تابع
قال عبدالله بن دهيمش بن عبار هذه الأبيات وهي نخوة للقبيلة لجمع
مبلغ فكاك السجين ممدوح بن علي الطلوحي : 1339
يـوم جيـت البنك ودعـت ودعيـت *** أطلـب المولى لممدوح السجين
يشهد الله من ضميري قـلت ليـت *** ليـت لـي قـدره اخلص كـل ديـن
وين اللي من دونهم دوم احتميت *** ضد من غـزّر لـه إبليس اللعين
وين اللي حزت نخوني ماختفيت *** بالمـواقـف يشهـدون المنصفين
وين اللي بأمجادهم مبطي شديت *** وين الـلي بهم اتفاخر لي سنين
وين الـلي مجدتهـم بألـفيـن بيـت *** لا على مقصد ولا جيت أستعين
وين فعـل الـلي لفخرهم ما نسيت *** أعـتـزي بجدودهم في كل حيـن
وين اللي وقت الحرج فيهم هقيت *** ويـنـكـم يـا عـزوتـي يالغانميـن
وين اللي وقت اللّـزم بهـم انتخيت *** أسهج الأنـذال وأنـخى الطيبين
أفـزعـوا لـلي بسجـنـه لـه نـهيـت *** وبشّروا ممدوح بالعـلـم اليقيـن
وبعد نشر هذه الأبيات تفاعل معها عدد من الشعراء فقال الشاعر
سالم بن محمد الظريفي العنزي : 1340
يا أبـو مشعـل شاقـني قاف بديت *** فيه من نبع الوفاء الشي الثمين
كـل حـرف فيه در وضـوء لـيـت *** بالجزاله والهدف شعـرك سمين
أنـت نـور كالـبـدر يامـن ضويـت *** يـا فـخرنـا يـا عشيـر الغـانميـن
دايـمـاً عـن مـنـزل الدنيـا رقـيـت *** مـرتفـع عـن منزلات الطـامنيـن
دام صوتك وأنت في ربعك هقيت *** هـقـوة تفجـع قـلـوب الصامتيـن
صـوت دوّى بـالأذان بـكـل بـيــت *** اسمعوا صوت الوفا يا سامعين
دام بـالـمـنـبـر تـعـلـيـت ونـخـيـت *** وايـل الكبـرى لـهـا فـعـل ثميـن
طـاب ذكـرك وأنـت للفكـره بنيـت *** وربعـك الويلان دايـم جاهـزيـن
ربـعـي الـويـلان يـامـنـك نـصيـت *** يدحمون الطيـب بالعـلـم اليقيـن
ربـعـي الـويـلان لا زامـوا زميـت *** يبـذلـون الـمـال مـالـه كـانـزيـن
ربـعي الـويلان نـور اليـا انعميـت *** فـزعة تشفي قـلـوب الضايقيـن
والطـلـوحـي بـشّـره يالـلي لـفيـت *** بفزعة الويلان لـه دنـيـا وديـن
وفيك يا راعي الوفاء دوم أقتديت *** ودايـمـاً بـالـلازمـه متكـاتـفيـن
وقال الشاعر حمد بن سالم الضوي الجعفري : 1341
يا أبـو مشعـل يـوم لبيوتك قـريت *** هـيـضـنـي يـا وريـث الـخـيـريــن
أتـهّـجـى مـا كـتـبـتـه بـيـت بـيــت *** مـرتـيــن أقــرأ وأكـرر مـرتـيـــن
غـيـر جـزلات المـعـاني مـا لـقيـت *** شـاعـر مـا تـأتـي ألا بـالـثـمــيـن
كـنـت ظـامـي لـلمـعـاني وأرتويت *** مـن كـلامـك يا زعيـم العـارفـيـن
أشهد أنك يا أبيض الشارب وفيت *** دون ربعـك جـارد السيف السنين
مـدافـع عـنهـم دفـاع المستـمـيـت *** ولا غـرابه وأنت نسل الصارمين
بالشعر والعـرف واخلاقك سميـت *** يشهـد الخالـق وخلـقـه شاهديـن
نلت علم ونلـت قـدر ونلـت صيـت *** ولا نسي مـاضيك غـير الناكرين
والطـلـوحي يـوم لأطـلاقـه سعيـت *** وقـيـد أسـمـك بـأول المتبـرعين
