وهنا أورد قصائد للشاعر هايل على الأشجعي وفي قصائده يؤكد على مشيخة الشعلان على الجلاس ويذكر وحدة الجلاس ويضرب مثلا لمشيخة نواف العتيدة .: وشهادة هذا الرجل وغيره من ابناء الاشاجعة هي أوثق من أي شهادة أخرى .

أقول :
ومن شعراءهم المعروفين أيضا الشاعر هايل علي الأشجعي ومن قصائده
مرثيته بالشيخ أورنس بن شعلان رحمه الله وفيها يقول :

هذا الذي شيوخ القبايل تداراه ،،، وهذا الذي له بالمراجل فعايل
وهذا الذي حاش المراجل بيمناه ،،، بسيف الأملح فوق قب سلايل
وهذا الذي محد يقرب على حماه ،،، وياما عطا من جاه خيل أصايل
شيخ شجاع ولا يوصف بحلياه ،،، ورنس بن الشعلان واف الخصايل
رقى سنام المجد لو طال مرقاه ،،، ياما وصل بالمرجلة كل طايل
كم ليلة ظلما بها طال مسراه ،،، سهيل والجدي الشمالي دلايل
وليازعل بالكون يمشي على عداه ،،، يمشي على الموت الحمر مايسايل
زيزومها لا صار يوم الملاقاه ،،، ياحل ضرب مخلصات الفتايل
مرحوم ياشيخ عزيز فقدناه ،،، شيخ الشيوخ الي يشيل الثقايل
عسى الولي في جنة الخلد يجزاه ،،، بجهاه من ينشي حقوق المخايل
أورنس مات وحي مامات طرياه ،،، وتعزمنه رويل وعيال وايل
عقب شيوخ بالشجاعة مضراة ،،، عياله اللي يكسبون النفايل
هم العوض يوم أخو وشحا فقدناه ،،، مثل الحرار ولا بهم قول قايل
عبد الله يمدحه كل من جاه ،،، امداد جوده للنشاما جزايل
نعم بابن شعلان وان حل طرياه ،،، شيوخ الجلاس اللي عليه الصمايل
تاريخهم ماينحصي لو كتبناه ،،، ابطال من عصر الجدود الأوايل
وصلوا عدد ماهل مزن نثرناه ،،، واعداد ماخط القلم بالسجايل
على الرسول اللي على الحق مبداه ،،، وشفيعنا المبعوث راعي الفضايل
وهو من الشعراء المجيدين وله الكثير من القصايد المنشورة .
ومن جميل قصائده ايضا يقول :

مديت أنا الدربيل في عصر الإنثين ،،، بالمرتفع لأرض باد سرابها
وغير التلول السود ماشفت أنا شين ،،، محمية ببيت الشعر ماقربها
دار الخلا ياناس ياشينها شين ،،، من قلة السكان ربي ذربها
يادار وين اللي سكن بك من سنين ،،، هل الجهام وخيليها مع جنبها
ببيوتهم للكيف تلقى دياوين ،،، ونجر يصوت للمسير ندبها
مايكرهون الضيف لو هم مقلين ،،، طبيعة رب الخلايق وهبها
وان صاح صياح الضحى والخبر شين ،،، قال المعادي غار والبل نهبها
البل خذوها من على الخيل عازين ،،، واقفت كما سحب تقطع هدبها
والحقوا هل البل من سطرهم مغلين ،،، فوق المهار اللي سريع طلبها
وتناطحوا يوم شافت العين للعين ،،، في ساعة نار المشوك لهبها
كلن يبي من صاحبه يوفي الدين ،،، وكل يريد الطايلة وان كسبها
عقيلهم بالهوش مثل المجانيين ،،، صعول الرجال اللي تخلص منشبها
وان قيل منهم قلت ربع مسمين ،،، عيال الجلاس اللي رفيع نسبها
بعصورهم سادوا وسواة السلاطين ،،، وديارهم بالسيف محد قربها
عيال زايد من قديم عزيزين ،،،وافعالهم محد بقيله حسبها
واليوم كنا لعلمهم ماحصل شين ،،، دنياك هذي عجبتا من عجبها

