 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
07-06-2022, 11:08 AM
|
#41 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال الشاعر بدر بن شريدة الغضوري هذه القصيدة يسند على عبدالله بن دهيمش بن عبار : 477 بديـت بسـم الـلي لـوجـهـه نصـلـي *** محي جميع الناس بالماقف الكلف ومن بعـد ذكـر الله يـا راكـب الـلـي *** يـزوم صدامه عـلى نقـرت السلف يلـفي لمـن لا شـاف ضيـفـه يـهـلي *** من عـزوة يوم اللقا تروي الشلف لا جيت أبن عـبـار قـلـه وصـل لـي *** تحريركـم مـا بـه تحايـل ولا بـلـف نـقـرأ جـمـيع أخـبـاركـم بالسـجـلي *** ونشري الجريدة لويحدونها بألـف حاولت أجـي لزيارتك ما حصل لي *** واللي يترك واجبه عين صاد ألـف يالـقـرم ويـن الـلي لقـلـبـي يسـلـي *** قلبي طنا من الهم والوجد والولف خـلي بـعـيـد ومـسـكــنـه ديـرة لـي *** من دونه الصمان وسدير والزلـف قـلته وأنا يا خـال مـن عـزوت لـي *** سلايـل سليمـان مـا طـبـهـم حـلـف وصلوا على اللي بكلمته مـا يزلـي *** أعداد زخات المطر والهـوا صلـف * قال عبدالله بن دهيمش بن عبار هذه القصيدة رداً على بدر بن شريدة : 478 بـديـت بالـلي فـوق خـلـقـه مـعـلـي *** رب خلق من سار بالخف والظلف ومـن بعـد ذكـر الله جبـت السجـلي *** وسجلت به منظوم ما قالها الهلف جـواب قـاف مـن بـدر مـرسـل لـي *** يشكي علينا لوعت الوجد والولف أبن شـريـدة هايـم مـن هـوى الـلي *** يفتن بهـا الهايم إلى قضت الزلـف قـبـلـك عـقـاب بقـلبـه الحـب حـلـي *** ومن قبلهم عامر وتوبه وأبودلـف كلن شكي وقـال آه مـن وجـد خـلي *** ومن هام قـلبه بالهوى يتلفه تلـف طـرد الهـوى كـنـه سـراب وضلـي *** يا مسعد اللي قلوبهم غافله غـلـف وأن كـان خـلـك صـد خـلـه يــولـي *** وكانه صفالك لا يجي بينكم خـلـف أصـبـر ولا بـد الـمـشـاكـل اتـحـلـي *** وأبعـدعن الهلباج والنذل والجلف وأن كـان لـك مطلـوب يالقـرم قـلي *** حلفت لك ما أكن وأجهدت بالحلف * وقال بدر بن شريدة الغضوري هذه القصيدة يسند على عبدالله بن عبار : 479 سر يا قـلم في ناصعات القـراطيس *** سر يا قـلم وأكتب جـديـد المعانـي من خاطـرٍ كثرت عـليه الهواجيس *** دايـم يـزوره هـاجـسـه بـالـثـوانـي نسند على اللي نال علم النوامـيس *** عـبدالله الـلي مـا مـشى بالطمانـي أبو مشعل وقت اللزم يرخي الكيس *** أنا أشهد أنه ريـف من جاه عانـي عسى يفداه اللاش والنذل والهيس *** حـيثـه كـريـم وللـردى مـا أيـدانـي خطـو الولد لو كرمته بالسنه تيـس *** يجيـه مع كثـر الهـروج اهـذيـاني ولا أنت شروى مبعدين المراميس *** ذبـاحـة للـضـيـف حـيـل اسـمـانـي ولا تـقـول أنـا رجـعــنـا مـفـالـيـس *** عذرك عن الـلي جيتكم لـه كفـانـي ما اطيع بك يالقرم هرج المناحيس *** أهـل النمـايـم قـاصريـن الـيـمانـي اللي مشوا بين العرب كالجواسيس *** وعن المصاعب يتبعون الهوانـي من حسدهم للناس صـاروا بلاليس *** والحسـد يهـدم شامخـات المبانـي والخـاتـمه نعـوذ بالـلـه مـن إبلـيس *** وصلوا على اللي للفضيله هداني * قال عبدالله بن دهيمش بن عبار هذه القصيدة رداً على بدر بن شريدة الغضوري : 480 جتني رسالة فـي سجـل الكراريس *** مـن طاهـر المهجة عفيف اللساني الغضوري مـن لابـة تتعـب العـيس *** صـيـد الرجـال معـربيـن المجـانـي عـذروبهـم بالكون جـدع الملابيس *** وتقليط عيت الحيل فـوق الصياني جـاني جـواب مقيّس القيـل تقـييس *** الـنـافـل الـلي مـا بعـرقـه اهـدانـي بـدر شكـالي مـن زمانـه حواسيس *** وحاولت أحصل مطلبه يـوم جـاني يشكي ومن شكواه جاني تعـامـيس *** لا شـك عـيـا لا يـسـاعـف زمـانـي وضحت له عذري ولا قـلت تدليس *** حـيثـه عـنـالي مـن بعـيـد المكاني أنقـل حمـولي بالكـواهـل كـوابيـس *** حملي ثقيل وكل ما انهض رمانـي يـحـلـهـا جـالـي ظـلام الـحـنـاديـس *** رب الـمـلأ عـلام سـبـع الـمـثـانـي يابن شريدة صار وضعي حماليس *** ومن لاقدرت اقضي لزومه شناني مـن بان علمه غربلوه العـواسيس *** والصيـت مـا بيـن الخلايـق بلانـي العـيلم الهـداج ينضب إلـى عـيـس *** لـو كـان جـمـه مـنـبعـه ريهجـانـي التجرة اللي ما تجيب أجرة أدريس *** خـلهـا تـولي مـا بهـا صلح شانـي صـارت عـليه كنهـا لقطت اغـليس *** أسـمـه كبـيـر ولا تـفـيـد الـعـوانـي لو كنت تاجـر كان أصيّف اباريـس *** مـن فـوق بـنـز وبـالعـلـيـا مكـانـي ماني تحت ضلع شنيع التضاريـس *** بالموقـع الـلي مسكنـه مـا هنـانـي *- قال فهد بن سالم المري يسند على عبدالله بن دهيمش بن عبار : 481 أبـتـدي باسـم الـولي بـاول مقـالي *** عـالـم الأسـرار كـلـن يشتـكي لـه ربـي المعـبـود يا سـامـع سـوالـي *** جعـل أبـن عـبـار مكتـوبي يجيلـه ويا عسى يرسل جوابه بالعجـالي *** هـذا أنـا محـتـار ولا بـالـيـد حيلـه الهـوى يـا مسنـدي عـّزر بـحالـي *** يالسنافي قـل لـنـا كيـف الـوسيلـه مـن تـبـاريـح الـمـحـبـة عـزتـالـي *** كـن فـي وسط الحشى شبت فتيله والعيـون سهومهـن تعلـن قـتالـي *** مـن تصيبـه يالـمعـنى عـزتـي لـه مـن سبـبـهـن ساهـر عـدة ليـالـي *** كـل نجـم بالسـمـاء عـيني تخـيلـه أنبـرى جسـمي بسبب ما جـرالـي *** بـريـت الـنـجـار لغـصـون جـليـلـه لا ذكرت صويحبي واللي مضالي *** هـل دمـعـي مـثـل هـمـال المخـيلـه لا فـرحت وقـلـت ذاك الهـم زالـي *** أرتحـل ذاك الـفـرح وأقـبـل بـديلـه أقـبـلـت أحـزان واهـمـوم ثـقـالـي *** عـزي لـقـلـب مـثـل هـمي يشيـلـه ما يلام الـلي بـدا بروس العـوالي *** لا نقض صبره على سنين طويلـه تمت وصلوا على من هـو طرالـي *** النبـي المصطفى راعـي الفضيلـه * قال عبدالله بن دهيمش بن عبار رداً على فهد بن سالم المري : 482 أبتدي باسم الولي مرسي الجبالي *** سـايـق الأمـزان للـقـاع الـمحيـلـه وبـعـد ذكـر الـرب عـزيـز الجلالي *** قـال أبـن عـبـار من منظـوم قيلـه جـاني المكتـوب مـن قـرم شكـالي *** يشتكي المـري من مفارق خليلـه الـهـوى يالـقـرم مـثـل الهـمـلالـي *** من طواه الوجد ما يكسب حصيله الخفـاجي سـار مع جـمع الهلالـي *** من سببهن عاف قصره والقبيلـه والملوح يـوم ساح فـي دو خـالي *** مـن سبـب ليلاه حـالـه ينـرثي لـه أنصحـك يا فـهـد يا قـرم العـيـالي *** لا يغـرك بالهـوى شكـل الجـمـيلـه أطـلع البلجيـك وأقـنص للغـزالـي *** وأدرقـه يـالـقـرم دامـه فـي مقيلـه لا يجول الصيد من راس المفالي *** أنـتبـه لـه لا يـزوع مـن الخـمـيلـه أحتـرص حذراك يأتـيـه الجفـالي *** وأن جـزا مـا ظنـتي يـرد الـثـمـيلـه أن حصل لـك شف بالك بالحلالي *** فـي مـلاك الشرع تـاخـذها حليـلـه يا فـهـد يا مسنـدي مقصـود بالي *** خـذ لأبـوها رجال من أهل النفيلـه مـن مقـادم يـام حـاميـن الـتـوالي *** لابـة بـالـكـون يـحـمـون الـدبـيـلـه *- قال حمد بن يحى بن عواد الغري الخمعلي هذه القصيدة يسند على عبدالله بن دهيمش بن عبار : 484 هات القلم وأكتب جوابي بتمجـيـد *** وكـز الرسالـه للفهيـم أبـن عـبـار نبعث بها لنسل الربـوع المواريـد *** الـلي عـلى كـل المـواجيـب صبّـار وإلى كمل كتب الرسايل لها بريـد *** جمس جديد وسايق الجمس جبار مشيـه يمهـد طايـل البعـد تمهـيـد *** ويلفي لأبو مشعل على شبت النار بعدالعصر اللي على كيف ما تريد *** الـلي بهـا جـار يسيّر عـلى الجـار وحيا بضيفه قبل عـرف وتناشيـد *** تـحـيـة يـطـرب لـهـا بـال مـحـتـار والبـن جـاهـز دلـتـه هـيـلهـا زيـد *** والقهوجي فيها على المجتمع دار وإلـى تريّض حالاً الكبش لـه قيـد *** خلا الحمر من مقطع الراس نثـار وعقب العشا زانت علوم الأجاويد *** عطـه الجواب وبلغـه كل الأخبـار قـلـه حمـد جـرى بوقـتـه سراميـد *** أن كان لـي عنـده وسيلـة وتدبـار نبي يا أبو مشعـل تحـط المواعيـد *** لعـل تصادف ساعة الخير مشوار الـحـر مـثـلـك بـه حـميـه وتجهيـد *** عادتك ياطيرالسعد تصخر صخار البوم لوينخى على الصيد مايصيد *** وطير الرخم يالقرم ما فاد صقـار ولا أنت من مجذب حرار لها تريد *** أفعـالهـم يشهـد لهـا كـل الأقـطـار واليـوم حبـلي بـه مثـاني وتعـقيـد *** مس الحبل يامسندي يبغي حضار لا ثقلت الحملة جملهـا كمـا الحيـد *** يبرك لها اللي عادته شيل الأوقار يـا كـثـر شيـال الـثـقـل بالأجـاويـد *** وأدنا الحمايل تحتمل كل الأعسار تـم الجـواب الـلي نظمتـه بتـوريـد *** كمل وصلى الله عـلى خير الأبرار * قال عبدالله بن دهيمش بن عبار رداً على حمد بن يحي بن عواد الغـري : 485 حـي الجواب من القروم الأماجيـد *** اعـداد رمـل سايقه ريح الأعصار واعـداد ما هلـت مزون الرواعيـد *** مـن نـاشي القبلـة هماليـل مـدرار باللي كلامـه ما انقـدوه القواصيـد *** الوايلي نظمه مثـل قطـف الأزهـار حمـد بن يـحيـى سـلايـل صنـاديـد *** المكرم اللي يكرم الضيف والجـار جاني جوابـك فيـه يالقـرم تـمجيـد *** مدحتني وأشكرك يا نسل الأخيـار وصـول مكتوبك مثـل ليلـة العـيـد *** فرحـت بـه فرح الخلايق بالأمطار شكيت لي شكـوى وثـاقـة وتأكيـد *** لا شك ما وضحت مكتوم الأسرار حقـك عـلي أبـذل جميع المجاهيـد *** ما اذخر وسيلة كان لي فيه معبار كان اشتكيت من الغنادير والغـيـد *** الحب يطني صاحبه مثل الأسحـار نجل العيون اللي سوات العباريـد *** الكـل منهـن يشتـكي عـبـر الأدوار المغـريـات الفـاتـنـات الجـواحـيـد *** طرادهن مخطر مـن العـار والنـار كانـه يجـي بالجـاه نـأتي مجاريـد *** نمشي على مطلوبكم سر وأجهـار أنا علي أنخى حمايـل ضنـا عبيـد *** وأعـم بـالـنـخـوة صنـاديـد عـمـّار وكان الهدف يالقرم ماهو تواجيد *** بيّن لنا المقصود يا صلب الأشوار كان أدرك المطلوب يالقرم ماحيد *** ولا خير باللي نجدته بس الأعـذار من طاب بحبال الولي له مجاويـد *** ولا ردي الشـان لـو تـنـجـبـه بـار حيـث الحمـايـل باللـوازم مسانيـد *** والقصر لـولا الساس لا بـد ينهـار دن الـزمـول ولا تـدني المـفـاريـد *** حشو الزلق رغاي والحيص هدار *- قال الشاعر سعد بن فلاح أبا اللميخ الوهبي هذه الأبيات تحتوي على لغـز يسند على عبدالله بن دهيمش بن عبار : 486 أبي أكتب المكتوب وأملـوا عـليـه *** خـط كـتـبتـه لأبـن عـبـار منـصـاه حيثـه فـطين ولا تخـفـاه القضيـه *** ويفهـم معـاني كلمتي حيـن يقـراه وأبي أسأله عـن خفـرة غشمريـه *** تطـلـب ولا تطلـب وللنـاس مـاذاه ويا أبـو فهـد قـم صب لي شاذليـه *** قـهـو زمـيـلـك مـن دلال مـعــــذاه ربـيـع قـلبـي يـوم صـكـوا عـلـيـه *** قدمت لهم من غالي الزاد ما قواه مجلاس معهـم كل صبح وعشيـه *** يسـوى حـلال الـلاش حفـاظ دنيـاه * قال عبدالله بن دهيمش بن عبار هذه الأبيات رداً على سعد بن فلاح أبا اللميخ الوهبي : 487 يـا أبـو فـلاح أهـديـك مـني تحـيـه *** رد البيوت اللي لفـت منـك مهـداه حييت يا راعـي الصخى والحميـه *** يا مرحبا ومضمون قافـك فهمنـاه اللـغــز حـلـه جـاك لا جـتـك سـيـه *** مفهـوم قصـده يالسنافي ومعـنـاه الخـفـرة الـلـي تـذكـره غـشمـريـه *** تـطلـب ولا تطلـب وللنـاس مـاذاه هـذيـك الـدنـيـا يـا زبـون الـونـيـه *** عسى صديقـك بالقـدم مـا تـوطـاه أن اقـبلت لـك عشت عيشـه هنيـه *** وأن أدبرت ما فـاد قـولت وعـزاه كـم واحـدٍ تـرميـه وسـط الـهـبـيـه *** يا عونـة الله تسلب المال والجـاه *- هذه الأبيات لغز من نظم الشاعـر / ضاهـر الحربش الصقري رحمه الله : 488 أرسـل لأبـن عـبـار والعـلـم مرفـوق *** نجـر الحجـر مـا فيـه حـرف ملاوي أرسلـت لـه شـي كتـبـتـه بـصنـدوق *** يـصلح لمثـلـه مـن خـيـار الهـداوي وش الـذي شمال والشمس بشروق *** ورجـل مـوحـد بالجـنـوب وخـلاوي والشجرةٍ اللي شفتها مالها عروق *** محـميـةٍ مـن دونـهـا الـذيـب عـاوي وش الذي بعيد وأقـرب مـن المـوق *** مـن يمسكـه يـا مسنـدي مـا يـلاوي * قال عبدالله بن دهيمش بن عبار رداً على لغز ضاهر الحربش :489 حي الجـواب اللي بـه العـلم مرفوق *** مـن ضاهرالحربش عريب العزاوي يا ضاهر الحربش كفاك الله العــوق *** حـمـاك ربـك مـن جــمـيـع البـلاوي فـكـري عـلى رد النـقا حـده الشـوق *** وأرسلت لـك يا القـرم حل الخبـاوي نجم الجدي وسهيل بالقطب مسيوق *** وأن غـابـن القطبين تـاه القـطـاوي والشجرة اللي قلت هي خير منطوق *** حيـث أصلها ثابـت وفرعه سماوي واللي بعيد وقـربه أقـرب من الموق *** المـوت الـلي لكـل المخاليـق قـاوي وأنشدك عـن ثـلاث مسكانهن فـوق *** كـلـن يـقـول أنـه عـليـهـن شـفـاوي لهـن خـوات أثـنيـن تلـقاه بـالسـوق *** والـيــوم واحـد بـالــمحـلات ثـــاوي لهـن مـع العـالم قـوانيـن وأحـقـوق *** ولا يستـهيـن بحـقـهـن كـود غـاوي يـمـر طـاريـهـن عـلـى كـل مخلـوق *** مع لـفـظ كلـمة ويـل لأهـل المساوي وأنشدك عن خفره تقل لون غرنوق *** وأن لجلجـت يكره لقـاهـا الهـواوي يـضهـر بسـاقتهـا تـقـل لايـح بروق *** وإلـى بـدت ساروا طـوال الخطـاوي ما جاملت مـع كل عاشق ومعشوق *** لـهـا بـجـراهـيـد الـديـاجــر حـراوي *- وهذا اللغز نشر في تراث الجزيرة بصحيفة الجزيرة للشاعر خلف بن عويض الشراري ويليه عدة الغاز : 490 ويش رجل مقيد بأمر رجـل قـديـم *** يرتعـش كـل ما ناداه وقـت اللـزوم خـادم لـلـرجـال وخــادم لـلحــريـم *** يوصـل العـلم لكـن ما يـرد العـلـوم * وقال عبدالله بن دهيمش بن عبار في حل اللغـز : يا خلـف يالشراري ياللبيب الفهيـم *** لغـزك الـلي ذكـرتـه خدمته للعمـوم مقصد اللغز بيجـر كان حلي سليـم *** والمراميع رميه مثـل رمي السهوم تقل تغريد بلبل مع هبـوب النسيم *** كان بالفجر غرد فوق غصن الكروم - لغز كتبه عبدالله بن دهيمش بن عبار ونشره في صفحة البادية بجريدة اليوم ورد عليه عدد من الشعراء : أنشدك عـن بنت تغامز بلا أرمـاش *** ملـزوم ينظـر صـوبهـا كـل مـاشي ما دوجت بيـن الروابي والأحراش *** ولا طبقـت فـوق الجبين المغـاشي ملطا ولا تلبس على جسمها قماش *** ولا هـي تلحف شرشفه بالفراشي ولا ظنتي مـن نعمـة الـزاد تعتـاش *** ولا تقبـل الجاهـه ولا هـي تخاشي وأن كان جاهاهجوم ماظن تنحاش *** ولا تنهزم لو صال جيش النجاشي تصنع جميل وتخدم النـاس ببـلاش *** ولا ظنـتي تـقـبـل بـراطيـل راشـي ولا ميّـزت مـا بيـن باشـة وفـّراش *** ولا أشكل عليها لـو حكا كل واشي لكـن أن جـاهـا تـالي اللـيـل هتـّاش *** تـغـضي بنـاضـرهـا بـلـيـا نـقـاشي * وقد حل اللغز الشاعر مسلم بن همام المري فقال هذه الأبيات : لغـزك يا أبن عبار بنت بلا أرماش *** وعـيـونهـا تـشـدا لـضـؤ الـفلاشي تاقف على الشارع بلا نعل وفراش *** ما تستحي توقف عـلى قـار كاشي بالمدن ما تطلع تمشى على الكاش *** محلـهـا فـي ملتـقـا الطـرق نـاشي ولها ثـلاث عيـون عشيقـة الـلاش *** والـزيـن فـيهـا بالقسم مـا تخاشـي الطرف الأسفل لا شبح هج منحاش *** ولا ترى يزعجك صوت المواشي والطرف الأوسط لا نظرفيك فبلاش *** مـن مـا نويت وبنصحك لا تعاشي وأن حومرت بالعين طعها ولوماش *** طع شور بنت ما تخبي على شـي حـليـت هـذا اللغـز مـانيـب منـداش *** لغـزك أشـاره مـيـر حـلـه بـلاشـي * وقال الشاعر تركي بن نجر الحربي في حل اللغـز : لغـز قـريتـه يـطـرب الـبـال بنعـاش *** الـلـه در الـلـي بـدع لـه وعـاشــي من بـدع أبـن عبـار للطيب حـواش *** مـن لابـة ضـد الـعـدا بالـمهـاشـي يا ناشـد الشعـار قصدك بلا أبـلاش *** عـن هـيـلـة مـا لـبـست بالقمـاشي جاك الجواب اللي بنيته من الجاش *** ومن زل يعـذر والخطأ لـه نقاشي أن سلت عن بنت تغامز بلا ارماش *** ملـزوم ينظـر صوبهـا كـل ماشـي هذيك أشارة تنظـم السيـر لا طـاش *** وأن كان ما صبتـه فهو ما يناشي * وقال الشاعر علي بن قيقان الدعيجي في حل اللغـز : سـر يا قلم وأكتب جوابي على آش *** خـط قـريتـه هيـّض الـيـوم جـاشي لغـز المعنى والمعنى عـلى الطـاش *** مثـل المحيـط ولا لعـمـقـه مقـاشي قـولك وكاد ولا أنت باللغـز غشاش *** ولا كـل رامـي بـالـبـواريـد نـاشي تقـول وش بنت تغامـز بلا أرمـاش *** ملـزوم ينظـر صـوبهـا كـل ماشـي تحليل لغـزك كان ما فكـري أنـداش *** إشــارة الـمـرور مـالــه مـعـاشـي أن ولعت خضرى لها الفكر شواش *** وأن ولعت صفرا عليهـا العكاشي حليتها وأن صح قـولي بـلا أنـواش *** لا شـك كان اخطيت نشريه كاشي * وقال الشاعـر علي بن قعود الذريب في حل اللغـز : لغزك يا أبن عبـار خـذ حلهـا كـاش *** يـا شـوق غـروا زاهـي بالنقـاشي البنت بنـت ولا لهـا ثـوب وافـراش *** توقـف لها لو كنت مسرع وماشي بـنـت لـهـا عيـنيـن والثـالثـة فـاش *** جسمه حـديـد ويابسه فـي نشاشي مقـرهـا بيـن المـفـارق والأطـراش *** يمـضي زمنهـا للخـلايــق تـلاشـي تصبر ولو جاهـا من الناس هتاش *** وتصبـر على الخدمـة بليـا معاشي وكـم واحـدٍ يحطها وسط الأنعـاش *** ومن طافها يخصم عليـه المعاشـي * وقال الشاعـر مشعل بن قيقان الدعيجي في حـل اللغـز : قـريـت لغـز الـلي للأمجـاد حـواش *** القـرم أبو مشعـل شريف المماشي صيتـه مشـرف ينقـلـه كـل طـراش *** أقـولـهـا بـالـحـق مـانـي مـخـاشي البنت اللي ما دوجت بيـن الأدباش *** ولا دوهت مـا بيـن بكـره وحـاشي نظراتهـا عـوق لمـن كـان غشـاش *** ويـريـد يعـمـل بالمسيـر أرتباشـي عـيـالـهـا تـتـلـيـه لا أراد يـنحــاش *** يـلـمع قـراهـم مثـل لـمـع الفـلاشي واللي يحـل اللغـز يا القرم مانـاش *** هـي الإشـارة مـا عـلـيهـا اغباشـي * وقـال عبدالعزيز بن غزاي الحربي في حـل اللغـز : نـحـل اللغـز الـلي بنيـتـه عـلى آش *** حلـه صعيب وبين الأبيـات خاشـي لـغـزك إشـارة دوم تشـر بالأفـلاش *** يطيعهـا من هو على القـار ماشي تقلب ألـوان ودايـم ترمش أرمـاش *** ولا أحـد يقـرب حولهـا بالنـواشي يتبع |
|
|
|
07-06-2022, 11:58 AM
|
#42 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال سودان بن محمد الركابي يسند على عبدالله بن دهيمش بن عبار : 491 البـارحـة عـيـني عـن النـوم عـيـه *** يمضي طويل الليل سهران ما نـام عـلـى ولـيـف دوم يـطـري عـلـيــه *** يمـر بـي تـذكـار رسمـه بالأحـلام عـيني عقـب فرقـا عشيـري شقيـه *** جداي اعـد البيض مع سود الأيام واليـوم ما أدري ويـن وجـه نحيـه *** أرجوه عـام وفـات عـامٍ بثـر عـام راحـت حياتـي بيـن روحـه وجـيـه *** ومن شانهم يالقـرم حفين الأقـدام عـلمي بهـم بحلول عـيـد الضحيـه *** واليوم عني كنهم من وراء الشام وأهـديـت منظـوم المعـانـي هـديـه *** أشـكي لعبـدالـلـه من الهـم منظـام عـبـدالـلـه الـعـبـار زبـن الـونـيـــه *** يفزع لي المنعور كان السعـد قـام مـع الـبـدو يـا مسنـدي لـي هـويـه *** الجـادل الـلـي مـثـل قــواد الأروام تـرى وطـنهـا مـن السهـل للحنيـه *** مـتـجـول ولا حـط بـالـقـاع مـرزام وأيمن وطنها حـول ذيـك الحـويـه *** وأيسر منازلها من الضلع مجهـام وأقـصى وطنهـا يـم راعـي ظـميـه *** وأدنـا منـازلهـا مـن غـنيـم لـردام تـرحـل وتنـزل مع غـنمهـا بدويـه *** ما شافت التلفاز ولا تعرف الأفلام بيتـه شعـر مـا حـط فـوق المطـيـه *** ترحل على جمس لـه اثنين قسـام أخـبـرتـكم وجـروح قـلبـي خـفـيـه *** وهموم قـلبي كل واحـد قضب زام أقـر الـحـروف ورجـع الـخـط لـيـه *** بـرد الجـواب وثـم عـجـل بالأولام نـرجـو مـرد الـخـط مـع الـتـحــيـه *** بأخـبـارنـا بالحـل يا ضـد الأخصام خـلي عليه أشرفت حـوض المنيـه *** حتى طواني طويت البيض للخـام وكـم واحـدٍ بالهـرج يلحـق خـفيـه *** ولا هـمني هـرجت خبيثين الأنغـام أهـل النمـايـم والـنـفـوس الـرديـه *** تلومني في صاحبي بعـض الأزلام ولانـي بـحـال الـلي جـداه الـزريـه *** أهـل الوجيـه الباردة مثـل الأكـزام يـا نـاس خـلـو كـل قـلـب بـنـويـــه *** رسم الهوى ما يرسمه كـل رسّـام يا أبو مشعل وش لون حل القضيه *** يا مـن عـلى كـل الصعيبات جـزام يا أبن الذي بالضيق يلحـق خـويـه *** أفزع معي حيثك من رجال احشام * قال عبدالله بن دهيمش بن عبار هذه القصيدة رداً على سودان بن محمد الركابي : 492 سميـت بسـم الـلـه ولـي الـبـريـــه *** فرض عـلى كل البشر حج وصيام عـلام بـأسـرار الـعـبـاد الـخـفـيـــه *** الـواحـد الـلـي بـالـخـفـيـات عــلام ومن بعـد ذكـر الـلـه نـرد الـتحـيـه *** نكتـب لسـودان الـركـابي بالأقـلام سـودان الـلي يسنـد عـلي الشكيـه *** ما جت لـه الدنيا على كيف ما رام يـا أبـو محـمـد عـارفـيـن الـدعـيـه *** مضمون قصدك نفهمـه كاملٍ تـام كـان الـهـويـة سـاسـهـا ولـدعـيــه *** مـا هـي غـريبـه كلكـم نسـل رتـام شـف الـثـلاث الـلـي تـسنـع ولـيـه *** والكل منهم شيخ من عقب مقدام سـلايـل الـطـيــار شـيـخ وشـفـيــه *** النـادر الـلي مـن نضانيض سطـام والشيخ الأيـدا مـن رجـال الحميـه *** ريـف الضعافي والأرامل والأيتـام وأبن سميـر الـلي يروس السميـه *** الباسل اللي باللقاء ضـد الأخصام أن سـار واحـدهـم تـوقـع مـجـيــه *** تنـال مـطـلـوبـك وتـنـزال الأوهـام وأنـا معـك حاضـر عـلى كـل نـيـه *** ومن يبذل المجهود يالقرم ما يلام هيـا مشينـا يا الـزميـل اعـشـويـه *** نسري معك بالليل في جنح ألاظلام نـدوج فـي تـلـك الـديـار الـعـذيـــه *** على مرامك والضرورة لها أحكام أركب عـلى الـلي يقطع المهمهيـه *** الجمس الأحمر شغله وأرفع الجام يـقـطـع رهـاريـه الـديـار الـخـلـيـه *** ولا ياقف إلا بدار مردوع الاوشام ونـقـلـط عـلى الـبـراد والشـاذلـيـه *** وكبش سمين ويتبعه عـز وإكـرام ومـن بعـدها نقـول لا جـتـك سـيـه *** سودان جاء لـه عندكم مطلب هـام أن كـان تـبي المـال نعـطـيـك مـيـه *** لا شك اللي مثلك عن المادة شـام ثـم قـال يـا سـودان خـذهـا عـطيـه *** حلفت ماخـذ من مهرها ولا غـرام وتـنـعـم وتـرفـل بـالحـيـاة الهـنـيـه *** بالشرع تاخـذها عسى فالـك غلام وأهـل النمـايـم والـوجـيـه الغـبـيـه *** مثل الجعر لا صابها غلث وجحام وصلوا على المختار صبح ومسيه *** عداد من طافوا على البيت بحرام المصطـفى هـادي العـبـاد ونـبـيـه *** هـو الذي يرشد على دين الإسلام * وقال سودان بن محمد الركابي يسند على عبدالله بن دهيمش بن عبار : 493 يا راكب الـلي للمطاريش منجـوب *** مـا هـو عـراوي ينـدفـن بالغـرازه صنع المريكي بالمخاليق مرغوب *** جـمس عـلى بابـه موضح طـرازه باسم الوكيـل مـورده تـو مجيـوب *** أبـو دريـشـة مـن وراء بـالـقـزازه أحمـر حماره كنه الشاي مصبوب *** وعـلى المـواتـر نـاجـح بـامـتيـازه ما هوب خردة بالحراجات مجلوب *** الـلي إلـى مـشى كـثـيـر اهـتـزازه سليـم ما يوجـد عـذاريب وعيـوب *** يا زيـن مشيه مع خطات الجـرازه يفرح به اللي له مع البدو محبوب *** هـو منـوة الـلي راح فـوقه أجـازه أن يسر المولى مع الفجر مركوب *** مرسـال مـنـي فـي تـحـيـه وعـازه يحمل جواب فوقه الشمع مرتـوب *** وتـرى ثمـرة الـشي حـزت نجـازه يلـفي لأبـن عـبـار مـني بمـكتـوب *** وخـلـه يفـك الخـط حسـب اجتيـازه قـله ترى همي بالأضلاع منصوب *** قـلـبي يـا أبـن عـبـار هـمه كـيـازه عـلى وليفي صـار بالقـلب ناتـوب *** الـلـي خـيـالـه مـعـتـدل بـارتـكــازه زين الحلايا هايف الخصرمسلوب *** والـزيـن عـن كـل الغـناديـر حـازه اللي عليه القلب مرهق ومغضوب *** مـتى بـه الفـرصـة يحيـن انتهـازه أريد منك الرأي والوقـت محسوب *** وشورك ورأيـك نفتخـر باعتـزازه أنـا بلاي الـلي لـه التـرف منسوب *** بـيـنـي وبـيـنـه عـامـلـيـن حـزازه * وقال عبدالله بن دهيمش بن عبار هذه القصيدة رداً على سودان بن محمد الركابي : 494 حي الكتـاب الـلي لفـا فيـه منجوب *** اعـداد منبوت الشجـر في عـنـازه سودان يشكي هيمه حـب رعبـوب *** غـروٍ عـلى المطلوب بـأول نفـازه عزي لحال اللي من الوجد منيـوب *** لعب بـه الـلي مثـل ظبي المحـازه أوصيك حيثك عارف كـل محسوب *** مـن رام شي يا فتى الجـود هـازه يا مكثر الشاكين من حب خرعوب *** قبلـك محيسن زاودن فـي انحـازه الجـادل الـلي زاهيـه ملبس الثـوب *** ادحـم عـلـيـهـا مـا تـفـيـد الكـزازه وأن قـلت لي سافر لواليه منـدوب *** ما ذخر وسيلة كان أطيق احترازه أن كان تبي الجاه يالقـرم مجلـوب *** وأنا عـلى استعـداد فـي كـل عـازه عسى تنال اللي ...... تقـل كـوب *** رعـبـوب تـوه بـأول العـمـر طـازه غرو عفيف ولا ذكر فيـه عـذروب *** وصفـه كما النـوار وسط الفـرازه أصبر عسى يأتيك له يوم مجيـوب *** وتذهب هموم البال هي والحزازه أصبر كما صبر على الشـده أيـوب *** لا بــد بـأذن الـلـه تـولـم اجـهـازه يأتـيك كانه لـك مـن الـرب مكتـوب *** حيـث الفـتى يتبع نصيبـه جـوازه أدحم على خلك ترى الزين مطلوب *** عـد الطلـب وابـلـش ولـيـه اوازه وأطلب من اللي رد يوسف ليعقوب *** عسـاه لـك يالقـرم يكـتـب مـفـازه العذر يا سودان عن نقص ماجوب *** تـم الـجـواب وكـل قـولـي عـزازه *- وقال الشاعر سودان بن محمد يسند على عبدالله بن دهيمش بن عبار : 495 قـم يـا نـديبي دن صـنع الـخـواجـه *** شده وبالك تستمع صوت ميسون دن الجميحـي ثـم نضـف زجـاجـه *** وحثوا عليـه وكلفـه قبـل تمشـون عليـه الـلي مـا يرغبـون اللجـاجـه *** بستر الكريم الصبح مـني يمـدون الجمس مرسل فـي سـلام وحاجـه *** من دون ابن عـبار حـذرا تنامـون واقفا الجميحي بس تنظر عجاجـه *** ومـن فوقـه اللي باللوازم يسدون تلفون لـلي دوم يضحـك احجـاجـه *** وقولت هلا يا مرحبا حيـن تلفـون عــطـه كـتـابـي ثــم مــده ونـاجــه *** ولازم تعـطيـه الخـط قبـل تعشـون وقلـه ترى سودان يرجي أبتهاجـه *** من ما بقلبه كـز خطه يـبي عـون سودان ينشدك الهوى وش علاجه *** يرجي ردود الخط وأنتم اتعرفـون راعي الهوى مجبور ينظر انتاجـه *** مـار الـبـلا زرع حصيـده بلا لـون يابو مشعل أشرح لنا وش خراجه *** عن حلها يا راعي العرف وشلون القـلـب وده صـاحـبـه هـو مـزاجـه *** وقـلبي عليها كل الأوقات مفـتون أول قـريــب وكـل يـوم انـتــواجــه *** حي قـريب أقرب من الكاف للنون وبحر الهوى خذيت معـه اندماجـه *** يـوم الغضي قريب والقلب ممنون أشرب قـراح الماء وأترك هماجـه *** يوم العهود مسجلـه فـوق كوبـون واليوم أشوفـه مـا يـولع اسـراجـه *** والعـد ما كنـه من الناس مسكون حبي بري ما جيـت درب السماجـه *** الناس بالحب البـري دوم يمشون * وقال عبدالله بن دهيمش بن عبار رداً على سودان بن محمد الركابي : 496 سـر يا قـلم بالطرس وأكتب دباجـه *** أكتب جواب منظمينه على النون شلت القـلم والبـوك وأدنيـت زاجـه *** وأمليت من قيفان بالفكر مخزون حـي الرسـول الـلي لـفـاني بحاجـه *** سودان كـزه يرتجي مـني العـون نفـزع لكـم والنفس مدحـه سماجـه *** ولا خير باللي بالفزع ما يقومون أن كـان ولـي أمـرهـا بـه عـساجـه *** والخـل حبه لـك مؤكـد ومضمون أسـمع كلامـي مـا تـفـيـد الـلجـاجـه *** خـذ لـك رجـال بالـلـوازم يسـدون شـف القـروم الـلي تـعـدل عـواجـه *** حيثـه تغـيّـر فكـرتـه حيـن يأتـون من حين ما يلفـون يقصر هـراجـه *** ملزوم يأخـذ قـدرهـم حين يلفـون وعـقب العـيا يصبح سريع رواجـه *** وتفوز بالمجمول والضد ممهـون هذا الأسلوب الـلي يجـوز أنتهاجـه *** وباقي المشاور ظنتي ما لها لون وأفطن ترى اللي ما يـدور خراجـه *** تـراه يـبقـا دوم فـي هـم واغبـون ومـن لـه قضيه مـا يوقـف مـداجـه *** لاتطول