( مجاراه )

يقول مايح عويجان:

سر ياقلم وكتب جواب على الكيف ***مني لبو فارس عسى الخير فــــاله
البارحه في هجعه الناس ياخليـف *** عيني لذيذ النوم عجزت تنـــــــــــاله
تلــفها الافكــار مـــثــل العواصــيـف*** نوب جنوب الكون ونوب شـــــــــــماله
من شوف شي حرف الفكر حريـف *** ياخليف بعض الناس غير مجــــــــاله
ان قلت قاضي قال قاضي وحريــف *** وان قلت شيخن قال شيخن لحـــــاله
مكثف نـفـسه بالاواهـم تكـــــــثيف *** وليا مشى ماغير ينظر خيـــــــــــاله
دنياه صارت كلها زيف في زيـــــــف *** يضحك على نفسه على كل حاله
يقول انا الفارس وانا حامل السيف *** والزير سالم مايوقف قبــــــــــــــــاله
بالمجتمع عايش بوهم وتخاريــــف*** مايحسب الدنيا سريع زوالـــــــــــــــه
دنياك لو دامت لشرابت الكيـــــــف *** والله ماوصلت لنا في كمــــــــــــــاله
وين الجموع اهل السيوف المهاديف *** راحت بهم الايام وقفت أرحــــــــــاله
هبت عليهم ذاريات العواصيــــــــف *** تحت الثراء كلن خصيمه أعمــــــــاله
وين الذي وردو على المات وطريـف*** من دونهم حالت عوالي جبـــــــــاله
والبير تسمع فيه لجت غواريــــــــف*** يوم الرشاء ياخليف فوق المحــــاله
وياصدرت تهفقت لك معاطيــــــــــف *** ويقوم راعيها يفك الشمـــــــــــاله
البل عطايا الله رقابه مهاديـــــــــــف *** حمر النعم معروفه في جماله
راحت باهلها مرقبين المشاريـــــــف *** فكاكت الساقات في كل حــــــاله
وشلون اوصفهم بالامثال توصيــــــــف*** اهل الوفاء والمعرفه والعدالــــــــه
رجالهم يخوف الخصم تخويـــــــــــف *** ماراح للشرطه ليا ضاق بالــــــــه
ولا راجع العمده يبي منه تعريــــــــــف*** ولا راح يم القسم يبقى كفالـــه
ولا مشوا الحرمه على ساحل السيف*** اللي تدلع دايم في دلالــــــــــه
حريمه مع طلعت الفجر ياخلـــــــــيف *** تلقاه تركض مع طوارف حلالـــــه
تكسرت ياخليف كل المجاديــــــــــف *** واليوم كلن قيمته في ريالـــــــــه
تفرقو اهل القلوب المواليــــــــــــــــف *** وصار المواصل باتصال ورسالــــه
شرحتلك عن كل الوضاع ياخليــــــف *** تاريخ والتاريخ صعب مجالــــــــــه
وظفتلك جميع الابيات توظيـــــــــــف *** كل بيت يشرح بالزمن ماجرالـه
وصلاه ربي عد من حج ياخليـــــــــف *** على محمد عد وابل خيالـــــــــه


مجارات /خليف ابن سعيد يقول:

جاني جواب ملطف الخط تلطيـف ***** من شاعرِ ينهل شعر الجزالـــــــــه
لا هنت يابو سلطان يامقري الضيف ***** رجل حليم وافيات خصالـــــــــــــه
من ربعي اللي فعلهم لي تشريف *****اهل الوغا بالكون واهل البسالــــه
الله يجيرك عن كبار الصواديــــــــــف ** *** وعينك تنام بجاه ربٍ نسا لـــــــه
رب عطوف بالعباد المظاعيـــــــــــف ***** هو فزعه المظيوم واللي شكالـــه
لا تشغل الافكار بكثر التحاسيـــــف ***** ولا تهمك الدنيا بشرق وشمالــــه
تذكر دور فات غزاة ومناكيــــــــــــــف ***** ماينبغي يالقرم صعب احتمالـــــه
ان قبلت خيل واقفت مراديــــــــــــف***** الله حمانا من حروب الظلالــــــــه
وجدك على مقطانهم لمه الصيــــف***** اقفا كما برق لمع مع خيالــــــــــه
اوقفت امورٍ ذكرها كنه الطيـــــــــــف***** راحت بشين وزين وفيها جهالـــــه
واليوم عصر العولمه وروحت جنيــف***** وكلنٍ على مبداه يمدح ريالـــــــه
ذكرت لي بالقول كل التواصيـــــــف***** صعب ارضاء الناس في كل حالـه
لا تستفزك من الرجال الهفاهيـــــف*****خلك كما حيد عسير منالـــــــــــه
ولا يزعلونك ناس تمشي على السيف*** هذي حضاره وافيه بالكمالــــــــــــه
ملبوسهم شرتٍ جتك السواليــــــــف***** حلاقه اللحيه والاشناب مالــــــه
ماانت الموكل تصنف الناس تصنيــــف***** مالك ومال الناس كلٍ بحالـــــــــــه
مالك بقومٍ عقولها سين تغليــــــــــف ***** وكلن على رايه يسير اجمالـــــــه
ربك يدير القوم بحكمه وتصريـــــــــــف***** مادمت الايام قصار اطوالــــــــــــــه
ماهمنا عبيد ومزيد وعطيــــــــــــــــف *****والكل منا مشغلينه عيالـــــــــــــــــه
لاشك عصر اليوم وضعه مجانيـــــــــف***** بين البشر كثرت علوم الرزالــــــــه
اشوف ناسٍ تخطف العرف تخطيــــــف***** ومن الغشم زايدينه هبالـــــــــــــه
اكدت بقولك لي ناديت ياخليـــــــــــف ***** وانا لعيونك كان وان جتك عالــــه
ناسٍ على الطيب لسنه مجاريـــــــف ***** لا تخدعك يالقرم شوفت ازوالــــــه
كلفت لك بعض الابيات تكليــــــــــــف ***** اترك هزيل القاف واخذ اجزالـــــــــه
وصلاه ربي عد ما بالوطا شيــــــــــف ***** على رسولٍ حافظٍ للرسالــــــــــــه