ومن جميل قصائدة أيضا والتي تسمى نثور الوبل يتحسر على حياة البداوة والصفاء في الزمن الجميل يقول أبو بشير :
البدو لو شان الدهر دوم صبا ،،، رجالهم من قلة المال ماخاف
تلقى ملافيهم بها البن وابهار ،،، وذباحة للحيل للضيف ياضاف
ببيوتهم تلقى المعزة ومقدار ،،، لضيوفهم حلوين ونفوسها خفاف
هم الذي باقين ترثة هل الكار ،،، ولا الحضارة وضعها اليوم ينعاف
عسى عليهم دايم الوبل نثار ،،، وترجع سنين الخير لهم بالأرياف
تشوف ورود العشب من كل الأزهار،،، يرعون عشب من الشتا حت الأصياف
وتخسر جميع اللي على البدو تجار،،، اللي مهنتهم بس بيع للأعلاف
ربك قدير يبدل العسر للأيسار ،،،ويفقر زناقيل تبجح بالأسراف
هذي طبوع الليالي والأدوار ،،، وينبيك عن ماضي زمانك من اسلاف
وين الذي ركبوا على قب الأمهار،،، وسلاحهم سيف مع الرمح وشلاف
ماتقل غاروا فوقهن والدخن ثار ،،، وحس البنادق بينهم يرجف ارجاف
حماية التالين بالموقف الحار ،،، في ساعة فيها احمر الدم ينشاف
اليوم مابقا لهم غير الأذكار ،،، أقفت هل الشومات وعصورها طاف
واليوم وضع الناس بالحيل منهار،،، محد يقول الحقيقة والأنصاف
من زاد ماله صار شيخ ومختار ،،، يزمر عد أنه من مواريث نواف
لو هو خبيث وطبعه انجس من الفار،،، يصير بعيون الملا زين الأوصاف

ويقول الشاعر نايف رحيل العنزي قصيدة ترحيبية بالأشاجعة والشيخ مناحي المجلاد الذين زاروه في دياره ويثني عليهم وعلى عموم الرولة .
غنى السعد بحضور ربع عزيزين ،،، وعمى الفرح سكان بيضا نثايل
واستبشرت قلوب ربع مسمين ،،، واتهيض الخاطر وقال المثايل
ياناس دلوني على المنطق الزين ،،، من شان ارحب في كرام الخصايل
يامرحبا ترحيبة تبهج العين ،،، بأهل الوفا والطيب نسل الحمايل
يامرحبا بقدوم ربع رفيعين ،،، مترفعين عن الدنس والخمايل
بالطيب والمعروف دوم معروفين ،،، يوم النشاما عايزين وقلايل
نشهد لهم ونقر حنا الشباعين ،،، ونرفع لهم بيضا ضروس الطوايل
بطيبهم عز الله أنا مقرين ،،، ولا يجحد المعروف غير الهبايل
بحدود قرن وعدنا داخل العين ،،، ماهل ليالي ولا شهور قلايل
صاروا لا اخوان بالعسر واللين ،،، وشياهنا تسقى بحمو القوايل
مضمة غنمنا ساعة اربع سنين ،،، من طيب كساب الثنا والجمايل
ماهي غريبة عادة للقديمين ،،، متعلمين من الجدود الأوايل
يستاهلون النعم ماهي تخامين ،،، بيوتهم للقول تلقى دلايل
نعم بهم لا جت جموع المعادين ،،، وحل الطراد وفرعنا الحلايل
نعم بهم لا شان حس المثارين ،،، وعج الغبار وزاد حس الصقايل
نعم بهم لا بان فعل الرديين ،،، واستلحقوا للشلف عقب الفتايل
يردون حوض الموت ماهم مجاجين،،، وان عميت الأبصار والدم سايل
أشاجعة هاك الرجال الصخيين ،،، ريف الضعيف ومقحمين الدبايل
تاريخهم سجل لهم بالدواوين ،،، مجد مميز بين كل القبايل
ونعم بابن مجلاد نشل الشجيعين ،،، حلال عسرات العقد والمحايل
مناحي المجلاد زبن المخلين ،،،، يقلط على الموت الحمر مايسايل
من لابة يوم اللقا والأكاوين ،،،، كم أيتموا بالسيف الأملح عوايل
دهامشة يوم الشلافي لهن حين ،،، كم فارس فارس حطوا عليه النثايل
نعم باهل العليا سطام المغيرين ،،، لا يانقضن البيض شقر الجدايل
ماهمهم لو جمع الجمع جميعين ،،، من فعلهم كم قصر شيخ متهايل
نعم بهم يوم اللقا بالميادين ،،، نعتز يوم قالوا صناديد وايل
عاداتهم بصعود يوم اللقا شين ،،، غاراتهم تبري القلوب الغلايل
ملكا دهم يشبع سباع المجيعين ،،، وارماحهم معدية كل صايل
كم طامع فيهم غزا مالقا شين ،،، غير السيوف المرهفات الصقايل
اختامها دورت للمنطق الزين ،،، وعجز اللسان يقول نصف الفضايل