شــــيوخ عنزه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

02-04-2012, 11:18 PM

ياشيوخ عنزه وقفوا وقفـت الزيـر**الأشجعي ( بـدون ) يبـي بطاقـه

عادات اهلكم ينطحـون الطوابيـر**بـدوي ضـاع وضيعنـه نيـاقـه

أول حياتـه بالـبـداوه مشـاويـر**وراء الكلاء بالبـر يتبـع أرزاقـه

مستانسً بالـذود صفـر ومغاتيـر**اغلاء من عيالـه عشقهـا عشاقـه

ومات الحلال وعيشته بالمصاخيـر**والثوب مشقوقً على طرف ساقـه

الوضع واضح دون شرحً وتذكيـر**عن بنـي عمـه فـارقٌ بأنفراقـه

أسمه ظهر ( بدون) صار اللقب غير**مثل الشلل اللي في الجسـم عاقـه

ياشيوخ عنزه يا الشيوخ المناعيـر**من ربعكم ماهـو معاكـم الحاقـه

الأصل وايل ما دخل فيـه تزويـر**معـرب الجديـن طيـب وعراقـه

لاهم صعيد ولابهم عـرق بالديـر**ولا جم من خلف البحـر بأنطلاقـه

أسعوا عسى في سعيكم يأتي الخيـر**يجي الفرج عقب النكـد والضياقـه

يرزقهم اللي يرزق الداب والطيـر**تفضي عليهم عقب صكت احلاقـه

عسى الخبر يوصل زبون المخاسير**عبد الله اللـي حلهـا فـي نطاقـه

ويا شيوخ عنزه يا الشيوخ المشاهير**يأهل المواقـف والكـرم واللباقـه

ماضيكم مشرف بعصـر البواتيـر**يوم العرب تنشـف بحلقـه أرياقـه

يوم السلف والخيل قـدم المظاهيـر**أذوادكم ترعـى هيـت بأنطلاقـه

توسطو بالوضـع وقفـه وتبصيـر**كل اشجعي قلبـه تزايـد أحراقـه

رجلً بدون أرشاء ما يـورد البيـر**(والبيـت مايـذري بليـا أرواقـه)

ولولا الحمياء ما كتبـت الاساطيـر**وعيال وائل مدحهـم بهـم ملاقـه

عبرت مافـي خاطـري بالتعابيـر**صلبه في الموضوع داخـل نطاقـه