الشاعر / فــرج الـبـلاز




عواد عود وأنت بالأسم عواد
.....عــودٍ ومثلك لازم أنه يعودي

طوّل غيابك حيل ياذيب الأولاد
...يالله عساها خير مامن نكودي

الطيب يذكر دايمٍ بين الأجواد
....ولا الردي ينسى ولابه قعودي

لك بصمةٍ ما مسها كل نقاد
...جزل القصيد وكل مابه عهودي

الشعر يسأل وينه اليوم عواد
...يبيه يحيي عرقه اللي يسودي

عرقٍ يموت وفرحته صوت رعاد
....وعواد أقبل يدحم اللي يزودي

والختم صلو عـد ما ثوّر زناد
...وعداد ماهبت من الشرق نودي

على النبي الهاشمي سيد الأسياد
.....اللَي بدون رسالته مانسودي




الشاعر / عواد الدهمشي


كل ٍعلى ما تزرعه يـده حصـاد
.....وانا زرعت الورد واجني ورودي

والطيب لوسقته بالانـذال مافـاد
.......إن مارجعلك شر مافيـه فـودي

وهذا الوفا لوينقسـم بيـن العبـاد
......ياخذ فــرج نصّـه إذا مايـزودي

الطيب للعيّـاش يرضخ وينقـاد
......هذا كلامـي والقبايـل شهـودي

وفـاك يالـبـلّاز بالعـون معتـاد
......دايم على درب المراجل سنـودي

وانـا إذا ربـك اشــا والله آراد
..لارجع وانا ماقول واخلف وعودي

لكن ظروفـي جعلها تبتعـد غـاد
......إدعوا معايـه جعلهـا ماتعـودي

ولازالت ظروفي وبي الزمن جاد
....لاشعل قناديل الشعر من وقـودي

ولاهان كل اللي نشد وين عـوّاد
...واقسم قسم انتم سبايب وجـودي

صح لسان الشاعرين فرج البلاز والشاعر عواد الدهمشي على هذه المساجلة اللطيفة وفقكم الله ومزيداً من الأبداع مع ملاحظة وضع عنوان للقصيدة وشرح اسبابها .