قصائد جديده - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

09-05-2024, 12:38 PM

قصائد جدد

قال عبدالله بن دهيمش بن عبار هذه القصيدة من شعر التصدي للحمله المغرضة :

اهـل البـغي والجـور والكـيـد والظـّلـم *** خــلــوا قـبـايــلـهـم مـثـل قـوم تـبّـع
الساس يبـقى ساس مـا ينصلم صـلـم *** ومجد الفخر موصول ما هـو مجبّع
مصدر نسـب مـا هـو تكهـن ولا حلـم *** ولا هـو هذر الـلي بالمجالس تربّـع
ومن خاض بأنساب القبيله بـلا عـلـم *** فـكـره مـن أقـوال الـمــزوّر تـشـبـع
والجاهل الـلي مصدره عارض الفلـم *** مـثـل الـذي فـي مرتع الروض ربّـع
الـشـرع والـقـانـون لـلـمـعـتـدي ولـم *** يـردع بـه الـلـي لـلـعـيـوب يـتـتـبّـع
لا خيـر بالـلي منهجـه خـالـف السلّـم *** مـا دام فـي بـشـت الـرذيـلـه تـقـبّـع
من بـاع حـظـه مـا نـعـدّه مـع الـزلـم *** حـيـثـه عـلـى هـرج النمـايـم تطبّـع
ومـن دوّر الهفـوات والعيـب والثّـلـم *** مـالـه قـدر فـي كـل مجـلـس يسبّـع

قال عبدالله بن دهيمش بن عبار هذه القصيدة من شعر التصدي للحملة المغرضة :

الــروابــع مـن وحــي فـكـري يـجــنـي *** وأن نـويـت القـاف منظومـه بـدعتـه
خـذ كـلامـي واقـبـل الـمـنـطـوق مـنـي *** من نجاحـك قـلـب حسـودك لـقـعــتــه
ابـذل الـمـجـهـود مـا يـفـيـد الـتـمــنـي *** ازرع وتـجـنـي ثـمـر غـرسٍ زرعـتـه
بالتـجـارب مـن بـلـغ عـشريـن سـنـي *** حـافـظ المعنـا وفـي صـدري طـبـعـتـه
مـن فـضـل مـولاي صـار يـرد عــنـي *** بالـتــراث الـلـي تـكـلـفــت وجمعــتــه
مـا خـبـرت الـجـد يـنـسـب بـالـتـبـنـي *** ومـن تعـبّـث بالنسـب مـا يـوم طعـتـه
بالرجـال أهـل الوفـاء مـا خـاب ظـني *** والـجـحـود الـدرب قــدّامـه قـطـعــتـه
صـنـت مـوروث القبـيـلـة حـيـث أنـي *** راس مـن يـعـتـز بـالـعــزوة رفـعـتــه
والمـعـانـد مـا كـسـب كـود الـهـبـنـي *** ومـن نـوى التزوير عـن شفه منعتـه
والـكـلاب الـلـي مـن الـبـعـد انـبـحـني *** من قـرب منهـن عـلى دنسته قمعتـه
لـو كـثـر نـبـح الـجـعــر مـا خــوفـنـي *** كــل ذيـخ يـكـشّــر بـنـابـه سـبـعـتـه