ما كنزت المال من جيبـك عـطيـت *** تحـتسـب لـك غـانمـه دنيا ودين
ونسب وايل جامعه عقب الشتيـت *** لجتهـادك شـاكـريـن ومـقـدريـن
أنـت رجـل فـي محـبتهـم حـضيـت *** ولا أعـتقـد في ما تبيه مقصرين
وقال ممدوح بن صويلح الهبداني الجعفري : 1342
هـام فـكـري للـقـصايـد وأبـتـديـت *** بسم رب الكون مـولاي استعين
بـعـد خـط فـيـه دقــقـت وقــريـت *** واستجاب الـرد مـني فرض عين
يا بحور الشعر من بحـرك رويـت *** والمعين الـلـه مـا غـيـره معـيـن
يا أبو مشعل هقوتك فيهـا هـقيـت *** وأنـت هـاقـي بالـرجـال الطيبيـن
وأشهد أنك لا افتخـرت ولا بغـيت *** تحتزم فيهـم كـما الضلـع المتين
وأنـت لـلي فـيـه شـيـدت وبـنيـت *** حافظين الجهـد يا لـيـث العـريـن
طـلبـت الميـت حـرام ولا رضيـت *** أنـهـا تـشـرع بـكـل الـسـنـتـيـــن
والأمـل بالـلـه لا بـعـت وشـريـت *** عـلهـا تـربـح حـساب الـرابحيـن
وأنت وافي يـوم صوت ودعـيـت *** وهم يبي يوفون يالحصن الحصين
والـلـه يسـدد خـطـاك اليا سعـيت *** والـرجـال تـبـيـن بالـوقـت اليقـيـن
وقال الشاعر إبراهيم صخري الجعفري العنزي : 1343
بسـم رب البـيـت بالقـاف ابـتـديـت *** قـمـت أدوّر بالسمين أبـي الثمين
قـال أبـن عـبـار يـنخـى كـل بـيــت *** لـه نصيـب المجتـهـد دنـيـا وديـن
عـلـمـك الغـانـم تـعـدانـي ودريـت *** نصرة المسجون فـرض لكل عين
يا أبو مشعـل أن تهقويت وهـقيت *** بكـل حـزّه تـبشـر وفـي كـل حـيـن
حـمـد الضـوي يسـد الـيـا انتخيـت *** بالحضور الـلي يشـرّف مـن يبين
ومـن نـخى عـنـاز بالفـزعـه لقيت *** حـكـمـة وأدراك والـلـه الـمـعـيــن
وقال الشاعر زعل طراد المضياني : 1344
طـفـت بالكعـبـه ولبـيـت ودعـيت *** الـلـه أكـبـر الـلـه أكـبـر يا معـين
رافعن صوتي وأكبّر ما استحيت *** أدعـي لـنـفسي وكـل المسلـميـن
أدعـي المعبـود محــيي كـل ميـت *** خـالـق الأنسان مـن مـاء مهيـن
أطـلـبـك يا رب ولعـفـوك رجـيـت *** تفـرج الكـربه لممـدوح السجين
لـه ثـمـان سنيـن مـاذاق المـبـيت *** بـس يـردد ويـنـكـم يـالـطيبـيـن
يالطلوحي يالطـلـوحي مـا دريـت *** أن أبـو مشعـل يـقـود الحـملتين
وقامت الويـلان تجمع مـا بغـيـت *** لـو تـبي مليار قـالـوا حاضريـن
وأبشر أنك وسط سجنك ما بقيت *** دام أبـو مشعل عـلى يدك اليمين
دام أبــن عــبــار ولّــع كـل لـيـت *** اشـرقـت دنـيـاك بالعـلـم اليقيـن
قال مشعل بن ظاهر النمران الجعفري يثني على قبيلة الفدعان عندما
ساهموا في فكاك السجين ممدوح الطلوحي : 1345
يا اهـل العـطـأ منكـم عـطية غبيني *** وقـفاتكـم بالطيـب مـاهـن خـفـيـات
عـبـدالـلـه الـعـبـار قـولـه ثـمـيـني *** بالمدح لأهل الطيب وأهل المروات
فـدعـان والـفـدعـان مـني وفـيني *** عـاداتهـم بالمجـد كسـب الجـزيـلات
يكفيكم ابـن مهـيـد فخـر السنيـني *** صوّت بوقت الجوع في ماضي فات
