تابع
*- قال بشير بن مرهق بن محمد التمامي الجعفري من أهل شعبة نصاب
هذه القصيدة يرحب بزميله عبدالله بن دهيمش بن عبار : 621

بديت بالـلي تسجـد النـاس لرضـاه *** الـواحـد الـلـي كـلـنـا لـه عـبـيــدي
الـواحـد الـلـي كـل خـلـقـه تـرجــاه *** رب غـفـور وفـي عـذابـه شديـدي
يـا خـالـق الـجـنـة وكـل مـا تـمـنـاه *** خـلـقـت نـار لكـل عـاصي تـبيـدي
يا راكـب الـلي لا مـشى مـا تـمـالاه *** كـل ما يطـول الخط مشيـه يزيـدي
الـيـا مـشى بـالـقـار مـا حـدٍ تـعـداه *** ما غيـر تسمع للشكامـن رعـيـدي
جـمس هـديـره لا تـعـداك مـا حـلاه *** يـاصـل ديـار بـالـمسـافـة بـعـيـدي
الجـمس حـرك وأبـن عـبـار ملفـاه *** عبـدالـله الـلي نـال عـلم الحميـدي
رجـل حكيـم وتـفـعـل الطيـب يمنـاه *** وعنـد اللوازم ما يعـرف المحيدي
يا الـلـه تحفـظ كـل مثـلـه وشـرواه *** حيـث الـذي مثـلـك جنابـه فـريـدي
الـلي مـثـل شـرواك نفـرح بلـقـيـاه *** والشاهـد الـلـه عندنا اليوم عيـدي
البـيـت يـفـرح يـوم شـرفـت مبـنـاه *** باسم التمام أهـلا هلابـك عـديـدي
أنـت الـذي مـجـد الـقـبـيـلـة تـبـنـاه *** وأنـت الذي لأمجـاد وايـل تعـيـدي
الطـيـب والمعـروف مـنـك انـتـلقـاه *** مـن قـافـك وتـالـيـفـكـم نستـفيـدي
قـلتـه وأنـا مـن ربـع يـوم المـلاقـاه *** عـند الملاقى يضهـدون العـنيـدي
جـعـافـرة بـالـكـون مـا احـدٍ تـحـداه *** قـبيـلـة تـرهـب جـميع الضـديـدي
وخـتـام قـافـي بـالـنهـايـة ومـبــداه *** صلوا على الهادي ختام القصيدي

قال عبدالله بن دهيمش بن عبار هذه القصيدة رداً على الشاعر بشير بن
محمد بن مرهق التمامي الجعفري من أهل شعبة نصاب : 622

يا مرحبا بالقـاف والـلي لنـا أهـداه *** اعـداد ما يومي عسيب الجـريـدي
حـي الزميـل الـلي جـوابـه قـرينـاه *** بشير ابن مرهـق سنادي عضيدي
قـريـت منـظــومـه ورده كـتـبـنــاه *** وأبي أرسلـه للقـرم عبـر البريـدي
الجعـفـري يعـتـز مـن طيب مجنـاه *** قـرم العيـال الـلي بجهـدي يشيـدي
حيثه من شخوص الرجال المسماه *** أهـل العـزوم الـلي تـفـل الحديـدي
جـعـافـرة مـثـل الـحـرار المـضـراه *** الـلي لـجـزلات الحـبـاري تصيـدي
يـروون حـد الـمـرهـفـات المحـنـاه *** شجـعـان مـا فـيهـم ذلـيـل وبليـدي
سجيـت للـويـلان سـجـة وتـفـضـاه *** عـلى طـريق البيـب وجـه مـديـدي
مـن ينـتبـه وايـل لـنـا عندهـم جـاه *** جـميعـهـم لمـلـوم دون اتـحـديـدي
بني وهـب وجلاس نفخـر بطـريـاه *** وباسم العماري نعتـزي والعبيـدي
الربع اللي في شعبة نصاب زرنـاه *** عـز الـلـه أنـي فـي لقاهـم سعيـدي
عـاداتهـم لضيـوفهـم ذبحـة الشـاه *** ولا منهم اللي عـن لزومـه يحيـدي
طبـع الكـرم بمجـرد العـيـن شفنـاه *** شوفي بعيني مـا يـبي لـه شهيـدي
الكل يجدع بالصحن حوش مخبـاه *** مـا هـمهـم بالبنـك كـثـر الرصيـدي
والكـل منهـم مجـتهـد يـوم جـينـاه *** بـالـغ بتـقـليـط الـشحـم والـثـريـدي
عـزاه لهـم مـن الهـواشـيـل عـزاه *** وأن ودعـوا زايـر يجـيهم جـديـدي

*- قال الشاعر قريان بن غبن الرويلي يسند على عبدالله بن عبار : 623

يا راكب اللي صانعه عملتـه مـارك *** بـنـز جـديــد ودافــع بــه حـلالــك
بستر الولي ما قيل بالقـار دهـورك *** مـع الخطـوط الطـايلات ايحـلالـك
سافرلأبو مشعل عسى الله يستـرك *** عسى الـولي ياقـاك عـن المهالـك
لا جيـت بالترحيب بالحـال باشـرك *** وعقب المهيّل طبت وأرتـاح بالـك
كـمـّل مـواجـيـبـك ولا هـو تـعـذرك *** والـيـا وصلـتـه فـز بـك وانـتبالـك
عطـه الكتاب اللي كتبتـه على أرك *** سلام مني عـد ما اخضر اسهالـك
قـلـه يا أبن عبـار نشكرك نشكـرك *** عـلى الكتـاب الـلي ولفـتـه لحالـك
وأنـا أذكـر الله كيف هـذا تصـورك *** فـخـذت وايـل بـدوهـا والـمـوالــك
مثـلـتهـا تمثيـل مـن يلعـب السـرك *** وصححتها حيثك صدوق ابمقالـك
ودونتها من غير ما أحدٍ يشاطـرك *** مـتـحـمـلٍ فـيـهــا عـذاب جـرالــك
دايم عـلى رقـي المعـالي مفاخـرك *** وبالطيب ترخص بالمواجيب مالك
وأقـبـل تحيـاتـي عسى الله ياجـرك *** وإلـى سـألـت الـلـه تقبّـل سـوالـك
عسى الولي يرفع مقامك ويظهرك *** وعلى طريق الرشد توصل حبالك

* قال عبدالله بن عبار رداً على الشاعر قريان بن غبن الرويلي : 624

أبدأ بمن طوّع هـل البغي والشـرك *** وأهدا العصاة اهل المعاصي كذلك
يالبال هات القيل من فيض خاطرك *** يـوم أن مرسول النشـاما عنـالـك
سر يا قـلـم في كتب الأمثال نامـرك *** أكتب جـواب الوايلي طـاب فـالـك
يا أبن غبن يا كاسب الطيب ابشرك *** أنـي بخيـر وحاسدي بـات هـالـك
من جاك عني يا فتى الجود يخبـرك *** يـاعـل عـفـنيـن الطبـايـع فـدالـك
بأمجاد وايـل تـدري الـروم والتـرك *** وايـل ومن وايـل ملـوك الممالـك
يـوم السبـايـا بالمعـامع لهـن عـرك *** تـاريخـهـم يشـهـد بـدورٍ مضالـك
ومن لا أفتخـر يدبل فوادك ويقهرك *** اليا قام بـه خطو الهلاسه ايعالـك
طيـر الرخـم تلقـاه بالروث والـدرك *** والحـر جـزل المسمنـه جـابهالـك
مثلـك يشجع يا فتى الجود خـابـرك *** تـبي الـفخـر ربـي يـكـثـر أمثـالـك
سر للإمام وسامك العرش ينصرك *** أسلك طريق الحق وأخلص عمالك
ولا تقّدر اللي من الملأ مـا يقـّدرك *** أدعس على خشم الردي في نعالك
يقوله الـلي جّـرب اللاش وأنـذرك *** وأنت الذي معـروف جـدك وخالـك

* قال قريان بن غبن الرويلي هذه الأبيات بمناسبة زيارة الأبناء : 625

يـا مـرحبـا بـالـلي لفـونـا مساييـر *** تحـيـة مـن خاطـري سـر واجهـار
تـحـيـة نـزفـهــا مـن شـذا صويــر *** تهـدا لدسمين الشوارب هل الكـار
يا مرحبـا بنسل الرجال المشاهيـر *** الـلي فعـايلهـم لهـا عـلـوم وأذكـار
أن قـيـل منهـم قـلـت ربع مسافيـر *** أشبـال من نقـوة نضانيض عـبـار
حـيـث أنـهـم لهـم مـعـزة وتـقـديـر *** شيابهم والـلي بعـد منهـم اصغـار
وإلـى نـويتـوا للسفـر نـيـة الخـيـر *** خـوذوا سلامي والتحية بالأسطار
سـلام مـني عـدد مـا غـرد الطـيـر *** أوعدد ما جر اللحن فوق الأشجار
ألـذ وأحـلا مـن حـلـيـب المبـاكـيـر *** الـلي يقـطفـن الخـزامـى بالأقـفـار
يهدأ لأبـو مشعل عشير المنـاعيـر *** يفرح إلـى حّول على البيت خطـار
بقصد السلام ولا لنـا مقصـدٍ غيـر *** الله يفكـك مـن صواديـف الأشـرار

* قال عبدالله بن عبار رداً على قريان بن غبن الرويلي : 626

جتني رسالة من زبون المقاصيـر *** الشاعـر قـريـان وجـه لـنـا أشعـار
وسجلت رد القاف من دون تأخير *** نرسل بها المندوب من عندنا سار
جـاني سلامـك بـه تحيـة وتـوقـيـر *** مثل الشذا لا فاح من نفح الأزهار
عن شكركم يقصر ثناء كـل تعبيـر *** ولا هي غريبة طيبكم يابن الأخيار
مثلك مجرب ما يجي منـه تقصيـر *** ولا ينجحد موقفك بالموقف الحـار
يـوم الـرخـوم يـدورون الـدنـانـيـر *** الـلي يبـيعـون القصايـد بالأسعـار
أنـت وزميلك تنطحون الشـواعيـر *** قولك على وضح النقا مابها أنكار
ومـن شـذ خـلـه ينقـلع للزمهـريـر *** خاب الخصيم وعين عمّـار بالنـار
وبـلغ تحياتـي عـلى خـلفـة نصيـر *** سلـّم على عشيان مع كل الأنصار
والخاتمة يالقرم نرجـوا المعـاذيـر *** وصلوا على اللي للمخاليق مختار

* قال قريان بن غبن الجفنان الرويلي هذه القصيدة يرحب بزميله عبدالله ابن
دهيمش بن عبار ويشكر الشاعر بشير بن حجر وحران عشوي : 627

يا مرحـبا اعـداد مـا شعشع الـنـور *** وأعـداد مـا هـلـت مـزون بهـلـلهـا
تحيـة تحجـب عـن الزيـف والـزور *** من خاطري صدق المشاعر نقلها
تـحـيـة تـهـدا عـلى كـل مـسـطــور *** بــوجــود لابــة مـا نــّدور بـدلـهــا
تهدا لدسمين الشوارب هـل الشور *** اللي خـذوا بالطيب صافي عسلهـا
عـبـدالـلـه العـبـار بالطيـب مذكـور *** والـمـرجـلـة مـع كـل بـاب دخـلهـا
وخويـه اللي بالفخـر صار لـه دور *** حـران راعي الغـانمة ومـن أهـلها
وصفوق بن حمدي تجمل ومشكور *** مـشى مـماشي والـده مـا جهـلهـا
وبشير أبو خالد عن العوق ماجور *** كمـل لـنـا الفـرحـة ولبست احـللها
ربـع لنـا بـوجودهـم عـز واسـرور *** شلها يا أبو مشعل مع رويل شلها
شلها مع عنيزان وهايل ومنصـور *** وسـالـم وجـزاع المسمى حـمـلهـا
وعازم نثر بالحفل ريحان واعطور *** عـذبـات زيـنات المعـانـي نـهـلهـا
ومثـايـل عشيـان والفـعـل مخـبـور *** غـنى بعـذيـات الـلحـون وشـهـلهـا
ويوم كتمت القيل وأنتم لنا حضور *** أخـاف عـن شغـل المعـازيـم نـلـهـا
والمعذرة وأن كان شفتوبنا قصور *** الـمجـتـهـد لـو أجـتهـد مـا كـفـلهـا

* قال عبدالله بن عبار رداً على قريان بن غبن الرويلي : 628

حي الكتاب اللي لفى اليوم بسطور *** أبـن غـبـن عـذب الـقـوافـي بذلهـا
يا مرحبابه عـدد منبوت أبـا القـور *** وأعـداد ما ديـم السحـايـب دهـلهـا
قافـه يشابـه فـايـح الـورد وأزهـور *** أخـن وأنـوج مـن روايــح نـفـلهـا
لا تعـتـذر يـا مسنـدي تـرك معـذور *** وأمثـالكـم نـفـهـم مـعـانـي مـثـلهـا
جاني جوابك وأنـت بالخير مذكـور *** مع شكر الـلي قـامـوا بنا بمحفـلها
بـلـغ تحـيـاتـي عـلـى كـل مـنـعــور *** وبـلغ جميع رويـل شكـري شملها
الـبـدو منهـم والـذي يسكـن الـدور *** اللي حـوالي الجوف واللي نـزلهـا
ما جاملـوا مع كـل عـاقـه ومـثبـور *** ولا ايقدرون اللي القصيرة ختلهـا
مـن زايد اللي ماكره ماكـر صقـور *** مـن هـد منهـم بـالحـبـاري قـتـلهـا
عـدوهـم يرجـع مـن الـذل مقـهـور *** مـا هـو بخيـر الـلي اشنابـه فتـلهـا
أقبـل يـدور الفـود وأكتـف مذعـور *** ويمنـاه صابهـا الخـدر من كسلهـا
وأبا الضهور أن سار يتليه صابور *** ساروا مع العطفة وساقوا جملهـا
والجمع عن عليان موقف ومقهور *** وتوزعت خمس الجموع وعـزلها
أهل الخيول الشهب تأتي تقل سور *** يا ويـل ويـل الـلي عـليه امحملهـا
نعوذ بالـلـه من هـل الظلم والجـور *** والنفس لا بـد تنشـد عـن عـمـلهـا

*- قال الشاعرعازم بن طعيسان الرويلي هذه القصيدة يرحب بزميله
عبدالله بن دهيمش بن عبار العنزي ورفاقه : 629

هاض المثل وأبديت خافي السريرة *** وعبرت من فكري سوات الشواعير
دونـت مـن فكـري وجـزل اتعـبيـره *** تـرحـيـبـة بـالـلـي لـفـونـا مـسـايـيـر
يـا مـرحـبـا اعـداد وبـل الـمـطـيـره *** من العاصمة يا مـا توصلت لصـويـر
الـلـه يـسـنـع مـبـتــداه ومــسـيــره *** والـلـه يـفـكـه مـن جـميـع العـواثيـر
تـرحـبـك الـعـلـيـا وتـرسـل بـشـيـره *** تـرحـيـبـة مـا هـي منـافـق وتقـميـر
حـيـث أن فـعـلـه مـا يـمـثـل بـغـيـره *** قـدره كبـيـر مـن الرجـال المشاهيـر
غـدالـنـا مـثـل الـعـلـم بـالـظــهـيــره *** نمشي عـلى تـاريـخ مـا هـو تفاكيـر
شعـره عـن التـاريـخ فـي كـل ديـره *** مـا هـو تـغـزل بـالـبـنـات الـغـنـاديـر
فـّرع لـنـا الـويـلان كـل الـعـشـيــره *** ولا مقصـده من شـان يجـمع دنانيـر
الا الحـمـيـه هـايـجـه فـي ضـميـره *** ويفخر بمجـد اللي مثـل سالم الـزيـر
صـد الشـعـار الـلي عـليـنـا مغـيـره *** مـا صدهـم هـرج الهـدى والتعـاذيـر
مـن لابـة يـوم الحـروب الـخـطـيـره *** تشهـد لهم صلـب الرجـال المناعيـر
والـيـا تـلاقـوا بالسيـوف الشطـيـره *** صارت على العدوان كـون وعواثير
يتلون أخـو قـطنـه فـعـولـه عسيـره *** الـلـي يصـوت بالعـشاء للخـطـاطيـر
واعـلـومـكـم يـوم الـمـلاقى كـبـيـره *** تشهـد لـكـم شمـر وعـتبـان ومطيـر
قـلتـه وأنـا مـن ساس لابـه شهيـره *** ربـعـي هـل العـليـا تهـدي الأشاريـر
يـرعـون مـن خـد الـذهـب للبحيـره *** ويتلون أبن شعـلان بالشـر والخـيـر
حـريـبهـم صـارت عـليـه الكـسيـره *** وعـاداتهـم بالـكـون نطـح الطـوابيـر
وآخـر كـلامـي يالـوجـيـه السفـيـره *** أرجـو السموحة كان بالقاف تقصير
والهـرج تكـفـي قـلـتـه عـن كثـيـره *** مـا قـل دل وزبـدة الـهـرج تـأشـيـــر
ومـدحٍ لأبـو مشعـل ولا شي غـيـره *** إلا الـسـلام وحـشـمـة لـه وتـقــديــر

* قال عبدالله بن دهيمش بن عبار رداً على عازم بن طعيسان : 630

مـبـداي بـالـلـي كـلـنـا نـسـتـخـيـره *** رب الـعـبـاد يـبـدل العـسر تـيسيـر
حـلال نـشـبـات الـعـقـود الـعـسيـره *** منجي ولد يعقـوب من مظلم البير
وبعـد ذكـر الـلي مـا ترجيـت غيـره *** أكتب جواب مسطر الخـط تسطيـر
قـرم العـيـال الـلي بـيـوتـه غـزيـره *** عـازم ابن طعيسان زبن المعـاثيـر
قـافـه مثـل ورد الشـذا مـن عـبيـره *** صاغـه بمنظوم القـوافـي تعـابيـر
الفاضـل الـلي لكـتبنـا جـاب سـيـره *** عـرف هـدفنا وفسر القصد تفسير
شـكـره لـمـجـهـودي نـعـده بـريـره *** عـسى فـداه الـلي يـدور المعـاييـر
حيثـه من اللي كان صارت جريـره *** لابـة هـل العـليـا حمـاة المعـاشيـر
نقـوة رويل أهـل الجمـوع الغـفيره *** والنعم يشمل كل خمس الصوابيـر
وأن شـدوا المركـب ودرهـم بعيـره *** خلـوا طـوابـيـر المعـادي شنـانيـر
يرعـون من شرق النفـود لسميـره *** ومـن ديـرة البلـقـا لبغـداد لضميـر
مـقـدمهـم الـلي للـمعـادي نـحـيـره *** زعيمهم مـن دور شعلان وغـريـر
الـلـي لـهـم وقـت الـلـوازم ذخـيـره *** الشيخ ابـن نايـف طويـل الأشابيـر
وقـت اللـزم مصيرهم مـن مصيـره *** يوم الشرور ويوم كسب الخواوير
ويوم انتهت عاهد صقور الجزيـره *** وعـز القـبيلة مـا خضع للجماهيـر
مـلاذ عـن حـر السـمـوم وهـجـيـره *** ستـر الرفاقـه عن مهونه وتحقير
وقبـل الختـام اشكـر جميع العشيره *** صيـد الحـمـايـل طيبيـن المخـابيـر
الشكـر يـرفـع بالحسـاس الجهيـره *** لـلي أكـرمـونـا يـوم جينـا مساييـر
وكـل الـسـمـيـه كـّثـر الـلـه خـيــره *** ونعـم بأهل زلوم وهديب وصويـر
الـلابـة الـلـي بـالـكـرامـة جــديـره *** مهمـا انفـقـوا ما حسبوا للمخاسير
نعـوذ بالـلـه مـن لهـيب السعـيـره *** وصلوا على من حذر الخلق تحذير

*- وهذه الأبيات قالها قابل بن عياط بن جزلة يرحب بالشاعر بشير بن
محمد الحجر وحران بن عشوي البدري وعبدالله بن عبار وذلك بمناسبة
زيارة هجرة هدبان من قرى قبيلة الفرجة في منطقة الجوف : 631

يا مرحبـا بأهـل الوجيـه المسافيـر *** ويا مرحبا بأهـل الوجيـه الكـريمـه
أهـلا وسهـلا يـوم جـيتـوا مساييـر *** اعـداد مـا هـب الهـوا مـن نسيمـه
تعـبيـر محـبـة وحـشمـة وتـقـديـر *** ترحيـب محـبـة وحـشـمـه وقـيـمـه
أزكـى تحـيـه لـلـرجـال المشـاهـيـر *** الطـيـبيـن أهـل الـفـعـال الـقـديـمـه

* قال عبدالله بن دهيمش بن عبار العنزي هذه الأبيات الجوابية رداً على
الأبيات الترحيبية التي شرفنا بها الشاعـر قابل بن عياط بن جزلة : 632

مشكـور يـا نسل القروم المغـاويـر *** قـابـل سليـل الـلي فعـولـه عظيمـه
نسـل العديـم الـلي يقـود الطـوابيـر *** الحـر الأشقـر مـن نـوادر صريمـه
ونعم بأهـل هدبان صيـد المنـاعيـر *** زبـن الدخيل اليـا زبن عن غـريمه
جينـاهـم وشفـنـا حـفـاوه وتـوقـيـر *** مـن زارهم شاف الكرم والحشيمه

*- قال الشاعر مطرد بن عياط الرويلي هذه القصيدة يرحب بحران ابن
عشوي البدري وبشير بن حجر الدهمشي وعبدالله بن دهيمش بن عبار : 633

أهـلا هـلا بـالـلي لـفـونـا مسـايـيـر *** أعـداد ما سال الثرى مـن مطـرهـا
باسـم القـبيلـة والوجيـه المسافيـر *** ترحيـب عـدد ما نبت مـن شجرهـا
حـران وعبدالله زاروا هـل صويـر *** وزاد الشرف والطيب للي حضرها
وبشيـر أبـن حجـر فهيـم التفـاكيـر *** هـلا بـهـم اعــداد الأيـام وشهـرهـا
تـجـمـعـوا بصـويـر كـل المشاهيـر *** وزاد الفرح والخيـر عـالي قمرهـا
مـحـبــة لـلـي لـفــونــا وتـقــديــــر *** لأهل الشرف والطيب نرفع دررها
ترحيب في أهـل الفخـر والمناعيـر *** تفخـر بكـم الويلان بأقصى ديرهـا
أنتـم هـل الطـولات ورد ومصاديـر *** وبـيـوتـكـم بالـطيب ربـي عمـرهـا
وأسمحولي بالقاف عن كل تقصيـر *** الـلـه كـريـم وسـاتـرٍ مـن ستـرهـا
ما أجيـد الشعـر مـار قـلتـه تعـابيـر *** كـلام من الضميـر بآخـر سطـرهـا
وصلوا على من بشر الناس تبشير *** محمد شفيع الخلق يـوم محشرها

* قال عبدالله بن دهيمش بن عبار رداً على مطرد بن عياط الفالح الرويلي : 634

مشكور يا مطرد عسى فالك الخيـر *** يـا مـن عـذيـات القوافـي نشـرهـا
يا الـلي ترحـب بالمسايير بصـويـر *** دار الرجال اللي يطيـب امعـشرهـا
يا القرم جاك الـرد مـن دون تأخيـر *** قيفـان مثـل الـورد ينفـح زهـرهـا
ألـذ واعـذب مـن حليـب المصاغيـر *** يهـدى عـلى لابـه يشـرف خبرهـا
رايتهـم البيضـاء بـروس العـناقـير *** الـلابـة الـلي كـل منصف شكـرهـا
نـعـم بـكـل رويـل سـتـر الـغـنـاديــر *** اليا نقضت هنف العذارى شعـرها
وأن جاء نهـار فيـه صوال ومغـيـر *** وأن شلت القطعان فزعوا باثرهـا
منهـم ملـيح الـلي يـروي البـواتيـر *** وسـنـد الـلي قـب السبايـا ذعـرهـا
ولـو أبي اعـد من الرجال المغاويـر *** يـتـيـه فـكـري بالعـدد مـا حكـرهـا
يا ما بهم مـن عطـر الشلف تعطيـر *** شجعان يخشون العدا من خطرها
يـوم الطـراد ويـوم شلع الخـواويـر *** صديـق عينـك مـا يجـرب قشرهـا
صمع القلـوب وللحرايـب مساعيـر *** رب الملأ عـلى الأعـادي نصـرهـا

*- قال سالم بن معاشي النصيري هذه القصيدة يرحب بزميله عبدالله بن
دهيمش بن عبار العنزي ورفاقه نيابة عن أهل زلوم : 635

لنـا الفخـر بزيارتـك يـا أبـن عـبـار *** لك عنـدنا حشمه وشيمـه وتقـديـر
أهـلا هـلابـك عـد مـا هـل الأمـطـار *** وعداد ماهب الهوا ورفرف الطير
زيـارتـك عــنـد الـمـحـبـيـن تـذكـار *** زاورت أهل زلوم وهديب وصوير
لـك موقف وقفـت بالموقـف الحـار *** عاشت يمينك يا مهدي الشواعيـر
صدق الدلايل وضحت كـل الأخبـار *** كـل القـبـيلـة تـفـتخـر والمشـاهيـر
بـكـتـابـكـم وردت جـميـع مـا صـار *** مجـدٍ تـليـد وفـيـه لـلـدرب تـنـويـر
أنا أشهـد أنك يا فتى الجـود بيطـار *** بينـت حـالـك والبـواشـك مخـاميـر
ربعـك بني وايل عـلى العـز حضّار *** يـلـقـا بهـم شـرٍ ويـلـقـا بهـم خـيـر
حنـا فـرحنـا وأشرقـت كـل الأنـوار *** وتـفـتحـت زهـورهــا بـالـنـواويــر
تـرحيبـة يـقـولـهـا القـلـب بصخـار *** يا مرحبـا بكـل الضيوف المساييـر
أخـذت مـن جـزل التماثيـل وأختـار *** والهرج واجـد مـار يـبغي تفاسيـر
أبي السموحة منك وأطلبك الأعذار *** أسمح لنا وأن كـان بالقول تقصير
وصـلاة ربـي عــد مـا طــاف زوار *** عـلى النبي اعـداد طش المعاصير

* قال عبدالله بن دهيمش بن عبار رداً على سالم بن معاشي النصيري : 636

مشكور يامن صاغ منظوم الأشعار *** سالم رفيع الشان من خلفة نصير
نرسل سلام عـداد من بالثرى سـار *** مني لأهـل زلـوم وهديب وصويـر
ومـن يعتـزي برويـل نهديـه تكـرار *** شكر وثنا يوصل لهم دون تأخيـر
حمـايـة الـعـليـا هـل الـفـعـل والكـار *** تاريخهم معروف ما ايريد تشهير
نـفـخـر بمـاضيهـم قـديمـات الأدوار *** اليوم وبعصر السلف والمضاهير
مبطـي فعـايـلهم عـظيمـات وأكـبـار *** فـوق السبايا معسكرات المسامير
قطعانهم تـرعى المخاطـر والأقفـار *** مـن ديـرة الـجـوبـة لبغـداد للـديـر
لعيـون حصه ذبحـوا نسـل الأمهـار *** والكـل يقسـم مـا يمص المواخيـر
صال الدريعي فزعتـه تغدي الأمرار *** شهـل من الشنبل وأدلا بـبا القيـر
يـوم أعتـزت بـه بنت زيـزوم عمـار *** خـلا على العدوان مثل المعاصير
صالوا هل العليا على سروج وكوار *** وقع الحوافر مثل زلزال أغـاديـر
عـدوهم مـن طعنهم شـاف الأضرار *** شـاف الغباين والنـدم والتحاسير
بهـم افـتخـر مـا هـمني طـافـي النـار *** ولاني بحال محجر الفكر تحجيـر

*- قال الشاعـر جزاع بن مهدي بن شويطر الرويلي هذه القصيدة يرحب
بزميله عبدالله بن دهيمش بن عبار العنزي : 637

بـديـت بالـلي يـعـلم السـر والغـيـب *** الـواحـد المــعـبـود عـلام الأسـرار
الشمس بامره تطلع الصبح وتغيب *** هـو الـذي عنـده تصاريف الأقـدار
ومن بعـدهـا نظمـت قـافي بترتيـب *** مثايـل يصوغـهـا الفـكـر باصخـار
أنـقـي الـقـيـفـان عـن الـشـواذيــب *** من خـوف يـنقـد قـولنـا كـل هـذار
أخـذت مـن سـود الليالي تجـاريـب *** ومن يطلب العليا على الكود صبّار
بالـلي لفـا زلـوم وصوير وهـديـب *** من الوفاء رحبت في نظم الأشعـار
الشاعر اللي ما فيه شـك ولا ريـب *** جزل المعاني صاغها صوغ محـار
يا مـرحبـا وألـف هـلابـه وترحيـب *** ترحيبـة من خـاطـري لأبـن عـبـار
يا مرحبـابـك يا عطيب المضاريـب *** يا شاعـر الويـلان وافيـن الأشبـار
يا مرحبابـك عـد صـب المـزاريـب *** وأعـداد ما ينبت على الأرض نوار
فرحت هـل العليا شبابه مع الشيب *** تسابـقـوا لمقـابلـك يا أبـن الأخيـار
شي تشوف العيـن مـا فيـه تكذيـب *** ربعي هـل العـليا صليبين الأشـوار
وأنا أحمد الله ما مشينا على العيب *** من دور وايل نكرم الضيف والجار
حيثك ذرانـا عـن سموم اللواهيـب *** مـن أجـلنا عرضت نفسك للأخطـار
تشهد لـك الويلان شرق وتغـريـب *** البدو واللي سكنهم وسـط الأقطـار
أنا أشهد انك ماكر الجود والطيـب *** يضحك حجاجك لا لفا البيت خطـار
يلقى الوناسة والطرب والتعاجيب *** مـع دلـة صـفـرا بـهـا بـن وأبـهــار
من راس لابه تذبح الضان والنيب *** فـدعـان عـز الـلي نصاهم بمسيـار
مـن لابـة مـا يتركـون المـواجـيـب *** والـنعم بالفدعـان كـان الدخـن ثـار
وبشير وأبو نايف حرار المراقيـب *** مـن لابـة يـوم الحـرايـب لهـم كـار
اللابة اللي تخضب السيف تخضيب *** يوم المطارد فوق زرفات وامهار
حـنـا لـكـم خـطـار وأنـتـم معـازيـب *** وحنـا لكم ضيفان وأنتم هـل الـدار
أنـتـم قـرايـبـنـا وحــنــا الأقـاريـب *** ولا ظـنـتي تصلح يمينـاً بـلا ايسـار
والنعـم بالويلان ستـر الـرعـابيـب *** سجـل لـهـم التـاريـخ مجـدٍ وتذكـار
وصلاة ربي عـد ما يهـرف الذيـب *** على شفيع الخلق زوغات الأبصار

* قال عبدالله بن دهيمش بن عبار هذه القصيدة رداً على الشاعـر جزاع بن
مهدي بن شويطر الرويلي : 638

مبداي بسم اللي نصر نوح وشعيب *** الواحـد الرحمن منجي هـل الغـار
فـراج هـم الـلي الـتجـأ بـالضنابيـب *** رب العبـاد أنجـاه من جـور كـّفـار
ومـن بعـد ذكـر الله كتبت المكاتيب *** وسجلت منظوم القوافي بالأسطار
جـواب قـرم منطقـه صدق ومصيب *** جزاع ابن مهدي له علوم وأذكار
عـنـد القـرايب سمعـته والأجـانـيـب *** سمعـت قـالـوا مـا تـعـذر ولا بـار
حاش العـلوم الغانمه طاهـر الجيـب *** من طيب فعله له حشيمة ومقدار
أعـتـز بـالـطـيـب ولا لـي مـطـالـيـب *** لا شـك قـلـتـه لـلأجـاويـد شـكــار
قريت عـذب القاف وأرسلت تعـقيب *** للي كتب منظوم من فكره أحضار
نـرسـل لدسميـن الشـوارب مناديـب *** سلام يشملهم من اكبار واصغـار
مـني لأهـل زلـوم وصويـر وهـديـب *** ولأهل هدبان أهدي تحية وتعبـار
ولأهـل النظـايـم سالميـن العـذاريـب *** وجميع ما بالشويحطيه من أنفار
وأهـل الزبارة مـع جميع الأصاحيب *** واللي بخوعا من محبين وأنصار
والنعـم بالـلي ينطخـون المصاعيـب *** لابـة هـل العليا صواريـم سنجـار
يـا مـا رعـت قطعـانهـم بالمـزيريـب *** يرعون من تدمر إلى حد الأغوار
تـدلـه بهـم الـلي زهـيـت بالدبـاديـب *** شقـح العشايـر دللـوهـا بالأقـفـار
يـروون حـد المـرهفـات المحـاديب *** ما نال فود اللي عـلى ذودهم غـار
يتلون نسل اللي تسمى على الشيب *** الشيـخ ابن شعـلان قـدامهم سـار
من ماكر الصيرم شطيـر المخاليـب *** يرمي جزيلات الحبـاري اليا طـار
شعـلان لرقـاب المعـادي قصاصيب *** بالسيف واحدهـم للأخصام جـزار
زيـزوم لابـه باللـقـا جـمعهـم هـيـب *** يوم المغازي والحرايب والأشرار
بالعـصـر الأول يـوم لـوط الـتلابيـب *** نطيحهـم تتلـف اعصابـه وينهـار
العصـر الأول بـه مـكـايـد وتـعـذيـب *** لاشك زال وزال كابوس الأضرار
كلن سكـن فـلـه عـلى خيـر تشطيـب *** والما القراح من المواسير فـوار
ونفح المكيـّف رطـب الجـو ترطيـب *** بالقيظ بـرد وبالشتاء ينقلب حـار
وصلوا عدد وبل المزون السواكيب *** على الرسول اعداد ما هل مدرار
يتبع

