فكرتِِ بالدنيا عدلها وميلها=ما غيرت هذا نهارها وليلها
هذي الجبال الراسيات محلها=رسومها ماجاء شي يزيلها
هذا القمر والشمس وهذي نجومها=هذاك جديها باينٍ وسهيلها
هذي شهورها مع دهورها ويومها=ومنازل به ما تغير بديلها
ماغيَرت مير ان اهلها تغيروا=ترحل منها ناس وناسٍ تجي لها
ارحلتْ بنخوات الرجال وعزَها=وشيمانها مابقي الا قليلها
لو البكاء يرجع بناس ترحلوا=بكيت لياما العين يبرد غليلها
وحنيت حنة واله تتلي العرب=وٍ اعزاها ولا عزت عن فصيلها
خلوج حنت تالي الليل وانا =حنيت مثلها واعول عويلها
والا كما شمطا افقدت غالن لها=وحيدها ولا لمت لو زاد ويلها
ابكي على داري وربعي وعزوتي=ياويْ والله عزوةٍ ينبكي لها
أقفيت منها ناظرٍ له ومحترق=قلبـي مخايلهـا وعينـي تخيلهـا
ولاشفت انا من قام وانتخا =ولاشفت انا من سل عنده صقيلهـا
هي دارنا وامراحنا ومرواحنا=حلوٍ مرابعها ومحلا مقيلها
ترضون حياة الغل والقل والطنا=حياه يزري لمثلها وينزري لها
ابكي معي يادار بالدم والعزا=ابكي لياما العين ييبس ثميلها
يادار يادار المروات والنقا=حلّوا بها الانذال لا سال سيلها
شبهتها لعمهوجةٍ غضه الصبا=كلٍ ايراعيها وعينه تخيلها
راحٍ وريحان بورود خدها=كلٍ تمنى عطفها وله حليلها
سادت سماسير بها وافسدوا =عقب الطهارة صار كل خليلها
ورجالها متكومسينٍ قبالها=عقب المعزة لُوّ ثت عزتيلها
صاحت بعالي الصوت تنخى رجالها=تنخى رجال وين من ينتخي لها
وين الرجال وين ماضي افعالها=الدم عطرها والمواقف دليلها
وين الذي ننخى وينخى وينتخي=الشام تنعي ارجالها وينعيلها
وين القبايل والرجال واليوم= انتم من ارجالها وجيلها
أوان كان ما قمتوا لا قام حظكم =فعالكم تصغر بعيني جليلها
وين السيافا والسناعيس وينهم=ونخيت انا بوقت تعاظم ثقيلها
يصيح وينخى عزوتة شايب لكم=وحتى النساء قصت غوالي ثليثها
من عقب كبر الجاه والعز والعلا=يهان في داره ضعيفٍ ذليلها
عقب المحدد والمحزم وفارس=ينخون شمر وين شمر تجيلها
صاحوا بعالي الصوت وين الطنايا=غلبا لياثقلت حمولن تشيلها
حواس بن فلاج ينخى بجالها=ينخى ولاهو بي كثير وقليلها
حواس بن فلاج ينخى بجالها=يقول درب المرجله هو سبيلها
وان كان ما ماتوا تجينا فزوعهم=وان ماتت الاجواد واعزتي لها
وان كان ماتوا وي ماتت حميه=حميةٍ كل القبايل اتهيلها
نخيت انا ولاني من نايد العرب=من عزوةٍ من بالقبايل مثيلها
قبيلةٍ انخاها واعتز واعتزي=من عزوةٍ نعتز به ينعزيلها
عنَاز وايل وين عزّة وسطوته=انتم على عازات بقعا وميلها
نخيتكم والعين تذرف من البكا=نخيتكم والعين جارٍ هميلها
نخيتكم انا وبي هاجس صاب هاجسي=ونارٍ تلظى بالضمايرمليلها
انتم هل الجيرات والضيف والحمى=وان ماحميتوا داركم من يجيلها
حتى مصوت بالعشا بعالي الشفا=راحت شتات بدياجير ليلها
من عقب كبر الجاه والجود والسخا=هانوهم الأنذال واسفل سفيلها
تنخاكم الخفرات قدّت جيوبها=تنخى بعالي الصوت من يحتميلها
