رابطة عشائر عنزة بالعراق - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

04-04-2012, 09:21 AM

( رابطة عشائر عنزة بالعراق )

نحن نعتز ونفتخر في كل من يهدف إلى جمع شمل القبيلة في كل مكان لأن القبيلة عيال جد ما يفرقها حد وقد سرنا تأسيس رابطة لعشائر عنزة في العراق وبرز اسم القبيلة وسجّل بالمستندات بعد أن كانوا عشائرها وبطونها داخل البعض منها في قبائل أخرى والبعض متحضر في المدن حيث قاموا مجموعة من المخلصين من أبناء عنزة بتشكيل لجان تتأكد من نسب كل عشيرة وأسسوا رابطة تحت اسم رابطة عشائر عنزة بمباركة من الشيخ متعب بن محروت بن فهد الهذال شيخ مشائخ عنزة حفظه الله وعيّن أمين للرابطة الشيخ سعد بن عباس بن عبدالله الفدعاني وبهذه المناسبة قلت هذه القصيدة أثني على الشيخ متعب بن محروت الهذال شيخ مشائخ عنزة والشيخ سعد بن عباس أمين الرابطة وأتقدّم بالشكر لكل من ساهم في أنشاء وتأسيس هذه الرابطة الفتية :

أبـدي كـلامي بالـولي مـبـدع الكـون *** هـو الكـريـم الـلي الـمـلأ يطـلبـونـه
كـل الـعـبـاد لـمـالـك الملـك يرجـون *** يرجـون عـفـوه والفـرج يحتـرونـه
وبعد ذكر الـلـه باح بالصدر مكنون *** من خاطري والبـال هاضت شجونه
وسجلت قـاف مكمـل اللفـظ موزون *** يمـليـه فـكـري مـن روايـع فـنـونـه
أمـدح جنـاب الشيخ والناس يـدرون *** علـم الفخـر والمجـد مـا يجحدونـه
هــذال جــدّه شـاخ لـه عــدة قــرون *** شيـخ المشايـخ عـزوتـه يتـبعـونـه
يوم القبايـل بـيـن طاعـن ومطـعـون *** كـم راس فارس طوحه عن متونـه
أفخـر بأخـو بـتـلا وأنـا منـه ممنـون *** عسى الولي من كل عايق يصونـه
متعـب سليل المجـد مـا يقبل الهـون *** شبحـه بعـيـد ولا رضي بالمهونـه
مـتـعـب مـن الـلي للقـبـيلـه يـعـزّون *** وكـل عـنـزة ربعـه سنـاده وعـونـه
وعـنـده رجـال بـالـولاء لـه يدينـون *** يمشـون فـي رايـه ولا يخـالـفـونـه
من روس لابـة بالمـواثيـق يـوفـون *** شروى سعـد ما منهم الـلي يخونـه
سعـد أبن عـبّـاس بالطيـب مبخـون *** بفعـل الكـرم والمـرجلـه يمـدحـونـه
شيخ عـلـيـه الـربع بالشكر يـثـنـون *** عـلى الـفـعــول الطـيـبـه يشكرونـه
سعـد أميـن وصادق العـهـد مامـون *** مخلص ونـفسـه للـرفـاقـه حـنـونـه
خـلا عـنـزة عقب الشتات يتصافون *** بالجد الأقصى عقب مـا حيـل دونـه
للـرابطـة صاغـوا مـبـادي وقـانـون *** لأجـل القبـيـلـه شمـلهـا يجـمعـونـه
الـلي انتسب للـرابطـة فـوق مليـون *** ومن شذ عن ربعـه تـزاود اغبونـه
نـفخـر بالـلي مسعاه للربـع مظمون *** ربـعـه عـلى حـل المشاكل يـجـونـه
ونعـتـز بالـلي مـن الرجال يتحامون *** من أجـل مجـد جـدودهـم يبعـثـونـه
ولا الردي لـو كان من نسل هـارون *** يـنـزل مقـامـه والعـرب يسمجـونـه
ما نطاوع اللي لشمل عنـاز يشظون *** الـلي هـدفـهـم جـمـعـنـا يـفـرقـونـه
الشمـل يشظـونـه هـلابيج وعـفـون *** الـلي الـقـرابـه واجـبـه يسهـجـونـه
بعض الرخوم المجتهـد لـه يسبـون *** يصعـب عـليهـم مسلكـه يوصلـونـه
أهـل الفضيلـه فـي جهـوده يشيدون *** وأهـل القـلـوب الحـاقـده يشمتـونـه
عـلى النسب صبـيـان وايـل يعـيـون *** والـجـد كـانـه مـنـتـحـل مـا يـبـونـه
لومي عـلى الـلي ينتفخ تقـل بالـون *** اللستـك الـلي بالـهـوى يـنـفـخـونـه
عـلـيـه عـوجـان المشـاور يشيرون *** عـلـى اتـجـاه اهـدافـهـم يـبـرمـونـه
يسـمـع كـلام الـلي بـربعـه يـنـمـون *** والحـق الأبـلـج مـا تشوفـه عيـونـه
وش مقصد الـلي للدعايـه يطيعـون *** والـلي كـلامـه صـدق مـا يسمعونـه
لا جـاهـم الـلي بالـدعايات مـفـتـون *** يـصـدح بـهـرج الـزور ويصدقـونـه
ومن ينخدع في طهبلت كـل ملسون *** اللي عـلى الأقـراب تضرس سنونه
الظلـم جـرم وغامـط الحـق ملـعـون *** والمـفـتـري كـل البـشـر يـلـعـنـونـه