تابع
*- قال الشاعـر هايل بن عبدالله الربشاني القعيقعي هذه القصيدة بمناسبة زيارة
الشاعر عبدالله بن دهيمش بن عبار لمنطقة صوير : 639

نحمـد الـلي حـطنـا بالأرض نبراس الـبـريـه
وزادنـا مـن نـور عـلـم بـه محا كل الجهاله
من عقب هيج العواصف والمصايب والبليه
صـار كـلـن ممن ويلعـب عـلى كيـف بـدالـه
قـادهـا عبدالعـزيـز وغـايـتـه ضـم الـرعـيـه
وحـد أطـراف الجزيرة وأمن الخايف حلاله
وأسـتـمـر الخـيـر بـعــده منهـج بالراشديـه
زاد خـيـر وزاد عــلـم وكـل وقـت لـه رجالـه
والفهد شمس تعالت وصفها شمس ضحويه
كفكفت ظـلـم المظـالـم وأبـقـت دروب الـعـداله
كملت عشرين عـام وكـلـهـا اعـيـاد هـنيـه
يا الـلـه تـديمـه ذخـر لـلي برى هالوقت حـالـه
شاعـر بدع القوافي جابها طـاري مجيـه
لأجل أبو مشعل نصوغـه عن نقاص وعن خماله
من وصل عند الجماعـه صارت الديره بهيه
أشـهـد أن الـكــل هـلا واسـفـهـل وزان بـالـه
مرحبا والفين مرحب يا هـلا والفين ميـه
كـل مـا ذعـذع جنـوب وكـل مـا ذعـذع شماله
سنـة العيد رمضان وسنته عقب الضحيه
وأنـت جـيـت بـجـيـتك عـيـد فرحنابه لحالـه
يا عنزي وأن تعزوى يعتزي باسم عنزيـه
وش عليه وراعي الأول له فلا نلحق جماله
مرحبـابـك بيـن ربـع تـنـتسـب للـوايـلـيـه
ما بـهـم قـول يقـال ولا بهـم شك وجهاله
خمسة جموع بعليا تنتخي دون الرعيـه
يا حضـر للموت طاري زادهم طاري مجاله
وربعي الربشان من عليان حامين الـونيه
فوق شهب الخيل جابوا كل عـز وكل قاله
والسلام ورحمـة المـولى تعـالى والتحيـه
عـد ما ينشى سحاب وعد ما يردم خياله

* قال عبدالله بن دهيمش بن عبار العنزي هذه القصيدة رداً على الشاعـر هايل بن
عبدالله الربشاني القعيقعي الرويلي : 640

أبتدي بسم الولي عـلام بأسرار خـفيـه
الكـريـم المعـتـلي خـلاقـنا عـز الجلالـه
ثـم نبدي رد هايـل بالبيوت السامـريـه
الزميل الـلي يرحب يـوم وجه لي مقالـه
والشكر موصول مني يرفع لكل السميه
من هل العليا الكرام ونعم برجال الشكاله
نعم بشخوص الرجال أهل المراجل والحميه
نعم في ضد الحريب أهل الشجاعة والبساله
في زمن عصر المغازي ما يهابون المنيه
سابق التاريخ مبطي بالفخر يشكر أفعاله
ذودهم يرعى القفاري بالصحاصيح العذيه
لو حصل دونه مخافة ذودهم يفلا بجالـه
والدخيل أيـزبنـونـه لـو عـليه أكبـر جنيـه
والغريب إلى نصاهم يفرح ويطيب فالـه
من مشى معهم تونس كنهم عصبه دنيـه
يدله وينسى القرايب يبتهج والقلب داله
من يطب رويل يدله ما نوى يرجع لحيـه
يبشر بعـز ومعـزة وكـل مقصوده يناله
سلمهم بالطيب مبطي عن سواهم به مزيه
من شكا ضيم الجوايح ما فقد مفقود ماله
والسليب يعوضونه عـقـب ما حاله رديـه
ريف من توخذ نياقـه يرجعون اللي غداله
والعذر يا رويل منكم يالحرار الصيرميـه
وقتنا ما فيه فرصة والزيارة في عجالـه
والـلـه أنه يالنشاما شكركم واجب عليه
عندكم شفت الكرامة والمعزة والجزاله
أسمحولي يالرفاقه قلتها عن حسن نيـه
من بغى ياخذ ليالي في بلدكم ما هيالـه
وأقبلوا جزل التحية من نبع فكري هديه
جمعكم يا أهل الشهامة سرنا اليوم أحتفاله

* وقال عبدالله بن دهيمش بن عبار العنزي يرحب بأهل الجوف : 641

يا مـرحبـا بالـلي سعـدنـا بـلـقـاهـم *** زاد الفخـر بـوجودهـم والفـرح تـم
يـا مـرحـبـا بضيوفـنـا وأخـويـاهـم *** حـنـا فـرحـنـا يـوم لـلعـاصـمة جـم
حنـا فـرحنـا بشوفهـم مـن غـلاهـم *** لـهـم مـعــزه عـنـدنــا مـالـهــا كــم
نـعـم الـرجـال الـلـي كـرام لـحـاهـمٍ *** النعـم بأهـل جـوف عمرو وما ظـم
مـا أظـن بـه داعـي نعـدد أسمـاهـم *** بـعـيـدهـم نـغــلـيـه كـنـه ولـد عــم
ونـعـم بـأهـل العـليـا وكـل قـرباهـم *** أفعالهـم مبـطي عـظـيمـات وأرهـم
زبـن الـدخـيـل الملتجي كـان جاهـم *** الخـصم مـا يأتـيـه لـو يـطـلـبـه دم
يـوم الـقـبـايـل بـاللغـى مـا تـفـاهـم *** هـاك الـزمان اللي به المرجله خـم
يلـقى الـذرى مـن استكـن بـذراهـم *** مثـل الجبـال الشـامخـه بالعـلا شـم
والضيف يلقى أقـراه كـانـه لفـاهـم *** متعــوديـن لـقـول يـا ضيـفـنـا سـم
يشبع ويـملأ مزهـبـه مـن أقـراهـم *** يا بعـدهـم عـن كلمة العيـب والـذم
ويـا زيـن والـلـه لـلمـسيّـر نـبـاهـم *** صيـد الرجـال رباعهم تجـلي الهـم
عـلى فعـول الطيّـب ربـوا ضنـاهـم *** قصيرهـم مـا يشـكي الغـبـن والغـم
وعـن الـمـوارد مـا تـقصّر ادلاهـم *** وقـت الـلـزوم دلـيـهـم تـورد الـجـم
نطـلـب عسى رب العبـاد يحـماهـم *** دامـوا بـعـز وشـمـلهـم دوم مـلـتـم

* قال هايل بن عبدالله الرويلي رداً على عبدالله بن دهيمش بن عبار العنزي : 642

بسـم الـولـي رب البشـر وأقرناهـم *** الـواحـد الـلـي بـالـخـفيــات يـعـلـم
أجمـل معـانـي نعـلـنـه فـي لـقـاهـم *** ونكـمـّل الحـفـلـة شـعـر وانـتسالـم
ما أحلا زغاريـت القـوافي معاهـم *** حتى أنت ياطير السعد طعني وحم
جونا جميع من الأقربـاء وازملاهم *** وقاموا بنـا في كـل واجـب وملـزم
وزاد الفـرح نـّور جمعـنـا بسماهـم *** ما أحلا الفرح دامه جمعنا بهم هم
برض الرياض اللي عملهم رماهـم *** لخدمة وطنهم والعلـم عهد وأشيم
في ضـل مـنهـم بالشريعـة هـداهـم *** آل السعود الـلي بهـم عـز وأحشـم
حكـامـنـا الـلي نحتـمي في حماهـم *** برض الجزيرة خيرهـم للعرب عـم
حـنـا لـهـم وبـكـل حـالـه مـعــاهــم *** عـهـد عـلـيـه الـلـه وأديـان وأذمـم
مهما حصل ما ظن نرضى بسواهم *** عـهـد قطعنـا ولازم لعـهـدنـا انـتـم
والـيـوم جـيـنـا فـي تـراث انساهـم *** بالعرض للماضي مثل صورة الفلـم
وجـانـا جـواب مـن حـكيـم وفـاهـم *** من قول أبو مشعل به المدح يعظم
مـدحـت ربـعي ثـم تـضهـر ثـنـاهـم *** عـادتك يا الطيّب مع الطيب تسهـم
وآخـر كــلامـي شـاكـريـن قـراهــم *** وسـلام مـنـي عــمكـم كـلـكــم عــم

*- قال ثامر بن راكد بن زيدي الرويلي يرحب بحضور الحفل في صوير : 643

يا الـلـه المولى طـلبنـاك الستـر *** يـا ولـي يسمع لمـن هـو دعـاه
يـا إلـه الـكـون يـا والـي البشـر *** يا حليـم فـاز من يكسب رضـاه
ومـن بعـد ذكرك كتبنـا بالسطر *** وأرتجلنا الشعـر في جمع زهاه
قـلـتـهـا وأقـولهـا وكـلـي فـخـر *** وأفخر بربعي على طول الحياه
يا سلامي عـد ما طـاح الـمطـر *** وعد ما تخضر جباله مع وطاه
وشالت العربان يمه من شهـر *** بدوهـا والحضر كلـن قـد نصـاه
روضها ما بين زملوق وزهـر *** والحبـاري والقطا والعـذب مـاه
قـالـه الـلي قال قـولـه وأشتهـر *** منضر الخضرة يسر اللي يـراه
ويا سلامي لو سلامي مختصر *** يعـجـز التعـبـيـر مـا يبلـغ مـداه
مرحبـا يا حي كـل الـلي حضـر *** مـرحبـابـه عـد نجـم فـي سمـاه
ومن تعب وأعياه مشوارالسفر *** من كبـر قـدره فرحنا فـي لـقـاه
يا أهـل العـليا بكم يحـلا السهـر *** ويا أهل سكاكا بكم فزعه وجاه
دام راس الـلي لـه بـقـلبي قـدر *** والـدي هو نـور بيتي هو ضياه
والخوال أن قلت وأمدح يا بشر *** الكتـب تـنبيـك عـنهـم والـرواه
نسل أبن عبار من خلفت خضر *** تاج راسي عـز راسي هم ذراه
فـرحتـيـن بـلـيـلـة الأثـنـا عـشر *** يا هـلا يا فـرحـة القـلب ومنـاه
من الحفر لطريف لحدود الخبر *** شوف أهل دومة وقاره ما حلاه
مرحبا وأن قـلـتها طـول الدهـر *** مـا تــوفـي كـل مـن لـبـى نـداه
وبالختـام لكـل مـن يسمع شكر *** من حضر صدفه أو الوالد دعاه

* قال عبدالله بن دهيمش بن عبار هذه القصيدة رداً على قصيدة الشاعـر
ثامر بن راكد بن زيدي الرويلي الترحيبية التي القاها بحفل صوير : 644

قـال ابـن عـبـار مـنـظــوم الـشـعـر *** مـن روابـع خـاطـري فـكـري بـداه
فـاض ينبــوع الـقـوافـي وأستـمـر *** بالصـدر يجـري مثـل جـري القـناه
مـن مشـاعـر كنهـا فـيـض الـنـهـر *** أعذب من النيل وأصفى من الفراه
هـاضـني منـطـوق هـرج لـه ثـمـر *** من شعـر ثـامـر يشوق الـلي قـراه
مـرحـبـا بـه عــد مـا يـنـزل قـطـر *** وعـد ما ربـرب مـن المنشى طهـاه
وعـد مـا سيلـه عـلى البيـدا نشـر *** خضرته بالروض والصحرا غشاه
وعـد ما ينبت مـن غصون الشجـر *** وعـد ما فوق البسيطة من حصـاه
مـرحـبـابـك والتـمـس مـنـك العـذر *** عـن جـوابي كان هـو طـّول بـطـاه
مـن القـصيـدة مـا تـزودت بـصـور *** كـود شـاهـدت الشريـط ومحـتـواه
مـا خـصـرت مـن الـردود ولا نـفـر *** ومـن يرحـب بي ضميري ما نساه
يـوم جـينـا الـربـع مـا شفنـا الكـدر *** عـنـدهـم شـفـنـا كـرامـة وانـتـبــاه
ولـعـبـة الـدحـة وأحـاديـث الـسمـر *** والرجـال الـلى عـلى شوفـه شفـاه
الـرجـال أهـل الشجـاعـة والضـّفـر *** يــوم كـلـن بـيـرقـه يـرفــع الـــواه
أهـل العـلـيـا مـا يـهـابـون الخـطـر *** ويردعـون الـلي تـمـادا فـي خطـاه
جـمعـهـم بـالـكـون دايـم مـنـتـصـر *** وذودهـم مـا يـستـفـيـد الـلي غـزاه
مـن يـدور الـشـر يـبشـر بـالقـشـر *** والخصيم الـلي حـربهـم مـن عنـاه
هـقـوتـي مـا هـمـهـم عـلـم الـنــذر *** ولا يـهـابـون الـدروع ولا الـمشـاه
وفـي سنيـن العـوز وأيـام الـفــقــر *** يــوم شـح الــزاد لـلعــانـي غــنـاه
قـلـتـهـا ولانـي بـحـال الـلـي هـــذر *** ومـن حكى بالسوء عند الله جـزاه

*- وهذه القصيدة للشاعـر زكريا بن عبدالله بن فهد بن زيدان العيادة الملقب عناز
من السليمان من المعاقلة أهل الجوف يسند على عبدالله بن دهيمش بن عبار : 645

يـقـول مـن لا قـال قــولـه زهـابــه *** قـصيـدتـه بـسـم الـولـي مـبـتـداهـا
يـا الـلـه مـا غيـرك ذرى يـلتجـابـه *** يـا عـالـم بـمـيـلاتـهـا مـن قـداهـــا
طـالـبـك يـا مـولاي سـتـر ومثـابـه *** لـك يا الودود الـروح نـرفع نـداهـا
تعلم خفي بطن الوطى وش نمـابـه *** وتـعـلم بطيـب قـلـوبـنا مـن رداهـا
وبعـد ذكـر الله فكري القـاف جابـه *** جـلايـبـه جـعــل الـخـمـايـم فـداهــا
كـلام الـلي زيـن الـمـعــانـي بـدابـه *** شـم الخشـوم عـن الـدنايع نهـاهـا
خـص وقـص لعـزوتـي والـقـرابــه *** بلسم شفـا روحي وهـم طـب داهـا
عـصـايـبـي مـحـازمـي يـالـذيـابــه *** سبـاع وهـم سبع العدا وهم دواهـا
ربـعـي أسـود ولا تـهـاب المجـابـه *** بـالـعـز نـخـوتهـم صـديـع صـداهـا
بالطيب طيـب وبالحـرايب عصابـه *** أسمع مديح ربـوعـنا مـن اعـداهـا
ويـا كـم صنـديـد تـعـاطـب صـوابـه *** يـمـوت مـا يــارد اعـدوده ومـاهـا
واذوادنـا مـا قــيــل حــي غــدابــه *** بـالشـذره الـحـره عـهـدنـا حـماهـا
صولاتنا من دور عـصر الصحابـه *** كلن عـلى خدود الصحايف قـراهـا
حـنـا سـقـام الـضـد وحـنـا عـذابــه *** وحـنا مخـضبت العـدا مـن دمـاهـا
حـنـا شبـات السيـف نـروي اذبابـه *** وأن شبت نـار الحرب نوقد سناها
حنـا لـك الـلـه يـوم عـصر الطلابـه *** شيـخـاننـا الـشـال المـبخـر رداهـا
وأنـا الـذي لا قـيـل مـن أي لابــــه *** أقــولـهـا وكـل الـعــبـاد اشـهـداهـا
أصلي وفصـلي من كبـار المهـابـه *** مـن تـرثـت العيـّال روس اسنداهـا
مـركـاي وايـل وأفـتـخـر بـنتسابـه *** دواسـة الـعـايــل ألــد اخـصـمـاهــا
أنـا عـنـزي بالخيـر والشـر جـابـه *** وربـعـي بـنـي وايـل بـعـيـد مـداهـا
منهـم وفيهـم وأفـتـخـر فـي كتابـه *** شاعـر شـرب مـن ود ربعـه ولاهـا
هـو قـدوتي ساس السعـد يقـتدابـه *** من صغـر سني خطوتـه ما عداهـا
أشرب شرابـه واكتسي مـن ثيابـه *** أسمع اقـوالـه وأكتسب مـن لغـاهـا
شـاعـر بـني وايـل عـزيـز جـنـابـه *** الصيرمي صوت المفاخـر شـداهـا
أنا أشهد أنه عـز مـن هـو غـزابـه *** بـالشعـر والتـألـيـف ربعـه كـفـاهـا
شاعـر أديب لصم الأصلاب جـابـه *** دم عـنـزه تـجـري بـجـوفـه دمـاهـا
الـغـالـب أبـيـات القـوافـي تـشـابـه *** لكن مـعـه عـن كـل شـبـه ايحداهـا
لعـبـدالـلـه العـبـار حـرفـي ومـابـه *** وحـنـا تـلامـيـذه لـه الـلـه هـداهـــا
ويا سامعـين القـول قـولـوا هـلابـه *** فرحـت جميع ربوعـنـا يـوم جاهـا
هـذا وصـلـوا عـد حـرف الـكـتـابـه *** عـلـى رسـول لـلــبـشـر مـقـتـداهـا

* قال عبدالله بن دهيمش بن عبار هذه القصيدة رداً على الشاعر زكريا بن
عبدالله بن فهد بن زيدان العيادة الملقب عناز : 646

قـال الـذي ذكـر الـكـريـم ابــتـدابـه *** مجـري نظـام الكـون رافـع سماهـا
محي جذوع القشع عقـب الصلابـه *** بالغـيث من قطـر السحايب سقاهـا
مـن عـقب مـا تيبس يـدب الحيـابـه *** تخـضر وتـورق ثـم يطـلع نمـاهـا
ومن بعـد ذكر اللي خشينا عـقـابـه *** قـلت البيوت الـلي ضميري نقـاهـا
فكـري عـذيـات الـقـوافـي شـقـابـه *** أعـرف هدفها ويـن أوجـه شحاهـا
صـوب الزميل لـلي كتـابي قـرابــه *** وعـرف معـاني كتبـنـا ومحتـواهـا
سجلـت رد الـلي وصـل لي خطابـه *** عـنـاز يـقـدا كـلمتـه عـن خـطـاهـا
قـريـت مـنـظـومـه ويـا مـرحـبـابـه *** عـذب المعـاني من ضميره نطاهـا
يـا مـرحـبـابـه عـد وبـل الـسحـابـه *** وأعـداد ما يدرج على القاع ماهـا
جاني بحفل أهـل السعـة والرحابـه *** عـنـد الرجـال الـلي يشـرف لقـاهـا
بـالنـزل الـلي كـل الشـرف يلتقـابـه *** الـلي بـفخرهـم نفـتخـر وانتـبـاهـا
أعـني رجـال رويـل ربـع الـشيـابـه *** الـلابـة الـلـي زاد عـنـدي غـلاهـا
الـلي أكـرمـونـا بكـل قـدر اوجـابـه *** بنفـوس يكفي عـن قـراهـا نـبـاهـا
ولا أنـت يالمنعـور من صلـب لابـه *** تشهـد لهـا عـدوانهـا واصـدقـاهـا
رجـالـهـم درب الـمـكـارم سـعــابـه *** مـعـاقــلـه فـوق الـعـلا مـسـتـواهـا
مـعـاقـلـة شجـعــان يـوم الـحـرابـه *** وديـارهــم عــدوهــم مــا وداهــــا
جـده عـن الضيفـان مـا صك بـابـه *** وجميع حضر الجوف ماحدٍ شناها
معيقـل نسل عيـاش ورث اعـقـابـه *** أسمـه بـقـي بالـديـرة الـلي ولاهـا
سليمـان وكبـيـدان صفـوة انجـابـه *** ودغـيـفـق الـلي دار جـده حـمـاهـا
تسلسلت مـن عـلي الأول انـسـابـه *** ساسه عـريق وعـزوته ما نساهـا
عـلي غـريـب الـدار مـا هـو زلابـه *** فـعـايـلـه كـل العـرب مـا اتخـفـاهـا
بالـكـون حـفـيـد الحـفيـد انـتـخـابـه *** وأهـل القصيم أفرادهـا وازعماهـا
وأن شـبـت الفـتـنـه وزاد الـتهـابـه *** والحـرب بالمـيـدان يسعـر لظـاهـا
وحـد الجمـل والحبـل زاد اكتـرابـه *** والـروح لحـياض الـمنـايـا حـداهـا
وتشـابـكـوا مثـل الضراغـم بغـابـه *** وحمي وطيس أنصارهـا واقبلاهـا
دهـامشـة ترخـص ثميـن الجـلابـه *** وتجلب رخيص الروح للي شراهـا
يتلون الـلي عـلم المراجـل مشابـه *** أخـو هـوا كـل الـمـفـاخـر حـواهـــا
مسـايـل الـوديـان حـمـوا هضـابـه *** بالذود اللي نبـت القـفـاري رعـاهـا
ألا ومـن جـاهـم يـدور الـكـسـابــه *** رجـع معـيـف ودارهـم مـا غـزاهـا
وعـلى النبي المصطفى والصحابه *** صلوا عـدد رمـل الديـار وحصاهـا

*- وقال سليّم بن كسار المضياني العنزي هذه القصيدة يسند على زميله
عبدالله بن دهيمش بن عبار العنزي : 647

سـمـيـت بسـم الـلـه رب المقـاديـر *** وطرفت من قيلي بالأشعار تطريف
قالوا لي عـنـك ينشدون المساييـر *** ثـم قـلت ما ينفع إلى قـلت يا حيـف
يا ليتـني واجهتهـم قـبـل مـا سـيـر *** جوني وأنا مسافر على ديرة طريف
عـلـمني جبـيّـر جـزاه الـلـه الخيـر *** ما تجي الأيام السعيدة عـلى الكيف
بشير بـيـتـه هـو مـقـر المنـاعـيـر *** نعـم الرجـال مكـّرم الجار والضيف
ودي بكـم ليلـه سهـرتـم سواميـر *** في منزل اللي ما حسب للمصاريف
في منزل مطيران ريف الخواطيـر *** ترفع له البيضا بروس المشاريـف
أبـي اتـعـذر مـا تـفـيـد الـمـعـاذيــر *** العـذر مـا عـز المعـّزب اليا ضيـف
العـذر منكـم يا الـرجـال المشاهيـر *** سـؤالـكـم عــنـا مـعـزه وتـشـريـف
رجـيت رجعتكم من الصبح لعصير *** وأفختم الموعـد مع رميّض خليف
مصباحكم عرعر وممساكم صوير *** ثـم انـتحيتـم مـن سكـاكـا منـاكيـف
نـرسـل لـكـم منـا تـحـيـه وتـقـديـر *** وأطلب من الله يجمعنـا الصواديف
الـلـه يعـزك يـا كـبـيـر الشواعـيـر *** يا عوق من تطري عليه العجاريف
لـك بالقبايـل يـا أبـن عـبـار تـأثيـر *** عـلم الفخـر نالـه دواوين وأرشيف
تفخـر بـوايـل ثـم عـدنـان والـزيـر *** أنت الذي معروف من غير تعريف
حـيثـك نزيـه ولا تحـب المـعـايـيـر *** وتحـط في قـلـب المعانـد رواجيـف
أنت الـذي ما فيك نقـص وتقصيـر *** وأنت الـذي تبقى عـليك التواصيف
وصلاة ربـي عـد مـا غـرد الطـيـر *** عـلى النبي أعداد رمل العواصيف

* قال عبدالله بن دهيمش بن عبار رداً على الشاعـر سليّم بن كسار المضياني : 648

راكب اللي ورّد من الغرب تصديـر *** قبل يجي للشرق في مصنعه حيف
تحـوفـه عـن الخلـل جـورج وبليـر *** وتفقده جـوني ومولـر وجـوزيـف
قاموا على فحصه جميع المواميـر *** والكل فاهـم باختصاصه وحـريّـف
والكـل وقـع عـن صلاحـه تقـارير *** وصدق على توقيعهم مستر ستيف
شاصه ودورت كهربه والمواطيـر *** وزيتـه وبديه والعجـل والرفاريـف
وعـقب التفقـد صدره دون تـأخيـر *** من المانيا جابـوه عبـر الشواحيف
بنـز الشبح يعجبـك ممشاه بالسير *** سمي شبح حيثه مثل هاتف الطيف
قبل الفجر سار وطريقه مع سدير *** أسرع من وهات السهم بالمحاذيف
فـوقه غـلام مـا يعـرف المعـاسيـر *** سافـر شمال ويشعف البنز تشعيف
منصاه عرعر راس ميد المشاوير *** لسلـيـّم الكـسّـار شـال المضـاريـف
سـلام مـني مـع عـبـيـر القـواريـر *** نـفـح الأريج من الخمايل مقاطيـف
ألـذ وأحـلا مـن لبـن مبهـل الضيـر *** اللي تعطف بروضة القفـر تعطيف
يـا سلـيّم الكـسّار مـالـك مـحـاقـيـر *** مبطي نعـدك من خيـار المعـاريـف
حضّرت لك مردود الأمثال تحضير *** حيثك زميل ولا بقـولك خـواريـف
يقوله اللي يصخـر القـاف تصخيـر *** وبدا يعسّف مصعب القيل تعصيف
مهما تـكـرر موقف الحـرف تكريـر *** مـا قـال يـنبـوع القـوافي مناشيف
نظمت عـذب القاف من جمة البيـر *** نبعه غـزير ولا غـرف بالمغـاريف
وكـان التلاقـي حـال دونـه محاذيـر *** خـل المواصـل بـيـننـا بالهـواتيـف
الـلـه يـقـديـنـا عـلى حسـن تـدبـيـر *** في ساعة ناقف عطاش وملاهيف

يتبع

تابع

*- قال البطحي بن علي البجيدي يسند على عبدالله بن دهيمش بن عبار : 649

ياراكب اللي ما رعت عشب الأقفار *** عشب الفياض الزاهيه ما رعتهـا
مـا وردوهـا يـم غــدران الأمـطـــار *** والعـد والخبـرا مـا قيـل اشربتهـا
ولا قـطفـت نـبـت البـخـتـري ونـوار *** ولا قيـل ذاقـت روثـتـه وأقطفتهـا
ولا سابقت حمر التكاسي مـع القـار *** ولا وقــفــت لأشــارةٍ عـوقـتـهـــا
مـالـه شبـيـه غـيـر زينـات الأوكـار *** صقـر الحباري واحـدٍ من صفتهـا
الـيـا بغـت تقـلع عطـت حملها أنـذار *** يـقـودهـا قـرم يـغــز أرقـبـتـهــــا
شكمـانـهـا يطلـق لـهيـب مـن الـنـار *** مثـل السحابة صوتها وأحسفتهـا
السيـف والنخلـة لهـا رمـز وأشعـار *** مـني مشت للعاصمة وانحـرتـهـا
هي منوت اللي منوتـه قطع الأسفار *** تحـت السماء ولا البسيطة تحتها
تلـفي عـلى قـرم العـيـال أبـن عـبـار *** خـذ لـك ثـلاث أيـام عنـده وبـتهـا
يفـرح الـيـا لـفـا عـلى البيـت خـطـار *** كـم حـايـل للضيف حـط افطحتها
لا جـيـت بـيـتـه تـاجـد بهـار وأكتـار *** وسـوالـف عـنده تفـوح أزهرتهـا
سـلم لأبـو مشـعـل وبـلـغـه الأخـبـار *** عـنـاز والـلـه كـل كـتـبـه هجـتهـا
سـيـف لـوايــل دايــم الــدوم بــتـــار *** يـذود عـن نـاس عـزيـز سمـتهـا
غيـر الحميـة صـار بالشعـر بـيطـار *** صعب القوافي من صميمه نحتها
ماهتز من خصمه ولا نحاس ونهـار *** شعـار واجـد عـن هواهـا عفتهـا
وأن جـاه بحـر صار له سبعة أبحـار *** اطوال الألسن كان صالت ذعتها
يـكـتـال مـن زيـن الـمـثـايـل ويختـار *** ولا قصده اللي كفوفها خضبتهـا
يفـداه الـلي بـيـن القـبـيلـة شعـم نـار *** واليا بغـت تطفي يزيـد أحطبتهـا
ويـفــداه مـن هـو بـالـديـاويـن هـذار *** ويفداه من سمعت صديقه بهتها
ويـفـداه مـن يـزعـل إلـى جـوه زوار *** عفـن وبخيل وكـل ربعـه شمتهـا
يـا عـل أبـو مشـعـل تعـداه الأخـطـار *** ويا عـل عـدوانـه تقـل أبـركـتهـا
مــن لابــة عـنـد الـقـبـايـل لـهـا كـار *** تشهد لهـا البدوان مع حاضرتها
يـوم أنـهـا بالسيف مع قـب الأمهـار *** واحـدودهـا مـن كـل يمـه حمتهـا
قـبـيـلـة داسـت عـلـى كـل الأقـطـــار *** كـم دولـة بـارزاقـهـا شـاركـتـهـا
قـبـيـلـة تعـرف لـهـا أمـجـاد وأذكـار *** تشهد لهـا الـلي ما تضيّع بختهـا
قـبـيـلـة تـعـرف الـيا صـار مـا صـار *** عـدوانهـا عـن بطشها عـاهدتهـا
قـبـيـلـة عـاداتـهــا تــكــرم الــجـــار *** صدقـانهـا وعـدوانهـا عـارفـتهـا
قـبـيـلـة مـا تـقــبــل الــذل والــعـــار *** والـمـنـذريـة مـن قـديـم ازبـنتهـا
وصلت من الشنبل اليا حدود سنجار *** كـم دار قـوم بـالمـواطي وطـتهـا
وصلواعلى من سار في جمع الأبرار *** على الرسول الهاشمي بآخرتها

* قال عبدالله بن دهيمش بن عبار من المساجلات القديمه رداً على الشاعـر البطحي بن علي البجيدي : 650

سميـت بالرحمـن وأمليـت الأشعـار *** خواطـري جـزل البيوت ابـدعتهـا
الجاش هاض وفاض بالقاف مدرار *** نظم القريض أنغـام فكري شدتهـا
روابعي تضرب عـلى أيقاع الأوتـار *** يشـوقـني تـرنـيم صـوت لحنـتهـا
بـاح الكنيـن وبـاح مكنـون الأفـكـار *** وقلت العلوم اللي ضميري كمتهـا
جانـي من البطحي معاني لها أثمـار *** أخـذ مطـايـبهـا وحـاز اثـمـرتـهـا
الـلي نـظـم قـافـه تـقـل نـظـم مـحـار *** مـا تنتـقـد كـان البـوادي قـرتـهـا
أهدي لـه الأشواق مع شكري الحار *** مـع رد قـيـفـانـه عـلى قـافـيـتـهـا
أكتب جوابي وأرسلـه لأبـن الأخيـار *** فوق الهميم اللي الرسالة خذتهـا
يـا راكـب الـلي عـقبـت كـل فـكـسـار *** لكـزس لفت مـن طوكيو وردتهـا
من صنع اللي ما بالعمل عندهم عار *** بـه تشتغل رجالـهـا مـع مـرتـهـا
عمت صناعتهـا عـلى كـل الأمصـار *** وكـل الدول على عملها احسدتها
شديـت لكـزس تصلح لـكـل مشـوار *** مهما نقول مـن الوصايف زهتهـا
مـا فاقـها كـود الشبح شيخ الأموار *** والـرايـز لـنـدن للملـوك اصنعتهـا
آخـر مـديـل مصـدره عـبـر الأبحـار *** شركـة جميـل القـابـضة وردتـهـا
عبداللطيف أغـلا ثـمـنهـا بالأسعـار *** ومع غلوها كـل المعارض شرتها
الـيا دعسـت البـنص تختـف بطيـار *** وكـل المـواتـر بالمسيـر اسبقـتهـا
أسرع من اللي صاعهـا بـام شنكار *** ناضت وعبـرود المبنـدق رمـتـهـا
هجت بغالي الروح يـوم الطلق ثـار *** سمعـت وحي مخباطها وأقمزتهـا
وأسرع من اللي حادها طير غيمار *** مـقـوي ثـلاث أيـام يـبي الحـمتهـا
أخـوى عليها ومخلبـه تقـل شنكـار *** ولو ناشها المخلب يشل احركتهـا
قـم يـا نـديـبي قـيّس الـزيـت بعـيـار *** شيّـك عـليـهـا وأصعـد بمـرتبتهـا
ثم دق سلف ومـد من شرقي أنمـار *** عـلى طـريـق سديـر نـيـة جهتهـا
وأن جـيـت بالـفيحـاء أشـارة ودوّار *** على الحفـر للشرق لـف اكفرتهـا
و عند أبـو قعـر بالعجـل لفها أيسار *** بـاقـي لـهـا ستـة وخمسة مشتهـا
منصاك عـرعـر دار وافين الأشبـار *** أن يسر المـولى مع الفجـر جتهـا
تلفي عـلى البطحي بسجـة ومسيار *** مـتـعـنـيـه يـمـه وداره نـصـتـهـــا
مـن راس لابـة فعـلهـم مابـه أنكـار *** بجايده تخشى العـدا من أنخـوتهـا
وأن ثـارت البلهـا يبيعـون الأعمـار *** نعـم الرجال اللي الملامـة عـدتهـا
قـلته وأنا لك يا أبيض الوجه شكّار *** يا من أعـمالي بالوصايـف نعـتهـا
والمرجله يا القـرم من دونهـا طـار *** ولا كـل مـن يـبغـاه رجلـه رقـتهـا
وصلوا على خير الملأ سيد الأبشار *** رسـالـتـه كـل الـعـبـاد اتـبـعــتـهـا

