـدومـك بالأزهـار *** فـرحـت لقـاك اترجمه في قصيـده
معهـا خـبـر قافـك إذا بوصفهـا سـار *** مـا يـوقـف إلا والقيـامـه وعـيـده
في خيـمـة عقيـل أنتشرف بالأخـيـار *** ما ياصله من هو علومـه مـريـده
فيهـا تشوف دلال صفـت عـلى النـار *** مـحـكـورة لـلـي مـزاجـه يـريــده
أقـدع يا أبن عـبـار يا رمـز الأشعـار *** يالـوايـلي يالـلي عـلومـك حميـده
علق على جدار الزمن أسمك وصار *** مـا يـنمسح لـو الحـواسـد تـكـيـده
أنت الجبل لو جاه عاصوف ما انهار *** وأنت البحر للي غرف منك بـيـده
ما ينجحد فضلك عـلى صغار وكبـار *** مـرجع لـنـا بأبـياتـك الـلي تصيده
منهـا عـرفـنـا عـدة عـلـوم واخبــار *** لأجـدادنـا يـوم الـسـنيـن الشـديـده
سيفـك عـلى مـن زيّـف العـلـم بـتـار *** والـلي هـروجه كذب مالـه مفيـده
ويا كم سمعنـا من حكم تبهـر ابهـار *** وأنـت الـذي نظـم القوافي تجـيـده
ربك عطاك أشياء مـا هـي مع أكثـار *** شاعـر وكاتـب والمواهـب فـريده
ولنـا الفخـر في دعوتك يا أبن عبـار *** أنـك تـكـون بـحفـلـنـا فـي بـريـده

قال عبدالله بن دهيمش بن عبار هذه الأبيات رداً على الشاعر الشاب
عادل ابن إبراهيم التويجري : 864

سمعـت قـول الـوايـلي طـيّـب الـكـار *** الـقـرم شغـمـوم الـعـيـال الـوليـده
عـادل يا عـلـه من طويلين الأعـمـار *** عـسى تـدوم أيـام عـمـره مـديـده
وعـسـاه يـنعـم بـالهنـا عـبـر الأدوار *** وعـسـاه دايـم بـالحـيـاه السعيـده
بجـاه الـولي منـزل هماليـل الأمطـار *** يعـيش فـي دنـيـاه عيشه رغـيـده
عادل سليـل الـلي لهـم عـلـم واذكـار *** تـواجـره عـوق العـصـاه العـنيـده
تـواجـره بـجـوارهـم يـدلـه الـجــــار *** ومتـمسكيـن بـديـنـهـم والعـقـيـده
تـواجـره تـاريـخـهـم عـم الأقـطــــار *** لـهـم مـفـاخـر مسمـلات وجـديـده
سلسـل نـسبهـم مـن مـفـرج لـجـبـار *** الجـد يخـبـر بالمـنـاسـب حـفـيـده
ولا أنـت يا حـرٍ عـلى وكـر صـقــار *** مـثـل القـطـامي مـا كـفـوفـه بليـده
قلته وأنا لـك يا أبـن الأجـواد شكّـار *** تشكر عـلى نظـم البـيوت المجيـده
حيثك ذكرت اللي عملته من اصـدار *** تـاريـخ تـفخـر بـه جـميع البـديـده
شادوا بمجهودي طـويليتن الأِشبـار *** بالقص وضحت العـلـوم الـوكـيـده
اعـتـز وافخـر في صليبين الأشـوار *** ولا الـردي كـوبـان ربـي يـبـيــــده
والخـاتمـه نشكرك يالمخلص الـبـار *** مشكور يا راعي الهـداف البعـيـده

قال عبدالله بن دهيمش بن عبار العنزي هذه القصيدة بمناسبة تكريم فهد بن
محمد الطوب لرجال من قبيلة بني عطيه وقبائل أخرى بالوائلية بحايل: 865

مبـداي بسم الـلي يسوق الهـبـايـب *** عـلام بـأسـرار الـعـبـاد الـخـفـيـات
لـكـم عـلـيـنـا يـالـنـشـامـا وجـايــب *** بـقـدومكـم نـبـدي جـزيـل التحيـات
في قـصر قـرم دوم بالطيـب طـايـب *** فـهـد أبـو خـالـد أهـدافـه رفيـعـات
من كان حاضر سد عن كـل غـايـب *** عسى تـدوم أفـراحـكـم والمسـرات
والـنعـم والـلـه يـا اعـزاز الطنايـب *** نعـم بكـم يـا أهـل السلـوم القديمات
أنـتـم مـدابـيس الـوغـى بالحـرايـب *** صـيـد الـرجـال النافـليـن العطيـات
وعـضودهـم بالمعضـلات النـوايـب *** ساعدهم الأيمن شخوص العقيلات
واسنـادهـم يـوم السنين الصعـايـب *** نـقـوة شغـاميـم القـروم الخميسات
سـلايـل الـلي مـا بـنسـلـه شـوايـب *** مذكـور من عـقـبـه ثـلاث البديـدات
صافين من صفوة عـريب النسايب *** مـعـاز أخـو عـنـاز مـا فـيـه شكـّات
نفـخـر بـطـاري عـلمكـم يالقـرايـب *** يـا بـعـدكـم عـن الـعـلـوم الـرديــات
أهـل الـبـيـوت الشامخـة بالجـذايـب *** ما قطبـت عـن الهواشـل بـروقـات
ريـف الـبـداه الـلي بكـور النجـايـب *** أهـل المعـاني والـربـاع الفـضيـات
دايـم تـشـوح ردونـهـم لـلـركـايــب *** لاجـن هـجـافـا والمـزاهـب خـليـات
أول قـرى لـلـضيـف فـنـجـال رايـب *** مصبوب من صفـر الدلال العذيـات
وبـعـده عصيـب مـربيـات الجـلايـب *** عـيت الكباش المكرمات السمينات
بكـم أفتخـر واطـول والقول صايـب *** مـا هـو تـملـق بـالكـلام ودعـايـات
أقـولـهـا وأفـعـال ربـعـي عـجـايــب *** عـنـاز نـكتـب مـجـدهـم بالسجـلات
شجعان يـوم الـذود يحمى بجنايـب *** بالعصراللي سلمه مغازي وغارات
يـرعى دبـشهـم دوم بالقـفـر سايـب *** حامينه بحـدب السيوف الرهيفـات
أولاد وايـل مـا رضـوا بـالـغـلايــب *** كانوا على باشات الأعجام باشات
خـلفـت نـزار ومـن ربيعـة صلايـب *** يـا مـا بـرز حـكـام منـهـم وسـادات
ولا أحـط فـي بـاقي القبايـل معايـب *** الـلي بهم من سلم الأجـواد عـادات
كـانـت مـفـاعـيـل القبـايـل غـرايـب *** لـهـم بـعـركـات المعـامـع بـطـولات
والحمـد لـلـه زال عصـر الطـلايـب *** اليوم حكم الشرع فض الخصومات
حـكـم الـعـدل بـدد جـمـيع السبـايـب *** الـلي يفـرقـن الجـماعـة جـماعـات
صار بأمان الـلي من الخوف هايب *** وأدبـر زمان التفـرقـة والحـزازات
وتحـقـقـت للشـعـب كـل الـرغـايـب *** العـلم عـم ودور عصر الجهل فـات
فـي ضـل قـادتـنـا جـزال الـوهـايـب *** نـنعـم بأمن وفي كـرامـه وخيـرات
الـلـه يـكـافـيـنـا البـلا والـمـصـايـب *** ويـفـكـنـا مـن شـر كيـد العصابـات
وصلوا عـلى الـلي يذكره كـل تايـب *** المصطفى المختار في كل الأوقات

قال الشاعر عبدالرحمن أبو قويني العطوي هذه القصيدة مجاراة لقصيدة
عبدالله بن دهيمش بن عبار العنزي : 866

يـا مـبـعـدٍ مـسـراك فـوق الـنـدايـب *** الـضـمـر الـلـي حـفـزن للمسافات
الـلي يـمـرن مـر عـجـل السحـايـب *** لا حـدهـن ضـلـعٍ ولا ظـيـم قـارات
مـنـجـبـات الـجـد مـا هـن نـهـايــب *** ما مسهن في عدهن همس قـالات
فـج النحـور معـورضات الجـنـايـب *** السبق فيهن واضـح لـه عـلامـات
صفـن تعالـن عـن هـفـا كـل شايـب *** لهـن طواري لطروا القـوم هـيـات
عـادات أهـلهـن يكسبون الحـلايـب *** يـوم القـبـايـل بين غـاره أوقـعـات
بـني عـطـيـه يـوم عـقـد العصايـب *** تـزرع بجوف اللي نواهم مخافـات
يـا معتـليهـن جعـلـك الـيـوم ثـايـب *** أنـا نـصـيـتـك دونـهـن لـلـمهـمـات
تاصل لأبن عـبـار ريـف الصحايب *** عـادل زمان الـلي شكا فيـه ميـلات
الشاعـر اللي عن هل القـول نايـب *** حيـثـه عميـد القـافـيـة والجـزالات
الكـاتـب النـسـاب لـلـصـدق جـايـب *** مذخور علمه ما حوته المحيطـات
مـن لابـة لا جـيـب عـلـم الـلـبـايـب *** أهـل العـلـوم النـافـلات الشريفـات
أهـل الكرم وأهل الصدور الرحايب *** الضيف يقـلّـط والضيافـة كرامـات
أهـل المـروة وأن هـبـا كـل خـايـب *** عون الضعافي بالسنين العسيرات
مـا حسبـوا أهـل الشيّـم للضـرايـب *** ولا ودهـم بـيـن القبـايـل وجاهـات
وأن جيت أريد أذكر فعول غـوايـب *** في ماضي فيـه الشقاء والنزاعات
أولاد وايـل مـا حـسبـوا للحسـايـب *** مضرب مثـل لـلي يعـد الشجاعـات
كـم مـن غـريم شـب جوفـه لهايـب *** وكم من شجاع حارب النوم مابات
وكم من شقاوي عاف شقرا ذوايب *** ودع خـليلـه يـوم شـاف البسالات
وحـيـدهـم وقـت الحـرايـب كـتـايـب *** يفني شجاع القوم منهم جماعـات
أقـولـهـا فـي مـدح ربـع حــبــايــب *** أولاد عـم وطـاري يـرفـع الــــذات
وفي مدحهم زفيت عـذب الجوايـب *** يستـاهـلـونـه مـا نطقـتـه مـراوات
ويوم طويت القاف عن وقت شايب *** روح بحملـه من غـوانـم وتيهـات
وصبح بعض علمه مع العمر ذايب *** جبنـا مـن الحاضر عـلـوم جليلات
تـبـرابـهـا الـلي بالجهـالـة خـرايـب *** وتجمع شتات اللي ذرته المتاهات
صرنا مع التوحيـد عـقـب النشايـب *** أخـوان دايـم نجـتـمع بـالصلاوات
مـا فـيـه نـذخـات ولا فـيـه عـايــب *** غير الذي ما أهداه رب السماوات
الطـرش يـرعى في وطنـا سوايـب *** واللي مشى في طرقته له سلامات
الـلـه يعـمـره مـن هميـل السكايـب *** يـسـقـي وطـاه ويـرتـون العـلـيـات
وتسيـل مـن هـدره كبـار الشعايـب *** ويزهرنبات الأرض ويصير باقات
وتطـلـق بهـايـم عـوقتها الـزرايـب *** أبـطـأ عـلفهـن مـن شعيـر وبـالات
وخـتـام قـولـي يـا رحـيـم التـرايـب *** تـغـفـر لعـبـد طـامـع فـيـك لا مـات
يوم أن يحطوا فوق قبـره نصايـب *** عقب الحياه وعـقـب ذوق الملـذات
وصـلاة ربـي عـد شـوف الـرقايـب *** عـلى الشفيع الـلي يسن العـبادات

قال الشاعر بدر بن صالح الفرحان الجلعودي العنزي من أهل الخبرا هذه ا
لقصيدة يرحب بزميله عبدالله بن دهيمش بن عبار العنزي : 867

عـبـدالـلـه الـعـبـار حيـيـت حـيــيـت *** يـا مـرحـبـا يـوم لـفـيـت وتـعـنيــت
أي والله اسمع بـك وودي بشـوفـك *** جيـتـك مـن الـدمـام ولشوفتك جيـت
امشي بـدون شعــور بالـخـط طـايـر *** عانـي مـن الـدمـام أمشي بـلا ليـت
عـنيـت متـلهـف لشوفـك ومشتــاق *** أفـخـر بشوفـت حضرتك يوم طليت
شاعر ولك بالشعر صولـه وجـولـه *** لـي الفخـر لا قـلـت قـدامـك الـقـيـت
وأخبرك باللي بالفخر معجبن فـيـك *** أنـك بـشعـرك دون لابـتـك ضـحيـت
وافي مثـل جدودك ولاهي غـريـبـه *** مـا دامـك بـدار الـشـهـامـه تـربـيـت
أقولها من قـلـب مخـلـص وصـادق *** يـا مـرحبابـك مـن هنـا ليـن تكريـت
شـرفـتـنـا يـالـقـرم بـزيـارتــــك ذي *** شـرفـتـنــا فـي جـيـتـك يـوم لـبـيـت
أي والله أفرحبك مثل فرحة السيـل *** لأجـلـك حضرت ولا أنا عنك صديت
والمـعـذره كـانـه بـدأ مـني قـصـور *** والمـعـذره كـاني بمـدحـك تبـاطيـت
عـنـدي طلب لي الشرف لـو تلبـيـه *** يـا لـيـتـك تـلبـيـه يـا لـيـت يـا لـيـت
فـي كـل سـنـه ودي تسيّـر عـلـيـنـا *** هـذي منـاتي صـدق لا مـن تـمنـيـت
وأخـتـم كـلامي عـدد ما طـار طـايـر *** واعـداد حـبـات الرمـل والنوابـيـت
عـلى نـبـي بـشـّر الـخـلـق بـالـديـن *** صلـوا عـلى محمد معي يوم صليت

قال عبدالله بن دهيمش بن عبار هذه القصيدة رداً على الشاعر بدر بن
صالح الفرحان الجلعودي : 868

أشكـرك يا بـدر عـلى نـظـم قـيـفـان *** حيثـك بـنـا في محفـل الـربع حييـت
الله يثيبك جيت من غـرب ظـهـران *** ورحبـت فـي لفـوت زميلـك وهـليت
دامك لشوفي يابن الأجواد شفـقـان *** أنـا بـكـلامـك يـالـزمـيـل استعـزيـت
يا بـدر غـايت منوتـك بـر واحسان *** ولـي الشرف لـديـاركم كـان سجيـت
أشكر نسل فرحان في كـل الأحيـان *** العـزوه الـلـي فـي لـقـاهـم تـهـنـيـت
أهل الكرم والجـود والقـدر والشـان *** عاداتـهـم ذبـح المهاجيـل والعـيـت
الشكـر والـعـرفـان لـعـيـال فـرحـان *** مـن مارثة جلعـود يا حي ما طريت
الـلابـه الـلي مـن صماصيم حـمـدان *** فخـذ العمايـر ساسهم كـان قـصيت
سلايل حضيري حـمـايـل وشجـعـان *** مرويـن حـد المرهـفـات المصاليت
حماية الريشا عـلى الخيـل فـرسـان *** يوم اللقاء عـوق العصاه الـزناتيت
رجـالـهـم صـنـديـد للخـصـم مــالان *** لا صار طعـن يـفتت العـظـم تفتيـت
وأعتـز في عـنـاز حضـره وبـدوان *** العـزوه الـلي مـا شنـوها الشواميت
من خيبر الحـرة إلى غـور بـيـسان *** ومن ديـرة البصرة اليامنطقة هيـت
داجوا بها الويلان بالسيف شامـان *** وعـلومهم بالطايلـه مثـل ما اوحيت
هذا جوابي وأبلـغ الشكـر الأخـوان *** الـلي احتـفـوبي يـوم للـديـره الفيـت
ثـم السموحة كـان بالقـول نـقـصان *** مشكـور يالمنـعـور بالـحـق وفـيّـت
يتبع

تابع
قال الشاعر سليمان بن إبراهيم الفرحان الجلعودي العنزي هذه القصيدة
يسند على عبدالله بن دهيمش بن عبار العنزي : 869

بـسـم رب الـبـيـت كـشّـاف الـعـلـل *** يـعـلـم الـلي خـافي وسـط الصـدور
مـرحـبـا بـالـوايـلـي ابـن الأصــــل *** ومـرحـبـا بالـلي معـه جـانـا يـزور
مـرحـبـابـه عـد مـا وبـل هــطــــل *** مرحبـابـه فـي عـدد ريـش بالطيور
وايـلـي لا بـغـى الـمـعـنـا حـصـــل *** صخـره بأبـيـات جـت له من بحـور
أفـرحـي يـا بـلاد وافـرح يـا جـبـل *** وأفـرحـي يا شجارهـا وكل الزهور
مـرحـبـابــه يـوم بــبــلادي نــــزل *** ديـرتـي بـه نـور وأزدادت بـنــــور
ديـرة الـخـبـرا تـحـيـي مـن وصـل *** فـي ريـاضه وأفرحي بـه يا قصور
قـولـنــا صـادق ولا جـابـه زلـــــل *** جـدنـا سـالـم فـعـل لأجـل الـجــذور
وأشـهــد أنــه مــا قــال الـمـــثـــل *** كـل قــوم غـيــر عــنـاز الـنـمــــور
والـقـبـايــل كـلـهـم فـيـهـم بــطـــل *** والـقـبـايـل كـلـهـم فـيـهـم صـقــور
قلـت أنـا الأبيـات وأشعـر بالخجـل *** كيـف أقـوله عند من ينحت صخور
مـيـر عـفـوك يـالـبـنـاخي بـالخـلـل *** واطـلـب السماح مـنكـم يالحـضور

