السلام عليكم ورحمة الله تعالى وبركاته

يسعدني ويشرفني أن أضع بين أيديكم الكريمة هذه القصيدة من شعر عيد بن راجي الغضوري العنزي بالأديب سالم بن جهبل حفظهم الله، حيث قال :

يابن جهبل يا راعي العز والطيب=يالوايلي راع الفعول الجزايل
بموروثنا الشعبي مضى لك تجاريب=تحيي تراث اجدادنا بالمثايل
شاعر وناقد تكتب الشعر وتجيب=متمكنٍ شبرك على كل طايل
بالمحتفل لا جيت لك قدر وتهيب=بك ترتفع روس الرجال الأصايل
قدرك رفيع ولك مكانه وتوجيب=عند الرجال أهل الثنا والفضايل
وعرفك نعدّه من كبار المكاسيب=ليا عدّو النّدّر زحول القبايل
ليا جيت بحضورك نفعت المعازيب=وشرفتنا يالصيرمي يابن وايل

إنتهى

صح الله لسان الشاعر عيد بن راجي الغضوري على ما أبداه من كلمات مدحٍ وثناء بجناب الأخ الأديب سالم بن جهبل وهو كفؤ ويستاهل كل طيب وفقه الله لما يقوم به من مجهود لإحياء تراث القبيلة وموروثها الشعبي وهو بكل جدارة يستحق منا جميعاً كل الشكر والثناء والتقدير والرفعة .

يستاهل أبو عادل وكل شعراء عنزة فيهم البركة وصح لسان الشاعرراجي الغضوري

ونعم ب سالم بن جهبل رجل معروف ويقدره الجميع تسلم أبن دوهان على على نقل هذه الدره النفيسه للشاعر/ عيد بن راجي الغضوري العنزي ويستاهل أبو عادل

شكرا اخي العزيز / محمد بن دوهان على النقل مهما اقول بحقك لن اوفيك


شكرا للأخ العزيز الشاعر / عيد بن راجي على مشاعره الاخويه واعتبر هذه الابيات موجه لكل شاعر من قبيلة عنزه وما انا الاواحد منهم

شكرا للأديب الشاعر العلم /عبدالله العبار الذي نتعلم منه وشهادته مصدر فخري واعتزازي

شكرا للاخ العزيز / نهير بن رخيص على كلماته المعبره جزاه الله خير

تقبلو تحياتي وتقديري

صح لسان الشاعر/ عيد بن راجي الغضوري على هذه الدرر
والف شكر لك اخي/ محمد بن دوهان على نقل هذه القصيده الرائعه
والشاعروالأديب/ سالم الجهبل يستاهل فهو من الشعراء البارزين على الساحهة وكفؤاً للمدح لاشك

صح لسان ولد العم