*- قال الشاعر محمد بن عطا بن خلف الرويعي مـن أهالي قرية الدفيانة بالأردن
هذه الأبيات يسند على عبدالله بن دهيمش بن عبار : 651

راكـب الـلي مـد من شرق الفـديـن *** للرياض أهل الكرم وأهـل الضيافه
من طـراز الجمس مكفول بضميـن *** والجـمـيح مـورده بأكـمـل أضـافـه
سـاقـه الـلي لا مـشى مـا يستـكيـن *** طـول لـيـلـه ساهـرٍ والنـوم عـافـه
يقـصـد الـلي بالصخى كالـرافـديـن *** تقصـر الشعـّار عـن قـولـه وقـافـه
شـاعـر ومـتـبـصـر بـدنـيـا وديـــن *** بـالحضـارة والـبـداوة والـثـقــافـه
الـمعـنـى صـاحـب العـلـم الـمـبـيـن *** منـوتي بـزيـارتـه وسـط المضافـه
ديـرة آل سـعـود سـقـم المـعـتـديـن *** وهـني من زارهـا وبالعـيـن شافـه
الـعــرب لـفـضـلـهــم كـلــه تــديــن *** ودارهـم مهـد الـنـبـوة والـخـلافـه
خـذ كـلامـي وداخـلي كـلـه حـنـيـن *** ولا كلام يـبـرد الـجـوف وجـفـافـه
أشتـكي يا مسنـدي قـصـر اليـديـن *** عـايـش بـالـذل وأحـوال الـكسـافـه

* وقال عبدالله بن دهيمش بن عبار رداً على محمد بن عطا الرويعي : 652

جاني المكتوب مـن أرض الحسين *** الشريـف الهاشمي ساس الشرافه
خط محـمد صاحب العـقـل الفطيـن *** جابـه المنـدوب مـن بـعـد المسافـه
يشتكي لي جـور وقتـه صار شيـن *** ويذكـر أنـه عـاش في ذل ومخافـه
وكان وقتـك صار ينصب لك كميـن *** ما تجـد مخلوق كـود الوقـت لافـه
أحتسب وأصبـر عسى ربـك يعيـن *** ومن صبر يا مسندي حقق اهدافـه
يـفـرجـه مــولاك رب الـعــالـمـيـن *** نطـلـب الرحـمن عـفـوه والمـرافـه
تشـتـكي والـلـه يعـيـن المستحـيـن *** يا زميـل العـون مـا تفيـد الحسافـه
كـم واحـد يـبـي فـعــل الـغــانـمـيـن *** مـار شـف الـبـال دونـه حـال آفــه
الـجفـاف يـنـّوخ الحيص السـمـيـن *** ليـت لـو أقـدر عـلى حمـل الكلافـه
أن تـركـت الموجبـه ينـدا الجـبـيـن *** والصخي مـا جـاد والمذخور تافـه

قال الشاعر عواد بن مفرح الجعفري هذه القصيدة يسند على عبدالله بن دهيمش بن عبار : 653

جـنـبـت رسٍ حـايــمــات ظـوامـيــه *** ووردت لـلـهـداج شـيـخ الـجـويـــه
هـداج تـيـمـاء مـا تـوقـف سـواقيـه *** جـمّـه غـزيـر ويـرتـكـي لـلـظـمـيـه
نصيـت رجـلٍ مـن رجـال المشاريـه *** الـلـّيـث أبـو مشعـل زبـون الـونـيـه
لـه عـادةٍ يـفـوز بـقـدوم نـاصـيــــه *** ويـمـنـاه تـعـطي بالسـنـيـن الـرديـه
عـبـدالـلـه العـبـار تـشكـر مساعيـه *** يـامـا عـطـأ العـاني بنـفـٍس رضـيـه
الـوايـلي بـالـطـيـب بـانـت مـواريـه *** بـه الشرف والطيب زأيضا الحميـه
حـرٍ بـوقـت الطيـب نفخـر بـطـاريـه *** وصيتـه ينادي تقل شمس ضحويه
حـكـيـم راي وبالمـراجـل مـمـاشيـه *** لـيـث بـدرب الـعـز سـاق الـمـطـيـه
أنـا نصيـت القـرم لـي حـاجـة فـيـه *** ولا الـردي مـا عـاد يـفـطـن عـلـيــه
تكـفـا يـا أبـو مشعـل بعيـد المناويه *** نصيـت بـيـتـك يـوم ضـاقـت عـلـيـه
تك الجواب اللي عـلى الكيف ناقيـه *** والمعـذرة يا شـوق جـالـي الـثـنـيـه

قال عبدالله بن دهيمش بن عبار هذه القصيدة جواب لقصيدة الشاعر عواد بن مفرح الجعفري : 654

جـانـي جـوابٍ واضـحـات مـعـانـيـه *** مـنـظـوم مـن عـواد مـهـديـه لـيـــه
أبـن مـفـرّح طـيّـب الـقـول مـهـديـه *** يشـكي عـلي الحـال عـنـده قـضـيـه
شبهـني لـهـداج بالـوصـف تشبـيـه *** هـداج تـيـمـاء الـلـي تـلاطـم دلـيــه
والـلي مـثـل هـداج تـنـبـع مجـاريـه *** نـبـعـه غـزيـر ويضـرب الجـم طيـه
هـذاك مـاهـو بالنظـيـم وضـواحـيـه *** هــذاك يــا عــواد بــالـنــاصــريـــه
اخبـرك بالمعقول واعطيـك تـنـويـه *** كـانـك تـشّـره يـا عـزيـز الـسـمـيــه
نخيتني وأنا الطّلب ما اقدر اقضيـه *** وظـروفـنـا مـاهـي عـلـيـكـم خـفـيـه
ويـوم اعتذر لـك مـا مرامي مزاليه *** لـكـن لـزومـك مـا تـطـولـه أيـديــــه
فـي عصرنا كـلـن سعيفـه مخـابيـه *** وكـلـن يـعـول مـن الـذراري سـريـه
شكواه للي خافت الصوت يـوحـيـه *** ولا لـغـيـره مـا يـبـث الـشـكـيــــــــه
ومن يطلب الله والـي الكون يعطيه *** اعـنـز عـلـى مـولاك رب الــبــريـــه
الـواحـد الـلي كـل مخـلـوق يرجيـه *** الـخـالـق الـمـعـبـود جـزل الـعـطـيـه

*- قال عبدالله بن دهيمش بن عبار هذه القصيدة يسند على لافي بن خلف الجبوري العنزي : 655

بسم الكـريـم الـلي عـلـيـه الـمعّـول *** مـولاي خـلاق الملأ سامك العـرش
رب الـعـبـاد بـكـل خـلـقـه مـخـــّول *** عـز الجلا ل بقدرتـه يثمـر الشرش
باسمـه بديـت القـاف ماهـو مقـّول *** ما قلت منظومي توجد على البرش
أبي أختصر عن قـول قافـه مطـول *** وأهديـه لـلي لابـتـه تحمي الطـرش
أبـو فـهـد عـن عـادتـه مـا تـحــّول *** لافي زبـون اللي تـونى بـه الهرش
أعـز وأوفـى مـن جـنـاب السـمّـول *** وكريم سبلا ما تشافى على القرش
يفـداك مـن جنـب عـن السلـم الأول *** عن داعي الواجب أذانه تقل طرش
أنشدك عـن عـذراء تـدوج وتجّـول *** مثـل الرحا تبرم وتسمع لها جرش
مـن تطحنـه خـلـت كـراعـه مشّـول *** والسالم تغرشه باضافيرها غـرش
قـشـراء ولحـلـوق الخـلايـق تغـّول *** مـن يستـكن بـدارها تكرشه كـرش
الكـل مـنـهـا يـا الـجـبـوري تـهـّول *** مثـل اللقـوط الـلي عـراقيبها حرش
وأنشدك عن عذراء تحـب التسّـول *** كل البشر من خوفها صابهم خرش
بـطـرافـهــا تـلـقــا الأوادم تـضّـول *** بعض الشهور بجالها تبسط الفرش
والـيـوم صـارت بالـدراهـم تـمـّول *** وفـر عـلـفهـا يالـزميـل ولـهـا أرش

* وقال الشاعر لافي بن خلف الجبوري هذه القصيدة رداً على عبدالله بن دهيمش بن عبار العنزي : 656

بسم الكريم الـلي من اسمـاه الأوّل *** مولاي ما غيره عن الخلق يقهرش
يقهـر بـلا ومن فيض جوده يمـوّل *** تـمـويـل لا يحـصـر ولا يـنتـقـّدرش
مـا يـنـتـقـّدر بـالسـجـل الـسـجــوّل *** ولا يـنـتـقـّدم بـه ولا يـنـتـوخـّــرش
هـطّــال هـشـّــال هـمــول هــمــّول *** غيـث مغـيث يـنبت الفـقع بالفـرش
قـال الـجـبـوري مـن كـلام احـلّـول *** عـلى صعيـب القـافيـة مـا تغـيّـرش
يا بـن دهيمش يـا عـريـب المخـّول *** جتـنا الهدية والمعـاني عـلى أرش
أختـرت صعبـات المسالـك عـمّـول *** وخذت جزلات القوافي عن الحرش
وليـا شاب بيـت القـاف معنـاه ذوّل *** صفـاه يا منقاش مـا تـدرك القـرش
أمــا نــرد الــقــاف قـــافٍ مـــئـّول *** ولا نـرد القـاف لـو فـي لغـة ورش
ولينعـسف عسـر الـقـوافـي إذلـّول *** يزهـا رسنها لمعة الودع والهـرش
ونشكرك يـا راعي النـوال الـمنّـول *** يـالـلي نـوالـك نـالـنـا ما تـقـصّرش
يـالـفـاهـم الـلـي بـالـمـوازيــن دوّل *** تجـود من جـود الـولي مـا تكّدرش
ياهـل العـطـا يـالـلي بالأمثـال تـّول *** تضرب بها الأمثال ماهيب تنكـرش
يـابـن الـذي خـلـف المـداريع حّـول *** يثـني حيـا من دونهـم مـا تـذيّـرش
راعي الشجاعـة والكـريـم المفـّول *** يجـري حـيـا بالمجتمع مـايتعـذرش
مدحتـني فـي مـدح جـدي مـن أوّل *** خيـّال خيبر محتمي راعـي الهـرش
بـقيـادة أبـن غـبيـن جـمع مـصّـول *** سيفه فرا عكلي من الراس للكرش
من يـد وشيوش عن جواده تروّل *** وقفت جنوده صابها الذعروالخرش
طقـت لـه الزغـروت بنـت المعّـول *** يشبـه صليـل المـاو بمعنـق البـرش
وقامت مـواويـل الفـرح لـه تمـّول *** يوم انعثر خصمه وهو ما تضررش
قـالـوا تـخـيـّر مـا تـريـد وتـخـــّول *** وغيـر الضليع المنعزل ما تخيّـرش
ضليع الجبـور وسهلتـه والمحّـول *** غربي من الفقرة شمالٍ من الخرش
لـهـم مـع الـسـلـقـا فـعــول تـهّـول *** خيالهـم عـن الخـطـر مـا يتـقهـرش
ونشدت عن عـذراء لـقـوط تجّـول *** محـدٍ سلم مـنها وعـراقيبها حـرش
هـذي هـي الـدنـيـا الـدنـيـة تـعـّـول *** يا صايد اللـؤلـؤ تحـذر من القـرش
شيـك بـهـا يصـرف وشيـك يـحّـول *** ناس تعرش عظامهم واللحم عرش
ونشدت عن عذراء تحـب التسّـول *** اللي البشر من خوفها صابهم خرش
عـدو عـيـنـك فـي جبـاهـا ايـتكّـول *** لهيبها يسطي عـلى مشـة الـعــرش
بـديـلـهـا الـلي تـشبـكـه بـالـمحـّول *** عـن الحطـب بالكهربـاء لا تحيرش
وبـالآخــرة وقـــودهـــا لا تــهـّـول *** مع البشر صم الحجر تقرشه قرش

*- قال الشاعـر / سعود بن راجي بن فريح الجعفري العنزي هذه القصيدة يرحب بزميله عبدالله بن
دهيمش بن عبار العنزي ورجل الأعمال هزاع بن عايش أبو الروس المطوطح الدهمشي ويثني
على رجل شيخ المعارض بتبوك هليـل بن فرحان بن خلاف الغضوري : 657

هاضت اشجون البـال بأحلا المثايـل *** مــثــايــلٍ مــا يــنــقــده كــل نــقــاد
إلـى بغــيـت الـقـاف مـانـي مـسـايـل *** أنـدب هـواجـيسـي مـن بـلاد لـبـلاد
يـا مـرحـبـا يـا شـاعــر أولاد وايــل *** يالشاعـر المعـروف كساب الأمجـاد
يـا مـرحـبـابـك عـد وبـل الـمـخـايـل *** وأعـداد مـا نسـمع مـع الجـو رعـّاد
حيـيـت يـالـلـي دوم للحـمـل شـايــل *** بـك يـالمعنـى وأنت شاعـر وقـصّـاد
نفخـر بذكـرك مـع جـميـع الـقـبـايـل *** وعـنـك القبايـل بيـن نـاشـد ونـشـّاد
مـا ضاعت عـلـوم الوفاء والحمايـل *** حـزمـتـهـا مـن حــد جــده لـبـغــداد
سـجـلـت تـاريـخ الـجـدود الأوايـــل *** تاريخهم واضح على روس الأشهاد
وأبـو فهـد هـزاع وافـي الخـصـايـل *** لـه بالفخـر والطيـب مصدر وميـراد
من راس روس مطوعت كـل عايـل *** دهـامـشـة كـان الـجـمـل حـد بـقـيـاد
وأفعـالهـم بالطيـب مـا هـي هـمـايـل *** يتلـون زيزوم الجموع أبـن مجـلاد
مركاضهـم يشـفي القـلـوب الغـلايـل *** يـوم الحرايـب كسبهم شقـح الأذواد
أهـلا بكـم يا أهـل الوفـاء والجمايـل *** الـلـه يـحيـيكـم عـلى كـيس الأجـواد
في بيـت الشيـخ الـلي لطيبـه دلايـل *** الشيخ أبـو جـزأ عـلى الطيب معتـاد
شيـخ يضلـل عـن سـمـوم الـقـوايـل *** الطيب سلمـه من على دور الأجـداد
واليوم أنا أبي انشدك والشـك زايـل *** يـوم اجـتمـعـنـا صـدفـة دون مـيعـاد
يا أبن الكـرام الـلي تـربي الأصـايـل *** أرسلـت لـك مكتـوب والـرد مـا عاد
رسـالـتـي تـوجهـت صـوب حـايـــل *** راحـت ولا جـاني خبـرهـا بـالأوكـاد
قـل لـي يا أبـن عـبـار حـل المسايـل *** هـي جـتــك ولا دونـكـم حــــال رداد
يمكن مـن المنـدوب نسي الـرسايـل *** وعندك خبر بعض المناديب مـا فـاد
والهـقـوة أنـه عـن لـزومي تـمـايـل *** من حيث بعض الناس للناس حسّـاد
بعض الرجال اليوم ما مـن صمـايـل *** مـســرد كـلام وبـالـديـاويـن سّــراد
وصـلاة ربـي عـد مـنشي الـمخـايـل *** على الرسول الهاشمي سيد الأسياد

* قال عبدالله بن دهيمش بن عبار العنزي هذه القصيدة رداً على الشاعر
سعود بن راجي بن فريح العنزي : 658

جاني جـواب سعـود عبـر الوسايـل *** أسرع من اللي وجهه برج الأرصاد
وقـريـت خـطــه ثـم سـجـلـت قـايــل *** يا مـرحبـا بـه عـدد منبوت الأوهـاد
القـرم أبـن راجـي عـلـومـه جـزايـل *** هـو جـزل وبيـوتـه عذيـات وأجـداد
المعـذرة يـا شـوق ضـافي الجـدايـل *** تنشد عـن اللي مـا لقينـا لهـا اوجاد
عـن خـطـكـم دورت كــل الـفــوايــل *** وسط الدروج وفـي سجلات الإسناد
وعـن وصلته يا مسندي حال حايـل *** ولا تـرى المرسال مـا قصده اعمـاد
يمكن نـسيهـا والـمـشـاغـل هـوايـل *** أحيـان نـنسى مـا تـقـل عـندنـا فـواد
أحسن بـه الظـنـه وحـذرك اتسـايـل *** تـرى الرفيق معـاتـبه يجـلب أحـقـاد
يا سعـود قـافـك مثـل ورد الخمـايـل *** وأنت الذي شرواك فـي جهدنـا شاد
عسى فـداك أهـل القـلوب الـهـبـايـل *** لـك عـنـدنـا يـالـقـرم تـقـديـر ووداد
تشكر عـلى تمجيدك أهـل الفضـايـل *** هـزاع وهـلـيـل عـلى الـطـيـب رواد
أمـثـالـهـم بـالـنـاس صـاروا قـلايـل *** نـدعـي لهـم دوم اللـيـالي بالإسـعـاد
نـعـم بـأبـو فـهـد عـزيـز الـنـزايــــل *** الـلي بـفعـل المرجـلـة والـكـرم جـاد
مـن طلعـتـه يسعى عـلى كـل طـايـل *** مكـارمـه بالمـوجبـه مـا لـهـا أعـداد
ريـف الرفاقـه وقـت ضيق المحايـل *** الـلـه يـفـكـه مـن حواسيـد الأضـداد
حـيـثه لعـلم الطـيـب والـمجـد نـايـل *** ويشهد لمدحي بـه جماعات وأفـراد
والقـرم أبـن فرحان ريـف الهـزايـل *** الـلي اشبوحـه للـفخـر ميدهـا ابعـاد
أبـو جـزأ هـلـيـل عـريـب الـسـلايــل *** الـوايـلي مـنـوت مـلاهـيـف الأكبـاد
فـي ضـيـفـه يـهـلي كـريـم الـسبـايـل *** ومـن حيـن يـقلـط جـاه دلـه وبـراد
والـعــود لـقـروم الـنـشـامـا كـمـايـل *** حيثه يريـد الطيـب والطيـب لـه راد
حـطـاط مـن فـوق الصيـانـي نـثـايـل *** يا ما ويا ما قـال سمـوا عـلى الـزاد
قـلـط جـزيـلات الـكـبـاش الـجـلايــل *** الـلي الشحـم بضهورهـن تـقـل لبّـاد
يـتعـب عـلى كسب الفخـر والنفـايـل *** يـنـفـق ورزقـه دوم يـنـمـي ويـزداد
مـا ينـشغـل عـن واجبـه بـالـوكـايـل *** لـو المكـاسـب ودهـا سـعي واجهـاد
لـي الـفخـر فـي طـيـبـيـن الـعـمـايـل *** والشعـر لأهـل الجـود مادح وحمـّاد
وصـلاة ربـي عـد غـرس الشـتـايـل *** عـلـى الـنبي زال الضلالـه والألحـاد

*- قال الشاعـر حابس بن سعد الأشقر الربشاني الرويلي هذه الأبيات يسند
على عبدالله بن دهيمش بن عبار : 659

بـديـت بـسـم الـلـه رب الـمـقــاديـر *** الـوالـي الـمـعـبـود جـلا جـلالـــــه
ومـن بعـد ذكـر اللـه سجلت تعبيـر *** خـط القـصـيـد مـزرفـه بـالـرسالـه
يـا راكب الـلي لا ركبتـه تقـل طيـر *** جـمـس جـديـد مـوردتـه الـوكـالــه
أركـب عليـه وثـم عشـق لـه القيـر *** مـع السهل يطربك صوت اشتغالـه
ملفـاه أبـن عـبـار ريـف المساييـر *** عـز الـرفيق وعـز مـن هـو عنالـه
الـوايلي ريـف الـوجـوه المسافيـر *** الـكــل قـال ونـعـم لا جـاء مـجـالــه
مـن لابـة بالكـون تحمي المغـاتيـر *** حمـاة الضعـيف إلـى تغـربـل بقالـه
فوق المهـار معسكرات المساميـر *** الـكـل مـنـهـم ضـاري لـلـنـفـالـــــه
والنعـم بـالـفـدعـان فعـالـت الخيـر *** أهـل الـعـلـوم الـطيـبـه والـجـمـالـه
وصلوا عـدد وبل المزون المزابير *** عـلى الرسول اعـداد بـارق خيالـه

* قال عبدالله بن دهيمش بن عبار هذه الأبيات رداً على الشاعر حابس بن
منسي بن سعد الأشقر الربشاني الرويلي : 660

مبـداي بسـم الـلي عـليـه التدابـيـر *** رب الـخـلايــق كـل عـبـدٍ شـكـالـه
ومن بعـد ذكـر الله سطرت تسطيـر *** ورديت قـول الـلي بشعـره جزالـه
حابس بـن منسي سليـل المنـاعيـر *** مشكـور جـده بالصـخى والشكالـه
جاني جـوابـك من بعـيـد المشاويـر *** يـا مرحبـابـه عـدد نـبـت الحيـالـه
تذكر لي أنـك شفت بالوقـت تغيـيـر *** والعـصر الأول زال وأقـفـت ليالـه
وتذكر لي أنه صار جرو الثعل زير *** وشبل الأسود اليوم يخشى الثعاله
وصار الفخر لأهل الذهب والدنانير *** ولا يـبلغ المقصـود مـن قـل مالـه
صدقـت يا نسـل القـروم المشاهيـر *** والـلي ذكـرته صدق مـابه جهالـه
الوقت يبرم يا أبن الأجـواد وايديـر *** ودنـيـاك هــذي كـل يـوم بـحــالــه
الـلـه كـريـم يـبـدل الـعـسـر تـيسيـر *** وعسى العـسر ربـك يعجل زوالـه
نطلب لـك المولى يرجعـك لصويـر *** وتفرح بقرب أهـل الفخر والبساله

* وقال الشاعـر حابس بن منسي بن سعد الأشقر الرويلي هذه القصيدة
يسند على عبدالله بن دهيمش بن عبار : 661

بـديـت بسم اللي رفع دين الإسلام *** هـو الـولي المعـبـود للنـاس ستـار
ومن بعـد ذكر الـلـه سجلت باقلام *** خــط جـديــد مـزرفـه لأبــن عــبـار
يا راكب اللي بالسما تسهم أسهام *** ممشى ثـلاث أيـام تـطـويـه مشـوار
من نوع صنع الميق تسير بأرقام *** بـيـن السمـاء والقـاع ملاحهـا سار
للعاصمة ملـفـاه لـبـيـوت الإكـرام *** مـن عنـدنـا مرسـول يـم ابـن عبـار
الشاعـر الـلي للشواعـيـر عصّـام *** ولــف كـتـابـه لـلـمـنـاعـيـر تـذكــار
هـو الذي مـن لابـة مـابهـا أوهـام *** من صفوة الفدعان من نسل عـقـار
عـدوهـم بـالـكـون يـبلش وينظـام *** وقطعانهم بالخـوف ترعى بالأقـفار
قلتـه وأنا يالقـرم من نسل الأكرام *** مـن لابـة الـربشـان حـمـايـة الجـار
عـدوهـم سـهـران بالـليـل ما نـام *** وقصيرهم عن لاهب الشمس ينجار
حابس ينقي القاف عن كـل مثـلام *** وهـرج الرديـه ما يحطه بالأسطـار
وصلاة ربي عدد ما بالسماء حـام *** وعـد النبات وعـد مـا تمشي انهـار

* وقال عبدالله بن دهيمش بن عبار رداً على حابس بن منسي الرويلي الثانية : 662

حي الكتاب الـلي لفـاني مـن الشـام *** حيـه عـدد ما هـل هملول الأمطـار
كتاب منسي شوق مردوع الأوشام *** عـذب القوافي مسنـده لأبـن عبـار
جاني شريطـك مع شغاميم واحشام *** وأخذت منهم كل مضمون الأخبار
لا بـاس يـالمنعـور مـن كـيـد الأيـام *** خـلـك عـلى مـا دبـّر الـرب صبّـار
حيثك معـرب من خوالـك والأعمـام *** سلايـل اللي ينطح الخصم مـا نـار
أن جت لك الدنيا على خير ما يـرام *** اقطف ثمرهـا يالسنافي والأزهـار
وأن ادبـرت هـذي تقـاديـر الأحكـام *** لا تـشتحن تـرى الفـلـك دوم دوّار
دنـيـاك مـا دامـت لجـدعـان ودهـام *** خلهـا تولي مـا سـوت ربـع دينـار
أنت الشجاع اللي على الراي جزام *** والحـر يصبر لو عليه الزمن جار
يـفـداك مـن هـو لـلأصـاحـيب لـّوام *** والمعذرة لـو كان ما تفيد الأعـذار
وأشكرك في مدح النوادر والأعلام *** عـلى ثناك لعـزوتي حمـر الأنظـار
والخاتمه صلوا عـلى نـور الإسلام *** المصطفى الـلي للمخـاليـق مختـار

*- هذه القصيدة قالها الشيخ هزاع بن مناحي الحمادي الرويلي يثني على
عبدالله بن دهيمش بن عبار العنزي فيقول : 663

عسى يا أبـو مشعـل إلهـي يسلمـك *** تقـضي حـيـاتـك كـلـهـا بـالسلامـه
يا الـلي افعـولـك للـمعـزة اتـقـدمـك *** الطيـب والناموس ماسك ازمـامـه
في ساحة اهل العرف بانت معالمك *** للطيـب بحجاجـك نشـاهـد عـلامـه
اخـلاقـك تخـلي النشـامـا اتـشيـمـك *** يا مقـابـل الـزايـر بلطـف ابتسامـه
ياعون من لا صكه الوقت يزهمـك *** تاقـف مواقيـف الـوفـاء والكرامـه
ربـي عـلى دروب المراجل امعلمك *** عـز الـلـه أنك من رجال الشهامـه
تاخذ يبو مشعل من الطيب مقسمك *** الطيب عالي وأنت صرت بسنامـه
أعـتـز بـك يـالـلي تـوفـي مـلازمـك *** رجـل بشوش ومن رجال الفهامـه
أنا احترمك الـلـه عن الشر يحرمك *** وشرواك مفروض علي احتـرامـه
حيثك بدرب الطيب شديت محزمـك *** اليـا لـبـد خـطـو البلـيـد الخـمـامـه
أمدحك ما قصدي تبجح ولا اظلمـك *** لكن راعي الناموس تنشر اعلامه
وياعلني في كل الأوقات ما اعدمك *** وعسى فداك أهـل الردا والرخامـه

وقال عبدالله بن دهيمش بن عبار هذه القصيدة رداً على قصيدة الشيخ أبو
ممدوح هزاع بن مناحي الحمادي يقول : 664

يا الله يا سامك صروح السما سمك *** يـامـن بـنـاه بـلا عـمـاد ودعـامـه
أنـت العظيم الـلي الخلايق اتعظمـك *** الكـون سـار بقدرتك فـي نـظـامـه
بـديـت بأسمـك يالـولـي واتـرحمـك *** وأطلب طريـق الرشد والأستقامـه
ومن بعـد ذكـر الـلـه يالفكر يلزمـك *** تنظم جـواب الـلي وصلني سلامـه
هـزاع أبـو ممدوح بالقصد يفهمك *** ماهومن أصحاب الجهل والغشامه
يا أبن مناحي تلفـظ الـدر مـن فمـك *** وأنـت اللبيـب الـلي يـقـدي كلامـه
أنت الذي تاخذ من الطيب مسهمـك *** يـا راعـي العـلـيـا عـدتـك الملامـه
والشاهد الـلـه ما أخبر عيب يثلمك *** يمينـك أكـرم مـن ربـاب الغـمـامـه
بالبـذل والإنفـاق مـا طعـت لايـمـك *** مـن جـود كفـك مـا يصـّرد ابهامـه
مربحك يا ريـف الهواشل ومغنمك *** كسب الثـواب وتالـي العمـر خامـه
حيثـك كـريـم ولا تـردت عـزايمـك *** ومن جـاد سـاد ويرفع الـلـه مقامه
من جاك كرّمته عسى اللـه يكرّمك *** يا ريـف من وقتـه غـدربـه وظامه
مـا قـلـت تمجيـدي تملـق ولا نمـك *** ومدح الصخي شرواك مابه ندامـه
فعـلـك هـو الـلي للحماميـد زعمّـك *** وعـز الـلـه أنـك تستحق الـزعامـه
ربعك ذراك وضد من هـو يهاجمك *** وقـت اللزوم الكـل يشهـر احسامـه
يثنون زند الـلي من القـوم يشتمك *** شجعـان مـا فيهـم خطـات الفـدامـه

يتبع

تابع

*- وهذه القصيدة قالها الشاعـر المعروف سليمان بن مانع الكره وقد القاها في حفل
حصول الأبن مشعل على درجة الماجستير يسند على عبدالله بن دهيمش بن عبار : 665

كان الشعر يابن الهرم جابـه اهرام *** الـلـي قـصـيـده كـان كـلـه احـمـيـا
كـم صال جـال وضل ثابـت ومقـدام *** عـلى عـنـزة مـا ساوم الـكـل عـيـا
هو جامعتـك الأولـه يا أبـن الإكـرام *** لـو كـنـت كـان الجيـل كامـل ولـيـا
موقف شعر شعر المواقف إلـى قـام *** تجـلس تـحـت يـده القـوافـي تفيـا
الـرايـد الأكـبـر عـلـمـنـا بـالإعـــلام *** الـثـقـل لا خـف الـغـشـيم وتـعــيــا
أنـا افـتخـر بـه قبـل كنتـم بالأرحـام *** هـو لعـنـزة مـن دون هـذي وذيــا
حتى اسأله ما انته لنا قلتها اشمـام *** وأنـتـه لـنـا مـثـل الـقـمـر للـثـريـا
يـا أستـاذنـا يا معجـم الفـكـر مـادام *** جـاء وقـتهـا مـا كـل فـرصه تهـيـا
شفت الـذي معـنـا تسحـر ولا صـام *** صـلى يـا ريـتـك بـس سـلم وحـيـا
الـيـوم يفـتي لابـس البشـت هـنـدام *** وإلـى تـنـحـنح جـاوب الـكـل هـيـا
خـلـه يـولـي يـا قـلـم لـيـث الأقــلام *** نعـطيـك يـالـلي اعـطيتنـا كـل شيـا
وجعـلـه مـبـارك نـبت نبـتـك لـقـدام *** بالعـيـد الـلي الليـلـه جمعـنا هـنيـا
وأنـتم يـا هالحـصة بقـلبي والأحلام *** بـكـم كـبـيـره لا تـروح الـحـمـيـــا

قال عبدالله بن دهيمش بن عبار هذه القصيدة رداً على الشاعر سليمان بن
مانع الكره الملقب ) الغريب ) يقول : 666

حي الجواب وحي من صاغ الأنغام *** سليمان أبن مـانع بشوش المحيّـا
فـرخ القطامي مـن مـواكيـر غـنـام *** مـا دك بـالـصـاروم عـرق الحـديـا
القرم نسل أهل القهاوي والأختـام *** من راس روس الروس مابه خفيا
الكـره يـكـره عـايـل الـقـوم بحسـام *** لا ثـار مـن وقـع الحـوافـر اغـبـيـا
مشكـور يا سليمـان يالفـاهـم الفـام *** يـامـن وصفـت أقـوالـنـا بالحـمـيـا
نـرد شـتـم الـلـي لـلأجـواد شـتــــام *** نـاس عـلى العـاقـل تحـدرج بـلـيـا
ولاخاب من ربعه عزيزين واحشام *** ومن لا تعـزوى ضاع حقه اغشّيا
نـفخـر بفعـل مطـبـق السـلم والـنـام *** مـا دام لشخـوص الحمـايـل تـلـيـا
واللي يـدور الطايلـه يحـفي الأقـدام *** يسري حثيث ويطـوي القاع طـيّـا
واللي يبي عـن مسلك الجـد مهـزام *** خـلـه يـنـام وبـالـضـلال أيـتـفـيـــا
والـلي تـقـول أنـه تسحـر ولا صـام *** وش عـاد لـو هـو في لباسه تزيـا
الشـكـر لـلـي بـالـخـفـيـات عـّــــلام *** مـا نـغـبـط الـلي مسكـنـه بالعـلـيـا
ربـك فرجهـا وزال داجـور الأظـلام *** أشـرق قمرهـا وشـع للنـور ضـيّـا

