مرثية بالأمير نايف غفر الله له
الله اكبر والعمار محسوبـه ..........

.. ................ جانا الخبرالفاجعه موت نايف
ملجا الضعيف وزبن ناس لجوبـــه ........... ..
.. ................ عند الشدايد مزبن الكل خايف
على الوطن فقده اكبر عقوبـــــــه ............ ..
.. ............... يالله نطلبك العوض والخلايف
بطل شجاع وناجحات دروبــــــــه ...............
.. ................. عليه ياكثر الاسى والحسايف
يالله ياغفار تغفر ذنوبـــــــــــــــه .............. ..
................. نطاح كبر المعضلات الصلايف
يالله تجعل جنه الخلد صوبــــــــه ............... ..
.. .................. راعالخصال الوافيات الكلايف
مغلق ابواب الشر بحكمه اسلوبه .................
.. .................. على اختلاف الوانها والطوايف
انا احمد الله عندنا من ينوبــــــــه .................
.. ..................... عبدالله وسلمان وعيال نايف
اخوان نوره بالوطن واعتنوا بــه ................ ..
.. .................... اللي حموا الدار عن كل زايف
مال العدو فرحه سودن قلوبـــــه ................. ..
.. ................... أحمد بداله كاملن بالوصايف

يقول مايح عويجان موجه القصيده إلى خليف بن سعيد :



سر ياقلم وإكتب جوابن على الكيف ***
مني لبو فارس عسى الخير فــــاله

البارحه في هجعت الناس ياخليـف ***
عيني لذيذ النوم عجزت تنـــــــــــاله
تلــفهاالافكــار مـــثــل العواصـــيـف***
نوب جنوب الكون ونوبن شــــماله
من شوف شين حرف الفكر تحريـف ***
ياخليف بعض الناس غير مجــــــاله
إن قلت قاضي قال قاضي وحريــف ***
وان قلت شيخن قال شيخن لحــــاله
مكثف نـفـسه بالأوهام تكـــــــثيف ***
وليا مشى ماغير ينظر خيـــــــــــاله
دنياه صارت كلها زيف في زيـــــــف ***
يضحك على نفسه على كل حاله
يقول أنا الفارس وأنا حامل السيف ***
والزير سالم مايوقف قبــــــــــــــــاله
بالمجتمع عايش بوهم وتخاريــــف***
مايحسب الدنيا سريعن زوالـــــــــــــه
دنياك لودامت لشرابت الكيـــــــف ***
والله ماوصلت لنا في كمــــــــــــــاله
وين الجموع أهل السيوف المهاديف ***
راحت بهم الأيام وأقفت رحــــــــــاله
هبت عليهم ذاريات العواصيــــــــف ***
تحت الثراء كلن خصيمه أعمــــــــاله
وين الذي وردو على المات وطريـف***
من دونهم حالت عوالي جبـــــــــاله
والبير تسمع فيه لجت غواريــــــــف***
يوم الرشاء ياخليف فوق المحــــاله
وليا صدرت تفهقت لك معاطيــــــــــف ***
ويقوم راعيها يفك الشمـــــــــــاله

البل عطاياالله رقابه مهاديــــــــــف ***
حمر النعم معروفتن في جمالــــــــــــه

وحلب لبنها للرجال المزاهــــــــــيف ***
اللي يفكونه يوم الصيالــــــــــــــــــه


راحت بأهلها مرقبين المشاريـــــــف ***
فكاكت الساقات في كل حــــــاله

وشلون أوصفهم بالأمثال توصيــــــــف***
أهل الوفاء والمعرفه والعدالــــــــه
رجالهم يخوف الخصم تخويـــــــــــف ***
ماراح للشرطه ليا ضاق بالــــــــه

