 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
07-10-2022, 07:42 AM
|
#81 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال محمد بن عايد بن دوهان يسند على عبدالله بن دهيمش بن عبار : 1149 يا مؤرخ ربيعـه باسمك تـزهى القصايد وكل عنزه تاقف لك لأجل تضرب تحيه مـن رجـال القـبيلـة صـار عـندك شهايـد وأهـل العـلـم تشهـد وأيـضـاً الـداخـلـيـه شـاعـر كـل القـبـيلـة كـان شـبّـت وقـايـد بالشعـر يـا أبـو مشعـل تحـمي الـوايليـه حـيـث قـافـك جـواهـر مثـل عـقـد القلايد كانـه بشعـر عـرضـه أو لحـن سامـريـه يوم حـرب أهـل فارس في ملاقى الولايد في دحـر جند كسرى وصولت الفارسيه بالسيـوف الصقـيلـه أودعـنـاهـم سرايـد ومن نطح قوم اعزل ورد حوض المنيه هـاني أدخـل دخيـلـه يـوم دحـر الضدايـد بالـضـفـر والـرجـولـه فـكـوا المـنـذريـه نـبـي مـنـك الأجـابـه بـالـبـيـوت الـفـرايـد ننتظـر مـنـك ردك حيـث صارت قضيـه وش جـرى من جواري في هذيك الحمايد يا أبـو مشعل عساك بحفظ رب البريـه جواب عبدالله بن دهيمش بن عبار على الشاعر محمد بن عايد الدوهان : 1150 يـا هـلا ومرحبابـك عـشت يا نسل عـايـد يـوم قـلـت القـوافـي تسنـد الـقـول لـيـه ذكـرت كـل الحـقـايـق دون ناقص وزايـد أنـظـر وش بالمصادر وأنا مالي دعـيـه حـرب ذي قـار واضـح عـنـد كـل البـدايـد العـفـوا مـا وعـيـتـه صـار بالجـاهـلـيـه قـبـل هـجـرة محـمـد فـي صفاح الجـرايـد بـالـمـراجـع مسجـل يـا زبـون الـونـيـه نـصـرهـم بالـرمـاح ومـرهـفـات الحـدايـد ونصرهـم بالشجاعه والعـزوم القـويـه أبـن مـسـعـود هـانـي كـان سـيّـد وقــايـد وحـنظـلـه بالمـعـارك قـاد كـل الـسمـيّـه يــوم كــنــا لـهــازم لـلـقــرايـب سـنـايــد جـمعـنـا هـو فـزعهـم دوم فـي كـل هيّـه يـا أبـو عـبـدالعـزيـز اليـوم خـلّك محـايـد حـتّى لـو شفت كـذبه كبـر قـارت طميـه وأن سمعـت الأشاعـه خـلهـا رون سايـد وحـرب ذي قـار مـاهـي يا محمد خـفيـه قال الشاعر محمد بن عايد الدوهان هذه الأبيات يثني على زميله عبدالله بن دهيمش بن عبار إهداء لجناب مؤرخ قبائل ربيعة الأديب عبدالله بن عبار حفظه الله ورعاه صاحب الأيادي البيضاء والتاريخ المشرّف الذي لم يسبقه مؤرخ بإحصاء وتدوين أمجاد ومآثر ومفاخر وأنساب وأحساب قبائل ربيعة وذلك من خلال كتاب قبائل ربيعة، أصدق الدلائل في أنساب بني وائل قبيلة عنزة خاصةً وقبائل ربيعة عامةً : 1151 عـز الله إنـك للمعالـي صنـت وأحصيـت وما ظهـر في كـل ربيعة مـن هـو مثلك مــؤرخ ربـيـعـة عبـدالله ذايـع الـصيـت ولا مـؤرخ فـي ربـيــعــة بــذل بــذلــك يـا مـن بامجاد ربيعـة الفـرس تساميت ياللـي محصي المجـد كلـه مـن يخذلـك يالـلي بـامجاد عـنـزة وأكـلـب تـغـنّـيـت ومحصي مجـد أبـنا جديلة نشكر فضلك بالـفخـر دون القبـيـلـة عـمـرك أفـنـيـت شـاعــر وايـل فــلا مـثـلـك ولا قـبـلـــك سـيـف عـنـزة يـالـلي للـعِـلـيـا تـعـلـيـت لـلـه درك يـأبـو مـشعـل سـامـي فـعـلـك قال عبدالله بن دهيمش بن عبار هذه الأبيات جواب لأبيات الشاعر محمد بن عايد الدوهان : 1152 يـا مـحـمـد الـعـايـد لـقـافــك تـهـجـيــت خـذلـك مـعـاني صاغهـا الفـكـر خـذلـك تعـيش يا محـمـد عـلى كـل مـا اطـريـت أفـخــر بـتـمـجيـدك ونصـحـك وعـذلـك يـا مـحـمـد الـعــايـد هــلابــك وحـيـيـت أعـتـز فـي عــلـم الـفـخــر لا نـفـذ لـك نسـل الـلي يشهـد لـه الـحـي والـمـيـت الـلـه حـسـيـب الـلـي يــدورون رذلــك الـلـي يـشـبـون الـسـعـايـر بـكـبــريــت منطـوقـهـم هـو سـاس نـقـدك وقـذلـك تـقـذل مبـادي هرجهـم كـل مـا أوحيـت ولا تـرغـب الـلي بالهـروج أيـتـفـذلـك قال الشاعر محمد بن عايد الدوهان هذه الأبيات يثني على زميله عبدالله بن دهيمش بن عبار : 1153 الثناء والشكـر يرفع للأصيل أبن الأصيلـه أسأل المولى تعالى يحفظك ويطوّل عمرك مؤرخ قبايـل ربـيعـه حافـظ انسـاب القبيلـة خلدت أمجـاد الأوائـل كلهـا بكتبك وشعـرك يا فـخـر أكـل وعنـزة يا فخـر أبـنـاء جـديلـه وعلمك مع كل القبايل نفخر بصيتك وذكـرك قال عبدالله بن دهيمش بن عبار هذه الأبيات جواب لأبيات الزميل محمد بن عايد الدوهان : عشت يا نسل المهوهي دايم أعمالك جليلـه الوفاء سلمك وطبعـك نـوّر الرحمن فـكـرك صغت جزلات المعاني جزل وعلومك جزيله تـثـني وتـذود عـني واجـبي يالقـرم شكـرك يا عسى يـفـدا جنابك كـل مـن بـاق بعميلـه دمت ياشبه القطامي فوق راس الحيد وكرك قال محمد بن عايد الدوهان هذه الأبيات يثني على زميله عبدالله بن دهيمش بن عبار : لاصارت تمدح لك كبار الأسامي *** لابـد يظهـر لـك خبيث يعـذربـك يظهر لك اللي مثل قول الزلامي *** لا فاعـلن فعـلك ولاهـو مجـنبـك وقال عبدالله بن دهيمش بن عبار يجاري زميله محمد بن عايد الدوهان : يا محمد الدوهان نسـل الكـرامي *** عفن الرجال وقاصر الباع ينشبك عليك باللي مثل وصف القطامي *** لاهـد فـي جـول الحبـاري يشببـك وقال محمد بن عايد الدوهان هذه الأبيات يثني على زميله عبدالله بن دهيمش العبار : 1154 مؤرخ وايـل فخرنا ساس الحميا *** مجـد أبنـاء ربيعـه بكتابه مخـلّـد بشاعر عنزة تفتخـر كـل السميا *** ولـولا مثلـك بـيـت عـزوتنا تقـدد والنعم يا أبو مشعل صعب يتهيا *** لـلـردي عـن مـواجـيـبـه يـصــدد رد عبدالله بن دهيمش بن عبار على أبيات محمد بن عايد الدوهان : حـيـا الفـكـر في محمـد ثـم حـيـا *** القـرم الـلي دوم بالطيـب يـتجـدد محمـد الدوهـان بشوش المحيـا *** للصديـق بـكـمـة الـلّطـف يـتـودد عيا عـلى المرجله والطيب عـيا *** وأن نوالـه راي يجـزم ما يـتـردد محمد بن عايد الدوهان : 1155 هلا يا أديب عنزة يامدون مجد الأوايـل يافخرعزوة ربيعة للنسب والمجد ضابط لاغرابه لانتخو لك يامؤرخ أولاد وايل حنا عنزة يابو مشعل يجمعنا دم وروابط محاورة شعرية بين محمد بن عايد الدوهان وعبدالله بن دهيمش العبار ونواف بن فارس المصرب قال محمد بن عايد الدوهان هذين البيتين يشيد بجهد زميله عبدالله بن دهيمش بن عبار ويسند على الشيخ : 1156 نواف بن فارس المصرب : نظمت القاف يا نواف في مدح مؤرخ الويلان عـبـدالـلـه مؤرخ ربيعه جـمع المجد باطرافه أكـلب مع عنـزة وتغـلب وبـكـر للفخـر عـنـوان رهين المجد وريث الجد حاز المجد من اسلافه وقال عبدالله بن دهيمش بن عبار مجاراه لأبيات محمد بن عايد الدوهان : سلمت ودمـت يالوافي هـلا يا محمد الـدوهـان مكانك يا رفيع الشان أبـد فـي راس مشـرافـه حفظك الله يا أبن عـايـد كلامك يـردع الكذبـان وأنا افاخـر بالـلي مثلك على حميّاه وانصافه وقال الشيخ نواف بن فارس بن فنيطل المصرب هذه الأبيات مجاراة لأبيات محمد بن عايد الدوهان وعبدالله بن دهيمش بن عبار : أبي ارفع لك عقال الراس يا محمد يا أبن دوهان وأمـاري بـك اليـا وافـق قليـل العـرف واحـلافـه تـرده عـن هـوى نـفسـه بحجـه كـلهـا بـرهـان ولا يعانـدك فـي عـرفـك ياكـود الساقـط التافـه وأنا مثلك تراي افخـر بأبـو مشعل رفيع الشان مـؤرخـنـا أنـا افـاخـر فـي دواويـنـه وقـافــــه عسى يـمـد بعـمـره ويجـزاه الـولي باحسـان عـلـى مـا قـدّم لـعـنـاّز لـخـلافـه ولاسـلافـه وقال عبدالله بن دهيمش بن عبار هذه الأبيات مجاراه لأبيات الشيخ نواف بن فارس المصرب : هـلا حيـيت يالمصرب هـلا يا خلـفـة الشجعـان زمـان السيـف والشلـفـا جـدودك لـلـعـدو آفـه حيّاك الـله يا أبن فـارس اعـداد النفّـد والكثبـان وعـدد مـا ربعّت فيضه بـوادي الهيـل وأريافـه قريت بيوتك الجـزلـه لـك الشّكـر مع العـرفـان أديـب وشاعـر وقافك ينومس كـل مـن شافـه لأنـك نسـل حمايـل تحسب مـن قـادة العـربـان أهـل صابور لا هجم عـلى جمع العـدو خـافـه وقال محمد بن عايد الدوهان هذه الأبيات مجاراة لأبيات نواف بن فارس بن فنيطل المصرب : هلا بترثت أخو سكرى سلايل مقـدم الفـرسان هـلا يـا مـقـدم مـعـلاّ رواق الـبـيـت ورفـافــه هلا يا عاشق الأمجاد شيوخ من أقدم الشيخان هـلا يا فخر عـزوتنا يا شلف المجـد واسيافـه سلايـل جـدك نـهـابـه مشايـخ مـن زمـان الـزّان شيختكم سيف مع منسف ماهو تصنيف سولافه وأديب عنزة ابن عـبـار تشهـد حضر والبـدوان هـو مـؤرخ قـبـائـلـنـا مـا احـد يـاقـف بميقـافـه وقال عبدالله بن دهيمش بن عبار هذه الأبيات مجاراه لأبيات الأخوين نواف بن فارس المصرب ومحمد بن عايد الدوهان : كتـب نـواف ومحـمـد كـلام مـن أعـذب القيـفـان وأنـا حـاولـت اجاريهم بشتّى الشّعـر واصنافـه نـواف الشاعـر المبـدع بـحـزت لـلشعـر مـيـدان ومحمـد شاعـر وطبعـه جـزيـل البيـت يحتـافـه شخوص رجـال يفداهم الخايب والـردي كـوبـان نعـم نفخـر بطيب الـلي سمت فوق العلا أهدافـه نـوادر مـن هـل العرفا فخرهم من فـعـل شيبـان رشيـد المصرب ودوهـان لعنق الخصم قصّافـه قال عبدالله بن عبار هذه القصيدة مجاراة لقصيدة الشيخ عايض القرني وبها لفتة نظر له حول الخطأ غير المقصود من تعرضه لرجلين من أبطال ربيعة عند ما قال في شطر بيت ( يفداك يا نايف مهلهل وجسّاس : 1157 الناس يا عايض لها شعور واحساس *** تقرا الخبر وتحلـل الهـرج تحليل لا بـاس فـي مـدحـك للأجـواد لا باس *** لاشك لاتفّدي شخوص الرجاجيل وش جاب طاري للمهلهـل وجسّاس *** أموات في جوف الحفر والدراكيل وش عرضّك لأموات وايل بالأرماس *** تعـرض اسماهم للفـدا والتبـاديـل نـايـف ســلايـل لابـة مـابهـا أدنـاس *** مـن ساس لابه بالدياجي مشاعيـل مـار التفدي مـا جرى بكل الأجناس *** ولا قيـل مـثـلـه بالسنيـن المساميل شرواك صان النفس عن كل لولاس *** يـحــل عـقـد مشربـكـات المحابيـل والهـرج لـه يـا ماكـر الطيب مقياس *** حيثك نهلت من الذي جاب جبريل حـفـظ حديـث الترمذي وأبـن عبّاس *** جـل الصحابـة طيبـيـن المفـاعـيـل صل وتهجد وأبتهل وقـت الأدمـاس *** عالـم ولـك فـي هجعـة الليـل تهليل سامع حديثك مـاهوى جفنه انعاس *** لفظك مثـل عـذب القـراح الشهاليـل حـديـث يـجـلي كـل هـم وهـوجاس *** نسمع مـن لسانك مـواعـظ وتـرتيـل يـامـا أهتدابك فاجـر يشرب الكاس *** ما انت الذي هرجك تدلس وتضليل مــا دام خـفّــك لـلـرديـات مـا داس *** وش بـك تهـاون بالقـروم المشاكيل أبطال نسل أبطال والعـرق عسّاس *** مـرويـن حـد المرهـفـات المصاقيـل يخبـرك عنهم ذو يزن وأبـو نوّاس *** ضد العصاه أهـل القلـوب المغـاليـل جساس خـلا الجمع بالكون يحتاس *** والـزيـر أخذ بالثار يـوم المصاويـل صيـد الحمايـل للـمنـاعـيـر طساس *** الـلي بلقـاهـم يـفـتـر العـزم والحيـل تحية وثناء لابن عبّار مع تحيات الدكتور عائض القرني : 1157 شعـر عبدالله يشبـه اللـّول والـمـاس *** تـقـول بـهّـر هـيـلهـا فـي فـناجيـل من نسل وايـل لابة الجـود والـبـاس *** بذي قار وايل بادوا الفرس والفيل وايـل مـقـابـيـس المـعـارك وفـرّاس *** صالواعـلى جمع الأعاجم تقل سيل يقول الاعشى تاج وايل على الراس *** كـل العـرب قـامـوا لـوايـل بتهلـيـل حـكّـام دولـتـنـا ووايـل لـهــم سـاس *** أهـل المقصّب والزحول المشاكيـل كـلام أبـن عـبّـار بـالمسـك نـسنـاس *** جـمع مع وقـتـه صفات الرجاجيـل اشْكـرْك شكـرن مـن تبالـه لمكنـاس *** تـبـقى وتـسلـم دوم يا وافـي الكيـل هذه الأبيات للشاعر بشيّر المطيري يعرّض برجل الأعمال المعروف هزاع بن عايش أبا الروس العنزي الرجل الذي يشيد به كل من يعرفه من الأجناب والأقراب وهو من الرجال الذين لهم مواقف طيبة في الكرم والبر والإحسان وقد أهدي له أحد معارفة ذئب ووضعه في شبك في استراحته وبدأ كل يوم يقدم له ذبيحة حتى طلبه منه أحد المشائخ فأعطاه أياه وقصة : 1158 يا ذيـب يـالـلـي دقـقـولـك منـاسيـب *** شـرواك مـا تـرضى عـليـه الأهـانه الشيـخ يـا هـزاع مـا يسجن الـذيـب *** مفـروض يطلع وأنـت تبـقى مكانـه سبع الخلا في حوشكم جـاه تـعـذيـب *** أسـيـر عـنـدك يــوم غــّره زمـانـــه فـكـه ورزقـه يـعـلـمـه عـالـم الغـيـب *** ربٍ خـلـق خـلـقـه عـلـيـٍم بـشـانــه ولا أنت رزقـك بالحفـر والسراديـب *** تـاخـذ عـلى فـتح المجـاري ضمـانه أبـن سعـيّـد فـاز بـه منـقـع الـطـيـب *** عـشّـاه كبـش يـوم سـمـع أعـويـانـه الـشـمـري كـسّـاب كـل الـمـواجـيـب *** ولا أنـت في دارك حـصـل لـه لعـانـه واليـوم تـبي المـدح في شمّخ النيـب *** تعـرض على الساحة وتعرض بدانه وقال عبدالله بن دهيمش بن عبار هذه القصيدة وهي نصيحة للشاعر بشيّر المطيري مأذكّره بمآثر الرجل الفاضل هزّاع بن عايش أبا الروس العنزي هذا الذئب لا تبرر لهذا الشاعر أن يقدح برجل فاضل من رموز عنزة قال الشاعر بشيّر المطيري : 1159 قـال الـذي رتّـب مـبـاديـه تـرتـيـــب *** وسجّـل سطـور القـافـيـة فـي بنانـه بـديـت أركـبّ جـملـة الشعـر تركيـب *** أنـظـم جـزيـل القـاف وأفهـم أوزانـه من صافي النقروح عذب المشاريب *** أنـهـل قـراح الـقـيـل وأتـرك سيـانـه هذبـّت منظومي عـن النـقـد تهـذيـب *** والشخص تعرف سيرته من اقـرانه أرسـلـت لـبـشـيّـر بـيـوتـي مـنـاديـب *** عـسى عـن الأجـواد يـمسك لسانـه مالـه عـلى مخـلـوق ربـي مطـالـيـب *** والـفـاهـم المـدرك عـلـيـه الميـانـه الرجل يخطي بعض الأحيان ويصيب *** ويستخـدم المعـنـا بـعـقـل ورصانه والهـرج من غـيـر الحقايق طباطيـب *** ولا خـيـر بـالـلي مـا كـلامـه تقـانه تلـقـا مجـال القـاف شـرقٍ وتـغـريـب *** لاشـك لا تـفـتح عـلى القـدح خانـه القدح يخرب بين الأصحاب تخـريـب *** وحكي الخطأ مـا جـاز تنشر أعلانه الـنـاس مـا تـقـبـل مـسـبّـه وتـأنـيـب *** والحـلـم مـن بـعـد التمـادي جبـانـه الـنـار تضـرم بالعـطـب والمشاهيـب *** والـرجـل يـا بشيّـر لسانـه احصانـه عندي عـلى ما قـلت بالشعـر تعـقيب *** وضحّت لـك والـقـول تـفهـم بـيـانه وضحـت لـك قـافـي ولابـه شـواذيـب *** والـقـيـل قـصده يفهـمـه تـرجمانـه شـرواك مـا يلـفـظ مـسبـة وتهـزيـب *** مـادام تـوصـف بـالـذكـا والـذهـانـه شاعـر وعـنـدك بـالـقـوافـي أساليـب *** شاطـر لـسـان ولا بـعـقـلـك سكانـه لـيـتـك عـن الطـيّـب تجنبـت تجـنيـب *** وخـلـيـت سـبّـك لـلـردي والهـدانـه سب الـذي يبـرم على الناس وأيليب *** مـا يستحي وجـهـه تـقـل سختيـانـه وسب الهذور مشطّب النزل تشطيب *** الـلي جـمع خسّـه وخـبـث وعـفانـه وسـب الـذي يـوم الليـالي شلاهـيـب *** لـو كثـر مـالـه مـثـل عشب الدمانـه ولا تشمـت الطيّـب قـليـل العـذاريـب *** لـو قـلت هـرجـك ما يهـزهـز كيانـه هـزاع يـا بـعـده عـن اللـوم والعـيـب *** رب الـمـلأ من كـل عـذروب صانـه أبـو فهـد يـبعـد عـن الشك والـريـب *** عنـده عـن هـروج المسبـه حصانـه يـامـا عـنـالـه معـوزٍ فـارغ الـجـيـب *** أنـعـم عـلـيـه وعـاد يشكـر احسانـه من جـود كـفّه مـا حصاه الحواسيب *** يـبـذل وربّـه سامـك العـرش عـانـه يـامـا عـطـأ مـن زاهـيـات الدبـاديـب *** وزمـل فـحـولـه مـا تـغـالا اثـمـانــه تـشهـد بـطـيـبـه لابـتـه والأجـانـيــب *** والـكـل يـبـدي لـلـكـريـم أمـتـنـانــه وضّف عـلى جـزر الذبايح قصاصيب *** فـي كـل يـوم الحيـل يـذبـح اسمانه يـبـدي لـمـن زاره تـهـلي وتـرحـيـب *** تـبـهـلـل حـجـاجـه وتضحـك ثمانـه خدمة وطن سهّـل جميع المصاعيب *** مخلص ضميره مـا يعـرف الخيانـه ساوى الطعوس النابيـة والحراديـب *** ومشى عـلى الخطة بصدق وأمانـه عـلـى الخـرايـط كـان دق المنـاسيـب *** يـودع تـضـاريـس الفيـافـي لـيـانـه أبـو فـهـد يـعـتـز فـي شـمّـخ الـنـيـب *** مـنقـيتـه شـاق الـنـظـر ويضحانـه اللي أرخص أمواله بحرش العراقيب *** وضـحٍ تـلالأ مـثـل لـون الجـمـانـه الـبـل لـك الـلـه لـلـبــوادي مـراكـيـب *** هي باص من سافر وهي سبرمانه مـن دونـهـا يثـنـون عصم الأشانيـب *** يـوم الشلافي تـقـل جـلـد اسطـوانه بـاسبـاب نـاقـه فـتـك جساس بكليـب *** صـابـه سهـم نشّـاب مـن خيزرانـه أبـو فـهـد هـزأع ريـف الأصـاحـيـب *** والـنـعـم بـعـيـالـه وجـملـة اخـوانـه حـرٍ يـشبـب مـن تـنـصّـاه تـشـبـيـب *** فعلـه هـو الـلي عـنـد الأجـواد زانـه مـا يـنـزل ألا بـعـالـيـات الـمـراقـيـب *** يـرقـى الـعـوالي مـا نـزل بالطمانـه ومكـازي الـلي نـال بالـذيـب تلـقـيب *** جـاد ورفـع بالطـيـب قـدره وشـانـه أبـن سـعـيّـد بـالـكـرم لـه مـجـاذيـب *** والغرس تنمي من جذوعه غصانه خـوالـه الخسران هـم منـقع الطيـب *** وبـه عـرق مـن والد عـدي وسفانه وهـزاع ذيـب وطاب لـه خـوة الذيب *** يـامـا تعشى الذيب مـن حيـل ضانـه سبـع الخـلا لـه بالصحاري تجاريـب *** بالقيـظ شـوب وبالشتاء هـرمـزانـه ياما هرب من خوف دعس الدواليب *** ويامـا سمع صوت المشوّك بـذانـه من عقب ما يطنّب من الجوع تطنيب *** فـاخـت هـريـفـه بالخـلا واعـديانـه كـان بـمـغـاره بـالـتـلاع الضنابـيـب *** يستنشق الجـيـفـة وريـحـة اصنـانـه وصار بحديقة عن سموم اللواهيب *** وأرتـاح مـن حـوف الغـنـم بالشنانـه عند المطوطح ماعلى الذيب تـثريب *** مـاه وطـعـامـه تـنـقـلـه مـعـربـانـــه تـكـفـلّــه حـتـى غــدالــه لـغــابـيـب *** حـبـاه فـي عـطـفـه وفـاز بـحـنـانـــه لو تنشده يعـرب عن الشكر تعـريب *** حيثـه بـعـز ولا حـصـل لـه مـهـانــه الـوايـلـي طـوّع شـطيـر المخـاليـب *** لا شـافـه السـرحان جـتـه استـكـانـه ربـعـه بـني وايل عطاب المضاريب *** يـوم الـفـرنـجـي ثــايـرٍ جـبـخــانـــه فـي ساعـةٍ راس الفتى ينقلب شيب *** والـريـق بحـلـوق الـفـوارس ذنـانـه نـالـوا فخـرهم بالسيوف المحاديـب *** حـد الحـدب يـروون شـذرة اسنـانـه أفـعـالـهـم فـوق الجـيـاد الـمهـاذيـب *** يـوم الـرمـك بالكون تـرخي عـنانـه فـازوبـهـا يـوم الـنجـايـب جـناديـب *** فـوق الهجين الـلي يـكـّرب ابـطـانـه ماراعهم من صولـة الخصم ترهيب *** حـتى الـذي مـعـهـم مـدافـع ودانـــه التـرك جـوهم فـي تلطـف وتـرغيب *** وتشهـد بـفـعـل جـدودهـم تـركمـانـه أولاد وايـل تـنـطـح الجـمـع لاهـيب *** يـوم الـقـبـايـل مـا تـعـرف الـديـانــه والـيـوم مـا ياجـب تحـيّـز وتعصيب *** تـبنـا وحـطـيـنـا السـهـم بـالـكـنـانـه حـنـا بـزمـان يطـرب البـال تطريـب *** مـثـل الـربـيـع الـلـي زهـا ديـدحـانـه نمشي عـلى منهـاج حكم المعازيب *** وزال الـزمـان الـلي عسيـر امتحانـه الـلي نصبوا عـلى الرعية مناصيب *** ولا يـربـح الـلي عـادل الشـرع دانـه هذه القصيدة محاورة بين ساهر ومواطن نشرت في جريدة الجزيرة قبل عشر أعوام : 1160 1- قال المواطن : ساهـر سهـر يسهـر لجمع الدراهم *** ما راف باحوال الضعوف المساكين أهـل الجيـوب الفارغـه هو بلاهـم *** كـم مـعسـرٍ مـع فـاقـتـه حـمّـلـه ديـن 1- قال ساهر : ما كان قصدي مال مـار أنـت واهـم *** الحمـد لـلـه عـادل ومـنهـجـي زيـن قـصـدي بـتـقليـل الحـوادث أساهـم *** وأثـبـت جـدارة مـهنتـي بالبـراهـيـن 2- قال المواطن : يـا سـاهـر المـخلـوق ربـي وقـاهـم *** الـلي لـوجـهـه يـسجـدون المصليـن مـا أنـت الـذي عـن المقّـدر حماهم *** حماهم الـلي كـوّن الخلـق مـن طيـن 2- قال ساهر : ترى الـرجـال الـلي بـعـيـده مداهـم *** يثنـون مـا دامـوا عـلى الكون حيين أنـي ردعـت عيالهـم عـن خطـاهـم *** وساروا عدال بمسلك الحـق ماشين 3- قال المواطن : مـن لا اعتدل ممشاه عض الأباهـم *** ولافـاد قـول الحيف أو قـول ياسين الـلي انجـبـوه الـلـه يجبـر عـزاهـم *** رب الخـلايـق يـرحم الحـال وأيعيـن 3- قال ساهر : عـنـدي فـلاش لكل مسرع أيـداهـم *** وسط المدينة من مشى فوق سبعين حـتى بـسريع الطـرق للقـوم ناهـم *** رصدت الـلي يجتـاز مايـة وعشريـن 4- قال المواطن : جيـت الشباب وجايح البيـن جـاهـم *** ياويلهـم فـي كـل سـرعـه مجـازيـن لجـوا وجضوا منك وأصبح جداهـم *** بس الدعـا والهـرج وسـط الدياوين 4- قال ساهر : مهما دعـوا ما أشكل عليه ادعاهـم *** لابـد مـا يخضعون لأمـري مطيعيـن والـلي هـجـوني بالقـصيد أهـجاهـم *** أنـظم وأرد الصاع بالشعـر صاعين 5- قال المواطن : يـا ساهـر أرفـق بالضعـافـي تـراهـم *** متعـطليـن جـيـوبـهـم مـا بـهـا شين الـوقـت مـن شـح الـمـوارد وطـاهـم *** مـامـن حـلال ولا أمــلاك وبساتيـن 5- قال ساهر : لـومك عـلى الـلي يبالغـون بغـلاهـم *** زادوا عـلى اسعار السلع بالدكاكين يـا لـيـت لـوهـم يـكتـفـون بـغــناهـم *** رصيـدهـم وسط المصارف بـلاييـن 6- - قال المواطن الـلي أغلـوا السلعة مشيت بسراهم *** مجهـد وبفـلاشك جمعـت الملايـيـن أسـرع مـن الطـلقـه فـلاشك رماهـم *** تلبـد لهم وسط الشجر بيـن سيديـن 6- قال ساهر : الـلـي مـن فـلاشـي تـكّـدر صفـاهـم *** في ما مضى كانواعن الدرب لاهين لــولا فــلاشي بـالـغــرامـه وداهــم *** كـان اسـتـوت للضالـيـن المـضلـيـن 7- قال المواطن : أهـل الـرصيـد الميسريـن وسواهـم *** هيهات مـاهـم عن مغـارمـك داريـن لكـن ضعـوف الناس تبحث خفـاهـم *** وش يعمل الـلي راتـبه دون الألفين 7- قال ساهـر : أهل الغوى والطيش نـلعـن ثـواهـم *** حيـث أنهـم في حق الأجواد مخطين ما أعف أنا عنهم ولا أتبع هـواهـم *** ولا أجامـل الـلي يخالفـون القوانيـن 8- قال المواطن : يـا ساهـر السهـران ليـتـك تـفـاهـم *** وليـتـك تعـامـل سايـر النـاس باللين لـيـتـك تـعـف ولا تـخـيّـب رجـاهــم *** تغضي مـرافـه مـا تقـل شافت العين 8- قال ساهر : مـالـك ومـال أهـل التهّـور عساهـم *** مـا يـرشدون الطـايشيـن المجـانيـن أوذوا جـميـع الـمسلميـن بـغـثاهـم *** والـواجـب أنـك مـا تـشفع لطـاغـيـن 9- قال المواطن : تـرى الكهول الـلي تخالـف ضناهم *** هـم يـدفـعـون مـخـالـفـات الشقيـيـن شـيـابــهــم لـيـتــك تــكّـرم لحـاهـم *** مـع الكبـر سكـر وضغـط وطواعين 9- قال ساهر : أفـهـم جـوابي وأنـت مدرك وفـاهـم *** بالصدق ما هرجي هقاوي وتخمين أنـا خـصـيـم الــلي تــزاود عـيـاهـم *** شيبـان ولا مـن صـغـار الـغـلامـيـن 10- قال المواطن يـا لـيـت كـل الطـايشيـن اتـحصاهـم *** ويالـيـتهـم وسـط العنابـر مساجيـن الـمـفسديـن أهـل الـتـهّـور جـزاهـم *** غيـر الغرامة جلـد مع سجن عامين 10- قال ساهر : شـلـة هـل التـفحـيـط هـم وزمـلاهـم *** الـلي يـحـطـون الـشـوارع مـياديـن لازم نـرد أهـل الغـوى عـن غواهـم *** بالحد الأقصى وندبل الغـرم ضعفين 11- قال المواطن : نـطلـب عسى رب العـبـاد أيهـداهـم *** ونعـوذ بالـلـه مـن رجيـم الشياطين الـلي اشتكوك وطالبـوا من عناهـم *** وش عاد لـو معهم عن الغيـر تأمين 11- قال ساهر : مـا دام فـعـلي عـن جهلهـم نهاهم *** وعقب الجهل صاروا لك الله صاحين أنــا شـفـاتـي يـرتــفـع مستـواهـم *** مـثـل ثـقـافـة شـعـب لـنـدن وبـرلـيـن 12- قال المواطن : أخـبـرك كـل النـاس غـايـة مـناهـم *** ترجع عـلى مصدرك بخلال يـوميـن لـو كـان تسمـع بالـمجالس لغـاهـم *** كـان ارتحلـت وشلـت بالحال هلحين 12- قال ساهـر : يالـلي تقـول الناس ساهـر وساهـم *** أدخـل عـلى الـلـه مـا ظلمت البريين الـلي أومروني طعتهم مـا عصاهم *** وأنـتـم عليهـم ضدي اليـوم شاكـيـن 13- قال المواطن : شعـب الـجـزيـرة للحكومـه ولاهـم *** أجـواد فـي كـل المـواقــف وهـاديـن يمشون بأمـر ملوكهـم وزعـماهـم *** الـلي عـلى عـز المواطـن حـريصيـن 13- قال ساهر : كانك صدحت بعـالي الصوت زاهـم *** وتـقـول كـل الشعـب مـثـلك مـناديـن أزبـن عـلى الـلي جارهم ما شناهـم *** نـوادر شخـوص الـرجـال المسمين 14- قال المواطن : نزبن على الـلي نلتجي في حجاهم *** الـلي عـلى شعـب الجزيـرة سلاطين نلـوذ عـن صلـو الهجـيـر بـذراهـم *** نسـل الملـوك الطـاهـريـن التـقـيـيـن هم ذخر اللي من ظيم ساهر نخاهم *** حرز الوطن بيض الوجوه الميامين حكامـنـا جـادوا عـلـيـنـا بـصخـاهـم *** مـن فضلهم نـنعـم عساهـم قـويـيـن حكّامنـا الـلي الشعب فـاز برضاهـم *** سادوا بعـدل وطبّقـوا منهـج الـديـن حـكامنـا الـلي كـل معسـر نـصاهـم *** الـلي ربــيـنـا فـي ذراهـم عـزيـزيـن زبـن الدخيـل وضيفهم مـا شنـاهـم *** سلايـل شخوص الـرجـال المسميـن الـلـه مـن علـوم الفضيلـه عطاهـم *** سـاروا عـلى منهـج خـتـام النبـيـيـن رب الملا مـن شعب نجد اصطفاهم *** نسل الـزعيـم سعـود شـم العـرانيـن عـسـى ولـي الكـون يـرفـع لـواهـم *** رمـز الجلالـة والشعـار أبـو سيفيـن وعسى ولـي الكون يدحـر اعداهـم *** ويـفـكهـم مـن شـر كـيـد الـمـعـاديـن يتبع التعديل الأخير تم بواسطة عبدالله بن عبار ; 07-10-2022 الساعة 10:27 AM |
|
|
|
07-10-2022, 08:13 AM
|
#82 |
|
صاحب الموقع
تاريخ التسجيل: Mar 2008
المشاركات: 10,329
|
