تابع
وقال الشاعر نزال بن محمد الجعفري هذه الأبيات يسند على عبدالله بن دهيمش بن عبار : 923

راكـب الـلي لا تروّح يعجبك مرواحـه
جيب شاص وفيه ميزات ماهي بغيره
لا نهـت باثنين والسايق لـواه وماحه
نهتت اللي مع غروب الشمس ضيّع طيره
مع خوياً لابس تاج الشرف ووشاحه
مثـل أبن عبار شاعرنا حسين السيـره
جعـل تفداك الرخـوم ملوثين الساحـه
هـمهـم للشاعـر التصفيق والتصفيـره
بـالـمـنـابـر دايـم صـلاخــه وذبـاحـــه
والحقيقة شعرهم من جرف في دحديره
وأنت شاعرنا الكبير اللي بعيد أشباحه
من دهاه وطيب ذاتـه فـارض تقديـره

قال عبدالله بن عبار رداً على الشاعر نزال محمد : 924

قـال من سجل جوابه يـوم سـده باحـه
للزميل اللي عسى الله يحفظه ويجيره
عشت يا نزال قصدك ما خفـاني ناحـه
أدري أنـك بـك حميـه يالزميل وغيـره
كـل شاعـر بالمهايط يفتـل بمسباحـه
وهموه أصحابه أنه مثـّل أهـل الديـره
والتكسب هو سبايب سرحه ومرواحه
التـملـق والتحـايـل جـاد فـي تـعـبيـره
الملعـلع مـا يـفيـده زمـرتـه وصياحـه
كـل هـمـه يالسنـافي جيبـه وتصويـره
صاحب النفس الدنيه ليت ربـي زاحـه
ليت لو هو كف شره مانبي من خيـره

قال الشاعر نايف بن عبدالله العمري في مجلس السيف هذه الأبيات يسند
على زميله عبدالله بن دهيمش بن عبار : 925

حياك الـلـه مع ربعـتك يا أبـن عـبـار *** بالمجـلس الـلي زيـنـتـه وايـلـيـه
حـيـاك ربـي يا كـبـيــــر مـع اكـبـــار *** مـع رايـب الـفـنـجـال بـالشـاذيــه
حيثـك كـريـم ومع كريميـن واخـيـار *** مـنـا لـبـو مـشعـل سـلام وتـحـيـه
والـلـه لـو الـجـو بــه عـج واغـبـار *** يـالـوايـلي فـي جـيـتـك لـه مـزيـه
لنا الشرف ننشر فـرحنـا بالأخـبـار *** مـنـك الـزيـاره نـعـتـبـرهـا هـديــه
أبوأحمد عسى الله يجيره عن النار *** وأبـو محـمد يحميه من كـل سـيـه
خـوالـي الـويـلان مـا صـكوا الـدار *** اهـل الصياني والصحـون الفضيه
أرفـع عـقالي فـوق وأبيح الأسرار *** وأفخـر بهـم ما دامت النفس حـيه
قلته وأنا من عـزوه قـروم وأحرار *** من فهر نسل قريش ماهي خـفيـه
الجـد أبـن خـطـاب مبـطي لـه أذكـار *** مشهـور بـالإسـلام والـجاهـليـه
وصلات ربي عـد قطـرات الأمطـار *** عـلى رسـول الـلـه نـفسه زكـيـه

قال عبدالله بن دهيمش بن عبار هذه الأبيات رداً على الشاعر نايف بن
عبدالله العمري ويثني على الشيخ عبدالعزيز بن عبدالمحسن السيف
والشيخ خالد بن عبدالمحسن السيف : 926

مشكور يا نـايـف لـك الشكـر تكـرار *** أشكـر جـنـابـك يـا عـزيـز السمـيـه
عسى الولي ياقاك من شر الأشـرار *** وعـساك تـرفـل بـالحـيـاه الـهـنـيـه
ولا زلـت لـك يا طيّـب الـذكـر شكـار *** عـلى مـديحـك يـا فـتى الجـود لـيـه
وأهديك نظمي من قريض أبن عبار *** وأشكـر رجـال السيـف أهـل الحميه
الـلي التقـوني فـي حشيمـه ومقـدار *** شفـت البشاشه بالـوجيـه الرضيـه
والمجلس اللي سيق به بـن وابهـار *** يـفـوح مـن صـفـر الـدلال الـعـذيـه
وجمر السمر يوقد عن البرد بوجار *** وقـت الـضحى ولا حـلـول الـمسيـه
مجلس نشامى به سواليف وأشعـار *** خـالي من هـروج الخـطأ والـزريـه
وعقب المهيل والسوالف والأسمار *** قـلـّط وسيـعـات الصحـون الـمـلـيـه
عبدالعـزيـز السيف لـه بالكـرم كـار *** وأخـوه خـالـد بـالـشـهـامـه حـلـيــه
والكـل منهـم يكـرم الضيف والجـار *** يـا بـعـدهـم عـن الـعـلـوم الـرديــــه
وعن عد فعل الطيب قدمت الأعـذار *** المعـذره يا أهـل الـكـفـوف الـنـديـه

كتب الشاعر نايف بن عبدالله العمري هذين البيتين وقد نشرها بمنتديات العبار : 927

يا ربع شوفوا حـل وأعطوا إجابـة *** لـلي عشق مـن كـل قـلبـه ولا راق
خـلي هجـرنـي راح كـلن درى بـه *** ومربـاه في نجد(ن)وأنا له مشتاق
وقد رد نايل بن عبدالله العبار يقول :
لا شفـت زولـه قـلـت يا مرحبـابـه *** طلتـك يـا خـلي مثـل نـور الأشـراق
لـك في ضميري شي مـا ينحكابـه *** عشّاق مـن مبطي وللحيـن عشّاق
وقال نايف العمري
الــقــلب فــاتـح لـــلــتــــنـدام بـــابـه *** وعـيّا لايعطي فــك قـيـده والإطلاق
لـوّه عـرف قـلبي وش الـلي دهـابـه *** اليا فتش ذكراه في وسـط الأعـماق
قال عبدالله بن عبار نصيحة أخويه
يا مرحبابك يا حـفيـد الصحـابـه ** يا جامع المعروف مع حسن الأخـلاق
عندي نصيحه صغتها لك أجابـه ** ما دام قلبك عن هوى البيض ما لاق
اللي نوى الهجران وش ينبغـابه ** خـلـه يـولـي خـايـن الـعـهـد بــــّـواق
ما هو تقانه لو ضحك لك بنـابـه ** لا تعـاشر الا الـلي الـيـا قـال صــدّاق
وقال نايف :
مـن يـوم روّح قــلـت لا واسـفـابـه *** البـال مع طــاريه يــسـها وينـساق
لـيـتـه يراجع مع خــفـوقـه حسابـه *** لـيـتـه يراعي بالـهـوى كـل خـفاق
واعــمــري اللي راح سبّــة عــذابه *** بـُـعـده يـا ابن عـبار عيّا لا ينـطاق
وقال مشعل :
لولاّ الحزن ما جا الحزين الربابـه *** ولا ناحت الورقا على صفر الاوراق
ولا صارت اشجان المشاعر تشابه *** ولاصار بعيون الأمل روح واحداق
شفت القـلـم .حـتى. القـلـم والكتـابه *** تقولـك بـأن الوجع حسب الاذواق
وقال نايف :
القلب يا أهل الطيب زاد التهابه *** لاحـل طـاريها توحـد هـمن ضـاق
ورد عبدالله بن عبار للمرة الثانية
يا نايف كان أصبـح ولـيه نسابـه *** لا باس لو حنيت مـن ذاق مـا لاق
وأن كان حبك بس مزح ودعابه *** أقـفـل عـلى كـل المشاعـر بمغـلاق
كثير من يشكي من الوجد صابه *** مفعوله أسطى من عباريد الأطلاق
مار اقتنع وأجعل بصدرك رحابه *** وأحذر خطات اللي تدوّج بألسواق
وقال نايف :
هي القناعـة لـو تـجيني كسابــــة *** لأعـقـد أنـا معـهــا رفـاقـة و ميـثاق
يـالوايلـي حبي صحيح(ن) و لا به *** أية مزوح و أي تـلاعـب بـالأشواق
العـمـر فـي مـبـداه بــأول شبـــابـه *** حتى المحبة حظ وأقسام و أرزاق؟
أحدن شرب كاسن وفاده شرابه *** وأحد(ن) شرب كيسان ثم يبست أرياق
وقد رد عبدالله بن عبار للمرة الثالثة
ما دمت شب ولا ذكر بك معابـه *** وطبعك كريم ولا أنت في والدك عاق
ولـك قـدر عند الغانمين ومهابـه *** وقـلـبك عـلى مدعـوج الأعيان ينساق
أقـدم وعـند الشيخ سجـل كتابـه *** عـقـد الـتمـلـك بـيـن الأثـنــين مـيـثـاق
حيث الذي شرواك حضرة جنابه *** يبحث عـن الجـزله وللطيـب عشّـاق
وقال نايف :
يـا لـيـت نــلقـى من هـو العـلم جابه *** و يـخـبـرن مسـكان خـلي و شـفّـاق
و يـعـلمـن مـدلـول بـيـتـه و بـابـــه *** بـوقـتـهــا لأروح مــن دون عـــواّق
و في وقــتـهــا الـحـظ يـضحك بنابه *** و شمس المحبة ثم تعاود للإشراق
و يالوايـلي الـلي ذهـلـني بغـرابـــه *** كيف اختفى بالأرض ولا هو بالآفاق
وقال المرتعد
ان كان يبينه يا هلا ويا مرحــبابـه *** وان كان نفسه ثقيله عساه للفراق
حنا في دنيا الرجال ودنيا الصعابه *** ولزومك تثبت حتى لو ما ينطاق
وثبت وتصيد الغزلان االصيـعابـــه *** ونتبه من مخاوية من ينكر الميثاق
وهذا رد عبدالله بن عبار للمرّة الرابعة :
الـوجـد حـاذورك يـغـرك سرابـه *** وأحذر تصيبك بالنظر سود الأحداق
من هام في وجـد الغـرام ابتلابـه *** قيس الملـوّح حـدره تحـت الأطباق
الوجد هو ساس الطنا والصبابه *** حـذراك لا يفتنـك من صوته ادقـاق
من ولعنـه مـا تـمالـك اعصابـه *** ما يسمع اللي صاح بالصوت زعّاق
وقال نايف :
يا عـيـال وايـل عـشقـنا وش لنا به *** لكـن حـبه محرق(ن) قـلبـي احراق
يـشــدنــي لـلـطـيـب ريـحـة ثـيـابـه *** الـلي لهـا وجه(ن) من الزين برّاق
يا ربـع خـوذوا وصف خلي رتـابـه *** أعـد وصفـه مع طـويـلات الأعناق
مـا ظـنـتـي قـلـبي سـواتـه مـعـابـه *** عشقه هنوف(ن) خـدهـا تقل درّاق
وقال البجيدي :
يانايف الله عنـك ماصك بـابـه *** مـولاي ربـي كـافـل(ن) كـل الأرزاق
أدع الولي وتجيك منه الأجابه *** وأفضل وقوت الأدعيه قبل الأشراق
مولاي ربي مايخيب الرجا به *** نـعـوذ بـــه لالتفـت السـاق بـالسـاق
وعبد الله العبّار وضّح مرابه*** بخصوص ماقلت أنت منتوق الأعناق
وقال نايف :
مـن اشـتـكـى لـغــيـر ربـه خـيـــابـه *** يابن البجـيدي وأنـت للطـيب سبّاق
ياعــيـال وايــل يالــوفـاء عـز لابـة *** لا ياخوالي موسعة صدر من ضاق
عسى العْمُري مالان والشوق عابه *** يـوم إن قـلـبـه للمـزايـيــن عـشّـاق
من وارد من اقريس نسل الصحابة *** جدي بن الخـطـاب والصيت له فاق
ربـي يجــيـب دعــاي ويّـا الطـلابة *** ما خاب من يدعيه من كل الأعـماق
وقال عبدالله بن عبار للمرة الخامسه
يا نايـف الـلي مـن صنـاديـد لابـه *** يشهد لماضي طيـبهـم نجـد واعـراق
ترى المحيط اللي سبح به غدابه *** من خاض بالغبة خطير من الأغراق
الذيب يعطب مـن يشلـه بـنـابــه *** والـوجـد يـسـقي صاحـبـه سـم زرّاق
ومن غـاب يانايـف يسده غيابـه *** من خـالفك سطه على الصابر اطـراق

وقال نايف العمري خاطرة وفاء للأديب عبدالله بن دهيمش بن عبار : 928

يـا هاجـسي جـر اللحـن و الأغـاني *** و انظم قوافيهـا علـى الطيـب بإيجاز
و إليـا حصل مـن وقتك أنته ثواني *** ليـتـك توصّلـهـا و لـيـت إنّــه اتـجاز
لـلـي لـهـم بالـمجـد شمخ المـبانـي *** قومن) على الطولات ضارين واعزاز
يشهـد لهـا التاريخ عـبـر الـزماني *** عنّـاز ومـن يجهـل مـن النـاس عـنّـاز
ثم خص أبو مشعل عريب المجاني *** الوايلي مـا هــو مــن الـمـدح معـتاز
سجّل لـه التـاريـخ قـاصي و دانـي *** حـتى سجلّـه بالـوفـاء ممـلـي انـجـاز
فـي خـدمـة الويلان صبـر و تفاني *** و فـي حب ربعـه مـن تفانيـه قـد فـاز
عــبــدالله الـعـبـار جـزل الـمعـانـي *** مجهوده اللـي ينـذكـر مـثـل الإعجـاز
ما أظن أبو مشعل يجي منـه ثانـي *** بجـدار وايـل صـورتـه وسـط بــرواز

الرد على نايف العُمري ( العريب ) 929

من قاف نايف جزل الأشعار جاني *** خـط الجـواب بصفحة النت بجهـاز
حـي الـزميـل الـلي جـوابـه لفـانـي *** يا مرحبا عدد حجر نجـد واحجـاز
مـثـل القـطـامي مـا نـزل بالطمـاني *** الـنـادر الـلـي بالهـدد يشبـه الـبـاز
لك الشكر يا ريـف مـن جـاه عـاني *** أنـت الكريم اللي على الطايله حاز
تـعـيش يـا نـايـف فـداك الـهـدانـي *** عسى فداك الـلي عن الطيب ينحاز
أعـتـز فـي شرواك طـلـق اليمـاني *** ولا الـردي طـبـعـه هـذوراً ولـمّــاز
يسلـم لسانـك يـا عـفيـف اللسـّانـي ***هرجك مثل صوغ الجواهر بشيراز
تـسلـم يـميـنـك يا رفـيـع المـكـاني *** وتشكر عـلى مدحك ثقيلين الأرواز
يا أبن عمر يا شوق مجلي الثماني *** أنت الذي عنك الردى بعد الأهواز

وقال عبدالعزيز بن ناجي الجعفري يسند على عبدالله بن دهيمش بن عبار : 930

للمجد نـاس وللردى نـاس ونفـوس *** والـطيـبـه تـبقـى ويـرفـع عـلـمـهـا
لاشك كان الروس ما تنحسب روس *** وجـودهـا بـالـكـون كـنـه عـدمـهـا
تبقى فعول أهل الوفاء كنز ودروس *** يعـيش راس بـالشجـاعـه رسمـهـا
رجـال ذكـره عـز مـبـدى ونـامـوس *** يـبني صروح المـرجـلـه ما هـدمها
اقولهـا والسيف يفرق عـن الموس *** السيـف مـيـزان الحـقـوق وحكمهـا
شروى مقـام القـرم عساه محروس *** عـبـدالـلـه الـعـبـار رايـه وســمـهـا
اليا وقف كـل المصاعب لـه جلـوس *** تخضع تحت سلطان عزمه هممها
ما طـال وقـفـاتـه ضعيف ودنـفـوس *** الـمـرجـلـه تـخـدم نـبـاه وخـدمـهـا
يوم أن بعض المرجله زيف وفلوس *** عـنـده تبـاشيـر السعـد مـا ظـلمهـا
لبس الوفاء يـزهـاه واعـز ملبـوس *** وعـين الحسود اللي تحسده لطمها

قال عبدالله بن عبار رداً على عبدالعزيز بن ناجي الجعفري : 931

حي الجواب الـلي جلا كـل هاجـوس *** القـرم ابـن نـاجـي بـيـوتـه نظمهــا
عبدالعزيز بساسه الطيـب مغـروس *** منسوب مـن لابـه يـشـاد بكـرمـهـا
يفداه من طبعه على الربع جاسوس *** نـفسه تـروم العايـزه مـن غشمهـا
مجـد الفخـر ما حصله كـل منحـوس *** العفـن الـلي ربـعـه يعـلك بلحـمهـا
مـا تـدرك الغـايـه هلابيج واخسوس *** عفـون الرجال الـلي خبيث نغـمهـا
الـلي مكضم منـكتـم تـقـل مضـروس *** الغـايـة السـوداء بـصـدره كتـمهـا
مريض قـلب بمهجته ينخـر السوس *** لاجيب علم شخوص قومه شتمها
يخفي غـليـلـه بالمعـالـيـق مدسوس *** مغـتـاض كـن العـنـزروتـه لهـمهـا
الـلاش عـزه بـالبـيـاتـيـن مـدعـوس *** الـلي الكـرامـه هـانهـا مـا حشمهـا
حيث النذل يستاهل الدعس والدوس *** وأهـل الحسـد يا زين تبليـم فـمهـا

قال محمد بن فلاح بن عايش الحماد يسند على عبدالله بن عبار : 932

أنظـم جـزلات الأشعـار * باسم الكريـم الجـبـار *عـالـم تصـريـف الأقــــدار
رب الأنس ورب الجان
ومن بعـد ذكر الرحمن * ابعـث مـن قـولي بـيـان * كـلام مـابـه بـهـتــــــان
يهدى لقرم من الفدعان
محصي امجاد العشيرة * في كل أطراف الجزيـره * ومدحهم في كـل ديـره
وذكر شيوخ وفرسان
عبدالله ذيب ابن ذيـب * هـو الشاعـر والأديـب * مـن أهـل الكـرم والطـيب
من شغاميم الويلان
مـن محـمـد لأبن عبار * أرسل مـن نـبـع الأفـكـار * هـذا قـولـي بأختصـار
وأسمح لي كاني غلطان

قال عبدالله بن دهيمش بن عبار جواب لأبيات الشاعر محمد بن فلاح بن عايش : 933

تشكـر يا نسـل الأخـيـار * يامن بالجزله لك كـار * قلته وأنا لك شكار
حيث اللي مثلك له شان
تشكر يا ذرب الأيمـان * حيثـك ما عندك جحـدان * عـسى تـفـداك الـرديان
اللي يجارون العدوان
محمد عسى الله يجيـره * حـيـثـه نـقي السـريـره * ما تاجـد غش بضميره
ولا سمع قول السردان
تسلم يا عفيـف الجـيـب * عشـت يالقـرم العـريـب * مابـك لا شك ولا ريـب
عقلك حصيف وفهمان
أبـي أفـيـدك بالأخبـار * وأخبـرك بكـل اللي صـار * لا زالوا بالناس أشرار
يمشون بأمر الشيطان
وأيضاً هذه أبيات رسالة جوال من محمد بن فلاح الحماد يقول :

أبدأ بترتيب الأبيات *** بسم منزل الآيات *** عالم كل الخفيات
رب لعباده رحمان
ومن بعد ذكر الغفار *** نرسل لك يا أبن عبار *** نرسل لك شكر اوقار
يا حافظ مجد الويلان
أنا اشهد أنك وفيت *** يامن بالشعر عديت *** ذكرت امجاد وحصيت
وذكرت شيوخ وفرسان
أفعال وايل قديمات *** وعندك دلايل وأثبات *** كسرى شهد لك بالذات
والشاهد بنت النعمان

وهذه الأبيات وصلت رسالة عبر الجوال من أحد الأخوة يقول صاحبها : 934

أنـت الـذي لـك بالمراجـل مـواقيـف ***ص صداقـتك طـول الـزمـن تـاج راسي
صداقتـك مـا هـي بجـمع السواليـف *** ولا هي صداقـات القـلوب النجاسي
الـلي صداقتهـم مثـل بـارق الصيف *** يـصـادقـك بـالـلـيـل والصبح نـاسي
واليـا طلبتـه شي صرفـك تصريـف *** والـيـا بـغـاك يصيـر فـضـه وماسي
ولا أنت ذخري بالسنين الشواحيف *** وأنـتـه عـضيدي كـل مـا لان باسي
واليا حصل لي في زماني صواديف *** أنصاك لا جاء في الزمان افتراسي
يـا ذيـب دايـ مـنـزلـك بالمشـاريـف *** ولا الـخـرابـه مـنـزل لـلـبـسـاســي

قال عبدالله بن عبار رداً على صاحب الأبيات : 935

خـط لـفـانـي بـه تـشـرفـت تـشريـف *** قـريـتـه وهيّض مشاعـر احساسي
يـا عـل يـفـداك الـعـفـون الـهـذالـيـف *** والخـايـب الـلي للكـرامـات داسـي
دنـيـاك يـا محـمـد حـمـول وتكـاليـف *** تـفـتـر يـا مـشكاي مـثـل الكـراسي
أحيان فيها اشفق عـلى هبت الهيـف *** وأحيان من برده تراقـل اضراسي
أحيـان ما نقـدر عـلى ضيفة الضيف *** وأحيان نملآ من العصيب التباسي
وأحـيـان أصنـف يالسنافي تصانيـف *** وآخـذ عـلـى كـل الـروابع مقـاسي
دنياك هـذي ما عطتـنـا عـلى الكيـف *** والوقت يامحمد على الناس قاسي

قال عايض بن حامد السلمي هذه الأبيات يسند على عبدالله بن عبار : 936

سـلام مـنـي عـد وبـل الـمـزابـيــر *** غـر الـمـزون الـلي هـللهـا تصبـّه
يا شاعـر الشعـار صبحـت بالخيـر *** لـك عـنـدنـا بالقـلب قـدر ومحبـه
حيثك من اللي حظهم يجدع الطيـر *** وسوه على اللي نار حقده يشبه
صيتك طلع في نايفـات الشناصيـر *** وبعيد عـن هـرج الـردا والمسبه

وقال عبدالله بن دهيمش بن عبار هذه الأبيات رداً على أبيات
الشاعر عايض بن حامد السلمي : 937

مشكور يا نسل الـرجـال المناعيـر *** عسى الـذي شـرواك يـاقـاه ربـه
مشكـور يا ريـف البـداه المساييـر *** يـفـداك مـن شال المخـازي بعبـه
الخايـب المـذمـوم لـو جـده الـزيـر *** يسهج خطات الموجبه ما ايتنبـه
لاخير بالـلي مـا يشاور ولا ايشيـر *** وش عاد لو من شاف زوله عجبه

وقال عايض بن حامد السلمي هذه الأبيات يسند على عبدالله بن عبار : 938

الوقت قـد عـّذب مشاكيل واشخوص *** وكم واحـدٍ يالـقـرم كــاده وحاصي
ولا أنت غواص البحرتعرف الغوص *** يالماهـر الـلي شاف دره وغاصي
ياللي على بعض الشواعير عاقوص *** قـافـك كمـا سيف شديد القصاصي
أمدحك وأمدح لابتك خص مخصوص *** أهـل الشجاعـه طيبـيـن المناصي
من نسل لابه تـتعب الخيـل والعوص*** يوم السيوف ويوم ضرب الرصاصي
ربـعـك نهـار الـلازمـه كلهـا حـروص *** نـعـم بـكـم ياللـيـث دانـي وقاصي
وكـل القبايـل مابهـا عـيـب وانقـوص *** كـلـن بـمـاجوبـه شديـد الحراصي

قال عبدالله بن عبار هذه الأبيات مجاراه لأبيات عايض الحامد السلمي : 939

يا عـايض الحامـد نجاوبك بنصوص *** بـدع القوافـي مهنتي واختصاصي
ولو كان ما رديت لك قلت مرخوص *** وأنت تعرف ياطيرشلوى اخلاصي
من عادتي عن واجب الرد ماحوص *** ولاني من الـلي فـي مباديـه لاصي
أرسلت لي جملة عبارات وانصوص *** ألـذ مـن ذوب الـعـسـل بـالقـلاصي
يفداك من ينهـج على منهج لصوص *** ولو تنصحه عن مسلكه قال عاصي
الحـر شفتـه يا فـتى الجود بقفـوص *** فـي كـل ديـره قـيـمـتـه بـانـتقاصي
والطير اللي ريشه منتف ومقصوص *** لو هـد خامـل مـا يصيد الصواصي

يتبع

تابع
قصائد متبادلة بين عبدالله بن دهيمش العبار وعبدالله الموسى الخرشاوي:
قال عبدالله بن دهيمش بن عبار هذه القصيدة بسمو الأمير عبدالعزيز بن سعد بن عبدالله
ابن جلوي آل سعود حفظه الله ورعاه شعر عبدالله بن دهيمش بن عبار : 940

تـجـول بـافـكـاري خـواطـر كـثيـره *** وأصوغ من لفـظ القـوافي تـعـابـيـر
أسنـدت منـظـومـي لنـقي السـريـره *** الـلي افتخر باسمه اليا قلت يا أمير
منصف ومتواضع وصافي ضميـره *** فـاهـم وعـنـده لـلـمعـانـي تـفـاسيـر
أسنـد عـلى الوافي ولا اسنـد لغيـره *** عبدالعـزيـز مـن القـروم المناعـيـر
عبدالعزيز أطلب عسى الـلـه يجيره *** يـاقـاه ربّـه مـن جـمـيـع العـواثـيـر
أبـن سـعـد يـفـرح بـقـربـه قـصـيـره *** حـفـيـد عـبـدالـلـه سلايـل مشاهيـر
مـن ساس عـزوه بالمدايـح جـديـره *** عـزوة جـلـوي بالشجاعه مغـاويـر
من صفوة آل سعود سور الجزيـره *** سـاده وقـادة للشعـوب الجـمـاهـيـر
صـانـوا بلـدهـم بالسيوف الشطيـره *** عـاداتهـم بالكـون دحـر الطـوابـيـر
ذخـر المـواطـن بالسـنيـن العسيـره *** رجالهم يـذري عـن الظيـم وايجـيـر
يا أميـر لـك من طيّـب الذّكـر سيـره *** سيـرة فخـر والكـل يذكـرك بالخـيـر
أنـت الـذي عـنـد الـلّـزوم استشيـره *** حيث أن لـي عندك حشيمه وتقديـر
يـقـولـه الـلـي مـجـتـهـد لـلـعـشيـره *** مضّى زمـانـه بالمنـاطـق مشـاويـر
لأجـل يتحاشى لـوم عـمي البصيـره *** الـلي مـلاسنهـم سـوات المنـاشـيـر
يـدرى شمات أهـل الوجيـه الشريره *** سود القلوب الـلي تدور والمعايير
ينصفـني الـلي بـه حـمـيّـه وغـيـره *** لـو يكـتـب الجاحـد بحـوث وتقاريـر
مـاذا تـرى هـل استـمـر بالـمسيـره *** ولا استريح مـن التعـب والمخاسير

قال الشاعر عبدالله بن موسى الخرشاوي أبو فهد هذه القصيدة مجاراه لقصيدة عبدالله
أبن دهيمش بن عبار الذي قالها بسمو الأمير عبدالعزيز بن سعد بن جلوي آل سعود : 941

يعـيش أبـو مشعـل ومـن يستشيـره *** ويعيش شور اللي لابومشعل يشير
حـفـيـد حـكـام الـعـرب زاد خــيـــره *** رايـه سـديـد و فـيـه حكمة وتنويـر
طـلبـت راي وجـاوبـك مـن ضميـره *** والـلي يصيبون الهدف رايهم غيـر
كانـه يقـول القـرم مـن فـيـه غـيـره *** سـؤال مـا يـقـبـل إجـابـات تــزويـر
مـن يـذكـر المـاضي ولـه يستـثيـره *** يـذكـر حـقايـق لابـو مشعـل بتقديـر
ولا نـنـكـر جهـود الوجيـه السفيـره *** ولا يـنكـرون انـك تـقـود الطـوابيـر
يـوم الـزمـن وشـروره المستطيـره *** صخـرت وقـتـك للمهـمـات تصخيـر
وجمعت من ماضي العلوم الغزيـرة *** وردتـهـا مـن بـعـد مـاهي مصاديـر
واجـهـودك الـلي للقـبـيـلـة ذخـيـرة *** حبّرتها و بانت على الطرس تحبير
ومشجَّرة وايل بفكــرك تديـــــــــره *** شجـرتـهـا لـلي يـبي العـلـم تشجيـر
أصـولـهـا مـع الـفـروع الـكـبـيــرة *** بـديـت مـن عـدنـان وبجهـدك نشيـر
يعـنـي ابـن عـبـار من فيــه غـيــره *** والحـق مـا يـزعـل رجالٍ بهـم خيـر

قال عبدالله الموسى الخرشاوي هذه الأبيات يسند على عبدالله بن عبار : 942

أبتديت بذكـر ربي وأسأله يرضى عـليـه
أسأله يحفظ لساني والفرج يوم الكروب
من يسب أنسان مثلك عاجزٍ لا يصير زيه
اللسان يبيّن الـلي حقـدهـم وسط القـلـوب

أقـرأ الـتـاريـخ تـلـقـا كـل صـادق لـه أذيـه
سنة الـلـه في عباده الأذى مـن كـل صوب
أنقتـل هابـيل غـيـلـه دون ذنـب ولا خـطيـه
والنـدم قـابـيـل شـالـه حـامـل كـل الـذنـوب
ومن بعد هـذا محمد يوصف بخيـر البـريـه
قيـل كاهـن قيـل ساحـر قيـل كـذاب ولعـوب
بـان صدقـه وأتـضح كـذب أبـو جهـل وأمـيـه
والـلـه أن الحق واضح يعـرفه كـل الشعـوب
تـأتـي الأبـطـال بـعـده عـادل بـيـن الـرعـيـه
جـاه قـتـال مجوسي عـن مـراده مـا يـتـوب
أن بـغـيـت الـرد دحـه قـلـت عـزوه وايـلـيــه
جاتـك جموع تداحـم من شمال ومـن جنـوب
وأن بغـيـت الـرد كـلمه مـن زمـان التـغـلبـيـه
لو مشد القاف صخره عنـد ابـن وايـل يـذوب
وش تـبـي أمـر تـدلـل لـو تـبي هـذي وذيـــه
بك نشوف الحـق واضح بـيـنـه كـل الـدروب

قال عبدالله بن دهيمش بن عبار رداً على عبدالله الموسى الخرشاوي : 943

يا أبو فهد دام عـزك عشت يا راعي الحميـه
كـل مـنـطـوقـك تـمـام وأنـت رجـّال محسوب
كـل مخـلص للقبـيلـه فـزعـتـه يـالـقـرم لـيـه
وأنت تدري كل باطـل صاحبـه دوم مغـلـوب
من فضل مولاي مجهد وأكتب أمجاد السميه
لـو تـشـدّق بـالـمـجـالـس كـل هــّذار وكـذوب
يا أبـو فهـد مـا نلـوم الـلي مقـاصـدهـم رديـه
ما يهم الهرج الأجوف من بعض عوج الدروب
من تجمّع في ضميره طبع حسد وشين نـيـه
ما يقول أدخل على الله ولا يعرف نفض الجيوب
بـارعـيـن بـالـمهـايـط والـنـوايـا شـقـلـبـيــه
كل منهم يحسب أنه عن بـني جنسه يـنـوب
الردي لـو عد نفسه مثل الـلي حمى ضريـه
الزعيم أخو المهلهل أو مثـل شيخ العتـوب
يدركون الناس وصفه بالشبـه مثـل الحطيـه
مشتقي بعيوب غـيـره والبـلا بـه والعـيـوب
خـاب مذموم السجايا صاحـب النفس الـدنيـه
من عمل معروف يمدح والردي دوم مهـزوب
بالـرجال أنـذال وأيضاً فيهـم شخوص شفيـه
وفيهـم هدوس وزلايب كنهم بالوصف عـوب

قال الشاعر عبدالله الموسى الخرشاوي هذه الأبيات يسند على زميله عبدالله بن دهيمش العبار : 944

يا أديـب القبيلـه يا عـزيـز الجـنـاب *** عطني علـوم حالك يا عساها بخيـر
لـك مكانه عزيزه لـو يطول الغيـاب *** يشهـد الـلـه عـليها ساكنه بالضمير
اسعـد الله صباحك بالأجـر والثواب *** وبارك الله جهودك يالحسام الشطير

قال عبدالله بن دهيمش العبار جواب لزميله عبدالله الموسى الخرشاوي : 945

يا أبو فهد هلابك عـد قطر السحاب *** من مناشي غمامه هل وبله غـزيـر
ياصدوق المشاعر جاك رد الجواب *** عبـر عجل الوسايل مع نفيح العبير
أبشر أني بعـز وخيـر والوقت طاب *** وأحمد الـرب سهّـل كـل أمـر خطير

وقال عبدالله الموسى الخرشاوي هذه الأبيات يسند على عبدالله بن عبار : 946

أحب ربـي عـظـيـم الـشـان وأجـلـه *** فضايـلـه مـا تـعـد وكـيـف نحصيهـا
أجل نـعـمـه وهـبنـا الـديـن والمـلـه *** من أمـة المصطـفى للـحق هـاديهـا
يا فخر وايل عـريب الساس عبدالله *** مهما مدحتك أفعالك ما أقدر أوفيها
قطفـت أزهـار المـراجـل كنـهـا دلـه *** ومديـت فنجـالهـا لـلي طـمع فـيـهـا
منظـوم شعـرك بـه التاريخ ما أملـه *** أخبار ناس مضت لولاك ما أدريهـا
يالجهـبـذ الـفـذ يـا حـامي عـريـنـلـه *** يالوابل الـلي همـل وأنبت قـوافيهـا
الوصف كايد وسامحني عـن الـزلـه *** بك أنظم أبيات فـيها النفس أسليها
ريان جنـة عـدن صومك لـك يـدلـه *** وفي ليلة العيد ضاعف لك حسانيها

وقال عبدالله بن عبار هذه الأبيات رداً على عبدالله الموسى الخرشاوي : 947

يا أبـو فهـد الله يجيرك عن العـلـه *** مولاك نفسك على الأيمان قـاديها
عادتك من طلعتك ما ترافق الشله *** هل الطغى والغوى حاشا تخاويها
على الفخر والنقا وقتك مضى كله *** وعـن الخطـا كلمتك دايـم تـنقيهـا
الطبـع يا مسنـدي بالعـالـم اجبـلـّه *** والـلي يريد العـلا يصعـد عواليهـا
شرواك فيه أعتزي ولاالردي خله *** أزله خشاش البشر ماني معابيهـا
من خط حرف الغلط نرميه بالسله *** لو شفتها أطشها وأقلع مضاويها
طبعي حليف الردى ما أرافقه لـلـِه *** والفعـلـه الطيـبـه أفخـر بـراعيهـا
قلته وعقد البلش عند الولي حـلـّه *** مولاي رب المـلأ والخلق باريهـا

هذه أبيات قالها الشاعر عبدالله الموسى الخرشاوي مشكوراً ينوه عما
سمع من كلام ويتصدى بحزم وصدق : 948

يا أبـو مشعل شفت نـاس بهـا عـلّـه *** عـلّـة يـبـحـل طـبـيـب يـداويـهــا
الـحسـد والبـغـض بقـلـوبـهـا كـلـّـه *** منتشر من روسها الـيـا مواطيهـا
كـل خـبـل ضـايـع حـط لـه شـلّــــــه *** ضـيّع سـلوم الـرجال ومـعـانيـهـا
تـرثـت آدم كـنـهـا الـيـوم عـقـبـلـــه *** نـاس يرفعـهـا ونـاس يـوطـيـهـــا
وعـابـر عـبّـار والـعـقـب عـبـدالـلـه *** شجرة الويـلان بالأرض يسقـيهـا
وأخضرت بأغصانها وسط خلق الله *** وكـل عاقـل يـفتهـم معـتـني فيهـا
والـسـلام خــتــام يـا مـبـهـّـر الـدّلـه *** جاز لي طاروقها وقمت أجاريهـا

فقلت هذه الأبيات مجارة لأبيات الأخ عبدالله الموسى : 949

يـا نـديـبـي رح لأبـن وايــل وقـلّـــه *** جتني أبـياتـك عسى الـلـه يحييها
قـاف اللي مثلك يا أبو فهـد ما مـلّـه *** أعتز وأفرح بها مـن عـز راعيها
يـا أبـو فهـد لـو يقـول الـردي خـلّـه *** ما يعـوق الـلي بعيـده هـقـاويـهـا
معي الـلي يشبح عـلى عـالي التـلّـه *** وضدي اللي شبحها في مواطيها
الصـديـق الـلي تـجـاوز عـن الـزلـّه *** ومن بلي بالحقـد يفـرح بطاريهـا
كل شخص يا أبن موسى لـه اجبلـه *** ومن تـطـبّـع عـادة مـا يـخـلـيـهــا
مـن يـولـع شعـلت الـشـر بـالـجـلــه *** نـار حسـده بجوفـه مـن يطـفـيهـا

قال الأستاذ عبدالله الموسى الخرشاوي هذه الأبيات يثني على الشيخ
محمد بن عيّاد الخرشاوي ويثني على سكّان البطين : 950

فـكـري يـحـوم ويـعـتـلي بالمـراقـيـب *** يبحث عن العليا على كل عالي
جـاني يقـول أهـل الكـرم والمواجيب *** يا كثرهم وسط البطين الشمالي
عـربـان مـن كـل القبـايـل أصاحـيـب *** الكيف طايـب والشعر لـه مجالي
وقـررت أسافـر يمهـم دون تـرتـيـب *** وأدخل مجالسهم على ما بدالي
ركبت أنا الفرت الرصاصي ولاهيب *** قطع الفيافي وما طرالي جـرالي
مـشيت مـن بـعـد التقـاطع بتهـذيـب *** ودخلـت دار المرجلـه والمعالي
من أجل ذكره قلت أنا حظي مصيب *** بـأبـو عـزّيـز افخـروا يا عـيالي
وأنـا بـداره كـم سمعـت التـراحيـب *** في بـيـت دايـم مدهـل للـرجـالي
أعـني محـمـد شيخنـا منبع الطيـب *** هـو درعنـا في مظلمات الليالي
الشيخ أبـن عـيّاد ريـف الأصاحيب *** أطلب عسى يحميه عـز الجلالي

قال عبدالله بن دهيمش بن عبّار هذه الأبيات مجاراة لأبيات الأستاذ عبدالله الموسى الخرشاوي : 951

يا أبو فهد حييت يا طـاهـر الجيـب *** يامرحبا اعداد الحصى والرمالي
احسنت بالمنطوق وأعربت تعريب *** قافـك كمـا العـذب القـراح الـزلالي
مدحت شيخ ما سلك مسلك العيـب *** أبـو عـزيّـز مـن ابـعـاد الــمـدالــي
مضّى زمانه في رياض المحاريب *** يطمع بلطف اللي على الكون والي
بـيـن المنـابـر والـدلال المحاديـب *** يـشهـد لـه المنـبـر وصفـر الـدلالي
له قـدر مع ربعه وعند الأجانيـب *** عـنـد الـقـرايـب والأجـانـيب غـالـي
من مقتبل عمره اليا منبت الشيب *** يـثـني عـليـه الأجنـبي والموالـي
وأنجب صوارم من حداد المخاليب *** والنعم والـلـه في جميع العـيـالـي
الكـل منهـم فـاز عـقـب التجـاريـب *** بالطيب فـازوا والعـلـوم الجـزالي
خلفة حمايل ينطحون المصاعيب *** الـطـيـب لـلـخـرشـان أول وتـالـي

وهذين البيتين قالهن الأستاذ عبدالله الموسى الخرشاوي عندما شاهد
زميله عبدالله بن عبّار على شاشة قناة ديوان العرب فقال : 952

أخبروني يا جـماعـة مـا فعلتـه هـو يجـوز
هـو يجـوز الـلي نـعـزه بالقـنـاه نـقبـلّـه
قالوا أن الحكم واجب لا ظهر درع العنوز
كـلـنـا نـقـبـّل جبينـه وأنـت لازم تـفـعـلـه
فقلت شاكراً الأستاذ الفاضل عبدالله الموسى :
يا أبو فهد دام عـزك دوم بالجزلة تـفـوز
تكسب علوم الفضيلة والصخى والمرجله
من يقـدرنـا نعـزه ومن لـه العـز معـزوز
والصديـق الـلي يـقـدر نعـرفـه ما نجهلـه

هذه الأبيات للشاعر عبدالله الموسى يسند على عبدالله بن عبّار فيقول : 953

طير الفـرح فـي خـاطـري يـوم غـرَّدت*** غـرِّد نغم فـرحة شعوري قصيدة
اصـدح بـعـالي الصوت ياناس ورَّدت *** للي يبي التمجيد طبعة جديــــدة
تأليف ( ابن عبـار ) بـه الحـق جـرَّدت *** نسَّاب كسَّاب العلوم المـفـيــــدة
يا من على زيف الحـقائـق تمـــــرَّدت *** ذا سيفـك البتار صافي حديــــــده
سلِّه عليك (الـوايلي) يـوم صـــــرَّدت *** يدمغ به الباطل وربي عضيـــــده
تسلم يا (ابو مشعـل) لـك الله تـفـرَّدت *** من فوق هامة كل راسٍ عنيــــدة
جـودك ومـجـهـودك ولـلـخـيــر أرَدْت *** بذلتهـم وأحصيـت نـاسٍ بعيـــــدة
قولك صواب وعـن التحـيـز تـجـرَّدت *** حـياة أبـو مشعـل عـساها مديــدة