ولا راجع العمده يبي منه تعريــــــــــف***
ولا راح يم القسم يبغى كفالـــه

هذي أفعال أهل الأرباع المشانيف ***
اللي يظلل بالسمايم ظلالـه


ما حسبو تال الشهر للمصاريـف ***
ولا سجلو بالدين عند البقالـه


ولا ركبو الموتر كثير التكالــــــــــيف ***
ولا قالو هذا تو ورد وكالـــــــــــه


ولا مشوا الحرمه على ساحل السيف***
اللي تدلع دايم في دلالــــــــــه

حريمهم مع طلعت الفجر ياخلـــــــــيف ***
تلقاه تركض مع طوارف حلالـــــه

ما هو بدور اليوم بفله وتكيـــــــــــيف ***
والزوج دايم مستعد قبالـــــــــــــه

تكسرت ياخليف كل المجاديــــــــــف ***
واليوم كلن قيمته في ريالـــــــــه
تفرقو أهل القلوب المواليــــــــــــــــف ***
وصار المواصل بإتصال ورسالــــه
شرحتلك عن كل الأوضاع ياخليــــــف ***
تاريخ والتاريخ صعبن مجالــــــــــه
وظفتلك جميع الأبيات توظيـــــــــــف ***
كل بيت يشرح بالزمن ماجرالـه
وصلاه ربي عد من حج ياخليـــــــــف ***
على محمد عد وابل خيالـــــــــه

فجاراه خليف بن سعيد


يالله ياعلام مغيث الملاهيــــــــــــف ***
توسع صدر من ضايقن فيه باله

جاني جواب ملطف الخط تلطيـــف ***
من شاعر ينهل شعرالجزالــه

لا هنت يابو سلطان يامقري الضيف ***
رجلن حليم وافيات خصالــــــــــــه

من ربعي اللي فعلهم لي تشريــــــف ***
أهل الوغا بالكون وأهل البسالــه
أولاد حسن فعلهم ماضين شيـــــــف ***
تاريخهم ماضي عريق الاصالــــه
وصل خطابك في بطون المضاريــف ***
ساعة قريته قلت يا طيب فالـــــه

الله يجيرك عن كبار الصواديـــــــــف ***
وعينك تنام بجاه رب نسالـــــــه

رب عطوف بالعباد المظاعيـــــــــــف ***
هو فزعه المظيوم واللي شكالــه
لا تشغل الافكار بكثرالتحاسيــــــــف ***
ولا تهمك الدنيا بشرق وشمالـــه
ذكرت دور فات غزاة ومناكيـــــــــــف ***
ماينبغي يالقرم صعب إحتمالـــــه
إن أقبلت خيل واقفت مراديــــــــــــف ***
الله حمانا من حروب الظلالـــــــه
وجدك على مقطانهم لمت الصيـــــف ***
أقفا كما برقن لمع مع خيالــــــه
أقفت أمورٍن ذكرها كنه الطيـــــــــف ***
راحت بشين وزين وفيها جهالــه
واليوم عصر العولمه وروحت جنيـف ***
كلن على مبداه يمدح ريالـــــــه

ذكرت لي بالقول كل التواصيــــــــــف ***

صعبن ارضاء الناس في كل حاله

اللي يبي بالمعتلى وقصرن منيــــــف ***

حلال للرجال يطول حبالـــــــــــــه
كم شيخ يطلع فيه حسن التصاريــــف ***
وكم شيخ ماضي صار لربعه حثاله
قصر النظر ما فاد ومشين على السيف ***
دش البحر والرزق ربك كفالـــــــه

لاتستفزك من الرجال الهفاهيــــــــــف ***
خلك كما حيد عسير منالـــــــــــــه

ولا يزعلونك ناس تمشي على السيـــف ***
هذي حضاره وافيه بالكمالـــــــــه
ملبوسهم شرتٍ جتك السواليـــــــــــــف ***
حلاقه اللحيه والاشناب مالــــــــه
ما أحدن موكل يصنف الناس تصنيــف ***
ترك البشر راحه كلن بحالــــــــه
بعض البشر عقولها سين تغليـــــــــف ***
وكلن على رايه يسير اجمالــــــــه
ربك يدير الكون بحكمه وتصريـــــــــف ***
مادمت الايام قصاراطوالـــــــــــه
ماهمنا عبيد ومزيد وعطيـــــــــــــــــف ***
والكل منا مشغلينه عيالــــــــــــــه
لاشك عصر اليوم وضعه مجانيــــــــف ***
بين البشر كثرت علوم الرزالــــــه
اكدت بقولك لي ناديت ياخليـــــــــــــف ***
وانا لعيونك كان وان جتك عالـــــه
ناسٍ على الطيب لسنه مجاريــــــــــف ***
لا تخدعك يالقرم شوفت ازوالــــــه
كلفت لك بعض الابيات تكليــــــــــــف ***
أترك هزيل القاف واخذ اجزالـــــــــه