قال عبدالله بن دهيمش بن عبار العنزي هذه القصيدة رداً على الشاعر
سليمان بن إبراهيم الفرحان الجلعودي العنزي : 870

حـي مـن خـط الـقـوافـي بـالسجـل *** نظم ابن فرحان صاغـه بالسطــور
مـرحـبـابـه عـد مـالـقـمـري زجـل *** وعـد مـا بالكون من كـوكـب يـدور
ودي أن الـرد يـوصـل لـه عـجـــل *** وأشكـر المنعـور بالصوت الجهور
والـلـه الـلـي يـعـلـم بـغـيـب الأجـل *** مـا لقولك يا بن إبراهيم مخصور
قـلـتـهـا مـا قـلـتـهـا زيــف ودجــل *** وأحـمـد المولى سليم مـن الغـرور
وأنـت يـا سليـمان يـا نعـم الـرجـل *** أفـتـخـر بـك وأنـا فـي ردك فـخـور
يالسنـافـي مـن كـلامـك لا تـخـجـل *** حيـث شعـرك صـادق مـا فيـه زور
بالـتـهـلي زلـت عـن فـكـري وجـل *** فـي تـعـابـيـر المشـاعـر والشعـور
وأنـت مـن لابـه يـفـكـون الـهـجـل *** الـمسـوح الـلـي عـلـى بـوّه تـخـور
يـوم سرد الخيـل بالبـيـداء تـحجـل *** فـعـلهـم بـالـكـون بـالـقـوم مخبـور
يـقـدم الـفـارس ولـلـسـربـه يـجــل *** يـوم زرق الشلـف يطعـن بالنحـور
الـكـهــل مـنـهـم يــقـلـده الـنـجــــل *** وارثـيـن الطيب مـن قـدم العصور

وهذه القصيدة أرسلت عبر منتدى العبار من نظم الشاعر فيصل بن عبدالرحمن بن
عبدالله التويجري العنزي يسند على زميله عبدالله بن دهيمش بن عبار العنزي : 871

سر يا قلم وأبـتـد بجـزل التراحيـب *** بالـوايـلي راعـي العـلـوم السفيـره
عبـدالـلـه العـبـار مـدي المواجيـب *** الـلي نـظـم شعـره بمجـد العشيـره
فدعاني المجـنى حصـان الأطاليـب *** مـن لابـة يـوم الـمـلاقـا شـهـيـــره
فدعان بالهيـه عـطـاب المضاريـب *** حـمـر النـواظـر في نهـار المغيـره
قـوم تعـلـوا فـوق روس المراقيـب *** أهـل الـفـعـول الطـيـبـات الكـثـيـره
من صلب وايل لابـة تمقت العـيـب *** يشهـد لـهـم بالطيـب في كـل ديـره
سلايل الـويـلان عـوق الحـواريـب *** أهـل سـيـوف بـالـمـلاقـا شـطـيـره
ربـعي هـل العادات كسابت الطيـب *** أولاد وايـل طـيـبـيـن الـسـريـــــره
ومدحي بأبن عبار مابـه عـذاريـب *** رجـل يـمـيـنـه بـالـمكـارم خـبـيـره
ترفع له البيضا بـروس الشخانيـب *** رجـل جعـل خـدمة ربوعه مصيره
يستاهـل النـامـوس نسّـاب وأديـب *** يـذود عـن وايـل قـلـيـل نـظـيـــــره
قيفان شعره كالسيوف المحـاديـب *** فـي وجـه مـن شـره مقـفي بخيـره
سطـّر لنـا أمجـاد القبيلـة بتـرتـيـب *** يـا كـم واحـد قـد نـهـل جـم بــيــره
رجـل صميـدع بالمهمـات كالـذيـب *** يشعـب عـلى درب المعـالي بعيـره
رجـال وافـي مـابـهـا شـك أو ريـب *** يـرجي رضى رب ربـح مستجيـره
تسلم يا أبن عبـار يا ماكـر الطيـب *** يالـلى عـلى درب المراجـل مسيره
وصلوا عـدد مايشرق البدر ويغيب *** عـلى نـبـي سيـرتـه خـيـر سـيــره

جواب عبدالله بن دهيمش بن عبار العنزي على الزميل الشاعر فيصل ابن
عبدالرحمن بن عبدالله التويجري العنزي : 872

يا مرحبـا حيـيـت يا طـاهـر الجيـب *** يا فيصل الـلي بـك حميـه وغـيـره
فيصل نعـده من اعـزاز الأصاحيب *** الـصـاحـب الـوافـي نـعـده ذخـيـره
شروى جنابه نـذخـره للمصاعيـب *** الـلي بـوقـت الـلازمـه نـستـشـيـره
ولا الردي لوهومن أدنا الأقـاريـب *** مـا فيـه ثـابـه كان صارت جـريـره
الحـر يعـطـب صيـدتـه بالمخالـيـب *** والتـبع عن صيد الجـزايـل عثيـره
الوايـلي فيصل عـريـب المجاذيـب *** عسى الـولي من كـل عايق يجيـره
لك الشكر يالوايـلي قولـك مصيـب *** صغـت القوافي في معـاني غـزيـره
مجنـاك من لابـه تـروي المغاليـب *** نـسـل الـتـواجـر لـلـمعـادي نحيـره
الكل يشكر طيبهـم عـقـب تجـريـب *** يذكـر فخرهم كـل شعـب الجـزيـره
للطـيـب يا فيـصل تـدربـت تـدريـب *** ولـك نفس بعـلوم المراجل جديـره
وأنـت الذي تفهم جـميع الأساليـب *** والصـدق تـدركـه العـقـول المنيـره
الناس خاضت بالعـلـوم الطباطيـب *** الـلـي يحـطـون الـصغـيـره كبـيـره
الكـل يـبـغـي جـده الـزيـر وكـلـيـب *** والكل صابـه يا أبن الأجواد طيـره
الصـدق يـبـقى ولا تـدوم الأكاذيـب *** والـزيـف مـابـه للـقـبـيـلـه بـريـره
الـزور والتحريـف مابـه مكاسبـب *** ولا فـاد تحريض الجموع الغـفيـره
والرابح اللي جنب الحيف تجنيـب *** ومشى عـلى الواقع بفهم وبصيـره
وايـل ضنـا عـنـاز مـابـه معـايـيـب *** هـو جدنـا المشهور ما نريد غيـره

قال الشاعر محمد بن فرعين العنزي هذه الأبيات وقد أرسلها منتدى
العبار لزميله الشاعر عبدالله بن دهيمش بن عبار العنزي يقول : 873

هـات الـقـلم نكـتـب بـيـوت جـديـده *** من شعر ابن فرعين توه مسويــه
وأرسلـتـهـا لـلـي حـبـالـه جـويــده *** القـرم أبـو مشعل لـه القاف نهديه
قـرم العـيـال الـلي اهـدافـه بـعـيـده *** يا حـي رجـل مـاشي درب أهـالـيـه
ما اقلتهـا من شان مقصـود اريـده *** لا شـك واجـب عـلى فـعـله نهـنيـه
يـا حـي رجـال عــلـومـه فـريـــــده *** لـه مـنـزل عـالـي وفـعـلـه معـلـيـه
مـواقـفـه يـوم الـظـروف الشـديـده *** يـوم الرجـل يصد عـن وجه ناصيه
يـوم الـرجـل هـمـه يـجـمع رصيـده *** يحب فعـل الخيـر والجـار يرضيـه
نويـت أبـي أنشر مدحكم بالجـريـده *** وأقـول أبن عـبـار ما أحـدٍ يباريـه
قولـوا معي يا أهل العـلوم المجيـده *** أدعـوا لعبدالله عسى الـلـه يقويـه

قال عبدالله بن عبار رداً على زميله محمد بن فرعين العنزي : 874

جـانـي مـن محـمـد عـلـوم مـفـيـده *** أبـيات من نظمه تقـل مسبك جنيـه
حي الـزميـل الـلي عـلـومه وكـيـده *** مظمون قـولـه نفتخـر فـي معانيـه
يـثـنـي عـلـى مجـهـودنـا لـلـبـديـده *** الـلابـه الـلي دوم نـفـخـر بطـاريـه
الـلابـه الـلـي بـالـمـلاقـا عـنـيــــده *** الـلـي مـعـاديـهـا تـضـده وتـكـديــه
عساك يـا محـمـد حـيـاتـك سعـيـده *** جـاك الجـواب ولا لقـولـك مـزاليـه
عديت من جهـدي مواقـف عـديـده *** تسلم عـلى مـدحك لك الشكر نثنيه
وشروى جنابك نفتخر في حـميـده *** الـمـحـتـرم شـرواك ربـي يـحـيـيـه
يفـداك الـلي ضدي يحـوك المكيـده *** الـلي يـدور لطـيّـب العـلـم تـشويـه
والـعـذر مـن تـاخـيـر رد القصيـده *** شروى جنـابـك لـه علينـا مشاريـه

هذه الأبيات من نظم الشاعر متعب بن عيد بن مرهق الغضوري وقد ارسلت عبر
جوال الشيخ بندر بن محمد بن عيد السويلم نجل أحد مشائخ قبيلة الغضاورة : 875

يا عيال وايل صوتـوا لأبن مشعـان *** يستاهـل التصويت يا عـيـال وايـل
أما البيـارق مـن قـديـمات الأزمـان *** رفعهـا أبـو مشعل جـزيـل الفعايـل
يـوم أرتـكى للحـمل شالـه بلـيـهـان *** يشهـد لـه التـاريخ هـو والقـبـايـل

وهذا جواب عبدالله بن دهيمش بن عبار على الشاعر متعب بن عيد : 876

يا متعـب أبن عيـد تذكـر بالأحسان *** وتشكر عـلى نظم البيوت الجزايـل
يالقـرم لـك مـني تـشكّـر وعـرفـان *** حـيـثـك تصـرّح بالعـلـوم الصمايـل
وأهـل الحميه هـم سلايل سليمـان *** هـذا الـوكـاد ولابـهـا قـول قـايـــــل
وبندر أبـو خالد بعـلـم الفخـر بـان *** نسـل الحـمايـل من سلايـل حمـايـل
أبـن سـويـلـم مـن مقـادم عـلـيـان *** يا مـا كسب من غـانـمات وجـمايـل

وقال الشاعر متعب بن عيد بعد أن سمع كلمه من أحد الرجال فلجمه : 877

يا هجوسي يا هجوسي بالعجل ناديتك
حضري لي بالبيوت الوافيه واجملها
يا قريحة دام أنا من شط العرب غذيتك
والله أن أبيات شعري لا اقضها وافتلها
كم وكم يالقافية عـلى الـوعـر مشيتـك
وكم وكم يالقافية جبنا الدرر واجزلها
لا حصل بعض المواقف يمها هـديتـك
اصخرك صخر الدناميت لجبال لهدا واشعلها
أسمع أسمع يالمعذرب دام انا خصيتك
السوالف دامها وصلت لأبن عبار ما نجهلها
معـقـب الفنجـال كـان أنـي لهـا خليتـك
بالأسف بعض الأوادم هـرجها فشلهـا
لا تحسب أن المراجل بس خذني جيت
المـراجـل يعـجـز الـرجـال مـا حصلهـا
المراجـل فـاز فيها يرحـم الـلـه مـيـتـك
شاعـرٍ مـثـّل قـبـيـلـه كـامـلـه بـكـمـلـها
فاز فيها اللي جهلته بس عنهـا أنبيتـك
تعـرفـه كـل الـرجـال الـتـالـيـه وأولـهـا
أبو مشعل هو فخرنا وعنـه أنا حديتـك
الأديـب الـلي فعـايـل لابـتـه فـصـلـهـا
أبن عبـار أفتخـر بـه مـار أهجـد ليتـك
الفعول اللي وصلها أنـت مـا تاصلهـا
خل عنك النقد وأجلس واسترح في بيتك
لا تحـسب أن المـراجـل لـقـمـةٍ تـاكـلـهـا
التهـاون والسهولـة مـا تشـيّع صيـتـك
لا تحسب أن المعـالـي صيـدةٍ تخـتـلهـا

فأجاب عبدالله بن عبار بهذه القصيدة رداً على زميله متعب بن عيد : 878

يا متعب عساك تسلم بالشريط أوحيتك
عاش من قال البيوت وعاش من سجلها
حيث ساقـتـك الحمية عـدنـي وصيتـك
والمراجل يا أبن مرهق قدها وتفعلها
أنت من أهـل الحميه والفخـر عـديتـك
ما تجـامـل من كلامه مثـل خبط البلهـا
وأنت لو ما فيك غيره كان ما هميتـك
الحميـه بـك طبيعه يصعــب اتعـدلهـا
أنـت سيـفي باللـوازم للعـدو سنيـتـك
تنطح خباث النفوس المخبثه تزعلها
حي من سموك متعب مار أنا سميتك
طير شلوى كان هد المسمنه يجطلها
وأنـا شرواك أفتخربه قـلتها وهنيتـك
بالرجولة والبساله حيثك من أهلهـا
حيث لي عندك معزه يالزميل اغليتـك
يالصديق اللي خصومي دايم تجادلها
دام لي عندك معزه حتى أنا عـزيـتـك
لك أهدي جزل التحيه والردود اقبلها
والرجال أهل البلابل لو سالت افتيتك
أن جهـدي يالزميـل كبـودهـم دابـلهـا
قلتها والشكر لله بالجهود أرضيتك
والعلوم اللي تشرف لابتي نعـملهـا
يالكريم اللي لضيفـك دوم تـذبح عيتـك
والرجـال أهـل الكرامه ربعتك مدهلهـا
دايـم لسوق المواشي تـتجـه وانـيتــك
مـا تغاليـت الـدراهم بالصخى تـبـذلهـا

قال الشاعر متعب بن عيد بن رهق الغضوري : 879

مادام مالي مـن وراء المدح مقصود *** مـالـي هـدف غـيـر الـغـلا والـمـعـزه
أبي أمدح اللي بيّض الوجه يا سعود *** الـلـي عـن دروب الـرديـه مـنـــــزّه
في كل موطن لـه عـلامـات وشهـود *** عـيـال وايـل كـل أبـوهـا تـعــــــــــزه
الديـن والأخـلاق والـشـعـر والـجـود *** تـلـقـاه فـي رمـز الـوفـاء كـل حـّــزه
عـبـدالـلـه العـبـار يـرحم هـاك العـود *** الـلـي نـجـب راسـه ولـلـمـجـد لــّـزه

قال عبدالله بن عبار هذه رداً على الشاعـر متعب بن عيد الغضوري : 880

يـا متعـب مـا عـليك يـا مسنـدي زود *** يـفـدونـك الـلي نـفـوسهـم مـشمئـزه
مشكـور يالـلي ما مشى درب منقود *** ولا جـامـل الـلي من العـرب يستفـزه
كـان الـذي سويـت يـالـقـرم مجحـود *** نـقـفـل عـلـى كـل الـوسـايـل بــــرزه
أقـولـهـا ومـن يـظلم النـاس مـقرود *** ولا أشكـل عـلي الـلي مخـيـلـه يـغـزه
علـم الـفخـر يحتاج لـه بـذل مجهود *** وفـرخ الصقـر مـا يـقهـره فـرخ وزه

وهذا قصيدة الشاعر متعب بن عيد الغضوري يثني على زميله عبدالله بن دهيمش العبار : 881