المدة ترى الناس ينسون ومـن فاخت خله ما يفيـد انزعاجـه *** وعـزاه لـلي عـذبـه حـب مزيـون راعـي المحبـه ما يـفيـد أحتجاجـه *** قلبه عليل من الهوى تقل مطعون أصبـر ولا بـد عـنـد ربـك افـراجـه *** أصبرعلى المقسوم إبليس ملعون وأقـر الحديث اللي رواه أبن ماجـه *** والخـاتـمـة عـلى محمـد تصلـون * وقال سودان بن محمد الركابي يسند على عبدالله بن دهيمش بن عبار : 497 يا راكـب مـن عندنـا فـوق مامـون *** موتـر مصمم من جديد الجموسي ونيت نجبتـه مـن العـيب مضمون *** يـنـوز حـيـن تعـشـقـه بـالتـروسي ومن فوقـه الـلي باللوازم يسـدون *** والجو هادي فيه رصـد الطقوسي وناولتهـم الخـط مـن قبـل يمشون *** خطي كتبته من مشاعر احسوسي ودوه أبـن عـبـار يـا الـلي تمرون *** الـوايـلـي عـسى فـداه الـهـلـوسـي حيثه من لابة تلطم الخصم بالكون *** أدناهـم الـلي بالشجـاعـة فـروسي قـلـه يـتـابـع قـصـتـي لا تـخـلــون *** حـيـث أن قـلبي بـادي بـه يبـوسي عـلى وليـفٍ صـار للقلب شاطـون *** الصاحـب الـلي زاهـيتـه اللبـوسي قـلبي عليهـم كـل الأوقات محزون *** أسهـر ولا عـاد اهتـني بالجلوسي قلبي على المجمول مغرم ومفتون *** أصد وأعرض عن مذاكر دروسي يـا ليـت أهـلهـا فـي قبـالي يهلـون *** ويا ليت لو اطبع كروت العروسي تـقـول لـي يا صاحبـي لا تـخـفـون *** لـكـن بـلاي الـلي لأمـرك يـروسي هـذا السبب يا زيـن بـي لا تظنـون *** تراي عقبك صرت تقل امحبوسي وأن كـان يا الغـالي عـليـه تغـلـون *** أنـا عـلى الـغـرات مـانـي بلـوسي يا أبو ثمان بيض من دون معجون *** خليت جسمي كـن يرعـاه سوسي وعندك خبر بالعهد يا صافي اللون *** عليك دايـم خاطري بـه عـموسي ما نساك دام الناس بالقاع يمشون *** ولا هـمني هـرجة خباث النفوسي وصلاة ربـي عـد مـا يكتـب النـون *** على النبي عدد ذواري الطعوسي *- قال عبدالله بن دهيمش بن عبار رداً على سودان بن محمد مع تغيير القافية : 498 يـا راكـب الـلـي وردوه الأجـانـيـب *** ما حركه غير الخواجه ولا إنسان آخـر مديل الجمس زين المراكيـب *** شد الجميح مورده غـالي الأثمـان توه وصل ما سقت حقه من الجيب *** جاني هديـه من طويليـن الأيمـان عقب العصر لاحوا عليه المناديـب *** معـهـم جـواب يوصلونـه لسودان الـوافـي الـعـاقـل قـلـيـل العـذاريـب *** ما يذخر الماجوب فعـال الإحسان خطك وصل يا ماكر الجود والطيب *** يا مرحبـا يا عالي القـدر والشـان والمعذرة يا شـوق سيـد الرعابيـب *** والله ما قصدي عن الـرد حقـران وأنت الذي تبعد عن الشك والريـب *** فيما مضى رديت لك قدر الإمكان يا أبـو محمـد لـك عـلينـا مـواجيـب *** لا شك أنا مشغول في كل الأحيان من كثـر ما تلـفي علينـا المناجيـب *** غرقـت بظروفي ولا زلـت بلشـان بـالـيـوم والساعـة تجـيني مكاتيـب ألا ومـع ذلـك رسـايـل وشـرطـان يا القـرم كانك تشكي ناقش الجيـب *** قبلك شكا عامر ونمر بن عـدوان يا كثر اللي من الوجد نط المراقيب *** والكل يشكي حب خدرات الأعيان أن طعتني أسهم مثل عـدوة الذيـب *** ما ظن يدرك حصته كود سرحان أرسل لبـوها من النشامى خواطيب *** ولا ترسل الهلباج والعفن كوبان وأن يسر المولى تهون المصاعيب *** الـواحـد الـلي للمخـالـيـق رحمـن وأن كان مقصدك المهر والمطاليب *** لا تزمل وعندك مـن الربع ويلان أصبر عسى لك يقسمه عالم الغيـب *** وتلحق هدفك وانتهى كل ما كـان *- قال الشاعر عايض بن علي القحطاني هذه القصيدة يسند على عبدالله بن دهيمش بن عبار : 499 يا نجم هات البوك يا مسندي هـات *** مـع الـقـلـم يـا تـرثـت الطـيـبـينـي من خاطري جريت بالصدر عبرات *** وأهـدي سـلامي مـن خفايا كنيني سـلام مـنـي مـع جـزيـل التـحـيـات *** عـدت نجـوم بالسمـاء سامـريـني للي انتشر صيته بصحف ومجلات *** ولا شك صيته منتشر مـن سنيني عـبـدالـلـه الـعـبـار زبـن الـونـيـات *** بالمرجـلة والطيـب فعـلـه يـبـيـني واثـق من نفسه مـا تهمـه دعايـات *** حيثه شبيه الليث حـامي العريني الوايلي مـا أجيـد وصفـه بالأبيـات *** أوفى حقوق الشعر بصر وذهيني حلحيل ما ينحـال فـي كـل الأوقـات *** وعـزالله أنـه بـه شهـامـه وديـني الـلي على حـد الوطن لـه شهـادات *** يشهـد لـه الغـيـاب والحاضـريني أنـا أشهـد أنـه كـفـو حامـل لمانـات *** وأنـا أشـهـد بـالـمـواقـف أمـينـي من روس لا بـة بالسنين القديمـات *** رجـالهـم بالكـون ذرب الـيمـينـي اللابـة الـلي يـنطحـون الصعـيـبـات *** زبن الدخيل اليا نصب لـه كميني أطلب لـه التوفيق راعـي المهمـات *** وأدعـوا لأبـن عـبـار يالسامعيني وصـلاة ربـي عـد تـشـكـيـل الآيـات *** واعـداد ما بالخلق من صالحيني على النبي المختارأزكى الصلاوات *** أعـداد خـلـق بالحـرم سـاجـدينـي * قال عبدالله بن دهيمش بن عبار هذه القصيدة رداً على الشاعـر عايض ابن علي القحطاني : 500 سمـيـت بـسـم الـلـه رب الـبـريـات *** ومـا قـدر الـلـه كـاتـبـه بالجبـينـي وبديت أسجـل مـن كلامي عبـارات *** والفكـر مـا هـو بالقـوافي ظنينـي عايـض مدحني بالبيـوت العـذيـات *** وأشكـر جنـابـه تـرثـت الغـانميني عايض قـرأ مـنتـوجـنـا بـالمجـلات *** وأثـناء علي حيثه من مشجعـيني وأن كان تسمع يالسنافي إشاعـات *** مـا همتـن يالقـرم والـلـه عـوينـي عـلومنـا وسـط المجالس شريفـات *** والمختـفـي بالنـاس لا بـد يبـينـي ولاني بحال أهـل العـلـوم الـرديـات *** أهـل الدجـل والكذب والحاسديني عـن الـردى يا مسندي نرفع الذات *** يخبرك اللي عني بخيص وبخيني والخايـب اللي صار للناس شمـات *** خـلــه يـولـي لا تـحـطــه خـديـنـي ولا تاخـذ الا من صدوق الروايـات *** كـب الـذي لا يـع إبـلـيس اللعـيني الـمـبـغـضـة دايـم تـهـول هــوالات *** سـود القلـوب قـلوبهـم مـا تـزيني والـلي سمعـتـه من عدوي خرافات *** ما أشكل عليـه قولهم لـو يجينـي مـن بـان طيبـه بالعـلوم الحميـدات *** تشمـت بـه الحسـاد والمبغيضيني لا تـستـمع لأقـوال حـاقـد وشـمـات *** أهـل الحسـد الـو أجتهـد ناقـديني وصلوا عدد مامر بالوقت ساعـات *** على الرسول اللي صدح باليقيني *- وقال مفرح بن نافع بن الخمشي يسند على عبدالله بن دهيمش بن عبار : 501 قـال الـذي يصلا ضميـره تقـل نـار *** وكبـده تـقـل تقـلب عـليهـا مليـلـه والعين هلـت دمعهـا والكـرى طـار *** طارالكرى وصار السهرهو بديله حالي عليله والسبب يا أبـن عـبـار *** راع العيـون الـلي رموشه ضليله أبـو جـديـل فـوق الأمـتـان نـثــــار *** والـخـد بـراق الـمـزون الـثـقـيـلـه حـالـي نـحـيـلـه تقـل يـبـراه نـجـار *** رسمي بقي هـو والعظام الهزيلـه أرجيه رجوىممحل يرجي الأمطار *** أرضـه مجـفـه والمـراعـي قـليلـه جعـله يروف بحالتي ظبي الأقـفـار *** وينظر بحال اللي خضع يشتكيلـه * قال عبدالله بن دهيمش بن عبار رداً على الشاعر مفرح بن نافع الخمشي : 502 حي الجواب وحي منظوم الأشعـار *** عـد المزون الـلي استهلت مخيله يا مفـرح كانـك تشتكي لأبـن عبـار *** أصبر عسى يالقـرم ناجـد وسيلـه وحنا معك في كـل الأوقـات حضّـار *** عـسى تـنـال الـلي تـوده حـلـيـلـه وأن كـنـت للمجمـول يالـقـرم دوار *** من شقـا قـلبه بالهوى عـزتي لـه راعي الهوى يامسندي دوم محتار *** وكثير اللي مثلك شكى من خليلـه يالفـاهـم الـلي تفـتهـم كـل الأسـرار *** نطلب لعـل القـلب تشـفي غـليـلـه والمعـذرة بالقيـل يا نسـل الأخـيـار *** أرجـو السموحة يا عريب القبيله *- وقال فلاح بن محسن القحطاني يسند على عبدالله بن دهيمش بن عبار : 503 بـديـت بسـم الـلـه وقـولـه نحـيطـه *** عـلام مـا فـي بـرهـا والمحـيـطـي قـم يا نـديـبي فـوق هـاف قـشيطـه *** لونس ثقيل الترس جالـه قشيطي لا من ركبت الهاف شغـل شـريطـه *** أرفـع قـزازه وأسـتـمع للشـريطي من قيـل أبن محسن بيـوت نشيطـه *** للشـاعـر الـلي بالمثـايـل نشيطي أشكي عـليـه من الليالي الشطيطـه *** أشكي لأبن عبـار وقـتي شطيطي الـلي غـدا بـرشـاه يـتـبـع مقـيـطـه *** جـانـي وخـلا للمـوانـي قـطـيـطـي مـن منـزل لا عـاد ساسـه وحيطـه *** كله سبايب باب في عرض حيطي الـلي تـبي بـقـعـا تـجـيـه وتسيطـه *** كـم واحـدٍ منهـا سـوات الشويطي أرسل عـلى هـاف يشوقـك قشيطـه *** لـلي مع الشعـار سـوى البطيطـي * وقال عبدالله بن دهيمش بن عبار رداً على الشاعر فلاح بن محسن : 504 يـا راكـب هـاف قـلـيـل غـلـيـطــــه *** لا سـار تسـمع للشكامـن شفيطـي يمشي على منهاج رسم الخريطـه *** ويلفـي عـلى الـلي للنشاما قـليطي فـلاح الـلي يـذبح سميـن الربيطـه *** لا حـدهـا بأغـلا ثـمنهـا الشريطي سلـم عـليـه وقـل وصلنـا شريطـه *** الله يجيـرك مـن صواب الصقيطي أرجوعسى المولى يزيل الوريطه *** واطلب من الباري لجرحك يخيطي يونس أنجاه من البحور الوغيطه *** يوم التقمه الحوت وسط المحيطي والعافية مـن فضـل ربـك صفيطـه *** هيهات مـا يسبـق عـليها العبيطـي وأفطن ترى دنياك مثـل الخطيطـه *** تذبـل إلـى جاهـا سمـوم وقحيطي دنيـاك مـابـه يـالسنـافـي غـبـيطـه *** لـو سـانعـت لازم يـميـل الغـبيطـي أن ضحكـت دنيـاك هـمـك تـميطـه *** وأن عنكضت خـلتـك دايـم تعـيطي كـم مـن خليط تبعـده عـن خـليطـه *** مالت على اللي خيلهم له عطيطي قـلـتـه ولا أخـذت المثايـل شميطـه *** وأستغفـر الله فـي ختـام الشريطي *- قال الشاعـر أحمد بن عبدالله بن عبدالحق اليماني هذه الأبيات يسند على عبدالله بن دهيمش بن عبار : 505 يالعـنـزي قـلبـي رهـيـن الهـقـاوي *** والـزيـن عـيـا لا يـجـيـنـي زيــاره لا هـو بـيـرحـمني ولا هـو بـيـاوي *** يـا مـا تـردد مـا عـطـانـي قــراره كنـي عـلى درب الـمـودة شـقـاوي *** قـلـبي يـهـينـه كيـف أرد اعـتبـاره بين الرجاء والياس شفت البلاوي *** يـا مـا تحملـت الجـفـاء بـأنتظـاره والموت عندي والحياه امتسـاوي *** هـذا هـوى قـلـبي وهـذا أخـتـيـاره أن كان أبا أشكي ما تفيد الشكاوي *** مـا تنطـفي يا خـوي بالقـلب نـاره مـا يستحـق الحـب كـانـه هـواوي *** حتى الدموع اللي بكت لـه خساره لـو أحتمل حكي العرب والدعاوي *** واجهـت مـن فـرقـاه مليـون غـاره وش حيلتي يا أخوي ماني بقـاوي *** لا طـال لـيلي مـا رجع لـي نهـاره * وقال عبدالله بن دهيمش بن عبار هذه الأبيات رداً على أحمد بن عبدالله بن عبدالحق اليماني : 506 سـر يا قـلم وأكتب سلامي شفاوي *** خلك عـلى المطلوب رهن الأشاره سجل جـواب مـن الضماير نقـاوي *** مـن خاطـري لأحمـد نكـز العبـاره أحمد شكى من حب عيـن النـداوي *** غـرو نهـب عقـلـه وضيّع أفكـاره جـرح الهوى ما لـه طبيب أيـداوي *** يـوز بـالـمـهـجـة مـثـل نــار واره الحـب خـلا قـيس يـسـرح خـلاوي *** مجنـون ليـلى كـان عنـدك اخبـاره يا ما جلس بأسبابهـن مـن فـداوي *** يتـلي ظعـن خلـه ويسري مسـاره محسن كفـانـا بالغـزل والحسـاوي *** مالـح حـلاوات الهـوى مع مـراره بـث الخبـر مع كـل شاعـر وراوي *** عسـاه يـذكـر قصتـك فـي اشعـاره أن طعت شوري ما تفيـد المنـاوي *** شف لك عـلى تحصيل خلك دبـاره *- قال جروح بن ضيدان البحيري العبادي رحمه الله هذه الأبيات يسند على عبدالله ابن دهيمش بن عبار : 507 راكـب الـلي تـوهـم مـستـورديـنـه *** مـن الجمارك كـامل بكـل المعانـي مـد من الأكوام من غـرب الدفينـه *** يـقـطع الأمـيـال فـي عـدة ثـوانـي كـان محمد سـاق والراكـب يمينـه *** مـا يهـاب دروبهـا لا صـار عانـي أن قضب لـه سهلـة توحي حنينـه *** درو سيل الوادي إلـى طـب ثـانـي الحصا بضرب الكفر تسمع خنينـه *** مـا يبـيـد مـن الفـديـد السبرمـاني عنـد أبـن عـبـار يذبح لـك سمينـه *** والمفـطح قـدمـه فـوق الصيـانـي أمـدحـه والنـاس قـبـلي مـادحينـه *** لا لفـاه الضيف حـلـو ومعشرانـي مـل قـلـب مـا تـنـام اللـيـل عـيـنـه *** من حاسوس القلب فرقنا الزماني كـني المسجون في سجـن رهينـه *** ما حصل لي شوفكم والعمر فـاني * قال عبدالله بن دهيمش بن عبار رداً على جروح بن ضيدان البحيري : 508 راكـب الـلي مـن حفيـزه ناجبـينـه *** جمس أحمر مثـل لون الديدحـاني مـن خبـيـره شـد بـديـه والمكـينـه *** ما تناول طاردتـه خطـو الهـدانـي لأبـو مهـدي بالشمـال مطـرشينـه *** قـل وصـل خطـك ومندوبك لفانـي مـن شمـال هـريبكـه وديـار لـينـه *** لا يـا مـال السيـل يـا ذاك المكـاني يا أبـو مهـدي ويـن دورٍ خابرينـه *** يـوم كـانـت تجـتـمع كـل العـوانـي ذودهـم عـن كـل عايـل محـتمـينـه *** بالسيـوف وبالـرمـاح وبالـردانـي الفلـك يجري مثـل جـري السفينـه *** واللـيـالـي مـا تـخـلـي مـودمـانـي عـقـب سكن البـر صرنـا بالمدينـه *** مـن فضـل مولاي شيدنـا المبـانـي نركـب بـيـوكـات لـو كانـت ثمينـه *** فـي حـيـاة مـا تـجـيـنـا بـالـتمانـي يتبع |
|
|
|
|
07-06-2022, 01:11 PM
|
#43 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- وقال فراج بن منصور المزروعي الموايقي هذه القصيدة يسند على عبدالله بن دهيمش بن عبار ويذكره ببعض مشاهير الرجال : 509 باسم الإله الغفـور *** بديت ونظمت اسطور *** لشاعر عناز المشهور نهديها لأبن عـبـار على تأليفـه مشكور *** سجـل فعـل مثل النور *** كـلام الرجـل الوقـور صافي ما عليه اغبـار أفيدك عن العرعور *** يثنون خلاف المظهور ***اللي يعاديهم مكسور مذهول الفكر ومحتـار ونعم بالربع الباقين *** محاميـدٍ مشهـوريـن *** مـن قـديـم معـروفـيـن وهذا قولي باختصـار وأفيدك عن الفرهود***أهل المكارم والجود***منهم خطاب حامي الذود بحدود السيف البتار وكفاف الريشة معلوم *** فعله بالهية بالقوم *** من عاداته يفني الكوم حر ومن ماكر حرار ولا تنسى افعال الحميد *** منهم لطام العنيـد *** جراد اللي مثـل الحيـد مبطي خيال ومغـوار ومنهم خليفة الحقبان *** وأبو فنوش وراكان ***عساهم بجنة رضوان مع الأخيار الأبرار والخرامطة باللقوات *** لهم بالعايل سطوات *** خـلوا أجموعه شتـات وأسقوا الخصم الأمرار وأذكر لك منهم بلعاس *** خيال وقوي الباس *** تلقا ذكره عنـد الناس لا لفيتـه شب النار واذكر منا أبن مليحان*** شجاع وخلفة شجعان***من يناطحهم خسران تفـر اعداهـم فرار والخالد هم والطرفات *** يعـرفهم زمان فات *** نعـم إلى صار مثارات دايم بالهيه حضّار * وقال عبدالله بن دهيمش بن عبار هذه القصيدة رداً على فراج بن منصور يعتذر لـه عن النقص الحاصل : 510 جاني جواب بسطور *** من فراج ابن منصور *** صدق ولا يعد الزور وكلامـه لـه اعتبـار اللي زودنا بالقيل *** وعطانا الشرح بتفصيل *** عـن قـديـم المفـاعيـل وربعه يوطون الأخطار ذكرنـا عـن النسيـان *** بكلام مابـه بهتـان *** تشكـر يا عـزيـز الشـان وأرجو قبول الأعذار كاني نسيت العرور *** أقبل عذري يالمنعور *** معلوماتي فيها قصور وشيخان الويلان أكثار وكاني نسيت الفرهود *** كلامك صدق وما كود *** ماني للطيب جحود ولا عندي للحق أنكار وكفاف الريشة مفهوم *** يجلب حياته بالسوم *** عـديـم ولابـه مثلـوم ولا عندي له احتقـار وتذكر لي فعل الحميد *** اللي يزهون التمجيد *** منهم جـراد الصنديد الـلي بالهيـة جبـار ونعم برجال الحقبان *** نعـم بذربين الأيمان *** بالكـرم يفنـون الضـان عديت الفعل اللي صار والخرامطة باللقوات *** فعلهـم عليـه أثبـات *** ما شمت فيهـم شمـات عوق اللي يبي الأشرار وذكرت الطيب بلعاس *** والنعم بعريب الساس *** اللي للعدو طساس وللخصم العاتي دحار ولا رجـال الملـيحـان *** الـلي بالهية فرسان *** شجعان بيوم الأكـوان ونعم بعزيزين الجـار والخالد هم والطرفات *** فخرهم مابه شكات ***هل النخوة والشومات يزهاهم مدح الشعار كاني مخطي يا فراج *** شعرت بندم وأحراج *** ولاني مع أحد منعاج ولا فضل بعض الأنفار الفعل الماضي كثيـر *** مـا حصيتـه بالتعـبيـر *** عديـت النزر اليسيـر ولا قصدي والله مختار مانـي مع أحد منحاز *** ولا عندي فرق بعناز *** جميع الويلان أعزاز أهـل عـزة وأفتخـار طيبهم مافيه اشكوك *** لكن ما حصاه البـوك *** اللي يعاديهم مـدروك من ناطح جمعهم نـار نعم بسلايل مزروع *** أهل العلم المسموع *** خصمهم لو ماهو طوع يطيع بخشم المقوار ونعم بكل المحاميـد *** اللي لعـداهـم تنكيـد *** فـي زمـان الـمـجـاريـــد من طويلين الأشبار والنعم بربع أبن هديب *** هل الشهامة والطيب *** مقدمهم عزالقريب لـه تواريخ وأذكـار قلت الواقع واليقين *** وعديت أفعال الوافين *** ما نكتب ظن وتخمين ولا نهضم حق أهل الكـار وأنا لك الله حريص***شخصت المعنا تشخيص***أنشدالرجـل البخيص وأنصى حفاظ الأخبار ولالي عند أحد مقصود *** الا تبيان أهل الجود ***ولاني بحال الجحود أجهدت لربعي باصخار من يطيب اضهر ثـناه *** وأتشرف في طريـاه *** والكتب اللي سجلناه تاريخ اجدود وتذكـار لا شك أن كاني قصرت *** عن الخمال اعتذرت *** لـو أحاول ما قدرت أحصي شعب بخمس أقطار *- قال الشاعـر حمدان بن عبدالله العنزي هذه القصيدة يسند على عبدالله ابن دهيمش بن عبار ويذكره في بعض مشاهير الموايقة : 511 يـا راكـب مـن عـندنا نـاب الأكـوار *** من ساس هجن من سنين سمايـل أكتب جـوابي وأرسلـه لأبـن عبـار *** سـوالـفـه تشـفي القـلـوب الغـلايـل قـلبـت صـفحـات المجـلـد بـالأذكـار *** ولـقـيـت بـه تـمجـيد كـل الـقبـايـل أولاد وايـل مـا بـهـم قـول شبـشـار *** قـولـه صحـيح ومـاضي لـه دلايـل الكـاتـب الـلي مـا ذكـر فـعـل كسـار *** ما ينسي راعـي الفعـول الهـوايـل راعي الدلال اللي على موقـد النـار *** أنا أشهـد أنـه مـن عيـال الحمايـل كـم فـاطـر ترعـابهـم مـر الأشجـار *** قـفـر نـبـاتـه مـن حقـوق المخايـل سربة محاميد عـلى الحـرب صبـار *** يـوم الـمـلاقـا يـتعـبـون الـسـلايـل والنعم في ربعي إلى صار ما صـار *** يـثـنـون دون معـبسـات الشمـايـل لحقوا هل الحرشا على قب الأمهار *** وأركوا عـلى كبـد المعادي ملايـل خيالهم يركض على الموت بصخار *** والروح ما عـنهـا عـريب مسايـل أخـوان شاهـه عـز للضيف والجار *** وأنشد هـل التاريخ من دور وايـل هـذا كلامـي يـا فـتى الجـود تـذكـار *** ومن ذكّـر الناسين مـا هـو بعـايـل طـريـق سهـو ولا لـهـا ذات تعـبـار *** خـلـه جـمـالـه يـوم رد الـجـمـايــل * قال عبدالله بن دهيمش بن عبار هذه القصيدة رداً على حمدان بن عبدالله الموايقي : 512 سـر يا قلم وأكتب جواب ابن عبـار *** رداً عـلى حـمـدان راعـي المثايـل حمدان مدهـال الفخـر مكـرم الجـار *** وجـه لـنـا زيـن العـلـوم الصمايـل الـلـي يـذكـّرنـا عـلـى أفـعـال كسـار *** الـنـادر الـلي بالـفـخـر لـه فـعـايـل أرجو السموحة وأقبلوا منا الأعذار *** ما تنحصي افعـال الرجال الأوايـل نـسـيـت أبـن جـزاع أيـضـاً وشكـار *** أفـعـالهـم بالطيـب مـا بـه جهـايـل ويا ما نسينا مـن المشايخ والأمـار *** حـمـايـة الـخـلـفـات يـوم الـدبـايـل ماني لهـم يـا نسـل الأجـواد حـقـّار *** ولا لي مقاصـد يـوم سجلـت قـايـل مـن فضل مولانـا مشاهيرنـا أكثـار *** ولا أقـدر أعـدد كـاسبيـن النـفـايـل وأشكـر جناب الـلي يزود بالأخبـار *** عـن كـل مـنعـور كـريـم الـسبـايـل راعي الحميا اللي على مجده أيغار *** والطيّب الـلي كاسـب عـلـم طـايـل يظهـر ثـنـاه بطول باعـه والأشبـار *** ويرفـع مقامـه عن علـوم الرذايـل حـاولـت أعـدد كـل فارس ومختـار *** ريـف الهجافى ومتعبيـن الأصايـل عـديـت مشـوار وخـلـيـت مـشـوار *** وبذلت جهدي فـي جميع الوسايـل والخاتمه نرجـوك يا صاحـب الكـار *** تسمح لنا يا شوق ضافي الجدايل *- قال الشاعر محمد بن صالح المري هذه الأبيات من ذات القافية الصعبه يسند على عبدالله بن دهيمش بن عبار : 513 أبـدع القيفـان بالـوقـت المنـاسـب *** وأنتبـه وأيضاً عن الزلـة أحاسـب وآخـذ الجـزلـة ولا أحب الهـزيلـه *** وأجتهد من قبل لا يقولون راسب يـا عبدالله يـا أبـن عـبـار المعـنى *** وصلك المكتوب يا زاكي المناسب مقصد المكتوب بهـدي لـك سـلام *** في معاني جت قوارعها على سب أسند لك القول يا وافي الخصايـل *** حيث مثلك شاعـر وللطيب كاسـب وأختـم القيفـان مثـل الـلي بـديتـه *** أبـدع القـيفـان بالـوقـت المناسـب * قال عبدالله بن دهيمش بن عبار هذه الأبيات رداً على الشاعر محمد بن صالح المري : 514 مـرحـبـا بـالـقـيـل مـن قـرم نـوده *** جـاء لنـا عبـر الفيافي والسباسب نظم أبن صالح كما الشهد المصفا *** من رحيق الورد تجنـاه العـياسب قـلتهـا وأشكـرك في بـدع المثايـل *** يوم خطو اللاش مثل الداب لاسب يا محـمـد نـفـتهـم مقصـود قـافـك *** والذهـب يامسنـدي مالـه رواسـب عن مثاليم البشر ندخل على اللـه *** من يقول القول عن قوله محاسب أتـدرى مـن الـخـطـايـا والـرزايـا *** وأترك المخلوق لا أمدحها ولاسب *- قال الشاعـر مشرف بن خلف المطردي الجعفري هذه القصيدة يسند على عبدالله بن دهيمش بن عبار : 515 البـارحـة فـي مرقـدي مـا تهنيـت *** سهـران فـي ليلي والأفكـار تنـدار للبـاركـر مـن جـرة الحبـر عبيـت *** وكتبت من زين المعاني بالأشعـار سطرت بالأبـواك قـاف لـه ابديـت *** نظـم القـريحة مـا شريتـه بـدينـار وأرسلت به مرسال للقـرم عنيـت *** أرسلـتـه لقـرم العـيـال أبـن عـبـار قـرم كـلامـه مـرحبـا بـك وحيـيـت *** وبعـد التحيـة دلـة نصفهـا ابـهـار ومن بعدها يقدم سمينه من العيت *** سلم له المكتوب يا وافي الأشبـار وقـله أنا في عالي الصوت ناديـت *** للـوايـلي حيثـه ذرانـا عـن الحـار شرواك بـه عنـد اللزوم استعزيـت *** يا زبن مضيوم عليه الزمن جـار بالسجن أنا في عيشتي ماستلذيت *** كـنـه يـدق بثـومـة الكـبـد مسمـار أفـزع لنا يالقـرم يا طيـّب الصيت *** عند الشيوخ بجاهكم يابن الأحرار وعلى محمد اشرف الخلق صليت *** شفيعـنـا يـوم القيـامـة عـن النـار * قال عبدالله بن دهيمش بن عبار رداً على مشرف بن خلف الجعفري : 516 بسم الذي تسجد له الناس سميت *** رب الخلايق خـالـق سبع الأطـوار ومن بعد ذكره قلت بالقيل وأمليت *** من فيض جـم يشبه النيـل مـدرار ياأبن خلف جاني نديبك إلى البيت *** سلم لـي المكتوب وأبدالي أسـرار من حين للمندوب يا القرم قهويت *** وفـر عـلينـا واجبـه بالعجـل سـار وقـلت أبلغـه أنـي للقضيـه توليـت *** وسلـم عـليـه وبلغـه كـل الأخبـار نخـيـت ذربيـن الرجـال العـنـاتيـت *** ونخيت لـك كـل المشايخ والأمـار والشاهد الـلـه ما بجهـدي تونيـت *** ياأبن خلف ماني من الجهد ذخـار ولا نذخـر الا عن خطاة السرابيت *** الـلي قـضيتهـم بـهـا كسـر تعـبـار للي قـدرتـه يا فتى الجـود سويـت *** عشريـن ليلـه بيـن الأجـواد دوار من طحت بالبلوى أنا مثلك ابليـت *** الله يعين اللي على السجن صبـار أن طاب مسعايه على العـز غنيت *** رب الملأ ياقاك من شـر الأخطار *- وقال الشاعر عساف بن عبدالله العواجي هذه الأبيات يسند على عبدالله بن دهيمش بن عبار : 517 عبدالله العبار حافض عـلى تـراث *** جدك وأبوك احـذر يجيلـه نقاضي صفحتك ورد مخالطه نبت جثجاث *** أقطع عـروقـه لا يجي بالحياضي من قبل ما تزرع أبي تعمل ابحاث *** والشاعـر البيطار مثلك ايحـاضي عدل خطأ من هوبالأشعار قدعاث *** عـدل وبـدل بالـمعـانـي وخـاضـي ماحد خبر وادي الرمه سند الداث *** ولا أحد خبر ديك بالهوقت باضي ترى الشعر ماهوب خبـز وكـراث *** ولا تاجده لودرت سوق المقاضي ولا ينـوخـذ قـوه ولا هـو بميـراث *** يحب ناس وناس عنـه امتغـاضي * قال عبدالله بن دهيمش بن عبار هذه الأبيات رداً على الشاعر عساف بن عبدالله العواجي : 518 حي الرفيق الـلي بالأشعـار بعـاث *** يـقـول جـد ولا يـريـد الـتـغـاضــي أقسم مفاعيـل البحـر ستـة اثـلاث *** اللي حصل يا مسندي فعـل ماضي نذرى الرماد لكل من صابه غلاث *** ولا نـبـالـي لـو يـكـون امتعـاضـي ترى الذهب لو كان بالرمل ينداث *** ما ينـتـرب يجـلي صـداه البيـاضي عندي براهين عـلى كـل الأحـداث *** وشهـايـد فـيهـا خـتـوم وتـمـاضي بعض الرجال قلوبهم تقل محراث *** سود الضماير قولهم هـرج فاضي الخلق مبطي يالعواجي بها خباث *** ولولا الخطأ يالقرم ما حـط قاضي أقـولهـا ولاني وراء القـوم لهـاث *** وكلن بعقـله يا فتى الجـود راضي *- قال الشاعر الدكتور حجاب بن عايض الجعفري هذه القصيدة يسند على عبدالله ابن دهيمش بن عبار : 519 جتنـا الهـديـة والتحـيـه والأوراق *** مشكور لشعور الوفا يا ابن عبـار هلا بمرسالك وفيـك من الأعمـاق *** مـن فيض وردٍ بالـوفى دايـم حـار دايم على شوفك حريص ومشتاق *** بظـروف تحكمها قوانيـن وأقـدار أذكر مشاعركم إلى خاطري ضاق *** بعـدك كمـا جـار لنـا دونـه اجـدار لكن عسى الباري يبشر بالأوفـاق *** وبيني وبينك تفتح أبواب الأسرار الـحـمـد لـلـه وسـع أفـاق الأرزاق *** مـار الحكيم أحيان يبلش ويحتـار ياأبن الكرام البوق ما يرفع أعناق *** وأكبـر خساره راس قوم إلى باق نـايـم عـلى عميـاه مبطي ولا فـاق *** ولامن تقاليد العـرب فيـه مسمار ومن الردى فاتق على بيته أرواق *** حـي حيـاة العـار وأن مات للنـار لا بـد يـا أبـن العـم يـنـدم ويـنعـاق *** مثل الذي ضايق هل الغار بالغـار مستقبله لا التفـت الساق بالسـاق *** أخير ما يوخذ هك اليـوم مـن ثـار يالوايلي طير الهوى بالفضى تاق *** يـدور بـأفـلاك الـكـواكـب إلـى دار يحط من روس المعالي له اسواق *** ويجيب من غبـات الأبحـار محـار مر تشوف من الأمل ضوح بـراق *** وأحيان تظلم في سماالدار والدار تفنا الحيـاة وباقـي طيـب الأخـلاق *** ولا خير باللي ما يتدرا عن العار * قال عبدالله بن دهيمش بن عبار هذه القصيدة رداً على الشاعر الدكتور حجاب بن عايض الجعفري : 520 حي الجواب الـلي لفـاني بالأوراق *** خط الفهيم حجاب ممدوح الأذكار حي البيوت اللي ضميري لها تاق *** أبيـات شعـر كنهـا قطـف الأزهـار سجلت رد الوايلي زاكي الأعـراق *** والفكر يملي مـن عذيات الأشعـار هيضني وقلبي على القيل مشفاق *** مشتاق لعلـوم النشامـا هـل الكـار أعتـز باللي بدرب الأجواد ينساق *** اللي على منهج طريق الفخر سار ولا الردي ودك عنه بعـد وافـراق *** تـحـول مـن دونـه ملايين الأمتـار كـب الـردي عسى تعشاه الأطلاق *** الخايـب الهلباج مقصوف الأعمار اللاش جعل اللاش في ناب زراق *** ثعبـان نـفـد وشوكتـه تقـل شنكـار اللي من ثياب الخـزا لبسه اشقاق *** مـا ينفع العـانـي ولا يكـرم الجـار اللاش لو يصعـد طويلات الأطباق *** مهمـا أرتفـع لا بـد ينـزل بمحـدار الحر مسكانه عـلى راس شوهاق *** طيـر السعد بالحيد دايم لـه أوكـار والبوم دوم بطامن الجـرف نغـاق *** ما ظنتي صـاد السمينه ولـو طـار يا مسندي قـلبي جزوع ومحـراق *** اكـره قبال وقـرب عميان الأبصار السافـل الـلي كن قـلبـه بـه افتـاق *** نـذل ورزيـل وملسنه تقـل منشـار حيث الردي لو كان تسقيه تريـاق *** لا بـد مـا يسقيـك حنظـل وجنـزار ينساالجمايل لعن أبوهاك الأشداق *** ومن ينكر المعروف خاين وغدار أقـولـهـا ولا هـمـنـي كــل هـــلاق *** الخـايـب الـلـي بالـدياويـن ثـرثـار *- قال سويلم الرميثي الشويكي هذه القصيدة يسند على عبدالله ا بن دهيمش بن عبار : 521 يا الله يا اللي عالم بكل ما أخفيـت *** أنـت الإلـه الـلي نعـبـده ونـرجـيـه بديت باسمك يالـولي يـوم سميـت *** وخـلاف ذا سجـلـت قـول منـقـيـه البارحـة في هجعـت الناس ونيـت *** ونـت مريض ما لقـا مـن يـداويـه ونيت من فـرقـا عشيري وجضيت *** والعيـن عافـت نومهـا مـا تدانيـه طار الكرى وفي مرقدي ما تهنيت *** مارتحت أنا والقلب كثرة طواريه عـلى عـشيري عـن ديـاره تنحيـت *** عـني نحاه البعـد وش لون نأتيه أشكي لأبن عبار يا نعـم ما اطريـت *** نعم بأبـو مشعـل إلى حل طاريـه نعـم بأبـو مشعـل إلـى جيـت للبيـت *** حـلال للصعـبـة ويفـرح بناصيـه يالقـرم أنـا مـن زايـد العـذل مـليـت *** أقصى العـرب ولا دواني بنيخيه * قال عبدالله بن دهيمش بن عبار هذه القصيدة رداً على سويلم الرميثي : 522 سار القلم يكتب من القيل ما امليت *** رد الجواب اللي لنا القرم مهديه جاني جواب الوايلي طيـب الصيـت *** سويلـم المنعـور طابـت معـانـيـه تلقا الوناسة في مضيفه إلى الفيت *** وعلوم صدق ما بها قول تشويه أن كان يا سويلم على خلك أنويـت *** أنص الحبيب الـلي تعـزه وتغليـه مالك ومال أهـل العذل والشواميت *** أدحـم وما قـدر عـلى العبـد يأتيـه كب الردي يا مسندي كنـه اسبيـت *** ومن فازفي خله عسى الله يهنيه ولا العشيـر الـلي لـقـربـه تـمـنـيـت *** أرسـل وليـك يالـرمـيثي لـواليـه أن قـال لـه يـا مـرحبـابـك وحيـيـت *** لازم بغـالـي المـال تملأ مخـابيـه وأن قال علم بالسبب ليـه لي جيـت *** نطلب من الله والي الكون يهديه كانك عـلى منهاج شـوري تمشيـت *** خـذ الجواب اللي من البال نمليه * - قال سالم الرميثي الشويكي هذه القصيدة مجاراة لقصيدة سويلم الرميثي وعبدالله بن دهيمش بن عبار : 523 يا الله يا محـيي العظـام الهتاهيـت *** يا مكـون الإنسان من نطفة مويه يا خالقه من طين ثم ترجعـه ميت *** فـي قـدرتـك عبدك تميتـه وتحييـه رب الخلايق عالم بكـل ما أخفيـت *** الكـل يطلـب رحمـة الـرب يرجيـه وخلاف ذا يـا راكـب فـوق وانيـت *** تـوه جـديـد مسـجـل بسـم راعـيـه عـليـه الـلي ما قـال كلمـة توذيـت *** أبــوه لـعـلـوم الـمـراجـل مـربـيـه يلفي لأبو مشعـل يهلي إلـى جيـت *** عـطـه الكتـاب وقـلـه الـرد نبغـيـه سويلم عـلى خلـه يجـر التناهيـت *** دمعـه على الخدين تجري سواقيه وأنـا سمعـت أنـك بـالأمثال رديـت *** تـقـول لـه أرسـل ولـيـك لـوالـيــه أريـدأخـبـرك أنـي لـخـلـه تـعـنيـت *** وجبنـا الخبر اللي يوده ويرضيـه وقبله أنا من غرقت النـوم فـزيـت *** مالحت لوعات الحبيب وعزاويـه حـدوه عـني وأنـا عـنهـم تـنحيـت *** ولـو طالـت الـمـدة نعـزه ونغـليـه عشرة سنين على الأصباع عديت *** لو هو مع الأموات يمدين عازيـه والمعذرة يا مسندي كاني أخطيت *** نـزهـت أنـا الأمثال يالقـرم تنزيـه * قال عبدالله بن دهيمش بن عبار هذه القصيدة رداً على الشاعر سالم الرميثي الشويكي : 524 سر يا قلم وأكتب بيوت لها أبديت *** أمثال مـن غايـة ضميري مسويـه حـي الـزميـل الـلي لقافـه تهجيـت *** سالم عريب الساس زبن المداليه أحسنت يا سالم باللي قلت أقـديت *** أخـوك يـالمنعـور تـنجـز دعـاويـه يا ليتني لك يا فتى الجود خاويـت *** عسى نجيـب الـلي يعـزه ويرجيـه أن كان ما وافق نجبناهـل الصيت *** نـجـيــب لـه زورات يـمـه نـوديـه حـتى تنـال الـلي لوصلـه ترجيـت *** على هدفك اللي أنت يالقرم ناويـه وأن كان ذا ما فـاد للواي غـزيـت *** وأنخى لك الشعار بالشعر تهجيـه قـلته وأنـا يـا مسنـدي مـا تبريـت *** كـان ايحصل بالمال ملزوم نعطيـه عساه يجمع شملكم عقب تشتيـت *** ولا على الله سامك العرش نشكيه هذا جوابي وأنـت بالحـق أقـريـت *** والمنتجي ما يرجعـه قـول يا هيـه ناديت أنااللي يسمعون التصاويت *** ومليت من جـور الزمان وتحديـه ناداني سويلم وأنا لصوته أوحيت *** ومـن جـل قـدره قـلت للقـرم لبيـه الـلـه يجـيـب الـلي تـوده بتـوقيـت *** والحاسد الفاسد عسى الله يعـميه يتبع |