وقف بوجه الجوع طلـق اليميـني *** وقـفـت رجـل مـاهي علام ودعايات
وآخـر فخر ممدوح يومه سجيني *** مـوقـفـهـم الـلي دونـتـه الـسجـلات
وإنـا عـنزي واعتز وارفع جبيني *** جـعـافــره ربـعــي ولابــه مـراوات
الطـيـب سـلـم جـدودنـا الإولـيـني *** ولاهي غريبه يوم نرقى الصعيبات
وبعد ان نتشرت الابيات التي قلتها في حث رجال القبيله على التبرع
لفكاك السجين ممدوح الطلوحي وردني عدد من قصايد الاخوه الشعراء
مجاراه لابياتي السابقه وبعد أن سمعت قصايدهم رديت بهذه القصيدة
وبها اثني على بعض الرجال المحسنين الذين لم اذكرهم سابقاً وهم
لهم مواقف مشرفه سابقاً ولاحقاً فقلت : 1346
جـرهـد الليـّل البهيـم وبـه سريـت *** ولا قـدرت مـن التفـاكيـر استكين
مـن هواجيس الـروابع مـا غـفيت *** واهـنـي الـدالـهـيـن الـغـافـلـيـــن
وأحمـد المولى تـونست ورضيـت *** يـوم وافـني بـيـوت الـمـبـدعـيـن
مـرحـبـا بالـلي لقصايدهـم قـريـت *** ردوا لعـشر الـبـيـوت مشجـعـيـن
حـمـد الضـوي بـمـبـداه احتـفـيـت *** يـفـهـم المقـصـد وللمعـنـا فـطيـن
والظـريـفي سـالـم لقـافـه صغـيـت *** لـه معـاني مـثـل قـطف الياسمين
ونـعـم بأبـراهيـم مـا ساسه نـبيـت *** رمح جـده فـرّح القـلـب الحـزيـن
وراعي الصبحا لفضله ما حصيت *** زعـل بـن طـراد يا نـعـم الضنيـن
وأفـخـر بممدوح لاسمه مـا كميـت *** مسنـد الصاحـب اليـابـاح الكنيـن
يـوم لـلـعـزوه تهـضمـت وشكـيـت *** بسم الـلي في عنبـره يقبع رهين
قالـوا أبشر بالفـرج كـانـك شقيـت *** كـل ربـعـك يالطلـوحي حاضريـن
يـوم دريـوا عـزوتـك قالـوا عـليت *** لأجل مخلاصك تجـود المخلصين
يعـلم الـلـه شاش راسي وأعتزيت *** يـوم شـفـت تبـرعـات المحسنين
مـثـل أبـن عـيـدان كـريـم وبخيـت *** صـار قـدوه لـلـرجـال الميسريـن
يـوم قــالــوا قـال ممـدوح ابتليـت *** أنـتـخى فـرحـان وأرسـل مـيتيـن
وأبو علي حسين عـزّك كان جيت *** كـم صاحب معضلـه يزبن حسين
قـلتهـا وبالخـيـر لـلطـيّـب جـزيـت *** حـيـث أبـو علي تـبـرّع مـرتـيـن
والصخي هـزّاع في مدحـه كـفيت *** بـان عـلـمـه وأنصفـوه المادحين
وأبـن عـبـدالـلـه محـمـد لا نـويت *** تــذكــر الأجـواد ظـمـن الأولـيـن
وعقلا أبو متعب لطـريـاه اهتديت *** صاحب الوقفات والعقل الرصين
وخلـف غـريب العواجي مـا يبيت *** كـود يـدي واجـبـه ذرب اليمـيـن
يابعـد الـلي بس يطحر لـه قنيـت *** من تعـزوابـه رجع صفـر اليديـن
قـلت قولي والـردي بـه مـا عبيت *** أمـدح الـلي بالـلـوازم مـرتـكيـن
أنتهى نـظـم القريض ولا انتهيـت *** أرسله مـنـدوب مـن دار البطيـن
وقال الشاعر ضاحي بن ضيف الله المشيطي : 1347
بسم رب الكـون يـا عـوض بـديـت *** الـلـه المـعـبـود مـا غـيـره عـويـن
عـن قـوافي سمعتها ثـم اعـتـزيـت *** نـعـم بـالشـعـار والـمـعـنـا مـكـيـن
