( مقتطفات من قصائد الحفل دليل الوفاء من أهل الوفاء )

لقد شرفوني وزملائي الأخوة الشعراء بدرر من قصائدهم المعبّرة عن مشاعرهم الجياشة كما اثنوا على راعي الحفل الشاعر الفاضل الحميدي بن نبات بن صنعا ونظراً لكثر ما القي من قصائد والكثير لم تسمح الفرصة بأخذ نسخ من قصائدهم فأنني أود نسخ مقاطع مما قالوا وقد لخصت ما يخص قولهم في الثناء على جهدي وسوف يشاهد الحفل كاملاً في قناة صدى وأعتذر من الزملاء وهذه بعض المقاطع :

وهذا قصيدة الشاعر متعب بن عيد الغضوري يثني على زميله عبدالله بن دهيمش العبار :
تـوه حضـر الـقـصـيـد وتو جوه صـفا *** وتـو شـّرد بـيـوتـه وقـتـن لـي هـنـا
وتو سرب الفرايد وسط جاشي لـفـا *** وتو وصلت جيوشه عقب جهد وعنا
وتونبض المشاعر من جروحه شفا *** وتـو يـوم التخـاذل والـتـراضي وانـا
يا قصيدي وقيلك ما حصل لـي كـفـا *** اطـلع اطـلـع وحـلـق مـن هنـا لا هنـا
دام عـيـني ورمشي لـك ظـلال ودفـا *** والضلـوع المحـاني لـك سياج وبـنـا
خل عندك اخلاص وخـل عندك وفـا *** حـان وقـتـك تـقـدم والـمـكـاسـب لـنـا
دام مثل الحميدي ما اعذرك وعـفـا *** خـل بـرقـك يـلـوح وبالسماء لـه سنـا
ابن صنعا يبيني تبين للوفي ما هفا *** واكـرم الـلي لقـومـه بالـمـعـارك ثـنـا
ابـو مشعـل سـراجـه لأ أبـد مـا طـفـا *** يـعتبـر للقبـيـلـة كـنـز واعـظـم غـنـا
كـل وقـتـه وجـهـده بـاذلـه مـا ايخفـا *** شال حمل لـو أنـه فـوق ضلع انحنـا
شاعر وبيت شعـره ينحتـه من صفـا *** فـوق زحـل وعطارد شّيـد اكبـر بـنـا
ما شكا من شموس ولا شكا من حفا *** مـن الثـرا للثـريا بـه طـموحـه عـنـا
عـن غـريمـه وضده مـا تراخا وعـفا *** غرس الغرس واثمر ثـم هاهو جـنـا
يشبـه المـزن ديـمـه استهـل وضـفـا *** جـعـل يـفـداه مـن هـو بالنمـايـم دنـا
يا ابن عبـار والـلـه من لجهـدك نـفـا *** مـا نصدق كلامـه لـو شتمـك وشـنـا
المـنـافـق عـلـومـه دون وجـه وقـفـا *** كـل مـا سـال سيلـه ينحجـر بـمحـنـا
لـك سجـل يشّـرف مـا لحـقـك بـجـفـا *** وكـل ناقـد شهد لك وكل راعي معنـا
مـالـك أي وصيف ولا خـلـفك خلـفـا *** فـي زمـانـك ووقـتن قبـل وقتـك فـنـا
مـا غـفا موق عينك يوم غيرك غـفـا *** يبطـن البيـض مثلك مـا يجيبن ضنـا
انـت والـعـز دايـم والـجـزال حـلـفـــا *** يـوم خـطـو الـزلايـب لـلهـزال زبـنـا
امـدحـك يـابـن عـمي والردي بمهفـا *** هل الجدعا عضودك كـل ربعي وانـا
انـت قـدرك بـجـاشي مـالـه أيـا ولفـا *** حـي فـعلـك وعـلمك حـي راس طـنـا
جـاء بنص الحديث بسيرة المصطفى *** ياجب انـي ابـيّـن لـك لـو انـت بغـنـا
انـت الأول وغيرك مـن بعدك وصفـا *** وانـت راعي الوسام اللي يعلق هنـا
أنت والمرجله من يـوم جـيـت حـلفـا *** آدمـي خـلـق الـلـه بـكـل اعـتـنـــــــا
ابن صنعـا احتفتابك والقصيـد احتفـا *** والمشاعـر تجاهك تنشد اجمل غـنـا
يالمعـنـا قـصيـدي مـا وقـف واكـتـفـا *** حيـل طـرقـه تجاهك مـا وقف وانثنا
جـنـك بـيـوت نظـمـه بـالشـداد اردفـا *** كـلهـن وجهـن لـك زرفـلـه واعـونـا
يا رمـوز القـبـيـلـه دون سـر وخـفـا *** اكرموا ودعموه ما انتم عيال أجـبـنـا
الشعـر كـالمعـارك كـان عـجـه سـفـا *** وقفتك يا أبو مشعل من أجلنـا ولـنـا
يا ابن عبار قـدرك وسط جاشي رفـا *** يشهـد الـلـه وخلقـه مـالـه أي وزنـا
بـمنهـجـك يا عـلمـنـا نـستـدل عـرفـا *** وسيـرتـك يـا فـخـرنـا للنشـامـا مـنـا
المـراجـل نصنـك مسرعـات اصفـفـا *** رافـقـنـك وصـرتـم بـالصـعـود قـرنـا
انت رجل شريف ومـن رجـال شرفـا *** جـعـل عـود نـجـبـك فـي نعيم وهـنـا
افتخـر بـك وافـاخـر والجموع وقـفـا *** كـان جـت ساعـة فيـهـا حـيـاة وفـنـا
انـت والسيف الأملح يالـعديم اكـتـفـا *** لك وجاهن وجاهن بـه كفلت اسجنـا
انـت بـاحـث مـؤرخ عـادل مـنـصـفـا *** يعلـم الـلـه مثل شعرك ما مر ارضنا
انـت مـنـقـذ مـفـادي محسن مسعـفـا *** وانـت وقـت المناحـا تعـتبـر مـزبـنـا
وانـت لـك الـسـلام الـوايـلـي يـعـزفـا *** وانـت مـال القصيد لحضرتك وانثنـا
الورق يا أبو مشعـل والقـلـم يرعـفـا *** مـا يـوفـيـك ريـع الـلـي بـذلـتـه لـنـا
واعـتبر كـل شاعـر لا مـدحـك انصفا *** رغـم جهده وصبره والتعـب والهنـا