|
|
|
|
07-06-2022, 01:25 PM
|
#44 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال الشاعر زويد بن راشد الرويلي هذه القصيدة يسند على عبدالله بن دهيمش بن عبار : 525 أكتـب كـلام فـيـه تـقـديـر وأعـبـار *** للشاعـر اللي يرفع الراس طرياه جهـز سلامي وأرسله لأبـن عبـار *** حـيثـه حكـيـم وعـارف كـل مبـداه صدفه لقيته وأنا اسمع به بالأخبار *** علمه صعـد بالناس وأبعد معشاه دايـم عـن التاريخ نـاشـد ومفخـار *** وضع البوادي شاغله وين ماجاه يالله عسى المولى يمـده بالأسفـار *** وايـطـول أيـامـه عـلى كـل ملفـاه مواقفه يشهـد بهـا صاحـب الكـار *** النـادر الـلي مـركـز الحـر مجـنـاه لـه دلـة دايـم عـلـى واهـج الـنــار *** للضيـف والخـطـار والـلي تنصـاه تكفا يا أبـن عبـار يا حـر الأحـرار *** أفهم سؤالي وأعرفـه ويـن معنـاه فـي حالـة مـا يدركـه غيـر بيطـار *** حلحيـل بالحيـلات مثلـك وشـرواه هـذا جـوابي واضح مـابـه أسـرار *** وأنتـه خبيـر وعـارف كـل معـنـاه وصـلاة ربـي عـد ما تنبـت أزهار *** على النبي اللي أرشد الخلق واهداه * قال عبدالله بن دهيمش بن عبار رداً على زويد بن راشد الرويلي : 526 عدنان هات أبواك واقـلام واجـرار *** نبي القلم من جرت الحبـر نمـلاه نـرد قـيـل الـلي نـصـانـا بالأشـعـار *** زويّـد الـراشـد شـكـالـي بشكـواه وكـم واحدٍ يشكي على أبوك محتار *** وأبـوك ما يذخـر وسيله لدعـواه بعـض القـضايا حـلهـا بأيـد الأمـار *** يصعـب عـلينـا حلهـا لـو بغـينـاه وبعض القضايا حلها عـنـد الأنفـار *** ولا كـل رجـل بالملأ يقبـل الجـاه جاني جوابـك يالرويـلي والأشعـار *** لاشك وضح لي عسى الحل نلقاه أن كنـت مظلـوم تنحـر هـل الـكـار *** الحق أخـو نـوره يحوشه بشلفـاه يـحـل قـالات صعـيـبـات واعـسـار *** كـم واحـدٍ فكـه من الظلـم وأنجـاه وأن كان لي يالقـرم بالحـل مقـدار *** أبـذل جهـودي بالجهـد والمفـاداه كانـه بعـيـد نـدوره ويـن مـا صـار *** فـوق المواتر ويـن ما كان جبنـاه نزبـن عـلى ربـع شغـاميم واخيـار *** صـوارم بـوقـت اللـوازم مضـراه لا ثـارت العـليـا وركبـوا بـالأكـوار *** خصيمهم ينحـاش والذود وخـلاه *- قال الشاعـر راضي بن عبدالله البليطيح المسيكي هذه القصيدة يسند على عبدالله بن دهيمش بن عبار : 527 بـديـت بسـم امشي الريح بمـزون *** عـلام بالـلي الخـلـق مـا يعـلمونـه الـواحـد الـلي يـم بـيـتـه يحـجـون *** الـلـي عـبـاده كـلـهـم يـرتـجـونــه يا الـلـه يا سامع نـدا مـن ينـادون *** يـا عـالـم الـسـر الـذي يـكتـمـونـه أنـت الـذي لأجلك عبـادك يصلـون *** يـا الواحـد المعبـود خـلاق كـونـه تغـفـر ذنوبي والملأ دوم يخطـون *** أطلبـك عـفـوك يا منشي امـزونـه فـي ساعـة فيهـا الخلايـق يلجـون *** فـي مـاقـفٍ كـل المـلأ يـاقـفـونـه ومن بعـد ذكـر الله عبـرت مكنـون *** عن الخطأ القيفان بدعـه نصونـه سر يا قلم سجل على البوك بفنون *** أكتـب كلامي يا قـلـم فـي فـنـونـه قافي من الخاطر بديته على النون *** وسجلت بالقرطاس طيّب لحـونـه قـافي مـرتـب بالمعـاني ومـوزون *** وزنتـه أخشى مـن المـلأ ينقدونـه أنـقـاه مـا ودي بـقـولـي يـطـقـون *** وأخشى مـن الفهيـم لا يعـذربونـه أوضحـه لـلـي لقـيـلـي أيـتـوحـون *** والقـاف واضـح للـذي يسمعـونـه من شاعـر يبدع على عدة الحـون *** ويشهد لـه اللي بالمثـل يعرفونـه وخلاف هذا أقول والقول مضمون *** حيـث أن قـلبي زايـدات اغـبـونـه العيـن تسهـر والمخاليـق يمسـون *** يقولـه الـلي دوم تسهـر عـيـونـه يقولـه الـلي بداعج العيـن مفتـون *** قـلـبي جـريـح وزايـدات احـزونـه ولا أطيع عـذال الملأ لـو يعـذلـون *** ودافي الحشا ما طاع لو يعذلونـه ويا ما طلبتـه بس عيـوا يطيعـون *** عيـوا أهيـل صويحبي يرخصونـه عـيـوا معـازيـبـه عـليـنـا يبـيعـون *** وعني على طول المدى يمنعونـه أشكي على اللي للمصاعب يحلون *** ولا الـردي الـنـاس مـا ينتصونـه نصيت ابن عبـار محرج ومغبـون *** عـبـدالـلـه الـلي باللـوازم يجـونـه قـرم يـهـلـي بـالــذي لــه يـمـرون *** يهلـي ويـرحـب بالـذي ينحـرونـه عبـدالله العـبـار بالطـيـب مبخـون *** أمـدح جـنـابـه والعـرب يمدحونـه قـرم عـليـه أهـل القضايا يتعنـون *** مـا هـي غـريبـة حـيثهـم يبخنونـه قـدم لهـم ترحيب مـن يـوم يلفون *** وأن كـان يقـدر مـا بغـوا ياخذونـه مـن لابـة يـوم الـلـقـا مـا يـكـنـون *** يـوم اللـقـا خصيمهـم يـلـطـمـونـه لابة بني وايل على الموت يردون *** حـوض المـنـيـة باللـقـا يـاردونـه يوم أنها بعصور طاعن ومطعـون *** عـاداتهـم جـمع العـدو يكسـرونـه يمشون للموت الحمـر ما يهابـون *** وأن أنقـطـع عـاداتـهـم يلحقـونـه مـن ساس لابـة بالتوالـي يـردون *** أفـعـالـهـم كــل الـمـلأ يــذكـرونــه عاداتهم عن خصمهم ما يصـدون *** يـوم الحرايب خصمهم يدحـرونـه وخلاف هـذا يا أبن عـبـار تكفـون *** تكفـا يا أبن عـبـار بالـلي تـرونـه نـبـغـي رجـال بالـزيـارة يعـرفـون *** بالجاه يا أبن العـم لـي يضهدونـه نبغـي مشايـخ يالسنافي يـزورون *** وعـنـد الطلايـب والـده يقـنعـونـه أنخاك يالمنعـور بوضعي تقومون *** عسى لـنـا دافـي الحشا تدركـونـه حيثـك مـن الـلي باللـوازم يسدون *** أفـزع لنـا يا شوق جـادل اقرونـه أنـا نصيتك مـار لي وش تقولـون *** أنـا بـرجـا ردك لـنـا تـرسـلـونــــه وسـلام لـك مـني بالأمثـال مليـون *** وجعلك عزيـز ولا تجيك المهونـه وصـلاة ربـي عـد نـاس يـلـبـــون *** ببـيـت الحـرم الله يشـرف ركونـه على محمد عـدد ما تنبت اغصون *** وأعداد ما تثمر وتورق اغصونه * قال عبدالله بن دهيمش بن عبار هذه القصيدة رداً على الشاعـر راضي بن عبدالله البليطيح المسيكي : 528 مبداي باللي باسمه الخلق يدعون *** رب العـباد الـلي الملأ يشحذونـه رب العباد اللي له الناس يرجـون *** والكـل يـدعـي بالفـرج والمعـونـه جـو للحرم حجاج بالبيت يسعـون *** وايطبقون امـر النبي ما ايعصونه يسعـون بالمروة وفيهـا يطوفـون *** ويـردون زمـزم والحجـر يقبلونـه ولجمارهم في ليلة العيـد يرمـون *** وماقف إبليس بحصوهم يرجمونه وخلاف ذا يا راكـب فـوق مامـون *** بنـز قـلـيـل مـن الـمـلأ يـملـكـونـه تجـنبـوا مـا قـصـدهـم لـه يعافـون *** لا شـك مـا حصـل لهـم يشترونـه ما الومهم عـن الثمن لـو يهجـون *** من كثـر سعـر البنـز ما يقـربونـه مـن شركـة رصيدهـا ألـف بليـون *** وكـل العـبـاد انـتـاجهـا يـرغبونـه من وارد الألمان مجيوب من بون *** شحـن البواخـر مر من برشلونـه يتبع مسار البوصله تقـل مرسون *** عـلى الجفـالي بالعجـل يوصلونـه عجلين بالتفريغ مـا اظـن يبطـون *** بـالـحـال نـقـلـيـاتـهـم يـشحـنـونـه البنـز حيـن لمعـرضه له يجيبـون *** قبـل نـزول الـبـنـز جـاهـز زبـونـه شديـت بـنـز هيكلـه تقـل مدهـون *** نخشى عـليـه مـن المـلأ ينحتـونـه يحمل جواب بـه تماثيـل والحـون *** جـواب لـلي يشتكي مـن اشجـونـه أهـل الغـرام من التواجيد يشكون *** وكـم واحـدٍ عـنـاه ضافـي اردونـه راضي شكاله معضله كونها كون *** وعـزي لحالـه صاحبه حيل دونـه يذكر هموم القلب أثقل من الطون *** صـابـر عـسى يـقـوم ربـه بعـونـه صبرثمان سنين والقلب مشطـون *** وهويرجي اللي بالوصل يحترونه نخيتني يالقرم وأحترت وش لون *** لا زلت أفكـر كيف تصريف شونه لازم نـقـوم بحاجتـك فـن مـفنـون *** والـلـه يخون الـلي رفيقـه يخونـه يقولـه الـلي دونكم مـا ذخـر لـون *** لومك على اللي جهدهم يذخرونـه وأنا اتشرف في لزومك وممنـون *** ومـن ظـن فينـا مـا نخيّـب ظنونـه حنـا معـك يالقرم وإبليس ملعـون *** ولا بـد نحصـل مـن وليـه مـرونـه وأن قـلـط العـيتـا وقـال أتعـشـون *** نقسم بـربي مـا نمـالـح اصحـونـه وأن قـال سمـو ثـم قـامـوا يهلـون *** وقـال ابشروا يالربع باللي تبونـه لازم يسجـل عقـدهـا عـنـد ماذون *** وملزوم راضي بالعجل تحضرونه وأنـا عـلي أقـدم الجمس رعـبـون *** وباقـي مهـرهـا لابـتـك يدفـعـونـه ما أكن أنا يالقرم لـو كنت مديـون *** ومن لاقـدر يـا مسنـدي تعـذرونـه أن كان محبوبك على مال مرهون *** صبيـان وايـل يـا فـتى يشترونـه ولك لابـة ما هم هلابيج واعفـون *** لـو كان تبغـي بالذهـب يـوزنـونـه ربعك عزاز الجار والناس يدرون *** دلاق جـمع الـمعـتـدي يـكسـرونـه وبالجـاه شيخـان القبيلـة ايكفـون *** لهـم عـلى الأجـواد قـدر ونـمـونـه وأن انعقد ثم أنحرف تقل مجنـون *** وتعنض حجاجه تقـل به صخونـه وزعـل وقـال لبيتنـا ليـش تـأتـون *** وأستعمل الشدة وهرج الخشونـه نرجع ونحضر غيرنا له يزورون *** لـعـلـهـم فـي جـاهـهـم يـجـبـرونـه ربع لكم يالقـرم بالجهـد يصخـون *** عسى الرجـال بسلمهـم يرغمونـه وأن ما قبل ماني مشنوا وملسون *** ولا خيـر في رجل جـداه الرعونه الـلـه خلق العبد لـه قـلب وعيـون *** أن عاضبت خلـه بستر ومصونـه قـلته ومن قبلي بداها ابـن لعبـون *** كيف المواصل والأهـل يكـرهونـه أصبـر عساهم يالسنافي يعـودون *** وعسى قـسـاوتـهـم تبـدل لـيـونـه أصبر عساهم يالبليطيح يرضـون *** أصبـر وعطهـم كـل مطلب يبـونـه والخاتمه رب المـلأ مبـدع الكـون *** يلـم شمـل أهـل القـلوب الحنـونـه *- وقال الشاعـر عبيد بن راضي بن هليبان الحربي هذه القصيدة يسند على عبدالله بن دهيمش بن عبار العنزي : 529 يا الـلـه يا عـالـم خفيـات الأسـرار *** يـا الـواحـد الـلي كـل حـي يسالـه يا رب يـا مديـر الهبايـب والأدوار *** محـيي عـظـام هامـده مـن بطالـه تفـرج لمن نفسه عـزيـزه وصبـار *** يـا رب حـيثـك عـالـم فـي حـوالـه تروف باللي يكرم الضيف والجـار *** يـبـي الـمـعـزة والكـرامـه يـنـالـه اللي يحوش الطيب يبعد عن العار *** وعـن المراجـل ما تقـصر احبالـه ولا تأمن الدنيا ترى الوقـت غـدار *** يا ما غـدر باللي حميـده اخصالـه عقب الحلا تسقيه كاسات الأمـرار *** ولا هـمـهـا كـثـرت وقـل الشكالـه يا كاتب أكتب من جزيلات الأشعار *** أكتب من الجزلات وأترك اهزاله دونك رسالـة يا حمـد لأبـن عـبـار *** وإلى وصلت القرم عطه الرسالـه وصل سلامي يا حمد لأبن الأخيار *** وإلـى قـرأ المكتوب يرسل بـدالـه من اللابـة اللي تارد الموت جسّار *** عـدوهـم تصفـق يـمـينـه شمـالـه يا ما غدوا بالوضح زينات الأوبار *** لـو كـان راعيهـم يكـود احتـلالـه أولاد وايل يوم هي جيش وأمهـار *** يا ما كسبوا من شيخ قوم حلالـه أولاد وايـل كـان عـج الـدخـن ثـار *** ترسي كما ترسي رواسي اجبالـه عـدوهـم يـرجـع ذلـيـل ومـحــتـار *** وعـاداتهـم رد الجـمـيـل بجـمـالـه منهـم خوالي أهـل المجـد والكـار *** جـعـافـرة يـا عـز مـنـهـم خـوالـــه يا ما نزلوا بالقفر لو فيه الأخطار *** وهـم فزعت المظيوم لا جا مجاله جعافرة يا ما أحتمـوا كل معـطـار *** بسيـوف حـدب مـرهفـات السلالـه يستاهلون المدح صلبين الأشوار *** أهل الشرف والطيب وأهل العداله ثم أشتكيت الحال يا وافي الأشبار *** يالـوايلي يـا عـز مـن هـو شكالـه لي صاحب ما شفت مثله بالأقطار *** يـمـرنـي بالـنـوم نـظـرت خـيـالـه من خلقتي ما شفت مثله ولا صار *** سبحـان ربـي صـوره فـي جمالـه شقـر جعـوده فـوق الأمتـان نـثـار *** مـن شافهـا مـا سج وأرتـاح بالـه يا عيـن حـر لأبـرق الريش جـزار *** راعـيـه لا هـده يـجـيـب العشـالـه حبـه صرمني بالحشا جاير اوجار *** والنـار فـي قـلبي يـزيـد أشتعـالـه ولا فيه غيره بالحشا يطـفي النـار *** والنـار تطفي لا حصل لـي قبـالـه من غيرها بالبيض ما ظني أختـار *** يا ما ويـا مـا قـدم رجـلي خطالـه راعي الهوى ما يرقد الليل سهار *** ومـن لا يحصل صاحبـه عـزتـالـه شكيت شكوايه على الوافي البـار *** رجـل فـهـيـم ونـقـتـنع فـي مقـالـه رجـل ولـه عنـد الرجاجيل مقـدار *** وعـادات مثـلـه يدركـون الجمـالـه يفـداه من فكره عن الطيب منـدار *** اللي مشى بدرب الردى والرزالـه الـلي يدينـه عـن الجـزلات قصّـار *** والعـمـر عاشه بالـردى والنـذالـه يفـداك ولـد اللاش يالطيـب السـار *** يالوايلـي يا عـز مـن هـو عـنـالـه * قال عبدالله بن عبار رداً على عبيد بن راضي بن هليبان الحربي : 530 بديـت فـي مجـري ينابـيع الأنهـار *** عـلام غـيـب ايـامـهـا مـع لـيـالــه الواحـد المعبـود مذري هـل الغـار *** مـن غيشمـان غـارقيـن بجـهـالـه منجي نبيـه مـن عناتيت الأشـرار *** في عون رب الكون ما أحدٍ قواله ومن بعد ذكر الله سجلت الأشعـار *** سميت وأدنيـت القـلم مـن مشالـه لا جاني المكتوب رديـت باصخـار *** والخـط ما نرغـب لك الله أهمـالـه بالـيـوم يـأتـيـني مكاتـيب مشـوار *** وأشعار من غـرب البلاد وشمالـه قيفان تسند لـي عـلى قـاف عبـار *** مـا مـر يـوم الا تـجـيـنـي رسـالــه والقاف لا كرر عـلى القاف تكرار *** وأن كان شاب القاف يقفل مجالـه أحيان أقول أبا اعتذر شعرنا غـار *** ولا عـاد ضـل الا تـوالـي حـثـالـه محرج أنا ومن لح الأجواد محتار *** ولـولا معـزتـهـم نويـت أعـتـزالـه هـذي حقيقـه قـلتها سـر وأجهـار *** ما عـاد لـي فـكـه ولا مـن دخـالـه لـو أعتذر للناس ما تفيد الأعـذار *** وتـعـبـت مـانـي يـالأجـاويــد آلـــه ومن كـز قافـه ما تحمل أستنظـار *** كلـن يـبـي رد الجـواب ابـعـجـالـه أحـد يقـول أنـي زلهتـه استحـقـار *** وأحـدٍ يـقـول أظـن مـانـي ابــالــه الكل ينشد وش علامه اوش صار *** مـا رد لـيـه بالعـجـل وش جـرالـه وأبي اعتذر لعبيد من بطو الأدوار *** مايواخذ اللي ما فرغ من اشغالـه يـا مـا لـفـنـا مـن مـراسيـل شعـار *** الـلـه يـعـيـن الـلي يكـافـح لحـالـه قيفـان مـن مثلـك شغاميم وأخيـار *** وكـم واحدٍ شرواك يسوى عدالـه واليوم جاك الرد يا نسـل الأحـرار *** يـامـن تـمـاجيـد القـوافـي زهـالـه عساك سالم يا فتى الجود وامجار *** أنـت الـذي شعـر المـديح ايحلالـه مثل القطامي كان فـر من الأوكـار *** لا هـده القـنـاص يـرمـي العشالـه مـن لابـة بالكون يهـدون الأعمـار *** لا طار عـن غوج المدرع اجلالـه حنـانيـه يـثـنـون كـان الدخـن ثــار *** حبس القطيع إلى تـزاود اجفـالـه صلبين واحدهم عـلى الضد جبـار *** وللصاحب أحلا من درير المشاله خوال أبـوي ولا بهـم قـول معـيـار *** طـراه قـرم يـفـتخـر فـي خـوالــه يا عبيد لك عندي حشيمة وتعـبـار *** حيثـك مـن الـلي طيـبـاتٍ افعـالـه نكتب جـوابـك يالحنيني بالأسطـار *** والـمعـذرة يا شـوق زاهـي دلالـه تشكي هوى اللي خدها تقل جمـار *** وصفتهـا بالوصـف مثـل الغـزالـه ترى الهوى يا عبيد والحب غـدار *** من لا تجـود عاصف الحب شالـه أسمح لـنـا نبغـي نباديـك الأشـوار *** مالي عـلى مخـلـوق ربـي وكالـه وأن كان تبي زيارتي رحـت زوار *** يا عبيـد مـن شانك لـزوم اعـنالـه بـالـجـاه ولا بـمـد درهـم وديـنــار *** وكلن على المقدور يرخص رياله قـلـتـه ولانـي للأ صـاحيـب غـرار *** وعذر الرجل يمحا نواقص خماله *- قال مهل بن مرسال الجعفري هذه القصيدة يتلهف على فقد نجله مجول رحمه الله ويسند على عبدلله بن دهيمش بن عبار : 531 عـلـم لفـاني فـي ضميري فجـانـي *** أوجست قلبي يضربه تقل عبرود تقـول ليـل يا أبـو مشعـل غشانـي *** أهـل من العبرات والوعي مفقـود هلت دموع العين وزادت أحزانـي *** صبـرت لـكـن التصبـر لـه احـدود لـو اتـشجـع بـاد عـزمي وشـانـي *** والهـم صار بداخل القلب مرصود هـمي بـكـبـدي يالسنـافي كـوانـي *** عيني سهيره والعرب كلها ارقـود على الذي ما يوم شفتـه عصانـي *** طبعـه شريف ولا فعـل كـل منقـود مـن يـوم شـب وبالمراجـل كفانـي *** ما أهتم من حاجه الياصار ماجود وعـن الوهج ضلل عـلي وحماني *** لا شـك قـادنـه سهـوم الـقـدر قـود لـو اتـمـنـى مـا تـفـيـد الـتـمـانــي *** حـطيتـه بقـبـر بـه الحـفـر ملحـود يـا الله عسـاه بنـاعمـات الجنانـي *** أطلـبـك يالـلي للمخـالـيـق معـبـود يا الله عسى في جنتـك لـه مكـاني *** رحمتـك يا رحمن يا واسع الجـود واخـونـت الدنيـا وجـور الزمانـي *** لـو اضحكت يبكنك اسنينها السود أمـرٍ مـن الـمـولـى ومـا راد كانـي *** يا العـبـد مـا بيديك نقص ولا زود والحمد للمولى على اللي عطانـي *** وما قدر الرحمن ماهـوب مـردود وصلاة ربي عـدد صـوم رمضاني *** أعداد ماهل المطر وأخضر العود عـلى الـذي جاب الهـدى بركـداني *** دينه غلب دين النصارى واليهود * وقال عبدالله بن دهيمش بن عبار هذه القصيدة يحث زميله مهل بن مرسال على الصبر ويترحم على نجله الراحل مجول رحمه الله : 532 يا مهـل ابن مرسـال قـافـك لفانـي *** الـلـه يعينـك تبدع الشعـر محـدود مفجوع من فقدك عزيـز المكانـي *** مجـول عساه بجنـة الخلـد مخلـود لـو قـلت لي نـوم الملأ مـا هنانـي *** الـلـه يعينـك بايح الصبـر مجهـود ودنيـاك مـا بيـن النعـا والأغـانـي *** أيامها يأتـي بهـا نحوس واسعـود يـعـل يـفـداك الـردي والـهــدانــي *** أصبـر ولابـد تالي الصبـر محمود والموت حاصل يا عريب المجاني *** مهما يعيش العبـد فالموت ماكـود يا مـا فـرق يالقـرم بيـن الخـواني *** ويا ما فـرق ما بين والـد ومالـود ويا ما فرق بين الأهـل والعـوانـي *** وعمـر الفتى لـو طال لابد محدود الـلـه يعـوضـك الأجـر والحسـاني *** ويجبر عزاك الله يا صاحب الجود عسى العوض به بالعيال الـدواني *** أخـوانـه الـلي كلـهـم ماكـر فهـود لا جـاء نـهـار يلـفح الهـرمـزانـي *** عـن عاصفه عـدك تذريت بحيـود طلبـت الـلي يـعـلم بجهـر وبيانـي *** يجعـل عيونك يا مهـل تقبـل النـود هذا الجواب اللي لفـظ بـه لسـاني *** قافي عـلى معنـاه بالصدق مسنود وأرجو السموحة من كلام خفانـي *** وأستغفـر الله يوم شاهد ومشهود وعـلى الـذي نـزل عـليـه المثـاني *** صلوا عدد ما هل مزن له ارعـود صلوا عليـه اعـداد نبض الثـواني *** نبينا اللي سار فـي خيـر مقصـود * وقال مهل بن مرسال الجعفري أيضاً هذه القصيدة أيضاً يسند على عبدالله بن دهيمش بن عبار : 533 يا راكـب الـلي مشيهـا بـروجـاني *** أسبق من الشيهان لا ناض بطيار أن عـدت الأمـيـال ألـف وثـمـانـي *** توصل جناب الوايلي نسـل عـبـار تلفي على القـرم العديم الحصاني *** يا مـكـرم الخطـار يا مـدلـه الجـار يذبح من الجـزلات حيـل اسمانـي *** مـا حسـب للـدنـيـا وللـمـال خسّـار الـلـي يـحـط الـبـن والـزعـفـرانـي *** بالدلـة اللي نصفهـا هـيل وابهـار مـن لابـة يشدون زمـل الصخـاني *** أولاد وايـل طـيـبهـم مـابـه أنـكـار أن عـزل الصـابـور بالجـبـخـانـي *** فازوا على الأضداد بالماقف الحار حـريـبـهـم يـروح حـقــه بـيــانـي *** يطـول غـبنـه مـا قـدر ياخـذ الثـار الـلـه من هم يا أبو مشعل طواني *** وأمضي الأوقـات مع كثـر الأفكـار لـو نمت مـا نـومي لـذيـذ هنـانـي *** أعـالج الهوجـاس فـي شبت النـار أشكي عليك من اختلاف الزماني *** وشيب عيني وين راحوا هل الكار راح الطـرب ومكاظمـات العـناني *** لا سـامعـن نـجـرٍ ولا حنـت حـوار مـن كثـرت النعمـة وقـل الأمـانـي *** وأشوف سلـمٍ مـن معانيـه محتـار ما تفـرق الطيّب من أبن الهـداني *** في قـدرت المعـبـود عـلام الأقـدار وحنا بضل أهـل الفخر والحساني *** نعـم بهـم حكام من ماضي الأدوار يلجـأ لهـم مـن ذاق مـر الهـوانـي *** ماشين بحق الله فـي كـل الأقـطـار حـامينهـا عـن كـل قـاصي ودانـي *** وقـت الشدايد ما يهابون الأخطار وأستغفـر الـلـه كـان زل اللسـاني *** توبة نصوحه للولي ما بها اعـذار وصلاة ربـي عـد ناشي المـزانـي *** عـلى رسول يرشـد النـاس بانـذار * قال عبدالله بن دهيمش بن عبار رداً على مهل بن مرسال : 534 بـديـت بالـلي بأمـره الكـون كانـي *** المعـتني بارزاق خلقـه والأعمـار منـزل كتـابـه فـيـه سـبع المثـانـي *** آيــات تـتـلا لـلـمـخـالـيـق تـذكــار ومن بعـد ذكـر الله نبـدي مـعـانـي *** رد الجواب الـلي لفـاني به اشعار رديـت قـيـل الـلي بقـيـلـه نصـانـي *** يرغب مرد القيـل تسجيل بامكـار خـط لأبـن مـرسـال حـزت لـفـانـي *** رديت رد القـيـل مـن دون تحيـار عـجلـت رده بالعـجـل يـوم جـانـي *** وكتبـت رد الخـط للـقـرم بأسطـار وأمـا عـن التسجيـل قـلتـه بيـانـي *** أسمح لنا يا مهـل يا نسل الأخيـار والشاهد الله يا أبن الأجواد مانـي *** ماني من اللي بالملأ نفوسها كبار لا شـك نـقسـم وقـتـنـا بـالـثـوانـي *** واشغـالنـا يا مسنـدي دايـم أكثـار دايـم تجـيـنـا مـن بعـيـد المـكـانـي *** رسايـل مـن كـل الأقطـار وأشعـار هـذا تـعــنــا وزارنـي مـا لـقــانـي *** وكـز الرسالـة يمنـا عقب مشـوار وهـذا الـذي بالخط يالقـرم عـانـي *** يرغـب مرده بالعجـل قبـل الأنفـار ولو أكتب ردوده يجي خـط ثـانـي *** أمـرار تـأتـيـنـي رسـايـل وتـكـرار وأن كان ما جاله جـوابي شكانـي *** الله يجيرك من صواديف الأضرار كانك شكيت من أختلاف الزمانـي *** ولاحظت سلـم مـن معانيـه تحتـار أنـا كـذلـك شـفـت شـي دهــانـــي *** تدخـل عـلى الـلي للمخاليق سـتـار شفـت العواني مـا تـزور العـواني *** والجار شفته ما يسيّر على الجار لا صـار مـالـه يـوم يأتـيـك شانـي *** يعـرض رفيقـك ما يمرك بمسيـار لا شـك راحـت مـا تجـي بالتماني *** ما صار صار ولا تفكر باللي صار وصلواعلى المختار راع الحساني *** اللي وقـاه الـلـه فـي مظلـم الغـار *- قال الشاعـر كريدي بن قشعم الشمري هذه القصيدة يسند على عبدالله بن دهيمش بن عبار : 535 يـا راكـب مـن عـنـدنـا فـوق فـزاز *** سـهـواج مـواج سـريـع إلـى فــز ملفـاك أبن عبـار لا صرت معـتـاز *** القرم ريف الـلي على الـزاد يلتـز لا شاف زولك ينطحـك كنـه الـبـاز *** وعــنـده دلال صـافــات تـقــل وز فنجالهن يغدي خوا الراس ممتـاز *** وابهارهن من ديـرة الهند جا كـز لاجو مسايير الضحى جاب نقـراز *** جـذاب لـقـروم النـشـامـا إلـى نــز يا شوق غـرو ما نظـر كـل غمـاز *** ولاهي من اللي من الغنادير تغمز يزها لها عقود الجواهـر والألماز *** ولبس الحرير وبدلت الشال والقز ونشهد لكم بالطيب يا أولاد عنـاز *** يـوم المعـارك طعـنـكم للـعـدو كـز وأن رز عند اقطيهم صـوت رزاز *** عـاداتهـم نـطح الفـرنجي إلـى رز وقـت الـلـزم مـا ردهـم كـل حجـاز *** أرداهـم الـلي لا لـكـد هـزهـم هــز ذخـر الـذي لـزه مـن الـظيـم لـزاز *** زبن العرندل لا مشى بالعصا خـز أولاد وايـل لا تـعـاطـوا بـالألـغــاز *** عدوهـم فـي ساعـة الضيق ينمـز واللي غـزا عناز من حربهم جـاز *** يدعـون راسـه مـن علابيـه ينجـز عقب القشر صرنا قرابات وعزاز *** فزعوا لنا الويلان وسووا لنا عـز ماأنت لربعك يا فتى الجود منحاز *** كل من سمع قافك من الناس يعتز ودي مــرده يــا بـعــد كــل لـمــّاز *** وعسى لسانـك مـا تـهيـالـه الحـز * وقال عبدالله بن دهيمش بن عبار هذه القصيدة رداً على الشاعر كريدي بن قشعم الشمري : 536 سـار القـلم والبال يملي لـه العـاز *** قـوافـي نـقـيـتـهـا مـا بـهـا الــمــز ردٍ على اللي في علوم الفخر فـاز *** القشعـمي للطيـب والمجـد يـرمـز قافـه كما الشهد المصفى بشيـراز *** أو درت الخلفات يحلـب مـن البـز مشكور يا كريدي على مدح عناز *** ضـد الـعـدا يـوم الشلافـي لهـا دز وأن كان قبت وقدت الحرب بالقاز *** لا بـد مـا يحـرق بها من لها شـز ولا همنـا منطـوق خايـب وجنبـاز *** دخـان تـولـيع الكـريـفـن إلـى مـز خطو الجحود اللي كلامه أستفزاز *** عاب الرجال وقيمته خمسة اجزز ربعـي وربعك للعـدا غش وأنحـاز *** لا صار بالهامـة كـويـزات وأكـوز شمـر هـل الطولـة ثقيلين الأرواز *** عـلى المنـايا وردهـم باللقـا أفـرز شمـر حمول الخيل زاكين وأعزاز *** حطاطت الحايل على منسف الرز وأولاد وايـل من قبل حـرب خـزاز *** وذي قار يوم أن السبايا لها جرز وإلى حصل يوم بـه طـراد وألـزاز *** وجدع الجنايـز بالفلا كنها احجـز مـن هـازهـم زاد الـقـوايـم بعـكـاز *** يصـول نـمـر وينثـني كـنـه أخـزز من ديرة الغوطة إلى دار الأهـواز *** بجنـا الديـار بـلا جـوازات وأفـيـز بالسيف نرتع كـل مـرتع لنـا جـاز *** وأفـعـالنـا فـي كـل الأوطـان تبـرز واليـوم حنـا بضل وافيـن الأنجـاز *** اللي بحماهم يكرم الشخص ويعز قـلت وغرفت القيل من نبع ترواز *** حاشى على مثلي عن الرد يعجـز يتبع التعديل الأخير تم بواسطة عبدالله بن عبار ; 07-06-2022 الساعة 04:35 PM |