*- قال عبدالله بن دهيمش بن عبار هذه الأبيات يسند على أحد الأشخاص : 667

آه واقـلـبـي مـن الـلـوعــة حـريـج *** كـنـه المطعـون في رمح العـواجي
مـن غـزال يـودع الـعـاقـل مـريــج *** حـط قـلـبـي سـلـعـة مـالـه رواجـي
كـن وسـط القـلب جـمـر لـه وهيـج *** صلـوهـا يقـدح مثل قـدح البواجي
مـن نـفح نفحـات سحـره بالنسيـج *** زاد وجدي من غرامـه والخلاجـي
ما حسبت القـلب مـن وجـده يهيـج *** ولا ذكـر مخلـوق من بلـواه ناجـي
وهـنـي مـن شـم نـفـحـات الأريــج *** هـو شفـاي وهـو دوايـه والعلاجي
أطلب اللي سـار لـه فـوج الحجيـج *** يـقسـم المجـمـول بالسنـة زواجـي
لـيـت مـن لا قـاه فـي يـوم بـهـيــج *** صاحبي طابق مزاجـه مع مزاجـي
أشـكي الـلـوعـات لـدمـوع الخـليج *** من غـرام في محاني القـلب لاجـي
بنت من يثـني وراء تـالي الهجيـج *** كـان عـج الخيل ثـور لـه عجاجـي

* جواب الشخص الموجهه له الأبيات رداً على عبدالله بن عبار : 668

وصـل مكتـوبـك ضحى يـوم بهيـج *** مـن حـروفـه زاد قـلبي بأبتهـاجـي
يـا هـلابـه عـد مـا طـاف الحجـيـج *** وعـد ما هـل المطر عقب العجاجي
تشكي الـلي حـط فـي قـلبـك وهيـج *** يشتعـل بالـنـار مـن زود الهياجـي
مـن هـنـوف تـودع العـاقـل مـريـج *** صاب قلبك من محبتهـا أنزعاجـي
شـف قـتيل الحـب مـن قـبلك فليـج *** صابتـه لـيـلى بمقـرون الحجـاجـي
أنقضى عمره مع الصحراء حريج *** مـات من حبـه ولا شـاف العلاجـي
والهـوى جـانـي وخـلانـي رجـيـج *** شفـت دربـه مايـل فـيـه أنـعـواجـي
هـزني يالقـرم صوتـه لـه ضجيـج *** وصاب عقلي من سبايبه أرتجاجي
جيت أبي احتج قال لي قول لجيـج *** الهـوى هـيهـات مـافيـه احتجاجـي
مـن سـبـأ حـالـي مـقـره بـالخـليـج *** أودع القـلـب المـولـع بـأنحـراجـي

*- قال عبدالله بن دهيمش بن عبار هذه الأبيات من شعـر الوجد : 669

يا لـيتـني مـا شفـت غـروٍ لمحـتـه *** ولا صابني لحظ العيون اللواضب
لا عـاد يـوم بالمـصـادف نـطحـتـه *** رمحـه طعني يـوم مريـت خاضب
يا زيـن قـلـبي بالنـواظـر جـرحتـه *** وهيضت مكنون بالأفكـار ناضـب
يا ما ويا ما القـلب عنكـم نصحتـه *** ما حـاد دونك لـو يكون المقاضب
يا مـن فـؤادي من مقـره شلحـتـه *** وقلبي معك يا ناعم العـود حاضب
يا صاحـبي مكتوم سـدي فضحتـه *** الناس تفرح وأنا يـا زيـن غاضب
وش عـاد لـو بـاب الموده فتحتـه *** يا للحسافة صـار وصلك امعاضب

* هذه الأبيات رد من أحد الأشخاص : 670

قـاف نظـرتـه هيض القـلب نحتـه *** سيل دموع العين لو هن نواضـب
مـن واحـدٍ يشـكي غـزال لـكحـتـه *** خـلـت يـدينـه فـوق قـلبه قـواضب
تقـول يا الـلي لـك فـؤادي منحتـه *** يا ما من بعدك ذقت مر الرواضب
تـدري يـا أبـن عبـار لكـن بـحـتـه *** أمـا نـزل بـك أو علابـك هـواضب
كـم شيخ نعسات النواظر اطرحته *** عنها عجـز وهو يروي العواضب
يـرتـاح لا مـن الـهـبـايـب لـفحـتـه *** يـقـول هـذا نـسـم خـل مـقـاضــب
أن كان لك مضمون خلـك ربحـتـه *** ولا فـدر من نجـد ليـن المخاضب

*- وهذه أبيات مسنده على عبدالله بن دهيمش بن عبار من شخص : 671

هـات القـلـم بـكتـب بيـوت وأسطـر *** سجلت بالقرطاس منظوم الاشعـار
وأرسـل كـلام مـن ضميـري معـبـر *** وأبعـث خفايـا مهجتي لأبن عـبـار
كـوده يـخـفـف دمـعـي الـلي تـنـثـر *** من فوق خدي بيّح الدمع الأسـرار
أشكي لكـم والقـلـب يالقـرم مخطـر *** جـرح المحبـة داخـلـه صـار تذكار
خـلـي عـنـيـد وقـاسـي وأمـتـكـبّــر *** خلي تناسا اللي مضالي وما صـار
قـلبـه عـقـب لـيـن الـمحـبـة تحجـر *** أطفى شموع الحب مع كل الأنوار
يا كيـف عـقـب المعـرفـة لـي تنكـر *** يا كيف يسقيني مع الحلو الأمـرار
فـز الخفوق وقـامـت العيـن تسهـر *** بـعـد الحبايـب مـاني اليـوم صبـار
حبـل الوصـل ما بيننـا قـام يقـصـر *** حسبي على من هو جحود وغـدار
داخ العـقـل مـن لعـبـة الكـر والفـر *** وأرجي ظلام الليل ينهي بالأسفـار
تمت وصلى الله عـلى قـاهـر الشـر *** محـمـد الـمخـتـار سـّيـد لـلأ بــرار

* قال عبدالله بن دهيمش بن عبار هذه الأبيات جواب : 672

يالشاكي الـلي من غـرامـه تضجـر *** تشكي تبـاريح الهـوى لأبـن عبـار
أصبر عـلى جـور الحبيب وتصبّـر *** كـوده يعـود الذاكـره عقـب الأنكـار
الحب يا مـا صـاب رمحـه بالأبهـر *** الكـل يشكي الحب من قـدم الأدوار
كـم عاشق قـبـلك أغتـاض وتـكـدر *** والكل مالح من طنا الوجد الأكـدار
وأن كـان خـلـك صد عنك وتـنـكـر *** بـادل أنـكـار الـلي تـنـكـر بـالأنـكـار
عساه مـن عـقـب الصدود ايتـذكـر *** ويترك غـواه ويتبع السلـم والكـار
عسـاه عقب الجور يدرك ويـشعـر *** وأطـلب عسى يعـود لـك رد تعـبـار
وأن تـاه عـن دربه عليه الله أكبـر *** خـلـه يـروح وعيـن عـمـار بالـنـار
مـا يـاجـب الحـر الطليـق ايتحسـر *** ولا يـنشـد عـن واحـدٍ صـد مـا زار
والـلي غـدا يا نسل الأجـواد بالبـر *** يـتيـه مـا بـيـن الـروابـي والأقـفـار
لا شـك رب الكـون مـا يـتـرك الـذر *** يوحي دبيب الذرفي صم الأصخار

*- هذه الأبيات من قصيدة أرسلت من شخص يسند على عبدالله بن عبار : 673

المـزن سـاق وسـاق قـلبي مسـاقـه *** وعزي لقلبي مع هبوب الهوا ساق
وحـالي قـضت يالـوايلي بانسـراقـه *** وجـور الليالـي صـار للحال سـراق
وأوجـس بقـلبـي يـالمعـنى حـراقـه *** من واهس في خافقي يحرق احراق
وسـلامـتـك والبـيـت كـمـل غـلاقـه *** وخل القلم يكتب على بيض الأوراق

* وقال عبدالله بن دهيمش بن عبار رداً على صاحب الأبيات : 674

أسباب مـا هيـّض ضميري وشاقـه *** خط الذي يشكي من الوجـد مشتـاق
مهـديـه لي لـو كـان مـالـي عـلاقـه *** حتى ولا أدري موقعه بـأي الأشناق
شخص تحـدث بـالـعـلـوم الـدقـاقــه *** لكـن لمست بمنطقـه حسن الأخلاق
عـذب الـنـبـا لـفـظـه تـقـل در ناقـه *** أو ذوب شـهـد وخـالطينـه بـتـريـاق
وأظـن أنـا وايــاه ربـع ورفــاقـــــه *** الـجـد وايـل بالـمنـاسـب والأعـراق
حـملي ثـقـيـل وزاد حـملي وسـاقـه *** أيقض فوادي من سبات الكرى فاق
كـان المـزون أنسـاق قـلبـه مساقـه *** قـلبي ينوض إلى لمح ضوح بـراق
وحـذراك يغـريـك الحلا فـي مـذاقـه *** وأفطن ترى من ذاق هيهات مـالاق
وأن كان مالحت العسل عـقب فاقـه *** تشفق عليه من الضماير والأعماق
ومـن لا يـودك لا يـهــمـك افـراقـــه *** قـلـتـه ولانـي لـلـذي صـد لـحّــــاق

*- وهذه الأبيات مسند على عبدالله بن دهيمش بن عبار لأحد الأشخاص :

أرجيك وأنت اللي من الخلق راجيت أنـت الوحيد اللي بعمـري خشيري : 675

مـا غـيـرك مـن النـاس والله تمنيـت *** أنت الذي حبك سكن فـي ضميـري
طـال انتظـاري يا عشيري ولا جيـت *** يـا ليـت تـرجع يـا مظنـة بصيـري
أنـا الـذي بـأسـبـابـكـم مـا تـهـنـيــت *** ينـام مـن حـولي وجـفني سهيـري
أنـا أشهـد أنـك فـي عـقـابي تماديـت *** وأنت الذي طيفـك يداعـب نظيـري
وشبك عقب صدق المشاعر تناسيت *** هـاك المحبـة والوفـاء يا عشيري
يا صاحـبي قـل لـي عـلامـك تخـليـت *** لا شـك ظني فـيـك والـلـه كبيـري

* قال عبدالله بن دهيمش بن عبار رداً على صاحب الأبيات : 676

يا من طلب ردي على القـاف رديـت *** وش عـاد لو قيلـك موجـه لغـيـري
يـا مـرسـل المنظـوم حـييـت حيـيـت *** عـد المزون اللي مطرهـا غـزيـري
وأبي السماح أن كـان بالقيـل زليـت *** وحنـا عـلى مبدأ الصراحة نسيري
أنصحـك ياللي من المحبة تشكويـت *** ويكفـيـك بالعـبـرة كـلام السـديـري
خـذ الحـذر لا تعـتـرض للشـوامـيـت *** ولا تعاشر المذموم خطو الحقيري
عـليـك بالـلي بالعـرب ذايـع الصيـت *** الـلي بفعـل الطيب عـلمه شهيري
أن سـرت بـدروب الـمعـزة تـعـليـت *** ومـن سـار بالباطل جناحه كسيري

يتبع

نهاية المساجلات المطبوعة في ديوان الوائلي بأجزائه الأربعة ويليه من القصائد التي لم تنشر بالديوان .

تابع
من القصائد التي لم تنشر بالديوان

من شعر الأمير محمد الأحمد السديري رحمه الله هذه القصيدة : 677

يـا بـجـاد شـب الـنـار وأدن الـدلالـي *** واحمس لنا يا بجاد ما يقعد الـراس
ودقـّه بـنـجـرٍ يـا ظـريـف العـيـالـــي *** يجـذب لنـا ربع عـلى اكـوار جلاّس
وزلّــه الـيـامـنــه رقــد كــل ســالـي *** وخـلّـه يـفـوح وقـنن الهيـل بقيـاس
وصــبّـه ومــدّه يـا كـريـم الـسبـالـي *** يـبعـد همومي يـوم أشمّه بالأنفـاس
فـنـجـال يـغــدي مـا تـصـوّر أبـالــي *** روابع نضرب بها اخماس وسداس
يـقـول مـن عـدّى عـلى راس عـالـي *** رجـم طـويـل يــدهـلـه كـل قـرنـاس
فـي راس مـرجـومٍ صعيـب المنـالـي *** تلعـب بـه الأريـاح مـن كـل نسناس
في مهمه قـفـرن مـن النـاس خـالي *** يشتاق له من حس بالقلب هوجاس
قـعـدت فـي راسـه وحـيـدن لـحـالـي *** كني براس الرجـم مرقـب وحـرّاس
مـتـذكّـرن فـي مـرقـبـي مـا جـرالــي *** وصفقـت بالكفين يـاس عـلى يـاس
أخــذت أعــد أيــامــهــا والـلـيــالــي *** دنيا تقلّب مـا عـرفـنـا لـهـا أقـيـاس
كـم فـرّقـت مـا بـيـن غـالـي وغـالي *** لو شفت منها ربح ترجع بالأفـلاس
يـا مـا هــفـابـه مـن رجـالـن مـدالـي *** مـا كنهم ركبوا عـلى قـب الأفـراس
ولا رددوهـن لـلـبـكـار الــمــمتـالـي *** ولاصار عند اقطيهن قطع الأنفاس
يـقـطـعـك دنـيـا مـالـهـا أول وتــالـي *** لوأضحكت ترجع وتقرع بالأجراس
المسـتـريـح الـلـي مـن الـهـم خـالـي *** مـا هـو بلجات الهواجيس غـطّـاس
مـا هـو بـمـثـلـي مـشـكـلاتـه ثـقـالـي *** أزريـت اسجـلهـا بحبـٍر وقـرطـاس
حـمـلي ثـقـيـل وشايـلـه بـاحـتمـالـي *** وأصبر عـلى مـر الليالي والأتعاس
وأرسي كما ترسي رواسي الجبالـي *** ولا يشتكي ضلعٍ عـليـه الـقدم داس
لا خـاب ظـنـّك بـالـرفـيـق الـمـوالـي *** مـالـك مشاريـٍه عـلى نـايـد الـنـاس
يـا عـل قـصـرٍ مـا يـجـي لـه ضلالي *** يـنـهـد مـن عـالـي مـبانـيـه للسّاس
لا عـاد مـا هـو مـدهـلـن لـلـرجـالـي *** ومـلاذ لـلي يشـكي الظيـم والـبـاس
بحسناك يـا مـنشي حـقـوق الخيالي *** يا خالق اجناسٍ ويا مفني أجنـاس
تـجـعــل مـقـرّه دارس الـعـهـد بـالـي *** صحصاح دوٍ خاليٍ مـابـه أونـاس
الـبـوم فـي تــالـي خــرابــه ايــلالـي *** جـزاك يا قصر الخنا وكـر الأدنـاس
مــتـى تــربـّـع دارنــا والــمــفــالـي *** وتخضر ديـار عـقب مـاهي بـيبـّاس
ونشـوف فـيهـا الديدحـان متـوالـي *** مثل الرعاف بخصر مدقوق الألعاس
ينشر عـلى البيـداء سوات الـزوالي *** يشرق حماره شرقت الصبغ بالكاس
وتـكـبـر دفـوف معـبسـات الشمـالـي *** ويبني عليهن الشحم مثل الأطعاس

وقال الشاعـر الكبير غانم بن علي اللميع هذه القصيدة مجاراه لقصيدة
الأمير محمد الأحمد السديري رحمهما الله : 678

يا بجـاد شـب الــنـار وأدن الـدلالي *** يـوم النعـايـم مكهـفات عـلى الـراس
اليا نـام اللي قـلبـه مـن الهـم خالي *** لـوازمه عـقب العـشا نـوم وأنـعـاس
مـا صـافـقـن قـلـبـه سـوات الأدالي *** عـلى قـلـيـب جـامـع سبـع الأنـفـاس
تـشـاوحــوه الـبـدو وقـت المحـالي *** وخـطـو الرشا يأتيـه من ذاك لولاس
يا بجاد كيف القـلـب صابـه اجفـالي *** مـثـل جـفيل الـلي لكش راس قنـاس
والنـار لـه وسط الضميـر أشتـعالي *** مـالـه ضواء يابجاد حطـه بلا قياس
والـلـي جـرالـك يـالسنـافـي جـرالـي *** ياشوق من تزهى جديدات الألباس
ومن خـاب ظـنـه خـاب يـا هـمـلالي *** ولا بــعــد قـولـه لاْ يـا كـود الأيـاس
لـيـه رفـيــق خـابــره قـبــل غــالـي *** ولا أتهمـت مثـله بالرديه والأنجاس
الا ومـع ذلـك نـافــعــه مـن حـلالـي *** وثـنيـت دونـه يـوم الأريـاق يّـبـاس
وعـلى لـزومـي قـص كـل الحـبـالـي *** وأصبحت كـني واحـدٍ يطبخ الفـاس
يـبي الرشوف مـن الحـديـد الـزلالي *** نار تلضها وقدرها صلـب وأنحـاس
والطـيـب مـا يضيـع بـيـن الـرجـالـي *** يضيع ما بيـن الثعـالـب والأبسـاس

وبعد انتشار قصيدة الأمير محمد الأحمد السديري صار لها صدى في الأوساط
الشعبية حاولت أن اجاري تلك القصائد قال عبدالله بن عبار هذه القصيدة مجاراة
هذه القصيدة مجاراة لقصيدة الأمير محمد بن أحمد السديري رحمه الله والشاعر
غانم بن علي اللميّع الدهمشي رحمه الله : 679

سجـلـت مـن بـدع القـريحـه امثـالي *** قيفان نبدعها من شعـور واحساس
أهــديـه لـلـي يـفـهـمـون الـمـقـالـي *** والـعـلـم نـور وللمخـالـيـق نـبـراس
سمعـت قـول الـلـي كـلامـه صمـالي *** الليث منصى الـلي من الهم محتاس
مـحـمـد الأحـمـد عـريـب الخــوالـي *** مـن مـارثـة بـدران والعـرق دسّاس
ذرب الرجـال الـلي عـلـومه جـزالي *** منـظـوم قـافـه كـنّـه الـدر والـمـاس
وكـلام أبـو غـيّـاض هـرجـه عـدالـي *** يغوص بالمعنـا ويـبني عـلى ساس
الـقـدر بـأمـر الـلـه عـزيـز الجـلالـي *** محيي العظام البالية تحت الأرماس
دنـيـاك مـا خـلّـت مـن الـنـاس والـي *** دالـت عـلى دولـة سلاطيـن عبـّاس
ومـن كان مقصوده يطـول المعالـي *** هيهات ما يقبل على الهون مجلاس
الــمــر مـا يـصـبـح قــراح زلالـــي *** لـو ينخلـط لـب الشمـنـدر بالأكيـاس
والـضـد مهـمـا قـلـت قـلبـه صفـالي *** ما ظنتي يصلح ضميـره اليـا خـاس
وأن جارت الدنيا وبك الوقـت مالي *** وتغـارشتك أضفارهـا مثـل الأمواس
أنـص الـكـرام مجـربـيـن الـفـعـالـي *** يبقـون لـك دايـم عـن الظيـم حـرّاس
وإيـاك لا تـنصـى بخـيـل الـرجـالـي *** نصـاي ولـد اللاش يـرجـع بالإفلاس
ولا تنتظـر فزعـة هـدوس الـنـذالي *** سهاجة الـواجـب هـلابيج واخسـاس
ولا تبـذر الحسنى بشيـن العـمالـي *** مـثـل الصبخ مـا بـاذر فـيـه غــراس

ومن شعر الشاعر فياض بن زرم الشملاني العنزي رحمه الله هذه القصيدة
يثني على سعد الدخيّل السهلي وقد نشرت قصائده المطبوعة في الديوان : 680

راكـب الـلي مـا شـروه المفلسين *** مركـب شيوخ تحـل المشكلي
من ضواحي الخرج روّح للبطين *** مـرسليـنـه بالـتحـيـة لسهـلي
سعـد دخيل الله عشيـر الغـانميـن *** صامل الوقفات وأسمع مايلي
لا دخلـت مـع البلـد نـاظـر يـميـن *** وأفهق الجامع وخلك مشملي
تـلـفـي بـيـت مـدهـل لـلـطـيـبـيـن *** ودلـة مـن فـوق نـار تصطلي
بـيـت أبـن عبـلان ذبّـاح السميـن *** فاتـح بابـه يقـول أقـبـل عـلي
شوف عيني وأسمعوا ياسامعين *** يفـرح اليا شاف ضيف مقبلي
قبلي عبدالله راعي القول الثمين *** أبـو مشعـل عـالـم مـا يجهـلي
وأنا والـلـه مـا مدحـت الخايبيـن *** ولا مدحت أرجي عطوأنا ملي
مارأخو صيته سعد ذرب اليمين *** بمدحه واللـه عـلى عباده ولي
جاذبه عـودن وفـاء دنيـا وديـن *** مـن ربـوع سهمهـم مـا ينطلي
هـذا وأنـا لـي طلـب وقـل آميـن *** أنـك تـشّـرف محـلي يـا سهـلي

وقال عبدالله بن بداح السهلي هذه القصيدة مجاراة لقصيدة فياض
ابن زرم العنزي : 681

بسمـك يالمعبـود رب العـالميـن *** اســم ربــي بــادي بــه أولـــي
قـبـل نظـم القـاف بالله مستعين *** شاقـني طـاروق قـاف الـوايـلي
يابو فهد مدحك بالممدوح زيـن *** شاش راسي يا رفيـع المنـزلي
مـرحـبـا مليـون تـدبـل مـرتـيـن *** عشت والـلـه هـات يـدك مدلي
لا سمعت المدح بسكان البطيـن *** أرتـفـع زيــادة فــوق مـعــدلـي
مدحهم لي مدح وأنتـم عـارفين *** حـيـثهـم سكانـه ربـعي وأهـلي
وسعـد يا فيـاض ربعـه طايليـن *** لا تستغرب عندهم ذبـح الطـلي
الكـرم خسـارة قـول الفـاهميـن *** والخسـارة مثـل ذوق الحنظـلي
كـم واحـد قـد قـال ماهم مغتنين *** كان هـو يهبل كـرمهـم يهـبـلي
وكـم واحـد قـال ذولا مسـرفيـن *** خفت لضحك من كرمهم وابتلي
قـولـت نعـم مبـطي بهـا فايزيـن *** مـا نـزوّر والحـقـائـق تـنجـلـي
يا أبـو فهـد سلم أهـلنـا الأوليـن *** ما نجنب عنـه والمخـرج مـلي
ولا سمعت بسعد مدح المادحين *** انفعل طناخة تـقـل مـاني خـلي
حلوها من وايل شاهد شاعرين *** جب دلـّة الكيف منها صب لـي
أبـو مشعل وأبـو فهـد شاهديـن *** وعقبهم أشوف مدحه طاب لي
دام شهوده أبن عـمي حاضرين *** أبـدلي بدلوي من ضمن الـدلي
أبو محمد شفت طيبه شوف عين *** ما هـو قول مـن كلام يرد لي
حـاضـر الفـزعات وأنتم خابريـن *** الطنـاخـة تـغـلي بـراسـه غـلي
فزعته تزعـل قـلـوب الحـاقـديـن *** ماهي فزعة كان اقطع لك شدلي
أشهد أن الفزعة اللي بوقت حين *** مالـهـا لـو حـلـو الـعـالـم حـلـي
قومته مـثـل حـد السيف السنين *** ناضجـة شـوي ولا تـجـي قـلي
يدحم الصعبات بالجنـب المتيـن *** جـعـل بعـمـره الليـالـي تـمهـلي
شاكر المعبـود لـه ربـه عـويـن *** والقـناعـة منهـا فـكـره ممتـلي
والبـخـالـة دوم راعـيهـا ذهيـن *** مـاني قـايـل خـاف يحبط عملي
حـرّم الإسـلام ذم الـمـسـلـمـيـن *** بـالـمـذاهـب كـلـهـا والحـنـبـلي
ومدح سعد ما هـو ذم الآخرين *** والـلي وده يزعل خلـه يـزعـلي
وعـلمـوني بالخـطـأ يا معـلمين *** أسـدد قـبـل الـغـرامـة تـدبـلـــي
والسـلام خـتـام وأنـتـم سالمين *** والسمـوحـة كـان فيهـا مدخـلي

قال عبدالله بن دهيمش بن عبار هذه الأبيات مجاراة لقصائد الشاعرين فياض بن
زرم العنزي وعبدالله بن بداح السهلي وذلك في مدح سعد بن دخيل السهلي : 682

من روابع خاطـري بـاح الكنين *** والقـصائـد تـزدحـم بالمحـفـلي
قلت أجـاري شاعرين مبـدعيـن *** صاغوا المعناعلى قاف سهلي
أبن زرم شاعر وشعـره رصين *** وقاف أبن عبلان مفهوم وجلي
ماخلولي من مطيب القاف شين *** وأبي القـط ما بقي عـلى مهلي
عشت يامادح رجال من البطين *** عـسى يعـلـه مـن الهاشل ولـي
افتهم يا صاحب العقـل الفطين *** اعرف المظمون والهرج صملي
أمـدح المنعـور ريـف الوافدين *** أخـو صيتـه طيّـب وعـلمه شلي
أمدح الشغموم بالقول الرصيـن *** مـا اتعـذر عـن ثـناه من جهلي
حيث لـه بالطيب برهـان ويقيـن *** واعتبر شرواه حيـدي وجبـلي
يلقـا ضيوفـه مسفهل الحاجبين *** والجزل يشريه لو سعره غـلي
سعـد بـفعـل الكـرم عـلمـه يبيـن *** مـن بلـد يـبـريـن لا ديـرة بـلي
وله شقيق لو يشيل حمول دين *** مـن بذل كفـه تحسب أنـه مـلي
ذاك محمد ما رصد ماله خزيـن *** يرزقـه الـلي فـوق خلقه معتلي
لـو شويره قـال لـه ضم اليديـن *** قال دعني هـذا شغـلي واعملي
وكل ربعـه نسل صيد الأكرميـن *** من قـربهم دوم عنهـم ما سلي
الـبـرازي كـلهـم كـهـل وجـنيـن *** دمـهـم يـبـري الغـليث المبتـلي
خلفة العوام من ماضي السنين *** فارس الفرسان فـوق العـوبـلي
جـدهم الـلي سـاد بالبيت الأمين *** حكم مكـة عقـب عثمان وعـلي
بالجمـل تشهـد لـه أم المؤمنين *** يـوم قـالـت خـالتـه قـد بجـمـلي
وخالهـم صديّق سيـد المرسلين *** أبـو بـكـر كـل مـنـهـاجـه تـلــي
من صماصيم الهـداة المهتديـن *** من عبث بالدين يصلونه صلي
جاهـدوا ضد العصاة المشركين *** يـوم بالـميـدان للخـيـل اعـكـلي

وقال الشاعر : فراج بن عبدالله بن سعيد البرازي السهلي مجاراه
للقصائد السابقه : 683

يامرحـبـا في قـاف مـروين السنيـن *** اعـداد هـمّـال الـمــزون الـهــمـلـي
جـاني قصايـد طـرقها طـرقٍ حسين *** مـن نـظـم شعّـار تـحـل المـعـضـلي
اثـنـيـن مـن وايـل يـزكـون اليـمـيـن *** والـكـل مـنـهـم قـال والمعـنـا مـلـي
تـرثـت رجال باللقاء تحـمي الظعين *** خـيـل مـكـامـيـنٍ وخــيــل تـرسـلـي
يحذون عـقب الكـون خالين اليديـن *** شـي صحيـح مـؤرخـن فـي سجـلي
والثـالـث أبن أخـيـه عـيـد المقبليـن *** عـبـدالـلـه بـن بـداح طيبـه عـد لـي
دايـم جـنـابـه لـيّـن وعـقـلـه رصيـن *** واحـجـاج يـضحـك دايـمـاً للمقـبلي
يا مبـارك النـاصـر زبـون الجايعيـن *** ادخـلـتـنـي مـابـيـن وافـيـن الـدلـي
جـبـت القصايـد وافـيـه مـن وفـييـن *** يا مـرحـبـا بالـقـيـل والـلي يـنـقـلي
وأنا باخذ معاهـم من طرف السمين *** واجـاري الشـعـار يالـقـرم الـشـلـي
سعـد مع الـوافيـن عـلـمه لـي يبيـن *** يطـمح عـلى الطولات ماهـو ينكلي
والـلي كـمـا سعـد لـه البيضا تـزيـن *** الـلـي كـمـا هـّداج تـيـمـاء مـنـهـلي
افـخـر بـمثـلـه وافتخـر بـه كل حين *** الـلي كسب عـلـم الـوفـاء ما هـملي
من روس قـوم للمـراجـل محتسين *** هـذا صحيح العلـم مـا عـنـه اسئـلي
ربـعـه بـرازات عـلى عـسر السنين *** افـعـالهـم بالطـيـب فـي عـال العـلي
وصلوا على المختار سيد المرسلين *** اعـداد مـا طـاف الـحـرم لـه قـبـلي

قال الشاعر حميّد بن خلف الملفي العنزي هذه القصيدة يثني على زميله
عبدالله بن عبار سبق وأن نشرنا له قصائد من الديوان المطبوع : 684

سلام ياللي في مجال الفخـر طـاب *** عـبـدالـلـه العبـار راعـي الشـكـالـه
سـلام مـنـي عـدد مـا هـل سـكـاّب *** واعـداد هـرج النـاس فـي كـل قالـه
حملـّت مكتـوبي تحـيـه وتـرحـاب *** تـهـدى لـبـو مشعـل تخصه لحـالـه
القرم أبو مشعل كما البدر ما غاب *** شاعـر بني وايـل عـريـب السلالـه
تعـيش يا كاتـب تـواريـخ وانـساب *** عـملـك بالـويـلان طـيـب وجـمـالـه
وحصلت تقدير القرايب والاجنـاب *** يشهد لـك الـلي في ضميره عـدالـه
كل عنـزه تثـني عليـك من الألبـاب *** الا الحسود الـلي ذميـمـه اخصالـه
هذاك لاش ودوم خـذ عنه مجنـاب *** حقك عـلى اهـل المرجله والشكاله
أنا اشهد انه يرتفع روس الأقراب *** بـالـلـي عـمـلـتـه حيـث كلـن درالـه
تشكر ولا قصرت يـاعـز الأصحاب *** يـعـتـز فـيـك الـلي يـمـيـّل عـقـالــه
عـذب القوافي قـلتها شكر واعجاب *** في شخصكم واطلب مرد الرساله

قال عبدالله بن دهيمش بن عبار هذه الأبيات رداً على زميله الشاعر حميد
ابن خلف الملفي يقول : 685

جاني جـواب الـوايلي عـبـر نجـّاب *** بالهـاتـف الجـوال جـانـا بـعـجـالـه
مهـديـه قـرم مـن عفيفين الأجيـاب *** من حميد الملفي عسى الخير فاله
قصده نبيل ومنهجه يطرب اطـراب *** يـا عـل عـفـنـيـن السجـايـا فـدالـه
مـن لابـةٍ تفـزع عـلى خيل وركـاب *** يـوم الحرايب فـي زمـان الجهالـه
أبشر يابن ملفي تجاوزت الأصعاب *** ولا يـدرك المقصـود كـود ابسالـه
بعض المراجل دونها قطع الأرقاب *** مـا تـنـفـع الجـلـوه ولا من دخـالـه
والحـاسد الـلي صـار للنـار شبّـاب *** الـلي يـبـي عـنـاز يـقـطع اوصـالـه
يلفـظ كـلام ولا يحسـب لـه حسـاب *** والحق يظهـر لـو يـبـون اغـتيـالـه
عـنـاز مـا تـقـبـل نـمـانـيـم نـصّـاب *** الـلي يحـوك السالـفـه مـن خيـالـه
وايـل ولا وايـل عصابات واحـزاب *** نسل عنـزة معـروف جـده وخـالـه
اقـولـهـا ولا هـمـني هـرج الأذنـاب *** مـا يـجحد المعروف كـود الحثالـه
قال حميد الملفي :
عـساك دايـم بالفـرح يا أبـن عـبـار عـبـدالله الـلي طـاب حظّه وفعـلـه
القرم أبـو مشعل كما ضلـع سنجـار نـور الـقبـيـلـه للعـنـزتـيـن شعـلـه
قال عبدالله بن عبار :
يا حمـيّـد المنعور يا نسل الأخـيـار منطوق لفـظـك بالفخـر نستمع لـه
يا حميد الملفي ترى الوقـت غـدّار وأن كان ما طاوع لك الوقت طع له

قال علي بن قيقان الدعيجي العنزي هذه القصيده بمناسة تكريم زميله عبدالله بن دهيمش بن عبار
من قبل أعضاء منتدى مثقفي قبيلة عنزة سبق وأن نشرنا له قصائد من الديوان المطبوع: 686