جواب عبدالله بن عبار رداً على عبدالله الموسى : 954

حيـيـت يالـلي بالـقـوافـي استطـردت *** أنـت الرشيد اللي عـلومك رشيـده
سبّاح لـو خضت البحـر مـا تصّردت *** ولا تـنطـق ألا بالـعـلـوم الأكـيــــده
يـا أبـو فـهـد مـانـي لـعـنـّاز شـردت *** جمـعـت بالـمـظـمـون كـل الـبـديـده
مجهـد لجمع الشمل مـا يـوم فـّردت *** بـين الـقـبـيـلـة والـضمـايـر وديـده
لـو كـان بسيوف الحنـاجـر تسردت *** الـكـذب يـاقـف عـنـد حــّـده ومـيـده
مشيـت مـع درب الحقيقـة وعـّردت *** امشي بـرأي الـلي اريـاهـم سـديـده
لوجيه من يبحث عن النقص بـرّدت *** بالكـتـب الـلي لعـيـال وايـل فـريـده
شليـت يـمنـا الـلي شنـاني وحـردت *** وبـادت زنـود مـدوريـن الـمـكـيــده

قال عبدالله الموسى الخرشاوي : 955

الكلام يتــزاحم فـــي خفـــوق وسيـــع *** جال بيـن الحنايا تسمع التمتمــه
قلت ما ني مبين قال ما ني مطيـــــــع *** اكتـب الـلـي تـريده لا لا لا تكتمه
الحزن وسط قلبــي من كلام شنيــــــع *** من حسود حقود منخدع بقلمـــه
ما تدارى لحظــه سب حصــن منيـــع *** ما تجيه المذمة لا نـذوق عـدمــه
بين كل القبايـل بــه فخرنـــا جميـــــع *** زان وسط المزاين شامخ بكـرمه
فرق بينــه وبينــه بالقـــدر والصنيـع *** سيرة الشيخ نور وسيرته مظلمه
يا شيخ هزاع قدرك دوم عالي رفيـع *** عـزتـك وســط قـلـبـي ربنا يعلمـه
وكان هي بالشهامة والكلام البديــع *** واجب اسكت وغيري واجب اقدمه
القبيلة فخرهــــا بالكريم الشجيــــع *** (درع وايل) تنهض ربـنا يسلمــــه
ابتدأ بالنصايــح والكلام السنيــــــع*** الله اللي أعـــزه والحسود ألجمـــه
يوم غيره تلفظ بالكلام الوضيـــــــع *** ثابـت بالمباديء مـاتـزل قـدمــــــه
أشهد إن القوافي لا بو مشعل تطيــع *** رد قولـة(حسود) وسطر الملحمة

جواب عبدالله بن عبّار على أبيات الأخ عبدالله الموسى الخرشاوي : 956

يابو فهد تعيش وجاك ردي سريـع *** من قريض القوافي كالقراح طعمه
بالخطأ ما نجاري من فـواده وجيع *** لكن الحيص يجزع من قراد حلمه
الحكيـم المحـنـّك بالخـطـأ مـا يـذيع *** وأن تعـّدى خصيمه هجّده واكعمه
الشعر اللي قـريتـه بالنوادي أشيـع *** لفظ منطـق بشيّـر سجلـه من فمه
يزعم أن المطوطح خلا ذيبه مجيع *** عنده الذيـب جايع ما عطـاه لحمـه
لكن الذيب هيّص بين قمـرا وربـيع *** وأبتهج كل راعي لا يحوف غنمـه
يـوم خطـات تـاجـر بالفطانـه لكـيع *** لو يزوره مسيّر بار بـه ما احشمه
بس يجـمع دراهم بالشرا والمبـيع *** ناشف جلد وجهه تقل لـون رضمه
مـا تكفـل بـرمـلا ولا يـتيـم رضيع *** ولـو تـنصّاه مغـرم حـقّـره واشتمـه
أبو فهد شرالـه مـن حـلالـه قطيع *** ويوم شيّد خيامه من نصاه اعـزمه
شاد صيوان ضوّه بالدجا له لميع *** ومن قـلط فـي محلّـه شاهـدٍ بكرمـه
الرجال اعرفوه وجوه مع كل ريع *** بالنـفـايـل بـداه وبالجـميـل اخـتـمـه

وقال عبدالله الموسى الخرشاوي : 957

يا المنتدى من حقك اليوم أعايدك *** واجـب عـلي أقـول (عيدك مبارك
يا كثر ما أسعدتني في جدايــــدك *** واللي يضيع بعـلـم الأنساب زارك
نقاش علمي مع بحوث وقصايدك *** ومن شاهد علوم الرجاجيل شارك
عوايد أصحابك تجمل عوايــــدك *** الـعـز ثـوبـه جـملـوا بــه وقــــارك
هداج تيمـاء كلنـا اليـوم نـــاردك *** وفي كثرة الأعضاء دليل اشتهارك
يسلم أبو مشعل على الخيرقايـدك *** أسس على قول الحقايق جــدارك
معه رجال هم ذراك وسنايـــــدك *** سـلايـل الأبـطـال يـوم المـعــــارك
هذا معايد (عضو) واجب يعايدك *** يا اللي تشاهدني أنا وســـط دارك
عانقتني وإلا يدي صافحت يـدك *** حقـك عـلي أقـول ( عـيـدك مبارك

الجواب على عبدالله الموسى : 958

يا أبو فهد تسلم عسى الله يسعدك *** لك الشكر يا ريف ضيفك وجـارك
مهـمـا بجـزلات القصايـد أمجـدك *** علم الفخر يا نسل الأجـواد كـارك
أنـت الـذي للطيب عـودك والـدك *** وأنت الـذي تنجح بـوقـت أختبارك
ينسر بـالي يـوم يالقـرم أشاهـدك *** ما خاب من هو يالزميل استشارك
أنت العريب اللي عـريقه بدايـدك *** وأنـت الـذي بالـديـن عـدل مسارك
لي الشرف يالـوايلي فـي تـوددك *** حيث أنت وافي والمراجل اشعارك
نشتاق لـك لا غـبت عنـا ونفقدك *** ونفـرح اليـا وردت علينـا أخبـارك
من جاك ناصي دايم الدوم ياجدك *** بالبـيـت والـدلـه عـلى جـال نـارك
ربك لفعل الخير يالقـرم مـرشدك *** مـولاك عـلاّ قـيـمـتـك واعـتـبـارك

وقال عبدالله الموسى الخرشاوي : 959

تكريم شخصك والله أنـه من الدين *** ومـن لا يـرد الدين والـلـه فشيلـه
يقـوم بـه نسـل الـرجال العـزيزين *** مـن يذكـر المعـروف يوفي عميله
وفي حـفل تكريمك تقول العناوين *** إنـت الـذي كـرمـت كـل الـقـبـيـلــه
جواب عبدالله بن عبار على أبيات الأخ موسى :
سـلام يا نسـل الـرجـال الكـريميـن *** سـلام يهـدى مـن عـديـل لعـديلـه
أبـو فهد معـروف باللطّف واللّيـن *** حـيثـه مـن الـلي يكسبون النفيلـه
من ساس لابه يدحرون المعاديـن *** اليـا تـلاقـوا فـوق بـنـت الكحـيلـه

هذه الأبيات من شعر عبدالله الموسى الخرشاوي يسند على عبدالله بن دهيمش بن عبّار فيقول : 960

لا يهمـــك قول حاسد عــن جهودك *** اللـه اللي حطهــم وأعلــى مكـانــك
ينصفك مـن عـد نفسه من عضودك *** والحسود يمـوت واللـه ما أهانـــك
كان هي بالحق يا مكثــر حشـــودك *** يشهدون إنــك على قمـــة زمانـــك
شوف نسل شيوخنا ترثــة جــدودك *** يشكــرونـك ربنـا للخيــر أعـانــــك
يا سليـل المجـد يا مــن فـي وجودك *** صنت ما ضينا على العـزة وصانك
أروع الأمـثـال يضرب فـي صمودك *** وأروع الأقـوال مــا خـطــه بـنانـك
الحثالــة ما تقــرب فــي حـــــدودك *** من تخــفى انخــذل واعتـز شانـــك
بالحقايــق دايـــم توثـــق شهـــودك *** تمتطـي للمرجلــة صهـوة حصانك

جواب عبدالله بن عبّار رداً على عبدالله الموسى الخرشاوي : 961

يالكريم الـلي ثـبت طيـبـك وجـودك *** يا أبو فهد عشت وصح الله السانك
الـقـوافي يـا أبـو فـهـد مـا تـكـودك *** تشكر وتبدي عـلى الصاحب حنانـك
بان قصدك وأفتهـم مقصود مـودك *** والكـلام الـلي تـقـولـه مـن أحسانـك
الـكـلام الـلـي سـمـعـتـه لا يـكـودك *** طقـطقـه تشبـه عـلى رقـع التـوانـك
قـلـت للغـلـطـان لا تـفـسّـر زنـودك *** ولا تـومـّي لـلـزبـايــن فـي أردانــك
أنـظـر الكتّـاب وش قـالـوا بعـودك *** يامن على صاحبك تضرس اسنانـك
يالمحـرّض كـف شرك دون فـودك *** قـلـت هـرج الـزور والتعبيـرخـانـك
الـرجـال الصيد ماهـم مـن جنـودك *** كـل وافـي مـن ضـنـا عـنّـاز دانــك

قال عبدالله بن دهيمش بن عبار هذه القصيدة يسند على صاحب السمو
الأمير عبدالعزيز بن سعد بن جلوي آل سعود حفظه الله ورعاه : 962

بديت ونظمت القاف بسم الـلـه الرحمن
ولـي الـخـلايـق مـالـك الـمـلـك سبحـانـه
برب العبـاد أعـوذ مـن نـزغـة الشيطان
عـزيـز الجـلال أطمع بعفـوه وغفـرانـه
أصوغ المعاني وابـدع الشعـر والقيفـان
أجـنب ضعيف القـول وآخـذ من سمانـه
بيـوتـي منقـحـها عـن الـزود والنقـصـان
ولا خـيـر بالـلي مـا حـفـظ منطـق لسانـه
قرايض من افكاري كما الدر والمرجان
تـوجّـه مـع ورود الخـمـايـل وريـحـانـه
لعبدالعـزيـز الـلي بعـلـم الفضيلـه بـان
سعيف الـذي فـيـه الـزمـن مـال مـيـزانـه
أبن سعد معروف قـدره رفـيـع الشان
مـقـر الحـمـيـة فـي ضـميـره اوجـدانـه
عرف بالتواضع صاحب الجود والإحسان
لطيـف الـنبـا يـكـرم ضيـوفـه وجـيـرانـه
يقيس الرجـال وينتقي منهـم الصدقان
ولا يصادق الـلي طبعـهـم غـدر وخـيـانـه
من العـزوة اللي تنبذ الظلم والعـدوان
حـمـات الشريعة نصرة الدين واعـوانـه
سيوف العدل تردع هل البغي والطغيان
مـصـالـيـت ضـد الـلي يـمـاطـل بـديـانـه
كما الحيد اللي عن قمته تقصر الضلعان
منيع الـذرى والهـوج مـا هّـزت أركانـه
أسود الوغى لا جالت الخيل بالفرسان
لـيـوث المعـامع كـان خاضوا بمـيـدانـه
حفيد جلوي منسوب من مقرن ومرخان
مـريـدي عـريب وعـزوة سعود جـدّانـه
كما الصيرمي مجناه مـن مـاكـر العقبان
قـطـامي نـوادر عـالـي الحيـد مسكانـه
نويت اسند المعنا على صفوة الشجعان
مـلاذ الـدخــيـل الـلي لـجـأ لـه ومـزبـانـه

وقال الشاعر الرجل الفاضل عبدالله الموسى الخرشاوي هذه القصيدة مجاراة لقصيده
زميله عبدالله بن عبار المسندة على سمو الأمير عبدالعزيز بن سعد بن جلوي : 963

سـلامــي وتـقــديــري إلــى مـنـتـــدى الـويلان
عـلــى صـفـحــة الـمـوقــع تـغـنيــت بـألـحــانـه
ألا يـا حـروف الـشعــر ثـــوري كـمــا الـبـركـان
و صـبـي عـلــى الـمـيــدان مـن فـيــض نـيـرانــه
سـمـعــنا كــــلام اللــي تـجنــى عـلـــى الـعـربــان
بـعـــــده شـكـيـــــت الحـال لـلـه سبـحـانــه
نـاس(ن) عـلى كـيفـه تـبـي تـغــيـر الـجــــــــدان
وهـو لـو نـشـدتــه مــا عــرف بـعــض جــدانــه
خـذيـنــا مــن الـتـاريــخ مــع دورة الأزمـــــــــان
وعـرفـنــا نـصـيــر الـحـق يـا كـثــر عـدوانــــــه
أكـيـد الـمـسـبـة لا لـفــت مـن صـغـيــر الشـــــان
شـهــادة لـمــن سـبــه بـهــا يـعتــلي شـــانــــــه
تـرى الـكــذب و الـتـحـريـف مـا يـغيـر الـعـنـوان
اذا صــار عـنـوانــه مـثـبــت عـلــى أركـانــــــه
قـول(ن) بـلا بـرهـان عـيـب (ن) عـلـى الإنســان
وأنـا أقـول قـولــي و اتـبــع القــول بـرهــانــــه
جـهـودك يـا ابـو مـشـعــل لأمـر الـقـبـيـلــة بـان
ولا يـنـكــر الـمـعــروف يـا كــود خـوانــــــــــه
تـرجـع لابـن يـاقــوت فـي ( مـعـجــم الـبـلــــدان
و( ابـن الـمـقــرب ) قـريــت بـشــرح ديــوانــه
و الا ( المـبـرد ) ذكـرتــه فـي نـســب عـدنـــــان
و( لـب الـلــبــاب ) يــنـومــس فــيـــه عــنوانــه
و ) الاشـتـقــاق ) اللـي تـكـلــم عـن بـنـي هـــزان
لـ ( ابـن دريــد ) اللــي ذكــر بـعــض أوطـانـــــــه
و ( الجوهــرة ) فــي نـسـب سـيـد ولــد عـدنـــان
مـع ( طـرفـة الأصـحـاب ) و( كــتـاب بــدوانــه )
و( ابـن بـشـر) و( العـجـالـة ) لابـن ابي عـثمـان
مـع ( العـبــر ) و ( القـلائـــد ) كـلهــا دانــــــــــه
جـمـعـت ( الـدلائــل ) جـمـعـة الـعـرف بالـمـيـزان
جـزاك الله يـا شيـخ(ن) عـلـى الإحسـان باحـسانـه
ولــو قـابــل الـمـجـهــــود الـبـعـــض بـالـنـكــران
نـبــي الـهــدى قــد كـذبـــه بـعــض عـمــانــــــــه

أبيات من نظم الصديق الوفي عبدالله الموسى الخرشاوي الولدعي بمناسبة افتتاح حسابي في تويتر : 964

هذا الحساب الـلي يسمّى لـه حساب *** حـسـاب الـلي مـجـده رقـا لـلـثـريـا
مجد القبيله عـنـد الأدنيـن واجـنـاب *** شــمـخ بــذكـره والـدوافـع حـمــّيـا
واللي يـبي تاريخ مع عـلـم الأنساب *** بـحـساب ابـن عـبـار كـلّـش تـهـيـا
يشهد له القاصين من قبـل الأقـراب *** ومـن يـنكـر المعـروف الحـق عـيـا

قال عبدالله بن دهيمش بن عبار هذه الأبيات مجاراه لأبيات الأخ عبدالله الموسى الخرشاوي : 965

يا أبو فهد مشكور يا عـز الأصحاب *** تعـيش يالـلي بلـفـوة الضيـف حـيـا
حـيثـك فهيـم وتفـتهـم كـل الأوجـاب *** مـا عـنـك يـا ريـف الـرفـاقـه كـنيـا
دوّنـت تـاريـخ الحواضر والأعـراب *** الـلي شـمـال وشـرق والـلي هـنـيـا
والناس فيهم بالشّبه صقـر وغـراب *** وفـيهـم يـا أبـو فـهـد كـذلـك حـديـا

قال عبدالله الموسى الخرشاوي عبر تويتر يثني على زميله عبدالله بن دهيمش بن عبار : 966

غـرست بقـلـوب الـرجاجيـل مـقـدار *** واليوم تجني يأبيض الوجه غرسك
هـداج تـيماء من بـغى العـلم صـدّار *** يمّـك ويـروي من قـراحـك ودرسـك
الـلـه يـعـلـي منـزلـك والـي الأقـدار *** والـلـه بعـينه يا أبـو مشعـل يحرسك
قال عبدالله بن عبار جواب لأبيات عبدالله الموسى :
يا أبـو فهد من جـزل الأشعار تختار *** تـكـتـب عـذيـات القـوافي بـطـرسـك
عسى يفـداك الـلي للأصحاب عـقّـار *** لاغـبت هـمّـه بـس طعنـك وهـرسك
مـا يجـحـد التاريخ مـن قـدم الأدوار *** عـربـك تـدري بالحـقـايـق وفـرسـك

قال الشاعر عبدالله بن موسى الخرشاوي أبو فهد هذه الأبيات يثني على
زميله عبدالله بن دهيمش العبار : 967

من منطلق ذكر الجميل الشعر لحضوره مجال
( الشعر ديوان العرب) يحفـظ عـظيم فعولهـا
أسطّر أبيات الوفاء بأهل الوفاء و أهل الجَلال
الـلي إذا قـالـوا وفـوا و المـرجـلـة فـزّوا لهـا
سلام يا ذخر عنزة في وجه عسرات الليــــال
ثـنيـت رجـلـك دونـهـا و النـايـفـات تطـولـهـا
سلام يا فخـر عـنـزة بيـن القبايـل و الـرّجــال
دوَّنـت ماضي وقـتـها بـوديانـهـا وسهـولـهـا
سلام يا شهـم عـنـزة ذكـَرْت وافـيـن الخـصال
مـا كـأنّـك ألا بـيـنـهـم فـرّيـسـهـا و خـيـولـهـا
سـلام يـا ابـن عـنـزة بالـبـِرّ مـا جـالـك مـثـال
بـرّيـت بجـدودٍ مضـوا بفعـولهـا مـع قـولـهـا
عـنـد العـرب قولٍ قديم (ما للثقال الا الجمـال)
الـلي ينومس فعـلهـا و ان درهمت بحمولهـا
ما هي غريبة وقفتك يوم الدهر و الوقت مال
مـورَّثٍ فعـل الجـميل و المرجـلة لـزحـولهــا
(فدعان) من يوم العـرب دايم مواقفهم جـزال
سيـرة مصـوت بالعـشاء تحـدرت بـسيـولـهــا
وان حلّ ذكـرٍ للعطاء يـوم العطايا راس مـال
عطية غبين اعـتلـت و لا احـدٍ يقـرّب حولهـا

رد عبدالله بن دهيمش بن عبار على عبدالله بن موسى الخرشاوي : 968

يا أبـو فـهـد يا مسندي جتـني بيـوتـك والمقـال
تجلي عن النّفس الكدر في حين ضيقت جولها
رسالتـك نـفـرح بهـا فـرح الهـجـافـا بالخـيـال
لاهـل وبـلـه وانـهـمـر يـمـلآ طـمـان دحـولـهـا
يا أبـو فهد قلبك نقي أصفى من العـذب الـزلال
مامن جـمايـل بيننـا وأنـت تعـرف مـدلـولـهـا
لاخيـر بالـلي يعتذر للصاحب ما يرفى الخـمـال
ولا خيـر بالـلي عـزوتـه يفـرح بفتق خـلولهـا
تـسهّـلـت يا أبـو فهـد بالحـل لا يـوجـد محـال
وحـنـا بـدولـه عـادلـه تـتبع منهـج رسـولهـا
يا أبو فهـد وقـت اللزوم عـليـك بعـيـال الحـلال
وأبعـد عن عفون العـرب لا تشتكي لخبولهـا
علم الفخر والمرجله يا أبو فهد صعـب المنـال
ومن لـه وجاهه بالسعي كـان اجتهـد يـنولهـا
يوم أنتخى القرم النبيل وهو بالأجازه لا يـزال
جاء للدوام وهو مجاز قال ابشروا بحلـولهـا
ولاهي غريبه فزعته عـادت عمامه والخـوال
الـربعي نـعـم بعـزوتـه تفخـر بطيـب أصولهـا
عـاش سليمان المحتـرم قام بواجبنا بالكمـال
عسى يفداه أهل الجحود اللي الردى بحثولها

قال عبدالله الموسى الخرشاوي هذه الفصيدة يثني على أبن عمّه فهد بن محمد الخرشاوي : 969

قبـل غـروب الشمس و الجو بـه نسناس
عـلى جـال نـار(ن) ترتكي فوقهـا الدلّـه
وشوف النياق اللي ملكها عريب الساس
وحضور الرجال الـلي بها الخاطر يدلِّـه
سجّـت هواجيسي و انـا اكـرِم الهوجـاس
واطلـق سبوقـه فوق ضلعان(ن) مطـلّـه
جــزل القصايـد صيـد و يصيدهـا قـرناس
وترسل لبيت (ن) الرجاجيل مدهـلّ لـه
تاصـل (لابو محمـد فهد) كاسب النوماس
راع الكـرم و الطّيـب يشهـد لـه سجـلّه
كتبــت القصيدة حـب ومعهـا طناخة راس
تـنـومسني أفعـالـه مـعـه كـانـهـا ظـلّـه
يـا مــا علــى الترحيـب هــلّا بـدون قياس
يــردد الـتــرحـيـب و حـجـاجــه يـفـلّـه
يامـا جمعنــا عــّز معهــا كـــرم واونـاس
ومـن بـيـنـنـا يـمـنـاه بالطـيـب مـبـتـلّـه
ويـا مـا لقينــا نـاس و الدِّيـن هـو مقياس
تلفي عليه أفواج قدر(ن) وحب(ن) لّه
ويـا مـا سمعنـا شعـر بمجالـس الجـلّاس
ويـا مـا ذكـرنـا قـول خيـر البشـر كـلّـه
صحيح الكرم موروث و العرق به دساس
مـن ماضي الخرشان غيـوم(ن) مهلّـه
وكـل القبايـل فيهـا كـرم و طيــب اجنـاس
واسـأل إلــه الـكــون يـجـنـبـني الـزلّـه

قال عبدالله بن دهيمش بن عبار هذه القصيدة مجاراة لقصيدة عبدالله الموسى الخرشاوي : 970
بديت وتهيّض من صدى فكـري الحسّاس
جواب لشعـر قـرم (ن) يفاخـر بربعـلّه
كلام (ن) لأبـو فهـد قـريته يـزيـل عـماس
عماس الذي يبحث عن الكيف والفـلّـه
بـدأ بـوصـف مجلس مـا تربّع بـه البلاس
حليف الـرّدى واللاّش ما يقربه لـل لـه
مجلس فهد ما ظم زمرة غوى واخساس
مجـلس نـقـا مـا يـوم بـه تجتمع شّـلـه
فـلا طـبّـه الخايـب ولا الهـيس والـهّـلاس
قريب (ن) من البل شيده في هاك التلّه
كريم (ن) وبه عاده لجـزل الطلي هـبـّاس
وفـي كـل لـيـلـه مجـلسه فـيـه تـعـلـلّـه
ونعـم بسلـيـل مـحـرّق الـبّـن بـالمحمـاس
محمد أبـوه الطيب سلمه وطبع (ن) له
مـحـمـد وجـاره كـل لـيـلـه بـه الـمقـبـاس
من جـذور الأرطى ما أوقد النار بالجله
ترى صاحب التقوى تحبّه جميع الـنـاس
محمـد عشير الضيـف والجـار مـا مـلّـه
أبـو عبدالعزيـز بـوصفـه عـديـم اجـناس
طـلـبنـا الـولي عـساه بالـعـمـر يـمـهـلـه
ويوم الزمان الـلي نجح بـه قـوي البـاس
حفـيـد الـذي ما يطـري الخوف والـذّلـه
الخرشاوي تعـرفه قبايـل وهـب وجـلاس
بـعـلـم الـفـخـر تـاريـخـهـم كـلـن يـدلــه

وقال عبدالله الموسى الخرشاوي هذه الأبيات : 971

مجاراة أبـو مشعل لي تـاج فـوق الـراس
وشـلـون وأن جـتـني من القـرم عبدالله
افـخـر بـهـا واشوش واقـول أنـا يا نـاس
عـبـدالـلـه الـعـبـار لـبـسـنـي الـحــلّــــه
يـسلـم أبـو مشعـل شـعـره درر والـمـاس
فـي مـركـز الـويـلان لـه مـركـز احـتلّـه

قال الشاعر الأديب عبدالله بن موسى الخرشاوي أبو فهد هذه الأبيات : 972

مـا التـفـت لضعونهـم يـوم يـقـفـون *** ولا اضحك على طيحاتهم يوم دوَّن
مسلـم ومثـلـي نـاس لـلـه يـخافـون *** واثق من الخطوة ولا اعرف أخوّن
صاطي لقول الحق وابليس ملعـون *** احـفـظ لسانـي لـو حـروفـي تــروّن
يزداد غيض اللي على الخبث يمشون *** وازداد فـيض مـن المعـاني وادوّن
مثـل الزمّل الـلي عـلى العـدّ يـردون *** بـنـات فــكـري لـلـشـدايــد تــقــوّن
اكتب شعـر اكتب ادب اكتـب شجون *** هـادي ولـو اسـمـع ذيـابـه يـعـوّن
بيـاض خطّي بالـورق نـاصع اللـّون *** عـلـى الـمبـادي مـا اعـرف اتـلـوّن
بصراحتي كأني امـلـك عـلى الكـون *** ولا هـمّني طـعـناتهـم وش يـسـوّن
تقـول هوّن قلـت أمشي عـلى هُـون *** يـمكـن أهـوّن بـس مـا اقـدر اهـوّن

قال عبدالله بن دهيمش بن عبار هذه الأبيات مجاراة لأبيات الشاعر عبدالله الموسى الخرشاوي : 973

يا أبـو فهـد مـن ربـنـا نـطلب العـون *** الـلـي بــسـت أيــام لـلـكــون كـوّن
جاريـت منظـومـك وأنـا منك ممنون *** حيثـك مـن علـوم الفضيلـه تـمّـون
من أعتـدل سيـره له النصر مظمون *** لـو الحيـايا فـي مـحيـطـه تــطــّون
الـحـمـد لـلـه بـه شـريـعــه وقـانـون *** شعـن مـصابـيح الـعـدالـه وضـوّن
يالقـرم كـل الـنـاس بـالحـق يـدرون *** لـكـن شيـاطيـن البشـر لـهـم غـوّن
لاشـك لا تشـره عـلى أنذال وعفون *** جليسهـم الـلي بالـبـيـوت أيـتـحـوّن
يـا أبـو فهـد أهل الحسد لو يلومون *** الـمـجــد بـصـفـاح السجـلّـه مـدّون
ودنياك مـا دامت لكسرى وفـرعون *** أهـل العقول الـلي مـن الدين خـوّن
بالناس مـن يملك عـلى مال قـارون *** وبهـم الـذي طول السنيـن أيـتعـوّن

من شعر التصدي للحمله المغرضه قال عبدالله بن دهيمش بن عبار : 974

يالـلي مـديـحي للمـنـاعـيـر يـقـهـرك *** تشمت وعن قول الحقيقه عماوي
قل لي وش اللي من التغاريد حيّـرك *** مجـد عـنـزه ماهو ظنون وهقاوي
لـجـولـهـم أرمـن ولـجــولـهـم تــرك *** وحـتّى الخديوي جالهم والطحاوي
ومن جالهم يـوم القبايـل لـهـا عـرك *** يـأمـن ويسلـم مـن جميع البـلاوي
لـو تنشـد التاريـخ عـلمـك واخبـرك *** تـاريخـهــم يـرويــه راوي لــراوي
مـن الـذي يـا تـايـه البـصـر عـيّـرك *** بأسباب فـعـل مـزبـنـيـن الـجـلاوي
كان أنت مدرك ميّـز العيب واشكرك *** وأعرف من الـلي حرفوّا بالعزاوي
العـابـث الـلي كـان يطـعـن بمنحـرك *** جـداه هــرج الـبـلـبـه والـشـكـاوي
لـولا الغـيـور وفـاهـم العـلـم حـررك *** حطّـوك لحقه مثل وصف الفـداوي
يالوافي لربعـك عسى الرّب ينصرك *** أهـل صهـاوي من قـديـم وقـهـاوي
أتـرك اشبـاه الـلي تقـاقي لهـا كـرك *** وأقـر الفـخـر لا تـقـتـنع بالحجاوي

قال عبدالله بن موسى الخرشاوي أبو فهد هذه القصيدة مجاراه لقصيدة
زميله عبدالله بن دهيمش بن عبار : 975

دام الـرجـال الصِّيـد بالخيـر تـذكـرك *** يكـرم جنابـك عن غـلط كـل غـاوي
يا الحـر يا الـلي بالشواميخ ماكـرك *** لا تـلـتـفـت لـلـي بـطـبـعـه دنـــاوي
عـلى القبيلـة والجـزيـرة مـفـاخـرك *** هـداج تـيـمـاء بـالمـفـاخـر رهـاوي
مـن تـاه مـنـا بالنـسب لـك تـنـحـرك *** إرث القبـيلـة فـيـك يـرقـى سمـاوي
ابي انصح الـلي جـاهـلٍ فـي مآثـرك *** الـعـلــم قـالــوا لـلـجـهـالـة يــداوي
وياللي جهلت عن المراجع اخـبـّرك *** إن كان ما فوق الجهل حقـد طاوي
اقـرأ عـن الكافي بـه أشياء تبصّرك *** وتاريـخ نجـد الـلي علومه صفاوي
وعـقـد الـدرر فـيـه الدرر لك تنوّرك *** ولمسالـك الأبـصـار خـلـك قـنـاوي
وتاريخ ابن لعبـون تـاريـخ يـبهـرك *** ولطـرفـة الأصحـاب خـلـك شفاوي
و عجـايـب الآثـار تعـجـب سرايـرك *** والا الخـيـام السـود للنـور ضـاوي
والمؤتـلـف والمختلـف أدركـه درك *** وفـي تحـفـة المشتـاق لا لا تـراوي
و كـتـاب تـاريـخ الـيـمـامـة يـذكّـرك *** وبعـض الحوادث في زمانٍ حداوي
وسمط النجوم اللي به نجوم تزهرك *** وهجرة قبايل والقُـرب كـان نـاوي
واقـرأ عـن الـرحـلات تلقـا ذخايـرك *** وتلـقى بخـوزستـان رجـلٍ نحـاوي
ارجـع و أقـول الـلـه يالقرم ينصرك *** يالـلي على انساب القبيلة حـمـاوي
وعـلى جهـودك اسال الـلـه ياجـرك *** ومنـزلك بالدنيـا والأخـرى عـلاوي
ودام الرجال الصِّيـد بالخيـر تذكـرك *** يكرم جنابك عـن غـلـط كـل غـاوي

عبر توتر ارسل الأستاذ الفاضل عبدالله الموسى الخرشاوي هذين البيتين
بمناسبة فوز بعض الأبناء وتفوقهم يقول : 976
ماهي غريبه نال فن الخطابه *** في مدرسة علم الخطابه تعلّم
عبـدالله العـبـار عـز ومهـابـه *** والكل يسمع لـه إذا هـو تـكلّم
وقال عبدالله بن عبار رد على الأستاذ عبدالله الموسى :
جـاني لطيـف القيل يا مـرحبابـه *** وفكـري لمردود القوافي توّلـم
مرسول من قـرم وعزيـزٍ جنابه *** عبدالله الموسى للأضـداد بـلّـم

قال عبدالله بن دهيمش بن عبار هذه الأبيات من شعر التصدي للحمله المغرضه : 977

يـا جـمـاعـه شـفـت منشـور نـشـر *** بالمجالس والمـواقـع والـقـروب
حـرّفـوا بـأنـساب مسلـم مـع بشـر *** والصقوا في وايـل أبوهم عيـوب
جـدنـا حـطّـوه بـشـر الـلـي حـشـر *** صـاده الجحاف في ديـرة رحـوب
هي نكت من شخص مزّاح وعشر *** أو سـوالـف كـنهـا ريـح الهبـوب
يالـلي نشـرت الخـبـر أسنـد وأشـر *** لـلـمـصـادر لا يـقـال أنـك كـذوب
الـجـد الـلـي كـلـنـا بـنسـلـه خـشـر *** أسد المشهور في شرق وجنوب
قـلـتـهـا والـهـرج بــه لــب وقـشـر *** ومن ترك جـدّه معيّـر ومهـزوب

قال عبدالله الموسى الخرشاوي هذه الأبيات مجاراة لأبيات زميله عبدالله بن دهيمش بن عبار : 978

لا يــحــرّك سـاكـنــك قــول الــدِّشِـر *** الجهـل هـو نهجهم مـن كـل صوب
مـن جـهـل بابـن حجـر و ابن بـشـر *** بالنسب ضـاع بـمـتـاهـات الـدروب
مــا نـصـدق قــول كــذاب وأشِـــــر *** ولا نـصـدق قــول حـاقـد أو لـعـوب
النسـب ثـابـت و نـبـصـم بـالـعـشـر *** ومـن تـجـنَّـى حصًّـل كـبـار الذنـوب
مـن زمـان الجـهـل و عصورٍ قِشُـر *** النسـب مـحـفـوظ والعـلـم محسوب
و فـي زمـان العـلـم مـع دور النشر *** الكتـب صارت عـن الماضي تـنـوب
اجتهـد من هـو بـه الصيـت انتـشـر *** مـثــل ابـن عــبـار فـكـاك الـنشـوب
والبـشـر تـكـذب عـلى خـيـر البشـر *** و دايـم الكـذاب مخـزي و مـعـلـوب

قال عبدالله بن دهيمش بن عبار هذه الأبيات يسند على زميله عبدالله
الموسى الخرشاوي : 979

يـا ابـو فهـد دار البـطـيـن الشـمـالي *** بوجودكـم يا ليتـني وسطهـا اليـوم
حيثـك عـزيـز من الـرفـاقـه وغـالي *** ذكـراك تـبـقى راسـخـه دايـم الـدوم
مـثـل العـسـل عـذبٍ مـذاقـه وحـالـي *** للصاحب احلا من درير ام خرطوم
عـنـدك هـدف بـيـن السماكين عالي *** وحبـل التواصل بيننا لـيس معـدوم
لـو شفتـني غـلطـان تستـر خـمـالـي *** ولا ينكشف مـا بـيننـا سـر مـكتـوم
يـاقـاك ربـك مـن ظــروف الـلـيالـي *** تـعيـش لا ظـالـم ولا قـيـل مـظـلـوم
نفـخـر بـعـلـمـك كـان جـالـه مجالي *** من نسل عود من الرجاجيل زيزوم
وانا اعتزي بـك يا شجاع الـرجـالي *** حيثـك مجـرب مـن مشاكيل وقـروم
في شوف الـلي شرواك ينسر بالـي *** وانت الذي تبعـد عن الشوم واللّوم
حـيثـك مـن الـلي يفـرحـون بقـبـالي *** رب الـمـلأ عـذّاك مـن كـل مـثـلــوم
الـنـعـم مـقـصـوده بـعـيـد الـمـنالـي *** لاشـك نلتـه عـنـد الأصحاب والقوم
عـبرت لـك يالـقـرم عـن مـا طـرالي *** والقـاف يا مشكـاي معـنـاه مفهـوم
اكـتـب عـذيّـات الـبـيـوت الـجـزالـي *** والشاعـر الحسّاس مـا يترك الهوم
ويـن الـذي قـلـبـه مـن الـهـم خـالي *** الكـل فـي قـلبـه هـواجيس وهـمـوم
ويـن الـذي دالـه ضـمـيـره وسالـي *** الـكـل عـيـنـه حـاربـت لـذّة الـنـــوم
مـن فـضـل ربـي مـا عـلـيـه ولالــي *** امشي عـلى منهـج تقالـيـد وسلـوم
قـانـع ومـغـنيـني عـن النـاس مـالي *** الا ولانـي يـا أبـن الأجـواد مظيـوم
مـن فـضـل خـلاّق المـلأ مـا جرالي *** جـايـح ولاني بأمـر مولاي محـروم
سـرت وعـلـى رب العـبـاد اتـكـالـي *** عـز الجـلال الـلي عـلى الكون قيوم

قال عبدالله الموسى الخرشاوي هذه القصيدة مجاراه للقصيدة التي اسندها
عليه زميله عبدالله بن دهيمش بن عبار يقول : 980

اهــلا هــلابــك عــد ذر الــرمــالــي *** واعـداد مـا طشـت هماليـل وغيـوم
واعـداد مـا يـذكـر عـزيـز الجـلالـي *** واعـداد حجاج الحـرم وأهل الصوم
واعـداد مـا تـعـدّ الـبـنـوك الـريالي *** واعـداد نـاس بالوطا وبالسما نجوم
واعـداد مـا يسكن جنوب وشمالي *** من الساحل الشرقي إلى ساحل نيوم
منظـوم شعـرك يالـزميل استوالي *** ومنظـوم شعـري جاك بالخط مرسوم
أقـرأ وأطـوّح غـتـرتي مـع عـقالي *** للشعرحشمه ومرسل الشعرمحشوم
اسندت وأنـت بمـرقـب فـوق عالي *** ولاني من الـلي وقـتها يطيح ويقوم
وأنـا افـتخـر بـك يا بـعـيـد المدالي *** لأنك عـزيـز النفس مـا طبعك الـزوم
صـارت جـهـودك للقبـيـلـه ظـلالـي *** يـلـقـى جـوابـه كـل نـاشـد ومنجـوم
يشهد بقـولي لـك زحـول الـرجالي *** فعـلـك يـنومس كـل راوي وشغمـوم
بالعـلم قـدر الـرجـل عـالي وغـالي *** وراعي الجهل ليله تحاشيف وهموم
والـلـه لـو تـطـلـب حـلالـي ومـالي *** لا أبـيعـهـا لأجـلـك ولا هـمـني سـوم
ودنـيـاك تـالـي وقـتـهـا لـلـزوالــي *** وكـلن عـلى ممشاه والـرزق مقسوم
دنـيـا الشقا تعـطي مع المـر حـالي *** ورحيقهـا يـجـي مـع المـر مـطـعـوم
ان أدبرت تصلى على الناس صالي *** وأن اقـبـلـت تـفـنى وللخاتـمـه يـوم
اسـتـرجـلـت نسـوانـهـا بـالـتـوالـي *** وبعـض الرجال اشوفها دقت وشوم
ولا يـنـبـني بـيـٍت بـجـرف هـيالـي *** وطيـر الـرخم ما يشبه الحـر بالحوم
مـا لـلـثـقـال ألا ظـهـور الـجـمـالـي *** ويجيـب درّات الـبحـر راعـي العـوم
تسعة عشـر بيـت عـددهـا متـوالي *** دونتهـا ولانـي عـن الـزيـغ معصوم

أبيات عبدالله بن دهيمش بن عبار مجاراة لأبيات الشاعر عبدالله الموسى :
عادة أبو مشعل إذا اختار ما احتار *** رأيه سديد وما حياته تمضِّـي
يشير ويشاور طويلين الأشبــــــار *** الكل منهم بالمشورة يرضِّــي
وهذا الدليل إنه وثق بابننا البـــــار *** مشرف قضايا للقبيلة مفضِّي

قال الشاعر عبدالله الموسى الخرشاوي هذه القصيدة يثني على زميله
عبدالله بن دهيمش بن عبار : 981

مع نسيم الصبـح مـن بـعـد الأذكـار *** يـطـري عـلـيـنـا كاسبيـن النـفـايـل
يشـوقـنـي أن جـيـتهـم شـبـة الـنـار *** مجلاسهـم مابـيـن شعـر ومـثـايـل
الـفـكـر يـم ديـارهـم راح مـسـيـــار *** عـن البـطيـن الـيـوم مـالـه بـدايـل
اهـل الوفاء والطيب وافين الأشبـار *** وافـعـولـهـم مـعـدلـت كـل مـايــــل
شروى الأديب الشاعر الوافي البـار *** الـلي احتماهـا عن لهيـب القوايل
عبدالـلـه العـبـار مـن ويـن مـا سـار *** حـرٍ ومـرقـابـه بـروس الطـوايـل
مـا يـلتفـت لـلـي بـهـم زيـغ الأفـكـار *** دايـم مـكـانـه بالصـفـوف الأوايـل
ثبّت لمجهوده عـلى الطرس باحـبـار *** يرجـع لهـا مـن يهتـوون النفايـل
من روض شعره جمّع قطوف الأزهار *** واصـدق دلايـل لـلـقبيلـه دلايـل

قال عبدالله بن دهيمش بن عبار هذه القصيدة مجاراة لقصيدة الزميل
الشاعر عبدالله الموسى الخرشاوي : 982

حييـت يا مـرسـل عـذيـات الأشعـار *** من حسن ذاتـه دوم للصّدق قـايـل
يا أبو فهـد مشكور يا مكـرم الجـار *** يسلـم جـنـابـك يا عـريـب السلايـل
يفداك من هو يجحد الجهـد بأنـكـار *** مـا عـنـده ألا النـمنـمـه والنـقـايـل
راعي الحسد في مهجته ولّعت نـار *** غـدالـهـا وسـط الـحـنـايـا شـعـايـل
شـادوا بمجهـودي نقيـيـن الأسـرار *** ولا عن الـلي يجحد عريب مسايل
والهـايـف الـلـي بالـديـاويـن ثـرثـار *** هـرجه سراب الـلاّل والّـلال زايـل
لي عنـد الـلي مثلك حشيمه ومقـدار *** الـلي يعـرفـون العـلـوم الصمـايـل
أقـولـهـا يـا مـسنـدي سـر وأجـهـار *** خاب وخسر من كان للحقد شايـل
لاشـك مـن دوّر ثـلـيـمـه ومـعـيـــار *** الحـمـد للمـولـى حـصيـلـه فشايـل

