( قصيدة طلبها الشيخ محمد بن مانع بن سعد الغنيم ) - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-14-2017, 09:26 AM

( قصيدة طلبها الشيخ محمد مانع بن سعد الغنيم )

كتب لي الشيخ محمد مانع بن سعد بن غنيم الجهني في التويتر يطلب قصيدتي التي وجهتها للشيخ صيّاح بن سعد بن غنيم ويسرني أن انشر القصيدة وأسبابها :
قبل ثلاثين سنة سجلّت قصيدة في نقد الشباب الذين يفحطّون ويزعجون المجتمع بعد نهاية المباراة بحجّة التشجيع وسجّلت القصيدة ضمن بعض قصائدي في شريط ونشر القصيدة الإعلامي المذيع سبأ با هبري في مجلّة الصقور التابعة للدفاع الجوي لأن القصيدة بها مدح للقوات المسلحة وورد بالقصيدة المثل العربي ( جهينة الأخبار ) والمثل يعني رجل من العرب أسمه جهينة وله قصّة ولا يعني قبيلة جهينة فسمع القصيدة شاعر جهينة فحيمان بن عودة الحجوري وتصوّر أنها تعني جهينه مع أن القصيدة واضحه وسجّل قصائد في شريط يحتوي على تهجم على شخصي ولم أرد عليه وقلت قصيدة اعتذر للشيخ صياح بن سعد الغنيم رحمه الله شيخ قبائل جهينة فكتبت القصيدة التي سوف أوردها وأرسلتها مع الشيخ زيد الرويضان رحمه الله وسلمها للشيخ صياح وهذه القصيدة التي أثارت الشاعر فحيمان وقد نشرتها في اشرطة وفي ديواني ديوان الوائلي بهذه الصيغة

قال عبدالله بن دهيمش بن عبار هذه النصيحة لبعض الشباب المتهورين :
بـديـت بسـم الـمعـتــلي وأستعــينـه *** وسجلت من فيض القريحة عبارات
قـال الـذي شـاهـد مشـاهـد بـعـيـنـه *** وكتب من أبـداع الخواطر أرشادات
شفـت الفتى يمشي مماشي خـدينـه *** أن كـان فعـله طيـب ولا أنحـرافـات
والـكـل مـنـهـم يـقـتـدي فـي قـرينـه *** تـطـابـقـت عـاداتـهـم والـهـوايــات
شـفـت المـناكـر والعـلـوم المشينـه *** أعمال ما ياجب عـلى مثلها أسكـات
أعـمـال مـنـهـا الحـر يـنـدى جبينـه *** ما هي لأ وايـلـنـا مـبـادي وعـادات
شفـت الشبـاب أعـلامهـم رافعـيـنـه *** من نشـوة الـعـزة عـليهـم علامـات
كـلـن يـلـّوح بالـعــلـم فـي يـمـيـنــه *** وينشـد أهازيج الفخـر والبـطـولات
سـارت مواكـبهـم تـجـوب المـدينـه *** ومـن الفخـر غـزوا للأفـراح رايـات
صوت العجـل بالقـار تسمع حنيـنـه *** لهـم فحـيـط وبـالشـوارع سـبـاقـات
مثـل الظـوامي يـوم تـرهـج قطينـه *** توحي لهـم صجـه ولجـه وصيحـات
قلـت أخبروني عـن خبايـر جهـينـه *** وشـو سبـب تصفيـقـكـم والهتافـات
عـسى اليهـود من أرضنا طـاردينه *** عسى هـزم وأنهار جيش العصابات
عـسى سمـعـتـم قـدسنـا محـرريـنـه *** عـسى من الضفـة وصلكـم بيـانـات
عسى أندحر صهيون وأدبر عوينه *** عسى أعتلا الأيمان فوق الضلالات
