بسم الله الرحمن الرحيم
أحبتي أضع بين أيديكم هذه القصيدة قلتها بمناسبة الحفل الذي أقامه الشاعر الكبير/ عبدالله بن دهيمش بن عبار العنزي
بمناسبة تخرج إبنه الملازم / منصور بن عبدالله بن عبار

يا ماطيبه ليل ٍ جمعنا واسعده=عند الرجال اللي على الزايد تزود
عند الأديب اللي بذل كل جهده=اللي عن العزوه قضى عمره يذود
قام بعمل لا قبله صار ولا بعده=أشرف عمل فضله لـ عبدالله يعود
اللي بناء صرح ٍ كما الطود بيده=نزه الجناب اللي بالافعال محمود
اللي لوايل شاد مجد وخلّده=وثبت نسبها بالوثايق والشهود
بيّن لـ إصوله والفروع وفنده=حِفْظْ لعوايدنا وميراث الجدود
ولاجاب علم إلا بدليله وسنده=حسب المصادر والشواهد والبنود
ودون القبيله سل سيفه وجرده=يوم الليال اللي بها قدح الزنود
مافيه أحد بالوقت ضامه وضهده=صارم شجاع ليا لبد خطو الشرود
من عانده ياشين حظه ما اقرده=يرجع وراء ويصبح به الحيل مهدود
ماقام به لو نحسبه ونعدده=ماينحصي فوق الوصايف والحدود
هداج عدّ ٍ ماتغير مورده=ما غار من كثر السواني والورود
مجهوده اللي كل رجال شهده=طيلة عواما ً قاربا ً خمس العقود
واللي نسي فضل ابو مشعل وجحده=اما رجل له غيّ وإلا انه حقود
ومهما حصل ماغث باله ولهده=رجل ٍ تميّز بالجلاده والصمود
وهرج الغشيم يفوّته لو ردده=ولكن قيل الهرج مسمار الكبود
رجل ٍ عمل على جميع الأصعده=والحقّ يشكر له صنيعه والجهود
نفسه على بذل الجميل معوّده=وليا نصته اللازمه ماهو لبود
جينا نبارك له بتخريج ولده=ذاك الشبل والشبل من ذيك الاسود
منصور عبدالله عسى مايفقده=مع باق الأخوان السواعد والعضود
حر ٍ لياهده تنومس بهدده=لامن شهر واهوى على الصيده صيود
كرّس جهود وشد حيل من مهده=يسهر لكسب العلم لانام الرقود
الله يقيه شرور وقته ونكده=ويحميه ويكافيه نظرات الحسود
يخدم لدينه ولمليكه وبلده=والخير فاله والأمل فيه معقود
وعبدالله العبار يبشر بسعده=وقت احتمت وإلا بسهدها والمهود
حنّا مع اللي جاء بصفه وايّده=لامن دعانا لشي مادونه صدود
ومن لافرق بين ابيض امسـه واسوده=أكيد مايَفْرق نزول ٍ من صعود
وان جاء خطاء عذرا ً تراني ما اقصده= والله عليم ٍ بالخفايا والسدود

"""" وسلامة الجميع """"

لا أعرف كيف أقدّم الشكر لأخي الشاعر حمد الضوي الجعفري العنزي على هذه المشاعر الجياشة نحو أخيه ولكني أدعو له بالتوفيق في الدنيا والآخرة والشكر والفضل لله أن ما جاء بقصيدة الأخ حمد من مشاعر هي مشاعر كل عنزي شريف وكل رجل من رجال ربيعة يقدّر الجهد ومن فضل الله أنني أسمع من كل رجل من هذه القبيلة أين ما أتجهت عبارات الثناء والتقدير أما الرجال الذين يتنكرون ويدعون بأخطاء ويدعون بأن جهدي غير ذي شأن فهم الذين يعرفون الأخطاء على القبيلة من أين مصدرها أسأل الله أن يهدي كل من يطعن بأبن عمّه ويقف ضد عمله في خدمة القبيلة واهدى الله كل من حاول تزوير نسب عنزة الثابت وجعل الجهلاء يتغنون بمجد غير مجد جدودهم وينتحلون نسب غير نسبهم
وشكراً للأخ حمد الضوي على مشاعره كما أشكر الشيخ جدعان بن زبن بن محروت بن فهد ( البيك ) بن عبدالمحسن بن الحميدي بن عبدالله الهذال أحد أنجال شيخ مشائخ عنزة على أشادته بجهدي وتشكّره من اعمالي لهذه القبيلة وكما قال الشيخ مشعان بن هذال في قصيدته الشيخة :

حنا الذي ترجع لنا كل الأشوار *** لا صار بالقالات شوّار ومشير
وهذا هو شيخ عنزة الذي يرجع له الشور وليس الشيخ الذي يحرّض على الفتنة ولا الذين يلهثون وراء الجاني والجاحد ويدعون بالباطل ويتعاونون على الأثم والعدوان

الشاعر الرائع المبدع / حمد الضوي 0

قصيده رائعه جداً ويستاهل الاديب والشاعر الكبير عبد الله بن دهيمش العبار والف مبروك تخرج أبنه والله يوفقه في دنياه وآخرته 0 اخ حمد اكرر شكري وتقديري واعجابي بما قلت لك مايكتب من الحرف أجمله ومايلفظ من الكلام ابلغه 0 تقبل مروري0

ابو مشعل

لك مني كل الشكر والتقدير لقد شرفتني بمرورك
ومهما قلنا فيك من قصيد أوإشاده لن فوفيك حقك لاشك في ذلك
بارك الله فيك واطال الله بعمرك وجعلك ذخرا ً لقبيلة عنزه خاصه ولقبائل ربيعه عامه
ومن ينكر جهودك ليس عنده ضمير حي وفقك الله وسدد على طريق الخير خطاك



ودي وتقديري

الأخ الغالي
والشاعر القدير
نهير بن رخيص
تشرفت بمرورك وإطلاعك على موضوعي
وإشادتك وسام على صدري بارك الله فيك



انقى تحيه

الشاعر الكبير حمد الضوي موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم
ويستاهل ابو مشعل
وما اقول يالخاال الا


وتقبل مروري