ديوان خليف ابن سعيد العنزي - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-25-2013, 03:10 PM

قصيدة ( الناس ما تقبل النقد والشور )

الناس ما تقبل النقد والشـور
****لو ان خطاها واضح بالمجلة
حتى لو انك فاهم العلم دكتور
***قالوا افكارك خاطية فيك علـة
لو بك عدل قالوا الشخص مغرور
***ويتابعونك انت في كل زلـــــــــة
محد يخاف اليوم من كلمة الزور
***الا عفو ربي من الناس قلـــــــــة
كانك صريح بالمواجيب محذور
***ولا احد يبي لك كلمة مستقلــــــة
عجيب هذا الدور غريب من دور
***ولا احد يفرق بين دقه و جلــــــه
ما احد بهالدنيا من الطيب مقصور
***موزع مبداه في كل ملـــــــــــــــــة
أشوف مدحن غير صحن ومخبور
***ولا ينبغى مدحن مهو أمـــــــــحله
انا أحمد الله ما بها ركبة الكور
***امن وامان وساكنين بفلــــــــــــــة
العلم للانسان تراه من نـور
***ليا صار اللي يفهمه يستغلــــــــه
اللي يطيع الله بلا شك مســـــرور
***صوم وصلاة وركعة وسجدة لــــــه