جـاروا الـعــبـار أديـب وبـخـيــــت *** أبـو مشعـل صاحب القـول الثميـن
شـاعـر لـعـنـاز لامـنــك نـخــيـــت *** صاحـب الـوقفات والعـقل الـرزين
قـوم مصوت بالعشا من قبل هيـت *** يوم هاك الجوع وعسرات السنين
ومنـهـم الغبين نـعـم الـيـا اطـريـت *** بالعـطـيـه سـلـمـهـم لا تـرجـعـيـن
حـربـة الـويـلان لامـنـك حــديـــت *** مـعـركـة ذي قـار الـبـكـري يـقيـن
وأخـتـم الأبـيـات من حيث ابتـديـت *** الـلـه المعـبـود مـا غـيـره معـيـن
قال الشاعر احمد المجول يمدح عبدالله بن سمير وقبيلة الفدعان : 1348
وصل سلامي يابو ثـامـر للأسـود *** أنـا طـرالـي في ضميـري مـا طـرا
سـلام للـفـدعـان وافـيـن العـهـود *** سـلام مـخـلـوط مـسـك وعـنـبــرا
المرجـله وهـبـه ولا جت بالنقـود *** مـاهـي بسلـعـة بـيـع ولا مـشـتـرا
يا كـم شيخ حـي مـاهـو بالـوجـود *** يالـله عسى عـمـره ماهـو بمعمرا
والشيخ أبن مهيـد جـعـله بالخلود *** صيتـه مع العالم وهـو تحت الثـرا
قـد قـالـهـا عبدالعزيز أبـن سعـود *** الشيـخ سابـقـنـا وهـذا الـلي جـرا
الـلي يصـوّت بالعشا لكـل الـوفـود *** يـوم اللـيـالـي جـوع مـافـيـهـا ذرا
به الكرم فطـره ومن جـوده يجـود *** والـلي درى علّم بـه الـلي مـا درا
من عـزوة الفدعان والفعل محمود *** أهـل السيوف الـلي يردون البـرا
قصيرهـم مـن زود هـيبتهـم يـزود *** وعدوهم يبطي وجـرحـه مـا بـرا
يشهد لهـم تاريخهـم وأكبـر شهود *** البدوا وأهل المدن والـلي بالقـرا
قـدام تـرسيم الـمـنـاطـق والحـدود *** حلالـه يـرعـى الـربـيع الأخـضرا
في كل دار الهـم مـواريـد واعـدود *** مـن المديـنه لـلحـمـاد ألى انـقـرا
من رافق أهل المعرفه يرقا سنـود *** يـبشر بـعـزه بـالـنـهـار الأقـشـرا
يا كم سجين خلصوه مـن الـقـيـود *** بالطيب والناموس والجود اخشرا
أهـل العـطـايا الـلي يـبـلـن الكبـود *** عـطـيـة غـبـيـني تـكـفي لـعـشـرا
أولاد مـفـدع يا عـريـبيـن الجـدود *** فيكم كـرم حـاتـم وسـطـوة عنترا
وأن ثارت الهيجا وحك العود عود *** أسم تفاخـر بـه مشايخ واومـرا
عـزالـلـه الـفـدعـان مافيهـم شـرود *** خـيـالهـم قـدام مـا يـرجـع ورا
قال عبدالله بن دهيمش بن عبار هذه القصيدة مجاراه لقصيدة الشاعر
أحمد بن مجول الشريفي الخرشاوي : 1349
تسلم يا أبن مجول ولا عـليـك زود *** وتشكر على طاري على فكرك طرا
لـك الشكر يا صاحب القلب الودود *** يـثـني عـليك الـلي لمنظـومـك قـرا
تسنـد لقـرم منسبه مـن نسل عـود *** ريف الضيوف وريف من له قصرا
القـرم أبـو ثـامـر تـقصى بالجهـود *** عبدالله بن سميـر مـن صغـره ضرا
به صخى ولا هو حقود ولا حسود *** وبالحـميـه يـرفـع الصـوت جـهـرا
لـك الشكـر حـيـث مجـدت الـفهـود *** هم اللي في بـوجـت الـدار اخـبــرا
هـم مـلاذ الـلي مـن الظيم مـحـدود *** مـرجهـن وعـن غـريمـه مـا سـرا
مـنـهـم الـلي عـادتـه حـل الـعـقـود *** صـيـت مقحـم طـال حـتى انكـلتـرا