تـوه حضـر القـصيـد وتو جوه صفا *** وتـو شـّرد بـيـوتـه وقـتن لـي هـنـا
وتو سرب الفرايد وسط جاشي لـفـا *** وتووصلت جيوشه عقب جهد وعنا
وتونبض المشاعر من جروحه شفا *** وتـو يـوم التخـاذل والتراضي وانا
يا قصيدي وقيلك ما حصل لـي كـفـا *** اطـلع اطـلع وحلق مـن هنـا لا هنـا
دام عـيـني ورمشي لـك ظـلال ودفـا *** والضلوع المحاني لك سياج وبـنـا
خل عندك اخلاص وخـل عندك وفـا *** حـان وقـتـك تـقـدم والمكاسـب لـنـا
دام مثـل الحميدي ما اعذرك وعـفـا *** خـل برقك يلوح وبالسماء لـه سنـا
ابن صنعا يبيني تبين للوفي ما هفا *** واكرم الـلي لقـومـه بالـمعـارك ثـنـا
ابـو مشعـل سـراجـه لأ أبـد ما طـفـا *** يـعـتبـر للقبيلة كـنـز واعـظـم غـنـا
كـل وقـتـه وجهده بـاذلـه مـا ايخفـا *** شال حمل لو أنـه فـوق ضلع انحنـا
شاعر وبيت شعـره ينحته من صفا *** فـوق زحـل وعطارد شّيد اكبـر بـنـا
ماشكامن شموس ولا شكا من حفا *** مـن الثـرا للثـريا بـه طـموحـه عـنـا
عـن غـريمه وضده مـا تراخا وعفا *** غرس الغرس واثمر ثم هاهو جـنـا
يشبـه المـزن ديـمـه استهـل وضفـا *** جـعـل يـفـداه مـن هـو بالنمايـم دنـا
يا ابن عبـار والـلـه من لجهـدك نـفا *** مـا نصدق كلامـه لـو شتمـك وشنا
المـنـافـق عـلومـه دون وجـه وقـفـا *** كـل ما سـال سيلـه ينحجـر بـمحنـا
لـك سجـل يشّـرف مـا لحـقـك بـجفـا *** وكل ناقـد شهد لك وكل راعي معنا
مـالـك أي وصيف ولا خـلـفك خلـفـا *** فـي زمانك ووقـتن قبـل وقتـك فـنـا
مـا غـفا موق عينك يوم غيرك غـفا *** يبطـن البيض مثلك ما يجيبن ضنـا
انـت والـعـز دايـم والـجـزال حـلـفــا *** يـوم خـطـو الـزلايـب للهـزال زبـنا
امدحـك يـابـن عـمي والردي بمهفـا *** هل الجدعا عضودك كل ربعي وانا
انـت قـدرك بـجـاشي مالـه أيـا ولفـا *** حي فعلـك وعـلمك حـي راس طـنـا
جـاء بنص الحديث بسيرة المصطفا *** ياجب اني ابيّـن لـك لـو انـت بغـنـا
انـت الأول وغيرك مـن بعدك وصفـا *** وانت راعي الوسام اللي يعلق هنا
أنت والمرجله من يـوم جـيـت حـلفـا *** آدمـي خـلـق الـلـه بـكـل اعـتـنــــا
ابن صنعـا احتفتابك والقصيـد احتفـا *** والمشاعر تجاهك تنشد اجمل غنا
يالمعـنـا قـصيـدي مـا وقـف واكتـفـا *** حيل طرقـه تجاهك مـا وقف وانثنا
جـنـك بـيـوت نظـمـه بـالشداد اردفـا *** كلهـن وجهـن لـك زرفـلـه واعونـا
يا رمـوز القـبـيـلـه دون سـر وخـفـا *** اكرموا ودعموه ماانتم عيال أجبنا
الشعـر كـالمعـارك كـان عـجـه سفـا *** وقفتك يا أبو مشعل من أجلنا ولـنـا
يا ابن عبار قـدرك وسط جاشي رفا *** يشهد الـلـه وخلقـه مالـه أي وزنـا
بـمنهـجـك يا عـلمـنـا نستدل عـرفـا *** وسيرتـك يـا فـخـرنـا للنشـامـا مـنـا
المـراجـل نصنـك مسرعـات اصففـا *** رافـقنـك وصرتـم بـالصـعـود قـرنـا
انت رجل شريف ومـن رجـال شرفا *** جـعـل عـود نجبـك فـي نعيم وهـنـا
افتخـر بـك وافـاخـر والجموع وقـفا *** كـان جـت ساعـة فيهـا حيـاة وفـنـا
انـت والسيف الأملح يالـعديم اكتـفـا *** لك وجاهن وجاهن به كفلت اسجنا
انـت بـاحـث مـؤرخ عـادل مـنصـفـا *** يعلم اللـه مثل شعرك ما مر ارضنا
انـت مـنـقـذ مـفـادي محسن مسعـفا *** وانـت وقـت المناحـا تعـتبـر مزبنـا
وانـت لـك الـسـلام الـوايـلي يـعـزفـا *** وانت مال القصيد لحضرتك وانثنـا
الورق يا أبو مشعـل والقـلـم يرعفـا *** مـا يـوفـيـك ريـع الـلي بـذلـتـه لـنـا
واعـتبر كـل شاعـر لا مدحك انصفا *** رغـم جهده وصبره والتعـب والهنا

وهذه الأبيات من شعر الشاعر صالح بن عبدالله الجطيلي يسند على
عبدالله بن دهيمش بن عبار : 882

عـديـت فـي بـرٍ خـلا راس مرجـوم *** وغنيـت من جـزل البيوت العـذابـي
الـقـوم لا قـامـت أنـا أقـوم لـلـقــوم *** مـا دام قـومـتـهـم تـشرف جـنـابـي
جزل القصيد الـلي منـقّى ومحشوم *** لـو مـا نـخـيـتـه بالـلـزوم انـتخـابي
ملزوم أنا في مدح الأجـواد ملـزوم *** وأعـدهـم ذخـري وكـامـل زهـابــي
وأنتـه يا أبن عـبـار للشعـر زيـزوم *** فـيـك الـوفاء والطيب والعـز رابـي
وجه الرجال ومن نبـا روس قـروم *** عـيـال وايـل مـن كـهـول وشبـابـي
هـم لابـتي هم تاج راسي عـلى دوم *** وذاري لامـن الـزمـان انـتـحـابـــي
هـذا سـلام مـن الجـطيـلي ومفهـوم *** لعـيـال وايـل حـافـظـيـن الـوجـابي

قال عبدالله بن دهيمش بن عبار هذه الأبيات رداً على صالح بن عبدالله : 883

حي الكتاب الـلي به القاف مرسوم *** مهـديه لـي صالح عـزيـز الجنـابـي
متـفـقـده عـن كـل عـايـز ومـثـلـوم *** أعـذب مـن السمن الـزلال العـرابي
تعيش يامن صغت بالقاف منـظـوم *** سجـلـت قـافـك يـالـزمـيـل بكـتـابـي
منطق فهيم من الرجاجيل شغمـوم *** أهديـت لـه عبـر المشاعـر اعجابي
أكتب مرد القاف لـو كنـت مزحـوم *** أخـاف مـن قـولـت زمـيـلي كـبـابـي
يا مادح اللي هابهم صاحب الـزوم *** أولاد وايـل بـالـلـقـاء مـا تـهـابــــي
لاجـاهـم الـلي من دنـايـاه مـتهـوم *** عـده بـعـيـطا شـامـخـات الهـضابـي
اللابـه الـلي بالفضايل لهـا سـلـوم *** ما ينتـقص مـن قـدرهـم قـول هـابي
مبطي لهم بالطيب تاريخ واعـلـوم *** بـهـم اتـبـاهـا وأفـتـخـر بـانـتسابـي

قال الشاعر عبدالكريم بن محمد بن سليمان الجطيلي هذه القصيدة يسند
على عبدالله بن دهيمش بن عبار : 884

باسم الجطيلي أرفـع الكـف هالحيـن *** ترحيبة لـك فـوقـهـا ازكـا سـلامـي
يا مـرحـبـا واهـلـيـن عـدة مـلايـيـن *** اسقيتـهـا بالمسك مـن راس زامـي
وغـلفـتهـا بالـكـاد والـورد والتـيـن *** جاتك مثـل تـرف غضيض القـوامي
يا مرحبابـك يا ابن عـبـار وأهـليـن *** ويـا مـرحـبـا بـاولاد وايـل عـمـامي
بيضت لك رايه رفيعـه مـن اسنيـن *** وذبـيـت عن وايل وأخذت الوسامي
نسبت وأرخـت وذكـرت البـراهـيـن *** وكـل عـنـزي لـك يعترف باهتمامي
حقـك عـلينا نحفـظـه داخـل العـيـن *** يـنـبـع بـه الأخـلاص بـالـدم حـامــي
عـليـك لـي مطلوب وأبيـك تعـطيـن *** اقـبـل طـلـب ربـعي وحقـق احـلامي
تكـفـا يـا أبـن عـبـار تـمـم لبـيتـيـن *** أبـيـك تـقـبـل دعـوتي وأنـت سـامي
أبـيك تـشرّف كـل مـن لـك محبـيـن *** تـقـلـط وتـاخـذ واجـبـك بـالـتـمامـي
يالقرم أنا طالبك أريـد أوفي الديـن *** حـيـثـك عـن الـويـلان دايـم تـحـامي
قـلتـه وحـنـا جـدنـا يـعـرف حسين *** ومـدلـج يـقـلـط لـلضيـوف الـيـدامـي
وحنـا على طريق الأجـداد ماشيـن *** نـكـرم ونـلـجـم خـصـمـنـا باللجـامي
واجـدودنا بالطيب والعـز ضفريـن *** عـدوهـم مـن فـوقـه الـطـيـر حـامـي
منا شجاعٍ سـار مـن ضمـن ستيـن *** عـبـدالـلـه المنـعـور فـارس ورامـي
وحنـا تحت ظـل الملـوك المسميـن *** حـمـايـة الـسـنـة عـيـال الأمـامـــــي

قال عبدالله بن دهيمش بن عبار هذه القصيدة رداً على الشاعر عبدالكريم ابن
محمد بن سليمان الجطيلي : 885

مبـداي بالله خـالـق الخلق من طيـن *** رب الـمـلأ خـلاق نـور وظـلامــــي
جـل الكريم المعـتـلي حـامي الـديـن *** منشي سحابـه مـن نفيض الغمامي
ومـن بعـد ذكـر الـلـه رب الأكاويـن *** نـويـت أوضـح بـالقـوافـي عـلامـي
جـواب قـرم مـن الـقـروم المياميـن *** عـبـدالكريـم أرسـل لطيـف الكـلامي
عبـدالكريم ارسل قـوافـيـه يـدعـيـن *** لـه جـل تـقـديـري وجـل أحتـرامـي
لـي الشرف اقـلـط بذيـك الـديـاويـن *** والشاهـد الـلـه شوفكم هـو مـرامي
والنعـم والـلـه بالـرجـال العـزيـزيـن *** عـزوة شغـاميـم الجطيـل الكـرامي
شفت الكرامه عـنـدهم والـنـبـا زيـن *** وعـود البخـور يـقـدمونـه شمامي
يا ابـن محمـد ما كـفـا قـول نعـمـيـن *** اشكـرك يا نسـل الـرجال الحشامي
دعوتك تقبل يا أبن الأجـواد بعـديـن *** لازم نـزورك يـا رفـيـع الـمـقـامــي
خـذ الوعـد يا ريف من جوه عانيـن *** مـن شيـخـنـا بـنـدر عـداه المـلامي
أبـن سـويـلـم يـفـتـهـم بـالـقـوانـيـن *** خـبـيـر بـسلـوم الـرجـال ونـظـامـي
كانه وعدك بيـوم خمسه وعشريـن *** فـي عـطـلـة الخميس مـابـه دوامي
حـنـا مـعـه لـزيـارتـك مـستـعـديــن *** وأطـلـب عسى يحفظك رب الأنـامي
أقـولـهـا وحـنـا لـطـلـبـكـم مـلـبـيــن *** واجـب زيـارتـكـم عـلـيـنـا التـزامي
وصلواعلى الهادي أمـام المصليـن *** تـم الـجـواب وبـالصـلاة الـخـتـامـي

قال الشاعر منصور بن نايف العنزي هذه الأبيات يثني على هزاع بن عايش
أبا الروس وعبدالله بن عبار والشيخ بندر بن سويلم : 886

يا مـرحبـا يا ذوق معـنـا الرجـولـه *** يا تاج مجد الـلي بهم يفخر المجـد
الـكـل مـنـكـم مـيـزنـه افـعــولــــــه *** فعول فعل الطيب ما هو حكي وجد
هـزاع بن روسان شّـرف وصولـه *** الـلي فعـولـه واصلت للفخـر سجـد
الطيب سلمـه مـن زمـان الطفـولـه *** قـولت نعم له صار لصفوفها رجـد
وعـبـدالـلـه العـبـار متعـب ذلـولـه *** بسجـل طلقيـن اليمـاني عـنـه تجـد
تكسيه قولت نعـم عرضه وطـولـه *** الـلي فعـولـه تـبجـد المعتـدي بجـد
أقـول هـذا القـول وأثـنـي واقـولـه *** لفوت مطر صباح ولا أن لفى هجد
نسل الرجال أهـل الفخر والبطولـه *** كسابت الطـولات فـي منطقـة نجـد
عـنـد الأميـر الـلي دعاهـم وجـولـه *** بندر بن سويلم له الفخـر والمجـد

قال عبدالله بن دهيمش بن عبار هذه الأبيات رداً على الشاعر منصور بن
نايف الغضوري ويثني على الشيخ بندر بن محمد العيد السويلم : 887

جـانـي جـواب بـه مـدايـح وتمجيـد *** حـي الجـواب ولا عـلى صاحبه زود
منظـوم شاعـر من كبـار القواصيـد *** منصـور بن نـايـف نـبـاديـه بـردود
دونـك مـرد القـاف مـا هي مواعيـد *** مع السلام اعـداد مـا هبـهـب النـود
سـلام مـني عـدد مـن سـار بـالبـيـد *** عـلى القـدم ولا عـلى ضمّـر الـقـود
يـهـدى لذربـيـن الرجـال الصنـاديـد *** أهـل الفضيلة ما مشوا درب منقود
فيـض المشاعـر بـلغـه دون تحـديـد *** لـلابـه الـلـي كـلـهـم نـقـوة فـهـــود
وأخـص أبـو خالـد سليـل الأجـاويـد *** الغضوري ذكـره مع الناس محمود
بـنـدر أبـو خالـد لـه الطيـب تعـويـد *** يا مـا ذبـح للضيف حـايـل ومفـرود
الـيـا لـفـاه الضيـف قـبـل التنـاشيـد *** يـلـقـاه بالتـرحيـب والهـيـل والعـود
وفـنجال من صفـر الـدلال البغـاديد *** يجلي عـن الخاطـر تعاميس ولهـود
يشبه حمار الورس في شفـة الغيـد *** ولا الخضاب بـراحـة الجادل الخـود
بالمجـلس الـلي مـا يـطـبـه محاقيـد *** مجلسٍ شرف ما داج به كل مقـرود
راعـيـه مـا يـقـبـل كـلام النـمـاريـد *** الـلي يخـوض بسامج القـول مبنـود
بندر على طول الزمن طيبـه ايـزيد *** عـسى الـولـي يـاقـاه مـن كـل لادود
بـنـدر ورث طيبه مـن محمـد العـيـد *** فـيـه التـقى والفهم والحلم والجـود
جدد افعال شخوص الأجواد تجـديـد *** للـمـجـد والـعـلـيـا يـتـلـونـه جــدود
ابـن سـويـلـم بـالـسـجـلات لـه قـيـد *** ميراث مجده ورثه عـود مـن عـود
من العـود الأول للطروس الموالـيـد *** غـذي عـلى در الفـخـر كـل مولـود
غضاوره عـوق الخصوم الأضاديد *** يوم الزمان اللي بـه فزوع وجـرود
شجعان في عصر الجهل بالمطاريد *** ويـوم فقهـوا بالدين ركاّع وسجـود
قصـرت في مـدحـي ولاشـك تجهيـد *** والـلـي ذكـرتـه بالأجـاويـد موجـود
تسلـم يا أبـو نايف فـدوك الرعاديـد *** الـلي فـوايـلهـم مـن الفـايـنـه سـود
اشكـرك يا منصور بمجهودنا تشيـد *** شروى جنابك يالسنافي لنا شهـود
فـنـدت وايـل بـالـتـفـاصيـل تـفـنـيـد *** وعذيت قـولي عـن معيـبـه ومنقـود
عندي على قـولي صحيح الأسانيـد *** وثـقـت الـلي دونـت والقـول مسنود
قلته وأنا واثـق عـن الحق مـا حيـد *** بهم افتخـر واللاش ما عنـه منشود
أرسي على الواقع كما يرسي الحيد *** حيث الصعاب القاسيه ودها صمود
مـا همـني يالـقـرم هـرج الحواسيـد *** أهل الحسد مـا ثـمنـوا كـل مجهـود
مـا هـو بخيـر الـلي يـدور التـناكيـد *** حيثـه مثل عوجان مـا حصل الفـود
والـلي بحـكي البلبـلـه لـه مقـاصيـد *** من فضل رب الكون ما نال مقصود
يتبع

تابع
قال عبدالله بن عبار يثني على سعد الدخيل الله السهلي : 888

المدح يزهى لأخو صيتـه *** يستـاهـله قــرم وسنـافي
الـلي يرحـب الـيـا جـيتـه *** سعد على الطيب متشافي
الشهم اللي ما قفـل بيتـه *** يفـرح اليـا جـالـه الـّلافي
سعـد عـلى الحـر حـليتـه *** يعطب عـذيات الأصنـافي
طيـر السعـد كـان هـديتـه *** بالصيد فعله ماهو خافي

فقال سعد مجاوباً عبدالله بن عبار : 889
قـافـن لـفـانـي وحـيـيـتـه *** وافي واللي مرسله وافي
مـن شاعـرٍ طـالع صيتـه *** بالطـيـب يـافي ويستـافي
أبو مشعل كان ما اطريته *** باسمه كل الناس عرافي
وبجـاه مـن حجـوا لبـيتـه *** عـساه طـيّـب ومـتـعـافي

وقال عبدالله بن عبار مجاوباً للمرة الثانية : 890

سعد عـلى الطيب هنيـتـه *** دايـم على الجود مزهافي
لو قلت بالمدح ما اوفيته *** المدح الأول ما هـو كافي
والقرم أبو بـداح عـديتـه *** مـحـمـد بـعـيـد الأهـدافـي
وأبـو خـالـد مـا تـناسيتـه *** عـبـلان بالمرجـلـه نـافي
من لابةٍ عـلمهـا أوحيـتـه *** حـمـايـل دمـهـم صـافــي
تـاريخهـم كـان قـصـيـتـه *** خلفـة شغاميم و اشرافي

وقال عبدالله بداح السهلي بعد أن سمع مدح سعد مداعباً :
ياسعد وش علمن أوحيتـه *** بالمدح تضرب بـك أوصافي
أبـو مشعـل لـيـه غـشـيـتـه *** الـلـه يـستـر مـنـك يا كـافـي