تابع كتب الشاعر نهيّر بن رخيص هذه الكلمات والأبيات يشيد بزميله عبدالله بن عبّار يقول : شاعر عملاق وراوي اصدر الكثير من المؤلفات ومنها ( اصدق الدلائل في انساب بني وائل ) وكتاب ( قطوف الازهار) وهورجل معروف على مستوى الخليج العربي وكذلك الوطن العربي مواقفه ودفاعه عن قبيلة عنزه معروفه ومشهوره يعرفها الداني والقاصي ولاتخفى على أحد رجل صدوق كلمته لاتصير كلمتين أنا لم اقابله قط ولكن الرجل كلً يشهد له بذلك والناس شهداء الله في ارضه نعم هذه الحقيقه وقلت بهذه الأبيات : 1161 طـيـبـك يا أبـن عبـار كـلاً شـهـدلـه *** والناس ما اجتمعت على كلمة الزور مـواقـفـك كـلاً يـشـيـد وحـمـدلـــــه *** وأنـت الـذي بالعسر واللين مخبـور حكـيـم رأي وكـل مشـاورك عـدلـه *** ومن كان عنده مشكله جاك بالشور تـحـل عـقـدة مـن خصيـمـه قـعـدلـه *** تـرجي وراها رحمة الـرب مـأجـور قال عبدالله بن عبّار هذه الأبيات رداً على الشاعر نهيّر بن رخيّص العنزي الشاعر اللي ما نخى من قصدلـه تعـيش يا نـهـيّـر وبالخـيـر مـذكـور أطلب عسى تلبس من العـز بدله وعساك دايم يا أبن الأجواد مسرور مـن لابـة قـصـيـرهم دوم يـدلـــه أولاد وايـل عـزوتـك مـابـهـا قـصور قـبـيـلـة مـن عـال متنـه اتهـدلـه بالسيـف الأمـلـح ذلـلـوا كـل ممـرور وقال الشاعر نهيّر بن رخيّص هذه الأبيات يسند على زميله عبدالله بن عبار العنزي : 1162 الـلـه يبـيض وجهـكـم يأبـن عـبـار *** عـز الله انك فخـر لعيـال وايـل جبت الحقايق واضحه مابها انكـار*** ولجـمـت مـنـه للحقـايـق يحايـل الحق مثل الشمس واضح للأبصار *** وانت السنـد محضـره بالدلايـل مثل الذهب من صافي القول تختار *** قـريت أنـا ملخصـات الجـزايـل مـن كـل نـوع مـثـبـتـه تـقـل نـــوار *** للي يشكك واضحـات الرسايـل قال عبدالله بن عبار هذه الأبيات مجاراة لأبيات الشاعر نهيّر بن رخيّص يا أبن رخيّص عشت يا حر الأحرار *** يالنـادر الصاروم ذرب الفـعـايـل مشكـور يـالـمنعـور يا طيّـب الكـار *** اشكر جنابـك يا عـريـب السلايـل حـنـا عـنـزة يالوايلي مـابهـا أنـكـار *** قولي عليه شهود صدق وصمايل سجـلـت تـاريـخ القبـيلـة بالأسطـار *** ودونت هرج الصدق والشك زايل والـلي الحسد بقـلوبهـم يلتهب نـار ***مـا أشكـل عليّـه كيـدهـم والدغايـل قال الشاعر نهيّر بن رخيّص العنزي هذه القصيدة يسند على زميله عبدالله بن دهيمش بن عبار : 1163 تـرى النسـب ثـابـت ولافـيـه تجـديـد *** وتاريخ عنزه من قبل حـتى الاسلام وفـي كتب أبن عبار نفخر بها نشيـد *** قـول الحقايق مـا دخل بهـا الاوهـام تـعـب عـلى تـألـيـف فـعـل الصناديد *** وعن القبيله وقف في وجه الاخصام ويـوم المشاكل ماظهـر زيد وعبـيـد *** يـوم عنـزه تعرض عـلى ظلم الأقـلام وقــف أبـــن عــبـار ضـد الحواسيـد *** فـي موقفـه مشهـود بالموقـف التـام مـثـل الجبـل حيـد لـلأخـصام تحيـيـد *** رفـع عـلـمـنـا فـوق جـمـيـع الأعـلام وسكت افـواه الكذب والزيف والكيد *** بـقـول الحقـايـق الجـم فواهها الجـام وبعض البشر بالخبث راضع من الديد *** يسعـى عـلى التفريق مبـداه هـدام يـأخذ اشاوره مـن افـواه المقـاريـد *** وبعـض المشـاور للرجل تعـدم اعـدام ونـاس تـعـبث بـالنسب دون تأكيـد *** وترى الـنسـب متسلسلً مـثـل الارقـام ماهو على كيف المـزور ومايـريـد *** وعـيـال وايـل بـالـنسب قــومً عــظـام يشهد لـنا عصر الجهـل والبواريـد *** عــدونــا سـهــران بـالـلـيـــل مــانــام حنـا الذي تشهد لنـا المدن والبـيـد *** وتشهـد لنـا كـل العجم وايضـا الاروام وحنا الذي مبطتي كسبنا التحاميـد *** وتـشهـد لـنـا قـحطـان وايضا بني يـام وكـل القـبـايـل نعـم بـدون تـحـديـد *** رجـالـهـم بـالـطـيــب مـتـحــزم حــزام وكـل ديـرة بالطـيـب لـهـا مـوالـيـد *** والـطيب مقسـم بـيـن خلـق الله اقـسام والطيب متـفـوات مابيـن الاجـاويـد *** ماهي سوى باحجامها عـيال الاكـرام قال عبدالله بن دهيمش بن عبار هذه القصيدة جواب للشاعر نهيّر بن رخيّص العنزي : 1164 يا أبن رخيّص سرنـي مـنـك تـمجـيـد *** جـهـدن بـذلـت لعـزوني يعتبـر هـام تـاريـخ مبـطي لـه مـراجـع وأسانـيـد *** مـا هـو كـلام مـرّوج الـهــرج نـمّـام وبعض العلوم تسوّد الوجـه تسويـد *** مثـل الـذي حصل قـبـل عـدّة أعـوام الـلي يحسّـب نـقـل الأنـسـاب بـالأيـد *** يصـدر عـلى وايـل قـوانيـن واحكـام لـولاه مسجّـل نسـب عـنـّاز بـالـقـيـد *** يبـون نـقـل أنسابنا غـصب وأرغـام قلنـا لهـم يـا نـاس عـيـب ومـنـاقـيـد *** مجد عنزة معـروف بالشرق والشام مجد عـنـزه عـنـد الـعـرب والأكاريد *** والتـرك تـشهـد بالحقايـق والأعجـام أنـا افـتـخــر بـمـروبـيـن الـبـغـاديــد *** مثـل البطـل سعـران وجـديـع ودهـام وجدعان زبن الجاذيـة خـلفـة مهيـد *** والـبـيـك فـهــد والـدريـعـي وسـطّـام المدح يزها القحص والقرم أبن زيد *** وقـفـاتـهــم تـذكـر عـلـى مـر الأيـــام والـكـل يـذكـر مـوقـف مـهـلي عبيـد *** سـاس الحـمـيّـة سـار بـالـربـع قـدّام الطيـب يـا نـهـيّـر بـالأجـواد تعـويـد *** والطيّـب الـلي بالفخـر يشبه اعـصام عندك خبر وش قـال عـدوان لسعيد *** أنـا أشهد أنـه يافتى الجود ما أيـلام يالقـرم كـيـف المخـمريـن المـلابـيـد *** الـكــل ربـعــه يـنـدبــونــه ولا قــــام مـابــه مـعـّـزه لـلـرفـاقـه ولا يـفـيـد *** ويفـرح اليـا جـالـه مـن الربـع عـّزام الـيـوم قـامـوا يـالسنـافـي بـتجهـيـد *** عن الشكـر منطوقهـم سـب واشتـام الـكـل يـبـي يـقـال لـه سـم يـا سـيـد *** لاشـك راحـت كـنهـا اضغـاث الأحـلام قال الشاعر نهيّر بن رخيّص هذه القصيدة مشكور 1165 قبـل الهـلال ومن قـبـل زحـمه السيـر *** نبي نهني شاعر عنزه بالعيـد حـيـث ابـو مشعـل لـه معـزه وتقـديـر *** أقولـها وأكـرر القـــول تأكيــد يـعـيـد عـيــدك يـاكـبـيـر الشـواعيــر *** ويحفظك ربي عن جميع الحواسيد حـق (ن) عـلينا يازبـون المخاسيـر *** يأديبنا المعــــروف راع المفاريـد أنت الذي موقفك بالموقـف الغـيـر *** وكـل عـنـزي مــدان لك بالتماجيـد في النسب والبحث عندك مصادي *** وأنت الذي دونت فـــعل الصناديـد وقول الحقايق حافظه بالمحابيــر *** يبقى ســــند للمسـملات المباعيـــد تبقى الشواهد شاهده لك مفاخـير *** تــشهد على قولي جميع الاجاويد حطيت مرجع للرجال المشـــاهير *** وحفظت فـــعل جــدودنا خير تقييد متسلسله في النسب من وراء الزير *** رويتها بدون نقـــص ً وتزويـــد بأحداثــــها صورتها لنا تصـــوير *** ماهي افـــــعال المرجفين الملابيد المجد صعب ولأ او صلوه المعاثي *** اهـل الهـــروج مدورين المناقيــد وانت الذي نرجع لك الشور وتشير *** ياعل يفــــدونك جميــع المرابيـد الي السنتهم مثـــــل هـاك المناشير *** وقت القا تلقاهم أجبن من الصيد الي جــــداهم يزرعون المســـامير *** مقصودهم تفــريق للشمل تمهيـد يعيد عيـدك يابو مـشعل على خـير *** أنت الذي تبقى لنا الضلوع والحيد يحفظك ربـي عن جميع المخاطير *** وعلى الاعمال الصالحه عمرك يزيد جواب عبدالله بن عبار مع جزيل الشكر للزميل الشاعر نهيّر بن رخيّص : 1166 يا أبن رخـيّـص يا حفـيـد المنـاعيـر *** يالوايـلي جتـني تهـانيـك بالعـيـد مشكور يا نهير ولا مـنـك تـقـصيـر *** عسى يفـداك البايهيـن الـنمـاريـد يامـن تعـبّـر عـن مشاعـرك تعـبيـر *** هرجك صريح تفنّد القـول تـفنيـد كـلامك أحـلا مـن حـليـب المباكـيـر *** در البـكـار المسمنـات المصاعيـد تـعـيش يـا ريـف الـبـداه المساييـر *** أنـت الـذي تزهى الـثنـا والتحاميد عساك في حفظ الولي رازق الطير *** الواحد اللي يبدي الخـلـق وأيعـيـد نطلب عسى رب الخلايق لنا أيجير *** من شـر سـؤ الشامتين المحاقـيـد يـا نـهـيّـر أهـل البلبـلـة والمعايـيـر *** ربك عثرهم يوم حادوا عن السيد يا نهيّـر الـلي زوّر الهـرج تـزويـر *** ظـالـم ولالـه عـنـد ربـه مـجـاويــد عـصـر المكايـد وانفـلات المعاييـر *** يا كـثـر الـلي بالأجهـزة لـه تغاريـد والكـل بـالأنسـاب يـكتـب تـقـاريـر *** عـلـى هــواه يـحـدد الـجـد تـحـديـد خـلـّوا شمـل عنـاز شتى وشعاثير *** لومي على اللي شرّد الشمل تشريد من صاغ مشهد غير الأصل تغيير *** ننفاه ما نقبـل عـلى الساس تجديـد قولـوا لـلي وهّـم شيـوخ ومخاتير *** خـلـوه يـعـطـيـهـم دلايـل وأسـانـيـد الكـل يكـتـب بالـنسب دون تـبريـر *** وأصبح يخوض بمجدنا زيد وعبيد حنـا عنزة من نسل وايـل مغـاوير *** مبطي تعـودنـا عـلى الطيـب تعـويد جـد عنـزه عـقّب شعوب وجماهير *** قـبـايـلـه مـا تـنحـصـي بـالـتعـاديـد قال الشاعر نهيّر بن رخيّص هذه القصيدة : 1167 ان ضاق صدري انظم الشعر عبرت***وبالنت اكتـب ماطرأ في ضميـري كم ليلة ٍ اسهر مع الشعـر سامـرت***واليابغيت الـقـاف حضَـر يسيـري فتحت صفحه في جهازي وحـررت***وبـنـات فـكـري يسعـفنـي كثيـري لنبض القوافي صوب قسمه تنحـرت***وأنا في الترتيـب شاعـر خبيـري بأسمي كتبته مـا ستعرتـه وغيـرت***وكلٍ بكيفه ما اقصد النـاس غيـري من فكر راسي بالقريحه له احضرت***ماني من الي غيـر فكـره ينيـري شوري براسي ماستشرته وشـاورت***وفكري مقدينـي ولانـي ضريـري مع موكب الشعار مشيـت وابحـرت***واسبـح فلكهـم مثلهـم واستديـري واليا سلكو وادي هل العرف حـدرت***على النقاء معهم على كـل خيـري وعـن نـاقـداً يـقـول لـلشعـر كسـرت***يجـي بحـجـه مـقصـده يستثيـري وأحب اجاري كل فاهـم وعاشـرت***وكل طيب ٍ لي الفخر هـو عشيـري وأنـا مـع اطـوال الاشابيـر شابـرت***وراع الـردى لوهـو نقـد مايعيـري مع مثـل أبن عـبـار للفـكـر طـورت***أفـخـر بـشعـره بالجـزالـه جديـري كان الشعر له كوكب ٍ معه سافـرت***ومن القريحه بالشعر ما أستعيري نظـمـت قـافي مـن بيوتـي تخيَـرت***وشربت من صفوة قـراح الغديـري وأفخر بربعي واعتـزي ماتنكـرت***أهل الجنق اسـم ٍ عزيـز وشهيـري راسي يشوش لماضـي ٍ ان تذكـرت***عوق العديـم وينطحـون المغيـري إن قيل ( مضيَه ) قمت طولي وكبرت***هذه لنا مـن يـوم خيبـر تصيـري هي (عزوتي) ماقلتها سـر شفـرت***يعرف صداهـا بالنهـار الخطيـري ذكرت ماضي مشرق ٍ يـوم فكـرت***يوم الدروع ويوم سيـف ٍ شطيـري وقال عبدالله بن عبار جواب نهيّر بن رخيّص المضياني : 1168 يـابـن رخيّص من كلامـك تشكّـرت ** اشكـر جـنـابـك يالفهيـم البـصيـري حيـيـت يالـلي بالنظـر فـوق بحّرت ** تشبح عـلى العـليـا وقـدرك كبيـري قـدمـت تـبي الطـايـلـه مـا تـأخّـرت ** ترغب مثل مـا نـال زبن الحريـري عـادتـك تـفـرح بالمسّيـر وسـيـّرت ** صوب الرجال اللي تعـز القصيـري وعـن رفقت اللي ما يجمّل تعـذرت ** حيث الردي عن عشرته تستخيري عـسـاك دايـم مـبـتـهـج مـا تقشّرت ** وأنت الـذي مثلـك لـربـعـه سفيـري يامن سهرت الليل للقـاف ساهـرت ** تسهر وعفت النوم فوق السريـري مثلـك من هجـوس الروابع تكـدرت ** سمعـت حـولي للحيـايـا صـفـيـري يا نـهـيـّر أنـا فـي زمـاني تحـيـرت ** أسبـاب الـلي ودّه يعـرقـل مسيـري ماني من اللي لنسب عنّاز حورت ** تـبعـت أبـن خلدون هـو والجـزيري من الّلابـه الـلي مابهم يوم قصّرت ** مـا عاملوني مـثـل زيـد المـطيـري بنيـت وأسست القـواعـد وعـمّـرت ** القصـر الـلي قـبلي لـواه السديـري يا ليـت من قـول السديري تحّذّرت ** مـابـه ذرى عـن لافحات الهجيـري في مامضى يالقرم مجهد وغامرت ** وفـعـل المراجـل يالسنافي عسيري لاشــك لا تـلـومـنـي لــو تــذمّــرت ** لـقـيـت فـي وكـر الصيـارم قـمـيـري الـوضع لـه يا مسنـدي مـا تصوّرت ** شبـل الأسد ملبـد بـغـار الـغـريري نـدمـت يـا نـسـل الـكـرام وتحسّرت ** وطلبت الـلي مالـه بملكـه خشيري هو العليم بكل مـا أعلنت واسررت ** الـخـالـق الـرزّاق عـنـده مـصيـري والضاهر أني يا أبن الأجواد قررّت ** أرتـاح من طـرد الشقا واستخيري كتب الشاعـر : نهير بن رخيص العنزي هذه العبارات والأبيات يشيد بزميله عبدالله بن عبار فقال : الحقيقه مهما الواحد يقول عن الأديب الشاعر عبد الله العبار من اشاده فهو لن يبلغ مبلغه في مدح هذا الرجل وهو غني عني وعن غيري ولكن شي فاض بالصدر فا حبيت أن اظهره في هذا لملتقى الشامخ وعندما يتصفح الواحد في هذا المنتدى يانبهر بما فيه من حقائق ووقائع ترفع الرأس من تاريخ لعنزه وقصائد ووقائع ونحو ذلك يعجز اللسان عن التعبير بها : 1169 ياراكـب الـلي بالســــماء ولعـت نـار *** صنعة ً خبيـر عالـمً بـه درايــه تقطع غلاف الجـو في سيـرها سـار *** وقريـت دعوات المسافر بدايـه من عـنـد عـرعـر تتجه لأبـن عـبـار *** الـلـه يجيره عن بلاء كل ســايه يعيـد عيـــدك يا أبـو مشعـل بتكـرار *** نرفع لك البيضاء عـلى كل رايه قـريت أنا بالمنتدى قصص واشعـار *** حقايـقً بالصدق ماهي دعايـــه ومهـمـا اشــدنـا بـالاشـاده بـتـكـثـار *** أنت البحر متعمـــقً بالروايــــه لـك الثــنـاء يالـوايـلي سـر وأجـهـار *** هـذه شهادة حـق مافيـه غـايـه والحق مثل الشمس واضح للأ بصار *** ما يجهلـه الأ غشيـــم ً وتـايـه دونـت فـعـل اجـدادنـا طـوال الاشبـار *** مجهودكم مانلـحقه بالنهايــــه يـفـداك مـن يـمشي مـع الناس قـمـار *** ماهمه الأ قول حكــي الوشايـه واسمحلنـا يـاريـف مـن جـوه خـطـار *** مـا قــــل دل ملخصه بالكفايــه عـبـرت مـا في خاطري قـلتـه أظهار *** وصلوا على المختار راع الهدايه قال الشاعر نهيّر بن رخيّص يثني على جهد زميله عبدالله بن عبار : 1170 صـدق الدلايــل بهـا نـفـخـر*** مثـل الذهب دوون بجلـه بـه الحمايل مـن مـدن وبـر *** لنسـاب وايـل جـمع كلـه كـان الشـعـر بـه نـوادر در *** الدر فـي صدق عبد اللـه اقـولـهـا مـابـهـا مـن ســر *** ولا مقصد القول يوصلـه من ساس حرٍ نجب له حر*** ما قال مـن شـعـر زاهـلـه عـن القبـيلـه وقـف للشـر *** في وجه مـن دور الـزلـه الـيـا سـمع راوي ٍ يـذكـر *** لـديـــرتــه راح عـانــلــه كـلٍ بجهـده شـهـد وأ قـر *** بالغـرب والشرق صيتلـه الحق ظاهر والباطل مـر *** زهــوق والـحـق تـأ كـلـه كـل عنزي يثـني ويشكـر*** ان جيب طرياه فـي حـلـه جواب عبدالله بن عبار رداً على الشاعر نهيّر بن رخيًّص : 1171 لـفـانـي الـخـط مـن عـرعـر ** ديـرة هـل السلّـم والـمـلّـه عسى يدهـجهـا مـزون غـر ** ويسيـل حـوران ومـضـلّـه تـلـقـا الكـمـا بالحـمـاد زبّـر ** يـزمـي مـثـل نـابـي الـتـلّـه تعـيـش يالـلي بجـهـدي قـر ** مـا دار بـالـصاحـب الخـلّـه قيفـان نهـيّـر حكـم واعـبـر ** جـاني جوابـه وأنـا ارسلّـه يا أبـن رخيّص كفيت الشّر ** شـرواك درب الـسـنـع دلّـه الـلـي ظـلم منطقه مـا ضـر ** وش عـاد لـو يجـمـع شّلـه غـل الحسد في ضميره ور ** والحـقـد سـبـبّ لـه الـعـلّـه واللي مع أهل الحسد ينجر ** مـلـزوم الأهـداف يـفـطـلّـه والـلي حـفـر للرفيق احفـر ** يـخـزيــه مـولاي وأيـذلــه قال نهير بن رخيص : 1172 عاد عيدك يابو مشعل كل عـام *** قـبـل هـلال العـيد نــــزف التهاني الله يقـــــــبل صومكم مع القيام *** تــــــهنـئه بالنت نـرسلها بثـواني اسرع من الطير قــبل الازدحام *** يوم هاض الفكر والواجب دعاني شـــاعر الويلان مني لك سـلام *** منـزلـك عـــند الثــريا لك مــكاني مانوفيـك الحق بالشعر وكـــلام *** قبلنـا بالشــعر راسخ مـن زمـاني وقدركم معروف عند اهل المقام *** الـرجــال الي تـثــمـن كـل بـاني من يخـــاف الله يجــنبك المــلام *** من بعيد النــاس او أقرب دواني أنــت راع المجد واشـلع للأمـام *** كـــل وقــفاتك تــشرف بالتفاني شــاعر ونـــساب لك كل احتـرام *** أشـهر من سهيل النجم اليماني ســيفنا ان صار للشـــعر احـتدام *** نفتخربك يافـخر من جاك عاني قال عبدالله بن عبار رداً على نهيّر بن رخيّص : 1173 مـرحـبـا حـيـيـت يـانـسـل الـكــرام ** يامن عـبـر الـنـت منظـومـك لفـاني يالزميـل أسرعت فـي ردّي شمـام ** والثـنـاء والشكـر يلهـج بـه لسـاني يابن رخيّص كـل منطـوقـك تـمـام ** حيـث ساسك من عـريـبين المجـاني مـن هـل الصبحا الـيـا ثـار العسام ** فـزعـت المضهـود طـلقيـن اليمانـي عسى يفدى حضرتك خطو الخمام ** جـاحـد المـعـروف قـلـيـل الحسانـي مـا يـهـمـونـي خـفـافـيـش الظــلام ** مجتهـد والـلـه حسيب الـلي هجـاني الـبـحـوث الـجــاده تـبـي اهـتـمــام ** مـاهـي كبسات البشـاور بالصيـانـي بـالـحـمـايـل صـار تـغـيـيـر النـظـام ** كـم طـيّـب بـالـعـرب عـقّـب هـدانـي الـصـوارم فـي مــواكـرهـا حـمــام ** والأسـود اشـبـالهـا صـارت حصاني قـلـتـهـا واهـديـك مـنـي بـالـخـتـام ** تـهـنـيـه بـمنـاسبـة عـيـد رمضـاني قال عبدالله بن دهيمش بن عبار هذه القصيدة من شعر التصدي للحملة المغرضة ويوضح الحقائق لمن زوّر نسب عنزه : 1174 تـنـبـهــوا لأنـسـابــكـم يـالــرفــاقــه *** حـاذور لا يلـعـب بـهـا كـل مطفـوق اللّـعـب بأنسـاب الـقـبـيـلـة حـمـاقـه *** والـزور والتزييف بـاطـل وممحوق وايـل جــديـلـه مـالــنـا بــه عــلاقـه *** مـن دون أسـد بمنسبه مالنا عروق مـن حـطـنـا لـوايـل جـديـلـه لحـاقـه *** عـيـب أنتسمّى بجـد هاني ومفروق والـلي كـلام الهيـف والزيـف شاقـه *** صـدق الخبـر لملفّق الكذب خـازوق الـلـي سـرق وايـل جـديـلـه وبـاقــه *** مـن دور آدم مـا ذكـر جـد مـوسوق ومـن خالـف الواقع نضيّـق خنـاقـه *** والـجـد مـا يجـلـب ولا يباع بالسوق نــفـخـر بـوايـل جـدنـا لـيـس عـاقـه *** ومـصـادر التـاريخ للمفتـري عـوق مـن سجّل أسمـه في سجـل البطاقـه *** مـا يصدّق التزويـر والاسم مرفوق مـن دون وايـل جـدنـا هـوش ساقـه *** كيـف عـنزه في جدها مالها حقـوق دام السمـاء أزرق مـا تـغـيّـر زراقـه *** لأ مـا نـبـدّل جــدنـا بـكـل مـخـلـوق وايـل مـن عـنـزه تسلسـل اعـمـاقـه *** ولا نطاوع اللي طبعه النفّخ بالبوق حـنـا عـنـزه يـوم المـراجـل شفـاقـه *** بـافـعـال أهـلنـا روسنـا ترتفع فـوق أردى ضـنـا عـنـاز يـحـمـي نـيـاقـه *** يشهد لهـم مشعان وجـديع وصفوق قال الشاعر نهيّر بن رخيص المضياني هذه القصيدة مجاراة لقصيدة زميله عبدالله بن دهيمش بن عبار : 1175 حـنـا عـنـزه والـمجـد لـنـا عـشـاقـه *** شمس المعزه مشرقه فوقنا شروق واحـدودنـا مـا أحـد يـدوج بنـطـاقـه *** يوم العـرب تملك من الخيل والنوق تـاريـخ وايـل سـجــلـه فـي اوراقــه *** نـرقـا بسنام المجـد مـا انـدق دنوق يـوم الـزمـن سابـق سبـقـنـا سبـاقـه *** المرجله والطيـب والمجـد معشوق وحـنـا نـسبـنـا مـا قـبـلـنـا أخـتـلاقـه *** والـلي عـبـث بانسابنا يلحقه عـوق قـول ابـو مشعـل مـا ذكر بـه مـلاقـه *** كـلن شهـد لـه بالنـزاهـه وموثـوق وفي الشعر شاعر و ضافي ارواقـه *** واليـا نظـم قـافـه تـقـل بـني طابوق تـاريـخ وايـل حـصـنَـه فـي وثــاقـه *** وكـل مصدر ٍ محفوظ وموثق وثوق مـن زور وغـيَـر تـوهــق اواهـاقـه *** لا صار مايملك من الصدق صندوق الصـدق يـبـقـى والـتـصنـع سـلاقـه *** والناس مـا ترضى كلام ٍ بـه الجوق بـعـض الـرفـاقـه ضـاري ٍ للنـقـاقـه *** مـن الحسد قلبه على الشين مفتوق لـو يـدعـي مـتـواضـع وبـه لـبـاقــه *** كـل يـوم فـي مـلـه عـلى كل طاروق عـزمه ردي وحيله كما حيلـه نـاقـه *** وفي الفضاء متغطرف ٍنبت رقروق ولاعاش من يـدرق ربـوعـه دراقـه *** بـدال مـايـدافـع عـن الـرَبـع حالـوق آبيات للشاعر نهيّر بن رخيّص المضياني : 1176 أنــت الثـنـاء تستـاهـلـه كـل مـاقـيـل *** مـواقـفـك تـفـخـر بـهـا عـيـال وايـل تبـقى رصيــد لكـل جيــل ٍ بـعـد جيـل *** مـركـزك دايـم بـالـرجـال الأوايــــــل ياللي علــى الويــلان ماتـقبـل الميـل *** وشوكـه بحلـق الـلي بقـلبـه دغـايـل أنت أبومشعل من زحـول الرجاجيل *** عـوق العديـم الـلي مـن المـرَ عـايـل شهرتك بيـن الناس أبين من سهيل *** قـاصـي ودانـي يـشـهـدون الـقـبـايـل قال عبدالله بن دهيمش بن عبار جواب لقصيدة نهيّر بن رخيّص : 1177 تـعـيش يا نسـل الـرجـال المشـاكيـل *** يا أبـن رخيّـص يـا عـريـب السلايـل عسى الـولي يكفـيـك شـر الـغـرابـيل *** حيثـك تـعـد الصّـدق يا أبن الحمايـل يالفاهـم الـلي تحـلـّل الهـرج تحلـيـل *** وتـفـهـم مـعـانـي دقـهـا والـجـلايـــل شـروى جنـابـك مـا يطـيع المهابيـل *** ولا يـسـتـمـع لـّلـي يـهـوّل هـوايــــل الـلـي عـلـومـه مـا عـليـهـا دوالـيـل *** مـا عـنـده ألا الـنـمـنـمـه والـنـقـايــل اقسمت لك في رب موسى وجبريـل *** مـا قـلـت قـول ألا صحيـح وصمـايـل قال الشاعر نهير بن رخيص يهني زميله عبدالله بن عبار بالسلامه : 1178 المـقـدر صـايـب مـن الـلـه أسهـامـه *** يرسله رب الملا لمـن شـاء يكـوري مـقـسمـه رب الخـلايـق فـي نـظـامـه *** وكل مسلم بالقـدر مـؤمن صبـوري يـابـو مـشعـل نـهـنيــكـم بـالـسـلامـه *** مايجـيـك الشـر يـالـذيـب الجسوري أنـت سـاس المـرجـلـه راع الشهامه *** عاش رأسك والردي يبقى معثوري عـسـى مـا يـفـرح عـدواً بـه مـلامـه *** ينقـل عـلـوم العـرب بالكـذب زوري عسى ولـد اللا ش مـا ايحقق مرامه *** من حـدور بـحـالـتـه يـبقى حـدوري طـاح شـراً وأنـتـهى مـع الـعـسـامـه *** يحفـظ الـلـه شخصكم عن الشروري مـن مـحـب ٍ عـبّـر بـصـادق كـلامــه *** فـي ثـمـان أبـيات عـبـَرت بشعـوري جواب عبدالله بن عبار على الزميل الشاعر نهيّر بن رخيّص العنزي : 1179 يا أبن رخيّص عسى يفـداك الفدامـه *** الـردي حيشاك سلـمـه سـلـم نـوري الـلي مـثـلـك عـنـدنـا عـالـي مقـامـه *** قــافـكــم يـالـوايـلـي زاود ســروري وأنـت مـن ربـع لـهـم قـدر وكـرامـه *** مـزبـن المظيوم في صعب الأمـوري هل الصبحى ما بهم عرق الرخـامـه *** كـلـهـم شـجـعـان وافـيـن الـشبـوري لابـة مـضـيـّان حـامـيـن الـجــهـامـه *** فـعلهم مبطي مـع النـاس مخـبـوري وأحـمـد اللي ساق مـزنـه بالغـمامـه *** لـطـف بحالي عـقب حـادث مـروري وأحمد الله غاص في طعس العدامـه *** وأحـمـد الـلـه مـا وجد بالخط لـوري بـلّـغ الـلـي ســار لا يـتـرك حـزامــه *** عـقـب ذيك التجربـه شفته ضروري يتبع التعديل الأخير تم بواسطة عبدالله بن عبار ; 07-10-2022 الساعة 11:00 AM |
|
|
|
|
07-10-2022, 11:44 AM
|
#83 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال الشاعر طالب الونيس السلمي يثني على زميله عبدالله بن دهيمش العبار : 1180 هات القلم واكتـب من الشعـر مازان *** نــبـي نـعـبّـر فـي جـمـيـع القوافـي مـن مـا طـرأ لـلبـال نـظّـمت قـيـفـان *** كلمـة وفـاء فـي حـق قـرم سنـافي حـق عـلـي اقـول شـكـرا وعــرفـان *** لأديـبـنـا الـلـي بـالـمـهـمـات يـافـي شكـراً يا أبـن عبـار من قلب ولسان *** اقـولهـا عـنـي وعـن كـل وافــــــي درع عـنـزة فـي كـل هـيـه ومـيـدان *** شـيـئـاً وكـاد ولا عـلـيـه اخـتـلافـي يـامـا وقـف مـن دوننا سـر واعلان *** بكلام امضى مـن حـدود الـرهـافـي وكـتـبـت بالتـاريـخ مرجـع وتبـيـان *** وبيـنـت بـالأنـساب مـا كـان خـافـي من يـزرع الإحسان يـجزأ بالإحسان *** وزرعك جميل وحان وقت القطافي قال عبدالله بن دهيمش العبار هذه الأبيات جواب لأبيات الزميل طالب الونيس بن شتيوي : 1181 يا طالـب أبن ونيس يا عـالي الشـان *** دونـك مـرد الـقـافـيـه يـالـسنـافـي قافك يا أبو صالح كما قطـف ريحان *** مـثـل النفـل فـي واسـعـات الفيـافي يـا مـرحـبـابـه عـد هـطّـال الأمــزان *** واعـداد مـا يـذرا من الـريح سافي أنت الذي حشت الفضيله والأحسان *** فيـك الشهامه والـوفـاء والعـفـافي أنصفتني بالصّدق مـا كنـت غـلطـان *** تبدع جـزيـل القاف من فكر صافي مجـدتـني يالقـرم بحضور الأعـيـان *** ربعي ومنهـم مـا استغرب انصافي عـزوة هل الجدعـا سلايـل سليمـان *** هـم مـزبـن الخايـف بـعـاد الهـدافي ما أظـن يلحقـني مهـونـه وحـقـران *** ولا يـقـدر الظـالـم يـوثـق اكـتـافـي أسنـد عـلى مصـدر دلايـل وبـرهـان *** الـواقـع أصـدح بـه وللكـذب نـافي عـنـاز تـنسب من صماصيم عـدنـان *** صفوة ربيعـه مابهم شخص هـافي لهم الفخر موروث من قـدم الأزمان *** والـلي يـعـاديـهـم يـجـونـه كشـافي رجالهم ما شان مهـما الـزّمن شـان *** يـلـقـا القـرى بـربـاعـهـم كـل لافـي مـن حـقـنـا نـفـخـر اليا قـيـل ويـلان *** هـذا الـوكـاد وسـابـق المجـد كـافي قال الشاعر طالب الونيس السلمي هذه الأبيات : 1182 الـمـراجـل واسـعـه مـثـل الـمـحـيـط *** يـعــجـز الـغـواص يـعـبـر شـطـهــا ومـن سـمـع لـزعـيـط هـويـا معـيط *** الـقـوافـل تـنـحـرف عـن خـطـهـــــا لا تجـالـس مـن يحـطّـك بالحـطـيـط *** قــيــمـة الــرجـّـال هــو يـحــطّــهــا لا تـكـن جـبـّار ولـسـانـك سـلـطيـط *** وط نــفـســك لـلـضـّعـيــف وطــهــا الغلط وأن جـاك من بعـض السقيط *** كـلـمـتـه مـن خـلـف ظـهـرك قـطهـا والخـطـأ مـن صاحبـك كانـه بسيـط *** كـان تـنـغـطّـى الـخـطـيـه غـطـهــــا الغـشيـم الـيـا عـذلـتـه يـسـتـشـيـط *** وأن بـداك بـشـور كــبــدك بــطــهــا أن حـصـل فـرقـاه قـل هـفـّت مقيـط *** الـرمـد عـيـن تـوده لــطــهـــــــــــا قال عبدالله بن دهيمش بن عبار هذه الأبيات مجاراة لأبيات الشاعر طالب الونيس السلمي : 1183 الـزمـان الـيـوم مـن حـظ العـبـيـط *** الهـذور الـلي البراطـم مـطـهّـا من زمان حـزيـل والفارس صميـط *** مـا تسـاوى نـمـرها مع قطّها كيف يا أبن ونيس وأن مال الغبيط *** والليالي ما عـرفـنا اخططـهـا البشـر يا مسنـدي صـارت خـلـيـط *** ما تعرف صقورها من بـطهـا يالـزمـيـل الـكـل مـن بـقـعـا يـعيـط *** الـولـي يـكفيـك شـر أورطـهـا والـلي مـن الغـطـرسه لهـم نحيـط *** يا حـلو عـلى الصوابر سطها الحصان الـلي رهـيـمه لـه عطيـط *** جاب كدش مـا تعـدى حوطهـا كم نـسـل اجـواد عـن ستره يميط *** ما فـرق بين السحابه والطهـا قال طالب الونيس : 1184 قـال الـذي جـرب وشـاهـد مع النـاس *** وعنده مـن الماضي تجارب ورسه ياسامعـي خذهـا وصـيـه مـن الـراس *** وصـيــة يــقـولـهـا بــطــول حـسـه الـى عـمـرت البـيت جـود لـه الساس *** احذر يجي في بـنيـة السـاس هـسه لا تناسب الخايب ترى العرق دساس *** مـن كـان خالـه لاش عـرقـه يـنسـه تري النسب فيـه المكاسب والافلاس *** خـســارتـه ما تـخـتـفـي لــو تـدسـه كـم واحـدا عقب الرجا يطوي الياس *** الياشاف فـي عـقبـه عـفانـه وخسـه من كان خاله لاش ما حاش نوماس *** الــزنــد خــامـل لــو تـحـاول تـمسـه تـرى جـمـال البـنـت ماهـو بمقيـاس *** خـضـرا الـدمـن حذراك داره تـعسـه شوف الشواهد في عيونك مع الناس *** عـريـن اسـود وسـاكنـا فـيـه بـسـه الـى هـرج وسـط الرجاجيـل يحتاس *** ودك عــلى الـخـد الـمـوالـي تـطسـه جواب عبدالله بن عبار رداً على طالب الونيس : 1185 تسلم يـمينـك يا نسل حمـر الأمواس *** مـن صبـغ دم الـلي سمـيـنً مـجسّـه ياطالب بن ونيس شعرك كما الماس *** ومـن لا فـهـم مـعنـاك بـقعـا تـرسّـه خـل الـردي لـو الـذهب عنده أكداس *** لـو خـزنـتـه مـلـيـون درزن ودسّــه ومـن لا يـمـيّـز يـالسنافي بالأجـناس *** هــذاك تـوجـر لـو عـلـمـتـه تـبـسّـه من لاحفظ عرقه عن عروق الأدناس *** فكـره عـلى شـوف المظاهـر يوسه والـلي قبس مـن نـار الأجواد مقباس *** در الـفـخـر مـلسـن رضيـعـه يلسّـه واليـوم بـه خاب الهـقاوي والأحداس *** صــّدر لـنــا الــبـابـا تـعـالـيـم قسّـه مـن حـط بـكلـه صـار قـدوه ونبـراس *** دايـم يـدوج ويختـرش تـقـل عـسّـه الـيـوم نـاقـوس الخطـر دق الأجراس *** والـكـل يشكي مـن ضـنـاه المحسّه الـوقـت يـا طالـب لـكـل البـشر حـاس *** والكـل مـنـا يشتـكي مـن حـوسّـه قال عبدالله بن دهيمش بن عبار هذه القصيدة يسند على الشاعر طالب ونيس السلمي : 1186 يجـول فـي صدري روابع وهـوجاس *** وقلت البيوت اسند على طالب ونيس حـيـثـه فـهـيـم ولـلـرجـاجيل نـبراس *** ماهو من اصحاب القلوب المناحيس يامسندي صرت استمع دق الأجراس *** صوت الطبول المزعجه والنواقيس سلـم الجـدود الـلي تخـبوّا بالأرمـاس *** زالـت مـثـل مـازال تـبّـع وبـلـقـيـس الخنفسه زالـت وجـت ربـطة الـراس *** تـشـدها البكـلـه خـلاف الفـواعـيس واليـوم عصر القنـزعـه مابهـا بـاس *** بالـذروه الـلي كـنـهـا ذروة العـيـس قصّات مستر جـون واللّورد توماس *** جـت للعـرب مـن دار لنـدن وباريس يالـلي تقـصون الجـوانـب بالأمواس *** مقصودكـم لمسفّـه الغـرب تـقـديـس هذا القـزع الـلي حـرّمـه سيّـد الناس *** نـعـوذ بالـرحمن مـن نـزغـة إبليس الفاهم الـلي عـنـده شعور واحساس *** يـتـرك سـلـوم الشـاذيـن الهـلابـيس يسمع حديـث الترمذي وأبن عـبّاس *** ولا يقـتـدي بـأهـل العلوم الحماليس والـلي يـبـي يقـدى طـريقـه بمقياس *** يبعد عن الـلي من المراجل مفاليس لاشـك مـن يـتبـع رديـيـن واخساس *** يجثـم عـلى صدره سوات الكوابيس والناس مثـل الطلع في حير غـرّاس *** ولا فـيـه غـرسه كـود تلقابها خـيس ولاني بـعـم من البشر كـل الأجنـاس *** يـا مكثـر الـلي يكسبـون النـواميس قال الشاعر طالب الونيس السلمي هذه القصيدة رد على قصيدة عبدالله بن دهيمش بن عبار المسنده عليه يقول : 1187 سميت بسم الـلي خلق كـل الأجناس *** محـيي الهشيـم الباليـات الميابيس ومـن بعـد ذكره جبت دلّه ومحماس *** وسويـت فـنجـال حكـرتـه بتقيـيس فـنجـال سويتـه عـلـى فـن واقـياس *** يغدي خوى روس الرجال المعاميس وأخذت لي مع هجعة الناس مرواس *** بافكار واهجوس