وش الخبر أشفوا النفوس الحزينـة *** بالـلـه عليكـم هاتـوا العـلـم بأثـبـات
قالـوا تمال العـلـم وأعـرف يـقـيـنـه *** يا صـاح مالـك في كثيـر السـوآلات
وأن كـان مـا تعـلـم خـوافـي كـنينـه *** أقـر الجـرايـد وأطـلـع بـالـمـجــلات
لا شك عقـلـك يا فـتى الجـود ويـنـه *** غشيم كـار وفـات عـمـرك حسافـات
حـنـا نـفـيـدك بـالـعـلـوم الـرصـيـنـه *** هـذي أعـلام مـشجـعـيـن المبـارات
دور عـلـم نـاديـك وأمـشـجـعـيـنـــه *** وأبـعــد تـراهـم يالمغـفـل حـزوبـات
والـلي يشـجـع خـصـمهـم حـاديـنـه *** ما همهم وش عاد لو بالسبب مـات
قـلـت الـمـرور الـمعتـدي سـاجنينـه *** وببلادنا ما فـيه غـوغـة وفـوضات
عقب الغـوى والطيش تسمع ونينـه *** ومن يعتـدي يردع بأشد العقوبـات
قـالـوا تـمـهـل والـمسـائـل هـويـنـه *** لـو صاحت النجدة ركبنـا البيوكـات
ولا هـمـنـا لـو هـي تـقـوم المكـينـه *** نـدعـس عـليهـا والخسـاره ريـالات
من فضل رب العـرش نملك خزينـه *** وبجـيـوبنـا يا تـايـه الـرأي شيكـات
قلت أسمعوا يا أهل العقول الفطينه *** شـوفـوا مصالحكم ونيـل الشهـادات
تجـنبـوا بـعـض الـدروب الـلعــيـنـه *** لا تـتـبـعـون مـروجـيـن الإشاعـات
يـاجـب عـليـكم تـلـزمـون السكـينـه *** خوذوا كلام الصدق ما هـو دعايات
يالـلي مـن النعمـة دفوفـك سمـيـنـه *** أمش بطريق الحـق كب الخـرافـات
مـا فـيـه داعـي للغضب والغـبـيـنـه *** وش السبـب حـتى تصيـر أنفعـالات
لـيش الـتحـدي ليش زرع الضغينـه *** ليش العبث والكيـد ليش الحـزازات
يا من عـلى التشجيع صرتم رهينـه *** أصحوا تراها ألعاب ليس اختراعات
ألـعـاب مـاهـي لـلـضـمـايـر وزيـنـه *** القـصـد مـنهـا التسليـه بالفراغـات
اللسـتـك الـلي بـالهـوى نـافـخـيـنـه *** كورة قـدم ما غـيـر بالرجـل تنشات
لـو نصرهـا يعـطـي معـانـي ثـمينـه *** يـمـدي غـلـبـنـا روسـيـا والولايـات
مـا نـشـمـت الـنـادي ولا لا عـبيـنـه *** نسـب نـاسٍ تـفعـل الطيش بـالـذات
حـيـث الـريـاضـة معـنـويـه وزيـنـه *** تـنشيط وأهـداف الرعايـة بعـيـدات
وحـنا عـرب سلـم العــرب ماسكينه *** مـا هـمنـا تـقـليـد سـلـم الخـواجـات
كـان الـزوابـع حـورفـت بالسـفـينـه *** نرسي كما ترسي الجبال الرفيعـات
والعـزوة الـلي مجـدنـا شـامخــيـنـه *** لابـة هـل العـوجاء إلى صار قالات
والـلي صنع مجـد العـرب خابـريـنه *** عـبـدالعزيـز الـلي فعـولـه حميـدات
الـلي أحـتمى بـلاده وشعـبـه وديـنه *** حـامـي حـمى البيتين دار القداسات
وأشبـالـه الـلي مجـدهـم حافـظـينـه *** الـلي منـاهجهم عـلى هـدي الآيـات
شبال الأسود اللي ربوا في عـرينـه *** نـسـل الـمـلـوك مسيسين الأمـارات