وقال عبدالله بن عبار مجاوباً أبو بداح : 891

أمـدح سعـد كيـف سبـيته *** ياللي لمدح الصخي نافي
سعـد جاورتـه وخـاويـتـه *** ذبـايـحـه حـيـل وخـرافي
فـنجالـه الـيـا تـقـهـويـتـه *** مـن ريتحه يقعـد الغـافي

فقال عبدالله البداح معتذراً : 892

الـرد مـنـكـم تـحــريـتــــه *** يا أبو مشعل بادع القافي
جـاني بـوقـتـه وتـوقـيتـه *** وسلطت على نوركشافي
سعد عـلى شانك أرضيته *** ولا يرجع الشي لا طـافي
قـلـت كـل الطيب سـويتـه *** المدح بـك حق وأنصافي
جت لـك عـلى مـا تمنيتـه *** قـبـل مـا يـدمهـا السافـي
ذراعـي للـصـلـح مـديـتـه *** تقديـر ما القصد خـوافي
فـسّـر عـلى مـا تـوريـتـه *** يامـن لـه بالعرف ميقافي
أخـطـيت أنـا كـان ذمـيتـه *** دام أبو مشعل بالأطرافي
من دونـه الياس طـويتـه *** وأعلنت غزوي بالأنكافي
يا ليـت ذا المـدح يا ليتـه *** بأبومحمد مردف الحافي

وقال عبدالله بن عبار مجاوباً أبو بداح : 893

منظوم أبو بداح جـاريتـه *** والقـاف عسفـتـه عسافي
عرفت أنا القرم واغـليته *** عز الخوي ريف الأضيافي
الهدف صبته ولا اخطيته *** يا مجنب المنطـق الجـافي
مـسـالـك الـدرب دلـيـتــه *** حيـث أنـت فاهـم وعـرافي
البيت الـلي بسعد سويتـه *** تقـولـه بـروس الأشفافي
لـكـن بـه الـمـدح رديـتــه *** والطـيـّب لخـملـتـه رافـي
سـعـد الـيـا شـد وانـيـتــه *** يحضر عريضات الأظلافي
جـاب الـذي كـان جسيتـه *** ما فيهن هـرام وأضعـافي
مـن جـود يـمنـاه عـزيتـه *** كـريـم ولـلـمـال مـتـلافي
يـفـداه مـربـي تـوالـيـتــه *** الـلي تـقـل زول غـريافي
سعـد عـلى الـربع بـديتـه *** وجميعهـم مـابهـم هـافي

قال الشاعر عبدالله بن بداح بن عبلان البرازي السهلي هذه القصيدة
يسند على عبدالله بن عبار العنزي ويثني على سعد السهلي : 894

محـمـد يـبي سعـد أخـو لـه لحالـه *** مير بعض الناس ما هـو جايزلـه
مـنهـم أنـا أقـول هـذي مـسـتحـالـه *** لـك لحالك والـلـه مـا يصير ل لـلـه
سعد حاش النعم به طيب ورجـالـه *** شـاهـدلـه وأبـو مـشعـل شـاهـدلـــه
الفخـر والطيـب حـطـه راس مـالـه *** والـلي مشكـك فـي كلامي فـدوتـلـه
سـعـد الـلـه يـسعـده فـي كـل حـالـه *** مـن هـقـابـه مـا يـخـيّـب هـقـوتـلـه
ما اكثر اللي لحقه معـروفه وطالـه *** وعـنـدي عـلـى ذلـك كـثـيـر الأدلـه
الجـزيلـه تـجي من راعي الجـزالـه *** وكسبـت النـامـوس دايـم عـادتـلـه
بيـن أبـوه وبـيـن أبن عبـلان خالـه *** كـل مـنـهـم لـلـمـراجـل فـوق تـلــه
والـولـد شواش جعـل الخـيـر فـالـه *** لـو يشـرب الطيـب حلقـه مـا يـبلـه
بـالـكـرم هـداج عـدك فـوق جـالـــه *** مع ذلـك تـرحيـب وحجاجـه يـفـلـه
فـيـه أبـن عـبـار كـل الـمـدح قـالــه *** مـيـر سـعـد فـوق كـل المـدح كـلـه
مـن يسبـه يا عـساهـا فـي عـيـالـه *** عسى ربـي مـا يـبـيحـه ولا يـحـلـه
كل طيّب يمدح اليا اعـرض مجالـه *** مـثـل سـعـد عـز مـن هـو مسنـدلـه
أشهـد أن الحـمـل تـشيـلـه اجمـالـه *** وغـيـر ذا الكـلام لـو يــقـال خـلـــه
قـلـتـهـا مـا أدور وراهــا جـمـالـــه *** واكـتـبـوهـا بـالـجـريـده والمـجـلـه
والصحيـح أيـصح يا زيـن الـعـدالـه *** الـردى بمحلـه والطيـب ابـمـحـلـه
الـردي مـعـروف مـن زايـد هـبـالـه *** مـدح غـيـره يـحـسـبـه مـذمـتـلـــه
لـو تـصنـع الـردي يـبغـي الشكـالـه *** عـدهـا يـوميـن والـثـالـث تـمـلــــه
والـبـخـل راعـيـه حـواش الـرزالـه *** أن نـصيـتـه عـلـةٍ وأن جـاك عـلـه
كـل مقصـد غـأيـتـه يـجـمـع ريـالـه *** مـيـر درب الـطـيـب مـا وده يـدلــه
عـن عـلـوم الطيب قاصرة حـبـالـه *** مـيـر خـيّـب الـلـه من هـو فزعتلـه
قـلـتـهـا تـوضـيـح لـلـي مـا درالـه *** ولا بـعـض الـنـاس مبـطـي داريـلـه
قالها اللي هاض هيّض ما طـرالـه *** مـن هجــوس بالضمـايـر مستـقـلـه
والختـام بسم الـلي يـظـلـل ظـلالـه *** ربـي الـلـي مـا يـظـلـل غـيـر ظـلــه
رب كـل الـكـون عـظـيـم الجـلالــه *** أطـلـبـه واستـغــفـره عـن كـل زلــه

وقال عبدالله بن دهيمش بن عبار العنزي هذه القصيدة يثني على سمو الأمير متعب بن
فهد الفرحان آل سعود وهي رد على الشاعر عبدالله بن بداح بن عبلان السهلي : 895

راكب الـلي وردوها مـن الوكـالـه *** مـن مـديـلات الشـبح مـاهــي كـرلـه
مـور عـايـنـهـا وتـفـقـّد كـل آلــــه *** قـبـل تـصـدر حافـهـا عـن كـل خـلـه
وردت من المانيـا معـهـا كـفـالـه *** بـالـبـواخـر خـلـفـهـا الـحـراس ثـلـه
جـاه سـواّق الـتـريـلـه ثـم شـالــه *** والجـفـالـي حـطـهـا تـحـت المـظـلـه
كـل يـوم تـمسّح الـبـدي الـعـمـالـه *** ولا قـربـها مـن أهـل التفحيـط شلـه
كان شغل صوت سيـره بالمحـالـه *** مـثـل همس الـلي عشيـره مصغيـلـه
بـديـهـا تـنظـر خيالـك مـن خـلالـه *** والكـفـر زرعـه مـثـل روس الأخلـه
كـل مـن شافـه تـهـول بـه هـوالـه *** يـقـتـنـيـهـا الـلـي زمـانـه صافـيـلــه
عـيبهـا المفلس ثمنهـا مـا قـوالـه *** مـن عـزاه اليـاس مـا هـو محـتـرلـه
من الرياض معنيه مـعهـا رسالـه *** تـحـمـل المنظـوم بـسطـور السجـلـه
ساقـهـا شـغـمـوم بـارع بـالـدلالـه *** مـع تيـاسيـر الـولي قـصـده وصـلـه
يوصل بريـده ويهـزعـهـا شمـالـه *** للبـطـيـن الـلي عـلـى بـريـده مطـلـه
يا عسى ديم المطر يسقي سهالـه *** وعسى تـدهجهـا المـزون المستهله
دار عـنـوان البـطـولـه والبـسـالـه *** نسل ابـن فـرحان ما يعـرف المذلـه
أحـرف الموتـر اليـا جيت البـقـالـه *** والتـفـت وأنظـر يسار تشوف فـلـه
بيت أميـر الجـود كل الطيـب نـالـه *** الـسمـو مـن الـجـدود مـعـقـبـلــــــه
متعـب الـلي مـن لفـاه انسـر بـالـه *** أبـو فـهـد عـز مـن يـنـصـى مـحـلـه
فـالـه الفـنـجـال وتـقـفـاه البـيـالــه *** والـبـخـور ويـتـبـع الـبـراد دلـــــــه
رايـب الـفـنجـال لضيـوفـه فـوالـه *** وبـعـدهـا عيت الضواين جاب جـلـه
طـبعـه المقـبـل يـهـلي فـي قـبـالـه *** يـبـتهـج بـه والحـواجـب مسفـهـلـه
متعـب الـلي كـل ملـزوم انـتخـالـه *** مـن شـكـالـه مـعـضلـه بالجـاه حـلـه
الـلـه يـحفـظـه بـحـلـه وارتـحـالـه *** عـاش ممـدوح السصجيه والجبـلـّه
حـب راسه ثـم غـادر فـي عجـالـه *** وصـل الـمـكـتـوب قـرم مــرسـلـلــه
وده أبـو بـداح مكـرم مـن عـنـالـه *** يـحـتـفي بـالـلي نـصـاه ويـحـتـفـلـه
الـبـرازي نـعـم فـي ذيـك السـلالـه *** الـغـلـيـث الـيـا نـصـاهـم زال عـلـــه
وصـلـه قـافـي وقـلـه كيـف حـالـه *** وأن نـشـد عـن مـدحـنـا للقـرم قـلـه
سـعـد الـمـنعـور كـريـمـه سـبـالـه *** بـه مـواري الطـيـب كـانـك فـاطنـلـه
سعد الـلي عادتـه يرخـص حـلالـه *** يـنـتـبـه عـرق الـشـغـامـيـم ويـتـلـه

وقال الشاعر عبدالله بن بداح بن عبلان السهلي هذه القصيدة
يسند على عبدالله ابن دهيمش بن عبار العنزي : 896

يا أهـل البطين والـلـه العـظيـم *** بالغـلا ما معـكم بقـلبي رديـف
حـبكـم بالـقـلـب جـديـد وقـديـم *** لو أوصف حبكم ماله وصيف
وأن بديت السين يلزم رد جيم *** والصراحه يالنشاما حـد سيف
قيـل أبـن عبـار بالديـره مقيـم *** هل مقامه جار أو يكون ضيف
سكن بالبطين مـن بـد القصيم *** وأعتبرمسكانها افضل مصيف
داركـم لاهـب ذعـذاع الـنسيـم *** كل منا صوبها يهـرف هـريف
والمعـنى جـالـهـا يـرزم رزيـم *** والموده لفـت قـلبـه لـف ليـف
حيث أبن عـبـار رجـّال حشيـم *** عاقـل وثقيل مـا وزنـه خفيـف
واقردات حظ من حطه خصيـم *** الستر يا رب والطف يا لطيف
خابره هداف يضرب بالصميـم *** والمسيطر دوم كلن لـه حليف
أبو مشعل ما وراء فهمه فهيم *** شاعر وفاهم وضميره نظيـف
أبو مشعل شاعـر وقـلبه سليم *** النزيه الفاضل الجزل الشريف
يفهم المقصود ما عقله غشيم *** يا جعل يفداه من فكره قصيف
أشهـد أنـه في مسيره مستقيم *** ليت لـو حطوه بالهيئة عـريف
لـكـن الشعـار واحـدهـم يهـيـم *** لـو يهلل بالشوارع والرصيف

قال عبدالله بن عبار رداً على الشاعر عبدالله بن بداح بن عبلان : 897

يا نديبي شد اللي مثـل الظليـم *** أوكما الشيهان توحي له رفيف
قم سريع وجهز الجيب الهميم *** خـذلـك مرافق وخله لك سعيف
حـرّك الفكسار من حي النظيم *** ولا تمل من السفـر خلـك عنيف
اسهج الفيحا شمال من التويم *** وعب فـل اليا تعـديت الصريـف
ومـر بـبـريـده وغـادر لا تقيـم *** وحـط حايـل باليسار ولا تقيـف
وأن زمالك بالنظر ضلع العليم *** قـد عديت النفد والرمل الكثيف
توصل سكاكا قبل وقـت العتيم *** اقـلـط وتلقـا المفطح والـرغيف
تلفي اللي يذبح الكبش الضخيم *** عنـد عبدالله تجد ونسه وكيف
وصل المكتـوب للقـرم الحليـم *** به مرد القاف والقـول الظـريف
نعم بأبـو بـداح نقاض البريـم *** من قبيلـه تـنـزل الـدو المخيـف
السهـول الـلي يفكون الجـريـم *** يحتمونـه بالمشـوّك والـرهيـف
خصمهم يوم اللقا يرجع كضيم *** الحمرمن ضربهم ينزف نزيف
عسى من عقبك بجنات النعيـم *** أخبـرك يالقرم بالهرج الطريف
يالزميـل اقسمت بالـرب العليم *** البـطيـن أحـبهـا الحب العـفيـف
صافي نسناسها يبري السقيم *** يعلم الله عندي أفضل من جنيف
بالسموم اللي مثل صلوالجحيم *** هب فيها من هوا الذعذاع هيف
يـا عـسى يـعـلـهـا وداج غـيـم *** بأول الوسمي بهبـات الخـريـف
ما سكن فيهـا عـتـل ولا زنـيـم *** ولا نزلها من يسيربدرب حيف
مـا نـزلـهـا لا رزيـل ولا لـئيـم *** وأنشد أبو بداح ولا أنشد خليف
هي مقـر النادر الحـر الصريـم *** ما يـوكـر كود بالضلع المنيـف
هي مقر العادل الشهـم الكريـم *** متعـب الصنديد للجيـران ريـف
أبو فهـد يزبنه مـن شاف ظيـم *** عامـر ديـوان بـيتـه والمضيف
العديم اللي تسلسل من عـديـم *** الأميـر المقـرني زبـن الضعيف
العريب اللي من أنجال الزعيم *** من احـفـاد سعود شيال الكليف
كل منهم صاحب القلب الرحيم *** بـه مـعـزه للمحـرول والكـفيـف
مثلهـم هيهـات ينجبن الحـريـم *** بالفخـر تاريخهم ما فيـه زيـف
طوعوا من كان شيطانه رجيم *** من بحر جده ليا شرق القطيف
ومن بحرجيزان لا ديرة سحيم *** ومن مشاريق العقيرليا طريف

وقال الشاعـر عبدالله بن بداح السهلي هذه القصيدة يثني على سمو الأمير متعب بن فهد
بن فيصل الفرحان آل سعود ويسند على زميله عبدالله بن دهيمش بن عبار العنزي : 898

يـا نـديـبـي دام كـلـن فـي مـنـامــه *** حـضّـر الفـكسـار بالمـمتـاز عـبّـه
الفـكسار الجـيـب قـطّـاع المهـامـه *** بـايـعـه لـو قـيـل غـالـب انغـلـبـه
يطـوي المسافـه تـقـل طـي خـامـه *** عـقـب الجمس اللي به دبـه ودبـه
بالسفـر مـنـوت الـلي ولـّم اولامـه *** وبـالـمـزايـن والـلـه أنـه يـنـصبّـه
لا شافـه المفـلس جـدواه النـدامـه *** مـالـه ألا حامض ما يصلح اعنبـه
سـايـقـه يحـس بـغـرور وعظـامـه *** بالـفخـر والعـز يشعـر مـن ركـبّـه
صك بابـه والأمـان أقـفـل حـزامـه *** كـل مسـرى يـمـدح السراي غـبّـه
قبل فجر الصبح ما يجـلي ظلامـه *** مع طريق الجوف حايل شرق جبه
في ما مضا السير ماخالف نظامه *** واليوم أطرب للجرس صوت المنبّه
منتـوي وقـلـبي المطـراش هـامـه *** للبطيـن هجـوس قـلـبي مشرهـبـه
للقصيـم وغـايـة القـلـب ومـرامـه *** البـطـيـن وزبـدت المـوضوع لـبّـه
أبـو فـهـد واجـب عـلـيـه سـلامـه *** بـيـن حـيـن وحيـن يـلـزمـني أنـبـّه
أبـو فـهـد قـمـة المـجـد وسنـامـه *** الـمـثـل بالـطـيـب مـتعـب يـنظـربـه
متعب المراجل من روس الزعامه *** منـصى من تلولس حبله وانتشبه
الفخـر والطيب في كـفـه خـطامـه *** من هاك الضرغام في راسه مصبّه
في محل أبوه وقـايـم فـي مقـامـه *** والتـواضع فـيـه مـن تـوفـيـق ربـّه
من عنالـه شاف عـزه والكـرامـه *** أشهـد أن الطيـب ماعـونـه شـربّـه
المراجـل نصب عـينـه واهتمامـه *** والسـعـد يـبشـر بـه الـلـي انـتـدبـه
من رجال شداد ما تركـب مسامـه *** بـيـوم تـطحـن المـعـارك كـل حـّبـه
يوم دور كروش مع بنت النعـامـه *** لـهـم بالأمـجـاد مقـضب يـنقـضبـه
يـوم هاك الوقت فتـلـه وابـتـرامـه *** ولـعـّوا الـنـار بـراس الـلي يـشبّـه
مار أبا أرجع للبطين أعطيه زامـه *** دام قـلـبي فـيـه هـاجـوس حضبـه
البـطـيـن أهـلـه مـنـبـع للشـهـامـه *** زاد في قـلبي من حـب أهـلـه حبّـه
كـنـهـم لــلافـي أهــلـه وعـمـامــه *** شـف بلدهـم كيف من زاره رغـبّـه
شف أبن عبار وين أصبح دوامـه *** سبحان الـلي غـيّـر هـواه ومهـبّـه
عندهم يمكن يبي يلبس اعـمـامـه *** وأن لبسهـا جـاك عـلمي ثـم ضبّـه
كـان صار مؤذن المسجد وأمامـه *** يصعـد المنـبـر ومـن ثـم ايخـطـبـّه
يعـلـم الـلـه مـا نـشكـك بـلـتـزامـه *** مـثـلـه عـارف واردتـهـا والمغـبـّه
خـابـرينـه فـوق مفهـوم الفهـامـه *** وكـل جـحـر عـارف دابـه وضـبــه
لو ماخبر القاف بسطه وانسجامه *** والـلـه أنـي ما العب طاروق لعبّـه
هـايـبـه لاشـك جـسـرنـي كـلامــه *** الـرجـل محسوب ومـثـلـه ينحسبّـه
محترم ويفـرض عليـك احتـرامـه *** قـول نـعـم مـحـصلـه والـريـع ذبّـه
مـدحـت الممدوح مـا فيهـا ملامـه *** والـردي مـا نـمـدحـه لـكـن نـسبّـه
يا بحـر مـا كـل مـن يجـيـه عـامـه *** كـم سـابـح شـالـه الـمـوج وقـلـبـه
ما يـداني الموج قـلبي والتـطـامـه *** مـيـر والله لا أدفعه في وسط غبّـه
أن عبـرت هـنيت حالي بالسلامـه *** وأن تـعـثـّر قـلـت هـويـه أو مطبّـه
دام العـرب قـالـوا الـذلـه رخـامـه *** مـن نهـاني قـلت كـب الهـرج كـبـّه
أما النجاح اللي بـه زايـد عـلامـه *** ولا هـفـت الـلـي حـصـانـه هـذبـــه
كانـهـا غشامـه قـولولـي غشامـه *** والغـشامه فيهـا الطـب يضيع طبّـه
كان مزح المسلم يجرح له صيامه *** تـبّـت يـديـن أبـو لـهـب ثـم تـبّــــه