يتبع

تابع
السلام عليكم ورحمة الله و بركاته ..الأديب الشاعر النسابة الراوي حافظ إرث القبيلة و ناقل و مجدد أمجادها ..شعرا.. قصة.. رواية.. حدثا ..عبدالله بن دهيمش بن عبار العنزي أبو مشعل ..حفظك الله من كل سوء و رفعك عن كل حاقد و حاسد وأطال في عمرك على طاعته .....هاضني صوتك في القصيدة الموجهة للذين سطوا على شجرة عنزة ..وغاضني الاعتداء الواضح الصريح على حق من حقوقك ..قمت بجمعه و ترتيبه و إخراجه للقبيلة يتوارثه الأجيال جيل بعد جيل .. فجهودك يا أبا مشعل ينصفها المنصفون الشرفاء الأوفياء من أبناء القبيلة ...وغيرهم بل ينصفك كل قارئ حصيف رصيف ..... أبا مشعل الغالي ... القافلة تسير و الكلاب تنبح أجلك الله و أجل كل قارئ لهذه العبارة ...الابن البار بالقبيلة ...لا يخفى على مثلك و مثل من هو بقامتك من العلم والدراية و الرواية و الاطلاع ..لا يخفى عليك كثرة الحساد بطبيعتهم حتى من الأقربين ..فتلك الطريقة دارجة من عهد الأنبياء عليهم السلام ..نوح عليه السلام قوبل بالصد والجحود والرفض من ابنه.. وإبراهيم عليه السلام قوبل بذلك من أبيه ..ومحمد صلى الله عليه وسلم قوبل بشتى الألفاظ و التكذيب من بعض أعمامه ...فتلك الطريقة لا ينكرها أحد الأديب الأريب ... مثل هؤلاء وبشهادة الكثير من المجالس من السماع فيها لجهودك و مساعيك لا ينكر الحاسدون جهودك في داخل أنفسهم..وإن أنكروها كلاما فجهودك كالشمس في رابعة النهار (وجحدوا بها و استيقنتها أنفسهم ظلما و علوا) ...حافظ إرثنا .. من وصايا النبي صلى الله عليه و سلم لعلي رضي الله عنه حين وجهه إلى خيبر قال : ( امضِ و لا تلتفت )....أبا مشعل آمل قبول هذه الأبيات المتواضعة في حقك و حق جهودك قديما و حديثا أقول : 983

ابتدي باسم الإلـه الـلي على العرش استـوى
ومن جديد الشعر أنظم يـوم فكرى مستّـوي
غاضني من هــو علـى مشجّــرة وايـل غـوى
وهاضني صوت الأديب اللي لهم يكوي كوي
ما عرفنا اسم اللي يحرِّف بالمشجر وش نـوى
وانت مبطي لك جهودك بالعرب تـدوي دوي
الِّزبَــد للهــرج يذهـــب لو مـلأ وادي طــــوى
وزبــدة الهــرج الدلايل وانـت فكرك مرتــوي
بالمصادر والمراجـــع القلـــم خــط وضــــوى
ومن صدور أهل الحقايق دايم وعــدك روي
المصــادر ميتيــن وفوقـهـــــا بالمحتــــــوى
والوثائــق مثبتـــة بختــم شيــخٍ اعـــــزوي
لا يغرك فعل حاقـد بالـردى حـــام وهـــــــوى
منزلك فـوق الثريا ومن نـوى الخبـث دنــوي
كــــــل علـــة منزلــــة فيــــه للعلــــــــــة دواء
وانت طب لمن هذى وبالنسب صـار هـــذوي
شجرتــك عــز وشــرف كــل عـرق بـــه روى
وشجرته حرمل يباس وعرقها عــــــرقٍ ذوي
الحـرار فعولهــا والحــدا مــا هــي ســـــــوى
والجـمايــل ما لهــا غيـــر رجــال احمـــــوي
عادة الذيب إن عوى واسمعـه ذيــــبٍ عــــوى
يا الأديــب الوايـلــــي عدنــــي عــز وخــوي

وقال عبدالله بن دهيمش بن عبار هذه القصيدة مجاراه لقصيدة الأديب
الشاعر عبدالله بن موسى الخرشاوي أبو فهد : 984

يا أبو فهـد دام عـزّك قـلـت ما قصـدك هـوى
أنت في ذكر الحقايق تصدح وعضدك قوي
لـك جـزيـل الشّـكـر مـني عـدد ما بارق ضوي
وعـدد منبوت الصحاري وعـد مـا هـل ثـروي
أنـت مبطي يا أبـن موسى بـك حميه وانخـوى
عادتـك تقـري ضيوفك بـيـن حميس وشـوي
وأنـت جرّبـت الرجال وسرت مع كـل القـوى
كـل وقـتـك بالمدينـه بـيـن حـربـي وبلـوي
فـي ديـاويـن المجـالس كـم مضّيـت نـهـوى
بيـن عنـزة والطنايا وبين جهني وعطـوي
من فـرق شمل القبيلـة تـقـل صابتـه دعـوى
ولا شطح عـن الحقيقه كـل من عقـله سـوي
والـلي اليـا جـاء لزومه لـف راسه وأنـزوى
لوهو من أدنا الجماعه يحسب حساب انبوي
ما يهـم الـلي شناني لـو حمل رتبـت لـوى
ضمن اللي شادوا بجهدي من احفاد أبن جلوي
جـملـة أصـول القبايـل بالكتـاب ومـا حـوى
كلهم صفوة ربيعه مابهم شخص ربـوي
وش يجـيـب الـذيـب الأمعـط للثعـل وأبـن أوى
هـذا يسـري بالغداري وهـذا ممشاه ضحـوي
البـوم يصوي بغاره من شديد الخوف صـوى
والقـطـامي مـا تطـيمـن مـاكـره دوم عـلـوي

هذه القصيدة قلتها أتذكّر بداية بحوثي عندما كانوا كبار السن أحياء ويجتمعون في
مجالس حيث كنت أسجل منهم المعلومات ونشرت هذا المقطع في توتر : 985

من زمان الصنادق قبل خمسين عام *** التـقي في مجالس بـني وايـل عموم
وأتلـقّى الحقايـق مـن صدوق الكـلام *** كل رجلٍ مجرّب عن الكذب محشوم
أحتفظ بالمصادر عـن شمات الـلئّـام *** من نجح في مسيره حاربوه الرخوم
كـل خفّـاش يكتـب بالدجـاء والظـلام *** في مهـاجيه كاذب والخطأ مـا يـدوم
وأحـمـد الـلـه مسيري متجّـه للإمـام *** ومنتبه وأتحـرّص عـن حقـوٍد يلـوم
أجتهـدت وجهـودي ثمنـوهـا الكـرام *** أفـتخـر بالحمايـل وأعتـزي بالقـروم
لـي مـلاحـم طـويلـه قـلتهـا بأهـتمـام *** في مديح الشخوص وناقلين الختوم
ومن طعن بالحمايل في كتاب وكـلام *** الحقوق محفوظـة والجميع محكـوم
من طعن بالحمايل حاز عيب وحـرام *** هم حجا من نصاهم في نهار اللّزوم
مـن يسـب القبـايـل يـرتـدع بالنـظـام *** الزعيم أخـو نـوره رد كيـد الخصوم
قلت في مدح عـزوه من عيال العمام *** عـزوة أولاد وايـل حافظين السلـوم
عـزوة أولاد وايـل بـالقـبـايـل سـنـام *** بالفخر منزلتهـم فوق سطح النجـوم
فـي زمـان المعـامع كـان ثـار الكتـام *** ضـد من هـد صايـل مـر كبـده يـزوم
يوم كسب المفاخر بالنمش والحسام *** مـن يـجّـرب لقاهم منكسر ومهـزوم
نسـل عـنـاز فـيـهـم كـل بـطـل هـمـام *** يدحرون المعادي كان صار الهجوم
مثـل مسواط بقعا راعي الجوفا دهام *** شيخ عـزوة صليبه لا تناخوا بـروم

قال الشاعر عبدالله الموسى الخرشاوي هذه القصيدة مجاراة لقصيدة
زميله عبدالله بن دهيمش بن عبار : 986

يا عـزيـز الجنـاب ويـا رفيـع المقـام *** يـا بعـيـد المداهـل يـا قـوي الـعـزوم
أنـت حـرٍ تـعـلّـى بـالخـضيـرا وحـام *** ولا يـروم المعالي غيـر مثلك جـزوم
أنـت سيـفٍ مجـرّب ساعـة الأحتـدام *** وأنـت سيـل تحـدّر مـا حدتـه العقوم
وأنـت نـجـمٍ تجلّى مـا غـشاه العسام *** ومـن غـدا بالليالي يقـتـدي بالنجـوم
وأنـت عـدٍ روي لـمـن حـداه الهيـام *** ومـن ورد يـم جـمّـك ظللـتـه الغـيـوم
أنـت أولاد وايـل ذاخـريـنـك حـــزام *** مـا تـغـيّـر مكـانـك باخـتلاف الـرقـوم
انـت جهدك على صدر القبيله وسام *** قسم قـدرك كبيـر ومـن كبار القسوم
لا تـلـفّــت لـنـاسٍ يـم شــرق وشــام *** لا تــغـرّك أسـامي ولا تـغـرّك هـدوم
البشر قد حكوا في عرض خير الأنام *** وزاده الـلـه مكانـه والمكـان معـلوم
انحـفـر حـرف اسمـك بالقبيلـة ودام *** وأنت فعلك مسجل بالصحايف وشوم
الجـهـود محـفـوظـه مـا يجيهـا ملام *** مثـبتـه بالمـراجـع والقـرار محسـوم
يذكر الجهد منصف بين شيخ وغلام *** ولا يهم الحقـود الـلي بحقـده يـعـوم
لا يـهمـك سفيـهٍ عـقلـه فيـه انفصام *** ما يعرف البطون ولا يعـرف الجذوم
خـلـه نـاره تـلـظّى فـي فـواده ضرام *** وخل حقده بفعلك فوق صدره جثـوم
الـلـه الـلي خـلـق بيـن العباد انقسام *** ذاك محزم ظهـر وذاك خبـل محـزوم
ومن سلك درب غـي وكل غي حرام *** كلـن للحق ياخـذ يـوم جمع الخصوم

وقال عبدالله بن دهيمش بن عبار هذه القصيدة جواب لقصيدة الشاعر
عبدالله الموسى الخرشاوي أبو فهد : 987

أول مـطـلـع جوابي لأبـو فـهـد سلام *** مـع جزيـل التحيـة مبتـدي ومختـوم
صار الأيفون يرسل كما زاجل حمـام *** كنه الريـح يصعـد بالـوطا والحـزوم
عـلى لـمس الأنامـل نرسله في مهام *** ما يبوح السرايـر دوم طبعـه كـتـوم
يا أبـو فهد عزيـز ولـك قدر وأحترام *** أنـت جـزل ونـبيـل وللمعـالي تشـوم
وان حـدث بالليـالي معضلاتٍ عـظام *** أنت كالحيد تذري عن لهوب السموم
والتواريخ تذكر من زمن عصرسام *** هذا جهدي ولاني عن العيب معصوم
كـل شـيّـاب وايـل جـعـلهـم للـرحـام *** جبت الأقصاص منهم صادقين العلوم
حافضين الصّلاه وحافضين الصّيام *** لكن اليوم صاروا تحت جرف مهدوم
والـذي ناقضوهـم خالـفـوا كـل نـام *** وش يبي بالسوالف من بقوله يـلوم
حيث بعض الذراري مثل عظم الهلام *** وكم صقرٍ صيود بمصقره صار بوم
ينطقون السوالـف مثـل نبـل السّهام *** بيـن فـاسد وحاسد والضمير معـدوم
العـلـوم الـرخيـصـه تنحـذف بالدرام *** والهذور الكذوب من الحسان محروم
يا سمي ما شمتني كود خطو الخمام *** ومن حكوا بالظلايم حظّهم ما يـقـوم
الـهـرابـيـد مـرّت مـثـل حـلـم المنـام *** والهـروج البـذيـة عـابـرة كـالحـلـوم
ما عـلينـا مـن الـلي مثـل ربـد النعام *** صاحب الحسد قلبه ما تعداه الهموم
صفوة اشبال مقرن من أنجال الإمام *** بأمرهـم كـل عايـل بالخـزام مخـزوم

قال الشاعر : عبدالله الموسى الخرشاوي هذه الأبيات يسند على زميله
عبدالله بن دهيمش بن عبار : 988

يستـاهـل الـذّكـر الجـمـيـل المكـرّم *** عبــدالـلـه العـبـار يـومـه سعـالـه
حـرٍ عـلى كسـب النواميس صـرّم *** وعـنـد الرجال اليـوم تذكـر افعالـه
مـا يـوم عـن جـهـد القبيلـة تـبـرّم *** واصـدق دلايـل هـي اصـدق دلالـه
لمـن حـرّف الأنساب نـاره تضـرّم *** ليـن أثـمـر وأهـدى ثـمرهـا لحالـه

قال عبدالله بن دهيمش بن عبار جواب لأبيات الأخ أبو فهد عبدالله الموسى الخرشاوي : 989

يـا أبـو فهـد يالقـرم عـنـدك مـحـرّم *** الكـذب وعـلـوم الـردى والـرزالـه
يـفـداك الـلي حـزّت تـحـاكـيـه طـرّم *** بـه تجـتـمع خسّـه وكـبـر ونـذالـه
ما تعـب مـن جـمع التـراث وتـغـرّم *** ولا شـد مـن أجـل القبيلـه رحـالـه
لـو سب الـلي من الحسد قلبه توّرم *** تنصفـني رجـال الفـخـر والشكاله

أرسل لي الشاعر المعروف محمد البوجان الشراري من أهل القريات
هذه الأبيات تعبير أخوي صادق يقول : 990

يسعـد مساك الـلـه يمسيك بالخـيـر *** يالله عساك بخير يا طيّيب الصيت
يا أبن الرجـال النادرين المشاهيـر *** وايل هل الوقفات يا نعم ما اطريت
والكم يا أبن عـبـار حشمه وتقدير *** وأسأل عساك بخيـر يا مفني العيت
واقـبـل تحيـات الـوفـاء بالتعـابـيـر *** ابيات يا ساس الرجوله لـك ابـديت

قال عبدالله بن دهيمش بن عبار العنزي هذه الأبيات مجاراة
لأبيات الشاعر محمد البوجان الشراري : 991

يـا محمد البوجـان نسـل المناعـيـر *** رحبـت في صدق المشاعـر وهلّيت
حيث أنت من ريف البداه المسايير *** أولاد مـكـلـب فـي حـمـاهـم تـربيـت
أهـل الكـرم بـأيـام شـح المساعـيـر *** مـن زارهـم يسمع هـلابـك وحييـت
عـاداتـهـم مـا يـكـرهـون المخاسير *** القـا الكـرامـه عنـدهـم كـل ماجيـب

وقال محمد البوجان الشراري : 992

الـحـمـد لـلـه يـوم صـارت عــوافـي *** وانجـاك ربـي يالـوفـي يـابـن عـبـار
الـحـمـد لـلـه عـالـم بـكـل خـافـــــي *** الحـمـد لـه يالـقـرم بـالـسـر واجـهـار
حـيـثـك يا أبـو مشعـل كـريم سنافي *** وعـنـد الجـميـع الكـم معـزه ومـقـدار

جواب عبدالله بن عبار على أبيات الشاعر محمد البوجان الشراري : 993

تـعـيـش يـا نـاظــم جـزيـل الـقـوافـي *** يا محمـد البـوجـان يـا طـيّـب الـكـار
لـك الـشـكـر وأشـكـر سـعـيّـد ولافـي *** وقـلـتـه وأنـا لـكـل الشرارات شكّـار
أفـعـالـهـم مـا احـيـطـهـا بالـوصافـي *** وقـفاتهـم فـاقـت تواصيـف الأشعـار

هذه الأبيات ارسلها الشاعر محمد البوجان الشراري تهنئة بمناسة عيد الفطر المبارك : 994

عـيـدك يا أبن عـبـار ربـي يـعـيـده *** ياطيـر شلـوى بالسعـد والمسرات
عسى سنينك يا أبو مشعل عـديـده *** وافـي وتستـاهـل جـزيلات الأبيات
يـامـا وصلـنـا مـن جنـابـك قصيدة *** تـثـني عـلـينـا بالبـيـوت الثمـينـات
نـوادرٍ يـالـقــرم مـاهـي جــديــــده *** وتـثني عليك عيال كلب الشرارات

قال عبدالله بن دهيمش بن عبار هذه الأبيات مجارة لأبيات الشاعر محمد البوجان الشراري : 995

يا محـمـد البـوجـان حيـثـك ولـيـده *** منصـف وتـذكـر بالفخـر كـل مافـات
مـدح الـرجـال الـلي وصلنـا حميـده *** أهـل العـلـوم الغـانـمـه والوجاهـات ا
فـعـالـهـم يـوم امـتـدحـهـم وكـيـده *** ولـهـم عـلـيــه يـالسنـافـي جـمـالات
الـنـعـم يـشـمـل كـل تـلـك الـبـديـدة *** مـن حـد أبـو عـجـرم لـدار القـريـات

يتبع

تابع
قال محمد بن عمر الأشجعي يسند على عبدالله بن دهيمش بن عبار : 996

يالـلـه يا محيي العـظـام المقابـيـر *** يالـلي كونـت الكـون بستـة ليالي
يالخـالـق الـرازق عـليك التياسيـر *** مبداي باسمك يا عـزيـز الجلالي
ومن بعد ذكر الـلـه والي لمقاديـر *** سر يا قلم وأكتب على ما طرالي
ألـذ وأحـلا مـن دريـر الـمـبـاكـيـر *** وضـح الـبـكـار وربعـن بالشمالي
يرعن قـفر عشب يميل بنـواويـر *** بـالـبـاعـجـه ومـعـيـلـه والـهـلالي
أكتب سلامي وأرسله بالمحاضيـر *** بلحظات ياصل لي عزيز وغـالي
قـلته وقولي صدق ما فيـه تزويـر *** للي على الطولات حاش المعالي
مـني لأبـو مشعـل تحيـه وتـقـديـر *** الوايلي قـدره مـع الـنـاس عـالي
مـا ولـف التأليـف لأجـل الدنـانيـر *** ولا غيّر الواقع من أجـل الـريالي
ولا قال يا جحدر تراك سالم الزير *** أديـب عـالـم مـا ايتخـبـط خـيـالي
بصدق الحقايق سطر المجد تسطير *** مابـه رياء مـزكيه مثـل الحلالي
واخـتـامـهـا مـني تحـيـه بـتكـريـر *** لعبدالـلـه العـبـار وافـي الرجـالي

قال عبدالله بن دهيمش بن عبار مجاوباً على محمد بن عـمـر الأشجعي : 997

جـتني رساله من سليل المنـاعيـر *** محـمد بـن عـمـر كـريـم الـسبـالي
المكـرم الـلي مـا يهـاب المخاسير *** يـذبـح عـناتيـت السمان الجـزالـي
يشوم عن ذبح الصخل والقراقيـر *** ولا يذبح ألا مـن الكباش الدغـالي
أنا أشهد أنه بالصحن يبـذل الميـر *** شوفي بعـيني مـا هـو قـول يـقالي
يا أبـن عـمـر كفيت شر العـواثيـر *** عساك بحفـظ اللي على الكون والي
يعـود عـيـدك بالمسـرات والخـيـر *** وأشكـرك يا نسل الـرجـال المـدالي
مـهـمـا نـعـبـّر بالعـبـارات تعـبيـر *** مـا أقـدر أعـد أوصافـكم بالـكـمـالي
سلـّم عـلى ربعـك طـوال الأشابيـر *** كـل الجـميـع كـبـارهـم والـعــيـالي
وأخص أبـو نايف ربيع المساييـر *** حـّران قـرم ولا بـطـيـبـه جـدالــي
مـريـت بـيـتـه ثـم جـتني حواشيـر *** والـلـه عليـم بـكـم طـاري بـدالـي
الـقبـه الـلي كـنهـا صـومـعـة ديـر *** لاحظت مجلسها من الـربع خـالي
عـقـب الخميعـا والـدلال المباهيـر *** لا جـيـتهـا صـديـت وأغـتـم بـالي

قال عايد بن نوار الحوسي هذه الأبيات يسند على عبدالله بن عبار : 998

عـزالـلـه أنـك يا أبن عـبـار غـالي *** هذا الصحيح بدون شكات وظنون
طيـبـك سبقهـم بالسنيـن الخـوالي *** ولا يسمع العاقل مهاريج مجنون
تـفـداك قـوم بـالـمـجـالـس تـلالـي *** أهل لسن وعقولهم دون في دون
أمض وتبيّن فوق روس العـوالي *** ما دام لك عـزوة فداعين بالكـون

وقال عبدالله بن دهيمش بن عبار هذه الأبيات رداً على عايد نوار : 999

يا أبن نوار أخبـرك بالـلي جـرالي *** حيثك من اللي للخطأ مـا يدانـون
حيث الـذي شرواك يوقـف بجـالي *** ويجزع اليا شاف الزلايب يسبون
وأخـبـرك كـل أقـوالـهـم هـمـلالـي *** مهما بلمـات المجالس يخوضون
كـل الـعــلـوم الـزايـفـه لـلـزوالــي *** والخايب اللي يلفظ الزيف ممهون

وقال الشاعر حسين بن علي البوبلي الجبوري العنزي هذه القصيدة يسند على زميله
عبدالله بن دهيمش بن عبار العنزي بعد أن سمع شريط التصدي للحملة المغرضة
الموجهة للأشخاص الذين حاولوا تغيير نسب قبيلة عنزة وألحاقها بغير نسبها : 1000

ياهاجسي من قبل بدع المثل سم *** حتى جوابك رحمـة الـلـه تعمـه
ومن بعد ذكر الله غـز الهدف ثـم *** أحفظ عيـار أم الفشق لا تـزمـه
وإلى اختلف رأي الرجاجيل وألتم *** ماني بمن يمشي على غيريمه
أقـصـد طـريـقي بالخـطـأ وأتـقـدم *** وأرافق اللي لا فترق شمل لمه
وأجنب الهـراج لـو هـو ولـد عـم *** جماع هـرج وكـل عـلـم يخـمّـه
وأشفق على اللي رفقته تجلي الهم *** الـلي الـيـنـه قـال قـول يـتمـه
مـتـعـلـم لـلـمـرجـلـه مـا يـتـعـلـّم *** حـاش المـراجـل كلها زنـد كمـه
قلتـه وأنا لي غايـة وضعها مهم *** تحتاج من رأي أهل العرف قمّه
الـلي يـدخـل بالنسب شك واتهـم *** رجـل عـلى مـا قيـل بـيـّاع ذمـه
لـو الفتيلـه بالعـطـب شمهـا شـم *** أكـيـد مـات الـداب لامـات سمـه
واليا دخل في مجلس قيل له قـم *** يـبقى خـلاوي ما أحـد راح يمـه
هذا جزاء اللي عن جدوده تلهزم *** متلهزم عـن جـد خالـه وعـمـّه
مجموعـة قـامت تـلـم الخطـأ لـم *** لـم الحـطـب فـي لـيـلـة مدلهمـه
نسمع كثيـر البلبلـه والسبب هـم *** لولاك يا أبن عبـار جتنـا مطمـه
يا شاعـر الـويلان يالشهم الأشـم *** هداج تيماء اللي عميق مجمـه
أنا طلبتك يا أبـو مشعـل وقـل تـم *** تـرمي حـثـال علومهم بالمقمّـه
مـا أبيـك في قـول الأباطيـل تهتم *** واصل طـريقك وأنت قد المهمه
وعساك دايـم يا أبـن عـبـار تسلم *** مثلك هـرابيـد الـردي ما تهمـّه

وقال الشاعر حسين بن علي الجبوري هذه القصيدة بعد أن سمع شريط
التصدي للحملة المغرضة الموجهة للأشخاص الذين حاولوا تغيير نسب
قبيلة عنزة قاله يسند على زميله عبدالله بن دهيمش بن عبار العنزي : 1001

يا الـلـه اليوم ياللي للدعاء تستجيب
طالبـك مـا يخيـب ولا يخيـب طـلـبـه
تصرف الشر عنا والحقود الغضيـب
مـن نـوانـا بـكـيـده عـلـقـه بـسبـبـه
بـعـد ذكـر الإلـه الـلي عـلم كـل غـيب
يـا نـديـبـي تـوّلـم والقـصيـد أبـد بـه
هاض منظوم قـافي والقـلم لـه نديـب
مـا تـهـيـا تـهـيـا يـا نـديـبـي جـبــــه
لكن أحرص على اللي منطقه ما يعيب
قـبـل تـذكـر كـلامـك خـل فـكـرك نـبـه
البشر مـا تعـذرك صـر لنفسك حسيب
مـن تـقـنطـر وطـاح يشوف دم ركبـه
من يشوف العجايب بالـزمان العجيـب
لا تـلـومـه لـو أنـه شـك فـي مـذهـبـه
شاف خطو القرابـه مرتدي جلد ذيـب
والـثـعـل بـالخـمـيـلـه غـز راس ذنـبـه
طاب رجـل رعـاع ولا فعـل قبـل طيـب
مـن فـعـول الـمـراجـل خـالـي مـزهبـه
صار يأمر وينهى صار شيخ وطبيـب
بالقصص والسـوالف مـا أحـد يغـلبه
كنـه الـزيـر سالـم ولا حـضرت كـليـب
كـل فـعـل الـمـراجـل حـطـهـا بـشـنـبـه
لا جلس وسط مجلس بين رز وعصيب
كـل يـوم يـخـلـص مـشـكـلـه ورقـبــــه
يأكـل الـلي بوجهـه والنخـل والعسيب
هـب مـا اكبـر لهـاتـه تـقـل فـم قصبـه
ناشب راس رمحه في كتوف القـريـب
والعـدو لـو يـجي لـه مـا يـفـك عـربـه
والكـلام الصحيـح الـلي يـفـيـد اللبـيـب
الـتـنـك لـو يـزيّـن مـا يـصـيـر ذهـبـه
أنـصح الـلي يحـرّف بالنسب والنسيـب
وش حيات المشورب كـان ضاع نسبـه
أودعـوا عقب وايل كما الحشو الذهيـب
قـالـوا حـنـا لهـازم حـلـف مـدري شبـه
وشـو حـلـف اللـهـّازم جـد ولا صحـيـب
دام مـا هـو بـوايـل وش يـصيـر لـقـبـه
لا تـخـوض بـنسبـنـا يـا ردي الـنصـيـب
ما أنـت كفـو الـروايـه والأمـور صعـبـه
أبـك وايـل وعـقبـه شمسهـم مـا تغـيـب
كـود هـضـبـة طـمـيـه تـنـتـقـل لـتـربـه
عـنـزة من ربيعـه سقـم عيـن الحـريـب
حـدهـم يـالـهـلايــم مـا أحــد يــقــربـــه
يـوم عـصـر الركاب ورافعـات السبيب
نالوا أعلا المفاخر غصب ما هي هبـه
يـوم عـلط الـرماح وحـد سيـف عطيـب
جـمـعـهـم مـا يـهـاز بغيضتـه وطـربـه
يوم كسرى غزاهـم مثـل سيل الشعيب
في جحافل جيوش من العجم مـرعبـه
جتك فـزعت ربيعـة فـي نهـار صعيـب
دون حـق الـدخـيـلـه قـامـت الملـعـبـه
قادها الشيخ هاني فوق عجـل الهذيـب
يـوم خصمـه بـرز لـه بارزه وأعـطبـه
حطموا جيش كسرى وأنهـزم له نحيب
ثـم قـالـت الـحـرقـا تـم ثـارك يـبـــــــه
وجاك من صار راوي مثل بطن الربيـب
الحـقـيـقـه طـمسهـا والـتـاريـخ قـلـبـه
يا أبن عـبـار خـلـه عـنـك طايح قـليـب
لا يهـمـك كـلامـه حـامـضـه يـا عـنبـه
تستحق الإشـاده وأنـت شاعـر وأديـب
شاعـر عيال وايـل وأنـت في منصبـه
مصـدر لـلـرواه وفيلسوف وخـطـيـب
وكـل عـالـم وراوي حـطـك بـمـرتبـه
وأنت بقلوب ربعـك لك مكـان رتـيـب
مثـل حضرت جنابك مـا يضيع تعـبـه
كيدهـم لا يهـمـك حـط فـوقـه صلـيـب
حـاسـدك نـار حـقـده ولـعـت بحـطـبـه
أنصح اللي برايـه جـاب جـد غـريـب
كـان طـوّل عـنـاده شربتـن تـشربـه
الحقـايـق حـقـايـق دون شـك وريـب
والعـروسـه تـبيّـن بـنـت ولا عـزبـه

قال عبدالله بن دهيمش بن عبار العنزي هذه القصيدة رداً على الشاعر حسين بن
علي الجبوري العنزي أبو عبدالعزيز ويثني على عوده بن حييان الجبوري : 1002

أبتـدي وأطلب الـلي طالبه مـا يخيـب
الـولـي مـن لجـأ لـه كـل خيـر وهبـه
الـولي نلتجي بـه عـن سعيـر اللهيـب
كـان صفـت عبـاده والصراط انصبـه
مـنـزل الغيـث عالـم بالـدبـا والـدبيـب
يعـلـم بـحـال ذره تحـت جـذع غـربـه
أذكـر الـلـه وأصلي عـلى طـه الحبيـب
يشفع لـمـن كـتـابـه باليـميـن اقـضبـه
ومن بعد ذكر ربي طاب لي شـد جيـب
نـوع فـكسـار تـوه مـن جـمـيـل نجـبـه
ما وقف عند ورشه حول حي الخبيب
هـو شفات المسافـر بالمسـير صلبـه
لـو تحطه بـوادي مـن نفـود اللسيـب
ما هلش بالـرمـال ولا بـونش سحبـه
كـل مـا نـاش بنصه يرتقص لـه قنيب
والمـواتـر تسابـق تقـل خـيـل وطـبـه
شـال مـني قـوافي مثـل در الحليـب
مـن مـقـاديـم مبـكـر بالصميـل حـلـبـه
قلت وأرسل جوابي للأصيـل العـريـب
رد قــافٍ لـفـانـي لـي حسيـن كـتـبــه
منطق حسين صافي مـا لقيبـه سريـب
أبـن عـلـي بـدابـه يـوم صـار وجـبـــه
شاعـر هاض قافـه جـم ما هو نضيـب
مـا هـو الـلي كلامـه مـن قـراه شطبه
يالجبـوري تعيش وعسى فالـك يطيـب
كـل شغـمـوم مثلـك عـرق أبـوه جـذبـه
عشت ياحسين حيثك فـي زمـيلـك تهيـب
يتـرك الجاهـل الـلي طـاح وسط خلبـه
من سكت يالسنافي راح حقه سليـب
يا أبـن وايـل خطاهم كبـر ضلع رغـبـه
نتبع الحق والـلـه عـلى خلقـه رقيـب
مـا يعـرقـل مسيري مـن يحـط عقبـه
وأحـمـد الـلـه هـوّن كـل أمـر مـريــب
وأنكفـأ الحاسد اللي من يطيب هـزبـه
عسى يـفـدا جنـابـك مـن يسوع ويليـب
مـقصـده مـلي جيبـه تـقـل وجـه لجـبـه
باللزوم اعـتـزي بـك يالشجاع المهيـب
يـا شبـيـه القـطـامـي سـاطـي مخـلـبـه
مثلك اليـا نخيتـه بالعجـل جـاء حضيب
يـفـزع وبـه حـمـيـه مـن يـعـيـل رعـبـه
أنـت رايـتـك ترفع فـوق راس الجـذيب
كـنـك الـلـيـث الأروع كـان زاد غـضبــه
وأثـني الشكـر لـلي دوم صدره رحيب
صاحب الجود عـوده مـا كمينـا حسبـه
شاد قصر الكـرامـة في شمـال القـليب
كـل يـوم الهـواشـل يـصعـدون عـتـبــه
شوف عيني صحونـه مثـل تـل الكثيـب
ريـف من شان وقـتـه والـزمـان نـكبـه
صار عوده لربعه كما الروض الخصيب
حـيـث عـلـم الـنـفـيـلـه حـصـلـه وكـسبـه
عـنـده الـبـن الأشقـر بالـدلال الـربـيـب
حـيـن تـلـفـيـه تـلـقـا دلـتـه وأرطـبـــــه
وعقب شرب المهيّل من دلاله سكيب
جـاب كبش سمين وللضيوف قصبه
مـن صماصيم لابـه يفلجـون الطليـب
يـا كـبـر حـظ مـن هـو للجبـور عصبـه
عندهم به معيبه خدم حوض الشريب
خص شول القصير ولـو يبين جـربـه
في عصور الجهالة من يحنشل يجيب
فـود يـوم الـمـرازق بـالـزمـان نـهـبـه
خيلهـم مسرجات وذودهم لـه جنيـب
والضعـون وسلفهـم يحتميه جنبـه
كـل منهـم شجـاع ولا جـواده هـليـب
كان صاح المنـادي للخـصيـم هـذبـه
منهم وشيوش اللي كمـا الحيص المنيب
فـارس الخيـل عكلي بالحسام ضربـه
يـوم كـن الفـوارس مـن شبـاب وشيـب
شـال بالسيـف راسـه طـاح تـقـل هـدبـه
هـو ستـر مـن تـزهى باللباس القشيـب
فـرحت المحـرج الـلي باللـزوم انـدبـه

وهذه القصيدة وصلت من الشاعر خليل بن غانم الوحداني التويجري العنزي
من أهل تبوك قالها يثني على جهد عبدالله بن دهيمش بن عبار العنزي على
جهده لقبيلة عنزة ولابد أنه قد سمع بلبلة بعض المجالس المبنية على
الخرافات وتعتبر هذه القصيدة ضمن شهادات المنصفين من رجال هذه
القبيلة الذين يرون بعين الحق ولا تأخذهم الإشاعات المغرضة : 1003

بسم الله أبـدأ القاف وأحكم معانيـه *** عـن هـفـوة يلـقى وراهـا مـداخـيـل
الـلـه هـو الـلي كـل مخلوق يرجيـه *** مجري الفلك عازل نهاره عن الليل
ومن بعد ذكر الـلي عظيمه أساميـه *** سر يا قـلم وأكتـب صدوق التماثيل
أكـتـب كـلام لأبـن عـبــار أنـصـيـــه *** وأبي أشرح الحاصل بكل التفاصيل
حيثه بـذل مجهود مـا أحـدٍ يضاهيـه *** حـفـايـظٍ تـحـفـظ لجـيـلٍ بـعـد جيـل
لـو حـاولـوا سـود الضمايـر تخفيـه *** يـعـد مـرجـع لـلـرجـال الـمشـاكـيـل
دوّن لـوايـل مـجـدهـا الـلـه يعـافـيـه *** وجـمـعّ نـسبهـا وأثـبتـه بالـدواليـل
وشلون وهـو فـي كـل نسخه ينقيـه *** ويـنـقـحّ كتـابـه عـن القـول والقيـل
لـولا الـحـمـيـا تـدفـعـه مـا يـسويـه *** سكت مثـل غـيـره وصارت مساميل
الـلـه يـلـوم الـلي يـلـومـه وشانـيـه *** مـا لامـه ألا الـنـاقـصيـن المهابـيـل
ولا الرجـال العـارفـه تـفـتخـر فـيـه *** ولا نستمع بـه لـو تـقـول العـواذيـل
نـرفع لـه البيضاء ونشكر مساعيـه *** بـذل جهوده مـا هي سـرد وأقاويـل
والـيـوم كـثـر الـلي يقـلـد ممـاشيـه *** يا هـون قـطـفـك للفياض المخاميـل
كسبها أبـو مشعل ولا أحـدٍ يماريـه *** تـريـحـوا يـا دابـكـيـن وراء الـخـيـل
الشـكـر لـه أكـرر الشـكـر واثـنـيــه *** للفـاهـم الـلي بالمـواقـيـف حـلحـيـل
يا مـا تصـدى لأهـل البـغي والـتـيـه *** حيثـه عـلى الويلان مـا يقبل الميـل
مـا أحـدٍ عـلى حميـاه يقـدر يجاريـه *** يصبر عـلى كثـر التعـب والغـرابيل
بـذل جـهـوده مـا رجـاء من يكافيـه *** وأعانـه الـلـه وأرتكـا لأثـقـل الشيل
واللي تجهد للبشر صعـب يـرضيـه *** مارضوهم اللي من الباري مراسيل
الـنـاس كـلـن فـكـره العـرف يملـيـه *** فـيهـم مهـابـيـل وبـالـنـاس عـقـيـّل
وبـهـم السفيـه الـلي يجيـبه يـوديـه *** وفيهم عوارف وأهل حكمه وتحليل
وفيهم ربادي صايب الهرج غـاويـه *** الصـدق دايـم عـنـه يـلـقـا تحـاويـل
وبهـم الـلي شبحه ما يقدي مواطيـه *** وفـيهـم شيـاطين بهياكـل رجاجيـل
وفيهـم مريض الـلـه يعينه ويشفيـه *** مريض قـلب وعـلتـه ساطيـه حيـل
داء الحسـد والحقـد داخـل محانـيـه *** أكـره مـا يـكـره كـاسبيـن التـنـافيـل
مدري وش الـلي بالمخاليق مشقيه *** يزرع وزرعـه خاس ماله محاصيل
يا هيه كانـك تسمع الهـرج يا هـيـه *** ريّـح ضميـرك عـن كثيـر الولاويـل
الشمس ساطع نورها منت مخفيـه *** قولك ما يحجب من ضياها قدر ميل
لكن تري من يغـرس الغرس يجنيه *** واللي يحكم ضامره ما غوى سهيل
ولا أبـو مشعـل سـامـيـات مـبـاديـه *** نـوّر طـريـقـه وأشعـلـه بـالقـنـاديـل
كـافـح وسطـر مجـد عـنـاز بـيـديـه *** ولا هـمـه الـلـي يـنشـرون الأباطيـل
واصـل مسيـر وحقـق الـلـه أمانيـه *** ولا ثـنـوه مـكـثـريـن الـبـلابـيـــــــل
لا شـك أنـا يـغـثـنـي هـرج أوحـيــه *** يحـيي جـروح في ضميري مداميـل
لو كان من عاقل آخذ معه وأعطيـه *** مـار الـبـلا نـاس جـحـلـّط وجـهـيـل
الـلي تقول القـول من غيـر داعـيـه *** ويـفـرّحـون الـلـي عـلينـا مـغـالـيـل
وخـتـام قـافـي بـسـم الإلــه بـاديـــه *** وصـلاة ربـي عـد رش الـهـمـالـيـل
عـلى الـرسول مبـلـغ الـديـن والـيـه *** الهـادي الـلي كـمـل الـديـن تـكميـل

قال عبدالله بن دهيمش بن عبار هذه القصيدة رداً على الشاعر خليل بن غانم الوحداني الولدعي : 1004

يا الـلـه يالـلي كـل مخلوق تعطيـه *** رزقه وهو مايملك الحول والحيل
يا الـلـه يالـلي يابس القـاع تسقيه *** من غـر هطال المـزون المضاليل
يا خالـق المخلوق والكـون باريـه *** يا منـزل الآيـات بالـوحي تـنـزيـل
أنت الذي في ساعة الضيق ندعيه *** وأنت الكريم الـلي عليك التواكيل
من لاذبك عن كيد الأشرار تحميه *** يامن عـلى الظالـم عقوبـه وتنكيل
بسمك قـريح القاف نختار صافيـه *** من جـم نقروح القـراح الشهاليـل
جـواب قـرم يبهج الصـدر طـاريـه *** خـليـل تـفـداه الـرخـوم المساهيـل
خليـل بـن غـانـم وصلـني قـوافيـه *** ما طاع هرج المرجفين المهازيل
قريت منظومه عسى الـلـه يحييـه *** يا مـرحبـابـه عـد رمـل الغـراميـل
قـرم العيـال الـلي عـريبـه مجانيـه *** الـنـادر الـزاكي عـريـب الأخاويـل
أبي أشكـر الوافي زبـون المداليـه *** الـلي بعـلـم الطـايـلـه لـه مفـاعيـل
الـوايـلي بالطيـب طـالـت يمـانـيـه *** حيثـه مـن الـلي يعـتني بالمعاميـل
يلـقـاك بالترحيـب مـن حيـن تلفيه *** في مجلسه حلو الرطب وأشقر الهيل
لاشفه الخـرمـان عـلـّم بـاشـافـيـه *** يصبغ شقار اللون بيض الفناجيل
وبعده يجيب اللي عريضه ثناديـه *** كبش مـربـيه الشريطي تـقـل فيـل
ماكن عن واجب عسى الله يقويه *** فـي مجـلسه تلـقـا النشاما تعـاليـل
شهم وكريم وعـز ضيفـه وعانيـه *** يفـرح اليـا حلـت عـليـه الهواشيل
الطيب سلمـه والمراجـل منـاويـه *** شرواه لـه عنـدي كرامـه وتبجيـل
عسى الولي يرفع مقـامه ويـبقيـه *** ويكفيـه رب الكون سـؤ الغـرابـيل
مثلـك يا أبن غـانـم نعـزه ونغـليـه *** يفداك مـن طبّـل مع الناس تطبيـل
العـاقـل الـمـدرك بـعيـده مشاحيـه *** شبحه على روس الجبال المشاويل
من طـاب فعـلـه مـا يطمن علابيـه *** والهـرج مـا يلـفـظ بـلـيـا دوالـيـل
مفهوم قصد مفـوه الهـرج تفويـه *** قولـه نفذ عند أبـلـه القوم وخبيـل
الـلي يريـد لفاعـل الخيـر تشويـه *** ضوح القمر ما هو سوات القناديل
من شـوه التـاريخ مـاني مـداريـه *** أبي أنذره يقصر كلامه ولا ايطيـل
من خالف الواقع عسى الله يهديه *** بالأصـل مـا نقبـل تـدلس وتضليـل
يا ليـت لـوهـم ينصحونـه بنيخيـه *** عـن الخطـأ لا يـبـدّل الجـد تـبـديـل
مـا نـتـبـّع رأي الغشيـم وهـقـاويـه *** لازم نـعــدل تـايـه الـراي تـعـديـل
الـلي تمـادا ولا سمع قـول نـاهيـه *** غـروه قـوم يـنـصبـون المحـابيـل
من عـال نبـراس الحقايق ايقـديـه *** الـلي عـلى الجاهل يهـوّل تهاويـل
والهرج الـلي مالـه براهين مابيـه *** أبي أذكـر الواقع قبل يطفح الكيـل
ما جـدنـا سلعـه يبـيعـه ويـشـريـه *** صفوة ربيعة من سلايل إسماعيل
حلف الضعافة مـا نـبي دوم نتليـه *** حنا عنزة والراس ما ينتكس ذيـل
حنـا عنـزه والجـد نفخـر بماضيـه *** لـنـا عـلى روس الشوامخ منازيل
هذا الوكاد وصاحب الصدق ينجيه *** ما هو مخادع بالسوالف وتدجيـل
يامن تحـوك الكيـد والحـظ تهـفيـه *** ادخل على الله رب موسى وجبريل
حـذراك من جـور الزمان وبلاويـه *** مـا كـل وقـتـه فـيـه ورد وأكالـيـل
مـا داومـت دنيـاك للبـاش والـبـيـه *** ولا مهـلـت لـدهام شيخ الجلالـيـل