|
|
|
|
07-06-2022, 05:11 PM
|
#45 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال الشاعـر فحيمان بن عودة الحجوري الجهني هذه القصيدة يعاتب زميله عبدالله بن دهيمش بن عبار العنزي بعد أن سمع أحد قصائده وخيّل لـه أن هذه القصيدة تعني قبيلة جهينة وقد ألتبس عليه الأمر علماً أن المقصود بالعبارة الواردة بتلك القصيدة تعني المثل العربي القديم الذي ورد على رجل من العرب يسمى جهينة ويلقب جهينة الأخبار فيقول المثل ( عند جهينة الخبر اليقين ) : 537 أحضر قلم وأختار من زين الأقـلام *** وأكتب حـروف يـوم تـوزن ثقيلـه وإلى قبضته باربع أصباع وإبهـام *** حـرف الـغـلـط خـلـه ودوّر بديـلـه أكتـب بقـرطاس مثـل ناصع الخـام *** مـا قـل دل ولـو حـروفـه قـلـيـلـــه من هاجس عن رد الأمثال مـا نـام *** ولا قــال قـول الا مـوكـد دلـيــلـــه لا هب نسناس الهوى والبحـر زام *** أنـشي جـواب مثـل وبـل المخيلـه أول مـا نبدابـه مـواجـيـب الإسـلام *** سـلام مـرسـول لـكـل الـقـبـيـلــــه أغـلا مـن الفيـروز بـيـديـن سـوام *** وأعطر من نفيح النفل في مسيلـه وألـذ وأحلا مـن لـبـن كـل مـعـتـام *** مـني لـقـوم يـحـتـمـون الـدبـيـلـــه يلفي عـلى الويلان مع زين الأيـام *** بـيـاعـت الأرواح دون الـدخـيـلــه لا قمت يالمرسال في نشر الأعـلام *** وصـل سـلامي كـاسبيـن النفـيـلـه قـل أخبـرونـا بجابـة نشـرت العـام *** ولـفـهـا أبـن عـبـار ولا احـكي لـه جـابـه تعـبّـر مثـل تعـبـيـر الأحـلام *** كـلـن يـعـبـرهـا عـلـى قـد قـيـلـــه الشـاعـر الـلي حـط للجابـة انظـام *** ودستـور علمه قـبلها مـا دري لـه الجابه الـلي بالهـوى طيرهـا حـام *** تسـعى لـتـولـيـع بـراس الـفـتـيـلـه وأرسلت لـه بالخـط مرسال عـزام *** ودي يـبـيـّن مـقـصـده واتـحـليـلـه مع الأسف خطه مثـل بارق الشـام *** الـلي عـلى الركن الشمالي نخيلـه * وقال عبدالله بن دهيمش بن عبار هذه القصيدة رداً على الشاعر فحيمان بن عودة الحجوري الجهني : 538 سر يا قـلم بالقيل وأسـرع بالأولام *** سجل جـواب الـلي بـدالـي بقـيلـه وضح لنا المقصود عـن ظلم ظـلام *** والظلـم والـلـه ما نحـطـه وسيلـه يالشـاعـر الـلي تفـتهـم كـل فـلهـام *** مـا قـلـت شيـن بعـزوة تـنتمي لـه قـبـايـل جهـيـنـه عـزيزين واحشام *** مبطي لهـا تاريخ مـا هـي جهيلـه من يفهم المقصود مـا صـار لـوام *** ومـن دور الغـرات مـانـي زمـيـلـه الطيب يبقا والفخـر عبـر الأعـوام *** وراعي الردا يالقرم ما أحدٍ دريلـه من جاء لنا بالطيب له عز وأكرام *** والـلي قـصـد لا بـد تـفـنـيـد قـيـلـه أشوف أبن عوده غزا اليوم هجام *** حـشـد مـعـداتـه وجـيشـه وخـيـلـه ومن عال له بالشرع رادع ونهـام *** وكثـر المجادل فيـه عيب وفشيلـه حنا عن هروج الردى نحجم حجام *** ونشوم عـن نبش العـلوم الرذيلـه والجابه الـلي قـلتها ما لهـا أحكـام *** والنـاس تـدري بالعـلـوم السميلـه تشكي ولا أنت من الأجابات منظام *** ولا قـلت عـيـب بـلابتـك والقبيلـه أنشد سـراة أفـراد ربعـك والأعـلام *** عن جابتي يا شوق ناقض جديله أمـثـال مـا فـيهـا عـلامـة أستفهـام *** لـو تنشـد الـلي يفهمون اتحـليـلـه هذا المثـل موجود من دور بسطام *** أمـثـال تـورد بـالـقـوافـي مـثـيـلـه منطـوقـنا يا مسندي مـا بـه ادغـام *** ولا بـه عـلى جهينـه لك الله ميلـه * وقال الشاعر فحيمان بن عودة الحجوري الجهني هذه القصيدة يتشره على زميله عبدالله بن دهيمش بن عبار بحيث أن الأعتذار وجهه لشيخ شمل قبائل جهينة الشيخ صياح بن سعد بن غنيم : 539 سار القلم مع حضرة الفكر للقـول *** وأستقبلت بيـض الـورق ما كتبتـه وسجلـت خـط لأبن عـبـار مرسول *** والبـاركـر بـيـن الأصابع قـضـبتـه وأنـا عـن الـزلات بالقـاف مسئـول *** حيـث القـلم على الكتابـه غصبتـه أول جـوابـي فـيـه مجهـود مبـذول *** وسـلام مثـل الـورد زاهـي بنتـبـه ومن بعدها يالوايلي عمرك ايطول *** الشعـر كاسه مثـل غيـرك شربتـه ورسالتي عندك لهـا غـلق الحـول *** وارجوعهـا عـلى المشايخ نسبتـه والعـلم لـه عندك دلايـل ومحصول *** لا تنقـص أيـام الشهـر لا حسبـتـه عذرك لفا لغيري على خط معقـول *** أمـا غـلـبـك الـوقـت ولا غـلـبـتـــه أماأنت مع غيري بالأمثال مشغول *** ولا جـوابـي بـه خـطـأ واجـتـنبتـه مـا ودي أقابلـك مـع خـط مجهـول *** ولا تـلـومنـي لـو رد خـطي طلبتـه من شان عـلم فيـه عاذل ومعـذول *** البحـر الأحمـر في جوابك ضربتـه وهـذا تجـدد عهـد والعقـد محلـول *** أرمـي هـدف وأن قـدر الله أصبتـه ما تنفع الدعوى على غير مدلول *** وعود الشرف ما ينكسر لو شذبته أيامـنـا يوجـد بهـا طلوع وأنـزول *** أمـا كـسبـك الـيـوم ولا كـسـبـتــــه من بعدها يالوايلي وش تبي تقول *** خطي وصلك وصوب غيري قلبته أما أنـت جاوبـني وشداتهـا تـزول *** ولا رشـاهـا عـن قـليبـه قـصـبـتـه العـام جا لك حرف مع باب مقفول *** وحرف الغلط يالقرم كيف أرتكبتـه قومت حملـه كنهـا حملـة اشكـول *** ومدفعك في روس الجذايب نصبته سويت خطـه مـن سياسات ديقـول *** وعلمك على جهينة بخيلك هذبتـه * قال عبدالله بن دهيمش بن عبار هذه القصيدة رداً على الشاعـر فحيمان بن عودة الجهني : 540 سر يا قلم وأكتب من الشعر ماقول *** سجل نظـم قافي مـن الفكـر جبتـه أكـتـب كـلام لــه شـواهـد ودالـــول *** مثـل الجواهر من مشيله سحبتـه بدعه جلا عن خافقي ضيقت الجول *** مثـايـل تـبـعـد عـن الـبـال كـبـتـه عبـرت مـن قيـل كمـا سيـل هملـول *** من فـن بدعـي ناظمـه مـا نهبتـه جـانـي كـلام كـنـه الـشـهـد معسول *** ولا كـمـا در الـبـكـار أن حـلـبـتـه قيـل الحجوري منطقه هالني هـول *** يشره وأنـا هـرج الخطأ ما قربته فحيمان لردود اللنقا يجمع الضـول *** جرد يبي حـربي وأنـا مـا حربتـه أن كان عـني هـرج يالقـرم منقـول *** الشـاهـد الـلـه بالمثـل مـا هـزبتـه يقـول لـه عـنـدي رسالة لهـا حـول *** والخـط مـا والـلـه بكـفي قـضبتـه الحـمـد للمـولى عـن الكبـر مكفـول *** والـلي يـناديني بـصوتـه أجـبـتـه ولا بيننـا يـذكـر حـزازات وأزعـول *** كـود المثـل من بد غيري ضربته ولاني كما تذكر مثل حضرة اشكول *** هـات الـدلـيـل وأي حـق سـلـبتـه هــذاك يـهــودي وكـافـر ومـخـذول *** لا شك أنا مسلم ولا صمت سبتـه وأن كانـني كـزيت للشـيخ مرسـول *** صياح شيخك وأن أمر ما عقبتـه صياح شيخ ومن مشايخ لها فعـول *** مسبوك مـن جوهـر نقيـه ذهبتـه واللي نصى صياح بالعذر مشمـول *** ومثلك فخـر شيخك يطول أرقبتـه هو مقدم الجهنان بالعرض والطول *** نسـل الغـنيم خيـار قـومك نجبتـه *- قال الشاعـر معزي بن طليان الخريصي هذه القصيدة يسند على عبدالله بن دهيمش بن عبار : 541 قال الخريصي وأبتدأ سـر وأعـلان *** شـكـيـتـي لـلـوايـلـي رافـعــيــنـــه قـم يا نديبي شـد لـي فـوق نيسـان *** تـوه جـديـد وشـركـتـه ضـامـنينـه سافـر بحفظ الله مـن هضبة العـان *** مـن عـنـدنـا للـوايـلـي مـرسـلينـه تـلـفي لـقـرم مـن صـنـاديـد ويـلان *** اهـل الـفعـايـل والعـلـوم الـثـمينـه إلـى لـفـيـتـه قـال حـيـيـت يـا فـلان *** ويذبح لك من الضان عيتا سمينه قلـه تراني يا أبن الأجـواد عجـلان *** عـنـدي رسـالـة يـمـكـم دافـعـيـنـه رسـالـتـي كـزيـتـهـا لـك بـقـيـفــان *** من حيث أبن عـبـار يفهـم رطينـه قـلـه مـعـزي صـار يالقـرم بلشـان *** الحـال ذابـت والمشـاعـر حـزيـنـه سبـايـب الـلي حـط بالقـلـب نيـران *** لعـبي كا لعـب الـهـوى بالسـفـينـه وش حيلتك باللي غدا اليوم بحلان *** الـلي بحـل مـا بـيـن قـلبـه وعينـه هـذا وصلـوا عـدد ما هـل الأمـزان *** عـلى الرسول اعداد رمل الدفينـه * قال عبدالله بن دهيمش بن عبار هذه القصيدة رداً على الشاعـر معزي بن طليان الخريصي : 542 بديـت بالله خـالـق الأنـس والجـان *** عـلام فـي غـيـب القـلـوب وكنينـه الـواحـد الـلـي لـلـمـخـالـيـق ديّـان *** وكلـن مـن المخلـوق يـوفيـه دينـه عذيـت قافي عـن زوايـد ونقصـان *** وكـتبـت مـردود الـرسـالـة بحينـه يشكي لي معزي من الوجد ولهان *** ولا ألـوم قـلبـه لـو تـزايـد حـنينـه لا شك يا معزي أنا صـرت حيـران *** الـلي تريـده يـا فـتى الجـود وينـه دامك سكنت اليوم في هضبة العان *** وخـلك مقـره في ضواحي شنينـه أن كان عندك يا فتى الجود سيدان *** ومعـك رفيق وفيـه عندك خـزينـه تصل مرامك ما أنت يالقرم زملان *** وتزيـل عن فكرك هجوس الغبينـه وعـزي لحالك كان مالجيب مليـان *** ومـن لا لـديـه نقـود ربـه عـوينـه أفطن لقول عبيد في قـدم الأزمـان *** تـمعـن بـمعــنـاه وأعـرف يـقـيـنـه أخوك ما يسقيك لا صرت عطشان *** لا صار ما شرب الفتى من يمينـه والخاتمه صلوا عـلى نسل عدنـان *** المصطـفى الـلي موطنه بالمدينـه * وقال الشاعـر معزي بن طليان الخريصي هذه القصيدة يسند على عبدالله بن دهيمش بن عبار : 543 يا راكب اللي لا مشى جـاب مافيـه *** منـوت غـريـب مبعـدٍ عـن عـيالـه منوت غـريب قـام يصفـق بأياديـه *** هـام وغـدا قـلـبـه تطـارخ احبـالـه فطنت عـليـه الـدار وأيضاً بنيخيـه *** وقـام أيـتـذكـر لابـتـه فـي خـيـالـه وأركا على اللي يوم بالقار يعطيـه *** الـمـيـة والسـتـيـن بـالـمـيـل نـالـه يحمل جـواب من ضميري معـنيـه *** للـوايـلي سـاس الفـخـر والشكالـه مـع التحـيـة والسـلامـات نـهـديـه *** حيـث الـلي مثـلـه طيـبـات فصالـه عبدالـله الـلي كـل مـا حـل طاريـه *** أفـخـر بـعـلـمـه يـوم يلـفي مجـالـه وأطرب لقافـه يـوم نسمع معانيـه *** حـيـث أن قـافــه دايـم بـه جـزالــه ومن بعـدها قـلـه وليـه البطأ ليـه *** وش السبب ما جـاء مـرد الرسالـه دفـعـت لـك خـط مـوضح مـبـاديـه *** حـيـث الـلي مـثـلـك دايـم ينشكـالـه وأختم جوابي بآخـر القاف وانهيه *** صلوا على المختار فـي كـل حالـه * قال عبدالله بن دهيمش بن عبار هذه القصيدة رداً على الشاعـر معزي بن طليان الخريصي : 544 حي الجواب اللي لنا القرم مهديـه *** وحـي الـزميـل الـلي يعـز الـزمالـه جاني جـوابك وأعجـبني مهـاجيـه *** وسميت وأظهرت القلم من مشاله وسجلت لك بالقيل حكمه وتوجيـه *** وأنـت الـرفيق الـلي تهمن حـوالـه وأبي اعتذر لك يا زبـون المداليـه *** يا أبن الكرام الـلي عـريب خـوالـه أن كان تنشـد عـن عـدم ردنـا ليـه *** فـكـري أحـتـار وحيـرنـه اشغـالـه تأتي لنـا الأشعـار مـن كـل تـاجيـه *** ومن ثقـل حملـه ما يطيق أحتماله لـو اختصرها قيـل قصده مـزاليـه *** وكلـن يقـول الخـط مـا جـاء بـدالـه والرجل وقته يابن الأجواد يقضيه *** بـيـن الـدوام وبيـن خـدمـة عيـالـه أن زار الـلي مثلـك نعـزه ونغـليـه *** واللي ما هو شرواك نقطع اعقالـه شروى جنابك لـه عـلينـا مشاريـه *** ولانـي لـكـم يـالـقـرم بـالـرد زالــه وتـرى الـذي لقـا صديقـه عـلابيـه *** خـلـه يـولـي مـا يـحـوش الجمـاله لكـن ظـروفـي يالسنـافي مهـامـيـه *** مـا هـو تجـاهـل يالزميل وجهالـه *- قال الشاعـر عايد بن رغيان الشراري هذه الأبيات يسند على عيد وقد نشرت بصفحة نادي الشعراء في صحيفة الرأي العام الكويتية تحت عنوان آخر ما قالوا : 545 يا عيد عن ذكرك كفـا شوف عيني *** صنع الكـريـم بديرتـه عـاز حـرده من عـادتي يا عيـد صيـد السميني *** أرغـب عنود الصيد وأحـب طـرده مـار العـنـود الـيـوم مـا تشتهـيـني *** وغديرها لـو فاض مـا عـاد نـرده طـول المسافـة حـال بينمـه وبيني *** والبندقيـة مـن جفـا الوقـت خـرده الـيـوم سـن أخـوك بـالأربـعــيـنـي *** مـتــوسـط مـا بـيـن حــره وبــرده لـولاي تـبـت ويـمنع النقض ديـني *** لا أقول يا زهر الهوى هات ورده * قال عبدالله بن دهيمش بن عبار هذه الأبيات مجاراة لأبيات عايد بن رغيان الشراري : 546 عـايـد تـكـلـم بـالـكـلام الـيـقـيـنــي *** شعـر الغـزل تـرك جـديـده وجـرده لا شـك ذكـرنـي بـعـشـرة خـديــني *** وقصة غرامي ما نبي طول سرده عـلمي بـهـا يـوم الهـوى مطبيـني *** واليـوم صار القـلب يجفـل بشـرده لكـن بـلاي الـلي ضـميـره يـبـينـي *** يـطـعـن بـعـيـنـه كـنـهـا حـد كـرده الـلي وسـم قـلبي بوسـم المـزيـني *** مـدري بخـت ولا مـن الحـظ قـرده قـلت العفـو يا زين عـنـدي اثـنيني *** قال أنـت تقـدر تردع الحمل فـرده مـا ألوم محسن بالهوى والحسيني *** لعـبـوا بشطـرنج المحـبـة ونـرده * وقال الشاعر عايد بن رغيان الوردة الشراري هذه القصيدة يسند على عبدالله بن دهيمش بن عبار : 547 أن قلت هاتـوا موتر ضـد الأخطـار *** قـالـوا خطير مـن غـراز العـدامـي والـطـايـره تـبـغـي وقـود وطـيـّــار *** ونخـاف يأتـيهـا الخـلـل بالحيامـي أن قلنا نرسل زورق وسط الأبحار *** يغشاه عاصوف من المـوج زامـي ولا مـن قطـار عـابـر كـل الأقـطـار *** لـو كـان يـوجد من حديـد حطامـي ولا بـد من حاجـة مطيـه بالأسفـار *** ممشاك رجـلي وأنت قادر حرامـي يا راكـب حـمـرا غـريـبـه بالأطـوار *** ما تنقوي لـولا الرسن والخـزامي ما فوقها الا الخرج والنطع وأعذار *** ومـفـتـل وقـت السفـر مـا يـنـامي واشدادها مـن صنع جـبـة للأكـوار *** والميركـة ودويرعـه صنع شامـي فج النحر حدبا ضهـر طفح الأزوار *** عيـن العـديـم أن قابلك بالخصامي هدف مناكب صدرها حص الأوبـار *** ملفـوفـة الفخـذيـن والشـط زامـي تـرعـى مـن البـدري زماليـق نـوار *** حـتى تـسـاوى ردفـهـا والسنامـي مرباعهـا مـابين صيفـور وأصـدار *** اوقـت الشتاء بطحا رجوم النعامي مـن تـل مسـمـار إلـى خـشـم سنـار *** مع الطـرف مـا قـيـدت بالـرمامـي وبعـد التربع تنقض الجـزو بشغـار *** تفـرز لها الزرقاء إلى الجو حامي مع الشدا مـا رجعـوهـا عـلى الـدار *** ولا حملـت تسقي الغنم بالمظامـي مـا تلتـفـت مـع تـالي الـذود لحـوار *** تحفظ شمايلهـا عـليهـا الحـزامـي مـن جيش قـوم بالأصايل لهـم كـار *** أولاد مـكـلـب مبـعـديـن الـعـلامـي تعـنـا لـهـا الـبـدوان مـن دار لديـار *** جيش اللحاوي بالمراجع اهمـامي مـن صلـب حـرٍ يـذكرونـه بالأذكـار *** لـو هـو حقيقة مثل طيف الحلامي من شـط نهـر النيل كسب بالأشبـار *** يـوم أن كـلـن مكسبـه بـالحـرامـي مملـوك مـا هـو سلعـة عـنـد تـجـار *** يطـلـب هـداده كـل سـبع الأسـامي جـدعـيـة مـا جيـب مثـلـه ولا صـار *** مـثـل الـفـريـد إذا حـداه القطـامـي جضيض ربدا بالسهل عقب ما ثـار *** حس الطلق وأخطاه من كف رامي تخطم على فرق القطا حين ما طار *** ولـو تـرتـفع كالـزاجلـة بالحمامـي تقـطع سباسيب الفيـافـي والأقـفـار *** لو هي مظامي والسماء به كتامي من دار أخـو مريـم تعـنت بمشـوار *** تمشي جنوب وقبل وقت الظلامـي ركن الرياض قبالها شوف الأنظـار *** مركـز هـل العوجاء عيال الأمامي هـم سورها ما سوروهـا بالأسـوار *** بالسيف الأملح عن حماها يحامي دستورها بـه ردع للنـاس الأشـرار *** يلقـون فيها عـن هواهـم اسطامي ملفـاك رجـل مـن صليبين الأشـوار *** يـهـاب فـزاتـه خـطـات الـغـلامــي يـا نـاقـل المكتـوب مـني بـه أخبـار *** تعـطيـه مـن يـفهـم معـاني كلامـي عبد الله المعروف مـن نسل عـبـار *** قـرم صميـدع مـثـل حـد الحسامـي يتعـب عـلى العـليا وبالقـاف بيطار *** ويمسك على زمام الأدب بالبهامي مـن لابـة يـوم المغـازي لهـا أدوار *** وايـل هـل الـردة نـهـار الـزحامـي خلفت ربيعـة وصفهم مثل الأحـرار *** وأعـدادهـم مثـل الجـراد التهامـي صلـفيـن فـي يـوم المـلاقـا إذا طـار *** ستـر البنات معـورجات الوشامـي المـنـذريـة يـوم صـاحـت بـذي قـار *** جوهـا بـني شيبان فـزعة شمامي راجوا عـلى الأعجـام بالسيف بتـّار *** اكفوفهم من جيش كسرى دوامي منهـم أبـن مسعـود بالحـرب جبـار *** مثل الفحل وأن طب ركن الجهامي اهـل الكـرم بربـاعهـم بـن وأبـهـار *** وصحون تندا من الدسم واليدامي منهم مصوت بالعشا يـوم الأسعـار *** غـلـيـت بـديـرتهـم وقـل الطعـامـي ربـيـع لـلـخـطــار والـعـز لـلـجـــار *** وأهـل الأمانـة يحفـظون الـذمامـي يا صاحـب الأسفـار بقـبـال وأدبـار *** جـد السـفـر ود الخـبـر بالتـمـامـي قـلـه كتـابـي يـا فـتى مـابـه أسـرار *** ولـو لي حوايج قـلت ماني بكامـي والـلـه مـا نطلـب مـن المـال دينـار *** ولا ظيـم دنـيـا نستعـيـن الكـرامـي وفـر عـلـيـنـا رزقــنـا رب الأقـــدار *** ومقـدارنـا عـنـد الأجـاويـد سـامي أيـضــاً ولانــي لـلـمـزايـــيــن دوار *** مـن عـام الأول تاركيـن الغـرامـي الأمـر كـلـه جـاز لـي بـدع الأشعـار *** وبموجبـه نعـرف عـزيـز المقامي وأشوف أنا الأيـام لو طالت اقصـار *** وأبي اغتنمها قبل فرض النظامي الـمـوت يـأتـي بـغـتـة قـبـل الإنـذار *** ولا بـد مـن قـبـر ركـونـه هـدامـي عرفي بكم هو مقصدي مابها أنكار *** وأمثالـكم هـو غـايـتي والمـرامـي يـنـوب عــنـي خـطـنــا جــاك زوار *** يـهـدي لـكـم تحـيـتـي وأحـتـرامـي مـادام مـا نـقـدر نـجـيـكـم بـمسيـار *** يـا مـبعـديـن الـدار جـاكـم سلامـي أحـلا مـن السكـر عـلى در الأبـكـار *** شقحن مراتعهن فياض الوسامـي ترعى البختري والخزامى والأزهار *** جـيـد الثـريـا بالسحـاب الردامـي فـي ديـرة تـرعـى بهـا كـل معـطـار *** تجني أثمـار اقفـورها كـل عـامـي وأحـلا من المسك الذي عند عطـار *** العـود من عطـر الرجال الحشامي أرسلت لك يا مسندي عـدة أسطـار *** ويا لـيـت مـا فـيهـا عـلينـا ملامـي وإلـى غـلطنـا اقـبلـوا منـا الأعـذار *** هـذا خـبـرنـا والـسـلام الـخـتـامـي وصلوا على شفيع الأمة مـن النـار *** اعـداد مـن سبّح وصـلى وصـامي * وقال عبدالله بن عبار رداً على عايد بن رغيان الوردة الشراري : 548 بديت باسمك يالـولي سـر وأجهـار *** منشي المطر من مدلهـم الغمامـي موحي دبيب الدابية فوق الأحجـار *** يـا رازق الـدود العـمى والهـوامـي يالواحد اللي بقدرتك قـدر الأعمـار *** محصي اعداد شهورها والعـوامي مولاي خلاق الملأ مجـري الأنهـار *** محـيي رمـايـم بـالـيـات العـظامـي مـهـدي طـغـات تـكـره الديـن كفـار *** من عقـب ما هم يعبدون الصنامي من عقـب ما كانـوا عصـاة وفجـار *** هــداهــم الــخــلاق رب الأ نــامـي ومن بعـد ذكـر الله نظمـت الأشعـار *** تجـلي روابـع خـاطـري وأنكتامـي جـواب مـن لـه مـقـدريـه وتـعــبـار *** يـا مـرحـبـا بـه عـد نبـت الثمامـي جاني على عوصا نجبها لنـا خيـار *** تفصم قراريص الرسن واللجـامي جدعيـة مـن شبـح الأزوال مذعـار *** تـفـزيـز ربـدا وجافـلـة بانهـزامـي مـن فـوقهـا مندوب عايـد لـنـا زار *** والقيـت من أجـلـه جميع التـزامـي ورحبت بالمندوب باجـلال واكبـار *** ولـو هـو تعـذر نجـبـره بالحـرامـي من خوف لا نكسب معيبه ومعيـار *** ويـفـرح بغـرتـنـا خطـات الخمامـي الـلـي يـبـث العـايـزة بـيـن الأنـفـار *** ويفـتح عـلـينـا فـاغـرات الأثـامـي عـن واجـبـه لـو اتـعـذر بالأعسـار *** مـا طـاع ناموسي وطبعـي ونـامي ذلـولـه تخـطط مـن أيميـن وأيسـار *** عـلى رقـبتهـا مبالغـة باحتـشامـي وأخـذ ثـلاث أيـام والغـوش سـمّـار *** وقال اسمحـوا يالربع طول مقامي حث المسير لوجهت الشرق بادبار *** جـاب الرسالـة وانـثـنـا بالسلامـي وشديت ما يسبق سريعات الأطيار *** ما لطخوه أهـل الورش بالرخامـي صنع الذي يحمل علامات الأحـبـار *** غير الشهايد فـوق صدره وسامي فـني حديـد ويرتـدي كـاب وأشعـار *** ما شاف راحـة كـل وقـتـه دوامـي حاف الجموس الفين مـرة وتكـرار *** حـتى تـوكـد كـل شـغــلـه تـمـامـي وتـفـقـده باخلاص مسمـار مسمـار *** وطـبـق مـعـداتـه بـكـل اهـتمـامـي وحطوه من فـوق البواخـر بمعبـار *** وجابـه عـلى المينا سريع الولامي راعي التريله حمل الجمس وأندار *** وصـل الجميح بموعـده بأنتظامـي وجاه الـذي لمصندق الجمس دوار *** قـالـوا بميـة صـار سعـره ايسامي قـال اشـتـريـتـه لـو تـحـده بملـيـار *** قـلبـه عـلى اللي يقطع البيد ظـامي ثـم أحضـره لـي والمناديب حضّـار *** جابـه سـريع وقـلـت وقـف أمامـي العفـوا وقّـف يا فـتى الجـود مقـدار *** ساعـة وتاخذ صوب عايد علامي وحال العجـل ناديت بالصوت نـزار *** جاني سريع وقلت جب لي اقلامي وعدنان ناديتـه عـلى المكتبه غـار *** وجـاب الدفاتر من جميع الحجامي وناديـت وايـل بالعجـل دون تحيـار *** وجاب الضروف منوعات الرقامي وكلفت مشعل بالقلم يكتـب أسطـار *** وأمليـت قـافـي للـزميـل العصـامي وسجلت مردي عـلى القرم بامكـار *** الشاعـر الـلي بالقـوافـي ايحـامـي وكزيت به مندوب سافـر مع القـار *** يلـفي عـلى عـايـد رفـيع المقـامـي عايد رفيع الشان صاروم الأحـرار *** بعيـد عـن درب الـردى والتهـامـي لا جيـت هلا وقـدم الرحب بصخـار *** وتـلـقـا المهيّـل بالبـغـاديـد طـامـي وكبش يجيك شواط راسه له اكتار *** ريحـه يـبشـر بـالـدسـم واللـغـامـي وإلـى لـفـاه الضـيـف للحيـل جـزار *** يتعب عـلى كسب الجميل القـدامي والعـود يشرى لو ثمن قيمتـه حـار *** يشريه لو هو صار بألف الغرامي جاب الدخون وناجح الجمر بوجـار *** وساقه على اللي للمباخر حيامي يفداه الـلي جالـه عـن الطيـب ثبـّار *** يجيـه عـن فعـل الجميل أنخـدامـي خطو الرزيل اللي قهوته من البـار *** عـاف الـذي قمقـومهـا لـه خيامـي لا جيـت بيتـه ريح دخـان وأسكـار *** وروايح قـشـرى تجـيـب الـزكامـي هـذاك طـشـه يالسنـافـي بصـنـقـار *** الخـايـب السافـل لعـيـن الـرسـامي الـلـه يـجـازي كـل خـايـن وغـــدار *** شين الضمير اللي فعوله اجـرامي ويعـز ساس الجـود زينين الأذكـار *** اهـل الصخى والمرجلـة والعدامـي أولاد مكـلـب ما بهـم قـول شبشـار *** يا مـا بهـم مـن كـل منعـور سامـي بهـم اللحـاوي نسل شيخان وأمـار *** يثـني إلى جـاء بالجموع انقسامـي وأبن دعيجا ريف من جـوه خطـار *** مشكى النشامى باكتراب الحـزامي وكـم واحـد بالـكـون للخـيـل ذعـار *** لا شـك يصعـب عـدهـم بالأسـامـي ملجأ وحجأ لـلي عـليه الزمن جـار *** ومن سبهـم حظـه تدوسه اكزامـي حـريـبهـم مـا يـلحـقـه لـوم لـو نـار *** قـزاه ضـرب مطيـريـن العـسـامـي قـلتـه وأنا لك يا فتى الجـود شكـار *** وقبـلي شكرك الذايـدي باحترامـي ولك التحيـة مـن جنـاب ابن عـبـار *** مشكور ياللي عن الهـزلات شامي والشكـر لـك اعـداد مـا هـل مـدرار *** وأعـداد ما حـط الرشاء بالمقامـي واعداد ماهز الهوا غصن الأشجار *** وأعداد ما لفوا عـلى العود خـامي شرواك أنا لقوله شفـوق ومفخـار *** واللاش خـطـه نجـدعـه بالـدرامـي والخاتمـه طالبـك يا صاحـب الكـار *** تسمح لنا يا شوق زاهي الوشامي وصلوا عـلى اللي للمخاليق مختار *** محمد شفيع الناس يـوم الزحامـي *- قال مقبل بن عقلا العنزي هذه القصيدة يسند على عبدالله بن دهيمش ابن عبار : 549 قـم يا نديبي للطلب وأركب الهـاف *** هـاف جـديـد وغـالـيـه مـشـتـراتـه ونـيـت يطـوي نـازح الـقـار لـواف *** جـديـد مـا زالـت زروع اكـفــراتـه أسرع من اللي بالجناحين ضفـاف *** وأن شاف عقبـان الطـرد لاحقـاتـه عساه يسلم مـن تصاديـف الأتلاف *** هـاف قـوي مـن قـوة امـحـركـاتـه عـنـاه مقـبـل لأبـن عـبـار بالـقـاف *** من اقصاالشمال خطوطنا ناصياته من دون بيتـه ما ايتحيّر بالأوقـاف *** بحـي النـظـيـم إلـى تحـرك مـبـاتـه إليا وصلت الوايلي ريف الأضياف *** عطـه الخطاب ورد الأبيـات هـاتـه أبو مشعل كزيت لـه عـدة أضـراف *** ولا جـاء مـرد اخطوطنا من تلاتـه ولنـا عليـه حقـوق أكبر من اذراف *** حيـث أبـو مشعـل يفتهـم واجباتـه الشـاعـر الـلي للـقـوانـيـن عــراف *** ومعـنـا المثـايـل يـفـتهـم لمعـنـاتـه شاعـر بني وايل من الكاف للكـاف *** وأمـرشـحـيـنـه لـلـقـبـيـلـه ابـذاتـه رشحـه أبـن حبيـب بعـيـد الأهـداف *** عـبـدالـلـه ابن تشيم أعـلـن ثبـاتـه ما كن عـن واجب والأرياق نشـاف *** فعـل أبـو مشعل بان حـزت انداتـه إلى سمع صوت الندا لو بـه اكلاف *** قـال أبـو مشعـل حاضـرٍ لأ طلباتـه يـنـوب عـن كـل القبـيـلـة بميـقـاف *** ومـواقـفـه بالمـرجـلـة مـن بـداتـه بالشعـر أبن عبـار هـو الـذي نـاف *** ولا الـردي مـا يعـرفـه الا خـواتــه حيثه كما موج البحر زام الأطراف *** كـان اشهـلـنـه بالـهـوا عـاصفـاتـه يالقـرم قـلبي عذبـه زين الأوصاف *** الصاحـب الـلي حـال دونـه اولاتـه واشـف حـالي شـف حبـر ابشفـاف *** شفـه ورق كربون وأنشف دواتـه وجدي وجود اللي توذلف بميهاف *** ولا حولـه الا سباع يسمع اعواتـه سحم الظهورالجايعه تهرف هراف *** يشـوفـهـن بالعـيـن وأيقـن وفـاتـه تـكـانـفـنــه تــالـي الـلـيــل حــواف *** يـبـغـن هـجـاده بـالـظـلام وبـيـاتـه ولا له جدى لكود يصفق بالأكفـاف *** تـلعـثـم لـسـانـه ويـبـسـت لـهـاتــه يا حيف عقب المرجلة صار خواف *** عـزاه لـه مـا شـال حـتى عصـاتـه تعـرضـت لـه بالمقـاديـر الأصـداف *** وأنـا جـرالـي من سببهن سـواتـه لو كان يذكر للهوى قاضي انصاف *** لا أطـالـب المـجـمـول بـمسبـقـاتـه وأخاصـم الـلي خـدهـا تقـل كشـاف *** الـلي حـوت كـل الجمـال بصفـاتـه الـلي عـليهـا القـلب يالقـرم منـلاف *** روابـعــه بـاسـبـابـهـا مـتـعــبـاتـه من غيـرها الخفرات يالقرم تنعـاف *** مـالي بهـن عـقـب الحبيب التفاتـه يبو مشعل من غيرها مالي حساف *** أقـسـم برفـاع السماء عـن وطاتـه عنق المهاة اللي مثل ظبي الأرياف *** شبـه الغـزال الـلـي تـربـا بـفـلاتـه وصلاة ربـي عـد مـا هـب نـفـنـاف *** عـلى النبي المختـار أزكى صلاتـه شفـيع الأمـة يـوم الأريـاق نـشّـاف *** مـن طاع دينـه نال فضل احسناتـه * قال عبدالله بن دهيمش بن عبار هذه القصيدة رداً على الشاعر مقبل بن عقلا العنزي : 550 بديـت بالـلي يعـبدونـه ولا أيشـاف *** مــولاي خـلاق الــمـلأ جـــل ذاتــه عـلام نـص الحـاء والميم والقـاف *** بـآيـات يـقـرون الـبـشـر مـفـرداتـه رب العباد الـلي لـه الخلـق عكـاف *** والـكـل يطـلـب تستجـاب ادعـواتـه خلاق كـل الكون فـي ملفـظ الكـاف *** وبـالـنـون كـون ربـنـا كـايـنـاتــــه رب هدأ روع النبي عقب الأرجاف *** بالـغـار خـلا تـستـكـيـن احـركـاتـه وخلاف هذا نحضرأقلام واصحاف *** والفكـر يمـلي مـن غـزيـر اكلماتـه مـن عيـلم الهـداج مـا جـاه غـراف *** ولا كـمـا صـافـي شـرايـع افـراتــه مـا ينـقـصـه لـو ينـزفـه كـل نـزاف *** مـا هـو مثـل رس تـغـرك صـراتـه قـم يـا نـديـبي جهـز الخـط بـغـلاف *** وأبـده بـرحـمـة الـولـي وبـركـاتـه أركب على جيب إلى سار مزهـاف *** يبـوج صحصاح السهل مع علاتـه وأنا أذكر الله لا مشى كنه أسعـاف *** الـفـيـن بالـلحـظة تـدور اعـجـلاتـه لو سابق البنز الشبح مرها وطاف *** والجمس والكدلـك مع القـار فـاتـه أن سار بالقاع السهل أوبالأشعاف *** شـف الـذي قـطع الفيـافـي شفـاتـه جيب مدبل سرعتـه عشرة أضعاف *** يازيـن مع خـط الشمال اسهـواتـه خطـرٍ يطيـر بلا جناحين وأخـفـاف *** فـرحت ضمير اللي يلوح بصهاتـه ماكينته من صفوها سطحها جـاف *** وعـلـيـه مـنـدوبٍ يـدل امـعـنـاتـــه مـلـفـاه مـقـبـل للمعـامـيـل يحـتـاف *** يـنـطـح قـبـال مـسـيـره بـتـهـلاتـه وفي ربعتـه فرش عذيات وأنضاف *** وأخلاص يجنـا من اثمـار نخلاتـه وفنجال بن إلى انسكب كنه ارعاف *** ويـقــفــاه بـرادٍ يـشـوقـك حـلاتــه من بعدها تقلط على عيت واخراف *** تـو الشـريـطي جـابـهـا مـن فلاتـه عطـه الرسالـة والرجاجيـل وقـاف *** وقـل جـاك رد القافيـة مع وصاتـه أن كان مقبل يشتكي ظيم واخـلاف *** من صاحبه شاف الشقا في حياتـه بالليل كنه جالس له على ارضـاف *** سـهـران والـعـالـم تـغـط بـسـبـاتـه مقبل لعبـه هايف الخصر غـريـاف *** يشكي فـراق صويحبـه وافتخـاتـه والبيض صابن الخفاجي بخفخـاف *** بأسبـابـهـن حـارب قـبـايـل زنـاتـه ودنياك يا مقبل بها غـزو وأنكـاف *** والـلي يـودك مـا يـجـوز اتـخـلاتـه مقبل يقول العـود ما عنده انصاف *** يـرغـب بقـربـه مـار يعـلـن بـراتـه أن طعتني خـل المعاضب لـلأذلاف *** وأفطـن تـرى طـرد المقـفي بهـاتـه خلك صبور وجاهد النفس بعساف *** مـا فـات خـلـه لا يـهــمـك فــواتــه ما فاد تصفيق الأيادي والأحسـاف *** ألا وكـذلـك مـا تـفـيـد الـشـمـاتــــه لا صارما يلقا الفتى فرش والحاف *** عـن طـاري الـمنـه تلحـف عبـاتـه رب الملأ يكفيك عـن كثـر الأحلاف *** وعـسى الـولي شملك يليـّم شتاتـه يتبع |