قال عبدالله بن دهيمش بن عبار العنزي هذه القصيدة رداً على قصيدة الشاعر
عبدالله بن بداح البرازي السهلي : 899

راكـب الـلـي تـو ورد شـد عـامــه *** منـظـره مرمـوق من شافه عجبـّه
من مصانع طوكيو مـا فـك جـامـه *** صنعـت الـلي أتقـن الشغـل وتعبـّه
صانـعـه لبسـه قـرافـت وبـجـامـه *** يشتغـل باخـلاص مـا يثـني اركـبّـه
دوم يعمل ما جلس عـنـد المدامـه *** ولـو تـغـيّـب يـوم مـديـره يـدبــّـــه
صمم الـلي هـام بـه فكـري ورامـه *** يـبهـج الخـاطـر اليـا ولـع اسطبّـه
كـم واحـد جـر ونــه حـيـن سامـه *** مـهـجـتـه كـن الـوقـايـد تـلـتـهـبّــه
حـّرك الفكسار من شرق الثمـامـه *** مشمـل ويسبح مع الـريح ويـعـبـّه
الضحى سافـر مـن بـلاد اليمـامـه *** بـالصحـاري والجـبـال المشرعـبّـه
يوصل اللي عسى يفـداه الفـدامـه *** حـضرة أبـو بـداح عنـده دوم شبّـه
وأن لفاه اللي صدع راسه وخامه *** فـاولـه فـنـجـال يجـلي غيض لـبّـه
وحين يلفي للحراج أرسل غلامـه *** بالخـفا من شان ضيفـه مـا ايتنبـه
لـو حلف ضيفه وحرّم عن طعامه *** يـجـبـره بالحلـف مـالـه مـا حسبـه
وجاب له عيتـا توصف بالجسامه *** مـا تـقـل هـي ضان للحاشي تشبّـه
قـلـط المـقسوم والـحـايـل ايـدامـه *** لـو مـا هـو رز البشاور قـلت تـبّـه
عـادت الطيّـب بشاشـه وابتسامـه *** عـن ضيـوفـه مـا قـفل بابه بضبـّه
الصخي مـا همـه المـال وحطامـه *** وأن مدحتـه بالفخـر شاش وطربّه
يا سمي في مبتدأ القاف وختـامـه *** بـالـكـلام الـزيـن تـزداد الـمـحـبّـــه
الـوداد عـراه مـا جـاز انـفصـامـه *** ولا نصيـر لفـرقت الأصحاب سبّـه
من سمين القول ما قـافي هـلامـه *** والـمـعـاني ناخـذه من راس صبّـه
الـبـري يالقـرم مـا جـاز اتـهـامـه *** قـالهـا الـلي مـا يظـم العـيـب عـبّـه
صاحب العلم الردي من جاه لامـه *** والضميـر أن كان صدى من يربّـه
من جلس بالعـز يشعـر بالفخـامـه *** ومـن تـدنـا لـلـردى نـال الـمـسبّــه
من ورد هـداج ينهـل من جـمامـه *** ومـن ورد لـلـرس مـا يمـلأ قـربّـه
القـطـامـي مـا يـوصـف بالحمامـه *** والسيـوف الـداثـره مـا يـنحـربّـــه
يـا زمـيـلـي مـا اتـذرى بـالثـمـامـه *** والـديـاجـى يالـبـرازي مـا حـطبّـه
الحشيـم الشهـم بـالـغ بأحـتـشامـه *** والـردي كـوبـان هـبّـه ثـم هـبــــه
من كسل هيهات مـا حقق احلامه *** ولا فـرح بـالمال من باق وهـربّـه
التـقي يفـرق حـلالـه مـن حـرامـه *** ومن فهـم علم الفرايض ما رسبّـه
كان تنشد كيف أنا اخترت الأقامـه *** بالبطيـن وكيـف ضمـيـري رغـبـه
بالبطيـن مجـاور حـمـود السلامـه *** ديـره مـن بـلادنــا مـا نـغــتــربّـــه
صار بالديره له أصحاب ورحامـه *** لا تـقول السوق يمدح من كـسـبّـه
لـو تجـوّل من تـبـوك اليـا تهـامـه *** مـا تحـصّل كـود الـلي ربـك كـتـبّـه
بالبطيـن رجـال مـا فيهـم خـمامـه *** دارهـم لـولا غـلاهـم مـا نـطـبـــــه
يا عسى يغشاه ديـم من الغـمامـه *** ويا عسى سحب الهماليـل اتحـلـبـه
هل غيثه والطهى ربـرب ركـامـه *** ساقـه المولى عـلى البيـداء يصبّـه
تـريـف رياض الفيافي والعـدامـه *** والـنـوار بـكـل دعـب وكـل خـبّــــه
دار أمـيـر الجـود بالعـلـيـا مقامـه *** متـعـب الـلي كـل من عرفـه يحـبّـه
فوق مشموخ العـلا يبـني خيـامـه *** والهبـوج الطـامنـه مـا يقـترب بـه
هـو سليل الـلي يقودون الجهامـه *** شـيـدوا فـي قـمـة الأمـجـاد قــبّـــه
الضـديـد اليـا تـعـاوج هـم كعـامـه *** يـوم مقبـاس الفتايـل مـن اعـطـبـه
جـدهـم للـمعـتـدي جـّرد حـسـامـه *** ومـن تـمادى بالخـطأ رأسه يجـبّـه

قال الشاعر عبدالله البداح السهلي هذه القصيدة يسند على زميله عبدالله بن عبار
العنزي وبثني على ضويحي البرازي السهلي من أهل البطين بالقصيم : 900

بسم رب الخلـق والكـون الفسيحي *** أبتـدي بالقاف وأن عاضب عسفته
خـاطـري مشتـاق للقـول الملـيـحي *** هـاوي الجـزلات والهـزلة عـذفـتـه
صـرت والأفـكـار فـي لـح ولحيحي *** الـرجـل يخـاف مـن قـولـت زهفتـه
لا مـرشد بـّذّال ولا نـيـب السريحي *** شاعـر عـلى قـدي أغطـاي التحفتـه
والـعـرب نـقـّاد سـتـيـر وفـضيـحي *** وعن كلام الناس نظم القاف حفتـه
فيه بعض الناس باسلوبـه مسيحي *** تـتـهـمـه بـالخـيـر ولكـلـمـك عـفـتـه
والسماحـة نـور بالوجـه السميحي *** وزبدة الموضوع من جمّـه غـرفته
والنصاحة تلـقى بالـرجل النصيحي *** يـوم سـار القـاف للطـيّـب حـرفـتـه
لـك يا أبن عبـّـار بالأسم الصريحي *** وأنت لـك ميقـاف يعـرف لا وقفتـه
يـالـمـعـنّـى سـر ولا بـه نـبـيـحـــي *** أكـتـشـفـتـه ولا بـعـد مـا أكتشـفـتـه
يـا مـعـلـّم كـان فـيـهـا لاح لـيــحـي *** قول هاك الرجـل مبطي ما صدفتـه
كـني أمـلـك كـل ثـروة الـجـمـيـحي *** لا عـقبـت الـعـرق وخـلافي نسفتـه
مدري أنا صاحي أو ماني صويحي *** يا وسيـع العـرف ودي منـك لفـتـه
لا حسيت البـال مـا هـو مستـريحي *** للبطيـن أروح وأدنـا بـيـت ضفـتـه
يـنشـرح الـبـال واهـمومي تـزيـحي *** انشراحي مـا تصـدّق لـو وصفـتـه
كـلهـم نعـميـن وملـفـايـه ضـويـحي *** أهـتني بفنجـال عـنـده لـو رشفتـه
مـقـدّم الـتـرحيـب بالبـال الشـريحي *** ولـو أقول المدح كلّـه مـا أنصفتـه
يا أبو مشعل عارفه مهبوب ريـحي *** فـيـه كـل الطيـب سمعـتـه وشفـتـه
مغالطـه بالطيـب ماخـوذ وطـريحي *** والحنـف يـمـوت مـا عـّدل احنفتـه
يابو مشعل والله لو تبخص ضويحي *** لتندم عـلى يـوم فـاتـك مـا عـرفتـه
من هو اللي سمع مـداّح الشحيحي *** وأسحـب الكـلام وبالشارع حـذفتـه
مـدح بغـيـر أهـلـه مذمـوم وقبيحي *** عنه احساسي كلـه والنظر صرفته
في ما مضى المدح بالذبح وذبيحي *** ولا هـاك الـوقـت مـذلاف ذلـفـتـــــه
مهـف الدخان مع عاصوف ريحـي *** كـم عيون الدمع فـي وقـتـك ذرفتـه
اللي ربح واللي ماخـوذ ويصيـحي *** جاهل اللي يلحق الماضي احسفتـه
يا ثـقيـل الـروز والعـقـل الـرجيحي *** يا مصيب الـرأي معكم مـا أختلفتـه
يا عميـد الشعـر بايـن مـن نضيحي *** من عام التسعين ذا الموطن ولفته
مـوطـن أبـو فهـد كسّـاب المـديحي *** يكـذب الـلي بالـكـرم يـقـول طـفـتـه
الشهامة تـقـدح مـن راسه قـديحي *** خـذهـا مـني ديـن لـو تـبي حـلـفتـه
كـم مـن وده مـثـلـه يقـوم ويطيحي *** يـحـتـزم للطـيـب وهـيبتـه كـلـفـتـه
يكسـب الـطـولات مـن لهـا نطـيحي *** مثـل متـعـب اهـتـواهـا والتـقـفـتـه
أمـدح أبـو فـهـد بالفعـل الصحيحي *** والـلـه مالي فيها مقصود وهـدفتـه
والسموحة مـنـك يالـوجـه الفليحي *** في جنابـك نقص مـدحي اعتـرفتـه
يا سليل المجـد يا مبـري الجـريحي *** الفخـر لك ساس والله مـا استلفتـه
يـرحـم من عقبك والـلـه لـه يبيحي *** مـوجـز مـن كـثـر طـيـبـك اقتطفتـه

قال عبدالله بن عبار العنزي هذه القصيدة جواباً لقصيدة الشاعر عبدالله بن بداح السهلي : 9-1

راكـب الـلي لا مـشى مـالـه فحيحي *** كنه الـلي يـطـرده مـن شـب سفـتـه
مرسـل مـن عـنـدنـا روّح مـشيحي *** مع طريق الجوف يجري فوق زفته
سار نـوه صاحب الوجـه الصبيحي *** يلفي أبـو بـداح يـفـرح كـان ضفتـه
جـاني المكتـوب بـه قـول فـصيحي *** وحين مـا جـاني من شفقتي خطفته
مـن مـثـايـل شاعـرٍ هيّـض قـريحي *** أخـذ عـذي القـاف وخـلالي حجفتـه
ما يغـرف القاف من طـل ورشيحي *** عـيلـم ما غـاض جـمـّه لـو نـزفـتـه
يابو بداح القاف تصدح به صديحي *** مثل عقـد الماس من نظمه رصفته
مـا تغـّزل بـه مثـل شعـر الـوضيحي *** تمـدح الطـيّـب وغـيـره مـا قـذفـتـه
بالكـلام أحسنت يـا مـادح ضويـحي *** لـك جزيل الشكر حيث أنك أنصفتـه
أبـو ناصر عـن لـزومـه مـا يميحي *** ولا نـلـوم الـلي مع ضويحي نهفتـه
وأن لفاه الضيف في بـيـتـه يريحي *** أبـو ناصر ريـف مـن بقعـا انحـفتـه
يالـبـرازي عـسى يـفـداك الـوكيحي *** بالجواب أنصفت والمعبـود خـفـتـه
كـل ربـعـك يـستـحـقـون المـديحـي *** الفخـر والمجـد لاحـوا فـي شعـفـتـه
فـعـلـهـم يـوم الـمـوازر له ضبيحي *** خصمهم بالكون يجفـل مـن رجفتـه
يالـزمـيـل أخبـرك بالقـول الصريحي *** الـف نعم بكل الـلي منهـم عـرفـتـه
منهـم الـلي لـو ملـك خـزن الفتيحي *** بـدده حـالاً وحـطـه فـي صـحـفـتــه
الدسم دايـم عـلى صحـونـه يسيحي *** بالكـرم مـا ضـب كـفـه لـو كـتـفـتـه
والجـمـايـل مـا كسبـهـا كـل تـيحـي *** لـو تـجـي مـلـزم يحسب أنـك بلفتـه
كالسـراب الـلي يـغـرك بالضحيـحي *** يـغـري الظـامي ولا يـروي لهـفـتـه
بالصباخي مـا نـبـت عرفج وشيحي *** والثمـر مـن العـواشـز مـا خـرفـتـه
مـن ورد للـرس مـا حصّـل نشيحي *** والصقر مـا طـار لـو ريشـه نتفـتـه
والـبشـر آخـر مصيـره بالضـريـحي *** يـرقـد بـسـرداب بـبـلـكـه سـقـفـتـه

قال عبدالله بن بداح السهلي يثني على دخيل الله بن عبلان السهلي
من وجهاء أهل البطين ويسند على عبدالله بن دهيمش بن عبّار: 902

