 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
10-25-2021, 01:24 PM
|
#41 |
|
صاحب الموقع
تاريخ التسجيل: Mar 2008
المشاركات: 10,329
|
وقال عبدالله بن دهيمش بن عبار هذا مقطع من قصيدة من شعر التصدي للحملة المغرضة : 289
قـلتـه وأنا ما قـلـت يا شيخ مثـلـوم *** وفـعـل المفاخـر ما حصيته تمامـي وعـن الخطأ ماني منـزه ومعصـوم *** وأهـل الحظـوظ يثمنـون أهتمـامـي بذلت جهدي وأجتهادي عـن اللـوم *** وعـنـد الـذي مثلك يـزيـد أحترامـي ولا ردي الـشـان بـالنـاس مـذمـوم *** شـفـه يـفـوز بـعـثـرتـي وأتـهــامـي خطـك وصلني بـه تـواقيع وأختـوم *** وأشكرك حيثك دون ربعـك اتحامي ويشره علينا بالقصص كل شغموم *** مـهـمـا حسبـنـا مـا نـعـد الأسـامـي وكل الحمايل ما قرضنا لها اسهوم *** ولا لي مع المخلوق قصد ومرامـي ومن باع حظه بالملأ صار مجـروم *** ولا خـيـر بالـلي مـا يعـز المقـامـي نعـد أفعـال جـدودهـم كـنهـا احـلـوم *** مجـدٍ قـديـم ومـاضيٍ لـه أعـوامـي الــدور هـذا دور عـالــم وتـعــلــوم *** والـعـز صـار لشاطـريـن الـقـلامـي تـم الجـواب ولا بـهـا سـر مـكـتـوم *** لصيـاح أبـو غـالـب أوجـه كـلامـي وقال عبدالله بن دهيمش بن عبار هذا مقطع من قصيدة : 290 الـلـي يـنـوه للمـؤلـف عـن اخـطـاه *** عـنـدي كلامـه مـن كـبـار البـريـره أفضـل مـن الـلي بالدياويـن يشـنـاه *** كـان الحسـد ولـع بـقـلـبـه سعـيـره الـلي عـطـانـا صـح بالخيـر نـجـزاه *** حيـث الغـلط يعـمي لبيب البصيره حيث النسب يا القـرم مابـه محابـاه *** وكـلـن عـلى رايـه يـقـرر مـصيـره والجهد اللي وسط الدفاتـر نشرنـاه *** تـعـاونـوبـه طـيـبـيــن الـســريـــره وإلـى وقـعـنـا بالخطـأ مـا قصـدنـاه *** لـو هـو قـدر مثـقـال حـبـة شعـيـره يفهـمنـا الـلي مثلـك سليمـه نوايـاه *** مـا شـوفتـك يا أبن خليفـه قصيـره لا شك من يخطي عن العوج تنهـاه *** وشرواك ما يقـطع حبـال الجريـره من شاف خملت صاحبه دوم يرفـاه *** وبـيـر الحـزازة ما يحـّرث طميـره ولا أنـت حبلـك يوصـل الجـم مـدلاه *** والحـق يـا مشكـاي كـلـن نصـيـره تـعــتـز بـالـطـيـّب وتـذكـر احـمـيـاه *** عـديـت سمحيـن الوجيـه السفيـره مـن طـاب يفـخـر في فعـايـل دنايـاه *** لـه الـفـخـر وعـلـوم ربعـه كبـيـره ملـزوم يـنصـف بـيـنهـم بالمسـاواه *** ويشوم عن بعض العلوم الصغيره ونعـم بالـلي عديت مبطي لهـم جـاه *** نالـوا فخـرهـم بالسيوف الشطيـره ما ينجحـد تـاريخـهـم كـيـف نـنـفـاه *** يشهـد لهـم بيـرق ملوك الجـزيـره من سـار منهـم رايـة النصـر تبـراه *** وكلـن عـيـونـه للمـراجـل سهـيـره يـوم الردي كوبان فعله عـلى أنثـاه *** عـنـد الحليـلـة حـاس ربـه مـريـره ربعك نهـار الكون شجعـان وارمـاه *** جـعـافــرة لـلـخـصـم دايـم نـحـيـره مهمـا وصفـنـا فعـلهـم مـا حصينـاه *** ويخبرك عن فعـل الحمايـل خبيـره المجد لـو عـديت ما نوصـل أقصـاه *** نـقـولـهـا بـيـن الخـلايـق جـهـيـره وقال عبدالله بن دهيمش بن عبار هذا مقطع من قصيدة : 291 شعـر الهجاء بـه يرتدع كل مغـتـاب *** حيـثـه مـثـل رد الـنـقـا بالحروبـي لكـن نـبي عـن الخطـأ نـقـفـل البـاب *** ولا ضاع لي عنـد الخلايق ذهوبي أبي أجتنب يا مسندي قشعت الـداب *** جـنبـتهـا ولا عـاد شفـتـه أيـدوبـي ومـن لا تـدرى مـزقــه طــوب ثلاب *** ومن يدعس الجمرة كلاه اللهوبي لا وفـق الله مـن يـجـرون الأسـبـاب *** ومن لا يدافع عـن حماه أمهزوبي واللي جلب حظه من الظلم ما هـاب *** يـبي النصـر لاشـك عـاد مغـلوبـي الـلـه يـزيّـن عـلمـنا عـنـد الأجـنـاب *** وعـساي عـند الغانمين أمحبـوبـي عـن داعي الشيطـان جنبـت مجناب *** وبعض الملأ شفته ركبهم ركوبـي كـم واحـدٍ لبلـيس قـاود وهـو شـاب *** حتى غـدا مـن الكبر عـودٍ أيحوبي غرقـان في دنيـاه والموت ما غـاب *** مـن بـاغـتـه خـلا مكـانـه أيهـوبـي والعـبـد مهمـا عاش يقـفـاه سرداب *** ينـقـاد لحتـوف المنايـا مغـصوبـي وآخـر مصير العـبـد مدفـون بتـراب *** في جـوف مظلم ما يجيه الهبوبـي وقال عبدالله بن دهيمش بن عبار هذا مقطع من قصيدة : 292 أبـي أفيدك صار عـندي سين جيـم *** كـل مـا أنهـي مشكلة تطـلع نتيـق والسبـب بالنـاس نـقـاض الـبـريـم *** من عشق ذاته بـدأ يصعق صعيق صال من زود الغضب أنفـه وريـم *** وسل سيفه شوف عيني لـه بريـق ما يشـوف الطلح مـن كبـده زريـم *** يبتـلع ريـقـه وحـلـقـه لـه طـقـيـق فـزعـته عسى ماهي فزعت غنيـم *** يشمت الصاحب وعن غيره خنيق قـلـتهـا ولا هـمـني خـطـو الـزنيـم *** والـغـراب غـراب يكـفـيـه الـنعـيـق من يبيع الحـظ بـاردا السـوم سيـم *** ما نفـض جيبـه ولا بالثـوب زيـق من ذهـب عـزه غـدا مجـده هشيـم *** والـجـرادة مـا تعـقـب غـيـر قـيـق لا تـحـيـزم مـحــزمٍ مـابــه بــزيــم *** ومن صقـر بالبوم يكفيـه الوغيـق الحيـايـا الـرقـط تـوحي لـه وشـيـم *** والضفـادع بـس تسمع لـه نغـيـق مـا يـفـيـد الـجـد لـلـنـذل الـلـئـيــــم *** ولا أظـن المقـلاع مثـل المنجنيـق صـار خطـو الكهـل كالطفـل اليتيـم *** مـلـسـنـه هـذار وربـاطــه طـلـيـق مـن ضميـره شيـن للشينـة ضميـم *** مقـولـه باوسـط لهاتـه لـه مطيـق جعـل مـن يمشي مع الناس بنميـم *** يـصـلـبـه جـلاد بـالـساحـة شـنيـق نـاس من كثـر الشحم تعمـل رجيـم *** مثـل ثـيـران البقـر عـقـب الغبيـق وقال عبدالله بن دهيمش بن عبار هذا مقطع من قصيدة : 293 مـثـلـك وشـرواك أفـرح لا لـفـانـي *** فـي لـقـاه الـبـال يـزداد أبتهـاجـه أدي الـواجـب اليـا ساعـف زمانـي *** أبـذل جهودي وعنـد الله خراجـه ولا أتـعـذر للـرفـيـق الـلي نصـاني *** كـود لأمـر كـايـدٍ يصعـب علاجـه أصحـب الـلي كنـه سهيـل اليمانـي *** والردي ما اشكل عليه باحتجاجه لـو خصيمي في هذاريمـه هجـانـي *** الكـلام الـكـذب يـنـفـاه الـمـواجـه يالـدعـيجـي لا تحـيـزم بـالـهـدانـي *** حاشي رغـاي ما يشيل الحداجـه الـدراهـم شـيـخـت ولـد الحصـانـي *** ومن فقدها يا عـلي ماخوذ باجـه ومن بخل بالمال ما نـال الحسانـي *** الردي مذموم وجهه لون صاجـه وقال عبدالله بن دهيمش بن عبار هذا المقطع من قصيدة : 294 يا الله يا الـلي فـوق عرشك تعليـت *** يا مفرج لأيوب مـن عقـب بلـواه أنـت الـذي يـا خالـقي بـك تقـويـت *** ولا خـاب عبـدٍ يتبع هـدي مـولاه نعوذ بـك مـن شر كيـد الشواميـت *** ناس تخـم العـلـم مـن دون ملفـاه ناس تدور الشر والشين لا أبليـت *** تفـرح بعلـم العيب والطيب تكمـاه بعض الخلايق كان للطيب سويـت *** يغيضهـم عـلـم الفضيلـه اليـا فـاه جحادت المعروف مداحـت الميـت *** ما عنـدهـم غيـر الريـا والمحابـاه مشكور ياللي قلت بالقاف وأبديت *** جاني كلامك وافتهم قصـد معـنـاه الـهـرج كـلـه يـالسنافـي بـرابـيـت *** تلفيق هيس وسولفت عنده انثـاه واللي أصدره يالوايلي له تصديت *** أنت الصديق اللي خصيمي تحداه وتراك باللي قلت للحظ مـا أهفيـت *** يوم الردي يا مسندي حظه اهفاه مثلـك تشـرف خوتـه كـان خاويـت *** أنـت الذي يقدا عن العيب ممشاه واللي ذكرتـه خايب