الاخ :سلمان رحيل بارك الله فيك على هذه المواضيع الجريئه وانا بطبعي واعوذ بالله من انا احب الصراحه ولقيت ضالتي عند القدير ابو مشعل اللي يشهد علي الله اني احبه فيه بسبب صراحته وعدم اهتمامه بمايقوله الحاسدون وعندي تعليقين الاول بخصوص مقالك والثاني بخصوص رد ابومشعل ومااورده من قصص:
***اولا:
للاسف مثلما تفضلت فيه, موجود وبكثره الا قله ممن رزقهم الله عدم التكبر وشوفه النفس ,والنوعيه التي ذكرتها هي من اوصلت عنزه الى ماوصلت اليه للاسف وانا بتكلم عن نفسي لوخيروني بين شيخ من قبيله وشيخ من عنزه حتى يقضي لي امر وعسى الله مايحدنا سوف اترك الشيخ العنزي والسبب اني عارف وش عنده وادري لو حبيت كوعي ماراح احصل مرامي ,شيوخنا الله يسلمك دورهم عند الفزعه لابغوا قطه لاصار عندهم امر ينفعهم اولا واخير,ياخي فيه ضعفاء من عنزه يسكنون عشش ويعانون من فقر وربي وضعم مايسر عدو السؤال: وين شيوخنا عنهم وين فزعتهم وين شيختهم اللي يتفاخرون بها؟ ,شيخه بالبشت هذي ماتنفع , ياشيخي الفاضل بدال ماتبذرون الملايين بالحفلات والسهرات والنفاق والتملق عطوا فقرائكم افزعو لمساكينكم ,ربعكم جماعتكم,اللي فقرهم يعيبكم عند الله وخلقه ...استغفر الله
في احد المنتديات الوايليه عنزي يبي وظيفه سواق يعني يبي راتبه الف وخمسميه الى الفين وحط جواله وانا واثق انوه ماحط جواله وبغى هالوظيفه اللي قليل راتبها الا من فقر مدقع...السؤال وين شيوخ عنزه عنه ؟ليه مايفزعون له...او هم مايفزعون الا لواحد منغنغ ,,ولد تاجر ....استغفر الله واتوب اليه
____
ثانيا: بالنسبه لرد الاديب ابو مشعل اقول:
يبو مشعل الله يطول عمرك هالحمله المنظمه اللي طالتك وش جتك منه؟
جتك لانك انسان صريح ,هم يبون ناس يمشي على هواهم يبون انسان يستعبدونه كاتب او شاعر او مثقف او حتى عادي