بسم عنـزة وشيوخهـا واشعـراهـا *** أهـدي قصيـده باسمهم لأبن عبـار
وأطـلب ولـي الكـون فـي مبتـداهـا *** الـواحـد الفـرد الصمد نافع وضـار
أنــه يـعــز بــلادنـا وايـحــمـاهــــا *** ويكـفي وطنا وأهلهـا شـر الأشرار
تـهـدا لأديــب بالـقـبـيـلـه كـفــاهــا *** ودوّن لهـا تـاريخ فـي كتـب اكـثـار
صـدق الدلايـل جـابهـا مـا غـواهـا *** وكمّل مع التصحيح بقطوف الأزهار
وبـنـسـاب وايـل كـل وايـل تـراهـا *** فخـوره بـما قـلت يا وافـي الأشبار
وحنـا بمـدحـك نـفـتخـر وانتـبـاهـا *** عـبـدالـلـه المشهور بعـيـد الأذكـار
صدق وحبابـه والعـلـوم استقـاهـا *** ومـر بمواقف محرجه مكرم الجـار
وأن قـال كـلمـه بالـدلايـل حـمـاهـا *** ولا هـو من اللي يبذل القول بانكار
الـلـه مـا أطيب سمعته مـا حـلاهـا *** مسـك وعنبـر مـا تجـر فيـه عطـّار
تـمت وأبـي السماح فـي منتـهاهـا *** مـن شاعـر يفخر بكم سر واجهـار

وقال عبدالله بن دهيمش بن عبار العنزي هذه القصيدة شاكراً أخيه الشاعـر
علي بن قيقان الدعيجي العنزي على مشاعره الطيبه والشكر موصول إلى
كافة أعضاء المنتدى من مثقفي قبيلة الذين تفضلوا علينا بالتكريم وعددهم
ثمانية وعشرون رجلاً وقد نظمت أسمائهم جميعاً في هذه المقطوعة الشعرية
أعترافاً بفضلهم وتخليداً لذكراهم : 687

يـا مـرحبـا بالـلي المكارم حـواهـا *** عـلي الدعيجي نظم القاف باصخار
الـلي صدح بجهـودنـا مـا نـسـاهـا *** شاد أبو محسن في عملنا بالأشعار
الكتب اللي عـلي الدعيجي قـراهـا *** عبـر الـزمـن تـبقى للأجيـال تذكـار
تـاريـخ لابـه عـلـمـهـا مـا شنـاهـا *** لا بالبيوت ولا على ظهور الأمهـار
الضيف واللي شاف ظيم ونصاهـا *** والجـار مقحم قـبلنـا وصـّف الجـار
ذكرت مجـد شخوصها واعـقـداهـا *** وفرسانها وشيوخهـا وكـل الأمـار
نجهد عسى نـوفي القبيلـه جـزاهـا *** الـلابـه الـلي صيتهـا عـم الأقـطـار
وأطـلب ولي الكـون يصلح ضناهـا *** بالعصر اللي تغيـّر الوقـت وانـدار
ولـك الشكر عـد الرمـال وحصاهـا *** وأنـا لجـميـع الـربـع يالقـرم شكـّار
الـلي احتـفـوا بأكـرامنـا بمنتـداهـا *** خـلـف بـن كـريّـم مـقـّـدم وطـيّــــار
والـرايـف دروب المراجـل مشاهـا *** وجمعـه ابـن وقـاع والقـرم صبّـار
ومشعـل شهاداته زهـتـه وزهـاهـا *** وسالم يعـله مـن طويلين الأعمـار
وطـلال نسل الـلي حـدوده حـماهـا *** وفهـد بـن مونس نسل طيّب الكـار
وعبدالله ضيف الله عـلومه قـداهـا *** وعايد عطيه حـر من ماكر احـرار
وأبـن قـبـلان سـلـوم جـده تـلاهــا *** وبـدر بن عبدالله بدرب الفخر سار
وحكيـم البـدري كـل عـليـا رقـاهـا *** وأحـمـد بن نـدا بالأصحاب مـا بـار
وموسى تجـر بالمرجله واشتراها *** وعايـد بن محمد مـن اللابـه خـيـار
وعبدالـلـه العـادل رقـا في عـلاهـا *** وعبدالعزيز الوعل له علم وأخبـار
وعـنـاد رام الـطـايـلـه وأهـتـواهـا *** وطـراد شيخ ويـنتهج سلـم الأبـرار
ولافـي مـن رجـال بـعـيـد مـداهـــا *** وبنـدر من لابه ما يهابون الأخطار
وعـلي الخليفـه كـل خملـه رفـاهـا *** وراضي سليل الـلي فـعـايلهم كبـار
وحسين مـن لابـه تعـز اقـصـراهـا *** ورافـع ابـن فـارس صليبٍ بالأشوار
وأبن ودهـان المرجـله مـا رمـاهـا *** وفهد زعل ماسار بدروب الأشرار
كـل الأسامـي صغـتها مـن غـلاهـا *** وادروعـهـم تبقى لنـا تـاج وأشعار

قال علي بن قيقان الدعيجي هذه الأبيات بمناسبة زواج الأبن النقيب منصور بن عبدالله العبار : 688

مـن شـاعـر السلقـا سـلام وتـحـيـه *** يالـلي عـلى الـدعـوه لفيتـوا ملبيـن
مـبـروك حـفـل معـربـيـن الـسـمـيـه *** فرحة ابـو مشعـل لها اليوم ماشين
ودام اعـتـذرتـم عـن قـبـول العـنيـة *** عـنيتي مـن صـادق الشـعـر بيتـيـن
فـي مـدح مـن حـقـق مكـانـه قـويـه *** بيـن الـرجـال الـلي تعـدل الموازين
عـبـدالـلـه الـعـبـار صـيـت وحـمـيـه *** والعـز فـي دمّـه بـوسـط الشـرايين
مـن أجـل وايـل مـن سـنـيـن مـديــه *** يا عبدالـلـه مشيت بالعسر والليـن
يـا مـا عـلـى شـانـه لـفـتـك الأذيـــه *** ويامـا عـلى شانـه طبعـت الدياوين
لأجـل النسـب بحـثـت صبـح ومسيه *** والثـابـت الـلي ثـابـت بالصحيحيـن
لـو كـان يـمّـه مـا عـملـت الخـطـيـه *** الكـامـل الـلـه يا شـريـف العنـاوين
واصـل مسيـرك دامـت الـنـار حـيــه *** عـلى النقاء والعز من دون تخمين

يتبع

تابع
* وقال عبدالله بن دهيمش بن عبار هذه القصيدة يسند على الشيخ سعود
ابن محمد الفرحان الأيداء ويذكر بعض مآثر اسلافة : 689

يا سعـود يـا مشكـاي قلـت آه ثـم آخ *** من نفـح هـرج المرجفين المطافيخ
يا سعود راسي من كلام العـرب داخ *** من كثـر ما يسمع لجاجة وتصريخ
يـا شيـخ لا تـسمـع مـنـافــق ونـذاخ *** هـرجه نفـاق وبـه تـملّـق وتمـريـخ
مـا جـابـه الـنـمـام طـشـه بـالأوساخ *** حكي النقـيلي بـه دناسة وتمصيـخ
لا يـسـتـفــزك كــل مـحــرش وزلاخ *** اقـفـل مـجـال المخبثيـن الـمـزانـيـخ
الـمحـرش الـلـي بـالـديـاويـن جـلاخ *** حـيثـه يمطخ فـي مهـاجيـه تمطيـخ
خطـو اللخيـمـة بالمجالـس إلـى لاخ *** لـوخ الـرضيع يلطخ الهـرج تلطيـخ
والهرج من لفض الملاسن إلى فاخ *** شـوك الكبود ولـون لـدغ الشماريخ
يـا شيخ بعـض النـاس لـلنـار نـفـاخ *** يـقـدح زنـاده فـي شـرار الصلابيخ
ينصب على الفتنة محابيل وافـخـاخ *** حـقـود لـو كـشّــر تـبسّـم وتـكـلـيـخ
خطـو الـرجل هرجه طراطيع شراخ *** مـا عـنـده الا الكهـكهـة والطـرابيـخ
من لاحفظ مجده بقـعـر الثرى صاخ *** حالـوا عـليه أهـل الشدوق المنافيخ
وأنت الـذي يا سعـود للحـمل زخـاخ *** كـان ادبحـوا عنـه الرجال المطانيخ
يا سعـود جـدك ذلـل الباش والـكـاخ *** والفـيـل جابـه خازمـه عـقـب تلميخ
مجده بنا ساسه على صلب الأصياخ *** ولا زال بـاقـي مـا تشلّـع ولا صيـخ
وابـوك الـلي لعيون الأضـداد فضّاخ *** الـيا تـرامـوا والـنـواظـر مـكـاويــخ
بـه عيب قصب الكوم واذراه شمـّاخ *** يـمـنـاه مـن فيض النـدا نبعهـا طيخ
بحـر الصخى مـا هـو مـبـذر وبـذاخ *** كفـه يـجـود الـيـا بخـل كـل طخطيخ
هـداج تيمـا مـا يشبـه عـلى اوضـاخ *** الـوايـلي نـسـل الشيـوخ المجـاويخ
الحـر مـا يـنجـب عصافـيـر وافـراخ *** والليـث شبلـه ليـث مـا خلفتـه ذيـخ
أنت العوض بـه ما أنت للنزل شلاخ *** لـم الشتـات ورسخ الشمـل تـرسيخ
يـا سعـود مـا عندي كياتـب ونسـاخ *** لا شــك لـلــويـلان ولـفــت تــاريـخ
الـلابـة الـلي جـهـدنـا عـنـدهـم بـاخ *** حـصيـلـنـا مـنهـم شـمـاتـه وتـوبـيخ
يا حيف يا زرعي زرعـته بالأصباخ *** المـاء هـمـاج وقاعـهـا تقل زرنيـخ
حـبـل القبـيلـة بـه تـقـاطيـع وأبـتـاخ *** وأنـا أفـتخر بغنيم ودهـام وأمصيخ
والكـل عظمـه بـاد تحت الثـرى تـاخ *** بـيـن اللحـود ومرمسات البـرازيـخ
والـيـوم كـلـن صـار لـلنـفـس زبــاخ *** وصـار الفخر كله مضاهر وتشكيخ
واليـوم كـلـن صـار بـالبشت كـشـاخ *** وكـلن بـراسـه فـرخ الـزوم تفـريـخ
وكـلـن يـزوم وبـالـديـاويـن جـمّــاخ *** وكـلـن تسمى شيـخ بالكبـر والميـخ
والشيخ من غطى على كل من شاخ *** ولا صار مثـله بالعرب للعرب شيخ
ستـر الهنوف الـلي تزهت بالأفـتـاخ *** الـليـث أبـو تركي زعـيـم المصاليخ
الحاكـم الـلي عنـد بـاب الفخـر نــاخ *** وكـل الشيوخ ارقابهـم لـه مطاويـخ
يـوم الجـفـاء بـثـليـم تسعيـن طـبـاخ *** يـقـرون هـتـّاش الـبـداة المـنـاويـخ
وإلى حصل يـومٍ به صياح واصراخ *** ثـار الكـتـام وصـار للشلـف تنجيـخ
وثـوع مـن الـدم الحمـر تـقـل بخـاخ *** والـروس تحـذف كنها حـذف بطيخ
حمي الوطيس ولشهب الملح طخاخ *** يـدبـر عـدوه يـترك الـزوم وايـفـيخ
سيـف أخـو الأنـور للمناعيـر صلاخ *** يـفـرا اللحـم وايشلخ العـظم تشليخ
الـحـر الأشـقـر بـالجـنـاحيـن كـفـّـاخ *** رام الهـداد وفصخ السبّـق تفصيـخ
الـنـادر الـلـي بـالمخـالـيــب صـبّــاخ *** ذبـاح ما ضربه عـلى الجلد تمشيخ
صقـر الجـزيـرة مـا يلوبـد بالأكـواخ *** مـواكـره روس الجـبـال الشـواميخ
الحـكـم مـا جـالـه بـطـبـلـه ومنـفـاخ *** جـاه بكـفـاح اينـوخ الخصم تـنويـخ
شاد الأمجـاد اللي على المجد شمّاخ *** شيـده أبن مقـرن على سطح مريخ
شم الجبل من جارف السيل ما صاخ *** يـرسي لـهـوج العاصفـات النوافيخ
كـا الـطـود مـا حــّرك روابـيـه نكّـاخ *** صـرحـه منيـع ولا تهـده صواريـخ

وقال الشاعـر خلف المحدى الغبيني هذه القصيدة مجاراه للقصيدة المسنده
على الشيخ سعود بن محمد الأيدا رداً على قصيدة عبدالله بن دهيمش بن
عبار وسبق وأن نشرنا قصائده المطبوعة بديوان الوائلي : 690

قـريـت جـزلات القـوافي عـلى الآخ *** من نظم أبن عبار قاله على الأيخ
الـوايـلي قـافـه تـقـل نـسـخ نـسـاخ *** فـارس قـوافـي يـفتهـم بالتواريـخ
بالقـاف مـا هـو هلقمـاني وفخفـاخ *** وايطرخ المعنا على الكيف تطريخ
مـا هو مثـل منظوم خطات الأبياخ *** الـلـي كـلامـه بـيـّخ الشـعـر تـبيـيخ
يـاعـل يـفـدونـه هـلابـيـج الأزنـاخ *** الحـاقـديـن الحـاسـديـن الممـاتـيـخ
مني لأبـو مشعـل تحـيـه بالأنساخ *** الشـاعـر الـلـي مـا يهـاب النوافيـخ
شاعر بني وايل من شبيح لشواخ *** ومـن ديـرة الحـرة إلى وادي كليـخ
سيف الحمية لاحصل طاخ طرباخ *** يشكر بمـدح أهـل العلا والتشاميـخ
مـدحـت أخـو بـقشة للأثقـال زداخ *** مـواقـفـه بـالـعـز مـا هـي بـرابـيـخ
جوله بني وايل من اتلـول الأكلاخ *** مـن عـيـن ذكـر ثم من ديرة الشيخ
الـلي تـعـنـا مـن مشـاريـق شـّواخ *** والـلي لفـا من الهيل وأم الصلابيخ
ووقف لهم ماهي خـرافات وأزلاخ *** يـوم زبـنـوه عـيـال وايـل مـداويـخ
الشيخ أخـو بقـشه للأخصام بـّزاخ *** بالسيف الأملـح بـّزخ اعداه تبزيخ
الـوايـلـي يــوم المـصـاويـل لـبّـاخ *** بالسيف وطخ عالي الراس توطيخ
وأخـو ذكـر لوجيـه الأضداد لمـاخ *** الـبـاسـل الـلـي كمـّخ اعـداه تكميخ
الشيخ الأمـعـط للخصيمين لـخـاخ *** الصيـرمي خصمه جداه التصاريـخ
مـواقـفـه تصعـب عـلى كـل مـّلاخ *** ماهو من أصحاب القلوب المداريخ
نعـم بالأمعط لـو دفن وسط برزاخ *** فـضّخ قـلـوب الـلي تحـدوه تفضيخ
نعـم بالأيدا والعـواجي لنـا أشيـاخ *** اهـل البـيـوت العـاليـات المشاميـخ
مـا فـيهـم الـلي بالأصابـيـع فـتـّاخ *** ولا فـيـهـم الـلي قـدم الـعـذر تفتيـخ
هلوا بـنـا يـوم المتاعـب والأدواخ *** واليـوم صافي جوهـا ما بها امريخ
يـوم الـشـفـايـا بـالـمـلازيــم كـّلاخ *** خاطـوا مفاتيق الشقوق المشاريـخ
يفداهـم الـلي صايبه كبـر وأنـفـاخ *** بعـض الـبـوالـيـن البـدان المتافيـخ
عظـم الهلامة مابهـا دسم وأمخاخ *** مـن شين فعله شلخ الشمل تشليخ
عـده عـن الـلابـة بـديـرة كـرابـاخ *** وأن جيت لـه تنخاه كنه من السيخ
لـو هـو سلايـل حـر للريـش لفـاخ *** طيرالفلس لافرخ يحسب ولا فريخ
يا خذ على أهـل الفكاهات طربـاخ *** وعـلى الـرفاقه يرفع الراس ويميخ
عـشيـره الـلـي للهـرابـيـد صمـّاخ *** وصديـق لـلي من الكرامه مفاصيخ
مجد الفخر يوم أحمر الدم ضخاخ *** بزمان ماجـد يـوم يزبـن عـلى فنيخ
قـلـتـه ولانـي بـالتمـاثـيـل مــّراخ *** أعطيـك يالمنعـور مشخول أباللميخ
وصـلاة ربـي عـد مـا بـخ بـخـاخ *** عـلى رسـول نـّوخ الـكـفـر تـنـويـخ
وصلوا عدد ذرات رمـل بالأمراخ *** وأعـداد مـا ينبت عـلى وادي امنيخ

قال الشاعر المعروف خلف بن خليف المحدى الغبيني هذع القصيدة يسند
على عبدالله بن دهيمش بن عبار : 691

يا قـصيـر الـبـاع يالـهـزل السبـيقـي *** لـو شربتـك مي مـا تقـطع ظمايـه
مـا ذكـرتـه مـا يـجـوز ولا يـلـيـقــي *** لا تـكـلّـم وأنـت مـا فـيـك الكـفـايـه
نـعـم أبـن عـبّـار عـبـداللـه صديـقي *** أبن عمي نعـم من روس اصدقايه
مـا تـفـشّـل رفـقـتـه نـعـم الـرفـيقـي *** أفـتخـتـر بـه بالـبـدايـه والـنهـايـه
من بغى يمشي مع القمرا الـزريقـي *** لا يـزعـلـني ولا يـكسـب رضـايــه
والردي لـو قـال مـا يقـطع طـريـقي *** مـا يـنـزل مـسـتـواه ومـستــوايــه
الـردي لـو قـال قـولـه مـا يـعـيـقـي *** والروايـه سوها من أهـل الـروايـه
من طمـن ممشاه مـا ينصر فـريـقي *** ومن هدم مجده ما هو كفو الولايه
لـو قـبـل جـده نـعـم فـك الـوسيـقـي *** صـار هـو الـيـوم مـوقـع للـزرايــه
مـن تـردى ليـه مـن فعـلـه يضيـقي *** يـذكـر بـفـعــلـه ولا عـنـه الدرايــه
الـذي مالـه سـوى المجـد العتيـقـي *** حـاضـر بـس المهـايـط والـحكـايـه
الـردي مـاني عـلى شـوفـه شفيـقي *** ما بـيـده فـقـري ولا عـنـده غنايـه
نـام ولا فــاق جـعـلـه مـا يــفـيــقـي *** ما تنومس بالـردي شيـن النـوايـه
أفتخـر في صاحـب الـوجـه الطليقي *** ولا يغيض الناس من بث الدعايـه
من كلام اللاش صـدري مـا يضيقي *** والـردي لـو قـال مـا كـدر صفـايـه
الطـفـاقـه طـبـع لـلـوجـه الطـفـيقـي *** والكـلام الشين مـا يبحـث خـفـايـه
الجحـش لا ضـاق جـدواه النهـيـقي *** والوشايه طبـع لأصحاب الوشايـه
ومن زعـل مني لعـلـه فـي حـريـقي *** دام مــابـه خـيـر لـيـه ولـسـوايـــه
وفي خـتـام القـول منطـوقي حقيقي *** مـن يـحـب المـدح يفـعـل بالبـدايـه

قال عبدالله بن دهيمش بن عبار هذه القصيدة رداً على خلف بن خليف
المحدى الغبيني : 692

جاني المنظوم من قـطـف الـرحيـقي *** نـظـم قـرم يـسـتحـق أحـلا نـبـايـه
حـي قـرم شـاعـر وقـولـه يـشـيـقـي *** خلـف الـلي بالمـراجـل له هـوايـه
أبن محدى عندي أقـرب من شقيقي *** يفتخـر بـي وأفتخـر به دون غايـة
يـفهـم المنطـوق والـقـول الـدقيـقي *** ما يـداهـن من تحـدّث عـن خطايـه
الـغـراب الـلي بـعـشـه لـه نـغـيـقـي *** لـه شـبـيـه مـن الأوادم كـل بـايـــه
من دخـل بالموج مخطـر بالغـريـقي *** كـان ربـه مـا لطـف بـه بالـرعايـه
والحـقـود الـلي عـلى الغـره يـويقي *** لـو زعـلـت سنين ماهـمه رضايـه
والسراب الـلـي لمـيـعـه لـه بـريـقي *** بالسهـال القـاحلـه مـثـل الـمـرايـه
لـو هلكـت مـن الظمـأ مـا بـل ريـقي *** يا خـلـف ما فـيـه للظـامي سقـايـه
لا تـحيـزم بـالـردي مـا هـو وثـيـقي *** خـايـب وعـنـد اللوازم بـه اخـلايـه
الـردي مـذمـوم لـو ساسـه عـريقي *** للجـدود أهـل المفـاخـر صار سايه
مـنـظـره يـعـجـبـك بالـقـد الـرشيقي *** زاهـي الـهـنـدام لا لـبس الـعـبـايـه
ما صبـر يالـقـرم مـن جـلـده رقيقي *** يحسـب أنـه مـقـتـدي لاشـك تـايـه
كـل حـاسـد مـا يـقـر ولا يـلـيـقــــي *** شاقـي بـعـوج السوالف لـه عنايـه
لـي كـرامـه عـنـد مـن سـده غميقي *** ولا أهـتـم بـقـول من خالفـت رايـه
سابـق الأمجـاد بالعـصـر السحيـقي *** مـا تـفـيـد الـلـي تـمـادى بالغـوايـه
مـن نـوى يلحـق فـخـر جـده لحيقي *** الفخـر والمجـد يـبغي لـه حـمـايـه
ومن على ماضيه ينحب له شهيقي *** عـاد راجـع مثـل الأسهم عند مايـه
وتـرى اللي غدا لفخر جده محيقي *** مـا نـفـع تـمـجـيـد جــده بـالـقـرايـه

قال خلف بن خليف المحدى هذه الأبيات في وصف بليغ يقول : 693

قال ابن محدى صوت والصوت دوّى *** اقـول واعـبـر بالـذي فيـه حسيّت
اسمـع كـلامـي يالضعـيف المـغـوّى *** ركـز معـي ماهي سوالف هتـاهيـت
كـل البـشـر مـن عـقـب آدم وحـوّى *** وانصحك لا تنغـر في سابق الصيت
تعضفـك مبـيّـن لـو تـحـاول تـقـوّى *** والنـاس تـدري فـيـك مهمـا تقويـت
ماعـاد للماضي مع النـاس ضـوّى *** المجـد الأول راح مع روحـة الميـت
شيختك مظهر والبلاء فيـك جـوّى *** مابك فرج للنّاس أن رحت وأن جيت
لو قلت جدي شيخ سـوّى وسـوّى *** الا أنـت يا شيـخ الفلس ويش سويت

قال عبدالله بن دهيمش بن عبار هذه الأبيات مجاراة لأبيات الشاعر خلف
أبن خليف المحدى : 694

خلـف شرب عـذب القـراح وتـروّى *** قـريـت منظـومـه وللقـاف جـاريـت
يـا خـلـف مـا ظـنـي يـثـور المثـوّى *** يخـيـب ظـنّـك فـيـه مهـمـا تهقويـت
الحـيـص كـانـه بـاد حـيـلـه وخـوّى *** لا تـثـوره مـن مبـركه لـو تـوازيـت
والـلي ذكـرتـه بـيـن طابـخ وشـوّى *** مراجلـه صارت على مفطّح العيت
تـلـقـاه عـنـد الـغـانـمـيـن يـتـحــوى *** ولا هـمـه الا يشتت الشمـل تشتيت
الـمسـعـد الـلـي بـالـبـراري تـهــوى *** تفرح وصدرك ينشرح كان سجيت
بـالـخـايـع الـلـي بـه روابـي تـلــوّى *** لـلي يرودون الصحـاري مكاشيـت
قـفـرٍ خـلا فـي جـالـه الـذيـب عـوّى *** بالـديـرة الـلي فـي حـماهـا تمشيت

قال عبدالله بن دهيمش بن عبار هذه القصيدة يسند على الشاعر المعروف خلف بن
خليف المحدى الغبين حيث أن بعض الوسائل بها اشخاص يكتبون قدح في شخصي
المتواضع دون أن اسيء لأحد ووجدت معهم أشخاص باسم فلان الفدعاني ولا اذكر
فدعاني يرضى على نفسه أن يقف في صف الذين يكتبون ضدي بدافع الحقد : 695

يا خلـف أسنـد لـك من الشعـر قيفان *** حـيثـك فهيـم وتفتهـم كـل مظمـون
ساسك عريب ومن مناعيـر شجعان *** خلفـة حمايـل مابهـم شـك واظنون
من محدى بن جفّال من نسل حمدان *** راعـي العطيه يـوم غـيره يشحون
نالـوا علوم الطيب من قـدم الأزمـان *** يـوم القبايـل بـالفعـايـل يـفـوزون
واليـوم تـاجـد بالمـلأ اشكال والـوان *** تلقـا بهـم عـاقـل وبالناس مجنـون
لقيـت بعـض الـربـع يالقـرم عـدوان *** أهـل جحود ومـع عـدوي يصفـّون
لاحظت معهم يا أبن الأجواد فدعـان *** مـن دون ذمّـه يا أبـو خالد يسبوّن
ومن يلفظ المنطوق يا خلـف بهتـان *** سباب أبن عـمّه لـه الناس يشنون
أهـل الظلايـم فـودهـم فـود عـوجـان *** من رفقة أهل الحقد ما يستفيدون
ومن لايعد الصّدق هـايـف وغلطـان *** ما ينجحد عـلـم بـه النـاس يـدرون
يشهد لجهدي صاحب القدر والشان *** وأهل القلوب الطاهـره ما يخونون
سـجـلـت يـالمـنعـور تـاريـخ ويـلان *** وأنساب بكتابي لـه النـاس يـقـرون
بـه تـفـتـخـر عـنـاز شـيـب وشـبّـان *** الـعـزوه الـلـي للمفـاخـر يحفـظـون
مـا يجحـد الا الهيس والنـذل كوبـان *** الـلاّش يـقـدح والأجـاويـد يـثـنـون
ولا يـنـفـع الخـايـب تـنكّـر وجحـدان *** أفخـر باللي سويت وإبليس ملعون

قال الشاعر المعروف خلف المحدى الغبين هذه القصيدة جواب لقصيدة
عبدالله بن دهيمش بن عبار : 696

قـال الـذي عـبـر مـن الشعـر قيفـان *** قيـل عـلى معـنـاه والقـاف مـوزون
الكيـف طاب وطاب لي نظم الألحان *** شعري اليـا قلته لـه النـاس يصغون
وأنا خلف ما قول شعري على شان *** ولانـي من الـلي بالمحافل يهيطون
اقـول قـولي واثـبـت القـول باتـقـان *** ولا اقول انا قولٍ عـلى غـير قانون
عـبّـرت مـا كـنيـت يـوم الخـفي بـان *** رداً على اللي خصني خص بلحون
عــبـدالـلـه الـعـبـار للشـعـر عـنـوان *** شاعـر علم ماهي تخامين وظنون
يا أبـن دهيمش كانـك اليـوم زعـلان *** انـا معـك موجـود والنـذل ممهـون
اقـولهـا واجـهـر بـهـا سـر واعـلان *** وأهل الحسد وشعادلوهم يحسدون
شاعـر ولـك عنـد الرجاجيل حسبان *** ولا اكـثـر الشعّـار مـا قـدّمـوا لـون
لك وقـفةٍ تبقى عـلى طول الأزمـان *** دون القبـيلـة مـا بهـا شـك واطعون
وعندي عـلى قـولي دلايل وبرهـان *** اجهر بها بالصوت والناس يوحون
مواقـفك دون عنـزة شوف الأعيـان *** مـواقـفـن فـيهـا المخـاليـق يـدرون
مـواقـفـن تـنـشاف فـي كـل مـيـدان *** مـاهـي سوالـف بالمجالس يقـولون
ماهي سوالـف مسـردٍ وسط ديـوان *** موقفك يعرف والوفـا منك مضمون
والـلي يـقـول الـقـول زورٍ وبهـتـان *** ودك عـلى الجبهة تصكّـه بحاجون
وجحّاد مجهودك من الناس غلطان *** راع الرّدى مبخون والطيب مبخون
أن كان هـم فدعان أو غـيـر فدعان *** الـلي يسبونك مـن الـنـاس يخطـون
الـلي نعـم تـقصد مثـل فـود عوجان *** عـن عنـزة في كـل موقـف يصدّون
وقـت المهـايـط يـمـدح فلان وفلان *** ويـوم الشدايـد بالـمـواقـف يغـيبـون
تدري وأناادري دون توضيح وبيان *** يـا كـثـر لـك نـاس ولـيـه يـسـبـّون
أنـا اعــرفـهـم زيـن وأقـول وكــدان *** الـلي نعـم فـي كـل مجلـس يـذمّـون
ومعاتـب الخايـب ضعافـه ونقصان أنت تعرف قصدي والأنذال يخسون
واليوم لا تغتاض مـن هـرج كوبان *** أهل الشرف تدري لهاسمع وعيون
ومن طاب فعله صار للناس نيشان *** وأهـل الـرّدى بـه كـل عيب يحطون
واصـل مسيرك وارتفع فـوق مابان *** ولا تلتفت لـلي مـن الحقـد مشحون
تفخـر بـك الويلان في كـل الأوطـان *** وفيك الرجال أهـل العدالـه يشيدون
وخـل الـذي قـلـبـه من الحقـد مليان *** لك وجه ابيض لوهل الحسد يشنون
لالا يـغـيـضـونـك خبـيثيـن الأظـنـان *** اسمع كلامي زيـن وإبليس ملعـون
لا يـسـتـفـزك كـل خـايــب وجــابـان *** سكّر سموعك عن غلط كل ملسون
وآخـر كـلامي مـثـل مـا قـال راكـان *** مـا قـال ابن حثلين معروف بالكون
السّـب مـا يهـفـي لـلأجـواد مـيـزان *** والمـدح مـا يـرفـع مثابيـر وعـفون
واسلم سلمت ودمت يا ذرب الأيمان *** واقـبـل تحـيـاتي وأنـا منك ممنـون

قال الشاعر محسن بن علي بن قيقان الدعيجي هذه القصيدة مجاراة
لقصيدة عبدالله بن عبار وخلف بن خليف المحدى : 697

سمعت قاف اللي على الشعر فرسان *** شعـّـار وايــل دون وايـل يـبـيـنـون
أهـل الـقـصيـد الـلـي تـوحــاه الآذان *** وتصغي لهم وأن كان قاموا يعدوّن
عـبـدالـلـه الـعـبـار شـامـخ ونـيشان *** اشيـد بـه وأهـل الـوفاء به يشيدون
شـاعـر بـني وايـل ولا فـيـه جحدان *** ان كـان قـامـوا بـقـبـايـل يـخـصّـون
ياما دافـع عـن راس وايـل وعـدنان *** مـن دم جـوفـه يـوم غـيره يعجزون
نـشـيـد فـي جـهـده عـلى كـل ديوان *** ولولا الخطأ ما صار للصح مظمون
وسمعت رد اللي على المنبر حصان *** اليا صهـل بعـض القواصيد ينحون
هـذاك أبـو خـالـد لـه لـشعـر مـيـدان *** خلـف ابن محـدى وماضيه مبخـون
صوت عنزة يـوم عنـزة مالها لسان *** يدحـم اليـا قـامـوا بعـضهم يصدون
ودون الوطن بالشعـر ناطح لشيطان *** حتّى اهـل العـوجـا بـرّده يـشيـدون
والـلي يـبى ياخذ عـلى القول برهان *** يـوقـد سراج وياخـذ العـلـم موزون
عـندي ابـو مشعل وأبو خالد اخوان *** والـلي نطحهـم تايـه الـراي مجنون
قـالـوا حقـايـق دون زيـف وبـهتـان *** ومـن وايـل بـالـقــوافـي يـحـامــون
عـنـدي غـلاهـم راجح وسـط ميزان *** شـعــار وايــل دون وايــل يـذودون

قال عبدالله بن دهيمش بن عبار هذه القصيدة يسند على الشاعر خـلـف بن خليف المحدى : 698