السد به هيـت *** قـلبه حقود وصاحبـه دوم يشنـاه علمي عـلى كبـده علاقـم وحلتيـت *** حيـث أن ذكـره ميـتٍ مثـل موتـاه خلـه يـولي ينقـلع قـلعـت اخشيـت *** خلـه يولي والحقـه ثـنوت أرشـاه وقال عبدالله بن دهيمش بن عبار هذا مقطع من قصيدة : 295 أبـو حبيـب الـوايـلي صاحـب الكـار *** هرجه طريف ومنطقه غير مملول عـد الـثـنـا مـا هـو مـنـافـق ومـكّـار *** يشكر وأنا أوجه له الشكر مدبـول القرم شاد بمحتوى قطوف الأزهـار *** شاف الجهد من عندنا دوم مبذول حيثه يعد الحق ويشوف الـلي صـار *** ولا بـاع حظه مع هـذولا ولا ذول ولفت عـن صيـد الحمايـل والأخيـار *** ريف الهواشل مرذيت كل مرحول أقـوالهـم وأفـعـالـهـم تـاج وأشـعـار *** نفخر بهم يالقـرم واللاش مخـذول وبعـض العـرب ودك تلطـه بمقـوار *** ما يدرك المعنـا مثل قعدت الشـول يستـاهـل الـمـادح شـغـامـيم الأمـار *** نذكـر مفاخرهم زحازيح وأصعـول يالقرم لوغاض الحسد بعض الأنفار *** ما نلفظ المنطوق من غيـر دالـول ولانـي مـداري كـل حاسد اليـا غـار *** مقول لهاتـه ضـد الأجـواد مسلول الـخـايـب الـلـي بـالـديـاويـن زمـّـار *** يجمخ وينفخ عنـده الناس مخيـول مثل البهيم اللي عـلى المرح خـوّار *** يفخر وهو زنده عن المجد مشلول أقــولـهـا ولا هـمـنـي كــل هـــــّـذار *** من فضل ربي كف الأضداد مغلول مالي ومال أهـل الضغاين والأشرار *** جنس الردي يالقرم بالناس مقلول وبعض الأمور اللي عظيمات وكبار *** نصبـر لعـل كبارهـا ترجع اصمول مـا دام يـلـهـج بـالـثـنــا كـل شـكّــار *** هـذا الـرصيد الـلي للأيـام مشيـول وقال عبدالله بن دهيمش بن عبار هذا مقطع من قصيدة : 296 اللاش ما يسوى من المال قرشين *** خطو الذي يطحر من الكبر مزنوك الشين فعلـه شين لو تمدحـه شيـن *** من جاه مره قـال ماعـود عكعـوك ما نمدحـه لـو كـان يمـلـك ملايـيـن *** وش عاد لو عنده عقارات وبنوك وش عاد لـو صيّف بلندن وبرليـن *** وش عاد لو يركب على بنزوبيوك مـابـه مـلاذ الـيـا ولـوك المعـاديـن *** ولا به حمية كان الأضداد ضاموك قـلتـه ونفخـر بالرجـال العـريـبـيـن *** أفـعـالهـم يـوم الأسنـة تـقـل شـوك ولاني بـحـال السـافـليـن الـرديـيـن *** ولا أشكل عليه باللغـا كـل صعلوك وقال عبدالله بن دهيمش بن عبار هذا مقطع من قصيدة : 297 اليـوم صـار المجـد والعـز والفخـر *** كـلـن بـدأ يـفـخـر بـعـلـمـه ومـالـه ما ينفـع الفنجـال بالنـاس شهـرتـه *** كـمـا تـرى غـطـت عـلـيـه البـيالـه قـلتـه وأنـا يالقرم ما ارافق الـردي *** ولا أحالـف الخايـب ردي الـزمالـه والكذب ما أحبـه ولا أحب صاحبـه *** ولا أحــب غـــدار يـدور الـخـتـالـه بعض المجالس تجلب العز والفخر *** وبعض المجالس عـزك الله زبالـه يفهمني الفـاهـم ويـدرك مقـاصـدي *** ويكرهنـي الواطـي مـقـر الـنـذالـه الطيّـب أرغـب سيرتـه وأفتخـر بـه *** ولا الـردي كوبـان مـثـل السفـالـه اللاش والهـلـبـاج والنـذل والـردي *** حثـال الـرجـال ولا نحـب الحثـالـه نكرههـم ونـكـره دروب مشـوبـهـا *** ونحـب مـن يمشي بـدرب الرجالـه مـن طـاب نفخـر بـه وعـزه يعـزنـا *** ومن خاب بالمخلوق ما أحدٍ دراله وأجـدودنا يالقـرم نفخـر بمجـدهـم *** ويكفي عـن جديد المفاخـر اسمالـه اللي جهل في مجدهم ما قرأ الفخر *** مـا بـان لـه تـاريخـهـم مـن هبـالـه يـنـظـر بـتـاريـخ الـجـدود الأوايـل *** ذي قـار فـازوبـه وخاضـوا قـتـالـه والـيـوم تـاريـخ تـسجـل صحايـفـه *** بحكم السعود أهل الفخر والعـدالـه وقال عبدالله بن دهيمش بن عبار هذا مقطع من قصيدة : 298 لا شك يزعجـني خطـات الهـريـدي *** مالـه مقاصـد غيـر شـب الحرايـق لا فـايـده عــنــده ولا يـسـتـفـيــدي *** ولا هو على بعض الخوافي تهايق وأنـا الوثايـق والحقـايـق رصيـدي *** ولا همني بعـض العفـون الهلايـق أقـولـهـا بالصـدق والـلـه شهـيـدي *** وبـوب الرذيلـه نحمـد الله غـلايـق أسند على اللي باللـزم تقـل حيـدي *** شيال من فـوق الحمول الـوسايـق ولا الردي يا القرم ما هو عضيدي *** لــو تـأمـن الـمـذمـوم لابـد بـايـــق وقال عبدالله بن دهيمش بن عبار هذا المقطع من قصيدة : 299 جواب اللي وجه لي القاف لا هـان *** عـوده بـن نـاصـر نسـجـل جـوابـه مجـدتـنـا مشكـور يا طيـر حـوران *** تعـيش يا مـبـدي بجهـدي أعجـابـه نعـتـز فـي تشجـيع ذربين الأيمـان *** ولا همنـا يا الـقـرم مـن بـه خنـابـه اهل الحسد دايم عن الحق طرشان *** عـوج المقاصد قولهـم ما انعبـابـه والخـايـب الـلي بالمعـاييب شقيـان *** مات بغـليلـه جـايح الغـلـب صـابـه مـادام يـشـكـر جـهـدنـا كـل ديـقـان *** مالي ومـال أهـل الـردى والخيابـه الـلاش لـو قـلبـه من الحقـد مليـان *** هرجه مع المخلوق عـزف الربابه والـلي يلـوم من المناحيس نغـران *** قصده على الصاحب يسوي طلابه على القرابـه يرفع الصوت كوبـان *** وأن جت من القاصي يبور الزلابه يلـدغ كـمـا يلـدغ بالأنـيـاب ثعـبـان *** عـربـيـد حـره يـقـذف الـسـم نـابـه والحـمـد لـلـه كـل مـا قـال بـهـتـان *** الحـاسـد الفـاسـد ضعيـف الجلابـه وحنـا أخترنـا من الشغاميـم خـلان *** مـيـقـافـهـم مـوقـف قـرايـب ولابـه نكسب من خيار الرجاجيل صدقـان *** يدون قـول الحـق ما هـم اعصابـه ومن لا زعل عندك إذا كنت زعلان *** ما هـو قـرابه كـان غلبـك رضابـه الذيب عقـب يا فـتى الجـود طليـان *** والكبش الأرخـم قـام ينجـب ذيابـه وأشكرك ياللي تعتزي من سليمـان *** مـن لابـةٍ تـلقـا الـعـدو بـالمـجـابـه يـوم السنين اللي بهـا شـل قطعـان *** جابـوا مـن اذواد المعـادي كسابـه مقدامهم في ساعة الضيق عوجان *** نـعـم بـهـم يـوم الـمـرازق نـهـابـه مبطي لهم صولات بسنان واعنـان *** تروي شبات سيوفهم مع انصابـه قـلته وأنا يا القرم من نسل فدعان *** حـمـرالنـواظـر ما يجـون المعـابـه تشهـد لهـم دولـة سلاطين عثمـان *** نـمـر الأسـود ايـبـاغـتـونـه بغـابـه لهـم الثلاثـة ثـابتــه صـدق وكـدان *** بـوج الـديـار الـلي تـزاوم سـرابـه والصوت للي من المخاليق جيعان *** يغنـون طـراش الخـلا عـن زهـابـه وشقير يوم اعطاه بالطيب حمـدان *** رده عـلى المـرسـال يـوم أنثـنـابـه والرابعة شرب المغر دون جحدان *** تـثبيـت حـق ودون هاشـل اطنـابـه وقال عبدالله بن دهيمش بن عبار هذا مقطع من قصيدة : 300 خـط اليـراع وعـبـر الفـكـر تعـبيـر *** من جـد قـلت القاف ما هو هزاوي جاني جواب مسطر القاف تسطير *** قاف أبو سامي من خيـار الهـداوي من نايف ابن حبيل ريف المسايير *** مـا سـار بالنـمـة ولا هـو سـواوي مـا دام الـلي شرواك ليـه مناصيـر *** الحـمـد لـلـمـعـبـود مـانـي خـلاوي قـدرت مجهود التعـب والمخاسيـر *** يـوم الـرخـوم يفـتحـون الـهـواوي مثلك يشجعني على مواصل السير *** يفـدونـك الـلي يجلعـون الغـطـاوي واللي عن الواجب يصيبه معاسير *** خله يابو سامي على المرح ثـاوي والشاهـد الـلـه ما نطـيع المعـاثيـر *** ولا نـاخـذ المعـلـوم مـن كـل راوي نظهر ثنا اللي ينطحون الصوابيـر *** زمـل الـتخـوت مـزبـنيـن الجـلاوي قـلـتـه ولا بـد البشـر مـن معـاذيـر *** ولا فيه رجل كامل الوصف قــاوي |