وصلاه ربي عد ما بالوطا شيــــــــــف ***
على رسولٍ حافظٍ للرسالـــــــــــــــه

قصيدة ( سلام يا حرن له الراس شواش )

يقول عبدالعزيز المشعان أحد كبار الشملان

موجه القصيده إلى خليف بن سعيد

سلام ياحرن له الراس شـــــواش ...
سلام يا مروي الكبود المعاطيــــــــــــــــــش
سلام يهدا لك من الجاش للجاش ...
سلام يـاشوق العيون المراييــــــــــــــــــــش
سلام يا تاجن على المرجله ناش ...
سلام يـا حماي وبرن عكاريـــــــــــــــــــــش
سلام يا أبو فارس على الطيب معتاش ...
سلام ياعزالرجال المباليــــــــــــــــــــــــــش
سلام ياللي ماتبع خطـــوة اللاش ...
سلام ياللي ما حسب للدراويــــــــــــــــــــش
سلام من يفرح اربوعه ليا شاش ...
سلام يا نسل الأحرار المداغيـــــــــــــــــــش
فرسان سبلا فعلهم فك الادباش ...
ليا صالت الخيلين وأقفت مناحيــــــــــــــش
سلام مثل الموج زامي لياطاش ...
سلام يركي للجبال المواحيــــــــــــــــــــــش
سلام ياحرن عدد غيم وإرشـاش ...
سلام سقته مارجيت المنابيـــــــــــــــــــــــش
سلام ماهو دين ياصاحبي كاش ...
سلام صافي مالعبه ولانيـــــــــــــــــــــــــــش

ولقد جاره خليف بن سعيد يقول :

حي السلام اللي لفاني على فــــراش ...
بعيني لذيذ النوم ياتيه تنويـــــــــــــــــــش
ألفن هلا به عد ما بالوطا عـــــــاش ...
وإعداد ما هبت هبوب الغطاريــــــــــــــش
ساعة قريته صار في فكري إربـاش ...
جزل المعاني شوش البال تشويــــــــــــش
عبدالعزيز الليث للمرجله حــــــــاش ...
لا هان ابن مشعان يا كافخ الريــــــــــش
يافرحة الملزوم إن جاك طـــــــراش ...
ياشوق اللي يزهاه لبس الدناديـــــــــــش
مبداه فعل الطيب ماهو بهــــــــلاش ...
عوق العديم ويبطش الخصم تبطيـــــــــش
ربعك هل الفزعات ليا طار طربـــاش ...
من فعلهم تروح قومن مطافيـــــــــــــــش

ولا أنا ربعي طيبهم ما به إغباش ...
ليا كلحت عكف الشوارب مكاليـــــــــــش

خليتني أهوم بالشعر وأهتــــــــاش ...
غصبن علي أجيش القول تجييــــــــــــش
أصوغ أنا القاف ماني أبــــــــلاش ...
ياعلها تفداك كل الختاريــــــــــــــــــــــــش
وقتن يخلي صاحب العقل ينـداش ...
هو كيف يجزا صاحب الطيب تطنيـــــــش
يعجبك زوله خاب طوير خفـــاش ...
الله ستر مخفاه بلبس الدشاديـــــــــــــــــش
بعض البشر بلشان بعبيد وشلاش ...
يمشي على الفاضي على غير مافيــــــــش
قليل عرف ويشتبه بعض الأدباش ...
وليا حكا لك منه يجيك تطريــــــــــــــــــش

هذه القصيده في أيام حياة الأمير سلطان غفر الله له

وأسكنه فسيح جناته

قصيدة ( بجيت سلطان الوفى )