وعـزوتك يا أحمـد بحـزات الجرود *** مـن يـنـاطحهـم يـهـولـه مـا يــرا
بالـلـقـاء يخشاهـم الخـصم اللـدود *** وتـحتـرص منهـم بـواشي ووزرا
وأن تناخوا عنـد منقوض الجعـود *** كـم غــروً صـاح ولـجـيـبـه فـــرا
ويوم فعل المرجله صعـب ويكـود *** وكـان ذاك الـوقت بـه جـوع وعـرا
أخـو بـقشه كـن بـيتـه ضلـع طـود *** مـثـل حـيـد طويق أو شامخ كـرا
قـروتـه تشبـه على طـعـس النفود *** ولا يخـيـب الـلي نصاه ولـه حـرا
يـذبـح العـيـتـا السمـينـه والقـعـود *** وينفـق أمـوالـه اليـا جـوه افـقـرا
تلـقا عـظام النيب في تلـك الحيـود *** وخـوصـتـه دايـم مـن الـدم مـغـرا
قلتهـا والـلـه يـلـوم أهـل الجحـود *** الـنـحـوس الـلي سـوالـفهم هــرا
الـخـيـانــه مــن تـقـالـيـد الـيـهـود *** ومـن تغـطـرس كـل فاهـم بـه زرا
والـقـزاز الـيـا تـكـسّـر مـا يـعـــود *** مـا جـبـر مـهـمـا تـلـصـقـه بـغـرا
كتب الشاعر سلطان بن رجاء بن سليمان الكره هذه العبارات والقصيده
لان ابن عبار مايرد على قافية " عبّار" ولأني أعرف ان ابن عبار لا تسند
عليه قصيدة بجميع اغراض الشعر إلا رد عليها لذلك صرفت النظر عن
الكتابة ليس لشيء ..! إلا لأني ( رجل ما أظلم حظي ) والمسأله وجدان
فـ أنا أصغر منه شعراً وثقافة وعلم وأكبر من أن أبحث عن شهره أو شيء
بمثل هذه الطريقة والآن الفرصه متاحه..! لكن بقافية الراء لتجنب مجاراة
أبو مشعل الى الشاعر والأديب والنسابة المؤرخ ؛ عبدالله ابن عبار : 1350
خلدت أسمك بالذهب ياإبن عبار *** وعلمت هـذا الجيل ما يجهلونه
لك الشكـر منا وعنا , يالأخيــــار *** يستاهــل التكريـم لو تنصفـونـه
على الهوى وبكل نشرات الأخبار *** بثاً مباشر بالوفــا من امزونــه
معــه تزامـن للأثيــــر وللأقمــار *** وعبر الأذاعـة للذي يسمعـونـه
شاعر مؤرخ مارضا لربعه العار *** شلع جذور الزيف والي يبونـه
عـن القبيلـة أرتكى أبنهـا البــار*** صد وتصدا ولا طلـب للمعـونــه
عن جدنا عيا وأخــذ منهـم الثار***ماهمـــه اللي بالمكــايد يجــونــه
هــذا بلاهـم كن بكبـودهــم نار*** ناراً تحنجل حدر نضـوة لـُـحونه
صلف وجبل الوايلي مثل سنجار*** تفازعــوا و أَزْرَوا بعد يبهتونـه
مصدر موثق مابها شك وانكار*** سطــر بحرفـه مابغــوا يجحدونه
أديبـها عبارهــا قـول وإقـــرار*** شال القبيلـه ولا تثاقــل امتونــه
أربع عقود ولا ترك مثل قنطـار *** والسهو وارد والخطأ يَعـدِلونه
وطرق التواصل كلها حطله دار *** لأجل البعيـد بخطوته ياصلونـه
بكفه مسح عن راسها لي وغبار *** وعد الصحيح وكلهم يبخنونه
دافع وذاد وجاد بقطوف الأزهار*** وهذا رغم ماجاه عيا المهـونه
لهم ولو تاريخهـم كلــه أســرار *** به العجب والحيف ما يكتبونـه
الموت كل الموت من ربعــاً كبار *** ماكل سائل بالعرب يصدقونه
حصرم عناقيد الخطأ زارعه بار*** ضـرالذي من بعـدنا يحصدونه