|
|
|
10-25-2021, 01:43 PM
|
#42 |
|
صاحب الموقع
تاريخ التسجيل: Mar 2008
المشاركات: 10,329
|
وقال عبدالله بن دهيمش بن عبار هذا مقطع من قصيدة : 301
أهـل الحسد عـن جهدنـا كنهم صـم *** وعيونهـم عـن الحـقـايـق تعـامـا ولا أشكـل علينـا كـل هـذار وامخـم *** معنـا الرجال الـلي تغـار وتحـامـا مـعـنـا الـذي بالطـايـلـه قـولهـم تـم *** ريـف الضعـافـي محتمين اليتـامـا ولا الـذي يا القـرم فـي صاحبـه نـم *** حكيـه لـك الـلـه نجدعـه بالدرامـا إلـى سـمع بالسـالـفـة ضمـهـا ضـم *** وتلقـاه في حضن المعادي ترامـا سـوالـفـه دايـم كـبــيــرات وأرهــم *** لا شـك مـا يـفهـم حـلال وحـرامـا من طاب سعيه من عبير الشذا شم *** وصلوا عـلى اللي للخلايق أمامـا وقال عبدالله بن دهيمش بن عبار هذا مقطع من قصيدة : 302 أشكـرك بالقيفـان مـن فكـر صافـي *** ودنياك ما تأتي على غايـة الكيف أحـيـان تـأتـي بـالجـفـا والـتجـافـي *** وترمي بقعـر الهاويات المهاييف أحـيـان تـأتـي بالمحـل والجـفـافـي *** وأحيان ترغـد ثم يكثر بها الريـف والعـبـد يا حسـن مـصيـره تـلافـي *** لـو هـو تعـلا بعاليـات الأشاعيـف نطلـب عسى رب الملأ لـك أيعافـي *** وتدرك هدفـك بدون كلفه وتكليف تشيـد بجهـودي وعـنـدك انصافـي *** يفدونـك خفـاف العقـول الملاقيف نـقـولـهـا يـا مـسـنـدي بالـكشـافـي *** حيـث الزلايب ما عليهم تحاسيف وقال عبدالله بن دهيمش بن عبار هذا مقطع من قصيدة : 303 حـنـا رعينـا من وراء ضلع سنجـار *** وفـي ديـرة الشنبل حمينـا المكايـل نـرعـا من الحـرة إلـى ديـرة انشـار *** نرعـابها بحـدب السيوف الصقايـل مـن صلـب لابـة هـابـهـم كـل جـبـّار *** عـنـاز مـا نـخـتـار عـنهــم بــدايــل ترعى بهـم وقت الخطر كـل معطـار *** يـوم الـبـوادي بيـن صايـل وجـايـل تـلقـا ضنـا عـنـاز في كـل الأمصـار *** لهم الفخـر موروث مـا هـو هوايـل نجمع شتات جذوعهم بس باشجـار *** دلـيـل لـلـي فـي نـسـبـهـم جـهـايــل لـو يطعنون بجهـدنـا بعـض الأنفـار *** اهـل الـعـزوم الـفـاتـرات الـهـزايـل نجـهـد ولا مقصـودنـا كسـب ديـنـار *** ولا نـلـتـفـت لـمـولـعـيـن الـفـتـايـل شكرتنـا وأهـدي لـك الشكـر تـكـرار *** يـفـدونـك الـلي يـفـتـقـون الخـلايـل والنـاس كلـن لـه بمـا شـاف منظـار *** بـالـنـاس دق وفـيـه مـنهـم جلايـل وبالناس من هـو مروغـاني ومكـّار *** تمضي حـيـاتـه بالـدجـل والختـايـل وبـعـض الـخـلايـق للـمثـالـيــم دوّار *** يبغـون تخـجيـل البشـر بالـفشـايـل وقال عبدالله بن دهيمش بن عبار هذا مقطع من قصيدة : 304 الـحـاسـد أبـشـرك خـربـت بـيـتــه *** والـلي كلامـه حـق يرجع بنوماس الكذب عن عرض الحمايـل نفيتـه *** لا شك يالمنعور من يرضي الناس ولانـي بحـال الـداجـيـن الـفـلـيـتـه *** اعتز بالطيـّب وتغـتاض الأنجـاس من بـان عـلمـه نشهـره ما كنيتـه *** لو يزعـل اللي وده الناس تحتـاس وقال عبدالله بن دهيمش بن عبار هذا مقطع من قصيدة : 305 يـا الـقـرم صـيـور الجـدايـد سمـايـل *** والـرابح الـلي شيمتـه مـا خسـرهـا وأشـكـر جـنـابـك يا عـزيـز النـزايـل *** يا مـن عـلومي بالمجالس شكـرهـا يشكر بـذل جهـدي عـلى أولاد وايـل *** شاف السطور الـلي زميلـه نشرهـا حـاولــت أعــد بـدودهـا والـعــوايـل *** وحاولت حصر أقسامها مع أسرهـا ولا همني يـا الـقـرم سـود الدغـايـل *** الـلي على الصاحب يقبقب سحرهـا راعـي الحسد يشمت ولا نـال طايـل *** لـو كـان شـاهـد زلـتـي مـا غـفـرهـا ومن قصر شبحه ما يحوش النفايـل *** وأهـل الحسد رب الخلايـق عثـرهـا والـلـي يـبــون يـفـتـقـون الـخـلايــل *** ربـي دعـى بخـذلانـهـا مـا نصـرهـا وقال عبدالله بن دهيمش بن عبار هذا مقطع من قصيدة : 306 جـاني كـتـاب الـلي عـلـومـه نـقـيــه *** شكر ابن جاسر لي معـزه ونوماس ما هـو مـن اللي هـروجهم بـوبهيـه *** يـفــدا جـنـابـه كـل هـايـف وهـلاس خطـو الهـذور الـلي عـلومـه رديــه *** يـزوم وأهـدافــه دنـيـات وأخـسـاس يـا أبـو عبدالـلـه خـدمـتي للسـميــه *** ما هـي مجـرد كتـب حبـر بقـرطاس لاشــك مـالـحــت الـغــثــا والأذيـــه *** ولا مـر يــوم ألا تـعــرضـت لـولاس كـتبـت عـن وايـل عـلى حسـن نـيـه *** وقامـت تناهشني شطيرات الأمواس الـكـل مـنـهــم يــدعـي بـأقــدمـيـــه *** لأجـل العظام الباليـه تحـت الأرماس لاشـك مـا جـاب الـغـضنـفـر حـلـيـه *** وش حيلتي والليث عـقب له بساس أذكـر فـخـرهـم يـوم يـفـطـن عـلـيـه *** يطري مثل عصر المهلهل وجساس يـا الـوايلي مشكـور لا جـتـك سـيـه *** حيثك سلايـل لـيـث والعـرق عساس وقال عبدالله بن دهيمش بن عبار هذا مقطع من قصيدة : 307 بحثت فـي ماضي الفعـول وتهـولـت *** حصـر المفاخـر مـا لـنا فـيـه حيـلـه شرق وجنوب وثم غربـت وأشملـت *** أبـحـث ولـو كـان المصـادر قـلـيـلـه والـلي ذكـرتـه واقـعـي مـا تـخــيلـت *** يشهـد لهـم كخـيـا البـواشي وفيـلـه خلـوا جيوش المعتـدي تنهـزم فـلـت *** وجابـوا سلاحه عقـب تحطيم ريلـه قـلـت الـجـواب ولـلـقـوافـي تـقـبلّـت *** أختـار عـذب القـاف وأكتـب ذبـيلـه والحمد لله سامك العـرش مـا عـلـت *** ولاني بحـال أهـل العـقـول الضليلـه سـرت وعـلى رب الخلايـق توكـلـت *** ولا يخـذل المخلـوق والـلـه وكيـلـه |
|
|
|
|
10-25-2021, 02:07 PM
|
#43 |
|
صاحب الموقع
تاريخ التسجيل: Mar 2008
المشاركات: 10,329
|
وقال عبدالله بن دهيمش بن عبار هذا مقطع من قصيدة : 308 قـريـت منطوق الفخرمن عضيدي *** لافـي بـيـوتـه مـن ضميـره نجـبهـا مشكور ياللي في جهودي تشيـدي *** قـلتـه فخـر بالـلي يشـرف لغــبـهـا بـذلـت مجـهـودي وربـي شهيـدي *** ولا كـل مـن هـام المـراجـل نهبـهـا ودنياك صارت مثل عود الجريدي *** أشـوف يـا لافـي تـراقـل خـشـبـهــا شفت الغضنفـر للثعـل قـال سيـدي *** والثـعـلـب أسـود الـبـراري سلـبـهـا والليـث الأروع صـار شبله بليـدي *** الـلي صنـاديـد الضـراغـم رعـبهـا فرخ القطامي ما حصل له يصيدي *** خـلا الـمـواكـر للبـواشـق نـصبـهـا يـمنـا بـلا يسـرى تخـور وتـبـيـدي *** عن طاري الفرسة ترخى عصبهـا وقال عبدالله بن دهيمش بن عبار هذا مقطع من قصيدة : 309 بالخيـر تدعي لـي وبالجـهـد شكـار *** وأطلب عسى اللي تذكره يستويلي فكري شقا بتراث صلبين الأشـوار *** مجهد وعنـه أبحـث نهـاري وليلي ولا يثني عـزومي هلابيج الأشـرار *** ولا همني هـرج الخبيـث الرزيـلي والمجد ما حاشه قصيرين الأنظـار *** عفـون المزايا مـا وراهـم حصيلي لا شـك مـن يعـطـا تحـاذيـر وأنـذار *** يحتاط مـا ينـزل بجـوف المسيلـي واللي يبي يفضخ عيونه بالأضفـار *** ما هي غـريبه كان عـقـله ضليلي الـديـن سـاوى بالبشـر كـل الأنفـار *** ولا يفتخـر مـن كـان ساسه قـبيلي الـفـرق بـالتـقـوى وللطيـب تعـبـار *** وفعـل المـراجـل مـا عـليها كفيلـي واليوم من يكتب عن الناس يحتـار *** هـذا عـدو وذا صحيـب وعـميـلـي وأن كـان مركانا على حيط واجدار *** مـا نستـمع لـلي يـشـيـل