نشكر المعبود الفرد الــــــــــــودود ***

نطلب الرحمن ولا نعبد ســـــــــــواه

بجيت سلطان الوفى وافي العهود ***
نحمد الله يومن بفظله شفــــــــــــاه
الفرح بقلوبنا بشوفك يـــــــــــــزود ***
وليا مشى بأرض الوطن تخضر خطاه
إحتفل بالعيد يا شعب السعــــــود ***
يومن سلطان السخى الله وقـــــــــــــاه
عودتك يا سيدي لأرض الصمـــــود ***
المعتدي من فعلهم يرجـــــــــــع وراه
إنت يا سلطان من خيرك تجــــــود ***
كم ضعيفن من فعل ربي عطـــــــــــاه
من فضل الله آمنه كل الحـــــــدود ***
ثم رجالن كلهم علم وكفــــــــــــــــــاه
المليك الشهم عن شعبه يـــــذود ***
بالسياسه وكل ما تملك قــــــــــــــواه
أبو متعب كلنا لفعله شهـــــــــــود ***
حامي الأوطان ما يقرب حمـــــــــــاه
الله يكفي الوطن شر الحســــــود ***
من المنافق والمخادع والطغــــــــــاه
يالحوثي ضايعن ما لك وجـــــــــود ***
بين كل الناس قرب منتهــــــــــــــــاه
ليتك يا المسكين عن غيك تعـــود ***
ولا تعاند جيش ما إنت بمستـــــــواه
هم هل التوحيد من دور الجـــدود ***
بالعقيده الصافيه الله حبـــــــــــــــــاه
ما نخون الجار وللكايد نكــــــــــود ***
إرجع للقران من ربك وصــــــــــــــاه
نفتخر بالموت ببطون اللحـــــــود ***
ولا يدنس فاسدن مثلك ثــــــــــــــراه
مازعزع عـزمـنا شبـــه القـــرود***
وكـل حـوث مختـبي تــحت الحصــاه
حنا هل المجد للعالم نســــــــود ***
بالمعارك فعلنا كلن قــــــــــــــــــــراه

قصيدة ( حنا بني وايل على القوم فرسان )