نخيت اخوبتلا وعناز كلها=نخيت ولو مثله عليكم نجيلها
يابو زبن تنخاك وايل ودارها=انت الذي تعبا لها وتعتبي لها
اخون بتلا والثلاب وينهم=وراكان من ينخالها وينتخيلها
له شيمةٍ بالراس ما شفت مثلها=زيزومها مقدامها يستويلها
رشيد ياعقب الشجاع المجرب=سعران لوهو حي يكسب نفيلها
تنخاك خفرات تكشف براقعه=تنخى محددت الجمل ما نخيلها
عوجان وينه ياسعد من نخيتهم=تاتيك شيبانه تسابق جهيلها
نخيت متعب عقب فواز ينتخي=الحر الاشقر وقت طلعه ادعيلها
ورنس اخو شيمة ينخى لمثلها=حماتها يحمى لها ويحتميلها
واين اخو شيمه هقوتي لا تخيبه=هقيت بك هقوةٍ ما هقيلها
و نخيت انا الشعلان ورويل كلها=اوي والله لابة ينعنيلها
شوفوا محارمكم لفت كيف حالها=حرالنيا مثل المجامر ركيلها
ليت الدريعي حي وياليت نايف=حيٍ لها ويهيا لها ويرتكيلها
من شان صيحة حرةٍ جت جموعهم=والخيل قطعة من غوالي سليلها
واليوم تنخاكم حراير ربوعكم=صاحت بعالي الصوت مما جريلها
عقب الحيا والدَّل وزاهي الباسها=راح الحيا منها وجذت جديلها
صاحت حرايركم وتنخى بلا حيا=وقدت جديد ثيابها مع سميلها
تصيح وتنخى جمع جمعان وينهم=ترجيك رجوا الممحلين لمخيلها
ننخاك ياراعي البويضا ثامر=ننخاك ياناخٍ نخى من انخيلها
لك نخوة ماقيل ولا قط مثلها=وشلون تصبر ويحكمكم رذيلها
وين العواجي وابن سويلم وينهم=وين الاْيدا وين خزام فيلها
وين اخو بقشة للضواهد نخيتكم=تنخون ليامنه توقد شعيلها
جعافرة وشلون تسلون ربعكم=ربعٍ تفاديكم بحاله وحيلها
ذكرت انا راعي البويضا ساجر=وذكرت حنة فاطرٍ ينتخيلها
عبود وينه واخو نقوة يقودها=عز الديار وعز جار ونزيلها
دلاق هدام الطوابير ليا مشا=وعداه يكثر خوفها اليا طريلها
نخيت انا الحيين لا ذل حيهم=ذلّ الذليل ونذلها مع بخيلها
نخيتكم على امور تعاظمت=ورجاي بالمولى ولو طال طيلها
ولو هي على الموتى اجسامه تحركت=وتقوم من تحت النصايب تشيلها
تنخاكم الفدعان بواجة الدير=بي حالة يعزالها وينرثيلها
يقول مصوت بالعشا الدار دارنا=ناتيه وآثار الطواغي انزيلها
قوموا برأيٍ ثم عزمٍ وجزمه= السيف حده للصعايب حنيلها
إيكب فنجال اللي انخى ولا انتخى=خلوه يشرب من توالي حميلهـــــــــا
كنه على اللي مايراوي برايهـــــــــــا=يكرم عنه مطعومها وريح هيلهــــــا
نخيت انا لي عزوة وايليــــــــــــــــــه=ركبت سنام المجد بصافي صقيلهـــــا
منزالها بالمجد في عالي العــــــــــــلا=وامجاد من غيرة تقاصر طويلهـــــــا
حنا بني تغلب وبكر بن وايـــــــــــــــل=امجاد بالتاريخ يسأل جهيلـهــــــــــــا
كليب وايل والمهلهل وغيـــــــــــــــره=امجاد ماتحصى ولا ينحصيلهــــــــــا
من وايل وفي وايل ساس العـــــــــــلا=حنا موارثها وصفوة رعيلهــــــــــــا
من ارض اليمن للشام لارض الاعاجم=لديار بكر وديرته دك خيلهــــــــــــــا
حنا الذي نحمي الملوك بدارهـــــــــــا=ونذلها بجدارها ونحتميلهــــــــــــــــا