أول بادي أذكر الـلـه واستعـينـه *** أجـمل الـكـلام ذكـر الـلـه بـداتـه
يا الـلـه التوفيق بالـلي منتوينـه *** يا معيـن العـبد يا قـابـل صـلاتـه
كم من فايت فات نـاس قادرينـه *** وكـل فايت لا فـات الرجـال فاتـه
راكب اللي سار يبحل واصفينـه *** من مسيره بان فرقه عن خواته
صنعت الـلي ما يهمه فقـه دينـه *** مصنع الفكسار بـآخـر منتجـاتـه
مـن يشوفـه قـال هـذا مطورينـه *** شامـل التطـويـر كـل محـركـاتـه
ساقه السواق وحنـا محـرصينـه *** مائة وأربعيـن سرعـتهـا حلاتـه
والطـريق كـان الأمـن مـراقبينـه *** والـلـه لآدفع عنـه كـل مخالفاته
كيـف مـا يـسرع وحنـا مكلفـينـه *** سافـر للقصيم وشمـالي وطـاتـه
للبطـيـن وشـف بـالي ساكـنيـنـه *** فوقه اللي يوصل الموصي وصاته
ملفاه أبـو محمد مكـرم وافـدينـه *** ينفق ما يملك وعـلى الله غناتـه
بالـكـرم هـدّاج مـروي وارديـنـه *** ما تحيم وروده عـقب صادراتـه
الـلي شفـته كـل ربـعـه شايفينـه *** كـم لافـي عـنـده عـشاه ومـباتـه
في مضيف القرم تاجد كل عينـه *** التـرّحـب والـتـّهـلي هـو لـغـاتـه
من يشوفه قـال عسى الله يعينـه *** من كثـر مـا قـال يا عبلان هاتـه
بالشهر ما يحصى عدد زايرينـه *** أربـع الـجـهـات دايــم وارداتـــه
مجـلسه دايـم وجـاره مـوقـدينـه *** من نـاره غـدت سوداء حصاتـه
لا لـفـاه الضيـف تـقـل مبشرينـه *** أسـعـد الأيـام عـنـده وبـركـاتـــه
يا بديع الكـون تمهـل لـه سنينـه *** طالبـك يـارب تمهـل فـي حيـاتـه
كـنـه يملـك مـال تجـّار المـديـنـه *** يتعـب الـلي وده يـسوي سواتـه
بالبطين ويشهد من يسكن بطينه *** والكريم أن طاب تذكر مكرماتـه
له فضل وأحسان يرحـم والدينـه *** من احسانه لابته يجـمع شتاتـه
وأنجـب الـلي كـل طايـل طايلينـه *** الفخـر والمجـد نـالـوا طـايـلاتـه
محمد أبـو بداح طيبه خـابـرينـه *** لا لفاه الضيف هو غـايـة مناتـه
كلمة الترحيب مع ضحكت جبينه *** عند من زاره تعـادل ذبح شاتـه
بالكـرم يحـط مـا حـاشـت يـدينـه *** والعـطأ يعطيك لـو تطلب عباتـه
ما مدحتـه لأجـل مـا بيني وبينـه *** مـن تـردى مـا تـفيـده واسطاتـه
قالـه الـلي ما يكذّب شوف عينـه *** كـل ميزة طيب توجد من صفاته
عادت أبو بداح لو يملك خـزينـه *** حطها وسط الصحون وملحقاته
وسعد الممدوح ما أنتم جاهلينـه *** كـل مـدح فـيـه ما انكذّب رواتـه
لو نخيتـه جاد في عمـره رهينـه *** أخو صيته ينفعل من طيب ذاتـه
حاسب حساب الرجال وحاسبينه *** عاش راسه عادته ينضج شواته
بالـكـرم والطـيـب دايـم ذاكـرينـه *** ومدحت الرجال بالمجلس طراته
وأ خوهم عبلان ويـن مغـالطينـه *** مغالطه بالطيب ضايع في فلاته
أنشدوني والخبـر عـنـدي يـقينـه *** بالـكـرم عـدّى بعـالي نـايـفـاتـه
مادحـه فـعـلـه وحـنـا مـا دحينـه *** قلت صدق القول وأجزم في ثباته
عـنـده المضيف بـابـه فـاتحـينـه *** والصخي من كل عيب أثبت براته
الثلاثة الـلي مـن شجـرة وطينـه *** فعلهـم بالطيب تعجـز معجـزاتـه
مـن لا فعـل مثلهم شاف الغبينـه *** عن فعـول الطايلـه يلـزم اسكاته
طيبهم مـن طيـب ربّـان السفينـه *** علمّهم الطيـب وشرح مقدماتـه
علمّهم الطيب وعـلـمه حافظينـه *** يمكن له دعوة وقبـل الله دعاتـه
وين أبن عبّار عن ما قلت وينـه *** قـومـتـه لا قـام تسوى الألتفاتـه
نـبي ردّه والجـمـاعـه محتـرينـه *** كل دروب الطيب ماهي عاسراتـه
حيث علم الطيب حاشه في يمينه *** هو زبون الطيب وأن قلّت شراته
دام قـلبـه نـاصع ولابـه ضغـينـه *** أتـشـرّف وأقـتـدي بـمـلاحظـاتـه
حـاذقٍ بالفهم وهـروجـه سمينـه *** ومن تردّى مـا يطيق مجاملاتـه
وأن تـكـلّـم بـالـكـلام مصـدقـينـه *** والـلي ما زكّـاه ما تاجـب زكاتـه
وأن تعـذّر أبـو مشعـل عـاذرينـه *** ماني اللي يلحق الصاحب شماته
قـالـه الـلي بالـمثـل بيـّح كـنيـنـه *** والهدف أحيان ما صابوا رماتـه
وكان أهل العرف ما قالوا ثمينـه *** والـلـه لكسر القلم وأنثـر دواتـه
والله لاأكب الما وأحوس العجينه *** وألغي القصيد وأمسح ذكرياتـه
موتت اللي مات من وقته وحينه *** بشّـر بـه أبـوه من بـعـد وفـاتـه
بسم الـلـه مبـدأ الكلام وخاتمينه *** مـع سلامي والتحـيـة وبـركـاتـه

قال عبدالله بن دهيمش بن عبّار العنزي هذه القصيدة مجاراة لقصيدة
الشاعر عبدالله بن بداح البرازي السهلي : 903

أبـتـدي بالـلي عـبـاده عـابـدينـه *** مطـلّع بالكـون محصي كـايـناتـه
جل من نزّل عـلى موسى سكينه *** عقب مالطاغوت راعه بحركاته
هم به فرعون واحضر ساحرينه *** وأنتصر والرب داعي في نجاته
رب موسى انجاه وأهلك تابعينـه *** والملك فرعون بالشاطي رفاتـه
أنجا إبراهيم النبي من محرقينـه *** يـوم بـه نمرود ولّـع بحطبـاتـه
والنبي يعـقـوب عـوّد لـه جنينـه *** ينتحب طول الليالي مـن غـلاتـه
نحمد اللي يودع الخمصاء بدينه *** كل دارج من خشاش القاع قاته
يالله أنـك تجعـل الصعبه هـوينـه *** وتـفـرج لعـبـدٍ ذنـوبـه ضايماتـه
وبعـد ذكر اللي احسانه مرتجينه *** آخذ عذب القافيه وأترك صراته
حيث كل أنسان يعرف من قرينه *** لـي زمـيـل مـا نـمـل مـراسلاتـه
أعني أبـو بـداح سلمه عـارفينـه *** نسمع بطيبـه ولا نسمع شنـاتـه
مـا تلـفّـظ كـلـمـة مـن فـاه شينـه *** الذكاء واللطف من أبـرز سماته
والذهب يعرف جنيهه من دنينـه *** والبـذر يأتي غـريسه من نباتـه
من غريسه تين جاه أنتـاج تينـه *** والشري يـنـتج بـذاره حنظلاتـه
بالرجال ليوث ما يقـرب عـرينـه *** وبالرجال خـزز يلبد في أرطاتـه
كان تسأل وين أبـن عـبّـار وينـه *** جاك يا أبو بداح مردود احدياته
راكـب الـلي مـن حفيـزه ناجبينه *** رنج روفرما تحوص مساعداته
رنج روفر فاق في بدي ومكينـه *** لا مشى بالقار يفرق عن خواته
صنّعـوه عـيـال جـرج مهندسينه *** كـل مسمـار المصانـع ضابطاتـه
بستمه مكتـوم مـا تسمع حنينـه *** مـثـل دقّـات الجـنـيـه سـرنـدلاتـه
عن قضيع الصوت بلفه وازنينه *** لو تدق السلف ما توحي صواته
للجـبـال ولـلـرمـال مصمـمـيـنـه *** واذكـر الـلـه كامـلات مواصفاتـه
للتضاريس الصعـيبـة محتسينه *** وللطعـوس الـلي بطانجها هتاتـه
مـا يـغـرّز لـو يسيـر بـنفـد لينـه *** ولا تغوص بناعم الـرمل اكفراته
لو درع بالرمث ولا أشجار كينه *** يقمـز العـاذر ويدعس حرملاتـه
ولو صعد بطويق وجبال العيينه *** الصخور النـابيـة يطمـر صفاتـه
ولو يسير الرنج بحراش الدفينه *** يقـطع الـوادي ويجتـاز امعلاتـه
ولو يمد العصر من ديرة جهينه *** المساء في ديـرة الخفجي مباتـه
اشقح لـونه مثـل لـون الشنينـه *** مـثـل منسوج الدواشق مـرتباتـه
وارد العـظـمى بـلنـدن صانعينـه *** مـا ذكـر بـه عـيـب ألا مشتراتـه
من قرأ سعره بـدأ يجذب ونينـه *** حيـن طالع بالثمـن يبست لهـاتـه
من حضابه تنتهي لـوعات بينـه *** ما تجيه هموم مـن لاح بصهاته
من البطين لدار دومه مرسلينـه *** يوصل أبوبداح هو راس معناته
البـرازي فـي سكـاكـا منـتصينـه *** يحمل المنـدوب مـردود اكلماتـه
من السهول اللي الغريب مدلهينه *** بالعـلـوم الغـانمة تمضي اوقاتـه
والخـوي والجـار دايـم حاشمينه *** لـو يعيـل يسامحونـه بهـفـواتـه
بالصخى والجود وعقول رصينه *** سالمين مـن السماجه والبهاتـه
يمدح الطيّب عسى الله ما يهينـه *** أبـو محـمـد ملتـزم في واجباتـه
أبـو محمد لـه مواقـف دوم زينـه *** بالتهلي تبهـج الضيف اتهـلاتـه
كم كبش حنـّا موسه مـن وتـينـه *** كـمـا تـذكـر قـال يا عبلان هاتـه
قـال تـمـوا والطـعـام مـقـلطـيـنـه *** كل يـوم نشاهده ماسك عصاتـه
بالمضيف البن الأشقـر سايقينـه *** والقدوع خلاص من قنو نخلاته
انـظـر المفـواح تـقـل ذراع قينـه *** من وقود السمر يصلاها لهباته
يا سمي طيـب الدخيّـل عـارفينـه *** من يبي ايعدد كرمهم من عناته
من صعد لقريش ما خيّب ضنينه *** يعتزي وعـروق جـده جـاذباتـه
خلفـة الـلي شاد مدحه منصفينه *** الـزبير من الفخـر حصّل كفـاتـه
أنجـب الصنديد حمـاي الضعينـه *** مـا يهـاب مـن الـذي ينوي بياته
جـوه بالبيـت الحـرام مطـوقـينـه *** مـا نـوى يسّلـم ولا لانـت قـناتـه
جابوا الـلي يقشع بروج حصينه *** منجنيـق الجيش بالبارود شاتـه
الـلـه أكبـر يـوم قـالـوا صالبينـه *** حـرم الـكـعـبـة تعـلّـق بشرفـاتـه
العـرب والفرس من فقده حزينه *** وامـة الإسلام لجـت مـن مماتـه
الحـرايـب شـر والفـتـنـه لـعـينـه *** والهدف والرأي ما جاز افتخاته
وفـي ختـم قـولي أذكـّر سامعـينه *** بالصلاة على النبي في منتهاته

قال عبدالله بن بداح السهلي يسند على عبدالله بن عبار العنزي : 904

المثـل بسم الـولي أبـدأ افتتـاحـه *** طاب فاله من بدابـه وانتصربـه
من بدأ ذكـر الولي أفـلح فـلاحـه *** لا تقـول أجـرّبـه مـاهـو بجـربـه
بعد ذكره صارت الفرصه متاحه *** زان نظم القاف لو ماهو بطربه
صوب أبن عبّـار وجهنـا مراحـه *** أبـو مشعـل دوم ما ينمل قـربـه
من ينول الطيب نفخـر بأمتداحـه *** فـاز بعـلوم المراجل واشتهربه
للعـلـوم الـغـانـمـه دايـم كـفـاحـه *** نظـرة الديوان صوبه لاحضربه
شاعر الويلان يسعد لي صباحـه *** بـس لا يقول ضدي شن حـربـه
الجبل ما هـزت اركـونـه ريـاحـه *** حيد شامخ من يشاهده افتكربه
يا زميلي صـار بأخبارك شحاحه *** من نشدته قال ذاك أتلا الخبربه
مار كان اللـّوم والشرهه مباحـه *** عن لزوم زيارتي وش تعتذربـه
خـل صدرك فيـه لعتابي مساحـه *** مـا يكنه خاطري ويش انتظربه
أتشرّه وأنـت قـل لي بالصراحـه *** لازم الموضوع نـعـيـد النظـربـه
لك زميل طاح تدري عن مطاحه *** من سبب حادث تعوّروانكسربه
صار مثـل الطير مكسور جناحـه *** من تعثّر صار في ضيقه وكربه
للأشاعـه حـولـه قسم الجـراحـه *** والنتيجـه مابـهـا عـلـم ظهـربـه
منشغل فكره ووقته ما استراحه *** ودايم المشغول كنه وسط غربه
يا زبون الطيب يا لابس وشاحه *** علم طول اليل عند اللي سهربه
من مقامك عندي كثّرت اللحاحه *** لازم تشعر باللي زميلك شعربـه
كان صاب وكان أخـطأ بقتراحـه *** لا تلومه كاظم الغيض انحشربه
الكسير صعيب بسطه وانشراحه *** الـروابـع ترتفـع بـه واتحـدربـه
الكسير الـلي يطنّب فـي صياحـه *** كن جفنه قاسي الشوك انبذربـه
طـول ليـلـه مـا يـمـل الأنسداحـه *** والمحسّه ساير الجسم انتشربه
هات عـلم يقـال كـل الشك زاحـه *** حيث علم الطيب ما خفاك دربـه
أنت عذب القاف تنهل من قراحه *** من زلال يروي الظميان شربـه
أهدني يالقـرم من قافك افـراحـه *** أبـي رد مـن الـذي فكرك ومربه
يا نسل من يدمي العايل سلاحـه *** عزوتك بالكون تروي كل حـربه
أنـت الـلي علمتـني فـن السباحه *** البحر لو هاج به موج اعبـربـه
باح سدي باح واطلبك السماحه *** واجداللي صايبه بالراس ضربه
وأنـت تـدري مابها دنياك راحـه *** والحقايق نوب يندم من جهربـه
أبـو مشعـل عـارفينه بالنصاحـه *** خابرينـه مـا يفشّل مـن فخـربـه
كل علم الطيب فـايـز في نجاحـه *** يا عوين اللي القدم زل وعثربه
سامح المازح اليـا زوّد مـزاحـه *** يتـعـب الـرجـال لا بـان الكبـربـه

قال عبدالله بن دهيمش بن عبار العنزي هذه القصيدة جواب لقصيدة
الشاعر عبدالله بن بداح البرازي السهلي : 905

جـاني المنظـوم كنّـه ورد واحـه *** في خميله تـو مـا طاح المطربه
ريحتـه ينعش شذاها يـوم فاحـه *** عـلّـه الهملول والـوبـل انتثربـه
روضها ياخذ به الظبي انبطاحـه *** النفـل والفـل ينفـح والـزهـربـه
مرحبابه عـدد منبـوت البـراحـه *** وعـد من زار الحرم ثم اعتمربه
من زميل قـرم في عقله رجاحـه *** كنـه الصيرم يشبب من صقربـه
ماربح خرب الحباري كان ماحه *** يـوم شلّـه مع ثـناديـه ونـقـربـه
الزميل اللي على العليا اشباحه *** جـرّب العادات في شرقه وغربه
كـم كبش بالصحن قـلّط افطاحـه *** باعه اللي زاد سعره ما خسربه
حضرت أبوبداح باح السد باحه *** حيث عذب القاف غنّاه وسمربه
القوافي مـا تغـرفـه من ضحاحه *** من غـزيـر يتعـب اللقاي غـربـه
يا سمي اللي تبرّى من الشفاحه *** جـدّك الـلي دين ربـه مـا كفربـه
كان ساجد بالحرم وقت اجتياحه *** يوم جند الشام ضده شن حربـه
العـرب سووا عـلى فقده مناحـه *** حيث خصمه سارللبيت وغدربه
الكـرم والجـود طبعـه والسماحه *** كـل مسلم شاد علمه وأفتخربـه
يا سليل آل الزبير أهل الفصاحه *** شجـرة مغراسها في خيـر تربـه
الفخر والطيب ما جاهم شلاحـه *** جدهم باسمه مدينه شرق وربـه
ما يدك بـلابـتـه عـرق الـوقاحـه *** باللـقـاء رجـالـهـم يـبـيـد سربـه
بالجهل يوم العرب تنقل رماحـه *** مـن تـذكّـر بـه تفكـر واعـتبربـه
الخصيم السم يسقـونـه ذحـاحـه *** وفرحة اللي جالهم مال الدهربه
جارهم يدلـه ولا يخـلي مـراحـه *** من معـزة جارهم يطلون جـربـه
يالسنافي أبي افيدك بالصراحـه *** غرني من لاح بالجيب وطمـربـه
قبل نور الفجر يبدي في ضياحه *** ساروا ومسيرهم محدن شعربه
يوم محمد جاك ما قصده سياحه *** وأيضاً مشوّح رفيقه مـا نكربـه
ما خذوني يوم يطوون المساحه *** لك حقوق ولاعن الماجوب هربه
والمقـصر لا تـنـوّه بـافـتضاحـه *** سامح الـلي ورد الحبل وقصربه

قال الشاعر عبدالله البداح السهلي يثني على الشيخ محمد بن دخيل الله
أبو بداح ويسند على زميله عبدالله بن عبار فيقول : 906