سـور الـبـلاد ومحـتميـن الضعـيـنـه *** الـلي مفـاخـرهـم أجـداد وقـديـمـات
قـائـدنـا أبـو بـنـدر وفـهـد عــويـنـه *** وأبو متعب ينطح عظيـم الصعيبات
قــادت وطـنـا وأمـرهـم طـايـعـيـنـه *** تحت أمرهم حضّار في كل الأوقـات
مـن يعـتـدي بالسيف قصوا وتـينـه *** عـدوهــم يــنـال حـسـره ولـوعــات
والمملكـة مـن فضـل ربـي حصينـه *** بجهود من شالـوا حـمول الأمانـات
يـالـلي لحـريـف الـملاعـب ضمينـه *** تـستـاهـل التشجيع كـل القـطـاعـات
الـكـل لـه واجــب بـوقـتـه وحـيـنـه *** جنـود الوطن وموضفين الـوزارات
شجع الـلي لبس الفخـر مـرتـديـنـه *** قـواتــنـا بـالــكـون يـا نـعــم قــوات
قـواتـنـا الـلي المعـتـدي مرهـبـيـنـه *** درع الوطن لا صـار بالحـد غـارات
الجيش الـلي حـد الوطـن محـتمينـه *** والأمـن اللي دايم عيونه سهيـرات
وحرس وطنا اللي الوطن حارسينه *** وخـفـر السواحـل حاملين المهمات
الـلي لـوطـنهـم جـهـدهـم بـاذلــيـنـه *** وعـمارهم دون الكرامـة رخيصات
قـواتـنـا الـلي المـعـتـدي عـاثـريـنـه *** مـشـاة والكـومـانـدوز والمـظــلات
فـن الـقـتـال ومـنـهـجـه دارسـيـنــه *** ومـتعــلمـيـن بـكـل فـن الـمـهـارات
صـوت المدافـع يوم تسمع رطـيـنـه *** يقذف على روس المعادين صليات
تــم الـجــواب وقــولـنـا خـاتـمـيـنـه *** على شفيع الخلـق أزكى الصلـوات

وحيث أن قصّة المثل العربي ( جهينة الأخبار ) على رجل أسمه جهينة ولا علاقة له بقبيلة جهينة القضاعية

* وهذه القصيدة قالها عبدالله بن دهيمش بن عبار وارسلها إلى الشيخ صياح بن سعد بن غنيم شيخ قبائل جهينة عندما بلغه أن شعراء من جهينة اشتبه عليهم المثل القائل ( عند جهينة الخبر اليقين ) وقد ورد هذا المثل في احد قصائد ابن عبار مما اوهم ذلك الشعراء أن الموضوع يعني قبيلة جهينة مع أن المثل العربي المشهور يطلق على رجل اسمه جهينة الأخبار لذلك ارسلت هذه القصيدة للشيخ صياح لتوضيح الأمر :

شديت لـي هافٍ على الكيف ممتـاز *** إلى مشى يطـوي بعيـد المـراميس
حافة خبير الجمس مـا مثلـه طـراز *** تـوه ورد بمـواصفـات ومـقـايـيس
إلى دعست البنص مثل السهم نـاز *** كـنـه ظـليم وخـارشينه هـل العيس
يطوي الفيافي في مسيره و يجتـاز *** يجتـاز بطنـاج السهـل والطعاميس
عـنـاه أبـن عبـار مـن نجـد لحجـاز *** يلـفي جهـينـة كـاسبين النـوامـيس
ينصى جناب الصيرمي خلفت الباز *** صقر الحرار اللي يفـوق القرانيس
الشيخ أخـو سنيدا بعلم الفخـر فـاز *** مـودع عـراجيـد السبـايـا كـراديس
مقدم جهينة ريـف مـن جـاه معتـاز *** نسـل الغـنيـم مطلـقيـن المحـابـيس
