قصيده ( الدوله اللي علمها يرفع الراس )
يقول والدي في هذا الوطن العزيز وحكامه الكرام
ولقد ألقاها الوالد أمام سمو أمير منطقة الرياض

بالله نعوذ من الخطأ وكل وســـــواس .. وفيه نتوكل على حق ٍ نقولــه

الدوله اللي علمها يرفع الــــــــــــراس .. تحكم بشرع الله وسنةرسولـه

اسم السعوديه على كل نبـــــــــــــراس .. اسمٍ على مسمى ياحي دولـه

متقدمه على الدول بكل الأجنـــــــاس .. أمن وأمان مكرمه ومحفولـــه

شرقٍ وغرب لحد ديرة بني يــــاس .. وشمالها نادى الجنوب بسهوله

مطهره عن كل أخباث الأرجــــــاس .. مكه وطيبه فيه ومحمد رسوله

اللي نواها بشر يبشر بالإفــــــــلاس .. عدوانها الخاسره ومخذولـــــه

تأسست بالحق عدلٍ على النـــــــاس .. حكامها آل سعود ساس البطوله

إخوان نوره معرب الجد والســـاس .. عدوهم يالله بفضلك تزولـــــــه

ثبت قواعدها على قب الأفـــــــراس .. عبد العزيز بكل صوله وجوله

أرخص بروحه لين على الخطر داس .. وحد كيان وجمع الشمل دولـه

ياماسهرت عينه على حدب الأطعاس .. ومعه رجالٍ بالموده صفولــه

إمركاض أبو تركي غدت عنه نساس .. راحت على العدوان يطرد فلوله

يمشي على الأقدام حافي قوي باس .. سبع الرجال اللي إعداه شهدوله

دارالمعارك حربها يضرس إضراس .. ياما على العدوان داست خيولـه

ما جمع أمواله ملايين وأكــــــداس .. همه وطن للحضارة ينولـــــه

يالله عساه بجنةٍ بحلو الألبــــــاس .. يا رب تجعل أكرم الحور حولـه

ماكل ميت مات بعلم الإحســــاس .. يبلى جسم الشخص وتبقى فعوله

من بعده عياله على الدين حــراس .. سارو على نهجه وبعهده وفوله

سعود فعله إكتسب كل نومـــــاس .. ريف المواطن من بعيدٍ عنولــه

فيصل قهر بسياسته كل ســــــواس .. فصلٍ خطابه والعرب صفقوله

خالد على محياه الخير محتـــــاس .. قلبه حنونٍ و الضعوف إدعوله

فهد حلال عقودها وكل لـــــولاس .. في حكمته كل الدول إيدولــــه

واليوم بحكم اللي حكم أخذٍ كـــاس .. في خدمة الإسلام بانت فعولـه

سلطان سلطان الوفى ضد الأتعاس .. من جاه يفرح والظروف محلولـه

سلمان درع ٍ للوطن طيب الساس .. يالله عسى عمرك طويل بحولـه

يالله عسى نايف بجنان الأونـــاس .. هو ناصر المضيوم اليا شكولــه

عليه هيبه منه تخاف الأخســـاس .. وزير دوله والشعوب هتفولـــه

محمدعوضنا فيه من معدنه مــاس .. كنه حلايا أبوه شكله وزولـــه

أسره كريمه مابها شبه وإدنـــاس .. من الجد مانع لين حاضر زحوله

من وايل اللي فعلهم ماله قيـاس .. خلو جموع الفرس تسحب ذيولـه

صلاة ربي عد ماهب نسنــــاس .. على رسولٍ وافيات شمولـــــــه

خليف بن سعيد العنزي

المكرّم الفاضل معاذ بن خليف بن سعيّد لك جزيل الشكر على أتحافنا بكل جديد لوالدك الشاعر القدير وهذه يدل على برّك وأعتزازك بوالدك وهو يستاهل ونرجو لك التوفيق والسداد وهذه القصيده الوطنيه في أحد القاده الكرام الذين يسهرون على راحة المواطن حفظهم الله وجزاء الله والدك خير الجزاء على وطنيته وأخلاصه لقادة وطنه

السلام عليكم ورحمة الله وبركاته
العم / الا ديب عبدالله ال عبار
مبروك عليك وعلى عامة المسلمين
شهر رمضان المبارك
ونسأل الله لك ولنا أن يوفقنا إلى مايحبه ويرضاه
وأن يجعلنا وإياك ووالدينا ووالديك من أصحاب الجنان والنعيم
بعفوه وكرمه إنه هو الكريم الرحيم

