كاَنَتْ نَهَر يِشْبِهْ بَحَرْ فِيهَا السَّمَرْ شَيْ م الحَيَاة
وفِيهَا النَّخَلْ فِي هَامِتِه يَهْمِسْ حُرُوفاً لِلْقَمَرْ
وكَانَتْ بَسَاطَةْ عَيْشَهَا تَكْتُبْ قَوَانِينْ البَشَرْ
حُبّْ وعَطَا بَذْلْ وفِدَا مَافِيهْ سِيرَه للِْفَقَرْ
بُيُوتَهَا فِي قُرْبَهَا مِثْلِ الجِسَدْ دَمْ ودِفَا
أَمْنْ وأَمَانْ عَطْفْ وحَنَانْ ولاَ يِعْرِفُوا كلمة هَجَرْ
والسِّبْلْ بَيْن (ا)بْيُوتِها ياخُذْكْ صَوْب (ا)نْخِيلها
تَنْثُرْ بِهْ القَمْرا دُرَرْ ويجَمِّلِهْ ضَيْ البَدَرْ
والكُلْ مِنً وَسْطِهْ عَبَرْ بَدْو وَحَضَرْ
فِيه الْأَكُفّْ ( ا)تْصَافَحَتْ، وفِيه القُلُوبْ (ا)تْعَانِقَتْ
وياماَ حَكَوْا في حَنْوِة السِّبْل السِّيَرْ
وهْنَاكْ وَسْطْ ( اِ) حْقُولَها تَنْثُرْ سَنَابِلْهاَ عِطِرْ
يِسْتَنْشِقِهْ طَيرْ وبَشَرْ ويِتْنَفِّسه مَجْدْ وفَخَرْ
والطَّيْرْ فِي جُرْنَانِهاَ يَعْزِفْ مِوَاوِيلْ المِطَرْ
ويرَدِّدْ ل( ا)لْحُونٍ كِتَبْهَا صَوْتْ فَلَّاحٍ على نَسْمَة فَجِرْ
وِقْلُوبْ أَهَلْهَا فِ الشَّتَاتْ مِتْوَاصِلَة بِدِّ البَشَرْ
مَاغَيَّرَتْ مَكْنُونُهَا بُعْدِ الْخَطاَوِي والقَدَرْ
وفْ بَرَّهاَ مُتْعَةْ نِظَرْ إِبْلْ وزَهَرْ وِبَوَسْطَهاَ بَيْتِْ الشَّعَرْ
وِبْدَاخِلهْ سَمْنْ وِشَحَمْ وبْجَنْبها هَيْلِ وتَمَرْ
والْقَوْمْ في فَيَّة قَصَرْ بَعْدِ الْعَصَر
وِهَنَاكْ فِي بَيْتْ الشَّعَرْ بَعْدِ المِطَرْ
جِمِيعِهُمْ وَاشْتَاتِهُمْ كُلٍّ عَلَىٰ طَرْقِهْ شِقَرْ
تَنَاشِدَوا عَنْ سُوقِهم وَشْ جَدّْ فِيهْ (ا) مْنِ الْخَبَرْ
تَجْمَعْهُمْ الْعِلْيَا وِحِبٍّ في ضِمَايِرْهُمْ وِقَرْ
والْيَوْمْ دَارْ (ا) بْنَا الدَّهَرْ واسْتَوْحَشَتْ كُلْ الدِّيَرْ
واضْحَتْ صَحَارِيهاَ قَفَرْ واسْتَنْكَرَتْ حِسْ المِطَرْ
وابْيَارْها تَنَكِّزَتْ وَاشْجَارَها أَعْجَازْ نَخْلٍ مِنْقِعِرْ
و( ا) حْقُولَهاَ صَارَتْ خَبَرْ والطَّيْرْ لِرْبَاهَا هَجَرْ
وِ(ا) قْلُوبْ أَهَلْهَا مِنْ حَجَرْ أَسْتَشْبَعَتْ حِسْد وِفَقَرْ
وُ(ا)دْرُوبِهَا صَارَتْ حُفَرْ يَسْقُطْ بِهَا كُلْ الْبِشَرْ
وِالِّلي ضِعِيفْ وقِدْ عَثَرْ مَا عَنْه مَرَدُودٍ خَبَرْ
ياَوَشْ حَصَلْ ياَوَيْشْ سَوَّينَا بِدِنْياَناَخَطَرْ
كُلٍّ يِرَاجِعْ حِسْبِتِه مِنْ قَبْلِ مَانِصْبِحْ عِبَرْ
يَارَبْ لُطْفِكْ رَحْمِتِكْ تَرْجَعْ لِنَا بِيشَهْ نَهَرْ
وِنْعِيدْ سِيرَةْ حِبِّنا الِّلي بِهَا الشَّادِي سِمَرْ
2/2