يا الله يامعبود يا جزل الإحسان
ياغافر الزلات لعبدك رحومــــــــــــــي

نطلبك عفوك ياكريمن وغفران
عن الخطا ومن كل شخص ظلومــــي

إنك تعز الدين وحماة الأوطــان
ال سعود مثبتين الرسومــــــــــــــــــــي

من المؤلف قال زورن وبهتان
أولاد وايل عن علومك تشومـــــــــــــي

ما ينفع الرجال منصب وسلطان
ليا صار خالي من جميع السلومـــــــي

ماهمنا لو قال من الناس عدوان
ندوس خشمه دوس تحت القدومـــــــي

حنا هل العادات في كل ميــدان
وحنا خصام الضد وقت الهجومــــــــي

حنابني وايل على القوم فرسان
عدونا النوم منه محرومــــــــــــــــــــي

من فعلنا بالحرب كم قاسين لان
يعاف نفسه ولبس زين الهدومـــــــــي

نرسي كما ترسي جبال ٍلطوفان
والحق واضح والعدو مهزومـــــــــي

إسئل وتلقانا على كل الأزمـــــان
لاتصير جاهل خل قول الرخومـــــــــي

حنا سنام المجد من دورعدنـــان
تاريخ ماضي من قديم محسومـــــــي

من الحجاز لنجد لحدود عمـــــــان
ننزل قفار ولا علينا لزومــــــــــــــي

من غير قصور بالقبايل وحقـــــران
كلن على حقه شجاعن حزومــــــــــــي

شيوخنا الهذال قادات ويــــــلان
مشعان هو جديع جتك العلومـــــــــــي

واليوم من فضل الولي كلنا إخوان
الدين واحد بالشريعه محكومـــــــــي

إخوان بتلا ما بهم كل تقصير

سـر يـا قلـم أكـتـب جـزيـل التعابـيـر

لـلأطــرق الـهــذال تــزهــاه الأمــــداح

عقـب الـرجـال النايفـيـن المشاهـيـر

مشعان هو جديع فـي ماضيـن راح

شيخـان وايــل بالـرخـاء والمعاسـيـر

يازيـن قضـب إيدينهـم هـز الأرمـاح

فـريـــــس والله مـاتـهــاب المـخـاطـيـر

كم واحدن خلوه من المرشحه طاح

إخــوان بـتــلا مـابـهـم كـــل تقـصـيـر

مثل الحرار اللي على الصيد جـراح

عاداتهـم بالحـرب خـوض الطوابيـر

ليـا راغـت الأذهــان والخـيـل طـفـاح

مــن الحـجـاز لنـجـد لـلـشـط تعـبـيـر

لـحــدود تـركـيـه رجـوعــن لـلأسـيــاح

يـرعــون قـفــر ولا علـيـهـم مـحـاذيـر

مرباعـهـم يـدلـه بـهـا كــل مـصــلاح

ولـي الفخـر بـجـدودن حرار مواكير

سلطـان ومريـزيـق مهـديـن الارواح

فرسـان سبـلا يــوم شــل المظاهـيـر

مـركـاضـهـم تــــروح الـخــيــل نـــــزاح

هنـيـت قـلـبـن مـــا تـجـيـه التفـاكـيـر

يـنــام دالـــه خـالــي الــبــال مــرتــاح

ماهـو علـى الدنيـا وجمـع الدنانـيـر

يـبـي أمــورن طيفـهـا كـنـه أشـبــاح

بعـض المواقـف مـا تفـيـد المعـاذيـر

ليـا صـار مـا أنتـا للمعاديـن نطـاح

أحــب أنــا الطـيـب وكـــل المنـاعـيـر

الـلـي لقـاهـم يـشـرح الـبـال ينـسـاح

وأكـره أنـا مـن النـاس كـل المعاثيـر

مثـل البهيمـه بيـن ســارح ومــرواح

أنـــــا بـعــيــدن بـالـنـظــر والـتـفـاكـيـر

وإن تعرضـلـي بالحـكـي كـــل نـبــاح

قصيدة ( أنص الرجال اللي عريق معدنها )

ياالله الحي الكريم الرحومـــــــــــــي......
....... أعمارنا يارب تعلم أجلهــــــــــــا
نعوذ بك من لآفحات السمومـــــــي......
....... نارٍشديدٍ حرها ما نحملهـــــــــــــا
نعوذ بك من كل إنسٍ ظلومـــــــي ......
...... ناسٍ على الغرات باعت ذممهــــــــــــا
دنيا ًعجيبٍ شكلها مايدومـــــــي ......
...... ما ينعرف إقبالها من زعلهـــــــــــــــا
يخافمنها كل عاقل فهومـــــــي ......
....... وتغفل بها ناسٍ طوالٍ أملهـــــــــا
يامطير يا عقب الرجال القرومـــي ......
...... وقيت جدك بالمواقف جملهـــــــــــا
من أولاد حسن كاسبين العلومــــي .......
...... إن قيل ياأهل الخيل فكو ضعنهــــا
لا تستفزك بالمجالس رخومــــــــي ......
...... اللي عياها مختلط مع جهلهــــــا
خلك عن العثرات نفسك تشومـــــــي ......
....... وبالك تتبع كلمةٍ ما وزنهـــــــا
ليا صار عند الطيبين محشومـــــــي ......
...... ما لك بناسٍ ما جدد سملهــــــا
عليك بالطيب قوي العزومــــــــي......
....... ليا إشتدت القالات يرفا خملهـــا
أوصيك لامنه بدالك لزومــــــــي ....
....... أنص الرجال اللي عريق معدنهـــا
لاتغرك الأزوال وبعض الرسومــــــي ......
.......ليا صار ما تعلم خوافي عملهــــــــا
إن جاك خطات الهبيله يزومـــــــــي ......
....... عطه المجال وأنت تاخذ ثمنهــــــا
والثانيه خل عقلك حلومــــــــي .......
....... حتى تعرف أهدافها من حولهـــــــا
والثالثه خلك عليها حزومــــــــي .....
...... الرزق والأعمار ربك كفلهـــــــــا
كلٍ بعقله للمراجل يرومـــــــــي ......
....... متوهمٍ إنه بعالي جبلهـــــــــــا

قصيدة ( يا عيد مبروك على أمة الضاد )

ياعيد مبروكن على أمة الضـــــاد ...