بـاسـمـك يـا مـديـر هـبـوب الــذواري *** ابـتـدي بـه كـل مـا نـويـت نــيـــه
ربـي الـلـي خـالـق جـبـال وصحـاري *** هـو بـديـع الكون عـلاّم الـخـفـيـه
وبـعـدهـا بـديـت بـالـقـاف اخـتـيـاري *** لـو نـظمـه منـي مـاهـوب انكريـه
لـلـقـريـح تـو اصـدرت الـقــــــراري *** للـبطـيـن مصـمـمـه عـذر وتـحـيـه
يـالـبـطـيـن الـيـوم جـنـبـتـك يـسـاري *** وأنـت عارف والله ماهي مكرهيه
اعـتـبـر مجنـابـي مـاهـو بـاخـتيـاري *** اعـتبرها ظروف لـو ماهيب هـيـه
لـو اقـول الصّدق بالصوت الجهـاري *** قـل لي الصحيح ما تزعـل عـلـيـه
الـصـحـيـح أحـد مـن حـد الـشـبــاري *** وأنـت خذها كاش لـو فيها شويـه
مـا دام أبــو بـداح مـاهـو بـنـتظـاري *** مـا قـبـلـتـك وأنـت كـلـك قـابـلـيــه
جـاره الـلـه مـن صواديـف الجواري *** بـجاه رب الـبـيت ومـحـمـد نـبـيـه
قمـت اهـوجس فـيـه ليلي مع نهاري *** قـمت افكـر بـين ذيـك وبيـن ذيـــه
لـيـن قـالـوا عـنـه زال الشـر بـاري *** مـن فـضل المعبـود جـزيل العـطيـه
مـحـمـد اليـا جـالـه بالمجـال طـاري *** افـتخـر بـه والـقـبـيـلـه والـسـمـيـه
محمـد الـلي أبـوه فـي طيبـه نمـاري *** مكثـر التـرحيب بالنفـس الـرضيـه
عـلى قـولـة مـرحـبـا وللطّـب ضاري *** هـو مـقـر الـطيّـب رجّـال الحـميـه
طـيـب أبـن عبـلان مـاهـو مستعاري *** لــو أعــده فــوق كــل الـواقـعـيــه
كـنـه يـمـلـك خـزنـة البـنك الـتجاري *** اشهـد أن الطيـب قـو الـمـعـنـويــه
مـن جـرب اسواتـه هـون استخـاري *** مـثـل أبـو عـبلان مـالـه مـقـدريـه
يـالـبـطـيـن اقـدم لأهـلـك اعـتـــذاري *** بخاطـري مـجنابهـم مثـل الخـطيـه
يـالبـطيـن اهـلـك عـزي وافـتـخـاري *** والـشهـاده لـلـولــي رب الـبـريـــه
عـنـدهـم يـزود قـدري واعـتـبـــاري *** طـيـبهـم بالفعـل ما يوصـف حـليـه
حـبـهـم بـالـقـلـب مـع الـدم جــــاري *** خذها بعالي الصوت ماهي منجويه
لولا زود الـحب مـا اجـيهـم جبـاري *** الـدروب وسـاع والـديـره فــضـيـه
كــل قـولي عــنـه ابـن عـبـار داري *** عـارفـه مـن ظـاهـره وش داخـليـه
ابـو مشعـل بـالبـلـد نـوع استشاري *** مـن اعـيـان الـمنطـقـة والآهـالـيـه
لأجـل ذلـك صوبه عـدلـت المساري *** يـوم جـالـي بـالـقــصـايـد جـاذبـيـه
يـالـمعـنـى لأجـلـكـم شـّبـيـت نــاري *** يوم نارك عـلى طـول الوقـت حـيـه
انت صاحب عرف وسلوبك حضاري *** وصاحبـك يـنظـرك بالعيـن المليـه
محتريه الطيـب ولـه عـنـدك محـاري *** وأنـت مـنك الـرد رفـع المعـنويـه
يا أبو مشعل جاك عـلمي باختصاري *** والـقـضـيـه كـلـهـا مـاهـي قـضيـه
والـسـلام خـتــام يـا سبـع الـغــداري *** والـرجـّال يقـال يعرف مـن خـويه

قال عبدالله بن دهيمش بن عبار هذه القصيدة مجاراه لقصيدة الشاعر
عبدالله البداح السهلي أبو بداح : 907

راكـب الـلي صممـه حـمـر العـتـاري *** سـد عـن ركـب الخيـالـه والمطيـه
غـادر بـريـده بـتـالـي الـلـيـل سـاري *** مـع رهـاريـه السهـال الجـرهـديـه
نـوع جـيـب وسايقـه تـقـل انـتحـاري *** سار مسرع والمسافه خمس ميـه
مـع سـريـع الـخـط يجـتـاز الكبـاري *** عـانـي للجـوف هـو وجهـت نـويـه
يـلـفي أبـو بـداح فـي تـلـك المحاري *** يلتـقي ضيفـه ويـفـرح فـي مجـيـه
مـن وصـل مـبـنـاه مـا دق الـبـواري *** البـيـبـان مـفـتحـه صبـح وعـشيـه
والـدلال بـمـجـلـسـه مـثــل الـكداري *** وطـبعـه لضيـفـه يحـكـر الشـاذليـه
وبـعـدهـا كبـشٍ مـن نعـيـم السواري *** صـاحـبـه ربّـاه لحـلـول الضـحـيـه
وحـدره المـرقـوق مـع رز البـخاري *** بالصحن يـشبه عـلى قـارة طـميـه
جاني قافـك مـثـل نـقـروح الخـباري *** تـتـقـن المنظـوم والـفـاظـك عـذيـه
يالزميل أنشدك قـل لـي ويـش جاري *** نـفتهـم وعـقـولـنـا مـاهـي غـبـيـه
كيف اتجنّب وأنت يوجـد لك ذراري *** والبـنيـخـي كـل مـنـهـم لـك حضيـه
لـك قـرايـب وأنـت يـالمنعـور داري *** من غـيـر أبـو بداح لك عصبه دنيه
ونـعـم بـأبـو بـداح دايـم لـك يبـاري *** الـكـريـم الـعـوز مـا يـخـلـف نـويـه
يـشـبـه الصيـروم صيّـاد الحـبـاري *** من قنص بـه يبشـر بجـزل الشويـه
وجـود أبـو بداح ملـزم واضطراري *** وأن تـغـيّـب يـنـوجـد بـالـرّبـع زيـه
أبـو ناصـر ما ذكـرتـه وأبـو ضاري *** كـل منهـم مجـلسـه مـثـل الـحـنـيـه
وسعد الـلي الطيب يجهر به جهاري *** يـذبـح الجـزلات واكـفـوفـه نـديــه
وأبو ماجد قـرم من حـمـر الشبـاري *** والصخـي عـبـلان زبـون الـونـيـه
وبالبطـيـن رجـال مـافـيـهـم مـزاري *** كـم يـسكـن فـيـه مـن قـرمٍ شـفـيـه
نسكـن بـحـاره من خـيـار الحواري *** يامـا بهـا مـن الـرجال الصـيـرمـيـه
أمـدح ولا قـولـي مـن الصّح عاري *** سالميـن مـن الـردى والـمـحـقـريـه
الـبـطـيـن مـشيـده وسـط الـبـراري *** تـنـفـح النـفـنـوف بـالـقـاع الـمـريـه
دار ريـف الجـار دواّس الخـطـاري *** منسبه مـن ساس عـزوه مـقـرنـيـه
وأنا يـا أبـو بـداح مـاني مستشاري *** ساكـن ومـرتـاح والـعـيشـه هـنـيـه
مـا أنـا لا بـايــع ولا كـنــت شــاري *** ولا لـي فـلاحـه ولا غـرسـت وديـه
عـنـد شيـخ للفخـر والطـيـب قـاري *** محـمـد الـعـيـاد مـمـدوح الـسـجـيـه
مـن قـديـم بـالـمـفـاخـر لــه أثــاري *** ولدعـي مـن ساس عـزوه ولدعيـه
كـانـوا بعـصر المشـوك والسـواري *** يـقـهـرون الـمـعتـدي بـالـبـنـدقـيــه
مـا تـتـقـوا بالـكـهـوف وبـالـمـذاري *** وبـالمعـامـع مـا يـهـابـون الـمنـيـه
مـن يـلاقـي جـمعـهـم للجيـب فـاري *** بـالعـريـني مـا يـعـرفـون الـشكـيـه
color="darkred"]يتبع[/color]

[CENTER][SIZE="6"]

تابع
وهذا مقطع من قصيدة قالها الشاعر عايد بن حطاب الغضوري العنزي يسند على عبدالله بن عبار : 908

هـم يـدور بـخـافـقـي يـا أبـن عـبـار *** والله ياأبو مشعل حداني عن النوم
نوب يصير بثـومـة القـلـب مسمـار *** ونـوب يصير بعيشتي تقـل ديمـوم
ونـوب يـنسيـني لـزومـي والأفـكـار *** ونوب تـقـل دنـيـاي غـدابـهـا قـوم
يا أبن دهيمش ضاع فكـري ويندار *** صارالهدف من دونه علوم وعلوم
اليـوم صارت فـي سـروات وأدوار *** أسكت وهمي داخـل القـلـب مكتـوم
أبـيـك تـفـزع فـزعـة الـجـار للجـار *** قصير بيـت وصار بالحـق مضيـوم
أخبرك بالـلي صار يا نسل الأخيـار *** يا مـؤلف قـول من الـوقـت معـدوم
أطلعت فعل اللي وطوا حصن ذيقار *** زبن الدخيل الي من الوقت مظلوم
يا صـقـر يـا حـرٍ عـلـى كـف صقـار *** حر صيود اليا شهل وأدرج الحـوم
واخـتـامـهـا مـني نـواويـر وأزهـار *** ورد وريـحـان وعـطـرٍ ويـشـمـــوم
وصـلاة ربـي عـد مـا طـايـر طــــار *** عـلى النبي اللي من الذنب معصوم

قال عبدالله بن دهيمش بن عبار العنزي هذه الأبيات رداً على الشاعر
عايد بن حطاب الغضوري العنزي : 909

قال الـذي من صافي الشعـر يخـتـار *** مـن نظم بدعي عبّـر الفكر منظـوم
رداً عـلى الـلي كـزلي عـذب الأشعار *** عـايـد بن حطـاب من خلفـة قـروم
عايد شكا من الهم شاف الزمن جـار *** ودنيا الشقا من جورها كلنا كظوم
يالغضوري مـاني مـن الجهـد ذخـار *** ومن اجتهـد يالقرم يسلم من اللوم
لاشـك مـالي يا أبـن الأجـواد معـبـار *** مـن دون مطلوبي عراقيل وعقـوم
لـيـه ثـلاث سـنـيـن يـالـقـرم محـتـار *** مـثـلـك أدوّر لـلـذي عـنـدي رقــوم
اصـبـر عـسى يحـلهـا والـي الأقـدار *** والـرزق عند مكوّن الكون مقسوم
مثلي ومثلك بـه ألـوف مـن الأنـفـار *** الـكـل يشكي الهـم والقـلـب مكلـوم
الـلـي مـنـاصبهـم رفـيعـات واكـبــار *** غـدوبـهـا لـو هـم هـلابيج ورخـوم
كـم واحـدٍ جـيـتـه وحصلـت الأعـذار *** مـع الأسف فرخ الصيارم غدا بوم
حتى الصديق الـلي تهقويت بـه بـار *** لا جـيـت لـطـم خشته تـقـل مزكـوم

وقال فهد بن صالح بن عبدالله الجطيلي هذه القصيدة الترحيبية : 910

ابـن الجـطيلي قـال عـذب المثـالـي *** يحـيـي بـرجـال الحـضـر والقبـيلـه
يـا مـرحـبـا بـقـدوم كـل الـرجـالــي *** عـيـال الحمـايـل والرجال الأصيلـه
تسوون مـالي والـذهـب والحـلالـي *** فـصيـلـة يـا طيـبـهـا مـن فـصـيـلـه
حـيـاكـم الـلـه يـا قـروم الـعـيـالــي *** عـيـال النشامـا كـاسبـيـن النـفـيـلـه
فـي شـوفـكـم يـالـربع يـنسر بـالـي *** وتجلي همـوم فـي ضميـري ثقيـلـه
وأهـلا هـلا بالضيف والـلي عنـالي *** أهـل المـراجـل والـدروب الطويلـه
الـيـوم عـيـد وكـل شـي صـفـالــــي *** وفـي شـوفكـم زال الكـدر والمليلـه
أرحـب بـكـم تـرحيـب غـالي بغـالي *** تـرحيـبـة الـخـل الـقـديـم بـخـلـيـلـه
تـرحيـبـة الـوالـد بشـوف العـيـالـي *** عقب البطأ شاف الوجيـه الفضيلـه
وأنـا أحمـد الـلـه شرفونـا الجـزالي *** نعم الرجال أهـل العلـوم والجزيلـه
أهـلا هـلا تـعــداد بـرق الـخـيـالـــي *** واعداد ما يمطر على الكون سيلـه
وعـد الـرمـال وعـد حصو الجبـالي *** واعـداد مـن شاف القمـر كـل ليلـه
أهـلا هـلا بأهـل الـدروب الطـوالـي *** أهل الصخى وأهل الفعول الجميلـه
مـا غـرّد القمري على صوت عالي *** يـجـر صـوتـه بـالـلحـون ويـشيـلـه
وعـد الـكـواكـب كـلـهـا والـهـلالـي *** وأعـداد مـا بالـكـون عـدلـه وميلـه
وعـد العـصـور الماضيـه والليـالي *** واعـداد مـن زار الحـرم وايعـنيـلـه
يـعـل يـفـداكـم جـمـيـع الـحـثـالـــي *** الـلي مـراجـلـهـم ضعـاف وقـلـيـلـه
وصـلاة ربـي عـد رمـل السـهـالــي *** عـلـى نـبـيـاً وضّـح الـلـه دلـيـلــــه

قال عبدالله بن دهيمش بن عبار العنزي هذه القصيدة رداً على قصيدة
فهد ابن صالح بن عبدالله الجطيلي العنزي : 911

بسـم الكـريـم الـلـي عـلـيـه اتـكـالي *** رب المـلأ محـيي الـبـلاد المحيـلـه
عـلام بـأسـرار السـنـيـن الخـوالـي *** خـلاقــنـا مـجـري نـهـاره ولـيـلـــه
ومن بعد ذكره هاض قاف طـرالـي *** نـكـتـب جـواب الـلي اهـدافـه نبيلـه
فـهـد بـن صـالـح كـريـم الـسبـالـي *** قـرم العـيـال الـلـي يـرحـب بـقـيـلـه
حيثه من شخوص الرجال المـدالي *** ربـع الـجـطـالا طـيـبـيـن الـفـعـيـلـه
يستقـبـلـون ضيـوفـهـم باحـتـفـالي *** وقولت هـلا بالضيف حـّزت يجيلـه
وأنـتـم مـقـر الطـيـب مـابـه جـدالي *** أهـل مـجـالـس للفضـايـل وسـيـلـه
فيها مواعض تهدي أهـل الضلالي *** وفـيهـا سوالـف لفضهـا ينصغـيلـه
ولا تسمـع الـلي بالنـميـمـه يـلالـي *** ولا منهم الـلي جـاب غيـبـة زميلـه
والـبـن سيـق بـمـكـرمـات الـدلالـي *** يجلي عماس الـراس نفحات هيلـه
ومـن وارد الـسـيـلان مـرٍ وحـالــي *** بـه زعـفـران وخـالـطـه زنـجبيـلـه
والعـود الأزرق بالمـداخـن ايكـالي *** أخـن مـن ريـح الـنـفـل بـالخـمـيـلـه
وحـيـل تـقـلـط بالصحون ودغـالـي *** فـوق الـصياني مـثـل تـل النـثـيـلـه
وأنواع من حمل الغصون الـدوالي *** يجـنـا مـن اثـمـار الكـروم الضليلـه
لـكـم الشـكـر يـا طـيـبـيـن القـبـالـي *** يا أهـل العـلـوم الطـيـبـه والجليـلـه
الـواجـب اشـكـركـم ولانـي لحـالـي *** باسم أبـو خالد نسل حـامي الدبيلـه
بـنـدر سـلـيـل مـزبـنـت كــل جـالـي *** ابـن سـويـلـم مـا يـبـور بـعـمـيـلــه
والخـاتـمـه أطـلـب عـزيـز الجـلالي *** عـسـاه دايـم عـزكـم مـا يـزيـلـــــه

قال الشاعر رجاء بن سويلم بن شداد البجيدي هذه القصيدة يسند على
زميله عبدالله بن دهيمش بن عبار : 912

يا الـلـه يـا جـالـي ظـلام الـغـداري *** يا رب تحمينـا من الـبغي والشرك
يا الآدمي تمـضي سنين العـماري *** تمشي بأثر ناس وناس على أثرك
لابـد ما تـرحـل رحـيـلـك اجـبـاري *** بالواسطة والمـال ما أحـدٍ يـدبّـرك
ولابـد مـا تسفي عـلـيـك الـذواري *** ويدعي لك الـلي من دناياك يقبرك
آخـر مصيـرك للفـنـاء والـدمـاري *** تـسعـى وصـيّـاد المـنـيـه يـداورك
ولابـد مـن بعـد الطلوع أنـحـداري *** مابـه طريـق غـيـر دربـك يحـّدرك
من عاش بالدنيا يشوف الغـيـاري *** ناس تناضر زين زولك ومضهرك
شعبـانهـا تمشي بعـكس المجـاري *** تـحتـار مـنـهـا والتـقـلـّب يـحيـرك
صار الرخـم يشره لصيد الحبـاري *** والثعـلبي يـا غـار على الغنم درك
عصرٍ بـه الثعـلب يضد الضـواري *** يـلعـب بقطعـان الغـنم ما ينـاضرك
يـقـول لـلسـرحـان ذيـب الـمساري *** دورك مضى يا ذيب لزوم أوخرك
وأشوف صافي الجو يقلب غباري *** حتى الختوش تحاول اليوم تقهرك
ودنياك لأهل المال وأهل العـقاري *** وأن قل مالك حتى الأنـذال تحقـرك
اليـا فـضت مخبـاك مـالـك وقـاري *** المـال خـلا عفون الأنـذال تـامـرك
من كثـر مـالـه بالـدراهـم يـمـاري *** يصـد عنـك وصابره يفـركـه فـرك
الـلي بـسوق المـال بايـع وشاري *** كـثـرت فلوسه وأرتـفع مـا يقـدرك
وأبعد عن أهـل البلبله والمـزاري *** الـلي لجاجتهم عـن النوم تسهـرك
واللاش خـلـه لا يجي لـك مبـاري *** ولا تعـاشره لـو كان وده يعـاشرك
سـوالـفـه أحـلام لـيـل وهــــذاري *** تجنبه مالـه سوى الخصر والتـرك
وأستثـني الـلي ياصلون المحـاري *** اللي مثل بليهان لحمله برك بـرك
مثـل الجـبـال العـالـيـه بـه مـذاري *** زبن الضعيف اللي على عاتقه درك
ينفـق ويبذل سـر وأيضاً جـهـاري *** لاجيت ناصي ما خصرك وتعـذرك
هـذاك بـوجـهـه للـمـروه شـواري *** الـلـه يـستـر مـن تجـمّـل ويستـرك
وأرسـل لأبـن عـبـار لـيـه يجـاري *** قـرايضه مثـل الـذهـب ما يخسرك
من مصنع القيفان مـا هـو تجاري *** اليـا طـمـك أمـواج تـلاطـم يعبّـرك
سيف عنزة لا سن وقـت الطواري *** يحشر جنون الأنس من قبل تحشرك
وأنا يابو مشعل على الحـظ أداري *** عسى السعادة طول الأيام تغـمرك