بها اعيد واقـيس وكـتـبـت تصنيف القريحه بقرطاس *** نظمتهـن مـن مـرهـفات الأحاسيس جـتـنـي بـيـوتٍ كنهـن نـظـم الألـمـاس *** نصايـح أتـدرّس للأجيال تدريس مـن شاعرن بـالشعـر بارع وحسّـاس *** عـبـدالـلـه العـبـار حـر القرانيس ما قالهـن فـي وصف مدقوق الألعاس *** ولاهـو بشحّاذاً يـبي ملية الكيس نسّـاب ومؤرخ وعـلـمـه عـلى سـاس *** شاعـر قبيلـه حاز علم النواميس يـذكـر لـنـا عـوايـدن تـوجـع الــراس *** بعـض الشباب الخايبين المفاليس جـيــلاً تـحـوّل بـالـعـوايـد والألـبـاس *** كـنّـه مربيهـم عـلى القبـح قسّيس أنصح يا أبو مشعل ولا تقطع الياس *** النصح يـثمـر بالـرجـال الأشاويس أبيات مسنده على الشاعر طالب الونيس السلمي شعر عبدالله بن عبار : 1188 أبـي ارسـل المنظـوم للقـرم طـالـب *** أبـن ونـيس أعجـب بقـافه وعـذلـه حيثـه كـما الصيرم شطيـر المخالب *** اليا طالع الخـرب المطـرّف نفـذلـه الـلـه يعيـن الـلي لـه الوقت غـالـب *** مـا شـوقـه منـظـر جـبيـن أم قـذلـه يشكي نـكـد مـن كـان للحـظ جـالـب *** أغـراه مـن يشـري ضميره ابـذلـه الـلـي عـلـيـنـا يـدورون الـمـثـالــب *** حـرضهم الظالم عسى الـلـه يخذله طبع البشر مـابـيـن موجب وسالـب *** فيهـم نفوس اكـرام ونفوس نـذلـه خطو الذي عن مسلك الحـق قـالـب *** هـذاك يا أبـن ونيس يا زيـن رذلـه قال الشاعر طالب الونيس هذه الأبيات جواب لأبيات عبدالله بن عبار : 1189 حـيـيـت يـا مـسنـد كـلامـه لـطـالـب *** عـد الـسـحـاب وعـد ما هـل وبـلـه حـيـيـت يـا نسـل الـرجـال الغـوالـب *** فـدعـان فـخـر لـلـذي يـنـتسـب لـه أن صـار لـلأعـمـار سـايـم وجـالـب *** خيالهـم ياطـا الخطر مـا حسب لـه وأن صـار خـز مـمـليـات المحـالـب *** خيـالهـم ياخـذ مـن الكسب جـزلـه تشكي هـمـوم يا أبـو مشعـل تكالـب *** واسبـابـهـا مـن عـالـم خططت لـه مثـلـك ولـو كـثـرت عـليـه المطالـب *** الـراي مـا يعـيـيـه نـقضه وفـتـلـه قال الشاعر طالب الونيس هذه الأبيات من شعر الحكمة : 1190 الـرّبـح مـاهـو فـي كـثيـر المـلايـيـن *** الـرّبـح مـن حـط المـكـارم رصيـده يا مـدوّر الأرباح حافـظ عـلى الديـن *** أحفـظ حدود الـلـه وصـف العقيـده والرّبح والـلـه يـوم نصب الموازين *** مـن فـاز يـبشـر بالحـيـاة السعـيـده والرّبح في وصل الـرّحـم بالقريبين *** الـلـي تـنـاستـه الـقـلـوب الـبـلـيــده والرّبح اليا عـدّوك ضمن المسمين *** مـع الـرجـال أهـل السجايا الحميـده قال عبدالله بن دهيمش بن عبارهذه الأبيات مجاراه لأبيات الشاعر طالب الونيس السلمي : 1191 تسلم يابو صالح على المنطق الزين *** عـبّـرت من شعـرك وصايـا مفيـده طـبـّقـت بـالـحـكـمـة كـلام الـتـقيـيـن *** عليـك يا أبن ونيـس ماهي جـديـده قـلت الصواب وجبت كـل البـراهيـن *** نـطـلـب لـعـل أيـام عـمـرك مـديــده حيثـك من قـروم الـرجـال العـريبين *** منجـوب ساسك من صلايب ولـيـده كفاك شـر الـلي غـزتـنـا من الصين *** وزمـانـنـا الماضي عسى الله يعيـده قال الشاعر طالب بن ونيس السلمي هذه الأبيات تعبر عن الواقع : 1192 نـروح للمجلس نـبـي هـرج وعـلـوم *** ونرجع من المجلس حيام ومضامي اروح مهمـومـاً وأجـي مـنـه مهمـوم *** مـا عـاد احصّـل مـا يثيـر اهتمامي أحـدٍ مـع الجـوال يـضحـك ومسجـوم *** وأحـدٍ يسـولـف بالعـمـل والدوامي مـرحـوم يـا جـيـلاً فـقـدنـاه مـرحــوم *** اقـفـى وقـفّـى بـالسـلّـوم الـقـدامـي صرنـا كما الأغـراب في وقتنا الـيـوم *** تـغـيّـرت مـا بـاقـي الا الأسـامـــي وقال عبدالله بن دهيمش بن عبار هذه الأبيات مجاراة لأبيات الشاعر طالب بن ونيس السلمي : 1193 يا طالـب ابـن ونـيس مـا ينفع اللّـوم *** لـو كنـت عـن ماضي زمانك تحـامي الـيـوم كـلـن صـار يـالـقـرم مـلــزوم *** يمشي على صوب الهدف والمرامي مشعـان ومحمـد وبـرجس وعمعـوم *** راحـت سـوالفـهـم سـوات الحـلامـي سـوالـف الـلي قبلنـا بـأخـذت الـقـوم *** وحـنـا سـوالـفـنـا بـعـامـي وشـامــي يا مكثر الـلي بهرجتـه يطمـر عقـوم *** مـاهـو مثـل شـرواك لـه قصد سامي وقال طالب بن ونيس هذه الأبيات وجدتها وقد نشرها في قروب السبعة هل العرفا : 1194 لـو كـل زلّـه فـي سبـبـهـا تعـاوشـت *** مـع القـرايـب والأجـانـب تلـعـوزت كـم زلـةٍ سـمـعـتـهـا ثـم طـنّـشــــــت *** الا اليـا جـت سمعـتي مـا تجـاوزت مـواقـفاً البـس بهـا عـقـال والبشـت *** ومـواقـفاً بامضـا سـلاحي تـرززت أن جـت مـن العاقل عتبت وتناقشت *** شـبـرتـهـا وذرعـتهـا لـيـن مـيـزت وأنكان طاش ضعيّف العقل ما طشت *** هجره يجرعه المزاره وأنا فزت وقال عبدالله بن دهيمش بن عبار الأبيات مجاراة لأبيات طالب الونيس : 1195 يا كالب أبن ونيس يا مسندي عشت *** ما يـوم قالـوا يالسنـافي تـنـفـرزت ولا يـوم قـالـوا بالقصيـره احـرّشـت *** ولا يـوم جلبت القوافي لـو اعتزت ولا يوم يا طالب عن الواجب انحشت *** عن العـلـوم الغانمـه مـا تعاجـزت وأنـت الـذي يالقـرم للطايـلـه حـشـت *** شهـم وكريم لكـل واجـب تجهـزت يفداك اللي من طبعه الهلس والكشت *** حيثك عـلى كـل المراجـل تلـوزت قال عبدالله بن دهيمش بن عبار هذه الأبيات اعتذار للزميل طالب بن ونيس السلمي : 1197 يا طالـب أبن ونيس ما فيـه صرفـه *** كـلـّمـت بالموضـوع كـل المـعـارف اجهـدت وانشـد كـل شخص اعرفـه *** ولا عـاد ضـل من القدامى طوارف لاشـك عـنـقـود الـنخّـل مـا يـخـرفـه *** الا الـذي يـرقـى طـويـل الـمشـارف حـيـث العـمـل يحتاج مهنـه وحرفـه *** والمـعـذره مـافـيـه بـالـبـيـرغـارف قال الشاعر غالي بن ونيس بن شتيوي السلمي العنزي يسند على زميله عبدالله بن دهيمش بن عبّار : 1198 شـد الحـزام وشد مـوتـرك شـدي *** ولا توقـف ألا فـي ديـار اليمامه لاجيت أبـو مشعـل تمهّـل وهـدي *** عـنـد الأديـب الـلي رفيع مقامـه وصّل سلامي وأحـتـرامي وودي *** المحتـرم واجـب عـلينا احترامه تـعـيـش يالـلـي باللـوازم تـسـدي *** راعي الحميا والوفاء والشهامه بذلـت مجـهـود وقـبلـت التـحـدي *** وبنـور القلم بددت جور الظلامه دون القـبـيـلـة دايـمـاً مـستـعـدي *** لأجـل القبيلة مـا يـنـزل حـزامـه ساسه عريب وبين خلن وجـدي *** من لابة الفدعان ساس الـزعامه فـدعـان يـوم الكـايـده والتـحـدي *** عـدوهـم مـا حـاش غـيـر الندامه الـلـه يجيرك من حسود مصـدي *** الـلـي عـلى الخـيبـة يـبني خيامـه جواب عبدالله بن دهيمش بن عبار على الشاعر غالي بن ونيس السلمي : 1199 يا غـالي أبـن ونـيس سجـلـت ردي *** يـهـديك أبن عـبـار بالـغ سـلامـه حـيـثـك عـبـيـدي مـن صمايـم بـدي *** من صلب لابه ما خلطهم فـدامـه عسى فـداك الـلي ضميـره مصـدي *** أسود مـن العتمة بداجي ظـلامـه أعـتـز وأفـخـر بالصديـق الـمـودي *** وأكـره قبال اللي بعـرقه رخـامـه عـرق الندى يا أبن شتيوي يـنـدّي *** ولي عند اللي مثلك وقار وكرامه والـلي يـبي تعطيـل جهـدي ولـدي *** من فضل ربي ما حصل له مرامه واللي وقف يا نسل الأجواد ضدي *** طشت شخاميطه بـوسط القـمامـه الصيد تفخر في اقصاصي وعـدي *** واللاش مـا يشكـل عـليـه مـلامـه قال الشاعر غالي الونيس بن شتيوي هذه القصيدة ترحيب بزميله عبدالله بن دهيمش العبار : 1200 هـلا هـلا حـي الـلـه الـحـاضـريـنـــا *** حـي الـلـه الـلـي شـرفـونـا بمسيار ولـنـا الشرف بحضور طلـق اليمينا *** لنا الشّرف بحضوركم يا أبن عبـار شـرفـتـنـا يـا تـرثـت الـغـانـمـيـنــــا *** الـلـه يبـعـد مـن تـحـبّـه عـن الـنـار يـا شـاعـر الـويـلان حـقّـك عـلـيـنـا *** نـذكـرك بالمعروف بالسّـر واجهـار أنـت الأديـب ومـقـدم الـبـاحـثـيـنـــا *** وأنـت المؤرخ وأنـت للشّعـر بيطار مـع مـوكـب الشعـار رحـنـا وجـينا *** وشعر أبو مشعل تاج في كل مظمار أهـل الـقـلـوب الـبـض والفـاهـمينـا *** لـك عنـدهـم شيمـه وقـيمه ومقـدار وقولوا معي يا حضور يا سامعينـا *** جعل أبو مشعل من طويلين الأعمار قال عبدالله بن دهيمش بن عبار هذه القصيدة جواب لقصيدة الشاعر غالي بن ونيس بن شتيوي : 1201 مـبـداي بـالـلي مـا لـغـيـره رجـيـنـا *** رب الملأ عـلاّم في غـيـب الأسـرار موسى الـنبي نـاداه فـي طـور سينا *** وأنـجـاه مـن فـرعـون ظالم وجبّـار ومـن بـعـد ذكـره بالقـوافـي بـديـنـا *** جـواب لأبن ونـيس محمود الأذكـار الـلي أحتـفى قـرم الـرجاجيل فـيـنـا *** وسـّوى كـرامـه يـوم جـيـنــاه زوّار مـا طاعـنـا مهـما رفضنـا وعصينـا *** عـن الكـلافـه لكـن الطـيـب لـه كـار لاشـك حـنـا عـلـى غـالـب رضـيـنــا *** حيثـه جمع صفـوة طويلين الأشبار هــّلا ورحــّب يـوم عـنــده لـفــيــنـا *** والشـكـر لـلي مجـدونـي بالأشـعـار والشيـخ نـاصـر نشكـره مـا نـسينـا *** جـاء من بعيـد وقـدّم الـدرع تـذكـار قال الشاعر محمد بن فرحان بن عبدالله العفري الشملاني هذه القصيدة يسند على عبدالله بن دهيمش بن عبار : 1202 راكب الـلي صانعه ماهـو يهودي *** صانعـه يعـرف بجـّده واجتهاده وارد اليابـان مـتـقـن بالجـهـودي *** راكـبـه يـبهـج ضميـره بالقـيـاده كل من هـو جّـربه وسط النفودي *** يعطي اللي صممه شكروشهاده فكس لند كروز مركاب الأسودي *** مركب الـلي مـا ايتحـرى للزياده ما شراه الـلي تبهـدل بالقصودي *** ولا يسومه من يعسرنّه اقصاده لا دعست البنص وافتر العمودي *** يسبق الحـر النداوي في هـداده ما يعبأ غـيـر من حـمـر الوقودي *** صافي الممتاز يسرع من وقاده لا ركـبـتـه مـا تـمـل ولا تـنــودي *** غرفت اللي جهزت تزها القلاده الفخـامـة كـلهـا والـلـون عـودي *** فـكـه الـلـه شـر راعين الحساده كنـه الـلي يعطي العـاز الجنودي *** ضابـطً قـدم الكتايـب مـن افـراده ولا كـنّـه شيخ للسـربـه يـقـودي *** سار قـدم الخـيـل متـعـلي جـواده سار يبي العاصمة دار السعودي *** صوب أبن عبارهو منهات مـاده هو فخـر عناز ساسه والعمودي *** مـا يجامـل من تمـادا في عـنـاده أبو مشعل بالكـرم طبعه يجـودي *** شهم متواضع وفيه الطيب عاده رمـز للـويـلان يا نسل الفهـودي *** جعـل مـن عقبـك بالجنـة مـعـاده وافي بالحيل يا عـرب الجـدودي *** يا عسى ايامـك مسرات وسعاده ما ينال العـز من يهوى القعودي *** قـلتهـا والعـلـم نثبـت لـك وكـاده كـل طـيـّب مـا يحسـب للـنقـودي *** عاشق فـعـل الكـرم داخـل فـواده نـعـم يا حـلال عسرات العقـودي *** انت كل الطيب راسك هـو سناده يا شبه حر على الصيد مهدودي *** اشقـر ولا تـاجـد بـريشه سـواده لا شهل بالجـو يجتـاز الحـدودي *** شاف حجم الخرب يشبه للجراده حين يكفخ في جناحه بالطـرودي *** كـل ما هدوه شاف الصيد صاده فكه المولى من عيون الحسودي *** كـان هـده صاحبه يشفي مـراده يا بعـد عـفنن يعـلـه مـا يـعـودي *** مـا يشب الـنـار من بخلـه بـزاده أن تكلّم هـرجتـه تغـثي الكبـودي *** أخـو مـرّه مـا يحوّل عـن شداده امدحك والقاف مابي لـه ردودي *** يا فـخـر عـنـاز قـافي بـك أشـاده أطلب الله يا عسى عمرك يزودي *** جعل ما توصل طبيب ولا عياده ولك سلامي عد بـراق الرعودي *** وعدد منبوت الخزامى بالحمـاده وقال عبدالله بن دهيمش بن عبار العنزي هذه القصيدة مجاراة لقصيدة الشاعر محمد بن فرحان العفري الشملاني يقول : 1203 راكـب الـلي مـا تعـثّـر بالحفودي *** يطـوي القـاع الدماثـه والجـلاده مـا تعـبّث بـه حلابيـث الهنـودي *** ولا دخل عند المحرّج في مـزاده نوعه الفكسار والسعر محدودي *** يشترونـه حـيـن ورّد مـن بـلاده فـيـه ذارب مبلـغ القيمـة يكـودي *** مـن قـرأ تسعيـرتـه يلـزم حيـاده يجـذب الـونّـه ويلطـم بالخـدودي *** تلتهب مثـل السعايـر فـي فـواده وده بـمـثـلـه ولا عـنـده نـقــودي *** يـوم يصرف مبلغه كبر الوساده من فضت خزينته عنـه محدودي *** منـوت الـلي قيمته يملـك أيجاده يستـوي للـراجحي ولا الرشودي *** ومـن تـكـّنى بالمعالي والسعاده منظـره سبحان خـلاق الوجـودي *** والكفر زرعه مثل شوك الكداده يشبه اللي نقضّت شقر الجعودي *** يلفـت الأنـظـار كـنـه زول غـاده من بريـده مرسله يحمـل ردودي *** يوصل الـلي رتّب المعنا وجـاده قاف محمد مثـل نقروح العدودي *** نقحه يخشى من النـاس انتقـاده افتخر في صاحب القلب الودودي *** يبتكر جزل القوافي من اعـداده من جوابه بـاح مكنون السدودي *** والذكي شرواه ما يـلـزم ارشاده محمد الفرحان شبل من الأسودي *** مـن حمايل ما بهم خبث وقـراده عـزوتـه بالطايله تـرقى السنودي *** مـا تجـد فيهم خـمول ولا بـلاده للصديق أحلامن مشال الصعودي *** بـس لعداهـم بهـم كيـد ونـكـاده بدّت العـفـري من خيـار البدودي *** طـيبـيـن ومخـلصيـن بـالـعـبـاده دايـم يـحـيّـون بـقـبـال الـوفـودي *** ومن هجد بالليل يفرحهم هجاده قلتها وعرف العفارى كل فـودي *** الظـفـر والجـود فيهـم والجـواده نـقـوة رجـال مثـل شـم الحيـودي *** كل منهم ورث طيبه من اجـداده يا عسى يفداهم العفن الحقـودي *** من هقابه خـاب ظـنّـه وأعتقـاده الفخـر ما ياصلـه خطـو الهبودي *** لـو تـفـوّه بالـريـاسـه والعـقـاده ماينال المجد من يهوى الرقودي *** لـو جدوده من خيار القوم ساده عن مواجيب الرفاقه به صدودي *** أنحسـل والـنـار تـالـيـهـا رمـاده والزمان اليوم من حظ الشرودي *** صـار لأصحاب التمّلق والربـاده في زمان اليوم يا كثـر الحشودي *** كـل مسلم ينتظـر حـرب الأبـاده الأعاجم سلحـّت حـوث الـزيـودي *** والنصيري يلـزم السنّه جـهـاده يتبع |
|
|
|
|
07-10-2022, 04:35 PM
|
#84 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال الشاعر سالم بن عبدالله بن جهبل هذه القصيدة بمناسبة زيارته لقرية البطين يثني على سمو الأمير متعب بن فهد الفيصل الفرحان آل سعود ويسند على زميله عبدالله بن دهيمش بن عبار : 1204 ياهـل البطين الشعـر يومن نقـولـه *** فـي مدحكم يكتـب معـزه وتقـديـر جـينـا لأبـن عــبـار طيب ورجولـه *** يفرح ابو مشعل بشوف المسايير الضيف يرحب به بساعة وصولـه *** في مجلسه تلقى الوجيه المسافير تلـقى هـل الـديـره بجنبـه وحـولـه *** وكلـن يقـول امجهـزيـن المبـاهيـر قـبـايـلـن لـكـن بـحـسبـة حـمـولــه *** ما ينوصف طيب الرجال المناعير ودار الحديث وكل شخص وميولـه *** وكلن تحدث عن زبـون المخاسير عـن الامـيـر الـلي كثيـره افـعـولـه *** بأهـل البطين انشهد انه فعـل خيـر فـهـد بن فــرحان رمـز البـطـولــه *** الفـيصل ال سعـود نسل المشاهيـر عساه فـي قـبـره يـوسع نـــزولــه *** وفـي جنة الفردوس له منزل غير ومن بعـده الـلي باللـوازم عنـولـه *** متعـب بمدحـه يقـصـرن التعـابـيـر دايم على الطولات يتعـب خـيـولـه *** ونعـجـز عـن افعـاله نقـدم تقـاريـر عـنـا الحمول الكايـدات محـمـولـه *** شف البطين اللي حصل فيه تطوير وليامشى بدعوى تصير محلولـه *** من طيب راسه له على الناس تأثير وشـفـتـم قـبـل مـده تـعـلا ذلـولـه *** فـي رحـلـة تعـطـي للأجـيـال تذكـيـر رحلة معزي يـوم ساعة وصولـه *** مسيـرة الـتـوحيـد مـاهـي اسـاطيـر قلت ابي شوف اللي تنومس فعوله *** قالـوا مسافـر قلت يرجع على خير وكـل الكـلام الـلي سمعـتـه اقـولـه *** عـبـر القصيده دون زودا وتزويـر قال عبدالله بن دهيمش بن عبّار هذه القصيدة رداً على الشاعر سالم بن عبدالله بن جهبل يشكر الشاعر ويثني على سمو الأمير متعب بن فهد الفيصل الفرحان آل سعود حفظه الله : 1205 حـي الـزميـل الـلي لفـاني رسـولـه *** منظوم عبر النت أسرع من الطير من قاف شاعر له بالأشعار صولـه *** سالـم بـداه وسطّـر الخـط تسطير اليـا هـرج كـل الحـضـورانصتـولـه *** لفـظـه مـثـل در الـبكـار المباكـيـر يـامـا بـوسط المحـتـفـل صفـقـولـه *** شعـره تفاعل مع صداه الجماهيـر أبـن جهبـل عـلـم الفضيلـه ينـولـه *** الـلـه يـفـكّـه مـن جـمـيع العـواثيـر سالـم أخـذ بـديـار الأجـواد جـولـه *** شاهـد وصوّر واقع الحـال تصوير زار البطين وشـاف لـمّـت نـزولـه *** دار النشامى والـرجـال الـمـغـاويـر كل العنوز ومن حضر من سهوله *** دعـوه لـكـن ردهـم بـالـمـعـاذيـــــر والـكـل شـفـّه لـيـت لـو وافـقـولـه *** لاشـك جـاب لـداعي السفـر تبـريـر والطيب لأهل الطيب عاده وسوله *** أرسل ثـنا المنعور من دون تأخيـر أثـنـا وخص الليث شبـل الشبولـه *** نـادر حـرار مشبـبـيـن الصـقـاقـيـر الشبل اللي كـل الرجال اشهدولـه *** متعـب سلايـل مـن يضـد الطوابيـر ماهو من أصحاب العزوم الكسوله *** ولابـه عن طلوع المعالي معاسير ربـى بقـصـر العـز منـذ الطـفـولـه *** دارٍ بها في خمس الأوجـاب تكبيـر مـن لابـة حـكّـام ورجـال دولـــــه *** والـكـل منهـم باللقـاء يشبـه الـزيـر وأن جاهم الـلي فاضياتٍ عـدولـه *** بالوقت اللي يندر بـه الـزاد والميـر مـن مدهـم يرجع محمّـل رحـولـه *** ويـرتـاح من زود العـنا والمشاوير قال الشاعر صالح بن عياد بن دغيش النومسي هذه القصيدة مجاراة لقصيدة الشاعر سالم بن جهبل وعبدالله بن عبار يقول : 1206 فـي ملتقى الـويلان ساس البطـوله *** وجدت صورة شخص ضمن التصاوير عـلـم مــن أعـلام الرجاجيـل هـولـه *** رجـل كـلامـه صح مافـيـه تــزويـر عـبـدالـلـه الـعـبــار يـعـجبـك قـولـه *** مثـل عسل دوعان بصافي القوارير ولا حـلـيـب الـلي الحشيـم احلبولـه *** وضحـا بهـول مـن النيـاق المغاتيـر تـرعـى زهـر نـوار بفياض خـولـه *** ولا شمـال طـريـف بـهـاك الدواحيـر مع ضف أبـن شعلان اليا شايعوله *** من ولفهـا تنسى ولدها وهـي ضيـر أديــــب ومـــؤرخ ورجّـــال دولــه *** نعـم بأبـن عـبـّار مـرضي الجماهـير يـامـا ويـامـا بـالـمـقـال ارجعـولـه *** وصحح لهـم معـناه مـن دون تأخـيـر وعـقب المغالط انصتوا وافهموله *** ونـوّر لـهـم نـور لـه الـلـه بـتـنـويــر مثـل الجنيـه الـلي يسود العـموله *** واكـبـر مـن الـدولار عـم الـدنـانـيـــر رجـل عـلى الطولات يلكـد ذلـولـه *** مـا يـتعـبـه كـثـر السـفـر والمشاويـر والمـرجلـة مـاهي بهاك السهوله *** الا عـلـى مـثـلـه تـهـون الـمـعـاسـيــر يـاخذ مع الـديان عـرضه وطـوله *** وجهه يقوده طير شلوى على السير لاجـاء لمجلاس الرجال افسحوله *** كـلــه حــيــا مـنـه ومـحـبـه وتـقـديـر نـعـم الحمولـة والحموله حمولـه *** فـكـاكـت الـمـضـهـور سـتـر الغـناديـر فدعان من فدعان صوله وجولـه *** لاثـار عــج الـخـيـل مـثـل الـمعـاصيـر ونعـم الـلي هتاش الخلا صوتوله *** عـلى العـشاء مـن دون ريـاء وتبـذير شبيـه حـاتـم والشهود اشهدولـه *** ابـن مـهـيـد الـلـي تـفـّوق عـلى الغيـر يالـلـه عساه بجـاه باعث رسولـه *** يـكـفـيـه شـر الـنـار حـر وزمـهـريــر وابـن جهبل شاعر ونعم الرجولـه *** وافـي وفـاء بـالمـرجـلـة والتبـاشيـر فـي ملتقى الويلان بـان محصولـه *** وضهـر عـلى الشاشة قبال الطوابير مـن ساس قوم بالمواقـف زحولـه *** زمـل التخـوت الـلي تشيـل القناطيـر وصـلاة ربـي عـدد مـا سبـحّـولـه *** عـلى الـرسول عـداد نـبـت النـواويـر هذه الأبيات عبر النت للشاعر فهيد يسند على عبدالله بن عبّار يقول : 1207 سلام الله على كل الحضور ومقصدي عناز *** سـلام ( ن ) كـل م ااقوله تثنى لبن عـنازي وبارك لك يبو مشعل على هذا على الأنجاز *** لأن انـجـازكـم هـذا أشـوفـه كـنـه انجــازي اخصك لامنافق لك ولانـي يا رجـل مـنـحـاز *** ضميري لونوا ينحاز أشوف العدل ونحازي اونا للمنتدى ماجيت أدور مـنتـدى مـعـتــاز *** عـلى قـوقل اليا حتجته ابي القاكل معتازي ولكن اكثره صورة قـنـاع(ن)غشن البـرواز *** هـذا المنتـدا صوره حقيقه بصدق بروازي وسلام الله على كل الحضور ومتجمع عنـاز *** وتحيـاتي لأبـو مشعـل سلايل جـذرعنـازي قال عبدالله بن دهيمش بن عبار هذه الأبيات جواب لأبيات الشاعر فهيد : 1208 هلا يا مرحبا يا فهيد عدد من عاش بالأهواز *** قريت بيوتك العذبه مثل صوغت ذهب غازي دخولك وسط نادينا لنادينا فخــر وأعــــــزاز *** لأن الـلي كـتـب بـه جـد أبـد ما طبّـه الهازي اللي شرواك نفرح به ولا نقبل خطو همّــــــاز *** الــلي يقدح بعرض الناس لخلق الـلـه لمّـازي نحب العدل والأنصاف ولا نقبل رجل يجتــــاز *** حـدود الحـق طـامـرهـا أبد ما يدخل جهازي قـبـل ما نختـم الأبيـات هـلابـك يـا شبيـه البـاز *** شبيـه النـادر الصيـرم مقـرّه شامخ النازي نسب عناز مثل طويق عظيم ولا اهقا ينهــــاز *** ولا يخلف نسب وايل اللي لعلم النسب حازي أبيات للشاعر عبدالله بن حابس العنزي ذيب عنزة يسند على زميله عبدالله بن عبار : 1209 يابو مشعل جتك من عبر الجهاز *** الـقـصـيـده والـمـه وامـجـهـــزه الحـقيـقـه قـلـتـهـا بـكـل اعـتـزاز *** فـي سنـام المجد مكتوب عـنـزه شرق ولـى شـام ولـى بالحـجـاز *** الـحـقـيـقـه كـل مـجـدٍ نــحـــرزه عـنـزه نـالـت تـفـوق بـمـتـيــــاز *** بـالـعـلـوم الـغـانـمـه مـتـمـيــزه ارتـكـزنـا قـمـة الـمـجـد ارتـكـاز *** عـنـزه فـوق الـقمـم مـتـمـركـزه العـدو مـن شافـنـا جـاه اهـتـزاز *** جـفـت عـروقـه قـبـل لا نـنـجـزه ضيفنـا محشوم مـن كـل ابـتـزاز *** نحشـمـه ونـشيّـمـه مـا نـلـمـزه ارتقـا كـل عـنـزي لـلـمجـد حـاز *** مــن قــديــمٍ كـل عــزٍ نـحـجــزه عـنـزي ثـم عـنـزي بالمجـد فـاز *** عــنــزي دايــم ولأول مــركــزه نـحـمـد الـخـلاق فـزنـا بـجتـيـاز *** مــا لا احـد مـنّـه بـفـعـلٍ نـبــرزه أجمـل الفـرصه لجـتـني بنـتهـاز *** انـتـهـزهـا مـدح فـي كـل عـنـزه وقال عبدالله بن عبار هذه الأبيات جواب لأبيات عبدالله بن حابس ذيب عنزة : 1210 طـاب بـدع الـقـاف والمـنـظـوم جـاز *** مـرحـبـا حـيـيـت يـا ذيـب عـــنــزة لـي مـرام أنشـدك والمقـصـد الـغـاز *** كـيـف ضـعـنـا كـمـا تـضيـع خــرزه قـام يـلـعـب بـالنسب خـطـو الخـنـاز *** حـتى الـلي يرضع صخولـه ومعـزه مـن تـعـبـث بـالـنـسـب مـسـعـاه بـاز *** يـقــمـح الـلـي جـد عـنـاز هــمـــزه مـا خـبـرت الـجـد يـوصـف بالطـراز *** والـفـهـيـم الـعـلـم بـالـصـدر كـنـزه وش بـلا الـلي حـط فـوق الـنـار قـاز *** واعجـبـه مـن غـال حـلـقـه وتـرزه يجـحـد الـواقـع ويـشـطـح بـانحـيـاز *** غــّره الـشيـطـان وإبـلـيـس انـغـزه وأحـمـد الـرحمن نـمشي فـي عـزاز *** مـن سلك قـرشع عن الدرب حجـزه مـن هـلـش يالقـرم بـالـقـاع الـغـراز *** بـالـنــدامــه ضـب قـلــبــه وغــرزه كيـف يا أبـن الـوائلي جـبـر الـقـزاز *** يـوم خـطـو الـتـيـح بالـهـيـم مـحـزه جـاك قـافـي وأنـت تـفـهـم كـل عــاز *** يـالــمـدرّب يـا عــريــف الـمـفـرزه وضـعـنـا يـالـقـرم يـحـتـاج احـتـراز *** ضـد الـلـي عـجـن نـسـبـنـا وخـبـزه حــط عـنـزة مـثـل قـطـيـع الـهـــواز *** حــّرف الـتـاريـخ والـصـدّق انـقـزه وقال عبدالله بن حابس ذيب عنزة هذه الأبيات للمرّة الثانية : 1211 نـكـتـب الـقـيـفـان مـاعــنـهـا لـــزاز *** مــن يــلــز الـيــوم قــافــه عـجــزه يـابـو مشعـل يـاعـسى قـافي مـجـاز *** افـــتـخـــربــه دام ردك حـــفــــّـــزه وانت شاعـر صلـف طـقيـت ارتـواز *** فـي بـحـور الـشـعـر ردك مـعـجـزه يـالـسـان الـشـعـر فـيـك الشعـر راز *** راز بــالــقــمــه جــنــابــــــك رززه يـا عـمـيـد الـشـعـر ردك بـالــتــواز *** كــل شــاعــر صــاغ ردك عـــــززه تـكـتـب الـقـيـفـان مـاجـاك اعـتجـاز *** يـالـمـعـلــم كــل درسـك نــفــــــرزه ذاخـريـن الـوايـلـي وقـت اعـتـيــاز *** لا احـتـمى الـمـوقـف عـدوه وجـلـزه والـردي يـالـوايـلـي مـا يـوم هـــاز *** قــال مـهـمـا قـال عـرفـك هـزهــــزه والـهـلامــه بـالـمـواقــف فـر نـــاز *** عـن طـريـق الـحـق جـنـب واقـفــزه والنسب يالـوايـلي صـعـب الـمـراز *** مـن مـشـابـه فــي جـدال ونــرفــــزه جــاز ولا اجــتــاز ولا مــايــجــــاز *** أيــتـحـمـل كــل هــرجــه تــرمـــــزه قال عبدالله بن عبار : 1212 يـاســمـي الـذيــب مــزاّع الــجــزاز *** كـــان نــابــه بـالــزراديــم اركــــزه يـا شـبـيـه الـلي الـيـا صـار الـلـّزاز *** بـالــمـسـابـق كــل حــاجــز يـقـمـزه مـا نضـب قـافـك ولا صـابـه اغـراز *** تـشـبـه أعـشى قـيـس وأبـن حـلّـزه أشـهـد أنـك يـالـسـنـافـي مــا تــراز *** مـحـتـرم شـغـمـوم والـشـارب نــزه فـزعـتي لا صـار بـالـخـاطـر نـشـاز *** تـوصـل الخـصـم العـنـيـد وتـنـهـزه لـو نخـيتـك جـيـت تـرتـجـز أرتجـاز *** والـعـدو بـاصـبـعـك عـيـنـه تـبـغـزه يا عسى يـفـداك مـن صـابـه انـحـاز *** مـشتـقي بالـنـاس والـحـقـد انـحـزه فـي زمـان الـيـوم صـار الـتـبـع بـاز *** وسـادوا الـكـذبـان وأهـل الخـنـبـزه الــزمــن يـالـقــرم مــا وفّــر نــواز *** مــن عــقــب عـزّه مـشّـرف لـعـوزه والـقـذافـي عـاف غـضّـات الـبــزاز *** حــاكـم فـرنـسـا مـن الـحـكـم انـبـزه وقال عبدالله بن حابس بن مهجع العنزي ذيب عنزه هذه الأبيات لغز : 1213 ياابن عبار انا بنشدك عن شيخ(ن) سلالة شيخ سـلالـة شيـخ بالتاريـخ فـعـلاً هـم هـل الشيخـه يقـول الشيخ انـا مـالي مـعـك ياصاحـبي تـاريـخ وحـنا احترنـا بالـلي صـار ولا نعـرف تـواريخـه وابـي منـك الصـراحـه تـرسخ بتاريخكم ترسيخ كـلمـة حـق والـتـاريـخ شخـصـك مـن شـواميخـه واذا وده ومن كيفـه يـبي فـي كـوكـب المـريـخ ومـن حـقـه عـلـى كـيـفـه يعيش بسطح مريخـه جواب عبدالله بن عبار على أبيات ذيب عنزه : 1214 هـذاك الـلي طـلع لـه نـد وطـاه ونـوخـه تنويخ ولا فـاده عـقـب هــذا حـكـايـا جـمـخـه ومـيـخـه بـخـيـل ولابـه حـميـا كـثيـر الـنـذخ والتشكيـخ متكـبـر والـرجـل عـنـده كـأنـه قـرف بـطـيـخـه قـليـل الفـود ما يفـزع لـلي ينخـاه لـه تصـريخ ومـجـد جـدوده الأبـيض بـدأ بالسـود تلطيـخـه وأنا ياذيب شفت الليث الأروع في عرينه ذيخ نبوح ولو نطح ثعلب هرب من صوت تكخيخه وإذا تبي الكرم والجود تجده أباقي بن لميخ يجـود بكـل ميسـوره كـرم مـا دوّر الشيخـه كذا ومحمد الحجاج يجود ولا الهدف تبذيخ صعد بالمجد والعـليـا رقى بعالي شواميخـه اللي يستاهل الشيخه كريم الكف والطخطيخ ولـلي ما يدرك الطوله يهون وجاز توبيخـه والـلي لا جيته بلازم جـداه بصبعه التفتيخ هذاك أن جاله الناصي يجد ضحكه وتكليخه قال الشاعر جمال بن خليف اللمّيع هذه الأبيات : 1215 يالـلي تبي قطف الشعـر صافي ٍ دون*** من دون مايجرح اناملك شوكي شعـر ٍ عـلى ماقيـل اصلي ومضمون*** بعطيـك للعنـوان رسـم ٍ كـروكي اسمع لابن جدلان وابحر مع الكون*** والا لابـن وسّـام وارم الشكـوكي وايضا الزلامي والسديري وبن عون*** وعبدالله بن زويبن الفحل دوكي ومحمد بن الخـس بستـان وغصون*** يستاهل البستان وصف الملوكي وأبن سرور اللي مع الشعر مجنون*** لو كان عابه شين بعض السلوكي وعـبدالـلـه العـبـار متـعـدد الـلـون *** قـافـه عـلى مـر السنين محبوكي ِ ماهي حَصر لكنهم رمـز وركـون *** اساتـذه بالشعـر مـعهـم صكـوكـي صفوة فطاحل تكتب القاف موزون*** مع سابق الابداع والوصف اوكي وقال عبدالله بن عبار هذه الأبيات جواب لأبيات الشاعر جمال اللميع : 1216 اشكرك يا بـادع بتصنيفـنـا لحـون *** يا أبن الكريم اللي لضيفه ضحوكي أهـل الشـعـر يالـوايـلي مـا يعـدون *** سجـلـت أنـا مـيّـات مـنـهـم أبـوكي منهم أبـو غـياض بالشعر مبخون *** مـاهـو مـن الـلـي لا تـكـلّـم يـلـوكي وعقاب أخو نمشه وساكر وسعدون ***ومحدى كلامه مثل نسج الحبوكي والشاعر سليمان لـه قـاف وافـنون *** ورميح أبن ردعان مابـه شكوكي وأبـن ربـيـعـه قـبلهـم وأبـن لعبـون***ومحسن يحوك البيت يالقرم حوكي وأقدر أعـد مـن أهـل الشعـر مليون *** مـن ديـرة الخفجي لـديـرة تبوكي الشعـر يهجابـه هـلابـيج واعـفـون ***أهـل النفـوس الـلي بثقـل البـلـوكي أهل الردى لوهم من أحفـاد هارون *** بالقـدر مثل الـلي بوسط الشبوكي وقال ناصر بن عطالله : 1217 يتبعيامـرحـبـا بـعـداد مـاداجـوا الـتـرك *** بارض العـرب يمشون قـوة مهابه حـنـا البنيخي نسهج أكلابهم عـنك *** سوق الجحش لاحان وقت الحرابه لايزعجك بهلول في ساحة السرك *** مسكين مـا أيميزالصقرمن غـرابـه والـلـه لـو يرجع زمانٍ بـه العـرك *** وتجول با الديـره ضواري الـذيابـه لايبرك المسكين بـرك الجعل بـرك *** وتـضـيـق بـه دنـيـاه حـتـى ثـيـابـه قال الشاعر حامد الذرعي الشمري : 1218 أبـتـدي بـأبيـات جـزلات ونـقـيـه *** في زبون المجد راعي الطايلاتي ذاك أبـن عـبـار يا زبـن الـونـيـه *** يا حفيـد المجـد في كـل الصفاتي طـولـت غـيبتـك والـنيـه مـطـيـه *** عـطني الأسباب يا ذيـب الفـلاتي صاحبك يالقـرم وقـفـاتـه حـميـه *** مـا تغـيـر مـوقـفـه مثـل الـزناتي لا حـداه الـوقـت غنى سامـريـه *** مـا تفـكـر بالسنيـن المـاضيـاتـي طـايـع لـلــرب وافـكـاره قـديــه *** ما تخلا يوم عن فرض الصلاتي وقد رديت على أبيات الشاعر حامد الذرعي الشمري : 1219 حامد الذرعي جت بيوته هـديـه *** كنهـا النقروح من شـط الفـراتـي صاغ قافـه بالعجل وأهـداه لـيـه *** يحتـري مـني سريـع الـرد يـاتـي مـن قبيلـة لا أنتخـوا بالشمريـه *** من يناطح جمعهم يذهـب فـواتي عزوته شجعان وأيديهم صخيه *** للـضيـوف يـقـلطـون المسمنـاتي يحتمون الـلي تـونـت بـه رديـه *** فزعت المضيوم يوم المعضلاتي الـزمـيـل بمنطقـه يـثـني عـلـيّـه *** لـه الشكـر اعداد ما يزهر نـباتي |