وقال الشاعر خليل بن غانم بن محمد الوحداني الولدعي العنزي هذه القصيدة
وهو من الرجال أصحاب الضمائر الحية الذين لا تأخذهم بالحق لومة لائم وبهذه
القصيدة يثني على جهد زميله عبدالله بن دهيمش بن عبار العنزي ويذكر الحق
بعد أن سمع البلبلة بالمجالس المبنيه على الخرافات المضللة والباطلة : 1005

بسـم الكريـم الـلي عطايـاه جـزلات *** الواحـد الـلي بـامـره الكـون كـاني
أسمـه وذكـره خيـر مبـدأ البـدايـات *** مـا خاشـره فـي ملـكـه إلـه ثـانـي
عـّلام مـا تخـفـى عـلـيـه الخـفـيـات *** دايــم ومــا ســواه زايــل وفـانــي
ومن بعـد ذكـر الـلـه سلام وتحيات *** تهدى لبو مشعل عـريب المجـاني
أبـن عـبـّار الـلي أذكـاره شهيـرات *** الـوافـي الشغـمـوم ريـف العـواني
راعـي الحميـا والفخـر والشكـالات *** تـشهـد لـه العـربان قاصي ودانـي
مهـمـا مـدحتـه مـا يـوفـن الأبـيـات *** قـدره بـصـدري مـا وفـابـه لساني
يـالـوايـلي تـشـكـر بـلايـيـن مـّرات *** عـلى الجهـود المخـلصة والتفـاني
ألـفـت عـن أمـجـاد وايـل سـجـّلات *** دلـيـل عـرفـك والـفـخـر بالمجانـي
تعـبت فـي تجميعها مـن الروايـات *** ومن المراجع والقصص والمعاني
تنقى الوكاد الـلي له شهود واثبات *** وتخـلي الـلي مـا عـلـيهـا ضمـاني
حفـظـت مـجـدٍ كـاد يـروح سيبـات *** لـولاك والـلـه ظـنـتـي مـا يـصانـي
من خوف تضيع الأمجاد العريقات *** دونـتـهـا بـكـتـاب حـفـظ وأمـانـــي
وذكـرت مشاهـيـرنـا والـبـطـولات *** وديـارنـا فـي كـل صـوب ومـكانـي
حتى الوسم اللي على البل علامات *** رسمتـهـا ونـوهـت عـنـهـا بـيـاني
نسب وفعـل أجداد ما هي خرافـات *** لـكـنـهـا تـهـيـل عـقـل الـهــدانــــي
تزعل قلوب أهل الحسدوالحزازات *** بس اعجبت أهـل القلوب الذهـاني
ودون السمية لك مواقف شريفات *** ذدت وتـذود وبـالـلـه الـمستـعـانـي
فارس قوافي لك مع الضد صولات *** تـنطـح بقـافـك كـل عـابـث وجـاني
ياما كبحـت جـمـاح ثـرثـار شمّـات *** يـشـمـت بـنـا مـمـا بـقـلـبـه يعـاني
نرفع لك ابيضاء بـروس المنيفـات *** ويجزاك عنا الـلـه بخيـر الحساني
وأنت الفهيم اللي علومـه مفيـدات *** عـّراف مـا يصعب عـليك امتحـاني
بالشعـر نهجك يقتـدي بـه قـداوات *** نـبـراس لأهـل المعـرفـة والمعـاني
نعـم بـذكـرك نـفـتخـر كـل الأوقـات *** عنـد الأجناب وعـنـد كـل الـدوانـي
مـا ينمدح راعي الفعـول الـرديـات *** والمدح ما يـزهى عشيق الطمـاني
المدح يزهى الـلي صفاته حميدات *** ويتعب على كسب الفعول السماني
وأطلب من الخالق مجيب الدعوات *** أنـه يجيرك مـن صدوف الـزمـاني
وعسى تعيش أيام عمرك سعيدات *** وبـالآخـرة تسكـن فسيح الجـنـانـي
لـومـن دعيله بالبقاء عاش مامات *** دعـيت لك باخلاص وبـلا تــوانــي
لـكـنـهـا كـمـا يـقـولـون هــيـهـــات *** مـا دام حـي ولا يـدوم الـكـيـانـــي
مجهودك المبذول بشتى المجـالات *** لـقـيـت بعـضـه والكثيـر ايخـفـانـي
هـو السبايـب في نظـم كـل مـافـات *** ولالي سوى العرفان مقصود ثاني
ونخوني ربـوعي رجـال المـروات *** جـميـع وحـدانـي لشكـرك نـخـانـي
قلت ابشروا مطلوب مابـه كلافـات *** اعجـابـكـم والشكـر لـه يـاصـلانـي
عبر القصيد وعن طريق الرسالات *** أوصلـه لـو كـان مـا رحـت عـاني
لولا العمل وظـروفه اللي شطيطات *** جـيتـه ومـن مـا سرنـي ويهنـاني
لي الشرف وأن كان جيتـه زيارات *** وأكبر شرف لي كان بالبيت جاني
وختامهـا نهدي لك أزكى التحيـات *** وتقـديـر فـايـق مـع عظيم امتـناني
آخـر ختام القاف أرجو السموحات *** أرجـوك تـدمـح زلـتـي واهـفـواني
وعـلى النـبي مني سلام وصلاوات *** اعـداد مـا هـلـت رشوش الغشاني
يتبع

تابع
قال الشاعر خالد الركعان هذه الأأبيات : 1006

من هو يقول ان الغلا ماله جروح ولاسبب
وان البشر في هالزمن تاهت بصير قلوبها
وان الحياه ايامها مافادها لوم وعتــــــــب
لـو الظروف تعيقها ماقدمت ملعوبهــــــــــا
وانا اقول ان الحياه ينولها منهو كســـــب
الشمس ماتعرف ضحاها لاجهلت غروبهـا
والا النهار من اوله والنار ماتترك حطــــب
والا الغلا هو الغلا والناس في ماجوبهـــا
والا الردي يبقى ردي مهما تحسب واحتسب
الوجهه اللي اضلمت ماعاد نمشي صوبها
لا تنشدوني عقبها كيف اهتني عقب التعـــب
عين الشقي مهما بكت ماودعت محبوبها
اللي يكن بداخله اهات من نار ولهــــــــــب
ماتستويله حاجته لويستوي مطلوبهــــــا
واللي غريب بديرته وش فاد لويملك ذهب
واللي عزم للمرجله ماقد خفته ادروبهــــــا
اما تحقق مطلبه عشرين في غاية رجــــب
والا عساها تنتهي سود الليال غيوبهـــــــا

وقال عبدالله بن دهيمش بن عبار هذه الأبيات مجارة لأبيات خالد الركعان : 1007

يا خالد الكف السليم عن الفعل صابه عضب
والـلي تـفـرّق شملهـا عـدوانهـا طمعـوبـهـا
تـلاشـوا أحـفـاد الـذي كانـوا يـروون الغـلـب
راحـت مـدابيس الـوغى الـلـه يغـفـر ذنوبهـا
يا خالـد الحر الصيود عقب وراه أبـو الحقـب
اللي عن الصيد السمين قصّر جهدها ودوبها
يا خالد النمر الفروس أنجب من طوال الذنب
كيف النمر جاب الثعول الـلي كثيـر عـيوبهـا
أهـل التكـبّـر دابـهـم بـس التـفـاخـر بالنسـب
مـا هـمهـا يا مسنـدي لـكـود مـلي جيـوبـهـا
يا خالد اللوم يعداك لـومي عـلى كبار اللقـب
مـع الأسـف لـو تشتكي شكواك ما دريـوبهـا
أطلب لعـل الله يديم عصر السعادة والطـرب
ويعتـز شعب المملكة من شرقهـا لجنـوبهـا
قـولوا معي الـله يديم حكامنـا ملوك العـرب
الـلـه يـعـز مـلـوكـنـا الـلـي تـعـز شعـوبـهـا
هم عـزنا هـم ظلنا هم الحجى بيوم الكـرب
أهـل المكارم والفخـر والمرجلـه عيـوبهـا

وقال عبدالله بن دهيمش بن عبار العنزي هذه القصيدة يسند على
هليّل بن فرحان بن خلاف الغضوري العنزي : 1008

سر يا قلم واكتب عبـارات بخطـوط *** سجّـل صمايـلهـا وجـنـّب غـلطهـا
ابي اسنده للي يحوط الفخـر حـوط *** الغضوري روس المعـالي شبطهـا
القـرم ابـن خـلاف يستاهـل النـوط *** الـلـي يـمـيـنـه بـالمـكـارم بسطـهـا
طيـب أبـو جـزأ لـه مقاديـم وقلوط *** يتبع سلوم اهل الصخى ما شمطها
هـليـّل الـلي سـار بالمرجلـه شـوط *** يـجهـد لنظـم عـقودهـا مـا فـرطهـا
من يمدحه ما قال به هـرج مغلـوط *** ولا هو بحال اللي الحقيقه غمطها
أبـي امدحـه مـا همني كـل زربـوط *** خـطـو الـذي زلت رفـيقـه لـقـطهـا
صفر الـدلال بربعـتـه كنـهـا بطـوط *** الـلي بهـا خـمس الحوايج خلطهـا
وكـم حاشيٍ جـابـه بـدنـّاه مـربـوط *** خـلاه لـلـخـطـار بـالـقـدر يـطـهــــا
والحايل اللي صوفها تقـل ممشوط *** مـن طيب مفـلاهـا تـناقـط حمطهـا
قـلّط شحمها بيـن مندي ومضغـوط *** روس الهـرافي بالصياني قـرطهـا
واليـاعطا يعطي كـرامه ومصفـوط *** ما مقصده مـدح الرجـال ولغـطهـا
دار سكنها من المطرجعها شطـوط *** هـوج الريـاح العـاتـيه ما شفطهـا
يزهر نبات القـاع بالحـزم والسوط *** تريـف ويورق قشعها مع سبطهـا
الطيـب يا هليّـل لـه اركان وشروط *** ودنـيـاك لا تأمـن بوايـق اخططهـا
من جار وقـته مرزقه صار ناقـوط *** مـا دام هـي تعـطيك دنيـاك عـطهـا
دنيـاك هـذي بـيـن قاشط ومقـشوط *** ودولاب بـقـعـا كـم جـيـل قـشطهـا
كـم واحـدٍ خلاه وقتـه عـلى جنـوط *** وأصبح يغـص بلقمتـه مـا زرطهـا
والحر اللي ريشه منتـّف وممروط *** ما اظـن يـعطب صيدته لـو خبطهـا
الحـر لولا الريش مـا صـاد شبـوط *** بـيـض الثنـادي مخلـبه ما معـطهـا
ومن يحتزم بسمال ونكوث وخيوط *** نـكـث المحـازم تـنقطع لـو ربطهـا
وأن كان بشتك واسع الفج مشعوط *** لا تهملـه ارقـع افجوجـه وخـطهـا
الجرب في رقـط المثامل تبي مـوط *** من أجل مايعدي الصحيحه حبطها
ومن عاش بالدنيا مكيّف ومبسوط *** يـقـنع بـرزقـه والبشر مـا غـبطهـا
ما يغني المفلس تضجر ولا قـنوط *** ولا يـنفـع النـفس الشقيـه سخطهـا
والرابح الـلي منهجه دوم مضبوط *** عـن الخطـأ كـل الجـوارح ضبطهـا
لا بـد مـا يحمـل عـلى الواح بلـّوط *** بالشاش يـدرج والقـوايـم مغـطهـا

وهذه القصيده للشاعر معوض بن معيض الخمشي جواب لقصيدة عبدالله بن
عبار بعد ما سمح للشعراءان يردون على هذه القافية الصعبه في امسيه
شعرية في تبوك لاتحظرني قصيدة بن عبار : 1009

لو الحروف المبهمـه مالهـا انقـوط *** ناضع على حرف القرايض انقطهـا
الكاش دفعه كـاش والقسـط بقسوط *** وخـــير الامـور اليا تعلـت اوسطهـا
كانن قافـك يابــــن عبـار بشــــروط *** يـــدفع ثمـين الجائـزه مـن شرطهـا
ماينقبل مجـلس بـه الحـق ملشـوط *** من ماعترف بحقوق غيره لشطهـا
من ماحتمى حقه مع الناس ملهوط *** كم واحـدن تضـرس انيابـه لهــطهـا
والحر يعلا والمطامن لـهـا اهـبـوط *** واهـل الديـار المـــمحلـه لاتغبطهـا
اقفى الربيع ودارهم محـل وقحـوط *** والارض مـن سبـة اهلهـا قحطهـا
ماتنبت الاشجار لو سيلهـا اشطوط *** جفت وحمس عشبهـا مـع حمطهـا
اخذت مع درب الشواعير لي شوط *** وكم شاعرن راس الطويله شعطهـا
والحـر حـر ومـاكـر الحـر شابـوط *** واليااعتلا روس العوالي شبطها
والطير الابرق موقعه فوق زربوط *** اليا ارتفـع قشـر الاغانـي نغطهـا
حتى الطيور الطايره فيهن اسقـوط *** تسقط على سقط السقيطه اسقطها
دنياك ما تغبـط على كـل مصخـوط *** تـاكـل من لحـم البشر من سخطها
كم واحدن يركض بلشغال مشطوط *** شطت عليه من الشطايـط اشططها
مبسوط ابو جزاءوانا منك مبسوط *** يـد الكريـم اليا تواضــــع بسطـهـا
كمن خروف الحية الضيف مربوط *** كـم حـايـل ٍ عيتـا سمينـه ربـطـهـا
كم من قعود ٍ في صيانيه محطـوط *** ومـفـطحـات ٍ بالصيـانـي قـرطـهـا
مايجحد المعروف رجـال مـزبـوط *** والناس تعرف بالوفاء مـن نمطهـا
بعض الاوادم عنده القيـر مفـروط *** سبـايــكـه وسـط المكينـه فـرطـهـا
اليا نشدتـه عنـده العـلـم مخـلـوط *** بعض الاوادم ريحتـه مثـل ابـطـهـا
لا لاح لك زوله مثـل زول نعبـوط *** كـحـل اعـيونـه بالكحـول ولعـطهـا
يكحل سواد العين والدقـن مزلـوط *** لـولاه جـاهـل جذلتـه مامشطـهـا
الياجلس كنه علـى قـدر مضغـوط *** والنـار اللـي تلتهـب ماوهطـهـا
يلوخ السانه باالمجالس تقل سوط *** يقرط عن شيل الرحايل احططها
بالشوشره مابين شاحط ومشحوط *** مـافيـه قـوم ٍ بـاقيـه ما شحطـهـا
بعض العرب عده على الدار مقروط *** ينسـى لامـن الاصابـع مصطهـا
نـفـي الكـرامه للرجـل فـعـل مغلـوط *** راع العباطه فـي عماهـا عبطها
شفت الاسد والذيب والنمر مربـوط *** علـى الثلاثـه شايخاتـن اقـططهـا

هذه القصيدة من شعر الشاعر نواف بن عبدالله بن حدجان بن مريبد العدواني
البجيدي العنزي وقد القاها في حفل آل داله في أجتماع قبيلة الخمشة في مدينة
الشملي في يوم الخميس الموافق الثاني والعشرون من شهر شعبان يشيد
بزميله عبدالله بن دهيمش بن عبار العنزي : 1010

يا عيـال وايـل صفـقـوا لأبـن عـبــار *** درع عـنـزة والـسـم لـلـي بـغــاهــا
الـلـي لـوايـل كـنـه الـسـيـف بــتـّــار *** يتعـب ولا حسّـب ويحـمي حـمـاهــا
أبومشعل لأجل عنـزة يدوس أخـطار *** من دون وايل ما حسب وش وراها
لأجل عنزة ما حسب أتعـاب وأسفـار *** أحـيـا تـواريـخـه وأطـلـع صــداهـــا
مـشـى لأجـل وايـل مسـافـات وديــار *** بـعـيـده لـكـنـّـه تـحـمّـل وجـاهـــا
ألـف ولا مـل الـتـعـب وافـي الأشبـار *** أمـجـاد وايـل فـي كـتـابـه حـصـاهـا
جـمّع نسبنـا وحـط لأنسابنـا أشـجـار *** وسجـل مشاهيـر الجـدود وحـواهـا
درع عـنـزه شاعـر مـؤلــف وجـبّـار *** ومواقـفـه ماهـو عـنزي من نساهـا
درع عنزة صقر عنـزة بحر الأشعار *** شـاعـر بـني وايـل عـلى مستـواهـا
أديـبـهـا كـنـه لـهـا الـوالـد الـبــــــار *** هـو الأديـب الـلـي يـعـادي اعـداهـا
خـلـّد فـخـر وايـل لـلأحـفـاد تـذكـــار *** مـثـل الـنجـوم العـالـيـه في سماهـا
لـه عـنـدنـا عـز وكـرامـه ومـقـــدار *** وعين البغيض يعجّل الـلـه عماهـا
فخـر لبني وايل من صغـار واكـبـار *** سجل أمجاد شيوخهـا وازعـمـاهـا
حـكـيـم ومحـنـّك وبـالشعـر بـيـطـار *** حـرٍ صعـد روس الجبال اعتـلاهـا
يا مرحبـا فـي جـيـتـه سأر وأجهـار *** شاعـر بني وايـل وشّـرف لقـاهـا
وقبل النهايـة شكـر منـا بـلا عـيـار *** وعـيـال وايـل جهدكم مـا خـفـاهـا
والخاتمـه يا عيال وايـل هـل الكـار *** حـيـوا أبـن عـبـار فـي مـنـتهـاهـا

وقال عبدالله بن دهيمش بن عبار الفدعاني هذه القصيدة رداً على قصيدة
الزميل الشاعـر نواف بن عبدالله بن حدجان المريبد العدواني البجيدي : 1011

مشكور يا نـواف يـا صقـر الأحـرار *** يامـن بـديـعـات الـمعـانـي نـقـاهـا
أنـظـم جـوابي لأبـن الأجـواد شكـار *** مجـد زمـيـلـه فـي قـوافـي بـداهـا
الـلي بقناة المختلف عـبـر الأقـمـار *** أبـيات بالصوت الجهوري قـراهـا
بالمحـفل اللي ضم صلبين الأشـوار *** أعـمالـنـا الشغـموم وضّح ثـنـاهـا
ماهي غريبه من نسل مكرم الجـار *** نسل الجـدود الـلي تشّرف ضناهـا
جـده مريبد لا ركـب فـوق الأكــوار *** عـقـيـد يـدلـي كــل ديـره غـزاهــا
يدحم عـلى ذود المعادي الـيـا غـار *** قـاد المسيـرة والجـهـامـة خـذاهـا
يسري ويجري يقضي الليل سهّـار *** والجيـش تـسمع بالفيـافي رغـاهـا
فارس شجاع أن طالع القوم سبّـار *** وربعه هـل البلها تخـوّف اعـداهـا
كـفـو اليتامـا النعم مـرات وأمـرار *** أهـل بـيـوت عـز مـن هـو لـفـاهــا
العود الأزرق وأشقر الهيـل يـنـدار *** بربـاع مـن ضامـه زمانـه نصاهـا
مزبان ملهوف عـليـه الـزمن جـار *** أهل الكفوف اللي غـزيـر عـطـاهـا
يتـلـون شيـخ فـي دوانـيـه مـا بـار *** مخلص وربعـه صادقه فـي ولاهـا
الشيخ أبن شامان مشهور الأذكـار *** نسـل الـرجـال الـلي بعـيـد مـداهـا
وقـبـل الخـتـام أكـرر الشكر تـكرار *** لـلي الـحـقـايـق بـالـنـواظـر يـراهـا
شبهـتـني للـدرع يـا نـسـل الأخيار *** ومـن يصنع المعـروف يلقا جـزاهـا
أنـا بمـديحـك يا أبن الأجواد فـخـّار *** وأنـا بـمـثـلـك أفـتـخـر وأتـبـاهـــــا
لاشـك أنـا يالقرم فـرد مـن الأنـفـار *** أفـخـر بمـاضي لابـتي مـن غـلاهـا
ودرع القبيلـة من يطيب مـن الأمار *** وأمجـادهـا بـفـرسانهـا وأومـراهـا
من طاب منهم درع وحجاب واستار *** ومن خاب دنـّق والمراجـل رمـاهـا

*- قال الشاعر أسعد الروابة هذه الأبيات يسند على عبدالله ابن عبار : 1012

كانك تـبي صدق الـدلايـل بتفصيـل........ وتقرا بـني وايل من أيـام ذي قـار
عليك باللي ينتحي عـن هـل القيـل ......وينهج سلوم الدين وسلوم الاخيـار
بالعـلـم حلل ماضي عنـوز تحليـل........وعـنـده ادلـة مـن بدايات الاسفــار
اسمه لمع بالصدق من جيلٍ لجيـل ......حـتى غـدى بيـرق معارف للامصار
اعني بقولي من تسامى عن الميل .....عـبـدالـلـه ابـن الـوايلــي ابن عبــار

وقال عبدالله بن عبار هذه الأبيات رداً على الشاعر أسعد الروابة : 1013

تعيش يا قـرم مـن الـربـع حـلحيــل *** عـزالله انـك وايلي مـن هـل الكـار
مشكور يا نسل الرجـال المشاكيـل *** الـلي مجالسهـم بهـا بـهـار واكتـار
مشكور أبـو هاني فـداه الدعـابيــل *** اللي على الصاحب يدورون معيار
والشكر للي سجل القـاف تسجيــل *** عبدالله الشغموم مـن ربعـنا خـيـار
من عزوةٍ يوم المغازي على الخيل *** مـن لابـة الفـدعـان بواجت الـدار

قال سليمان بن حسن بن مهنا أبا الخيل هذه الأبيات ترحيب بزميله
عبدالله بن دهيمش بن عبار : 1014

أهـلا هـلا بالـوايـلـي واف الأشـبـار *** يـا مـرحـبــا حـيـيـت فـيـنــا ومـنّـا
حـي الـلـه الـلـي لا لـفـا نـّور الــدار *** يـالـوايـلي نـوّرت بـيـت الـمـهنـّـــا
أهـلا هـلابـك ألـف مــّرة وتـكــــرار *** وأعـداد ما طيرعـلى الغـصن غـنـّا
يا مـرحـبـا تـرحـيـبـة قلتهـا أجهـار *** مــع صـبـة الـفـنـجـال هـيـل وبـنـّا
صفر الدلال الـلي عـلى واهج النـّار *** هـذيـك صـبـوهــا وهــذي تــدنّــــا
جيتـك تسوى عنـدنـا يا أبـن عـبّـار *** شـي كـثـيـر مـا حـسـبـنـاه حــنـّـــا
قـدرك رفـيـع ولا تـمـاراه الأنـظــار *** لبـيـّت يـوم دعيـت مـن غـيـر مـنـّا
شـرفـتـنـا يالـوايـلي نـسـل الأحـرار *** عنيـت لـي وحقـقـت لـي مـا تـمنـّا
ما أوفيك حـقـك بالقوافي والأشعـار *** روايـعـك بـالـقـاف لـحـن وفـنـّـــــا
أغـلى المكاسب لا لفونـا هـل الكـار *** فــوايــد مــا هــي بـيــورو ويــنـّــا
أنا أشهـد أنـك وافـي يا ذرى الجـار *** عـز الـلـه أنـك نـادرٍ فـي زمـنـّـــــا
يا عل دربك ما تجي فيـه الأخـطـار *** وعساك مـا تـبطي إلـى غبـت عـنّـا
فـي ظـل حـامـيـنـا رفيعيـن الأذكـار *** الـلـه يـعـز الـديـن ويـحمـي وطـنـّا

قال عبدالله بن دهيمش بن عبّار هذه الأبيات جواب لأبيات الأخ سليمان بن
حسن بن مهنا أبا الخيل : 1015

أكـتـب جـوابـي للشغـاميـم الأخـيـار *** رد البـيـوت الـلي مـن الـقـرم جـنـّا
مشكـور يا سليمان يا نبـه الأفـكـار *** عـسـاك تـسـعـد بـالـحـيـاة وتـهـنـّـا
قـوافـي سليـمـان لـي تـاج وأشعـار *** سـلايـل الـلـي أفـعـالـهـم شـرّفـنـــا
عند أبـو حسن لـي كـرامـه وتعبـار *** ولا هـي غـريبـه من خلايف مهـّنـا
يا أبـن مـهـنـا عـنـدنـا كـل الأخـبـار *** نسمع بـكـم يالـقـرم مـن يـوم كـنـّا
مـن يـوم كنـّا فـي زهاملينـا أصغـار *** أخـبـاركـم مـع كـل طـارش لـفـنـّــا
مبطي عـلى بـريـدة سلاطين وأمـّار *** مـن سـاس لابـه يـدخلـون المجنـّا
يـوم الحـرايب طبعهـم كعـم الأشرار *** الـحـق الأبـلـج يـأخـذونـه مـثـنّــــا
جدك حظي بالخيل مـن قـدم الأدوار *** بـاد الخـصـوم وبـالـمـراجـل تـكـنـّا
وشال اللقب في عـز وإجلال وإكبار *** شيخ شمخ عـن واجـبـه مـا تـونـّا
الـوايـلي مبـطي بـدرب الفخـر سـار *** يـوم السيوف مـن المعـادي تحـنـّا
يـا مـا تـعـلى فـوق زيـنـات الأكـوار *** بالغـزو مـا يـركب مـن الهجن دنـّا
الفـارس الـلي يذعـر الخيـل مغـوار *** عـوق الخصيم الـلي عليـه ايتجـنـّا

قال الشاعر فندي بن عوده بن داله هذه القصيدة وهي ترحيب وإشادة
بزميله عبدالله بن دهيمش بن عبار العنزي : 1016

بادي بسم الكريم الـلي رفع سبع شديـده
باسط سبع كذلك جـل شانـه فـي وهـاده
خالق المخلوق منزل وابل يرزم رعيـده
جاعل جـرد البلاد القاحله يخضر حماده
اسأله عفوه ولطفه وأطلبه يوم الوعيده
أرتجي فضلـه وجـوده وأجتهدله بالعباده
بـعـد ذكر الله صغـت مـن التماثيل الفـريـده
اتخيّـر من شوارد خاطري حسب الأراده
أتنقى من جزيل القاف واعزف عن زهيده
يا خفـوقي بالجـزالـه نـادر القيفـان نـاده
أختياري من فرايد نـادر الشعر وجديده
يوم صعب القيل طاوع ونحنالي بالقياد
قلتها بقدوم أبن عبّار والفـرصة سعيده
أجتماعي في جنابـه مثل يوم فـي عيـاده
حي قرم بالوفاء والطيب وقفاته حميده
الأديب الـلي حفظ تاريخ وايل من مهـاده
له ثلاث عقود يصدر كتب عن مجد البديده
ما ثـنـوا عـزمه رجاجيل يريدون انتقـاده
حيث أبو مشعل رفيع الجاه شوفاته بعيده
ما ثـنـاه اللي ظلام الحسد خيّـم في فـواده
الحميا كاسب الأمداح تجري في وريده
بالوفاء لأمجاد ربعه معتلي صفوة جواده
دون مجد أولاد وايل دايم يبـذل جهيـده
وايـلي ولا يهـمه مـن يكـابـر فـي عـنـاده
ألف بتاريخ وايل صدق ما فيها جحيده
بـاذل بأخبـار وايـل جـل جهـده وأجتهـاده
بالمحيط اللي حوى عناز بفروع عديده
أجتهد بـه دون غيـره لين حقق به مراده
أشتهر يأخذ بحوثه من مصادرها الأكيده
من روايات عن الأجداد مضبوطاً إسناده
كم خصوم صدها عن مجد قومه بتهجيده
من عبث بأمجاد وايل كال له صاعـه وزاده
اشهد أنه ما بدأ بقصور وعلومه مجيده
بالفعول الـلي بداها يستحق أعظم إشاده

قال عبدالله بن دهيمش بن عبّار هذه القصيدة جواب لقصيدة الشاعـر
فندي ابن عوده بن داله الخمشي : 1017

ابدأ بسم الله ربي من قبـل نظم القصيـدة
مهّـد البيـد الفيافي والجبال الشـم شـاده
أرسل الهادي بشير وسن للخلق العقيدة
عابد الأصنام أسلم وحّـد وأدى الشهـاده
اشكر الله ثم أشكر من ضمايرهـم وديـده
الكـرام أحفاد قـرم بالكـرم وصى احفـاده
الشكر لعيـال دالـه أهـل الأرياء السديـده
مدركين النعم مبطي حيث لهم الطيب عاده
قال مفلح لا تعـّذر الوعـد ملـزوم اريـده
من بعد عيد الضحيه ياجب عليك اعتماده
قلت ابشر وأتشرّف سوف نحضر للوعيده
الكرم والطيب طبعك وأنت من أهل الريادة
زرت وافين الخصايل واكرموني في بريده
واستمعت لقاف فندي حيث فن الشعر أجاده
شاقني منظوم فندي للزميل القاف أعيـده
قلت مردود القوافي دون نقص ولا زياده
أفخر بمنظوم فندي ياعسى أيامه مديـده
وأطلب المولى لعله يرفـل بعـز وسعـادة
من شغاميم الدوالـه يسلم القـرم الوليـده
يا عسى يفدا جنابه من دخل فكره بلاده
يا أبن عوده كـل مبنى يبتني يحتـاج مـيـده
كان هو ما صب ساسه بالعجل يسهل هداده
النهـر بالعذب يجري بس تسمع صوت ويده
منظره بالشوف يفرق عن سراب بالحماده
كل من يبذر بذار الغرس يجني من حصيده
لكن الخسران الأول من زرع شوك الكداد
والحجار الصم مهما تحتفظ بالماء صميـده
ما نبت زرع زرعته بالصخر صلب الصلاده
من نوى حوك المكايد بالنحر يرتد كيده
ومن يريد يثير فتنه يدعي الله في هجاده
حيث تاريخ القبيلة في سجلات الجريده
كل واعي كل مدرك بالنسب سلسل اجداده
افخر بفعل المكارم والرجل فعله رصيده
والجمر مهما تلضى صيوره يصبح رماده

قال الشاعر النداوي يسند على زميله عبدالله بن عبار : 1018

يـالـوايـلـي كـفـيـت والـلـه ووفـيـت *** انشهـد انـك مـن صورايـم الاحـرار
ومن لا يعزك من سلاسلة سرابيـت *** لا لا يـهـمـك كـل مغـرض وثـرثـار
اللي على مجدك يبي يبني الصيت *** مثـل الـذي فـي راسه يصـادم جـدار
مـا هـمّنـا يالـوايـلـي هـالعـفـاريـت *** العـرف ما يشرى بـدرهـم وديـنـار
انت الاديب بعـلـم الانساب عـديـت *** اجدودـا من قبـل كسرى وذي قـار
لا شك ما قصـرت يالـقـرم واقـديـت *** ومن قبل ذلـك انـت بالشعـر بيطـار
كـل عـنـزي يغليك يا طـّيب الصيـت *** من فضل وال الكون في كل الاقطار
قلته المشاعـر يالسنافي بكم بـيـت *** ولا انـت يـكفي بالفخـر ابـن عـبـار

وقال عبدالله بن عبّار رداً على النداوي : 1019

هـلا هـلابـك يـالـنـداوي وحـيـيـت *** اعداد ما تنبت عـلى القاع الأزهار
مشكـور يامـن للسرابـيـت سبيـت *** عسى يجيهم يا أبن الأجواد دمـار
وأنا باللي شرواك دوم استعـزيت *** ولا الـردي كـوبـان مـالـه استعبار
مـدحـتـنـي بـالـلي لعـنـاز سـويـت *** ربـعي وأنا منهم هل الفعل والكار
المنطق الـلي يالنداوي له أوحيت *** أهـل الحسد بقـلـوبهم شبّت الـنـار
هـذا يـقـول أني توهمت وأخطيت *** وهـذا بـدأ يـصنـع هـذاريـم مـكــّار
وهذا عليه صار يالقرم عفـريـت *** دود وغـداله يا أبن الأجـواد منقـار
ماهمني يالقـرم هـرج الشواميت *** جميع منصف صار شرواك شكّار
واللي يولع شعلة النـار بالـزيـت *** هذاك منطوقه على همش الأخبــار

هذه الأبيات وصلت عن طريق النت للشاعر النداوي يقول : 1020

بسم الـلـه ابـدأ قبل مضمون قـيلي *** المعـتـلي بالعـرش رب المخـاليـق
ومن بعده اتبع مـا يـقـولـه دلـيـلي *** مالي ومال اهل الجهل والمطـافيق
الـلي يحسبـون النسـب كـالمديـلـي *** والـلي عليهـم قـل صحه وتوفيـق
بـلاهـم المسكين ابـو عـقـل حيـلي *** تـوه طـلـع مـلـفـق الهـرج تـلفيـق
هـو مادرابك ؟ قـبـل جيلـه وجيـلي *** وانت الذي في راس عال الشواهيق
يالـقـرم فـعـلـك بالـمـلا مستحـيـلي *** متفوقٍ فـي كتب الانساب تفويـق
لاشـك عـقـلـك مـع يـقـينك ثـقـيـلي *** جبل يابو مشعل تعلى على طويق

قال عبدالله بن عبار هذه الأبيات رداً على النداوي : 1021

مشكور يا راعي الكلام الجـزيلي *** حيثـك نداوي ما تعـوقـك مسابيـق
شرواك ضد اللي بهرجه يـعـيلي *** حيثك عـرفت الموجبه عقب تدقيق
عسى فداك اللي ضميره عـليلي *** الا هـذاريــــمـه مــزاري وتـعـلـيـق
اللي على الصاحب بهرجه يميلي *** ذيخ يصادق خانق الحـلق تخـنيق
وأن جـاك كـذاّب لكـذبـه يـهـيـلي *** قـلّه تقلّع وأنصرف غاد يا زريـق
خل الحسود اللي لحقده يشيلي *** عساه يصحي يدرك الصدق وايفيق
وش عاد لو يحمل بقلبه غليلي *** يلـقى جـزأ ربـه اليـا نشّف الـريـق
يتبع

تابع
وقال الشاعر محمد بن صلال الموايقي : 1022

مال الحمـيّـا وقــت وحـدود وازمـان *** ومـن لا يحامـي جـعـل ربـي يزيله
هــذا وحـنـا مـــن القبـايـل لـنـا شان *** اولاد وايـل والـمـناســب اصـيـلـه
مـهـمـا تفـرقـنـا عـلـى كـل الاوطـان *** الـدم يـبـقـى فـي حـدود الفـصيلـه
والا انــت ياكحيـلان تبـقى كحـيـلان *** اسمك مع الويلان ماحـدن يـشيـلـه
جهدك مثمّن وانت من فوق الاثمان *** الـمستـحيــل يـحـقـق السـتـحـيـلـه
لا والـذي في حكمـه الانس والجان *** عـبـدالـلـه العـبـار درع الـقـبـيـلــه
من عانده بالكذب مخطي وغـلطان *** لـيتـه يـتـوب ان كـان يـدرى شليلـه
وتس تاهل التكريم من كل الاعيان *** وفـي كـل عـام وكـل يـوم ن ولـيلـه
حيث ان قدرك بالضماير له اركان *** وانـت الـذي غـايـات نـفسـه نبيلـه
من قبل عصر النت يجتاح الاذهان *** واخـبـارك بـكـل الـمجـالـس دليـلـه
والمعذره عـن كـل كـلمـه بنقصـان *** بـيـوتات نـكـتبـهـا عـساهـا جـزيلـه

قال عبدالله بن عبار هذه الأبيات رد على قصيدة محمد بن صلال : 1023

حي الجواب وحي من صاغ الألحان *** عـد الرمال الـلي الذواري تهيلـه
بالـلي يشيـد بـجهـدنـا دون جحـدان *** حيثه من شخوص الرجال النبيله
كـاني كتبـت أنسـاب وتـراث ويـلان *** كـل عـنـزة لـهـم فـعـايـل جـلـيـلـه
يـامـا بوايـل من فـوارس وشجعـان *** حـمـايـة الخلـفـات يـوم الـدبـيـلـه
وياما بـوايل مـن مـقـادم وشيخـان *** نـوهتت عـنهـم في مـلاحم طويلـه
بـذلت جهـد لعـزوتـي قـدر الأمكـان *** ولاني بحال أهل العضود الهزيلـه
أهـل النمـايـم خـلـوا الربـع عـدوان *** الـلـي يـبـثـون الـدعـايـة نـقـيـلــه
الـبـوم يـنـغـط يـالـنـدواي بجـيـلان *** والحـر يصعد فوق راس الطويلـه
مـا سبنـا لكـود شبـه أبـو حصنـان *** الثـعـلـب الـلـي وهـنـه طـول ذيـلـه
الباشك اللي عاش في وكر عقبان *** الـثـرثـري لـو قـال مـا أحـدٍ دريـلـه
الـلي يبـث الهـرج فـي كـل ديـوان *** يلعب على أصحاب القلوب الهبيلـه

قال الشاعر محمد بن صلال الموايقي : 1024

حتـى تخلّـص ساحـة الشعـر تخليـص *** مـن كـل شـعـر قيمتـه بالرخيـصي
غاص البحر كان البحر هيب ماغيص *** صيده ثميـن ولايصيـد الرخيصي
يبغاء إنظمامه طـالـب كـرت ترخيص *** طـامـع بخوتـكـم عليـهـا حـريصي
والشـعـر والشـعـار مـثـل القـوانـيص *** والصيد يكشف بالنظر والقصيصي
نسمع شعر يبغي تسمكر وترصيص *** وشعر ذهب صافي مصفى خليصي
وبيت الشعـر يحتاج دقـة وتمحيص *** حـتـى يـصـان مـن الكـلام النقـيصي
من كان تعود على الخبص تخبيص *** مـاهـو مـمـيـّز بـيـن ديـمن وهيصي

وقال عبدالله بن عبار رداً على محمد بن صلال : 1025

تعيش يامحرص على الطيب تحريص *** حيث الثقل ما ينقله كود حيصي
هـرجـك عـدل مـافيـه زايـد وتنقيص *** وأنـت الذي من طاهرين القميصي
سجلت صعـب القاف ما قلت تخبيص *** مـا ينقـده قـاضي تبوك الخريصي
ربك هـو الستّار من هـزت العيـص *** بالقيض بـركان الصخر لـه لميصي
متى نشوف ورود ربـلة وقرّيص *** وعيـن العـطـن بدحالها لـه بصيصي

قال عبدالله بن دهيمش بن عبار العنزي هذه القصيدة يثني على أنجال
الشيخ خضير بن مدوخ بن شامان البجيدي : 1026

خاويت أبو نواف رجـاء أبن شداد *** ومطني بعد نعم الخوي خلفة مطير
وزرنـا هل البلها أخوان أبـو فهـّاد *** خلـف وفهـد مـن سلايـل مـنـاعـيـر
نصيـت هجـرتـهـم زيـارة بـميـعـاد *** نطوي على شوف الحمايل مشاوير
بزيارة أهل الجود لي شف وامـراد *** مصـدر كـرم مـا حسبوا للمخاسيـر
ساعـة لـقـاهـم كنهـا أيـام الأعـيـاد *** ولي عندهم حشمه وقيمه وتقـديـر
في مجلس فـرشه زوالـي وسجّـاد *** وعذي الكنب يبهج صدور المسايير
مع رايـب الفنجـال في صنع بغـداد *** وأنواع من حلو الرطب نقوة الحير
ومن بعدها عيت الذبايح على الزاد *** وقولـت هـلا والعـود بالمدخنه ديـر
أجواد نسل أجواد من ترثت أجـواد *** أهل الكرم مبطي قـبـل يكثـر الخيـر
الطيـب ورث معـقـبـه لهـم الأجـداد *** ينتبهـم عـبـيـه وشامـان وخـضيـر
خضيـر بن شامـان عـقـب للأحفـاد *** مجـد يسـر أهـل الوجيـه المسافيـر
وعياله الـلي طبعهم كسب الأمجـاد *** مـن مـصقـرٍ فـرخه يشبب صقاقير
أهـل ضمايـر مـا بـهـا غـل وأحقـاد *** ولا يسمعون هروج لمـز ومعـاييـر
أدناهـم الـلي نـذخره عضد وأسنـاد *** عن جور راعي البلبله والشباشير
ونعم بهل الحمراء جماعات وأفراد *** مـا منهـم الـلي نـالنـا منـه تقصيـر
سلقا نمجدهم عـلى روس الأشهـاد *** يـا مـا بـرز مـنهـم رجـال مشاهيـر
يـوم السنين الـلي بهـا كـر واطـراد *** يـروون حـد المـرهـفـات البـواتيـر
واليا صدح صوت البنادق بالأعتـاد *** وجلجل ضبيح محكمات الشراريـر
وتـقـابـلـوا بالمعـتـرك عـنـد الأذواد *** عـدوانهـم بالكون عـادوا مـدابـيـر
والضيف لاجاهم عقب تعب واجهاد *** يلـقى الكـرامـة والـدلال المبـاهيـر
وقصيرهم لو هو من أعيان الأكراد *** يسعد بجيرتهم حمى الجار وأيجير
لو أبي أعد شخوصهم مالها أعـداد *** أبي أختصر بالقول وأبي المعاذيـر
وختـامهـا صلـوا عـدد رمل الأنفـاد *** عـلى النبي عدت هبوب المعاصير

قال الشاعر نواف بن فراج بن خضير الشامان العنزي هذه القصيدة
مجاراة لقصيدة عبدالله بن دهيمش بن عبّار : 1027