كليب وايل قاد بكر وتغــــــــــــــــــلب=امجاد في عالي المعالي ارسيلهــــــا
هز العروش وعزّها وداس مجدهــــا=وزلزل طواغي عرشها وداس غيلها
حنا أهل ذي قار فزنا بمجدهــــــــــــا=ونرقى بروج بالعلا ما رقيلهــــــــــــا
من يوم ابن سعود وشيبان لابتــــــه=حزنا المعاني دقها مع جليلهـــــــــــا
زبن ملوك عن ملوك ٍ تعاظمـــــــــت=وذلوا عظايمها وعزوا ذليلهـــــــــــا
ومنا الخليفه مارضوا منزل الوطــــا=الا بعالي العاليات وطويلهـــــــــــــــا
ركبوا سواهج فوق موجٍ من البحــر=وطوابها ارض قبلهم ماوطيلهــــــــا
رحلوا يريدون العلا ونزلوابهـــــــــا=من تغلب هذي منازل رحيلهـــــــــــا
بنو بها دارٍ من المجد والعــــــــــــلا=دارٍ لهم باعلى المعالي بنيلهـــــــــــا
ومن وايل وفي وايل نلنا العـــــــــلا=ياوي والله عزوةٍ نعتزيلهـــــــــــــــا
حنا الذي منا فتاكة العــــــــــــــــرب=ذلوا الملوك وجل من يلتجيلهـــــــــا
منا ابن كلثوم ومنا المثنـــــــــــــــى=وتركي بن مقرن صافي حصيلهـــــا
كم طاغي جبار يعمى من الطغــــــــا=أسقوه من مر الليالي نهيلهــــــــــــا
ومنا هل العوجا عرفتوا أفعالهـــــــا=ألّي الامجاد العالية تنتهيلهـــــــــــــا
امجاد ورث اجداد في عالي العـــــلا=كل الرقاب الطايلة تنحنيلهــــــــــــــا
ومنا أخوالا نوار حاز الأمجاد كلهـا=هز الدول وملوكها وفاز جيلهـــــــــا
مــــا صار مثله لا ورب خالقــــــــــــه = رقى بروجٍ بالعــــلا مارقيلهـــــــــــــــا
نــــال المكارم والعلا فوق ما عــــــلا = ولــــو شي من فوق العلا يعتليلهــــــا
كــــل القبايل ما نحسده مفاخـــــــــره = وحسادنــــا خله تموت بغليلهــــــــــــا
هــــذي مفاخرنا وهذي أمجادنــــــــــا = هذي امجــــاد اجداد من ننتهيلهــــــــا
نــــذود عنها بالحديد وباسنـــــــــــــا = وبــــرواحنا نفدي لها ويفتديلهــــــــــا
واسنادنــــا الدين الحنيف وعزنـــــــا = وفيــــصل يمامه السعد يوميلهــــــــــا
يــــا فيصل الفصال بالشرع والهــدى =ا لسنة الــــغرا سعوا لتحويلهـــــــــــــا
سعوا لها بالشرك والخبــــث والردى = الله يــــذل لساعي يسعيلهـــــــــــــــــا
انــــت الخلف بعد السلف وانت ليثهـا = منــــازلٍ حرمت عليك تحليلهــــــــــــا
تشابــــكت جل الامور وتعاظمــــــــت = مــــالت عظايمها وعليك تعديلهــــــــا
ويــــاعصامها وصمامها وانت ليثهـــا = حــــزامها وحزامها عن جفيلهـــــــا
ان هــــاجت الهيجا وجن جنونهــــــا = انــــت الشجاع انت الذي ترسيلـهــــا
وان أبــــرمت جل الامور وتشبرمـت = أنــــت الحكيم بحلها وتفصيلــهــــــــا
نبــــي نخوض أغمارها وانت ليثهــا = ونــــعتز في تكبيرها وتهليلــهـــــــــا
أنــــهيتها بازكى الصلاة على النبــي = وختــــامها بفاصل نهارها وليلــهــــــا