النـقـيـلـي من يبني اجداره على الرمل ينهـار *** والطعس من لفح الهواجـر يهيلي نـبـوع مقـيـاس المسافـة بالأمـتـار *** ولا انـتـجـاوز حـدنــا قـدر مـيـلـي والعاقـل الـلي لـه حشيمـة ومقـدار *** مـا يقـبـل العـيـلـة ولا هـو يعـيـلي وقال عبدالله بن دهيمش بن عبار هذا مقطع من قصيدة : 310 وشو مـرام أهـل الخشوم الوريمـه *** مـا نشدوني لأجلهـم وش جـرالـي صاروا بصف أهـل الطباع اللئيمـه *** والكـل مقصـوده خطـاي وخـمالـي الـلي ضمايرهـم عـن الحـق نيـمـه *** مـن قشـر نـيتهـم يبـون أعـتـزالـي خطو الرجل تلقـا صحيبـه غـريمـه *** مقـول لهـاتـه ما فتـل لـه عـقـالـي سيله لطـم يضرب عميمـه طميمـه *** لا شـك مـا يـرقـا الحيـود العـوالـي والـحـمـد لـلـه مـا دلانـا وذيــمــــه *** والبـيـر جـمـه يـوصلـنـه احـبـالـي وقال عبدالله بن دهيمش بن عبار هذا مقطع من قصيدة : 311 لك الشكـر مـني عـلى المـدح تكـرار *** ومن يفعل المعروف مثله جزيته أظهـرت لـي عنـدك كرامـة ومقـدار *** وشرواك ذخـري باللـزم لا نعيتـه ولا ردي الـشـان مـا مـعـه مخـشـار *** لـو جـاه هـاشـل يمنعـه مـا يقيتـه من شال قلبه حقد انجس مـن الفـار *** لـو جـاء كتـابـه بالقـمايـم رميتـه وبعض الخلايق يا فتى الجود قمـار *** هاص الورق ما يفرقه من سبيته والـحـر مخلابـه تـقـل لـون شنـكـار *** عـرفـت فعـله ما جهلـت وشويتـه ولا كـل طـيـر لـه مخـالـب ومـنـقـار *** مقناص وكـره بالمحابـل غـزيتـه طيـر الرخم والبوم في كفـه أضفـار *** لا شـك ما يتـرك خمـولـه وهـيتـه وأهل الفخر والجود في مظلم الغـار *** هيهات ويـن الـلي بقـولي عنيتـه الـلي سـوالـفهـم عـظيمـات وأكـبـار *** صـارت ذراريهـم لـك الـلـه فليتـه قـلتـه ونـفحـات الخـطأ فيحهـا حـار *** وجمـر التجـني يالسنافـي صليتـه ما صح لي عن جارف السيل معبار *** والخوض بعماق البحـر ما بغيتـه والجـرب ما تبـغي أشاعـه ومنظـار *** طـب الجـرب قطـران كانك طليتـه حكي الخطأ كنه على الكبـد مسمـار *** والـلي ايجـادل للحـقـايـق دعـيتـه ولانـي مـداري بالـعـرب كـل ثـرثـار *** قـلتـه وأنـا غيـر الولي ما رجيتـه وثـقــت مـا دونـت والخـصـم للـنـار *** والشك في شمس الحقيقة جليتـه يا ما مضى ليلي مع الطرس سهّـار *** أقـرأ المصادر والـدجى مـا غفيتـه مـانـي مـع الـلي بالملاعيـب سمّـار *** القـلب عـن كـل الملاهـي عضيتـه بـيـن الـمـراجـع عـادتـي تـقـل دوار *** أبحـث عـن الـلي فاتـني ما وليتـه تجمعـت عـنـدي كـراريس وأسـفـار *** مـن حـر مـالي يالزميـل أشتريتـه كلـه عـن اللي مقصده يبي الأضرار *** يـزرع كـداد بـكـل دربٍ مـشـيـتـه وقال عبدالله بن دهيمش بن عبار هذا مقطع من قصيدة : 312 الصـدق يا أبـو زيـد مبـطي نـدوره *** والنـاس تـدري بالعـلـوم الصمايـل وكـل العلـوم المسملات امحضوره *** عـنـد الـعـرب لـهـا سجـل وفـوايـل يوم الزمان الـلي كفى الله اشروره *** كـل الحـمـايـل مـا بهـم قـول قـايـل كيف الرجال الـلي سـوات النمـوره *** صـاروا مجـال لشـايليـن النـقـايـل ذل الشجـاع الـلي طـويلـه اشبـوره *** وعـز الذليل وساعـده صـار طايـل يـوم الرجـال أهـل الحميـا الغيـوره *** حيـيـن مـا حطـوا بعضهـم هـمايـل واليـوم بعض الهـرج ردد انشـوره *** الجـمع صـار يـوزعـونـه فصـايـل أقـولهـا ولا أحـب نخش الجحـوره *** ولا خير بأصحاب النكـد والدغايـل الفـضـل لـلـه والفـخـر لأخـو نـوره *** يردع عـن دروب الخطأ كل عايـل وقال عبدالله بن دهيمش بن عبار هذا مقطع من قصيدة : 313 قلت الواقع واليقين *** وعديت أفعال الوافين *** ما نكتب ظن وتخمين ولا نهضم حق أهل الكـار وأنا لك الله حريص***شخصت المعنا تشخيص***أنشدالرجـل البخيص وأنصى حفاظ الأخبار ولالي عند أحد مقصود *** الا تبيان أهل الجود ***ولاني بحال الجحود أجهدت لربعي باصخار من يطيب اضهر ثـناه *** وأتشرف في طريـاه *** والكتب اللي سجلناه تاريخ اجدود وتذكـار لا شك أن كاني قصرت *** عن الخمال اعتذرت *** لـو أحاول ما قدرت أحصي شعب بخمس أقطار وقال عبدالله بن دهيمش بن عبار هذا مقطع من قصيدة : 314 مشكور يا كريدي على مدح عناز *** ضـد الـعـدا يـوم الشلافـي لهـا دز وأن كان قبت وقدت الحرب بالقاز *** لا بـد مـا يحـرق بها من لها شـز ولا همنـا منطـوق خايـب وجنبـاز *** دخـان تـوليـع الـكـريفـن إلـى مـز خطو الجحود اللي كلامه أستفزاز *** عاب الرجال وقيمته خمسة اجزز ربعـي وربعك للعـدا غش وأنحـاز *** لا صار بالهامـة كـويـزات وأكـوز شمـر هـل الطولـة ثقيلين الأرواز *** عـلى المنـايا وردهـم باللقـا أفـرز شمـر حمول الخيل زاكين وأعزاز *** حطاطت الحايل على منسف الرز وأولاد وايـل من قبل حـرب خـزاز *** وذي قار يوم أن السبايا لها جرز وإلى حصل يوم بـه طـراد وألـزاز *** وجدع الجنايـز بالفلا كنها احجـز مـن هـازهـم زاد الـقـوايـم بعـكـاز *** يصـول نـمـر وينثـني كـنـه أخـزز من ديرة الغوطة إلى دار الأهـواز *** بجنـا الديـار بـلا جـوازات وأفـيـز بالسيف نرتع كـل مـرتع لنـا جـاز *** وأفـعـالنـا فـي كـل الأوطـان تبـرز واليـوم حنـا بضل وافيـن الأنجـاز *** اللي بحماهم يكرم الشخص ويعز وقال عبدالله بن دهيمش بن عبار هذا مقطع من قصيدة : 315 الـلـه يـفـكـك مـن سـهـوم المـنـيـه *** وعساك فـي حفظ الولي والرعايه وصفـتـني بالقـول راعـي الحـميـه *** والحـمـد لله مـا انـت بالقـول تايـه عسى فـداك أهـل النفـوس الـدنيـه *** الـلـي يـردون الـجـمـايـل بـسـايــه أوضاع بعض الناس ما هي خفيـه *** مهما حاميت من أجلهم من عنايه نـاس بـهـا المعـروف كـنـه جـنيـه *** عـلى الـرفـيـق ايدورون الـفـوايـه بـذلـت مجـهـودي بـتـلـك القـضيـه *** لاشك حسد أهل الحسد هو جزايه ولانـي بحـال أهـل العقـول الغـبيـه *** الـلـه جعـل لي عـن لغاهـم حمايـه وقال عبدالله بن دهيمش بن عبار هذا مقطع من قصيدة : 316 سعــود مجـدنـي بـالأشعـار لا هـان *** ومثـايـلـه نـفـخـر بـهـا وانـتـبـاهـا يوم أن بعض الناس هايب وبحلان *** دافعـت أنا عـن لابـتي مـن غلاهـا ولاني على ما فات يالقـرم نـدمـان *** عـلى دفـاعـي لــو لحـقــنـي آذاهـا ومن قال أنا خير الرجاجيل غلطان *** والمرجلـة مـا كـل رجـل احتـواهـا وأنت الذي لـك لابـة تـروي الـزان *** عـزوة هـل الجدعـا تعـز اقصراهـا شجعان ما هم يوم الأكوان شردان *** كـان الرمـك عـج السبايـا غـشاهـا تاريخهم معـروف مـا فيـه جحـدان *** ربعـك رمـد عين الحريب وعماهـا يا سعـود مـاني بالمخاليـق بلشـان *** لا شك شفت أوضاع عـقـلي نفاهـا نعـوذ بالله مـن وسـاويس شيطـان *** والـلي يعـز النـفس خالـف هـواهـا وقال عبدالله بن دهيمش بن عبار هذا مقطع من قصيدة : 317 أشكـر جنـابـك يا مبـري ضمـيـره *** قـلت الصحيح وكل هرجك تمـامي مـن شجع المخطي نعـده خشيـره *** ولا همنـا منطـق خطات الخمامـي لـو الخـطـأ مثـقـال حـبـة شعـيـره *** يحـط بقـلـوب الـرجـال الـهـيـامـي ومن دار بعراض الخلايق معيـره *** لا زم يـبـوح بـغــرتـه كـل كـامــي الـلـه حسيب الـلي يجـر الجريـره *** ومن