يا خلف أنت بواضح القول خاطبت *** تـبـي الـذي قـصّـر يـقـوم بـمقـامـه
عـن سـب ذربـيـن الفعـايـل تجـنبـت *** وتحث الشيخ الـلي تراخى حـزامـه
قـلت أنتهـض ياشيخ مـادام نـاوبـت *** عـن عـزوتـك خلـّك لربعـك دعامـه
بحقـوق ربعـك ليـت يا شيخ طالبـت *** الـوضـع يـبـي الـلي يفسّـر اكمامـه
عـن القـبـيلـه أبـعـد الـغـم والـكـبـت *** والـلي اشتكى يوليـه كـل اهتـمامـه
وكـانـك لـعـزّة لابـتـك مـا تـسـبـبّـت *** كلن يقول الـلي انسدح وش علامـه
قاله خلف يامن عـلى القـول عاتبت *** اعرف هـدف معنـاه وافهـم مرامـه
يا لايـم أبن خليف لـو كـان جـرّبـت *** قـلـت أبـو خـالـد مـا تطولـه ملامـه
عندك خبر من شبتي لين أن شيّبت *** أمـدح جـدود الشيخ وأمـدح عمامه
بالمـدح أمجـدهـم ولا يـوم عـذربـت *** والـكـل لـه قـدره وجــل احـتـرامـه
تعـبـت مـن جـمع البحـوث وتعذّبـت *** مجهد من أجل أهل الوفا والشهامه
وحتى الذي مدفون في رملة الخبت *** وحطّوا عليـه مـن الصفايح ردامـه
دونـت لـه تاريـخ ولسيـرتـه جـبـت *** ورفـعـت لـه رايـه بـراس الـعـدامـه
ولاحظت أنا الحسّاد مهما بهم طبت *** يشنون بأسبـاب الجهـل والغشامـه
ضدي تجمّع حلف لو كان ما أذنبت *** مـنهـم أحـفـاد جـدود قـادة جـهـامـه
لو كنت مذنب كان عن غلطتي تبت *** والحـق الأبلـج مـا نخـالـف نظـامـه
والله ما أذكـر يوم عن واجبي غبت *** وأشوف بعض الناس مثـل النعامـه
كتبـت عـن ماضي فخرهم وجاوبت *** عـلـى الـذي يـسـبـهـم فـي كـلامــه
عقب النجاح من الحواسيد حـوربت *** والـلي ظـلـم للشرع جـاز احتـكامـه
هـلّـيـت بـالـلي لـه دعـيّـه ورحـبـت *** والشرع يقـضي بـه زعيـم اليمـامـه
الـلي ظـلمـوا جابهتهـم مـا تهـرّبـت *** وحسيـبـهـم مـولاي يـوم الـقـيـامـه
كافحت الـلي جاروا عليـه ولا هبـت *** صامـد ولا تـطـري عـلي انهـزامـه
وأهـل الحسد والحقد منهم تحزّبـت *** ولا ارافق الرديان وأهـل الرخامـه
حيث أنني لصحاح الألباب صاحبت *** أجـنـاب ولا عـيـال عـم ورحـامــــه
وأهـل المكايـد من عملهم استغربت *** يـبـون الـلي سويـت تطخـم ارقامـه
عجبـت مـن أهـل الجحـود وتعجّبـت *** اهفـوا حقوق الـلي جـزاه الكرامـه
عـن الخـطـأ والعيب للنفس حاسبت *** والعـبـد بـالـرّب الكـريـم اعتصامـه
قلته ومن فضل الولي للهدف صبت *** ومـن جـنّـب الباطـل يعيش بسلامه
شعـري مـديـح بعـزوتي مـا تكسّبت *** ولانـي مـن الـلي يـدعـون بغـرامـه
عـلى جهودي عـنـد الأجواد وجبـّت *** وانصفني اللي من الرجاجيل هامه
يتبع

تابع
وهذه أبيات رسالة عبر الجوال من الشاعر مبارك بن عمران السبيعي : 699

متى تسعد الدنيا ومتى يستريح البال
ومـتى يدلـه الرجال عن كثـر سجاتـه
أظـن الثـلاث محـال يدركهـن الـرجـال
يموت الرجل مـا أدرك بدنيـاه رغباتـه
الأعـمـال بالـنيـات يـا طـيّـب الأعـمـال
والأرزاق للمخلـوق مـن خالقـه جـاتـه
توكل عـلى الـلـه والمعاضل لهـا حـلال
مصّرف شئـون الكـون رافـع سماواتـه
بـعـلـم الـوفـاء رد الـتـحـيـات بالأجـلال
لـكـم خـالـص التعبـيـر وأبلغ عـبـاراتـه
يا هل وصلكم ردي عبر موجة الأرسال
يا أبن عـبـار الـلي ما تناسيت وقـفـاتـه

قال عبدالله بن عبار هذه الأبيات رداً على الصديق مبارك بن عمران
الأدغم العامري السبيعي : 700

وصلني رسالة من مبارك عريب الخال
فـرحـت بجـواب الـلي تشوقت لأبـيـاتـه
سليل الشجاع اللي يضد العدو لا عـال
الأدغـم خـصـيـم الضـد لا حـشـد قـواتـه
اعـزك يا أبـو سلطـان يـفـدونـك الأنـذال
كما الساطي الصمصام يذخـر لعـازاتـه
أشـوف الزمان اليوم مهما عـدلتـه مـال
كـفـاك الـولي يالـقـرم مـن شـر نـكبـاتـه
زمانـك تـوازن لأسود الـوجـه والـدجـال
توصـّل وحصـّل مطـلـبـه وادرك مـنـاتـه
لـك أرسـل تحيـاتي عـبـر شاشة الجـوال
تـقـبـّل سـلام أخـيـك وأزكـى تـحـيـاتــــه

قال الشاعر صالح بن سالم الهولا الجعفري هذه القصيدة يسند على زميله
عبدالله بن دهيمش بن عبار : 701

اخـذت مــابــيــن الـمحبـيـن جـولـه *** قست الزمان وشفـت مافـيـه حيـلـه
ان قــلـت قـولاً قـبلـك الـلي يـقـولـه *** وان طبت قـبلـك مرقـبيـن الطـويلـه
وان جـبـت رايً صعـيـباتـن حـلولـه *** لـقـيـت مـن قــبـلـك يـحـلـه بلـيـلـه
وان قـلت انـا غطيت عـلى الحمولـه *** شداد الخطـأ حطيت فـوقـه صميله
النـاس فـيهـا فـرق والـهـرج سولـه *** هـذا يـجـيـب وذاك يـطـلـع بــديـلـه
الـطيب صعـب ولا يحصل بالسهوله *** يصعب عـلى من كان ينسى جميلة
ودك عـلـى رايــك تـحـقـق وصـولـه *** لـو كـان صعبـاً يالبنـاخـي حصيلـه
بـرق وفـرق مـن مشوا واجهـدولـه *** كـلاً يـبي مـن فـوق مـتـنـه يشيـلـه
ياسعـد مـن حـقـق ويضمن حصوله *** لـو مايحصل يـاغـيـر ذروة قـليـلـه
الفـعـل فـعـل الـلـي عـبـاده سعـولـه *** يـجـيــبــهــا عــام ســر الـمـخـيـلـه
الـلـه خـلـق خـلقـه وكـلـّف رسولـه *** يـنشـر ويـقـرء كـل حـرفـاً يـجـيـلـه
العـنبـر الاصـلـي ربـع نـص تـولــه *** يكفيـك طيـبـة عــن بـواقـي حثـيلـه
الـرجـل يـعـرف مـن مبـادي فـعولـه *** والــزرع حـبـه مـايـمـاثـل قـصيلـه
والـلـي يـبـي روز الجـبـل ما يطولـه *** لــو الـعـواصـف مـرتـه مـا تـزيلـه
ابـي امـدح الـلي بالفعـول اشهـدولـه *** عـبـدالـلـه الـعـبـار مـزبـن دخـيلـه
الصـيـرمـي يـفـوز فـي كـل جــولـه *** مثـل الصويـتي بـس تسمع صهيلـه
تكفـون يـا اهــل الغـانمـه صفقـولـه *** الـلـي تـبـيــن دون دم الـفــصـيـلـه
الـلـي يـجـهـز دون ربـعــه خـيـولـه *** بـمـهـنـداً بـالـكــف يـلـمـع صقيـلـه
انـشـهـد انــه عـيـلـمـاً شـرق دولــه *** مـايـقـدر السـبـاح يـقـرب مـسيـلـه
يعـيـش مـن كـافـح كـفـاح البطـولـه *** تـعـب عـلى التاريخ ساس القبـيلـه
نـبـراس راس مـاتـجـاهـل حـلـولــه *** بـيـن تـواريـخ الـرجـال الاصــيـلـه
دايــم بـوجـه الـنـاس تـاقـف ذلـولـه *** مــن خـوف لاتـظلم رجـال مهـيـلـه
يــكــرم سـبــال الـلي لــداره لـفـولـه *** شهم عـزيـز النفس ماهـي بخـيلـه
والــعــلـم نـبــراس راسـه يــنــولــه *** والنـفس مـاتخضـع ولاهـي ذلـيلـه
ماقيـل مـن الصعبـات نفسـه مـلـولـه *** عـاش المعـلـم للنـفـوس الضليلـه

قال عبدالله بن دهيمش بن عبار هذه القصيدة جواب لقصيدة الزميل الشاعر
صالح بن سالم القروعي أبو تركي : 702

جاني مـن الـلي يبهج الصـدر قـولـه *** عـذب المـعـانـي والبـيوت الجـميـلـه
مـن صالـح الـسالـم مـقـر الـرجـولـه *** الـقـرم أبــو تـركـي اهـدافـه نـبـيـلـه
الـلـي لـضـيـفـه دوم يـفـرش زلـولـه *** وفـوالـتـه فـنـجـال مـريـوك هــيـلــه
والكـبش ينحـر حيـن تبـرك رحـولـه *** مـا يـذبـح ألا مـن الكبـاش الجـليـلـه
عـشـريـن عـامٍ بـيـنـنـا حـال حـولــه *** لاشـك صالـح مـا تـنـاسـى زمـيــلـه
أذكـر بـأبـو تـركـي طـبـيعـه وسولـه *** فـيـه الوفـاء وفيـه التواضع وسيلـه
مـا يـقـبـل العـوجـا ونـفـسه زعـولـه *** والصاع للخـصـم المـعـانـد يـكـيـلـه
صالـح غـضب يـوم أنهـم سولفـولـه *** عـن العـلـوم الـلـي تجـيـب الفشيلـه
أخبـرك عن نسل الـرجـال الـزحـولـه *** صاروا تـبع لأهـل العقـول الضليلـه
الـحـاقـد الـلـي بـالـفـزع عـضـدولــه *** مـجهـد يـبي بالكـيـد يشفي غـلـيـلـه
الـلـي تـعــبّـث بـالـنـسـب وقـعـولـــه *** مـا يـنشدون المـفتـري وش دلـيـلـه
الـلـي يـبـي مـجـد الـقـبـيـلـه يــزولـه *** عـاث بـنسبهـا وحـط وايـل هـميـلـه
تـجـمـعّـوا لـهـم مـنـاجــي وضـولـــه *** عـلى المهـونـه والـدجـل والختـيلـه
الـلـي الـشـمـل ودّه يــفـرّق نـزولـــه *** يسعى عـلى الفتـنّـة تعـدي وعـيـلـه
بـيـت عـنـزه قـصـده يـفـتّـق خلـولـه ** يـرغـب هـدامـه مـا تـقـل يـنتمي لـه
حـث الـسـّرى مـا يلحـقـه ظـل زولـه *** ضدي يـحـرضّ فـي نـهـاره ولـيـلـه
يعطي عـلى شري الضماير عـمـولـه *** ويدجـل عـلى الـلي مـا يشم الفتيلـه
والـلـي يحـوك الكـيـد مـا نـال طـولـه *** مـلـزوم للشـرع الـمطـهـر نـحـيـلـه
اللي شهدوا بالظلم والـلي افـزعولـه *** والـلي تـعـاون بالـضلال وعـمـيـلـه
أهـل الـغـدر والـبـوق دوم مـخـذولـه *** هيهـات مـا تـنجـح خـبـاث الفـعيـلـه
والـلي يـدس الـراس تحـت الدحولـه *** يـلمـز وجـسمـه مخـتـفي بالنـثـيـلـه
فـكـّر تـشوف بتـالي الـوقـت هـولـه *** الـوقـت يـا صـالـح تـغـيّـر مـديـلـــــه
جـرو الثعـل شفتـه يـقـود الشبـولـه *** والذيب من جـور الـزمـن عـزتي لـه
الذيب يرجـف مـن بغـيم الصخـولـه *** مخـالـب السرحـان صـارت عـطـيـلـه
وأن كـان سـادت بالأسود الوعولـه *** وش عـاد ضـل مـن الـفخـر والنفيلـه

وقال الشاعر فهد بن صفاق السحيحير هذه الأبيات تهنئة مهداه إلى سعادة
الفريق متعب بن جوال بن وائل بمناسبة ترقيتة إلى رتبة فريق ركن : 703

أرفـع تـهـانـي لابـتـي لابـن جــّوال *** الـلابــه الـلـي جـدهـا تـعـتـزي بـه
مبـروك ثـم مبـروك يا طيـّب الفـال *** الـجـد وايـل لـعـتـلـيـت الـنـجـيـبــه
نلت الثقـة من والي الأمـر بالحـال *** والطيب سنـدا والمـراجـل صعـيبـه
من لا تعلى بروس شماخ الأجبـال *** الـنـاس خـلـوا سيرتـه تـنـتحي بـه
ولا أنت قايد جيل خـرجت الأجيـال *** قـايـد عـظـيـم ولـك معـزه وهـيـبـه
قايد بحـزم وجـد وإخلاص وأفعـال *** مخـلص لخـادم بـيـت مكـه وطيبـه
حيثك ولـد من كـان للحـمـل شيّـال *** عـوداً عـيـونـه لـلـمـراجـل رقـيـبـه
لك في سنام المجـد والعـز مـنـزال *** الـجـد وايـل والـمـعـادن عــريـبـــه

وقال عبدالله بن دهيمش بن عبار العنزي هذه الأبيات مجاراه لقصيدة فهد السحيحير
وتهنئة لسعادة الفريق ركن متعب بن جوال بن وايل بمناسبة ترقيته فريق ركن : 704

مشكور يا فهـد عـلى بـدع الأمثـال *** تـثـني على الـلي نط راس الجذيبه
متعب صعد بالمجد مبـطي ولا زال *** روس الحيـود الشامخة يـعتلي بـه
نال الثقه بالجد وأخلص بالأعـمـال *** رقـي فـريـق وسنـع الـلـه نصيـبـه
أبـو بـدر مخـلـص ولـلجـهـد بـّـذال *** وأبـوه شـيخ ومـن حمايـل صليبـه
الـوايـلـي مـا دك بـه عـرق الأنـذال *** نـزه الشوارب مـا مشى بالمعـيبـه
جـوال أبـوه مـعـرب الـجـد والخـال *** مـن روس لابـه ما تحـب الغـليبـه
وجده عـلي صنديد من ترثت أبطال *** مضـراب سيفه بالمعـادي عطيبـه
تخشاه عصمان الشوارب الياصـال *** فعـلـه نهـار الكون كـلـن دري بـه

أبيات من شعر فهد الفليحي مهداه الى الشيخ متعب بن عبدالهادي الفققي : 705

يا متعـب الـنـاس لاتسمع لهـرجتهـا *** خـل السـواليـف يا أبن العـم مقذولـه
لا تنزعج لـو تـزيـد الناس ضجـتهـا *** مادامنـا بخـيـر والاوضاع محـلـوله
بعـض الاوادم تبيـن مـن عجـاجتهـا *** قليـّل العـرف ناقـص قـدر محصولـه
دائم ورى النـاس يتـابعـها بغلطتها *** يجنح عن الصدق ويكذب كل مايقوله
نـفسه عـن العـز ما ترقى لهقوتهـا *** يـعـيـش الايــام والاحــلام مـجـهـولـه
والناس دائـم تصج الـراس لجتـهـا *** ياكثر ماشفـت من اشياء غيرمعقولـه
والشعـر يسمو ابيـوته في طراوتها *** لياجـاء من الـراس والابيات مفتـوله
يـكـوي نـفـوساً تـبيـن لـك عـداوتها *** ويـشـرح كبـودٍ تـحبـك دوم مقبولــه
والـناس معـروف يامتعب حصيلتها *** اكـيـد بـتـقـول لـي الـنـاس وشــولـــه
وانـا بـصرح عـن نـفسي ورغـبتها *** النـفـس مـن طـاري الانـذال معـلـولـه
بعض الاوادم مـاهـي كـفـو محبتها *** الـلي مـن الديـن والمعـروف مغسولـه
ترى اكثر الناس ماتنومس صداقتها *** صحيح من قـال عـنها نـاس مبدوله
والا الاجـاويـد تـبـقى فـي معـزتـهـا *** لاشك فـي هـالـزمن ياحيـف مقـلولـه
واقـبـل تحـيـات مـني فـي نـهـايتهـا *** دام الـشعـر اتجاهـك حـلـت احـلـولـه

رد متعب الفققي على فهد الفليحي النومسي معرف النوامسه بالقصيم : 706

يـافـهـد زيـارتـك مزيـن حـلاوتـهـا *** والي مثل شرواك يبو سلطان مقلوله
شرفـتنـا والنـفس طـابـت بهجتهـا *** خذ صمايل من صديق عطاك مدلوله
ونـدري ان الايام لادارة بـدورتهـا *** مـرات تصبح الـيـد الطـائـلـه مشلوله
والجمره الي محد يعرف حرارتها *** الا مـن وطاها يا أبـو سطان برجوله
يجهـل الحـلو من لاتذوق مرارتها *** دنيـاك هـذي يـا أبـو سلطـان مجهوله
بعض الأودم ظروف الوقت حدتها *** تسكت ولو هي من الأوضاع معـلوله
كل المصاعيب عـنـد الـرب حلتهـا *** كلماتك وصلت يا أبـو سلطان مقبوله

قال عبدالله بن عبار مجاراة للأخوين فهد الفليحي ومتعب بن عبدالهادي الفققي : 707

يا حي رجـالٍ يرفـع الـراس سمعتهـا *** والـكـل منهـم يطـابـق فعـلـه لقـولـه
فهد ومتعب شخوص رجـال عادتهـا *** أهـل ضمايـر عن الأضغـان مكفـوله
أفـعـالـهـم كـل أهـل الـلـوم سـكّـتـهـا *** بهـم الحمية وبـهـم أخـلاص للـدوله
وأهل الفضايل قمح من كان يشمتها *** الخايـب الـلي يشيل العـيـب بحثولـه
بعض الرجاجيل تبـدي لـك مودتـهـا *** وتنطح قـبالـك فـي عـبارات معسوله
وأن كنت غايب تبوح بسـر غـايتها *** وسيوف الألسن بهرج الظلم مسلّوله
سود القلـوب الـلي تـروّج دعـايتها *** بـعـلـوم كـذب عـشر مـرّات مـدبـولـه
واللي بصدره صنوف الحقد يكمتها *** ينفث سمومه ويغوي كـل من حـولـه
الحاسد الـلي رجـال الصدّق ينعتها *** بالهيف والزيف حيث الكذب له سوله
الشجرة الـلي زرعها بغـيـر منبتها *** قـطّـع نـمـاهـا وبالصعانيـن مشتـولـه
كانه قطع جذعها وش عاد قيمتها *** ينشف ثراها وخضرالأغصان مجدوله

قال عبدالله بن دهيمش بن عبار هذه الأبيات مسنده على الرجل الوجيه الفاضل
فهد بن سعود الفليحي حيث أنه يشيد بجهدي ويقول أنه تضرر مني وأنا ما
أذكر أنني تسببت بضر لأحد وإذا يوجد ضرر فهو من غيري : 708

يا فـهـد مـن حضرت جنابك تشّكـرت *** وأنـت الـذي دايـم رفـيـقـك تـبــرّه
مـا يـوم بـرت بـواجـبي كـان سيّـرت *** حـيـث الـذي شـرواك كـلّـن يـمّـره
والشاهد الله مـا أخبـر يـوم قصّـرت *** ولا شفت منك قصور يالقرم مـرّه
لاشـك مـن مقصـد كـلامـك تحيّـرت *** الـلي أنـت قلتـه خاطري ما يسّـره
كانـك يا أبـو سلطـان مـني تضـررت *** أنـا بـعـد مـثـلـك لـحـقـنـي مـضّـره
غضبت من كـيـد الخصوم وتكـدّرت *** أسبـاب جـور الـلي بـلانـي بـشّـره
من بعـد مانـي من غثـاهم تحـررت *** اليـوم عـادوا يا أبـو سلـطـان كـّره
لاشك أنا عـن ساعـد الجـد شمّـرت *** ولا هـمـني مـن كـان بشتـه يجـرّه
نافحت عن مجد القبيلة ولا أخمرت *** والمنتحس ما عيشتي من أسفـرّه

وقال فهد بن سعود الفليحي النومسي هذه الأبيات رد على أبيات عبدالله بن دهيمش بن عبار : 709

جاني جوابك يا أبـو مشعل وفكّـرت *** بالـلي لـهـم فـي سكّـة الشّـر جـرّه
ناسٍ على ماقلت بالوصف واشّرت *** ســم الأفـاعـي لـلـبـنـاخـي تـصـرّه
رجـال المـكـارم تـعـذرك لا تـعـذّرت *** ولا السقـايـط فـي زمـنـهـم مـغـرّه
يضيق صدري لا رجعـت وتـذّكـرت *** يـوم الـعـرب واحـوالـهـا مستـقـرّه
يـوم القبيلة تعتزي فيك مـا احتـرت *** والـسـم بـعــيــون الأعـادي تــذّره
دافعت عن مجـد القبيلـة وغـامـرت *** وصـدق الـدلايـل عاليـا في مـقـرّه
افنيت عمرك يا أبـو مشعل وكثّـرت *** جـهـدك مـقـدّر وكـل طـيّـب يسـرّه
وأنا صحيح احترت منـك وتضررت *** لاشـك مـا شلـت الـزّعـل وقـم ذرّه
العـلـم واضح وأنـت بالعـلم جاهـرت *** وادي الرّمه ما هـو خـفي مـجـرّه

قال عبدالله بن دهيمش بن عبار هذه الأبيات مجاراة لأبيات الرجل
الفاضل فهد بن سعود الفليحي النومسي : 710

كـتـبـت مـنـظـوم القـوافـي وعـبّـرت *** للفـاهـم الـلي مقصـدي مـا يـغـرّه
يا فـهد مـا دامك للأوضاع عاصرت *** وعايشت واقع يحـرق الكبد حـرّه
عـز الـلـه أنـي مـن كـلامـك تـأثّـرت *** لا زلـت تـذكـر جـاك مـني مضّـره
وضّحـت لـك كـل الحقايـق وخبّـرت *** عن جـور اكثـر من نجـوم المجره
جـهّـزت حـالي للتقـاضي وحضّـرت *** ضـد الـذي ثـوب الـكـرامـه يـقـرّه
مـا يـوم عـنـكـم يالسنـافـي تـودرت *** ودافـعـت مـا ودي عـلـيّـه تـشــرّه
قـفـّلـت بـيـبـان الـمـجـادل وسـكّـرت *** واللي حصّل يالقرم عندك اصوّره
تعبـت مـن كثـر البحـوث وتخسّـرت *** وجـزت الطريق اللي كثيره احفرّه
يـامـا جرّبـت من النكّـد مـا تضجّرت *** ولا القصد أريـد يقال يا لـلـه درّه

يتبع

تابع
قال البشري بن مناحي الهبداني يثني على عبدالله بن دهيمش بن عبار
وقد نشرنا له قصيدة في الديوان المطبوع : 711

عـبـدالـلـه الـعـبـار يـا سـيـد الـغـاب *** سـبـع الـفـهـد والنّمـر ما يقـربـنـه
الظّـن بـك يا طيّـب الأصـل ما خـاب *** من ظـن بـك بالطيـب ما خاب ظنّه
لا زأر صوته صار بقلوبها ارعـاب *** سبـاع البـراري هـاربـه مـا يجـنـه
من لابـة لا فتـلـت عـكـف الأشنـاب *** من فـوق سـرج مكاظـمات الأعنه
بـواجـت البيـداء اليـا كشّـر الـنـاب *** قطعـانهـم عشب المخـاوف رعـنه
فدعان تعـرفهـم مجاويخ الأجـنـاب *** عـطـيـة غـبـيـنـي بـهـا مـستـكـنّـه
يتلون مصوّت بالعشا مشرّع الباب *** الـيـا عــطـا عـطـيـتـه مـا يـمـنــه
مع أول السربة وللجيش ضبضاب *** اليا زغـردن بيض العذارى نخـنّه

جواب عبدالله بن دهيمش بن عبار رداً على الشاعر البشري بن مناحي بن
سالم الهبداني الجعفري : 712

حي الرفيق اللي من أعزاز الأصحاب *** بالقاف عـبّـر عـن مشـاعـر يكنّـه
أبـن مـنـاحي مـن شغـاميـم الأقـراب *** وجـه لـي الـمـنـظـوم مـافـيـه لـنّـه
بالـلي عملت الـوايلي يبـدي أعجـاب *** حيث الثناء في سلم الأجـواد سنّـه
يــفــدا جـنـابــه كـل هـايـف وكــّذاب *** الـلـي لـيـا سـمع الـثـنـاء جـر ونّـه
يغتاض مـن مـدح القـرابـه ويـرتـاب *** ويجحـد شهادات الـرجـال المسنّـه
ولا أنـت من عـزوه تحـمّل للأصعاب *** فـك الـطـلـب لا صـار للـذود حـنّـه
العـزوه الـلي منهـم عـقـاب وحجاب *** مـن هـازهـم صم الحـوافـر وطـنّـه
الجعـفـري مـاهـي غـريبـه اليا طـاب *** من عـزٍوة ساس الفخـر هم مغـنّه

قال البشري بن مناحي بن سالم الهبداني هذه الأبيات يسند على زميله
عبدالله بن دهيمش العبار :713

يا شـاعـر الـويـلان هـذا اللـقـّب لـك *** هـذا اللقـّب لـك يا بـعـيـد الهـقـاوي
ما نطيع بك ناس على الهـرج تدبك *** الشمس ما يحجب شعاعه غطاوي
ناس عـلى الألقـاب تـبـي لهـا صـك *** وبالـلاّزمـه مـا ياصلـون الحراوي
انت المحيط الأطلسي مـابـهـا شـك *** بـينـت فـي راس الطـويـل النبـاوي
بـيـنـت يـوم أن الضـواري تـعـارك *** ودحـمت في متـنن متينـن وقـاوي
من عانـدك يتعـب ويرغي ويـبـرك *** لـلحـق عـدل ولـلـمـشـايـخ فـتـاوي

جواب عبدالله بن دهيمش العبار على البشري بن مناحي الهبداني : 714

جـانـي بـيـوت منـقـحـه مـابـهـا رك *** مـن نظـم شاعـر بالقوافـي نحـاوي
مثل الخزامى بارض سيهات وعنك *** ولا مـثـل نـبـت الـنّـفـل بالـصـداوي
يا أبن منـاحي يالزميـل افـتخـر بـك *** حيث أنـت يالمنعـور شاعـر وراوي
هـيـهـات لحـمـيـاك مـا أظـن تـتـرك *** مـن عـرفـتي لـك يالسنافي حماوي
وأن كان عـود لعود يا مسندي حك *** عـادتـك تـفـزع يـا شـبـيـه النـداوي
يفداك من صدره عليه الحسد ضـك *** وأصبح جـداه الهـذرمـه والقـراوي
يا نسل اللي وقت اللّزم لا فـزع فـك *** الـيـا ثـار بـيـن السربـتين النخـاوي
لـو ابـني المعـنـا بـني طـوب وبلـك *** يـالـبـشـري بــعـنـاز مـانـي خـلاوي
البشري مـنـاحـي يـقـول اللّقـب لـك *** لاشـك لـلألـقـاب مـانـي شـفـــــاوي
الشـعـر تـروّج لـه قـنـوات واشـرك *** ويـا كـثـر الـلي يـعـد نـفسه قـداوي
في معـد مـا مثلـه ولافـي بـني عـك *** وفي ما زعـم بالناس مالـه مساوي
مـدفـع لهـاتـه دك صـرح الجبـل دك *** لاشـك شعـره بالحـرى والـرجـاوي

* قال الشيخ الشاعـر ماضي بن صبر العنزي هذه القصيدة يسند على عبدالله أبن
دهيمش بن عبار وقد نشر له قصيدة في الديوان المطبوع : 715

من هاجس يفـرض عـليـه فـريضه *** واعتـز بـه مالي عـليـه اعتراضي
يامـر ويرسم لـي خطوط عـريـضه *** يـقـول دايـم هـكـذا خـاض مـاضـي
اكتـب واخاطـب للـرجـال الحفيظـه *** اللي على وضح اللنقا ما تضاضي
هل الوفاء وأهل العلـوم النجيضه *** نور الدروب لمن سرى اليل ياضي
نـور يـونـس بالـديـاجـي ومـيـضه *** ريف وذراوسيوف حرب وقواضي
متوارثين الطيب مـا هـو عـريـضه *** متـمكـنـيـن فـيـه حـاضر ومـاضي
مثل الأديب الـلي عـلومـه غـليضه *** الـوايـلي رمـز الـلـنـقـا والبـيـاضي
الـلي عـلـومـه كـل سـامي تهيضه *** عـبـدالـلـه الـعـبـار لا جـاك حـاضي
سـم العـدا طـب الكبـود المـريـضه *** من لابـة الفدعان رمـز الحضاضي
طول الزمن معروف برده وقيضه *** ركن مـنـيـع ولا يـجـيـه امتـعـاضي
مـن عانده يمـوت قـهـر وغميضه *** ضاقت على المسكين سبع الأراضي
مشكاي بعـد الـلي يـنشي نـفـيضه *** رب الـمـلأ منبـت خـضار الفيـاضي
مـن عـالـم يـا عـزوتي مستفيـضه *** بالنقد والتجريح خوض ولضاضي
لاصواتهـم وسـط الدواوين هيضه *** مستثورين مـن المطاعـم غـلاضي
رجـالـهـم فـوق الـمـراكي لمـيـضه *** كـنـه بـطـل حـطيـن ولا الـريـاضي
للخير وأهل الخيـر مـا فيـه عيضه *** مـالـه بـنـكبـات الـزمـان اتـعـاضي
أن قـلت تكـفـا ازداد همـه وغيضه *** يصيـر مثل الـلي خبطها المخاضي
عـن الفخـر والطيب يكثر فضيضه *** تلقـاه مـن قـادة جـموع الفضاضي
صنفيـن كـل النـاس زيـن ونقيضه *** من خلقـت الدنـيـا الـيـا الأنتفـاضي
بـنـيـت لـك مـا دار لـي بالحفـيظـه *** أحكم وأبـي أرشحك للوضع قاضي
وصـلاة ربـي كـل وقـت وفـريضه *** عـلى الرسول الـلي دعـا للتـراضي

قال عبدالله بن عبار هذه الأبيات رداً على الشيخ الشاعر ماضي بن صبر
الجعفري العنزي : 716

حي الصديق اللي وصلني قـريضه *** يا مـرحـبـا حيـيـت يالشيخ مـاضي
يا شيخ هرج اهل القلوب البغيضه *** لا تلتفـت لـه هـرجهـم دوم فـاضي
اشرب من الصافي وخل الخويضه *** وأجعل بحلق اهل الضغاين شظاضي
العـذب يحلـو بالمشـارب لضيضه *** لاشـك ما صفىّ الهمـاج اختضاضي
حيص الزمل ما يوم تسمع جضيضه *** لو ثقل حمل الحيص بالحمل ناضي
احـمل تكاليـف الظـروف البهيضه *** وأنجض شواتك عن نياها نجاضي
واللي يبي شمل الرفاقه شضيضه *** يستـاهـل الهـلـبـاج خـدم الحيـاضي
خله عسى ياطاه سكس العـويضه *** عشرين طـون حمولتـه بالمقـاضي
يا شيخ ترى اللي يخض المخيضه *** يـدور زبـده مـن رويـب الحماضي
ومن لا عرف سود الليالي وبيضه *** مـا ظـنـتي يـركـب شـداد العيـاضي
المدح يزها أهـل الهـداف النهيضه *** باقدامهـم يـوطـون حـر الـرماضي
والداب الأرقط تكره النـاس بيضـه *** يـا الـلـه عسى ذريـتـه بـانقـراضي
الـكـوبـرا مـا اظـن يسلـم كضيضه *** يجهـز على من يقـربه بانقضاضي
والغـلـث بالنيبـان يعـطب عضيضه *** ولا يـدرك الطولـه بخيـل عكـاضي
ما يصبرون أهل الجلود الغضيضه *** ومن خاب تـنزل قيمته بانخفاضي
والأرنب الـلي بالشجـر مستحيضه *** في عصرنا لا شافها النمر جاضي
دام الطـروش اركـابهـم مستريضه *** ياجب يا ابو فيصل علينا التغاضي
الهيس مـا يشكـل عـلي اتحـريضه *** ايبس لحاضه قبـل ييـبس لحـاضي
بعض العرب له سلم مذهب قريظه *** مذهب يهودي صدق ماهو افتـراضي
حتى الـذي مثـل النعجـه الـربـيضه *** دلا يـسـوي بالمـجـالس ضـواضي
سبحـان خـّلاق الـمـلأ مـن بـويضه *** مصيرهـا لـو ما حفظها الجهاضي
الـقـلـب يـعـد الـثـوانـي نـبـيـضـــه *** يـقـدح كما يـقـدح شرار الشواضي
قدمـّت لـك مـن فـن بدعي عريضه *** مادام رشحتن على الوضع قاضي

قال عويد صرّان الوثيري يسند على عبدالله بن دهيمش بن عبار سبق
وأن نشر له قصائد في الديوان المطبوع : 717