بديت باللّي العبد من مدّتـه جَــاد ~~~ رب العبـاد مكـوّر الشمس تـكـويـر
الـواحـد الـلّي نلتجي لـه وسجّـاد ~~~ نـرجي رضاه ورحـمتـه والتياسيـر
اللّي رفع سبع بلا سمك واعـمـاد ~~~وسبع بسطها لـوردهـا والمصادير
هـو الذي وان قال كُنْ كان ماكـاد ~~~ سبحانه وبحمـده رفيع عن الغـيـر
نرجيه يرحم ضعفنا بـيـن الالحـاد~~~ ويـغـفـر خـطانـا يـا بَعثـنـا مغـابيـر
ومن بـعـد ذكـر الله يا قـرم الاولاد ~~~ قـريـت قـافـَـك واهتـويت التعابـير
تـبـد الثنـا ولـك الثنا يابن الاجـواد ~~~ والحـر مثلـك ما يجـي منه تقصير
تـبـد الثـنـا لخضيروعقبه والأحفاد~~~ ومن يعتـدل ممشاه مايخلف السير
وعن العمام انبيك ياعوق الاضـداد ~~~ اهـلآ هـلابـك عِـّد مـا غـرّد الطيـر
يامرحبا ترحيـب مـن قـلـب ومـراد ~~~ بالـلّي لفـوا والفـوا علينا مساييـر
ترحيب عِـطره نـادر العـود والكـاد ~~~ قَدر النشاما اهل الوجيه المسافير
ترحيـب مـثـل الشهـد لـذّه للاكـبـاد ~~~ والـذ واحـلا مـن حـليـب المباكيـر
مانتم ضيوف انتم معازيب واسياد ~~~ الـدار تزهـــى بشوفكم يالمناعـير
حيا الـلـه الـلي للجـزيـلات مـعـتـاد ~~~ راع الطرايــف والعلوم النواديـر
عـبـد الـله العبـار مـاهـو عـلى واد ~~~ على المحيط الهَاد بالشر والخير
قـدرك كبيـر اكبـر من المـد والـزاد ~~~ ولك يبو مشعل عندنا حشم غيـر
يـاسـيـف وايـل نـايـل كـلّ الأمـجـاد ~~~ دين وادب وايضا جـزالـة تعابير
عـليت مثـل سهيـل لـك مـنـزل غـاد ~~~ متعـلّيـن عـن كلّ قاصر تشابيـر
مـن لابـةٍ مـنـزالـهـا روس الاشهـاد~~~ فـدعان هُـمْ ستر البنيّ الغنادير
فـدعـان مروين الرهايف والاغـمـاد ~~~ صغيرهـمْ ينطح سرية معاويـر
مـن اولاد وايـل لـلـجـزيــــلات رواد ~~والله جَعل بالناس فرق ومعايير
ولانـي عـلى بـاق الاجـاويـد ضـهـاد ~~~ الطيب والافعال يلقى مع الغير
وصــلاة ربــي عــدد مـاهــل رعَّــاد ~~~ على النبي عداد نبت المشاجير

قال الشاعر عبدالله بن ضيف الله العفري هذه الأبيات : 1028

بالسلام ابدا المثايل مبتدي العفـري سلامـه
مبتدي العفري سلامه بالسلام ابـدا المثايـل
ساقها سوق الاصايل على طاروقه ونظامـه
على طاروقه ونظامه ساقها سوق الاصايل
ياحزام اعيال وايـل لازمـا مـن بـه غشامـه
لازما من بـه غشامـه ياحـزام اعيـال وايـل
انـت هـداج الجزايـل انــت للمعـنـا وسـامـه
انـت للمعنـا وسامـه انــت هــداج الجـزايـل
انـت تاريـخ ودلايــل رمــز يـرمـز للفخـامـه
رمـز يرمـز للفخـامـه انــت تـاريـخ ودلايــل
مرجـع لربـعـه وفـايـل للمشاهـيـر ومقـامـه
للمشاهيـر ومقـامـه مـرجـع لربـعـه وفـايـل
قاعده ومقضـا قبايـل واهبـه ربـي الكرامـه
واهبه ربـي الكرامـه قاعـده ومقضـا قبايـل
قلتهـا والشـك زايـل يفخـر بمدحـك عمـامـه
يفخـر بمدحـك عمامـه قلتهـا والشـك زايــل
قال عبدالله بن عبار رداً على عبدالله بن ضيف الله :
يا هلا ويا مرحبابك عـدد مـا تنشى الغمـامـه
عدد ما تنشى الغمامة من مراهيش المخايل
قـلـتهـا وأهـدي سـلامي لـلـذي ذرب كـلامـه
الـذي ذرب كـلامه قـرم وعـلـومـه صمـايـل
منطق الرجل المهّذب ساس قدره واحترامه
ساس قدره واحترامه ما مشى بدرب الرذايل
عشت يا نسل العفارى يا سليل أهل الشهامة
يا سليل أهـل الشهامة من صناديد الحمايـل
عسى تسلم يالبناخي وعسى يفداك الفدامه
عسى يفداك الفدامه الـلي عـلـومه هـزايـل
من كتب مجد القبيلة في جهوده واهتمامه
في جهوده واهتمامه كافح بشتى الوسايـل
باللزم من دس راسه يعتبر مثـل النعـامـة
يعتبـر مثـل النعـامة تدمسه وسط النثـايـل
أعتزي بأولاد وايل ذروة المجـد وسنامـه
ذروة المجـد وسنامـه بالفعـل يوم الدبايـل
لابـتي في كـل ديره من مشاريق اليمامـه
من مشاريق اليمامة للمدينة لأرض حايل
ومن طويل الفلج لأربد للزبير إلى المنامه
وبالحجاز ونجد تلقى من ضنا وايل عوايل

وهذه القصيدة من شعر أبو هديل الجعفري وقد نشرها عبر الموقع يقول : 1029

يـالـلي بــكـلامـك بـالمـجالس تفـوه *** وبالمنتدى تـكتب سواليف وعلوم
مـايـنفـرض رأيـك عـلـيـنـا بــقــوه *** منـا بقـول الصدق والحـق ملجـوم
يا ناقـد أهـل الـعـرف مـبـداك تــوه *** والا أبـو مشعل مابـدا بـحثة اليـوم
طـويـق شامخ مـا يجي فـي عـلوه *** غـير الـذي مثـل ابـن عبـار يـاقـوم
صرحٍ شمخ بـالمـرجلـة والـمـروه *** والمعتـدي يـرجع بالافـعال مهزوم
مـن يـعتـرض له زاد هـمة وسـوه *** يـمسي ذلـيـلً مايجي عيـنـة الـنـوم
والــحــر حــر ولا يــشـبــه لـبــّوه *** الحـر الأشقـر ماخشي هـدة الـبـوم
ألـــف كـتـابً فــيـة صـدق ونـقـوه *** ولا ثـنـا عـزمة هـل الحقـد واللـوم
ابــن دهـميش حـاز عـلـم الحـمـوه *** مـن صغـر سنة والحمية له اسلوم
ولاسب شخصـة غيـر رجـلً مشوه *** عـاري من الصحة كلامة ومعدوم
وكــلُ يــمـيـز صاحـبـة مـن عـدوه *** ومن يخفي الأحقـاد القصد مفهـوم
ومـن سب ابـن عبـار يشب ضـوه *** أنـا الخصيم وراعي الطيب مخـدوم
من يعترض لك يا فتى الجود كّوه *** خل الردي في هامة الرأس موسوم
وصلوا على الهادي ختـام النبـّوه *** نبينـا الهـادي عـن الشرك معـصوم

قال عبدالله بن دهيمش بن عبار هذه الأبيات رد على أبو هديل الجعفري : 1030

يالـفـكـر سـو الـقـاف بـالحال سـوّه *** لا تهمل المردود لـو كنت مزحـوم
الـجـعـفـري عـنـده حـمـيا ومـخـوّه *** يرشد على درب السنع كل منجوم
يـا أبــو هـديـل الـيـوم كـلـن يــدوّه *** مثل الماخوذ اللي من الغبن مكلوم
راحـت مسوحه مـا بـقي كـود بّـوه *** يـندب ولا ظني تـعـود أم خـرطـوم
والـلي يفوح مـن العـفـن ريـح ذوّه *** دلا يـتفـاخـر في خـرافـات وحلـوم
تـوه يـبـي يـبـرز بـمـدح الـسمّــوه *** وده يصير بفـاضي الهـرج زيـزوم
الــلـي بــحــزات الـلــوازم تــمّــوه *** وقت المصادم راغ والأسم مكتـوم
عـلـى الـقـرابــه سـن كـوبـان زوّه *** عـينه عن اللي ضد ربعه بهاهزوم
وسـط المجـالـس بـالنـميمـه يـنـّوه *** ظـالم وكنّـه تـايـه الـرأي مـظـلـوم
قـل لـلحـقـود أرتـاح ورشاك طـوّه *** خطو الذي قلبه مـن الحقـد مسموم
لـو صـح لـه مقصد مـرامـه ونـّوه *** شتت شمـل قبيلتـه وأصبحـت قـوم
يـقـولـه الـلـي عـكّـر الوضع جـّوه *** بالـدرب قـدامـه عـراقـيـل وعـقـوم
يـالـلـه دخـيلـك كـل مـا أسـد هــوّه *** يـفـتق خـلايـلـهـا هـلابـيج ورخـوم
الضبـع الأبـخـر لـو غـذيتـه ربـّوه *** لابـد لـه ساعـة يـفـاجيـك بـهـجـوم

قال الشاعر : سعد بن فرحان بن جفران العنزي هذه الأبيات عبر النت
يسند على زميله عبدالله بن عبّار : 1031

قـال الـذي فيـمـا نظـم مـن قـصيـده *** اكـتب جديدات القـصايـد والابيـات
دون عـلى المعـنى وهـات بـجديـده *** من قرح فكري مابهرجي سماجات
اعوم فـي غـب البـحـور الـبعـيـده *** واحرص على نظم البيوت الجزيلات
يـاهـاجسي حـضـر بيـوت ٍ فـريـده *** تـلفي لابـو مشعـل زبـون المهمات
لـه مـوقـف كـلـن يـقـول ويـعـيــده *** فخر عنزة يكتب عن أمجاد سادات
اديب وشاعر صاحب ارياء سديده *** تاريـخ وهـامة عـانـقتـه الطويلات
تفخـر بشيخ القوم وتـمـدح عقيـده *** مـن صلب وايـل معتلي بالصدارت
الـعـلـم تـاتـي بـه واصـولـه وكيـده *** مـا تكتب الا فـي تـواريـخ واثـبات
شيـدت عـلمـك فـي قواعـد وطيـده *** تـردع بـهـا نـفـوس ٍ تـدور لـزلات
والعـلم مـاهـو فـي قـرايـة جـريـده *** يالـلي تـدورون الخـطـأ والملامات
والـلي يـريـد العـلـم يطلـب مفـيـده *** عـز الـلـه إن الكتـب عـلـم ودلالات
وختامها صلوا عـلى افضل عبيـده *** محمد رسول الـلـه علية الصلوات

وقال عبدالله بن دهيمش بن عبّار هذه الأبيات مجاراة لقصيدة الشاعـر
سعد بن فرحان الجعفري : 1032

حـي الـذي نـظـم القـوافـي يـجـيـده *** يـا سعـد لـك مـني سلام وتـحـيـات
يـامـرحـبـابـك عـدد مـنبـوت ضيده *** وعـدد نبـات القـشع بالـبـرجسيات
واعـداد مـا تـثمـر غـرايس بـريـده *** مـن ديرت الترمس إليـا حد أبانات
وعـد الحـجـر بجـبـال ديـرة رفيـده *** وعدد ذرّات الملح بأرض القـريات
وعـد الحروف الـلي بنشر الجريده *** وعـد الرمال الـلي بقـاع الصفّرات
مـشكـور يـا قـرم العـيـال الـولـيـده *** ردعت عن شين اللغى كـل شـمّات
الـلي حـنـاجـرهـم يـجلجـل رعـيـده *** بـثوا غـثيث الهـرج ضد القـرابات
يا سعـد مـا تشكـل عـليـنـا المكيـده *** الـلي تحـاك مـن الحواسيد بالـذات
الـلي تـمسّـك بـالخـصـال الحمـيـده *** ما هـمـه الـلي ينشرون الدعـايـات
مـا دام مـعي أهـل العـقول الرشيده *** مـا همني مـن لـه مقاصد وغايات
أهـل الـذمـم بـالـلي عملتـه شهيـده *** عندي من شخوص القبايل شهادات
قـلتـه وتـزويـر النسب مـا نـريـده *** على المزوّر مايجب صمت وسكات

قال فداوي بن دعيس هذه القصيدة يسند على عبدالله بن عبار العنزي 1033

يا رب يالـلـي للـدعـاء تستجـيـبـي *** ما خاب عـبـدٍ رب الأربـاب نـاجـاه
يالـمـعـتـلـي يـلـي لعـبـده قــريـبـي *** يا سامع النملة عـلى خف ممشـاه
يا خـالـقـي مـا فـيـك شـك وريـبـي *** يا عالم مكنـون عـبـدك و نجـــواه
أنا دخـيـلـك عـن سـمـوم اللهـيـبي *** النار لـولا رحـمـتك غـيـر نـصـلاه
يالله تـنجـيـنـي بـيـومٍ عــصـيـبــي *** يـوم الجنين أمه تـقـطـه وتـنـســاه
من هول ما شافت تعـاف الحبيبـي *** وش عاد لو يصرخ وتسمع مناداه
وشعاد لو تسمع لـصـوته نحـيبـي *** مـا تـقـربـه كـل تـكــفـيــه بــلـــواه
يا رب لـطـفـك طـالبك تعــتـنـيـبـي *** مـا خـاب عبـدٍ مبدع الكون يـجـزاه
مـن بعـد ذا بـيـت قـافٍ عـجـيـبـي *** والـلي محلـي بـه عـلى زين معـنـاه
انـه مــوجــه لـلـشـجـاع الأديــبـي *** عبد الـلـه الـلي جعـل الأنذال تفـداه
شهم مخضـرم جـامـع كـل طـيـبـي *** قـضـى حـيـاتـه لـلـقـبـيـلـه محـاماه
مـا يـسـتـريح وفـيـه حـقٍ سليـبـي *** لـكـل عـنـزي مـا قــال ذولا وذولاه
لو إن وائـل فـي عــداد الـدبـيـبـي *** جـمـع شتـات القـوم القرم وأحصاه
أحصا الفعـايل والنسب والنسـيبـي *** والـكـل مـنهـم فـي كـتابـيـن سـواه
يوم الذهان تقـول مـالي وجــيـبـي *** هـو مـا يهـم أنـفـق الـمـال وأفـنـاه
مناقبه واجـد وحـصره صـعــيـبـي *** والـلـه عـن الـويلان بالخير يـجزاه
واليوم أنا عديـت راس الجـذيـبـي *** أزهـم أبـو مشعـل من الهـم وأنخاه
الهـم والهاجوس صاروا نصـيبـي *** عـزي لـمـن بقـعا تـدوسـه وتاطـاه
ضاق العلا بـيـه وضاق الشعـيبـي *** ياضـوق دنـيـا حامـل الـهـم ضوقاه
والعين صبت دمعها و السريـبـي *** وطعـم الحنـاضل بأوسط الكبد ذقناه
وتكدر المأكـول هــو والـشـريبـي *** والنـوم مـن كـثـر الأسى ما عرفـناه
من سبت اللي ما وصـل لطبـيـبي *** فـي يـومه الـمحـتـوم قـفـت رعايـاه
أخـوي وفـراقـه عـلـيـه صعـيـبي *** عـبـد الـلـه الـلي بالثـلاثـاء فـقـدنـاه
الموت للمخلوق ما هو غـريـبـي *** مـن عــاش لابـد الـلـيـالـي تـعـشــاه
لكـن بـلايـه شـفـت أمـه تـلـيـبـي *** تـقـول أخـوه الـيـوم يا غـيـر يـقـفـاه
تصفـق يـدينه ثم تنـحـب نحـيبي *** الـلـه لا يـبـلى سـامـعـي مـثـل بلـواه
مرزوق محكوم بسيفٍ عطـيبـي *** سيـف الشريعـة مـا أحدٍ يقرب حمـاه
سبعة عشر عام بسجنه قضيبـي *** عـزاه من يصبر على السجن عـزاه
ورع صغيـر ولا لقالـه نـجـيـبـي *** شخص يحبه عن هل السوء ينهــاه
لـو نتأسف الأسـف مـا يـثـيـبــي *** مـا قـّدر المولى على العبد يرضـــاه
وصلاة ربي عـد رقص العسيبي *** بـأيـام صـيــفٍ والــشـمــالـي تــولا
على النبي الهـاشـمـي الحـبـيـبي *** الـلـي نـتـابـع سـنـتـه مـا نـتـعـــداه

وقال عبدالله بن عبار هذه القصيدة رداً على فداوي بن دعيس : 1034

يـا الـلـه يـا عـلام فـي سـر غـيـبـي *** يـا مـطـلـع بالـكـون تـعـلم خفـايـاه
يا سـامـع لصـوت الـدبـا والدبـيبي *** والـذر تـوحـي بالدجا صوت ماطاه
أنـت الكريـم وطـالـبـك مـا يخيـبي *** وأنت الذي نجيت موسى من اعداه
يامـن سقـام أيـوب بأمـرك يطيـبـي *** من عقب ماجسمه به الدود يرعاه
يونس بجوف الحوت نـادى كئيبي *** ولطف بحاله والي العـرش وأنجاه
وعيسى رضيع بداخل المهد بـيبي *** نطـق وعـرض أمه من الأفـك برّاه
يالـلـه يا مجـري هـبـوب العـذيـبي *** الـلي يسوق الغيم مـن عـند منشاه
يا مـودع الجـذع المهـمـد رطـيـبي *** عـقب يـباسه عـلّـه السيـل وأحيـاه
يـارب يـالـلي لـلـخـلايـق حـسـبــي *** يـدعوك عبدك يالولي وأنـت مولاه
بجـاه الـذي عـلى المنابـر خـطيـبي *** المصطفى اللي ثبت الدين وأرساه
يـا الـلـه تـهـوّن كـل أمـرٍ مـريـبـي *** يا خالقي عبدك عـلى الخير تـقـداه
يا رب تـهـدي كـل مـن لـه طـليـبي *** واتبارك بمسعى هـل القـدر والجاه
حيـث الـذي يعـفي بصـدر رحيـبـي *** رب الخـلايـق مـالـك الملك يـجـزاه
يوم الطفل مـن شـد هـولـه يشيبـي *** والكـل يرجي رحمة الـلـه وحسناه
يصيـر لـه يـوم الـقـيـامـه مجـيـبي *** نـال الأجـر وأخـذ كـتـابـه بـيـمـنـاه
يا فـداوي بـن دعـيس لـو نـتخيـبي *** الحل عـنـد الـلي الخلايـق برجواه
يـعـبـأ لثقـيـل الشيـل حيـصٍ منيبي *** ولا كـل حيـصٍ شـد للحمـل يـقـواه
الحيصٍ يزوزي بالحمـل لـه خبيبي *** يـنقـل ثقيل الشيل ما تسمع رغـاه
يحتـار مـن شكـواك فـكـر اللبـّيـبـي *** أمــرٍ مقّـدر والـي الـكـون جــــرّاه
أطلب من الـلـه يالسنافي واهـيـبـي *** بالـلي اعتزى والعبد للرب شكواه
الـلـه يـفـرجـهــا بـرأي يـصـيـبــي *** عسى العفو يصدر وبالصحف نقراه
يـا عـل بالبشـرى يجـيـك النـديـبي *** فـي قـدرت الـلي مـا يـمـن بعـطاياه
عسى يـجـود ولـه جمـالـه وطيـبي *** الله على درب الهـدى يسدد اخطاه
مـوارث كـحـيـلان مـاهـو هـلـيـبي *** سلايـل شخـوص الـرجـال المسمّاه
من ساس لابـة ما خلطهم حضيبي *** النـادر الـلي منبـت الطـيـب مجنـاه
عـزوة هـل العـرفا سطام الحريـبي *** يـوم الـرجل مجده بسيفـه وشلفـاه
الـيـا تـعـلـّوا فـوق شـقـر السبيـبي *** يـاويـل مـن سجـوه بالـرمح ويـلاه
هـذا طـريـح وذاك واقـع صـويـبـي *** وهذاك جزوا بأجرد السيف علبـاه
كـم عشـّوا لـلي بالصحاري يليـبي *** بطنه طواه الجوع يبحث عن الشاه
واليوم مثل الـلي بروضٍ خصيبي *** الحكـم عـدل وسايـر الشعـب ساواه
طـعـامـنـا بـمـثـلـجـات الـقـصيـبي *** ونسكن عـمايـر بالمـكـيّـف مـّهـواه
والمـاء القـراح مبـردٍ لـه صبيبـي *** والـلـه عـطــانـا كــل شـي طـلبـنـاه

يتبع

قال عوض بن صالح النويبعي هذه الأبيات : 1035

ياشيخ وزن عـنـزه معـروف *** مافيـه مـيـزان يـقـوالـه
لكن ترى الوقـت فيه ظروف *** ولا كـل جـاوبك بسوالـه
الضايـف مايشبه المضيوف *** والحـال مـا تـشبـه الحاله
وهلحين الامر مثل ماتشوف *** بعـضنـا بلشـان بـعـيـالـه
جواب عبدالله بن عبّار رداً على النويبعي :
الـشيـخ في لابـتـه مـكـلــوف *** هـم ساس عـّزه وهـم مـالـه
مـن حـد خيبـر لـدار الجـوف *** جـمـلـة عـوانـيـه ورجـالـــه
لاشك أبي أخبرك بالمكشوف *** لـو قـــال مـا أظـن يصـغـالـه
والحـر الـلي مخلبـه مكتـوف *** مـا يـــدرك الـصـيـد عـزّالــه
وقال النويبعي :
أوفـيـت مـانـنـكـر المعـروف ***ومـن مثلكم تـوخـذ اقـوالـه
رمـيتـهـا والهـدف مكشـوف *** والـخـيـل تـحـتـاج خـيـالـــه
قال عبدالله بن عبّار :
يا نـويبعي لـو نكون صفـوف *** نـفـلج اليـا صارت القـالـه
يوم المراجل بضرب سيوف *** لـك جـمع مـا حي يـقـوالـه
واليوم ينجح بهـا الهـذلـوف *** الـلـي وطـأ العـز بــنـعــالـه
من لا تواضع وحب اكتوف *** أدنـى طـلـب مـا تـهـيـالـــه
لـو ننفقـر ما نقول ضعـوف *** رب الـمـخـالـيـق نـلـجـالـه

وقال عوض بن صالح النويبعي 1036

قال ابن صالح وصاغ حـروف *** هـنيت مـن خاليـن بـالـه
ابـكـم اصـم وعـمى ما يشوف *** وبصحصح عايش لحاله
يـا هـم قـلـبـي يـلـوفـه لـــوف *** لـو قيـل مستانس ودالـه
بالمجـلس يسولـف الملـقـوف *** والعـاقـل محـد يتوحالـه
الـوقـت ذا مـا عـليـه حسـوف *** وش عادلو كبرت الهاله
الـنـاس قـامـت تـدق دفــــوف *** صارت مع الخلق طباله
مع ابن عيده غدى المعـروف *** يـوم ابـن هـذال وصالـه
والمعذره في قـمرنـا خسوف *** يجـي قـبـل ضوه ظـلالـه

وقال عبدالله بن دهيمش بن بن عبارهذه الأبيات مجاراة لأبيات عوض بن صالح النويبعي : 1037

يـالـوايـلي مـا نـفـع قــول أوف *** مـن شـذ خـلّـه عـلى فـالـه
لـو كنت واصل مـع أول طـوف *** تـنـزل وتـعـمـل لـك نـزالـه
ويـن الـذي يـنـقـذ الـمـلـهـوف *** مخـطـر مـن الجوع يغتالـه
ما شفـت الـلي ينزل بقـفـقوف *** وسـط الصنـادق بـعـرزالـه
يـصيـح كـنـه لـديـغ حضـوف *** يـنـدب ولا أحـد يـتـعـزوالـه
في ما مضى مايعرف الخوف *** واليـوم يجفـل مـن ضلالـه
الـلي تـبنعـم مـا حصـل نـوف *** لـو صـح لـه يـبعـد اشوالـه
كيف يحصد والسبل مقطوف *** فـوايـده تـبـن ونـخـالـــــــه

قال الشاعر عوض بن صالح النويبعي يسند على عبدالله بن عبار : 1038

خـطـو الـولـد عـنـد الملاقـى تـمنـاه *** بوقـتٍ بـه يشين اللغى تحتمي بـه
وخطو الولد تقطر من السمن يمناه *** خيره على القاصي ويشمل قريبه
وخطو الولـد في كـل الاوقات ماذاه *** من ويـن مـا وجـه يسوي مصيبه
وخطو الولـد رايـه يحيـر بـه اعـداه *** تحتـار بـه اهـل النـفـوس اللبيبـه
وانت من اللي رايه على الخير يقداه *** تـشهـد لـكـم شيابـهـا والشبيـبـه
رجـمٍ رقـاه الوايـلي مـا أحـد يـرقـاه *** والحـر لـه نـظـرات مـا هي قـريبه
ومن لاضميره عن أذا الناس ينهاه *** يجني فشـل اخـر حـيـاتـه وخيـبـه
وكلب الرمي يحتار ما يـقـدي خطـاه *** نـوبٍ يسنـد نـوب يـحـدر شعيبـه

قال عبدالله بن دهيمش بن عبّار هذه الأبيات جواب لأبيات الشاعر عوض بن صالح النويبعي : 1039

احسنت في مـا قـلت يا عـالي الجـاه *** شروى جـنابـك كلمته نقتـدي بـه
المجـتهـد بـعـض البشـر ليـه تـشنـاه *** دامـه يكافـح والـمـزوّر طـلـيـبـه
الـلـي تـعـبّـث فـي نسـبـنـا نـهـيـنــاه *** جــد يـمـجـد بـه وجـدٍ يـعـيـبـــــه
جـد الأعـارة يا عـرب كيـف نـرضاه *** مـا دام حـنـا مـن قبـيـلـه صليـبـه
ومـن عاضد المخطي تحمّل خطاياه *** الظلم وأعمـال النكد وش يـبي به
حسيبـه الـلـه والـي العـرش مـولاه *** الـلي حـكـى بـالـزور ربـه حسيبه
والـلي عـلـومـه بـالـديـاويـن مزراه *** ظالـم ولا ينفض عـن الظلم جيبـه
وبعـض العرب ما همته كود مخباه *** عـنـد اللـوازم يـنـزوي بالـزريبـه

قال الشاعر عوض بن صالح النويبعي العطيفي هذه الأبيات في الحكمة : 1040

قريت بكتاب الحياه و تمعـنـــــــــت *** و لقيت بكتاب الحياه الهوايــــــل
ودينت لي ناسٍ ومنهم تدينـــــــــت *** وأرحلت ومن الناس جتني رحايل
ليامت ما ينفعك الاعملك انـــــــــت *** واذا منه غريت ما من صمايـــــل
وش تنفع الوقفه ليامنك دفنـــــــت *** في ساعةٍ ماانته عن الناس سايـل
ولا يغرك باالعرب قول لاهنــــــــت *** في و قتنا خربت عيال الحمايــــل
وقتٍ تساوى به ولدنا مع البنــــت *** ولى زمان المرجله و الجـــــمايــل
يحزنك اللي مخلصٍ له وماخنــــت *** ونقدك يجي من رديين الفعايـــــل
بعض العرب حتى ولوكان له عنت *** حفاظة المعروف صارو قلايـــــــل
يا قلب ما لومك لو انك تجننــــــت *** ما أحدٍ يقول لتايه الراي عايــــــــل
وعزيلك ان كانك بديًنك توهنـــــت *** الاصل ما ينفعك و الحظ مايـــــــل
حتى على بيت اقرب الناس مامنت *** بك تختفي الطيبه من الخصايـــل
تطيب و العالم يقولون لك شنـــت *** ويجنبونك وانت عينك تخايــــــــل
لكـن اليامنك صليت و تسننــــــت *** قل يالله اقطع خبيثين العــمايــــــل

قال عبدالله بن عبّارهذه الأبيات مجاره لأبيات النويبعي : 1041

مشكور ياللي بالقوافي تفننـــــــــــت *** أقبـل جـوابـي بالبيــوت القـلايـل
يا نويبعي يا نسل الأجواد احسنــــت *** قلت الصراحة يا عريب السلايل
الهيل يفرق يالسنافي عن الكنــــــت *** والناس يضهـر فـرقهـا بالنفـايـل
من شان لك يانويبعي وأنت له زنت *** لك الجميـل وهـو عـليـه الرزايـل
مـار الـردي عليـك يجسر اليـا لنـت *** أبعد عن أهـل اللسلسة والدغـايـل
وأنا مع أهـل البلبلة مـا تهـاونـــــت *** ولا همني تلفيق بعض الدعـايـل
قدامهم سور جداره من اسمنــــــت *** أصدح بقول الحق والراس طايـل
أهل الحسد ما يـوم معهـم تعـاونــت *** الشـكـر لـلـي خصهـم بالفشايـــل
من فضل رب العرش ما يوم هادنت *** لمـن زوّر التاريخ وأنساب وايـل
قلته وأنا براس الطويله تبينــــــــت *** حتى المزوّر شاف نجم القـوايـل
غنيت بلحون الفرح ثم هيجنـــــــت *** والحاسد أوقد في ضميره فتـايــل
اللي يصون الود يالقرم لـه وصنت *** ومن عـال كافحتـه بشتى الوسايل

وقال عوض بن صالح النويبعي هذه القصيدة جواب لقصيدة عبدالله بن دهيمش العبار 1042

لاهنت يامن تكسب الطيب لاهنت *** نعرفك فارس يوم صايل وجايل
وجهت نظر لك ياابو مشعل وبينت *** وانا يضايقني اذا الحمل مايـل
يامن من الفدعان بنت و تبينــــــت *** انشهد انك من صناديد وايـل
رجلٍ لحسنات التماثيل دونـــــــــت *** عناز تشهد لك و كل القبايــل
ومع من تعرض لعنزه ماتهــاونت *** و اثبت ما قلته بحسن الدلايل
والطيبه من الفعل مبطي لها نلــت *** و اهلك قبلك حاميين الدبايــل
لكن عن هالوقت بعطي لك برنت ***محدٍ يبي ياصاح حكي الصمايل
ان كان مامع الحرامي تضامنــت *** وتشاوره وتقول وش انت قايل
وبمجلسه دايم على النمه ادمنـت *** و تقول ما لمجلسك هذا مثايل
ولصورته مع عامة الناس حسنت *** وتقول حامي معبسات الشمايل
وان ارسلك في حاجةٍ ما تماهنـت *** و هو اعمى يقرا بنظام رايـــل
لكن يا ابو مشعل قل بربي امنت *** وجنب طريق مشببين الفتايـــل

قال عبدالله بن دهيمش بن عبّار هذه القصيدة موجهة للشخص الذي
يظلم ويبث الدعايات الكاذبه المغرضة أسأل الله أن يخذل كل ظالم : 1043

يا الـلـه يـارب العبـاد أكـفـني شـر *** شـر الحقـود الـلي بلاني بشّـره
يارب يـا مخـرج مـن المشة الـّدر *** أنـك تجـازي مـن يـدور المضّره
جعل كفـر خطو التريله اليـا صـر *** يـدهـك عـظامه مـا تجمّع اكسّره
يصبح طعـام لجايع الـدود والـذر *** فـتيت جسمه مثـل رمـل الصفّـره
نفـرح بمصرع كـل ظالـم الياخـر *** مصيـر مـن حـاك المكـايـد تحـرّه
الظـالـم الـلـي بالـديـاويـن يـفـتّـر *** واليـا وجـد عـامي بصيـره يفـرّه
يخـدع ردي الشان بالفـر والـكـر *** يـقـدح ومن يسمع كـلامه يغّـره
الطايش الـلي بالخطأ للسبب جـر *** والـرمـل بـعيـون الـمغـفّـل يـذرّه
ينقـل نـمايـم بالمجـالس اليـا مـر *** ويغـتابـني فـي كـل مجلس يمـرّه
عنده خداع ولـه مـلاويـذ وازبـر *** ومن قـام مقـفي بالعـلابـي يـتّـره
لو كان قرقر بالمجالس ولـو قـر *** مـا يـعـادل المـذمـوم مثـقـال ذرّه
الهرج اللي مالـه براهين ماضـر *** والكـذب يملـه صاحبـه مـا يسرّه
شيطان نفسه بالغـوى زرهـا زر *** يجـمخ وصـوتـه بالتشّدق يـجـرّه
كنّه ملك عـلى المحيطات والـبـر *** يمـدح جنابـه والـردى هـو مقـّره
خلا شمل ربعه حزوبات وأخبـر *** ونـار التشاحن بـيـن ربـعـه يـوره
ياعل ما فعله مثل حضرة اعـمـر *** عـــز الأقـراب وقـالـوا الـلـه درّه
المرجلـه ما هي تماثيل وأصـور *** ولاهـي ملامح زيـن منظر وغـرّه
الطيب من دونه عراقيل واحفـر *** واتـلاع فـي دربـه وضلعـان حّـره
الطيب تقليط الموايد على اسفـر *** مـا نـالـه الـلي دوم كيسـه يصـّره
والتبع يبقى تبع لو مصقره حـر *** والهلب ما حـاز السبق لـو تـبـرّه

قال الشاعر عوض بن صالح العطيفي مجارات لزميله عبدالله بن عبار: 1044

قـريت قـافٍ لابن عـبـار لـي سـرً *** والا العـدو لـو لـه قـرا ما يسرّه
أديـب وايـل مـا تـخـضع و لا خـر *** مثل البحـر كدر الغثا ما يضرّه
كم ساعةٍ عن ربعه يوقـف الشـر *** راع الـقـشـر يـهـابـه ولا يـمـره
سباح لامن غاص يظهـر لنـا در *** وليـا وقـف ياصل لنجـم المجـرّه
ليا صاغ قـافـه مـا يجيلك مكسًر *** واليا ضرب راس المعادي يحرّه
بيته عـلى ساس وقواعد معـمًـر *** انعـرف نسبه و عـارفيـنٍ مـقـرّه
يدرّس اهل الشعر حسب المقـرر *** ومـن يستحـق الـبـر بالـبـر بـرّه
و يسانـد الـلي في طريقـه تعـثًـر *** اليا جنبوا بعـض المخاليق مـره
ومن عانده يسقيه من علقمٍ مـر *** من طاح عن وجه الجهامه يجره
لكن بعض الناس بالوقـت يغـتـر *** مسكين لـه ضحك زمانـه وغـره
اليـا سمـع فـي مجـلسٍ لجـةٍ فـر *** يخطي ولا سولـف عـليك يتشرّه
ولـيـا مشى بـعبـيـتـه جـرهـا جـر *** نفسه عـلى درب الرزاله تجـرّه
مثلوث وكري لا يعانـد بـلـه حـر *** يـريح لنفسه ويكفي الناس شرّه
قريـت قـافٍ لابن عـبـار لي سـر *** يـا الـلـه انـك يـا الاهـي تـسـّــره

أبيات الشاعر عوض بن صالح النويبعي : 1045

كـثـر الهيـاط وقـلـت الفعـل فينـا ..... واذا افتخـرنـا نفتخر بالسلاطين
من كثر الحقـد لبعضنا ما وفينا..... في كـل دولـه ما اتفقنا على شين
بسـوء القيـاده من قديم ابتلينـا..... و لا ذبـحنـا غـيـر فـعـل ألمسمين
ألحـقـد فـينـا مـن قـديـمٍ دفـيـنـا ..... وش سجل التاريخ لنا من الزين
ياما ببعضنا عند اعدانا و شينا ..... ومسجلينٍ عند الأعـداء واشيـن
الشيخ مـنـا فـي حياتـه حـزينـا.... ولـيـا زبـنتـه قـال مـاكـلني الـدين
ضاعت عنـزه وكلنـا ضايعـينـا..... اسمـاء مـوجـوده بـليـا عـناويـن

أبيات مجاراة من شعر عبدالله بن عبار : 1046

يا نيوبعي من شذ ما أشكل علينا ----- حـنا عـلى منهج هـل الحـق ماشين
ومن حاد عـن الحق بـه مـا شقينا ----- الـلاّش ما يسوى لك اللـه قـرشين
الـخـايـب الـلـي بـالـغـثـا مبـتليـنا ----- يدجل على ضعاف العقول المساكين
مـن يسـأل المنكـود وش يدعينـا ----- يبحث عن الغرات لـه عـّدت اسنيـن
مـدري عـلامـه بالقشـر مطبـينـا ----- وده يـحـاول يـقـسم الشمـل قـسميـن
عـن هـرج راعي البلبله ما درينا ----- مثل الجبل نبقى عـلى الدوم راسين
نـفـخـر بـلابـتـنـا أسـود العـريـنـا ----- وتسعين خـيـبـه للهدوس الـرديـيـن

قال عوض بن صالح النويبعي 1047

أنتمنا يا وطـنـا عـامـر و شعبـك سعـيـد
لا تشتـت لا بـطـالـه لا أمـورٍ معـضلات
يهتني ألشعب ألسعودي ويتحقق مايريد
وألوطن يسمو بفكره للنجوم ألعاليات
لا أرهابي لا حرامي لا منافق لا عـنيــد
لامجاعه لا شفاعه و حقك بلا واسطات
لا أستغلال ولا جشاعه ولا تاجر يزيد
وألمواطن ما يتذمر و ألصعاب مذللات
عاد عيدك يا وطنا نحبك وألله شهيد
كل من بأرضك يحبك من عيال من بنات

وقال عبدالله بن عبار هذه الأبيات مجاراة لأبيات النويبعي : 1048

قال من صاغ المعاني وأبتـدأ بنظـم القصيد
قـلت من بدع القريحة بالخواطـر جاهزات
شاقني قاف العطيفي صاحب الرأي السديد
عوض المنعور حيثـه قـرم ممدوح الصفـات
أشكره وأمدح جنابه عدد ما يـومي جـريـد
وعدد ما هلت مزون من المناشي هاشلات
خابره شاعـر حـكيـم وبالمعاـني مـا يحـيـد
مقتدي عدل المناهج مـا بـدأ هـرج الشمات
وأحـمـد الله يـوم سلّم عـاهـلٍ حكـمه رشيـد
دام عـزّه يـا عـسـاه بـحـفـظ لاب الكـاينـات
عاش ملكنا أبو متعب يا عسى عمره مديد
هـو ذرانا هـو سندنا كـان حلـت معضلات

وقال عوض بن صالح النويبعي : 1049

الحـق ضاع و راعـي ألحـق مـظـلـوم *** بـهـذا الـزمـان يـغـيـرن الحـقايـق
ألـشـاهـد بحـكـم ألمعـازيـب مـحـكـوم *** وبالـخـط يـوضعلك ثمانين عـايـق
حكموا العرب ألروم وأنتصرو ألروم *** وبعض عربنا أليوم صاروا علايق
هـذا زمـانٍ بـه رخـص كـل مـحشـوم *** وارتفـعـت أسهـم كـل خـاين وبايق
ألحـر قيـل في ذرى ألسدر و ألـدوم *** وألـبـوم فـوق ألضـلـع يـمـه يـوايـق
و صارت قيادة القوم بيد أرذل ألقوم *** ويـغـيـرون أرائــهـم بـالــدقــايــــق
و بـعض ألعرب يقـول مافيه معلوم *** شـبـعـان بـطـن و مـالـيـن لـلعـلايــق

وقال عبدالله بن عبار هذه الأبيات مجاره لأبيات عوض بن صالح النويبعي : 1050

يا نـويـبعي دنيا الشقـا كلهـا اهـموم *** من وين مـا ناظرت شفت الحرايق
رمح الزمن يا نسل الأجواد مسموم *** ويـاكثـر الـلي يالـقـرم لـلـمـر ذايـق
تــوازنــت يـا مسنـدي لأبـو زردوم *** ذرب اللسّـان الـلي عـن الحق مايق
يدجل على اللي من العرب معهم ختوم *** ويـدور عـنـد أهـل الـدثـور اللقّايـق
سـر الـخـيـانـه فـي محـانيـه مكـتـوم *** ويـلتـم حـولـه مـن أعـوانـه لفـايـق
الـغـادر الـبـايـق مشجّـع ومـدعـوم *** يـوضـع بمنصب بالقـطـاعـات لايـق
يـعـوث في علم الـنسب دايم الـدّوم *** ويـوقـف بجـنـب مـزوريـن الوثايـق

قال الشاعر عوض صالح النويبعي هذه الأبيات يسند على عبدالله بن عبار : 1051

أشوف أبن عبـار ساكت لـه أيـام ... لحقه الكبر والا من ألوضع ميـس
وأنـا أخــبـر أنـه نـصيـرٍ للاسلام... وحـكـيــم رايٍ ولأمــوره يــقــيّـس
المنطـقـه مختلفـتٍ عـقـب صـدام ... و من العـرب ما صار بعـده ريس
مـن يـوم ألفيـن و ثـلاثـه لهـلعـام ... ومـريضنـا من شد مـابـه مـديس
وقسمنا ماهـو سمين من الأقسام... واليـا أعـتـرضنـا قـيـل هذا كويس
وعمامنا صارو لنـا ألـد الأخصام ... و ألـلـه بـلانـا بـلـنـا عـمٍ خـسّيس
لـكـن أملـنا بـعـد ربـي بضـرغـام ... وشبلـيـن ساسه للسياسه تسيس
أبـو فـهـد لاقـام صـارم و عـّـزام... عـدوه أقـفـى بـعـد الأحـلام مـيـس

قال عبدالله بن دهيمش بن عبار هذه الأبيات جواب لأبيات النويبعي : 1052

يا نويبعي مرّت بنا سنين وأعوام == وجوّر الليالي لأغلب الناس خيّس
ومن عارك الأيام يالقرم ما أيـلام == مـاهـي غـريبه كـان شفـته امتيّس
والقصر يلـزم لـه قرانيت ورخـام == والـيــا تـهــدّم مـا يـفـيـده تـلـيّـس
صدام أخـو هدلا فنا اعداه بحسام == ماهاب عدوانه عـلى الموت هيّس
ودنـيـاك مـا دامت لـمـرّه وهـمـام == الفـارس الـلي باع عـمـره رخيّس
وحـنا بعصر توفـرت فيـه الأنعـام == نطعـم من الـلي في غلافه مكيّـس
بالناس من يربي على عز واكرام == وبـهـم الـذي شاقي وحـظّه تعيّس
واليوم يفخـر كـل هـايـف وحـّوام == روعـان يشهـد لـه زميلـه خـميّس

