أحبتي أضع بين أيديكم هذه القصيده التي وجهتها
كأهداء للشاعر القدير/ سعود بن راجي الفريح
{ ابو فيصل }

أتمنى أن تحوز على رضاه ورضاكم جميعا ً


( لي شهر مشغول )

قال من يمضـي عليـه الليـل مايغفـاه سـاري=يوم غيره نام فوق وساد من ريـش النعامـه
عنده الهاجوس من كم يـوم معلنهـا طـواري=جاهـز ٍ لامــر ٍ يجـيـه ينـفـذه بـعـد إستـلامـه
ماستراح ولا هداء والبحث والتفكيـر جـاري=يبتـرم مثـل المكـوك ويلتقـط باثنـاء ابترامـه
ويتجـوّل للفـضـاء روّاد ويـبـوج الصـحـاري=والبحر لو هاج مـن قـوة عـزم وصرارعامـه
يـاخـذ الـنـدّر ويجـمـع للجـواهـر والـــدراري=وغيـر ذلــك مايفـكّـر فـيـه ويعـيـر إهتمـامـه
لي شهر مشغول كني طالب بفصل إختبـاري=بـاذل ٍ كـل الجهـود مـحـاول ٍ باكـبـر عـلامـه
ليت ابو فيصل رفيع الذات بالموضوع داري=ويَعْلَـم إنـه هوسبـب ماصارجعـلـه للسـلامـه
سعود رجل ٍ لاعدمته للوفاء والطيب ضاري=بـي عمـل معـروف مابنسـاه لا يـوم القيامـه
أدعو الهاجوس يملـي بالرضـى وإلا جبـاري=لجل أجيب من البيوت جزال وتليـق بمقامـه
الكريـم بـن الكـرام الطيـب عنـده لـه مـواري=مـع رجـال الطيـب لـه تقديـر ماقـل إحترامـه
ابن عمي محزمي يمناي لـو تجـري جـواري=جعـل عـود ٍ خلّفـه جنـة هـل التقـوى مقامـه
درع جنبـي واتنومـس كـل مالـه حـل طـاري=وأتفاخـر يـوم تذكـر سيـرتـه مـرفـوع هـامـه
لامشاله مع طريـق ٍ خـوف ياصـل للمحـاري=وأن هرج له منطـق ٍ مـوزون مـازل بكلامـه
شاعر ٍ تخضع له القيفان جبري واضطراري=والجزال مـن القصايـد فوقهـا بصمـة بهامـه
لاستهـاض وقـال مالـه لاوصيـف ولامبـاري=مثـل بحـر ٍ يذهـل السبـاح موجـه وإلتطـامـه
للقصايـد حـط لـه بصمـات فنـي وإستشـاري=ويتبعه جمهـور والجمهـور مابـه يـوم لامـه
مايجيب البيت لامن صار مـن معنـاه عـاري=له بيوت ٍ من قراهـا ياجـد إنسـه وإنسجامـه
مثل روض ٍ تنتعـش بـه روح لاهبّـت ذواري=مكتسيـه الـورد والريحـان وأزهـار الخزامـه
والله أني معجب بطاريه وافخـر بـه وامـاري=يوم بعض الناس متساوي وجوده وإنعدامـه
جاك شكري وإمتناني يابو فيصل وإعتـذاري=وأختتـم قافـا ً بديتـه والسـلام أزكـى ختـامـه

"""" وسلامتكم جميعا ً """"

الأخ الزميل الشاعر حمد الضوي الله لا يشغلك ألا بطاعته وصح لسانك على هذه الرائعه كما عهدناك بارك الله بك ولك مني عاطر التحية

بيض الله وجهك أبا خالد،،،

ووجه سعود بن راجي الفريح ،،،

وصح لسانك ،،،

وهذه شيم الرجال ،، فلا يذكر الفضل إلا أهل الفضل وأنت منهم أبا خالد ،،،

تقديري للجميــــــــــــــــــع ،،،

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

الأخ الزميل الشاعر حمد الضوي الله لا يشغلك ألا بطاعته وصح لسانك على هذه الرائعه كما عهدناك بارك الله بك ولك مني عاطر التحية

ابو مشعل


مرورك على متصفحي يضيف له الشئ الكثير
حفظك الله ورعاك






انقى تحيه لشخصك الكريم

اقتباس : المشاركة الأصلية كتبت بواسطة عبدالله الموسى الخرشاوي [ مشاهدة المشاركة ]

بيض الله وجهك أبا خالد،،، ووجه سعود بن راجي الفريح ،،، وصح لسانك ،،، وهذه شيم الرجال ،، فلا يذكر الفضل إلا أهل الفضل وأنت منهم أبا خالد ،،، تقديري للجميــــــــــــــــــع ،،،

الخرشاوي


وجهك ابيض وصح بدنك ولاعليك زود يالغالي
تشرفت بمرورك العاطر





تحايا