ياالله تكفينا البـلا هـو والبـلاوي *** يا عـظيـم كـل خـلـقـه تـلتجيـلـه
أنـت رب البيت قـوي العـراوي *** يالكريم المعتـلي منجي خـلـيـلـه
فزعتك هي الأمل ماهي مناوي *** ورحمتك يالله ما هـي مستحيلـه
بعـد ذكـر الـلـه حـلال الـدعاوي *** الوثيري قـال من منظـوم قـيـلـه
يا قـريـحـة أوردي عـدٍ رهـاوي *** للأديـب الـوايـلي رمـز القبـيـلـه
ابـو مشعل خـابـره حـرٍ نـداوي *** أعتلا ساس الفخر راس الطويله
أنـت محـزم لا تنادوا بالعـزاوي *** تكسب علم الطيب وفعالك جزيله
يا زعيم المعرفة ماهي هـقـاوي *** أنـت يا بـليهـان حملـك ترتكيلـه

قال عبدالله بن عبار جواب لأبيات عويد صرّان الوثيري : 718

يالله الـلي مـاني لغيـرك رجـاوي *** أطلبك والعبـد مـا عنـده وسيلـه
مطـلـع بالغـيـب غـفّـار المساوي *** يا محل العفـوا يا منجي دخيلـه
مرحبا بالقاف من شاعر وراوي *** الـزميـل الـلي كـلامـه ينصغيلـه
قاف عويد ما انقده أهل الزراوي *** وضّح المقصد لو بيـوته قليلـه
الوثيري عـزوتـه زبـن الجـلاوي *** لنتخوا بالعرفاء يحمون الدبيله
من عيال عبيـد عطبين الأهـاوي *** نالوا الطولات وعلـوم الفضيله
والرجل مع لابته ما هـو خـلاوي *** يعتزي في لابتـه والـلـه وكيلـه
والقضاء يا مسندي أمرٍ سماوي *** قـدّر المـولـى ولا للعـبـد حـيـلـه

وهذه الأبيات أرسلها الشيخ داغش بن مرشد الشريفي الرويلي يسند على عبدالله بن
دهيمش بن عبار العنزي سبق وأن نشر له قصائد في الديوان المطبوع : 719

يـا الـلـه يـا عـالـم خـفـيـات الأسـرار *** يـا رب يـا رفـّاع سـبـع السـمـاوات
أسألـك أنـا بأسماك فـي سـر وجهـار *** والـيـا سجدت الليل ودبر الصلوات
عسى أبو مشعل من طويلين الأعمار *** وتكفيه شـر الكيد وأهـل الحيـالات
وتجعـل طـريقـه دوم يشرق بالأنوار *** الـلي عـلى التـاريخ سّطـر منـارات
جـمـع بـنـي وايـل مـن كـل الأقــطـار *** بمـجـلـدٍ يحـوي من العـز صفحـات
سـجـل فـعـايـلهـم وخـطـه بالأسطـار *** جـمع لـنـا تـاريـخ بضبط السجـلات
الـنـادر المشهـور مـن ماكـر احـرار *** مـن لابـة الفـدعان ستـر القصيرات
فـدعان ضـد الضـد كـان الدخـن ثـار *** وأن أنـتخـوا بالـروم بـهـده وردّات
يـا مـا بـهـم فرسـان وشيـوخ وأمـّار *** ورثـن من الجـدان ما هي دعايـات
ويـن الهـماج اوين عـذبـات الأنهـار *** ويـن السراب وين عمق المحيطات
وصـلاة ربـي عـد مـا هـلـت أمـطـار *** عـلى الـذي للخلق بشرى ونـذارات

رد عبدالله بن دهيمش بن عبار رداً على الشيخ داغش بن مرشد الشريفي : 720

جاني جـواب مكّـرم الضيف والجـار *** داغـش أبـن مـرشد مباديـه جزلات
يشيـد بجـهـودي ويـثـني بـالأشـعـار *** ولا هي غريبه من سليل الشريفات
كـنـعـان جـده لـه تـواريـخ وأذكـــار *** تذكـر فعـولـه يـوم عصر القـوامـات
وأبـوه شيخ ولـه مع النـاس مقـدار *** مرشد أخـو دنـيـا عـلـومه بـعـيـدات
من روس لابـه طيبهم مـابـه أنـكـار *** كـواكـبـه مـرويـن حـد الـرهـيـفــات
كانه كسف نور السماء واعتم غبار *** والخـيـل تـقـبـل بالمنـاعـيـر دكـلات
رجـالهـم يـدحـم عـلى صـالي الـنـار *** وأرواحهـم دون الكرامـه رخيصات
أفـعـالـهـم تـذكـر عـلـى مــر الأدوار *** أمـجـاد تـورث والمـفـاخـر قـديمات
وأشكـرك يالمنعـور يا طـيّـب الـكـار *** وأهـديـك يا داغش جزيـل التحـيـات
وأهـدي سـلامي ألـف مـره وتـكـرار *** لجـميـع مـن يسكـن بـلاد الـقـريـات
والخاتمـة صلـوا عـلى سيـد الأبـرار *** الـلي نـهـى عـن الـغـوا والضلالات

هذه الأبيات من شعر حجي بن لافي الربيلي مرسلها عبر الجوال لزميله عبدالله بن
دهيمش بن عبار سبق وأن نشر له قصائد في الديوان المطبوع : 721

سـلام يـا شـاعـر مـلـكـت الـسيـاده *** شاعـر كبير وهيبته شيخ مشهـور
غـني عـن التـعـريـف ولا الشهـاده *** عبدالـلـه العـبـار بالطيـب مـذكـور
الطيـب ساسـه والكـرم فـيـه عـادة *** ساس الرجال اللي لهم بالكرم دور
ذكـرتـنـي يـوم الـفـرح والـسـعـاده *** يوم أننا عسكر لنا حساس وشعور
وهـلحـين تـبعـد عـن بـلادي بـلاده *** يصعـب عـليـه لـو بغـينـاه بالشور

جواب عبدالله بن دهيمش بن عبار على أبيات حجي بن لافي الربيلي : 722

يـا مـرحـبـا بـالـلـي كـلامـه أشــاده *** حجي غمرني بالثنا وقـلـت مشكـور
يـذكـر زمـان نـأتـمـر بـأمــر قـــاده *** خدمة وطن نلبس مع الفجـر فرفور
والـيـوم نـرقـد فـوق لـدن الـوساده *** ماعـاد لـنـا بتهـرول الصبح مقـدور
عـذب الهـوى يـلـفـح عـلينـا بـراده *** والحـمـد لـلـه نسكن اليـوم بقصور
احرص على الجلسه بدور العباده *** أفـرح وخـلّـك دايـم الـدوم مـسـرور

وقال حجي بن لافي : 723

اهـلا هـلا بـعـداد مـزن الـمـخـيــلــه *** جـوالـي انـوا فـي رقـام الـمـحـبـيـن
عـبـدالـلـه الـلي غـاب مـده طـويـلـه *** بـه التـقينـا عـبـر الجـوال هـلحـيـن
حـيـوا مـعي بـه يا رجـال الـقـبـيـلـه *** اهـلا هـلا يـا مـرحـبـا قـولـوا اهلين
ملـيـون مـره مـن ضميـري قـلـيـلـه *** حـقـه عـلـينـا نحـط باسمـه ديـاوين
شـاعـر بـنـي وايـل ولا مـن بـديـلـه *** شـاعـر مواقيفه على العسر واللين
نـبـغـي زيـاره مـنـك لـو كـان لـيـلـه *** ولا عـاد نـبغي قـول بالعـذر بعـدين
زمـيـلـكـم لاقـال واجـب تـجـيـلــــــه *** تـدري بـه انت واكثر الناس دارين

قال الشاعر مايح عويجان الحسني العنزي يثني على زميله عبدالله بن
دهيمش بن عبار سبق وأن نشر له عدد من القصائد بالديوان المطبوع : 724

لو تركبون الخيل يا عـيـال وايـل *** تـاريـخ ابـن عـبـار ما تاصلونـه
رجـل حكيـم ودوم بالطيب طـايـل *** الـواجب عـلى مـا فعل تشكرونه
عنده عـلى التاريخ عـلـم ودلايـل *** شـّيـن وكـاد وكـلـكـم تـعـرفـونـه
سجل لكم التاريخ وافي الخصايل *** وضح مسايـل غامضه تجهلونـه
العلم يبقى وصاحـب العـلـم زايـل *** وثبت لكم التاريخ وارسى ركونه
هـذي شـهـاده يا عـيـال الحمايـل *** مـني لأبـن عـبـار ربـي يـصونـه
الـوايـلـي دايـم عـلـومـه جـلايـل *** ودايم على الجزلات تسهر عيونه
حـكـيـم مـتـعـلـم بـكـل الـوسايـل *** عسى الـولي يكـفيه شـر المهـونه
أديـب وتشـهـد لـه جميع القبايل *** سيـفن مجـرب والعـرب يبخنونـه
كرس جهود في جميع المسايـل *** وحكايـة الـوجـهين مـا يلحـقونـه
تاريخـكـم خـلـوه عـنـد الحـلايـل *** الـلـي عـلـى جـوالـكـم ترسلـونـه
انـتـم مهـمتـكـم كتـابـت رسـايـل *** وتاريخ وايل صعـب ما تفهمونـه

قال عبدالله بن دهيمش بن عبار هذه الأبيات جواب للأخ مايح بن عويجان : 725

تعـيش يـا نسـل الـجـدود الأصـايـل *** الحـق طـبـعـك تحتـمي دوم دونـه
بالـحـق تـردع كـل مخـطي وعـايـل *** والمقـتـدي تـبقى سنـاده وعـونـه
حيث أنت شهم ولك معاني جـزايل *** تشفق على الجزله ونفسك حنونه
وأنا يا أبـو سلطان عن قـول قـايـل *** كتبت مجـد أهـل الفخـر يذكـرونـه
سجـلت تفصيل النسّـب والفـعـايـل *** وكافحـت بعـض القوم لا يحرفونه
يبون كسب مـن الجـدود الهمـايـل *** وجـد عـنـزه في رايهـم مـا يبونـه
جـد عـنـزه يـبـون غـيـره بــدايـل *** والـزيـف بـوقـه للقبـيـلـه وخـونـه
وأسندت قـولي بالعـلوم الصمـايـل *** وضحتها وسـود القـلـوب مغـبونه
ولاني بـحال الـلي يـدور الفشايـل *** الـلي عـن الـواقع يغمّض عـيـونـه
والجاحـد الـلي مـا يـعـد الجـمـايـل *** هـذاك مـثـل الـلي طـويلـه قـرونـه
واللي يا أبو سلطان حاك الدغايل *** حضّه ضعيـف وعـزوته يكرهـونه
الـلـه يخـون مـروجـيـن النـقـايـل *** الـلي العـلـوم الـغـانـمـه يـدفـنونـه

يتبع

تابع
قال محمد بن خليف بن محدى الغبيني هذه القصيدة يسند على عبدالله
ابن دهيمش بن عبار وقد نشرنا له قصائد بالديوان المطبوع : 726

يـا الـلـه يا ربـي عـلـيـم الخـوافـي *** أنـت الـذي باحوال خلقـك عليمي
يا منـجي يـونـس عـليـك التشافي *** يا مشفي بأمـرك مـريض سقيمي
يالرازق المعطي عن الناس عافي *** يـوم بـه الموقـف علينـا عظيمي
ومن بعد ذكرك قلت زين القـوافي *** وسجلـت مـن قيـلي كـلام سليمي
يهدى عـلى قـرم من الـربع وافـي *** عـبـدالـلـه العـبـار رجـل حشيمي
أديـب شـاعـر بالمـواقـف سنـافـي *** الـوايـلي بالـعـرف دايـم فـهـيـمي
قلـه يا أبو مشعل أشوف أختـلافي *** في هالـزمن عن الزمان القديمي
شفنا يا أبو مشعل بـه الحـر خافي *** كـمـا تـرى ذل الشجاع العـديـمي
وأشوف جو الناس ما هو بصافي *** شفنـا يا أبن عبـار بالجـو غـيمي
شفنـا عـزيـز القـوم ممشاه حـافي *** كن لحقه من جـور دنـيـاه حيـفي
من عقب ما هـو بالسنين العجافي *** ياقـف لـربعـه بالمواقـف كريـمي
اليـوم مـن ربعـه يشوف التجـافي *** كلـن وقـف قـدام وجهـه خصيمي
ما عاد يلفي لـه عـلى البيت لافـي *** صدوا عنـه ما شاف منهم كليمي

وقال عبدالله بن دهيمش بن عبار هذه القصيدة رداً على الشاعر محمد بن
خليف المحدى الغبيني : 727

قبـل أبـدي بنظـم البيـوت اللطـافي *** مبـداي بالـرب اللطيّـف الحكيمي
الخـالـق الـبـاري مـزيـل الخـلافي *** رب الملأ جبّـار عـظـم الكصيمي
مجـري الهبايب ذاريـات السوافي *** نوب هجير ونوب بـرده صريمي
مـنـزل هـمـالـيـل المطـر بالفيـافي *** محـيي هواميد الجذوع الهشيمي
ومن بعـد ذكر الله بديت الوصافي *** أبـيـات تـنبع مـن قـرايح صميمي
جـواب لـمـحـمـد بـعـيـد الـهـدافـي *** الفاضل الشهم الشجاع الحليـمي
عـوايـده يـذبـح سـمـان الـهـرافي *** مع عيـت حيـل مـربـيات النعيمي
مـن لابـةٍ يـحـمـون حـم الشعـافي *** السـرج شاهدهـم وكـور الهميمي
غبنان ستر البيض سود الغـدافي *** عـدوهـم نـاحـت عـليـه الحـريمي
قبـل يجي عصر الـرخا والعـوافي *** يـوم الـعـرب هـذا لـهـذا جـريـمي
واليـوم كـلـن نـام يـالـقـرم غـافـي *** أمـن وآمـان بظـل حكـم الزعيمي
لاشك يا أبن خليف ما عنـك خافي *** مـن قـل مـالـه يـا محمـد كضيمي
هـب الهبـوب لكـل هـايـف وهـافي *** واليوم سيف الهند مثـل القديمي
وأن كان تذكـر ما حصلي انصافي *** ولا صح لي تشجيع مثل التميمي
الـلي لجهدي يا أبن الأجـواد نـافي *** حاسد ورايه يابن محدى عقيمي
ما جيته اطلب من حلالـه اسعـافي *** لي نفس يامحمد عزيزه وشيمي
حملي يا أبو مشعل تشيله اكتـافي *** ورزقي على الله للخلايق رحيمي
والله ما أغبط الراجحي والخرافي *** مستـور حـال ومسكني بالنظيمي
أخبرك صار اليوم وجهت مطافي *** بين الرياض العاصمه والقصيمي
وصلواعلى اللي متصف بالعفافي *** شفيعنـا عـن حـر صلـو الجحيمي

هذه الأبيات قالها محمد بن محدى الغبيني هذه الأبيات يسند على زميله
عبدالله بن دهيمش بن عبار : 728

سـر يا قـلـم بالطـرس وأكتـب كلامي *** أكتب حروف القاف في دفتر الضرب
أكـتـب لأبـن عــبــار مـنـي سـلامـي *** وقـله يابو مشعل ترى صاحبك ذرب
يـا شـاعـر الـويـلان لـك أحـتـرامــي *** ياللي شربت الفهم من جوهـره شرب
عـسـاك فـي صـحـة بـطـول الدوامي *** يالـوايـلـي يـاقـاك ربـي مـن الـكــرب
وعـساك دوم بخيـر يا أبـن الكرامي *** والـلـه عثـر يالقرم من شنوا الحـرب

قال عبدالله بن عبار العنزي هذه الأبيات رداً على محمد بن خليف المحدى : 729

مشكـور يـا مـحـمـد عـداك المـلامي *** يفداك اللي عـن لازمه طبعه الهرب
ماهـي غـريـبـه كـان دونـي اتحامي *** أنـت أبـن عـم وبـيـننـا بالنسب قـرب
شـرواك يـفـزع يـا رفيـع الـمقـامي *** ضـد الـذي شنـوا مثـل حملة الصرب
الـمـعـتـدل يـالـقـرم يـدرك مـرامـي *** والمنعـوج عسى الولي يتـربـه تـرب
أفـخـر بالـلي عـنـد اللوازم حزامي *** ولاني بحـال اخباث الألباب والجـرب

قال مفرح بن مليحان هذه الأبيات يثني على الرجل الفاضل عراك بن
شمسه الدوامي : 730

لــو كـل اداره بـهــا عـــــــراك *** عـنـاز مـا ضـاع مـدبـهــــــــا
مـا قــال خـلــك مـع الـشبــــاك *** قـبـيـلـتـه شــال واجــبــهـــــا
عـراك عـسـى الـردي يـفـــداك *** الـلـي الـحـمـيـه مـجـنـبـهــــا
الطـيـب الـلـي يـفـعـلـه شرواك *** يـمـنـاك بـالـطـيـب خـضـبـهـا
الــلــه يــكـثــر لــنــا حـلــيــاك *** يـالــلـي تـذلـل مـصـاعـبـهـــا

قال عبدالله بن عبار هذه الأبيات جواب لابيات مفرّح بن مليحان الجعفري
ويثني على الرجل عراك بن شمسه والرجل الفاضل عراك بن صميدان : 731

تسلـم يا مـفـرح عـلى مـبـداك *** جـزلات الأبـيـات كـاتــبـهـــا
بالخـيـرعـسى الـولـي يجـزاك *** الـنـفـس دايـم تـحـاسـبـهــــا
أشكـرك يـالـلـي تـضـد اعـداك *** ربـعـك ضـنـا عـبيـد منسبهـا
تثني على الـلي يحوز أرضاك *** بالحـاجـه الـلي أنـت طـالبهـا
نـصـيـت أبـن شمسه وحـيّـاك *** رجـلـه عـلى الطـيـب يتعـبها
وذكـرتـنـي فــي سـمــيّــه ذاك *** الـلي أعـتـلا فـي مـنـاصبهـا
أبـن صميـدان بفـضـل مـولاك *** عـن الـردى النـفس حـاجبها
أبــو فـهــد بـالـلــزم مـركــاك *** مـن طـيـبـه الـربـع مـعجـبهـا
عـرّاك حـطّـه عـلـى يــمـنــاك *** الـقــرم الأمـداح كـاسـبـهــــا
نـفـخـر ونـثـنـي عـلـى عـراك *** والـنـاس تـفـخـر بـطيـبـهــــا

قال الشاعر سليم بن كسار المضياني هذه القصيدة يسند على زميله عبدالله
بن دهيمش بن عبار نشر له عدة قصائد في الديوان المطبوع : 732

يا وافي اصبر في دوامك وله رح *** وجهك على عرعر وحامر ولاهه
بليهـان مثلـك واقـف مـا يـبي نـح *** وافـي وحـر بـوقـفـتـه وانـتبـاهـه
بـيـر المعـزه فيـه طبّـح وبـه طـح *** جنّب عن دروب الردى والسفاهه
اسمـع كـلام ابـوك لا قـال لـك بـح *** خـلـك تـبـحّــر دايــمــاً لأتــجـاهـه
الجاهه الـلي صادقه مـا تـبـي لـح *** ومن لا صدق ما يجتهد لك بجاهه
والنعـم بالـلي بالـرجاجيـل يـمـدح *** عزك أن كانك جيت تطلب وجاهه
عبـدالـلـه العـبـار بالجـاه مـا شح *** القـرم عـنـوان الفـخـر والنـزاهـه
شاعر بني وايل له المجـد يشرح *** تاريـخ مجـده مـا عـليـه اشتباهـه
الـوايـلـي عـز الـقـبـيـلـه اليـا دح *** فـي كـل ديـره سارحاتـن شيـاهـه
دخيلهـم يأمـن غـريـمـه ويـفـرح *** يـوم النخاوي عنـد نوره وشاهـه

جواب عبدالله بن دهيمش بن بار رداً على سليم كسار : 733

تعيش يالـلي هـرجتـك كلهـا صح *** عسى الولي يحميك من كل عاهه
الـرس لا يغـريك نبعـه ولـو ضح *** ما هـو مثل هداج غـزره امواهـه
واللي اليا جيته تـبي فـزعته قـح *** المنصـب الـعـالي يـزيـده بـيـاهـه
لا شك من لا فاد عـن ديرته زح *** لا قـلـت عندي لازمـه قـال هـاهـه
هـذاك يستاهـل مـذاريـب واشتح *** ودك تحشـره مـا يشوف النفـاهـه
يا سليّم صدور الخلايق لهـا فـح *** ولا تـاجـد الـلي مـا تعـوزه نقاهـه
ولدك صابر بالعمل مـا يقـول أح *** يصبر لـو أن الحرب تفتح اجباهه
الـلـي صبـر لابـد ينجـح ويـربـح *** ومن خار عزمه ما يعيش برفاهه
مـا يغـني المحتاج هبـات وامنح *** ودنـيـاك هـذي يالسنـافي مـتـاهـه
قبل يصير الشيب بالعارض بكح *** وص الفتى يسلك على نهج طاهه

قال الشاعر سليّم بن كسّار المضياني هذه القصيدة يسند على زميله
عبدالله بن دهيمش بن عبار ويثني على جهده للقبيلة : 734

جيـت ابـي انــام ولاقبلـنـي مـنـامـي *** مانام مـن دكّـه هواجيـس وشطـون
سمـعـت هــرج مروجـيـن الكـلامـي *** الـلـي جـداهـم بالحمـايـل يـحـشـون
وش لون ينسى جهد عالي المقامي *** ماكنـت اصـدق ماسمعـتـه يقـولـون
مايجحـد المعـروف غيـر الخمـامـي *** والا حـقـودٍ طــاع خـايـب وملـعـون
عـبــدالله الـعـبـار يـبـقــى سـنـامــي *** مهما يقول اللي به الحقـد مشحـون
الـحـر مايخـشـى هـديــل الحـمـامـي *** يحـوم فـوق اللـي تعـلّـوا يحـومـون
مضى حـيـاتــه للقـبـيـلـه مـحـامــي *** يكوّي وجيه اللـي للأصيّاخ يحمـون
النـور عـن وجهـه يـزيـل الظـلامـي *** والطبع محفوظٍ على الحق مضمون
مـن حـط بلسـان المسولـف لجامـي *** من صد ثرثارٍ على الكـذب ملسـون
اشعارنـا حـطـوا عليـهـا الوسـامـي *** وامجادنا لولا ابو مشعـل يضيعـون
ركـبـوا خـيـول اوراقـهـم والقـلامـي *** ولهـم مـن افعـال القبـايـل يحـطـون
الـلــي حـفــظ تاريـخـنـا بالتـمـامـي *** تنكـر جهـوده ليـه يالربـع وشـلـون
ولــف تـواريــخٍ علـيـهـا البـهـامـي *** بصمات لمشاهد حضارات وضعون
تاريـخ مـن ولــف سـعـود الامـامـي *** اللي ذكـر تاريـخ طامـي وطوسـون
ال السعـود عنـوز قبـل الـف عامـي *** ماولفـه ولـيـم قـبـل ترجـمـة جــون
صـار يتـلاعـب بالحقـايـق حـرامـي *** يسرق على كيفـه والاعـلام يـدرون

قال عبدالله بن دهبمش بن عبار هذه القصيدة مداراه لقصيدة الزميل
الشاعر سليّم كسّار المضياني : 735

يـا سلـيّـم الكسّـار يا أبـن الـكـرامـي *** تسلم يالـلي عبّرت عن كـل مكنون
جاك الجـواب وجـاك زاكي سـلامـي *** وأقبـل تحيـاتي وأنـا منـك مـمنـون
أطـلـب عسى يحفـظـك رب الأنـامي *** الـواحـد الـلي لـه عـبـاده يـصـلـّون
الـلـه يـثـيـبـك يـا شـبـيـه القـطـامـي *** تـدوم للصاحب بوقـت اللّـزم عـون
وافـي يا أبـو وافـي ومبـداك سـامي *** حيث الوفا طبعك ومن ناس يوفون
لـك جـل تـقـديـري وجـل احـتـرامي *** أنت من الـلي عـلى القبيله يحامون
شرواك يا عـز الخوي لـي حـزامي *** وكل الرجال أهل الوفاء ما يهونون
مـن بـذل جهـده مـا يطـولـه ملامـي *** الـلـه حسيب الـلي جـداهـم يسبـون
بـذلـت مـجـهـودي وكـل اهـتـمـامي *** وبالـلي عملتـه عـزوتـي يستعزون
أصدرت مـرجـع بـه جميع الأسـامي *** مصـدر فـخـر عـليـه عـنّـاز يثنـون
أسند على شخوص القروم الفهامي *** كتـب وروايـه مـن رجـال يقصّـون
ولـو بـه نقيصه لأجـدعـه بالدرامي *** مـا ودي أهـل العـلـم ليـه يـلـومـون
وأخبـرك مانـي يالـزميـل انـهـزامي *** وأهل الحسد مالومهم لـو يحسدون
الـحـمـد لـلـمـولـى تـحـقـق مـرامـي *** من فضل خـلاّق الملأ مبدع الكـون
والفضـل لـلي يـطبـقـون النـظـامــي *** حـكّـام منهجهـم شـريـعـه وقـانـون
أهـل السيوف الـلي تقـص العظامي *** حـرز الوطـن منهـم عداهـم يذلـون

قال الشاعر سليّم بن كسّار المضياني هذه الأبيات يرد على شخص ويوضح شاعريته : 736

يـا منتقـد من قـال منـظـوم الأشـعـار *** الـحــر كـانـه هــد مـا دس راســه
أقـولـهـا ولا هـمـنـي هـرج ثــرثـــار *** الخايـب الـلي في ضميـره نجـاسه
سبيـت أبـو وافـي مـن عـيـال كسّـار *** مـا سار في درب الردّى والخياسه
ما رافق الشّلات ولا استعمل اسكـار *** ولا راح لـلـبـارات يـبـي الـونـاسه
مـتـعـلّـم لـلـشّـعـر مـن درس شـعـاّر *** ودرسـت جـزلات القوافـي دراسـه
ويشهد لي بنظم القصيد ابـن عـبّـار *** شاعـر مـع الشعّـار نـال الـريـاسـه
والـلي يسـب النـاس مفلس وخسّـار *** ومن ينطـق الباطـل يـدنّس لبـاسه
وأعـرف تـرى النمّـام مـثـواه بالنـار *** احـفـظ لسانـك عـن كـلام الطفّاسه

قال عبدالله بن دهيمش بن عبار هذه الأبيات جواب لأبيات الشاعر سليّم أبن كسّار المضياني أبو وافي : 737

جـانـي جوابـك يالـزميـل أبن كسّـار *** يامن على علوم الفخر بك حماسـه
أنا أشهد أنك ما أنت من يدهل البـار *** ولا يـوم تنهـل مـن نـبـيـذه بكـاسه
وأنا اشهد أنك شاعٍر ولا بهـا أنكـار *** حـاذق ومـتـعـلّـم وعـنـدك فـراسـه
يـفـداك الـلي طبعـه مخـادع ومـكّـار *** مـا عـنـده ألا الـنـمـنـه والـبـلاســه
راوي يا أبو وافي ومن ربعك خيـار *** شرواك حازالطيب من طيب ساسه
اعرض عن اللي دار بالناس معيـار *** بالـنـاس غـضنفـر وفـيهـم بساسـه
اصبـر ولا تهتـم من هـرج الأشـرار *** قـبـلـك أنـا سبـونـي أهـل الخساسه
والخاتمه عساك محروس وامجـار *** ربـك وقـاك مـن الشّـقـا والتـعـاسـه

قال الشاعر سليّم بن كسّار المضياني يثني على جهد عبدالله بن
دهيمش بن عبار والشاعر خلف بن خليف المحدى : 738

يا مجددن فـي بـحـث تاريخ الأنساب *** وش عاد لـو كثّرت فيها الختومي
لـولا أبـو مشعـل مـا لقيتـوه بـكـتـاب *** يطيـر مـع طـيـرت طيـور تحـومي
حـمـاه أبـن عـبـار بـأيـام الأنـشـــاب *** للماضيه عـلـم حاضـره للوسومي
ولا أبن محدى يـوم وقفات الأصعاب *** خلـف تصدّى لكـل عـايـل هجومي

وقد جاراه خلف المحدى بهذه الأبيات يقول : 739

يا سلـيّـم الكسّـار يا عـرب الأنسـاب *** الحـر يـبـقـى حــر والـبـوم بـومـي
وتاريخ أبـن عـبّـار معـروف بكتـاب *** مـاهـي عـلـوم مـزيفـيـن العـلـومي
عـبـدالـلـه الـعـبـار مـاهـو بـمـرتـاب *** لـو وقـفـوا ضـدّه جميع الـرخومي
مواقفـه تعـرف نـعـم يـوم الأصعـاب *** دون عنـزة خـلا الخصيم مهزومي
فطحـل شعـر مـاهي سواليف كـذّاب *** نعـم أبـو مشعل يـوم دق الخشومي
دون عنزة تشهد له اقراب واجنـاب *** ولا يـنـكـرونـه طيـبـيـن السلـومـي

قال عبدالله بن دهيمش بن عبار هذه الأبيات مجاراه لأبيات
سليّم كسّار وخلف بن خليف المحدى : 740

حـي الرجّال الـلي يعرفون الأوجـاب *** خـلـف وأبـن كسّـار نعـم القـرومي
مثل الحرار الـلي عـلى راس مرقاب *** ما يوكـر ألا فوق روس الحزومي
عـرفـوا مقاصـد كـل عابـث ونصّاب *** خطو الـذي مـا يـدل درب اليمومي
هـذاك خـاب وكـل مـن شجعـه خـاب *** الظلـم من فضل الـولي مـا يـدومي
مانـي مـداري كـل هـايـف ومغـتـاب *** عن بذل جهدي ما ثنوني خصومي
والـلي مـرامـه بس تشتيت الأقـراب *** مـافـيــه عـز لعـزوتـه بـالـلّـزومـي

وقال عواد بن مفرّح هذه الأبيات يسند على عبدالله بن دهيمش بن عبار : 741

الناس يـا أبـن عـبّار عـبـادة اوجيـه *** أصحاب في وجهك ولقفيت عدوان
يـا شاعـر الـويـلان حاضر وماضيه *** بعض السوالف مالها ساس يافلان
الـلي كـذب عـليـك خـابـت مساعيـه *** عـزالـلـه أنـه يا أبـن عـبّار خسران
راعـي النمـايـم بالمجالـس نـوحيـه *** وحـقـن عـلينـا نـكتـم النـذل كـوبـان
مـوقـفـك يا أبـن عـبارماني بناسيه *** فـزعتـك يالمنعـور يـوم النـقـا حـان
حـنـا هـل الجـدعـا والتحق نعـطـيه *** ما نجحـد المعـروف يا طيـر حوران
مـن عانـدك يالـقـرم ملـزوم نكويه *** والـيـا زعـل يـصـك راسـه بـعـرنـان

وقال عبدالله بن دهيمش بن عبار رداً على الشاعر عواد بهذه الأبيات : 742

خـط لـفـاني قـلت يـالـلـه أتحيـيـه *** مـن نظم شاعـر خاض بالشعر ميدان
عــواد مـن لابــه قـروم مــدالـيـه *** لابـة هـل الجـدعـا سـلايـل سلـيـمــان
يـا طيبهـم بـالـلي رفـيعـه مبانيـه *** ويا ضفـرهـم يـوم المعـارك والأكـوان
ويا حلوهـم للجار تـارك عـوانيه *** لا صـار معهـم جارهـم صار لـه شـان
ويـا قـشرهـم لـلي يكـن المكاريه *** أن كـان حضـر لـداعي الشـر شيطـان
أمـا عن الموضوع نعطيك تنبيـه *** الـلـي سمعـتـه كـل مـا قـيـل وبـهـتـان
وايـل لـك الـلـه جدنـا مـا نخـليــه *** بـكـتـابـنـا يـالـقـرم تـلـقـاه عـنـــــوان
أصـدق دلايـل بسـم وايـل نسـميه *** لاشك بعـض النـاس يالـقـرم عـمـيـان
يـبـون جـدن مـا نـقـرّب حـوالـيـه *** ذريـتـه تـعـرف عـلـى مـر الأزمــــان
جـد عـنـزة وايـل وحـنـا ذراريــه *** وايـل مـن عـنـزة ولا فـيـه حـقــــران

قال الشاعر عاقل بن زيد الطويلعي رحمه الله هذه القصيدة يثني على جزأ
ابن مرجي بن غانم الدهمشي فيقول : 743