|
|
|
|
07-06-2022, 05:25 PM
|
#46 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال عبدالله بن دهيمش بن عبار هذه القصيدة يسند على عبيد بن ثاني الضبيب : 551 ياعبيد قيل أنك على الربع شرهـان *** وأنـا أعتـذر لك بس يالقـرم عـني يا عبيد يـوم نـزولكـم كنـت شكيـان *** أسـبـاب عـلي بـالـفـواد امـتحـنـي ولا فـلا قصـدي تجاهـل وخصـران *** لا شـك داي الـمـالـطـيـة شـطـنــي لـو القـدر يا عبيد في ذبح خـرفـان *** يأتيـك قـدرك يـا فـتى الجـود منـي والعذر كانك شفت يا عبيد نقصان *** شـرواك دايـم بـالـردى مـا يـظــنـي حيثك على ما قيل صاحي وفهمان *** ودنـيـاك هـذي مـا تـجـي بالـتـمنـي مادام تحسب من وجيهين الأعـيان *** والنـاس شتى بيـن شيعـي وسنـي * قال عبيد بن ثاني الضبيب رداً على عبدالله بن دهيمش بن عبار : 552 بديت بسم الله فرض خمس الأركان *** عسى الولي بالضيـق مـا يمتحني ومن بعد ذكـر الـلـه سـويت قيفـان *** حـزت وصـول بـيـوتكـم واعجبنـي مقبول عـذرك لو ما حطيت برهـان *** وشرواك عـنـد اللازمـة مـا يكنـي مقبول عذرك يا فتى الجود لو كـان *** أكبـر من المسمى وريـع المغـنـي شرواك ماينباع في رخص الأثمان *** لـو جمعـوا كـل الـذهـب مـا يجـني أذخـرك لـوقـت فـيـه بـايـع وديــان *** يـوم الـسـبـايـا بـالـنـشـامى تعـنـي أنتم سلاحي يـوم روغات الأذهـان *** كـان الـعـدو بـدأ لـسـيـفـه يـسـنــي لـك لابـة بـيـن القبـايـل لـهـم شـان *** أهـل الـقـويـدا افـعـالـهـم يعجـبنـي كـان اخـتـلـط بـالجـو عــج ودخـان *** كـل الأزوار بـفـعـلـهـم يـشـهـدنـي عـدوهـم يـرجـع مـن الـذل نـدمـان *** وصـديـقـهـم بـالـعـز دايـم ايـغــنـي ومن عـز نفسه بالرجاجيل سلطان *** ولـو يـلـبس المـاهـود مـا ينفعـنـي يا أبـو مشعـل كثيرنا عـاش يتمـان *** وعنـد اللـزوم أرواحنـا يرخصنـي * وقال عبدالله بن دهيمش بن عبار رداً على عبيد بن ثاني الضبيب : 553 مبداي بالـلي خـالـق روح الإنسـان *** رب الـمـلأ خـلاق أنـسـي وجــنـي ومـن بعـد ذكـر الله سجلت مـا زان *** رد الـبـيـوت الـلـي جـديــد لـفــنـي خطك وصل وأنا عـلى الرد شفقـان *** وبـديـت رد القـيـل مـن نـظـم فـني أشكـر جـنـابـك يـا سـلايـل كحيـلان *** حيثك فهيم ولا أنت صاحب تجـني نسل العـديـم الـلي فعـوله بالأكـوان *** مثـل البليـهي لأثـقـل الحمـل دنـي الـنـادر الـلـي كـان تـتـلـيـه عـربـان *** عـوايـده عـن واجـبـه مـا يـونــي هـل الـقـويـدا والغـضيـور وقـلـفـان *** لأبـوك كـل اشـوارهـم يـرجـعـنـي أبـو مطلـق يستـاهـل المـدح لاهـان *** عـسـاه فـي خـلـد شـذاهــا يـبـنـي والمعـذرة يا عبيـد يا ذرب الأيمـان *** عـن القصور الـلي مجالـه غـبنـي شرواك قـدره ياخـذه ويـن مـا كـان *** ولا الـردي حيشـاك يـلـقـا الهبنـي والـعـذر مـنكم قـلتـها سـر وأعـلان *** يا شـوق غـرو مـا لـغـيـرك يحنـي ولا درت غـيـره بالمخاليق نسـوان *** خـلـت ضميـرك هاجـع مـرجـهنـي نـشـمـيـة بـنـت العـديـم أبـو زيـدان *** عـذروب أبـوهـا للمعـادي يـشنـي قـاد الجهـامـة باللقـا عـقـب مكمـان *** وأركا عـلى العدوان رمح المطني *- قال عبدالله بن دهيمش بن عبار هذه القصيدة يسند على الشيخ باتل ابن نومان بن أديهم الحازمي شيخ قبيلة الحازم أعتذار له ولجماعته حيث حصل التباس في أحد الكتب وفسر هذا الموضوع على غير الحقيقة : 554 وجهت مندوب عـلى السفـر جـازم *** لابـة عـيـال الـعـود لازم يـجـيـهــم قـم يـا نـديـبـيي وصـل الـخـط لازم *** باتـل ولـد نومان مـن نسـل أديـهـم وأسلـم وسلم لي على عيـال حـازم *** جـميـعـهـم يـالـقـرم سـلـم عـلـيهـم الجمع الـلي لجموع الأضداد هـازم *** عـدوانهـم تخشى مضارب ايديهـم الجمع الـلي بالكـون للخصم خـازم *** يـا ويـل مـن هـو باللـقـاء يلتقيهـم كـم بـاسـل عـقـب الـتجـبـر يـبــازم *** غـصب يجـامـلهـم وهـو مـا يبيهـم وأن كـان حـنـت لـلحـوار الـعـرازم *** غـزو الـعـدو بـذودهـم مـا تـهـيهـم وأن عقـلـت شقح العشايـر اتـرازم *** الـلي يجـرب فعـلهـم مـا ايغـزيـهـم هاب وخشي من ضربهـم باللهـازم *** وأنكف معيف وصـد مـا يشتهيهـم أفـعـالـهـم يـوم أكـتـراب الـمـحـازم *** هـم فـرحـة الـلي باللـزم يحتريهـم يـوم الحـرايـب خصمهـم بالمـوازم *** يشـهـد لـهـم تـاريخهـم مـا نسيهـم * قال الشيخ باتل بن نومان بن أديهم هذه القصيدة رداً على عبدالله بن دهيمش بن عبار مع تغيير القافيـة : 555 حي الجـواب الـلي لفاني بـه أعـذار *** قـولـوا مـعـي يالـربع ألـف هلابـه يـا مـرحبـابـه عـدد مـا طـايـر طـار *** واعداد ما هـل المطر مـن سحابـه مرسل لنـا من الوايلي نسـل عـبـار *** الطيـب ساسه والردى ما انهقابـه عـبـدالـلـه الـلي دوم للـكـود صبّـار *** حيثـه لفـعـل الطيـب يتعـب اركابـه اللي لنسب ربعـه مؤسس ومفخـار *** يـفعـل جميـل وموقـفـه لا غـرابـه ألـف لهـم تـاريخ فـي كـل الأقـطـار *** والـكـل منهـم يـفـتخـر فـي كـتـابـه يزرع جمايـل في مقاييس وأعـيـار *** وعلم الفخر هـو مربحه والكسابه والطيب يزرع بين صلبين الأشوار *** بيـن الرجـال الـلي اعـزازٍ جـنـابـه يـنـمي نمـو الـزرع فـي مطلـع آذار *** ويجني حصيده كل من هو سعابه ولا الردى من يزرعه يجـني العـار *** مـا فـيـه فـود الـلـه يعجـل ذهـابـه والمـرجـلـة يـا القـرم تلقـا وتـنـدار *** عند الرجال الـلي تحسب احسابـه الـلي بهـم نخـوة اليا صار ما صـار *** تلقـابهـم فـزعـة وسـرع الأجـابـه جمع الشمل مطلوب ما بين الأخيار *** رخـم الجموع اللي عـدوك يهـابـه والتفـرقـة تجـلـب مهونـة ومحـدار *** ينفـل جمعـك عـقـب تلـك الصلابـه يمنى بلا يسرى ترى ما لها أشبـار *** ويسرى بلا يمنى صعـيب اكترابـه والبيت بـلا عمدان مـا شيـد بأقفـار *** ولـولا رواق البيت يصبح خـرابـه ودنياك هـذي يالسنافـي لـهـا أدوار *** لـو أقـبلـت تقـفي سـريع انـقـلابـه وحازم ولد خميس من دون تكـرار *** وأمـه ربـيـعـة بنـت هـاك الشيابـه بنت الشيوخ اللي لهم ورد وأصدار *** بالبيت ذبـح الحيـل مثـل القصابـه هــذا مــؤكــد عـنــد بـدو وحـضّـار *** وأنشد هـل الذمـة وأدنـى القـرابـه وأستغفـر الله قبـل قصاف الأعمـار *** الـلي عـن المخلـوق ما صـك بابـه وصـلاة ربـي عـد مـا هـلـت أمطـار *** عـلى الـذي للحـق قـاد الصحـابـه *- قال الشاعـر خالد بن حسين البقمي هذه القصيدة يسند على زميله عبدالله بن دهيمش بن عبار العنزي : 556 البـارحـة سهـران مـا أحـدٍ دريـبـي *** ما مسيت لين الصبح نور شعاعه ادايــر الأفــكــار مـثـل الـغــريــبـي *** وادافـع العـبـرات سـاعـة بسـاعـه واجـرح قـلبي عـمس فيـه الطبيبي *** مـا بـان بالتحـليـل ولا بـالأشـاعـه أبـطى نزيـف الجـرح عـيـا يطيـبـي *** كـم واحـدٍ وقــتــه تـغــيـّر ولاعــه تـراه لـو يخفي الصواب الصويبـي *** لا بـد تـظهـر لـوعـتـه وانـفجـاعـه وكـان أنهـدم وانـهـد جـال القـليـبي *** من الظمأ تابس غصون الزراعـه أمسيـت مـثـل الـلي غـدالـه ذهيـبي *** خـلاه والأهـمـال سـبـت ضـيـاعـه أخـطى السروح وفاختـوه العـزيبي *** وعطأ الشعيب اللي تقانب أسباعه وعـدابـه السـرحـان حـل المغـيبـي *** جاه العشا المقسوم عقب المجاعه وأصبحت مثـلـه بيـن شـك وريبـي *** وامهـددن بيـن الرجـاء والقطاعـه وكـم واحـدٍ طيّـب وساسه عـريـبي *** هـزت عواصيف الهبايب اشراعـه والطيب ما يشرى ودربـه صعيـبي *** ولا الـردى بالنـاس سهـل أتبـاعـه أحـد أستفـاد الطيـب وأحـدٍ يخـيـبي *** وخسران من لا نجدته من اذراعه بـرقـت بـالـدنـيـا وفــريــت شيـبـي *** منهـا يشيـب الطفـل بأول رضاعـه تقبـل وتقـفـي خـيلـهـا لـه هـذيـبـي *** وتاخـذ صناديـد الحمـايـل اقـلاعـه أبـي أرتفـع فيهـا وهـي تنتحي بـي *** مطموع فـينـا مـا لـقـينـا اطمـاعـه وأسنـد عـلى اللي بالفعايل عطيبي *** يفـرق عـلى بـاع المناعـيـر بـاعـه الـلي جـمع ثـنتيـن عـرف وطيـبـي *** والثـالـثـة قـاف يشـوقـك سمـاعـه قـافـه الـيـا مـنـه نـطـق بـه تعـيـبي *** ما صار عـن معناه فيـه انهـزاعـه مـن لابـة الفدعـان عـوق الحـريبي *** تاريخهـم حـاز الفخـر والشجاعـه كـررت صيحـاتـي وشـقـيت جـيـبي *** مالي على الحمل الثقيل أستطاعـه لا صـرت بـغـدادي وغـالـيـك ليـبي *** مـتـخـالـفـن جـداً سـمـايـه وقـاعـه أنـا انـسحـب وأقـول هـذا نصيـبـي *** ولا اتبعـه واصيـر عـنـده اتـبـاعـه لا تـنـتـقـدنـي يـالـفـهـيـم اللبـيـبـي *** أرجـوك تـعـطـيـني كـلام الـوقـاعـه وجهـت لك شكواي حيثـك صحيبي *** يا أبـن المعـنى مـن يراعيك راعـه يا أبـن عـبـار أن كان ما تستجيبي *** ولا اعـتـبـرني مـغـلـط بـالـطبـاعـه أنا عـلى غيرك فـلا أبـديت غـيـبي *** أخـذت عـن بـوح السرايـر منـاعـه أحـب الـلي شـرواك رايـه صليـبي *** وإلـى نصحني قـلت سمع وطـاعـه ولا الـردي لـو كـان مـني قـريـبـي *** أخـوي ولا لـي مـن أدنـا الجمـاعـه إلـى نشـدني قـلـت لـه وش تبـيـبي *** عنكـم خذيت من التجـارب قـناعـه قـد قـالـهـا مـرشـد لـزبـن العـتيبي *** المرجلـة مـا هـي بتصنع صناعـه والسـر لا مـنـه مـن الـقـلـب جيـبي *** غنت بـه الأصوات في كـل أذاعـه وعـليـك أنـا قـصيت قـصـة حبـيبي *** مـاهيـب من نسج الخيال أبتـداعـه مـا ولـفـه تـوفــيــق ولا نـجــيــبـي *** قـصـده يـدور مـن وراهـا متـاعـه وأصـبـح عـلاقـات الأدب بـالأديـبي *** كالاعـب الـلي عيشته مـن كراعـه حبـيتـهـم والحـب مـا فـيـه عـيـبـي *** حـبـه رفـع راسـي وزاد أرتـفـاعـه حـبي لـه أبيض من بياض الحليبي *** عـلى اللنقا ماهـوب حب الخلاعـه عجيـب واعجـبني وطبعـه عجيـبي *** أعجبت من فهمه وعمـق أطلاعـه من شوقهم عـن سوقهم مـا نغـيبي *** وأنا مع اهل السوق مالي بضاعه * قال عبدالله بن دهيمش بن عبار هذه القصيدة رداً على الشاعـر خالد بن حسين البقمي : 557 مـبـداي بالـلي عـلى خلقـه رقـيـبي *** عـلام مـا بـالـكـون رغـم أتسـاعـه رب المـلأ محـيي هـميـد العـسيبـي *** جـذع النخـل يحييه عقب انشلاعه ويصير من عـقب القساوه رطيـبي *** ويميل مـن ثقـل الثمر بأنجضاعـه أعـوذ بـالـرحـمـن ربـي حـسـيـبـي *** وأدعيه وأرجي رحمته والشفاعـه ومـن بعـد ذكـر الـلـه نكـز النديـبي *** عـلى الونيت الـلي سريع اندفاعـه لا سـار مع خطو السهل له خبيـبي *** هـريـف ذيـب نـاحـلات اضـلاعـــه يقـطع بطـانـيج السهـل والشعـيـبي *** ريـد الـفيـافـي مـا تـكـوده اتـلاعـه صنع الخبير الـلي عـليـه الصليـبي *** فهـمـان مثـل الكمبيـوتـر انخـاعـه يعـجـبـك مشـواره بعـيـد وقـريـبـي *** يبعـد مساحت روحتـه عن مزاعـه عـنـاه أبـن عـبـار سـافـر نـجـيـبي *** يـوصـل جوابي ما يخـون الوداعـه يلـفي عـلى الـلي للمعـانـد طلـيـبـي *** خالـد قوي الباس ما هـو رعـاعـه ضيفـه يهـلي بـه بصـدر رحيـبي *** ما هو من أهل الخنفسة والمياعـه يذبح لهـم كبـش غـزيـر العصيبـي *** والبـن الأشقـر مـا يكيلـه ابصـاعـه مـع منسـفٍ يـشبـه لـتـل الكـثـيـبي *** مـاجـوب لا نــذرٍ ولا هـو اطـلاعـه خـالـد بـوقـت الـلازمـة مـا يغـيـبي *** أبـو حسيـن الـلي طـويلـه أبـواعـه خالـد شـكى جـورالغـرام الـرهيـبي *** حـب التي تزهـا الخواتـم أصباعـه هاف الحشا ما شال بالحضن بيبي *** ولا مس خـده غير ضافي اقـناعـه كـان الـهـوى ولـع بـقـلبـه لهـيـبـي *** عـزاه لـلـي جـايـح الـوجـد لاعـــه ما يطفي نـار الوجـد ثلج القصيـبي *** وش عاد لو جاب القوالب بتـاعـه راعي الهوى يشيب قبـل المشيـبي *** والحـر ما يقـبـل يسـوق الرتـاعـه وكـم واحـدٍ بـاسبـابـهن تقـل هيـبي *** هــام وتـعـلـم لـلـشـقـا والـدنـاعــه قـيس بسبـب لـيـلى غـدالـه نحيـبي *** شـوامخ التـوبـاد يـصعـد أريـاعـه حـتى غـدا يـشبـه لقـوس السبيـبي *** وآخـر مصيره قيـل حطـو الفـاعـه وطرد الهوى يشبه هبوب العـذيبي *** مثـل السراب الـلي يغـرك خـداعـه كانـك تـبي يالـقـرم شـورٍ مصـيـبي *** يعطيك أبن عبـار صـدق أنطباعـه أصبـر كمـا صبر الشجاع الـذويبي *** تـرى المـرازق مـا تجي باللكـاعـه كانـه نصيب لـك تجيـب الخـطيـبـي *** ولا بد تشري رشرشه مع ادلاعـه ويصبح ولي الزين صهـر ونسيبي *** بالشرع والحاسـد يـزود أنفجاعـه وعينيك ياللي من الزمـل تنتخيبـي *** من نخوتك راسي يشوش بزعاعه أنـا معــك مطـواع كـان أتـغـزيـبـي *** فـزعتـك وقـت السلـم ولا بنـزاعـه ولا يذخـر المجهـود كـود الهليـبـي *** الـلي عـن الواجـب يتـلـه اخنـاعـه وأرجو السموحة يالزميل المنيبـي *** وأنت الـذي شبحك بعـالي الرفاعه أقــولـهـا والـلـه عـلـيــه رقــيـبــي *** مـا قـلتـهـا يالقـرم قـصدي أشاعـه وأشوف أنا وضع الخلايق امريبي *** يا كثر من هو طيّب السلم اضاعـه كـم فـارس لـلـذود يـذكـر جـنـيـبـي *** واليـوم عـقبـه مـا يشيـل الرداعـه وبعض الخلايق يشربون السريبي *** مـا يوفرون الثول لو هـو أنقـاعـه مـا ينعـرف حليمهـا مـن الغـضيبي *** ولا ينفـرق سـديسهـا مـن ربـاعـه قـلته وأنا أطلب خالقي ستر عـيبي *** مـن شاني الأجـنـاب ولا الجماعـه وصلواعلى اللي لدعوته نستجيبي *** الهـادي لـديـنـه خـضعـنـا بطـاعـه *- قال مونس بن مفرح الشملاني يسند على عبدالله بن عبار بن عبار : 558 راكـب الـلي يقـطع مسافـات وديـار *** جـمس جـديـد وراكـبـه مـا يـمـلـه شد الخواجة ما انكسر فيه مسمـار *** تـوه جـديـد ولا بــدأ فــيــه عــلــه قـم يا نديبي فـوق عجـل إلـى سـار *** خـذ الجواب وسايـق الجمس قـلـه خـذ الـكـتـاب اوصـلـه لأبـن عــبـار *** من روس لابـة عـز اللي عزوتلـه وإلى وصلـت الوايلي تلقـا الأخبـار *** حـيـث أن بـيــتـه كــل قــرم يـدلــه الـبـن دايـر والـذبيحـة عـلى الـنـار *** عـوايـده ذبـح الـخـروف بـمـحـلـه صفـر الدلال مبهـرات عـلى اوجـار *** حيـث الكـرم والمـرجـلـة عـادتـلـه تـثنـي عـلى فعـلـه مجالس وشعـّار *** القـرم اللي مجـد القـبيلـة فـطـنـلـه ولا الغـبي مـا ينفعـه كـبـر الأعمـار *** سوالف اجـدوده مـا هـو عـارفلـه هـذاك خـله وأتركه يا أبـن الأخيـار *** لا تـناقشـه يا نسـل الأجـواد خـلـه * قال عبدالله بن دهيمش بن عبار رداً على مونس بن مفرح الشملاني : 559 سر يا قـلم أكتب من القيـل وأختـار *** منـظـوم قـافـي وضحـه بالسجـلـه حي الجـواب الـلي لفاني بالأسطـار *** تـحـيـة مـن خـاطـري نـسـتـهـلــه مـن قيـل قـرم يبذل الجهد باصخـار *** الـوايـلـي عـسـى الـردي فـدوتـلـه أبـن مـفـرح نـحـتـفـل بـه الــيــازار *** مـن عـزتـه عـز الـرفيـق اوصلـه ورديـت قـيلـه بالعـجـل دون تحيـار *** رديـت قـيـلـه بـالعـجـل حـشمتـلـه أقـولـهـا ولا نـي لـلأجــواد حــقــار *** لا شـك مـا نـقـدر عـلى الـرد كـلـه كـل يـوم تـأتـيـنـا مراسيـل وأشعـار *** ولـو أستـطيع الـرد نـمـلأ مـجـلـه ولا لي جدا يا مسندي كود الأعـذار *** لـو كـان مـا عنـدي للإهمال سـلـه مـدحـتـنـي وأنـا بـشـرواك فــخـــار *** وأرجو السموحة كان بالشعر زله مشكور يا مونس على كل ما صـار *** عسى الولي ياقـاك مـن كـل عـلـه *- قال الشاعـر صالح بن محمد المطيري هذه القصيدة يسند على عبدالله بن دهيمش بن عبار : 560 الـسـن يـضـحـك والضـمـايـر تـقـدا *** والرجـل تمشي والخـواطـر تـقـادا والـقـلـب مـع دورات الأيــام مــــدا *** يـبي المكاسـب والمكـاسـب نـفـادا والـنـفـس مـثـل الـديـن لازم أيــردا *** والـوقـت لـولا طـربـتـه مـا يــرادا والـلـي كـتـب لـلـعــبـد مـالـه مــردا *** يـامـن يـعـلـم بـالـعـلـوم الـعـبـــادا ذعـذع لـنـا الـغـربـي كمـا ريح نـدا *** وذعذع لنا الشرقي كما ريح عـادا وإلـى اصطفـق جـو الليـالـي وهـدا *** لـعــل نـاخـذ درسـهـا الـمـسـتـفـادا مـن يـبعـد الشـوفـات يلـقـا الـمـردا *** بـالـخـيــر ولا الـشـر بـابــه مـلادا وأهـل الـنـفـوس الـلي رديـه اتـردا *** والـيـا لقـت بعـض المكـارم تـمـادا نغـضي نواظرنـا عـلى مـا استجـدا *** الـطـبـع يـبـقـا لـو يـزول الـجـمـادا لـو الـحـلـيـم لـمـا يــواجــه يــعـــدا *** خـلا الجـبـال الـلي رواسـي هـدادا وأمسـت وشدت عنـد الأحكـام شـدا *** ثـم أصبحـت تقـفـل بيـدهـا القيـادا والـفـضـل لـلـي نـعـمـتـه مـا تـعــدا *** الـلي بـاسـامـيـه العـظـايـم ايـنـادا يا أهـل النظـر مـا عنكـم اليـوم بـدا *** تـبي تـحـوز مـن البياض السـوادا الـمـعــرفــة يـبــنـا لـهـا مــا يـهــدا *** تشـرى بـغـالـي مـا تـبـاع بـزهـادا لا شــك لا تــطــلـــب لــلأنــذال ودا *** فـرقـا ضعـيـفـيـن العـزايـم عـيـادا قـالــوا وقــلـنــا كـل مـن جــاب ودا *** بـكـره مـكـامـيـن الخـوافـي تـبـادا الشـور لـلي تـجـهـل الـنـفـس ضـدا *** مـا فـيـه عيـب ولا عـليـه انتـقـادا وأفـطـن تــرى دنـيـاك جـزرٍ ومــدا *** والنـاس فيهـا مـن عـنـاهـا تـمـادا والـلي عـن نـحـور المطاليب صـدا *** هــذاك مــالــه بـالــلـوازم أزنـــادا والـلـي بـلـيـا عـيـن مـا يـنـتــقــــدا *** وإلـى ضحـك يضحـك بلـيا رشـادا وإلـى لـقـيـنـا الـمـسلـك المجـرهـدا *** هـذا لـدسـميـن الشـوارب امـهـادا نـاخـذ لـنـا مـشـوار مـا فـيـه حـــدا *** يـلـقـابـه الـصـايـم عـن الـزاد زادا الـجـود مـن قـدر الـوجـد يـسـتـمـدا *** والـفـكـر يـمـلي والقـلـم لـه مـدادا * قال عبدالله بن دهيمش بن عبار هذه القصيدة رداً على الشاعـر صالح بن محمد المطيري : 561 سر يا قـلم وأكتب جوابي على الـدا *** أكــتـب بـيـوت بـالـقـوافــي تـلا دا قـال الـذي عـلـى الـقــوافـي يــــردا *** جـواب الـلي كـز البيـوت الـجـدادا يـا أبـو مـحـمـد مـا عـلـيـكـم مـعــدا *** شـرواك نـفهـم قـصـده الـلي أرادا كـلـن سـمـع قـول المـلـيـك الـمـفـدا *** قـال الـصـواب وللـمـخـالـيـق نـادا الـلـي يـبـي لـلـمـسـلـمـيـن ايـتـحـدا *** نـودع كـيـانـه بـأذن ربـي رمـــادا والـكـل يـسـتـنكـر مـن الـفـعـل جـدا *** فعـل عـلى فـعـل القـرامـط ايشـادا سـارت مسيـرتـهـم عـسـاهـا تـلــدا *** لـو تحتـشـد بالبيـت مثـل الـجـرادا لـولا الحـرم مـنهـا الضـواري تـغـدا *** عـسى بهـا يشفـي غـليـل الفـوادا مـوج يـزوم مـن الـبـشـر ثـم هــــدا *** جوهم هـل التوحيد جيش النجـادا صـد الـذي قـلـبـه مـن الحـقـد صـدا *** الـلـي يـريـد أمـة مـحـمـد تـعـــادا ومـن شـان فـعـلـه لـلمـقـابـر أيـودا *** نـحـط لـه بيـض الصفايح أوسـادا الـخـام الأبـيـض يـلـبسـه وأيـتـقــدا *** وراس المعـادي نـدمسه بالحفـادا والـلـي يـحـاول ضـدنـا لـه نـضـــدا *** ونزرع عـلى درب المعادي كـدادا والـلـي لـبـاب الخـيـر حـاول يـسـدا *** نـنـبـذ ضـلالـه مـع قـراقـيـش دادا والـخـصـم مـا نـديـه لـو مـات مــدا *** وعـاداتـنـا العايـل نهجـده هـجـادا والـمعـتـدي يـوسر عـلى سـيـر قـدا *** حـتـى يـتـوب ولا يـعــود الـعـنـادا ومـن سـار مـع صهيـون يـدا بـيـدا *** كـنـه عـلـيـنـا بـالـبـريـسـم أيـقـادا هــذاك مـثــل الــثــور دايـم أيــكــدا *** وأظـن عـقل اللاش ما هـو جـوادا لـو كان مـن شـرع الـولي يـستمـدا *** كان أهتدا وأصبح يعـرف السـدادا بأمـر الـولي كيـده عـلى النحـر ردا *** وقبلـه تـرى كسرى حـربنـا وبـادا أمــواتـه بـذي قـار يـصعــب أتــأدا *** ولا زال بــه لـلـمـنـذريــة اسـنــادا مـا فـات مـات وكـل مـاضـي تـعــدا *** وروس الأعـادي تستحق الجـدادا أطلـب عـسى المـولـى يحـل العـقـدا *** قـلتـه وقبـلي قـال محـدى الهـبادا *- قال الشاعر مبارك بن نومان المطوطح رحمه الله هذه الأبيات يسند على عبدالله بن دهيمش بن عبار : 562 بـديـت بـالمعــبـود عــلام الأسـرار *** محـيي هشايـم باليـات بالعظـامـي نـرسـل كتـاب مـزرف لأبـن عـبـار *** فـيـه التحيـة والوفـاء وأحتـرامي وجميع من ساهم بطبعات الأشعار *** وقاموا بنصح وساهموا بالنظامي تـحـيــة مـنـي لـكـم سـر وأجـهــار *** وكـل الجماعـة خصهـم بالسلامي سـلام أحـلا مـن همـاليـل الأمـطـار *** وألذ مـن شربه إلى صرت ظامـي أولاد وايـل فـعـلـهـم مـابـها انـكـار *** هـذي سلـوم جدودهـم والعـمامـي جـلابـة الأرواح بـالـمـوسـم الحـار *** أفـعـالهـم غـرب وشـرق وشـامي اللابة اللي تحشم الضيـف والجـار *** وإلـى زبـنهــم لاجـي مـا يـظـامـي مـاهـم خـفـيـيـن عـلـيـنـا بـالأذكـار *** واليـوم شفنـا رسومهم بالتمامـي يا جعـل ميتهـم يزحزح عـن النـار *** والحـي منهـم فـي رفـيع المقامـي وصـلاة ربـي عــد مـا طـايـر طـار *** عـلى شفيع الخلـق يـوم الـزحامي * قال عبدالله بن دهيمش بن عبار هذه الأبيات رداً على مبارك بن نومان المطوطح رحمه الله : 563 جاني جواب الوايلي نسـل الأخيـار *** يا مرحبـا بنسل الرجال الحشامي يا مبارك الـلي قـلت نـوليـه تعـبـار *** وأشكرك حيثك دون ربعك تحامي ذكـرتـنـا بـالـلـي نـسـيـنـاه تـذكــار *** الـنـادر الـلي مـوقـعـه بالـسنـامـي وأنـا لـلي شـرواك يـالـقـرم شـكـار *** نـبي الحقـيقـة مـا نـدور الملامـي والـلي غـلـطـنـابـه نعـيـده بتـكـرار *** وحـنا هدفنـا يا فتى الجـود سامي واللي يساعدنا عـلى صح الأخبـار *** هـو ذخـرنا وقت أقتراب الحزامي ولا الـردي عـنـده شماتـه وعـيـار *** دايـم يـبـث الـفـايـهـه والـتـهـامـي يابو فهد مشكور يا صلب الأشوار *** حـيثـك كـريـم وتستحـق الكـرامـي والنعم في ربعك يدوسون الأخطار *** لابـة مـحـددت الجـمـل بالكـتـامـي يتـلـون شيخ مـن طويلين الأشبـار *** قايـد طـوابيـر السلـف والجهامـي الشيخ أبـن مجـلاد لـلخـصـم دمـّار *** لا طـار ستـر مرودعات الوشامي *- قال إبراهيم بن حرير بن فيحان العنزي هذه القصيدة يسند على عبدالله بن دهيمش بن عبار وقد أرسلها من البحرين : 564 مـن الـرفـاع أكـتـب سـلام وتحـيـه *** لـربـع لهـم بالمجـد صيـت ورايـه أنـا أفـتـخـر بـالـعــزوة الـوايـلـيــه *** أقـولهـا بالصـدق مـا هـي دعـايـه ربعـي هـل العـليا إلـى صـار هـيـه *** يشهـد لهـم بالمجـد صدق الروايه مـن دور عصر الحـرب بالجاهليه *** ليـن أشرقت فيهـم أنـوار الهـدايـه رجـال والـلـه مـا رضـوا بالـرديـه *** ودايـم حـمـات الـدار درع اوقـايـه وأرفع سلامي وأعـتـزازي هـديـه *** ومهمـا احـيي فـيـه مـا هـو كفايـه عـبـد الـلـه العبـار راعي الحـميـه *** الـلـه يـفـكـه مـن خـطر كـل سـايـه وجدي على شوف الرياض العذيه *** لا شـفـتـهـا فـيـهـا دواي وشفـايـه ديـره عـن الـتعـريـف دايـم غـنيـه *** المملـكـة أرض الـعـرب والهـدايـه وأقـبـل تـحـيـاتـي بـنـفـس نــقــيـه *** بـاول كلامـي وأوسطـه والنهـايـه * قال عبدالله بن دهيمش بن عبار هذه القصيدة رداً على إبراهيم بن حرير بن فيحان العنزي : 565 جـانـي جـواب كــزه الـقـرم لـيــــه *** مـبـدا فـهـيـم وعـارف كــل غـايـه يـا مـرحبـابـك يـا عـريـب السـميـه *** حـيـيـت يـا إبـراهيـم بـاول بـدايـه خطـك وصل يا شوق رادع اشفيـه *** وعـبـرت لـك عـمـا يكنـه خـفـايـه الـلـه يـفـكـك مـن سـهـوم المـنـيـه *** وعساك فـي حفظ الولي والرعايه وصفـتـني بالقـول راعـي الحـميـه *** والحـمـد لله مـا انـت بالقـول تايـه عسى فـداك أهـل النفـوس الـدنيـه *** الـلـي يـردون الـجـمـايـل بـسـايــه أوضاع بعض الناس ما هي خفيـه *** مهما حاميت من أجلهم من عنايه نـاس بـهـا المعـروف كـنـه جـنيـه *** عـلى الـرفـيـق ايدورون الـفـوايـه بـذلـت مجـهـودي بـتـلـك القـضيـه *** لاشك حسد أهل الحسد هو جزايه ولانـي بحـال أهـل العقـول الغـبيـه *** الـلـه جعـل لي عـن لغاهـم حمايـه يتبع |
|
|
|
|
07-06-2022, 06:10 PM
|