نسل الغنيم اللي شريفيـن واعــزاز *** ريف الهواشل محرقين المحاميس
صيتـه وصـل للهنـد وبـلاد شـيـراز *** للـصـيـن لـلـيـابـان لـديـار باريـس
مـا اسبكـم بالقيـل يـا ثـقـال الأرواز *** لا واللي انجا نوح وشعيب وإدريس
ماني كما الـلي يشعـم النـار بالـقـاز *** الـلي لـنـار الشـر صـاروا مقابيس
مـا اسبكم يا شيخ والسـب مـا جـاز *** واللي يسب الناس هيسٍ ولد هيس
والـحـمـد لـلـه مـا نجـح كـل لـمــّاز *** والظلم حطم عرش قيصر وبلقيس
والقصـد يـا حـلال صعبـات الألغـاز *** كلمة مثل تضرب بوسط المجاليس
نخبرك بالموضوع يا شيخ بإيجـاز *** واللي فهـم قصـد المثل قال لا بيس
نسهج جواب اللي بقولـه استفـزاز *** اسند على الطيب واعاف الهلابيس
رد اللنقـا مـا هـو مطـارد بـجـنبــاز *** وعـلم الفخـر للمدرعين الملابيـس
قـلته وأنا يا شيخ مـن نسـل عـنـاز *** اللي حموا ديرة بنو طسم وجديس
يـشـهـد لـهـم ذيـقـار وجبـال خـزاز *** يذكر فخـرهم يوم عصر المتاريس
من راس لابة ما بها ثلـوم واعـياز *** تشهد لهـم كنده وتشهـد لهـم قيس
وتشهـد لهـم لابـة قضاعـة ومعـاز *** وبني صخر تشهدلهم والسناعيس
من قبـل عصر جديع والشيخ فـواز *** من وايـل الكبـرى حمايـل وفـريـس
والناس مثل الزرع به قطف وفراز *** غـرسه ولا بد الغـرايس بها خيس
والـلي يـقـول أنـه لكـل الفخـر حـاز *** غلطان وهروجه على غير تقييس
وصـلاة ربـي عـدد مـا قـال رجـــاز *** عـلى النبي عـدد هبـوب النسانيس

*- قال الشاعـر فحيمان بن عودة الحجوري الجهني هذه القصيدة يعاتب زميله عبدالله بن دهيمش بن عبار العنزي بعد أن سمع أحد قصائده وخيّل لـه أن هذه القصيدة تعني قبيلة جهينة وقد ألتبس عليه الأمر علماً أن المقصود بالعبارة الواردة بتلك القصيدة تعني المثل العربي القديم الذي ورد على رجل من العرب يسمى جهينة ويلقب جهينة الأخبار فيقول المثل ( عند جهينة الخبر اليقين ) :
أحضر قلم وأختار من زين الأقـلام *** وأكتب حـروف يـوم تـوزن ثقيلـه
وإلى قبضته باربع أصباع وإبهـام *** حـرف الـغـلـط خـلـه ودوّر بديـلـه
أكتـب بقـرطاس مثـل ناصع الخـام *** مـا قـل دل ولـو حـروفـه قـلـيـلـــه
من هاجس عن رد الأمثال مـا نـام *** ولا قــال قـول الا مـوكـد دلـيــلـــه
لا هب نسناس الهوى والبحـر زام *** أنـشي جـواب مثـل وبـل المخيلـه
أول مـا نبدابـه مـواجـيـب الإسـلام *** سـلام مـرسـول لـكـل الـقـبـيـلــــه
أغـلا مـن الفيـروز بـيـديـن سـوام *** وأعطر من نفيح النفل في مسيلـه
وألـذ وأحلا مـن لـبـن كـل مـعـتـام *** مـني لـقـوم يـحـتـمـون الـدبـيـلـــه
يلفي عـلى الويلان مع زين الأيـام *** بـيـاعـت الأرواح دون الـدخـيـلــه