تناقضوا ختل وخديعه وإصـرار*** ظلم وغـدر فينـا علينا برعـونه
ولأنـه أديباً اكتفـي بعلـم الأبـرار*** عكـس الذي ظنوا ومايزعمونه
وأنا أحرض كل قادرعلى إظهار *** حفــلاً يليق بأسمــه اتكرمونـه
من هو لها بعيال وايل ومغـوار*** شيـخ المواقـف وكلهم يمدحونه
والله يالولا قولت النـاس عيــار*** لا أقول أبو راكان وأكحل عيونه
من لعنزه في وقتنـا سر وجهار*** غيـر أبن شحاذه بالوفـا يذكرونه
أقولها واجب ومن عنده اعـذار*** معذور! ومبطي مايبي تشكرونه
تمت بحمده وقلتها بقاف عبّـار *** لجل اتجنب رد .! من تعرفــونه
مع التحيه والأجلال للبناخي سلطان بن رجاء الكره وبما أنك سمحت لي
عن الرد على قصيدتك التي على قافية عبار لكثر تكرار القاف عندي فأني
اتشّرف بمجارات الأبيات الثلاثة التي وضعتهن توقيع حيث تقول : 1351
وش مزعل الي ماتخصص بالانساب *** من الذي قضــى حياه بنسبهــــا
دامه ينومس ذكرهـــا عند الاجنـــاب *** ولاجاب ثلمه ولا خلط في حسبها
الله يجيـــره من صواديف الاسبــــاب *** وبعلـمه يـبارك وأحرفاً هو كتبهـا
وهذ جواب عبدالله بن دهيمش العبار على سلطان بن رجاء الكره :
تعـيش يا سلطـان يا وافـي الإوجـاب *** يامن عـلـوم الطيب تفهـم وجبهـا
حيثك كما الصيرم على راس مرقاب *** مجنـاه من وكـر الصوارم جذبهـا
الحـر من هـدّه عـلى الصيد ما خـاب *** ما تسلم الـلي بالمخالـب ضربـهـا
أبـوك الـلي ربّـاك بـك خاطـره طـاب *** وأمـك بـعـد مـا خـيّب لـلـه تعـبهـا
صوب العـلا تلكـد هجينك بالأعـقاب *** وعـلى الفخر دوم الجواد اتهذبهـا
حيثـك سليـل الـلي يحـلـون الأنشاب *** الـذود في دار الخـطـر هـم جنبهـا
لـولا الشجـاعـه مـا تكـنّـوا بالألقـاب *** عـلـى الـمـراجـل نستـدل بلـقـبهـا
مـا لقـبوا مـانـع عـلى الكـره معيـاب *** كـره الخصوم لجدكم هـو سببـهـا
الكـره فارس تكرهه عصم الأشنـاب *** لا حـل بـالسـربـه يـفّـرق شعـبـهـا
أشكرك أنا بسم الـرفاقه والأصحاب *** من ديـرة الجـوبـه اليـا ديـرة أبهـا
قافـك يخص الـلي من الناس سبّاب *** أهل الغوى والطيش يحرق عصبها
يفـداك من حامى على هـرج كـذّاب *** الـلي القبـيـلـه فـي مـقـالـه نـكـبهـا
يدجل على العـزوه مخـادع ونصّاب *** وأولاد وايـل مـن فـخـرهـا سلبهـا
يـطعـن بوايلنـا تـقـل مـالـه اعـقـاب *** وكـل القبيـلـه فـي مقـالـه هـزبـهـا
عن ما يجول بخاطره يعرب اعراب *** والـذمـه برخص المساعـر جلبهـا
يخـوض بانسـاب القبـيلـه ولا جـاب *** مصدر لـلي منـه المصادر طلبهـا
وعـلـم النسـب مـا يتقـنـه كـل لعـّاب *** لازم يـعـود الـلي اخـطاه ارتكبهـا
قال عبدالله بن دهيمش العبار هذه القصيدة من شعر التصدي للحمله المغرضه يسند على الشاعر
عبدالله بن رجا السهلي الجعفري والرجل الفاضل جارالله بن عايش الخمشي : 1352
غـلفت منظـوم القـريض بمضاريفـه *** يهـدى لمـن يكـرم ضيـوفـه وزواره