تعود للإسلام بعز وسعـــــــاده

وتعود بأمر الله عليهم بالأمجــــــاد ...

وتعود للأمة حق السيـــــــــاده

وتجبر عزا منهم من جته الأنكــاد ...

وتعوضه الصبر وحسن العبـــاده

وعساك مبروكن على كل الأجواد ...

وأخص بالمضمون أهل القيـــاده

ملوكنا اللي على الحق تنــــــــــقاد ...

قديم حاضر هم ساس الريــــاده

اللي من بعد الله لنا درع وسنــــــاد ...

تاريخ حافل مايبيله شهــــــــاده

من عقب ماكنا للعالم أسيــــــــــاد ...

اليوم صرنا بينهم كالجـــــــــراده

ما للعرب قيمه كثيرين الأعــــــداد ...

كنه غثا سيلن ما به فيـــــــــــاده

العالم تفكر بطويلات الأبعــــــــــاد ...

وحنا نتابع بالسهر فلم غـــــــــاده

وفينا حب الذات والنفس معتــــــاد ...

ماهو فخر تراه والله قــــــــــــــراده

أنظر لقصورن فاخره عقب ما بـاد ...

ومن القهر الشعب صابه مــــــراده

خلك تبصر بأمرهم يالذكي عــــاد ...

صار القتل ما بينهم شي عــــــــاده

ومن الفقر يبكن عفيفات بغــــــداد ...

وحتى أنت تبكي كان مابك بــــلاده

أطلب من الله ينهزم حزب نجــــاد ...

وحزب الأسد اللي كثيرن فســــاده

ما فيه رحمه النصيري وجـــــلاد ...

اللي على شعبه يطلق أعتـــــــاده

قصيدة ( كل الفخر والعز )

كل الفخر والعز وكل البطوله ** في شعب سوري من القهر والغبن ثــار

بصدور عريا ناطحين الجعوله***شبيحة الإجرام وأزلام بشــــــــــــــــــار

للمجد عدتوا يالرجال الزحوله***من مات منكم جنة الخلد لـــــــــــه دار

بانت شجاعتكم ومنا مخذوله***ينصركم الله عالم السر وجهــــــــــــــار

سطرتم التاريخ بعرضه وطوله***ويكتب لكم في ماضي العهد تذكـــــار

تصريح إدانه من العروبه خجوله***قرار فاشل يحمل الخزي والعــــــــــار

الطفل يقتل والثكالى معزوله***وحنا نتفرج بين شاشات الأخبـــــــــــــار

ياخادم البيتين صعل الصعوله***يا فزعة المضيوم من بطش الأشــــــــرار

ياسعود بن فيصل وزير دوله***أنت الأمل يا عقب وافين الأشبــــــــــــــار

ليا قلت تفعل والشجاعه تنوله***ينخاك شعبن منظلم والحكم جـــــــــار

يالله يالي كل طاغي تزوله***يامنجين ذا النون من غب الأبحــــــــــــــــار

يالله يالي ما لغيرك لجوله***تسمع نداهم عالم بكل ماصــــــــــــــــــــــــار

يالله يالي ما لغيرك شكوله***يالواحد المعبود النافع الضــــــــــــــــــــــار

يالله يالي للمساجد مشوله***ياحامي إبراهيم من صالي النــــــــــــــار

يالله يالي كل خلقه إسجدوله***نخشى عذابك يوم لوعات الأبصـــــــــار

يالله تعلم والجرايم مهوله***الراس يقطع وفوقهم تهدم الـــــــــــــــــدار

يالله يارحمن للحق جوله***حكام بالباطل أعمارها قصـــــــــــــــــــــــار

يالله يامرسل صدوقن رسوله***محمد المختار للشر بتــــــــــــــــــــــار

يالله يا مصحي عقولن جهوله***على طريق الرشد يبقى لها شعـــــــار

هذا الدعاء يالله ونطلب قبوله***تهزم عصابة ريس الحزب بشــــــــــــار