قالوا...
‏يا هاجسي لا نصينا .. روس العرب وانتخينا .. جد بالجزيلة علينا .. في من يحوز المعالي
‏
‏رجلٍ سكن عالية نجد .. راع العطا دونما حد .. يمناه بحرٍ من المد .. مضرب مثل للرجالي
‏
‏له كلمةٍ ما تمايل .. من دونها كل حايل .. شيخٍ فعوله جمايل .. تشهد له اعتى الجبالي
‏
‏محمد ولا ذكرنا .. ابن بريم افتخرنا .. جزل القصايد نحرنا .. لرضاه يوم انه غالي
‏
‏من روس قومٍ هوايل .. لطامة لكل عايل .. كسابة لكل طايل .. تاريخهم ما يطالي
‏
‏اكلب هل المد والرد .. واهل الحسام المجرد .. تقدم على الموت ورّد .. صغيرهم ما يبالي
‏
‏جتك القوافي الاطايب .. كنها خيار الوهايب .. ما تفتكر فالنوايب .. لا من جنوب وشمالي
‏
‏من دونها روس الابطال .. خثعم ليا مال ميال .. صغيرهم كنه جبال .. متعطشٍ للقتالي
‏
‏نشرب دماء من بغانا .. مطوعة من عصانا .. مكرمة من لفانا .. يبشر بخير الحلالي
‏
‏واختم بخير الكلامي .. صلاتنا والسلامي .. على النبي التهامي .. عداد ذر الرمالي

محمد بن غرم الخثعمي
......
قلنا..
‏لِرْحاب مَدِّك نِصَينا
‏وِلْجَاه وجهك نَحَينا
‏من جود فضلك رِجَينا
‏أسبغ علينا الجزالي
‏
‏ف ياالله ياخير مَنْ عِدْ
‏ماله شبيه ولا ضِد
‏ياباسط أرضه بلا وِدْ
‏صوِّب حروف ارتجالي
‏
‏أنْشَتْ علينا مخايل
‏فيها سِبيغ الفضايل
‏الوبل فيها جزايل
‏وللبرق فيها اجتوالي
‏
‏نوضه يشوق الرحايل
‏والغصن طربٍ ومايل
‏شاقه نسيم علايل
‏وسيله قراحٍ زْلالي
‏
‏هيَّض علينا القروح
‏ليوم السعد والفروح
‏وحرَّك شجونٍ تلوح
‏تبغى قديم الليالي
‏
‏ف يامرحباً بالبروق
‏مهيِّضة كل شوق
‏سهولنا جت فتوق
‏ينزل بها كل غالي
‏
‏تلفي لدارٍ سْهود
‏فيها عرين الفهود
‏وللطِّيب فيها عمود
‏ماينهزع له اظلالي
‏
‏تلفي لدار النخيل
‏وجه وجاه ودليل
‏دار أكلب المستحيل
‏الطيب فيها يِلَالِي
‏
‏تلفي لدار الوبر
‏بَرْ وظعون ومِدر
‏نِجر وصِهيل وجَمَر
‏مْزَبًْنة كل جالي
‏
‏المجد فيها عَنَزْ
‏طَنَّبْ وفيها حجز
‏ساس الثرى له مَرَزْ
‏طَنَّفْ على كل عالي
‏
‏ف يامرحباً ب الطروش
‏أسياد قُبِّ العروش
‏قُوَّاد دُهْمِ الجيوش
‏اللي بها المجد صالي
‏
‏خثعم وخثعم محازم
‏يامْجَمِّلة كل لازم
‏من قبل حلف اللهازم
‏أهل الرماح الطوالي
‏
‏حُكَّام عِصْيِ الديار
‏ومطوِّعين المهار
‏ظِلٍّ ظليل ونار
‏ماتنزل إلا العلالي
‏
‏والله مافيكم ذليل
‏ولا هزيل وبخيل
‏يامطببين العليل
‏يصبح من الهم سالي
‏
‏أنتم وحِنَّا لِبُوس
‏في النَّايبات العِبُوس
‏مافيه جبر وروس
‏وفي الطايله مانْمالي
‏
‏دَمْ وسلايل عصب
‏حِلفٍ وفينا نِسَب
‏سِدنا وساد الرَّهب
‏والخثعمي راس مالي
‏
‏قالوا تخثعم بِدَم
‏ياكيف صُلب العظم
‏هَذُول رُوس وِمَعَمّْ
‏مافيهم أحدٍ موالي
‏
‏تمت وصلوا جميع
‏على النبي الشفيع
‏من هو لربه مطيع
‏سيد حروف المقالي