ومن قصيده لشاعر الوادي مرزوق ضويحي الشراري يقول :

الـغـانـم الـلـي كـرّمـك يـا ابـن عــبــار *** لازم نـلـبـي دعـوتـه وانـحـضـرهـا
حـيـثـك فـخـر لعـيـال وايـل هـل الكـار *** ومـن كـّرمـك يـمـنـاه نالت فخـرهـا
شـاعـر وكـرّم مـعـك بـالحـفـل شـعّـار *** نـوادر بـالـطـيـب عـنـدي خـبـرهــا
اهـل الـوفـاء ولـهـم مـكـانـاتـاً اكـبـار *** وان عــدو الـشـعـار كـلـن ذكــرهــا
دواهـي تـوصـف عـلى زرق الأبـحـار *** الـلـي تـسـرك يـوم تـضهـر دررهـا
تـزع جـذور الـحـب بـنـفـوس الأبـرار *** وعـن زلـة الجهال تغضي نضرهـا
ولا تـظـلـم المسـلـم ولا تـشعـل الـنـار *** وتطـفي شـرار المعتدي من بحرها
وأن هاجت الأمواج من ريح الإعصار *** امـواجـهـا تكـبـر ويكبـر خـطـرهـا
خـط الـدفـاع عـن القبـيـلـة كـالأسوار *** ومـن رازهـم هاب الجبال ووعرها
وانـتـه علومـك غـانمـه يابن الأخيـار *** ومنـاهـجـك كسبـت فـي مـتـجـرهـا
حـطيـت بـالـتـاريـخ صفحـاتـن اكـثـار *** دلايــلــن مــاعــاد يـمـحـا اثــرهــا
ثـبـتـهـا لـربعـك عـلى سـاس وجـدار *** ولـو رازهـا زيـف الزمن ما كسرها
شـاعـر بحـر مـا تنتوصف بالأشعـار *** وحكمـة قصيدك حكمتن من اعبرها
وفيك الوفـاء والطيـب يـذكـر وينـدار *** وفعـل المراجل سقت غالي مهـرهـا
اتـعـبـت نـفسك بـيـن مـارد ومصـدار *** وشربت من بحـر العـلوم ومهـرهـا
وجـمـعـت للتـاريخ بقـطوف الأزهـار *** وجـهـودكـم تـشكـر وكـلـن شكـرهـا
وكـلامـك احـلا مـن حـليـات الأثـمـار *** الـلي قـراح الـبـيـر يسـقي شجـرهـا
ولا كــمــا درّت مـزاهـيـف وأبـكـــار *** وضـح تـقـطّـف بالمـحـايـر زهـرهـا
مثل المزون الغـر في وقـت الأمطـار *** واليـا قـربـت لـك تبتحل من صورها