شان حظـه عـرضه للملامـي وقال عبدالله بن دهيمش بن عبار هذا مقطع من قصيدة : 318 يا أبن غبن يا كاسب الطيب ابشرك *** أنـي بخيـر وحاسدي بـات هـالـك من جاك عني يا فتى الجود يخبرك *** يـاعـل عـفـنيـن الطبـايـع فـدالـك بأمجاد وايـل تـدري الـروم والتـرك *** وايـل ومن وايـل ملـوك الممالـك يـوم السبـايـا بالمعـامع لهـن عـرك *** تـاريخـهـم يشـهـد بـدورٍ مضالـك ومن لا أفتخـر يدبل فوادك ويقهرك *** اليا قام بـه خطو الهلاسه ايعالـك طيـر الرخـم تلقـاه بالروث والـدرك *** والحـر جـزل المسمنـه جـابهالـك مثلـك يشجع يا فتى الجود خـابـرك *** تـبي الـفخـر ربـي يـكـثـر أمثـالـك سر للإمام وسامك العرش ينصرك *** أسلك طريق الحق وأخلص عمالك ولا تقّدر اللي من الملأ مـا يقـّدرك *** أدعس على خشم الردي في نعالك يقوله الـلي جّـرب اللاش وأنـذرك *** وأنت الذي معـروف جـدك وخالـك قال عبدالله بن دهيمش بن عبار هذه الأبيات توضيح لمن تجهله الحقايق : 319 يشهـد لجـهـدي كـل منصـف مـن العـزوه *** وأهـل البخـت بالـلي عـملـتـه تمجـدنـي لاشـك بـعـض الـقـوم بـنـفـوسـهـم نــزوه *** بـهـم الـذي يـنكـر جـهـودي ويجحـدني والـهـازي الـمـزدرى مـا هــمـنـي هـزوه *** صاحب هـدف من دون غلطات ينقـدني الـلي عـبـث بالنسـب يجـهـد عـلى جـزوه **** يـوقـف بـجـنـبـه وأنـا حـاول يـقـيـدنـي يحـلـم وحـلمـه أضغـاث ولاعـرف حـزوه *** عـلـى نجـاحـي بالـلي سويـت حاسدنـي الـلي نـطـق بالـخـزا يـجـني ثـمـر خـزوه *** والـحـق الأبـلـج يفـهـمـه مـن يـعانـدني قــلـت الـكـلام أركــنـه بـالـزاويــه وازوه *** وأنشـد تاربخ العـرب من قـبـل تنشدني مـن فـضـل ربـي تـراجع وأنتكس غـزوه *** والحـمــد لـلـه دلـيـل الـحـق سـاعـدنـي يتبع
التعديل الأخير تم بواسطة عبدالله بن عبار ; 04-05-2022 الساعة 11:30 PM |
|
|
|
|
04-05-2022, 11:29 PM
|
#44 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال عبدالله بن دهيمش بن عبار هذه الأبيات : 320 اليـوم كثـر السـب والطعـن والقـدح *** عـبـر التواصل بـين صاقـل ورامح والكل يصدح في كـلام الخطأ صـدح *** حـتى اختفى بـيـن العـبـاد التسامح يا مكثـر الـلي دابـه الجـمخ والنـدح *** عـلـيـه مـن زرق السوالـف ملامـح كلن يـبي يضفي عـلى نفسه المـدح *** يسعى حثيـث لشهـرة العـلـم طـامح المنسفه لـو كـان يخشى من السدح *** يـمشي عـدال ويـرتـدع كـل جـامـح والمنعوج لـو صح لـه بالظهـر ردح *** يرجع مهبّى عـقـب طيشه وقـامـح قال عبدالله بن دهيمش بن عبار هذه الأبيات لتصحيح بعض المفاهيم : 321 العلـم الـلي مالـه من الصّدق صحّـه *** صلّـب عـليـه اليـا سمعته ولـه امح يـالـربّـع مـا نـلـنـا المـفـاخـر بـدحّـه *** نلنا الفخر والمجد بالسيف والرّمح حـنـا الـمـعـادي بـالـهـنـادي نـنـحّــه *** يـوم السبايـا بالمـطـارد لهـن جمح صوت النّقى بذي قار مـا فيـه بـحّـه *** به طعن اللي ما عندهم للخطأ دمح الـروس تـدرج بالـثـرى تـقـل جحّـه *** تحصد كماحصد المناجل من القمح مـجـد عـنـزه وافـي ولا فـيـه شـحّـه *** أجواد بهـم الطيّب والخاطر السّمح قال عبدالله بن دهيمش بن عبار هذه الأبيات : 322 قال من يهدي على ربعه سلامه *** يبلغ الوافي ويسهج كل حاقـد كل منصف ما تجي منه الملامه *** ومن توقّع مـا يذمـه كـل ناقـد من يحـوك الكيد ما يبلغ مرامه *** ولا يفيده لـو مع الزمّره تعاقـد أحمـد المولى على عز وكرامه *** والحسود النار في جوفه تواقد والحقير المـدح مـا يرفع مقامـه *** دام هو للطّيب والإحسان فاقد البـغـي والظـلـم تـالـيهـا نـدامـه *** والبشر لـه هـادم اللّـذات زاقـد والجزاء عند الولي يوم القيامه *** يوم يبعث من مقـرّه كـل راقـد وقال عبدالله بن عبار هذه الأبيات : 323 ما يـنـفـع الـنـادم تضـجّـر وحـسـره *** ولا يرجـع الماضي اليا فـات حتنـه ومن خار عـزمـه كـل جهده يخسره *** والـلي عجـز مـا شال حملـه بمتنـه والـلي صعيـبـات الـمـراجـل تعسـره *** يـطـيـر مـجـده مـثـل دخـان تـتـنــه ولابـه نـجـاح ألا بـتـفـانـي وجسـره *** واليا عملت استنظـر الفـوز واتـنـه بعـض الرجال الجمع يرغـب بكسره *** الخبث شين وريحـة الخبـث نـتـنـه والـلـي يـفـرّق بـيـن أسـره وأســره *** مـغـتـاب ومـحـرّض وثــوار فـتـنـه من شعر عبدالله بن دهيمش بن عبار هذه الأبيات : 324 مـن ربـط حلقـه مـثـل حـلـق السعّـن *** يستـريح مـن المجـادل والمصـادم لـكـن أصـحـاب الـمـكـايـد والـرعـّـن *** كـل مـنـهـم للـصّـداقـه صـار هـادم مــا يــخــلّــون الـشـتـايــم والـلّـعــن *** اهـل الغـيـبـه عـلى النمّـه اعـتـادم النـبـي حـرّم عـلـى الـنـاس الـطـعـن *** والبشـر كـل البشـر مـن صلـب آدم مـن عـظـم جـرمـه عيـونـه يـدمعـن *** ومـن تــمـادا بـالـخـطــأ لابــد نـادم مـن فـخـر بـأفـعـال قـادات الـظـّعــن *** عـلمهـم مـا ينفـعـه لـو هـم مـقـادم ويـن حاتـم ويـن أبـن فضـل ومـعـن *** ذكـرهـم بـاقـي وهـم بالرمس بـادم من عمل جـزلـه لـه اعمالـه يرفعـن *** لا يحـقـر مـن البشـر راعي وخـادم وقال عبدالله بن عبار : 325 المسعـد الـلي ما معـه قـلـب حساس *** صدره وسيع ولا يهوجس ضميره أنا لزمت الصّمت عن دوخة الـراس *** أترك سماج الهرج وأختار غـيـره مـادام مـا سـويـت مـا يكسر البـاس *** مـن فضـل ربـي مـا جلبت المعيـره أبي اعتزل ماني موكل عـلى الناس *** مـالـي بهـرج الناس شـرّه وخـيـره حطيت للساني عـن الهـرج حـبـاس *** ولا عـاد اجيـب لغـرّة الخلق سيـره وش عاد لو دقت نواقيس الأجراس *** وحكي الخطأ والقـول جانـا نـذيـره جابوا سوالف دونها حالت ارمـاس *** عـبـر الوسايل جـات مـن كـل ديـره وياعل راس مابه ازعاع واعطـاس *** عـساه يـفـلـق بـالحـصـاه الـكبـيـره الـيـوم كـلـن قـام يـسـن الأضــراس *** ينفخ على المخلوق تقل أبن اميـره قال عبدالله بن دهيمش بن عبار هذه الأبيات في احقاق الحق : 326 الحـق الـلي للحق جاحـد ونـافي *** ربـه حسيبه كيف يجحد وينفـاه الحـق لـلي عـنـده الحـظ هـافـي *** الغاشم الظالم عـن الظّـلم ينهـاه الـحـق لـلي بـان جـوره كشـافي *** لابـد يعود ويقتدي بأمـر مـولاه الحق ما نوره عن الناس طافي *** ومن يتبع الباطل عن الجاده تاه الحق واضح منهجه ليس خافي *** ما يجهله لكود من تاهت أريـاه الحـق في شبح النواظـر يشافي *** الا لمن حقده عن الواقع اعـماه الحـق لـلي كـان عـنـده انصافي *** يشيد بالمعروف ما أظـن ينساه الحـق مـنـهـج كـل قـرم سنـافي *** ومـن خالفه كلن يسبـه ويشنـاه الحق حق الشّرع من لـه يعافي *** ينـزع وتـنـزل قيمته كـان خـلاّه الحق يـوم الكـل عـاري وحـافي *** مابه مناصب لا مراتب ولا جاه الحق يوخذ في هاك اليوم وافي *** واللي ظلم ربّه على الّظلم يجزاه وقال عبدالله بن عبار هذه الأبيات من الهجيني : 327 قـم يالـنـديـب الخبـر ودّه *** للي لفعل الـردى مواسد غلطان من يفخـر بـجـّده *** الجـد مـا يـرفـع الفـاسـد كانه عن الطيّب به صّده *** اللاّش عند العـرب كاسد يكشف اليـاطـالـت المـدّه *** وكل البشر تلعن الحاسد