#47 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال الشاعر عاصي بن صلبي العامر المطرفي هذه القصيدى يسند على عبدالله بن دهيمش بن عبار : 566 يا الـلـه يـالـلي بالخـوافي عـليمـي أنـت الـذي تعـلم خـفيات الأسـرار أنـا دخـيـلـك يـالعـزيـز العـظـيـمـي يـارب تكـفـيـنـا تبـالـيش الأشـرار يا راكـب مـن فـوق جمس هميمي أسرع من الصاروخ بمزفلت القار سـاقـه غـلام بالمـراجـل عـديـمـي شبل شجاع ولا يهاب من الأخطار يـمـد مـن رفـحـا حـلـول العـتيمـي ويلفي على قـرم العيال ابن عـبـار يـذكـر تـرى بـيتـه بحـي النظيمـي وإلى وصلت الحي تنشد عن الدار تـلـفـي لـقـرم بـالـلـوازم كـريـمـي يذبح لك الحايـل إلى جيـت مسيـار وبـلـغ سـلامي للعـزيـز الحـشيمي عبـدالـلـه العبـار صليـب الأشـوار وصـل كتـابـي للصـديـق القـديمـي وقـله ترى عاصي شكالك ومحتار شكيـت لـك يالقـرم حيثـك فهـيمـي وأرجو الأفادة منك يانسل الأحرار أسـرح مع افكـاري ودايـم أهيمـي والـحـال مـنـي تـقـل يـبـراه نـجـار أنـا بـلايـه مـن زمـاني خـصيـمـي وتلعـب بـي الدنيا مع الوقـت دوار الـوقـت يـا مشكـاي طبـعـه لـئيمي لو كان يصفي يـوم خايـن وغـدار وجدي على اللي منزله بالقصيمي راعـي ثـليـل فـوق الأمـتـان نـثـار غـرو يـتـل القـلـب شكلـه وسيمـي والعين عين اللي على وكر صقار ما أريد غيره مـن جميع الحريمـي لا والـذي خــلاق مـسـلـم وكـفــار واهمـوم قـلبي مثـل دوك البريمـي غـزالـتـه رفـلا وفـي بـيـت منهـار وجـدي عـليهـا وجـد طفـل يتيـمـي أمـه توفـت وانعمت منـه الأبصار ولا وجـود الـلي بـسـاقـه كصيـمي خلـوه ربـعـه بالخـلا والدخـن ثـار من قـو كسره صار ساقـه حطيمي كسره خطير ويمضي الليل سهـار مـن لامـني يعـل عـقـلـه سـقـيـمـي يدوج بالحاره وشره عـلى الجـار وصـلاة ربـي عـد وبـل الـنسيـمـي عـلى النبي المبعـوث للدين نشـار *- قال عبدالله بن دهيمش بن عبار هذه القصيدة رداً على الشاعـر عاصي بن صلبي العامر المطرفي مع تغيير القافية نظراً لكثرة ما يرد من شعـر على قافية الراء : 567 شديت لـي هـاف دفعـنـا غـرامـتـه مـن مصنعه فكوا كراتيـن جـامتـه وأنا اذكر الله لا مشى كن سرعتـه مثـل الضليم أن كـان طالع نعامتـه يـمـد مـن دار الريـاض بـرسالـتـي منصاه رفحا وعند عاصي اقامتـه عاصي يقول أمواج همه تلاطمـت مثل المحيط اللي الخلايق تحامتـه بحـر الهوى الغواص يغرق بلجته والماهـر السبـاح ضـاع بـدوامتـه يشكي علينا لوعة الوجد والهـوى مغـرم بغـطـروف سبـاه بوسامتـه وكـم واحـدٍ لعبـت بـقـلبـه خـدلجـة يجـري باثـرها كن أهـلها رحامتـه جـميـل قبلـك والخـفـاجي وعـروة وقيس بسبب ليـلاه قـطع بجـامتـه وكثير صاح وناح مـن وجـد عـزه لاشك عزة بارخص السعر سامته أن كان تقبل ياابن عامر نصيحتي لا تـنـخـدع يا مسنـدي بابتسـامتـه وأحذر يغـرك في قوامـه ومنظـره لا تعجـب بطول الجميل وضخامته الجسم مثـل البدي هيكـل مظاهـره وعيـب أبن آدم في رداه وذمامتـه مـن لا مقـامـه شـد حبـلـه وركـزه لا بـد دلـو الـغـرب تـشلع اردامتـه ومن ورد ادليه على الرس مظمي الـرس ما يروي ظوامي جهـامتـه وان ضاقت الدنيـا عليـك وتكـدرت وتغـطـلست والجـو زادت كتـامتـه أصبر وغـب الصبر تحمد عواقبـه حتى الدجى بالنـور تجـلا ظلامتـه من عاش في دنيـاه تكثـر تجاربـه وتزداد مـن كثـر التجارب فهامتـه من لا خذا في ماضي الوقت عبره ما ينتفع بالموعظـة مـن غشامتـه ولا ينفع الباشة مقـامـه ومنصبـه يـزول سلطـانـه وتـذهـب فخـامتـه واللي بنا قصره على الظلم ينهدم وتزول عن سطح البسيطه علامته من ضاع عمره بالغوايه وبالطغى أدبـر وزادت حسـرتـه مع نـدامتـه ومن لا تغـانـم فـي شبابه وقـوتـه وش فـاد كـان الشيب بيّـن بهامتـه كـم غـافـل مـغـرور دنـيـاه غــرتـه غنت على غصن السعادة حمامته يـمـر مـا يسلم مـن الكبـر والغـوى مـن ثقـل نفسه خايب السد ظامته معجـب بنفسه يزدري ساير البشر لـو المـخـازي كـلهـا فـي عمامتـه من لا يحوش المجد والعز والفخر مـا نـال عـلم الطايله من رخامتـه أقـولـهـا ومـن عـز نـفسه وجدهـا ولا خيـر بالـلي مـا يقـدر كـرامتـه من ينتبه عـرق عـريـب مـن النـدا عيت على الشيمة طبيعة شهامته ومن ينتبه عـرق خبيث من الردى تظهـر بـوادر خستـه مـن لئـامتـه واللي يدور الهون واللين والترف عـنـد الحليلـة مـا يفـارق مـدامتـه وكم واحد يضحك بوجهك مجامله وقـلبه مغـل وخافي البغض كامتـه من لا يـودك تعـرفـه مـن ملامحـه تفهـم ضميـره لـو شفايـاه صامتـه ورفيقك الـداني إلـى شفـت غـرتـه أسـتـر ولا تفـرح عـدوه وشـامتـه ولو صد عـن لقياك دانيك واصلـه عـاود عـلـيـه ولا تـكـثـر مـلامـتـه وإلـى تعمـد يقـطع الوصل فاتركـه خـلـه يـروح إلى سهجك بسلامتـه أن كان مـا يصافي بصدق ومحبـه ما ظن بالهجران يفرض زعامتـه خـلـه وتلقـا لك صديـق مـن المـلأ الـلي أخلاصه لـك قـويـه دعـامتـه مـن لا يفيدك فـي حياتـك اليا فـنـا ما تـريـد نفعـه يـوم يدرج بخامتـه قـلتـه وصلى الله عـلى سيد البشـر اللي أرتضت كـل الخلايق أمامتـه *- قال عودة بن زله الصقري رحمه الله هذه القصيدة يسند على عبدالله بن دهيمش بن عبار : 568 يـا راكـب مـن فـوق طيـر إلى طـار بين الخضيرا وبين غيم له سهـوم مثل الضحى بالليل لا شـب الأنـوار نجم خفق بالليل يمشي على نجوم زار الـمـلـوك وحـاجـتـه يـم الأمـار عسى علمهـم يـرتـفع دايـم الـدوم صفوة هل العوجا صليبين الأشوار خيرعلى الصاحب وشرعلى القوم وقضى لزومه وأصطفق لأبن عبار ملفا النشامـا اليـا كبـا كـل مكعـوم قـبـل الـذبيحـة قـلـط الهيـل وأبهـار متعـلـم للـطيـب مـن غـيـر تعـلـوم مـن لابـة بالكـون يهـدون الأعمـار يـوم العـزاوي واللقا تسمع الـروم ويوم المغازي والفخر بـام شنكـار ويـوم الرقيبـة ملتوي عند مرجوم حـنـا هـل العيـرات زينـات الأكـوار أولاد صقـر بالـمغـازي لـنـا سلـوم ويقصد بنا النجدي وحنا هل الجار مـن دورنا الأول إلى دورنـا اليـوم ويـوم الجلاوي والنبيقي هـل الكار كـم عـزبـة بالقيض عدوبها قسوم نمشي مع البيداء ولا نعرف الأمتار نوب على البريت وأحيان بالكـوم كرمـة كريم اليا كرم عقـب الأمطـار تلقا البختري بيـن وديان وحـزوم يا ما رعينا بالخطر عشـب الأقـفـار وعـدونـا عيت عيونه عـن النـوم من الصحن لشبيح إلى ماقف الطار مـنـازل الـويـلان والـمـال مـردوم أظهر على العليا وغرب على يسار مـن الـولج للشام اليـا خشم زلـوم بيـت عـلى بـيـت ويعـمـون الأنظـار وعـدوهـم يمشي عـليل ومسمـوم مـثـل ظـلام الـلـيـل طـمـام الأوعـار هم عز بن شعلان لا صار مزحوم * قال عبدالله بن دهيمش بن عبار هذه القصيدة رداً على الشاعر عودة بن زلة الصقري رحمه الله : 569 حي الكتاب وحـي مـن كـز الأشعـار من شاعـر قوله إلـى قـال مفهـوم عـوده ابن زلـه مـن الربـع الأخيـار أرسل لنا من نـادر الشعـر منظوم ثم اشكر اللي خط منقوش الأسطـار فرحان ابن كنعان من ماكر قروم مــنـي سـلام اعـداد مـا طـش بـّـذار وأعـداد ما تثمـر بساتين وأكـروم والتـهـنئـة بمنـاسبـة عيـد الأفـطـار الـلـه يقبـل منكم الفرض والصوم عـاطـر تحـيــة بـه زمـالـيـق نــوار من خاطري تهدا على كل محشوم لأهـل البويضا من صماصيم صقـار معهم على العليا شهادات وختوم لا زال بالعـقـلـه لـهـم رسـم وأذكـار يذكر فخـرهم من زمان ابن كلثوم أفعـالهـم فـوق النجـايـب والأمـهـار كم طمنوا مـن عايـل كان بـه زوم الجـيش مظـمي ما بها كـن واعـذار ولا ينعي منهم هاك اليوم مرحوم مشعان أخو مشعة تقدم على الحار حرج على الروح العزيزة بلاسوم ومبيريك العبر جاب حصات الأوبار وضـح تـلالا كـنـهـا طـلـع شحـوم أهـدى الكسـابـه للنبـيـقـي ولا شـار يستـاهـلـه حـيثـه عـقيـد وزيـزوم الـلي تعـنـا من النجيلي عـلى ابكـار أدلا بالأقرع دون ذوده بدأ اهجوم ربـعـه قـلـيـل وبـالـعـدد عـدة أنـفـار وقـدامـهـم غـزو كـثيـر ومزحـوم عـقـب البشيـر أقـفـا عـدوه بمعـيـار من عقب ما ذوده مخطط وماسوم أفعـالكم بالطيـب صعـبـات وأعسـار ولا ينجـد فعـل مع النـاس معـلـوم مـن لابـة تسقـي المعـادي بالأمـرار ربعه لهم بالطيب عادات واسلوم *- قال رجاء بن عقيل الوطب يسند على عبدالله بن دهيمش ابن عبار : 570 البـارحـة مـا نـمـت عـيـني سهيـرة عـافـت لذيـذ النوم والناس نـايمـه مـن واهـج بالقـلـب مـثـل السعـيـره حتى المطافي مـا تطـفي شعايمـه بـلاي غـرو مـنسـبـه مـن عـشـيـره عـليـه قـلبـي والمعـالـيـق هـايمـه مـن لامـني يـاعــل رجـلـه كـسـيـره كسره عطيب ولا تضبـه حزايمـه ولا تـولــوه الـوجـيــه الـشـريـــره وحطو على قبـره صفايح ردايمـه الحـال مـني يـا أبـو مشعـل خطيـره حالي يا أبن عـبـار هـبت نسايمـه * قال عبدالله بن دهيمش بن عبار هذه القصيدة رداً على رجا بن عقيل الوطب الموايقي : 571 يـا الله يا منـشي المـزون الغـزيـره يا منـزل وبـل المطـر من غمايمـه أنـت الـذي تعـلـم خـفـايا السـريـره والعـبـد تـدري مـا يكـنـه صمايمـه عـسى يـكـون بتـالـي الأمـر خـيـره وعـسى المسـرة للأجـاويـد دايمـه رجـا سليـل أهـل الـوجيـه السفيـره يشكي هوى غرو عذيـه رسايمـه يـون مـن وجـد الهنـوف الصغـيـره قـلـبـه تـذكـر بـالـمـوده قـدايــمــه كـان الهوى يالقـرم عيـب ومعـيـره خـلـه كفـاك الله بـلاوي وجرايمـه قـلـتـه ولانـي يـالـسنـافـي خـبـيــره أتـلا العهد بـه يـوم هبـت نسايمـه واليـوم صـارت بـه نـقـايـد كـثـيـره فـيـه الـردا والشـك بانـت علايمـه درب الهـوى يالقـرم مسلك مسيـره مـن سـار بـه لابـد يتعـب قـوايمـه كـم واحـدٍ مـثـلـك تـشـقى ضـمـيـره وكثير اللي شكا من الوجد ضايمه قـيس الملـوح كـان تـعـلـم مصـيـره هـام بهـوى لـيلى ولا طـاع لايمـه تضرب بـه الأمثال وسـط الجـزيـره ناحت على غصن المحبة حمايمه وأن طعـتـني يالقـرم خـل الـمعـيـره الكل جاز من الهوى وأنت رايمـه وأن كان تقبـل شـور مـن تستشيره شف لك بشرع الله فرصه ملايمه أدحـم وحـق الـجـار يـكـرم قـصيـره على الحلال ورايـة الحـق قـايمـه وأن كان تبي الـراي مـا فيـه غيـره غـز اللواء وربعك تجدع عمايمـه أزبن لأخو عشوى نضايض عميره شيخ على الطولة قـويه عـزايمـه كانـه يجي بالجـاه مـا هـي عسيـره جـاه الـرفـاقـة يجلبـونـه لسـايـمـه وربعـك ولـو يطلـب ملايـيـن نـيـره كلـن يجـود بخـزنـتـه مع بهـايمـه يالوطـب لا تـزمـل وعنـدك عشيـره نطيحهـم تـقـفي سريعـه هـزايمـه لابـة هـل الـعـرفـا حمـات الجـريـره يـوم المنـايـا بالمنـاعـيـر حـايـمـه *- قال محمد المحدى الغبيني يسند على عبدالله بن دهيمش بن عبار : 572 القـلب مـني يا أبـن عـبـار مخطـور وش حيـلتي يالـوايلي يـا ظـنينـي قـدمت لـك يالقـرم شكواي مضرور وأظـن قـلبي يا أبو مشعل حزيني على عشيري مسكنـه ديـرة الخـور داره بعـيـد ولا حصـل لـه يجـيـني أبـو جـديـل فـوق الأمـتـان مـنـثـور وأبــو خــدود زاهــيــات بــزيـنـي الـلي رماني بالهـوى غـيـر معـذور والنـوم عقبه ما يجي موق عيني * قال عبدالله بن دهيمش بن عبار هذه الأبيات رداً على محمد المحدى : 573 ماجور يا محمد من الوجد ما جور تشكي غرام الزين صافي الجبيني أن كـان خلـك دونـه الشط والـزور يا ليـت مطلـوبـك تطـولـه ايـديـني لـو كان لـي يالقـرم حيلـه ومقـدور لـك ابـذل المجهـود والـلـه يعـيـني أرجو السماح وتقبل العذر مشكور طلبـك صعـب ولا تحـوشه يـمينـي شاركتكم يالقرم بحساس واشعـور وأحس في جوفي عـراقي المزيني مالوم اللي يرقب على نايف القور راعي الهـوى دايـم جـداه الونينـي ولالوم من غنى من الوجد مجرور لـو جاب لحن السامري والهجيني كـم واحدٍ يصبر على البعد مجبـور أصبـر عـلى حكـم الـولي يالغبينـي دنيـاك هـذي طبعهـا كـيـد واغـرور مـا هـي أمينـه مـثـل داب الحنيني *- وقال فارس بن سطام الجميدي الركابي هذه القصيدة يسند على عبدالله ابن دهيمش بن عبار : 574 سر يا قـلم وأكتب لنا نظـم الأشعـار أكـتـب لأبـن عـبـار مـني سـلامـي من لابة كـان اعتـلـوا قـب الأمهـار فـكـاكـة الطـابـور عـنـد الـزحامـي فدعان مـا فـيـهـم تـلاقـيـط شبشـار ومـعـربـيـن الخـال هـم والعمامـي يـوم اللـقـا يسـمع بـهـم كـل مغـوار بأفعالهـم يـدري رضيع الفطـامـي ويـلان مـن عدنـان وافيـن الأشبـار لـنـا الفخـر باذكارهـم كـل عـامـي أشكي لأبن عبـار حـالي ومـا صـار فهـيـم يعـرف غـايـتي والمـرامـي لـي صاحـب اقـفـوبـه الـبـدو نـكـار وعـزي لمن مثلي طـواه الهيـامي عـلى حبيـب حـط بالـقـلـب مسـمـار مكـن صوابـه بالضمايـر عـدامـي غيره ترى قـلبي من البيض ما دار يــشـبـه عــنـود قـايــده لـلأدامــي خـلي طـوى قـلبي كما طـي الأبيـار وأحترت من فرقاه وزاد أنحرامـي ودي بهـا يـالـقـرم مـار القـدم حـار ودي بشرع اللـه مـا هـو حـرامـي وأنت الذي يالقـرم بالشـور تـنشـار حيـث أن شـورك ناخـذه بالتمامي وآخـر جـوابـي لـك تـحـيـة بتـكـرار من عند فارس لك جزيل السلامي * قال عبدالله بن دهيمش بن عبار هذه القصيدة رداً على الشاعـر فارس بن سطام الجميدي الركابي : 575 جـاني جـواب نـاظـمـه نـظـم محـار من شاعرٍ يشكي علينـا الغـرامـي يا فـارس السطـام يا نسـل الأخيـار أشكرك يالمنعـور يا أبـن الكرامـي أرسلت لي من صافي القاف تذكـار حيثـك فهيم مـن الرجـال الفهـامي عـزاه لـك مـن بعـد الأحباب صبـار وراعي المحبه لـو شكا مـا يلامي عــزي لـطـراد الـهـوى تـقــل دوار مـثـل الـمـدوه فـي متـاه المظامـي وكـم واحدٍ مثلك من الوجـد محتـار يـبـات لـيـلـه سـاهـرٍ مـا يـنــامــي كم من هواوي صار بالشعـر بيطار لأجل الغـزل لـه بالقصيد اهتمامي يـا كــم رجـم يـرقـبــه تــقـل سـبـار ويهـيـم مـن كثـر الطنـا والهيامـي أحيان يأتي ضيف من ضمن خطار وأحيـان يأتـيهـم سـوات الحرامـي طـرد الهوى فيه الحلاوة والأمـرار كلـن شكـا جـوره جنـوب وشامـي عـنـدك خبـر قـيس الملـوح وبشـار لعـبن بـقـلبـه رادعـات الـوشامـي وأن كنت يافارس تبي مـني أشـوار أنصحك صادق كان تقبـل كلامـي أن كـان عندك يا فـتى الجـود دينـار أقـدم وخـذ مضنون بالك اشمامي وأن كـنت مفـلس لـو تعـنيت مشوار مـا تدركه لـو كـان مجناك سامي *- وقال الشاعـر سعود بن ضفيدع الجعفري هذه القصيدة يسند على عبدالله بن دهيمش بن عبار : 576 قـم يا نديبي فـوق ما يـدني الأبعـاد وإلـى تحـرك نـازح الـبعـد يـدنـيـه من الحسا يمشي مـع الصبح مـداد وامجـهـزه لأجـل المهمات عابـيـه جمس حمر يطوي بعيـدات الأريـاد الخـط مهمـا طـال بالحـال يطـويـه سافرطلوع الشمس قبل الدبش قاد ومـن الحسـا ممشـاه مـني معـنيـه مـنـصـاه يـم الـوايـلـي قـرم الأولاد لجل الرسالة حرك الجمس ناصيه وش السبب يالقرم يا نمـر الأفهـاد ياللي على النوماس يتعـب معانيـه ما جاء ردود الخط يا زاكي الأجداد وأنـا أحتري مشتاق للـرد باغـيـه بلـشـت أنـا مـا بـيـن نـاشـد ونشّـاد نـاس تبي مردود خطـي اتـراعيـه والعذر يالممدوح عن بعض الأنقاد عـرف الذي مثلك ترى نفتخر فيه * قال عبدالله بن دهيمش بن عبار رداً على سعود بن ضفيدع الجعفري : 577 حي الجواب وحي مـن كـز الأنشـاد مرسـولكـم يا أبن ضفيدع نحيـيـه الجمس جـانـا وبالعجـل يـمكـم عـاد شال الجواب وشال عذري يوديه عنـدي ظروف مالها حصر واعـداد والخط ماني يا فتى الجود ناسيـه يـوم بـه أدي واجـبي ضمن الأفـراد ويـوم يصادفني لـزومي وأسويـه ويـوم يوافـقني مـع الغـوش ميعـاد وخلف الوعد يا مسندي ما ندانيه ويـوم عـلى مثـلك مـن الشعـر رداد أرد قـيـل الـلـي وصلـنـي مـبـاديـه لـكـن الـيـا تـراكـمـت نـلـزم حــيــاد أحتـار مـن هـو في جـوابي أبديـه مـانـي لـحـالي يافـتى الجـود حمـاد واللي طعن يكفيـه شاهـد عـوانيـه ولانـي لقولك يا أبن الأجواد جحـاد حيثك من اللي لـه علينـا مشاريـه لا شـك الـلي مثـلي مـولـف وقصّـاد مشاغـلـه تكـثـر وتكـثـر مشاحيـه * وأردف الشاعـر سعود بن ضفيدع العنزي بهذه القصيدة للمرة الثانية رداً على زميله عبدالله بن دهيمش بن عبار : 578 سميت بالرحمـن مفـني عـرب عـاد في سم حيـه والي العـرش ماحيه الـلي جعـل ديـارهـم تـحـت الأنـفـاد مـن عقب ما هي شامخات مبانيـه يعـلم خفي ما كن فـي وسط الأفـواد والعـبـد مالـه غـيـر ربـه ينـاجيـه أرجـيـك يـا خـلاق سبع بـلا اعـمـاد الـواحـد المـعـبـود كـلـن يـراجـيـه رب الـمـلأ محـيـي عـظـام بالألحـاد مابيـن كـاف ونون بأمـره يسويـه الـلي لـه المخـلـوق خـشع وسـجـاد كلن يخـاف الذنـب يغـلب حسانيـه ومن بعـد ذكـر الـلـه والفكـر منقـاد بـديـت باللي جـاز لي مـن معانيـه وهليت بالمكتـوب ولـي الفـرح زاد يا مرحبـا بالخط والـلي عـنـا فـيـه يـا مـرحبـا ترحيـب والـي بالأحفـاد عـقـب البطـأ بشر بشوفـة ابـانيـه يـا مـرحـبـا بـعــداد مـا هــل رعــاد وأعـداد ما هـل المطر من مناشيه في خط أبن عـبـار عـريـب الأجـداد الـوايـلـي راس الـعـلا دوم راقـيـه يـوم لـفـاني خـطـكـم مـثـل الأعـيـاد فــزيــت لــه فــزت مـودٍ لـغـالـيـه خـط الرفيق اللي كسب كل الأمجـاد ريـف الذي ضاقت عليه المناويـه يا القـرم يا حلال عسـرات الأعـقـاد العـذر نـقـبـل بـه ورضاك نشريـه عسى الـذي شرواك دايـم بالأوجـاد اللي يحـب الطيب والطيب زاهيـه ولا الـردي عـنـد الصعيبات مـا فـاد وأنـا معـك يـا قـرم الأولاد نـافـيـه الطيـب مـا يقـواه لـو بـالجهـد جـاد حيثـه عن الطولات تقصر مداليـه مـثـل الـثعـل حـيـال مـا هـو بصيّـاد شيـن الطبـايع بـالـرذيلـه مماشيـه ممشـاه بالـنمـة ويخـلـف بـالأوعـاد ويجيب هـرجت ذاك وهـذا يوديـه ما ينفعـه لـو كـان من ترثت أجـواد يطيع شور إبليس وإبليس مغويه اهل الخـزا وأهل الضغينة والأحقاد من قرب للجرب على الحول يعديه الطيب يا أهـل الطيـب مرقـاه بنكـاد ولا الردى ما هي عسيره مراقيـه عـسـاك دايـم يـالـمعـنى لـنـا أسنـاد ونـلـقـاك دايـم بالمحـل يـوم نأتيـه ودنياك هـذي بـيـن حـاسـد وحسّـاد واللي شكيتـه غالب الناس يشكيه وعمـر الفتى لـو طـال يأتيـه حصّاد ويعينـك المعبـود فـي مـا تقـاسيـه أنـت الـذي لـلـمـرتـفـع دوم صـعـاد وأطلعت كنـز بالـي العهـد مخـفيـه تـاريـخ للأمجـاد لـو عـصـرهـا بـاد نفخـر بطاري فعـلهـم يـوم نوحيـه لـو كان واضح فعلهم فوق الأشهاد طول الزمن يا كامن العرف مفنيه وخـتـامـهـا مـني سـلآم بـلا اعــداد وأقبـل سلامي يالمعنى لـك أهديـه سـلام أحـلا مـن لـبـن شقـح الأذواد وذكـر الولي باول كلامي وتـاليـه * وقال أيضاً الشاعر سعود بن ضفيدع هذه القصيدة يسند على عبدالله بن دهيمش بن عبار : 579 بـديـت بسـم المعتـلي عـالي الشـان عـلام مـا بـالـكـون رافـع سمـاهـا يا مصرف الأيام مـن غـير حسبان يا عـازل أسـود ليلها عن ضحاهـا لك ابتهل واطلبـك رحمـة وغفـران يـا رب نـفـسي لا تـخـيـّب رجـاهـا فـي ماقـفن فـيـه المخاليق عريـان وأم الضنـا تـذهـل وتـنسى ضناهـا بعـد ذكرالله قمت في كتب الألحان أمـثـال مـن زيـن الـمعـاني نـقـاهـا عـن الهـزل ناقـيـه مافيـه نـقـصان آخـذ طـرات القيل وأتـرك صـداهـا قـم يا نديـبي فـوق صنع المريكـان جـمس بـعـيـدات الكـيـالـو طـواهـا جمس إلى درهم مع الخـط عجـلان خمسين كـيلـوا بالـدقـيقـه مشـاهـا ملفاك بيـت الـوايـلي ذرب الأيمـان عـز الرفيق إلى اشتكا مـن غثـاهـا نعم بأبو مشعل حوى الطيب وكدان القـرم الـلي طيـب العوايـد حواهـا عـبـدالـلـه الـلي بالـلـوازم كحيـلان لـه منـزلـه بالطيـب مبـطي بـنـاهـا يفرح إلى جولـه مع الليـل ضيفـان وقـولـت هـلا قبـل المعـرفـة بداهـا أمدحك يالمنعـور في سـر وأعـلان يالـلي لفعـل الطيـب نـفسه هـيـاهـا سبـب مديحي فيـك يالقـرم عجبـان مـا أدور بـلغـه يـالسنـافـي وراهـا ولا أنت طيبك واضح قـدم الأعيان من جاك بالمعـروف ياخـذ جـزاهـا ساسك عريب ومن صناديـد ويلان عـز الـدخـيـل الملـتجي فـي ذراهـا عـرينـك الـويـلان بالكـون شجعـان تقصر يميـن الـلي بحـربـه نـواهـا ربعك اعزاز الجـار ضد الذي خـان مـن لابـة بالضيـق يـذري حجـاهـا قـبـيـلـة بـيـن الـقـبـايـل لـهـم شـان يـرجـع ذليـل وخـايب مـن غـزاهـا يرجع ذليل وطامن الراس وايهـان ويقصرعن الطولات من هو بغاها قـولي صحيح ولـه ثمانيـن برهـان مـنـشـورة بـالـكـتـب كـلـن قـراهــا مـثـايــل تـرويــه شـيــب لـشـبــان أهـل المكارم ريف من هـو نصاهـا عـقبان تنجب مـن مجانيـه عقبـان عـقبـان تـنجـب بالمـواكـر احـلاهـا يـوم أنهـا فـي دور طاعـن وطعـان فرسـان تـاخـذ حقهـا مـن اعـداهـا تـركـب عـلى قـب تصاهـل بميـدان كـم عـقـلـة وردو مـقـاطـيـن مـاهـا قـلتـه وأنـا مـن لابـة يـوم الأكـوان رجـالـهــم كـل الـمـخـاطـر وطـاهـا ربعـي هـل الجدعـا سلايـل سليمان تـركي عـلى كبـد المعـادي لضاهـا ضد العنيـد إلـى نـوى شـن عـدوان يرجـع ذليـل وحـاجتـه مـا قضاهـا واديـارهـم مـن حـد خيبـر لعـرنـان صعب على من راد لمست حصاها وريـع المغـني والعـمـايـر وحبـران واحـدود تـيـمـا نـازلـيـن بجـبـاهـا ومن البدع كـزه على صوب حلوان وبيضـاء نـثـايـل كلهـا مع قـراهـا مدهـال اباعـرهـم مجانيس الألـوان مرباعهـا الخنفة وتـرعى قضاهـا عـسى يجـيهـا صـادق المـزن ودان مـزن مـن المـنشـأ بـنـوه سقـاهـا مـزن مـن المـنشـأ يجـيـهـا مسيـان يمطـر عليهـا لـيـن يـروي ثـراهـا والمعذرة يا شوق مردوع الأوجـان أهديك عذري سالف عـن خطاهـا وأهديك معهـا مـا نظمتـه بشرطـان في صوتكـم أبغـاه يضهـر صداهـا تمـت بذكـر المعـتلي عـالـي الشـان بسـم الكـريـم اختـامهـا ومبتـداهـا * قال عبدالله بن دهيمش بن عبار هذه القصيدة رداً على الشاعـر سعود بن ضفيدع الجعفري : 580 بـديـت بالـلي عـالـم بسـر الإنسـان عـلام فـي جهـر القـلـوب وخفـاهـا سبحان رب الكون بالخلـق رحمـن كـل المـلأ تستـغـفـره عـن خطـاهـا الـواحـد الـلي لـلـمـخـالـيــق ديــان فـي يـوم يـوفي كـل نـفس جـزاهـا مـا قـدره بالكـون فـي قـدرتـه كـان شـاد السماء والقـاع مهـد وطاهـا انشأ السما الدنيا من اسماك دخان والآرض طين اشعـابها مـع رباهـا خـلاقـنـا نـرجـيـه فـي كـل الأحيـان مــدات جـــوده كــل حـي رجــاهــا ومـن بـعـد ذكـر الله سجلـت قيفـان قـيـفـان مـن فـكـر الـمعـنى بـداهـا جـاني جـواب كـنـه الشهـد بـدهـان أمثـال تعجب مـن سمعها وقـراهـا ورديت قيـل سعـود فعّـال الأحسان لأبـن ضفـيـدع جـابـتي مـنـتـهـاهـا سجلـت رد القـاف شكـرٍ وعـرفـان عـلى الهـروج الـلي لطيـف لغـاهـا سعــود مجـدنـي بـالأشعـار لا هـان ومثـايـلـه نـفـخـر بـهـا وانـتـبـاهـا يوم أن بعض الناس هايب وبحلان دافعـت أنا عـن لابـتي مـن غلاهـا ولاني على ما فات يالقـرم نـدمـان عـلى دفـاعـي لــو لحـقــنـي آذاهـا ومن قال أنا خير الرجاجيل غلطان والمرجلـة مـا كـل رجـل احتـواهـا وأنت الذي لـك لابـة تـروي الـزان عـزوة هـل الجدعـا تعـز اقصراهـا شجعان ما هم يوم الأكوان شردان كـان الرمـك عـج السبايـا غـشاهـا تاريخهم معـروف مـا فيـه جحـدان ربعـك رمـد عين الحريب وعماهـا لـو المكـارم يـا فـتى الجـود مجـان مـا تـاجـد الـلي بالغـوالـي شـراهـا لا شـك دون المرجلـة شـم ضلعـان تـشبـه كـرى مـا كـل رجـل رقـاهـا ولا فيـه طائر طار من دون جنحان والحـر لا شـاف الحبـاري حـداهـا طـيـر يسـمى بالهـدد طيـر حـوران لا هـده الـصـقـار يـرمـي عـشـاهـا وطيـر يسـمى البـوم ينغـط بجيـلان مثـل العجـوز الـلي تـنادي فـتـاهـا وطير على ما قيل طير ابن برمـان فـوايـده جـاب الـحـيـايـا ورمـاهـــا والفرق واضح بين باشك وشيهان وطير الرخم للصيد ما احـدٍ قـناهـا فـرق الطـيـور بفعـلهـا لا بالألـوان خـل السمـرمـد يـقـلع الـلـه مـداهـا من زان حظه طاب كان السعد زان معـدود ضمـن الـلي كـرام لـحـاهـا وكم واحدٍ يا سعود من نسل رديان لا شـك طـاب وكـل شـينـه محـاهـا كم واحدٍ يا سعود من نسل شيخان ونفسـه تهـوم العـايـزة مـن رداهـا مـن خـاب فعـلـه لا يـفاخـر بجـدان كـان الـفعـول الـطـيـبـه مـا تـلاهــا هيهات ما يقدر على الطيب كوبان والغـانمـة لـو أعرضت مـا سداهـا خل الردي دايم عن الطيب كسـلان الـلي المـخـازي والرذايـل جـنـاهـا لا جيب طاري قـال أنـا خلفـة فـلان وهو دافنـه تحت اللحـد من ثراهـا كم واحـد يحشم عـلى شان نسـوان ولا خيـر باللي قـدرها مـن نساهـا يا سعـود مـاني بالمخاليـق بلشـان لا شك شفت أوضاع عـقـلي نفاهـا يا سعود في دورك تغيرت الأزمان الـلـه يــعــز الحـاكـم الـلـي ولاهــا وحنـا سكنا اليـوم بريـاض سلمـان نسـل الـذي نـجـد العـذيـه حـمـاهـا نعـوذ بالله مـن وسـاويس شيطـان والـلي يعـز النـفس خالـف هـواهـا وصلوا عـلى الـلي ما تكلـم ابهتـان المصطفى هـادي الـعـبـاد لتـقـاهـا يتبع |
|
|
|
|
07-06-2022, 06:24 PM
|
#48 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال الشاعـر مطني بن رسام العبدي الشمري رحمه الله هذه القصيدة يسند على عبدالله بن دهيمش بن عبار العنزي : 581 يا الـلـه يـا عـالـم خـفي الـسريـره يـا جـايـب وبـل الحيـا كـل عـامي يـا رازق بـوبـل الـحـيـا كــل ديـره يا مفضـل بيـت الحـرم والمقامـي يا مبـدل عـسـر الـلـيـالـي بـغـيـره يا الواحـد الـلي زابنـه مـا يظامـي تكتب لـنـا يـا والـي الأقـدار خيـره يـا رب يـا منـشي ثـقيـل الغمامـي تـفـرج لـعـبـد دوم عـيـنـه سهيـره تسهـر عيونـه ما تذوق المنامـي يـاراكـب مـن فـوق بـنـز صغـيـره تقـطع مهـاميه السهـل والتهامـي مـيـة وراء الستيـن يشـر انـبـيـره مـن فـوق قـار كـنـه الشـط زامـي فـوقـه غـلام عـارف خـط سيـــره العـصـر بالعـارض يـودي كلامـي لا رصـه الـسـايـق تـزاود زويــره سـواقـهـا الـلي يـفتهـم بالنظامـي الـسـايـق الـلي عـارف فـن قـيـره شبـل مـجـرب مـا يهـاب الظلامـي هي منوت الـلي منتوي لـه لديـره لشاعـر بـني وايـل تـقـدم سلامـي تلـفـي لـحـر مـن حـرار الجـزيـره عـبـدالـلـه العـبـار مثـل القطـامـي عـطـه الكتـاب وبلـغـه بالسـريـره وبـلغ سلامي مـع وقـار أحتـرامي حيثـه فـهيـم وعـز مـن يستشيـره في مجلسه تلقـا الرجال الحشامي الشـاعـر الـلي بالـمسجـل هـديـره مثـل البحـور اللي امواجه زوامي مثـل البحـور الـزاميـات الغـزيـره ولا كمـا الهـداج عـذب الجـمـامـي هداج ما يلادي الرسوس وحفيره لا زاد يلطـم فـوق هـدف المقامـي يا الـلـه مـن شـر الليـالـي تجـيـره القـرم أبـو مشعـل بعـيـد العلامـي مـن لابـة يـوم الـمـلاقـا ضـريــره أرواحـهـم يـوم الحـرايب عـدامـي أولاد وايـل بـالـسيـوف الشطيـره ضرباتهـم تـفـرا اللحـم والعـظامي كـم فارس هامـه ولا جاء صديره خـلي عشا للذيـب والطيـر حـامـي عـدوهـم صابـه من الخوف ذيـره يسـري تـوالـي الليل بالأنهـزامـي صـيـارم مـثـل الـحـرار الشـهيـره تلقـا لهـم عـنـد الرجال أحتـرامـي والسب من طبع الوجيه الشريـره السـب مـا بيـن الحمايـل حـرامـي والظلم راعي الظلم تـاه البصيـره وشـمـر ووايـل بـالمحـبـة دوامـي شـمـر اوايـل عـارفـيـن مـسـيــره لا ثـار عـج مـرفـعـات العـسـامـي والـلـه ما أسـب الحمايـل وأميـره ولا قـلتها من شان ربـعي أحامـي والكـذب مـا يثبـت عـليك اتعـبيـره ميـزت هـرجـك يا رفيع المقـامـي ونعطيك من ساس الصداقه بريره ولا أنت سيـد المعرفـة والحكامي رد الجـواب الـلي عـليـك أتعـبيـره ولا بيننا يالقرم حـرب وخصامـي ياشوق من لبس الذهب مع حريره بـنـت القـروم مسيحين اليـدامـي جـاك الجـواب الـلي تقـل نقـد نيـره فوق الـذي يقـطع بعيـد المظامي * قال عبدالله بن دهيمش بن عبار رداً على مطني بن رسام الشمري : 582 أبـدي بـعـلام الـخـفـا والـجـهـيـره مـن قبـل ما نبـدي بنظـم النظامـي رب العـبـاد الخلـق يعـلـم مصيـره الـواحـد الـرحـمـن رب الأنـامـــي وأعـوذ بـه من حـر نـار السعيـره يـوم البشر تمشي حـفـاة القـدامي فـي ساعـة فيهـا تـزوغ البصيـره تذهل بها المرضع جنين الفـطامي حـلال صعـبـات الأمـور العـسيـره عسـاه يقـبـل صـومـنـا والقيـامـي ومـن بعـد ذكر اللي لعبده ذخيـره مـلاذ خـلقـه فـي نـهـار الزحـامـي شديـت قطـاع الـدروب الوعـيـره ونيت هاف من الجموس الهمامي جمس تـفـوق بالصنـاعـه خبيـره بـديـه وشاصـه ضبطـه باللحـامـي حصل عـلى كـل الجوايـز مـديـره وحمل على صدره رفيع الوسامـي بالريح جامه يـوم تسمع صفيـره عبرود بنـدق ثـار مـن كـف رامـي يمـد مـن شـرقي ضواحي غبيـره بستر الولي يمسك طريق الثمامي وبخلال ساعـه تاجده في عشيـره ميّل على الروضة وعبى الدرامي وأن يسر المعبود عقب الضهيـره ملفاه ياطب حـول ضلع العصامي يلفي لـدار أهـل الـوجيـه السفيـره شمر هـل الـرده حمات الجهـامـي شمـر حمول الخيـل نعـم العشيـره غـلـبـا إلـى ثـور عجـاج الكتـامـي غـلبا الطنايا كـان عـميت مطـيـره على العدو يردون ورد الظوامي ملـفـاك قـرم لـه بـالأمجـاد سـيـره مطـني ابـن رسـام نسـل الكـرامي مـن لابـة تـنـطـح قـبـال الـمغـيـره عـبده ضياغم يـوم شـد الحزامـي لاجيت مطني شوق ناقض جميره القـرم ستـر مرودعـات الوشـامي فـي مجـلسه تلـقـا المهيّـل يـديـره من دلـة الرسلان أو صنع شامـي صبـوبـهـا يعجبـك فـايـح