|
|
|
|
07-10-2022, 05:10 PM
|
#85 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال الشاعر خليف بن سعيد الحسني هذه القصيدة يسند على عبدالله بن عبار يثمّن جهده بعد أن بلغه خبر الجحود والتنكّر من بعض الرجال : 1220 يـا أولاد وايـل قـدروا ابـن عــبــار *** راع الـعـلـوم الطـايـلات الجـزيلـه إن قيل شاعر قلت شاعـر وبيطـار *** مـن خـوفـه الشعـّار تـقـفي ذليلـه لاهان ابو مشعل على الربع صبار *** شيـّال صعـبـات الحـمـول الثقيلـه مواقفـه تـشـهـد بـهـا كـل الاقـطـار *** وتجهـل بهـا أهل العقول الجهيله نفسه عزيزه ماركض ورى ديـنار *** ولا هـو وراء التجار يومي شليله قـصـده مـعـزت لابـتـه ياهـل الكـار *** وحـروف شعـره مجمـلات القبيله مـالـه حـلي الا كـمـا طـود سـنجـار *** تضرب به الارياح وصعبن تزيله نجـزاك بالمعروف بأبيات الأشعـار *** وراع الحسـد والحقـد ربـه كفيله لاشــك وايــل جــدنــا مـابـه إنـكـار *** مار افهموا يـأهل القلوب الهبيله حنـا اهـل الفـزعـات حـمـايـة الـدار *** أيام أركوب الخيل وبنت الاصيله يـامـا نـزلـنـا بـدو بـفجـوج الاقـفـار *** اولاد وايل مقــــحـــمين الدبيــلـه قال عبدالله بن دهيمش بن عبار شاكراً زميله خليف بن سعيّد على أنصافه : 1221 لك الشكر يا خليف يا نسل الأخيـار *** تعيش يا ساس الشرف والفضيله لك الشكـر يا طيّـب الساس تـكـرار *** حيثك من الـلي يكسبـون النـفيـلـه أولاد حسـن مـن صماصيـم عـمّـار *** حـمـايـل وشجـعـان يـوم الـدبـيلـه أشكرك ثـم أشكرك يا حـر الأحـرار *** واشكـر القـرم الـلي اهـدافه نبيله فـواز جعلـه من طويليـن الأعـمـار *** أطلـب لعـل سنين عـمـره طـويلـه حيثه كتب عن لابته صدق الأخبار *** شبحه بعـيـد ولا أهـدافـه هـزيـلـه وبعد الشكر نبدي لكم كـل الأسرار *** والـلي يـقـول الـقـول ربّـه وكيلـه بالنـاس عميـان البصاير والأبصار *** مـالـه سـوى ذم القـرابـه وسيلـه مجـهـودنـا مـا يجحـده كـود مـكـّار *** شين الضمير الـلي يـبور بعميلـه نـعـوذ بالرحـمن مـن شـر الأشـرار *** أهـل العـلوم الناقصـه والـرزيـلـه والنـاس مـا تسمع هـذاريـم ثـرثـار *** والهرج بـلا برهان ما ينصغيلـه قال الشاعر خليف بن سعيّد العطعوط الحسني هذه القصيدة يثني على عبدالله بن دهيمش بن عبار يقول : 1222 سـلام مـرسـل ياصلـه فـي محلـّه *** للشّاعـر العملاق بالشعـر سـادي عـنـد القبيلـه لـه مـواقـف مجـلّـه *** الفعـل يثبـت كـان عـال المعـادي عـبـدالـلـه العـبـار ناصـع سجـلّـه *** فيه الذكا والميز وبالهرج هادي تـهـابـه الـشـعّـار تـقـفـي مـذلّـــه *** مثـل المهند لا سحب من غمادي شاعر بني وايل على الضّد عـلّـه *** الشّعـر احاطه بالجزيلات جـادي قـصـايـده ومـواقـفـه يـشـهـدلّـــه *** عـنـد القبيـلـة لا غـدا كـل غـادي واجـبـلّتـه يـا حـيـهـا مـن اجبـلـّه *** فعـلاً ريـد ولاهـو بشخص عادي لا مـا تسـاوت الـرجاجيـل لـل لـه *** الفـرق واضـح بالفعـل والمبادي لا يهمّك المغرور ومن فيه خـلّـه *** الـلي السنتهم بالفضاوي حـدادي الشيخ الـلي صعب القضايا يحلّه *** لاصار بين الناس مخطي وقادي والشيخ الـلي يبهجك في فزعتلّه *** الـلي اليـا حـدك من الوقت حادي والشيخ اللي باب الحكومه يدلّـه *** لا شاف فـي وضع القبيلـه نكادي والشيخ الـلي دوم يعـرف محـلّـه *** ما يفيد جـدّه صار عظمه رمادي قال عبدالله بن دهيمش بن عبار هذه القصيدة جواب لقصيدة الشاعر خليف بن سعيّد العطعوط الحسني : 1223 يا خليـف مقصودك فهمنـاه كـلّـه *** معـنـاه هـو شفي وغايـة مـرادي هـرجك صحيح وفكرتـك مستغّـله *** وأنـت الذي وقت اللّوازم سنادي تعـيش يالـلي مـا بـدت منـك زلّـه *** دايـم عـلى علوم الفضيله تنـادي حيثك شبيـه الحـيـد يـلـجـأ لضلـه *** عـن الهجير وعن لفيح البـرادي شروى جنابك صاحبه مـا يـملّـه *** الـلـه يعـزّك يـا عـريـب الجـدادي يـا أبـن سعيّـد غـامـط الحق قـلّـه *** يصيـر عـن ظلـم الخلايق حيادي الـلي الـقـرابـه بالمـكـايـد حـبّـلـه *** ياليت لـو عـد الصحيح الوكـادي والـلي حكا بالـزور ما أحـدٍ فطله *** الـكـذب مـاهـو للحـقـايـق يـلادي ومن ينكـرالمجهود ياخليف خلّـه *** لـو حـثّـه النّاصح يزيـده عنـادي الـلي بقـلبـه يا أبن الأجواد غـلّـه *** يجحـد ثناي ولا يشوف اجتهادي يا كثـر الـلي هـرجه نحطّه بسلّـه *** حيثـه عـلى ماقيـل هـذر ودوادي ياما أجتمع ضدي من القوم شلّـه *** يـبـون تطلس سمعتي بالسوادي ومن عانه الرحمن قصده وصلّه *** أمشي عدل الـلـه عليه اعتمادي قال الشاعر منصور بن عبدالله بن دهيمش العبار هذه القصيدة يسند على والده : 1224 جبت الـذي غيرك لها ما حـداً جـاب *** وبـينت حـاجـه مثـلهـا مـابعـد جيـب كـتبـت بالشـعـر وتـواريـخ الانـساب *** وصـارت كتابـاتـك عـلـيها مطـاليـب ودقـيـت بفعـول الثـقيـلات الاطـنـاب *** وبنيـت لـك بـيتـا تـعـدا عـن العـيـب ووفـقت مابـيـن الاجانـب والاقـراب *** كلن شهد لك في زمانك على الطيب امـا حسـودك يسكـت ويـاكـل تـراب *** كـانـه تـكلـم او كـتـب بـك مـكـاتـيـب يبحـث عـن الشهـره منافـق وكـّذاب *** يبغى لعقلـه تـالي الـوقـت تصـويـب فـعـلـه يـشيـن ولا تـجـمـل ولا طـاب *** مسـوي انـه عـنـدنـا صايـرن ذيـب مـايـدري ان الـليـث لا كشـر انـيـاب *** بيشوف والـلـه في زمـانـه تعاجيب يـخـيـّب ظـنـونـه اذا الـظـن مـاخاب *** ويهـذب الـلي عندهـم نقص تهذيـب وان كان والله صاحب الذنب مـاتـاب *** نحـرق يديهـم بيـن حـمـر اللواهيب ندعس على الاشناب ونقص الارقاب *** مـاعـندنـا رحـمـه ولا فـيـه تـأنيب وقت الشتا يرجع إلـى جحـره الـداب *** وبالصيف يلدغ مثل سود المحاريب هذا اللذي يرجع بعـد طـولـة غـيـاب *** ينقـص راسه قـبـل يطلع بـه الشيب دايـم ورى ظهـور الرجاجيل يغـتـاب *** عـزالـلـه انـه ماكسب من مكاسيب وعـلاقـتـك فـيـهـم مـّدرس وطـّـلاب *** يبغـون مـن حضرتـك عـلم وتدريـب راسك بوقفاتك عـلى المرجله شـاب *** ولا طـرا لـك تـجـمع المـال بالجيـب عـزالـلـه انك من طـويليـن الاشنـاب *** ولابـد مـاتخـطي ولابـد مـاتـصـيـب والـلي أخطأ لابـد فـي يـوم مـاصـاب *** كل شي تلقى لـه مع الوقت تخريب مادام صرت لعـزوتك ستـر وحجـاب *** ورتـبـت مـايحتاج للـربـع تـرتيـب كـتـبـت تـاريـخ وشعـر داخـل كـتـاب *** محشوم والله عن جميع العـذاريـب كـل من قـرا لك يبدي بكتبك اعجـاب *** ولا لحـق فـي مـاذكـر شك او ريـب عـلـمتـني عـلـمـك وانـا تـوني شاب *** احيـان بالترغـيب واحيـان تـرهيـب يـابـوي والـلـه مـاتـوفـيـك الالـقــاب *** فعـلك نـزيـه ولا حصل بـه معـاييب ماجبت في صغري لنـا كثـر الالعـاب *** دايـم توجهنا عـلى الجـود والطيـب علمتني ماقفل عـلى المجلس البـاب *** وشلون اخلي من ضيوفـي معازيب ميلـت عـقـالي ماهييـب ميلـة الكـاب *** والضيـف لامـنـه لـفـا لـه تـراحيب خـلـيـتـنـا نـبـذل ولانـحسـب حـسـاب *** مـادام نـعـرف وش عـلينا مواجيب افـعـالـنـا دايـم عـلـى راس مـرقـــاب *** والطيـب فعـلـه في جميع الاساليب قال عبدالله بن دهيمش بن عبار هذه القصيدة جواب لقصيدة الشاعر منصور بن عبدالله العبار : 1225 قـال الـذي من خاطره يعرب اعـراب *** رد الجواب الـلي لفاني عـلى الويـب مـهـديـه قـرم يـفـتـهم كـل الأوجــاب *** منصور قافـه يطـرب البال تطـريـب مـني لأخـو مشعـل تحـيـه وتـرحـاب *** اعـداد مـا لاحـوا عـلى شمّـخ النيـب واعداد مافوق البسيطة من اعشاب *** واعـداد مـا تكتـب رقـوم الحـواسيب عساك في حفظ الـولي رب الأربـاب *** يحفـظـك خـلاّق المـلأ عـالـم الغـيـب يـسـعـدنـي أنـك للـجـزيـلات كـسّـاب *** وتنجح اليـا مـرّت عـليـك التجاريـب باغيـك تستـر غـيبتي عـنـد الأجناب *** وتـرفع مقـامي بـيـن كـل الأصاحيب والحمد لـلـه صايب الرأي ما أيعـاب *** لـو عـذربـوه مـروجـيـن الأكـاذيـــب مـا يـبـلـغ المقـصد مخـادع ونـصّاب *** لابـد مـا تـكشـف جـمـيـع الألاعـيـب حـنـا ضـنـا عـنّــاز والـعــرق جــّذاب *** ولا يغـيّـر الـواقـع ختـوم المناصيب الختم يصنع من مقاصيص الأخشاب *** كانه صبغ حبره عـلى الظلم ماهيب الختـم ختـم الـلي نـفـع كـل الأصحاب *** الشيخ أخو بقشه مهدي الأصاعيب والأمعط اللي لعـزوته سور وحجـاب *** وقـف لهم يـوم السنين الشـلاهـيـب وقـيران وقـت الملـزمه جـر الأسباب *** ختمه نفع عنـاز من غـيـر تـثـريـب وعلم الفخر والمرجله حازها شهاب *** الـلي حمى زلـوم وصويـر وهـديـب ونال الفخر برجس ومشعان وعقاب *** وأبـن مهيـد مشبـب الغـوش تشبيب الـلي يـنـادي بالعـشا وقـت الأجـداب *** تـنـصـاه حـولات الـبـداه المـراكـيـب صيـد الـرجـال الـلي يفكون الأنشاب *** أهـل الحجى بالمعضلات المصاعيب يوم الفخر والمجد في شلف وحراب *** فـوق السـبـايـا يـاخـذون الأعـاريـب والـيـوم لـلـي لـسـنـهـم تـقـل نـشّـاب *** تـوازنـت لـمـدوريـن الـمـشـاعـيــب سود القلوب مفرقـّت شمـل الأحبـاب *** والـكـل منـهـم جـنّـب الحـق تجنيـب مـا يـربـح الـلـي لـلمـغـريـن يـغـتاب *** ينشر عـلـوم الهيـف شرق وتغاريب يـرسـل نـديـبـه بـالـهـرابـيـد نـجّــاب *** دايــم يـدوّج بـالـديـاويـن وايـلـيـــب اليوم حتى الـلي تحسّى من الأكـواب *** يشمت وهـو عـيـبه لـحـد التـلابيـب قـلتـه ولانـي مـن هـل البغي مـرتـاب *** الظلم يوجد من عصر نوح وشعيب الظالم الـلي ما عـرف نفض الأجـياب *** حسيبه الـلـه لـه من الـرب تعـذيـب لـي يشهدون أهـل الضماير والألبـاب *** لهـم عـلى من يلفض الزور تعقيب لاشك من يثبت عـلى الحق مـا هـاب *** دامـه عـفيـف ولا ذكـر بـه شواذيب قال الشاعر منصور بن عبدالله العبار : 1226 يـا أبـوي تـكـفـا لا تـلـقـي لـهـم بـال *** ذولا الحسد والحـقـد أحرق قلوبهم لا تـكتـب الأشعـار بـأسبـاب الأنـذال *** ومهما كتبوا ما أحدٍ قـرأ مكتوبهـم يوم أنت تمشي تقطع آلاف الأميـال *** هـم توهـم يمشون يا أبـوي دوبهـم يـبـقـون بـالـوادي وتـصعـد للأجبال *** لا حـقـق الـلـه الـولـي مـطـلـوبهـم أنت الذي يـا أبـوي تـبحـث ولا زال *** وأهـل الـرذيـلـه يكشفـون عـيوبـهم أنت الأصل لا تستمع بعـض الأقوال *** لا تـكـتـرث لـو أرسـلـوا مـنـدوبـهم قال النقيب منصور بن عبدالله بن دهيمش بن عبار هذه الأبيات وهي رساله من مرابط في ميدان الشّرف والبطوله : 1227 رابـطـت بـالـحـد الـجـنـوبـي رقـابـه *** وأفخـر بميدان الشّرف والبطولات نمشي عـلى نهـج النبي والصحابـه *** والنصـر مـن ربـي ولي السماوات والـمـوت دايـم جـيشـنـا مـا يـهـابـه *** وأرواحنا لأجـل الكـرامه رخيصات واقـلوبـنا مـثـل الصّخـر بـالصـلابـه *** ولا هـمنـا الـلي يرفعون الشعارات جـمع الـمـعـادي مـا يـدّنـس تـرابـه *** دونـه بـواسـل حـافضين الأمـانـات جـماعـة الحـوثـي تـراهـم عـصابـه *** لاشـك حـنـا مـا نـهـاب العـصـابات حـنـا بـلاهـم بـالـلـقـاء والـمـجـابـه *** مهـما تخفـوا في كهـوف المغارات عـاداتـنـا دحــر الـعــدا بـالـحـرابــه *** يا سعـد من يسنـد عـلينـا المهـمات حـد الـوطـن حـنـا نـعـذي جـنـابــــه *** ماهـو من أجـل الترقيـه والعلاوات الحـوثي الياصـال نـعـطـب صـوابـه *** مـن جاء لـنا هجّـام يحرق بصليات قـلـت احـرقـوهـم بالـفشـق يالـذابـه *** ثـم انهشوهم نهـشة الـذيـب للشات وتـرى المجاهـد دعـوتـه مستجابـه *** أدعـوا عليهم بعد خمس الصلاوات بالـحـزم عـاهـلـنـا نـطـبّـق خـطـابـه *** يامـر وحـنـا بـطاعـتـه كـل الأوقات قال عبدالله بن دهيمش بن عبار هذه الأبيات مجاراه لأبيات الأبن منصور بن عبدالله بن دهيمش العبار : 1228 الـقـاف يـا مـنـصـور دونـك جـوابـه *** قـريـت منظـومـك وخـذ رد الأبيات الـعــمـر ربّــك دونـه فــي كـتــابــــه *** عندك يقيـن أن السنين محسوبات خـالـد بـن الـولــيـد كـمّـل شـبـابـــه *** وجميع جسمه به مضارب وطعنات سـهـم المنـايـا مـا يـحـسّـب حسابـه *** ويوم الأجل جاله على مفرشه مات من جـاهـد الموت الحـمر ما عـبابـه *** حـامي حـمى بلاده ينـال الشهادات ومن لا رفـع بالكون روس القـرابه *** خاب وتعـرّض كـل زاري وشـمّـات الـلـي يـجـي مـن عـنـد ربّـك هـلابه *** ومع الصبـر لازم تـزول الصعوبات حـيـث الـفـرج يالـقـرم مـاسـد بـابه *** في قـدرة المـولى فجوجه وسيعـات جـيش السعـودي ما بساسه معـابه *** نسل البواسـل بالـسنيـن القـديـمـات ذادوا عـن شعـوب الوطـن بالنيابـه *** وساروا بأمر سلمان ستر العفيفات شعـب اليـمن سلمـان يجبـر نصابـه *** ضـد الـذي حشـد عـلى الحـد قـوّات سلمان هـو عـوق الخصيم وعذابـه *** هو سقم من سوّى على الحد قالات حزب المجوس أن كان كرر ارهابه *** نسقيه من لـب الحنـاضـل قـلاصات الـمـعـتـدي تـصـبـح ديـاره خــرابـه *** والـلي طغـى لازم ينـال العـقـوبـات قال الأبن الشاعر النقيب منصور بن عبدالله العبار هذه الأبيات : 1229 مـا دام تـفـخـر فـي فـعـولك قـبـيلـه *** حنا فخـرنا إنـا من اصلك ومجنـاك شـلـت الحـمـول الكـايـدات الثـقـيلـه *** ودونـت مـا قـدرّك ربــي بــيـمـنـاك رقـيـت فـي فـعـلـك بـراس الطويلـه *** ومن الحسد بعض المخاليق تشناك وياكـثـر مـن حـاول ولا أحـدٍ دريلـه *** لا فاعـلـن فعـلـك ولا هـو تحـاشـاك تـثـني عليك أهـل السطـر والفضيله *** ولا هـمّك المذموم لـو كـان عـاداك قـلـنـا كـمـا قـال الـزلامـي بـقـيـلـــه *** يـلـومـك الـلي مـا يسـوي سـوايـاك رد عبدالله بن دهيمش العبار على نجله النقيب منصور بن عبدالله العبار : 1230 تسلـم عـلى نظـم البيـوت الجـزيـلـه *** وتعـيش يا منصور يحفظك مـولاك الـلـي حـسـد مـالـه عـلـيـه وسـيـلـه *** ولاله مطالب يا عسى الرب يرعاك مـا قـلـت قـول ألا مـوضـّح دلـيـلـــه *** ولاهـمني مـن كـان جـاحـد وشكّاك شيـن الضميـر الـلي علومه هـزيلـه *** وش عـاد لـو مـالـه دعـيـه تبلواك أعـتـز بـأصحـاب الـخـلاق الـنبـيـلـه *** الـلي أن كان اطريتهم قيل شرواك ومن دار عيبي ما حصل له حصيلـه *** حسيبه الله خالقي مجـري الأفـلاك اهداء خاص من الشاعر أبو ليلى الفدعاني إلى أبو مشعل عبدالله بن عبار : 1231 سجلت لك في صفحة الطيـب مـيـلاد *** بـيـن الرجال الـلي عـريـقة نـسبهـا ترفع لك الراية على رؤس الامجـاد *** وان شـبـت الـنـيـران تخـمـد لهبـهـا وان كان لأهل الطيـب سيـد وأسيـاد *** تـرى أنـت سـيـدهـا وسـيـد عـربـها وقال عبدالله بن عبار الرد على أبيات أبو ليلى : أنا اشهد أنك يا أبو ليلى من الأجواد *** الـلـي اليـاعـد الــرجـال انحسبهـا عسى فـداك أهـل الهـذاريـم الأوغـاد *** اللي الحقايق عن سنعها اتحجبها دامـك مـعـي مـا هـمـني كـل سرمـاد *** والجـرب بالقطران نـطـلا جـربهـا وقال أبو ليلى : 1232 سـر يا قـلم واكـتـب الابيات منقوشه *** بـيـوت شعـر تـشرفـني معـانـيـهـا للصاحب الـلي يـمـد الطيب وينوشه *** مـن روس قـوم علي العليا مبانيها رفقة شرف ماهي بالتلفيق مغشوشه *** يسمع بهـا قاصي العـرب ودانيهـا وهذا جواب عبدالله بن عبار : تعيـش يالـلي بالنظـر تبعــد الطـوشه *** يفداك ناس ينظرون لمواطيهـــا والخايب اللي مقصده يجـمع قـروشه *** تمرح ضيوفه مقويه ما يعشيها واللي يدوّر على أبن عـمّـه الهـوشه *** وعدوان ربعه بالمجامل يداريها قال أبو ليلى : 1233 الطيـب اصلـك مـا شـريتـه بالاثمـان *** متسلسل من نبع ناسن عزيزين الطيب ساسك وانـت للطيـب ديـوان *** قـولن صحيح ولا يبيلـه براهين لبست من طيبك على الراس تيجان *** تاجـن قـوي ولا تهـزه سـلاطين مع عاطر تحياتي إليك الجواب جتني هديـة صاحـب القـدر والشـان *** واشكرأبو ليلى عـلى المنطق الزيـن اشـكـر جنـابـك يـا سـلايـل كحـيـلان *** قدرك يابو ليلى على الراس والعين حيثك الـذي مثلك مـن الربع فهمـان *** يشيـد بجـهـودي ولا مقـصده شـين وقال أبو ليلى : 1234 يا صا حبي يا كثرهم من تخلو *** اجـي ادورهـم وهـم مـايجـونـي ان جيت اسلم رحبوا بي وهلو *** وان غبت عنهم وقت مايفقدوني مدري كثيرة اشغالهم او تغلوا *** اخـاف اعـاتبهـمـوهـم مـايبـوني الجواب على أبو ليلى : تـرى الـذي صامـوا لـربـك وصلـوا *** لأهل الوفاء والطيب ما يجحدوني لاشك اللي عن مسلك الدرب ضلوا *** لابـد واحـدهـم يـمـوق ويـخـــونـي وأهـل الـردى والـزوم مهما تعلـوا *** لابـد مـن بــعــد الـعــلا يـنـزلـونـي وأهل الكـبـر يـامـسندي كـان ولـوا *** مـاهـم حسايـف خـلـهـم يـذلـفـوني وقال أبو ليلى : 1235 محد يشق القلب من دون تفكير*** حتى الاطباء ترتجف منه وتحتار غلاك شق الجوف من دون تخدير*** يبنيب وسط القلب قصور وجدار هذي حقيقه قلتها لك دون تزوير***ورسل لأ بو مشعل من الشعر تذكار الأخ أبو ليلى شكراً على الأبيات وإليك الجواب: تسلم يا أبو ليلى عسى فالك الخير *** حيث أنت يالشغموم من لابه خيار اطلب عسى يحفظك والي المقادير *** الـواحـد الـلي لـلمـخـالـيـق سـتّـار مشكور يا ريف الـبـداة المسايـيـر *** أنـت الـذي تـفـرح اليا جوك خطّار وقال أبو ليلى هذه الأبيات : 1236 اشتـر خـوة ابـو مشعـل مشتريني *** صـاحـب وقـت الشدايـد ينتخابه وافي في خـوتـه نـعـم العـويـــني*** مسنـد با الضيـق قـرم يـعـتـزابــه الرفيق الـي لـه افـعـال تبيــــــني**** االمـراجـل متعـلي كـنـه سـحـابـه الكـريـم الحـاتـمي ذرب اليمينــي*** الشـجـاع الـلي عـدوانـه تـهـابــه اشتـر خـوة ابو مشعـل مشتريـني *** صاحـب وقـت الشدايـد ينتخابه وافي في خوته نعم العويــــــــني *** مسنـد با الضيـق قـرم يعـتـزابه الرفيق الي له افعال تبيــــــــــني****با المراجـل متعلي كنه سحابـه الكـريم الوايلي ذرب اليمينــــــي**** لابته بالكون خصمه ما تهابـه جواب عبدالله بن عبّار : 1237 يا أبـو ليـلى يا سليـل الـغـانميني *** اللي مثلك قرم نفخـر في جنابـه يابو ليلى هاض من قافك كنيني *** ومن قريته بالعجـل جتك الأجابه يابو ليلى حثـني طبـعي وديـني *** الخـوي فـي سلمنا يلقا الـوجـابـه وأنـت مـا يخـفـاك مـابـينك وبـيني *** مانت خوي أنت أبن عم وقرابه اشتـر خـوة ابو مشعـل مشتريـني *** صـاحـب وقـت الشدايـد ينتخابه وافي في خوته نعم العويــــــــني *** مسنـد بالضيـق قـرم يـعـتـزابه الرفيق الي له افعال تبيــــــــــني*** با المراجـل متعلي كنه سحابـه الكـريم الوايلي ذرب اليمينــــــي*** لابته بالكون خصمه ما تهابـه اهداء للشاعر والمؤرخ الكبير..عبداالله ابن عبار قالها أبو ليلى : 1238 سـلام يـاكـاسـب غـلا كـل مغـليـك *** يامالـك زمـان المـراجـل بـيمنـاك الطيب ساسك والعرب عزها فيك *** لا ضاعت علوم الرجاجيل تنصاك ربـعـك تفـاخـر وتـفـخـر بطاريـك *** لاهان ذاك الـلي على الطيب رباك وهذا جواب عبداالله ابن عبار رداً على أبو ليلى ـ تشكر يا أبو ليلى عسى الله يحييـك *** عسى الردي واللاش والنذل يفـداك يفـدونـك أهـل البـلـبـة والـدبـالـيـك *** الـلـي سـوالـفـهـم هـرابـيـد وعــلاّك مـجــدتـنـي يـاعــل ربــي يـقـويــك *** وياعـل ربك سامك العـرش يرعـاك وقال أبو ليلى : 1239 الجـود شيخ تملكـه عـدة اطـراف *** بـس المـراجـل حالـف انـك ولـدهـا عريب جد وحاوين كل الاعـراف *** دنـيـاك جـنـة بـس فـعـلـك رغـدهــا كـن العـلوم الطيبه عندك اهـداف *** صارت فـريسه وانـت كنـت اسدهـا وقلت رداً على الأبيات الثانية : تـعـيش يالمنـعـور يـا بـادع القـاف *** يامن رفيعات المراجل صعـدهـا يـفداك جـنابـك كـل هـايـف وبـلاّف *** اللي العلوم البايهات اعتمـدهـا خطو الهبود الـلي تهـور الياشاف *** أهل الفضايل والجمايل حسدهـا مخلوق ربي يالسنافي لهااصناف *** وأهل الدجل والكذب ربك قردها وقال ابو ليلى : 1240 يا ذيـب لابـد مـا يـضـحـك الـنـاب *** وابـياتـنـا تاصلك مـنـا سـريـعـه انـا ذراك الـيـاغـدا الـلـيـل هـبـاب *** وانا معك مثل الجسور المنيعه والوقت لوهو جار فالحظ ماخاب *** مادمت انا لـك ماتجيـك الهـزيعـه امر وانا لك ستر وكنان وحجاب *** والروح تامـرهـا وهي لك مطيعـه يتبع التعديل الأخير تم بواسطة عبدالله بن عبار ; 07-10-2022 الساعة 06:30 PM |
|
|
|
|
07-10-2022, 05:33 PM
|
#86 |
|
صاحب الموقع
تاريخ التسجيل: Mar 2008
المشاركات: 10,329
|
تابع قال منصور بن حواس الخضع يسند على عبدالله بن دهيمش بن عبار: 1241 يـوم عـن يـوم العـوايـد بالنـزول *** كل يـوم السّلم بعـيونك تـشـوفـه مـار أنـا شـفـي تـقافـا بـالـفـلـول *** من يباس شدوق الاغلب والنشوفه والطبيعه يا آبو مشعل مـا تـزول *** لـو تـغـيّـر بـالـبـنـادم دم جـوفـه باطـح مـع جـرهـد العـز الرحول *** تابع الـلي عصبته قبل معـروفـه الظهـر يا سيّـد الـعـرف مخـزول *** عن دحادير الترجـي في جروفه من يقول الحـق هالوقت مهبـول *** مـل حـال سـببـوا لـهـا الـتـلـوفـه كـان ما خالطتهم صرت معـزول *** وأن بقيت القاالعواجه والجنوفه شفت إنا ماعفت يالقرم الخجول *** من هـزيـل الفانيه زادت ظروفـه يعلم الله يابومشعل لك من قبول *** عند غـوش شوفكم غاية شفوفه قلت ما قلته عسى عمرك يطول *** موقـفك ما ينسي ماضي وقـوفـه لك يميل القلب يا حيص الزمـول *** دون ماتحرج على ردت حروفـه قال عبدالله بن دهيمش بن عبار هذه الابيات رداً على الشاعر منصور حواس الخضع الرويلي : 1242 يالخـضع يا عـل عـزك مـا يـزول *** الخـلايـق غـيـرت كـل معـروفـه مثـلـك وشـرواك شيـال الحـمـول *** مـن ثقيل الشيل ما ملت اكتوفـه لا يـهـّمـك بالـعـرب كـل مخـلـول *** اتركه جعـل الولي يقطع صنوفه مـا نجـح يالقـرم لـكـود النـطـول *** كـل خـبـره بالعـرب لازم يـلـوفـه ما سمع ناصح ولا طاع العـذول *** يرتمح والنفس ما نالـت شفوفـه يطوي البلـدان في كـور الذلـول *** خـفهـا حفيـان وابيّضـت ادفـوفـه الـلي سابق مجلسه عند النعول *** صـار ينعـت بالسعاده والعطـوفـه ارتـقـا الفـاسد وشرّاب الكحـول *** والـفـدامـه والهـلاسـه واللفـّوفـه والسنافي صار يالقـرم مخـذول *** منطوي محتار يشكي من ظروفه ولا يـنـال الـعــز رجــال كـســول *** ومن تّونى طاح والعـزّه تطوفـه يا زميـل العـون وش ودك اقـول *** يامنصور القاف ما تكفي حروفه وأنت عدل وتابع لهـدي الرسول *** والزمان الـلـه يفكك من صدوفه قال الشاعر منصور بن حواس الخضع الرويلي هذه القصيده يثني على زميله عبدالله بن دهيمش بن عبار : 1243 سـلام يـالـعـيـلـم لـنـا طـاب فـايـضــك *** خمسين عـام وعنـزه في مقيضك لك من شمال المملكه صوب عارضك *** عـليـا الـرويلي تتحد مع فـريضك ذاربـك بـس مـلاحـظـه يـوم الاحـظـك *** الـريهجان أن قـام يشلع نضيضك حـنـا نـخـبـرك اليـا تـهشم تقضقضـك *** من دون وايـل ما لتح مستهيضك يـا فـارض نـفسـك ولا أحـد بفـارضك *** عن الحقوق استاخذوامن نفيضك الشمغ سوداء وأنت بيض قضايضك *** وعناز ترفع لك على الجال بيضك وانـت العـريـب ويجـذبـنـك نضايضك *** حيص منيب ولا يتعافى كضيضك تمشي قدم رجلك شرف عن معارضك *** ما دنقت نفسك عسى الله يعيضك شريف لوفي ما مضا الحـمل باهضك *** من عف نفسك مايجضور جضيضك ولا مـدحـت الـلي تـراجـيـه يـقـرضك *** عن منبـر الكذبان مبطي فضيضك من شبتك ياما غشى الشيب عارضك *** زبدت كلامك منتجه من خضيضك وان ذمـك الناقص ترى الـذم ينهضك *** حيـث ان نقصه بالمزايـا نقيضـك واثـني مـعـك والعـن ابو من تعرضك *** دع عنك من هو باللقاء مايعيضك تـمـت يا بـن عبـار واردف لفـايضـك *** قريض منصورالخضع مع قريضك قال عبدالله بن دهيمش بن عبار هذه القصيده رداً على الشاعر منصور بن حواس الخضع : 1244 مشكـور يا منصـور جـني قرايـضك *** حيثك علم يهـدي الطراقي وميضك يالباسل الـلي مـن تخـمـه مقـابضك *** بالمخلب الشاطـر تعـالـج مـريـضك أنت الجبل ما كـل عاصف يقـوّضك *** تزمي شموخ وترتفع عن حضيضك وأنت الذي جدّك على الطيب فوّضك *** وآبوك ورثك الفخـر هـو وعيضـك اعـتـز في شعرك ونطقـك وملفضك *** واعـز من عـّزك وأبغـض بغـيـضك نوهت بجهودي عسي اللـه يحفظك *** ماطعت قول اللي اجهدوا بتحريضك يامن عـلى العليا سريعه مـراكضك *** وعـن الحقايق ما رضيت اتغـميضك مهما قسى صعب الزمن مايروضك *** وعـن العلـوم الغانمـه مـا يـريضـك أنت الـذي منطوق الأنذال غامضك *** واعلنت في سود القلوب اتعـريضك هـذر العلوم العوج مااظن تحمضك *** وهـرج الردي يا مسندي لا يهيضك الظلـم من الظالـم يغـثك ويـمـرضك *** والكذب يا نسـل الحمايـل يغـيـضك قـلت لسـفيـه الـقوم وقـّف تـلمضـك *** أذلـف لعـلـك مـا يـتليّـم شـضيـضـك غـّرك غـليـث فـي نيابـه يعضعضك *** وآن يسر المعبود نـدفـق حـويـضك بـأنساب وايـل مالك الـلـه نقايضك *** يا مـزوّر التـاريـخ فضّخـت بـيـضـك وقال منصور بن حواس الخضع الرويلي هذه الأبيات يسند على زميله عبدالله بن