بسم الله الرحمن الرحيم

هذه الابيات اسندتها للرجل الفاضل محمد الدخيل البرازي السهلي ابو بداح من أهالي البطين في منطقة بريدة بالقصيم
وهو من الرجال الافاضل الذين عرفتهم من خلال مجاورتي لهم في تلك المنطقة فقلت /

يامحمد ابو بداح يا قــل عيــــبك ~ يستاهل التمجيد حضرة جنابك
انت الرفيق اللي نباهي بطيــبك ~ وانت الذي وقت اللزم يعتزى بك
تحشم بعيد الساس كنه قريبـــك ~ وتكرم رفيقك والمعادي يهابك
لك عيب مايمسك دراهمك جيبك ~ الا ولا تقفل عن الضيف بابك
شهم وبشوش وبالردى ماحكي بك ~ وكل العلوم الغانمة تلتقى بك
وانت الذي نبت على العز شيـــــبك ~ تتعب على الجزله من أول شبابك
أطلب عسى الله مايردّي نصـيبك ~ وعساك ما تفقد غوالي احبابك
واطلب عسى رب الخلايق يثـــيبك ~ والوالد اللي يابن الاجواد جابك



وهاهو الاخ مليحّ بن مطير اليمني من اهالي البطين بالقصيم حيث عنده دكّه خارج البلدة وكثيراً مانسمر بها وكان يأتينا ضمن الحضور رجاء بن سويلم البجيدي ابو نايف فقلت هذه الابيات :



يامليح ياماطيب المجلاس بالـــــــــدكّه .. وقت الضحى والمسى بطحاه تفرش به
مجلسك مجلس نشاما مابـــــــــهم شكّه .. حيث الصحيب الصخي لمصاحبه يشبه
البر أونس من العمران وبلــــــــــــــكّه .. لاضاق بالك تمشى في خضر عشبه
عن الهواجس وضيق الصدر والضكّه .. شف ابو نايف فسيح البر يطفش به
عسى يحفظك اللذي حفظ حـــــرم مكه .. منبت غلال الثرى خلقه تعيش به
صاحبك اللي تامنه يامسنـــــــدي زكّه .. والخاين احذر منه بالك تحرش به
به ناس منهم تمل وتبغـــــــــــي الفــكّه .. بعض الأوادم ثقيل وعشرته نشبه
من وين ماتتجه يمســـــــــك لك السكّه.. هذاك من رافقه يورط ويبلش به
وان كان جاك الردي بابك عنه صكّه .. تراه من عاشره له يوم يكفش به
لو قلت طاب الردي طبع الردى عكّه .. مثل الذي طالع الشاخص وشوّش به




وهذه الابيات ارسلها لنا الشاعر عبدالعزيز بن ناجي الجعفري

يامسندي دنياك ماهي على الكيف .. ماتمشي الايام حسب اختياري
هم يروح وهم يقبل علي ضيف .. أواجه الاحزان واسكت واداري
واصبر واقول الله يزيل التكاليف .. واضحك وصدري حززته الشباري
اخاف من هرجة خبيث الملاقيف .. اللي بعرض الناس بايع وشاري
اللي صداقتهم هروج وسواليف .. وليا بانت الشدات محد مداري
بدلت عن صحباتهم صحبة الكيف .. في خايع ماحولي الا الحباري
بجو الربيع مبدل لاهب الصيف .. اخاوي القمراء مع الليل ساري
ازين الدله وجيب التواصيف .. ماغير أنا والشعر واشعاع ناري
مبعد عن الانذال كسابة الحيف .. شطرت عنهم يااهل العرف داري
مبسوط لو زادي بقى كسرة رغيف .. أخير من ضيفة كثير الطواري
اللي مراجلهم حتات وتناتيف .. ماله مع اهل الطيب ذكر وطاري

فرديت عليه بهذه الابيات :

عبدالعزيز ارسل جزيل التصانيف .. لفظ الفهيم اللي على الطيب ضاري
اللي ذكرته عند كل العرب شيف .. يوصف ياابن ناجي بكل المحاري
من سانعت دنياه يرقى المشاريف .. ومن عاضبت دنياه يصبر اجباري
ان سانعت يتلها ناعم الليف .. وتودع فقير الحال تاجر عقاري
وان عاضبت تكثر عليك المصاريف .. وتشكي فراغ اليد وقل المصاري
بالناس منهو يقضي القيظ بجنيف .. وبهم الذي يقضيه في جو قاري
وبالناس تلقى طيبين وهذاليف .. فيهم نمور وبالخلايق جعاري
انظر على نشرة صحيفة معاريف .. اللي بغزه يذبحون الذراري
وعراقنا من عقب الانعام والريف .. اقحط وعاثوا به غلاظ العتاري
غزو القنابل والبنات الغطاريف .. اللي تراقص بالقزازه عواري
صاروا يبونا نخفف الدين تخفيف .. والمصحف الطاهر يدنس جهاري

المقصد من البيت

غزو القنابل والبنات الغطاريف .. اللي تراقص بالقزازه عواري

غزو القنابل يقصد به الجيوش التي عزت بعض بلدان الاسلام أما البنات الغطاريف التي تتراقص بالقزازه عواري يقصد منها غزو القنوات ومايعرض على الشاشه من صور اباحيه المخله بالآداب

الله اللهصح لسان يابو مشعل

وصح لسان من اسند عليك

قصائد رائعه من شعراء اروع


ويستاهلن التثبيت واستذنك بتثبيت الموضوع





لاهنت يابو مشعل



احترامي

عبدالله العبار


رجل مواقف وشاعر جزل


صح لسااانك وعلى شانك



ابناخيك

صح لسانك -------شاعرنا الكبير \\\\\ابو مشعل
كلامك واقعي من حاضر للاسف نعايشة مانقول الا ربك يغير الاحوال وهو القادر

تسلم أشعارك يابن عبار وكل قصيد تقوله عبدلله العبار غني عن التعريف كلً يعرفه
أبو مشعل شاعر عنزه جامعً التاريخ كله الله يسلمه أبن عبار سيف الطيب سله

الاخ عبدالله العبار العنزي
السلام عليكم ورحمة الله وبركاته
أتقدم لجنابكم الكريم بتبني هذه الفكره النيره وهي جمع كل ماقيل في الصلاة على النبي محمد
صلى الله عليه وسلم ، لشعراء قبيلة عنزه مثل قول الشاعر
صلوا على النبي مرشد الناس النبي المبعوث راعي الرساله

ابو مشعل صح لسانك ابيات تسطر بحروف من ذهب

صح لسانك ابو مشعل

يستاهل ابو بداح هذه القصيدة

صح السانك يابومشعل وابويوسف يستاهل هوورجاءابنك من تبوك محمدخليف

صح السنة الجميع

من روائع الشعر