قال عبدالله بن دهيمش بن عبار هذه الأبيات توضيح لمن تجهله الحقايق : 328 نـويـت أوضح صادق العـلم بإيـجـاز *** عن مصدره ماهو كلام المغاشيش حـنـا بـنـي وايـل مـن احـفـاد عـنـاز *** ياللي تبون لواضح الأصل تهميش من نسل الـلي طعـن خصيمه بعكّـاز *** عـامـر ابـن أسـد سليـل المداغيش حيـث انتحال الجـد بالشرع مـا جـاز *** أقـروا أحاديث النبي صفـوة قريش جـد عـنـزة يـكـفـي ولا عـاد نـعـتـاز *** وايـل جديلـه ليش لـه ننتسب ليش اصل عـنـزة ثـابـت ولا عنـه ننحـاز *** والـلي تعبّـث بالنسب مقصده ويش بشر وضنا مسلم شريفين واعـزاز *** مـرويـن لـدنـات الـرمـاح المراييش يوم العرب في كون وطراد والـزاز *** تعـرف فعايلهم على الخيل والجيش حـمـايـة السـاقـه ثـقـيـلـيـن الأرواز *** تقـفي عـداهـم مـن لقاهـم مخاريش مـا نستـعـيـر الجـد لـو كـان يـمـتـاز *** بالصيت والشهره ولو شاخ حتيش لـو قـيـل جـدّك مـن تـنـمـّر بـخـــزاز *** أقـول ما أقبـل غـيـر جـد الحناتيش التعديل الأخير تم بواسطة عبدالله بن عبار ; 05-11-2022 الساعة 04:09 PM |
|
|
|
|
05-25-2022, 12:00 PM
|
#45 |
|
صاحب الموقع
تاريخ التسجيل: Mar 2008
المشاركات: 10,329
|
تابع قال عبدالله بن دهيمش بن عبار هذه الأبيات من شعر التصدي للحمله المغرضة التي أنتهت بالفشل : 290 قـال الـذي أصـول الأنـسـاب لـمـهـا *** نـسـب بـني وايـل يـوصـل روابطـه عـزوة ربـيـعـه فـي بحـوثـه يعـمهـا *** فّـرع نسبهـا وبالسجّـلات ضـابـطه الأصــل ثـابـت دون تـحـلـيـل دمـهـا *** اسـم عنـزة أكبـر تواصـل ورابطـه مـن كـمّـل أنـسـاب القبيلـه وتـمّـهـا *** مجهـد ولا هـمّـه حسـوده وغابطـه كـل عـنـزة مـبـذول جـهـده يهـمهـا *** عـزوة فخر ماهي وضيعه وهابطـه والـلي خلطهـا مـع جديلـه وضمهـا *** جاهـل وغارق بالجهـل من يشابطه الـلـي خـرافـات الـحـكـايـا يـخمـهـا *** مسيـر عشوا بحندس الليـل خابطـه والـلي الفـتـيلـه ريحـهـا مـا يشمّهـا *** جميـع عـاقـل مـا يصـدّق خـرابطـه ومـن كـان مقصوده جهودي يدمهـا *** عـاد بفـشل نـدمان والنفس حابطه كـل الحـيـايـا الـرّقـط مـاتـت بسمهـا *** مـا عـاد هـي بمشوك الناب عابطه غـرفـت مـن صافـي نقـاريح جمهّـا *** وخليـت الـلي فيـه الدغـاليب لابطـه وأهـل الحسـد والحقد يـزداد غمهـا *** أهـل السلوم الـلي عن الحق سابطه وقال عبدالله بن دهيمش بن عبار هذه القصيدة توضيح : 291 الـمـجـالـس كـنـهـا مـنـاغـط قـطـا *** وكـل منهـم بالنسّب دلـى يخوض يـالـذي لاحـظـت بـكـتـابـي خـطــا *** لوسمحت أذكر خطايه يامحفوض أعـجـل بــرد الـجــواب بـلا بــطــا *** عـن كلامـك لا تروغ ولا تجوض مـن يخـم العـلـم مـن هـرج اعبطـا *** ينخـدع بأقـوال هافين الحضوض والـذي صـنّـف ومـن فـكـره نـطــا *** هـرج يشبه للسراب بـحـد روض مـا ذكـر جـديّـن بـالـنسـل اخـلـطـا *** ولا خبرت جدود توخذ بالقروض والهرج الـلي بخاطر الجاهل سطا *** مـن حكابـه مـع عـلابيه مقبوض ينكشـف قـصـده ولـو دس بـغـطـا *** والحقايق واضحه مـابـه غموض من صعـد مـا أظـن ينـزل في وطـا *** ومن وقع بالقاع ما يقـدر ينوض لـو أصحـاب الظّلـم ينخون وسطـا *** الجمل ما جض من لدغ البعوض يشهـد الـلـه مـا أبـي مـنهـم عـطـا *** مرزقي عنـد الـذي سن الفروض قال عبدالله بن دهيمش بن عبار هذه القصيدة وهي تبلغ ستين بيت نصيحة للذين نسخوا مشجر قبيلة عنزة وقصّوا غصون مشجرات ربيعة ومشجر قبائل عنزة المعروفة بالعصر الجاهلي وغصون الحاضرة والجاليات وغصون ما عرف حالياً من عوائل قبيلة بني هزان وحذفوا ثلاثة بطون من قبيلة عنزة وحذفوا اسمي من الشجرة ووضعوا بداله اسم ( رابطة أنساب عنزة ) ومع أن الشجرة منقوله من مشجري حرفياً ولم يضيفون ولا أسم فقد أدعوا أن مصدرهم شجرة جلال الجوهرجي سكرتير الشيخ محروت بن هذال رحمه الله ومع أن تلك الشجرة ذكر بها قبيلة ولد سليمان فخذ من ضنا كحيل من ضنا ماجد من الفدعان وذمر بها قبيلة السلقا من الجبل ولا أدري لماذا ما كتبوا كما جاء بتلك الشجرة هل معقول أن ينسخون مشجري ولا يذكرون المصدر وينسبونها لهم وهل يرضون أقرباء البطون الذين حذفوا ثم أجدهم قصّوا جذع عنزة وحذفوا أبو عنزة أسد بن ربيعة ووضعوا أبو عنزة وائل حيث في الشجرة عنزة ثم وائل ثم ربيعة ولا يوجد من عيال ربيعة بن نزار من صلبه أبن اسمه وائل بل عياله : أسد وضبيعة وأكلب واعتقد أنهم يقصدون وائل بن ربيعة ( كليب التغلبي ) فهل هو أبو عنزة وهو الحفيد السادس عشر لجديله أخو عنزة أما إذا يريدون وائل بن قاسط فهو الحفيد السادس لجديلة أخو عنزة فكيف صار أبو لعنزة ثم لماذا ما عملوا شجرة من بحوثهم وجمعهم وهم يسمّون أنفسهم نسّابه ومؤرخين ؟ وقد فات عليهم أن هذا التصّرف ما يقرّه عقل ولا نقل و كما فات عليهم أن المؤلف له حقوق مضمونة دولياً وقد سجّلت هذه القصيدة بصوتي وبعد هذه القصيدة شرح وافي وتوضيح عن الموضوع وقلت : 292 قـال الـذي يـنـظـم قـوافـي ويـبـدعهـا *** مـن خاطـره جزلات الأشعار حاكرهـا أشعـار مـن فيـض القـريحة منابعـهـا *** نويت أبـي أوضّح هـدفهـا ومحورّهـا عساك يامـن تـقـبـل النصـح تسمعهـا *** أقـولـهـا عـبــر الـوسـايـل وأكـررهــا أن كـان تـدرك مقصدي لعبتـك دعـهـا *** مـا دمـت فـاهـم والمعـاني تـفسّـرهـا ما كـل عوجاء يقـدر الشخّص يبلعهـا *** عـن الـتّـعــدي كـل الأفــراد أحـذّرهـا بالعـرف والقـانـون والـحـق نـقـنعـهـا *** ما اقبل شجرتي باسم غيري يجيّرها انصح الـلي ينسخ شجـرتي ويطبعـهـا *** نـقـل جـميـع جـذوعهـا ثـم صـورهـا وش عـاد لـو هـو بالقروبات وزعّـهـا *** عـنـّاز تـدري عن مصادر مشجّـرهـا من لـه مقاصـد غـايتـه مـا نطاوعـهـا *** وأهـل التعـدّي مـا نـداري خواطـرهـا حـق الـمـؤلـف بـه دوايــر تـسـنـعـهـا *** عـن التمـادي بسلـب الحـق تـنـذرهـا أبي أنشد الـلي بعض الأغصان قطّعها *** هـل يـقـدر أصـول القبـيلـه يغـيـرهـا يلـغي من شجرتي حـمايـل ويجـدعهـا *** ومع ذا يفتّش عن مثـالـب معاورهـا كيـف الغـصون الثابتـه صـار يشلعهـا *** يحشهـا ومـن قـاعـة الجـذع يبتـرهـا وش السبـب ينـفى القـرايـب ويطلعها *** العصبـة الـلي تنتسب كيـف يظهـرها الطعـن شـر وكـل الأجـواد يجـزعـهـا *** ولا يجـني الفـود هـازبهـا وحـاقـرهـا الهـرج يـجـرح والمعـالـيـق يـوجعـهـا *** وأهـل المكايد ما ربح من يخاشرهـا الشّـرع مـن يطعـن بالأنساب يمنعـهـا *** وأعراض الأجواد رب البيت يسترها والـلي أهـدافـه استـار النـاس يجلعهـا *** ينـفى نسبـهـا ويـتحـدّى مشـاعـرهـا هـذاك مـا يـعـز الـقـبـيـلـه ويـنـفـعـهـا *** لـكـن سـمعـتهـا بـالـقـبـايـل يـدمـرّهـا النـاس مـا تسكت عـلى من يـنازعهـا *** ولا تـقبـل الـلي فـي كـلامـه يناقـرهـا كـل القبـايـل مـا نـفـت من ربـا معـهـا *** الـلي حالـفهـا يعتبـر مـن عشـايـرهـا مـع عـزوتـه وقـت اللـّوازم يفـزعّـهـا *** وسيـوفهـا مـع أول الجـمع تشهـرهـا يـفـزع لهـم وخشوم الأضداد يقـمعهـا *** حليفهـا بخـوض المعامـع يناصـرهـا مصيفهـا ضـمـن القبـيـلـه ومـربـعـهـا *** مـن ربـعـه