عبار : 2245 يا000 فهمك طلفحه يبــوطلفــــاح *** تراك ترخص حظ ماترخص الروح حافظ على سيرة رخيصين الارواح *** شبهتنـــي يادوبني عاد ممــــــدوح شبهـاتكم من دونكم مالها مـــــراح *** أثبـــت صلاحك لايصّلحك صلّــــوح لاتصعّر خــدودك يجن وضع تلفاح *** لمكركم كفــوفً مع الوايلــــي زوح ماتعلّــــق اللوحه ولو ماأنت فـلاح *** مكانهـا كسرٍ بــه رشيـد مشتـــــوح لســانك تمصخّ ر ببومشعل بردّاح *** جاك المروبع مجهشً مايبي مــوح وهذا جواب عبدالله بن عبار على الشاعر منصور الخضع : 1246 يامن لبست من الفخـر تـاج ووشاح *** يـفـدا جنابـك يالخضع كـل مكبوح وعسى فداك اللي لدرب الردّى راح *** النذل اللي قلبه من الحسد مجروح الـخـايـس الـلي بـالـديـاويـن نـبــّاح *** يشمت على غيره وفيه ألف ساموح هـذاك كـنـّه يـا أبـن الأجـواد طـراح *** ينبح بـغـوبـه مظلمه مـابهـا ضـوح أنسـاب وايـل نـنظمـه نـظـم مسباح *** مبـطي نسبنـا بالتـواريـخ مشروح وبعض الرجال زوالها مثل الأشبّاح *** فعله شنيع وبين الأصحاب مفضوح قال منصور بن حواس الخضع الرويلي هذه القصيده يسند على زميله عبدالله بن دهيمش بن عبار : 1247 شـدهّـا بـالبسـمـلـه لـفـظ الـجـلالـه *** والـصـلاةً عـلـى إمـام المـرسليـن راكـب الجمس الغـتـر شـد الوكالـه *** لـون عـنـقـود العنـب بالقـريـتيـن مـدبـح متـونـه مـن آلات إشتـغـاله *** كنه مثنّـدى الولــــد حبس الظعين أفحـجً يا أدبـح خـفيـف الإنتـقـالــه *** دون عـقـرب نـص شـد الهنقـليـن كان وصفه يعطي المعـنى جـزالـه *** أبـي أسمهـرّبـه عـلى يامـل عـيـن مـل عـيـنً تحـت فـكـرآ غـيـر دالـه *** مـن شـمـالات الـلـيـالـي لـليـمـيـن وصّـل المـعـنـا المعـنـّى بالـرسالـه *** مـع سـلامً مـثـل نـوج اليـاسـميـن مـن غـلامً مـا جهل وقـت الجهالـه *** هـيضّـه قـل الحـيـا مـع مستحـيـن يـاعـزيـز يـصـبـر ويـاطـول بـالــه *** الـتـحـلـوي مـانـفـع بـالـبـايـهـيـن يـوم جـيـتـك جـيـت رداد الجـمالـه *** عن وقوفـك لعنـزه مـاض السنين عارض صدري لسان أبو محـالـه *** دونـكـم يـاعــد وايـل بـالـقـطـيــن غثني صوتً مـن أبـواق الحثـالـه *** جـودهـم عـلـى بـعـضهـم جـيـدين وجيتكم مندوب عن جاعف عقاله *** عـن هـل العليـاء معـك بالحالتيـن بالكـلام وبـالـفـعـل يــاجـا مـجـالـه *** وندري أنك ماأنت بحاجة فازعين مـار هـذا قـولـهــم رد الـثـنـالــــه *** واصـل وخـتـمــه صـلاةً لـلأمـيـن قال عبدالله بن دهيمش بن عبار العنزي هذه القصيده رداً على الشاعر منصور بن حواس الخضع : 1248 حـي مـرسـولً لـفـانـي بـالـرسـالـه *** بها حروف تطـرب القلب الحـزيـن مـن زمـيـلً بـالمـواقـف حـي فـالـه *** فـيـه صفـات الـحـمـيـا وفـيـه ديـن عـلمه يشّرف اليـا جـابـوا مـجـالـه *** مـا حـكى بالـزور منطـوقه يـقـيـن يا عسى من يجحد جهـودي فـدالـه *** قـلتـهـا والـلـه حسيـب الظـالمـيـن يعـتبـر ذودي عـن العـزوه جمـالـه *** صـادح بـالـحـق عـزمـه مـايـلـيـن أعني منصور الخضع نعم السلالـه *** يـجـذبـه عـرق الـرجـال الطيـبيـن مـن رجـال مـوصـفـيـنً بـالـبسـالـه *** في عصر عزل المغير من الكمين مـن صناديد الـرجـال أهل الشكالـه *** عـزوتـه نـعــمً بـهـم خـلفـة قـريـن عـودهم وصًى على الجزله عـيالـه *** غـانــم وعـقّـب نـوادر غـانـمـيــن يالزميل الجـور مـا اطيق أحتمـالـه *** ومـن تـمـادا غـّره إبـليس اللـعّـين مـا نـواخـذ مـن تـطـبّـع بـالـنـذالــه *** ولا نـجـاري بـالكـلام مـهـستـريـن ومـن يـزوّر بالنسب مـاني بحـالـه *** اتـبـع الـواقـع وبـالـلـه مـستـعـيـن اكـتـب ولا آحـدً عـلـيـه لـه وكـالـه *** وأهـل الـذمّـه لـجـهـدي شـاكـريـن والخبر عن عزوتي ناخـذ صمالـه *** والنسب مـا يختلـف عـبـر السنين ومن يحاجج نفلجـه في كـل قـالـه *** عـنـد عـرّاف العـرب والمسلميـن قال منصور الخضع هذه الأبيات : 1249 ياعلم من فوق ظلع وبالفنـــــار *** يارفيعً عن كلام الهابطـــــون واضحٍ نهج السليم من العـــوار *** خل عشاق الهياط يهايطــــون أكفخ الله لايعيقك للحـــــــــــرار *** عن تبوع لوجهكم ماينعطـــون دونكم يالقرم مافيه إدّخـــــــــار *** نصفق اللي للعيون ينطنطـون قالها شخصٍ على عنزه يغــــار *** تنخرط من قافه كبار البطـــون جواب عبدالله بن عبار على منصور الخضع : مـرحبـابـك باحتـرام وفـي وقـار *** أشهد أنك من رجال يفزعـون أنـت يا منصور لـك بالطّيب كـار *** يالخضع يا عل تفداك العفـون مـن قبـيـلـة لا بـدأ قـدح الشـرار *** زغردن لأفعالهم نجل العيـون يالزميل أخبـرك مـا تهت المسار *** أسند أقوالي ولا آخذ بالظنون الفخـر يـبقى ولـو تـفـنـا العـمـار *** والخلايق للحقـايـق يفهمـون قال منصور حواس الخضع هذه الأبيات مسندها على زميله عبدالله بن دهيمش بن عبار : 1250 انـت الـذي واجب عـلينا نكـرّمـك *** يا ابـو البليخ اللي يمر بحزيمه خمسين عـام للعنـزتيـن عـيلـمـك *** بالـلّازمه يركب عميمه طميمه يالفطحل اللي ما تفودت من فمك *** ولا جيت مدفوع الثّمن للعزيمه جواب عبدالله بن دهيمش بن عبار رداً على الشاعر منصور بن حواس: مشكـور يا منـصـور ربـي يسّلـمـك *** لي عند اللي شرواك قدر وحشيمه أنت الـذي تاخذ من الطّيب مسهمك *** ولا الـردي مـالـه مع الناس قـيمـه وأنت الذي ربّـك من الفهـم ملهمـك *** عـسى يفـداك مـروجـيـن النميمه مشكـور يـا شاعـر الـويـلان رجـل قـلـيـلـه عـذاريـبـــــه وجه لي الشيخ الشاعر منصور بن حواس الخضع من حمايل الخضعان شيوخ الفرجه من الروله هذه الأبيات يقول : 1251 انـت النزيه الـلي عـن الطفس شايـم *** وأنـت العـفيـف المستحي والكريمي الـلـه مـنـحـك ولا استعـرت العـزايـم *** وعـطاك مـن بحـر القصيد الطميمي تــروم بـالـشـيـمـة لأمــوٍر عـظـايـم *** ما أنت الشحوذ الطقطقي والغشيمي شامخ مـثـل ضلع عـلى القـاع زايـم *** مـا زعـزعـه هـذر الكـذوب اللئيـمي مـن لابـةٍ تـبـشـم بـطـون هـظـايـــم *** فـدعـان يـامـا زبـّنـوا مـستـضـيـمـي وقد رديت على الشيخ الشاعر منصور بن حواس الخضع بهذه الأبيات : 1252 جـانـي شعـر نسـل الـرجـال العـدايـم *** منصـور بن حـواس شهـم وفهيـمي أبن الخضع يتعب عـلى الطيـب دايـم *** شـبحـه بـعـيـد وللـمـراجـل يهـيـمي عـلـيـه مـن حسـن الطـبـايـع عـلايـم *** مـع الكـرم شاعـر وعـقـلـه سليـمي عـن العـلـوم السـامـجـه دوم صـايـم *** أمـدح جنـابـه واشكـره من صميمي مـن روس لابـه يـكـسبـون الـغـنـايـم *** عـلى السروج وفوق كور الهميمي رويـل تـمـنـا خصـومـهـم بـالـهـزايـم *** أهـل الجموع الـلي تضـد الخصيمي قال حمد الحيزان المعيقلي العياشي الدهمشي هذه الأبيات يثني على الشيخ الشاعر منصور بن حواس الخضع : 1253 صح لسانك يا ابـيـض الـوجـه والنشـر *** يا أبن الخضع راعي العزوم القويه شاعر جزل وابصم على القول بالعشر *** ولا القصـد أدوّر مـن وراهـا جـزيـه انـتـم لـنـا عـزوة وحـنـا لـكـم خـشــــر *** والــدّم واحــد والـحــمـيـه حــمــيــه انـتـم ضـنـا مـسلـم وحـنـا ضـنـا بـشـر *** الـجــد واحــد والـجــدود عــنــزيــه وقال منصور بن حواس الخضع هذه الأبيات جواب لأبيات حمد الحيزان : 1254 يـرفـع مـقـامـك منـزل النـور والحشر *** يـا رافــع ن فـي روحـي الـمـعـنـويـه وصح الـلـه لسانك عن الزور والفشر *** وصـح الـلـه ابـدانـك عـلـى الأولـيــه تبـيعـني واشـري وابيعـك نـقي واشـر *** الـلـه يـديـمـك بـالـنـفـوس الـنـقـيـــه يـكـفـي كـلامـك أنـنـا بـدمـنـا خـشــــر *** ومـتـمـسـكـيـنٍ بـالـسـمـوت الـعـذيـه قال الشاعر منذر بن علي الراشد الطالب العنزي هذه الأبيات يثني على عبدالله بن دهيمش بن عبار : 1255 مـا يـنـكـرك ياكـود حـاسـد وملهـود *** ولا يجحـدك يا كـود خطو البهيمي حـيـد وقفت وعن حمى ربعك اتذود *** ولاهـو عـلى مثلـك يساق التهيمي قبلك نـبـي الـلـه عـانـا مـن اجحـود *** يـاعـنـك ذولا بـكـل وادي تـهـيـمي والـلي عليك بخاطره غـل واحـقـود *** هذاك يحسب من حساب الحـريمي قـلتـه وحنـا لك عـلى فعلـك شهـود *** نـاقف معـك بالحق ضـد الخصيمي جعـل عـلى راسك يهبهب هواالنود *** وعـساك في حفظ السميع العليمي وقال عبدالله بن دهيمش بن عبار هذه الأبيات جواب للشاعر منذر بن علي الراشد الطالب : 1256 أبي ارسل المندوب والخـط مـمهـود *** للجـوف سـافـر مـن بـلاد القصيمي منصاه منـذر صاحـب البـذل والجـود *** العـاقـل الشـهـم اللّبـيـب الفهـيـمي عطه الجواب اللي على القاف مردود *** عسـاه مـن كـل الجوايـح سليـمي وقلّه يا أبن عـلي تـرى الحقد موجود *** طبـع الحسـد من دور آدم قـديمـي والـلي يحـط الحسد غـايـه ومقصـود *** من طاب فعله صار عـنده جريمي مخـلـص ولا ذخـرت يالقـرم مجهـود *** ولا ينكر من الناس كود الغشيمي قال الشاعر منذر بن علي الراشد الطالب هذه الأبيات يسند على عبدالله بن دهيمش بن عبار : 1257 غـنّـى الحـمـام بـعـالي الصـوت غـنّـا *** غـنّى طـرب وأنـا معـه قمـت غـنّيـت غـنّى وصـوتـه هـاض قـلـب المـعـنّـا *** وأنا احسب أني من صروفه تشاويت يـا هـيـه يـالـلـي مـبـتـعـد عـن وطـنـا *** طالـت عـلينـا السالفه وانـت ماجيـت كـانـك تـصـون العـهـد لـلـعـهـد صـنّـا *** لاشـك لـلـمـيـعـاد أرضٍ وتــواقــيـت وخـلاف هــذا احـضـرت نـجـراً يـدّنـا *** يشـدا لـصـوت مـغـنيـات الحـوانـيـت يـشـفـق لـه العـمسـان بـالـقـرب مـنـا *** ويجيب هتّاشٍ عـلى وصف أو صيت وفـنـجـال يـقـعـد راس مـا جــاه جـنّـا *** ياما كتب لـه بيـت وياما مسح بـيـت يـلـفـي عـلـى الـلـي دوم يـذود عــنــا *** هـذاك أبـن عبـار يا نعـم مـا اطريـت مـن عـزوة الـفـدعـان زبـن المـجـنّـا *** يـوم الموازر مثـل صـوت الدناميـت قــلــه الـيــامـنـه نـخــانـا تــرى إنــا *** نطـوي طويلات الـدروب السباريـت نـأتـيــه فــوق مـكـاظـمــات الأعــنــا *** عـرفـا سبيـعي عـزوتي لا تعـزويـت عـلام بـعـض الـنـاس قـامـت تـجـنــا *** تـوذي بسقطـات الهـروج الهتاهيـت مــا بـيـنــوا يــوم الـقـصـايـد غــزنّـا *** هـاك السنين لغير صوته فلا أوحيت وأرخ لـكـامــل عــزوتــه مــا تــونــا *** وعـنّـاز فـصلـّهـم بمصـدر وتثبـيـت عـسى الـولـي يـجـزاه بـالـلـي تـمـنّـا *** ويكفيـه شـر الحـاقـديـن الشواميـت قـلـت وقـرايـض شاعـر رويـل جـنـا *** قـلتـه ومنصور الخضع مورد البيت يشير لبيت من قصيدة للشاعر منصور الخضع الرويلي القائل : سـلام يالـعـيـلـم لـنـا طـاب فـايـضـك خمسيـن عـامٍ وعـنـزة فـي مقيضـك قال عبدالله بن دهيمش بن عبار هذه القصيدة جواب لقصيدة الشاعر منذر بن علي الراشد الطالب : 1258 يـا مـنــذر الـطـالـب بـيـوتـك لـفــنــا *** حـيـيـت يـا عـز الخـوي ثـم حـيـيـت عـسـاك تـسـعـد بـالـحـيـاه وتـهـنـــا *** ويدوم عزّك كل ماأصبحت وامسيت كنـت أنتـظـر يالقـرم فـرصـه تـسّـنـا *** قـريـت مـنـظـومـك وبالـحـال رديـت مــنــك الـبـيـوت الـوارده شــرّفــنــا *** من خاطري عذب القوافي لك اهديت وأنـت الـذي شـرواك يـفـهـم لـحـنّـــا *** صـادق ولـلـي يشـمتـونـي تـحـدّيـت يـا ريـف مـن زارك وصـوبـك تـعـنّــا *** عـزالـلـه أنـك يا أبـن الأجواد كفيّـت وأخبـرك هرج أهـل الحسد ما شطّنـا *** يـامـا سمعت مـن الهرابيد وأوحيـت يـشـكـرنـي الـلـي بـالـحـمـيـه تـكـنّــا *** وعـلم الفخر ما يجحده طيّب الصيت مـن فـضـل خـلاّق البـشـر مـا طـمنـا *** عـن الـعـلـوم الـلي تـفـشّـل تـعـلّـيـت جـاراتـنـا طـول الـمـدى مـا شـكـنّـــا *** ولا يـوم فـي حـق الـقـرابـه تـرديــت والـحـمـد لـلّـرحـمـن مـن يـوم كــنــا *** مـن طلعـتي مـا يـوم عـلـت وتعديـت وش مقصد الـلي في كـلامه طـعـنّـا *** جـحـد جـمـيـع الـلي لـعـنّـاز سـويـت مـن شـامـنـا لـحـدود ديــرة يــمــنّــا *** عـلـى ربـيـعـه فـي كـتـابـي تقـصيت ولا زلـت أواصـل والبحـوث اتـعبـنـا *** صابـر ومن ظرف الزمن ما تشكيت مــرفــوع راس ولـلـخـزا مـا اتـدنّــا *** شـربـت مـن نـهـر العـلـوم وترويـت والـحـمـد لـلـه مـرغـديـن بـوطـنــــا *** بجهـود مـن لـم العـرب عقب تشتيت قال فضيلة الشيخ مهجع بن هويدي الحسني العنزي هذه القصيدة عندما سأله رجل يقول ( هل صحيح أن أبن عبار غيّر وائل جد عنزه) حسب ما أشيع من دعايات بثها الذين غيروا وائل جد عنزه وأستعاروا لها وائل بن قاسط الذي يجتمع مع عنزه في أسد بن ربيعه وحيث أن الشيخ من الرجال الذين لا تأخذهم الدعايات المضلله فاضت قريحتي بهذه القصيدة : 1259 الشيخ الـلي وقت الـلزم يـدحم الباب *** ولـه كلمـه اليـا راح عنـد الـوزاره وعلمه ينومس عند ربعه والأجنـاب *** ويفـزع حـمـيـه مـا يـقـدّم اعــذاره ولـه فـزعـة تـفـرح بها كـل الأحباب *** واليـا لـبـس بـشتـه يـصـّدر قـراره أمـا الـذي عن واجبـه بالـلّـزم غـاب *** هـذاك شـيـخ مـا تـسّـرك أخــبــاره بعض الشيوخ أفعالهم فخر واعجاب *** عسى حـفـيـد الشيـخ يـشـب نـاره ساس الفخر نـفخـر بعلمـه الياطـاب *** الـلـي فـخـر جـدّه يـعـيـد اعـتـبـاره ما أقصد بها أحـد بعينـه يالأصحـاب *** واقـع نـشـوفـه مـر لـوا خـســـاره يا شيوخنا قولوا لنا ويش الأسبـاب *** مجـد عنزه مشهور في كـل غـاره هـو كيف وايـل بينكم سبب اعـتـاب *** تشكون أبـن عـبـار عـنـد الأمـاره وايـل تـرى وايـل الـيـا كـلح الـنـاب *** جـد الـقـبـيـلـه مـا تـغـيّـر مـسـاره مادام أبو مشعل درس علم الأنساب *** والعـلـم لـيـلـه مـا يغـطي نـهـاره لا تفرح عـدوان القبيلـه والأغـراب *** وبـدايـة الـفـتـنـه تـراهـا شـراره تاريخـنـا مـن قـبـل مكتـوب بكـتـاب *** حـنـا عـنـزه مـنـزالنـا بالصـداره بعض القبايل كيف يوخذ لها حساب *** ومـن بـينهـم حـنـا عـلينا اشاره واليوم حكم مطوعت كـل مـن عـاب *** ومن كان يظلم ياخذ الشرع ثاره قال عبدالله بن دهيمش بن عبار العنزي هذه القصيدة جواب لقصيدة الشيخ مهجع بن هويدي الحسني العنزي : 1260 أزكـى تـحيّـة من ضميري وترحـاب *** في شعـر أبـو سلطان نزه العباره يا مرحبابـه عـدد منبـوت الأعشـاب *** بأرض الفياض المريفه والفقـاره يامهجع بن خضير ياوافي الأوجاب *** يامن عـلـوم الطيب سلمه وكـاره ما كل رامـي لا رمى للهـدف صـاب *** ولا كـل متحـدث يخـوض بجـداره ومن قـال أبن قاسط لـنـا جـد كـذّاب *** حـنـا عـنـزه مـا جـدنـا بـالأعـاره حـنـا نـعتـز بجـدنـا عـبـر الأحـقـاب *** وايـل عـنـزه مـا رضـينـا بغيـاره الـجـد مـاهـو سـلـعـة عـنـد جــلاّب *** ولا تاجـد الـلي يصنّفـه بأختيـاره الجـد ثـابـت مـن مـواريـث شـيّـاب *** والـزرع يجنا من غـرايس بـذاره قـلـتـه وأنـا يـالـقـرم لـلحـق طّـلاّب *** والحق واضح مثل ضوح المناره عن الزمل عدي على راس مرقاب *** ولا خـيـر بالـلي مـا بعينه نـمـاره واللي كلامه صدق ما أظـن يرتـاب *** ما أشكل عليه اللي يجمّع أنصاره وعندك خبر مـا يبلغ القصد نصّاب *** الـلـي عـنـزه يـحـطـهـا بالحـقـاره من حرّف التاريخ يا مسندي خـاب *** تـاه الـدلـيـل وضـيـعـه مستشـاره جميع حاسد تحترق منه الأعصاب *** مـالـه طـلـب لاشك حسد ونـغـاره الشرع يقضي بين عوجان الأعراب *** ولا ينجحون أهل النكد والقماره قال عبدالله بن دهيمش بن عبار يسند على مهجع بن هويدي الحسني : 1261 يا مهجع المسك ينعش كل من شمّـه *** والكيـر ريـح الشـذى لـوّث نفـانيفـه بعـض المجالس يا مهجـع لهـا رمّـه *** من قام منها كما من قـام عن جيفـه تسمع بها الغيبه وتسمع بهـا النـمّـه *** والثرثري يملي مهـاجي خـواريـفـه بعض السوالف تغيض الخاطر مطمّه *** ولا كل من سولف تصدّق سواليفه ما توخـذ السالفه مـن هـافـي الـذّمـه *** الـلي يـنمّـق بـالـدعايـه عـجـاريـفـه لو قيل له فمك عن هرج الخطآ صمّه *** من بان ظلمه جـاز ردعـه وتأنيفـه درب المتاهـه ضاع مـن يتجـه يـمّـه *** والكـذب مـا تـقـبـل العـقّـال تصنيفـه ومـن لا يمحّص ثبـات العـلم لا خمّـه *** يـنـدم عـلى نشره وتكـثـر تحاسيفـه حسيـبي لـلـه جـالـي الـهـم والـغـمّـه *** عـلى الـذي ينشـر دعـاياتـه وزيـفـه عـزوة ربـيـعـه قـبـايـل تـعـتـبـر أمّـه *** مـن الـذي فـصّـل ربـيـعـه بـتـأليـفـه الـلي عـمـل واجتهد حتى العمل تمّـه *** مهما بلغ كيـد الحواسيد مـا ايخيفـه الواثّق الـلي صدح بالحـق مـا هـمّـه *** حكي الهذور الـلي يبلبل عـلى كيـفه الـكـيـد مـا يـوصـل المثـبـور للـقـمّـه *** ولا ظـن ينفع ضليل العـقـل تثقيـفـه وش ينبغى بالـلي يـبـور ابـني عـمـه *** ذاك الـذي يبخـل بختمـه وتـعـريفـه من يحمل الحقد شمـل الربع مـا لمّـه *** لـزومـه بـربعـه القطّـات والضيـفـه ومـن بـه حميـه يجـود لـربعـه بدمـه *** هم درعه الواقي وهم رمحه وسيفه واللي من الكبر بـه زومـه وبـه زمّه *** يطمـن وتكثـر في زمـانـه صواديفه والـيـا تكاسل خـامـل العـزم والهـمـه *** ما فـاد فـي صعـب المهمـات تكليفه من يقصر رشاه ما يارد على الجمّـه *** والـرس ما يروي الظامي مغاريفـه الحظف يقذف عـلى من يأمنـه سمّـه *** لا تأمن الحظف منه الريب والحيفه قال مهجع هويدي أبو سلطان الحسني هذه القصيدة جواب لقصيدة عبدالله بن دهيمش بن عبار : 1262 جـانـي بـحـر تـهـدر قـوافـيه ملتّمـه *** ياالـلـه تعاون عـلى ردّه وتشريفـه مـثـل أبـو مشعـل فـلاني قـدّه بـذمـه *** القاف لامن جاه مـا ابطى بتصفيفه شاعر مخضرم وشعره وصل للقمّه *** قـليـل مثـلـه مـن الشّعـار تـوليـفـه شعره معرّب ورث من خاله وعمـه *** غـلطـان يالـلي تـحدّاه بـتصانـيـفـه الـوايـلـي تـعـرف حـمـيّـاه واشيّمـه *** كل عنزه تـذكـر سوابق مـواقيـفـه ماهو كما اللي يحط الراس في كمّه *** ينظـر لنفسه وغـيـره يعتبر شيفه مـّرت ليـالي على أبو مشعل مهمّـه *** ماهي عـلوم الـلي يلعـلع بتوصيفه بـعـض الأوادم يا ليته لـو قفّل فمّـه *** لكن يهذرم يـدور الحيـف ياحـيـفـه أشـوف نـاس بحكي الـزور مهتمّـه *** ومن بـان كذبه فـلا تفيده عواريفه من كان به حسد شمل الربع ماظمّه *** جـمـع الـرفـاقه مـا يليّم طـواريفـه واللي يكن الحسب يا مسندي سمّـه *** الجـاحـد الـلي مـاهـو بكـفو تكليفـه ومن يتبع الطيب رسن الطيبه خّمه *** معروف عند العرب ماحتاج تعريفه والـلي يـفـرّق جموع الـرّبع بقسّمه *** مايفخر اللي يصك الباب عن ضيفه حـنـا بـزمـان بـه الأطيـاف معـتـمّـه *** عـقـالـهـا قـلّـت وكـثـرت مـلا قيفـه أرفـع جـنـابـك ومثلك حـر مـا هـمّه *** الخـلـق دعـهـا لخـالقهـا وتصريـفه سنّع طريقك وأعـرف وجهت اليمّه *** والنـاس شـتّى ولا يهـمّـك هـذاليفـه يوم أنت تكتب بعضهم ماولدته أمه *** البحـر يفرق عن اللي حوله وسيفه دامك على حق خل اللي ولع حزمّه *** والـلـه مـا ينفعه هـرجـه وتسويفـه والـلي تـعشّم اليـامـن زادت عشمّه *** مـا ينفع المعتدي دجّـله وتحـريـفـه البـيـر دمّـه أن كـانـك تـقـدر أدمـه *** واليـا دفنته تـرى تـذهـب غـواريـفه يتبع التعديل الأخير تم بواسطة عبدالله بن عبار ; 07-10-2022 الساعة 06:56 PM |
|
|
|
|
07-10-2022, 07:57 PM
|
#87 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال الشاعر فارس بن زعل الضميني هذه الأبيات وهو يطرحها لمن يريد مجاراته والأتفاق مع رأيه أو مخالفته يقول : 1263 لأجـل الـمـسـيّـر نـفـتـح الـبـاب كـلّــه *** من خوف يرجع لا لقا الباب مردود ان شـفـت واحـد يـقـفـل الـبـاب قـلّــه *** تـراك ما انـت بقفلة البـاب محمـود الـبــاب خـلّــه دوم مـفـتـوح خــلّــــه *** ألا اليانـك صـرت مـا انـتـه بموجود وبيت الرجـل لا صـار مـا أحـد يـدلّـه *** مـاهـو حـري بهبت الـريح والجـود طيـب الـرجـل يـبـين لـك مـن محـلّـه *** ربـي جعـل خلقه عـلى خلـقه شهود ومـوتـك عـزيـز ولا حـيــات المـذلّـه *** أخيـر مـن صبـرك عـلى كـل منقـود قال عبدالله بن عبار هذه الأبيات مجاراه لأبيات فارس بن زعل الضميني : 1264 يـا فـارس المـقـصـود نعـطـيـك حـلّـه *** حيثـك فهيـم وتـفـتهم كـل مقـصـود الـيـوم صـار بــفـتـحـت الـبـاب خـلّـه *** أخبـرك بالاسبـاب والـقـول مسنـود الـيــوم كـل الـنـاس تـسـكـن بــفـلّــه *** ولا قـصـد رد الـبـاب للضيـف لادود يخـشى تـجـيـه مـن السرابيـت شـلّـه *** شـلّـه مـن السـرقـان دوارت الـفـود وأن شيـل مـن بـيـتـه دراهـم وحـلّـه *** نـدم وقـال لـفـتـحـت الـبـاب مـاعـود وأن أشتـكى قـيل السبـب مـنـك زلّـه *** يـامـا هـفـا لمثـك من الناس مفقـود قال فارس بن زعل الضميني يسند على عبدالله بن دهيمش بن عبار : 1265 جـبـت القـلـم والبوك ثـم بعـد سميت *** سميـت بسـم الـلـه عـظيـم الفضايـل انـا الـيـامـنـي نـويـت انـظـم الـبـيــت *** اختـار مـن نـظـم القصيـد الجـزايـل قريحتي هاضت بـعـد كـل مـا اوحيـت *** هـروج نـاس بـيـن قـيـل وقـايــــــل عـن لـم شمـل النـاس تسعى بتشتيت *** ممـا تـحـوك قـلـوبـهـم مـن غـلايـل حاولت اهـدي زايـد الغيض وازريـت *** استغـرب الـلي يـنكـرون الجـمـايـل والحـق مـا يخـفيـه هـرج الشواميـت *** الـلـي يـسبـون الـرجـال الأصـايـــل ولو تبذل المجهود للناس ما ارضيت *** ولـو مـا انت عايل تبتلا بشر عايـل لـكـن اليـامـنـك عـلـى الـخـيـر دلـيـت *** لا يـردك الــلي يـشعـلـون الـفـتـايـل واختـرت مـن زيـن التماثيل واهديت *** للفـاضـل الـنـادر عـريـب الـسـلايـل عـبـدالـلـه الـعـبـار يـا نـعـم مطـريـت *** افخـر بذكـر الـقـرم والـراس طـايـل مـني سـلام لطـيـب الـذكـر والصـيـت *** عـبـدالـلـه العـبـار وافـي الخصـايـل عـزالـلـه أنـك لـلـحـقـايـق تـقـصـيـت *** عـن كـل مـا عـدوا عـن أولاد وايـل وعـزالـلـه أنـك يا فتى الجـود سويت *** تاريـخ يـقـرى بـيـن كـل الـقـبـايـــل بـكتـابـك الـلي يشمـل الحـي والمـيـت *** مـا قـلـت لـك قـولـن بـلـيـا دلايــــل وعـزالـلـه أنك قلـت بالصدق وافـيـت *** واحيـيـت ذكـرى طيبـيـن الـفـعـايـل سجـلـت بالتاريخ وابديت مـا اخطيـت *** احـيـيـت مــجــد لـلـجــدود الأوايـل وعـزالـلـه أنك قـلت وابدعت واقديت *** حـقـايــق يـقــنـع بـهــا كــل سـايـل حـقـايـق مـاهـي سـوالـف سـرابـيــت *** لـولاك راحـت بـالسنـيـن السمـايـل مشكـور يالمنعـور بالخـيـر واجـزيـت *** مـهـمـا حكوبـك ناقـلـيـن الـنـقـايـل ومهمـا كتبـت بسيـرة الشعـر وافنيت *** ما اعطيت حقك يا عـريـب الحمايل ادعـو لـك الـمـولـى ثـبـات وتـثـبـيـت *** عـلى ثـبـات الـحـق والـشـك زايـــل حـمـاك ربـي مـن شـرور الطواغـيـت *** الـلي عـلـيـك يـدورون الـفـشـايـــل وصلات ربي كل ما اصبحت وامسيت *** عـلى النـبـي عـداد رش الـمخـايـل قال عبدالله بن دهيمش بن عبار هذه القصيدة رد على قصيدة الشاعر فارس بن زعل الضميني الولدعي يقول : 1266 مبـداي بـالـلي عـالـم بكل مـا أخفيـت *** رب الـمـلأ محـيـي هـمـيـد الشتـايـل الـخـالـق الـلـي مـا لـغـيـره تـرجـيـت *** نـعـوذ بـه مـن حـر صـلـوا المـلايـل بـديـت بـاسـمـه ثــم لـلـقـاف رديـــت *** عـلى الـزميل الـلي بعـث لي رسايل فارس سليـل ظمين علمـه كمـا اللّيت *** مـن سـاس لابـه يقحمـون الدبـايـل يـوم النـخـاوي والحـدا والمصاويـت *** بالعـصر الـلي بالناس صايل وجايل عـزوتك الـلي يالقـرم فيهم تعـزويت *** نـاقـتـهـم الـمـلـحـا تـرود الـخـمـايـل ولادعـه كـانـك لـلأجـواد عــديـــــت *** فـازوا بـعـلـم الـمـرجـلـه والـنـفـايـل ولادعـه يـوم الـمـزاهـب حـتــاحـيـت *** تـلـقـا حــمـيـل الـبـن مـثـل النـثـايـل واشكـرك حـيثـك للحقـايـق تمـاليـت *** وجـهـرت في صدق العلـوم الصمايل لـك الشـكـر يـالـولـدعـي مـا تـرديـت *** وعـسـى فـداك مـفتـقـيـن الـخـلايــل منصف ومن بعض العـلوم اشمئزيت *** والمنصـفيـن اليـوم صـاروا قـلايـل بعـض الهدايـف مـن لغـاهـم تـوذيـت *** ولا أجـاري اصحاب القلوب الهبايل مهما حصل لي من نكـد ما تشكويـت *** اصبـر الـيـا ضاقـت وساع المحايـل قـلـتـه وأنـا عـن واجـبي مـا تـونيـت *** ذكــرت بـكـتـابـي جــميـع الـعـوايـل وعـن الـلي عابوا عـزوتي ما تغبيت *** كافحـت كـل أهـل الـدّجـل والتحـايـل يـامـا عـلـى الـدار الـبـعـيـده تـعـنيـت *** اجـمـع مـن تـراث القبيـلـه حصايـل العـزوه الـلي فـي فـخـرهم تـبـاهـيـت *** اكـتـب مـفـاخـرهـم ولانـي مـسـايـل الـعـزوة الـلـي فـي حـمـاهـم تـربـيـت *** زمّــلٍ يــدنّـى لـلـحـمــول الـثـقـايـل من خيـبـر الحـرّه إلـى حـدود تكريـت *** داجـوا بـها الـويـلان فـوق الرحايل من ديـرة الشنبـل اليـا منطـقـة هـيـت *** يرعـون من حطيّن لأرض السلايل يرعـون في حـد السيـوف المصاليـت *** حـدب الظهـور المرهفات الصقايل مشوا بطريـق العـز فـي كـل تـوقـيـت *** سـتـر الـعـذارى نـاقضات الجـدايـل والخاتامه عـلى اشـرف الخلق صلّيت *** شـفـيـعـنـا المخـتـار يـوم الهـوايـل قال عواد بن جازي الطويلعي يثني على جهد عبدالله بن عبار : 1267 تبـقى عـلـم تبـقى عـلى روسنـا تـاج *** تبقى عـلى صـدور النشاما وسامي تبقى لربعـك رمـز ولخصمك أحـراج *** وتبقى الأديـب الـلي عـليه الكـلامي مهـمـا حـكـابـك كـل ضايـع وسـمّـاج *** الـلي عـلى الطيّـب كـثـيـر المـلامي تبقى الفخر اللي شامخ مثل الأبـراج *** تبقّى سوات النـور يجـلي الظـلامي أنـت الـذي شعـرك مثـل بـيـر هـداج *** ما نقص مـاء هـداج كثـر الظـوامي مـا نستمع فـي مثـلكـم هـرج هّـراج *** أنـت الفـهـيـم الـلي لـربعـه حـزامي مـن لا يـقـّدر جـهـدك يـعـد هـلـبـاج *** يـحسب رخم ولا أنت مثـل القطامي أنـت لبني وايـل كـمـا نـور وسـراج *** لـتـاريخـهـم بـذلـت كـل أهـتـمـامـي أنت مصدر موثوق مـاعـاد يحـتـاج *** أسـمـك مـسجّـل مـع كـبـار الاسامي يـا شـاعـر الـويـلان الـبستـنـا تـاج *** ومـنـا لـك الـتـقـديـر والاحـتـرامــــي رد عبدالله بن دهيمش بن عبار على الشاعر عواد بن جازي الطويلعي : 1268 عـن الخواطـر واهـس الـهـم ينفـاج *** من فـرحتي في قـاف عالي المقامي عواد أبن جازي عن الحـق ما مـاج *** ركّـز عـلـى الـواقـع عـداه المـلامي يـفـداه الـلي بهـرج النمانيـم لجـلاج *** عاب القروم وهو سروق وحـرامي الـلـي يـدبـلـج بـالـدعـايـات مـنـتـاج *** يجـمـخ ولـكـن لا بـخـنـتـه خـمـامي يوم الردي مع شلّـة الـزيـف يـنعـاج *** شـرواك عـن مـجـد القبيلة يحـامي حـنّـا عنزة يـوم القوي يأخـذ الـبـاج *** نـقـدم عـلى كسب النفيـلـه اشمامي حـنـا عنزة لا صار للغوش صرنـاج *** وحـل الـطـراد وثـار عـج وعسامـي يـوم العـديـم لـحـربـة الـرمـح زرّاج *** نـدحـم على الصابور والرمي حامي عـنـاز كان الشر بـيـن العـرب هـاج *** نـطـيحـهـم بالـكـون يـذهـب عـدامي قلته وأنـا لي ياأبن الأجـواد منهـاج *** ذكـر القبـيـلـة مقـصدي هـو مـرامي وقال الشاعر علي بن ثاني الطويلعي هذه القصيدة مجاراه لقصيدة عواد بن جازي الطويلعي : 1269 يـعـيـش أبـن عـبـار نـبـراس وهّــاج *** يمشي عـلـى ضـوّه رجـال حشـامي يبقّي علم رغم أنف من داج أو