إبـن رجـا عـز القـرابـه وهـو ريـفـه *** عـبـدالـلـه الـلي عنـدنـا زاد مـقـداره
وجارالله العايش حماوي وبه صيفـه *** غيـور ما نفسه على العوج صبّـاره
ما جور من جور الزمان وصواديفه *** الـلي بفعـل الطـايلـه طـالـت اشبـاره
غـاضـه كـلام الـلي يلـفّـق عجاريفـه *** حيث الحميه هـي مبـاديـه واشعـاره
مـن لابـة رجـالـهـم يـطـعـن بسيـفـه *** يا سعـد منهـم باللـوازم هـم انصـاره
يذرون عن لفح السموم وعواصيفه *** ويثنون دون الدبش لاصارت الغاره
قـولـوا لمـن يشمت علينا بسواليـفـه *** عـن النمايـم ملسنه يـربـط اهجـاره
الـلي تـمـادا ضـدنـا وأسرف بـهيـفـه *** مقـول لهـاتـه يحش العـقب منشاره
تـزويـر هـرجـه بالمجالس وتزييفـه *** يبغي بمنطوق الخطأ يفرض افكـاره
المجلس الـلي كما من قام عن جيفه *** مجلس خزأ بـه تجتمع نـاس هـذاره
من يلفـظ القـول الرخيص بتخاريفـه *** لومي على من طاع لرياه واشواره
مـن دوّر العـيـب لـيتـه بـرّق بحيفـه *** لا يعيّـب الناس فـي عـيبـه ومعيـاره
مـا نجهـل نعـوتـه ونفهـم تـواصيفه *** لاشك نغضي ما نـبي نكشف اسراره
العـيب عـيـب الـلي يذمـونـه بضيفه *** والعيب عيب الـلي يداور مرت جاره
ومن خط حرف الغلط تكثر تحاسيفه *** وبعض الاسامي تراها اليوم غـراره
فخـر عنـزه يصعب جحوده وتوقيفه *** لـو شـوشرت بـالـبـلـه نـاس غـّداره
عـنـاز تـفـخـر فـي كـتـابي وتـألـيفـه *** تاريخ ماضي عزوتي ننشر أخبـاره
المـرجـع الـلي يكـود الغـيـر تصنيفه *** لأجـل القبيلـه بـذلـت جهـود جـبّـاره
مـجـهـد ولا تـشكـل عـلـيـه تكـاليـفـه *** خدمت فخر لابـتي واصلت مشواره
وش عاد لـو تنكـر جهودي هـذاليفه *** صيـد الحمايـل لجهـدي دوم شكّـاره
والـلي نسبنـا يـبي نـقلـه وتحـريـفـه *** هيهات مـا ينقـل فصيله ولا عـمـاره
ما نطيع من حرّف نسبنا عـلى كيفه *** الساس ثابت من زمن هاجر وساره
مـن يجـهـل بجـدنـا نعـطيـه تعـريفـه *** من نسل عامر شهير بسلمه وكـاره
اسم عـنـزه لـو قيل عـنـاز تصحيفـه *** قـبـايـل مـن نـقـوة الغـوش مخـتـاره
قال الشاعر عبدالله بن رجا السهلي الجعفري هذه القصيده مجاوباً زميله
عبدالله بن دهيمش بن عبار : 1353
حـييـت يالـلـي عـامـرات مـهـاديـفـه *** ترحيـبـة بـالـعود والمسك مـخـتـاره
تـرحيبـة تـسوى مـن القاف تـوليفـه *** يزها بها الورد الطبيعي مع ازهـاره
بالشاعـر الـلي كـز يـمي مضاريـفـه *** در الـقـوافـي والمعـاني مـن اشـعـار
مثلك يا ابو مشعل تشرّف مواقيفـه *** تشريـفـة الـلي بالصخى زاد مـقـداره
الجود والنوماس والجـود تعـريفـه *** تـعـريفـه أنـك منسبـه والـوفـاء كـاره
مثلك شموخ الطايله من مشاريفـه *** شاعـر عـلى راس الفخـر شيّد اخباره
شاعر قبيله ما يجي منـك تـزييفـه *** فـعـلك عـلى مـد البصـر طالت اسواره
