بسم الله الرحمن الرحيم
في احد الايام جانا ضيف من السعودية من محافظة القريات (هايل بن عبدالله المغشي القحطاني)وهو قريب لنا
فصار اختلاف بينه وبين بعض الناس دون ذكر اسماء
والجميع عارف سنوم العرب وقوانينها (الضيف والدخيل ماينعطون ولا يرخصون لو تطيح رقابنا والله)
وانا لي اربعة من الاخوة (مجول منهل محمد عبدالله)وانا خامسهم والوالد الله يطول بعمره ويحفظه
فصارت مشادات بيننا وبين ذول الجماعة ووصلت بيننا للموت وضرب الرصاص
ولا رجعنا عن سنومنا
واللي يعطي ضيفه ماله مجلس بين الرجال
فقلت هذي القصيدة انخي فيها اخوتي وولد عمي (نبيل صفوك المصلح المشعل العنزي ابو صفوك)
واقول فيها لكم طول العمر:

حياالله المنايا ان اقبلت من فوق

حنى اهل المنايا نعجلها ونخاويها

لناراية عند لامع البروق

المرجلة قرطاسها وبالدم نحنيها

فزعة رجاجيل مابها عوق

النخوة سرحان والصيحة نعليها

خمسة نشامة يفكون الطوق

من در سرحان توسمت باساميها

واحيي راعي الاولة ابو صفوك

عضيدربعه النخوة مايخليها

نرقى من العاليات السبعة الطبوق

مراكز اهلنا وبالعز نحاميها

ولنا سنوما قاضيات بالحقوق

نزبن الزابن والصعاب نقضيها

ونحشم الضيف عن اهل البوق

هذي فريضة على ارواحنا نبديها

نكزله ذراعنا ونسيح العروق

نلبس ثوب الدم والروس ناطيها

هايل بن عبدالله لكل هية سبوق

من ساس قحطان الناقصة مايدانيها

حنى جناحنا على مد السما مطلوق

نطلب السمينة ونقنص حباريها