ساج *** بيـن العـرب غـرب وجنوبـاً وشامي رغم أنف من سببلهم شعرك ازعاج *** ورغـم أنـف مـن يـرمي بليـا مرامي ورغـم أنـف متولي ووالـي وحجّـاج *** الـوايـلـي يـسـمـو ومـبـداه سـامـــي يا الـلـه يـا مـالـك مـفـاتـيـح الأفـراج *** يـامـن خضع لامـره جـميع النـوامي يا خالقي تجعـل مـن الضيق مخـراج *** يامـن دخـيـلـه آمـن ولا يـضـامــــي أن كـان عـظـم الخطـب والـدّم ثجـاج *** واشـتـد بـيـن الجـانبـيـن الخـصامي وافواج مكتومة تحت وطـأت افـواج *** محـسوم مـوقـفـهـا بـحـد الحـسامـي حـنـا عـنـزه نـعـد لأهـل الـعيـاعـلاج *** والصـعــب نــقــوده بـلـيـا خــزامـي ونـحـط بــفـواه الـمـعــاديـن مــزلاج *** ونحـط فـي خشـم المـعـانـد خـزامـي تـاريـخـنـا لـصـدور الأعـلام فـجــاج *** تشهـد لـه العـالـم شعـوب ونظـامـي قال الشاعر علي بن ثاني الطويلعي هذه القصيدة يسند على عبدالله بن دهيمش بن عبار : 1270 ســلام شـمـوخـا وعــزا وتـكــريــم *** قـلـتـة بابـن عـبـار مـرفـوع راسـي في مـنـتـدى الـويـلان للـكـل تـسليم *** مـن ابـن ثـاني والمـجـال امـتواسي طـويـلـعي لا نـظـم الـقـاف تـنـظـيـم *** سـلام سـلـيـمـا مـن اي الـتـبـاســي مصمـمـن لـطـوال الاشبـار تصميـم *** مــالـة حـدود ولا لـحـجـمـة قـيـاسي يـعـم جـمـيـع الـدول والاقـالـيــــــم *** لـعـيـال وايـل كـاشـفـيـن الـمــآســي بعهودهـم وحـدودهـم يـبعـد الظيـم *** مـن لابـة مـثـل الـجـبـال الـرواســي فـي صفحة الامجـاد لـهـم مـراسيم *** امـجـادهـم تـثـري ومـنهـا اقـتباسي نـوادرا تـصـعـب عـلـى اي تـقيـيـم *** مـافـي حـمـاهـم مـلـجـاء للخساسي محـطميـن ارقـام الامجـاد تحـطـيـم *** وباقي العـرب ماقول فيهم مساسي كـل ديـرة فـيـهـا كـرام وشـغـامـيـم *** وكـلن عـلى ماقيـل عندة احساسي وكـلن لـة اهـدافا وعـنـدة مفـاهيـم *** بـس اجـتـمـاع الـراي شيا اساسي والاتـحـاد الــزم لـزوم الـمـلازيـــم *** وصـلى الـلـه وسلم سلاما سداسي عـلـى مـحـمـد عـد رحـال ومـقـيـم *** وعد الحجار وعـد رمـل الطعـاسي قال عبدالله بن دهيمش العبار هذه القصيدة جواب لقصيدة الشاعر علي بن ثاني الطويلعي : 1271 مشكور يا مرسل جوابه عـلى الميم *** عـلى أبـن ثـاني شـد بالقـاف باسي تعـيش يـا نسـل الـرجـال الصـواريم *** مشكـور يالـقـرم الأديـب السيـاسـي يا مرحبابك مـن أعمـاق الصماصيم *** مـاني لـرّدك يا أبـن الأجـواد ناسي ويا مـرحبابـك عـدد مـا ينـزل الديـم *** ويحيي الـديـار الـلي ثـراهـا يـباسي وأعـداد قـطـعـان الـدباش الـدواهيم *** وأعـداد مـا نـال البشر مـن جنـاسي حـيـثـك مـن الـلّي يذبحون المراديـم *** والحيل تـوضـع بالصحون التباسي طـوالـعـه ريـف الضيـوف المعـازيم *** يوم الزمان اللي عـلى الناس قاسي وعصر المغـاري يقطعون المخاريم *** عـلى النخاوي يشهـرون الحساسي اليـا ثـارت الملحـا خـلاف المجـاهيم *** وبـدأ لـجـولات الـمـهـار احـتـواسي والعج من وقـع الحـوافـر تـقـل غيـم *** وصار الضحى كنّـه ظـلام الدماسي في ساعـة بـه غـالـي العـمـر ماسيم *** والـدم لنـحـور الـرجـاجـيـل كـاسـي طـوالـعـه مـثـل الـسبـاع المـضـاريم *** عدوهم حدر تحت الحوافـر يـداسي يـوم المـراجـل فوق حصن النواهيم *** عصر النضّى والخيل قبـل التكـاسي قال الشاعر علي بن ثاني الطويلعي هذه الأبيات من الحكم : 1272 هـذا الـزمـن بـة كل ميـدان مفـتـوح *** لـلي مسـالـم فـيـة والـلـي مـحـارب كـم فيـة مقـتوﻻ وكـم فـيـة مجروح *** وكـم فـية مسجونـا وكم فيـة هـارب وكم فية مستورا وكم فية مفضوح *** وكم فيـة مستعرب وكـم فيـة عـارب وكم فية متسامح وكم فية مسموح *** وكم فيـة مضروبا وكم فـية ضـارب وكم فية من كتماً وكم فية من بوح *** وكم فـيـة من لـة بالمضارب مـأرب وكم فـية مذموما وكم فـيـة ممدوح *** وكـم فــيـة مـن تـبـاعـداً او تـقـارب كم فية من صوتة من النوح مبحوح *** وكم فـية من قـال الأقـارب عقارب وكم فية من يروح من غير مصلوح *** وكم فية من طارب بحلو المشارب وكـم فـيـة من دما بلا حق مسفـوح *** وكم شن من فـي مـن فـن التجارب قال عبدالله بن عبار هذه الأبيات مجاراه لأبيات الشاعر علي بن ثاني الطويلعي : 1273 حي الجواب اللي موضح ومشروح *** من قاف على نسل عصم الشوارب من ساس عزوه مابهم قول ساموح *** رجـالـهــم مـابــه مـعـايــب وذارب ألا بـحومات الوغـى يرخص الروح *** ويدعس على خشم العدو بالجوارب يـوم العـرب مـابـين ذابـح ومذبـوح *** والمرجله بضهور هـدف الغـوارب طـوالـعـه كسـّابـت الـطيـب وطلـوح *** وجـمـلـة هـل المـلحا وكل الأقـارب بنوا لهم فوق العلا بروج وصروح *** حــمـايـة الـساقـه وســاع المسارب أفـعـالهـم يـوم البـنـادق لهـا ضوح *** والـكـل لـحـزامـه الـيـا صـال كـارب وقـصيـرهم يحشم ولو زل مدموح *** عــنـه المعـادي يـبـتـعـد مـا يـقـارب أعـجبني المعـنا من الشعر مملوح *** مـن قاف شغموم عـلى الطيب دارب أحسنت والهرجه بها سطوح ونطوح *** ومنطوق لفـظك مثل نور الكهارب قال الشاعر علي بن ثاني الطويلعي هذه الأبيات : 1274 يابـو مشعل كـل شيا في زمانـة *** لـة حـدود ولة بنود ولـة كياني وانت كنت ولا تـزال بكل أمانـة *** منهـلا مأمـون في كـل المعاني انـت وافـي والأمـانـة لـك ديانـة *** تبـذل المجهـود ولا انتة أنـاني مانت ممن خانة حصانة وهانـة *** فـي ميـادين المـرؤة والتفـاني وفي أمان الله مـن سـو البطانـة *** ياعـلم علمة عـلى مر الزماني جواب عبدالله بن عبار على أبيات علي الطويلعي : 1275 عشت ياللي عندنـا عالي مكمانه *** صح لسانك يا سليل القرم ثاني يا عـلي يفـداك من يطـلق لسانـه *** مثـل خطات العـزوم بـلا عـناني الـردي كوبان لـو ينشر اعـلانـه *** مـا يبوق بصاحبه كـود الهـداني حرضه حـاقـد وبـه كيـد ولعـانـه *** زوّر التـاريـخ وأفـتـن بالعـوانـي وصدقه من كان في عقله سكانه *** وكـل مـا سووا لك الله ما خفاني الصقر صار الرقيعي في مكـانـه *** والأسود اشبالها صارت حصاني قال علي ثاني الطويلعي هذه الأبيات يثني على زميله عبدالله بن عبار : 1276 مـني لابـو مـشعـل تـحـيـة وتـقـديـر *** عـبـر الاثـيـر وفـي جـميع الوسايل عساة في خيـر ومن خيـر في خـيـر *** فـي حـالـة تسـر الـلي عـنـة سايـل حيثة من أعـلام الوطن والمشاهيـر *** شاعـر وأديـب وفـخـر لاولاد وايـل لـة مـدة مـا شـفـت لـة أي تـعـبـيــر *** اتـابـعـة بـالـمـنـتـدى والـرسـايـــل اشتـاق لأخـبـارة ولا مـنـة تقـصيـر *** يـدوم ابـو مـشـعـل سـديـد الفعايـل والمـعـذرة عـن كـل نقصا وتاخـيـر *** عـن السـؤال وعـن كثيـر المسايـل مـا عـنـدنـا لقـصـورنـا أي تـبـريـر *** لكـن طمعنا في هـل الطـول طـايـل جواب عبدالله بن عبار على زميله علي بن ثاني الطويلعي : 1277 تعـيـش يا نسل الـرجـال المـنـاعـيـر *** يا عـلـي بـن ثـانـي عـزيـز النزايل أطلب عسى رب الخلايق لك ايجير *** ويـكـفـيـك ربـك شـر سـؤ الهـوايـل جـانـي كلامـك فيه صـدق التعابيـر *** عـسى فـداك مـدوريـن الـفـشـايـــل أهـل العـلوم الـلي تجيـب المعاييـر *** للـحــاقـد الفـاسـد مـطـايـا وزمـايـل الشلّـه الـلـي يـنشـرون المنـاشيـر *** أهـل الـقـلـوب الـلي تكـن الـدغـايـل دايم هدفهم مع اللـي يدهـن السيـر *** ولاهـم مـن الـلي يكسبـون الجمايـل قلـته وأنا استثـني طـوال الأشابيـر *** الـلي عـلـومـه بالمجـالس صمايـل وقال الشاعر علي بن ثاني الطويلعي هذه الأبيات جواب للمرّه الثانيه : 1278 لـو دامـت الـدنـيـا مـبـاني وتعـميـر *** وبــقــت عـلـى مـاشـيـدوة الاوايـل مـاصـار فيهـا لأهـل الخـبث تـدبيـر *** لـطـال طـايـلـهـا عـلـى كــل طـايــل لاشـك فـيـهـا مـن يـريدون تـدمـيـر *** مكـامـن الـقـوة وبـعـض الفـضايـل فـلا يـصـيـر بـخـاطـرك أي تـأثـيــر *** هــذا زمـانـا فـيـة عـايــل ومــايــل لا تـلـتـفـت لـكـل مـاصـار وايـصيـر *** ولا تكترث بالقـول من كـل وقايـل قال الشاعر علي بن ثاني الطويلعي هذه الأبيات يثني على زميله عبدالله بن دهيمش العبار : 1279 سـلام يـا رمــز الأبــاء والـحـمـيــه *** سـلام يـا رمـز الشـمـوخ المـثـالـي واقـول كـيـف الـحـال بـعـد التحـيـه *** جـعـلـك بـعـز وخـيـر طـول الليـالـي تـهـمـنـا اخـبـارك عـلى حسـن نـيـه *** حيثك عـزيـز يا ابـو مشعل وغـالي عـبـدالـلـه الـعـبـار عـبـر الـبـريـــه *** نـرفـع لـه البيضاء عـلى كـل عـالي ذخـر وفـخــر لـلـعـزوه الـوايـلــيــه *** مشهور فـي طيبـه وصـدره شمالي قال عبدالله بن دهيمش بن عبار هذه الأبيات مجاراه لأبيات الشاعر علي أبن ثاني الطويلعي : 1280 حـيـيـت يـامـن تـرسـل الـقـاف لـيـه *** يا مرحـبـا اعـداد الحصا والـرمالي عـلي ابن ثـاني مـن اعـزاز السميّـه *** طــوالـعـه مـن نـادريـن الـرجـالـي عـلـي سـلـيـل الـعــزوه الـولـدعـيـه *** مـن وهـب الـلي مثـل شـم الجـبالي مشـكـور تـثـنـي يـالسنـافـي عـلـيـه *** بـأبـيـات تـشـبـه لـلـقـراح الـزلالـي عـسـى فـداك أهـل الـعـلـوم الـرديـه *** يـا أبـن الكـرام مـعـربـيـن الخـوالي قال الشاعر علي بن ثاني الطويلعي هذه القصيدة يثني على زميله عبدالله بن دهيمش بن عبار : 1281 يـا جـبـل تسلـقـوك وشـمـت عـنـهـم *** مـا تـزلـزلـك الـريـاح المـوسـمـيـه يـا جـبـل شمـوخـك الهـادي غـبنهـم *** مـا قـووا يـزلـزلـونـك لــو شـويــه قـد رسيت ازمان ثـم ارس بـزمنهـم *** وافـتـخــر والـبـس دروع الـوايـلـه لـلـنجـاح اعـداء مـا عـلـيـك مـنـهـم *** بقصد ولا بـدون قصد وحسن نـيـه من عـرفهـم ملّهـم وانحاش عـنهـم *** يحـسـدون ويـفسـدون أيـة قـضـيـه بالشـقـاق وبالـنـفـاق الـلـه فـتـنـهـم *** يـنشـرون الحـقـد والأعـمـال سـيـه نـاس لـو افنيت عمـرك من جهنهـم *** لــو تـسـلّــم مــا يـردون الـتـحــيـه نـاساً السمـوّم تـنـفـث مـن السنـهـم *** مـا سـلـم مـن شـرهـم نـاس بـريـه ونـاس لا تـثـق بـهـم ولا تـامـنـهـــم *** كـن حــذر تــرى نــوايـاهـم رديــه قال : عبدالله بن دهيمش بن عبار هذه القصيدة جواب لقصيدة الزميل الشاعر علي بن ثاني الطويلعي : 1282 يـا سـليـل الـلـي إذا الـلاّجي زبـنهـم *** مـا تـرصـد لــه غـريـمـه قـيـدنـيــه مـن يـدور الفـود مـا يقـرب ضعنهم *** يـنهـزم كـان انـتـخـوا بـالـولـدعيـه يا أبن ثـاني لـك قبيلـه فـي وطنهـم *** عـزوتـك نـعـم الـرجـال طـويـلـعـيـه اسـمـهـم اكـبـر دلـيـل لـمـن وزنهـم *** فـازوا بوصـف الشجاعـة والحميـه والـلي تذكرهم تـرى ماسك رسنهـم *** أخــو مــرّه قـادهـم قــود الـمـطـيـه يـا عـلي مـا يجـهـلـون أنـه لـعـنهـم *** الرسـول المصطـفى هـادي البـريـه الـلي عـافـوا جـدهـم ساس معدنهـم *** واستعـاروا جـد لـيس مـن السميـه يا عـلي هيهـات مـا ينـظـف درنـهـم *** والـفـشـل حـلـيـف حملتهـم عـلـيـه مـن سعـوا بالظلّم قـال الشّرع هنهـم *** وأحمـد الـلـه مالهـم عنـدي دعيـة قال حميد بن غضيان بن حمرون الجعفري هذه الأبيات يثني على جهد عبدالله بن عبار لخدمة قبيلة عنزة : 1283 يستـاهـل التمجيـد مـن يفعـل الطـيـب *** عـبـدالـلـه العـبـار صـوت القـبـيـلـه الـلـي ثـنـا دون الـقـبـيـلـه بـلا ريــب *** وقـف بوجـه الـلي يـشـب الـفتـيـلـه ودافع عن الـلي يشبه الـزيـر وكليب *** وبحثـه عـن التاريخ خـدمـه جـليلـه قـاف أبو مسعل مثـل شلـفـا تريحيب *** الـلي نـهـار الكـون يحـمي الـدبـيلـه ولا مـثـل حـربـة ولـد شـالـح الـذيـب *** القرم الـلي يلكـد عـلى القـوم خيلـه الشـاعـر الـلي مـا يهـاب المصاعيب *** دون الـقبـيـلـه مـا ذخـر كـل حـيـلـه تسلـم يـمينـك يا عـطيـب المضاريـب *** يا ابـن الرجال الـلي تحـوز الجزيله تـفخـر بـك الـويلان شـرق وتغـاريب *** ولا خـيـر بـالـلي مـا يـرد الجـميـلـه جواب عبدالله بن دهيمش بن عبار على حميد بن غضيان بن حمرون : 1284 جـتني رسالـه مـن حصان المطاليـب *** أبـن حـمرون الـلي أخـلاقـه نبـيـلـه الجعفري يعرب عـن المـدح تعـريـب *** شـرفـنـي المنـعـور بـحـروف قـيلـه مـن ساس لابـه يفهمـون المواجيـب *** جـعـافـره أهـل الـيـديـن الـطـويـلـــه خزمت من جـنّب عـن الحـق تجنيـب *** ولا طعت قول أهـل العقول الضليلـه الـلي عـلـومـه بالمجـالس طبـاطيـب *** بـث الـدعـايـه مـا تــبّـرد غـلـيـلـــــه خطو السفيه الـلي جيوبه بها العيـب *** نـدعـان مثـل الـلي يلـوقص بـذيـلـه تشهد لمجهـودي جـميـع الأصاحيـب *** مجهد لـك الـلـه مـا ذخـرت الوسيله عـنـد القـبـيـلـة عـزوتـي والأجـانيب *** مـن حـمـد ربـي مـا جنيـت الفشيلـه قال الشاعر حميد بن حمرون هذه الأبيات يثني على عبدالله بن عبار : 1285 يـا ابـن عـبـار انـت شاعرنا الكبيري *** مـن كـبـار اعـلام وايـل لـك مكانه انـت سـيـفن مـا يـغـطيـه الجـفـيـري *** بـارزن بـالـطـيـبـه عـلـم ورزانـــه دون وايـل تـدفـع الـشـر وسـفـيـري *** تـرجع الـلي صار في قـلبـه ليانـه لك جزيل الشكر من عود وصغيري *** دوم دون الـحـق مـوقـفـك وبـيـانـه قال عبدالله بن عبار مجاوباً الشاعر حميد بن حمرون الجعفري : 1286 ياأبن حمرون أنت ما باعك قصيري *** مـن حمايـل مابهم بـخـل وجـبـانـه عـلمهـم مشهـور بـكتـاب السديـري *** أهل الجدعا ريـف من حـدّه زمانـه مـن زمـان القلقشنـدي والجـزيـري *** بـني وايـل مـا يـعـرفـون الخـيـانـه حيث أنا مجدتهم من عرض غيري *** وأحمـد الـله منهجي صدق وأمانـه قال خلف بن مطر السهلي : 1287 يـقـول مـن سجـل بالاوراق صفحات *** مـن عـرض من يهدي للأجواد قيله مـا دور الشهـرة عـلى نـظـم الأبـيات *** ومـشـاركـاتـي بـالـمـحـافـل قـلـيـلـه لاشـك قـول الـحـق يـحـتـاج وقـفــات *** ومـن يفعل المعـروف يذكـر جميلـه عـبـدالـلـه الـعـبـار راعـي الجـمـالات *** الـلـي تـصـدى لـلحـمـول الـثـقـيـلـه يـا شـاعـر الـويـلان يكـفيـك مـا فـات *** مـواقـف سـويـتهـا مـسـتـحـيـلـــــه شاعر وأديب ولك مع الطيب هقوات *** ويزهـاك قـولـت شـاعـر لـلـقـبـيـلـه رشحـك فعـلـك مـا تحريت الأصـوات *** يا شاعـرن جـزل المـثـل يستـويـلـه والنـاس تـدري بالجـدد والقـديـمـات *** وهـرج بـلا صـدق يجـي فـيـه مـيلـه مـدحـك لـربـعـك لـه دلالات واثـبـات *** مـا يـخـتـفـي شـّيـن تـبـيـن دلـيـلــــه أن قـلـت وايـل قـيـل نـعـم السـلالات *** الـجـد حـكـام الـعـرب تـنـتـمـيـلــــــه يـوم الكـرم يضـهـر لفعـلـه عـلامات *** عـنـدك مصـوت بـالعـشا بالطـويـلـه وأن كـان للفرسان صولـه وجـولات *** يكفي عـقـاب الخيـل فـوق الأصيـلـه ويـوم القـبـايـل لـه مـشايـخ وقـادات *** شيـوخـنـا الـهـذال نـعـم الـفـصـيـلـه هـذي مـن رمـوز الخصال الحميدات *** ربعي لـهـا والهـرج يعـرف جـزيلـه وكـل القـبـايـل لـه مـفـاخـر وعـادات *** مـا اذمـهـا والـعـبـد ربـه كـفـيـلـــــه جواب عبدالله بن عبار رداً على خلف بن مطر السهلي الجعفري : 1288 مـنـي لأبـن مـطـر جـزيـل الـتـحـيـات *** عـد الـرمال الـلي الـذواري تـهيـلـه خـلـف كتـب جـزل البـيـوت العـذيـات *** مـهـداه عـبـر الـواتسـب لـزمـيـلــه خـلـف أبـن مـطـر مـبـاديـه جـــزلات *** حـيثـه مـن الـلي يكسبون النـفـيـلـه مـن سـاس لابـه حـافضين الأمـانـات *** مبـطي لهـم فـعـل المـراجـل وسيلـه مـاهـم من أصحاب العلـوم الـرديـات *** أفـعـالـهـم مـن حـمـد ربـي جـلـيـلــه جـعـافـرة أهـل الـهـداف الـرفـيـعـات *** ريـف الهـواشـل بالسنيـن المحـيـلـه جـعـافـره أهـل البـيـوت الـوسيـعـات *** يلـقـا بـهـا الـطـرقـي ذراه ومـقـيـلـه جـعـافـره أهـل السيـوف الشطيـرات *** يجـدع بـهـا عـنـق المعـادي صقيلـه جـعــافــره أهــل حـمــيّـه ونـخـوات *** مـاهـم مـن الـلي يشاورون الحـليلـه جـعـافـره مـا يـصـدقـون الـدعـايـات *** من نفح هـرج أهـل العقول الضليلـه جـعـافـره مـاهـم مـن أهـل الخيانـات *** وعــدوهــم مـا جـوه غـرّه وغـيـلــه جـعـافـره مـا يـزرعـون الـحـــزازات *** ولا يـرقصّون أهـل القلـوب الهبيلـه من ساس نسل عبيـد نعـم القـرابـات *** أولاد عـم ونـنتـمـي مـن فـصـيـلـــه أهـل الشجـاعـة والـكـرم والمـروات *** عـدوهـم مـنـهـم ا تــزاود غـلـيــلــه يـنـحـون عـنـا كـل حـاسـد وشـمّــات *** ولا يجامـلـون أهـل العـلـوم الرزيله يتبع التعديل الأخير تم بواسطة عبدالله بن عبار ; 07-11-2022 الساعة 06:10 AM |
|
|
|
|
07-10-2022, 08:18 PM
|
#88 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال الشاعر محمد بن معتق اليمني رحمه الله يثني على الشيخ سعيّد بن جحليش الشراري والذي وقف مع عبدالله بن عبار بعد الحادث : 1289 سبحـان مـن بيـديـه تصريف الأقـدار *** محيي الهميد من المزون مراهيش الـغـيـث يـنـبـت مـنـه عـشـبـاً ونـوار *** ويحـيـي عـروقـاً ذابـلاتـاً معـاطيش أمـره بـكـاف ونـون يصيـر مـا صار *** وايسخّر البعوض على البشر جيش ومن بعد ذكره جيتكم عـنـدي أخـبـار *** مادام الأجواء صافيه دون تشويش وياجب علي أجيب أنا علوم الأخيـار *** أمـا عـلـوم الـمـهـزلـه للخـفـافـيـش عـنـهـا كـرمتـم مالهـا عنـدي احضار *** ولو أنسأل عنها بـهـا قـلـت ماليش والعلم اللي قبل أمس عندي به اقرار *** حدث بقدرت رافع الطيـر بالـريـش والحـمـد لـلـه يـوم سـلـم أبـن عبـار *** من الحادث اللي صاروقت الغطاريش الـلـه لا يـوريـه مــكـروه وأضـــرار *** وعساه يبقى طـول الأيـام وأيعـيش عيشت سعـادة صافيـه مـابهـا اكـدار *** شاعرنا أبـو مشعل بعيـد المناطيش يـارب جعـلـه مـن طـويلين الأعـمـار *** هـذا عـلـمـنـا الـفـذ نسـل الحنـاتيش شـاعـر قـديـر ولـه مـعـزه ومـقــدار *** اطلع تاريخاً كـان في وضع تهميش بـذل جـهــود ولا نـجـازيـه بـانـكــار *** ولا نقبل لشخصه من الغيـر تخديش واليوم جـاء عـاني لحفلات الأحـرار *** أولاد مـكـلـب طـيـبـيـن وهشـاهـيش وعلم المعزّب بالحدث نسـل الأبـرار *** سعيد أبـو معتق زعـيـم المـداغـيش حـلـف وأقـسـم والشـرارات حـضّـار *** وأهـداه جيب هـو مـنـات المطاريش وله أنتخى في طيب وبعزم وأصرار *** وطلّق مـن الـلي ينفضن العـكـاريش هـذا الـكـرم مـاهـي سـواليـف هـّذّار *** هـذا العـطاء مـاهـو مهايط دراويش مـوقـف لـحـراً يعتـلي عالي الأوكـار *** يشري العلوم الغانمه مـا سـأل بيش الطيب صعـب ومقبضه يسطلي حـار *** لكن هذي تحسب لكم ياأبن جحليش وأبـوك ولـّع فـي عـمـد بـيـتـه الـنـار *** لأجل الضيوف اللي لفولـه هواتيش يـوم الحـطب مقـلول مـا سـج بعـذار *** في سهـلـة عـود الحطـب بالمناقيش والضيف أبن سمـرين بعـيـد الأذكـار *** والعلم ثـابت مـا على العلم تشويش قال عبدالله بن دهيمش بن عبار هذه القصيدة جواب لقصيدة الشاعر محمد بن معتق اليمني العنزي : 1290 جـانـي مـن محمـد عـبارات واشعـار *** كوّش شعرراسي من القاف تكويش منطوق لفضـه لـه مع الناس تعـبـار *** شاعر فحل مـا طبّش القـول تطبيش قلته وأنا لك يا أبيض الـوجـه شكّـار *** حيثك من الفزعـه اليا صار تهويش تـعـيش يالـمـنـعـور يـا نـبـه الأفـكـار *** يـفدونـك أهـل البلبلـه والخـتـاريش لـك الـشـكـر بـعـداد مـن لـلـحـرم زار *** وأعداد ما ينبت من القشع والهيش واعـداد ما فوق البسيطه من احجـار *** واعداد مـزبـور الـرمـال المهـاليش يامن نصيّت القاف صوب أبن عبـار *** لـك الشكر عـلى مـديح أبن جحليش الشيـخ أبـو معـتـق مـن المـال خسّار *** يحـط مـا حـاشت يـميـنـه تحـاويش مثـل الجبل يذري اليـاهـب الأعصـار *** لا قرشع العاصوف عرزالة الخيش يـاجـب عـليـه شكـر الأجـواد تـكـرار *** أهـل الكرم وأهل الوجيه المباشيش يا محـمـد المعـتـق أفـيـدك بالأسـرار *** عن مقصد اللي يدورون الشوابيش وأخبـرك بالـلي لجهـدنا يبـدي أنـكـار *** الـلي عـلى شـظي القبيلـه مبـاليش خـاب وخسـر مـن كـان خاين وغـّدار *** حيثه ينخّش بـالي الـرمس تنخيش هــذاك دربــه سـد مـافـيــه مـعــبــار *** لـو كان خيّش قـدوة الـقـوم تخييش مـن حـّرف التاريخ نـقـولهـا اجـهـار *** ما يرعوي يا مسندي كـود تجحيش أنظـر تـراث الـربع بقطـوف الأزهار *** وأنساب وايل من عصردولة قريش نكتب نسـب عـنـّاز فـي كـل الأقـطـار *** الـلي عـداهـم مـن لقـاهـم مخـاريش ولـفـتـهـا وأبـرز مـفـاخـر هـل الـكـار *** ولاني بحال أهل القلوب المغاشيش وثّــقـت مــا دوّنـت مـن قــدم الأدوار *** ولاهمني مـن حرّش القوم تحريش والهرج كانه راج مـن بعض الأنفـار *** هـذا نفيح صدورهم عـقـب تحشيش أن كـان قامـوا ضدنـا عـوج الأشوار *** الـلي يبيعـون الـبـخـت بالبخـاشيش بـأهـل الـفـخـر نـفخـر ونـذم الأشرار *** الـلي لهـم بـلحـوم الأجـواد تنهـيش وعسى الذي لعراض الأجواد عـقّـار *** يسطي به العبرود أو شوكت حنيش وقال الشاعر عساف بن فالح البحان الشراري يرحب بزميله عبدالله بن دهيمش بن عبار العنزي في منزل الشيخ سعيد بن جحليش الشراري : 1291 حـيّـاك ربــي يـا أبـن عــبـار بـالـذات *** وحيالـلـه الحضاّر من دون تحـديـد فـي مـنـزل الـلـي ضـاريـاً للجـمـالات *** مـااقـول قـولاً دون شاهـد وتـأكـيـد مـنـزل أبـو معـتـق جـزيـل العـطيـات *** كــريـم سـبـلا دوم عــوداً بـتــرديــد واعـود لـلي قـلت في صدر الأبـيـات *** الـشـاعـر الـلـي عـارفـاً بـالأسـانـيـد مـني لأبـو مـشعـل جـزيـل التـحـيـات *** عـلـى وفـاه مـع الـوفـيـيـن وأيـزيـد ويشكر على شعـره بمدح الشرارات *** وذكـر الـمـكـارم سـلـعـة لـلأجـاويــد شعـره مـثـل عـقـداً مـرصع بشارات *** يزهى عـلى الهنوف مـزيونة الغـيـد شاعـر مخضرم لـه رفيـع المقامـات *** لا قـال قــولاً تــاجــده حـطّــت الأيـد راعي الوفاء يلقا الوفاء والكرامـات *** في محفـل مثـل الضحى ليلـة العـيـد ذكـرت مـا دونـت في شرح واثـبـات *** عشرة بيوت ولا ابي انقص ولا زيد قال عبدالله بن عبار رداً على الشاعر عساف بن فالح البحان الشراري : 1292 يا مـرحـبـا بـالـلي اهـدافـه بـعـيـدات *** عسّاف شاعـر مـن خيـار القواصيـد الـلـي يـرحّـب بـالـبـيـوت الـعـذيــات *** ويختار معـنا صافي الشعـر وأيجيـد أرسل جوابـه واشكـره عشـر مـرّات *** حـيثـه مـع التـرحيب يجهـر بتمجيـد فـي بـيـت من حّصل بجوده شهادات *** الشيخ أبـو معـتـق نخـصّـه بـتـفنيـد قـرم العـيـال الـلي عـطـايـاه جـزلات *** ولا تاجد اللي بطيّب الفعـل ما ايشيد كـفه يفيض مـن النـدى كـل الأوقـات *** وله مجلس يزمي مثل شامخ الحيـد وصينيته مـاغاضهـا عـشر قـلـطـات *** تاخـذ مـع الخـرفـان جـزل المفاريـد أ قـولـهـا واشـكـر جـمـيـع الشرارات *** عـمومهـم يالـقـرم مـن دون تـفـريـد مـن حـد أبـو عـجـرم لحـد القـريـات *** تلـقى المجالـس بالقصـور المشاييـد الضيـف يـقـلـط بـالـربـاع الفضّيـات *** فـيهـا الـزوالـي والـدلال الـبـغــاديــد قال الشاعر عطا بندر السلمي أبو نادر هذه الأبيات بعد أن سمع بعض كلام البلبلة في بعض مجالس الغوغاء المبنية على الأشاعات المضلله والكاذبة التي روجت من قبل بعض من لهم أهداف والحاقدين الذين سبق وأن زوروا نسب قبيلة عنزة وغرروا في بعض الذين لم يطلعون على نسب عنزة ومصادره الثابته وعندما كشفت كذبهم وزيفهم لم يبقى لهم ألا أيهام العوام وقد فهم الكثير سبب الحملة المغرضة وأنصفوا ومنهم الأخ عطا حيث أرسل لي هذه الأبيات عبر الجوال يقول : 1293 يا ابـو مشعل ما عليك من الكلام *** لـلكـلام الـيـوم فـيـه مـروجـيـن أنـت مـثـل النـور يجتـاح الظـلام *** لا يـهـمـك لـو تـقـول الحـاقديـن أنـت دايـم تـعـتـلي فـوق السنـام *** يـوم بعض الناس عنهـا غافلين والـلـه أنـك مـن عزيزين المقـام *** ولا عـلينـا مـن كـلام المبغضين راعـي الـوقـفـات لا ثـار العـسام *** والـلـه أنـه طبعـكـم يالغـانـميـن كـم خـصيـم شـذ واقـفـا بـنهـزام *** وصـار عبـره للـذي هم جاهلين مـا اخـتفيت بيـوم عـج ولا كتـام *** والخـلايـق كـلهـا لـك شـاهديـن وقال عبدالله بن دهيمش بن عبار هذه الأبيات جواب للأخ الشاعر عطا بن بندر السلمي العنزي : 1294 يـا عـطـا حـييـت وأهـديـك السّلام *** مـرحبـا يا صاحب العقل الرصين يـا أبـو نـادر لـك معـزه واحـتـرام *** عـشت يـا نسل الـرجـال الطيبيـن يالـزميـل أن سبني خـطـو الخمـام *** العـفـن الـلي طـاع لبليس اللعيـن لـي قـدر عـنـد الشـغـامـيـم الكـرام *** كـلـهـم بـالـلي عـمـلـتـه معجبين مـن كـلامـه غـث يـوضـع بالـدرام *** والـرجـال تـثـمّـن القـول الثميـن ولا ثـنـونـي مـن يـدورون الـمـلام *** دام مـاهـم لـلـحـقـايـق فـاهـميـن صـاحـب التـزويـر يـردع بالنـظـام *** ومـن يحـوك الكيـد يرجع لليقين قال الشاعر نايف بن رحيّل بن وقيت الشبيعان الجعفري هذه القصيدة يثني على عبدالله بن عبار : 1295 هــذا الـذي يــحـق لــي افـتــخـر بــه *** ويـحـق لـي لا قـلـت درع الـقـبـيـلـه عـبـدالـلـه الـعـبـار اسـمـه شـهـر بـه *** اسـم تـمـيّـز بـالـفـعـال الـجـلـيـلــــه مـن دون ربـعـه نـاطـح كـل سـربـــه *** بـمـؤلـفـاتـه والـبـيـوت الـجـزيـلـــه لـلـربــع درع ولـلـمـعــاديـن حــربــه *** ومـن جـاء بوجهه مخطي عـزتيلـه أبـي أمـدح الـلي بـالـفخـر سار دربـه *** عـلى حمـولـه حـمـل ربـعـه يشيلـه درب مــشــابــه لازم نــفـتــكــر بــــه *** راعـي الجـمـايـل مـا نسينـا جميلـه قال عبدالله بن دهيمش بن عبار هذه الأبيات رد على الشاعر نايف بن رحيّل الشبيعان الجعفري : 1296 نـايـف كـلامـه فـي مـديحي جـهـربـه *** الشاعـر الـلي شـاقـني نـظـم قـيـلـه بالمحفـل الـلي يبتهـج مـن حضـربـه *** حـفـل الـنشامـا كـاسبـيـن الـنـفـيـلـه خـلايـف الـلـي يـمـدح الـجـار قــربـه *** رحيّـل أبـن وقـيـت طـيـبـه وسيـلـه يـا حـي قـرم صـاحــبـه مـا نـكـر بــه *** ولا طاع هـرج أهـل القلوب العليلـه سـلايـل الـلي مـا ربـح مـن غـدربــه *** ولا هـادن الــعـدوان يـوم الـدبـيـلــه محمد الـلي يـرهـب الخـصم ضـربـه *** يـوم المـعـابــك بالسيـوف الصقـيلـه نسـل العـواجي مـن مـقاديـم سـربـه *** والنـعـم بأصحـاب اليـديـن الطـويلـه هـم ذخـر من يشكي من الوقت كربه *** وهم مزبن الخايف اليا شاف عـيلـه مـقـامـهـم بـالـطـيـب كـلـن شـعـربـه *** والشكـر لأصحـاب الهـداف النبـيـلـه قال عبدالله بن دهيمش بن عبار العنزي هذه القصيدة يثني على الرجال الذين تبرعوا بفكاك السجين ممدوح بن علي الطلوحي : 1297 من فضل خلاق الملا محيي الأمـوات *** رب العباد الـلي عـلى الخلق رحمن نـزف بـشـرى لـلـعـوض والعـطـلات *** أبعـد حرج ممدوح يـوم الفرج حـان تـكـاتـفـوا بـني وهــب والـعــمــارات *** وجلاس وضنا عبيد ذربين الأيمـان ولي الفخر بأهـل الفعـال الحميـدات *** حربة بني وايـل هـل المجـد فـدعـان وسـلايـل مـعـلا شخوص السبيعـات *** وعزوة هل الجدعا خلايـف سليمـان ونعـم باهـل العـليـا قـروم الـرويلات *** ومحـلـف يكدون المعـادي بالاكـوان وعـزوة هل الملـحـا رجـال الحميات *** وشرعب كبر والنعـم