قال عبدالله بن دهيمش بن عبار هذه القصيدة رداً على الشاعر رجاء ابن سويلم البجيدي : 913

خـط لـفـانـي زاد فــيـه أفـتـخــاري *** جاني جوابك يابو نواف وأشكرك
حيثـك يا أبـو نـواف كاتـب وقـاري *** والكـل يالمنعـور بالخـيـر يذكـرك
من ساس لابه يـوم قـص الأثـاري *** خيالهم لـو كنت بالأسـر يضهـرك
عـزوة هـل البلها اليا صار جـاري *** تدحـر عـدوك بالمعامع وتـنصرك
والمرجله ما هي بغـلـض العتـاري *** تدريبها من دون أعلمك وأخبـرك
مـن شام للعلـيا يـدوس الخطـاري *** أن طـاب علمك بالمخاليق يشهرك
هـرجك وكـاد وشفت كـل المواري *** وحيرني الـلي يا أبن شداد حيـرك
كما ذكـرت اليـوم عصر المصاري *** الـعـز بـالـدولار والمـجـد بالمـرك
هـذي حقيقه وأنـت بالوضع داري *** لاشك من رامك على المال ينفرك
الثعـلـبي لـو نـال منـصـب وزاري *** كان أنت صاحبته نكربك ودهورك
ابعد عن المذموم غادي القطـاري *** ترى الرزيل بصبغت العيب يمغرك
بعـدك عن أهـل البلبلـه والهـذاري *** يبعـدك عن كل المشاكل ويضهرك
والله مالومك لـو تجـوب البـراري *** تبعد عن اللي من العرب مايوقرك
تـنـزل بـوادي ما تشوف الكبـاري *** ولا تسمع أصوات تـلجك وتسدرك
ما تستمع تفحيـط جيـب السفـاري *** لا فـر دولابـه مـع القـار له صرك
تسعى بسماهـيـد الديـار القـفـاري *** وعشب الربيع اليـا تلفـت يـبهـرك
مـابـيـن غـدران الـفـلا والخبـاري *** تبحث عن الـلي بالخمايل يصورك
عنـدك جليس لطيّب السلم ضاري *** مثل أبويوسف بالسوالف يخاشرك
صادق صدوق وبالعلوم استشاري *** أن حرت شاورته وأن أحتار شاورك
تشرح لـه ظروفك وما كان جاري *** موثوق تبـدي لـه خفـايا سرايـرك
أمـا قـصص ولا حـديـث البخـاري *** له ينشرح صدرك وينسر خاطـرك
نطلب من المولى اصلاح الذراري *** يـاعـل ربـي يا أبـو نـواف ياجـرك
اليوم أشوف البـاز هـاب الكـداري *** يلبد مع فروخ الدجاجه ولـه كـرك
والنمـر يجفـل من نبيح الجعـاري *** وجـرو الثعل هو الفهد بينهم عرك
تعادلت حصن الـرمـك والشهاري *** أنظر وعاين وش مع أيمنك وأيسرك
أنظر على الشاشه تشوف العواري *** الغـرب وده بالعـماهـيـج يسحـرك
سلم الكفر سموه مضهر حضاري *** وهـذا الـذي جسّر علينـا الدنمـرك
والسيف اللي ثـلمّ شطير الشباري *** تـراه ما غـمد هاك السيف أبشرك
مـا ظنـي السكتون مثـل السواري *** ولالاعب الكوره مثل لاعب السرك

هذا اللغز للشاعر رجاء بن سويلم بن شداد البجيدي يقول : 914

وش الـذي ينقـل ومخـفي ويجـري *** يمشي وهو ينقل ومشيه بالأرماش
مـواصـل مـشـيـه نـهـاره ويسـري *** ولا يـشـرب الا دم لـولاه مـا عـاش
يمشي سنين مطوله دون حصري *** واليا وقـف يموت ولا يفيده انعـاش
مـائـة سنـة يعيشها قـلت ما أدري *** واليا وقف من ينقله طاح ما عاش

قال عبدالله بن عبار في حل اللغز : 915

لغزك ترى حلّه بصدرك وصدري *** وبصدور جميع البشر داخل الجاش
يـرف دايـم تـقـل جـنحـان كـدري *** بالـجـوف دقـاتـه تـقـل دق مهـبـاش
لـك احـتـرامي يالسنـافي وقـدري *** يالـوايـلي يـفـدونـك النـذل والـّلاش
حليت لغزك يا أبـو نـواف بـدري *** حـلـّه تـراه الـقـلـب خـذ ردنـا كـاش

قال الشاعر \ عبدالله بن عودة الجعفري العنزي هذه القصيدة يسند على عبدالله بن
دهيمش بن عبار العنزي وذلك بعد أن سمع شريط التصدي للحملة المغرضة والإشاعات
المضللة التي بثت من البعض للتنكر للجهد الذي بذله لقبيلته بدافع الغيرة والحسد : 916

هـاض الـفـواد وهـل وبـل المعـانـي *** يـرزم سحـابـه ثـم يـمـطـر حقـوقـه
سيـلـة مـن القـمـة نـزل بـالطمـانـي *** ما جاء بدربـه مع طـريـقه يسوقـه
نـّزل رضــم ضـلـع كـبـار الـمبـانـي *** وقشع شجـر شعـبانها من عـروقـه
وأخـذ سبـع لـيـال مـا أدري ثـمـاني *** والسيـل يضرب في محايـر فلـوقـه
شهـريـن بأرضه مـا وطـأ مودماني *** أخـضـر فيهـا العشب واشتد سوقـه
وجيته عـقب مـا شوق قلبي دعاني *** لنظـم البيوت الـلي عجيبـه طـروقه
الصفحه روضة عشب تزهازهياني *** والـزهـر بـالكـلمـات تـمتـم نطـوقـه
بهـديـه لـلي فـي عـلا المجـد بـاني *** بـدر الـدجى مـا أظـن يخـفى شروقه
قـرم ضهـر صيتـه لـقـاصي ودانـي *** نـفسه عـلى روم المعـالـي شفـوقـه
أديـب لـلـويـلان عـلــم وضـمـانــي *** والـشـاهـد الـتـاريـخ وثـّق حـقـوقـه
بحـث وتـعـب وأجـتهـد واستـبـانـي *** ودور عـن الـواقـع بـشتى طـروقـه
وجـاهـد وكـافـح بـالـقـلـم واللساني *** الـرأي حكـمـه والصواب بـنطـوقـه
صوت عنزه صوته جهـار اعـلاني *** ومـن اعتـرض لأسم القبيله يعـوقـه
شامخ سوات طويق مـا يـوم لانـي *** مـا هـزه الـتـيـار وأخـلـف وثـوقــــه
يا ريح هـبي صوب جـدي ويـمـاني *** ما هـز ضلع طويق عاصف شعوقه
يا أبـن دهيـمش يا رفـيـع المكـانـي *** الـمـجـد قـمـه وأنـت منـزلـك فـوقـه
تستـاهـل الـلي راب بالـزعـفـرانـي *** فـنجـال ريـح الهيـل يـنعـش نشوقـه
يأبى الردي عن سمعتـك والهـداني *** رايـتـك بـيضاء والحـلـوق مخنوقـه
وش عاد لـو ينهـق طويـل الأذانـي *** زمـالـت الشيـطـان يـمـلـك خـفـوقـه
وش عاد لـو جت من ربـوع دواني *** راعـي الحسد كبده عليك محـروقـه
والحسد شـّره من قـديـم الـزمـانـي *** هبيـل أخـوه أرداه وأعـطب فـلـوقـه
وامجـاد فعلـك مـا عـليهـا ارهـانـي *** كـالـلـيـل والــنـهــار بـانـت فـروقــه
لا يـضايـقـونـك خـايـبـيـن المعـانـي *** وأنـت الأديـب الـفـذ نـفسك خـلوقـه

وقال عبدالله بن دهيمش بن عبار هذه القصيدة رداً على الشاعـر عبدالله ابن عودة الجعفري : 917

سـمـيـت وأدنـيـت الـقـلـم بالبـنـانـي *** هـاض الفكـر والقاف نفهم ارموقه
حـي الكتاب الـلي من القـرم جـانـي *** رحـبـت بـه والـقـلـب يـزداد شوقـه
من شاعـرٍ صـاغ البـيـوت السماني *** دلا رعـد شـعــره تـلاعـج ابـروقــه
عبدالـلـه العـوده عـريـب المجـانـي *** قـرم العيـال الـلي عـريقـه اعموقـه
مـن لابـةٍ تـروي شـطـيـر السنـانـي *** جـعـافـرة كـعـم الـمـعـادي وعـوقـه
اليا اعتلـوا من فوق كـور العـمـاني *** رجـالهـم مـا يـقـرب الخـصم نـوقـه
أهـل بـيـوت مـشـيـده بـالـبـيــانـــي *** ومـن ضافهـم هبـر الهـرافي ريوقه
مشكـور يالمنعـور طـلـق اليـمـانـي *** مـثـل القـطـامي يـوم تطلـق اسبوقه
مشكـور يالـلي بالـحـقـيـقـه يـرانـي *** شـرواه مـا غمض عن الحق موقه
بالقـاف يـردع مـن بقـولـه هـجـاني *** ومـن عـد حق الـلـه مـا أحدٍ يفوقـه
الـحـر طـبـعــه لـلخـطـأ مـا ايـدانـي *** وصـدرالحليم اليـا انظلم زاد ضوقه
عند القـروم الصيـد قـدري وشانـي *** ولانـي بحـال الـلي أيجـلق اشدوقـه
كـل الـقبـيـلـة عـدهـم مـن اخـوانـي *** مخـلص ولا نـقبـل خـديعـه وبـوقـه
أثـبـت لشخـوص الحمـايـل كـيـانـي *** ولا اشكـل عـلي اللي يجدع اعلوقه
بعـض الـرخـوم مفـرقيـن العـواني *** بـيـت الفخـر تفتح خلايـل اشقـوقـه
والـلي بـلـمـات المجـالـس شنـانـي *** يـبـي النسـب عـلى مـزاجـه وذوقـه
هـو يحسب أنه يابن عـوده وساني *** لا شك أنـا مـا شاق قـلـبي عـقـوقـه
خصمي شكمته بالـرسن والعـنـاني *** ومـن زوّر الـواقع عـطـيتـه لعـوقـه
يـبـغـي يـحـط لـعـزوتـي جـد ثـانـي *** والكـذب مـالـه عـنـد الأجـواد لـوقـه
قـص النسـب هشـام والأصفهـانـي *** مـبـطـي ولا تـو الـعـبـاد امـخـلـوقـه
الـعـلـم وضـّح كـل مـا كـان فـانــي *** والـلي مـضى يصعـب عـلينا لحـوقه
وقـولٍ بـلا مـعـنـا حـلـوم وأمــانـي *** ضـريع ما يجنـا الثمـر مـن عـذوقـه
واللاش لـو هـو من نحانـيح هـاني *** تكـرم عنـه قـدره مثـل جـرو طوقـه

وقال الشاعر جميل بن محمد الحوسي يسند على عبدالله بن عبار : 918

وقعت لك وقعت في عشـر الأصباع *** أنـك أديــب وفـيـك صـبـر وجــلاده
شاعرفحل مشهور في كل الأصقاع *** عنـدك عـلى نـظـم القوافي شهـاده
راوي واديب وشاعر وعندك إقناع *** أنـا أشـهـد أنـك تـستـحـق الإشـاده
لا قيـل من هـو قلت بين الملأ شاع *** عـلـمه وذكـره محتـرم فـي عـتـاده
أنـا اشهـد أنـه بالصعيـبـات بـتــاع *** بـالـمـعـضـلــه عـنـده قــدوم وأراده
عبـداللـه العبـار مـا هـو بـرعـراع *** وأولاد وايـل بـالـلـزم هــم اسـنــاده
مـن لابــة هـداتـهـم تـشبـع سبـاع *** عــدوهـم مـا يـهـتـنـي فـي رقـــــاده

قال عبدالله بن عبار رداً على جميل بن محمد الحوسي : 919

حـي الـزمـيـل الـلـي للأشعـار بـداع *** حـيـه عـدد نـبـت النـفـل بالحـمـاده
حيه عـدد ما نسنس الصبح ذعـذاع *** وأعـداد مـن صلـوا بـدور العـبـاده
جميـل أبـو تركي كمـا الحـر لا ثـاع *** اسطى مـن الصيـرم بحـزت هـداده
شيخ وخطيب لوالي الكون مطـواع *** عـسـاه دايـم فـي حـيـاة الـسـعــاده
ترى الكلام الـلي سمعته ولـو شـاع *** لا تـصـدقـه يـا شـيـخ كـلـه ربــاده
أصـبـح يـعـوث بـغـرتـي كـل خـداع *** الـلي لـه الـتـزويـر والـكـذب عـاده
مـا دام تـشكـرني طـويليـن الأبـواع *** الـلاش مـا يـشـكـل عـلي انـتـقـاده
عنـد اللـزم ما شفت من صال فـزاع *** الـكـل سيـفـه شـايـلـه فـي غـمـاده

وقال عبدالله بن عبار هذه الأبيات يسند على الشاعـر جميل بن محمد الحوسي الفدعاني : 920

يابو تركي وش علام أهل السوالف *** وش بـلاهـم يا أبـو تـركي يطعـنـون
الـلي واحـدهـم مـثـل ثـور المعـالـف *** غيشمـان وبالقـصص مـا يفهـمـون
مـن بـراسـه مـخ مـتـحجـر وتـالــف *** يسمع الغـوغـاء ويـاخـذ بـالظـنـون
عـادت الـكـذاب لا سـولـف يـحـالـف *** والـرعـاع بـكـل قـول يـصـدقــــون
لـو وجـد عـاقـل لمنهـاجـه يـخـالـف *** قـرم مثلـك يا أبـو تـركي لا تـهـون
لـو يـقـال لـمـن تـمـادا طـس ذالــف *** ما نجح راعي الخـلاعـه والمجـون
وأنـت لأصحاب النمايـم مـا تـوالـف *** تـردع الـلـي دون ذمـه يـشـمـتــون
من هو اللي من حلالـه كنـت بالـف *** من هو اللي جيتـه أطلب منه عون
أعتـزي بجدودهـم في عهـد سالـف *** وأبـذل المجـهـود لـو مـا يشجعـون
وأحمد اللـه مجتهد لـو كـنـت كالـف *** الـقـروم تـشـيـد والـلاش مـغـبـون

قال الشاعر جميل بن محمد العنزي هذه الأبيات جواب لأبيات عبدالله بن عبار : 921

يا أبـو مشعـل معـلن معـك التحالـف *** ضـد نـاس يا أبـو مشعـل يجهلـون
مـا رضينـا أن نكـون مـن الخوالـف *** ولا رضـيـنـا أن نـكـون الأرذلـــون
ولا نقلنـا هـم من بعـض الـزحـالـف *** ولا سمعنـا هـرجـة الـلي يـرجفـون
مـن يعـز النفس مـا يرضى اللفالـف *** مـجـد وايـل دونـه رجـال يـحــدون
مثـل أبـن عـبـار لـه ميقـاف صالـف *** الـوحـيـد الـلي تـبـيّـن مـن سـنـون
مـا تـركـهـا بـيـن جـهـّال تـشـالـــف *** سـيـرة الأمـجـاد درسـهـا الـبـنــون
عـنـد خـيـرت قـومنـا يولف ويالـف *** والـردي كـوبـان مـا هـو لـه زبـون
يـا كـثـر نـاس عـلى وايـل تـهـالـف *** هــذا يـبـي الــعــز وذا وده يـهــون
لـو بعـضهـا حـق قـلـنـا مـا يخالـف *** لـكــن أنــه زيــف شــي يــدعــــون
الـحـقـايـق والـلـفـالـف مـا تـوالـف *** بعد ضلع طويق عن ضلع الحجـون

القى الشاعر المنشد جميل بن محمد الحوسي مقاطع من الشعر في
حفل زواج الأبن منضور منها هذا المقطع : 922

اشهد شهادة حق لك يا أبن عبار *** أنك من اللي يكسبون الجمايل
لـك عـندنـا قـدر ومعـزة وتعـبـار *** وأشهـد أن القبله كـلام الفعايل
يا كاسب الطولات يالـوافي البـار *** يا أبن القبيله يا عريب السلايل
يا مشعل اللي طاب تـراه مـا بـار *** فـي حـقه الأعذار صارت قلايل

يتبع