الشيخ الـلي وقت الـلزم يـدحم البـاب *** ولـه كـلمـه اليـا راح عنـد الـوزاره
وعلمه ينومس عند ربعه والأجنـاب *** ويـفـزع حـمـيـه مـا يـقــدّم اعـــذاره
ولـه فـزعـة تـفـرح بها كـل الأحباب *** والـيـا لـبـس بـشتـه يـصـّدر قـراره
يا شيوخنا قولوا لنا ويش الأسبـاب *** مجـد عنزه مشهور في كـل غـاره
هـو كيف وايـل بينكم سبب اعـتـاب *** تشكون أبـن عـبـار عـنـد الأمـاره
وايـل تـرى وايـل الـيـا كـلح الـنـاب *** جـد الـقـبـيـلـه مـا تـغـيّـر مـسـاره
مادام أبو مشعل درس علم الأنساب *** والعـلـم لـيـلـه مـا يغـطي نـهـاره
لا تفرح عـدوان القبيلـه والأغـراب *** وبـدايـة الـفـتـنـه تـراهـا شـراره

صح السان الشيخ مهجع بن خضير الحسني على هذه الابيات العذبه والشعر رساله وأمانه وأبن خضير قال الامانه ووصل الرساله والحقيقه مثل الشمس لايطليها ضباب


ومن قـال أبن قاسط لـنـا جـد كـذّاب *** حـنـا عنـزه مـا جــدنـا بـالأعـاره
حـنـا نـعتـز بجـدنـا عـبـر الأحـقـاب *** وايـل عـنـزه مـا رضـينـا بغيـاره
الـجـد مـاهـو سـلـعـة عـنـد جــلاّب *** ولا تاجـد الـلي يصنّفـه بأختيـاره
الجـد ثـابـت مـن مـواريـث شـيّـاب *** والـزرع يجنا من غـرايس بـذاره
قـلـتـه وأنـا يـالـقـرم لـلحـق طّـلاّب *** والحق واضح مثل ضوح المناره
عن الزمل عدي على راس مرقاب *** ولا خـيـر بالـلي مـا بعينه نـمـاره
واللي كلامه صدق ما أظـن يرتـاب *** ما أشكل عليه اللي يجمّع أنصاره
وعندك خبر مـا يبلغ القصد نصّاب *** الـلـي عـنـزه يـحـطـهـا بالحـقـاره
من حرّف التاريخ يا مسندي خـاب *** تـاه الـدلـيـل وضـيـعـه مستشـاره

صح السان ابو مشعل على الرد ولاهي غريبه الجزاله من شاعر عنزه