بـرجال نبهـان وكل عنـزه من جـد مـاهـم عصابات *** أفخـر بهـم غصب عـلى كـل زعـلان عـلـم الفـخـر يشمـل جميع القـرابات *** ذخـر الـرفـيـق اليـا تـناخـوا بـويلان الـطـيـب واجـد والـمـراجـل كـثيـرات *** لاشـك أنـوه عـن رجـال لـهـم شــان نعـم الـرجـال الـلي تـنادوا بالأصوات *** وتجمعوا بارض الحفر والخفي بان عـن ربـعـهـم نـابـوا بـكـل الـمهـمات *** وتبـرعـوا يرجون عـفـواً وغـفـران تـبـرعـوا مـاهـو عـلى شـان غـايـات *** ولا قـصدهـم يمدحهـم فـلان وفـلان الأجـر مـن رفّـاع سـبـع الـسـمـاوات *** وحنـا عـلينـا شكـرهـم سر وأعـلان وأخص قـرم من شخوص المهيـدات *** مليون من حضرة سعود أبو راكـان أبـن شحـاذه بالـظـروف الصعـيبـات *** يـفـوز في عـلـم الفضيلـه والاحسان وذيـاب أبـن عـايـد دفـع سـت مـيّات *** والنعـم فـي نسل القـروم أبن خشّان وفيصل أبن نـامي من أهـل العطيـات *** والنّعـم والـلـه فـي سلايـل سحيمان وأثني على أبو عـدي فرحان بالـذات *** والنعم بالشهم الكـريـم أبن عـيـدان وثـامـر بـن جـزاع زبــن الــونـيــات *** مـن نسـل أخو بـتلا سلآيل عـدينـان والدهمشي عايد مـن أهـل المـروات *** النعـم يـزهـا الـذايـدي نـسل رثـعـان وخـالـد سلايـل زيـد عـز القصيـرات *** أحـيـا ذكـر عـلّيق خـلـفـة رويـضـان الـكـل مـنـهـم مــا تــغــالا الــريـالات *** والـكـل يـدي واجـبـه قـدر الأمــكـان ودنـيـاك هـذي مـا عـليهـا حسـافـات *** والممسك الـلي يكنـز المـال نـدمـان ويا مكثـر الـلي نـال بالفـعـل طـولات *** لـو مـا أذكره ماله مهونه وحـقـران يـامـا بضنـا وايـل كـريمين وابـخـات *** ويـاكــم سّــدوا لـلـمـحـاويـج ديــّان جـمـلـة بـني وايـل بـوقـت المـلـمـات *** حـمـايـل فـيـهــم مـكـارم وشجـعـان أهـل البـيـوت الشامخات الـوسيعـات *** يـامـا دهـلهـا من الهواشيل ضيفـان لي الفخـر بأهـل الهـداف الـرفيـعـات *** نـخيـتهـم عـبـر الـوسايـل بـقـيـفـان أفـخـر بفعـل أهـل العـلوم الشريفـات *** أعـتـز والـطيّـب بـه الـمـدح يــزدان كـل عـنـزه فيهـم شهـامـه ونـخـوات *** يـوفـون بالـواجـب اليـا كـن كـوبـان وقال الشاعر نايف بن رحيّل الشبيعان العواجي : 1298 الـعـز يـظـهـر بـاحـتـدام الـمـلـمــات *** والمدح نقص أن قيل من غيربرهان والكـنـز مـاهـو بـالـذهـب والـريـالات *** الكـنـز ربعـك لعـتـزوا وأنـت بلشان مـا يـرفـع الـرجـال كـثـر الـدعـايــات *** ولا يـجـمـلـه ألا الفـعـايـل بـالأيمـان يـا كـثـر مـا شفنـا مضاهـر وحفـلات *** باسراف فاحش ترفضه كـل الأديان ويا كثر الاسما اللي ظهرت بالقنوات *** هـذا سلـيـل المـجـد وهـذا بـلـيـهـان ويا كثر كـذب الناس وكثر السخافات *** ومن قال هذامن الغلط صار غلطان ويـوم أنتخى ممدوح يحتاج وقـفـات *** تـبـينـوا أهـل الـفـخـر والخـفـي بـان لا تـشرهـون اليا افتخـرنـا بالابـيـات *** الـيـا ذكرنـا الحـق مـن دون نقصان والـلـه مـا بـالـقـلـب كـره وحـزازات *** ولا بـنيتي تهـميش ولا فيه حـقـران لازم نـمـيّـز كـاسـبـيـن الـجـمــــالات *** ونـعـدهـم بـالاسم شـكـراً وعـرفــان عـيـال وايـل بـالـعـصـور الـقـديمـات *** بـيـن القبايـل والـدول شانـهـم شـان عـاداتـهـم كسـب الفـعـال الحـميـدات *** أن كـانـهــا بـالـطـيـب ولا بـشـامـان كـم دولـة مـن فـعـلـهـم مجدهـا مـات *** وكم دولة قامت على عضود ويلان يعني ورثـنـا المجـد مـاهي خـرافـات *** وأمـجـادنـا مـاهـي بـحـاجـه لتبـيـان وضع الطلوحي سهل مابـه صعوبات *** تيسير مـن رب الخلايـق والأكـوان والـلـه لـوهـي دبـلـّت عـشـر مـــرات *** الـوايـلي مـا يـشتـكي ظـيـم سجـان نـاس تـدور الأجـر فـي كـل الأوقــات *** ومـن جـاء حميـا دم مـاهـو بغلطان الـوايـلـي طـبـعـه يـحـب الـجـمــالات *** ولا يكره المعـروف يـكـود خسـران الـدم واحـد مـا عـلـيـه أخـتــلافــــات *** لــو فـرقـتـنـا ديــار وحــدود بـلـدان تـبـي الـدلـيـل إنـا سـوى بـالمـلـمـات *** وعـيـال وايـل بالمحـن تـقـل بـنيـان الـولـدعـي مـسـجـون عـدة سـنـوات *** والـلي ارتـكـالـه جعـفـري وفـدعـان مـيتيـن ألـف وقـعـت وسـط شيـكـات *** مـن مال أبن عيدان فرحان فـرحـان ومـيـتـيـن ألـف دخـلّـت بالحسـابـات *** فـزع بها أبن غبين من دون نقصان وذيـاب بـن عـايـد دفـع لـلـقــرابـات *** ستّه وخمس أصفارمقصوده احسان وسـعـود خـتـمـهـا بـخشـم الـريـالات *** مليـون خاتمـة الـديـه تـعلـن أعـلان أربـع أسامي مـن ضنـا عبيد بالـذات *** فـازوبها يـوم الـردي خاطـره شـان عـنـد الطـلـب مابين ربعي أختلافات *** جـميع الأسماء تروح وتصير ويلان جاريت أبن عـبـار في بعض الأبيات *** درع عـنـزه مبطي وحاضر إلى الآن وخـتـامـهـا تـحـيـزمـوا لـلـثـقـيـلات *** نـبـي لـنـا تـنـظيـم واضـح لـلأعـيـان لا قـدّر الـلـه لـو دفـع تـسـع ديّـــات *** يـصـيـر دربـه بـيّـنـن دون تـبـيــــان قال عبدالله بن دهيمش بن عبار العنزي هذه القصيده جواب لقصيدة الشيخ الشاعر نايف بن رحيّل الشبيعان العواجي : 1299 يـا حـي مـن صاغ البـيـوت العـذيـات *** نـايـف أبـن رحيّـل حـفيـد الشبيعـان عـسـاك تـرفـل بـالـهـنـا والـمـلـــذات *** يالـفـاهـم الـلي تنظـم القـاف باتقـان لـك بالحميـه يا أبيض الـوجه عادات *** ما دك بـك يالجعـفري عـرق جابـان لـي عـنـدكـم يالـقـرم قـدر وكـرامـات *** لمستهـا مـن أبـوك وأخـوك سلمـان افـعـالـكـم بالطـيـب مـاهـن غـريـبات *** وقـفـاتكـم مـا تـنسي عـبـر الأزمـان مـثـل الـدروع الـلي تـصـد الأصابات *** كـانـه بـدأ طـعـن الشـلافـي بمـيـدان لا صـار مـابين الخصوم أصطدامات *** مـا طعتـم الـلي لجهدنا قـال جحـدان الـلي عـلى البـاطـل يـبـث الأشاعات *** ويجهر بهرج الـزور في كـل ديـوان من جامـل الـلي لباذل الجهـد شمّـات *** ينـفى الصحيح ويعتمد قـول بهتـان لـو المـراجـل يابـن وايـل رخـيصـات *** كـلـن كسبهـا من حـواضـر وبـدوان لاشـك فـيـهـا يالـسنـافـي صـعـوبـات *** ولا تاجد الـلي حصّل الطيـب مجّـان والـنـعـم بالـلي يـبـذل المـال بسكـات *** نـال الأجـر وأفـرح عجايـز وشيبـان نفخـر بالـلي تجمعـوا وقـت الأزمـات *** نـقـوة نشاما مـن مشاهيـر الأعيـان تجمعـوا مـاهـو عـلى شـرب كـاسات *** ولا هو على الفتنه ودعم الذي خان ولاهو على شري الضماير بشرهات *** ولا هو عـلى تجميع توقيع شيخـان ولاهـو عـلى تشجيـع زيـف الكتابات *** من أجل تزويـر النسب فود عوجان ولا هـو عـلى تنميق صوغ العبارات *** منطوق اللي قلبه من الحقدمرضان هـذا أجتمـاع العـز مـاهـو اجتماعات *** الـلي يـثيـرون الحـزازه والأضـغـان تجمعـوا فـي قـصـد جـمع الجماعـات *** جـملـة بـني وايـل قـرايـب وصدقان مـاهـو أجـتمـاع من الهلابيج شـلاّت *** اللي مثل بالوصف طـيـر أبن برمان بـيـن الفضيـلـه والـرذيـلـه مسـافـات *** أبعـد من المغرب عن حدود الأفغان أي الـسفـيـه الـلي عـلـومـه تفاهـات *** وده يـفـوز وهـو حـواشيـه سفهـان وأي اللبيـب الـلي عـلومـه جزيـلات *** عـلمه يشرّف بالفخـر ويـن مـا كـان قـلـتـه وأنـا لـثنيـن عـنـدي شهـادات *** سعـود أبـن معـتـاد والقـرم فـرحـان سـعـود يـامـا لـعــزوتــه جــاد مـرّات *** ينـفـق عـلى جـملـة أرامـل ويتمـان عـوايـده يـنفـق الـيـا شـاف عــازات *** ويدعم فـقارى عـزوتـه كـل الأحيان وفـرحـان طيبـه لـه بـراهين وأثبـات *** عـنـدي شهـاده كـم محتاج لـه عـان يـا مــا عـطـأ أويـاكـم سـاهـم بـديّـات *** وياكم زوّج صاحب الجـود عـزبـان مـا يـاجـد الـلي دار بـالـقـرم خـمـلات *** يبي الفخر ماهو عن الطيب كسلان بالحاضر الماجود والعصر اللي فـات *** تلقا الرجال اجناس واشكال والوان وقال الشاعر نايف بن رحيّل الشبيعان هذه القصيده رد على قصيدة عبدالله بن دهيمش بن عبار الجوابيه الثانيه : 1300 مـن لا قـدر يـرد بـعـض الـجـمــالات *** أقـلهّـا لا يـجـازي الـطـيـب عــدوان ومن لا قـدر للناس يعـطي ابتسامات *** اقـلـهـا يـسكـت ولا يـطـوّل لـســـان ومـن لا وقـف فـي لازمـه بالمهمات *** حـظّـه مـن الأجـواد صـدّه ونـسيـان ومن صد عـن ربعـه بـوقت الملمـات *** لايشتـكي لا شـاف بالعـين حـقـران ومـن زاد مـالـه لا يسـيء الـقـرارات *** النـاس ما تدمح خطأ الرجل لا بـان واليا ظهر يظهـر عـلى العـز بسكات *** وأدع الولي يحفظك من كـل شيطان وأحـذر تـضخم صـورتـك بـالـقـنوات *** واتعيد عـنـد الـلي لفـزعتك شفقـان الـنـاس مـا تجـهـل ابـعـض الحركات *** والكذب ماهـو طبع ذربين الأيـمـان وأن كنت تبغي لـك من الناس قدوات *** شف عندك بن غبين والقرم فرحان ومـن المهيـد اثنيـن عند الضرورات *** نـعـم بـهـم مـلـيـون يـوم اللّغـا شـان فـيصـل أبـن فـيـاض عـز الـقـرابـات *** تـرثـت شيـوخ باللقاء شانهـم شـان يـوم وصـلـه عـلـمـك تـبـرّع بـديـات *** قـال بـفـرنـسـا سـجلـوا شيـكـه الآن وذيـاب راعـي الجـود ماهي دعايات *** سـنـّه ضحـوك وبالملـمـات مـاشـان تــبــرعــه لـلـه مـن دون غــايـــات *** بـيّـن وبعـض النـاس غـيّـب ولا بـان وسعـود كـسّـاب الـثـنـا والـجمـالات *** مثـل الجبـل في وجـه الأحداث مالان مـا يـضهـر الـرجـال ألا الـضـرورات *** سعـود أبيض وجـه يوم الطلب حان والجعـفـري راعي اليـديـن الكريمات *** جـزل العـطـأ والمـد فـرحـان عيدان مـاهـو مـن الـلي يعـشقـون اللّـقـاآت *** لـكن بـوقـت الـلازمـه حـي فـرحـان الأربـعـه تـصـدروا بـالـكـشـوفــــات *** ولاهـي مـهونـه بالـذي بعـدهم عـان الطيّب مثل الصيد والصيد عرضات *** عرضات من يقنص وللصيد جوعان بالمملكـه صـارت مساعي ولـزمـات *** الـلي سـعـى لـلـه يـجـزأ بـالأحـسـان والناقصيـن أهـل الـردى والحيـالات *** قـولـوا لهـم راعي الحيالات خسران ورجل المواقف لو تجيه اعتراضات *** مـا يـتـقـي لا شـاف حـاجـه لـويـلان رضى البشر يعرف من المستحيلات *** ومـن التجـار أبطـأ بمسعـاه ربـحـان خذ لك مثل حاضر ويجري بالاوقـات *** رجل لـربـعـه طـول الأيـام مـا خـان درع عـنـزه الـلي حـمـاهـا بالأبـيـات *** جزاه بعـض الناس شكوى ونكـران والـلـه لـو أنـه يـجـيــب الـمـطـمــات *** مـن خالفـه بالـراي لـو كان ما كـان قبل الممات وكان هـو مـا بـعـد مـات *** مـا يشوف مـنـا باقي العـمر جحدان كـنـا مـعـاهـم يـوم دور الـقـوامـــات *** مـابـه سـلـيـمانـي ولا فـيـه فــدعـان تـاريـخ حـافـل بالفـخـر والبـطـولات *** وعـز توارثـنـاه من ماضي الازمـان يـا درع يـا درع عـنـزه بـالـثـقيـلات *** ما ينكـر جهودك سوى قلب مرضان بقلوبـنـا لك يابن عـمي احـتـرامـات *** مــحـبــة لــلــه مــن قــلـبـه ولـسـان لـو يقـدمـون اعـداك زافـات زافـات *** يـا درعـنـا حـنـا لـك نـصيـر شـامـان مـاهـي سـوالـف لـيـت ولا آفتـراآت *** لـك عـنـدنـا جـمايـل ماضي الأزمـان قال عوض بن صالح ألنويبعي هذه القصيدة مجارات لزميله عبدالله بن عبار والشاعر نايف بن رحيل العواجي بمناسبة حملة ممدوح الطلوحي : 1301 سبحان مـن أنـزل عـلى الـرسل أيات *** تحث عـلى العون مـن دون عـدوان لـعـنـزه مـواقـف و لـلـنـاس و قـفـات *** وأطيـب من ألوقـفه اذا عـلمها زان وأقـولـهـا بأسـمي وبـأسـم ألعطيفـات *** أشكر بها ألفدعان وأعلنبها أعلان فـدعـان بـالـتـاريـخ لـهـم سـجــــلات *** مـن دور مقحـم يـوم صـوت عـليان صـديـقهـم يـبشـر بطـيـب وكـرامـات *** وعـدوهـم لـه ألهـزيـمـه وخـسـران يـوم أنـهـم عـلـى ظـهـور الـعـبـيـات *** قالـوا لـهـم بـواجـة ديـار عـــــدوان وأبـن شحـاذه مـن سـلايـل مهـيـدات *** ألطـيـب فـي تاريخهـم كـان عـنـوان وذيـاب عـايـد مـايحسـب ألخسـارات *** مـن لابـةٍ يوم ألـمـواقـف لهـا شـان و راع ألـعـطـى مـتـعـودٍ لـلـعـطـيـات *** عـطيت غـبـيـني عـلى مـر الأزمـان وثـامـر أبـن جـزاع نسـل ألعـمـارات *** مـن أخوان بتلاء مشبعة كل جيعـان وألـدهمشي راعـي مـروه و وقـفـات *** فـعـلـه مـع ألـويلان ظاهـر للأعيـان وخـالـد سلايـل زيـد راع ألـجـمـالات *** سبعـه هل ألعرفاء بروغات ألأذهان وألطويلـعي دايـم لـه عـلـوم جـزلات *** حسين أبن عـلي وعـلم ألـرجل بـان وهـزاع ابن عـايش سلالة جميشات *** ومحمـد ألطيـار مـن عـقـب شيخـان وألشيـخ عـقـلا لـه فـعـولٍ قـديـمـات *** قـولـوا ثـلاث انـعـام يـا أبـن سميـان ولخـلـف أبن غـريب بالطيب عـادات *** عـواجيٍ مـن روس عـزوة سليمـان وللشمـري محـمـد الصـالح تـحـيـات *** شـارك بـنـي وايـل بـمـدات الأيـمـان ألياعـطى يعـطي ألعـطـايا ألجـزيـلات *** مـن ألـطـنـايـا أهـل سـنـان وعـنـان وبـدر وبـدر بـدريـن لـهـم أضـــاءات *** بـدر دخيـل ألشمـري و أبن عـردان وحمود أبن مشحـن زبـون ألـونيـات *** ولـطـنـايـا مـنـا ألـمـحـبـه وعـرفـان وألـنـوري أبـن فـهـيـد راع ألمهمات *** أبـن لغيـصم شيـخ لـه قـدرٍ والشـان ولمنور ألحـربي مع ألـقـوم صـولات *** لحـرب مـيـزانٍ ولـلـغـيـر مـيــــزان من دور أبن ناحـل ألى أليوم بالـذات *** أهـل كـرم وأهـل مـواقـف وشجعـان ولا ننسى لجنة ألحـفـر لهـم جـولات *** شبـابٍ لـهـم ناقـف تقديـرٍ وعـرفـان مـا قـصـروا بالهـاتـف وبـالـقـنـوات *** نخـوا اهـل الفـزعات بأفعال ولسان نـايـف ذكـرهـم فـي أبـياتٍ قصيرات *** عـبـد ألعـزيـز ضبيب و الأخ فـرحان عبدألله الأسمر وأبن مشعان بالـذات *** وعبدألله ومساعد وثـم أبن جرمان ترفع لهم ألرايـه بـروس ألطـويـلات *** الـلي فـعـلوا و لفعلهـم كـان بـرهـان يتبع التعديل الأخير تم بواسطة عبدالله بن عبار ; 07-11-2022 الساعة 06:31 AM |
|
|
|
|
07-10-2022, 08:59 PM
|
#89 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال عبدالكريم عايد بن خنفان العوينان القعيقعي : 1302 سـلام يـا تـاج عـلـى الـراس عـالـــي *** سلام يا راعي الوفاء ومنقع الطيب سـلام يـا راعـي الـعـلـوم الـجـزالــي *** يا راعي عـلوم الظـفـر والمواجيـب الـلـي تـعـّلى فـوق روس بـالمـعـالي *** الـقـرم يـصعـد عـالـيـات المـراقـيـب أنـا اشهـد أنـك يـا أبـن عـبـار غالي *** تسلم يا بو مشعل عطيب المضاريب مـن عـزوة يـزبـن لـهـا كـل جـالـــي *** ربعـك هـل الطـولات مـاهـم زواريب الـضـيـف يـكـرم يـوم قـل الـريالـــي *** فـي ليلة من جـوعهـا يعـوي الـذيـب أهـل الـمـعـانـي مـتـعـبـيـن الـدلالــي *** مـن ضافهـم يلـقـا كـرامـه وتراحيب جواب عبدالله بن عبار : 1303 وجـه لـي الـمـنـظـوم قـرم الـعـيـالـي *** عـبـدالكريـم أرسـل بـيـوتـه مناديـب وأطلب عسى يحفظه عـزيـز الجلالي *** مـن مـارثـة عـايـد قليـل العـذاريـب تعـيش يا خـلـفـة شخوص الـرجـالي *** الـلابـه الـلي ينطحون المصـاعـيـب لـهــم الـفـخـر والـمـجـد أول وتـالـي *** بالمـرجـلـه تشهـد جـميع الأجـانيـب نـعـم بـاهـل الـعـلـيـا بـعــاد الـمـدالي *** عـوق الخـصيم مدلهّت شمّخ النيـب مـن شـرقـي الغـوطـه لـدار الموالي *** ومـن قـبـلي الهـلـبـا لحـد المزيريـب لــهــم مـراتـع بـالـديــار ومــفـالـي *** حـازوا عـليهـا بالسيـوف المحـاديـب قال الشاعر عبدالكريم بن عايد العوينان الرويلي هذه الأبيات يسند على عبدالله بن دهيمش بن عبار : 1304 يا طـاروق الشعـر عجّـل بالـرسالـه *** وأبدعي يا افكار شعري من فوادي دلـو الشعـر راكـبـه فـوق المـحـالـه *** ومتكـل بالـلـه وعـلـيـه اعـتـمـادي ابـدع المنظـوم مـن شعـر الجـزالـه *** لأبـو مشعـل يـاعـل أيـامـه عـيـادي جاه ورث الطيّب مـن عـمّـه وخالـه *** عـن دروب المرجله ماهو اتحادي لا غريب الطيب مـن راعي الجماله *** مـن نسـل قـوم يـضـدون المعـادي لا غـدا للـخـيـل صـولـه واجـتـوالـه *** يجعـلـون الخـصم يـعـاف الـرقـادي يشبعون الـذيـب الأسحم مع عيـالـه *** لا ركضوا بالكون بسيوف الهنادي لا لـقـيـت الـصنـدلـي لـوهـو لحـالـه *** ابـتـهـج ولا تـفـكّـر بـالـعـبـــــادي وأبـو مشعـل كـل ما يطـري مجـالـه *** النعـم مقـرون باسمـه شي عـادي عن عـلوم الطيـب ما تقصر حبـالـه *** والـذي مثلـه تـرى مـا هـو بغـادي والخـتـم صـلـّوا عـلى محـمـد وآلـه *** الـرسول المصطفى للخيـر هـادي قال عبدالله بن دهيمش بن عبار هذه القصيدة جواب لقصيدة الشاعر عبدالكريم بن عايد الرويلي : 1305 مـرحـبـا حيـيـت يا راعـي الـرسالـه *** عـدد مـا تـسبّـح أصـابـيـع الأيـادي وعـدد مـا ترسـل محطّـات الـوكالـه *** وعـدد مـا يصدح صداها بالروادي عـبـدالكريم الـولـي يصلـح احـوالـه *** والـلـه يـدلّـه عـلـى درب الـرشادي عسـاه بحـفـظ الـولـي عـز الجـلالـه *** ويا عسى يـأتيـه مـن ربّـه منـادي أطـلـب الـمـولـى وأرجـيـه وأسـالـه *** يا عسى يعـطيـه شـفّـه والمـرادي كـل مـا يكتـب مـن اشعـار ومـقـالـه *** يـثـنـي الشغمـوم عـريـب الجـدادي عسى يـفـداه الـردي وأهـل النـذالـه *** جملـة أهـل النمنمه وأهـل الدوادي يـا أبـن عـايـد مـا أنا لشرواك زالـه *** حـيـث أنـك بـالـقـصـايـد دوم بـادي سبـق جـاني مـنـك شـعـرٍ ينصغـالـه *** وكـل قولك يا راعـي العليا سدادي والنـبـيـل الـقـرم مثـلـك طـاب فـالـه *** لـه أشـاده في جهـودي واجتهـادي دام ساسـه مـن هـل العـلـيـا سـلالـه *** عـن طواريق الـزلـل يـقـداه قـادي قال دعسان بن غنام العنزي رحمه الله هذه القصيدة يسند على عبدالله بن عبار : 1306 عـبـدالـلـه ابـن عـبـار فـي كـل تعبـيـر *** يـافي الـيـا شحـت ايديـن الشحايح عـزالـلـه انـه مـايـجي مـنـه تـقصيـر *** وعـزالله انـه مـن اوجـيهـن فـلايح مـعـروف قـدره مـن كـبـار الشواعيـر *** يكفيك هـرجه عـن جميـع الشرايح قـولـه تـمـام ويـعـطي الـراي ويشيـر *** يـانـاحـت الـورقى عـلى كـل نـايـح مـن سـاس لابـه مـاتهـاب المخاسيـر *** الـلابـّه الـلـي تـسـتـحـق الـمـدايــح يـوم السنيـن الـقـاسيـه والـمعـاسيـر *** للضيـف تـذبـح مـن خـيـار المنـايـح لـه احـتـرام ولــه مـعــزه وتــقـديـر *** رجـلاً فـهـيـم وكـل قــولـه نـصـايـح ولا الـردي مـايكسب الطيـب والخيـر *** يـامـعـلـى قـبـره تـحـط الـصـفـايـح والـوقـت هـذا بـه عجـاج ومعـاصيـر *** نـاسـاً عـلى الطيـب تـدور فـضـايـح تركض عـلى النمات من غيـر توفيـر *** مـابــيـن وده وثـم هـــاتــه ورايــح قال عبدالله بن عبار مجاوباً دعسان بن غنام : 1307 لـك الشكر يا مصخّـر القـاف تصخيـر *** قـلت الـوكـاد وكـل لفظـك صحـايـح لـك الـشـكـر بــعــداد رش الـنـوافـيـر *** واعـداد مـا نـبـت الـسبـل بالفـلايـح مشكـور يا دعـسان ربـي لـك ايجيـر *** عـسى الـولي يكفـيك شـر الجـوايـح مجـنـاك مـن ريـف الـبـداه المساييـر *** الضيـف يـقـرونـه بـعــيـت الذبـايـح تـسلـم يـا أبن غـنـام نسـل المغـاويـر *** سـلايـل الـلـي تـودع الخصم طـايـح كـمـا تـشـوف اليـوم بالـوقـت تغـييـر *** اصبـح يــمـجـدّ كـل مسـرف ودايـح عـيـنـت نسـل الـلي يـقـود الطـوابـير *** ماسمعوا اللي بعالي الصوت صايح كـلـن بـدأ يـسعـى لـحـوش الـدنانـيـر *** مقـصودهـم يالقـرم كسب الـربـايـح والـلي يـزوّر نـسـب عــنـاز تــزويـر *** وضّـحـت لـه كـانـه يـشـم الـروايـح ولا أريد يعـمل لي مثـل شاعـر مطير *** أبـغـي كـفـايـة شـر بـعـض الوكايح قال دعسان بن غنام البجيدي هذه الأبيات يسند على زميله عبدالله بن دهيمش العبار : 1308 عــــزالله انك يابن عبـــــار وافــــي & بجهدك ومجهودك على كل حـــــزه شـربـه قـراح ومنبع المي صـــافي & ولاسمع قـول الـلي يـبي يســـتفــزه قولـــه تمـــام ولا عليه اختــــلافي & ونـــزيـه عـن درب الخـطأ ومتنـــزه راع النمايم كل الأوقــــات هـــافي & حكي الرخـاء كبســـه على رز مــزه تلقـــاه فـــي وقــت الشدايــد عوافي & مسيــدن مهيــدن لأم عامر تجـــزه ساس الردى نوره عن الطيب طافي & دخـــان غليونـــن مع اللي يمــــزه ولا انــت في كل المواقيف تـــافــــي & حكــــــيم راي ولايبـــي من يكـــزه وش عاد لو صارت عجاج وسوافي & والحر مايشبــــه مــــثل فـرخ وزه الناس تـــعرف ماعليــها خـــــوافي & ومن لايعــــزك مابشـــوفه معـــزه ومن يجــحد المعروف ماهو سنافي & مخــيول شاوين وراء البــيت غزه قال عبدالله بن دهيمش بن عبار هذه الأبيات جواب لقصيدة الشاعر دعسان بن غنام البجيدي : 1309 سر يا قـلـم بالطرس وأكتـب قـوافي *** رد الجـواب الـلي لـي الـقـرم كــزّه دعسان الـلي شرواه عنـده انصافي *** يـشيـد بجهودي عـسى الـلـه يعـزّه أشوف بعـض الناس صدوا مقـافـي *** تـفـاخـتـوا ونـفـوسـهـم مـشـمـئـزّه مـا يـذكـرون الحـق يالـلـه اتـكـافـي *** ويـاكـثـر الـلـي يفـتـن ونـاره يـوزه والسـفـن مـا تـرسي بـلـيـا مـرافـي *** وصرح الجبل ما كـل عاصف يهّـزه نـعـتــز بـالـطـيّـب بـعـيـد الـهــدافـي *** ولا الـمـخـمـه مـن صـفـالـه ابـتـزه والحاسد الـلي في ضميـره ارضافي *** خـلّـه بـجـوفـه تـلـتـهـب نـار قــزّه والـلي عن الماجـوب نـايـم وغـافي *** عـاف المـراجـل لـو عـلـيـهـا تـلـزه والخـل الـلي لـو تـلـتـزم لـك يجـافي *** هـذاك عــدّه مـن وراء ديـار غــزّه والـلي ضميـره يا أبن غـنّـام هـافـي *** مـالـه قـدر لـو كـان كـشـخـه ورزه قال رجاء بن سليمان الكره هذه القصيده يسند على عبدالله بن عبار : 1310 سـر يـا قـلـم واكـتـب تحـيـه وتبجيـل *** أكـتـب لابـن عـبـار حـيـثـه سيـاسي يا ابـو مشعـل الـوضع يحتاج تعـديـل *** ودق التنـك مـاهـو شبـيـه النحاسي نـعـوذ بـالـلـه مـن زمـان الابـاطـيــل *** شفت الشقـاء يا مسنـدي والمـآسي الـيـوم صـرنـا بـالسـوالـف تـعـالـيـل *** وحـنـا قـبـل مـثـل الجبـال الـرواسـي واعروقنا أصبح بهـا الـدّم ما ايسيل *** من جـور وقـتي شاب يالقـرم راسي مـمـا جـراى يا مسندي نسهـر الليل *** والـقـلـب مـاهـو للهـواجـيس نـاسي نصبر وكـنـا نحسب الصبر مـاعـيـل *** ومن طـال صبـره بالجواتي ايـداسي مـن يـوم زاد الـكـيـل وازداد بـالكيـل *** والصبـر طعمه مـر والـوقـت قـاسي الـصـبـر مـنـا بـاح وامـورنـا تـهـيـل *** والـيـوم نـمـشي والمسيـر انـتكاسي بعض الرفاقه قام يسري على سهيل *** عـيـا عـن الـمـنـه وعـاف اللحـاسي من جزم صار الموت مايجزعه حيل *** نـوى المسيـر وقـال شـوري براسي واللي نصح بالقول جيـل بـعـد جـيـل *** حـقي انـا مـا اشريـه ولا لان بـاسي ولا نـنسى الـلي قـال حـنـا الرجاجيل *** وش عـاد لـو متنا بروس الطعاسي واللي يشيل من الغـضب قـدر ماشيل *** ويقول انـا مـن الموت عبيت كاسي يا عـزوتي عـطـوا الرسالـه بتفصيل *** بـالـلـه عـلـيـكـم خـبـروا كـل نـاسـي والـلي بسبب ربـعه جرالـه غـرابيـل *** ومـن هـولهـا عـيـا يـجيـه النـعاسي واللي يحسب النـاس عميان بالحيـل *** وطرشان مـا يوحون رقع الجراسي ليته يعـرف النـاس عـيـونـه درابيـل *** يشوف خلف السور وحـدر اللباسي لازم يـمـيّـز مـقـصـد الـقـال والـقـيـل *** ومن واجبـه تنبيه خمس الحـواسي والراس بليا الجسم ما طـالـه الطيـل *** من حيـث الأعـضاء كلهـا بالتواسي حـتى ضعـيـف القـوم يصيـر حلحـيـل *** ويبـقى عـزيـز ولا تهـينـه خساسي ونرجع كـمـا كـنـا شخوص ومشاكيل *** ويطول راسك يا أبو مشعل وراسي قال عبدالله بن دهيمش بن عبار هذه القصيده جواب لقصيدة رجاء بن سليمان الكره : 1311 يا رجـاء بـن سليمان يـا بـادع القيـل *** يالقـرم مـن قـافـك تهيّض احساسي الـهـرج واضـح مـا يـبـي لـه دواليـل *** مـن لـفـظ منطوقـك تـزاود حـماسي مـا قـلـت فـي قـولـك تدلس وتضليـل *** عـبّـرت عـن مقصـد مـهـم وأساسي وأن كان شفت الوقت يالكره بـه ميل *** الوقـت بـظـروف اللـيـالـي ايقـاسي اليـوم عـصـر الـدردشـه والكشاكـيـل *** وتـوازنـت لـدقـيقـيـن الـحـسـاســي نـاس تـجـر غـنـاه يـا عـيـن يـا لـيـل *** والكـل يـرقـص بالمـلاعـيب هـاسـي ونـاس تجض مـن العـنـا والبهـاديـل *** يـعـوزهـم حـتـى أجـار الـتـكـاســــي صاروا طمع لأهـل القـلـوب المغاليـل *** وفـات لـضـنـاهـم كـل عـام دراسـي أن كـان مـا ربـك جـعـلـهـا تـساهـيـل *** قـام يـتـحـكّـم بـأمـرهـم كـل خـاسـي عـنهم وقـف قطـر المزون المضاليل *** شح السماء والغـيث جـاه احتباسي هم بالمحل والـريف عنهم قـدر ميـل *** والكـل قـال مـن الـوهـق زاد يـاسـي يرجون فـزعـة رب مـوسى وجبريل *** هـو الـذي للـخـلـق طـاعـم وكـاسـي تـعـزز لـحـال الضعـوف الـمـهـازيـل *** ضاعوا مع الطوشه وفرق الجناسي الحيـص يـوجـد فـي مـراحـه مخاليل *** والنمـر عـقّب في عـريـنـه ابساسي والـذيـب قـدوتـه الـثعـل طـايل الذيـل *** آلـبـد وخـاف مـن الشيـاه العـواسي والقصر الـلي فـيـه الـذرى والمقاييل *** لا هـبّـت الـنكـبـا وهـزّت اضـراسي مـع الأسف صـارت ركـونـه مساميل *** سوره درس واصبح نهاره دماسي دنياك مالـت في شخوص الرجاجيـل *** أهـل الكرم والجـود حـمـر المواسي ويـن الـذي يـكـرم الـيـا نـوشح الكيل *** يـوم الشفايا من الـوهـق بـه يباسي لـه طـبـع تقـليـط الخـراف المهاجيـل *** فـوق الرغايـف بالصحون التبـاسي بـيـتـه لـدسميـن الشـوارب مـداهـيـل *** وفي مجلسه فنجال يجـلي عـماسي مـا داج حـولـه لابـسـيـن الـبـنـاطـيـل *** ولا هـو عشيـر لمخلـفيـن الكراسي والعـز الأقـعس مـن نصيب الـزناقيـل *** ولا يحشم الـلي قـال نعـلن افـلاسي قال الشاعر عبدالله بن جريبيع بن منيع الجعفري العنزي هذه القصيدة يسند على زميله عبدالله بن دهيمش بن عبار : 1312 يـقـول مـن صـاغ المـثـايـل عـلـى آز *** أهـندسـه وأبـنيـه لا صـرت هايـض تـوصـل لـرجّـال عـلى المرجـله حـاز *** راعي المعـرفـه والعـلـوم القرايض دكتور عرف وشعـر وأنساب والغـاز *** فـريـد مـن نـوعـك ولا لـك عوايض مـا تـقـبـل الـزّلـه عـلـى أولاد عـنّـاز *** تـزعل اليامن خاض بـه كـل خايض رديـت فـي قـيـلـك عـلـى كـل مـنحـاز *** شـعّـار مشهورين والشيخ عـايـض سـيـف لـنـا عـنـد الـمـلازيـم حــــّزاز *** يقطع لسان أهـل النفوس المرايض عــلــم عــلــم مــا حـركـه كـل هــّزاز *** جبـل جبـل يرسي لـو الموت فايض اشـيـد بـك رغــم عـلـى كــل هــمّــاز *** أهـل الـشـنـاه الـلي تـدور البغـايض سويت لك شي وصـل حـد الأعـجـاز *** الـفـكـر مـلـهـم والـعـزايـم نـهـايـض شكراً يا أبـو مشعل على كل الإنجـاز *** والشكر للمحسن مـن الـلـه فرايض وأنـا ما أبيع العـطـر في سوق قـزاز *** ومعفيك عـن رد المـثـل والنقـايـض قال عبدالله بن دهيمش بن عبار هذه القصيده رداً على قصيدة الشاعر عبدالله بن جريبيع بن منيع الجعفري : 1313 قـال الـذي بـفـنـون الأشـعـار رجـّـاز *** من منبـع مـجـراه مـا نـش غـايـض جـتـني قـوافـي كـنـهـا الـورد بـفراز *** ولا مـثـل نـبـت النـفـل فـي مبـايـض مـهـديـه قـرم مـن ثـقـيلـيـن الأرواز *** وافـي ومن أهل البخوت الحضايض عبدالـلـه جـريـبـيع مـن ربـع أعـزاز *** الجعـفـري صـوب العـلا دوم نـايض سـلايــل الــلـي بـالـمـسـايـيـر فــّزاز *** وقت الهجير اللي بـه الشوب قايض مـن عـزوة رجـالـهـم بـالـلـقـاء