الأخ طالب الونيس حيّاك الله القصيدة ضمن ما يحتوي عليه كتابي ( المجموعة الكاملة لقطوف الأزهار ) وهو كتاب متخصص بقصص وقصائد رجال قدامى من عنزة وقد نشرتها في طبعاته المتكررة وهي للشاعر عياد المدغم الخمعلي العنزي بالصيغة التالية :


قال عياد المدغم هذه القصيدة يتوجد على جاره أبو جملا من أهـل قرية الغزالة في منطقة حايل فيقول :
أوي فنجـال عـلى الكبـد مـا أحـلاك *** أهـل صـبـوبـك عــارفـيـن قـــدارك
لـو أن أبو جملا على أولـك وأتلاك * ** عـز الـلـه أنـه هـو كمـالـك وكـارك
يا ما ويا ما يا أبـو جملا أنتظرنـاك *** أبـطيـت عـنـا حيـث طـال انتظـارك
أن غبت ليل قـلت يا ليل مـا أبطـاك *** وأن جاء نهار قـلت ما أبطأ نهارك
لـو بـك شكيـه كـان حـنـا وصلـنـاك *** ولـو أنـت عاجـز كـان جينـا لدارك
الـلي تـبـيـه وكـل مـا جـيـت حيّـاك *** عنـده شرف قـدرك وعـنـده وقـارك
الـلي إلى ضكك من الوقـت ضكـاك *** أمـا عــطـاك الشـور ولا أستشـارك
هــذاك عـنـه الـبـعـد لا بـد يـنحـاك *** يــبعـد نـحـاه ولا تجـي لـه أخـبـارك
واللي عمى عينك وهزمك الياجاك *** دايــم يـفـرك مـقـعــده عـنــد نــارك
في قعـر بـيتـك ويـن ما ملت لاقاك *** عـينـه وراك وكل ما أخملت عـارك
وقال حمود العبيد الأسعدي راعي بقعا مجاراه لقصيدة الشاعر عياد المدغم
الخمعلي العنزي :
أوي فـنـجـال بـصـبـح عـمـلـنـــــاك *** ما صك بابك دون ضيفك وجـارك
عشرين حوزمن الضياحي عطيناك *** مـع زايـد الطـبخـه نـكـثـر بهـارك
لـولا أن عيـادٍ عـلى غـيـره اعـمـاك *** يوم اعرضت ما ينترك لي وقارك
يـا عـنـك مـابـك لـذة لـو شـربـنــاك *** لا صار ما الغالي على جال نـارك
الـلي تـود ويـطـرب الـبـال لا جــاك *** لازم يـنـزحـه الـولـي عـن ديـارك
واللي عمى عينك وهزمه اليا جـاك *** هـذاك عـده لـبـنـتـه مـن جـــدارك
مـامـن رحيـل اليـا جـفيتـه وعـاداك *** أمـا عـلـى يـمـنـاك ولا يـســــارك


* وقال الشاعـر عشوي بن سعين الحسني (الأديب) هذه القصيدة يسند على الشيخ محروت بن فهد الهذال شيخ مشائخ قبائل عنزة :

أوي فنجـال عـلى الكبـد مـا أطيـبـك *** أهـل صـبـوبـك عـارفـيـن قـــدارك
لونك يشادي الورس مع زين رايبك *** مع الحلا يـا طيـب نطعـت حمارك
لا قـام خـطـات الـولـيـدة يـحـاضبـك *** ما يسهي مادامه عـلى جـال نـارك
ما واحـدٍ من حمست البـن عـذربـك *** حـافـك غـلام بـالـعـجـل يـوم دارك
يا أبو زبن شربه على العـز يطربك *** وجمع الجماعة هي طريفة بهارك
لا صـار صـافيـن الحـديـده قـرايبـك *** بطـرافهـم مـا يلحـق الظيـم جـارك
الـلي بسببهـم زايـد النـفس هـايبـك *** تقصـر اخـطاه وزود جريـه تبـارك
ربـع عـلـى الـقـالات أبشـر بغـايبـك *** الـلي عـلـى يـمنـاك والـلي يسـارك
تأخـذ بهـم حقك عـلى غيـر صايبـك *** وكـلٍ يـراعـي خـاطـرك كـان زارك
وأفطن تـرى عيب الجماعـة يعيّبـك *** يغـدي حقوقك وأنت عمرك تـدارك
أن طابوا رجالك تـرى طـال شاربـك *** وأن خابـوا الأدنين يذهـب وقـارك
وعـزي لحالك كـان خربـن جنـايبـك *** وكـان النـقيـلي طبهـم هـو دمـارك
يـا قلب وش اللي مع الناس عـذبـك *** عـذبـتـني وأسقـيتـني مـن مـرارك
دلـي تـعـاقـب بـك ودلـي تـجــاذبــك *** مثـل القليب اللي محوصه تشارك
عـلى خطات المنشطـة يـوم تـنهبـك *** الحوض مخـلي والظوامي تعـارك
حـذراك لا تـمـشـي بـدرب مـجـنـبـك *** اليا صـار ما يطلع على باب دارك