صح لسان الشاعرين الفطاحل وكما قال الشاعر : أزكى الشعر ماقاله أزكى الرجاجيل وشكراً للأخ فواز على اتحافنا بكل جديد ومفيد ولا غرابة من الشاعرين هذه الروائع حيث أن زميلنا وأخينا مايح عويجان من الشعراء القلائل الذين لا يسعون ولا يسوقون شعرهم وخليف بن سعيّد كذلك

أخي فواز أشكرك على هذا الجهد الرائع والمفيد
الذي كتبته عن فخذ العطاعطه أحد فخوذ الحسني
حيث أنك كتبت معلومات وافيه وكافيه
ونحن كجيل جديد إستفدنا كثيرآ مما كتبته

الأخ / فواز
أفدنا عن قصيدة مزيد العطيعط في إحدى المعارك التي حصلت
ولك الشكر

الأخ / معاذ
وإليك قصيدة مزيد العطيعط

قال العطيعط يوم جتنـا المراسيـل

نـــاســـن نــوتــنــا راكــبــيـــن الاشـــــــده

حنا كسبنا الطيب بين الرجاجيل

وتشهـد لـنـا البيـضـا واقـولـه واعــده

وحنـا اليـا منـا ركبنـا علـى الخـيـل

مـثـلـك تـــرى مـنـهـو يــخــم الـمـخــده

وانشـهـد انـــي لاتـعـزويـت حلـحـيـل

وانــا العطيـعـط والهبابـيـب مـصــده

ابـنـصــحــك لاتـســتــمــع لـلـمـهـابـيــل

الـلـي تبـيـح الـهـرج وضـحـه وســده

ياصاحبي ترني مثل طير ابابيل

وانـت افهـم المعنـى وبالحيـل عـده

والله لاتبرك وانت للحمل ماتشيـل

الـيـا انثـنـى مـزيــد تـــرى الـــود لـــده

احذرك واعطيك صفحه وتفصيل

كـــان انـــت تـفـهـم والمـعـانـي تـعــده

لاتعتـرض حـذراك دربـي ولاتخيـل

الله عــطــاك الـفـيــن صـــــده ومـــــده

بغيض عندي واكرهك ياولد حيل

تــبــي الـسـلامــه لاتــســـوق الــمـــوده

هذ كلامي وانت حملـك وماتشيـل

ولـلــخــيــل بــالــهــيــات غــــــــاره ورده

فواز العطيعط
لك الشكر والتقدير
على هذا الإنجاز الذي قمت فيه
بحيث إنك كتبت عن فخذنا فخذ العطاعطه من الحسني من السلقا من العمارات من عنزه
كل ما ذكرته عين الصواب وصحيح وأنا معك وأيدك بجميع ما دونته ومسؤول مسؤلية تامة
وأنا وأنت مراجعنا كبار السن من العطاعطه ومنهم من توفى غفر الله له ومنهم من هو على قيد الحياة
غفر الله للميتين وأمد الله بأعمار الحيين وغفر الله لجميع المسلمين
وأي ملاحظه الإتصال على جوال رقم / 0503237378 خليف بن سعيد العطعوطي الحسني العنزي

الاخ فواز
لك الشكر والتقدير

الاخ فواز افد ني عن وسم ابل العطاعطه كيف شكله

الأخ / عبدالله العطيعط
حياك الله تسال عن وسم ابل العطاعطه
هو المطرقين على خد البعير اا يشابه رقم إحدى عشر بالكتابه

الأخ فواز العطيعط
أخبرني عن وسم إبل العطاعطه
مشكورآ