فـاز *** لاطار عـن روس الرجال القضايض زبـن الـدخـيـل ومـلـتجـأ كـل معـتـاز *** مدحي لهـم مابـه حسوف وغمايض والـلـي عـمـلـتـه يـالسنـافـي لـعـنـاز *** من وضعـه قـلوب الأعـادي نجايض والعصبه الـلي صابهم غش وانحـاز *** مـا هـمـنـي تـقـديـمـهـم لـلـعـرايـض الـمـعـتـدل شـرواك لـه منهجي جـاز *** المنعـوج مـن طـيّـب الفعـل جـايـض فـي كـل مجـلس حـط نسخـه أبرواز *** من شجـرة الـويلان نعـم النضايض قال عبدالله بن دهيمش بن عبار هذه الأبيات يثني على ندا بن خساف الرودسي بمناسبة أهداء كرتون من الفقع : 1314 جـاني مـن أبن خساف اعـظم هـديـه *** كرتـون فـقـع مـن الـزبـيدي منـقيـه سعـره ثـميـن وكيـلـوه خـمـس مـيـه *** الفقعـه الوحـده تسـاوي لـهـا جنيـه لاشـــك نـــدأ بــه كــرم واريــحـيـــه *** والبخل ما ايعرفه عسى الله يـقـويـه مشكـور نـدأ الـلي أرسـل الفـقع لـيـه *** مصفوط ولا ما يـبي قـصـد يرجيـه الــرودســي نـــدأ عـــزيــز عـلــيـــه *** الـنـادر أبـو أحـمـد نـعـزّه ونـغـلـيـه أطـرف طـريـفـه والهـدف مـعـنـويـه *** ما قصّر أبو أحمد عسى الرب يبقيه وعسى الـولـي يـاقـاه مـن كـل سـيّـه *** قـرم العـيـال الـلي تـشّـرف مبـاديـه حـيـثـه كـريـم ومـن خـيـار الـسـميّـه *** شـاعـر ولـفـظ الـقـاف يتقـن معانيه شـبـحــه بـعـيـد ولا اهــدافــه دنـيــه *** مـرفـوع راسـه مـا تـدنّـق عـلابـيــه بـه عـفّـه وشـيـمـه وبـه صـفـو نـيـه *** ومن شبته علم الـردى مـا يـدانـيـه قال ندا خساف الرودسي جواب لأبيات عبدالله بن عبار : 1315 جـانـي جـوابك وأنـت راعي الحميـه *** حـي الجـواب وحـي قـافـه وراعـيـه جاني طلوع الشمس قـبـل اضحويـه *** وساعـة وصلني قـلت يا مرحبا فيـه قـرايـضـه مـثـل الـعـسـل بـالخـلـيــه *** مـن قـاف أبـو مشعل كلامه مصفيـه الــقـرم أبـن عــبـار يـثـنـي عــلـيــه *** رد الثـنـاء الشغموم مـاهـو بـناسيـه مـن عـادتـه يـثـنـي ونـفـسـه رضيـه *** وأطلب عسى المعبود بالمد يرضيـه عـنـدي عـزيـز واتـعـزّه الأكـثـريـــه *** ونـعـم بـأبـن عـبـار لا حـل طــاريــه جـني بـيـوتـك يـا أبـو مشعـل هـديـه *** ونعتـز في صوتك مع الناس نوحيـه ولـدك عبـد الـرحمـن يحـمـل وصيـه *** أبـوه لـعـلـوم الـفـضـيـلـه مـوصـيـه مـا خـاب صـقـر أبـو مـشعـل ولـيــه *** عـلى الشهامـه والـكـرامـه موصيـه دعيـت لـه يحصل عـلى الجـامـعـيـه *** عـسى يـنـال الـفـوز والـلـه يـهـنـيـه أنـشـدك عــن عـاجـوز دايـم قـويـــه *** مـن خـمتـه لابـد لـه يــوم تـرمـيـــه كـل الـبـشـر يـحـبـهـا وهـي شـقـيــه *** وهيهات مـا يوجـد صديـق تخـاويـه صـديـقـهـا دايـم يـكـون الـضـحـيـــه *** وكم صاحب عـقب الصداقه تـعـاديـه وآسـرارهـا طـول الـلـيـالـي خــفـيـه *** بـه شي تجهـر بـه وبـه شي تخـفيـه هـذيـك دايـم تـقـتـلـب تـقـل حـيــــــه *** هـذاك تـضـحـك لـه وهـذا اتـبـكـيـــه واخـتـامـهـا مـنـي سـلام وتـحــيــــه *** لأبـو مشعـل ريـف المسايير نهـديـه قال عبدالله بن عبار في حل اللغـز : 1316 الـلغـز يـا أبـن خـسـاف مـيـه بـمـيـه *** مـفهـوم حـيـثـك يالسنـافي مسـويـه مـقـصـدك دنـيـا طـبـعـهـا شـقـلـبـيـه *** هي لغـزك الـلي يا فتى الجـود تعنيه يـجـري دهـرهـا بالضـحى والمسيـه *** ويا مكثر اللي يا أبن الأجواد تغريـه صـدام ومـعــمّـر وحـسـنـي خـويــه *** وأدريس والـبـدر قـلـب بـه بـناخيـه والشـاه مـن عـقـب الـحـيـاه الهـنيـه *** أصبـح طـرودي مـا لـقـا مـن يلجيـه بـأسـبـاب دنـيـا مـابـهـا مـرحـمـيـــه *** هـذاك تـبـطـش بــه وهــذا تـعـلـيـــه تـغـري ولـكـن خـاتـمـتـهـا الـمـنـيــه *** مـن مـات مـالـه للـمـورث يـخـلـيــه وأشـكـر جـنـابـك يـا زبـون الـونـيـه *** يالـرودسي يا عـز ضيـفـه ونـاصيـه قال الشاعر ندا بن خساف الرودسي هذه القصيدة يسند على عبدالله بن دهيمش بن عبار : 1317 اكـتـب قـوافـي دون حـبـر ومكاتيـب *** لا داعـي للـبـوك والحـبـر بـكـتـاب لـقـيـت بـالـجـول كـل الـمـطـالـيــــب *** تـويـتـر ويـوتـوب أيـضـاً واتـساب خـدمـة تـواصـل صـدروها الأجانيب *** للمجتمع خـدمـه وخـدمـه للأرهاب ومن ضاحك الجوال ما همّه العـيـب *** مـدنـق بـعـنقـه تـقـل ينخش تـراب أيـبـود والأيـبـاد فـيـه الـمـلاعـيــــب *** حتى الطفل مزعوج من كثر الألعاب عصر الخساير يدك ما تفارق الجيب *** خـلـك لـزمانـك مـطـاوع وحـبـّـاب عندك جميع الناس شرق وتغـاريـب *** بالعـوملـه مـفهـوم مامن استغراب قـلتـه وأنـا اسندهـا لريـف المناديب *** عـبـدالـلـه العبـار عـريـب الأنساب هـذا أبـو مشعـل مـدركن للمواجيب *** لـه مـقـدره عـنـد القرايب والأجناب ارسلت لـك يالقـرم لغـزي بتـرتـيـب *** حـيـثـك اسـتـاذ للـمـعـانـي والآداب أنشدك عـن عـذراء قليلة عـذاريـب *** والـلي عشقها دوم أفـلـح ولا خـاب بالنـاس عـاشقهـا بحكمه وتهـذيـب *** وبـهـا يماطـل كـل هـايـف ونـصّـاب وبعـض الخلايق عملتـه بالأكاذيـب *** والنـاس فـيـها بـيـن صادق وكّـذاب عـشـاقـهـا تـهـاجـم بـكـل الأساليب *** يبون أزاحت من عشقها والأصحاب لـهـا وجـود وتـنصفـط للأصاحـيـب *** ويـوم القيامـه دونهـا يقـفـل الـبـاب قال عبدالله بن دهيمش بن عبار هذه القصيدة جواب لقصيدة الشاعر ندى بن خساف الرودسي : 1318 مشكور يابن خساف يا فاعل الطيب *** جـاني جوابك بالعجـل عـبـر نجّـاب مـنـدوب مـا مـثـلـه بـكـل المنـاديـب *** الواتسب بظـرف لحظات لـي جـاب وفي خطّـك الواصل تهـلي وترحيـب *** حيثك صديق ومن دنيـين الأقـراب الـقـاف بـه لـغـز مـنـظّـم بـتـرتـيــب *** العـذرا الـلـي مـا نـالـهـا كـل طـّلاب ولغـزك هـو التوبه ولا فيـه تـثريـب *** ولاهـو بخيـر الـلي تـمـادا ولا تـاب مـن لا هـداه الـلـه لـو لاح بـه شيـب *** ملحد وفيه الوعظ والنصح ما ثاب يالرودسي تبدي على الوضع تعقيب *** وسـايـط الجـوال تـلـعـب بـالألبـاب أنـت وأنـا مـرّت عـلـينـا الـتجـاريـب *** اليوم صرنا يا أبن الأجـواد شيّـاب أظـن لعـبـه يطـرب القـلـب تطـريـب *** كود العبه لـو كنـت أنـا مثلهم شاب مـار الـبـلا يالقـرم سـود الجـلابيـب *** دايـم على الجوال يخضعن الأرقاب شات الغنم يخشى عليها من الـذيـب *** الـلي يشـل الشـاه بـمـشـذّر الـنـاب هـذا مـرض مـالـه عـلاج وتطـابيـب *** غـزو من أعداء العقيده لـه أسباب مهمـا شكينا من الجـروح المعاطيب *** دنـيـاك هـذي يافـتى الجـود دولاب والقـدر بـيديـن الـولي عـالـم الغـيب *** جـلا جـلال الـمعـتـلي رب الأربـاب وصلوّا عـلى الـلي أدّب الكفر تأديب *** المصطفى يذكـر عـلى كـل محـراب قال الشاعر ندا بن خساف الحنتوشي هذه الأبيات يسمد على عبدالله بن عبار وقد ظمّن الأبيات لغـز : 1319 مـن قـبـل ابـدا بـالـكــلام *** اكتب من قافي منظـوم مـنـي تـحـيـه وســـــلام *** لابـن عـبـار الشغـمـوم لابـو مـشـعـل احـتـــرام *** عـنـد النشاما محشـوم تـقـدره شيـوخ وحـّكـام *** شـاعـر لـعنـزه عـمـوم جـاك لـغـزي بانـتـظـام *** بـدع القـريـحه محسوم ويـش رجــل مـا يـنـام *** مـا جـرب لـذات الـنـوم طـول وقـتـه بـالــدوام *** من الراحه دايم محروم عـنـده سلـطـه بالنظام *** ومسيره على المرسوم مـا يظلم مـاهـو ظـلام *** لـكـنـه مـاهـو مـهـظـوم من كيد البشر ما يلام *** حـاشى مـا يجيـه اللـوم فسّـره تـفسيـر احـلام *** وعند ابو مشعل مفهوم قال عبدالله بن عبار : 1320 مـرحبـا بعـالي المـقـام *** نـدأ قـرم ونسـل قـروم نـرد الـقيـفـان شـمــام *** تـسـلـم يالـقـرم وتـدوم فـهـيـم وقـولـك تـمــام *** ولـغـزك يـدل المنجـوم يـفـرح الياشاف غـلام *** طايش وفـرسه عـزوم يـشـبـه بـرّاق الغـمـام *** يلـمع ضيـاحـه بغـيـوم يـوقــف لـكــل الأنـــام *** الصاحب واللي له قوم واللي يسرع بالدرهام *** لابـد يعـطيـه المقسـوم تنظر شكله تـقـل درام *** حاكم عدل وهو محكوم ضـد العـنـيـد الـيـا زام *** ولقروش الفقري لاهوم وآخـر قـولـي بالختـام *** لغـزك هو ساهـر معلوم قال الشاعر ندا بن خساف الرودسي يسند على عبدالله بن دهيمش بن عبار : 1321 اكتـب قـوافـي وارسلـه في عـجالـي *** حيث الأيفون يـودي العـلم وايجيب انـظـم جـزيـل القـاف واكتب مقـالي *** مـافـيـه داعـي لـلـورق والمكاتـيـب أبـي انسـخ القيفـان واجلس لحالـي *** مكتوب على اللّمس عبر الحواسيب اخـيـر مـن مجلـس غـلاط وجـدالـي *** نفحات هرج من الوجيه المغاضيب تـلــفــظ مـلاسـنهـم حـرام وحـلالـي *** واهـل الـنمايـم بالطبـايـع لـواسيـب تـلـقـى بـهـم طـيّـب وفـيهـم انـذالـي *** واللي ضميره طاب يبعد عن العيب ويـن الــرجـال العـاقـليـن الثـقـالـي *** اللي اليا سمع الخـطأ ينفض الجيـب لـعــب الـورق مـلهـاه يـا هـملالـي *** صدري يضيق الياحضرت اللواعيب دايـم سهـارى بالليـالـي الطـوالـي *** وتسمع زعوج الصوت بين المغاليب لعـب الورق ماهـو بـفـوز البطالي *** لكـن يخـرب مجلس الـربـع تخـريـب ونـاسـة المجلـس عـلـوم الرجالـي *** وبعض البشر يحتاج دوره وتـدريب يـازيـن مجلسهـم بـجـنب الـدلالـي *** وتحدثـّوا فـي ماضي المجد والطيـب اقصاص تروى بالعصور الخوالـي *** مثـل قصص جساس والزيـر وكليب واسـنــد لأبـن عـبـار قـرم العيـالي *** الـقـرم أبـو مشعـل قليـل الـعـذاريـب الـلي حـفـظ تـاريـخـنـا أول وتـالي *** أديـب وشاعـر وايتحدّى المتـاعـيـب كــتـابــه الـلـي ولــفــه سـر بـالـي *** ومجلـداتـه تـطـرب القـلـب تـطـريـب راوي وقـدره عـند الأجـواد عـالي *** علمه ضهرمن فوق روس المراقيب ابــن عـبـار الـقــرم دايـم مـوالــي *** الـلي نـظـم شعـره بـمـجـد المعازيـب ودونك لغـوز بنظمهـا طـاب فـالي *** حـيثـك تحـل المبهمـات المصـاعـيـب وش عـذرا سهمهـا برمح الهلالي *** تقذف سهوم الموت مثـل المشاهيب تسوق الموت بدون حرب وقـتالي *** ترمي ودون سلاح ولأهدافها تصيب هـدفهـا الـلي عـنده جمـالٍ ومـالي *** تـذبـح احـبـاب ولا عـلـيـهـا مطاليـب وصـويـبـهـا كنـه مصيبـه هـبالـي *** مـا اظـن يـبـرأ فـي عـلاج وتـطابيـب ووش عـذرا عليمه بغـيب الليالي *** والعلـم يـبقى عـنـد مـن يـعلـم الغيـب تصدق مع الصالح بصدق وصمالي *** ولا تـحـب اهـل الـدجـل والأكـاذيـب نــوب تـبـشّـرنـا بـخـيـر بـقـبـالي *** تـصـدق ولـهـا بالـبـشـايـر تـجـاريــب وأحـيـان خبـرهـا يسبـب اجفـالي *** مـن حـيث يـنذر فـي كوارث وترهيـب والعلم عنـد الـلـه عزيـز الجلالـي *** يسمع دبـيـب الـذر تـحـت السـراديـب يالـلـه الـلي مـا غيـر ظلك ظلالي *** تحـمينـا بظـلـك عـن سعيـر اللواهـيب تـرحم عبادك في جنوب وشمالي *** وترحم اهـل التقوى بشرق وتـغـريـب وعـلى الـنبي صليت بآخر مقالي *** شـفـيـعـنـا يــذكــر بـكـل الـمـحـاريــب قال عبدالله بن دهيمش بن عبار هذين البيتين في حل الألغاز : 1322 لـغــزك تـراه العـيـن حلّـه بـدالـي *** صـوابـهـا مـثـل شـطـيـر الـمـخـالـيـب واللـّغـز الثـاني يا كريـم السبالـي *** رؤيـا المنـام الـلي تـجـي لـك مناديـب تابع التعديل الأخير تم بواسطة عبدالله بن عبار ; 07-11-2022 الساعة 06:54 AM |
|
|
|
|
07-10-2022, 09:21 PM
|
#90 |
|
صاحب الموقع
تاريخ التسجيل: Mar 2008
المشاركات: 10,329
|
تابع
قال الشاعر خلف بن محمد المشعان هذه القصيدة يثني على زميله عبدالله بن دهيمش بن عبار : 1323 قالوا أن الشعر يكمن حسنه بوسع الخيـال قـلـت هـذي مـن سـواليف الحـداثـه خلهـا يظهر الشعر المواقف لا غدى فيها سجـال غير رمز عيال وايـل بالمـواقـف مـن لـهـا يوم كان الشعر سيف ياخذ حقوق الـرجال كـان أبـن عـبـار سيـف عـيـال وايل كلهـا كم قطع به حبل زيف وكم ترفع عن خمـال وكـم نـفـع بـه وايـلي وكـم قـضيـه حـلـهـا وكـم تـفاخـر بالفعـول الـوايليـه باعـتـدال وكـم حـمـول للقبيلـه فـوق متنـه شلّهـا كم جدع به من خصيم وكم صال وكم جال وكـم ثنابه دون ربـعـه لا انتخوبـه صلهـا ويوم بعض الناس تايه بين قيل وبين قـال دوّن بـكـتـبـه مـواقـف لابـتـه حـفـظ لـهــا وأجتهد بانساب وايل واكثروا عنه الجـدال وأبتـدى يظهـر عليـه مـن الخلايـق غـلّهـا الـخـطـأ وارد ولابـه شــك لـلـه الـكـمـــال ومسألـة جـهـده ونـقـده ماني بكفـو لـهـا بس أنا بقول للي عارضوا جهـده سـؤال وينهم من قبـل أبن عـبـار لا يفطن لـهـا وينهم يوم ايتعنا من الجنوب اليا الشمال مجهد نفسه وراء معـلـومة يـوصل لـهـا يوم كانوا يلهثون بشعرهم خلف الـريـال كـانـت حـروفـه سيوف للخصوم نسلّهـا ويـوم كـان مـعـاتبينـه راقـدين بالظـلال كان تحت الشمس يرسم للقبيله ظـّلهـا الوكاد أن القصايد لا غدت حرب وسجال سيـف أبـن عـبـار يـكـفي للقبـيلـه كـلّهـا قال عبدالله بن دهيمش بن عبار هذه القصيدة مجاراه لقصيدة الشاعر خلف بن محمد المشعان : 1324 يا خلف مشعان تشكر كل منطوقك صمال أرفـع الصـوت وتـكـلّـم والقـبـيـلـه قـلّهـا حيث قولك يا أبن عمّي كنّه العذب الزلال وكلمتك كل من سمعها مـا هقيتـه مـلّهـا أطـلب الرحمن ربي في تضّرع وابتهـال من تـرك درب الحقيقه يقتـدي وايـدلهـا كـل جهـدي للقبيلـه مـن قـديـم ولا يـزال مجهد ولا هي غريبه عزوتي وأعملّها كل تدويني صحيح وتشهد أولاد الحـلال الـرجـال الـلي تميـّز دقـهـا مـن جـلّـهـا بالنسب من شاف غلطه فاتحين له مجال وكـل نـاقـد بالحقـايـق يا خـلـف كفـولهـا والـذي بـث الدعايه كـلها هيف وضلال ليـت لـو عنده مصادر بالمجالس فـلّها والله أن أولاد وايل أبرى من دم الغزال ما تسمّي بجـد يعـرف ليس هـو جدلها مصدر التاريخ سجل لعنزه عبـر الجيال جـدهـا وعـالي نسبها عـزهـا مـا ذلـهـا ما تزحزح عن نسبها لـو يزولن الجبال مار بعض القوم اشوفه بالوهـم خيلّهـا الكهولـه وضحوا عنصر نسبهم للعيـال حتى خفرات العذاري يا خـلف يـدرلهـا ولا نجامل يالسنافي من دخل قلبه هبال كل من نفسه مريضه مـا تشافى عـلهـا كل منصف كل صادق يعتبر جهدي نضال مـا تنكروا الرجال الـلي الـوفـاء طبعـلهـا ولو بحوثي ما تشّرف كان قررت اعتزال لكـن أصحاب الظلايم مـا نـويت امهّـلهـا وكل من زوّر وحوّر صرت في حلقه خلال قـلـتهـا وأهـل المكـايـد يـا خـلـف حـابـلهـا وقال الشاعر محمد الصقري هذه القصيدة مجاراه للقصائد السابقه : 1325 صاربين فحول شعر من عنزه نظم وسجال وقلت اشارك كلمتي من قبل اقول افطنلها كـلـكـم شـعـار رمـزٍ. لـلـقـبـيـلـه والـشـمـال يـوم تصعـب يالبنيـخي تـرتـكـون لـحلـهـا بالمواقـف تظهـرون ولا تعـرفـون المحـال وكـل واحـد منـكـم يـقـول القبـيـلـه خـلـهـا كـلـكـم وقـت الشـدايـد ذخـر لعـيـال الحـلال والحـقـايـق واضـحـه فـي دقـهـا وبـجلـهـا كـل وقـفـات القـبـيـلـه حـاضريـن وللمعـال جـامعين المـرجـلـه والشعـر قـبـل عـلـلهـا مـانـي مـجـامـل ولاكـني الـى جالـي مجـال اعـرف وشلون الحقايـق توصل ونوصلها كتـب ابـن عبـار تقرى من قديم ولا تزال بصمـةٍ بـأسمـه تـرى هـالـوايـلي سجـلها سجـل الانساب والتاريخ وفعـول الـرجـال فـي كـتـابٍ يـحـفـظ اتـراث القـبـيلـه كلـهـا من يسولف بالخفا يطرح على نفسه سؤال كـيـف يحـكي فـي امـورٍ مـا قـدر يوصلها الـتـحـيــه يــم ابـن عـبـار يـاقـرم الـعـيـال كـمـل المـشـوار والنـفس العـليلـه عـلـهـا احتـرامـي والسلام لشاعـرين ابهـم مـثـال بـالـقـوافـي تـعـجـز الاشـنـاب لا تـفـتـلهـا وقال عبدالله بن دهيمش بن عبار هذه القصيدة جواب لقصيدة محمد الصقري : 1326 أبـتـدي مـبـدأ كـلامي بـالـعـزيـز الـمـتـعـال الكـريـم الـلي مـزونـه مـن غمامـه هـلّهـا هل مزن الغيث بأمره كل وادي منـه سال يسـقي الـقـاع المحـيـلـه والفـيـافي بـلـّهـا عشت يا راعي البويضا يوم دونت المقـال عسى تفداك الـرخـوم الـلي كثيـر احـيلهـا يـوم طـالعت القصيده قـلت كـمـال وجـمـال وجـاك نظـمي يالسنـافي بالعـجـل ردلـّهـا قـلت منظومي وباعي بالـذي شرواك طـال والعـفون أهـل النمايم لـو تهجـد احسنلها أنـت مثـل الحـر يصعـد مـا يلـوبـد بالدحال عـادت الصـاروم وكـره فـوق عـالي تلّهـا أنت تعـزا من قبيله لا حضر حـرب وقـتـال عزوتك ستر الهنوف اللي تقض اقـذلّـهـا تعتزي بعيال صقر من المصاعب والجلال والـدلـمـه والثـويـبـت والـدهمان انجـّلـهـا نعم في أهل البويضا خصمهم صابه جفـال خصمهم يبلش بحاله حـربـتـه مـا سـّلـهـا نعـم فـي أهـل البويضا بـهـم يامـن كـل ذال كـانـوا أسـود البـراري قـورها وارجلّـهـا والختام اشكر جنابك عشت يا زاكي الخوال ياللـبـيـب الـلي افـكارك مـا أحـد يحـتلّهـا قال الشاعر جمعه مناور المسيكي العنزي هذه القصيدة مجاراه لقصائد الشاعر خلف المشعان وعبدالله بن عبار ومحمد الصقري : 1327 يالـلـه أني في حماتـك وأنـت عـزيـز الجـلال يـوم تـاجـد كـل نـفـس مـا كـتـب بـسـجـلـهــا هـزنـي قافـن سمعتـه مـن عـزيزيـن القـبـال والنشامـا طـول عـمـري بالثـنـاء وافـاً لـهـا ياخلف قولك صحيح ولا عـلى قـواك جـدال دايـم تـجـيـب البـيـوت الـرايـعـه فـي حـلّـهـا قـافكـم فنجـال كيـف يصـب من بـكـر الـدلال يصحـي الـروس الـدوايخ كـنـه عـلاجـاً لهـا أبو مشعل في جهوده سوّى لـنـا المستحـال وش بـلا بـعـض القـرايـب كـن مـا راضلـهـا يوم صار الحمل جاير واعجزت عنه الجمال بـرك لـحـمـول الـقـبـيـلـه كـلـهـا واشـتـلـهـا كـل بحأوثـه للقبـيـلـه مـثـل الـقـراح الـزلال والـمنجـومـه عـن سنعهـا كيـف تبي ادلهـا لا تسمّع مـن تعـاوج ما تبي طـرق العـدال ابـو مشـعـل كـل وايـل بالـوفـاء رمـزلـهـا الـرجـل مـا يملـكـه الا مـعـروف الـرجـال وبعض رجل لـو تمـرّه غـر ما يفطن لها كان فيه انصاف حق وفيه بالحق اعتدال ابـن عـبـار القبيـلـه بالمـعـروف احـتلهـا دافع عنها يابو موسى في مواقيف هوال واشهد أنه يا ابو موسى بالوفاء صافلها شارباً صـافي الحقايق ما تنـازل للحثـال أبـو مشعـل فـوق عـالي دوم مـا ينـزلها هذا ردي حسب عرفي يوم سمعت المقال والأمـور المعـضلات عـنـد ربـك حـلـهـا كلمـة الحـق لـراعيها لازم تـعـد وتـقـال والقلوب اللي مريضه الله يشفي عـلهـا واقبلوا مـنـا التحيـة يا كريمين السبـال والشعّار الـلي شرواكم بالفخـر نرسلها قال الشيخ فهد بن صقر الهلال الهزاني من حمولة الهلال أمراء بلدة نعام وهذا الرجل أشاد بجهدي واستنكر ما كتبه بعض السفهاء وقد كتب الشيخ فهد بن صقر الهلال الهزاني هذه المقدمة وهذه القصيدة : الشاعر الأديب عبدالله بن عبار رجل من نوادر القبيله خدمها شعراً وتاريخاً ونسباً دافع عن مواقفها من العابثين وقف وحيداً ضد من حاولوا الأساءة لرموز لقبيلة ومع هذا تعرّض للنقد والتجريح من أناس مابين جاهل وحاسد .وهذه الأبيات تعبّر عن بعض مافي الخاطر لبو مشعل البسه الله لباس الصحّة والعافيه وبقي ذخراً وتاريخاً للقبيله : 1328 سـلام مـني مـرسلـة لابـن عـبـار *** الشاعـر الـلي مـرتـكي للـقـبيلـه الـلـه يسدد خطوته وين مـا سـار *** قـرم لـه بـدرب المراجل فضيله شاعر وأديب وحافظ لكل الأخبار *** ياخـذ خيار الصيد ماهي هـزيله حـفـظ لـنـا تاريخ وافيـن الأشبـار *** الـف وسجّـل عـاشـق للجـزيلـه لأجله نظمت أبيات مادح وشكّـار *** ومن يجحد المعروف واعـزتيله لجلك يابـو مشعل يداسن الأخطار *** كل عنزي لأجله كسبت الجميله من لابة بالطيب تتعب عـلى الكار *** أهـل المـراجـل والعـلوم الجليله حـريبهم يشرب قـراطيع الأمـرار *** ويصبح كسير وضاري للفشيله فدعان يا عز الخوي تكرم الجـار *** مـافـيـه حاجه لا بغـوا مستحيله قـلتـه وأنـا من لابة صيتهـا سـار *** هـزازنـه دايـم تـروم الـطـويـلـه كـرمـان ظـفـران وللـحـق نـصّـار *** مـتـوارثيـن الطيـب جيـل لجيلـه هـزازنـة ترسي كما ضلع سنجـار *** ومن كـال كيل كيلهم فوق كيله وصـلاة ربـي عـالم بسر واجـهـار *** عـلـى نـبـي كـرّمـه بالـوسيـلـه قال عبدالله بن دهيمش بن عبار هذه القصيدة رداً على الشيخ فهد بن صقر الهلال مع التحية والتقدير اشكره على أنصافه : 1329 يابـن صقـر حييت يالقـرم تكـرار *** اعـداد مـا يـزهـر نبات الخميلـه حييت يا مرسل جزيلات الأشعار *** شرواك نفخـر بـه ونفخـر بقيلـه يالوايلي تنسب من شيوخ وأمّار *** من روس لابه بالمعامق أصيله على نعام شيوخ من قـدم الأدوار *** حـامين واديهـا ومغارس نخيله أفعـالهـم مبطي عظيمات وأكبـار *** وعاداتهم كسب الثـناء والنفيلـه هـزازنه يوم القصا ريف من زار *** بهاك السنين اللي المكايل قليله عبيـد صرّح عـن بعيدين الأذكـار *** وأبن عـفـالق كلمته ينصغي لـه وسالم أبن رويعي لقوله استعبار *** يـذكـر مفـاخـر طيبين الفـعـيـلـه يا أبـو محمد مـا نخفيّك الأسـرار *** عن واقع الـلي ضيّع الـلـه دليله حصل جحود لباذل الجهد وانكـار *** من الحساد أهل الوجيه الرزيله الخايب اللي يعمل الخزي والعـار *** أصبح يغـر أهل العقول الضليله المكفت الـلي ملسنـه تـقـل منشار *** يشمت وهو كـل العيوب بشليله عن واقع العزوه تقصيّت الأخبار *** وجـميع ما دوّنت عـنـدي دليلـه وهذه الأبيات ارسلها من الأردن ناجح الغياثي يقول : 1330 سلام يا قـرم عـلى القلب غـالي *** كتبت لك مـما تفيض القـريـحه العـمـر رايـح والبشر للـزوالي *** شـي بصدري لازم أنـي ابـيحـه انا اشهد انك نادر من الرجالي *** ثقل وعـقل والكل تكسب مديحه يا مسندي حييت يا راس مالي *** وشهادتي بك يابن وايل جريحه جواب عبدالله بن دهيمش العبار رداً على ناجح الغياثي : 1331 سـلام يـا نـاجـح بـعـيـد الـمـدالـي *** تعيش يا مرسل قوافي صريحه نسل الغياث اهل الفعول الجزالي *** واكفـوفهم بالمـد مـاهي شحيحه يحفظك يا ناجح عـزيـز الجـلالي *** وعسى فـداك مدورين الفضيحه جتـني بيـوتـك يا ذريـب الفعـالي *** فيهـن مدايح لـي وفيهن نصيحه وقال عبدالله بن دهيمش بن عبار : 1332 يــا عــزوة الــويـــلان لابـــد لابـــد *** لابــد نـيـقـض كــل مـن كــان راقـد وش مقصـد الـلي زوروا لعنزه جـد *** صـار أيـتعبّـث بـالنسـب كـل حـاقـد زيّـف وغـر رجـال مـا عـندهـم عـد *** الـلي عـلى التوقيـع مـعـهـم تـعـاقـد الـكـل يـنـشـد عــن خـطـايـه ولا رد *** حيـث النسـب مـا يتـقنـه كـود نـاقـد الكـذب قـوّع وانكشف خافـي السّـد *** ومـن زوّر الـتـاريـخ للـعـقـل فـاقـــد مـكـايـد الـظــالــم قـديـمـات واجـدد *** ومـن الحسـد نـيـران قـلـبـه تـواقــد والـلّي تجنّى ولفّـق الكذب لـه ضـد *** والـلي يـخـون الـعـهـد لـلـمـر زاقــد الكـيـد والـتنكـيـد والـظـّلـم لـه حـد *** هـاقـد بـان وصحـصح الـحـق هـاقـد كـان الـقضيـه بالـوسايـط لـهـا لــد *** يصعب عليه ومجلس الشرع عـاقـد وقال الشاعر ذيب المستوي هذه الأبيات جواب لأبيات عبدالله بن عبار : 1334 يـاعـزوة الـويـلان عـنـكـم أبـنـشــد *** والـلـي مـضـيـع جـده الـيـوم نـاقــد وايـل بـن قـاســـــط جــد بــدل جــد *** حـطـوه لـلــويـــــلان بـدال فــاقــــد الـلي رمى بسهمه لـه السهم يـرتـد *** عـلـى جـمـر مـلـة وبـه حــر واقـــد زيـف النسـب ياحـيـف كـيـف يـنعـد *** مـاقـد أحـد بـقـولـكـم قـال مــاقـــــد والـلـي يـقـول بـقـول لابـد يـســـــند *** والحـقـد صايـر فـي نظامـه عنـاقـد والـلي يتعـدى الحـق يسجـن ويجلـد *** يـستـاهـل التعـزيـر فـاسـد وحـاقـد والـلي تهـجـم ضـده أصيـر لـه ضـد *** عـن الـمـراجـل كـل هـلـبـاج راقـد صـايغ كـلامـه بـيـن جـملـه ومـفـرد *** مـعـقـد الـمـفـهـوم ومـاهـو بـعـاقـد الـلـه يـبـعـدهـم بـعـد مـاعـاد يـنـعـد *** أبعـد من الفرقـد زود جملـة فـراقـد يفتخـر بـوايـل وهـو بالأحلاف ينعد *** ويـظـم حـلـف كـليـب ورجـال واقـد بـوقـت بـه الـثـعـل صـار يـستـأسـد *** والقـشعـم بـوجـه البـواشـق يـنـاقـد قال الشاعر راضي بن جفين الضوي الجعفري يسند على عبدالله بن عبار : 1335 سـلام يـالــلـي كـل مـا حـل طــاريــك *** أطلب عسى المولى يديمك ويرعاك يا أبـو مشعل يا فخـرنـا دون تشكيك *** يـا درعـنـا يا عـزنـا لا عــدمـنـــــاك من شـانـنـا يـامـا وطيـت المـداريك *** خضت المخاطر ما تخف من الأدراك كـل ما بـذلتـه شـاهـده بـه بنيخـيـك *** وأنـا اشهـد انـك باللقاء سـلاح فـتـاك واليوم اشوفه بان من هـو يعاديـك *** لا فـاعـل فـعـلـك ولا هـو بـيـجـــــزاك لاشك من يجهـل وينسى مساعيـك *** هذاك أنـا اعـده مـن اعـداي واعــداك وقد رديت على الشاعر راضي بهذه الأبيات : 1336 سلمت يا راضي عسى الـلـه يعـافيك *** يالجعـفـري مـا هـي غـريبـه حميّاك مـا يجحـد المعـروف كـود الصعاليك *** واللي يعـرف الجهـد مثلك وشرواك الـلاش يـا أبـن جـفيـن لابـد يـوذيـك *** لا تـأمنـه لـوهـو مـن أدنـى دنـايــاك الـلي وضعوا في جـد عـنـاز تشكيك *** طـاعـوا كـلام مـروّج الـكـذب نـمـّـاك الخايب اللي دوم يسعى على الشيك *** دنـي نـفـس ومـقـصـده مـلي الأبواك والـلي جحـد جـعلـه بعبـرود بلجيـك *** ودك تـلـطـه بـيـن عـيـنـيـه بـحـــذاك قال الشاعر محمد عرفيج الشراري يسند على عبدالله بن عبار : 1337 بـديـت بـالـلـي عـالـم بكـل مـكـنـون *** منشي السحاب الـلي يـهـل بـغـزاره رب البشـر رب المخـاليـق والكـون *** ثـم أبــتـدي بـالـقـاف وابـدأ العـبـاره وأبدي كلام داخل الجوف مسجـون *** وأطلـق صراحه عقب طول أنتظـاره نـظمتهـم كـم بـيـت وسـط التلـفـون *** والـلـه رب الـكـون مـاهــن خـسـاره واهـديـه لـلي يـسـتحـقـه وبـلـعـون *** يستاهـل اكـثـر مـن قصيـد وعـبـاره هاك الحكي كله عـلى قـاف موزون *** منطـوق ابـن عـرفيـج وآخـر قـراره شاعر كبير وتدعي القـاف مـزيـون *** تـبـدع حسين البيـت بأحسن مساره رجل فهيم ولـك مـن القـاف مـليـون *** تـفـهـم كـلام الحـر لـو هـو باشـاره ودي من ابياتك ولـو قـلـت مجنـون *** أبــي أتـعـّرف مـعـرفـتـكـم تـجــــاره وهذا جوابي على الشاعر محمد بن عرفيج الشراري : 1338 جاني يا بن عرفيج قافك على النون *** لـك الشكـر عـد الحصى والحـجـاره حييت يالـلي دوم مـا تـقـرب الهـون *** أنـت الـذي عـلـم الفـضيـلـه شعـاره مـن سـاس لابـة بالملازيـم يـوفـون *** أهــل الـحـمـيـة والـكـرم والـنـمـاره أولاد مـكـلـب لـلـفخـر دوم يـسعـون *** مضرب مثـل فـي فهمهم والشطاره أهـل وفـاء عـاداتـهـم مـا يخـونـون *** ولا منهـم الـلي بـاق ضيفـه وجـاره يـتـلـون شـيـخ يـفتـهـم كـل قـانـون *** فــرض عـلـى كـل الـحـمـايـل وقـاره نسل اللحاوي يلطـم الخصم بالكـون *** حصـل لـربـعـه فـوج وأحـيـا ديـاره مـن طـاب فـعـلـه لابـتـه يستـعـزون *** هــذا هـو الـلـي يـسـتـحـق الأمــاره ومـن دج ربـعـه بالمتـاهـه يـدجـون *** ولا خـيـر بالـلي ضاع سلمه وكـاره يتبع التعديل الأخير تم بواسطة عبدالله بن عبار ; 07-11-2022 الساعة 07:03 AM |
|
|
|
|
«
الموضوع السابق
|
الموضوع التالي
»
|
|
|
|
|||||||||||||||||||||||||||||||||||
|
|||||||||||||||||||||||||||||||||||||
|
|
|
|
|||||||||||||||||||||||||||||||||||
| أدوات الموضوع | |
| انواع عرض الموضوع | |
العرض العادي
|
|
الساعة الآن 12:31 AM.
 |
|
 |