لا قمت يالمرسال في نشر الأعـلام *** وصـل سـلامي كـاسبيـن النفـيـلـه
قـل أخبـرونـا بجابـة نشـرت العـام *** ولـفـهـا أبـن عـبـار ولا احـكي لـه
جـابـه تعـبّـر مثـل تعـبـيـر الأحـلام *** كـلـن يـعـبـرهـا عـلـى قـد قـيـلـــه
الشـاعـر الـلي حـط للجابـة انظـام *** ودستـور علمه قـبلها مـا دري لـه
الجابه الـلي بالهـوى طيرهـا حـام *** تسـعى لـتـولـيـع بـراس الـفـتـيـلـه
وأرسلت لـه بالخـط مرسال عـزام *** ودي يـبـيـّن مـقـصـده واتـحـليـلـه
مع الأسف خطه مثـل بارق الشـام *** الـلي عـلى الركن الشمالي نخيلـه
* وقال عبدالله بن دهيمش بن عبار هذه القصيدة رداً على الشاعر فحيمان بن عودة الحجوري الجهني :
سر يا قـلم بالقيل وأسـرع بالأولام *** سجل جـواب الـلي بـدالـي بقـيلـه
وضح لنا المقصود عـن ظلم ظـلام *** والظلـم والـلـه ما نحـطـه وسيلـه
يالشـاعـر الـلي تفـتهـم كـل فـلهـام *** مـا قـلـت شيـن بعـزوة تـنتمي لـه
قـبـايـل جهـيـنـه عـزيزين واحشام *** مبطي لهـا تاريخ مـا هـي جهيلـه
من يفهم المقصود مـا صـار لـوام *** ومـن دور الغـرات مـانـي زمـيـلـه
الطيب يبقا والفخـر عبـر الأعـوام *** وراعي الردا يالقرم ما أحدٍ دريلـه
من جاء لنا بالطيب له عز وأكرام *** والـلي قـصـد لا بـد تـفـنـيـد قـيـلـه
أشوف أبن عوده غزا اليوم هجام *** حـشـد مـعـداتـه وجـيشـه وخـيـلـه
ومن عال له بالشرع رادع ونهـام *** وكثـر المجادل فيـه عيب وفشيلـه
حنا عن هروج الردى نحجم حجام *** ونشوم عـن نبش العـلوم الرذيلـه
والجابه الـلي قـلتها ما لهـا أحكـام *** والنـاس تـدري بالعـلـوم السميلـه
تشكي ولا أنت من الأجابات منظام *** ولا قـلت عـيـب بـلابتـك والقبيلـه
أنشد سـراة أفـراد ربعـك والأعـلام *** عن جابتي يا شوق ناقض جديله
أمـثـال مـا فـيهـا عـلامـة أستفهـام *** لـو تنشـد الـلي يفهمون اتحـليـلـه
هذا المثـل موجود من دور بسطام *** أمـثـال تـورد بـالـقـوافـي مـثـيـلـه
منطـوقـنا يا مسندي مـا بـه ادغـام *** ولا بـه عـلى جهينـه لك الله ميلـه
* وقال الشاعر فحيمان بن عودة الحجوري الجهني هذه القصيدة يتشره على زميله عبدالله بن دهيمش بن عبار بحيث أن الأعتذار وجهه لشيخ شمل قبائل جهينة الشيخ صياح بن سعد بن غنيم :
سار القلم مع حضرة الفكر للقـول *** وأستقبلت بيـض الـورق ما كتبتـه
وسجلـت خـط لأبن عـبـار مرسول *** والبـاركـر بـيـن الأصابع قـضـبتـه
وأنـا عـن الـزلات بالقـاف مسئـول *** حيـث القـلم على الكتابـه غصبتـه
أول جـوابـي فـيـه مجهـود مبـذول *** وسـلام مثـل الـورد زاهـي بنتـبـه