قال عوض صالح ألعطيفي بمناسبة افتتاح حساب زميله عبدالله بن دهيمش بن
عبار في تويتر مع خالص تحياتي لشاعر عنزه وأديبها ونسابها أبو مشعل حفظه ألله
ورعاه وأمد عمره على طاعته وهذه مداعبه فقط والا ابو مشعل أكبر من أنا نمدحه
بقصيده فهو شاعر عنزه الأول والسد المنيع ألمدافع عن ألقبيله : 1053

شـفـت حـسـابـك واستـانسـت .... ولـي حـساب ولـك حساب
يـوم شـفـت أسـمـك تحـمست..... أفـرح لا شـفـت الـشـيــاب
لأنــي لـشـعـــرك درســـــــت ..... و أنـا فـي سـن ألـشـبـاب
و مـن ثـقــافــتــك أقـتـبـسـت ....... شعـر و عرفـت ألأنساب
يـاكــم مــن لـيــلـه جـلـســت....... أسمع من شعـرك ماطاب
وبـكـتـابــك لـجـمـل قـوسـت...... ورحت أبحث عن الأسباب
يـا بـعـد الـي عـلـى البـسـت...... بـراســه لـــعــب الـشــراب
لــمـلاحـم شـعــرك أسـسـت ...... وعــلـمــت أعــداك الأداب
فـعــلاً عـلـيــهــم مـارســت ..... أشـــــد أنــــواع الــعـــذاب
وللألسـن أعـدانـا أخـرسـت ..... ذيــبٍ كــل لــك يــهـــــاب
عـــز الـلـه أنــك غــرســت ..... طيـب وثـمـر غـرسك طاب
شفـت حسابـك وأستـانست..... بتـويـتـر يا شيـخ الـشـبـاب

قال عبدالله بن دهيمش بن عبار هذه الأبيات جواب لأبيات عوض صالح : 1054

يـا عـوض كـان اسـتـانـسـت *** وفــرحــت بـفـتـح الـحـسـاب
لـو الـقـاك لـخـشـمـك بـسـت *** حـيـثـك مـن خـيـر الأصحـاب
حـيـث مـن أمـثـالـك لـمسـت *** المنـصـف يـثـنـي بـاعـجـاب
مــا ســكــت ولا غـــلّـســـت *** عــن الـشــانــي والـسـبّــاب
مـن خـلـقــك الـلـه مـا دسـت *** أمـرً فــيــه الــرجـل أيــعـاب
عـن الـعـلـيــا مــا نـكـســــت *** بـأعـلى الـقـمّـه لـك مـرقـاب
يـا أبــو صـالـح مـا دنّـســت *** سـمـعــتـي عــنــد الأجــنـاب
مـثـل الــظـالــم مـا جـنـسـّت *** يـقـدح ومـن الـلـه مـا هــاب
مهـما مـن الحسّاد أوجـسـت *** لـلــويــلان أصــدرت كــتــاب
مـن شكـر الطيّـب مـا أفلست *** مـثـلـك يـا زاكـي الــجــنــاب
وصـلـت الـمـيـد وروســـــت *** عـقـب الـمـجـهـود وأتـعـــاب
لـشـخـوص الـعـزوه قـدّسـت *** أمــجـّـد وأمــدح بــاســهــاب

قال عوض بن صالح النويبعي : 1055

البـرق يالـلي دايـم تخـايـل البـرق *** لا يـشـغـلـك أوقـات خـيـره مـا هـولـك
معاملة الغرب لمن يسكن الشرق *** ماترضي الخالق ولا ترضي رسولك
تخرق حقوق الآدمي عندنا خرق *** ومـن الـقـهـر أوقـات يـطـق جـولــك
وكـلـيـبـهـم مـابينـه وبيننـا فـرق *** يـحـشـم وحـنـا نـهـان شـي يـهـولــك
وأنت تهز الراس لعيونه الـزرق *** ولـه تحتـرم لـو وسخ الأرض حولـك

قال عبدالله بن عبّار مجاوباً عوض بن صالح النويبعي : 1056

يا نويبعي ريّح ضميرك عن الحـرق *** ما فـاد قولي يالسنافي وقـولـــــك
اللي غـزونا وسددوا مسلك الطـرق *** هم والروافض شبوا النار حـولـك
يا مكثر الـلي قال يا بوش هيـا أرق *** خضع وقـال اركـز بمتـني نعـولــك
قالوا لـلي دم العـرب يهـرقـه هـرق *** أفـزع مـع الثـوار يـوم اشتكـولـــك
ثم أقدم لبترولهـم واسرقـه سـرق *** ونصب لهم حاكم من اللي خضعولك

قال عبدالله بن دهيمش بن عبار هذه الأبيات : 1057

اليـوم كثـر السـب والطعـن والقـدح *** عـبـر التواصل بـين صاقـل ورامح
والكل يصدح في كـلام الخطأ صـدح *** حـتى اختفى بـيـن العـبـاد التسامح
يا مكثـر الـلي دابـه الجـمخ والنـدح *** عـلـيـه مـن زرق السوالـف ملامـح
كلن يـبي يضفي عـلى نفسه المـدح *** يسعى حثيـث لشهـرة العـلـم طـامح
المنسفه لـو كـان يخشى من السدح *** يـمشي عـدال ويـرتـدع كـل جـامـح
والمنعوج لـو صح لـه بالظهـر ردح *** يرجع مهبّى عـقـب طيشه وقـامـح
قال عوض بن صالح العطيفي :
ناس رقص سامر وناس رقص ردح *** وناس لعـبـة عـتبه ونـاس مرادح
عـرباننـا تضحـك وباطرافهـا السّدح *** وقامت بعضها من الخريعه تجامح
لا تـغـرك الأقـوال لـو يـكـبـر الـنّـدح *** الـلـه يـرحـم عـودنـا أبـو مـسـامح
زنـود بعـض الناس مـا يقبـل القـدح *** لـو قـال مـانـي لـلـمـعـاديـن دامــح
وقال حمود بن عنيزان:
راح التعـب والجهـد والبـذل والكدح *** ودرع بـنـا سـيـل عـنيـف وجـامـح
تسمع من الجيـلان في مقدمـه ودح *** انهـى الأمـل ولبـاقي الأعمال قامح
توسعت عنـد العـرب فـكـرة الـردح *** والـلي يشوف لـعـلـة الـوقـت لامـح
بعض العرب من علته منسدح سدح *** وصابـر عـلى عـلة زمانـه ودامـح
يتبع

تابع
*- قال أحمد بن محمد المشوط الحريميس هذه الأبيات يسند على عبدالله بن دهيمش بن عبار : 1058

جيتك يابو مشعـل وترحيبتي غيـر *** مـن قـلب وافي يعتـزي بالقـرابـه
فـي جـيتـك نـثـرت ورد التبـاشيـر *** يالـلـه انـت حـيـه ياهـلا مرحبابـه
في مجلسٍ فيـه النشاما المناعيـر *** عـقـاقـرة . صـفـوة اسـودٍ بـغـابـه
شاعر واديب ومـدهـلٍ للمساييــر *** ودايـم مـشـرع لـلأجـاويـد بـابــــه
لك هيـبةٍ في طلتـك تشبـه الـزيـر *** شـيـدت مـجـدٍ بـالـعـرب ينحـكـابـه
وثقت تاريخ النسب بعـد تـغـيـيـر *** مـن عصرنا لدور النبي والصحابه
ماهي يابو مشعـل كتابـة طباشير *** مـا تنمحي عـبـر الـزمـان وخرابـه
المعذرة وان كان لاحظـت تأخيـر *** لأنـي اشـوفـك منـشغـل بالـكـتـابـه
شفت الجماعه بأسئلتهم طوابيـر *** والكـل منهـم يـنتـظـر منـك أجـابـه
وختامها بالمسك واحلى التعابيـر *** لـك مـن ابو منصور حـق القـرابـه

قال عبدالله بن دهيمش بن عبار هذه الأبيات جواب لأبيات أحمد بن محمد المشوط الحريميس : 1060

قـال الـذي ينظـم جـواب الشواعيـر *** أبيات من شعري ضميري بدابـه
جواب قرم من حـمـايـل بهـم خـيـر *** أحمد عـريب ولا بساسه خـنـابـه
النـادر الـلي مـا يجي مـنـه تقصيـر *** بعيد عن حكي الـردى والمعـابـه
من ساس لابـه يـوم شـل المناسيـر *** يـوم العرب مثل هريف الـذيـابـه
مـن غـوطـة الفيـحـا لبغـداد للـديـر *** باجـوا بعـيـد الـدار يـوم المجابـه
قطعانهم تـفـلا مـن سلـوك لضميـر *** ومن فيضة الأديان حتى الغـرابـه
يوم السلف تمشي وراه المضاهير *** بالعصر اللي فيه المرازق نهابـه
فعـايـل الفـدعـان حـمـر النواضيـر *** من سجـل التاريخ نـالـوا أعجـابـه
وأشكرك يا نسل القروم المشاهير *** سـلايـل حـريـمـيـس يـا نـعـم لابـه
بيت ذري عن لفح فيح الهواجيـر *** هـو بـيـتـنـا الشامخ وحـنـا طنـابـه

هذه الأبيات من نظم الشيخ جمال بن مشاري بن محمد الرفدي يثني على
جهد عبدالله بن دهيمش بن عبّار نحو قبيلة عنزة : 1061

يستاهـل التكريـم مـثـل أبـو مشعـل *** له قدر عنـد أهـل الوفـا والجمـايـل
الوايلي مـمــدوح ذكـــره مــن أولْ *** بعصر القصـيد وفي زمان المثايـل
لـه بـمـيـدان الـشـعـر قـول يـهــّوِلْ *** ياطـا عـلى راس الحنش مـا يسايل
والـيـوم بـالـتـاريخِ عـلمـه مسجـلْ *** سجـل نسب عـنـاز بأصدق بالدلايل

وقال عبدالله بن دهيمش بن عبّار هذه الأبيات رداً على الشيخ جمال بن مشاري بن محمد الرفدي : 1062
يـا أبـو مـشـاري يـالأديـب الـمـبـجّـل *** ساسك عريق ومن خيار الحمايل
أنـت الـذي عـن واجـبـه مـا تـرجّـــل *** هـرجك وكاد وكل هـرجك صمايل
عـادتـك بـعـلـوم الـفـضـيـلـه تـعـجّـل *** ويشـوم فـكـرك للسمـان الجـلايـل
يـفـداك الـلي عـلى الـرفـاقـه يـدجّــل *** يامـن بـفعـل الطـايلـه لـك فـعـايـل

قال الشاعر سامي الرويلي يسند على عبدالله بن عبار : 1063

حيـيت يالمنعـور يـا نـسـل الاجــواد *** ما غرنا سرد الهلايب وطيشه
عـبـدالـلـه الـعـبـار لـلـطـيـب مـعـتاد *** نـوفـه بعيـد ولا يحيلـون قـيشه
ربعك هـل الجدعـا يضدون الاضـداد *** الذيب الامعط ضفها تحت ريشه
وربعـك هـل العـرفا هـم سـم الاكبـاد *** ما كـادهـم كثـر المعادي وجيشه
وربعك هـل العـليـا صعاصيع الاولاد *** كـرام اللحى مـاهـم لفيفه وكيشه
واخـوان بتـلا بالفـخـر صـيـتهـم زاد *** حـكـّام مـن حكـّام مـا هم لشيشه
هيـه يالـلـي لانـسـاب الاجـواد جـلاد *** وش غيكم ياهل القلوب الغشيشه
حـنــا عـنـزه لـو انـنـّا بــدار الاكـراد *** وحنا عنزه لو انّا ورى ديار بيشه

وقال عبدالله بن عبار جواب أبيات الشاعر سامي : 1064

مشكور يا سامي على نصح وأرشاد *** حيثك نصحت أهل العقول الخريشه
يـالـوايـلي مـا سبـني كـود الأوغــــاد *** سود القـلـوب مـروجيـن الحشيشه
مـا هـمـنـي أهـل الدسايـس والأنـكـاد *** ولا اشكـل عـليه هـذرمـة كـل خيشه
مـا نـاجـح الا لـه مـع النـاس حسّـــاد *** بالواقع اللي يا أبن وايــل نعيشه
مـا دام دربـي يـا فـتى الجـود مـسنـاد *** وقفلت عن لوم العفون الدريشه
أمدح بني وائل عـلى روس الأشهـاد *** يوم ادبحوا أهل الضلوع الهشيشه
الـحـر الأشـقـر لـلـجـزيـلات صــيـّـــاد *** وطيـر الـرخـم تلقـاه عنـد الوليشه
الناس مـا تـقـبــل بـتـغـيـيـر الأجــــداد *** حصن الرمك ماهم سلايل كديشه

قال الشاعر سامي هذه الابيات يسند على عبدالله بن عبار : 1065

سـر يـاقـلـم للـوايلـي بـارسـل القـاف *** للقـرم ابـن عـبـار راعـي الـطـويـلـه
للـمـرجـلـه والـطـيـب مـاهـو بعيـاف *** يـكـرم صـديـقـه والـعـدو واغـلـيـلــه
يذكر مع هل الطيب فخير الاوصاف *** وبـاللـي مـثـل شـرواه تـفـخـر قبيلـة
قال عبدالله بن عبار جواب لأبيات الشاعر سامي الرويلي :
حييت ياقرم عـلى الطيـب مـزهـاف ** تعيش يا راعي العلوم الجزيله
مشكور يا سامي المقاصد والأخداف ** عسى فداك اللي يبور بعميله
أن كـان ودك نـذكـر الـحـق بـنـصاف ** أولاد وايل كلهم مـن فصيلـه

وقال عبدالله بن سمير : 1066

مرحبا عـد بـرق في سماء نـجـد لاح *** وعـدد ما دحّت الـويلان بصفوفهـا
مرحبا يا مسقي العـدوان سـم ذحـاح *** يوم بعض الأوادم عذرها ظـروفها
دون ربعه بيوتـه مثـل طعن الـرمـاح *** العـدا من جـنابـه واضـح خـوفـهـا
شاعـر عيـال وايـل والبسوه الوشاح *** ما حسب لا لعـاقـلهـا ومـلـقـوفـهـا
أبـو مشعـل جبل مـا حـركتـه الـرياح *** مـن رجال تـحـط الحيـل لضيوفـهـا

قال شريف الخالدي : 1067

مرحبا بأبو مشعل كل مـا جـاء وراح *** اعـداد مـا تكتب الشعار بحـروفهـا
أبـو مشعل مضاله دور جهـد وكفـاح *** رمز القبيلـه وسيـف من سيوفـهـا
كما الحـر القطامـي كان رف الجناح *** صيرمي من صوارم ماتبيد كفوفها
اشهد انه بحـر ما هو سراب ضحاح *** عـسى عيون تحسده ينطمس شوفها

جواب عبدالله بن عبار : 1068

من شريّـف لفـاني قـاف مثل القراح *** حيث جـزل المعاني بارع بصنوفهـا
يا هلا ومرحبابه بالمساء والصبـاح *** عدد حجاج مكّـة سعيهـا مع طوفهـا
منسبه من قبيلـة كان صاح الصياح *** لابـتـه بني خالد مشتهـر مـعـروفـهـا
اشكره هو مقبل من رجـال الـرمـاح *** وأبو ثامر صفاته ما نجيد وصوفها
كـل منـكـم بالفخـر فاز وأدرك نجاح *** مثل زمل المحامل ما تـمـل اكتـوفهـا

الشاعر سعد بن هذيل الفريدي الحربي : 1069

من طلعتي من سجده الفجر مانمت *** في...منتدى العبار ..وأخبار فايـز
وبدايه.. الموضوع كني ..تلعثمـت *** من ضربهم ....للمعجزات الغزايـز
لاهنت ياللي للمناعيـر... صادمـت *** بصدق الأدلـه نلت فيها ...الجوايـز
عساك تسلم يابـو تركي لـنـا دمـت *** تبقى عـلـم للعـلم ...والطيب حـايـز

رد فائز بن موسى البدراني الحربي : 1070

مشكـور يالـلي فـي مـرورك تـكـرمـت *** وأرسلت لي أبيات مثل الخزايز
يامن تجيد الصمت في موقف الصمت *** وان قلت قولك للرجاجيل جايز
في منتدى العـبـار بالـفـكـر سـاهـمـت *** بضيافه ارجال حشام.. وعزايز
أعـطيتهـم عـلـمي ومـنـهـم ..تـعـلـمت *** بالموقع اللي مايبث ...الحزايز

وهذه الأبيات رد على الأخوين سعد بن هذيل الفريدي الحربي وفايز بن
موسى البدراني الحربي من شعر عبدالله بن عبار : 1071

مشكور ياللي لأعذب الشعر نظمت *** عـلى مـديحك يالفـريـدي لفـايـز
الـرجـل الـلي لا جيب طاريـه نعّمـت *** من روس لابه بالحرايب جنايز
بالنادي اللي ما يغمت الثناء غمت *** ما دار بشخوص الحمايل عوايز
وبعض النوادي لا دخلتـةٍ تـندمـت *** بـه لطلـطـه كنـه مـنـاقـر عجـايـز

قال الشخص الذي رمز لأسمه سؤالين : 1072

ياجبـل سنجـار ثـابت في مـكـانـك *** مـا يضـرك يالشمالي مـن يسبـك
درهم بذودك وقم واهذب حصانك *** كـلـنـا نـغـلـيـك يـاشـيـخ ونـحـبـك
يـا بـعـيـر الحـمل يـا نـادر زمـانـك *** ياقـطـامي ياعسى ينصـرك ربـك
ماكتبـت الـلي كـتبـت الا عـشـانـك *** واطيب بيوت القصيد الي انكتببك

جواب عبدالله بن عبار على سؤالين : 1073

مرحبابك يا فتى وأشكر احسانك *** لو عرفت أسمك أبي باسمك أنبك
يـوم لي بديـت شكـرك وامتنانـك *** من سمع يالقرم منطوقك عجبـك
شعـرك اللي بالفخر زنته وزانك *** وكـل عـلـم الطيـب ضميته بعبـّك
بـالشعـر مجـدتـنـا يسلـم لسانـك *** الـلـه الـلي رسّـخ الفـطنـه بـلبـك

قال عويد بن حريران يسند على عبدالله بن عبّار : 1074

قـل لابـن عـبـار تـكـفـى يـالـسنـافـي *** يارفيقـن يبـدي العـون لـرفيـقه
يـاعـسـاك بـخـيـر عـزن وامتـعـافي *** ولا بـلاك الـله في همن وضيقه
ساهـرن فـي مـرقـدي مثل المطافي *** كـل ماجـاهـم خبـر قالـوا حـريقه
صاحـبي مـا قـيـل زلـق بـالـمـرافي *** شرقي الاهرام في مصر الشقيقه
كان لو هو يقصر الخطوات حـافي *** كـن تحتيه الـذهـب يلمع بـريـقـه
انـا قـلـبـي مـا يـجـامـل كـل جـافي *** هايجـا" مثل البحر يقذف غريقه
يلكز انعاس الكرى مـن كـل غـافي *** دق وسـط المـوق شيـن مـا يطيقه

قال عبدالله بن عبار هذه الأبيات رداً على الشاعر عويد بن حريران اليمني : 1075

يا أبـن حـريـران اسـمـع رد قـافـي *** رد مـنـظـومـك زميلـك مـا يعـيـقـه
يالـزمـيـل الـلـه عـليم بكـل خـافـي *** كان تشكي لي أبي اعطيك الحقيقه
اشرب النقروح من مجراه صافي *** والعسل منتـوج شهـده من رحيقـه
أنجب الـلي مسكنه بـيـد الفـيـافـي *** مـا تـمشى بـالـمـرافـي والـحـديـقـه
وأنت جاهك عند من تنصاه كافي *** حـيـث لـك عـزوه مفاخـرهـم عتيقـه
من نسل قنـّاص مروين الشلافي *** والمعـامـق مـن نسل وايـل عـريـقـه
مـن قبيلـة ما خلطـهـم كـل هـافي *** مـا كـبـوا بالجـار صحبـتهـم وثـيقـه
وأن تـلاقـوا بالمشوّك والشلافي *** وكـل فـارس مـا يـبـل الحـلـق ريـقـه
بالحـرايب ياخـذون الحـق وافـي *** كـم عـايـل سنـعـوا مـجـرى طـريـقـه
يوم صاح الورع قالولـه عـوافي *** مـا نـبـي نـسمـع ابـكـاك ولا دقـيـقـه
الشجاع المرتعـد ريـف المـلافي *** باللـقـاء صنـديـد واسـدوده غـمـيـقـه

يتبع

[CENTER][SIZE="6"]

تابع
قال الشاعر حمد بن سالم الجعفري : 1076

سلام الله عليكم عد ما طارت طيور بجو
وعدد ما هل هملول السحاب وغيّم الجوي
خطركم ضيف يوم أنتم كرام بضيفكم حيو
وأنا أخوكم حمد سالم معوض جعفري ضوي
صحيح أنتم رجال الطيب والموقع بكم يحلو
عسى أنا الرضى واعجابكم في كل ماسوي
وهذا المنتدى الشامخ بسيرة صاحبه يسمو
رفيع الراس أبو مشعل عسى يبقى على القوي
عسى من يجحد جهودك يا أبو مشعل يصاب بسو
ولا عـارض لـك ألا مـن يسيـر بـدرب مـتـلـوي

قال عبدالله بن عبار هذه الأبيات جواب للشاعر حمد بن سالم الجعفري : 1077

هلابك يا حمد سالم عدد ماناض بارق نو
وعدد ما وردت العربان علي غدرانه تروي
ترى الشلاتّ اللي تذكر أهل حسفه بقولت لو
لـو المثبـور لـه قـدره تـمـنى مـثـلي يـسـوي
ولكنـه سـوات الضيـر تـحـن وتـتـّبع لـه بـو
تندم من يطيع الـلي يغش النـاس وايغـوي
ولا يهمك شبيه اللي يقرش له بقولت حو
هذاك اللي عنه تكرم هليب وعقله مخوي
علام الهايف الخايب قبل وينه تبّين تـو
كما السنور بالشارع يجر العظم وايموي
اللي بالمجلس يخاقي عليه لسان كنه زو
لاشك أخوك ما همه سوى ينبح أو ايعوي

الجواب من حمد سالم للمرة الثانية : 1078

يابو مشعل وجدنا ناس للفتنه تشب الضوّ
خفــافيـش الظلام بفعلهم تفريق وجـفـوّي
عسى ربي يبارك فيك كل الخلق بك شادوّ
ولاينكرلمعـروفــك سوى مخبول ومهوّي
من اللي يفعل أفعالك من اللي قدها منهـوّ
من اللي يستطيع يقولها وبصوت ٍ مدوّي
أظنه مابعد ولدت به أمّه من يبي يـجرو
يقول أنا لهـا تزيده فخـر وتزيده إعـلـوّي
بالاسماء المستعاره يكتبون وليش مابانوّ
يخوّفهم لقاك وفضّلوا يبـقـون بخـفـوّي
أنا أدري ماشغلوا فكرك ولاشاقوا ولاهموّ
عرب شانة ضغاينها تسافل وأنت بسموّي
لكنّ المشكله غـرّوا كثـير الناس ونغــرّوّ
ولا يمشي بثرهم غيرمن به هـون ودنوّي
مهابيل ٍ إضعاف عقول لاسرّوا ولا ضـرّوّ
خبيـثـيـن العـمـل يـبغــالهـم تلعيط وتكوّي

وقال عبدالله بن عبّار هذه الأبيات من شعر التصدي للحملة المغرضة : 1079

نـحمـد الـلـه يـوم بـير الكـذب قـوّش *** غار مـاه وصـار قعـر البيـر نـاشف
كـل جاهـل يوم شاف الصّدق شوّش *** مـن بـراسه عـقـل للتزييف كاشـف
ومـن بـقـلـبـه ران حـتى لـو تروّش *** ما نضف لـو هـو تمسّح بالشراشف
ومـن فخـر بأفعال غيـره لـو تبـوّش *** مثـل هـماج الصبخ مـا فـاد راشـف
مـن تعبّـث بالنسب وش عاد حوّش *** والقـمـر مـا أحـدٍ يـغـطيـه بشرارش
حنـا عنـزة كـان شعـر الراس كوّش *** مـن يـلاقي جـمعـنـا روّح أيخاشـف

وقال الشاعر حمد الضوي هذه الأبيات مجاراه لأبيات عبدالله بن عبار : 1080

يابو مشعل صغت لك قاف ٍعلى أوّش *** ولا يكودك وأنـت للقيفـان عـاسف
إستوت لـك وإنتهـى الهرج المدوّش *** لاتسامح بالخـطا من قال أنا آسف
أعـتـقـد مـوتـر هــل التظـليـل بـوّش *** فـي محـل ٍ تهلكـه والحـال كـاسـف
غـــرّهـــم مــيـراد رسّ مــاه نــوّش *** بليلة ٍ ظلمـاء قمـرهــا كـان خاسف
وساكـن البيـت الزجـاجي لايـطـوش *** ينسفه مـن حـذفة المحذوف ناسف
لايـقـرّب كـان شـاف الضول غـوّش *** يـبتـعـد قـبـل الحسايف والتحـاسـف

وقال عبدالله بن عبار بهذه الأبيات للمرّة الثانية : 1081

الصويـتي يـا حـمـد عـقّـب جهـوّش *** مـن تـمعّـن وأفـتكـر بالحـال ياسـف
صار فلـو كروش يسمع قول هوّش *** والمصيّت صارت عـلومـه سفاسف
مـا بـعـد خربش ولا يـقـدر يخـوّش *** ولا يـهـمّـه كـود كـبـسـات ومنـاسف
للمـهـرج لـولـش الـخـايـب ولـوّش *** ويعتبر نفسه من شخوص الفلاسف

وقال حمد الضوي هذه الأبيات : 1082

يا خـالـد إن رافـقـت للخـبـل والدفـش *** عـرّضت نـفسك للزراء والشمايت
رافـق لقـرم ٍ ما يجي خاطـره طـفـش *** عـونك لياشاتك مـن الوقـت شايت
والسـر لا تـفشيـه لـو قالـوا إلا ّافـش *** أهـل الهـروج مـلقـطيـن الحتـايـت
يهرج بك الـلي ينفش السالفـه نفش *** ومـن ألسنـتهـم بالمجالـس فـلايـت
وخوّة ردي المعـرفـه تنكب العـفـش *** وامـرافـق الهـايـت يقولـون هـايـت
مـن لايقوت النفس في هامته هفش *** فـي ذمـتـي لـلـغـيـر مـاهـو بـقـايـت
وجه القشر ضاري على القبض والكفش *** والهـرج بـاهـت والمـلامح بـهـايـت
لـعـل ذاك الـراس لمعـبـرد الـقـفـش *** الـلي يــخـلـي كــل عــظــم ٍ شتـايـت

وقال عبدالله بن عبار هذه الأبيات مجاراة لأبيات حمد الضوي : 1083

خطو الهبيل اللي يبوبح تقـل رفـش *** مـرّه وخـلـّك يـا فـتـى الجـود فـايـت
اللي يخفش الهرج بالسالفه خـفـش *** بـوري لهاتـه تـقـل خرطوش وايـت
اللي يحسب المرجله مشطت الكفش *** عـلـى الـمهـونـة خايـب السـد بايت
اللي اليا جاء لازمه صاربـه غـفـش *** يـشبـه حـزام النكـث حـبلـه بـتـايـت

قال الشاعر حمد بن سالم الضوي العنزي هذه القصيدة يسند على زميله
عبدالله بن دهيمش بن عبار العنزي : 1084

عـن أذنكم يا أهـل المواقف دقـايـق *** من وقتكم تكفون وقفـه سريعـه
دام الشعـر لـه ذوق والـجـو رايـق *** بشـارك أهـل المـفـردات البديعـه
فـي مجـلس بـه للفـنـاجيـل سايـق *** لأهـل المقـامات السمايا الـرفيعـه
أجمل حفل لا جيت له ما أتضايـق *** لـربع لـهـم فـعـل الجمايـل طبيعـه
فدعـان نسل عبيـد ماهـم لصايـق *** ولا يحسبـون مـن القبايـل نـزيعـه
ربعي ذرايه عن لهيب الحـرايـق *** حـزامي سنادي لا وقع من وقيعـه
ثـلاث جمـوع ولابـنـا من فـرايـق *** متـكـاتـفيـن ونـابـذيـن الـقـطـيـعـه
سليمان مع مفدع ومسبع شقايق *** الـطـيّـب كـلّـه حـايشينـه جـميـعـه
وباقـي ضنـا عنّـاز نـعـم العـرايق *** من حـد عـرعـر لين حـد الوديعـه
الـجـد وايـل مـا خـلـطـنـا لحـايـق *** ضرباتنا بنحـور الأعـداء وجيـعـه
يـوم المعـارق واشتباب الفشايق *** يـوم الشقـا وذيك السنين الفضيعه
للـزود والناموس صرنـا رفايـق *** من الـلـه خلقنا ما رضينا الهزيعـه
وكـل القبـايـل للمعـالـي عشايـق *** وهضـم الحقوق مخالـفـه للشريعـه
والـيـوم لا خـيـفـه ولا دم رايــق *** وابـطـونـنـا مـن كـل خـيـر شبـيعـه
بفضل الـلي خلو مملكتنا حدايـق *** الـلي لهـم مـن جملـة الشعب بيعـه
وعن محتفلكم ما منعنا عـوايـق *** وداع أبـو مشعل نستجيب ونطيعـه
حفل الأديب الـلي به المدح لايق *** نـسّـاب ومــؤرخ قـبـايــل ربـيـعــه
علمه شهر فوق الطوال الشهايق *** نـجـم بـدأ بـيـن الكـواكـب لمـيعــه
بليهـان للصعبـات قـادر وطـايـق *** حـمـل قـواه الـغـيـر مـا يستطيـعـه
درع عنزة ما هي دعاوي حقايق *** حصن من حصون الأمان المنيعـه
تشهـد لـوقـفاتـه جميع الخـلايـق *** وأتـقـدّر أفـعـالـه وتشكـر صـنيعـه
الـلي خـدم ربعه بشتى الطرايـق *** ومنصى لمن ضاقت عليه الوسيعه
بحور الشعر صارت ابحره غرايق *** وفـكـره دلـيـلـه للأمـور الـسنيـعـه
بالكاس يضفر في نهار السبايـق *** مـالـه منافس مـركـزه بالطـلـيـعـه
مـا يـلتـفـت لمجمعـيـن اللـفـايـق *** يطـلع سمـا عـن العـلـوم الوضيعـه
وأقول من يجحد مساعيه مايـق *** وقـلـوب مرضانـه وروس صديعـه
العـد يـروي صابحـه بالـغـبايـق *** والـرس مـا يسقي الظـوامي نبيعـه
والمـعـذرة يـا طيبـيـن العـمايـق *** يا أهـل المقـامـات السمايا الـرفيعه

قال عبدالله بن دهيمش بن عبار هذه الأبيات من قصيدة جواب
لأحد قصائد الشاعر حمد بن سالم الضوي : 1085

حي الجواب اللي لـه الفكـر شايـق *** كنّه زهـر روضن تخالـف ربيعـه
مـن شاعـرٍ شغموم للشعـر تـايـق *** شّرف ونـور الدار يضوي شعيعه
حـمـد سليل المجـد بالطيب فـايـق *** الجعـفري نسل الـرجـال الشجيعه
مـن روس لابـه يحتمون الأنـايـق *** يـوم المغازي والشرور الشنيعـه
من ساس نسل عبيد ماهم هلايـق *** باجـوا حـدود بـلاد سنّـه وشيـعـه
مـن خيـبـر الحـرّة لحـد الحـوايـق *** كـم خايـع باجـوا مع الـذود ريعـه
مـن رازهـم بـالكـون لـلـمـر ذايـق *** وأن لقحت الفتنة وبـيّـن ضريعـه
يروون حـد الـلي صفاحه رقـايـق *** شامـان تـوحي بالجماجم قـريـعـه
وأن ثـار مـلـح مبـولـدات التفايق *** تمرج قلوب أهـل العقول الخليعـه
وصـاروا رديـيـن العزايم عـلايـق *** حـل القـضى والكـل يطلب مـنيعـه
باليـوم الـلي فـيـه المنايـا تـوايـق *** تشيب بـه روس الطفال الرضيعه
عـدوهـم بـه واسع الـبـر ضايـق *** أقـفى معيف وصاب قـلبـه خـريعـه
ما عاقهم عن مكسب المجد عايق *** فرسان كان الحـرب شبّت وليعـه
مـا مـنـهـم الـلي للمـواثيـق بـايـق *** العـزوة الـلي مـا تعـرف الخديعـه
خـاضوا بغـبـات البحـور الغـمايـق *** بـواسـل مـثـل الأسـود الـبـتـيـعـه
زمـلٍ تشيـل حمـولهـا والـوسايـق *** اليا باد حيل أهل المتون الهكيعـه
نـذكـر فخـرهـم بالسنين العتـايـق *** ولـو مـا تحاصيته تعـرّض لضيعه
لـو كان نسكن بالقصـور الغلايـق *** نجهد لحفض سلـومنـا والطبـيعـه
يـوم الـذي يسعى يـدور اللـقـايـق *** يجري ويبحث عن وسايط شفيعه
تـاريـخ وايـل جـلـهــا والـدقـايـق *** حفـظـتهـا واليـوم عـنـدي وديـعـه
لـكـن لـغـراّت الـمـلأ مـا اتهـايـق *** ولاني مـن الـلي كـل خـافي يذيعـه
الـعـزوة الـلي مثبـتـه بالبـطـايـق *** مـن يـوم تلكـد خيـلـنـا بـالـوريـعـه
واللي عـلى تشقلب نسبها شفايق *** هرج الخطأ لو راج ما أحدٍ يطيعه
المجـد ثابـت والنسب لـه وثـايـق *** نسب نسب مـافيـه شريـه وبـيعـه
بعض العلوم الـلي تسبب وهايـق *** تـخـدع مسامع للخـرافـه سميـعـه
البيـت مـا يـذري بـلـيـا شـقـايـق *** عـن السموم وعـن لوافح صقيعـه
والثـوب مـا يـلبس بـلـيـا بـنـايـق *** ومن يزرع الصبخى فقد كل ريعـه
نبع الرسوس الناضبه والخرايق *** مثل السراب الـلي ضحاحه بقيعـه

قال عبدالله بن عبار هذه الأبيات يسند على الشاعر حمد بن سالم الجعفري
يا حمد يا راعي الجدعا يا بن سالـم شرواك يالوايلي ما حاد عن سلمه
الهرج الـلي تسمعه منشاه من حالم خلّـه على منهجه يغوص في حلمه
كوبـان فـي غـايتـه رب المـلأ عالـم الواحد الـلي مـا يحيط البشر عـلمه
العـدل والحـق بـالمـرصـاد للظـالـم ولاربح من ساعد الظالم على ظلمه
والـلي عـلـي يـدعي لمقـابلـه والـم حتى يخرس ملسنه ما ينطق الكلمه

قال الشاعر حمد بن سالم الضوي رداً على الأبيات المسنده
عليه من زميله عبدالله بن دهيمش بن عبار : 1086

يـامـن عـلـى هــاتـفـي دقـيــت وتـكـالــم
قـافـك وصـلـنـي وهـذا الـرد وسـتـلـمــه
يابـن دهيمش شكرك مـن البشـر عـالـم
بـجـهـودك المخـلصه وعـلـومك الـولـمـه
نـعـرفـك رجــلٍ تـحـب الخـيـر ومسـالـم
ولاتـقـدم إلا السـميـن وتـفـهـق الـهـلـمـه
واصـل عـلـى منهجـك يالـوايـلي مـا لـم
يـاقـف شـريـط الحـيـاه ويـنـتـهـي فـلـمـه
سيفـك يـقـص الظـهـور وسيفهـم ثـالـم
وشروق شمس الضحى تجلى به الظلمه

قال الشاعر حمد بن سالم الضوي هذه القصيدة عندما وجه له أحد الشعراء قصيدة : 1087

يـا شـاعــر لـقـبـتـنـي لـعـنــزه درع *** شجعتـني يـا طايـل الشبـر والـبـوع
هـذا اللقـب خـذ مـني العلـم وبسرع *** مـن حـق ابـن عـبار والغير ممنوع
لأنسـابـنـا يـجمـع ولا ضاق به ذرع *** فوق اربعين العام لا شهرلا اسبوع
قصايـده تـمـرع قـلـوب العـدا مـرع *** كم له صدر ديوان مقري ومسموع
والشجرة أم الظل شف كم لها فرع *** انتم وانا من فروعها وغيرنا فروع
ربي زرع في ضامري حـبهـا زرع *** حـب طبيعي صـدق لا حـب مصنوع
دافـعـت عنهـا رافـع صوتي البـرع *** لـي الشرف والراس عالي ومرفوع
ان قام عاصوف الهوا ينفض الشرع *** تنزال شجرة مالها عروق وجذوع
وباب التظامن جازه الدين والشرع *** ولا ينظلم مـن لـه بـني عـم وربـوع
من اكبر معمر بالقبيلـه إلى الورع *** حبل التواصل متصـل غـيـر مقطـوع
وإذا طبـول المعـركه جالهـن قـرع *** دون القـبـيـلـه كلـنـا سيـوف ودروع
النيـل منها وعندنا السيف والدرع *** ابعـد عـلى الأنـذال مـن حبـة الكـوع
مادام راسي حي مـا صابني صرع *** باثـبت وادافع واعـتقد حـق مشروع

قال عبدالله بن دهيمش بن عبار يجاري قصيدة الشاعر حمد بن سالم الضوي : 1088

حمـد هـلابه عـدد مـا تـنبـت الجـرع *** بدعـوبهـا مـن حـد حـامـر لميقـوع
طالبـك يالـرب الكريـم احفظـه وارع *** ارعـه وفكّـه مـن غثـا كـل مسبوع
عساه في حفـظ الولي مبهل الضّرع *** حيثه مسيره قدم مـا يرجع رجـوع
قلـت الكـلام الـلي مثـل صافي التّرع *** قافك نظـمتـه مـن شهـاليـل ينبـوع
شعرك مثل وادي الرّمه لا كماالفرع *** لافاض سيله يودع القشع مقشوع
مـا تـاه مـن لـقـبـك يـا مسندي درع *** أنت الذي طبع الوفـاء فيك مطبـوع
مـن عـزوة عدوانهـم صابهم خرع *** من رازهم راسه عن المتن مجدوع
يوم النضا بالبيد تهـرع بـهم هـرع *** صالوا هـل الجدعا طـوابير وجموع
يوم العـرب تذرع فجوج الفلا ذرع *** مـا عـنـدهـم لمـدوّر الفـود مطـمـوع
كم فـارس كـرّع بوسط الثرى كرع *** وسط العـلابي صافحـه حـد لامـوع
عـدوهم سـم الحنش يجرعـه جرع *** كـم طاغيه جـبّـار خـضع لهـم طـوع
الـلاّبـه الـلي تـذبح الشقـر والـدرع *** للضيـف يـوم الباديـه تشكي الجـوع
واليوم زال الشر في حكم أبن درع *** شمل الشعوب بحكمهم صار مجموع

قال الشاعر حمد بن سالم الضوي : 1089

حـي الـوجـيـه الـلي مـجـرد شـوفـهـا *** يبعـد كـدر خاطـرك ويـزيدك شـرف
رجـال عـلى الطـولات تندى كفـوفهـا *** وان كبرت القالات ما صاروا طرف
جواب عبدالله بن عبار :
يـاحـمـد بـيـتـك قـريـت حــروفــهــا *** واقبل جواب اللي من الصافي غـرف
حـيـث أنـت مـن لابـه تعـز ضيوفها *** رجالـهــم مـا عــد مـالـه لــو صـرف
وقال حمد بن سالم الضوي :
انـتـم قـبـيـلـه مـا تـشـق صفـوفـهـا *** فـدعـان مـن يقـرأ صحيـفتكـم عـرف
وقـفـاتـكـم نـسـمع بـهـا ونـشوفـهـا *** وقـت الشقـا ولا عـلـى وقـت الـتـرف
قال عبدالله :
لـك عــزوة مـا يـنـجحـد مـعـروفـهـا *** يـوم الـزمـن سيلـه لعـزوتـنـا جـرف
حـمـت وسـيـع ديـارهـا بـسيـوفـهــا *** عـوق الـذي مثـل الغليث الياهـرف

قال عبدالله بن دهيمش بن عبار هذه القصيدة يسند على الشاعر حمد بن سالم الضوي : 1090

يـا راكـب الـلي بالـثـرى ثـار عـجّـه *** يجـري وعاصوف الهبايب يفـوجـه
أسرع من الشاحوف في غـب لجّـه *** لجّـة بـحـر يـزمي كما الغـيم موجـه
الـريـع يـسلـك مـع مـنـاهـيـج فـجّـه *** سافر وعارف وين وجهت نهوجـه
مـن عـنـدنـا سـافـر زيـاره وسـجّــه *** مـتـعـنـي لـدار الـرفـاقـه يـدوجــــه
للـديـره الـلي فـي حـدود الـمـحـجّـه *** يـصعـد روابـيـهـا ويـنـزل هبـوجـه
عسى الكـمـا يطـلـع بحجـم التـرّجـه *** بديـارهـم والغـيـث يسقي مـروجـه
مـنـصـاه أبـن سـالـم لحـمـد تـوجـه *** يطـوي الفيافي والصحاري يبـوجـه
حـمـد عـزيـز الـجـار يـا رب نـجّـــه *** فـي رحمتك يـوم النفوس محروجه
مـا رافـق الخـايـب ومـن فـيـه رجّـه *** واللاش والهلبـاج مـاهـو بحـوجـه
لـه مـجـلـسٍ مـافـيـه لـجّـه وصـجّـه *** ولا طـبّـه الـلـي بـايـهـات هـروجـه
مـن ساس عـزوه ذودهـم ما يهجّـه *** مـن جـفـلـه مـالـه مـلاذه ولــوجــه
يـوم الـعـرب كـانـوا فـلـيـتـه ودجّــه *** والـكـل مـنـهـم حـط لـعـداه نـوجــه
خـصـيـمهـم مفـلـوج فـي كـل حـجّـه *** والـلي تعـاوج مـا يطيقون عـوجـه
عـدوهـم بـالـكـون مـفـضـوخ بـجّــه *** حيثه يعاقـب عن خمالـه وصوجـه
يـرجـع معـيـف ومـر كـبـده يـمـجّـه *** كـن الحدج بين الضروس معلوجـه
جـعـافـره صــدر الـمـعـادي تـفـجّــه *** والخـيـل بالميـدان تخـلي سـروجـه
والـلي نصيبـه فـي نـحـرهـم يـزجّـه *** يطمن وينـزل مـن معـالي بـروجـه