خـويـره فنجالها يجـلي الخـرم والـوخامـي ومن بعـدهـا كبش فطحتـه كبيـره بالفين في شبك الشريطي ايسامي قـرم يـقـلـط مـن حـلالـه ومـيـــره ما هو من اللي مكسبه بالحرامـي مطـني يمينـه بالمـراجـل جـديـره الضيغمي لـه بالضيوف اهتمـامي شبحه بعيد ولا اشبوحـه قصيـره مـا دنـق المـنعـور يـنـظـر امـامـي أشكـر جنـابـك يا مبـري ضمـيـره قـلت الصحيح وكل هرجك تمـامي مـن شجع المخطي نعـده خشيـره ولا همنـا منطـق خطات الخمامـي لـو الخـطـأ مثـقـال حـبـة شعـيـره يحـط بقـلـوب الـرجـال الـهـيـامـي ومن دار بعراض الخلايق معيـره لا زم يـبـوح بـغــرتـه كـل كـامــي الـلـه حسيب الـلي يجـر الجريـره ومن شان حظـه عـرضه للملامـي وهـذا مـرد القـاف جـاكـم بشيـره رديـت قـافـك يالسنـافـي اشمـامـي حيثك فهيم وبـك شهامـه وغيـره وأنت الـذي تفهـم مقاصد مـرامـي القيـل عـنـدك صـافـي نبـع بـيـره مثـل النهـر نقروح مجـراه طـامـي حـيثـك كمـا حـر كـفـوفـه خطيـره إلـى شهـل خـلا الصـيارم حمامـي وصلوا عـلى نـبي العـباد ونذيـره المصطـفى ضلـل عـليـه الغـمامـي *- قال مفرح بن مليحان الجعفري يسند على عبدالله بن دهيمش بن عبار : 583 البـارحـة مـا طـاب كـيـفي ونـومـي والعين ما نامت اليا وقت الأسحار يـا ليـت قـلـبي مـا تجـيـه الهمـومي مرتـاح مـن كـل الـروابع والأفـكار الـبـارح مـن الـنـوم تقـل محـرومـي مـالـي جـدا كـود أتسـلا بـالأشعـار يا طارش مـغـرب تجيـب العـلـومـي هـاك الـرسالـة ودهـا لأبـن عـبـار وصـل سـلامـي لـلمـعــنـى لـزومـي الهـيـلعــي مـثـل البليهـي إلـى ثـار عنـده يقـدم لـك مـن الحيـل كـومـي وتـاجـد معـامـيـل بهـا بـن وأبـهـار مـن لابـة تـثـنـي نـهـار الهـجـومـي عـاداتهـم جـدع المدرع على الثـار فرسان والـلـه مـا تهـاب السهومي أيضاً وريف اللي عليه الزمن جار يتلـون أخـو قـطنـه قـوي العـزومي الـلي يصـوت يـوم لوذات الأسعـار الـقـلـب يـا مشكـاي دايـم يـهـومـي بيحت أنا المكنون وأبديت الأسرار عـلى عشيـراً زاهـيتـه الـوشـومـي يشدى كما وضحا مع الذود معطار حـبـه بـقـلـبـي كـاتـب لـه ارقـومـي مـار انتحـا يا مسندي صابـه أنكـار ما هو على الرجلي مسافات يومـي ولاهـم قريب لسجة العصر مسيار من دونهم يزمي سـراب الحـزومي وش يجمع اللي بديرة العان لقفـار الناس لـو زادت عـلى اللـوم لـومي ماسلا عن اللي ما يطاوع للأشوار لـو كنـت يا مشكاي دوم محشومـي غـديـت كني صاحـب النـار والغـار عطـني جـوابـك لا عـدمنـاك دومـي أنـت الـذي رايـك عـلى كـل تعـبـار * قال عبدالله بن دهيمش بن عبار رداً على مفرح بن مليحان الجعفري : 584 بـديـت فـي منـشي ثـقيـل الغـيـومي ينشابه السحاب مـن موج الأبحـار مجري الذواري بين برد وسمومي نعـوذ بـالرحمـن مـن واهـج الحـار ومن بعد ذكر اللي لخلقـه رحومـي شلت القلم وأمليت منظوم الأشعـار وبـديـت أسجـل رد شبـل القـرومي مفـرح أبـن ملـيحـان بعـيـد الأذكـار يشكي هـوى غـرو بطبعـه ظلـومي داره بـعـيـد ولا تجي منـه الأخـبـار قـلته وأنا بحكم الظروف محكومـي أجهـد لـعـل الـقـا وسيـلـه ومعـبـار ولا زلـت أفكـر بالهـدف واليمومـي الوضع يودع صاحي الفكـر يحتـار ولا الـوم مفـرح لـو ينط الرجـومـي قـلبـه لعـبـه لابس الشال واخـمـار الـحـب تـشكيـه الخـلايـق عـمـومي قبلك شكـا من الحب عامر وبشـار وعامر غدن به ساهجات السلومي هــيـا وريــا دهــورنـه بـالأسـحـار عاف الأخيضر والخـدم والختـومي وخـلا المداين والقـرايا والأمصـار وأصبح يذكـر في مغـيب النجـومي من عقب ما يجير القبايل غدا يجار وقيس بسبب ليلى يشـق الهـدومي أصبـح هـبـيـل وبالمهـامـيـه سيّـار يـا مـفـرح أيـام المحـبـة حسـومـي خلك عـن النوهـات والوجـد صبـار وأطلب فـرج رب العباد الرحـومـي يأتي بيسره والفرج عقب الأعسار يا الله طلبتك فـي صلاتي وصومـي تـلم شمـل أهـل النـقـا وأهـل الـكـار *- قال فريح بن ضاهـر العبدلي يسند على عبدالله بن دهيمش بن عبار : 585 يـا الـلـه يا منـشي ثـقيـل الخيـالـي يا آمـر خـلـقـك لـبـيـتـك يـحـجـون أطلبـك يالمعـبـود تـلـطـف بحـالـي يا ناصر موسى على دين فرعون وألوذ بـك مـن شـر سـود الليـالـي وأعـوذ بـك من سـؤ ناس يذمـون نـاس عـلى المخلوق دايـم تـلالـي هـرج الـنقـيـلي دايـم بـه يفـوزون ومن بعد ذكـر الـلـه نبـدي مقالـي البـوك والـم والقـلـم دوم مـرهـون البـارحـة مـا نـمـت ليـلـي لحـالـي سـهـران ليـلي والخلايـق ينـامـون فـي منزلي كني من الناس خـالـي وهـمـوم قـلـبي بالضمايـر يلجـون قالوا علامـك قـلت طاري طـرالـي بالله عليكم يا أهل العرف وشلـون مـن واحـدٍ عـيـت تطـولـه احبالـي وإلـى ذكـرتـه دمـع عـيني يهلـون الصـاحـب الـلي بالمـوده صفـالـي ما طـاوع الحسـاد والـلي يعـذلـون غـرو من الخفرات وافي الجمـالي وعليـه قـلبي يا أبن عبـار مفتـون والـلـه لـو يـطـلـب ولـيـه حـلالــي لا أدفـع مهرها لو يقولون مليـون لا شـك مـن دون الحـبيـّب جـدالـي مـن دونـهـا نـاس عـليهـا يعـيـون وأشكي لأبـن عبـار قـرم العـيـالـي حـيثـه مجـرب باللـوازم ومبخـون عـبـدالـلـه الـلي يستحـق المعـالـي الـوايـلي يحمـاه مـن يبـدع الكـون أنا أشهـد أنـه مـن خيـار الرجـالي غصب عن الأعـدا وإبليس ملعون من عـزوة الويلان حامي التـوالي يـوم القبايل بين طاعـن ومطعـون أفـعـالـهـم مـبـطـي قــديـم وحـالـي مثل الذهب عن العذاريب مصيون يـا شـوق غــرو زاهـي بـالــدلالـي بنت الـذي وقـت اللوازيـم يثـنـون قـلي بـرايـك يـا عـريـب الخـوالـي حيث أن رايك يا أبن عبار مـازون وصلوا على المختـار أول وتـالـي على الرسول اعداد ناس يطوفون * قال عبدالله بن دهيمش بن لعبار رداً على فريح بن ضاهر العبدلي : 586 بـديـت بـالـرحـمـن عـز الـجـلالــي الـخـالـق الـلي عـالـم كـل مكنـون رب المـلأ محـيي العظـام البـوالـي تحت البرازخ داخل الرمس مدفون هـو الـولـي الـلـي عـلـيـه أتـكـالـي ندعيـه خلاق الملأ ونطلب العـون ومن بعـد ذكر الله مرسي الجبالـي عبـرت من فكري تناظيم والحـون فـريـح ابـن ضاهـر بقـافـه شكـالي وأهـل المحبـه دوم الأيام يشكـون يقول ما هو عن هوى الزين سالي وأهـل الولع عاداتهم دوم يرجون قيس الملـوح هـام وسـط المفـالـي من حـب ليلى ساح بالـدو مجنون وعامر غـدابـه وجـد بنت الهـلالي عاف البلاد وترك اقلاع وحصون خـلآ الأخيضر والـربـوع الغـوالـي وسكن فداوي عندهم ما معه لون ولا زال تضرب بالخفـاجي مثـالـي وكثير اللي مثل الخفاجي يهيمون راعي الهوى كنه على حـر صالي كلن شكا يا فريح حسرات وغبون يا فريح مكتوبك وصل لـي وجالي تشكي وقـلبك بالغـنـاديـر مشطون يا فريح يـا نسـل الرجـال المـدالـي الـلي عـليهـم دوم بالطيب يثـنـون والله مـا أذخـر كان لي بـه مجـالي لا شـك من دونـه عـوايـد وقانون يا فـريح والـلـه عنـك ماكـن مـالي ما اقصـر بواجبك لـو كنت مديون والكذب ما هـو من طبايع خصـالي لكن تـرى يا مسندي قـدرتي دون وأن كان هـي بالمرجلـة والنضالي ربعك ضنا عنـاز بالضيق ينخـون وكانه حصل بالجاه زاهـي الدلالـي ننصى وليـه والوفا منه مضمـون وأن مـا قـدرنـي قـلـت دور بـدالـي جب له رجال من الرفاقه يمونون ربعـك هـل الشيمـة كـرام السبـالي لوكان تنخاهم على الموت يردون عـبـادلـة ريـف الــركـاب الهـزالـي الـلابـة الـلـي بـالـلـوازم يـسـدون *- قال الحميدي بن خالد الجعفري يسند على عبدالله بن دهيمش عبار : 587 أشكي عليك مصيبتي يا أبـن عبـار حيـثك معـاني القيل تفتهم اطرقهـا عـيني لذيذ النـوم عـن جفنها طـار عـد الحمـاط بـمـوق عـيني لمقـهـا وعـد الـرمـد يلـوفـهـا عـقـب ذرار لا صاعهـا صلف الهوا ثـم صفقها ماخوذ أنا يا مسندي أخذت اجهـار وشغلت صخيف اللون محدٍ سبقها يشبه وضحا يوم ترجح على حوار تلعب مع الحشوان بـزمت فسقهـا أن ابعـدت حـالي تـزايـد بالأضـرار وأن قـربـت كبـدي يجيهـا حـرقهـا شكيت لك يا مسندي ذقـت الأمـرار مـن وحـدة ســبحـان رب خـلـقـهـا أبي النصيحة منك يا نسـل الأخيـار وش حيلتي حيث الضماير وسقها * قال عبدالله بن دهيمش بن عبار هذه الأبيات رداً على الحميدي بن خالد : 588 قال الذي يختار من عـذب الأشعـار عـذي القوافي من ضميره نطقهـا ردٍ عـلى الـلي يشكي الوجد محتـار مـرالحنـاضل مـن عشيـره لعـقهـا الهايـم الـلي صوبـه سـهـم الأنظـار صـابـه وسـبـب للقـوايـم عـوقـهـا العـيـن تـشبـه بـنـدق تـلـفـظ الـنـار لا ثـار مـن لحـظ المحاجـر فشقهـا كـم جـادل يفتـن بهـا الغـافـل الغـار لا شـافـهـا قـلبـه تبعـهـا ولحـقـهـا الخـد يـوضي سـاطع مـثـل الأنـوار ويبش عن مثل الجواهـر عـرقهـا والوجـد تشكي لوعـتـه كـل الأنفـار وكـلـن هـوى بـالـه تـمنـا رفـقـهـا أن كان خلك مـن حمايـل هـل الكـار بنت الرجال اللي عـريب امعمقهـا أقـدم لهـا وأخطب ولو ترهـن الـدار وأدفـع مهـرهـا والمطاليب سقهـا ولا تنخدع وأحذر ترى الزين غرار راعي الولع لا شاف صيده درقها وعندي نصيحة كان تسمع للشـوار كـب الـهـلامـة مـا يسـرك مرقـهـا وأفـطـن تــرى مــا كـل نـوار نـوار عشـب الدمانـة عـافها من نشقهـا * وقال الحميدي بن خالد الجعفري هذه القصيدة يسند على عبدالله بن دهيمش بن عبار وأبو عدوان : 589 يـا مـل قـلـب كـل مـا اهـجـعــه لاج كمايلوج اللي من السجن محروج عـليـه دولاب الـزمن يـدرج أدراج أدراج خـام بـلـفـت الـعـود مـدروج أصبر ومع زيد المدا صبر الأفراج ربك فـرج لعبيد مـع زيـد ودعـوج وخلاف ذا يا راكـب فـوق سـرواج سـربـال بـيـد للفـيـافـي ومـزعـوج ما فوقه الا الخرج والكورمن عاج ومفصل نطعـه من الطـرز منسوج كانه سرى بالليل من حـول فرتـاج يلفي مع المغرب حوالي أم فـروج والصبح كانه مد مـن نقـرة سـواج وقت المسا تلقاه في ديـرة الهـوج يلفي لأبـو عدوان والصبح ما بـاج تلقاه يلاعب أصفـر النجر مرهوج فـي مـجـلـسه تـفـارزوا كـل هـراج في مجلس ما داج بـه كل مرجوج ارسل لأبن عبار كان مابها احراج ومـفـرح مليحـان يعـطيـك منـتـوج والكـل مـنهـم بالـمثـل مـثـل هـداج عـد العدود اللي عليه السرى دوج وأذكر لأبن عـبـار يعجـل بالأرواج واعجل لنا رد الخبر لأبـو مسهوج مالك عـن الطـولات يالقـرم منتـاج ولا بد بران الفضاء مالها افجـوج يا حلو عـز النفس لو كنت محتـاج والناس مبطي بيـن فالج ومفلـوج السيف لولا العوج ما أظـن ينعـاج قـبلي ذكرهـا واحـدٍ ما يـبي العـوج لاشك وجعات المرض مالها علاج لا بـد يـوم بمـظـلـم القـبـر ملـفـوج * وقال عبدالله بن دهيمش بن عبار هذه القصيدة رداً على الحميدي بن خالد الجعفري : 590 مـبـداي بالـلي يـطـلبـه كـل حجـاج منجي سفينة نوح من لجة المـوج أنـجـا نبـيـه مـن مكـايـد هـل البـاج سلـك نسـج بالغـار لفـات وادروج حامي عبـاده بالحمى سد واسيـاج سور بنـاه بصلب من دون يأجـوج ومن بعـد ذكـر الله سجلت الأنتـاج مـن فـن بدعي نظـم القيـل ملهـوج سار القلم يكتب على البوك بالزاج من قيـل أبن عبار ما قيـل مسموج يوم أن بعض الناس للهرج عـلاج هـمـلـق مـا يـفـتـهـم كـل مـهــروج القيـل مـا يفهـم مـرامـه خطـو داج مقصوده الكبسه عـلى طير فـروج السافـل الـلـي للمـواجـيـب سـهـاج من الزاد غادي له فتاتير واعفوج قـم يـا نـديبي وأرتحـل قـدر دفـلاج على هميم إلى مشى يسبق الهوج ود الـرسـالـة لا تـحـطــه بــالأدراج لـولا جـوابـي مـا تعـنيـت بـنهـوج لـلي عـلـيـنـا يـشـتـكي حـر وهــاج شاف الزمان اليوم مايل ومطعوج من يـوم عصر التبعي لابس التـاج والبيع مايرهم لأبو رمش مدعوج يـوم أنهـا بـدور الشبيـلي ومـزلاج بنت الصويتي ما يقرب لها الغوج * قال عبدالله بن دهيمش بن عبار يسند على الشاعر الحميدي بن خالد : 591 قـلبي تهيّض يالحميدي من الكبـت يشفق على قرب الرجال المشاكيل يا القـرم عـذبـني زمـانـي وشيبـت لـوهــنـي الـدالـهـيـن الـبـهــالـيـــل جربت أنا يا مسندي وأنـت جربـت تـفـهـم وعـنـدك للمعـانـي تحـاليـل وضع البشر لو قيل لي عنه كذبـت دور تغـيـّر بـه سـلـوم الـرجـاجيـل أحتـرت من وضع العبـاد وتعجبـت ناس سعت بالحيف والقال والقيـل تمدحك بقبالك وتشمت إلـى غـبـت ومن يصنع المعروف ماله مقابيـل ما يذكرونك بالثناء لـو بهـم طبـت وعـيـونهـم عـلى المعـايـب درابيـل ناس تذمك بالخطأ دون مـا اذنبـت واهروجهـم تـزيـيف مالـه دوالـيـل بـذر الحسد بصدورهـم نابـت نبـت واقـلوبهـم بالحقـد سـود ومغـاليـل يـوم الأحد ما يفرقونه مـن السبـت ما يفرقون الكدش من سبّق الخيل ما بينهم لـو كنت ممدوح عـذربـت مـا تـاجـد التقـديـر عنـد الدعـابيـل من لا عرف قدري فنا عـنه جنبـت نعتـاض دونـه بالرجـال الحلاحيـل اللاش والهلباج عـن قـربهـم تبـت وأشفق على نطـاح وجـه المقابيـل قلتـه وأنا يا مسندي للهدف صبـت وقـمت أتفـكـر بالسنيـن المساميـل * قال الحميدي بن خالد هذه الأبيات رداً على عبدالله بن دهيمش بن عبار : 592 جاني جوابك يا أبو مشعل وجاوبت كـلامـك أحـلا من دريـر المباهيـل نشـدتـني وأنـا عـن المعـرفـة جبـت والطيـب مـا تلقـاه عنـد الأسافيـل يا اهمـوم قـلبي من شقاهـا تعـذبـت غـدالـهـن قـلـبي مـقـر ومـداهـيـل إلـى ذكـرت عـفـونهـم ثـم تغـضبـت الـلـه يشـتت نـزلهـم بـالـغـرابـيـل لا جاك حكي الكذب ماله استغـربت شـي طبيعـي عـنـد نـاس مهـازيـل وترى الردي في قربتـه ما تنشبـت كـنـه لـقـيـط غـلـيس ولا شمهليـل لـو تبذر المعـروف بـه ما تقضبـت وأفعالهـم عـن المـراجـل مساهيـل لا صار بالمجلس بخيـل وعـذربـت ضعـاف العـزوم أذمهـم بالترازيـل نـاس تـدك خـيـولـهـا لـو تجـنـبـت هذي وضايفهم على العدل والميـل ياللي عـلى درب المراجـل تحـزبـت كسب مـن الله والـوهـايب تنـافيـل لا جـيـت بيتـك للمنـاعـيـر حـضبـت صفرالدلال ونجرهن وأشقرالهيـل مع كـبش مصلاح تجيبـه ولا هبـت كنـه مـن الحشـوان ولا ولـد فـيـل مـا يـوم قـلـت الحـيـف ولا تـغـلبـت ياللي مثـل وادي الرمـه بالتماثيـل وقـفـت في وقـت اللـزم مـا تغـيبـت أشكـرك يالـمنعـور يـا ناظـم القيـل وصلاة ربـي عـد رمـل مـن الخبـت عـلى رسـول صـادق بالمـراسـيـل يتبع |
|
|
|
|
07-06-2022, 06:35 PM
|
#49 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال سالم بن فلاح الوثيري يسند على عبدالله بن دهيمش بن عبار : 593 يـا راكـب مـن فـوق جـمس منصى مرسـول مـني لأبـن عـبـار نـاصي جـمس لـه قـزوزيـن جـديـد قصـى ما شـد فـوقـه بس بـديـه وشاصي يحمل كتـاب وراح مسرع موصـى إلـى انطلق بالقـار مثـل الرصاصي يلفي لأبن عبار مخصوص خـصى اللي عن الماجوب مـا قيـل حاصي يلـفي عـلى الـلي للمراجـل تقـصى عـلى الوجب دايـم فلوسه رخاصي أنـا اشهـد أن الطيب عنـده تعـصى من ساس لابة فيهم الطيب عاصي يـامـن عـلى تـاريـخ وايـل تقـصـى تسلم يالـلي دونت فيهـم اقصاصي أولاد وايـل فـعـلـهـم مـا ايـحـصـى يتعـب جميع مـورخ وألـف حاصي وصـلاة ربـي عـدد ما خـط بالصى عـلـى رسـول مـا بـديـنـه نـقـاصي * قال عبدالله بن دهيمش بن عبار هذه الأبيات رداً على سالم بن فلاح : 594 يـا راكـب جـمس مـديـلـه امحـصى ونـيـت مـا صـمـم تصاميـم باصـي ما حـاش مثـلـه بالعـرب كـل لـصى ما يـدركـه بالنـاس دانـي وقاصـي مـا لطـخ بـورش السماكـر بجصـى ولا هنـدسوبـه شايبيـن النـواصي العـالـم الـلـه يـوم بـنـصـه يـرصـى تـيـار كهـرب نايشه سلـك ماصـي ولا كما لمـح البـصـر حـيـن بـصـى ولا رفيـف محاضيـات الصواصي لا قـام مـن مخـزن وقـوده يمـصـى كـنـه سكـيـر شـارب لـه اقـلاصـي يـرسـل جـواب الـلي لفـاني منصى عانـي ولالـه غـيـر سالـم مناصـي اللي بنا حرف القوافي على الصى يا مـرحبـا بـه عـد رمـل النماصـي كـزيـت لـي يـالـقـرم قـاف مـعـصى ولـولاه جاوبتـك جـواب القماصـي *- قال حمدان بن دهيمان الشعيلي هذه القصيدة يسند على عبدالله بن دهيمش بن عبار : 595 قال الـذي صـدره تهيـّض بالأمثـال منظـوم قـيـفـانـه عـلى مـا طـرالـه قـيـل بصندوق الحـشـا قـام يجـتـال بــيـّح خـفـاي وبـذنـي بـاحـتمـالـه باح العزا من ضيقت الصدر والبال مـن لاهـب بـالـكـبـد زاد اشـتعـالـه عـز الله أني شفت من كثر الأهوال عفـت الحياه وعفت من كـل حالـه الـديـن سـم قـاتـل يـرهــق الـحــال حمـل مـن الـبـلـوى ثـقـيـل مشالـه ولا مـن صديق يحفظ الواو والدال يـوصـل لأبـن عـبـار مـني رسـالـه حيثـه لصعبـات المـواجيـب حـمـال لا جـيـب للحمـل الثـقـيـل ارتكـالـه قـرم صليـب الـراي حمـال الأثـقـال يشبـه لـحـيـد مـن رواسـي جبـالـه طـول الزمن بيتـه للأجـواد مدهـال الـضـيـف يـأوي كــل يـوم بـجـالـه ياالله يا مغيث الوطن عقب الأمحال يـالـواحـد الـلـي كـل حـي يـسـالـه تفـرج لمضهود عـليه الزمـن مـال فـي مـرقـده يـاسـف عـدوه لحـالـه * قال عبدالله بن دهيمش بن عبار هذه القصيدة رداً على الشاعـر حمدان بن دهيمان الشعيلي : 596 حي الجواب وحي بالقيـل مـن قـال منظـوم شـاعـر كـل قـولـه جـزالـه من شاعر ما هو من الناس محتال حـمــدان قــرم نــادر حــي فــالـــه شكيت حمـل الدين مـع قـلـة المـال ومـن بـه حـمـيـه باللـزم ينشكـالـه دنياك هـذي خيرها حسن الأعمـال وكـم واحـدٍ مـا فـاد لـو كـثـر مـالـه لـو ثـروتـه مليـار عـد مـن الأنـذال مـالـه كـثيـر ولا يحـوش الجمـالـه وكـم واحـدٍ تـلـقــاه لـلجـهــد بــذال لـو كـان دخلـه ما يعـيـّش عـيـالـه ودنـيـاك هـذي كـنـهـا فـي وضـلال لـو مـهـلـت يــوم سـريـع زوالــــه ما تنوصف يا مسندي تشبـه الـلال يـلـفـح عـلـى كـل الـمـلأ هـمـلالــه أطلـب ولـي الكـون خـلاق الأجيـال يفـرج لـك المولى عـزيـز الجلالـه أصبـر ولا بـد لـلصـعـيـبـات حــلال والـلـي تصبـر كـل مقـصـود نـالـه والمعذرة يالقرم ما أطيـق الأحمـال حملـك ثقيـل ولا قـويـت احتـمـالـه قـلـتـه ولانـي يا فـتى الجـود ختـال ومـن لا قـدر لـلغــانـمـه عـزتـالــه *- وقال خلف بن مطر العضيلة المطيري هذه القصيدة يسند على عبدالله ابن دهيمش بن عبار ويتحدث عن غلاء المهور : 597 أبـدي بـذكـر الـلـه عـلى كـل جابـه وأنخا وأنادي وين وافيـن الأشبـار شجعان نجد أهل الفخـر والمهابـه الـلي لـهـم شيمـة وقـيمـة ومـقـدار بـيـاع بـنـتـه يـسـتحــق الحــرابــه تكفون شنـوا حربكم سـر واجهـار يـبـيـع بـنـتـه مـا يـعـرف العـيـابــه قـولـوا عليـك اللـوم يا بـايع العـار ينظـم سـواليـفـه ويـفـتـل اشـنـابــه وأمربي اللحـية عـلى موتت النـار تـلـقـاه كـنـه ثـعـلـب وسـط غــابــه شبـره قصيـر وبالمخالـيـق مـكـار نسبـه يـجـر بـشـر وش يـنـبـغـابـه لـو لـقـبـوا الـبـنـت حـمـامـة الـدار لا بـد عـقـب الشـرط فـيـه انقـلابـه في كـل يوم ايجيب حيلات وأفكـار ينكـر نسيبـه حـيـن يـاخـذ حسـابـه ويصور اللي بالخفا مـا بعـد صـار أول تـجـي خـطـبـه وتـالـي طـلابـه وصـجـة ولجـة ويـتجـدد بالأخبـار لـعـل بـيـتـه مـن طـمـعـهـا خـرابـه أطلب عسى بيت الطمع تحرقه نار أدعـوا مـعـي لـعـلـهـا مـسـتجـابـه عنـد العزيـز الـلي عـليـم بالأسـرار ولـيـه عـلى الشعـار حـق الأجـابـه كـلـن يسـاهـم بـالـمـثـايـل ويغـتـار وأخص من يصخر حروف صعابه تـكـفـا تـسوي وحـدةٍ يا أبن عـبـار وصـلاة ربـي عـد نـاشـي سحـابـه وأعداد مـا يأتي عـلى البيـت زوار عـلـى النـبي الهاشمي والصحـابـه اللي بعـثه الله عـلى الناس مختـار * قال عبدالله بن دهيمش بن عبار رداً على الشاعر خلف بن مطر العضيلة المطيري : 598 مبـداي بالـلي تطـرق الخـلـق بابـه معـطي نعـيم الخلـد زينات الأثمـار ومـن بـعـد ذكـر الله سجلـت جـابـه خلـف نعـتـني بالقـوافي والأشعـار هاض الضمير وهيّض الفكر مابـه أسبـاب قـول فـيـه حـكمـة وتعـبـار خلـف يقـول البنـت صـارت جلابـه صارت تقـل سلعـه بدرهـم ودينـار هـذي فعـول أهـل الردى والخيابـه يا خلف ما هـذي فعايـل هـل الكـار مهمـا تقـول النصح مـا فـيـه ثـابـه ما يسمعون القول يا مكـرم الجـار ومن لا تبع قـول الـولي فـي كتابـه ما ظـنتي يسمع كلامـك والأشـوار والمعتمـد مـا أظـن يـنـفـع عـتـابـه والـلي يبيع البنـت يا خلـف خسّـار قـدره كـفـاه وعـنـد ربـك عـقـابـــه كوبان بارت سلعـتـه والـردي بـار أشـره عـلى الطيـّب وكـب الـزلابـه ومن خلقت الدنيا بها أنذال وخيار أن شفت من هو باعهـا لا غـرابـه نعـوذ بالرحمـن مـن كـيـد الأشـرار دروك بـه الـطـمـاع يـاكـل انسـابـه يـحـد سـكـيـنـه تـقـل مـوس جـزار يـاخـذ ويـكـمـا كـن مـا أحـدٍ درابـه ويقـول كـل النـاس زادت بالأمهـار سـلـم جـديـد وكـل خـايـب مـشـابـه المهـر يا كافي البلا يـدك والحـار وصلوا عـلى اللي دين ربـه بـدابـه أعـداد ما ينزل مـن المـزن مـدرار *- قال عواد بن عايد الشراري هذه القصيدة يسند على عبدالله بن دهيمش بن عبار العنزي : 599 قـالـوا وقـلـت وقـولـهـم شـاهـدلـه أكـد لـي الـلي قـيـل وأحـط لـه زود مثـلـه بـهـذا الوقـت يا حمـود قـلـه نعـم بـه إلى حـل طاريـه يـا حمـود مـن مـاكـر طـبـع الـكـرم عـادتـلــه قـولي صحيح وحاضرٍ فيـه ماكـود مـن جالسه فـي مجلسـه مـا يمـلـه تلقا بجاله من هـل الطيب والجـود يـا عـز مـن هـو باللـقـا فـزعـة لـه ريف لمن جالـه من الظيم مضهود هـذا وأنـا مـن عــزوة مـا تــمــلــه عـند المحارب تجلب العـز والفـود عـيـال مـكـلـب كـل عــايـل تــدلـــه كان أنعوج يرجع عن الكيد والكود قـلبـي أحـس أن الـطـواري تـتــلـه وهـو من أول يا أبن عبـار مشدود يبغي وأنا أبغي ولا أحـدٍ حصل لـه قـلبي وقـلبـه عـن منـاويـه مـردود يخاف مـن هرجـة عـذول فطن لـه إلـى لقـط كلمـه يزغـرت مع النـود حـظـي إذا مـا حـاشـهـا حـافـراً لـه ما ينقـني مثـلـه مع أيـامي السـود بنـت الـذي بيت الشرف منـزلاً لـه نسل الرجال اللي لهم فعـل مشهود وأزكى السلام مع الوفاء خاتماً لـه مـني لعـبـدالـلـه بـلا عـدد وحـدود * قال عبدالله بن دهيمش بن عبار رداً على الشاعـر عواد بن عايد الشراري : 600 مـبـداي بـالـلي كـل عـقــده يـحـلـه رب الملأ الرحـمن بالكـون ماحـود العـبـد يطـلـب رحـمتـه سـاجـداً لـه سبـحـان ربـي للمخـالـيـق معـبـود أدعيـه باسمه عـنـده الفضـل كـلـه ومن بعد ذكره نكتب الشعر مردود بـديـت وأحضرت القـلم والسجـلـه ونظمـت قيـل مـا ذكـر فـيـه منقـود رداً عـلى الـلي يشتكي وجـد خـلـه عـواد بـن عـايـد شكـا سيـد الخـود طـرد الهـوى يالـقـرم للقـلب عـلـه كـم واحـدٍ مـا نـال بالوجـد مقصود قـلـب الـمـولـع يـابـسٍ مـا يــبـلـه الا قــراح صــافــي غــيــر مـورود أبـذل جهـودك وأبـن يـالـقـرم فـلـه قـصـر كبيـر وكـنـه الحيـد مشيـود الـفـقــر مـبـطـي للـنـشـامى مـذلـه وعـزي لحالك كان ما عندك انقـود لـو جـاء عـطا يـبلش حـليـه ودلـه قصر الأفراح وحفلته تضهر الرود وكانـه حصل لك لو تعـيش بمضله أصـبـر ولا بـد ينفـرج كـل معـقـود عسى الولي يجلي عن القـلب غـله لعـل تـدرك صاحبك يا فـتى الجـود وعساك تفرح والغضي تحتفـل لـه وينجيك رب الكون من كل حاسود *- وقال مشعل بن عبدالله العبار هذه الأبيات يسند على عبدالله بن دهيمش بن عبار : 601 سميت بسم الله قبـل أكتب الحـرف وبديـت فـي نظـم البيوت الجـزيلـه أكتب جوابي وأضع الخط بالـزرف وأهـديـه للـوالـد عـريـب القـبـيـلـه يا والدي شرواك ما يخطي العـرف والقيـل تفهـم مقـصـده واتحلـيـلـه يا بوي ياللي تفهم النحو والصرف عـنـدك معـانـي بالهـروج النبيـلـه حيثك تغرف القيل من منبعه غرف هـداج تـيـمـا مـن ضميرك مسيلـه كـب الكلاب الـلي تنابح لـهـا هـرف ولـت تـعـاوى بـالـمخـازي ذلـيـلـه خـل الذي عـقله قريب من الخـرف غير الفواحش ما حصل له وسيله بعض اللغا يابوي حطه على الدرف ولا تستمع لأقـوال خطـو الهبيلـه خطو الرجل ما فيـه ذوق ولا كرف لـو كـان يفهـم شـم ريـح الفـتيـلـه قـلته وأنا مرباي في ضل له ورف الـوالـد الـلي مـا نـسـيـنـا جـمـيـلـه * قال عبدالله بن دهيمش بن عبار رداً على مشعل بن عبدالله : 602 حي الكتاب وحي من سجل الحرف من مشعل اللي يبهج الصدر قيلـه الديك لو هـو فـرخ يبين لـه عـرف والخيـل بالمـركض تبيـن الأصيلـه واللي بنا بيته على الرمل والجرف مخطر عـواصيف الهبايـب تزيلـه ولا تنقضي حاجات من يتبع الترف واللي يدور الهون مامن حصيلـه وجـرد الفتايل والمقاميع والشـرف مـا هـن لـقـات الـقـاذفـات الثقـيلـه والحق سيف المعتدي يقرفه قـرف ومن خالـف القانون راسه يشيلـه ما قـتلها يالقرم في ناعس الطـرف نجل العيـون الـلي تقـض الجديلـه قلت الصواب وكل قصة لها ضرف فـزنـا وحـاسـدنـا يـمـوت بغـلـيـلـه ما همني عفن اللغا صاحب السرف كوبان مهما قـال ما أحـدٍ دري لـه وأن طحت في خملة رفيقك لهاأرف وأن سـرت قـدامـك بـدرك دلـيـلـه *- قال سميحان بن فهد الشمري يسند على عبدالله بن دهيمش بن عبار : 603 يا راكب اللي مضبطينه على انبيـر منوت غريب ناوي وصلـت الـدار من مصنعـه تـوه جـديـد المساميـر هومنوت اللي ناوي درب الأسفار كنـه رزيز رعـود مع دورة السيـر ياصـل بعـيـدات المعـالـم مع القـار عــلـيــه قــرم فـاهـم لـلـمـشــاويـر يشبـه لمـرسول الخـفـاجي لنصّـار سافر صلاة الفجرمع نوضة الطيـر من حايـل منصاه بـيت ابـن عبـار وقبل صلاة الضهر يوصل بتيسيـر حـي النـظيم ديـار وافـيـن الأشبـار يلـفي لأبـن عبـار ريـف المسـاييـر يحيي بكم وهي عادته مكرم الجار تـفـضـلـوا عـلى الـدلال المبـاهـيـر ماجوبها يشريه من غالي الأسعار وإلى وصلتوا للسنافي عـلى خـيـر وقـدم لكـم مـا تمـلـك الأيـد بأيسـار كـبـش يـربـى للـوجـيـه المسـافيـر يشبع قصير البيت ومن كـان زوار واعطوه خطي فيـه شرح وتعابيـر مـن واحٍـد يـبـي مـنـه رد الأخـبـار أبـي مـنـك يالـقـرم جـابـه بتفسيـر حيثـك فهيم الـراي وللشعـر بيطـار وفهمـت طاروق الهـوا بالتقـاريـر وخذيت به طاروق في قدم الأطوار من غيرها يالقرم مالي طلب غيـر وأنـت الفهيـم وبالمـواضـيع خـبـار وش رايكم باوضاع فيها محـاذيـر ولا أشتدت الأوضاع تنها بالأعذار والصبر يابن الوايلي عذب خضير بـقي سهيـر الليـل والصبـر منهـار وقـبلي تـولع بالهـوى سالم الزيـر بعـد الصبـر بالكـره شالتـه الأقـدار أبـي مـنـك رد الأجـابـة بـتـحــريـر وعسى الخبر يكون من يمكم سـار أبـي مـرد الصـدق مـا فـيـه تزويـر وأظن اللي ذكرت ما قيـل بـه عـار وتر مطلبي يالقرم عده وراء النير لو هـو قريب البيت عده بالأمصار وأرجـو مـنـك الـيـوم رد التبـاشيـر لني وقفـت اليـوم فـي موقف حـار ارجوالسموحة كان بالقاف تقصير ومثلك يسامح زلتي يا ابن الأخيار وصـلاة ربـي عـد وبـل الشخـاتيـر وعـد الرمـل وأعداد نبات الأشجار على الرسول عـداد ما غـرد الطير وعـد الجـراد وعـد نـبـات الأزهـار * قال عبدالله بن دهيمش بن عبار هذه القصيدة رداً على الشاعـر سميحان بن فهد الشمري : 604 يا راكب اللي ما ضرب به مشاوير تــوه جـديـد وتـايـره مـا بـعــد دار حافـه خبيـر ضبط الشاص والقيـر شـده وشاف محركـه وزن وعيـار وناظـر لـدورة كهـربـه والمواسير ثـم طـالع الدفرنس مـرات وأمـرار وسجـل علامـة جودتـه بالطباشيـر بدي وقـزازه للنظر يجهـر اجهـار وكتب عليه لجهت الشرق تصديـر وشالوه من فوق البواخر بالأبحار من قارة مريكا مشى يطوي السير يمشي على هـدي البواصل ورادار يمكن عقب يومين يرسي بأغاديـر ومنها يسيروحط صيدا على يسار مـع الـقـنـاة يحـدر الصبـح تحـديـر ويحـط فـي جـده قـبـل