الحر له شوفه وسطوه وهيبه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

07-09-2012, 02:56 PM

بسم الله الرحمن الرحيم
السلام عليكم ورحمة الله وبركاته
اخواني هذه مشاركه متواضعه
اهديها وبكل فخر واعتزاز الى العقيد الركن / طلال بن حجي بن مخيشم الشمري
تقديراً وعرفاناً لما قام و يقوم به هذا الرجل دون كلل او ملل من جهود مشهوده من معروف ينبع
من منابع الشيٌم والاخلاق الحميده ولاهيب غريبه على ابو تركي ومشاركتي تهنئه ايضاً بمناسبه توليه منصبه الجديد

القصيـــــــــــــــده

((الحـــــر له شـــوفه وســطوه وهيبـــه))

سلام ياللي يرفع الراس طـاريك === طــلال يـانســل الرجــال النـجيبه
الطيب منهـج والوفـا من مباديك === وشـروك خصـمً للــردى والمعيبه
الطيب يبقـى والـردى للمهــاليك === والفـرق واضـح بيـن نعـمً وخيبه
قــالوا اسـنافي وافيــاتً معانيـك === وللغانمــه تتـعــب اركـابً نجـيبـه
يامـن لحاتـم طـي ترجع مجانيك === مثل الحيا يحيي الصحاري صبيبه
ربعـك طنايا وابو متعب ابناخيك === حمــولةً ما خـــــاب مـن يعتـزيبه
يالشـــمري ماقول شيً ماهو فيك === الفعـــل كلـن يـذكـــره وايحـكيبــه
قد قالها اللي في زمانه امخاويك === وهـذي حــقايق دون شــــكً وريبه
قالـــوا شجاع ابحزة الضيق يكفيك === زبـــن الذي شاف النكد والغليبه
حيث الخصال اللي اتنومس اتباريك === ديـن وتواضـع فيك ماهي نهيبه
مــكـارمً رب المــلا حطهــا فيـك === وشــــرواك ظلم النفس ما يرتضيبه
مثل الحـرار النـادره يـوم احليك === والحُــر له شـوفه وسـطوه وهيبه
وما دام هذي يابو تركي مماشيك === ابشـــر بخيــر ومثـلك الله يثـيـبـه
الله يعينــك ثـــم للحــق يـهــديـك === وكلن عســـى بالحق ياخـذ نصيبه
نلــت الثقه يالشـمري في تولٌيك === زمـام القيـــاده وانت تدري صعيبه
شلت الامانه والمناصيب تزهيك === وانـــت العلـــوم الغـانمـه تنهقيــبه
ولو ماانت كفوً دون ريبً وتشكيك === مــاتـــم تعيينــك وكلـن رضـيبه
ضــلعً اتـذري من نخاك ولجا فيك === يمنى وعـــون المبتلي مــع طبيبه
من خـلفك ارجـالً تعـــزك وتغليـك === وتبغــــاك درعً بالامـور العصـيبه
بســم الجميـع اقولهـالك واحاكيك === مــن قلـب يضمــرك مــوده عجيبه
واحـب اذكٌــر بس ماني اموصٌيك === ومرمى الهدف شرواك لابد يصيبه
رجٌـــع شــريط الذاكره كود ينبيك === عـن مـا جــرا لاجيال كانت قريبه
الدايـم الله والبشــر للمهــــاليك === ابيـــومً مــن الايــام مابــــه هريبــــه
وامن الثلاثه واحـــد اللي يباريك === واثنيــن فــــي دار الفنــــا والغليبـه
ابديت رايي يا شــريف المساليك === حـيث الليــــــالي مـــــا اتعلٌــم ابغيبه
والقصــــد منها يالسـنافي انهنيك === بقيـادتـــــك يا ســـــــــيدي للكــتيبه

محمــــد بــــن ســــوعان الربيٌــع