قال الشاعر حمد بن سالم الضوي هذه القصيدة رداً على قصيدة عبدالله بن دهيمش بن عبار : 1091

حـي الرسـول ومـا حـمـل والموجـه *** شاعر سبح غـب البحور اللّجوجـه
راعـي النبـا الطـيّـب سليـم التـوّجـه *** بـنـوادر الأشـعـار ضـاقـت دروجـه
عـبـدالـلـه الـلـي كـل مخـطي يحجّـه *** يحتـج واضـداده تـروح محجـوجـه
كـانـه تـكـلّـم مـالـهـم غـيـر هـجّــــه *** فيهـم يزيـد الخـوف من حين يوجه
مـن لابـةٍ راس الـمـعـانـد تـشـجّـــه *** والصـدر يـفـرونـه وتكثـر فجـوجـه
فدعـان مـن تنـوي لصوبـه اتـوجـه *** يقـفي اقـفـاي المستذيـر النـفـوجـه
وارمـاحـهـم قـلـب المعـادي تخـجّـه *** ومشروبـه السّم السقطري مزوجه
بعـد اشتهـر صوله وجولـه وضجّـه *** يـنـعـونـه عـيـالـه وتـنـعـاه زوجــه
أهـل الصـمـايـل مطـلـقيـن الأحـجّـه *** ماهـم بأهـل خدعه وروغه وموجه
وبالشعـر أبـو مشعـل معـلّم اموجّـه *** مـواقـفـه يـعـدل بـهـا كـل عـوجـــه
جـبـل نطـح صلـف الهـوا والأعجّـه *** مـا يـبـتـلـش لـو العـقـود محلـوجـه
ويـمـد حـبـل الـمـرجـلـه مـا يـدجّــه *** نـال الفخـر شوق الهنوف الغنوجه
لـربعـه جمع موروث ثـابـت وحجّـه *** والغـوج يـبطي ما استفـزّه بغـوجه
جـانـا منـه قـاف لشخـصي امـوجّـه *** وفتحت له رحاب النفوس البهوجه
حـيـه قـبـل فـتـح الـمـظـرّف وفـجّـه *** حـيـه ومـا جـابـه بـداخـل خـروجـه
يـقـولـه الـلـي رد قـاف عـلـى أجــه *** محبـوك مـا جلـلّ عـلى كـل الأوجـه
شاعـر عـلى راس الضريبه يـوجـه *** ويعـرف قبل يعرف دخوله خروجه

قال حمد بن سالم الضوي يثني على الشيخ سعد بن عوده الرشدان : 1092

خذ يا أبن رشدان كلمه موجزه *** وعن كثير القول يكفيك القليل
دام أبــن عـبـار فـخـر لـعـنـــزة *** انـت يا كحيلان فخـر للفضيل
قال عبدالله بن دهيمش بن عبار مجراة لأبيات حمد بن سالم الضوي :
أشـهـد أنـه يـا حـمـد شـهـم ونـزه *** أبـو عـوده بالفخـر باعه طويل
سعد مثـل الـلـي لـه الـوكـر ركـزه *** حر في وقت الهدد صيده جليل

قال عبدالله بن عبار هذه الأبيات يسند على الشاعر حمد الضوي : 1093

يـا حـمــد الـضــوي تـذكـرت مـا كـان *** وفطنـوا عـلي الـلي بحفـد الملاحيـد
أورنـس والـنـوري ومـقـحـم وراكان *** والأمـعـط ودبـشـي وجـزاع ورشـيـد
ومـحـمـد وزبـن وعـرعـر وجـدعـان *** وفـريح نسـل عـقـاب ومحـمـد العيـد
وصياح والذيب العـرج وأبن رشدان *** وعـبـيـد وكـريّـم وشـيـخ المحـامـيـد
ومحـمـد جـريـبـيـع يـذكـر بالأحسان *** وفـهـد بن عقـيـل ومشهـور بن زيـد
وشهاب شيخ ومن سلايل عـوينـان *** وجدعان نعم الشيخ من مـارث مهيـد
يـا حـمـد الـضـوي دلـيـل الخبـر بـان *** مـانـي مـصـدّق لـكـن الـعـلـم تـأكـيـد
ختم الذي سمي على الذيـب سرحان *** في عصر الأمعط كان عـز لضناعبيد
لاشـك صـار اليـوم يـا حيـف مجّـان *** أصبـح يوقع بـه عـلى الظلـم والكـيـد
أنشد خلف وش مقصده طير حوران *** وش السبب غشوه بعـض المحاقـيـد
وقـف مـع الـلي لأبـن عـبّـار عـدوان *** بالـمشهـد الـلي بـه تحـدي وتـهـديـد
لـيـتـه يـوجـهـنـي إذا كـنـت غـلطـان *** مـن دون مـا ياقـف بصف الحواسيـد
وش الخطـأ بأنسـاب عـزوة سليمان *** أقـر الكـتـاب وفـنّـد الـعـلـم تـفـنـيــــد
ما كنت من شكوى هـل الظلم زملان *** ولانـي بـحـال الـلي يـدور المـنـاقـيـد
عـنـدي عـلى قـولي دلايـل وبـرهـان *** والـلي كلامه صدق يركن عـلى حيـد
جـد عـنـزة معروف من نسل عدنان *** والساس ثـابـت مـالـه الـيـوم تجـديـد

وقال الشاعر حمد الضوي هذه القصيدة رداً على قصيدة زميله عبدالله بن دهيمش بن عبّار : 1094

يـابـن دهـيـمـش يـاسـلايـل كـحـيـلان *** يـانـسـل مـفـدع يـاعـديـم الاوالــيــد
يـا جـامـع انـساب الـقبـايـل وبـتـقـان *** لك أبي أوضّح غـايـتي والمقـاصيـد
قافـك وصـل واضح معـاني وعـنوان *** امعـوّد نـفسك علـى الطيـب تعـويـد
ساعـة قـريـتـه ثـار بالصـدر بـركـان *** سِجّـل لـه الـتـاريـخ والـرمز والـقيد
واصبحت بالموضوع حـايـر وبلشان *** علم يشيّب راس مـن يرضع الـديـد
أمضيت ذاك اليـوم ضايـق وزعـلان *** ماغير ألوج ازريت لا اركد ولا اهيد
لـكـن يـابـن عـبــار خــذ رد قـيــفـان *** ولالي جدى إلا صفـقت الأيـد بالأيـد
إثـبـت كمـا يـثـبت شوامـيخ ضلعـان *** وحـنـا عـلـى نهـجك نصـوت بتايـيـد
والـلـي ذكرته مـن عـظايـم وشيخان *** لايستـفـزك هــرج محمـود وحـمـيـد
و ذولاك أهل عزم وعزيمه وسلطان *** راحــوا مـراح دام مــابــه تـعـاويـد
وأبي أنشد شيوخ يروسون عـربـان *** عسـى لهـم حـوض النبـوه مـواريـد
ياشيوخ وايـل يا وجهـانـا والاعيـان *** وأخــص مــن وقـع بختمـه بـتحـديد
وشلـون شاعـركـم جتزيـتـوه نسيان *** ياصفـوة شيـوخ العـرب يالصنـاديـد
عـمـره بـخـدمـة ربعـه أفـنـاه لاهـان *** الـلي لـوايـل خـلّـد الـمـجــد تـخـلـيـد
منـكم يـبـي تكـريـم مع رفعـة الشـان *** وشيّـد مفاخركم والانـسـاب تشـييـد
نـسّــاب ومــــورّخ وراوي لـويـلان *** حـقـه عـلـيـكـم كـبـر أبـانـات ويـزيـد
مـفـروض جـهـده مـايقابـل بـنكـران *** ومهـجـد الشعــار بـالشعـر تهـجـيـد
من طبعكم تجزون الإحسان بإحسان *** ومـن حـقـه نـثمـن مساعيه ونشيـد
لاتــاخــذون الـعـلـم مـن كـل فـلـتـان *** وهـذي صـفـات الطيـبـيـن الاجاويـد
مـن جـاب عـلـم دون أدلـه وثـبـتـان *** يـاهــل الفـخـر ياكاسبيـن الـتحـاميـد
لاتـــيّـــدون فــــلان وفــلان وفـلان *** عن الطريق أخلف مثل عاكس السيد
اصبر يابو مشعل ترى مانت خسران *** إلا بـدعــوى ثـابــتـه بـالـشـواهـيـد
ياكـثـر مـن يهـديك شكـره وعـرفـان *** ولاتـلتـفـت لمـعـقّــد الحـبـل تـعـقـيـد
وهـرج بـلا برهـان وثـبات بـطـلان *** ويـاكـثـرهـا نـاسٍ تـمـجّـدك تـمجـيـد
يتبع

تابع
وقال محمد بن عايد بن دوهان الرماحي هذه القصيدة مجاراة للقصائد السابقة : 1095

صاغ المعاني صايب الـرآي حـيـران *** مـن جـور مـنـكـرٍ بـدد الفكـر تبـديـد
قــام إيــتـذكـر دور مـقـحـم وراكــان *** ويطري إخووشحى عقاب الإضاديد
ويذكـر الأمعـط من عطيبين الأيمـان *** وقـام إيـتـوجـد عـلـى كـل الصناديـد
والحي مهما يناجي المِيـت شفـقـان*** الـمِيـت مـا يحـيـيـه كـثـر الـتـواجيـد
وفكرت بالـلي فـّرق جـمـوع ويـلان *** القيق الأسود لا رعـى الـلـه لـه قـيـد
مـصـايـبـةٍ مـا يـازنــه كـل مـيــزان *** ولا تنوصف لـو جبـت كـل القواصيـد
تنده على اللي يشبه الذيب سرحان *** سـرحـانـنـا يـقـلـط عـلى العتز ويسيد
مـا دنّـق لـخـايـب ولا شـآر خــوّان *** ولا طـاع حـكي المغرضة والحواسيد
يا شيخنا مـا هـي تـمـاثـيـل فسقـان *** يشهتد عـلينا الـلـه بالحـق مـا إنحيـد
يا شيخنا ما هـي تـمـاجـيـد كـذبـان *** حـنّـا الـذي مـن دون عـزك مـواريــد
يا شيخنا مقدم هـل الخيـل عوجـان *** تـكـف جمـع عبـيـد حيـد بـذرى حـيـد
يا شيخنا لا يرهـقـك حـكي كـوبـان *** ألـلـي عـلـى السيّـة خـيـولـه مطـاريـد
يا شيخنا جو لك من الغـيّ عِـميـان *** وهـم الـذي عـن عـز ربـعـك صواديـد
يا شيخنا مـن جـاك للشـر محـقـان *** وإنـتـم ذرانـا يـا حـمـاة الـصـنـاديـــــد
يا شيخنا قـل لـه نطيحـك بـلـيهـان *** عـبـدالـلــه الــعــبــار قــرم الإوالــيــد
مـن راد درب الحق ماطاع شيطان *** يـردع شويـره ويـهـتـدي كـل عـربـيـد
ويا شيخنا معـزتك تجـلي الأحـزان *** وبـقـبـالـكـم يـا عـزّنـا يـقـبـل الـعـيـــد

وقال عبدالله الموسى الخرشاوي هذه القصيدة مجاراه للقصائد السابقة : 1096

تعيـش والـلـه يا حـمـد وابــن دوهـان *** الـكـل مـنكـم ورّد الــقـاف تـوريـد
صـارت ضمـايـركـم للأشعـار مـيـدان *** وغارت على جيش تقوده حواسيد
الـلـه يـجازيكـم عـلى الجهـد غـفـران *** ويرزقكم الفـردوس يـوم المواعيد
مـن يـنـكـر الـمعـروف يجـزأ بنكران *** ومن يذكر المعروف يجـزأ بتمجيـد
مجّدّتم الـلي لـه عـلى الفعـل بـرهان *** عـبـد الـلــه العـبـار نـسـل الأجاويـد
مـعـزّتـــه وصلـت إلـى حــدّ الإدمـان *** حتى الثّـمالـة لا بـعـد صـرت تـزيـد
هـو درعنـا في يوم روغات الأذهان *** فعـلـه مجـرب يـوم حشد القواصيد
هـو سيفنـا هـو عـزنـا ذرب الأيمان *** من غير أبـو مشعل على قمة الحيد
تـاريخنـا محفـوظ مـن غيـر نقصان *** بـجهود مـن هـو جنّد الفكـر تجنيـد
أصـدق دلايـل لـلنسب خـصّ ويـلان *** نقطـف مـن خيـاره ثـمار العـناقـيـد
ولا هــمنـا حـكـي (ن) تــولاه فتـان *** مـيـّت و لاهـو فـي سـجـل المواليـد
وش عاد لـو قلبه مـن الحقـد مليان *** جنـّب طريـق الحق عساه ما يـفـيـد

أبيات من الهجيني شعر عبدالله بن دهيمش بن عبار مسنده على
الشاعر محمد بن عايد بن دوهان : 1097

يـا مـحـمـد الـهـرج مـالـي بـه *** لاشــك أبــي أذكّــر الـنــاسـي
تـاريـخ عـنـاز مـا اخـطــيـبــه *** ولا اطيع الـلي للنسب حاسي
تـاريـخـنـا الـنــاس تـدريـبـــه *** حـفـظ بـسـجّـلات قـرطـاسـي
يشهـد لـنـا الـلي نفض جيـبـه *** والـنـاس مـن كـل الأجـناسي
ومن فـاخـت الربع لـه خيـبـه *** ومن شذ عـن عـزوته خاسي
والـجــد مــا جـاز تـنـصـيـبــه *** لـو هـو مـن قـريـش عـباسي
الــجـــد وايــل نــمــاري بـــه *** هـو جـدنـا مـعـرّب السـاسـي
لــو كـثـّروا مـن عــذاريــبــه *** مــابــه عــذاريــب وادنـاسـي
مـا تـاجـد الـلـي ذكـر عـيـبــه *** حـيثـه سـوات الـجـبـل راسـي
مـبـعـد عـن الـشـك والـريـبـه *** عـريـق ولـلـعـيـب مـا داسـي
أنـجـب قـبـايـل لـهــا هــيــبـه *** لا دق لـلـحــرب الأجــراســي
بشـر ومسلـم مـن مـجـاذيـبـه *** شجعـان يـوم الـزمـن قـاسـي
وهـب سـكـن خـيـبـر وطـيـبـه *** وسـهـيـل وعـبـيـد وجـلاسـي

وقال محمد بن دوهان هذه القصيدة مجاراة لقصيدة زميله عبدالله بن دهيمش بن عبار : 1098

حــي الـنـبـا وألــف تـرحـيـبــه *** مـا لـعـلـع الـورق بـإغـراسـي
أديــــــب وايــــــل مـواجـيــبــه *** تـاجٍ عـلى الـرآس نـومـاسـي
هـــو رمـــز عــنّــاز وآديـــبــه *** دوّن مــوارث هــل الـبـآســي
حــــرٍ عـطــيــبــه مـضـاريـبــه *** مـا جــامـل الـضـد بـعـيـاسـي
مــا هـــو قــصــايـد زواريــبــه *** نـظـمه كـما جـوهـر المآسي
والـجـد وايـل مـا نـصـخــي بـه *** وايــل لـلأمـجــاد نـبــراســي
كـتـب الـتــواريـخ تـنــبـي بـــه *** حـنـا لـربيـعـة كـمـا الـرآسـي
عـمـرو وجـديـلـة مـنـاجــيـبــه *** سِـمِـي بـواتـيـع الأشـراســي
وبـكـر بــن وايــل واقــاريـبــه *** حــنّــا عـمـامـه بـالأسـداسـي
يـوم المفـاخـر مـا هـي سيـبـه *** حـنّــا الـمـفـاخــر لجـسّــاســي
وألا الـردي هـو وإصـاحـيـبـه *** هـلـبٍ تـخـادن مـع انـجـاسـي
غِـلـي الـفـشـق مـن مكـاذيبـه *** هــمّـــاز لـــمّـــاز وبـــلاســـي
عـلـى الـقـرايـب تــقـل ذيــبــه *** دابٍ لــــلأقــــراب نــــدّاســي

قال مقبل الرماحي هذه القصيدة يسند على زميله عبدالله بن عبار : 1099

رمـز القـبيلـه من نصيب أبن عـبـار *** الـلـي تـحـيـزم دون مـجـد القـبـيـلـه
نـطـح عـن العـزوة طواببر الأشـرار *** حـر ومـقـرّه فـوق عـالـي الطـويـلـه
يسلـم جـنـاب الـوايـلي نـسـل عـقـار *** الشـعـر عـنـده والـعـلـوم الـجـزيـلـه
حـاز اللقلب والناس تدري بالأخـبـار *** وعـادات أبـو مشعـل يـنـوّخ قـبـيلـه
يــوم الـمـنــازل مــا تــردى ولا بــار *** حصان يخـاف المعتدي من صهيلـه
مـا طـاع بالـواجـب مـنـاصح وشوار *** مـا جـامـل الـلـي ولـعـوا بـالـفتـيـلـه
عسى أبو مشعل من طويلين الأعمار *** أبـن الأصيـل ومـنـجـبـتـه الأصيلـه

قال عبدالله بن دهيمش بن عبار جواب لقصيدة مقبل : 1100

يـا أبـو سـعـد حييـت يا نسل الاخيـار *** تعـيـش يـا راعـي الـهـداف النبيـلـه
يـا مـقبـل الشـرمـان يـا طـيّـب الـكـار *** تحشم عن الفـاظ العـلـوم الهـزيـلـه
رمـوز القبيله من لـهـم عـلـم وأذكـار *** فـرسـانهـا الأبـطـال يـوم الـدبـيـلـه
وأهل الكرم والجود في غلو الأسعار *** الـلي يحوشون الـفـخـر والـنـفـيـلـه
والـلي تعـلـوآ فـوق زيـنـات الأكـوار *** يـوم الفخـر بسروج بـنـت الكحيـلـه
الـكـل يـفـخـر في طـويلـيـن الأشـبـار *** الـطـيـبـيـن أهـل الـفـعـال الجـلـيـلـه
نصـف القبيلـة صـارت اليـوم شـعّـار *** وصـار الشعـر كمـا تشاهـد وسيلـه

وقال محمد بن دوهان الرماحي هذه القصيدة مجاراة للقصائد السابقة : 1101

تعـيش يـا قـرمٍ عـلـى الطِّيـب جسّـار *** مقبـل زبـون الطَّيـب مبـطي عميـلـه
إبـن الـذي زبّــن قصيـره عـن العـار *** وخيّـب طليـبـه مــا تهـنّـى بحصيـلـه
بضرب المشوّك صـار للخصم دحّـار *** مـا صدّ عن ضرب الفشق والفتيلـه
ورّد لـنـا عـلـومٍ لهــا إسنـاد وإقـرار *** تـشهـد عـلى قـولـه زحـول الـقبـيـلـة
أديــب وايــل مـن قـديــمـات الأدوار *** حــاز المعـالي كـاسبـه هــو دلـيـلـه
هو رمـز وايـل مـا بهـا قيـل شبشار *** مـثـل البـحـر يـرفـد عـلى شـط نيـلـه
ولــو القبـيـلـة كـلـهـا الـيـوم شعّــار *** مــا أحــدٍ تـقـلّـد بالـمـعـالـي مـثـيـلـه
والطّيب ما حـاشه من النّـاس مـكّـار *** لـو هو تزبـرق فـي لبـاس الفضيلـة

وقال مقبل الرماحي للمّرة الثانيه : 1102

يـا راكـبٍ مـن عندنـا فـوق فـكـس آر *** أربـع طـعـش تــوّه جــديـدٍ مـديـلـه
يعجـبـك يامـنّـه تــوازن عـلـى الـقـار *** صـمـم وجـهّـز للخطـوط الـطـويـلـة
مـشّـاه مقـبـل لإبـن دوهـان مـشـوار *** عــز الرفيـق وعـز مـن ينـتـمـي لـه
صمـيـدعٍ مــن عـادتــه شـبّـت الـنـار *** ويـقـلـط الـجــزلات لــلي يــجـي لـه
جـتـنــي بـيـوتــك يـابـعــد كـل هـذار *** يـالـحـر يـالـلي بـالـعـلالـي مـقـيـلــه
والعلم ما هو سر من ضمن الاسرار *** ناسٍ تبي الأمجـاد فـي ظــرف ليـلـه
نـاسٍ تبـي الأمجاد وافعالهـا اصفـار *** وهـذي إمــورٍ كــلـهــا مـسـتـحـيـلـه
يبقى أبو مشعل رمزنـا ما بها إنكـار *** غصبٍ علـى أللـي ينكـرون الجميلـة
حمـى القبيلـة عـن عبـث كـل عـيّـار *** كـم شـاعــرٍ يـا جـاه يـعـلـن رحـيـلـه
دون القبيـلـة يسرج خيـول وامهـار *** مـا هـو مـن الـلي لـوبـدو بالخميـلـة
درع عنـزة بالشعر كان الـدخن ثـار *** شـال الحـمـول البـاهـضـات الثقـيـلـة
سـيـفٍ عـلى العـدوان بالشعـر بتـار *** والطيـب والطـولات مـا هـي هميـلـه

قال عبدالله بن عبار جواب لقصيدة محمد بن دوهان ومقبل الرماحي : 1103

ســلام مـنـي عــدد مــا هـــل مــدرار *** هـطّـال ديـم ومـزنـتـه مـسـتـخـيـلـه
ربـرب طـهـاهـا واستهلت بالأمـطـار *** تحـيي الـديـار الـقـاحـلـة والمحيـلـه
سـلام مـثـل الـنـد مـن سـوق عـطّـار *** أهـديـه لـلـي يـشـرح الصـدر قـيـلـه
الربع الـلي صاغوا جزيلات الأشعـار *** الـقـرم مـقبـل وأبـن عـمـه زمـيـلـه
سـلام لـلـعـوجـان صـلـبـيـن الأشـوار *** أهـل الـمـكـارم طـيـبـيـن الـفـعـيـلـه
أبـو سـعـد مـا يـسـتـمـع هـرج مـكّـار *** مـن عـال راسـه يـدمسـه بالمليلـه
مـقـبـل ولـيـده والـحـمـيـه لـه اشعـار *** مـا جامـل أصحاب العقول الضليلـه
عــوايــد جـــدوده الـيــاثــوع غــبـار *** يـثـنـون بـاللّـقـوات يـوم الـدبـيـلــه
ومحمـد الدوهـان صـوب العـلا سـار *** الطّيـب جـاه مـن الـمهـوهي نحيـلـه
دوهـان هـد وهـدتـه تـغــدي الأمـرار *** طـوّح رقـاب الـقـوم عـنـد الحـليـلـه
راعي الحـداه الـلي بقـت دوم تـذكـار *** الشايـب الـلي مـا خـشي مـن قبيلـه
أفـعـال عـزوتـهـم كـثـيـرات وأكـبــار *** أهـل العـلـوم الـلي شمعـهـا تـهيـلـه

وقال محمد بن دوهان هذه الأبيات يرحّب بزميله عبدالله بن عبار أثناء زيارته للخفجي : 1104

بإسم عنزة حييت يـا فـخـر الأجـواد *** بالخفـجـي بـيـن الـعـزوة المكرمـيـنـا
ساس الفخر حييت من قـلب وفـواد *** حـتـى يـطـيـب الـكـيـف مـنــا وفـيـنـا
أهــلاً هــلا بــك عــد ما هـاد رعـاد *** وإعـداد مـن ركـب البحـر بالسفيـنـا
ويـا مرحبـا بـك عـد مـا بــارقٍ نــاد *** وإعــداد مــن حــط الـقـلـم باليمـيـنـا
يا أديـب وايـل لـك مـع العـز ميعـاد *** تاريـخ وايــل صــرت دونــه ضميـنـا
حـزت المعانـي والمعالـي لـك تـقـاد *** ودوّنــت ســـاس الـعــز لـلــي يلـيـنـا
وخلدت تاج المجـد بكتـاب الأمـجـاد *** يبـقـى عـلـى مــر الـزمـن لــو فنيـنـا
مـثــل الـزمــرد مـــا تـغـيّـر ولا حـاد *** ولــو بـــارت الأقـيــام يـبـقـى ثمـيـنا
والـعـز بجـهـادٍ وربـعـك لـــك أجـنــاد *** رجـالــك ألــلـي بـالّـلــزم حـاضريـنا
والعـذر يــا مـوثّـق تـواريـخ الأجداد *** وش مــا فعلـنـا بحقـكـم مــا وفـيـنـا

وقلت هذه الأبيات المتواضعة مجارة لقصيدة الأخ الفاضل محمد بن عايد
بن دوهان وأني مدان له ولجميع الجماعة بالشكر والعرفان على كرم
الضيافة وحسن الأستقبال عندما زرتهم في مدينة الخفجي : 1105

يـا مـرحـبـا تـحـيـةً مـالـهــا اعـــــداد *** بالـوافـي الـلـي لـه جـمايـل عـلـيـنـا
الـمـكـرم الـلـي بـالـكـرامـه لـنـا جــاد *** رحّـب وهـّلآ وأبـتـهـج يـوم جـيـنـــا
أعـنـي مـحـمـد دوم للـطـيّـب مـعـتـاد *** الـقـرم أبـن دوهـان عـنـده لـفـيـنـــــا
بالمجلـس الـلي ضـم وافـيـن الأفـراد *** هـلـّـوا بـنـا قـبــل تـصـافــح ايـديـنــا
والـكـل يـطـلـب لـلـكـرامـات مـيـعـاد *** مـا تـنـتهـي بشهـور لـو مـا مـشـيـنـا
سـد الـذي حـط الهـرافي عـلى الـزاد *** قـلـنـا العـفـوا يالـغـانـميـن أكـتـفـيـنـا
عــن الـرفـاقـه ســد مـنعــور الأولاد *** والـكـل عـنـكـم الــردى بـعــد سـيـنـا
ولاهو غريب الطيب دامه من أحـفاد *** حـفـيـد ريـف الجـار حـبس الكـميـنـا
نسل الشجاع الـلي لـمـن عـانـده بـاد *** مصدر فـخـر شـرواه فـيـه اعـتـزيـنا
من طاب من وايل لـنـا عضد وأسناد *** طـيـبـه بـحـر مـالـه سـواحـل ومـينـا

وكتب محمد بن عايد الدوهان للعزيـز المكـرم أديـب وعزيـز عنـزة مـؤرخ
قبائـل ربيـعـة عـامـةً وقبيـلـة عـنـزة خـاصـةً الأديب عبدالله بن دهيمش بن
عبار حفظه الله وأمد بعمره ورعاه ولبّى له كل مُناه : 1106

يأديـبنـا يالأريـب يحفظـك رب السما *** يا حافـظٍ مجدنا يحفظك ربـي اللّهـم
ياعاشق إسم عنزة حبّها بقلبك نِمى *** يا باغ فخر الخلف مثل السلف كلّهم
يا جـامعٍ شملنـا لـك الحرار إفـهمـا *** يا ساعـي لمجدهـم وامـحـاربٍ ذلّهـم
وأللي قرا كتابنا يبصر لو إنه عمى *** فخر ربيعة الفرس وإسمك سجلٍ لّهم

وقال عبدالله بن عبار جواب للشاعر محمد بن دوهان : 1107

يامحمد يوم العرب يشكون جوع وظمى *** في عصر رحيلهم يامحمد وحلهم
عـناز يـوم اللقاء بالكون تحمي الحمى *** شجعان كل العرب يامحمد اتجلهم
يـزمـون بالمعتـرك لامـن العـايل زمى *** والجالي الملتجي ضلّوه في ضلهم
رجالهـم لا ركـب عـلى جـواد ادهـما *** هوعمى عين العداوهو سبايب علهم

قال الشاعر محمد بن دوهان الرماحي هذه الأبيات يهني زميله عبدالله بن
عبار بالسلامه بعد حادث الأنقلاب : 1108

أشـكـر المعـبـود خــلاق الـوجــود *** مـوجـدٍ كــل الخـلايـق مــن عـــدم
واحمـده واطيـل لرضـاه السـجـود *** ومـن حـمـد رب البـريـة مــا نــدم
يـوم سلـم لي العضيد مـن الفهـود *** جـال قـلبـي يـوم قالـوا لـي صــدم
بالفضـا أجتـال ومـا معـيـه وقــود *** أتـحـلّــى قـصـرنــا كــــان إنــهـدم
واحـمـد الرحـمـن بالرحـمـة يعـود *** ابومشـاري قـال أبـشـر بــه سـلـم
قـلــت الله لا يـفــرّح بـــه حـســود *** ومـن كرهكـم جعـل حـظـه منخـدم
الـعـفـون مطـفـيّـة نـــار الــجــدود *** ألـلي صـاروا للعـدو حسبـة خـدم
ويـاديبنـا تـفـداك خـزنـات الـنـقـود *** والـمـواتــر كـلـهــا تـحـت الـقـدم

وقال عبدالله بن عبار جواباً لأبيات الزميل محمد بن دوهان : 1109

مـرحـبـا حـيـيت يا نسـل الأسـود *** عـدد قطـر الغيث من غـيـماً ردم
فيك دين وفيـك فهـم وفيـك جـود *** وأنت الـلي للخصم يا محمد لـدم
يالسنافـي أنـت زنـدي والعضـود *** كـانـه أشـتـد الـمجـادل وأحـتـدم
لا يـهـمّـك مـن تـنـكـر لـلـجـهـود *** كـل ذربـيـن الشغـامـيـم اشـهـدم
عـزوة الويلان مـا تطيع الـربـود *** ولا يسود اللي عـلى الدنسه قدم
من كلامه حـق يرسي في صمود *** ولا نهاب اللي عـلى الباطل بـدم
والمراجل من عصر عـاد وثـمود *** مـا تـولــوهــا هـلابـيـج وســدم
وأشكـر الـلي قومـوا كـل الحـدود *** هـدوّا اصحاب الظلايم واهجـدم

قال عبدالله بن دهيمش بن عبار هذه القصيدة يسند على محمد بن عايد بن
دوهان وهي تدور حول ما حصل من تزوير نسب عنزة من قبل البعض: 1110

يـا مـحـمـد قـلـت مـنـظـوم اسـمـعـوه *** والـمـعـانـي يـا مـحـمـد حـلـلـوهــــا
مـثـلــك وشــرواك جــهــدي ثـمـنـّوه *** يا سليل الـلي عـلى العـدوان هوهـا
قـيـل مـن ألـف استـهـدف واحسـدوه *** والـحـكـايـا الـكـذب ضـدّه لـفـقـوهـا
يـعـتـرض لـه كـل حـاسـد ومـعــتــوه *** ولـو بغـوا غلطه وحيـده مـا لقوهـا
مـن بـذل جـهـده تـجـنـوا واظـلــمـوه *** والـدعـايـه بـالـمجـالـس روجـوهــا
بـالـنـكـد والـكـيـد والـجـور ابـلـشـوه *** والـعـلـوم الـلي ورثـناها اجحـدوهـا
مـن نـشــر صـدق الـروايــه كـذبـّـوه *** ومن نشر كـذب الـروايـه صدقوهـا
مـن شـظى شـمـل القبـيـلـه شجـعّـوه *** وكـل جـمـوع أولاد وايـل فـرّقــوهـا
ومن جلب حظـه رخيص لمن رشوه *** صار ضمن الـلي ضمايرهم شروهـا
نـسنـد الـتـاريـخ لـشخـوص اكـتـبـوه *** والحـقـايـق بـالـوثـايــق وثـقـّـوهـــا
مـاضـي التـاريـخ بالكـتـب احـفـظـوه *** وكـل عــزوه بـالمصـادر سجـّلـوهـا
مـا تغاضوا عـن عـناصرهـا ونسـوه *** مـبـطـي أنـسـاب الـقـبـايـل دونـوهـا
مـار بـعـض الـقـوم مـاضينـا مـحـوه *** والـمـعـالـم والـسـوالـف غـيـروهـــا
كـيـف قـصـر الـعــز بـاد وحـطــمـوه *** حـتّى سـاسـه والـقـواعـد هـدمـوهـا
كـيـف عـاثـوا فـي نسـبنـا وحـرفّـّوه *** كيـف خـاضـوا بالأصـول وزوروهـا
كـل قـاصـر عـلـم بـالـهـرج اقـنـعـوه *** بـالأسـف كـيـف القبـيـلـه وهـمـوهـا
والـعـجـب فـي جـدنـا كـيـف انـقـلـوه *** وغـرّوا الـلاّبـه بأحـاديـث انشروهـا
كـيـف وايــل جــدنـا الـثـابـت نــفــوه *** والمـصـادر والـحـقـايـق جـنـبـوهـا
الـجــد الـلـي كـذّبـّـوا بــه وأنــكــروه *** وسمعتـه عبـر الـوسايل شـوهوهـا
مـا يبـونـه حيث مالـوا صـوب اخـوه *** بالعلـوم الـلي عـلى الباطـل رووهـا
جــد شـادوا فـي مـقـامـه وامــدحـوه *** وجـد أصولـه والـفـعـايـل عـيبـوهـا
والـجـد الـلـي بـالـمـدايـح ضـخـّمــوه *** مـن كـثـر ترديـد طـريـاه اسمجوهـا
لـيـت لـوهــم فـي ضـريـحـه تـرّكـوه *** لـيـت هـامـد جـثـتـه مـا حـركـوهــــا
والـلـي مــاهــو جـدهـم لــو مـجّـدوه *** مـا تـفـيـد أمجـاد عـقبـه لو خـذوهـا
يـفـخـرون بـجــد مـاهـم مـن بــنــوه *** لبـقّـوا لـه فـي مـبـاحـث صـنـفـوهـا
جــدنــا الـلـي فـي ســمــيـه بــدلّـّـوه *** يـتـبـعـون أفـلام تـعـرض دبـلجـوهـا
مـن هـضـم حـق القـبـيلـه مـا نـهـوه *** والـقبـيلـه مـا تسمّـى بـغـيـر أبـوهـا
حـكـم الـلـي يـنـكـر جـدوده بـيـنـــوه *** واضـحـه حـيـث المشايخ وضّحوهـا
والـرسـول المصـطـفى قـال الـعـنـوه *** كـيـف يعـصونـه وأحـاديثـه قـروهـا
لـيـتـهـم لـوا خـافــوا الـلـه وأتــّقــوه *** وش يبون الـلي الشريعه خالفـوهـا

قال الشاعر محمد بن عايد بن دوهان الرماحي هذه القصيدة مجاراه لقصيدة
زميله عبدالله بن دهيمش بن عبار : 1111

يـا هـــــلا بــأديـبــنــا لا فـض فــوه *** والمعـانـي در جـوهـر لإنـظـمـوهـا
بالـذهـب خـطّـوا قـصيـدة وإمهـروه *** تفـتخـر صبـيان وايـل لا إقـتـنـوهـا
وبـــالــزمــرد والـلـوالـي زخـرفـوه *** وكالنـفـايـس والـذخـايـر إكـنـزوهـا
أديـبـنـا ألـلي بـالعـرب مــا جـازلـوه *** والمـثـايـل والـمـقـاصـد إفـهمـوهـا
يـا وديـع المجـد صرحك مـا إقربـوه *** سيـرتـك بأمـجـاد عـنّـاز إقـرنـوهـا
يـا مــــورّخ وايــل عــزك مــا دنـوه *** هـامـليـن أحـسـاب وايـل دنـسوهـا
صـقـر وايـل مـصـقـرك مـا جـاذبـوه *** والـحـقـايـق ثــابـتـة مـا دلّـسـوهـا
مـفـرص الــفولاذ عــزمك مـا ثـنـوه *** ثـانـيٍ دون الجـدود ألـلي إنكروهـا
شـامـخٍ بـالحـق شبحـك مـا أدركـوه *** والـمـعـانـي الطـيّـبـة مـا قـاربـوهـا
وإســمــك الـيــا مــنّ وايـل إذكـروه *** شـاشـت وكـل العـصـايـب مـيلوهـا
وزمــرة التضليـل دربـك مـا مـشوه *** دام تــيـجــان الـمــراجـل حـيّـدوهـا
وكــل تـاريــخ الـقـبـيـلـة إنـسـخـوه *** ضــآلـيـن وبـالـمـطـامـع ضـيعـوهـا
مـن هو غيرك لإعتزت وايل نخـوه *** مـحتـمٍ مـجـد الـقـبـيـلـة مـا ولـوهـا
ومـن هـو غيـرك بالشدايد لا دعـوه *** حافظٍ ورث الجدود أللي إرخصوها
ومـن هـو غـيرك بالنزايل لا إنتبـوه *** يـدرك الـطـولات بـإمـجـادٍ نـسوهـا
سـيـف وايـل بالدغـايـل مـا إثـلمـوه *** والـجـبـال الـرّاسيـة مـا زحّزحوهـا
ظـافــرٍ بـإمـجــادهــا مــا عــذربـوه *** دوّن أمجـاد الليـوث ألـلي إمحقوها
حيـفٍ عـلى ألـلي نامهـم مـا وقـروه *** ومـن العيب إجـدودهم مـا وجّبوها
وجــدّنــا إخـــو جـديـلـة لـيـا عـزوه *** وأصلنـا مـا هـو بـدحّـة إرقـصوهـا
أصـلــنــا مــا هــو بـحـلـفٍ إدّعــوه *** وأصلنـا ما هـو بجناسي وزعـوهـا
ومـن يفـوز بطيب زامـوا وإكرهـوه *** وكـل ريعـان المـرابـع مـا رعـوهـا
وبـاغي الطـولات بالحـقـد إضهـدوه *** مـا يـبـون الـطّـيـبـة ولا مـاثـلـوهـا
لـو يـجــيـهــم عـايــزٍ مـا شــرّهـوه *** ولـو بـإيـديهـم كـل وايـل سفّـروهـا
وبـاشـة الـكـذبـان بالـمكـر خـدعـوه *** ماحق أمـجـاد الجدود ألـلي بـنوهـا
شايـشٍ بالـكـذب وربـعـه مـا عـنـوه *** غـايـتـه بـس الـمـخـابـي لا ملـوهـا
وما مـن عاقـل بالعـرب ألا إزعلـوه *** وكـل سـفّـيــه الأعـارب جـسّـروهـا
وكـل مـربـد بـالـمـجـالـس قـلـطــوه *** خالفـوا سلم الجدود ألـلي إورثـوها
وش تـرجّى من ألـلي حظّهم وطـوه *** والأعـادي بـالـقـبــيــلـة شـمّـتـوهـا
قـصـدهـم مـفـهـوم لـو مـا أعـلـنـوه *** الـردايـا إمـواتــهـم مــا شـيّـمـوهـا
بـالـشـكـاوي والـمـكـايــد غــربـلـوه *** وعـنـد مـلـزوم الحقايـق إخـذلوهـا
وبـالـلـهـايـد جـمـع وايـل عــاقـبـوه *** ومثـل تـيـهـات اليـهـودي تيهـوهـا
ومن هو فيهم أللي ربعه ماإسفهوه *** والــثــنــا والـحـمـد لـلـي بــردوهـا

قال محمد بن دوهان يسند على عبدالله بن عبار : 1112

هـلا بـك هـلا بـك يـا أديــب عـنـــزة *** يا حـامي أمجـادٍ مـا هـي فبـركـة
الـطــاغــي تــقـــزّة ثـــــم تـجــنــزة *** وتـلـطـم ألـلــي بـعـنـزة مشـكّـكـة
الـبـاغــي تــــردّه وإنــــت حِــنـــزة *** تِخـزمَـه وتـآطـى جـريـم احِـنـكَـة
مــن شـكـك بـوايـل بـهـم تـتـنــــزة *** وإنـت ألـلي للظـالم وجـِنـدة وِكـة
خـصيمـك يـقـفّـي يـغـدي مـطـنـزة *** وصـروح المعـالي بـيـدك مـدركـة
شـريــفٍ عـفـيـفٍ نـظـيــفٍ نــــزة *** عـليـك مـن الخالـق سـلام وبـركـة

جواب عبدالله بن دهيمش العبار على الأخ محمد بن عايد الدوهان : 1113

يـا أبـن عـايـد جـاك رد مـجـهــزه *** يامن فعـل الطيـب حـازه وملكـه
يا نسـل الـلي تفتخـر فـيـه عـنـزه *** يـوم بـالـمـيـدان لـلـخـيـل دبـكـه
الـمـهـوهــي بــاد كـل الـمـفــرزه *** قـايـد السـربـه مـع الحلـق تـنكـه
مـن شـنـانـي يـالـزمـيـل اعـجـزّه *** مار أقول القصد مزجه واضحكه
سامح المخطي لـو إبليس نـغـزه *** مـا نـبي تـقـطيع عـرق الهـربـكه
والمسباح اليا انفرط سلك خرزه *** كـان تـقـدر نـظّــمـه ولا اتــركــه

وقال الشاعر عبدالله الموسى الخرشاوي هذه الأبيات : 1114

اشهـد أنـك كـل طيـب تحـرزه *** وكـل درب للمـراجـل تسلكـه
لـلـحـمـيـا كـل سـهـم تـركــزه *** يا سليل الـلي يقـود المعركه
القـوافـي منـك جـات مـعـززه *** في جناب اللي له العلم ادركه
ابـو مشعل كل مجهود انجـزه *** هو جبل والريح أبد ما حركه

قال محمد بن عايد الدوهان هذه الأبيات يثني على زميله عبدالله بن دهيمش العبار : 1115