مـني لبـو مـرجي جـزأ طيـّب الساس *** شكري وتقديري وجل احتـرامي
على الوفا اللي لبيض الوجه نبراس *** هـديـةٍ لـه فــي بـدايـة سـلامــــي
شعور صادق منبعه صدق الحساس *** مكتـوب من دمي وبصمة بهـامي
مشاعري ما هي حبر وسط قرطاس *** ولا هي برميه ياعرب دون رامي
أقولها من قـلـب وشعـور وأحساس *** ولا همني راعي الحكي والمـلامي
قصدي محبه ماشتكي قـل وأفـلاس *** القصد سامي وأبيض الوجه سامي
الدهمشي لـه سيـرة تـرفـع الـراس *** ولـه هـيبـه وقيمـه وقـدر ومقـامي
وله في سنام المجد مركا ومجلاس *** مـخــلــدٍ مـجــده بـراس السنـامـي
جـزأ جـزأ يفرق بطيبـه عـن الناس *** لـو البـشـر تـشـابـهـوا بـالأسـامـي
لاجت الأريا رباع وخماس وسداس *** رايه يـدل الـلي عـن الحـق عـامي
وربعه محددت الجـمل باسهم بـاس *** عـيـال وايـل فـي نـهـار الـزحامـي
عندي غلاهم مـا يقـارن بالألمـاس *** هم عزوتي هم تـاج راسي حـزامي
عـدوهـم يـنـداس يـنـداس يـنـداس *** لا ثـار دخـان وعـجـاج وعـسـامـي
حـبـل الأمـل بـقـبـالهم يقلع الـيـاس *** حـقـيـقـة ولا هـي مـجـرد كـلامــي
كل (عنزي) بـه طيبـة مالها قيـاس *** لـو وزعـت شـرقٍ وغـربٍ وشامي
تروي عروق من ظنأ الوقت يباس *** وتكـفي عـلى الـلي بـاقي بالتمـامي
ولـه صفعـة تبتـر معاليق الأنـفـاس *** قـبـل القـلـوب تقـص حد العـظامي
والله خلق لكن فـرق بين الأجنـاس *** وميّـز رجـال الطيـب بـيـن الأنـامي
ومدحي لأبن عمي معـزة ونوماس *** ويـفـداه تـقـديـري وجـل احـتـرامي

* قال عبدالله بن دهيمش بن عبار العنزي هذه القصيدة مجاراة لقصيدة
الشاعر عاقل بن زيد الطويلعي العنزي المسندة على الرجل الفاضل
جزاء بن مرجي الدهمشي العنزي صاحب المواقف الطيبة : 744

قريت عذب القاف بسطـور كـرّاس *** مـن قـيـل عـاقـل سـطـره بالقـلامي
احسنت يا أبن زيد تسلم من الباس *** عـنـدك عـلى رد الجميـل اهتمـامي
حـيثـك فهـيـم وللرجـاجيـل سّـواس *** تشكـر عـلى مدح النبيـل العصامي
تثني على قرم بـه المدح مـا خـاس *** جـزاء نسـل مـرجي سليل الكرامي
الفـاضـل الـلي لـلـجـمـالات غـّراس *** دايـم عـلى سلـم الحمـايـل ايحـامي
شـهـم وكـريـم ولا تـدنــا لـلأدنـاس *** مـا داس عيب ولا مشى بالحرامي
ذبـاح لـلـجـزلـه ولـلـبـن حـمّــــاس *** وتـّواق لـلـطـولـه بـعـيـد الـعـلامـي
لا جيـت بيتـه ينجلي كـل هـوجـاس *** مدهـل منـاعيـر الـرجـال الحشامي
لـه مـجـلس مـا داج بـه كـل بـلاس *** ولا طبـه العـفـن الـرزيـل الخـمامي
ما هـوعشير لكـل هايـف وهـلاس *** ولا صاحب الهلبـاج هـاف الذمامي
يا ما ويا ما حـل مـن عقـد لـولاس *** حيثه من شخوص الرجال الفهامي
طير السعد مجناه من وكر قـرناس *** يعـجبـك بـالـهـدات فـرخ القـطـامي
من صغـر سنه للفخر سار عسّاس *** شبـحـه بعـيـد وبـالعـلا لـه مـرامـي
عن المراجل ما دخل جفـنه نعـاس *** هـام وصعـد روس الجبال الزوامي
واصبح عـميد وللرجاجيل مـرواس *** وحمل عـلى صدره رفيع الوسامي
ونـال الثقـة حيثـه للأخـطـار دوّاس *** مـا هـو بحـزات الـلـزوم انهـزامي
كلف على حـد الوطن ضمن حرّاس *** مـع زايـد اخلاصه شجاع ونظامي
منقـول مـن دارٍ بهـا بشـر وجـلاس *** واليـوم فـي نـجـران بـديـار يـامـي
الـلـه ياقـاه مـن الجوايح والأتعـاس *** نطـلـب لـه التوفيق في كـل عـامي
يتبع

تابع
وقال الشاعـر فهد الجارد يثني على جزأ بن مرجي العنزي : 745

شل الطعـام وشل جـميع المواعيـن *** مكثور خيـرك يا عـريـب الخـوالي
ياشوق من قرنه على المتن زافين *** وفـيـت بالـواجـب كـمـال وجمـالي
عملـت شي مـا اعملـوه السلاطيـن *** يـوم أنـنـي جـيـتـك مسيّـر لـحـالي
لو أن معي واحد ولو جبت تسعين *** أكـيـد تـسـوي حـقـهــم مـا تـبـالـي
هـذا جـرى مـنـكم وشفنـاه بالعـيـن *** مـا هـو بـقـول يـقـال شفـتـه قبالي
والـلـه لا راجـي ولا بـاغـي شـيـن *** لـكـن أذكـّر بـه الـيـا جـاء مـجـالـي
جزأ ولا غيره من النـاس الأدنيـن *** صغـيـر سـن وحـاز معـنـا الكمـالي
لـو أن عـمـره قـد تعـدى الثلاثـيـن *** بـنى قـصور المجـد فـوق العـوالي
اللـه يـوفـق فاعـل الـزيـن بالـزيـن *** ويـأمـر بـرزق لطـيـبـيـن الـفعـالي

* قال عبدالله بن دهيمش بن عبار هذه الأبيات مجاراه لقصيدة فهد الجارد
يثني على العميد جزاء بن مرجي الدهمشي : 746

مشكـور يا فهـد عسى فـالكم زيـن *** حيثـك مدحـت الليـث قـرم العيـالـي
تعـيش يا نسـل الرجـال العزيزيـن *** تشكر على مدحـك كـريـم السبـالـي
حيثـه كـريـم ومـن رجـال كريميـن *** طيبه ضهر معـروف مابـه جـدالـي
جزأ ابن مرجي من رجال مسميـن *** مـن عـقـب قاسم باللـوازم مـدالـي
جـزأ بـه العـفه مع الطيب والديـن *** عـز الـرفـيـق ومـدهـل لـلـرجـالــي
من سـاس ربـع بالمكـارم امعييـن *** لهـم الـفـخـر مـوروث أول وتـالــي
حازوا على الطوله قديـم وهلحيـن *** وافـعـالهـم تـذكـر جنـوب وشمالـي
لابـة مـحـددت الـجـمـل بالأكاويـن *** اهـل الـفـعـايـل مـتعــبـيـن الـدلالـي
قـلته وأنا من صلب قـوم عريبيـن *** وصلوا عـلى المختار بآخـر مقالـي

قال الشاعر سلمان بن تركي الخمسان الشمري يثني على جزأ بن مرجي : 747

سر يا قـلم سجل لنـا بيـوت اجـداد *** أبـيـات شعـرٍ مـن ضمـيـري لـفـنـه
امدح أناالطيّب على راس الاشهاد *** ولا الـردي جـعــل الـلـيـالـي حدنـه
أمدح جزأ حيثه على الطيب معتاد *** يا شوق من حطت على الكف حنـه
عسى حياتـه كلهـا أفـراح وأعيـاد *** وعـسـاه مـا يـفـقـد حـبـيـب يـحـنـه
جزأ الذي حاش المفاخر والأمجاد *** ساس الفخـر والطيب أصلـه ومنـه
يـوفـي الـيـامـنـه هـبـا كـل سرمـاد *** عسى صواديف الـدهـر مـا يـجـنـه
الدهمشي يردع خصيمه الـيـا زاد *** يـرمـيـه لـوحـوش الـخـلا يـا كلـنـه
والناس تدري بالسمايل والأجـداد *** مـا قـل دل وزبــدة الـهـرج مــنــــه
واقـبـل تحياتي عـدد رمـل الأنفـاد *** واعـداد خـلـق الـلـه أنـسـه وجـنــه
واعـداد ما هـلت من المزن رعّـاد *** وعـدد صلاة الخـلـق فـرضٍ وسنـه

* قال عبدالله بن دهيمش بن عبار هذه الأبيات مجاراة لقصيدة سلمان بن تركي الخمسان
الشمري يثني على جزاء بن مرجي الدهمشي العنزي ذلك الرجل الوقور الفاضل الذي
يتصف بالتقى والصلاح وحب الخير والكرم والمرؤة والشهامة وبعد النظر وحسن
الأخلاق والتواضع والحمية وحيث أن جزاء من الرجال الذين لهم مواقف مشرفه
فقد أثنيت عليه بهذه الأبيات وهو أهل للمدح والثناء والشكر والعرفان فأقول : 748

مشكـور يـا مـادح شغاميـم الأجـواد *** من حيث أبو مرجي على ما تظنـه
يا اللي لبـو مرجـي بالأشعـار حمـاد *** مشكـور بـيـنـت الـثـنـاء مـا تكـنـه
حيثـك مـدحـت الـوايلي قـرم الأولاد *** منطـوق قـولـك كـنـه الشهـد كـنـه
عسى الولي يحميك مـن كـل حسـاد *** يـا مـن كـلامـك يطـرب البـال فـنـه
مبطي جـزء محبوب مع كل الأفـراد *** نفسه عـن علـوم الردى مرجهنـه
الكبـر عـنـه ابعـد مـن ديـار الأكـراد *** بـقـبـال ضيـفـه يـبتـسم دوم سـنـه
من راس عزوة شيخهم نسل مجلاد *** مـن رازهـم بالـكـون زار المجـنـه
يوم الفخر يطلب عـلى هجـن واجياد *** قـطعـانـهـم قـفـر الخـلا يـوصلـنـه
أولاد عـلـي مـدلـهـت شـقـح الأذواد *** الطيـب مبـطي والكـرم هـم مغـنـه
ومـن يفعـل الزينه بـه المـدح ينشاد *** ولا الـردي كـل السـوالـف عـدنــه

*- قال الشاعر عوض بن شوباش الكويكبي الرويلي هذه القصيدة يسند
على زميله عبدالله بن دهيمش بن عبار العنزي : 749

يـا الـلـه يا محيي العـروق الهميده *** محـصي الخلايق والسنين بعـددها
عـّلام ما بالغـيب ويـوم الـوعـيـده *** رفـاع سـبـع فـوق بـلـيـا عـمـدهــا
ومن بعـد ذكـره نبـتـدي بالقصيـده *** رادار فـكـري بـالـمـواني رصـدهـا
مـن مـا حـواه البال وفكري يجيـده *** مثـل السحـابـة لا تقاصف رعـدهـا
لـلـوايـلي مـهـداه صـافي الحـديـده *** مـثـايـل تـشـبـه لـذايـب شهـدهــــا
عـبـدالـلـه الـعـبـار نـعـم الـولـيـــده *** الـيـا كبرت القالات حلـل اعـقـدهـا
وافـي الخصـايـل والفعـايـل فـريـده *** شوق الهنوف الـلي تكنـا بولـدهـا
كـل الـمـفـاخـر والعـلـوم الحـمـيـده *** كسبتهـا بالطـيـب وانـتـم سـعـدهـا
يـفـداك ولـد الـلاش مـوزع بـريـده *** بـالـكـذب والنمـات كـبـدي لـهـدهـا
يـوم الـمـواقـف والـمـهـار اللكـيـده *** افعـالـكـم بـالـكـون كـلـن حـمـدهـا
فـدعـان مـن ويـلان نـعـم الـبـديـده *** انـتـم هـل الـطـولات وانـتم سندهـا
مـاكـر حـرار فـي شـوامـخ مشيـده *** روس العـلا زبـن الـونيـه صعدهـا
يـوم الـوقـوت الممحـلـة والشديـده *** تـركي عسيـرات اللـيـالي فـهـدهـا
لمفـطحـات الحـيـل تـصـوت عبيـده *** كلـن يـدور الطيب وهـذي وحدهـا
يـوم النضى ينساق بعـود الجـريـده *** فـي صفحـة التاريخ نصه سردهـا
شـم الـذراء دوم بـحـمـاكـم رغـيـده *** تـرعـى بـذراكم كـل خابـط بيـدهـا
يـوم اللـقـا بالكـون يشهـد شهـيـده *** كم سربـه الفدعـان تـقـلع ضمدهـا
سقـم الحـريـب مطـوعيـن العـنيـده *** أنتـم عـمى العـدوان وانـتم رمدهـا
حـوض المنـايـا مـا يـهـابـه وريـده *** فـرسانـكـم بالكـون تـبـذل جهـدهـا
شرواك نظم القـاف عـمـه وسـيـده *** أنت الأديب اللي المفاخر حصدهـا
واخـتـامهـا عـسى حـيـاتـك سعيـده *** في جاه من سبع الأراضي مهدهـا

* قال عبدالله بن دهيمش بن عبار رداً على عوض بن شوباش الكويكبي : 750

سميت بسم اللي شمخ صرح حيـده *** شـاد الشـوامخ والفيـافي سهدهـا
الـواحـد الـلـي كـل طـاغـي يـبـيـــده *** ابقا التقي وأهـل المعاصي جلدها
رب الـمـلأ مـهـدي البشـر للعـقـيـده *** عقب الأصنام اللي العباد اتعبدهـا
الـلي جعـل عـمي البصـايـر رشيـده *** جالي صدى غـل القلوب وحسدها
بـالـلـه نعـوذ مـن الـنكـد والمـكـيـده *** ومن شر كيـد الحاسدين ونكـدهـا
عـسى انـتجّـود بـالحـبـال الجـويـده *** حبال المعـزه ما خسر من جبدهـا
وعـسى ايتحقـق كـل مطلـب نـريـده *** ومن عمـل سيه في ملفه وجدهـا
وخـلاف ذا شديـت حمـراء عـتـيـده *** من جيش ابن تيمور مسقط بلدها
حمراء ومن عوص النجايب خريده *** حايـل ولا عـمـر الحـويـّر لجـدهـا
لا درهـمـت بالـريع تـنهـب صعـيـده *** دلا ايتـقـطع مـن سطـرها زبـدهـا
تـطـوي مسـافـات الـديـار الـبـعـيـده *** ما اظن يلحقها الشبح لو طردهـا
تخوي كما اللي شاف بالجـو صيـده *** يـبغـي يـغـرز مخلبـه في جسدهـا
ركـابـهــا يـبـهــج ضـمـيـره فـديــده *** تـنـوز حـزت فـي اعـقابـه لكدهـا
من العاصمه لطريف وجهت مديـده *** وأن جيت ابـو فـواز حّول وقدهـا
نـّوخ ذلـولــك وأرم عـنـهـا لـبـيـــده *** واقـلـط وبـلـغـه الـتـحـيـه وزدهـا
عـطـه الـرسالـة والبـيـوت الجديـده *** أمثال من فكري ضميري قصدهـا
عـوض جـزيـلات الـقـوافـي يجـيـده *** حـيـثـه عـذيـات المعـاني نـقـدهـا
نـقـد الجواهـر مـن مصايغ رصيـده *** مثـل الجنيـه من السبايك خـردهـا
عـوض ابن شوباش ضـد لضديـده *** أمر من العلقم على الخصم وأدهـا
وأحلا من الشهد المصفى لعضيـده *** من روس لابـه مـا تشح بـرفـدهـا
ريـف الهـواشـل يـوم قـل النضيـده *** ويوم الحرايب خصمها ما ضهدها
عــدوهـم بـالـكـون مـالـه شـريــده *** واخصامهـم رب الخـلايـق قـردهـا
كـم شـيـخ لابـه فجـعـوه بـحـفـيــده *** وكـم بـنت فـارس ميتمينٍ وغـدهـا
كـواكـبـه يـوم السـنـيـن الـنـكــيــده *** مـا يربح الـلي بالمغـازي هجـدهـا
اهـل السيوف اللي تـقـص الفـنيـده *** تـفـرا الدروع ولـو تضافر زردهـا
هــذا فـخـرهـم بـالـعـلـوم الـوكـيـده *** وحتى العـدوان اتـقـر لـلي نشدهـا
والمـدحٍ دون أفـعـال مـابـه مفـيـده *** حيـث الـربـاده عـيبت مـن ربـدهـا
وصلوا على راعي الحكام السديده *** عـد الفـروض الـلي لربـه سجدهـا

*- قال الشاعر فهد بن سماح النومسي العنزي يسند على عبدالله بن
دهيمش بن عبار العنزي : 751

بـديــت بسـم الـلـه المعـبـود سبحـانـه
الـواحـد الـلي جـميع الخـلـق يـرجـونـه
الطرس تو استوى وارخي له عنـانـه
حـتى تزيـن القوافي ونشلـع الحـونـه
يـا ذا الـذي بالفكـر طـامي بطـوفـانـه
حتى اهتدى بالفكر وأصغى لمضمونه
الـعـاقـل تـمـيـّزه مـن منـطـق لسـانـه
ولا خيـر فـي كلمتن ماهي بمـوزونـه
تـرى الفـتى يعـتـلي من فعـل جـدانـه
ولا الردي تقـصر الأخبـار من دونـه
بعض العـرب في زمنـا مالهـم خـانـه
مـا يـثـمنـون الكـلام الـلي يـقـولـونـه
والـعـز والـمـرجـلـه يـكـود عـنـوانــه
لـو حـاول ابـن الـردي يـبـيح مكنونـه
ولا العـلـوم الثـمـيـنـه دوك بـرهـانـه
رجـل يشيـل النقيلي خابت اضنـونـه
البـيـت مبـني ومحكـومـات سيسـانـه
كــلام واقـع كـنـه احـراب مـسـنـونـه
بـيـد الـذي بالـمعـالـي معـتـلي شـانـه
حضرت جنابـه بوقـت العـز يطرونـه
أصـدق دلايـل بـني وايـل وشيـخـانـه
خـطـه أديـب لـعـزه يسـهـر اعـيـونـه
يسلـم جـنـابـه الـيـامـن هـل قـيـفـانـه
مـن فضل ربي اعداه تموت مغبونـه
عبدالـلـه مـا نجهـلـه لا ثـار بـركـانـه
نجـم الجـدي معـتـلي باسمـه يسمونـه
قـرم لـمـن يـقـصـده مفـتـوح ديـوانـه
وايـقـلـط الحـيـل لـرجـال يـضيـفـونـه
هـذا الـذي يـاخـذ مـن العـلـم وكـدانـه
سوالـفـه مـع جميع النـاس مصيونـه
نفسه عـلى المرجلـه والطيب شفقانه
دايـم اعــلـومـه هـل الـذمـه يـعـدونـه
رفـيـع راس امتعـلي صـرح مسكانـه
ونفس تبي تعـانـده خـرسا وملعـونـه
الـسـم يـسـقـيـه مـن كـفـه لـعـدوانــه
وكبـد العـدا مـن لقـاه تموت مطعونـه
أرخـى ذراعـه بـعـز الـعـلـم ثـم مـانـه
اليا ما اصبحت جميع الناس يقـرونـه
لـه الـثـنـاءْ عـد هملـول مـن أمـزانـه
واعداد ما غـرد البلبل على اغصونـه

*- قال عبدالله بن دهيمش بن عبار العنزي هذه القصيدة رداً على الشاعر
فهد بن سماح بن عوينان النومسي العنزي : 752

بديت في محصي المخلوق وأكـوانـه
خـلاق كـل الـمـلأ ومتصـرف بشونـه
مولاي باسمه نصوغ الشعر والحانه
قلتـه وفكـري تهيّض خافي اشجونـه
مـن جـم بـدع القـريحـه فـاض خـزانـه
عذب القرايض بجوف الصدر مخزونه
قـم يا نـديـبي عـلى الـلي كـن شكمانـه
ماعـون فضـه جـديـد ولا انقلب لـونـه
مـا هـو مـن الـلي صعـد بالجـو دخـانـه
الـلـه يـحـرسـه عـبـاده لا يـعـيـنـونــه
مـالـوم مـن ورده لـو يـغـلـي اثـمـانــه
مـركـب شكالـه هـل الأمـوال يشـرونـه
أقـر دعـاء الـسـفـر وثـم لـف سـكـانـه
اقـده وعـن الخطـر نـاضـر لـطبـلـونـه
ترى الشبح عادته يطوي السمهـدانـه
سافر من العاصمه يمشي على هونـه
الفجر مـد الشبح مـن غـرب سلطـانـه
وقت الضحى بالجواء وقف يقهـوونـه
مـلـفـاك قـرم بـذل لـلضـيـف خـرفـانـه
فـهـد يـعـز الـذي بـالـبـيـت يـلـفــونــه
ثـم أبـلـغ ابـوه ريـف الضيف واخـوانـه
أزكـى تحـيـه مـع الأشـواق مـقـرونــه
وأشكـر عمـر واشكـر اقـرابـه وخـلانـه
الـلي اكـرمـونـا بعيت الحيل واصحونـه
والشكر لـلي حضرنـا مـن هـاك العـانـه
الـلابـه الـلي حـيـاض الـمـوت يـردونـه
جـعـافـره خـصمهـم يـنحـون فـرسـانـه
تقـفي اعـداهـم مـن الخـذلان ممهـونـه
ياعـز منهـم بـوقـت الضيـق صـدقـانـه
ويا خيبت الـلي هـل الجـدعـا يعـادونـه
الـيـا زبـنـهـم جـلاوي زالـوا احـزانــه
وارقـابـهـم دوم دون الجـار مـرهـونـه
وسليل عـايـد شخـوص شعيـل عمـانـه
عـلـم الحسب والنسب مبـطي يخبـرونـه
قـلـتـه وهـرج الخـطـأ زوره وبهتـانـه
هـل الفضيلـه لـك الـلـه مـا يـجيـبونـه
الشجـرة المثمـرة تـشـابـك اغـصـانـه
والعـوشزة مـابهـا يـا مسنـدي مـونـه
والحـر يكـفـخ تـفـوج الـريـح جنحـانـه
واهـل المحـابـل تـمـنـوا لـو يصيـدونـه
والبوم ينغـط بوسط اسلـوع جيـلانـه
طول الزمن موقعه في راس صعنونه
من طاب فعـلـه سـراة القـوم عشرانـه
ومن خاب صادق اسفال الناس واعفونه
والنزل كـان اجتمع من شـت مقطـانـه
يـا فـهـد مـن فـرقـه ربـعـه يـذمـونـــه
والـلي كتـب يـفـتخـر فـي مجـد عـربـانـه
مـاهـمـه أهـل الحسـد مهمـا يلـومـونـه
الـفـاهـم الـمـطـّلـع مـا ايـفـرق اعـوانـه
يـبي الشمـل يجتمع والنـاس مـبخـونـه
والـلي يـكـن الحسـب مـا فـاد جحـدانـه
والصـدق ما يختـفي لـو كـان ينـفـونـه

قال الشاعر فهد بن سماح النومسي هذه الأبيات في حفل قصيبا يثني
على زميله عبدالله بن دهيمش العبار : 753

القصيم الـلي عـلى البال سريته *** طـب وديان من الوسم ممطوره
عند أبن راضي عزمته وقهويته *** في حضور أستاذنا كنه سطوره
القصيـد الـلي زهـمتـه ونـاديتـه *** لا وقفنـا لحضرته نحتمي دوره
والأديـب الهيلـعي يـوم لاقـيـتـه *** الأدب والعلم والشعـر بحضوره
توخـذ الأمثال من محتوى بيتـه *** العلم ما لمعـه صوت مع صوره
وأبو مشعل يوم بالشعر خصّيته *** مجد للتاريخ والنـاس مخبـوره
تفتخـر فـيـه عنـزه ذايـع صيتـه *** لـه بياض الوجه بجهود مشكوره
شاعـر الـويـلان بالاسم سميتـه *** شامخ مثل العـلـم مرتفع سـوره
وكان جت للطيّب والعـز هاقيته *** ياصله لو هو وراء غبت بحوره
أبـن عـبـار مـثـل الحـر حـليـتـه *** في حضور الحفله مشعشع نوره

قال عبدالله بن دهيمش بن عبار العنزي هذه القصيدة رداً على قصيدة
الشاعر فهد بن سماح النومسي : 754

جاني جوابك يا أبن نومس وحييته *** يا مرحبابـه عـدد مـا سار بالكـوره
حييـت بالقـاف يـا فـهـد وجاريـتـه *** أنـت الصديق الذي عبّرعن شعوره
جهرت بالصوت يالمنعور وأوحيته *** تمدح زميلك وتذكـر جهـده ودوره
من حسن ذاتك كلام الصدق عـديته *** بالمحفل اللي يضم رجال مشهوره
في بيـت شيخ من الشيخان عـزيته *** فهد أبو فيصل اللي طالت اشبـوره
اغليت أنا أبوه ريف الجار واغليته *** الحر الأشقر نجب من نادرصقوره
يستاهل النعـم فهـد كـل مـا أطريتـه *** شيخ قصيبا تسيـر بـرايـه وشـوره
فـهـد دعـاني عـلى المحفـل ولبيتـه *** أفـخـر بطـاري سليل دحيم وازوره
وأشكرك ياللي جزيل الشعر سويته *** عساك تسعد ودوم اعداك مدحوره
وأن كان حقك من التمجيد ما وفيته *** أعذر زميلك يعتذرلك عن قصوره

قال الشاعر فهد بن سماح النومسي هذه القصيدة وقد القاها في حفل
محمد أبن نفج الجعفري وتطّرق لكتابي مشكوراً يقول : 755

شـاعـراً جـابـه الـتـقـديـر مـالـه حـاجــــه
بس طبع الوفاء والطيب مـن منهاجـه
وأبـن نـومس يـوم غـنّى يحتـمي ميقـافـه
الـجـزيـلات يـحـبـكـهـا عـلـى مـزاجـه
لـو وصلـنـا الـنـجـوم الـعـالـيـه بـالشهـره
السماء ما وصلـه ألا محمد بمعـراجـه
يـا سـلام الـلـه عـلـيـكـم يالـصقـور الـنّـدر
يـا صقـور بالشداد ضـربـهـا فـجـاجـه
ويا سلام الله على الحفلة وطيـب اهـلـهـا
نـورهـا مـثـل بـروق بـالسماء لـعـاجـه
بيّض الله وجيهكم يـا أبـن نفـج يا محمـد
الـكـرم والـعـز مبطي مشيدين أبـراجـه
أنتم اللي لاكبرت القاله وصارت عسيره
السفن تعبـر ولـو هـاج البحـر بهـياجـه
أنتم زحول الرجال أهـل الكـرم والنخـوه
المعزب في وجه ضيفه مايعقد حجاجه
أنـتـم الـلـي المنـذريـة آمـنـت بـحـمـاكـم
في سيوف دون حق المضطهـد منعاجه
اصـدق الـدلائـل تـنبي عـن أفعـال القـاده
بالأدب مـا خـانـه التعبير وكيف أخراجـه
الأديـب الشاعـر المـبـدع رفـيـع الهـامـه
يـأخـذ الجـزلـة ويـتـرك كـلـمـة السمـاجـه
وكل قوم ولا عنـزة يـوم السنين عجافي
وربعي اللي أن كبرت القاله تراها تواجه
أفـتخـر بيـن العـرب فـي لابـتي وأمـاري
والـلـه أني ما غدالي حـق ولالـي حـاجـه
والـزبــاد اخـتـامـهـا يـالـعـالـم الـنـشّاده
صافـيـه مثـل العسل فـي داخـل الـزجاجـه

قال عبدالله بن عبار هذه القصيدة رد على الشاعر فهد بن سماح النومسي : 756

قـال مـن يـبـدأ القـوافي بسـم رب العـزوة
الـولي عـنـد الشدايـد يا أبـن آدم نـاجـه
راحـم العـبـد الضعيف اللي تعـاظم ذنـبـه
جـل شأنـه كـل خلقـه يرتجون أفـراجـه
ومن بعد ذكر الكريم الـلي يـروف بخلقه
هاض قافي نظم شاعر في كلامه هاجه
هاضني شعر أبن نـومس بحتفال محمـد
يفخر بصدق الدلايل والـلي خطه زاجـه
ومثـلـه شخوص الرجال كتابنـا شادوبـه
منهم محمد سليل العـود وأبن عـراجـه
شاد به نسل المهوهي حيث سجّل شكره
والغرايس كـل بـاذر من جنـاه انـتـاجـه
حيث بعض القول حامي يعتبر وأيصـدّق
مار بعـض الهـرج بـارد كـنـه بـثـلاجـه
لـو تـشـدّق كـل جـاهـل صـدق الـخـرافـه
يـنفخ اشدوقـه وكـنـه بـرطـم اللـمـّاجـه
الكلام الـلي يقولـه بعـض مـن ينقصهـم
سابـق أمجـاد القبـيلـه حيث تـم أدراجـه
الحديـث الـلي ذكـرته نعـم الحي عـنـزة
في صحيح أبـن كثيـر وأيضاً أبن مـاجـه
أفـتخـر بعـيـال وايـل عـزوتـي واسنـادي
مـا أبـالـي بـالـذي لـعـداه يـدفـع بـاجــه
لابتي هم تاج راسي لـو بعضهم مخـطي
ومن يضم الحسد قلبـه مستحيل علاجه
كيف يحسد من بـذل لـربـعـه كـل جـهـده
كـل شعـره بالـقبـيلـة مـا هـو بـغـنـاجـه
قـال عشرات الملاحـم في مـديـح الـلابـه
يوم بعض الناس رجلـه للطمع دواجـه
مـن سلـك درب المتاعـب تـدفـعـه حميّـه
ومن نوى قطع الطريق يعتجل بأدلاجـه

قال الشاعر الأستاذ عبدالله بن منسي الحارثي هذه الأبيات يسند على
عبدالله بن دهيمش بن عبار العنزي فيقول : 757

سـلام يـوصـل لأبـن عـبـار فالحـال *** زاهـي بـريـح الـورد والـيـاسميني
يالشاعرالمعروف بشكي لك الحـال *** واحكي لك القصة وما صار فيـني
محدٍ دري بالحال واللي برى الحال *** ذقت المتـاعـب والعـنـا في سنيني
بكـت عيـوني ودمعها صـار هـمّـال *** بأسباب وقـتي صاير اليـوم شيني
طافت بي الدنيا عـلى كـل الأحـوال *** وعرفت صحبه يوم صحبة سنيني
غيمة الم عيّت عـن القـلـب تـنجـال *** وأرجي مـن المولى يخفف ونيـني
بـيـن الآلام ولـوعـة الحـزن رحّـال *** يـوم سعيـد وبـاقي وقـتي حـزيـني
مـا ينـفع المهموم منصب ولا مـال *** هـمـه يكـون بخيـر فـي كـل حيـني
وترى شعاع الشمس نازل ورحـال *** ولا احـدٍ يـميّـز غـير عاقـل فطيني
وعزاي يا أبن عبار خل على البـال *** الـيـا ذكـرتـه زوّد الـشـوق فيـنـي
احـبـهـا بـالـحـيـل والـحـب قــتــّـال *** وبأسبابهـا نـوم العـرب مـا يجيني
احـبـهـا مـاهـي سـوالـيـف جـهّــال *** حـبٍ عـظـيم وفـي فـوادي دفـيـني
وفي حبها ما اطيع شامـت وعـذال *** ومهما حصل مالي سواهـا ضنيني
ويالـلـه يالمعـبـود يـا عـالـم الحـال *** القى الفرج بالـلي بقي مـن سنيني
وآخـر كـلامـي عـد مـا سـال شـلال *** صلـوا عـلى هـادي العبـاد الأميني

* قال عبدالله بن دهيمش بن عبار العنزي هذه الأبيات رداً على الشاعر
الأستاذ عبدالله بن منسي الحارثي : 758

جاني جـواب الحـارثي طيّـب الفـال *** عبدالـلـه المنعـور مـا هـو دويـني
جـواب ابـن مـنسي نـبـديـه بالحـال *** نـرد لـه عــن قـول صـد ونسيـني
والـلـه ما عندي تكاسل ولا اهمـال *** لا شـك مـيـات الـرسـايـل تـجـيـني
رديت لك رغم المشاغل والأعمـال *** مـن واقـع الشكـوى تـبـيـّح كـنيني
حاولت أدور لي بالأوضاع مدخـال *** يوم اشتكا من الوجد ذرب اليميني
ما الـوم من يشكي عـذيات الأقـذال *** لا شك ندعو له عسى الـلـه يعيني
مارالهوى يالقرم مثل اشهب اللال *** عـلـه خـفي مـا يـنمسـك بالـيـديني
مجـنـون لـيلى لايعـه مـس وهـبـال *** سبايـب المجمول موضي الجبيني
وابن الخفاجي سار مع لابـة هـلال *** في تونس الخضرا يزعـه هجيـني
وتـوبـه ابـن حـميـر تعـلـواه سـلال *** مثـل الخلوج الـلي جـداها الحنيني
وجميل قبلـك صابـه الوجـد بـعـلال *** حطن عـليه البيض وسم المـزيني
أن كان تبي الشور يا ذرب الأفعال *** خـلـك صبـور وخـل عـنـدك يـقيني
حيث أنت من لابه صناديد وابطـال *** يـوم المغيـر ويـوم عـصر الكميني
لا بـة بـني حـارث شغاميم ورجـال *** حـمـايـلٍ فـيـهـم شـهـامـه وديـنــي
اطلب بشرع الـلـه ولا لك بالأقـوال *** عـسى الشـدايـد يالسنـافي تـزيـني
يتبع