ومن قصيدة شاعر قبيلة بلي الشاعر فهيد بن صالح بن سليمان الحمري البلوي الأبيات التاليه :

واليـوم تسلـم يا نسل عـطـر الأذكـار *** كـرّمـت ربـعـاً يـكـسبـون الـنـفـيـلـه
كـرّمـت شـّعـاراً ويـا حـي شـعّــــــار *** شعـر وكـرم واكـرام خلـق وخصيلـه
الأول الـمـشـهـور مـن نـسـل عــبـار *** عـبـدالـلـه الـلي مـن نـوادر قـبـيـلـه
شـاعـر وأديـب وللجـزيـلات يـخـتـار *** انـا اشهـد انـه لـه مـواقـف مهـيـلـه

ومن قصيدة سعود عويد الجعفري نقتطف :

الأول الـلـي غـاص فـي قـامـوسـهــا *** صـفى سـبـايـكـهـا وكـب نـحـاسـهـا
عـبـدالـلـه العـبـار حـبس حبـوسـهـا *** عـن كـل فـيـروس يـدمــر سـاسـهـا
لـن السنـون الـيـا دخـلهـا سـوسـهـا *** تطيح مـن روس الـرجـال ضراسها
هـو حـرزهـا هـو فـرزهـا ديبـوسهـا *** فـي وصـلهـا وافـعالـها واحساسها
وان دق بـحـمـاهـا خـبـر نـاقـوسهـا *** عـبـرود نـار وثـورت دربـاسـهــــا
عـدن روي الـيـا نشفـن رسـوسـهـا *** صمن صخرها مـا تخـاف ارجاسها

ونقتطف هذه الأبيات من قصيدة أحد الشعراء لم يسجّل أسمه على النسخة :

عـبــدالـلـه الـعــبـار راسـه شـامــخ *** نـسـابـتـنـا والـقـول مـا نـوحـي بـه
فــخــر تــفـاخـر بـه قـبــايــل وايــل *** شـرق وشمـال وغـرب مـع تجنيبه
لـم الـشـتـات ونـبـّه الـلـي غـافـــــل *** والـلـي بـقـلـبـه شـك ولا ريـبــــــه
تـاريـخ وايـل وثـقـه بـكـتـابــــــــــه *** وابـن النسب وصـّى عـلـى تنسيبـه
نـشـكـر ونـذكـر كـل ابـونـا جـهـوده *** وقــتــه ومـالـه مـاحـسب تحسيبـه
أبـو مـشـعـل لا هــان راس جـابـــه *** مـنـه الـعـدو كـان اعتـدى واشـيبـه

ومن قصيدة للشاعر نايف بن علي الجعفري هذا المقطع :

ابــن عــبـار لـلـعـلا والــعــز شــاد *** الـذرى اللي حيد من ركن الركون
مـن دافـع عـن لابـتـه نـال الـمــراد *** نـال مجـد وحقق المجـد ويصون
ابـو مـشـعـل مـا عـلـيـه أي انـتـقـاد *** ذاد عــن مـجـد تـلـيـد لـه قـرون
الـشـكـر مـوصـول لـه بـالأجـتـهــاد *** كـل نـوادر لابـتـه لـه يـشكــرون
عـنـزه يـا حــر يــا طــيــر الــهــداد *** كـل عـنـزه فـيـك والـلـه يعتزون