الـلي للمـلـمـات ذاخـرهـا لـو اسمهـا مـاهـو مضـاف بتـوابعـهـا *** سلم العـرب ما ينهـزب من يجاورها حمـايلـن تـقـري الهـواشل وتشبعـهـا *** أهـل كـرم والحيـل للضيـف تـنحـرهـا أهـل الربـاع الـلي اعتادت تشورعهـا *** مـثـل الـروابي يـوم تسمك كواسرهـا يامـا بـهـم من فـارس الخيـل يقلعـهـا *** قـب الـسبـايـا بـالـمـيـاديـن يـذعـرهـا واللي العبث بأنساب الأجـواد شجّعها *** مـا قـابـل شخوص القبيله وشاورهـا أنـسـابـهـم مـانـي لـك الـلـه صـانعـهـا *** يلـزم دلايـل مـن بغى النفى يحضرها ماهي هقـاوي بحـدس الظّـن نـرمعهـا *** كـل العـلـوم أخـذتـهـا مـن مصادرهـا مـا ازيـف أنسـاب القبيلـة واخادعـهـا *** ولا آخذ علوم اللي السوالف يزورها مـا اصاحب اصحاب المكايـد والايعهـا *** ولانـي رفيـق الـلي المعايب يدورهـا لـي نـفس حـرٍ صنتهـا عـن مطامعهـا *** أبـلـّغ نـظـاف الـضـمـايـر وابـشـرهـا والعـز فـي عـف النفـوس وتواضعها *** وعلـم الفضيله هـو خزاين جواهرهـا كتـبي فخـر يفخـر بهـا مـن يطـالعـهـا *** عـنّـاز دونـت مـاضيـهـا وحـاضـرهـا أولاد وايـل كـتـابـي صـار مـرجـعـهــا *** هـذي حقيقـه كـل منصـف يناضـرهـا كـل عـنـزة شـافـت بحـوثـي بموقعهـا *** وضحّـتـهـا والكـل بالكـتـب خـابـرهـا مـن الـذي فـي خمسة عـقـود يجمّعها *** تـعـب عـلى جمعها وكلفـة خسايرهـا ومـن الـذي جـميـع الأفـخـاذ فـرعـّهـا *** الجالـيـات وبـدوهـا مـع حـواضـرهـا ومـن الـذي شـيّـاب عـنّـاز راجـعـهــا *** وأخـذ عـلـوم بصفحة الكتب ناشرهـا ومن اجتهـد وبحوث الأنساب وسّعهـا *** بأخـلاص والـدولـه يطبّـق أوامـرهـا كـم لـيـلـه اسـهـر والعـبـاد بمهاجعهـا *** مـع المـراجـع والمصـادر اسـامـرهـا يـمـنـاي مـا تبصـم أنـامـل أصـابـعـهـا *** من كثـر ما حـروف الكتابه أسطرّهـا حيـث الـرجـال الـلي رفيعـه مواضعها *** تشهـد ولا تجحـد جهـودي وتنكـرهـا أفـعـال تـشهـل بالحـمـايـل وتـرفـعـهـا *** وأفـعـال بـقـعـور الـهـبـايـا تـحـدّرهـا والـلي عـبـاتـه عـن المتنيـن يخـلعهـا *** يشظى الشمل يـبي القبيلـه يدهورهـا بـه نـاس تطعـن في مشاهـد اتـوقعهـا *** وبـه ناس تشمت في محافل منابرها نـحـتـاج لـلي فجـوج البـيـت يـرقعـهـا *** وأن هـدّت أركـان العـمـارة يعمّـرهـا مـا هـو الـذي يبـذر الفتنـه ويزرعها *** والناس يشحـن بالضغاين ضمايرهـا ولا هـو الـذي نـار الفـتـيـلـه يـولعـهـا *** بـيـن القرايـب نيـران الشّر يسعـرهـا يا مقشر الفتـنـه مـن القـول واشنعهـا *** رب المـلأ قـلـوب الخلايـق يطهـرهـا شحـن النفوس بغيض وشـو منافعهـا *** غـيـر المشاكـل والخـواطـر يـكـدّرهـا وكـل البـشـر لازم تـذكّـر مصـارعـهـا *** تظـلـم النـاس وهـي تحـفّـر مقابـرهـا وبعض الضماير لـو تجد من يشوعها *** تلقى الصديد بداخل الجوف غامرهـا حـيـث النجّاح قـلـوب الأضداد يلقعهـا *** الـلي الحسـد بصدورهـا مـا يغادرهـا وحـنـا بضـل الـلي المعاديـن روّعـهـا *** أبـو فـهـد يمـنـا أهـل البـغي قاصرهـا الحاكـم الـلي عـوج الأشـوار يردعهـا *** وأهـل الطغي والغي يوطـأ صوابرها وأهل النكد عـن مسلك الشر يصمعها *** وعن كـل غايه تجيب العيب زاجرهـا ومـحـمـد الـلـي زمـرة الشـر يسبعهـا *** الحـر الأشقـر مـن نـوادر مصاقـرهـا قال عبدالله بن دهيمش بن عبار هذه القصيدة يثني على قبيلة مطير ومشائخهم الدوشان بمناسبة تكريمهم للشاعر زيد العضية وما قاموا به يوضح الفرق بين الرجال الذين ينصفون ويثمنون الجهد ويفتخرون في شاعرهم وبين الذين يتنكرون للجهد : 293 عـزوة المطـران يـا نـعـم القبيلـه *** المـدايـح والـثـنـاء يستاهـلـونـه يقتدون بفارس كـروش الأصيلـه *** أخـو جوزا شيخ علوا يمدحونه نعم براعي الشرف حمّاي الدبيله *** الدويش القوم ما تقرب ضعونه قـاد حـمـران النـواظـر للفـضيلـه *** بالفخـر درب المراجـل يسلكونه من وفاهم كـرّمـوا زيـد العضيلـه *** شاعـر ويستاهل الـلي يكرّمونه زيـد شاعـر والكـرامه تستويـلـه *** نـال عـز ونـال تشجيع ومعـونـه شاعـر المطران ما نسيوا جميله *** يوقـفـون بجـانـبـه وايشجعـونـه فـازوا المطـران بـعـلـوم النفيلـه *** مجدهم عن كـل عابـث يحتمونـه مـا عبث بأنسابهم شين الدغيلـه *** والكذوب المفتري مـا يصدّقونـه يـنبـذون أهـل النميمـه والنقـيلـه *** والحسود الـيـا تـكـلّـم يـلعـنـونـه مـا يـدورون المعـايـب والفشيلـه *** من يـعـد أفـعـال ربعه يشكرونه يوم بعض القوم يلجأ لكـل حـيلـه *** من كتـب مجـد القبيلـه يشتكونه الحقـود الـلي النمايم لـه وسيلـه *** ينكرالمعروف والصاحب يخونه مايشوف الجهد من نفسه عليلـه *** كـل مـا سمع الثناء يزداد كونـه من يكـن الحسد ما يبـرد غـليلـه *** ولا يطيع أقـوال نـاس ينصحونه مـا يـدل الـدّرب مـن ضيّع دليلـه *** حيث نورالحق ما تشوفه عيونه مـن تـمـادا بالخـطآ ربـه وكـيـلـه *** من فضل رب الملأ خابت ظنونه من يفـّرق عـزوتـه ربـي يـزيلـه *** يـقـمح المنكود والـلي يدعمونـه خـاب الـلي بالطهبله دق الطبيلـه *** الهـذور بكـل مجـلس يكسحونـه الـدّنـس والعـار كـلّـه فـي شلـيلـه *** ما كسب غير الرزاله والمهونه مـن جـداه البلبـلـه محـدآً دريـلـه *** الرجال أهـل الضماير يسفهونـه ما يسود أنسان وعلـومه رزيلـه *** الهـديـفـه لـو تـخـفّـي يكشفـونـه السديري قـال في مضمون قـيلـه *** قصراً عداه الذرى تهدم ركونـه مـن بـرز بالطّيـب مـنّـا وننتميلـه *** والـردي كـل الـرفاقـه يكرهونـه وأحـمد الله عندنا شخوص نبيلـه *** منصفيـن وكـل جـهـد يـثمنـونـه نـفتخـر بالـلي لـه اعـمـالاً جليلـه *** الـذي بـالـخـيـر دايـم يـذكـرونـه ونفتخر في صاحب اليمناالطويله *** النبـيـل الـلي الـرجـال يقدرونـه ونفتخـر بالـلي حمل ربعـه يشيله *** من ثقيل الشيل ما كـلّـت متونـه ونمـدح الـلي بالمواقف لـه فعيله *** لا حصل لولاس ربعـه ينجبونـه قـلـتهـا والحـق مـا نرضى بديلـه *** والتمادي بالخطأ اسبابه رعونه مجهـد وقـدّمـت للعـزوة حصيلـه *** في كـتـاب المنصفين يطالعـونـه مـا تـغـيـر عـنـدنـا دم الفـصيـلـه *** ولا نطيع الـلي نسبنـا يحورونـه مـا خبـرت الجـد يستهمـل هميلـه *** مـاضي التاريـخ لازم يفهمـونـه كيف حطّـوا جـدنـا وايـل جـديـلـه *** وكـل وايـل فـي نسبنـا ينكرونـه مـن دفـن تـاريخنـا تحـت النثيلـه *** المـرام الـلي يـريـده حيـل دونـه دام حكم الشرع يرفض كل عيله *** مـن تعـدى عـن نـويـه يمنعـونـه قال عبدالله بن دهيمش العبار هذه القصيدة يسند على الشاعر تركي بن رجا السهلي الجعفري : 294 اقطف المنظـوم مـن ورد الـقـفـر *** واسنده عـلى الـزميل أبـن رجـا بـانـت حـمـيـاك يـا نـسـل جـعـفـر *** مـن شـنـانـا حـط بـلسـانـه وجـا الــزمـن يـالـقــرم دولابـه يــفــر *** صرت أنا وأهـل التواقيع احججا في عـريـن الليث يا تـركي جـفـر *** والـزلايب صـارت شيوخ فحجـا والـعـلـوم الــلي يــروجـهـا نـفـر *** مـثـل خـفـاش الظـلام اليـا سجـا حـطّـه الـمـنـكـود ممحاشـت زفـر *** حرّضه الـلي الحقد لفواده فـجـا مـن تعـدى الحـد يـلـزم لـه خـفـر *** لا يـثـرثـر فـي هـذاريـم اطـعـجـا مـن طـلـب ربّــه لــزلاتــه غــفـر *** ومـن تـمادي بالمعاصي ما نجـا أي مـن يمشي عـلى نـور وسفـر *** وأي من يمشي على مظلم دجـا النسـب بالشرع تـغـيـيـره كــفــر *** من ترك جـده حصل سب وهجـا ساس وايـل مـا يهـده مـن حـفـر *** حيثه أرسا من جبل سلمى وأجـا أفـتخـر بـأهـل المعـامـيل الصفـر *** ربـعي الويلان لـي سـور وحجـا من نسل وايل بهـم طيب وضفـر *** لابـتـي زبـن الـدخـيـل الـيـا لـجـا لا تـنـاخـوا بـالعـمـاهـيـج العـفـر *** زغـدت لـجـمـوعـهـم كـل دعـجـا قال عبدالله بن دهيمش بن عبار هذه الأبيات شكر وثناء للأخ عطالله بن ثاني الجعفري على أشادته بجهدي وأنصافه والشكر موصول للأخ فرحان المطرفي على استظافته : 295 الشكـر مـني لأبـو تـركي عطالله *** أبن ثاني شاد بي وأظهر ثنايـه جعفري عد الصحيح وراقب الله *** غير قول الحق ماله كـل غـايـه منصف بشهـادتـه مـا قـال زلّـه *** من حسن ذاته أعبّرعن رضايه سـنّـع الـلي تـاه دربـه مـا يـدلّـه *** من تجاهل مقصده يبحث خفايه عسى من سـب القرابـه فدوتلـه *** بالهروج السامجه ينشر فوايـه أشهد أن الحسد بالمخلوق عـلّه *** من حقد يشنا ولايوضح خطايه مـن بـذل مجهود كلـن شاهـدلـه *** والخبـر معـلوم مـا تفيد الكمايه يشهـد الرحمن وقـتي راح كلّـه *** بالبحـوث وبـالكتـابـه والقـرايـه أكـتـب أمجـاد القبيلـة بالسجّلـه *** وبصمت أعمالي أخلدها لضنايه يا أبو تركي من جداه اللّوم قلّـه *** يرجع لأصل المصادر والروايـه لا يشيل العلم من هـرج المظلّـه *** ولا نـبي ينقـل أشاعـة كـل بـايـه قـلته وعـقـد البلش ربـك يحـلـه *** ماعتزي بأهل البلايس والوشايه والشكر فرحان من عندي وصلّه *** عسى أبن ضبعان ما تأتيه سايه اشهد أنه مقتدي ما عال لـل لـه *** حيث بروز أفعال ربعه له هوايه الـرفـيـق الـلـي قـبـالـه مـا تملّـه *** واجـب إنـا نـرفـع لشرواه رايـه قال عبدالله بن دهيمش بن عبار العنزي هذه القصيدة ويوضح ما حصل من اصحاب الشكاوي الكيديه : 296 بـديـت فـي بـدع القـوافـي ونـظّـمـت *** قـرايـضٍ مـن صافـي الشعـر قــلـتـه عـن ذكـر شنـعـات المعايـب تـشيّمت *** قـلـت المليـح وباقـي الهـرج شـلتـه نـقّـحـت جـزلات الـقـصايـد وقـيـّمـت *** والقـاف مـن كـل الشـوايـب نـخـلتـه مانـي مـن الـلـي بالدياويـن هـذرمت *** بـاب اللغـى عـن قـول عايـل قـفـلتـه أكـره كـلام الـقـدح واللّـوم والشّمـت *** وعـن سـب خلـق الله لساني عـقلتـه ولاني على اللي يكسر الباس بصّمت *** ولا سرت في منهاج فوضه وفـلتـه عـن طـاري المنقـود شمت وتكرّمـت *** أرفـع مـقـامـي والـوطـأ مـا نـزلـتـه خـاويـت ذربـيـن الـرجـال وتـفـّـمـت *** مـدرك وعـقـلي بالمـواهـب صقـلتـه وضحـت مكنـون الضماير وترجمت *** مقصودي وجـرح المشاعـر دمـلـتـه ولا يـوم قيل أني على الناس هيلمت *** ومن لااعترض لي بالخطأ ما شبلته جادلـت من غـرّه غـروره وخاصمت *** مـن حاد عـن درب الحقيقـه عـذلتـه رويـت مـن قـول الــرواه وتـعــلّـمـت *** وعـن الحـقـايـق كـل فـاهـم سألـتـه قـررّت أبي أواصل مسيري وصممّت *** عـلى المسيـر وكـل جـهـدي بـذلتـه دونـت مـن بـحثي حـصيـلـه وقـدّمـت *** ناتـج ثـمـر غـٍرس جذوعـه شتلتـه مـا جبت من عندي دعاوي ورهّـمت *** وضّحت كامـل مصدره مـا انـتحلتـه صـرّحـت بالـقـول الصحيح وتكلمّـت *** والـلـي وجـدتـه بالمصـادر نـقـلـتــه مااخطيت في حق السميه ولاأجرمت *** ولا جمع عن جمع الجماعـه عزلته دونـت مـاضي عـزوتـي مـا تـنـدّمـت *** واعـتـز بـالـلـي لـلـقـبـيـلـه فـعـلـتـه مجـدّت بشخـوص الـرفاقـه ونعـمّـت *** بـهـم أعـتزيـت وفـعلهـم مـا جـهلتـه كـمّـلـت تـاريـخ الـقـبــيـلـه وتـمّـمـت *** وعـن الغلـط فحـوى كتـابـي كـفلتـه دونــت واقــع لابــتـي مـا تــوهـمـت *** فـي كـاهـلي حـمـل الأمانـه حـمـلتـه سجلت عـن ماضي ربيعـه وعـممّـت *** ومـا عـقـبّـه وايـل بـمـدحـي شملتـه صابر عـلى طول المدى ما تهـضّمت *** واللي اعتزى من عزوتي ما خذلته مهـمـا تعـبت مـن البحوث وتـغـرّمت *** رغم التعب حملي على المتن شلتـه مقصودي أبي انجز مهمّه بهـا قـمت *** والحمـد لـلـه عـالـي القصـد طـلـتـه مجهد وعـن كـل المواجيب مـا نمـت *** ولا اقـول فـزت وكـل مجهـد نـفـلتـه حـلفت بالـلـه والي العـرش واقسمت *** أن الـمـجـال الـمشتبـه مـا دخــلـتـه وأن كان كادوا لي هل الظلم واظلمت *** مـلـزوم أكـافـح والخطـأ مـا قـبـلتـه يـالـلـي تـظـن أنـك بجهـدي تـحكّمـت *** وعـقـل المغـفّـل بالـدعـايـه هـبـلتـه لا تـفـكّـر أنـي مـن المكايـد تحـطّـمت *** الـحـر يـصعـب تـدركـه لـو خـتـلتـه مـا هـمنـي مـهـمـا عـلـيـه تـهجـمـت *** بـينـت واقـناعـك عـن الوجـه زلـتـه ماطعـت من حاول خضوعي وسلّمت *** بـالـعـدل حـلاّل الـقـضـايـا وصـلـتـه مـن يـدعّي فـي حق مـا يلزم الصّمت *** مـن فضل ربـي كامـل الحـق نـلـتـه ولفواه اللي يبحث عن النقص بلَمـت *** والـحـاسـد الـمـنكـود كـبـده دبـلـتـه راع الحسد مهـما احتـرمته وحشّمت *** قـلبـه صـدى مـا يـنجلي لـو غسلته قـلـتـه وخيط النكث بـه مـا تحيـزمـت *** النكـث مـا شـد الظـهـر لـو فـتـلـتـه هذه الأبيات المتواضعة قالها عبدالله بن دهيمش بن عبار أهداء وثناء على الرجل الفاضل سميّر بن حاتم الرحيّل العواجي أبو جمال رحمه الله ورعاه حيث أنه سمع مقطع صوتي لرجل من الذين تنكروا لجهدي وقد تعرّض لي بكلام لا مبرر له فرد عليه سميّر مرد وافي وشافي وهو صاحب عدل وأنصاف وساقته الحميه ولا توفيه هذه الأبيات حقّه من الشكر والعرفان ونظراً لصعوبة القافية فأن هذه الأبيات قليله بحقّه فقلت : 397 يـكـرم جـنـابـك سلمت ودمـت يـا سـميّـر مشكور يالمنصف الصادق يا أبن حاتـم يالباسل الـلي لـفـعـل الـطـيّـب مـتـهـيّــر يفـدونـك الـلي مع طريـق الـردى فاتـم أبــو جـمــال الـيـا لـفـا بــيـتـه مـسـيّــر يـا مـا تـعــشـوا مـن قــرا زاده وبـاتــم ماهي غـريـبـه وأنـت خـيّـر وأبن خـيّـر صـدحـت بالـحـق لا مـجـامـل ولا كـاتـم جـدك يـحـيّـف عـلى العـدوان وايـجـيّـر بالساعه الـلي وقـتها أضيق من الخاتـم يـا أبـن رحـيّـل أشـوف الـوقـت مـتغـيّـر بعض الرجـال الحقـد بصدورهـم راتـم خـطـو الـرجـل مـن كلمة الحـق متـذيّـر ولأهـل الظـلايـم قـلـت لمحـاجـجي آتـم بـهـم الـذي من الكـبـر منـفـوخ ومـزيّـر مـا قـال خـوذوا ولـكـن منطـقـه هـاتـم ويـفـخـر بـفـعـل الـذي بالـبـرزخ مـتـيّـر طـمـن ودنّـق والـلي يـفخـر بهـم ماتـم ولا خـيـر بالـلي يسـب النـاس وايـعـيّـر ومـن يشتم النـاس لا يأمـن من الشاتم والـكـذب حـبـلـه مـثـل ما قالـوا قـصيّـر والظّلم وصفه مثـل غلس الدجا العاتـم يتبع
التعديل الأخير تم بواسطة عبدالله بن عبار ; 06-29-2022 الساعة 08:29 PM |
|
|
|
|
«
الموضوع السابق
|
الموضوع التالي
»
|
|
|
|
|||||||||||||||||||||||||||||||||||
|
|||||||||||||||||||||||||||||||||||||
|
|
|
|
|||||||||||||||||||||||||||||||||||
العرض العادي
|
|
الساعة الآن 07:41 AM.
 |
|
 |