يــــا فلـسـطـيـن الأبــيـــه يـــــا مــســـرى الــرســـول

إنــتـــي بـقــلــب كـــــل مــســلــم لــلأمــانــه حـــمـــل

مــا يفـيـد الشـجـب يـــا أمـــه وتـصـريـح خـجــول

إذا مـــــا تـــــدار الــمــعــارك والـمـجــاهــد صـــمـــل

كــفـــى يـــــا أمـــــه الـتـبـجـيــل وقــــــرع الــطــبــول

وكفى قول عاش الرئيس المهيمن جليل العمـل

عـــاش عـبــد الله أبــــو مـتـعــب زحــــل الــزحــول

صـــافــــي الـعــقــيــده بالله ثـــــــم فـــيــــه الأمـــــــل

يـبـحـث الـبـاحـث الـعـبـاس عـــن حــــل الـحـلــول

مـــثــــل مــواعــيـــد عـــرقــــوب طـــويــــل الأجــــــــل

ستـيـن عـامـآ فـيـهـا صـهـيـون يـصــول ويـجــول

يقتل الشيخ الكبير والطفل على أمه دمعه همل

لا نــريــد الـشـعــارات الـزائــفــه وكـــــذب جــهـــول

مــلــت الأســمــاع الــزيـــف وتـصـفـيــف الـجــمــل

لا تفـكـر إن الصـلـح يـعـطـى مـــن بـنــي سـلــول

خــرافــات تــدعــى ويـفـهــم الـجـاهــل مــــا جــهــل

نـــطـــلـــب الـــنـــصـــر مـــــــــن الله رب عــــــــــدول

ومـــن تـوكــل عـلــى الله يـمـشـي لــدربــه وصــــل

أرض العرب صارت مطمع لكل مغتصب عيـول

وحــنــا خــيــر أمــــه وجــــدت فــــي كـــــل الـمــلــل

أيـــــــن الـمــحــمــره والــحــويـــزه وديــــــــز فــــــــول

والأحــــــــــــواز راحــــــــــــت ولا أحــــــــــــد ســــــــــــأل

وأيــــــــــن إذا تـــــذكـــــرت لــــــــــوا إســـكــــنــــدارول

ثــــــم الـــجـــولان مــعــهـــم والــنــصـــاب إكــتــمـــل

وأيــــن سـبــتــه ومـلـيـلــه لـلـسـائــل مـــــن يــقـــول

وأيـن طنـب وأبـو مـوسـى والكـبـرى راحــت هـمـل

والجمـاعـه همـهـم بالشـاعـر يـمـدح وش يـقــول

عــــــاش الــشــيــخ الـمـهـيـمــن جــلــيــل الــعــمـــل

مـن عقـب مـا حـنـا رؤؤس كـيـف هــذا الـخـذول

إلــــى مــتــى وأنـــــت بـــــارك إهـــــدر يـــــا جــمـــل

الـــــدول تـصــنــع جــيـــش وصـــــاروخ مـحــمــول

وحـنــا عـلــى رقــصــة ســعــاد وهــــزي يــــا أمــــل

نطلـب مـن الله الشـهـاده عنـدهـا ومـنـه القـبـول

حـــتـــى تــــــذوب الـخــطــايــا ويـــخــــف الــحــمـــل

خليف بن سعيد

يالله ياعالم الغيب يالرب الرحوم ***
يا مستجيب لأيوب يومنه دعاه ***
الكبر لله يا رافعين الخشوم ***
من تواضع لله من فضل ربه هداه ***
كل ملك يفنى ألآ ملك الله يدوم ***
أسأل التاريخ وأنشده وين الطغاه ***
يا غافلن عن طاعة الله من الأجر محروم ***
وأكبر جريمة ذنب للعبد ترك الصلاة ***
التكبر والتجبر إنتبه ماله لزوم ***
ليا عطاك الله خير إحمده وأشكر ثناه ***
كم من غني طاح صار من الفقر معدوم ***
وكم من فقير إغتنى صار فاحش غناه ***
وكم من مكانه قلدت لبعض الرخوم ***
وأنظر وشلون مالت الدنيا على الرجال الدهاه ***
الصقر بالجو إحتار ما يقدر يحوم ***
صار أكبر مصيبته من فرخ الحداه ***
كل أمر عند رب البيت باللوح محسوم ***
يالله نطلبك المغفرة ومنك النجاه ***
أهديك وأعطيك من عندي بعض العلوم ***
من مصادر التاريخ كل حرفن قراه ***
وين ناسن كانوا من قوات العزوم ***
إنتهى تاريخهم صاروا جسادن عراه ***
وكم من عزيزن عند ذاتك مقدر ومحشوم ***
من سبايب غلطته إنتهى ضيع غلاه ***
لاتغرك الرزه في لبس الهدوم ***
بعض الأوادم مقدمه مثل قفاه ***
وإنتبه من بعض خطوات الرسوم ***
من كلام البهرجه وكثرت نداه ***
خل سحب السيف لحاجته وقت الهجوم ***
ولا تخطي على من لايبدأ خطاه ***
نعوذ بالله من كل إنس شيطانن ظلوم ***
ضايع الحق عنده من ضميره نفاه ***
خليف بن سعيد