وهذا مقطع من قصيدة الشاعر نزال محمد الجعفري :

عبدالله الـلي يزيـن الشعـر بحضوره *** مـواقـفـه للقبـيـلـه مـا نـسـينـاهـا
شـاعـر قـبيلـه مؤرخ قـام في دوره *** ومـؤلـفـاتـه عـن التشكيك نـقّـاهـا
رجل مساعيه محسوسه ومنظوره *** والناس قالوا صعب كسب ارضاها

وهذا مقطع من قصيدة للشاعر عواد بن جازي العنزي يقول :

كـل الثـلاثـه مـابهـم شـك وقـصـور *** قـصـيـدهـم مـثـل الـبـحـر بلتطامـه
اولـهـم الـلي للـقبـيلـه كـمـا السـور *** اعـطـا عـنـزه اكبـر واجل اهتمامه
عـبـدالـلـه العـبـار شاعـر ومشهور *** فـرض عـلى كـل الرجال احترامـه

وهذا مقطع من قصيدة الشاعر ركاد حمد الميهوبي :

دعـيـتـنـا لحـفـلـت رجـال الـشـكـالـه *** خـلـف وخـلـف كـلـهـم وابـن عـبـار
الـكـل مـنـهـم ودنـا فـي قـبـالــــــــه *** يـحـبـهـم قـلـبـي عـلـى زيـن الأذكـار
ولـشـعـر كـلـه مـاخـذيـن وكـالــــــه *** والكـل منهـم مـلـهـم الشعـر بـيـطـار
والـكـل مـنـهـم ذروة الـمـجـد نــالــه *** مـواكـر الأحـرار يطـلـع بـهـا احـرار

وهذا مقطع من قصيدة الشاعر بكر بن زبن العنزي :

مـدح ابـن عـبـار نـعـلـن بـه اعـلانــا *** راعـي الفـزعـات نـبـراس الحـمـيـه
يـوم ابـن عـبـار مـن داره نـصـانــــا *** انــتــقــدّم بــالــســلام وبـالـتــحـيــه
انـتـفـاخـر فـي قـدومـه يـوم جـانــــا *** شوفـتـه عـيـدن مثـل عـيـد الضحيـه
شـاعـر الـويـلان شـرّف مـلـتـقـانـــا *** عـاش عـبـدالـلـه سـنـد لـلـوايـلـيـــه
بـالـقـبـيـلـه لـه وجـود ولـه مـكـانــا *** قـام فـي مـجـهـود بـعـزوم قــويـــــه
اصـدر الـتـاريـخ عـنـهـا بـالـبـيـانــا *** فـي كـتـاب انـسـاب واضـح للسمـيـه
وان تـحـرّك شـاعـرن يـبي ايهجانـا *** عـلـمـه بـعـلـومـهـا واخـلـف نـويــه
الـف شـكـر يـا سـنـدنـا ويـا ذرانـــا *** يـا حـّلال عـقـود صـعـبـات القـضـيـه
يـا سـلايـل قـوم يـرخـون الـعـنـانـا *** يـوم غـزوات الـعـصـور الـجـاهـلـيـه
لابـة الـفـدعـان فـعـلـه مـا خـفـانــا *** يـتـبـعـون الـشـيـخ مـقـدام الـسـريــه
مـقـحـم بـن مهيـد زيـزوم كـبـرانـا *** الـلي يصـوّت بـالعـشا وقـت العـشـيـه
والسموحه منـك عـن شي ايخفانـا *** تـسـتـحـق الـمـدح واكـرام وهـديــــه

ومن قصيدة للشاعر تركي النومسي يقول :

عـبـدالـلـه الـعـبـار سـجــل عــنــدك *** الـشـاعـر الـلـي كـل حـمـل شـالـــه
شـاعـر بـنـي وايـل بـدون مـنـافـس *** لا جـاء بـديـوان الـعـرب فـلالــــــه
ونـسـابـتن مـواقـفـه مـا تـجـهـــــل *** والـلـي يـقـف وايـجـابـهـه يـرثـالــه
الـيـا بـدع مـن شـاردات افـكــــــاره *** تـجـي عـنـاقـيـد الـذهـب مـنـهـالــه