حـيـيـت يـا مــورّخ قـبـايـل ربـيــعــة *** يالـلي حـميت المجـد عـن كل مثلـب
سيـف عنـزة بـعـيـن المعـادي لميعـه *** بـوقـت المـلاقـى للنواميس تـجـلـب
نـسـب ربـيـعـة حـافـظــة كالـوديـعـة *** وبك تفتخر كل عنـزة وبكـر وتغلـب
رمـــز عـنـزة والـكـل جـرّب نـفـيعـه *** ما هـو الـذي عن حروة الضد يهلب
والله كشـف أهــل النـوايـا الوضيعـة *** والـلي بغـى لأمجـاد الأجـداد يسـلـب
بـيــن عـنـزة يــبـي يـبـث القـطيـعـة *** وخيـل الطواغـي عـاثـرٍ دوم تخـلـب
اسبـاع الـرجـال الوافيـة مـا تطيعـة *** وقــول النـبـي بـالـحـق لابـد نـغـلـب
والـحـمـد لـلي سـادهـا بالـشريـعــة *** بالسيف لـلي خـالـف الشـرع يصلـب

قال عبدالله بن دهيمش بن عبار هذه الأبيات جواب لأبيات أبو عبدالعزيز محمد بن عايد الدوهان : 1116

يا محـمـد يا نسـل الـرجال الشجيعـه *** الـلي مـحـز سـيـوفـهـم مـالـهـا طـب
عـدوهـم مـنـهـم تـصـيـبـه خـريـعــه *** يـوم الفـشق مثـل السعاير اليـا شـب
عـسى فـداك أهـل الـدّجل والخـديعـه *** مـدحـتـني حـيـثـك ولـد عـم ومـحـب
أنـت الـذي فـيـك الـحـمـيـه طـبـيـعـه *** تسب مضعوف البخت كـان لي سـب
والسيف اللي تخشى العدا من لميعه *** هـذاك جـدك جـب راس الـعـدو جـب
ومثـلـه فـوارس كـان صارت وقيعـه *** بـأولاد وايـل يـوم لهـم الهـوى هـب
ومـن قـال أنـي سيف نشكـر صنيعـه *** لاشك أنـا أدخـل عـلى الخالق الـرّب
لـي مـنـزلـه عـنـد النـشـامـا رفـيـعـه *** ولانـي بحـال الـلي يلـوبـد تقل ضب
وأهل الحسد مرضى القلوب الوجيعه *** ودك يــا أبــن دوهـان تــدبـهـم دب

قال الشاعر محمد بن دوهان يثني على زميله عبدالله بن عبار : 1117

الـلي الـف وتـعـب عبدالله ابـن عـبـار
مـؤرخ ربـيعـه الف لعـنـزة شـجـره
رمز الفخر لعنزة نرخص له الأعمار
سيف عنزة ودرعها مهما العدو زمجر
يشهد لمؤرخ ربيعه اللي ورا سنجار
عبدالله فخر اللي لبس السيف والخنجر
فخر ربيعة الفرس في ساير الأمصار
سقـم العنيـد الـلي لغـالي الـذمـم أجـر
انظـر اصدق الدلايل وقـوف الأزهـار
مرجـع قـبـايـل ربيعـه والفخـر ابـجـر
قال عبدالله بن عبار هذه الأبيات مجاراة لأبيات الشاعر محمد بن دوهان :

يا محمـد الـدوهـان يا بـادع الأشعـار
قافك من الجندل وصم الصّخر ينجـر
ياعـل أمـك وأبـوك مـا يقربون النـار
حـيثـك تـمـجـدني ودايـم بـنـا تـفـخـر
عسى الولي يحميك من داهم الأخطار
يامن على الشات ترسي كما الأنجر
جـدّك كعـام الضّـد قضى عـلى الغـدّار
وحمى بحد السيف من تلبس البنجر
تسلم عساك بـعـز يـا خـلـفـة الأخـيـار
والنعـم بالعوجان كـان العـدو حنجر

قال محمد بن عايد بن دوهان يسند على عبدالله بن دهيمش بن عبار : 1118

ياراكب اللي بالفضا توهس اوهاس *** كـن الـشـيـاطـيـن الـمـريـده تـقــلـه
ســواقــهــا قــرم عــديــم وحـساس *** مـوصـل غـريـب الـدار ديـرة هللـه
تنصى الذي علمه مع الناس نبراس *** أديــبـنـا الـلي عـيـال وايـل تـجـلّـه
والـيـا لفـيتـه قـبّـل الـعـيـن والـراس *** جعـل العفون أهـل الـردى فـدوتلـه
محصي مفاخر متعبت قـب الأفراس *** بـكـتــاب وايــل داعـــمــه بـالأدلــه
شاعـر عـنـزة بالفخـر نـال نـوماس *** أطـلب عـسى المولى يظلـه بـظـلـه
الوايلي ثـوب الشـرف لـبسه لبـاس *** عـلـم الـفضيلـه بـالـفـخـر عـادتـلـه
ساس الكرامه والمراجل لهـا ساس *** اسـمـه مـخـلـد بـالـفـخـر مـنـزلـلـه
لا عـتّم الداجـور في غلس الأدماس *** نـجـمـه لمع بـيـن الكواكـب محـلـه
مظـمون قـولـه لا حكى كنـه الماس *** مـا يــوم قـالـوا زل فــي كـلــمـتـلـه
مـاهـو زمـيـل الـلـي للأجـواد لغـاس *** الـلـي مـصـايـب عـزوتـه فـرحـتـلـــه
المجـد مـا يحصيـه مـن كـان بـلاس *** ولا يـدركـه مـن كـان كـبـده مـغــله

قال عبدالله بن دهيمش بن عبار مجاراه لقصيدة محمد بن عايد بن دوهان : 1119

حـيـيـت يـا قــرم سليـم من الأدنـاس *** نـاصع بـيـاضه ما تدنّـس سـجـلّـه
ارسلـت لـه رد الـقـوافـي بـقـرطاس *** يـفـك مـظـروف الـكـتـاب ويــفــلّــه
اعـتـز فـي شـرواه مـن بــدّة الـنـاس *** مـحـمـد الـلـي لـلـمـعـاديـن عــلّــه
حـيـثـه سلـيـل الـلي للأخصام نسّاس *** دوهـان جـده مـا يـعـرف الـمـذلّـه
الفارس اللي على خشوم العـدا داس فـادا بـعـمـره واحتمـى دون خـلّـه
يسلـم حـفـيـده والبـشـر بـذر غـراس *** أثـني عـلى محـمـد ولا قـلـت زلـّه
ومن ينتبه عرق الشغاميم مـا خـاس *** والطيب بشخوص الحمايـل جبـلّه
والناس يا محمد بها ذهـب وانحـاس *** والـيـوم كـلـن لـه عـوايـن وشـلـه
المنحـرف يجـمع هـلابيـج واخساس *** لـو تـرشـده درب السنع مـا يـدلـه
والعـاقـل الـلي لـلـرجـاجـيـل سـوّاس *** عـقـد البلش بـيـن الـرفاقـه يـحلّـه
والناس يا محـمد كـما قالـوا اجنـاس *** لكـن بعـضها بدون مـذهـب وملـه
يفخـر ومجده دافنه تـحـت الأرمـاس *** يجمخ ولـو أنـه شايل الخزي كلـه

قال عبدالله بن دهيمش بن عبار هذه الأبيات يسند على الشاعر محمد بن عايد بن دوهان : 1120

الـوضع يا محـمـد الـدوهـان حيرنـي *** عبر التواصل هذاريم البشر راجن
حـب القبـيلـه لبـذل الجهـد صخّـرني *** هاضن افكاري بفخر العزوه وهاجن
أحيان اسامر سواد الحرف واسهرني *** وأحيان الأقدام نتعبهن اليا ساجن
صيد الحمايل عـلى المجهود تشكرني *** لاشك يطعن بي الهذلوف والماجن
قـنصـت بالحـر القطامي وصقّـرنـي *** ولا يصلح القنص بالعصفور والداجن

قال محمد بن عايد بن دوهان هذه الأبيات جواب لأبيات زميله عبدالله بن دهيمش بن عبار : 1121

أديـب عنـزة فـي وشاح العز وقـّرني *** وأنا عضيد الفخر لوما أحد احتاجن
يا مخـلد مجد عنزة قدرك امعسكرني *** وكل النشامى مثيلي مابهم عاجن
والـلي مثيـلـك بـعـنـزة يـجي يخبرني *** يا واصف خيل عنـزة ويـن مالاجن
من ديرة نجد وخيبر وحيث ماغرني ***من هو مثيلك بالفخر وصفهن شاجن
تشكرك عنزة وسيوفها الـلي يقطرني *** وتشكرك بيارق لدار للعدو باجن
وأنت اللي لعنزة ذخر ياللي ذاخرني *** يامروض روس الصعايب كلما انعاجن
ومـن هـو ذكر سيرتك بالعز يذكرني *** لابـد نـفنـا وجبال العـز مـا انماجن
بـمـنـزال عـايد وجاسر والله آسرنـي *** ومن ما رضوا علهم بالجن والساجن

أبيات من نظم الرجل الفاضل الصديق الوفي محمد بن عايد بن دوهان : 1122

حـي مـن هـو عـلمه بالعـز اشتهـر *** الأديـب الـلي مـن افـعـالـه نـفـلـنـا
ما كسب مـن شبتـه غـيـر الضـفـر *** سيـف وايـل بـالـمعـالـي لا سلـلـنـا
حنا سيفه والـلـه أن غـاب وحضر *** نفتخـر بـه مثـل مـا نفخـر باهـلـنـا
يـا رفـيـع الـشـان لـعــداك الـقـهـر *** مـا نطيع الـلي عـلى الحـق يعـذلنا
مـرحـبـابـك عـد مـا دار الـشـهـــر *** وحنا ضيوفك اللي في ضفك نزلنا

جواب عبدالله بن دهيمش بن عبار رداً على محمد بن عايد الدوهان : 1123

يـا نـسـل دوهـان لاجــاك الــكـــدر *** يالصديـق الـلي تكـافح مـن أجـلنـا
لا يـهـم الـلـي يـشــذ مـن الـبـشــر *** دام حـنـا لـلـرديـه مـا فـعـلـنــــــــا
حيث بعض الناس يا محمد غـجـر *** يا زمـيـل العـون عـنهـم مـا سألنـا
حنـا وأنتم من قـبـل وقـعـت عـفـر *** مـن قـديـم تـزعـلـون اليـا زعـلـنـا
والـلـه أني مـا اخـبـر لـوهـو نـفـر *** بـعـنـزه جـتـه المضّـره مـن عملنـا
كـود الـلي مثـل البعـاريـن الصفـر *** قـلـدوا مـن كـان يبحـث عن خللنـا

وقال محمد بن عايد الدوهان يسند على خليف زيدان الدوامي : 1124

يا خليف لا يهمـك تخـاريـف وحـقـود *** ألـلي تـنـاخـى بـالـرّدى مـن رداهــا
الـحـق يـلـزم لــه رجـاجـيــلٍ فـهـــود *** وقـت الصحايـح مــا اتـذرّا بنساهـا
عـنـاز تـاريـخـه مـوثّـق ومــرصــود *** مـا هــو بـرافـد وافـدٍ مـن اقــراهــا
وعـبـدالـلـه الـعبـار حيـدٍ مـن حـيـود *** مـا يِشـكلـه قـول الـعـفـون ولـغـاهـا
ورّد الـقـيـل وكــل قــولٍ لـه شـهـود *** وأهـل الغـوى تبـطـي وهـي بعـيـاهـا
ومنطـوق قـولـه كـنـه الـدر منضـود *** مثل الجواهـر مـا خسـر مـن قـناهـا
ومــن خالـفـة بـالحـق ودّك بـعبـرود *** يصهـد كبـود ألـلـي تنـاسـت حيـاهـا
خلـك مـع الطـيّـب ألـلـي دايــم بـزود *** وألا الـمـعـفـنـة لا تـرجّـى ضـنـاهــا
وحنا لإبومشعل اعضود ولـه جـنـود *** لـو تـطبـق الـبـوقـان وألـلي وراهـا
وتِـرفـع لـه البيضـا مـن الجـد لجـدود *** من دور وايـل يامـا يقـضي نمـاهـا

قال عبدالله بن عبار جواب لقصيدة محمد بن دوهان : 1125

يا محـمـد الـدوهـان يا نـاطـح الـكـود *** نـفسـك مـلـم الـربـع غـايـة مـنـاهـا
لاشـك دون القـصـد يا محـمـد حـفـود *** بعض العفون اللي قريب ن مـداهـا
قـام أيـتـحـدّث بـالـنـسـب كـل نـمـرود *** خـبـاث الطبـايـع مـا تـبعنـا هـواهـا
نـطـز عـيـن مـحـرف الأصـل بالـعـود *** ما دام ما تشوف الجبل من عماهـا
عناز تعـرف من عصر عـامـر العـود *** من خـط تـاريخ العـرب مـا نسـاهـا
وكل القبايل يا أبن عـايـد لـهـا جـدود *** وكـل الـقبـايـل بـالـفـعـايـل تـبـاهـــا
قـلـتـه ولا أظـن الـعـواري بـهـا فــود *** والنـاس يـرفـع فـعـلـهـا مستـواهـا
والـلي شنونـا تعـرف اعـمالهـم سـود *** مـا أريـد أبـيّـن بـالـرذايـل خـزاهــا
حتى السفيه الـلي لـه شهـور مجـلـود *** ينشـر كـلام وشيـمتـه مـا حـمـاهـا
والـلـه يـا لـولا حـشـيـمـة هـل الجـود *** لـكـود أوضـح خـزيـهـا واهــجـاهـا

قال الشاعر عبدالله الموسى الخرشاوي : 1126

يا محمد الـدوهـان يا راعـي الجـود *** حـميـّتك يـا الـشـهـم كل(ن) قـراهـا
معك (هل العرفا) بها العرف معهود *** بـأمـثـالـكـــم كــل الـقـبـيـلـة تبـاهـا
الضـد يلقــى لـه مــن العالــم ضدود *** ويمـوت غــلّ وعيشته ما اهـتناها
الحـق بـيـّـن لـه مـواثـيـق وشـهـود *** ولا همنـا مـن نـار حسـده صـلاهـا
من حاد قول الحق وضعتواله حدود *** وجبتوا شواهـد مـن بغـاهـا لقـاهـا
(اصدق دلائل) بالقبيلـة رقـى سنود *** من غير أبو مشعل وصل مستواها
الكـل يشهـد لـه وشامخ كما الطـود *** صحّـح و نقّـــح و الطويلــة رقـاهـا
بين الدّرر وجمهرنسب اصدق بنود *** مـع (معجـم البلدان) بيّــــن خفاهـا
مع (السحب والا العبر ودرة عقـود *** رحلة عبر يا بخت من هو اقـتناهـا
ملامـح الـديـباج (مـصبـاح بـه زود *** يصعـب على اللي ما عرفها حكاهـا

قال محمد بن عايد بن دوهان بمناسبة افتتاح حساب عبدالله بن عبار حسابه في توتر : 1127

مـرحـبـا حيـيـت يا سـاس الـكرامـه *** سيـف وايـل سيفنا سيـف المفـاخـر
مـؤرخ الـويـلان يـا رمـز الشهامـه *** مـورث أمـجـاد الأوايـل لـلأواخــــر
مجـد عنـزه الكـل نـالـه في حسامـه *** صانـه وحـماه عـن منطوق ساخـر
اسـم أبـن عــبـار لـعـنـزه عــلامـــه *** وسجـل لعـزوة ربيعـه مجـد زاخـر
مـن ضبـط تـاريـخـنـا حـنـا حـزامـه *** أبـو مشعـل ماهو من الحهد ذاخـر

جواب عبدالله بن دهيمش بن عبار على الأخ محمد بن دوهان : 1128

مـرحـبـا يـا حـي مـن وجـه كـلامـه *** منطـق محـمد مـثـل نـفـح المبـاخـر
يـا نـسـل دوهـان عـدتـك الـمـلامـه *** الـبـحـر تـرسـي بـمـيـنـاه الـبـواخـر
نـاخـذ الـجـزلـه ونـعـاف الـهـلامـه *** ونيقض اللي في سبات النوم شاخر
مـن بـذل مجهـود ملـزوم احتـرامه *** وأحـمـد الـلـه مـا نـقـدّم كـود فـاخـر
نـزلـه الحـاقـد ومـن عـنـده غشامه *** ونـتـرك الحسّـاد واوسـاع المناخـر

قال الشاعر محمد بن دوهان هذه الأبيات من ذات القافية الصعبه يسند على زميله عبدالله بن عبار : 1129

عـليـت يا فخـرنـا يا رمـزنـا الشامـخ *** أنــت الــذي لـعــنـزة أديــب ومؤرخ
سميت ياسيف عنزه بوجه من لامخ *** يا رمـح وايـل اعـداك ليومها تصرخّ
بيمناك دون عنزة لخشم العدو صامخ *** ولـوهي عـليهم انـقـد البيـت متشرّخ
قال عبدالله بن عبار هذه الأبيات جواب لأبيات الزميل محمد بن دوهان :
يا محمد يا مسندي ما هـمنا الجامخ *** الـلي بصـدره عشش الكبـر ومـفـرّخ
خـله عسى يكمخه في جبهتـه كامـخ *** من صرعته منسدح لأيـدينه يـطـرّخ
كم موقع صممه حضرة رضاالرامخ *** يشرف عليه الـذي في هـرجه يمـرّخ
رضا الرامخ مصمم مواقع اكترونيه وقد استعرنا اسمه لأكمال البيت

قال محمد بن عايد بن دوهان يثني على الشيخ جدعان بن زبن الهذال
ويذكّر بجهد زميله عبدالله بن دهيمش بن عبار : 1130

شيـخـنـا شـيـخ الـشيـوخ ابـن هــذال *** تـاج وايــل وعــنـزه شـيـخ لـهــــا
كـلـمـتـه تـدك صـمـصــام الـجــبـــال *** وكـل حـاكـم كـلـمـتـه فـطــن لــهـــا
ولا مـشى البيـرق بـزيـزوم الـرجـال *** كــل شـيخــان عــنــزه فـي ظــلـهـا
شـيخـنـا جـدعـان كـسـاب الــجــزال *** لــو تــكــود الـمـعــظــلـه يــحـلـهــا
فــيـه تـفـخــر وايــل بـكـل الـجــيـال *** مـاهــو الــلـي ســاعــي فــي ذلـهـا
ولا يـصـح الا الصحيح مـن المـقـال *** والـرجـال الـصـيــد نــعــرف دلـهــا
وكـل غـادي خـلـه يـلـطـم لـه بـجـال *** والأعــادي خـــلــهــا فــي غــلــهــا
خـايـبـيـن وخـاسـريــن بـكــل حــال *** حـاملـيـن الـحـقــد ومـن طـبـل لـهـا
سـاس وايـل غـيـر قــابــل لـلـجـدال *** والدعـاوي الـزور مـا احـدن فـلـهـا
وكـل حيـص اليـا بـرك شـال الثقـال *** وأنـــت يـا أديــب عـنـزه كـفــولـهــا
تـفـخـر بـفـعـلـك شغـامـيـم الأبطـال *** دامــك انـت الـلـي كـتـبـت سـجـّـلـهـا
ومـجــد وايــل خــالــد ولالــه زوال *** فــيـــه دونــت الـمـفـاخــر كــلــهـــا
فـي اسـلـوبـك مـعتـدل مـابـه مـيـال *** واعــتـنـيـت بــدقــهــا مـع جــلــهــا
وكـم كـتبت مـن الجـزايـل بالأمـثـال *** تــــذكـرهــا الــويـلان لاخــر حـلـهـا
ومن يريـد الطيب ما يصيـد الهـزال *** ومــن يــروم الــطـــايـــلـه يــدلــهـا
ونـطـلـب الـخـلاق عــزيـز الـجــلال *** يـشـفي جــروح الـعـرب واعـلـلـهـا

قال عبدالله بن دهيمش بن عبار هذه القصيدة جواب لقصيدة محمد بن
عايد بن دوهان : 1131

بـك يا أبـو عبد العزيـز الراس طـال *** كــلــمــتـك لـو رددت مــا امـلــهــا
بالكـرم والطيـب نضرب بـك امـثـال *** والـحـمـيـه عـزوتـك طـبـعـن لـهــا
يـا عـضيـدي بـالكـفـاح وبالـنـضـال *** ضـد الـقـوم الـلـي الـوهـم زوّلـهــا
يالـمهـوهي كـل منـطـوقـك صـمـال *** ولـو تـكـف أهـل العلوم أزيـن لـهـا
حـيـث أنـا مـجـهــد ولـلـه الـكـمــال *** قـلـتـهـا وأهـل الـتـجـاهـل قــلـّـهـــا
مـجـتـهــد والـلـه عــلـيـه الأتـكـــال *** والنـحـوس أهـل السـفـاهـه خـلـهـا
والـجـهـد مـا يـجـحـده ولـد الحـلال *** تجحـد أهـل الحسد مهما اعـمل لهـا
لـلـمـراجـل والــمـفـاخــر مـا يــنـال *** كــود سـتـر الـلـي تـقـض اقـذلـهــا
شـيـخ وايـل بـالـجـنـوب وبالشمـال *** أخـو بـتـلا الـلـي القـلـوب احـتـلهـا
عــزوة الـهــذال مـا مـنـهــم انــذال *** كـل عـنـزي فـيـه خـيـر أيـجـلـهــــا
وأبـو ثـامـر نـعـم بـه ذرب الـفـعـال *** مـثـل الـصـيـرم كـل جـزلـه شـلّـهـا
يـوم خـطـو الشيخ هـمـه جمع مـال *** يـدرق أهـل الـمـال وايـخـتـلـهــــــا
مجـلسه تـلـقـاه مـع رجـل الـعـمـال *** أو مـع الـلـي الـحـاشـيـه يـبـذلـهــا
ولا أبــو ثــامــر نــزيــه ولا يــزال *** مــا وطــت رجــلــه بــنـاعـم زلـهـا
يـسـعى لـلعـزوه اليـا جـالـه مـجـال *** ولـو تـجي بالهـوش روحـه صلهـا
ما يعـرف الشيخ كـبـر ولا احـتيـال *** نــفـسـه الــخــيـلاء مــا خــيـّـلــهـا

قال محمد بن دوهان هذه الأبيات من ذات القافيه الصعبه : 1132

مرحبا بالـلي لـه عـزم بالمعالي مـا ينفـذ
ياحافظ مجد عنزة بالمنطق كلامه عذب
من تلاعب بالأنساب يوقف قدامه جهبـذ
الأديب خزمه خزم ما فاده لوهذب هذب
هو مرجعنا بالأنساب وحنـا معـه انتتلمذ
له الشكر من عناز بذل جهد وعنهم ذب
واصل وجد المسير لا يهمك من هـو شذ
اللي لعنزه طعّان بالنوادي يشذب شذب
يفداك اللي يكتب زيف يهذ السوالف هـذ
اللي بالنسب طعان غلطان وكلامه كذب
قال عبدالله بن عبار رداً على محمد بن دوهان :
يا محمد يا بن دوهان خذ مرد لقافك خـذ
قافك لـو أنه صعيب يشبه للقراح العـذب
من بغا القول الصمال ناظر للمعقول وقذ
ياخذ بالعلم الوكاد مايجذبه الكاذب جذب
الـلي يكتب بالتزوير حطوه البحّاث الفـذ
كما تذكر بعض القوم زمّر وطبّـل بالكذب
كانه خالف قول الحق كلام الباطل له لـذ
يامحمد مثل ما قلت بالقبيله يشذب شذب
تجاوز هرج الحسّاد عد الحق وبالله عـذ
الجمل شال الثقيل والحاشي يبرك بالوذب
قال محمد بن دوهان : 1133
مـرحبـا يالـلي بالفخـر صيتـك بـيـن العـرب شـاع
يا سيف عنزة الصمصام وقت اللقاء وأنت الّدرع
يا مـؤرخ بـكـر وتـغـلـب وعـنـزة بـكـل الأصـقـاع
تـفـتـخـر بـك ربـيـعـه ومـن سـاد الحكم وبالشرع
قال عبدالله بن عبار
يا محـمـد يابـن دوهـان عـشـت يالـقـرم الشجـاع
أفـتخـر بـك يالصنـديـد حـيـث أنـك يا محـمد بـرع
يا محـمـد عسى يـفـداك خـطـو الهـبـيـل الـرعـاع
دايـم بالصاحـب يـخون خبيث وبـه قـلـب الصرع

قال عبدالله بن دهيمش بن عبار هذه الأبيات عبر الوات ساب : 1134

يـا ربــعـنـا لا تـكـشـفـون الـمـغّـطـى *** خـلـوه يـبـقـى يـالأجـاويـد بـغـطـاه
حـذراكـم مـن الغـيـن والـلام والـطّى *** خـلـوه يـا وجـيـه الـرفـاقـه بـلـيـاه
جـودوا عـلى الـلي ملتـزم وايتعطّى *** كـانـه شكى ملحوح من ظيم دنـيـاه
وأن جاكـم الـلي بالمسيـر أيـتخـطّى *** عـزيـز قـوم وجـايـر الـوقـت وازاه
جــده الـيـا ركـب الجـواد وتـمـطّـى *** يـوم الـوغى يـرهـب عـدوه بشلفـاه
قال محمد بن دوهان هذه الأبيات مجاراة :
أديـبـنـا الـلـي لـزاخـر المجـد خـطّى *** ومـخـلـدٍ مـجـد الـقـبـيـلـه بـيـمنـاه
الشـاعـر الـلي بـالـمـفـاخـر امـنـطّى *** مؤرخ ربيعه من بغى العـلم ينصّاه
صـاغ القـوافـي من محـيـط وشطّى *** تلـقـى الـبـواخـر راسيـات بـمـرفـاه
مـن خـاصمك يرجـع ذليـل مخـطّـى *** بـيــاع حـظــه جـعــل بـقـعـا تــولاه
يـفـداك الـلـي دنّـق وللـراس وطّـى *** خص الذي يمشي على خطة اعداه
وصـبـيـان وايـل للمـكـارم محـطّـى *** شم الأنـوف أولاد يعـرب هـم حماه

وقال الشاعر مبارك بن إبراهيم العليان هذه الأبيات مجاراه لأبيات
عبدالله بن عبار ومحمد بن عايد الدوهان : 1135

قـال الـذي فـي عـالي الرجـم نطّـا *** وابـدا القـوافي خـط قيله بيمنـاه
الـلي حـواه الفـكـر بالبـوك خـطّـا *** مشاركـة مـنـي سـلام ومـجـاراه
بـالشـاعـر الـلي بالمثايـل تخّـطـا *** مثـل الشّعيب لعـالي السّـد يـرقـاه
بحـر العرب ما يشبهه كـل شطّـا *** اللي من المندب اليالهند واقصاه
والحـر مـا يـشبـه فـروخٍ وبـطّـا *** عـنـد الهـدد يبيـن فعـلـه ومـربـاه
وجـور الـزمـن لابـان ما ينتغطّا *** يبين لـو حـاول عـن الناس يكمـاه

قال الشاعر محمد بن عايد الدوهان هذه الأبيات يثني على زميله
عبدالله بن دهيمش بن عبار : 1136

عز الله إنك للمعالي صنت وأحصيت *** وماظهر في كل ربيعة من هو مثلك
مـؤرخ ربـيـعـة عبـدالله ذايع الصيت *** ولا مـؤرخ فـي ربـيعـة بـذل بـذلـك
يامن بامجاد ربيعـة الفرس تساميت *** ياللي محصي المجد كله من يخذلك
يالـلي بـامجاد عـنـزة وأكلب تغـنّيـت *** ومحصي مجد أبنا جديلة نشكر فضلك
بالـفخـر دون القبيلـة عمـرك أفـنيت *** شاعـر وايـل فـلا مثـلـك ولا قـبـلـك
سيف عـنـزة يـالـلي للعِـليـا تـعـليـت *** لله درك يـأبـو مشعـل سامي فـعـلـك

قال عبدالله بن دهيمش بن عبار هذه الأبيات جواب لأبيات الشاعر محمد بن عايد الدوهان : 1137

يـا مـحـمـد الـعـايـد لـقـافـك تهجيـت *** خذلك معـاني صاغهـا الفـكـر خذلـك
تعيش يا محمد عـلى كـل مـا اطريت *** أفـخـر بـتمجيـدك ونصحك وعـذلـك
يـا محـمـد العـايـد هـلابـك وحـيـيـت *** أعتـز فـي عـلـم الـفـخـر لا نـفـذ لـك
نسل الـلي يشهد لـه الـحي والـميت *** الـلـه حسيب الـلي يـدورون رذلــك
الـلـي يـشبـون السعـايـر بـكـبـريـت *** منطوقهـم هـو ساس نـقـدك وقـذلـك
تقذل مبـادي هرجهم كل ما أوحيـت *** ولا ترغب الـلي بالهـروج أيـتـفـذلك

قال الشاعر الأستاذ عبدالله الموسى الخرشاوي يسند على زميله
محمد بن عايد الدوهان ويثني على عبدالله بن دهيمش العبار : 1138

يا محمد الدوهـان منطـوقـك زهـا *** فـيـه المعاني من قـراهـا تبهجه
انـتـم هـل العـرفـا حـمـيـاكـم رهـا *** وقـفاتـكم عـز وشـرف ومتوجـه
ولا هم أبـو مشعـل خبـول وبلـهـا *** مـادام اساميكـم بصفـه مـدرجـه
دوّن جـهـوده لـلـقـبـيـلـه مـا لهـا *** يـوم أن غـيـره ما عرفنا مخرجه
وقال الشاعر محمد بن عايد الدوهان هذه الأبيات مجاراة لأبيان
عبدالله الموسى الخرشاوي :
يا أبـو فـهـد بمجـاراتـك قـافى بـهـا *** تاج المراجل والشرف يا منتجه
مثـلـك عضيـدي والـلاّبـه عـزٍ لـهـا *** خرشاوي والحميه بك مبرمجه
وأبـن عـبـار شاعر بني وايـل كلها *** دون القبيلـه دوم خيله مسرجه
والعرب لأولى الألباب وأولى النها *** ما تطاوع الـلي قولهم مر حدجه
قال عبدالله بن دهيمش بن عبار هذه الأبيات مجاراه للشاعرين عبدالله
الموسى ومحمد الدوهان :
الـمـزن لا رودم ربـابـه لــه طـهــا *** ينـزل على الريع المحيل ويدهجه
يا أبـو فهـد فيـك الحميـه مـع دهـا *** ومحمـد الدوهـان يـعـرف منهجـه
بالطيـب والمعـروف تبقون شبهـا *** يوم أن بعض الناس فعـله يسمجه
قـلـنـا لمـن سـوّق خواريفـه هـهـا *** أنصف بقولـك واعـدلّـه لا تطعجـه

قال الشاعر محمد بن عايد الدوهان هذه الأبيات يثني على جهد عبدالله بن عبار : 1139

أي الـذي دوّن تـفـاصيـل الأنـسـابـي *** حـتى مرابط خيـل عنـزه موثقها
ثبـّت مفاخـر ربيعـه لمن بالأصلابي *** امجـاد قبائل ربيعة الفرس حققها
ما هو مفاخر اللي عن الفخر غابي *** الـلي حـتى سيـرة الأجداد ماحقها
الـلي نـفـيلـتـهـم الطعـن بالأقـرابـي *** هـذولا الـذي ودك لحـاهـم تحلقها
جواب عبدالله بن عبار على أبيات محمد بن عايد الدوهان أبو عبدالعزيز :
يا محمد اللي في بيوت الفخر رابي *** أنت المراجل يابن الأجواد عاشقها
تلفظ معاني واضحه نالـت اعجابي *** مقصودهـا هـاج الضماير وشوقهـا
يـفـداك يا محـمد الهلبـاج والهـابي *** عفن الرجال الـلي الدعايه يسوقهـا
الزمره الـلي يكرهونك من اسبابي *** مدحك لجهدي يا أبن عايد يضايقهـا

وقال عبدالله بن دهيمش بن عبار هذه الأبيات أهداء للشاعر محمد بن عايد الدوهان لمواقفه معي : 1140

سـلام مـنـي مـرسلـه لأبــو عــزّوز *** مـحـمـد أبـن دوهـان عـز الـقـرابـه
شهم وكـريـم وعـادتـه يـدرك الفـوز *** أديـن لـه بالفضل وأشـكـر جـنـابـه
ترفع له البيضاء على راس مركـوز *** بالحـق يصدح والعـدو مـا يـهـابـه
عـلم النسّب ماهـو فـوازيـر والغـوز *** معـروف من دور النبي والصحابه
مـن فضـل خـلاّق المـلأ كلنـا عـنـوز *** مـن وايــل الـعـنـاز عــزوه ولابــه
وقال الشاعر محمد بن عايد بن دوهان هذه الأبيات جواب لأبيات زميله عبدالله بن دهيمش بن عبار :
حـص الجـواهـر در نـاريـز مكـنـوز *** يـاقـوت مـكـنـون هـميـل السحـابـه
رمـز عـنـزه يـوم القبايـل لها رموز *** سيف عنـزة رمـز الفخـر والمهابه
مـؤرخ ربيعـة بـيـرق العـز مـرزوز *** تـعـب وألّـف عـن ربـيـعـه كـتـابـــه
سبـع القبـايـل تشهـد وكـرد ودروز *** والـلي سكـن بـديـار نـجـد وهضابه
يشهدله دسمين الشوارب هل الروز *** واخـوان بـتـلا شـاهـده والـشيـابـه

جناب مؤرخ قبائل ربيعة الأديب عبدالله بن عبار حفظه الله تعالى»::إهداء متواضع مع
التحية لسعادة جناب مؤرخ قبائل ربيعة الأديب عبدالله بن عبار حفظه الله تعالى مناسبة
تلقيه خطاب شكر وتقدير وعرفان قبائل تغلب بن وائل حفظهم الله ورعاهم وسدد على
دروب المجد مساعيهم وخطاهم الفخور بك والداعي لك حفظك الله ورعاك : 1141

أفـيـدكم يــا ربعـنـا يـا اهــل الأمـجـاد *** حـنـا عـنــزة مــن سـلايــل ربـيـعـة
مـجــد الـجـدود يـورثـونــه لـلاحـفـاد *** وبـيـن القبـايـل مـنـزلـتـنـا رفـيـعـه
أكـلـب وعـنـزة سـاس سادات واسياد *** وجديلـه مـن نسـل الأسود البتيعـه
قـبـايـل أجــــواد مـــن خـلـفــة أجـواد *** وزعـيـم الأمــة دايـمـاً بالـطـلـيـعـه
سلمان الـلي مجده عـلى الـدوم يـزداد *** حكمه علـى هـدي النّبـي بالشريعه
وابــن خـلـيـفـه قـاهـر الخصـم بـحداد *** بحـد الحَـدَب خـلا الاعـادي مطيعه
وابـن صبـاح الـلي عـلى دولـتـه سـاد *** مِشبِع محاويج الضّعـوف المِجيعه
بالمـرجـلـه تـشـهـد لـنــا أمّــة الـضـاد *** والتِّـرك تشهد والاعـاجم جـميـعـه
اقـــروا امــجــاد سَــطِّــرَه قـرم الأولاد *** الـلي كـتـب عـن الـقـروم الشجيعه
عـبـدالـلـه الـلي فـي فـعـول الفخر شاد *** خـط المشجَّـر والعـلـوم الـبـديـعـه
أبـو مشعـل دايـم عـلى الـطِّـيـب معـتـاد *** الـقـرم عـاداتـه يحفْــظ الـوديـعـه

قال عبدالله بن دهيمش بن عبار هذه القصيدة جواب لقصيدة محمد بن عايد الدوهان : 1142

تـعـيـش يـا قــرمٍ فـريـد مـن الأفـراد *** يـالـنـادر الـلـي كـل طـرقـه سـنيـعـه
اعـني محمـد دوم لـي عضد واسنـاد *** الـلي الحـمـيـا والـكـرم لـه طـبـيـعـه
يشيد بجهودي عـلى روس الأشهـاد *** عسى فـداه أهـل الـعلـوم الـوضيعـه
ما جامل أصحاب الضغاين والأحقـاد *** نـوّه بـزيـف أهـل الـدّجـل والخديعـه
دايـم يـضـد الـلـي أيـتـحـدون بـعـنـاد *** والـلي أنعـوج فـي منهجه ما يطيعه
حـيثـه شبيـه السيـف فـي كـف جـلاّد *** الـيـا لـمع تخشى العـدا مـن لميـعـه
المنصف الـلي كـافـح الخصم بجهـاد *** أمـجـده وأغـلـيـه واشـكـر صـنيـعـه
والـلي يـعـوث بـغـرتي قصد واعمـاد *** بأرخـص ثـمـن كوبـان حظّـه يبيعـه
ولا أنـت تفخـر في مفـاعيـل الأجـداد *** والشايـب الـلي فـاز يـوم الـوقـيـعـه
دوهـان سيفـه يـوم سلّـه من اغـمـاد *** رثـع بـشـقـران الـشـوارب رثـيـعــه
ويـوم السبـايـا بالبـواسل لـهـا طـراد *** عـدوان ربـعـك يـحتـرون القـطيعـه
لا جـوا هـل العـرفا على هجن وجياد *** من جـوه فـي صوله تصيبه خريعه
أمـا الـكـرم عـاداتـهـم حـطّـت الــزاد *** يـوم السنيـن المقـحطـات الشـنيـعـه
خـلـفـة معّـلا الـيـا زمـا الجـمع هـدّاد *** عـلى الخصيـم يضيقـون الـوسيـعـه

قال محمد بن عايد بن دوهان هذه الأبيات يثني على زميله عبدالله بن دهيمش بن عبار : 1143

يا مؤرخ وايل يا هلا ياعسى عمرك طويل
يا مدون مجد الفخر يا سيف عنزة الشطير
والـلي طعـن بعـنـزة خـليتـه يـمشي ذلـيـل
جـد عـنـزة ثـابـت وحـاشـى إنـا نـسـتعـيـر
والـلي وقـّع مشهـده خـلـه ينفـع الضليـل
أصلنا مثل الذهـب وقالـوا الطـامع فـقيـر
جاهـم الـلي حدّهم جاهم السيف الصقيل
والـلي زوّر بالنسب نوخه عـقب الهديـر
عبدالله سيف عـنـزه كنّه السيف السليل
ماهو سيف عـرضه يلصق بغمد الجفير

قال عبدالله بن دهيمش بن عبار هذه الأبيات مجاوباً الشاعر محمد بن عايد بن
دوهان أبو عبدالعزيز : 1144

يا نسـل دوهـان تسلم عشت يالقـرم النبـيـل
تـمـدح وتـثـني عـلـيـه الـولي يجـزاك خـيـر
قـلت ولحضرتك مني وافـر الشكـر الجزيـل
وأشكر الـلي بالقروب كل الأعضاء والمدير
النسب مـابـه تلاعب لعنـزة عشرين جـيـل
مـن أسـد الجـد الأول مـا بجدودهم الحـقيـر
مـن نـفى جـد القبيلـة كـل منطوقـه هـزيـل
مـالـنـا بـجـد القـرايـب جـدنـا وايـل شهيـر
المصادر والمراجع وضّحـت عـنـا الدليـل
مثل أبن خلدون وأبن الطبري وأبن الأثير

وقال محمد بن عايد الدوهان هذه الأبيات مجاراة للأبيات السابقة : 1145

يا أديب عـنـزة حييت عسى يفـداك الغليـل
جـميع كـرام القبايـل لـك بصدوهم تـقـديـر
يا رمـز عـنـزة فخـر ومنزالـك والله جليـل
اسمك فـخـر لـربيعـة سادتهـا والمشاهـيـر
تشكرك كـل عـنـزة وجديله من جيل لجيـل
وتشكرك بكر وتغلب وعنز اللي سكنوا عسير
وأكلب اللي ساد المجد يفخر يا عـز النزيـل
والنمـر وعبـدالقيس يشكـر حـمـاي النشيـر
والـلي أخـطى مـا تـلاه غـيـر الغشيم الهبيل
مهما كسب من تشهير باعـه ما ياصل قصير

وتفاعل مع أبيات محمد بن دوهان الشيخ الشاعر مشعل بن هدوان المصرب فقال : 1146

يامحـمـد يا أبـن عايـد تـسلـم يالشهـم الأصيـل
نعـم بك يا أبن دوهـان ونـعـم بأبيض الضميـر
أشهد بالله قلت الحق بوصف شاعرنا الجزيل
مـؤرخ ربيعـة عـمـوم وشاعـر عنـزة الكبـيـر
عـبـدالـلـه أبـن عـبـار سـيـفـنـا مـالـه مـثـيـل
بـيـرق عـنـزة مـعـروف مـالـه شبيه ونـظيـر
من تلـقب بالألقـاب مـا كـل حـمـل لـه يشيـل
درب المعـالي عسير ماهـي انتـاج وتصويـر
وأخـتـم قـولي بالسّلام لـك يا عـز المشاكيـل
وياصل جمـيع عـنـزة عـز العـاني والقصيـر

ثم رد الشاعر محمد بن دوهان بهذه الأبيات : 1147

تسلم ياراعي القودا يا شوق منسوع الجديل
يا مشعل يا أبن هدوان عسى ربـي لك يجيـر
يا راعي العـرفـا كفيت جـعـل يفـداك البخيـل
قافك الـلي لي أرسلت مسك وخالطه عـبـيـر
وسيف عنـزة أبن عـبـار مابها قـول وقـيـل
تشهد لسيف عنــزة عتبان وشمّـر ومطـيـر
ومن ديرة نجد وخيبر ومن حد الخفجي لربيل
يشهد لسيـف عـنـزة من قـبـل غـيـره يـصيـر
ومن يركض وراء الألقاب مافيهم مودي صميل
حـشوا الـزّلـق مـا تـسـر مـا فـيـهـا ورد وصديـر

وقال عبدالله بن دهيمش بن عبار مجاراة للقصائد السابقة : 1148

يا مشعـل يا أبن هدوان ياللي ما بقت العميل
تسلـم يا نسـل الفـرسان ويا سليـل المغـاويـر
ولا يـهـون أبن دوهـان عـنـدنـا وزنـه ثـقيـل
وكـل منكم حاش النّعـم بالفخـر فـعـلـه جـديـر
وأنـتـم أحفـاد الفوارس لا تلاقـوا فـوق خيـل
يـدحـرون الـخـصـم دايـم لا بـدأ يـوم النـفيـر
سيف عنزة لقب شاهر بالمحافل لـه صهيـل
لا دخل وسط الملاعب يعجب الجمع الغـفيـر
أما أنـا يكفيني أسمي مـا أبـي غـيـره بـديـل
ما أنا ميمون قيس ولا كما الشاعـر جـريـر

يتبع