ياندا المحبوب يا منقع الطيب ***
... فيك اللطافه والسخا والعطوفه
من طيب جدك فيك مابك عذاريب ***
... أبو خليل اللي حشامن ضيوفه
يفداك اللي لايودي ولا يجيب ***
... عند اللوازم ضاع عنه معروفه
ياهاجسي عذبتني كل تعذيب ***
... بعض أفكارك ليه مهي مخلوفه
ياعاد إني عاملن بالمواجيب ***
... وشو خطاي اللي علي تشوفه
دامك مقدر عند كسابة الطيب ***
... مالك لزومن بالحثال الضعوفه
منت الموكل بين مخطي على مصيب***
... كلن على حلياه يلقا صنوفــــه
جربت بالدنيا كل التجاريب ***
... وأخذت من درس الليالي كشوفه
أحذرك عن ناسن تحش العراقيب ***
... فقد الصراحه والأمانه محذوفه
اللي محبتهم خداع وتكاذيب ***
... حكاي بالوجهين تعرف وصوفه
ندور بالأفكار شرقن وتغريب ***
... ولاني على الدنيا كثير الحسوفه
خليف بن سعيد

الرجّل الفاضل خليف بن سعيّد عرفته من نوادر الرجال الذين نعدهم وهو شاعر وحكيم وعشير نشامى ونتمنّى أن يكثرون أمثاله بالقبيلة وأشكر الأخوة الذين يتشرفون بحفظ شعره وتدوينه ونشره وهذا يدل على الاعتزاز بالرجل الفاضل وشكراً لمعاذ على الأهتمام بشعر خليف ونشره

العم الأديب الفاظل / عبدالله بن عبار
رمز العزوة الوايليه شبابآ وكهولآ
أشكر الله ثم أشكرك
على ثناءك لوالدي العزيز على نفسي
وأعتبرك أهديتني وسام على صدري
لك جزيل الشكر والتقدير

السلام عليكم ورحمة الله وبركاته

هذه القصيدة رد من الوالد حفظه الله
على شعراء الفتن
الذين لايتورعون عن إثارة المشاكل .
نبدأ بإسم الله نختار الكلام ***
منجين ذا النون من بحرن ظليم
دول الخليج خوال وعمام ***
الله يصلح شانهم ربن كريـــــــــــم
الأمل بالله يزيل الغمام ***
ثم بحكمة شيخنا ذاك الزعيـــــــــم
المليك الشهم رفيع المقام ***
خادم البيتين الرزن الحكيــــــم
وكلهم غالين رجالن كرام ***
عيال زايد والخليفه مع تميــــــم
أنتم للتوحيد ضمان وسلام ***
لايفرق شملكم خبثن أليــــــم
يا شعارن للفتن جاكم ملام ***
الله يقطع شعركم ماهو سليم
المزايد بينكم كذب وحرام ***
تشعلون النار بوقاد الهشيــــــــم
من سخافة شعركم ما أنتم حشام ***
فاقدين الذوق بالشعر العقيم
وملينا من شعركم ياذا الهرام ***
المهايط بينكم واضح سقيـــم
أتركوا ذرب السياسه يالغشام ***
خلكم مابين شله وصوت ريم
من حرك الفتنه وأهلها نيام ***
يعاقبه الله وتصلاه الجحيـــــــــم
مكتفين أجراح أحزان والآلآم ***
وضعنا مابين سين وبين جيــــم
ياشعار اليوم أكثركم عوام ***
إختلاف الراي لايصبح خصيـــــــم
أنظر لحال العرب حرب وهدام ***
أفهم يافهمان وإصحى ياغشيم
أختصر وأقول للدنيا السلام ***
يوم صار الشعر بأفواه الحريــــــم
التسرع واضحن منها شمام ***
بالمعاني غيها فيها يهيــــــــــم
المسبه للبشر ظلم وحرام ***
حتى لو إن جاك من ندن غريم
دينا دين التسامح وإحترام ***
يغفر الزلات الرب الرحيـــــــــــــم
إدعوا للإصلاح وحب الوئام ***
وإسئلوا وش صار بأصحاب الرقيم
خليف بن سعيد