الحـق مـا يـزعـل وتـبقـا معـاريفه *** يالـلي تجيب العـلم مـن غـبّـة اخـطاره
ماكان من يدي على الناس تحريفه *** يـبقـا نضيف وموقـفه يخـفي اسراره
والحـر يبعد في زمانـه عن الجيفـه *** تـشـوم نـفسه لا كفـخ وابـعـد طـيـاره
وقال عبدالله بن رجاء السهلي الجعفري هذه الأبيات يسند على عبدالله بن دهيمش بن عبار : 1354
طالبـك ترفـع يا أبـو مشعـل مقـامـك *** عـن كـل رجـل مـا يطابـق مبـاديـك
يـالـنـادر الـلـي تستـحـق احـتـرامـك *** خـلـك سمـاء مـا دام فعـلـك معليـك
أنـت الأديـب الـلي كبيـرن جـهـامـك *** خدمـت موروث عنـزة دون تشكيك
الـنـذل لا تـعـطـيـه جـل اهـتـمـامــك *** ولا تخـاوي غـيـر مـن يفتخـر فيـك
والـلي يحـارب بالمجـالـس كـلامـك *** هـذاك خـلّـه محتـرق مـن ممـاشيـك
ولا تنافس الا من نظـامـه نـظـامـك *** الـلي عـلى قـول الحقيـقـه مصافيـك
رد عبدالله بن دهيمش بن عبار على أبيات الشاعر عبدالله بن رجاء السهلي الجعفري : 1355
يا أبـن رجـاء يالقـرم نفهم مـرامـك *** تسلم عسى ربي يصونك ويحميك
يالجعفري يالـقـرم مـرفـوع هـامـك *** حـيثـك تـشّـرف بالفعـايـل بنيخيـك
يامـن خـوالـك يفخـرون وعـمـامـك *** وأبوك اللي على المراجل مضريك
المـرجـلـه طبـعـك وسلمـك ونـامـك *** نصحتني بالقـاف يـا ريـف ناصيك
يـوم السبـايـا عـجـهـا كـان سـامـك *** ربـعـك فـخـرهـم بالمعـارك يعـليـك
وأن قلـت لـلي سبني وش عـلامـك *** قصدي عن العايـل أعلمّك وأدريـك
قال عبدالله بن دهيمش بن عبار هذه القصيدة يسند على الشاعر عبدالله بن
رجاء السهلي الجعفري بعد وصول أبياته الموضحه أعلاه : 1356
هاض القريح وفاض نقروح جـمّـه *** وغرفت من صافي قرايض علومـه
بـيـن السكون وبـيـن فتحـه وظـمّـه *** أنظـم جـزيـل القـاف حـزّت لـزومـه
يا أبن رجاء الموضوع كيفه وكمّـه *** وصلك شـرحـه وأنـت ميّـز يمومـه
الـلي نـشـر ضـدي دعـايـه مـطـمّـه *** مـلـزوم أكـافـح يالسنافي هـجـومـه
قـلـتـه ولا داعـي لـتـوصـيـف الأمـه *** ولالي هـدف عنـد الخلايق عمومه
لكـن سمعـت الـلي هـروجـه مخمّـه *** يـقـذف حمايل عـن لـغـاه محشومه
مثـل الحنيش إلى أمتلأ عـرق سمّـه *** مـن يقربـه ما أظـن يأمـن هجومـه
الـلي تكـاسـل عـن قـضـايـا مـهـمّـه *** جـوده عـلى الصاحب يـدوّر ثلومـه
يبحـث عـن عيـوب الرفيـق ويـذمّـه *** وكـل الردى والعيب داخـل هدومـه
يفـرح اليـا حصّل خمـال أبـن عـمـه *** ومن يمدحـه يشمت عليـه ويلومـه
فـمـه عـن هـروج الخطـأ ما يصمّـه *** ومن طاري الطيّـب تـزايـد همومـه
حـيـث الـذي يسعـى بـغـيـبـه ونـمّـه *** قصـده يسبب بـيـن ربـعـه خصومه
شـمـل القـبـيـلـه يـفـرقـه مـا يـلـمـّه *** وفي منهجه شتـت جماعات قـومـه
الـلي نـوى لـه شـف جهـدي يـدمّـه *** مـا نـال فـود الـلـه يـعـز الحـكـومـه
ينصفني الـلي مـن الرجاجيـل قـمّـه *** ولانـي بـحـال الـلـي دنـيـه سلـومـه
يتبع