فـج الأنـوار ومن حين ينهي جمركـه والفواتير لـه التـريـلـه جـاهـزه بالأستنضـار جـاه الجـميح وحملـه دون تـأخيـر وطب المعارض ثم حـده بالأسعـار لا شافـه المفـلس جـداه التحاسيـر وده بمثـلـه مـار شاف الثمـن حـار ودفـعـت كـامـل اجـرتـه بالـدنانـيـر وأرسلته لحايل على القرم مشوار تلقا الحصى عن خط سيره شنانير مثـل البـروق اللامعـة يقـدح النـار يسير من دار اليمامة عـلى سديـر مـر القصيم وصـوب منصاه سفـار منصاه لسميحان ريـف الخطاطيـر أبـن فـهـد عـوايـده دوس الأخطـار سلـم عـلى الـلي يبتهج بالمساييـر وعطه الرسالة من يمين أبن عبار الـلي شكالي وجـد هنـف الغـناديـر وأسند لنا يبي النصيحة والأشـوار الحب مثـل البـو تخـدع بـه الضيـر ولا سـراب كـل مـا تـقــربـه ســـار قيس الملوح مالح الحـب وعـميـر وأبن الخفاجي جـربـه وأبـن عمـار الحـب قـبـلـك جـربـوه الـمـنـاعـيـر والـيـوم مـالـه قـابـلـيـه ومــقــدار أن كـان شفـك حـال دونـه نواطيـر غـز اللواء وأنخ الطنايا هـل الكـار بـالـجـاه ولا بـغـالـيـات الـمـلايـيــر غلبا تجيبـه بالعجل وين مـا صـار قـلته ولا قصدي لـك الـلـه معاذيـر لا شـك مالي يا فـتى الجـود معبـار لك السماح ولا حصل منك تقصيـر وصلوا على اللي للمخاليق مختار *- قال غانم بن هادي أبو الشيوخ العنزي هذه القصيدة يسند على عبدالله ابن دهيمش بن عبار : 605 بـديـت بسـم المعتـلي والـي الكـون الـلي اشفى أيـوب وأبرى صوابـه هو الذي أنجأ مـن الحـوت ذالنـون أنجـاه مـن حـوت دخـل بـه بغـابـه هـو الـوحـيـد وعـالمـاً كـل مكنـون يـعـل عـنـدي طـلـبـتـه مسـتـجـابـه ومن بعد ذكر الله أكتب على النون أجدع هـزيل القاف وآخـذ صوابـه ولا ينبدي هـرج عـلى غيـر قانـون والسيـف مـا يحـمـل بلـيـا نصابـه وخـلاف ذا يا راكب فـوق مضمون مـع السفـر مـا قيـل يبـدي خـرابـه جمس حمر يعجبك لـف الدرقسـون ولـه سايق درب الخطـر ما يهابـه مـد الصبـاح ولأبـن عبـار يمشـون والعصر في ستر الولي عـند بابـه مـن دون بيـت الـوايلي لا تقيفـون راعـي الوفا والمعـرفـه والحبابـه يـبي يـقـول اليـوم عـنـدي تقيمـون تـعـرفـوا بـاصـحـابـكـم والـقـرابـه عطوه خطي وأرجعـوا لا تريضون قـل غانـم الهادي بعـث لـك جوابـه أرسلـت لـك يـا مسندي مـا تـردون وحـنـا احتـرينـا منـك رد الأجـابـه ما ياجب أنك يا أبو مشعل تصدون عـلـى الـكـلام يـتـابـعـون الـرقـابـه ما دمـت قاضي بالقضية اتحكمـون واللي سبق ما قـلت لي مـا لنـابـه عندك خبر ما قـلت وأنتم تعـرفـون الـمـلـح مـلـح ولا يــدانــا شـرابــه وأهـل العمل عند العمـل ما ينامون ولا كـل مـن راس العـمـل يكتفابـه ولا أنـت قرم من الولايد ولا تهون مـن لابــة مـا قـيـل حـقـه غــدابــه أولاد وايــل بـالـلـوازم يــفـــوزون والقـص عندك يا عـريـب النسابـه أطلعت فعل اللي ورا البوش يثنون ولا تقيت راسك يوم صارت طلابه أنـت الـفـهـيـم وللمـعـانـي تحـلـون واليـوم صافي جوهـا عـن ضبابـه في ضـل حـكـام عساهـم يـدومـون الذيـب لـو شـاف الغـنـم ما عثـابـه حكـام فـي حكـم الشريعـة يعـدلـون مـن جـنـب القـانـون شـدد عـذابـه ومن بعـد ذلـك دونكم لغـز مـوزون عـسـاك تـفـهـم حـلـتـه بـالأصابـه أسألك عن رجل على النار ممحون يرمس بوسطه ما يحسب احسابه يرمس بوسطه والرجال ايتقهوون وإلــى عـذلـتــه مـا يـرد الأجـابــه وأنشدك عن بنت على هم واغبون النـار لا جـاء واجـبـه هـو زهـابـه حدبا ضهـر يوجد لها ستـة سنـون وأهـل المواتـر نصفهم ما شقـابـه وأسألك عن خمسة لبنت يخضعون لـولاه مـا يسـوون غـرزت تـرابـه أم لـهـم وإلـى ارسلـتـهـم يطيعـون عـن ناقص الأسعـار عـذوا جنـابـه زمانهـا مـع دور ساجـر وسعـدون قـبـل يـصـيـرن الحـصـانـي ذيـابـه جاك الجواب وسامحن لا تغيضون بـدع المـثـل يـا مسنـدي ينسلا بـه * قال عبدالله بن دهيمش بن عبار هذه القصيدة رداً على الشاعـر غانم بن هادي أبا الشيوخ : 606 بديت بالـلي باسمه الخلـق يقـرون الـواحـد الـخــلاق نـرجـي ثــوابــه حنـا برجـاه ونطلـب العـفـو العـون ونعـوذ بـخلاق المـلأ مـن عـذابـه رب المـلأ باسمـه عـبـاده يسـمـون حـكـمـه مقـدر كـل مسلـم رضـابـه ومن بعـد ذكـر الله شديـت صالـون مـن بـيـكـتـه تــو الـمـورد لـفـابــه وصفـه غـريـب مزودينـه بطبلـون مـالـه شبيـه مـن المـواتـر ايشابـه لـو كان صـك البيت للبنك مرهـون لا تـذخـره والـعــبـد رزقـه انهـابـه إلـى لـقـيتـه ديـن لـو كنت مـديـون أشـره تـرى راعيـه يطـرب شبابـه من صنعت اللي حامل رمز مارون مشهـور بالخبـره وعــنـده نجـابـه فـني خـبـيـر وراتـبـه قـدر مـليـون فـي مصنعـه شغـال مـا طش كابـه يقـدا الحديد ويازن الصلب بالطون غـيـر الصناعـه خاطره ما شقابـه من مصنعـه كـل المخاليق يشـرون من جـرب الصالون يبدي اعجابـه قم يا نديبي وأرتحـل فـوق مامـون جمس من المعرض دفعـنا حسابـه جمس جـديـد وكـل مـافيـه مبخـون لا شافـه الحاسد انهارت اعصابـه ركب عليه اللي عن العيب مصيون شبـل مجـرب والخطـر مـا يهـابـه من عندنـا روح مديـده عـلى هـون راعـيـه مـا ضيّع طـريـق مشـابـه يحـمـل كتـاب بـه تـرانيـم والحـون مـهـديـه أبـن عـبـار يـم الـقـرابـــه غانـم أبـن هـادي لبـيتـه تضيفـون أول قـرى للـضيـف قـولـت هـلابـه وقـلط لكـم رقط الفناجيل بصحـون فـنجـالهـن توصيف هـايس روابـه مع حايـل مـا يـاسعـه كـل ماعـون مـربـاعـهـا بـيـن العـقـيلـه وطـابـه عــيـتـا لـهـا قـدام عـيـنـك يـذكـون مـا جمعـوها مـن الملاحـم اقصابـه ومـن بعـد هـذا يالمناديـب تكـفـون عـطـوه مـكـتـوبـي جـواب لكتـابـه وقولوا زميلك طول الأيام مشطون هـذا جوابـه وانـت تفـهـم اعـرابـه قـلته ولاني يا أبن الأجواد ملسون ولا نستـمع لأهـل الـردا والخـيابـه عـدونـا مقهـور وإبـليس مـلعــون واللال مـا نـتـبع لـك الـلـه سـرابـه نشدت عن رجل على النار ممحون هـذا هـو الـمـلـقـاط مـابـه غـرابـه والبنت اللي تذكر على هم وغبون المـدخـنـة يا شـوق جـالـي عـذابـه والخمسة اللي قلت معـناه يطرون لا صاروا عندك عـد حاضرك لابـه ترى أمهم يالقرم من نوع سكتون لا شـك عـنـهـا يـفـرقـنـه اخـشـابـه من ذاق مس عيالها صار مجنـون ما هـو بخير الـلي سهمهم سطابـه ماكـولهـم بالسلـم غـزلان وابـدون وماكولهـم فـرسـان يـوم الحـرابـه تـم الجواب وخاتـم القول تصغـون لأقـوال صـدق مـا لـقـي بـه عيابـه وآخـر ختام القيل واجـب اتصلـون عـلى النبي المصطفى والصحـابـه يتبع |
|
|
|
|
07-06-2022, 06:41 PM
|
#50 |
|
صاحب الموقع
تاريخ التسجيل: Mar 2008
المشاركات: 10,329
|
تابع
*- قال محمد بن مقبل العنزي هذه القصيدة يسأل عن حقيقة قصة خليف مع الشيخ ساجر الرفدي حيث يذكر أن القصة والقصيدة نسبت للشاعـر ساكر الخمشي علماً أن ساكر عهده قريب وقد ذكر لي أحد الرجال أنها لساكر ولكن الرواة الذين يحفظون قصائد ساكر لا يحفظون هذه القصيدة ولا سمعوا بالقصة وحيث أن القصيدة بها بيت يدل على أنها للشيخ ساجر وليس لساكر وهو قولة : مـن صـرت أنـا مهـزابـة للـرجـالي *** وكم واحـدٍ هدمت بيتـه على النـار لذلك فمن الراجح أنها لساجر الرفدي وقد ذكرتها في كتابي قطوف الأزهار وهذه قصيدة الشاعر محمد بن مقبل يسند على عبدالله بن دهيمش بن عبار ويسأل عن حقيقة نسبت هذه القصة : 607 يـا راكب من فـوق تسعـة وثمانين *** بـنـز عـلى التمـريـن تـوه جـديـدي بنـز عـليـه مـن العـلامـات ثـنـتيـن *** ومـن الـوكـالـة بـيـنـن بـالحـديـدي ومـن الوكالـة ضابطيـن الموازيـن *** وارد ألـمـان مـجـهـزٍ لـلــمــديــدي يمشي من الظهـران بين الصلاتين *** وأن يسـر الـمولى قـريب البعيـدي ملـفـاه أبـن عـبـار قـرم الغـلامـيـن *** مـن لابـةٍ تـورث فخـرها الحفيـدي لا جيت أبـو مشعـل لقيت البراهين *** وتـلـقـا الـمـهـيـّل بالبغـاديـد زيـدي وتـلـقـا عـلـوم الباديـة والحكيميـن *** ومنـزه عـن قـول هـرج السريـدي سـلـم عـلـيـه وقـل لـفـيتـك ابـيتيـن *** من قيـل أبن مقبل مبادي النشيدي أنـت الفـهيـم ومـن رجـال فهيميـن *** من مصدر التاريخ رايـك سـديـدي أنشدك عـن قصـة بوسط الدياويـن *** قصة عليها شهود وأيضاً شهيدي نسبـة لساجـر مـن رجـال قـديميـن *** زيـزوم ربـعـه للـنشـامى عـقـيـدي لكـن عـلـيهـا عارضـوا بالتخاميـن *** بعض الرجال اللي تحفظ القصيدي قالوا لساكـر من سمعنا إلى الحين *** والـلي قـريـنـا بـالـدفـاتـر جحـيـدي أقبـل عليـه خليـف والمـال لاشيـن *** ورزقـه عـلى الله ثـم طيـرٍ وحيـدي وتـوجهـوا للقـنص بالـبـر ماشيـن *** والـطـيـر هـذا ضـاري لـلـهــديـدي اهوا على الصيدة يموح الجناحين *** خليف صاده وأودع الطيـر صيـدي ثـم أنكـفـوا عـن القـناصة معيفيـن *** وشات السلوقي وضربه بالوريدي وقت الآذان وقبل الأفطار بشويـن *** يـبـغـي أيـتعـذر جـاه يهـبـد هبيـدي ونـثـر الـدلـة والحـقـه بـالغـلاويـن *** مقـرود عـلـيـه المـشـاكـل تـزيـدي وأبـي الخبـر من عندكم بالعناويـن *** حـيـثـك كـريـم وفـاهـم لـلعــديــدي * قال عبدالله بن دهيمش بن عبار رداً على محمد بن مقبل العنزي : 608 مبداي بالله خالق الخلـق من طيـن *** رب الـمـلأ عــلام ســر الـعــبـيـدي أرسـل نبـيـه للبشـر ينـشـر الـديـن *** وجعـل لهـم يـوم القيامـة وعـيـدي ومن بعـد ذكـر الـلـه نكتب تلاحيـن *** رداً على الـلي في مديحـه يشيـدي محـمد بـن مقـبـل سطـام العنيـديـن *** البـاسـل الـلي بالـلـوازم عـضيـدي عـسى فـداه الـمخـبثيـن الملاعـيـن *** أهـل الـردى ما يدركون الحميـدي جـانـي كـتـابـك يا زبـون المخـليـن *** حـي الكتـاب ومـن يـكـز البـريـدي نشـدتـني وأعطيـك رمـز النياشيـن *** نـعـطـيـك قـول بـالـدلايـل مـفـيـدي القصـة اللي قـلـت ما هي تضانيـن *** شهـودهـا مـنـهـا وفيهـا الـوكيـدي راعي البويضا يـوم دور الأكاويـن *** صنـديـد مـا هـو يالسنـافي بلـيـدي القوم تدعي به على الأبل والضين *** من كثـر ما يطوي الفيافي مسيدي ساجر زبون الحرد ضد الحريبيـن *** لا صـار يـوم لـلـمـشـوك رعــيــدي وقصة خليف موضحينه له سنيـن *** لـو بـادت الأجـيـال هـي مـا تبيـدي صارت على ساجـر ولابـه تفاطين *** مـا أحـدٍ بهـا يالقـرم يقـدر يـزيـدي وكـل البدو في قصة خليف داريـن *** الجـار سـاجـر والمـكـان الـلـبـيـدي وساكـر هـويا رميح ماهـم ردييـن *** لا شـك ساجـر صار شيخ وعنيـدي وجميعـهـم عـن المعـرفـة غـنييـن *** ساكـر فـهـيـم وللقـصـايـد يـجـيـدي وضحت لك مالقصد للقول تحسين *** وأيضـاً اكـرر فـي كلامي وأعـيـدي قولـك هـو الماكود والغـيـر تخمين *** وضحت لك يالقـرم وجـه المديـدي وصلوا على الهادي ختـام النبييـن *** عـد التـراب وعـد حـب الحصيـدي وأعـداد مـن حـجـوا لـمـكـة ملبيـن *** وأعداد من داجوا بهاك الصعيـدي *- وقال عبدالرحمن بن سودان الخمعلي رحمه الله هذه القصيدة يسند على عبدالله بن دهيمش بن عبار : 609 الـبـارحـة كـنـي عـلى واهـج النـار *** ولا سجيـن بالقصاص امحكـومـي من واهس بالقلب اصبحت محتـار *** وعجـزت أكافـح زايدات الهمومـي ماينبغي صبري على ظلم الأشرار *** وأنـا عـزيـز وكـل ربـعـي قـرومـي أولاد وايـل بـالـلـقـا تـاخـذ الـثــــار *** لا شـان منطـق طيبـيـن السلومـي ربعي وأنا منهم عـلى كـل ما صـار *** ولا أحب أنا اللي ما تحبه لحومـي ولهم عـلي احقوق جـزلات واكبـار *** وليـه عليهـم حـق ساعـة لـزومي واليـوم أنـا مـالي مع الشط معـبـار *** لـو كنت جيـد بالسباحة وأعـومـي وأنـا نصيـت الـوايـلي نسـل عـبـار *** عـبـدالـلـه الـلي لا نخيتـه يقـومـي عز الصديق وعـز للضيف والجـار *** وبالطيـب طيـبـه للرفاقـه عمـومي يضحـك حجاجـه لا لفـا البيت زوار *** ويؤدي الواجب إلـى جـاء لـزومي نسمع عنـه بالطيب زينـات الأذكـار *** مـا يـذخـر المجهود جعـله يدومي والـمـدح مـا يـرفـع ردي ومـثـبــار *** والسب مـا يـردي قـوي العـزومي أشكي عليك الحال يا نسل الأخـيـار *** والحـر مثـلـك يفـتهـم بالـرقـومـي أشـره عـلى مثـلـك بطيـب ومـقـدار *** ولا الـردي ماجيه لـو كـان يـومي غـديت كـني صاحـب الـنـار والغـار *** لولا الحيا لاصيح واشعط هدومي وأسهـر طويل الليـل مع كـل سمـار *** واسير مدري وين وجهت يمومي وأهـوم للعـليـا وأنـا يـديـني اقصـار *** والـله يـلـوم الـلي لمثـلي يلـومـي ما هو على غرو من البيض سحار *** لـو كـان مثـلـه بالجمال معـدومـي أشكي عليك ظروف وقـتي وألأقدار *** وقتي ركب خيله وشن الهجـومي لـي قـصـة فـي حـلهـا فـكـرنـا حـار *** قضاتها ضدي وصارت اخصومي وتصكـكـت بيبانهـا يـميـن وايسـار *** والخيـر واجـد مـار منـه محرومي واليوم نبغي حـل مـا تفيـد الأعـذار *** لعـل حـظي مـن اسبـابـك يـقـومـي وضحت لك يالقرم مكنون الأسـرار *** وأنشد وأنـا اخبرك وشي عـلومي * قال عبدالله بن دهيمش بن عبار رداً على عبدالرحمن بن سودان الخمعلي رحمه الله : 610 بـديـت بـالـلـه خـالـق كـل الأبـشـار *** رب عـلى كـل الـخـلايـق رحـومـي من لاذ به يحمى عن الظيم وأيجار *** من خالف أمره نال حـر السمومي ومن بعـد ذكر الله سجلـت الأشعـار *** رداً لأبـن سـودان قـرم يـشـومــي الخمعلي يشكي ظروفـه والأضرار *** والمعـضلـة مـا تنشكي للـرخومـي أسـنـد لـنـا مـن بـد عـنـاز الأخيـار *** ربـع لهـم بالطيـب مبطي رسـومي مضيت ليلي يا فـتى الجـود سهـار *** كلـه سبب شكواك مـا طـاب نومـي أدايـــر الأ فــكــار لــلــحــــل دوار *** وقمـت اتـذكـر كـل قـرم محشومـي عسى نبشر من نصانـا بخبـر سـار *** بشـر العطاش بمرزمات الغـيومي بعـض الأمـور الهينة تصبح اكبـار *** نجهد عـلى حلـه ونرجع اكضومي حـاجتـك منصاهـا منـاصيـب وأمـار *** معهـم لتـوقـيع الكفـالـة خـتـومـي ينصى لهـا الشعلان ولا أبـن طيـار *** وينصى لها الدوشان ولا الفرومي مـا مقصـدي يالقـرم بالـقـول دهـار *** لا شـك دون اللي نريـده عقـومـي أقـولـهـا ولانـي مـن الجـهـد ذخـار *** ومن بذل جهده ما حكي به ثلومي لـو تـنشرى بالـمـال ولا بالأعـمـار *** أخير من تبـويس بعض الخشومي كـم واحـدٍ جـيـتـه لشـرواك مسيـار *** ننصـاه لـو ثوبـه قصيـر الكمـومي وإلى نصيته عن قضي حاجتي بـار *** وأعـود أنـا خجلان تقل مهـزومي بعض الهلايس ما سوى ربع دينار *** مع الـردى طبعـه غشيم وظلومـي ننصى الرجال لمعضله مابهـا عـار *** نجهـد ومـع الـلي نـخـانـا نـقـومي وكـم واحدٍ يا مسندي قالهـا اجهـار *** أبعـد عليك مـن السمـا والنجومـي وكـم من نصيتـه والتقـاني بمـقـدار *** ثـم اجتهد مشكور وأنجـز لـزومي وكـم من صديق بادل العرف بانكار *** مثـل الصبخ ما ينزرع به كرومي يـا مـا لأجـل مثـلـك تعـنيت مشـوار *** أبـيـع غـالي الـجـاه لـلي يسـومـي والشاهد الله كـل يـوم اطـرق الـدار *** مثل المضيّع طول وقـتـه يحـومي وكـم خيّـر جيناه عشـرات الأمـرار *** واصبح بصفحات العلاقة طخومي ومـن كـثـر الطلبـات يالقـرم تكـرار *** صدقـانـه الأدنيـن يضحون قومـي * وقال الشاعـر عبدالرحمن بن سودان الخمعلي رحمه الله أيضاً هذه القصيدة يسند على عبدالله بن دهيمش بن عبار : 611 قـال الـذي لا قـال قـولـه جــزيــلـي *** ومن عادتـه ينقا البيوت الجـزيلـه قـاف عـلى معــنـاه لـوهـو قـلـيـلي *** وقـول بـلا مـعـنـا اثـمـرتـه قـليـلـه وإلـى كـتـبــت الـخـط وده زمـيـلي *** الـلي بـوقـت الضيق يظهـر زميلـه وده لأبـو مـشعـل وهـات الـبـديـلي *** ولا تـرجع الا وأنـت جـايـب بديلـه من الشاعـر اللي عادتـه ما يعـيلي *** الا ألـنـه شـاف بـالـخـصـم عـيـلــه يجـيـك بالميـدان يصـهـل صهـيـلي *** تخمر كثير الحصن لوحت صهيلـه وأن نشد عـني قول جسمي نحيلي *** والحـال مني يا أبـو مشعـل نحيلـه والبـارحـة بـالـلـيـل يا طـول لـيـلي *** مضيـت ليـلي تقـل عشـريـن لـيلـه وأجـاذب الونات مـا أحـدٍ دري لـي *** ومن لا أشتكا للناس ما أحدٍ دريله عـلى عشيـر بالـوصايـف جـميـلـي *** غـرو جـمـيـل والـطبـايـع جـميـلـه أشقـر عليـه أشقـر شقـاره يهـيلـي *** لـو شافـه المفتـون لحضـه تهيلـه حـبـه بـقـلـبـي راسـي مـا يـزيــلـي *** وحـبي بـقـلـبـه مـاش حـي يـزيلـه ما طـاع بـي هـرج القفـا والنقيلـي *** وأنـا بـعـد مـا أطيع لـو جـت نقيلـه تـقـول أنـا مـا أريـد غـيـره حـليلي *** وأنـا بـعـد مـا أبغـي سواهـا حليلـه مـا دام مـا يـبـغـي سـوايه بـديـلي *** والـلـه ما ابغي يا أبو مشعـل بديلـه وقلبي غـدا من فراق خلي هبيلـي *** وشـب بضميري مثـل ضـو الفتيلـه واليوم وصل صويحبي مستحيلـي *** وحـتى الـزيـارة يـمهـم مستحـيـلـه وأتـلا العهد بـه يوم قـفـوا رحـيلي *** أقفـا ولا أدري وين وجهت رحيلـه أقـفـا ودمـعـه فـوق خـده يـسـيـلـي *** وأنـا دمـوعي فـوق خـدي مسيلـه وزبنت أنـا المرقاب راس الطويلي *** ومما جـرى عـديت راس الطويلـه وأجـاذب الـونـات وأهـذل هـذيـلـي *** وأقنب قنيب الذيـب وأهـذل هـذيلـه ومـن لامني يـا عـل عمـره يـزيلي *** أطـلـب ولـي العـرش ربـي يـزيـلـه خـلي مـثـيـلـه بـالـعــذارى قـلـيـلي *** وصـايـفـه يـالـقـرم صـارت قـليلـه واليـوم شـفـني مـن فـراقـه عـليلي *** وأهيـه كـذلـك مـن فـراقـي عـليلـه تكـفـا يـا أبـن عـبـار ضـاع الدليـلي *** وأن ضاعت الأبصار أنـت الدليلـه وأنـت الـذي لحمـول ربعـك تشـيلي *** واليـوم حملي واجـب أنـك تشيلـه هـذا وأنـا مـفـوضـك عـني وكـيـلي *** ولا ضاع حـق وأبو مشعـل وكيلـه وأنـا غـشـيـم وتـو دوبــي قـبـيـلـي *** ولا أنـت يـا مشكـاي تـنـطح قبيلـه وأرجو السموحة منك بختـام قـيلي *** ولا كـل مـن يقـصـد يـوفـق بقيـلـه * قال عبدالله بن دهيمش بن عبار هذه القصيدة رداً على عبدالرحمن بن سودان الخمعلي رحمه الله : 612 مـبـداي بـالـلـي للخـلايـق كــفـيـلي *** رب الـمـلأ مبـري الجسـام العليلـة الـواحـد الـرب الـكـريـم الـجـلـيـلـي *** عـز الجـلال المـعـتـلي نشتـكي لـه بسـم الـولي نظـمـت قـاف جـزيـلي *** وعبـرت من بـدع البيوت الجزيلـه عبدالرحمن من الهوى يشتكي لي *** أسنـد عـلي شكـواه مـن بـد جـيـلـه يشكي وحملـه فـوق متـنـه ثـقـيلي *** قصده يبي صعـب الحمول ارتكيلـه لـو أعـتـذر لـه قيـل بـاق العـميـلي *** ولا خيـر باللي ما يساعـد عـميـلـه أن كـان لـيـه بـالـقـضـيـه سـبـيلـي *** والله يا بن سودان ما أذخر وسيله دامـك تـقـول وصـولـهـا مستحيـلي *** وتذكر ولـي التـرف ما فيـه حـيلـه عـسى مـن لامـك للشقـا والغـلـيـلي *** ولا عسى تـدعس حسودك تريلـه وأن كـان تسـمع شـوري وتنتبـيلي *** وش لك بغـرسة ما وراها حصيلة زرع حصيلـك مـن جنـاه القـصيـلي *** لا تـقـربـه يـالـقـرم مـا بـه ذبـيلـه والـلي رحـل عـاف المقيـم النـزيلي *** وأن كـان عـاضب جنبـه لا تجيلـه أرفـع مقـامـك يالحـصان الأصيـلي *** لا بـد تـلـقـا كـروش ولا الكحيـلـه ولا كـل بـارق بالسمـاء لـه تخـيـلي *** أصبر عسى المولى يجيب العقيله وترى الغضي لو قلت قلبه صفيلي *** الـلـه يخون البيض مثـل الخميلـه خـل يـخـونـك لا تـحـطــه خـلـيـلــي *** كـب الخـليـل الـلي يـبـور بخـليلـه وأن كـان خـلـك مـا لغـيـرك يمـيـلي *** خـلـه يـقـيـف ولا يـغـيّـر مـديـلــه ومهمـا ولـي أمـره يجـور ويعـيـلي *** عسى الولي يثنيـه عـن كـل عيلـه وأن مـا حصـل تـلـقـا بـدالـه نبيلـي *** غـرو جـريح القـلب يشفي غـليلـه عن المصد أغسل ضميرك غـسيلي *** ولا تشتحن ترى المسائل سهيلـه والـلـه ما أذخـر عنك مجهود حيلي *** حيـث السعي يالقـرم مابـه فشيلـه نمشي ولا عـاش الجـبـان الـذليـلي *** من شانكم يا شـوق ناقـض ثـليلـه هـيـا مـشـينـا وأنـت روزك ثـقـيـلي *** أشـرب مـن المنهل وخـل الثميلـه وأن ما حصلنا مطلبك مـا بـقي لـي *** لكـود أغـز الـواي وأنـخـا الـقبيلـه مـا حـدتـه خـيـبـر لـوادي النجـيـلي *** أولاد وايـل نـازلـيـن بـمـسـيـلــــه فـي كـل دار أولاد وايــل تـصـيـلـي *** ولا ايظام رجـل ولابتـه لـه نحيـلـه أن جـيـت للـريشـة لقـيت الـرويـلي *** وأن جـيـت للهـدار تـلـقـا جـميـلـه طـلـبـك يا مشـكـاي مـا ينـتـهي لـي *** يشمـل بـني وايـل سلايـل جـديـلـه ومـن يتبع المقفين عـقـلـه ضليـلي *** جـاك الجـواب ولا خـذيـتـه هميلـه *- قال الشاعر طراد بن فرحان بن ذابل هذه الأبيات يسند على عبدالله بن دهيمش بن عبار : 613 سميت بسم اللي فرض حجة البيت *** سبحان ربي خالق الخلق سبحـان ومن بعد ذكر الـلـه نـويـت وأبديت *** أشعـار مـن نظـم القـريحة بديـوان أبـي اشتكي للوايلي طيـّب الصيـت *** عبدالله الـعـبـار مـن نسـل فـدعـان يالـقـرم أنـا عـن دار خـلي تـنحيـت *** خـلي شمال وموطني ديـرة العـان طـال الزمان ومـن منامـي تقـزيـت *** وجدي على اللي بالمواثيق ماخان ياليت يـدري عـقبهم كيـف سويـت *** أبات أنـا ليلي مـن الوجـد سهـران أشقـاني فـراق الحبيب وتشقـويـت *** تقاطر العبرات من مـوق الأعـيـان يا صاحبي جـريت عالي التصاويت *** من عقبكم عدي وراء باب سجان * قال عبدالله بن دهيمش بن عبار هذه الأبيات رداً على طراد بن فرحان : 614 يا الـلـه يا رحمن يا محـيي المـيـت *** يـا عـالـم بكـل المـذاهـب والأديـان تفـرج همـوم الـلي يجـر التناهيـت *** يشكي من اللي يودع الفكر حيران يا طراد كانك لي من الناس ناديـت *** ما ينذخر عنك الجهد يابن فرحـان كـان أقـدر لمطلـوبـكـم مـا تـونيـت *** عينيك وأبشر بالفزع قـدر الإمكان لـومـك عـليـه كـان يالـقـرم كـنيـت *** نمشي معك لصويحبك وين ما كان لأجل السفر يا طراد جهزت وانيت *** هيّـا نصينـا الزين يا طيـر حـوران للصاحب اللي صـوب داره تعـنيـت *** عـريبـة الجديـن من نسـل رسـلان * وقال طراد بن فرحان أيضاً هذه القصيدة يسند على عبدالله بن دهيمش بن عبار : 615 يا الـلـه يا عالـم بـغـيـب السـرايـر *** أنت الـذي تدري بمكنون الأسـرار ومن بعـد ذكر الـلـه نكتـب عبايـر *** سجلـت منظـوم القـوافي بالأسطار أسنـد لـلي بالفـهـم عـنـده خبـايـر *** الـوايـلـي قـرم الـعـيـال أبـن عـبـار عبداللـه الـلي ما يهـاب الخسايـر *** من روس لابـة ما يهابون الأخطار تاريخهـم معـروف بيـن العشايـر *** حمـر النـواظـر طيبهـم مـابـه أنكـار لعدوانهـم بالحـرب شـر وشرايـر *** ولصديقهـم مثـل العسل مابه أمرار مـن حيـن مـا تلفـيـه والبـن فايـر *** وذبيحتـه تطبـخ عـلى القـدر بالنـار وقـلـه يقـول طـراد يـالقرم حايـر *** يبي أيتوسط بك على شيوخ وأمـار معـروف قـدرك عـنـد كـل الدوايـر *** حيثـك من اللي يقدرونه هل الكـار يا مسنـدي صارت عـليـه جـرايـر *** نطلب من الله يجمع الشمل في دار ومن بعدهم سهران والدمع هايـر *** أفـزع لـنـا يالقرم يا صلب الأشوار * قال عبدالله بن دهيمش بن عبار هذه القصيدة رداً على طراد بن فرحان : 616 يا الـلـه يا مطفـي لهيـب السعـايـر *** يا منجي إبراهيـم من لاهـب النـار عـليـك تـجـبـير الـعـظـام الكسـايـر *** يـارب ما غيرك على الكون جبار يـا غـافــر الــزلات لأم الـعــبـايـــر *** قـبلت توبتها وهـي ذنـوبها اكثـار تفـرج لمـن يشكي عـلينـا العـزايـر *** طراد ابن فرحان بالوضع محتـار أن كـان تـقبـل يا فـتى شـور شايـر *** أصبر وخلك يا أبن الأجواد صبار أصـبـر ودولاب الـقــدر دوم دايـــر *** والعـبـد مالـه بالصعـيبات تعـبـار أصبـر عسى يـأتـي من الله بشايـر *** ولا بد يأتيك الفرج عقب الأعسار لـو كان شـفـك مـوقـعـه بـالجـزايـر *** ولا لو أنـه من وراء ضلع سنجار أن يـسـر الـمـعـبـود يـأتـيـك زايـــر *** ولا تجـي لـه يـا فتى الجود زوار والحي الـلي ما حال دونـه حـفـايـر *** ما يمنعك عن شوفته بعد الأقطار والـيـوم حـنـا سـاكـنـيـن بـعــمـايـر *** تلخبطت والجـار مـا يبخن الجـار * وقال أيضاً طراد بن فرحان هذه الأبيات يسند على عبدالله بن عبار : 617 يـا راكـب الـلي مـا يـمـل المـسيـره *** تـوه عـلى التمرين ما قيل خربان هـو منوت اللي مبعـدٍ عـن عشيـره *** خله بعيده ديرته باقصى الأوطان يا مسنـدي قـلبي جـروحـه خطيـره *** والفكر واللـه يا أبن عبار حيران اللي مثـل ريـم الـمـهـا مـسـتـذيـره *** قـلبي عـليهـا دايـم الـدوم ولـهـان يـا لـيـت مـالـه ولــد عــم مـجـيـره *** الجادل الـلي طـرفهـا تـقـل نعسان عـن الخطـأ والعـيـب ربـي يجـيـره *** اللي فـتن قـلبي من البيض فـتـان صبرت والـلـه عـلى شـره وخيـره *** ولا أبـدلـه ما بين حضـرٍ وبـدوان * وقال عبدالله بن عبار هذه الأبيات رداً على طراد بن فرحان : 618 حـي الجـواب الـلي يجـيـد أتعـبيـره *** مهديه لي قـرم العيال أبن فرحان بالقيل عـبـر عـن خـوافـي ضميـره *** أبيات شعـرٍ ناظمـه نظـم مرجـان يشكي فراق التـرف ناقض جميـره *** عزاه له من حب مدعوج الأعيان الجـادل الـلي قـال مـا أيـريـد غيـره *** بنت الحمايل غاليه ما لها أثمـان شـرواك مـا نخـفي عـليـه السريـره *** أحذر تثق بالبيض ياعالي الشان وأن كان عنـدك حـول مليـون ليـره *** تـدرك مرامك كامل دون نقصـان وأن كـان حـالـك يالسنافـي فـقـيـره *** عـزي لحالك مـن مذلـه وحقـران ولولا الهوى ما أظن غنـت سميـره *** ولا أظن يشدو باللحن كـل فـنـان *- قال حميّد الوثيري هذه الأبيات يسند على عبدالله بن دهيمش بن عبار: 619 البـارحـة يـحـرم عـلـي السـكـونـي *** لـيـن المبـاري غـاب هـو والثـريـا يا الـلـه يـا منـشي ثـقيـل المـزوني *** الـواحــد الـمـاحـود مـالــه سـويــا يـا مـوفـي عـن الـعـبـاد الـديــونـي *** بـقـدرتـك يـا عالـم قـصايـا النـويـا تـفـرج لقـلـب بـه كثيـر الشطـونـي *** لا طـاب جرحـه ينجـرح جـرح نيـا قـلـت آه واويـلاه كثـرت اغـبـونـي *** أحسـب مـن الأموات لـو كنت حيـا يا أبو مشعـل ناصيك حيثك زبوني *** يـا مـزبـن الـمـظيـوم فيـك الـكـفـيـا عسى اللي مثلك سبب خير يكونـي *** يجـزاه رب البـيـت باحسـن جـزيـا مـن عـونـكم يا أجـواد لا تتركونـي *** أنتـم هـل النخـوات وأهـل الحـميـا كـان أنـكـم بالضيـق مـا تـنفـعـوني *** بـالـفـضـا كـلـن عـن خـويـه غـنيـا * قال عبدالله بن دهيمش بن عبار هذه الأبيات رداً على حميّد الوثيري : 620 قـال الـذي يـبـدع جـديـد الـلحـونـي *** يـطـوي نـظـام القـيـل بالبـال طـيـا رداً لـلي يشـكي عـليـنـا الـغـبـونـي *** حـمـيـد الـمـنعــور سـفـر المـحـيـا كان أنت تطلب يابن الأجواد عوني *** أريــد أوضــح مـا عـلـيـكــم كـنـيـا مـا كـل مـطـلـوب عـلـيـنـا يـهـونـي *** بـعـض الـمعـانـي كـايـده مـا تهيـا أقسمـت لـك بسـم الـولي صدقـوني *** ما أذخـر طلبكـم كان يـوجـد هـنيـا والله مـا ألومك لو تقول اسعفـوني *** مـن لا أفـزع لـه راح حقـه اغشيـا الـمـال يـا حـمـيـد يـعـز الـعـفـونـي *** وخـلا الصـقـور مـدوبـحـه للحـديـا وأن كان ما انول الطلب تعـذرونـي *** مـا فـي يـدي عـلى المقـاديـر شيـا عسى ولي الكـون يجـلي الحـزوني *** ويـزول يـا حـمـيّـد كـتـام الـغـبــيـا يتبع التعديل الأخير تم بواسطة عبدالله بن عبار ; 07-06-2022 الساعة 09:33 PM |
|
|
|
|
«
الموضوع السابق
|
الموضوع التالي
»
|
|
|
|
|||||||||||||||||||||||||||||||||||
|
|||||||||||||||||||||||||||||||||||||
|
|
|
|
|||||||||||||||||||||||||||||||||||
العرض العادي
|
|
الساعة الآن 06:26 AM.
 |
|
 |