ومن بعدها يالوايلي عمرك ايطول *** الشعـر كاسه مثـل غيـرك شربتـه
ورسالتي عندك لهـا غـلق الحـول *** وارجوعهـا عـلى المشايخ نسبتـه
والعـلم لـه عندك دلايـل ومحصول *** لا تنقـص أيـام الشهـر لا حسبـتـه
عذرك لفا لغيري على خط معقـول *** أمـا غـلـبـك الـوقـت ولا غـلـبـتـــه
أماأنت مع غيري بالأمثال مشغول *** ولا جـوابـي بـه خـطـأ واجـتـنبتـه
مـا ودي أقابلـك مـع خـط مجهـول *** ولا تـلـومنـي لـو رد خـطي طلبتـه
من شان عـلم فيـه عاذل ومعـذول *** البحـر الأحمـر في جوابك ضربتـه
وهـذا تجـدد عهـد والعقـد محلـول *** أرمـي هـدف وأن قـدر الله أصبتـه
ما تنفع الدعوى على غير مدلول *** وعود الشرف ما ينكسر لو شذبته
أيامـنـا يوجـد بهـا طلوع وأنـزول *** أمـا كـسبـك الـيـوم ولا كـسـبـتــــه
من بعدها يالوايلي وش تبي تقول *** خطي وصلك وصوب غيري قلبته
أما أنـت جاوبـني وشداتهـا تـزول *** ولا رشـاهـا عـن قـليبـه قـصـبـتـه
العـام جا لك حرف مع باب مقفول *** وحرف الغلط يالقرم كيف أرتكبتـه
قومت حملـه كنهـا حملـة اشكـول *** ومدفعك في روس الجذايب نصبته
سويت خطـه مـن سياسات ديقـول *** وعلمك على جهينة بخيلك هذبتـه
* قال عبدالله بن دهيمش بن عبار هذه القصيدة رداً على الشاعـر فحيمان بن عودة الجهني :
سر يا قلم وأكتب من الشعر ماقول *** سجل نظـم قافي مـن الفكـر جبتـه
أكـتـب كـلام لــه شـواهـد ودالـــول *** مثـل الجواهر من مشيله سحبتـه
بدعه جلا عن خافقي ضيقت الجول *** مثـايـل تـبـعـد عـن الـبـال كـبـتـه
عبـرت مـن قيـل كمـا سيـل هملـول *** من فـن بدعـي ناظمـه مـا نهبتـه
جـانـي كـلام كـنـه الـشـهـد معسول *** ولا كـمـا در الـبـكـار أن حـلـبـتـه
قيـل الحجوري منطقه هالني هـول *** يشره وأنـا هـرج الخطأ ما قربته
فحيمان لردود اللنقا يجمع الضـول *** جرد يبي حـربي وأنـا مـا حربتـه
أن كان عـني هـرج يالقـرم منقـول *** الشـاهـد الـلـه بالمثـل مـا هـزبتـه
يقـول لـه عـنـدي رسالة لهـا حـول *** والخـط مـا والـلـه بكـفي قـضبتـه
الحـمـد للمـولى عـن الكبـر مكفـول *** والـلي يـناديني بـصوتـه أجـبـتـه
ولا بيننـا يـذكـر حـزازات وأزعـول *** كـود المثـل من بد غيري ضربته
ولاني كما تذكر مثل حضرة اشكول *** هـات الـدلـيـل وأي حـق سـلـبتـه
هــذاك يـهــودي وكـافـر ومـخـذول *** لا شك أنا مسلم ولا صمت سبتـه
وأن كانـني كـزيت للشـيخ مرسـول *** صياح شيخك وأن أمر ما عقبتـه
صياح شيخ ومن مشايخ لها فعـول *** مسبوك مـن جوهـر نقيـه ذهبتـه
واللي نصى صياح بالعذر مشمـول *** ومثلك فخـر شيخك يطول أرقبتـه
هو مقدم الجهنان بالعرض والطول *** نسـل الغـنيم خيـار قـومك نجبتـه