ياذا الضمير الابيض الطاهر الحيْ=ياذا العقل ياذا الفكر ياذا الاحساس
لد النظر لي وإسمع القول ياخيْ=وخذ كلمة ٍ تعطى من الراس للراس
لاهل العقول الواعيه تعتبر ضيْ=لامن غشاء الافكار تعتيم وإدماس
بالمختصر عن زايد الهرج تغنيْ=كلمة مجرب حطها بين الاقواس
المستحيل لكل الاذواق ترضيْ=يصعب رضى كل الشرايح والاجناس
بس المهم انك مع الحق تمشيْ=ولا إتجامل كل مايل وهسّاس
والناس عاملها على الزي بالزيْ=إلا الردى بالك تخليه مقياس
لو قابلوا حسن العمل منك بالسيْ=لامشكله بالناس نذلين وأنجاس
ولا مشكله لآمال وأحلام تبنيْ=المشكله لو ما بناها على ساس
ولا مشكله تسعى وتطمح وترجيْ=المشكله لو صابك إحباط وإيّاس
ولا مشكله لا إحتاجك الناس في شيْ=المشكله لا صرت محتاج للناس
كان إستطعت لحاجة الناس تقضيْ=تكسب بها طيب وجماله ونوماس
ولو ماستطعت سمان الاعذار تكفيْ=يقنع بها المحروج ويقول لاباس
وإن كان ماسويت لاذي ولا ذيْ=بشر مدورت الفزع منك بفلاس

والـنـاس عاملـهـا عـلــى الـــزي بـالــزيْ

إلا الـــــردى بــالـــك تـخـلـيــه مـقــيــاس

لـو قابلـوا حسـن العمـل مـنـك بالـسـيْ

لامشـكـلـه بـالـنـاس نـذلـيـن وأنــجــاس

ولا مـشـكـلـه لآمـــــال وأحـــــلام تـبــنــيْ

المشكلـه لــو مــا بنـاهـا عـلـى ســاس

ولا مشكـلـه تـسـعـى وتـطـمـح وتـرجــيْ

المشكـلـه لــو صـابـك إحـبـاط وإيّـــاس

صح لسانك وصدق قولك لا فظ فاك وفعلاً الأنذال والخساس مشكلة المجتمع ومع الأسف صار لهم مقام وقدر وجاه بالأخص الذين اصبحوا مقربين وهم يدجلون على المسئولين فأنهم يظلمون عباد الله ويحولون الحق باطل والباطل حق والمشكله الذين مثل أم الثلاثه حيث تجد الرجل السفيه يعيّر العاقل بعقله والكذّاب يعاند الصادق والبخيل يكره الكريم وهكذا تنقلب الموازين

حياك الله شاعرنا القدير ابو مشعل
وصح بدنك وشرفني مرورك لاعدمتك